|
|
|
 Re: البشير: في حوار مع ال NBC الامريكيه -- النازحين 600 الف فقط و ليس 2 مليون نازح (Re: Mahjob Abdalla)
|
| Quote: شايف الزول التاني ده اسمو اتسود مالو ... |
من فعايلو, الجرقاس الخناس اب زينا ضحا, يا سلطان السلاطين شاو دورشيد
قبل شهر بس من اعلان اسمو فى القايمة السودا, اتحكر فى مؤتمر على شمالو صالح محمود وكمال الجزولى, سؤ حظى خلانى اقعد قصادو, شوف عينى الدم سايل من ايدينو وانيابو الكلب, صالح وكمال بلعوهو لسانو, خليك من ناس منظمة الفاو وامنستى, هسى يكون "بيشخ" فى سروالو النجس.
اما بتاع احلام زلوط الدلوكة ورقاصها, جيناهو عريانين خليهو يتحزم.
ودنيا حلاتو للجراقيس.
| |
 
|
|
|
|
|
|
|
|
Re: البشير: في حوار مع ال NBC الامريكيه -- النازحين 600 الف فقط و ليس 2 مليون نازح (Re: Mahjob Abdalla)
|
العزيز محجوب..
سلام وتحية..
لقاء ما بيشبه زول غير البشير.. نفس النكران ونفس المكابرة..
قال ان النازحين 600 ألف وهناك 200 منظمة إنسانية بتغطي إحتياجاتهم.. هذا غير صحيح.. المنظمات بتعاني من بيروقراطية النظام وسيفه المسلط على رقابهم في إمكانية قفل أنشطتهم في أي لحظة.
الغذاء ناقص.. وفي العام الماضي وجه برنامج الغذاء العالمي نداء دوليا لدعمه بالغذاء لنازحي دارفور. وبالمناسبة النازحون يزدادون كل يوم نسبة للهجمات المتواصلة للجنجويد.. فمثلا معسكر عطاش للنازحين في جنوب نيالا كان به في نهاية 2005 14 ألف نازح. وعندما غادرت في ديسمبر 2006 كان به 24 ألف نازح.
الدواء ناقص.. وفي الخريف الماضي حصد وباء الكوليرا أكثر من ألف شخص في جنوب دارفور.. وأصر النظام على نكران الوباء وتحذير المنظمات من استخدام إسم "كوليرا" واستبداله بـ "الإسهال المائي"!! حتى منظمة الصحة العالمية لم تجرؤ بإعلان الوباء وتخلت عن مصداقيتها من أجل البقاء. وكان الجميع يتحدث عن المرض في داخل المكاتب فقط.
لو سلمنا ان عدد النازحين فعلا 600 ألف، والفتلى 9000.. فعلى من تقع المسئولية؟؟ نحن هنا مش في غلاط العدد كم.. لأنه في النهاية بتساوى النازح الواحد مع الاتنين مليون نازح. لأن السبب واحد والمسئولية مسئولية النظام وليس حركات التمرد كما يصر البشير ووزير دفاعه قائد الحملات الإنتقامية..
شكرا ليك..
| |
|
|
|
|
|
|
| |
Mahjob Abdalla
bakri abdalla
Raja
فيس بوك
تويتر
انستقرام
يوتيوب
بنتيريست