|
Re: هل الشيوعي السوداني كافر ؟ (Re: Adil Isaac)
|
Quote: اللهم صنه للاسلام وانصره على الشوعيين والجمهوريين والختميين وصنه للوهابيين والظلاميين |
يا اخي ما تضيف عليها الحركة الشعبية ،
Quote: يلا هل انتم كفار بالدين ولا لا؟ |
أسمعي أنا ما شيوعي لكن لو ده دينكم من الليلة انا شيوعي وكافر بالباب العديل ما بالشباك.يلى طلعي ليك فتوةوتعالي جاهدي فوقي و الله فعلاً ...... وشايله موسا تطهر
| |
|
|
|
|
|
|
Re: هل الشيوعي السوداني كافر ؟ (Re: Adil Isaac)
|
Quote: معتز القريش ........ استغفر يازول ... انت موضوعك شنو بالضبط؟؟؟؟؟ اول شئ القال منو الشيوعى السودانى كافر ... وانت قلت بى نفسك "حبوباتنا" لانو فهمهم كان محدود ... وبالتالى اتخيلو انو الشيوعيه يعنى الكفر وبس ..... يبقى دا ما موضوع للطرح والنقاش دا اسمو فهم حبوبات وبس .... معتز قريش ... انا من القطينه ... ومحمد ابراهيم نقد "سكرتير الحزب الشيوعى السودانى" خالى ... موش من بعيد ... لا خالى من قريب شديد .... زول بيصلى ... وبيصل رحمو ... وبيحسن للناس ... واتحدى اى زول عاش فى القطينه او غيرها واتعامل معاهو يقول ليك عنو اى شى غير كل خير ..... وحتى على نطاق علاقاتو بالناس وتعامله معاهم ..... ويا اخى الفكره الشيوعيه حينما دخلت الى السودان دخلت كفكره اشتراكيه لمحاربه الراسماليه ... ولنصرة الطبقة العمالية المسحوقه ... الشيوعى السودانى .. رجل كان او امرأه .. مثقف ومطلع وقارئ نهم ... ولكن فى الفتره الاخيره ...وهى كلمة حق يجب ان تقال .. تذرع كل من يريد او كل من تريد التملص من قيود الدين والعادات والتقاليد .. بحثا عن الانفلات والتصرف بلا رقيب .. تذرعو بكلمة شيوعى .. وكانها منفذهم نحو الحريه الغير مقننه .. ولكن حتى هؤلاء لا يحق لك ان تقول عنهم "كفار" هم اناس ارتضو لانفسهم منهاج حياة بعيدا عن التقيد بالتقاليد والدين .... وهم ايضا ليسو كفارا!!!!!!! معتز قريش ارجو ان تبتعد عن مثل هذه المواضيع الشائكه الان ...انت بالتحديد فى هذه الفتره لا يحق لك مناقشة هكذا امور ... لان صورتك فى نظر الكل الان انك "تكفيرى" ... تريث قليلا ريثما تستعيد توازنك الفكرى مع نفسك وايضا تستعيد صورتك المتزنه فى انظار الاخوه والاخوات فى المنبر ... حينها فقط سيقبل منك مثل هذا الطرح بشكل موضوعى ... ارجو ذلك ...... تحياتى |
| |
|
|
|
|
|
|
Re: هل الشيوعي السوداني كافر ؟ (Re: bayan)
|
بيان
صباحاتو بيوض .....
حمادة بت كيف كافر ولا مسلم ؟
طيب الترابى والقرضاوى وبسطويصى ( بسطويصى ده منو ) ديل كفار ولا مسلمين ؟
قلت لى اتسحر بعرقى وشنو اسمعى يا خالة السودان ده فيهو يكون تلاتين الف ست عرقى كل واحدة بتبيع ليها قولى عشرة قزازات فى اليوم القزازة بتكفى ليها اتنين يعنى المجموع زى ستمية الف ... تفتكرى ديل كلهم شيوعيين طيب انتو تانى قاعدين ليه
شهدائنا يا صاحبة الكلمة العليا والحق المقدس واجهوا الموت بشجاعة على المقاصل وبيوت الاشباح استمدوها من ايمانهم بهذا الشعب وعادلة القضية والحق الضائع جوة كروشكم دى
يا حبوبة ارقدى عافية وكفرى كيف ما اتفق عقلك ان كان لك عقل ووجدانك والظلام من حولك ولكن تاكدى ان طائر الفينيق باق بقاء الارض والسماء فلم تهزمة سابقا ثورة المصاحف ولن يهزة اليوم ساقط قول او كسيح فكر وهولاء من يفكرون بامعائهم ...
قريش وينو ....
| |
|
|
|
|
|
|
Re: هل الشيوعي السوداني كافر ؟ (Re: Elwaleed Ibrahim)
|
الوليد اللسمو الوليد دا ادوه قرشو خلوه ينزل
جاي جديد وعايز تناضل في الكيزان موش؟
Quote: شهدائنا يا صاحبة الكلمة العليا والحق المقدس واجهوا الموت بشجاعة على المقاصل وبيوت الاشباح استمدوها من ايمانهم بهذا الشعب وعادلة القضية والحق الضائع جوة كروشكم دى |
طيب انت مالك حي ولا ما بتؤمن بهذا الشعب وعدالة القضية والحق الضائع؟
Quote: تفتكرى ديل كلهم شيوعيين طيب انتو تانى قاعدين ليه |
منو ديل نحنا..
Quote: حبوبة ارقدى عافية وكفرى كيف ما اتفق عقلك ان كان لك عقل ووجدانك والظلام من حولك ولكن تاكدى ان طائر الفينيق باق بقاء الارض والسماء فلم تهزمة سابقا ثورة المصاحف ولن يهزة اليوم ساقط قول او كسيح فكر وهولاء من يفكرون بامعائهم |
قرقرقرقرقرقر اصتغفرتك يا مالك روحي انتو يا جماعة الحاصل شنو للحزب الشيوعي مالو عنده ازمة خطاب وخطاب الوليد الكلام الانشاء دا مرة قالتو واحدة هنا بالطريقة دي ذاتها هل مُثقِف اللجان الشبابية بقى عندو كراس خياطة.. وانتوتحفظو كلام كراس الخياطة.. بعدين اسع انت قايل نفسك يعني استفزيتني لما قلت لي حبوبة لا يا حلو.. انا لما قدرك كلام ذي كلامك دا ما بكتبو.. من الله حلقني نجيضة وذكاء مكون من 3 ارقام موش "امبسيل"
قال طائر فينيق قال ياخي طائر الفنيق من شدة دقستو دا علقو عسكري في مشانق الفضل شنو؟
اسع خلا الولد نثر درر وظلام وطائر فينيق وجلب سيرة الترابي عشان انا كوزة والله حكم..
| |
|
|
|
|
|
|
Re: هل الشيوعي السوداني كافر ؟ (Re: bayan)
|
بيان
يبدو انه الخرف المبكر او شئ من زهايمر ذاك الذى يكتبين تحت تاثيره
او العتمة والانغلاق على ذاتك والخواء ....
ثلاث طرق للعلاج
1- حاولى كل يوم قبل النوم بساعة تذكر التفاصل الدقيقة التى مرت بك مثلا ( حكيتى راسك كم مرة ) او( كبيتى فى الشاى كم معلقة سكر ) 2- الابتعاد عن الاجهاد العصبى وكل اشكال التوتر والاختباء طيلة اليوم عن المسلمين والكفار والبوذين والهود ومن اتبع ملتهم يمكن فقط مخالطة المعتوهين وبعض من قريش 3- تكفير اربعة نساء وثمانية رجال يوميا( فللذكر مثل حظ الانثتين )
اخيرا الجن بتداوا كعبة الاندراوا تعرفى الاندراوا ...............
لاتطلق النار ...( على عجب )
| |
|
|
|
|
|
|
Re: هل الشيوعي السوداني كافر ؟ (Re: Elwaleed Ibrahim)
|
Quote: بيان
يبدو انه الخرف المبكر او شئ من زهايمر ذاك الذى يكتبين تحت تاثيره
او العتمة والانغلاق على ذاتك والخواء ....
ثلاث طرق للعلاج
1- حاولى كل يوم قبل النوم بساعة تذكر التفاصل الدقيقة التى مرت بك مثلا ( حكيتى راسك كم مرة ) او( كبيتى فى الشاى كم معلقة سكر ) 2- الابتعاد عن الاجهاد العصبى وكل اشكال التوتر والاختباء طيلة اليوم عن المسلمين والكفار والبوذين والهود ومن اتبع ملتهم يمكن فقط مخالطة المعتوهين وبعض من قريش 3- تكفير اربعة نساء وثمانية رجال يوميا( فللذكر مثل حظ الانثتين )
اخيرا الجن بتداوا كعبة الاندراوا تعرفى الاندراوا ...............
لاتطلق النار ...( على عجب ) |
للتوثيق
| |
|
|
|
|
|
|
Re: هل الشيوعي السوداني كافر ؟ (Re: محمد حسن العمدة)
|
تعرف يا العمدة ليه الزول بزعل من الناس الهنا؟ لانها ناس سلبية تشوف العوج وتمشي فوقو وما بتفرق بين النبذ والنقد
شوف الناس دي فاتت على كلام الشخصية الوهمية الوليد على الرغم من اني عارفة 100% كلهم عارفين البكتب منو بلغة ركيكة ذي دي ويشبه الحزب الشيوعي بطائر الفنيق وله عداء مستحكم وغين ضدي وضدك هذا الوليد اول مرة اشوفو لما كتب لي الكلام العبيط الفوق المهروا باسم على عجب دا هل يمكن يكون في زول مغبون كدا سااااااااكت؟ لازم يكون زول حايم هنا باسمين.. عشان كدا البورد دا ما بتصلح لانه السلبية كاتلة الناس
| |
|
|
|
|
|
|
Re: هل الشيوعي السوداني كافر ؟ (Re: bayan)
|
الدكتورة العزيزة بيان
لك التحايا والإحترام ،،،
Quote: شوف يا معتز الجماعة ديل عايزين طاقيتهم لا غير..
|
وأنا ما عندي ليهم طاقية وأعلى ما في خيلهم يركبوه
Quote: لانه ما قادرة افهم زول شيوعي مسلم دي
|
معقولة يا دكتورة دي ما قادرة تفهميها
أنا اشرحها ليك
يعني لمن تجي الانتخابات في حكومة السودان الجديد
يقولوا لي الناس أنحنا شيوعيين اقتصاديين
لأنهم لو قالوا أنحنا شيوعيين عديييل كدا
الترابة دي ما بلقوها .
Quote: ودي مع الاسلام ما بتجي تختار من الشيوعية النظام الاقتصادي ومن الاسلام الاخلاقي الاسلام دين متكامل تيك ات اور ليف ات
|
لا يا دكتورة الإسلام النزل من رب العباد على محمد خير العباد
اقتصاده فاشل !!!!!!
لازم نحنا نمشي للكافر ماركس وصاحبو لينين عشان هم بيعرفوا في الاقتصاد
أحسن من رب العباد (ألا يعلم من خلق وهو اللطيف الخبير)
Quote: لما زول يجي يتكلم عن الشريعة وقانون الاسرة ويقول الا سلام ظلم النساء دا معناها بيفتكر الله ظلام للعبيد بما انه العدل احد اسماء الله وصفاته كونك تقول انه ظالم دا كفر وكونك تحارب الاسلام برضو دا كفر وكونك تنكر وجود الله دا كفر..
|
أها أنا قلت حاجة ـ دي دكتورة بيان أنا برة
Quote: اي زول يقول هو شيوعي معنها رافض لوجود الله بالضوروة لان الشيوعية فكر مادي |
أنا والله برضو قلت ليهم كدا .. واقترحت عليهم يغيروا كلمة شيوعي دي بأي اسم تاني
لأنه مافي شيوعي إلا ربع ـ يا شيوعي يا ماشيوعي
لأنو شيوعي معناها ماركس ولينين ولا إله والحياة مادة والدين افيون الشعوب .
إلا اذا كانوا هم راضين بي كدا .. دا شئ راجع ليهم..
Quote: ويا معتز ما تخلي الجماعة ديل يرهبوك |
أنا معاهم للآخر وما تخافي عليّ
Quote: يلا هل انتم كفار بالدين ولا لا؟ لو ما عايزين تجاوبوا نحترم رغباتكم
|
أنا من الأول دا سؤالي
طلعوني متخلف ومجنون وما عاقل وبتاع حبوبات
طيب انتو يا العاقلين جاوبوا السؤال بتاع الدكتورة دا
| |
|
|
|
|
|
|
Re: هل الشيوعي السوداني كافر ؟ (Re: منصوري)
|
يا معتز
انت قلت( انا البعرفو )
وانا اسئلتى الفوق واضحه
( صاح ولا ما صاح ما عندها علاقه بمصدر معرفتك . هذه اجابه مختلفه )
انت ترغب فى اثبات او نفى معرفه عندك وانا سألتك من مصدر معرفتك
| |
|
|
|
|
|
|
Re: هل الشيوعي السوداني كافر ؟ (Re: wadalzain)
|
العزيز معتز القريش تحياتي
الكافر هو الذي لا يؤمن بالله ، والشيوعيون الروس تاثروا بالظلم الاقطاعي للقياصرة والذين كانوا يستمدون قوتهم من الدين المسيحي وتفسيراته المحرفة ، ولذلك قامت الثورة ضدالدين باعتباره مسوغ للظلم ، ولكن هؤلاء الشيوعيون لم يطلعوا على الدين الاسلامي بسبب وقوعهم تحت المظلة التاريخية للدين المسيحي وتفسيراته بل والدمار الذي الحقه القياصرة والحكام والرهبان بالعلم ووقوفهم ضد النظريات العلمية
اذا التيجة تقول : ان الشيوعي الروسي الملتزم تماما بالفكر الشيوعي ملحد وكذا السوداني الذي راى في الدين الاسلامي ما راه الشيوعيون الروس ، اما الشيوعيون السودانيون الذين تاثروا بنظرية البروليتاريا والنظرية الاقتصادية فلا اعتقد انهم ملاحدة ما داموا مؤمنون بالله ويعلنون ذلك ، والتيجة انهم ليسوا كفارا .
تحياتي
علي
| |
|
|
|
|
|
|
Re: هل الشيوعي السوداني كافر ؟ (Re: علي محمد علي)
|
طالما اصلا معتز فاتح على نفسو نار ...وجايب لى روحو المشاكل ... خلى نكملا ليهو للاخر ... ونشوف فهمو شنو؟؟ على راى دينا ... نشوفو شايت على وين!!!!!!!
ماهو رايك فى الصوفيه؟؟؟؟؟ وما هو رايك فى الشيخ البرعى؟؟؟؟؟
| |
|
|
|
|
|
|
Re: هل الشيوعي السوداني كافر ؟ (Re: Randa Hatim)
|
الغالية رندا حاتم
Quote: ماهو رايك فى الصوفيه؟؟؟؟؟ وما هو رايك فى الشيخ البرعى؟؟؟؟؟ |
جايين .....
انتهينا من موضوع الجمهوريين ...
والآن موضوعنا مع الشيوعيين ...
وبعدين موضوعنا مع الصوفية ...
إكون باقي لينا الشيعة ...
لأنه شايف لي ناس هنا قاعدين يروجو ليهم...
ما تستعجلي كله جاي في السكة
بس كان الله طوّل في العمر
| |
|
|
|
|
|
|
Re: هل الشيوعي السوداني كافر ؟ (Re: علي محمد علي)
|
الأخ علي محمد على
تحياتي واحترامي
Quote: اذا التيجة تقول : ان الشيوعي الروسي الملتزم تماما بالفكر الشيوعي ملحد وكذا السوداني الذي راى في الدين الاسلامي ما راه الشيوعيون الروس ، اما الشيوعيون السودانيون الذين تاثروا بنظرية البروليتاريا والنظرية الاقتصادية فلا اعتقد انهم ملاحدة ما داموا مؤمنون بالله ويعلنون ذلك ، والتيجة انهم ليسوا كفارا .
|
طيب الجماعة اللي مش ملاحدة ديل ما لقوا ليهم اسم غير الشيوعية؟
لماذا يتمسكون بأسم نصفه ملحد ينكر وجود الله عز وجل .
| |
|
|
|
|
|
|
Re: هل الشيوعي السوداني كافر ؟ (Re: wadalzain)
|
الأخت الدكتورة بيان
حمداً لله على السلامة وبركة الشفناك طيبة
الزول الإسمو معتز دة كان سمع كلامك وبفى ظلامي وراق في علبو كان أحسن ليهو من جنس التخبط البسوي فيهو دة .. ياها زاته قصة الطاقية القلتيها بقت عليهو وأراه قد حوصر من كل جانب ..
هذا المعتز إما جاهل وإما باحث عن الشهرة !!
وللعلم فأنا لست شيوعياً ولم أنتمي يوماً وحديثي الذي سقته عنهم من شاهد عيان واكب الفترة التي كان فيها الشيوعيون هم الأكثر قبولاً في أوساط الشباب والمثقفين في تلك الأثناء برز الإتجاه الإسلامي كقوة منافسة لهم ولم يجد وسيلة أو أداة للإستقطاب ووقف المد الشيوعي سوى كون الشيوعيين بؤرة من بؤر جهنم ..
Quote: بالمنطق دا نفهم هناك شيوعية سودانية وهي شيوعية الدين فيها اساسي وفي الشيوعية ست اللسم ديك البترفض الدين وتقوم على الفكر المادي. |
هنا يا دكتورة لا دخل للدين في الشيوعية سوى كان عند عبد الخلق أو عند ماركس فلو نظرنا للفكرة على أنها نظام لإقتصادي نجد أن :
Quote: أفكار كل من كارل ماركس و فريدريك إنجلز مثّلت الشيوعية كحركة ثورية ولكن ليس من الضروري أن تتبلور هذه الحركة في بقعة معينة من العالم بل من الممكن أن تحدث في العالم كلّه إستناداً على الورقة التي تقدّم بها الرجلان في وصف الشيوعية. يصف الرجلان التاريخ -بحلوه ومرّه- بأنه صراع بين طبقات المجتمع وفي كل مجتمع، نجد أن طبقة صغيرة متنفّذة تشرف على عملية الإنتاج والعطاء بينما السواد الأعظم من المجتمع يسهم إسهاماً قليلاً في عجلة المجتمع الإقتصادية والإنتاجية. في هذه المرحلة، كانت الرأسمالية تتحكم وتسيّر عجلة الإقتصاد بصورة غير منصفة من وجهة نظر كارل ماركس|ماركس في ورقته المعنونة بـنظرية قيمة العمل. يُسهب الرجل في كيفية إستغلال البرجوازيين للطبقة الكادحة ويستدلّ بالطريقة التي يشتري بها أرباب الأعمال وقت العامل عن طريق دفع راتب مقطوع لهذا العامل ومن ثمّ يقوم ربّ العمل ببيع السلعة التي يصنعها العامل بفارق ربح! كان كارل ماركس يرى في العملية آنفة الذكر إجحافا بحق العامل وأن هناك خللا في تطبيق العدالة بين ما يجنيه العامل من عائد متمثّل في راتبه المقطوع وبين الربح الفاحش الذي يجنيه أرباب الأعمال. يعتقد ماركس أنّها مسألة وقت يعي فيها العمّال في شتّى أنحاء الأرض الأهداف المشتركة في تحقيق العدالة الإجتماعية ويتّخذ العمّال الخطوة الأولى في الإطاحة بأرباب الأعمال والقيام على تقسيم الثروة بينهم وعزل البرجوازيين من معادلة الرّبح وان هذا التصرّف سيكون تلقائياً وحتمياً! |
قلت :
Quote: وبكدا يا معتز نكون الليلة اتعلمنا شئ جديدهو انه الشيوعين بتاعين السودان ديل فقط مسلمين عصاة وغير منكرين لوجود الخالق.. وموحدين. |
هل لديك أدنى شك بأنهم مسلمين ؟
| |
|
|
|
|
|
|
Re: هل الشيوعي السوداني كافر ؟ (Re: wadalzain)
|
Quote: انت ترغب فى اثبات او نفى معرفه عندك وانا سألتك من مصدر معرفتك |
كدا أنا فهمت الأسئلة .
أنا زي ما قلت في بداية البوست مصدر معرفتي هن حبوباتنا
بصراحة كدا حبوباتنا ديل كلامن ما قاعد يقع واطة .
يوم واحد ما شفنا لينا حبوبة قالت لي ود ولدا البمشي الجامع يا شويعي (شيوعي)
لكن حبيب نورة قال (لمن كنت بضيع الصلاة حبوبتي بتقول لي يا شيويعي )
أها من دا يتبين لينا إنو الحالة عامة والحبوبات ياهن الحبوبات
أها في الأخير بقول ليك
قولي نا خلو .. إنت رأيك شنو ؟
الشيوعية بقولوا كدي ولا لا .
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
يا عالم الموضوع شنو؟
ليه كل شئ أصبحنا نخضعه لمقاييس حلال، حرام، .... كافر، مؤمن
يعني لما ظهرت حبة الفياغرا (لاحظوا إنها مجرد عقار للعلاج) كتبت إحدى الجرائد أن أحد المشايخ في السعودية أفتى بأنها (حلال).
حلال؟ ولماذا أصلاً ثار سؤال أنها حلال أم حرام؟؟ ... وفي حالة التكفير، لماذا نعطي أنفسنا حق التكفير والبراءة منه؟ وإلى ماذا سيصل بنا سؤال كهذا .....
يا ربي الكتابة بالكي بورد حلال والا حرام؟
خاصة إنو ده وقت العمل الذي نؤجر عليه ... فهل كتب صاحب البوست كلامه ... وردّ على المتداخلين في وقته الخاص؟ أم إستهلك كمبيوتر الشركة ووقت الشركة الذي يُدفع له راتبه في مقابله
| |
|
|
|
|
|
|
Re: هل الشيوعي السوداني كافر ؟ (Re: محمد أبوالعزائم أبوالريش)
|
الحبيب معتز تحياتي وسلامي الحار
أعز أصدقائي ورفاقي في الجامعة كان شيوعي ونزل مع قائمة الشيوعيين وهو ما زال برلوم يعني شيوعي من الثانوي.. يشهد الله إنو من أنقى خلق الله وأكرمهم وأكثرهم صلاة وصياماً.. لا يغتب أو ينم أحداً ولا يرد على من اساء إليه ولا يكذب أو يتملق أو يؤذي أحداً.. أعرفه كما أعرف نفسي.. هل يمكن أن نصفه بأنه كافر؟ بالطبع لا وبما أنك أنت السائل، في رأيي أن سؤالك ماكان في محلو وسؤالك كان غلطة وانقلب ليك ورطة.. وكان أجدر أن يكون سؤالك على النحو التالي: هل التماسيح ديل مسلمين؟ لأن المسلم من سلم المسلمون من لسانه ويده الآن أصحاب الإسلام الحصري والعصري في السودان لم يسلم أحد من أيديهم وألسنتهم هل هم مسلمون؟ معليش يا معتز خلي بالك طويل على الردود النارية..
| |
|
|
|
|
|
|
Re: هل الشيوعي السوداني كافر ؟ (Re: Nasruddin Al Basheer)
|
Quote: حمداً لله على السلامة وبركة الشفناك طيبة |
ربنا يقبل حمدك اخي العزيز..
المشكلة مافي سؤال معتز المشكلة في الزعل على السؤال لانه بالجد حاجة محيرة كيف يكون زول مادي وروحاني في ذات الوقت.. كيف تكون مادي وتؤمن بالغيبيات؟ كيف تكون شيوعي وتكون مسلم في نفس الوقت؟ المسألة غريبة شوية علي..
| |
|
|
|
|
|
|
Re: هل الشيوعي السوداني كافر ؟ (Re: bayan)
|
Quote: كيف يكون زول مادي وروحاني في ذات الوقت.. كيف تكون مادي وتؤمن بالغيبيات؟ كيف تكون شيوعي وتكون مسلم في نفس الوقت؟ المسألة غريبة شوية علي.. |
والله يا دكتورة أنا قلت كدا برضو !!!!!
أها قاموا بلعوني كلامي .. أنا قمت بلعتو
وبعد داك جيت سألت ...
أها برضو عاوزين يبلعوني سؤالي ...
أسوي شنو ؟
أنا الطاقية ما برجعا...
نشوف البحصل شنو ؟
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
المحترم معتز لك التحية على طرحك الموضوعي وسؤالك المشروع وتفاعلك والهادئ
Quote: يا ديمقراطيي المنبر واحراره فالتتحدو ضد المكفر الجديد |
الرأي الآخر يستحق الاحترام ويستحق النقاش وفي احترامنا له احترام لذواتنا وقناعاتنا معزتي
| |
|
|
|
|
|
|
Re: هل الشيوعي السوداني كافر ؟ (Re: مهند مامون)
|
الأخ الكريم مهند مأمون
Quote: الرأي الآخر يستحق الاحترام ويستحق النقاش وفي احترامنا له احترام لذواتنا وقناعاتنا |
شكرا لهذا السلوك الحضاري ، بس مين اللي يفهم
حبوباتنا زمان قالن (البقول النصيحة إلا يخت عكازو جنبو)
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
طيب يا أخوان
أنحنا الآن في الصفحة التانية من البوست
وعشان الجماعة الجايين جداد (بضم الجيم)
ما يتعبوا يرجعوا للصفحة الأولى
نجي نلخص ليهم الموضوع لغاية هنا
عشان نبدا مرحلة جديدة
طبعا موضوع البوست سؤال بسيط وبرئ
من الفقير الى رحمة ربه والساعي نحو العلم والمعرفة
وهو هل الشيوعي السوداني كافر ؟
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
عندي سؤال تاني بسيط ـ لا معليش
ما سؤال لأنه سؤال دي بقت تجيب للناس الحساسية
عندي طلب بسيط .....
ممكن واحد من الجماعة الشيوعيين (الما كفار)
يجيب لينا دستور الحزب الشيوعي السوداني ؟
أنا بصراحة كدا فتشت عليهو بس ما لقيتو...
ولا يا ربي يكون سري ؟؟؟
يلا خليكم شجعان وجيبو لينا الدستور .
مش برضو الواحد لما يكون منضم لي حزب بكون موافق على دستورو ؟؟؟
يلا خليكم متعاونين ؟
أوعة تقولي لي ما عندكم ...
أنا عارف إنو الحزب الشيوعي السوداني
ليه خمسين سنة عدا نقدا
ما عقد مؤتمرو العام ...
يعني الدستور لازم يكون عتيق ومعتق كمان .
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
ناس قلبوا الموضوع هظار أو نصيحة بالهظار
وطلبوا مني الرجوع الى العزف والفن والغناء
زي مثلا مثلا
1- عبد الكريم الأمين الشهير ب (كي كي اللعين) 2- محمد البشرى الخضر
وديل بشكرهم وبقول ليهم أخوكم كويس بي هنا وبي هناك .
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
ناس عاتبوني على طريقة السؤال وقالوا أنا مستهبل
وإنو أنا عارف الإجابة بس جبتها ليهم باللفة
زي مثلا مثلا
1- عصام ابو بكر 2- رندا حاتم
وديل بقول ليهم زي ما قلتوا أنا مادخلت في قلوب الشيوعيين انتو كمان ما دخلتو في قلبي .
ولا انا غلطان ؟
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
ناس زعلوا ومدوا قدومن عشان الكلام هبشن
أو بس في شان كلامي مع الجمهوريين
بطريقة عدو عدوك حبيبك وانا وأبن عمي على الغريب
زي مثلا مثلا
1- رندا حاتم
2- ياسر الشريف
3- ياسر طيفور
4- ود الزين
5- صبري الشريف
وديل الرد عليهم هناك في موضوع محمود محمد طه .
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
والله يا معتز كنت ساكته ساكت وما دايره اتكلم لكن انت الجبتو لى نفسك ...
يا اخوى اناما دخلت قلبك ولا بعلم بالغيب .. انت قلت كدا بلسانك اللى ح يكون شاهد عليك ....فى مكالمه تلفونيه دارت بينى وبينك وقلت فيها الكلام دا نصا .....
لكن لما جيت للبوست عملتو مجرد تساؤل برئ .......
ودا السبب الخلانى اقول ليك كدا فى مداخلتى ... وتانى بقول ليك يا معتز اما تقدم طرحك وانت مقتنع بيهو وتتحمل تبعاتو وتكون فيهو امين مع نفسك قبل ما تكون امين مع الغير او ... ما تقول دا مجرد تساؤل ودا ما رايى ... ولما نقول ليك دا رايك تقول انتو ما بتعلمو الغيب !!!!!!!!!!!!!
تحياتى ........
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
الوريف معتز بمناسبة الحديث عن الحبوبات استحضر هنا مقولة حبوبتي التي ولسبب ما غامض كانت خلافا لحبوبتك تميل الي مرجعية الامثال الدارجة وكانت كلما قام واحد من احفادها بارتكاب عمل ينم عن هبالة او عباطة كانت تسلط عليه المثل الحكيم الشامل الكامل
العوير يعرف بيت العدو ----------------------------- مدخل العوير هو من سالت ريالته واندلقت علي جلبابه
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
الشفيف القريش
Quote: إنت معانا ولا مع الخيانة ؟ |
اجيب ليك فهامات ولا اعمل ليك شنو ؟؟؟؟؟؟؟؟؟؟ اللهم لا تسلط العوير علينا يازول ده كلام ده ما قالو ليك اسحب الموضوع ده وما تكررها تاني شينة في حقك شينة شديييييييييييييييييييييييييييييييييييييييييييييد --------------
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
بي صراحه وبصدق وبدون مهاترات انت بعد السؤال دا هل الشيوعي السوداني كافر؟ يعني لو جابو ليك الدستور بتاع الحزب الشيوعي ممكن تفهمو؟؟ مافي زول في زمن ذي دا بسال سؤال ذي داما ممكن يكون بفهم اكتر من طفل عمرو خمسه سنين او حبوبه مخرفه لاني لي اقتنع بان للحبوبات حكمه لاتخطئها العين. دا لو ماظلمنا الطفل لانو اسالتو ممكن تكون ذكيه لانو انت اساساً لو ممكن فهمك يصل حد ذي دا ماممكن تسال سؤال ذي دا سؤال انت كنت عايش وين؟ وكيف؟ وحياتك دي سويت فيها شنو؟؟والله انا سوالي دا بري خالص والله ماعندي وراهو اي قصد.
دوننا قصة النبي الذي رفض ان ياكل مع عابد النار فعاتبه ربه في هذا الكاااااااااااااافر عابد النار . الله يستر علي بلدنا من امثالك ياخي ويهديك.....
| |
|
|
|
|
|
|
Re: هل الشيوعي السوداني كافر ؟ (Re: وليد محمد المبارك)
|
أعيد نشر هذه المساهمة هنا يا معتز لأنها ذات صلة.
Quote: العزيزة هنادي،
تحية، طيبة، مباركة، ربما لا يعرف كثيرون بأن الشخص يمكن أن يكون شيوعياً، ويختلف مع ماركس في جزءية إنكاره للأديان وفضلها على البشرية. وحتى هذه نقطة إنكار ماركس لدور الأديان في التاريخ لم يكن ملطلقا. كما تعلمين، فإن ماركس عرف قدر نبينا الكريم معرفة تقاصرت عنها معرفة الكثير من المفكرين. ذلك حين قال بأن نبينا العظيم، محمد بن عبد الله، عليه أفضل الصلاة وأتم التسليم، من أعظم القادة الإشتراكيين في العالم -وأظنه قال أنه أعظمهم. ذلك لأن النبي الكريم، العادل، الرؤوف، الرحيم، أذاب الطبقات حين اختار حياة الفقراء، وقد خير أن يكون نبياً ملكاً(فاختار أن يكون نبياً عبداً). ودعا للتساوي في الماء والنار والكلأ. ولنقرأها هكذا: تساوى نبينا مع الناس، ثم دعاهم للمساواة في الإنسانية وفي الموارد الطبيعية. وهنا رأي ماركس، بعقله الجبار، بأن التجربة الإسلامية حقيقة بالاحترام، وجديرة بالتأسي. وربما استنتج من دراسته لها مفاهيمه القائلة بأن العنف والقوة هما الوسيلاتان الوحيدتان للتغيير في المجتمع. وفي هذا الأمر تحدث الأستاذ محمود محمد طه باستفاضة في نقده للفكر الماركسي.
أرجو مخلصاً أن تبحثي لنا عن أراء ماركس في التجربة الإسلامية، وأن تفيدنا بها ههنا، لكي يتحول الخيط إلى مجال رحب للحوار المتمدن، الراقي، الذي يجعلنا نطلب الحكمة ولو في الصين. وحين طلب منا النبي، عليه الصلاة والسلام، أن نطلبها في الصين لم يكن هناك إسلام، بالمعني التشريعي، ولا مسلمين. ولكن كانت هناك حكمة، وإلا لما طلب منا النبي، وهو لا ينطق بالهوي، أن نطلبها من الشرق القصي! كانت هناك البوذية، وهي أقدم من الإسلام. وفيها كثير من أوجه الحكمة والمعرفة.
هناك الكثير مما يمكن أن يقال. ولكني أريد، باختصار، أن أساعد في توجيه الحوار إلى وجهة تناى بنا عن التنابذ والتراشق بالألفاظ. معتز رجل يقول ما يراه الحق. وليس من اللائق أن نحقر من شأنه. وليس من اللائق من جانبه أن يحقر من شأنك. التحقير من شأنه أن يحط من أقدارنا جميعاً. ولا فائدة تجنى منه غير التمرغ في نار الشعور بالذنب والتجافي عن أكرم الخصال السودانية الأصيلة التي تربينا عليها، في احترام الرجل للمرأة، واحترام المرأة للرجل، وقيم التسامح والتصالح مع الله، ومع النفس، ومع الآخرين.
أرجو ألا تأخذك العزة بالنفس فتقولي أنك لا تحتاجين لمودة معتز. من منا لا يحتاج لمثقال ذرة إضافية من المودة؟ والمودة غير العطف الساذج. المودة الحقة لا تكون إلا بالاحترام الحق. والاحترام الحق لا يكون إذا كان أحدنا، رجلاً كان أو إمراة، ينظر إلى الآخرين من علٍ.
أرجو مخلصاً أن يفكر الأخ معتز، تفكيراً عميقاً، في علاقته بمفهوم تطوير التشريع الإسلامي. ذلك لأن المسالة بسيطة، غاية في البساطة، الإسلام فيه مستويين من التشريع. تشريع يأمر بالجهاد، وتشريع يأمر بالاسماح والحرية الفردية المطلقة، حيث يترك الفرد حر يؤمن أو يكفر. والآيات الكريمة في ذلك مستفيضة، فلتراجع حيث نتحدث عنها بالتفصيل في كتاب "الرسالة الثانية من الإسلام."
عزيزي معتز، تحيتي ومحتبي، تلاحظ أنني ختمت رسالتي بطلبي للقراء لمراجعة كتاب "الرسالة الثانية من الإسلام" ومرة أخرى أؤكد، كما فعلت في موضع آخر، هي الرسالة الثانية من الإسلام وليست "بعد الإسلام." والمعنى هو أن الرسالة الثانية، إنما هي مستقة من القرآن المكي، وهو الأصل، والرسالة الأولى مشتقة من القرآن المدني، الذي نسخ التشريع المكي بتحكيمه لآية السيف وآيات قوامة الرجال على الناس وغير ذلك من تشاريع حكم ذلك الوقت. أرجو مخلصاً أن تجد سعة من الوقت لمراجعة الفكرة الجمهورية في أصولها. وأؤكد لك بأنك ستجد فيها خلاصك من التناقضات الظاهرة للعيان في حياتك. أنت فنان، ومرهف، وأصيل في سودانيتك، مثلك مثل كثيرين من أبناء بلدي العظيم الذين غرر بهم وحش الهوس الديني، فشوه كيانه الأصيل.
الرسالة الثانية من الإسلام تدعوك لتقليد النبي عليه الصلاة والسلام، حتى تبلغ مقامات التأسي به في الفكر والقول والعمل، فلا يصدر منك غير الخير، والدعوة للخير، ولو كان ذلك بأناملك الداعية للفضيلة والخير عن طريق الأكورديون. نعم، عن طريق الأكورديون! كان الأستاذ مصطفى سيد أحمد، الذي تحبه وتحترمه وتجله، إشتراكياً في حله وترحاله. وكان رجلاً صامداً في المظهر والمخبر. وكان منحازاً لأهلي وأهلك الفقراء والمساكين. وكان في كل ذلك، يترجم عن ميراثنا السوداني الأصيل في حب نبينا العظيم بالتأسي بقيم المساواة والعدل والحرية. وكنت أنت تترجم كلماته إلى لحن منساب.
في تقديري المتواضع، فإن أناملك في فعلها ذلك، كانت تسبح بحمد الله، لأنها تغني للمساواة وللعدل والحرية. نعم، كانت تسبح باسم الله، العادل! وليس تسبيح اليوم مثل تسبيح الأمس، إلا في المعنى. أما الشكل، فيتغير، بتغير الأزمان. ذلك، ببساطة، لأن الأكوان، أحياء وأشياء، لم تتوقف عن التسبيح مطلقاً، ولا لثانية، بل ولا لمليون جزء من الثانية. ألم يقل جل شأنه أننا نسبح بحمده ولكنا لا نفقه أننا نفعل!
ونحن هنا في هذا الخيط لا نملك فكاكاً من ذلك التسبيح، لأننا نخضع لإرادة الله القاهرة فيما نقول وما ندع. فليكن تسبيحنا من تسبيح المأجورين، لا تسبيح المأثومين! وليس في نهاية المطاف مأثوم أو مأجور. وفي هذا يطول الحديث. ولا أملك من الوقت ما يمكني من التطويل.
الأخ الكريم الطيب، تحيتي وتقديري،
تتسآل بتهذيب بالغ، ينبؤني عن من تكون:
Quote: أين الفكرة الجمهورية الآن فى واقع الحياة السودانية ؟؟
ما هى إسهاماتهم الآن فى مسيرة الحركة السياسية السودانية ، إن كانت هى حركة سياسية ؟ و ماهى إسهامات الفكرة الجمهورية فى الفكر السودانى ؟؟؟ |
فأقول، في هذه العجالة: لولم تكن الفكرة ولا الجمهوريون موجودون لما كان سؤالك. ذلك لأنك تتفاعل مع كائن حي موجود إسمه الفكرة الجمهورية وكائنات حية إسمها جمهوريين حين تسأل السؤال نفسه، لأنك لا تسأل في فراغ، وإنما تسأل لأن هناك الكثير مما يتغشاك، من غبار الملحمة الجمهورية! أما إذا كان سؤالك عن أين الجمهوريون في الواقع السياسي اليوم، فاطمئن، نحن موجودون. وسترون، قريباً، سترون! ولا أجد وقتاً للتفصيل!!!!!!! ولنكتفي الآن نقاش الفكرة الجمهورية هل هي الحق، أم هي باطل. وللتذكر بأن سيدنا موسى عليه السلام لم يدخل الأرض المقدسة مع بني إسرائيل، على الرغم من ظنه أنه سيبلغها. ولتتذكر بأن السيد المسيح مات مقتولاً على الصليب، ولم تجد دعوته القبول إلا بعد مئات السنين من صلبه. وللتذكر بأن الدولة الإسلامية لم تبلغ أوجها إلا بعد رحيل نبينا العظيم إلى الرفيق الأعلى! لا تغرنكم ظواهر الأشياء! فإن الأشياء ليست دوماً كما تبدوَ!!!
وسترون!!!!!!!
أما سؤالك عن إسهامتنا في الحركة السياسية السودانية، فهي كثيرة لا يمكن أن أحصيها هنا. ولكوني شاركت في بعضها، فإني سأذكر بعضاً من ذلك البعض. ساهمت، وغيري من الجمهوريين، في تأسيس حركة القوى الجديدة-الحديثة، كما أساهم باستمرار في ترسيخ مشروع السودان الجديد من داخل منابر الحركة الشعبية وخارجها، وأساهم بفاعلية في كشف مخاطر مشروع الهوس الديني، كما أساهم في تقويمه وإعادة تقويمه باستمرار، دون تحامل أو مجاملة. هذا بالاضافة للكثير مما لا أشعر بضرورة الحديث عنه في الوقت الراهن.
هذه مساهمة فرد جمهوري واحد، ضعيف، تكاد تهده الأحزان والأسى، فلا يجد في نفسه غير نموذج الأستاذ محمود محمد طه ليتشبث به، ليخرجه من الظلمات إلى النور. وحين أفعل تتدفق الحياة من كل أقطاري، لأن كل "أقطاري" هي السودان، ترجمه الأستاذ محمود محمد طه، في اللحم والدم، كما لم يترجمه سوداني من قبل.
وكفى!!!!!!!
قرائي الكرام،
أرجو أن تقرأوا للجمهوريين قبل أن ترمهوم بما ليس فيهم. ويوم تفعلون ستعرفون من أين تأتي الخمرة التي تسكرنا، وتذيينا في أبينا الأستاذ محمود محمد طه، الذي ترجم عن الصوفية حين قالوا:
نحن في لذة لو علمها الملوك لجالدونا عليها بالسيوف
نحن ملتزون، سكاري بدون خمر، إلا خمر المعاني التي توصلنا بالله العظيم. لذاتنا من القرآن، ومن خمر معانيه السامقات. ومن هذه الخمر نهل نبينا العظيم، محمد بن عبد الله، الذي ظنه قومه مسحوراً، مجنوناً. وما علموا أنه كان من خمر المعاني الإلهية يشرب. ومن يشرب من تلك الخمر يوصم بالجنون، نبياً كان أم لم يكن، لأنها خمر شديدة الإسكار، لا يكون الفاني فيها إلا باقياً بالحكمة وفصل الخطاب. وما الشارب من تلك الخمر بنعمة ربه مجنون، ولا سكران.
وكما بدأنا هذه المداخلة بنبينا العظيم نختم بالخاتم العظيم: بالأستاذ محمود محمد طه، ودعوته لسلوك طريق خاتم الأنبياء، نبينا محمد بن عبد الله، أعظم الخلق أجمعين. وما الأستاذ محمود إلا دعوة محمدية أحمدية، مجسدة، تتقلب في جلالها ومن خلالها الذات المحمدية في أرضنا المحزونة هذه تقلباً ما برحت تتقلبه منذ بدء الخيلقة، ولا بدء ولا انتهاء، في قوانين الخلق، ولا في الكمياء، والفزياء والأحياء!!! |
| |
|
|
|
|
|
|
Re: غايتو بوستك دا حيكون مفيد جدا يا معتز.. (Re: Ahmed Yousif Abu Harira)
|
الاخ الكريم معتز
انا امتنع
سلام للكل المتداخلين و
سلام خاص للزول الرائع ود الزين
سؤالك دا ذكرني زولة بحبها جدا وكانت بتدرس لغة روسية في جامعة الخرطوم في زمن نحن برالمة
اسمها سمية عبد العزيز احلي بنوتة طائرة العصافير واتمني اي زول منكم يديني ليها عنوان
تكون هسي دكتورة قدر ادي الدنيا ما في معرض كتاب روسي ما عزمتني ليهو وعلمتني كيف تكون الجامعة
ملتقي للافكار بكل الود و الاريحية ولم التقي ببنوتة متدينة مثلها وقد رايتها وهي تغسل والدتها الله
يرحمها و تكفنها وتقرا لها يس 40 مرة قبل الدفن اللهم ارحمها يا رب العالمين
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
الكوز الجبهجي القاتل الحرامي المنافق الدجال تاجر الدين مصاص دماء الشعوب قاطع الارزاق الشهواني عاشق الدنياء والمال حتي الثماله الجبان ...لو ماممكن يكون كافر الشيوعي ابعد مايكون عن ذلك
سيبك من من موضوع الدستور دا لانك لو قضيت عمرك مرتين قرايه فيهو ما ممكن تفهمو لانك ذي ماقلت ليك لوانت ممكن تفهم حاجه ماممكن تسال سؤال ذي دا : هل الشيوعي السوداني كافر ؟ شفاك الله الشافي الكافي
| |
|
|
|
|
|
|
Re: هل الشيوعي السوداني كافر ؟ (Re: yaser mostafa)
|
الشهيد عبد الخالق محجوب ... كيف اصبحت شيوعيا
هل صحيح أن الفكرة الشيوعية فى السودان تدعو لاسقاط الدين الاسلامى ؟ كلا ان هذا مجرد كذب سخيف.ان فكرتى التى اؤمن بها تدعوا الى توحيد صفوف السودانيين المسلمين منهم والمسيحين والوثنيين واللادينيين ضد عدوا واحد هو الاستعمار الاجنبى ، وبهدف واحد هو استقلال السودان وقيام حكم يسعد الشعب ويحقق امانيه.وان القوى التى تقف حائلا دون اسعاد وحرية السودانى المسلم او المسيحى لايمكن ان تكون الاسلام لاننا لم نسمع او نقرا فى التاريخ ان الجيش الذى غزا بلادنا عام 1898 هو القرآن أو السنة ولم نسمع فى يوم من الايام ان المؤسسات الاحتكارية البريطانية التى تفقر شعبنا جاءت على اساس الدين الاسلامى او المسيحى .ان الفكر الشيوعى ليس امامه من عدو حقيقى فى البلاد سوى الاستعمار الاجنبى ومن يلفون لفه. اين هذا الهدف من محاربة الدين الاسلامى؟ ان الفكرة الشيوعية تدعو فى نهايتها للاشتراكية حيث يمحى استغلال الانسان لاخيه الانسان .اين هذاالهدف من محاربة الدين الاسلامى ؟ ان الفكرة الشيوعية تدعو الى اخضاع العلم والمعرفه لحاجيات البشرية من بحوث علمية وطبية وادبية وتشذيب الانسان من الخوف والحاجة بانهاء الظروف الاقتصادية والفكرية التى تنشر الخوف من المستقبل وتدفع الانسان تحت ضغط الحاجة الى درك لايليق بالبشر من سرقة ودعارة واحتيال وكذب .أين هذا الهدف من محاربة الدين الاسلامى؟؟
بقى ان اقول للدوائر التى اصدرت هذا المنشور ان الرجل الشريف يصرع الفكرة السياسية بالفكرة السياسية ويعارض فكرة معينة بالحجة والمنطق.ان محاولة تزييف افكار اعدائكم ـ او من تتوهمون أنهم أعداؤكم ـ بهذه الطريقة الصغيرة لاتليق, فوق أنها عيب فاضح.اما اساليب الدس فهى من شيم الصغار ـ الصغار جدا حتى ولو كبرت اجسامهم وتوهموا فى نفسهم علو المقام...
اليسار السودانى فى عشرة سنوات
| |
|
|
|
|
|
|
Re: هل الشيوعي السوداني كافر ؟ (Re: elsharief)
|
أخي الشريف تحياتي واحترامي
اشكرك جزيلا عن الاضافة الثرة
وأؤكد لك أنني فعلا ابحث عن الحقيقة
لذلك طلبت اثبات من الشيوعيين على صحة ما يقولون
وكان طلبي بسيط وهو نسخة من الدستور .
ولكنهم آثروا شتمي على اجابتي .
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
الاخ معتز اسعد الله اوقاتك بكل خير لقد كتبت بوست قبل ذلك موضح فيه ان عقيدة الشيوعيين تخالف صريح القرآن وهذه هي كتابتي
Quote: ورد في كتاب ( أصول الفلسفة الماركسية اللينينية ) الصادر عن دار التقدم ص قولهم : (( أما الفلسفة المادية فقد توصلت _ منذ أقدم العصور _ الى القول فى معرض الاجابة على مسألة ماهية العالم : إن الكون ليس مخلوقا , لا للآله ولا للبشر , وإنما وجود سرمدي أزلي أبدي , ينتقل فقط من حالة الى اخرى . الأشياء والظواهر والعمليات تكون وتفسد , ولكن العالم نفسه لا يخنفي أبدا . وان كان العالم موجودا الان فانه لن يكف عن الوجود مستقبلا , مثلما لم يكن زمن لم يكن فيه العالم موجودا , والا تظل عالقة تلك المسائل التى لا جواب عليها : الى أين انتهى العالم ؟ ومن أين أتى ؟ )) . انتهى كلامهم
الاخوة الكرام اوردت لكم هذا الكلام من كتب رسالة الامام العلامة الامام الاخميمي فى الرد على بن تيمية فى مسألة حوادث لا أول لها والكلام لسيدي الشيخ سعيد فودة فى تحقيقة لهذه الرسالة
طيب يا شيوعيين هل انتم فعلا تفهون هذا الكلام المذكور اعلاه ؟؟
هذا الكلام يصرح بأن هذا الكون لا خالق له ويخالف نص القرآن الكريم الآية16 سورة الرعد ( قُلِ اللَّهُ خَالِقُ كُلِّ شَيْءٍ وَهُوَ الْوَاحِدُ الْقَهَّارُ) صدق الله العظيم
لن ادخل معكم فى جدال او نقاش وأنما اوردت لكم هذا الحديث لأبين لكم عقيدة الشيوعيين وانها تخالف صريح القرآن الكريم
والله من وراء القصد |
الموضوع هنا
عقيدة الماركسيين الشيوعيين .....
| |
|
|
|
|
|
|
Re: هل الشيوعي السوداني كافر ؟ (Re: المكاشفي الخضر الطاهر)
|
أخي الكريم / المكاشفي
تحياتي واحترامي
شكرا لك على هذه الإضافة الرائعة
ولكن الجماعة قالوا هم شيوعيين اقتصاديين فقط
فهل يصح في الشيوعية التقسيم ؟؟
وإن صح فهل يصح في الإسلام التقسيم؟
هل يجوز أن نأخذ العبادة من الاسلام
والاقتصاد من لينين وماركس
وكأنهم أعلم من الله بما يفيد خلق الله
دين الله لا يقبل تقسيما والله سبحانه وتعالى لا يقبل شريكا
وفي الحديث القدسي
(أنا أغنى الشركاء عن الشرك فمن عمل عملا أشرك فيه معي غيري تركته وشركه)
أو كما قال صلى الله عليه وسلم .
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
غايتو كان كان الموضوع بيستاهل كنا اتكلمنا عن برنامج الحزب و عن العلاقة الجدلية بين الفكر الاشتراكي ز الدين و عن حركا التحرير في عصر الانوار في اوربا و عن دعوة عبد الخالق للتطبيق الخلاق للماركسية و قعدنا في واطة الله دي و شرحنا ماركس قصد شنو بانو الدين افيون الشعوب المضهدة و اشياء كثيرة اخرى لكن البلاغ كيدي و القضية اساسا مافيشا و القصة كلها زي ما قال سيد البوست كلام حبوبات غايتو لو عايز تعرف موقف الحزب الشيوعي من الدين اسالنا عدييييييييييل بنجاوبك ولو عايز تعرف موقف الفلسفة الماركسية من الدين اسالنا عديييل بنجاوبك و لو عايز تعرف موقف الفكر الاشتراكي من الدين برضو اسال بنجاوبك و لو عاوز تسوط و تلخبط في كلام الحبوبات دا دربك اخدر يا الحبيب الزول البيهبب ليك بي كلمة ما تعجبك بس ورينا ليهو بنسكتو ليك طوالى اما عن تمجيد الشيوعيين في الجامعات لي رعيلهم الاول فياخي الكلام دا مضايقك في شنو ديل على كلام رعيلنا التاني عم محجوب رجالا هدو كتف الموت ودماهم شمسنا الحية و مصابيح ثورة يومية انتو لو بفى عندكم رعيل اول زيهم مجدوهم زي ما دايرين ااااه ولا انا نسيت انتو بدخلوهم السجن و سلم لي بلاي على مفاصلة رمضان
و اشياء اخرى من ذاك القبيل
هو منو الكفار و لمن التهليل و التكبير و ضرب النار اخاف نحنا و كان احنا اخير نضحك كتيير سبب الضحك محنة
و محن يا بلدي
| |
|
|
|
|
|
|
Re: هل الشيوعي السوداني كافر ؟ (Re: Amjed)
|
Quote: غايتو لو عايز تعرف موقف الحزب الشيوعي من الدين اسالنا عدييييييييييل بنجاوبك ولو عايز تعرف موقف الفلسفة الماركسية من الدين اسالنا عديييل بنجاوبك و لو عايز تعرف موقف الفكر الاشتراكي من الدين برضو اسال بنجاوبك |
أها سؤال عديييييييييييل يلا جاوبني .
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
الغالية رندا حاتم
سألت السؤال دا في أول البوست وما جاوبتي .
اذا ما عندك إجابة ح نتجاوزه .
Quote: : وهى كلمة حق يجب ان تقال .. تذرع كل من يريد او كل من تريد التملص من قيود الدين والعادات والتقاليد .. بحثا عن الانفلات والتصرف بلا رقيب .. تذرعو بكلمة شيوعى ..
في رايك ..
لماذا تذرعوا بكلمة شيوعي ؟
لماذا لم يتذرعوا بكلة اتحادي أو حزب أمة أو أخوان مسلمين ؟
أها سؤالي دا فيه حاجة ؟ كان فيه حاجة ماتردي عليه . |
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
نجاوب عليهو ... ليه لأ ....
لانو ببساطه شديده الحزب الشيوعى هو الحزب الوحيد الوارد الى السودان بافكاره من الخارج .... وحسب الفهم القاصر والبسيط لهذا الفكر - فهم الحبوبات - "انه الحادى" تذرع به اصحاب النفوس المريضه والضعيفه .... وهذا امر وارد جدا وكثير الحدوث ... فضعاف النفوس موجودين منذ ان خلق الله الارض وحتى يرث الله الارض ومن عليها ... زى ما فى ناس برضو وبى اسم الدين بتعمل فى اشياء لا تمت للدين بصله ... لكن تعرف الفرق شنو؟؟؟ الفرق انو الاتسترو برداء الشيوعيه بيمارسو فى اخطاء فرديه وخاصه وترجع لعلاقتهم بربهم وهو الغفور الرحيم وهو ايضا شديد العقاب ... لكن الطاااامه الكبرى انو الاتسترو بى اسم الدين بيظلمو فى العباد وبيتاجرو بالدقون وبايات الله ليشتروا بها ثمنا قليلا ... اها ديل ح يمشو من الله وين ... كلو ولا ظلم العباد ......
| |
|
|
|
|
|
|
Re: هل الشيوعي السوداني كافر ؟ (Re: Randa Hatim)
|
الأخت الغالية رندا حاتم
Quote: لانو ببساطه شديده الحزب الشيوعى هو الحزب الوحيد الوارد الى السودان بافكاره من الخارج |
معلومة خطأ وفيها تدليس
* أين الحزب الناصري . * أين حزب البعث . * أين اللجان الثورية
لا تقولي أنه سبق تلك الأحزاب .. لأن الزمن لا يغير في المعتقد . فلو جاء حزب اليوم بنفس افكار الحزب الشيوعي لقالوا عنه ما قيل عن الحزب الشيوعي . ولتذرع به ضعاف النفوس المذكورين أعلاه .
Quote: وحسب الفهم القاصر والبسيط لهذا الفكر - فهم الحبوبات - "انه الحادى" تذرع به اصحاب النفوس المريضه والضعيفه |
لماذا إلحادي بالذات ؟؟؟
فمثلا حزب البعث كان يطلق عليه حزب البهجة ولم نسمع أنه حزب إلحادي ؟
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
"الخارج" بى فهم الحبوبات ... معناها جايى من بلد الخواجات البرطنو ... يعنى كلمة الخارج عند حبوباتنا - اللى انت استدليت بى رايهم فى بداية البوست - معناها خارج نطاق الوطن العربى ... ولانو من بلد الخواجات البرطنو يبقى عشان كدى ح يكون فكر الحادى .... ما زى ناس البعثى والناصرى ديل لازم يكونو مسلمين ........
البوست دا ما فتحتو بى كلام الحبوبات ... لما واصلنا ليك بى كلامهم مالو غلبك واستنكرتو؟؟؟؟؟؟؟
| |
|
|
|
|
|
|
Re: هل الشيوعي السوداني كافر ؟ (Re: حيدر حسن ميرغني)
|
Quote: مرجعية مشافهة حبلها قصير |
وجه قولك هذا لمعتز القريش الذى حاد عن المنهج العلمى تماما فى النقاش واستند فى انشاء هذا البوست على "كلام حبوباتنا" ..... لهم منا كل التقدير والاحترام.....
تحياتى .......
| |
|
|
|
|
|
|
Re: هل الشيوعي السوداني كافر ؟ (Re: Randa Hatim)
|
لغاية الآن ما في شيوعي ضكران قدر ايجيب لينا دستور الحزب الشيوعي السوداني
وصلتني نسخة من الدستور المقترح منذ أكتوبر 2003 من الأخ كوستاوي
ولكن ليست هي المقصودة حيث أنها لم تجز حتى الآن .....
المقصود هو دستور الحزب الشيوعي السوداني المعتمد من اللجنة المركزية
والمسمى عندهم (النظام الداخلي)
وأنا مازلت في الانتظار
| |
|
|
|
|
|
|
Re: هل الشيوعي السوداني كافر ؟ (Re: معتز القريش)
|
معتز المكفراتي وعدو المراة
اولا قلت ليك الطريقة ما ح تصرعني ليك طريقة قديمة وطريقة تنم عن فلسك في النقاش ما عايزة اقول فشلك الفكري ح اكون قيمتك. انت زعلان مني يا سلفي من موضوع التعدد في الزواج. قال اصح صح قال تصحح شنو؟
| |
|
|
|
|
|
|
Re: هل الشيوعي السوداني كافر ؟ (Re: hanadi yousif)
|
Quote: انت زعلان مني يا سلفي من موضوع التعدد في الزواج.
|
بالمناسبة لو ما عارفة أنا متزوج تلاتة في عين العدو
بحبني مووووووت
وبحبهن مووووووت
وشايلاتني جوة عيونن
وعليك الله كان ما رفعتي علي قضية طلقتيهن مني
قال اية قال زعلان مني في موضوع التعدد
هو انتي ليك راي كمان بعد كلام الله ؟؟
سبحان الله ...
شايف لغتك اتحسنت ومافي أخطاء المرة دي .
شفتي التصحيح بعمل شنو ؟
| |
|
|
|
|
|
|
|