|
|
|
 Re: ناس الزقازيق ... أجدع ناس (4) .. (Re: طارق جبريل)
|
سلامات يا ناس
Quote: انتا المساسقة دى , ما فيها فيس بوك لى شنو ؟؟؟
|
انا طبعاً الفيس ده قاطعتو (قِبلى وبحرى)...ما داير اقول عندى
فيهو رأى ...لكن لا استطيع مجاراتو وكترة ناسو والتشبيك الفيهو
وصاحب صاحبك لازم تبقى صاحبو وصاحب صاحب صاحب صاحبك وعييييييييييك
القى لياقة من وين اتجارى مع الناس ديل ...والزمن يا حبيبى الزمن
اليوم بقى زى ضنب الكديس (كما يقول بكرى حامد)....
Quote: يا جورج والله كلامك صحي
من خرج من دارو قل مقدارو
|
يا حبيب ازيك وينك غتست كده ؟القطر وصل ولا عطل فى عطبرة؟
نحن ليه ما نحاحى الناس الحايمة بى هناك دى ونجيبها هنا؟
الما عندو باسويرد نجتهد ليهو....وتبدو بتليين راس زهير.
لانو هو سبب البلاوى.
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
مساكم الله بالخير
دي واحده من المداخلات المسائية النادرة من بعد عودتي من السلع....
فأبو ظبي أعطتني و أخذت مني...
أعطتني وجودي بين ناس أحبهم و يحبونني ....
و أخذت مني الوقت المتسع الشاسع مساءا...
و أناهنا لست أفاضل بين هذا و ذاك...
بل هو مجرد وصف لحالتين...
بعد صلاة العشاء مشيت الحلاق و الذي تفنن في أن يحلل قروشو...
مساج للعيون و الجبهة و الرقبة و الكتفين...
و طقطقة في الراس و الاضنين...
مسج لي كتفي الأيمن فشعرت بالجوع و اشتهيت لي شاورما...
ثم الأيسر فشعرت برغبة في تدخين سيجار هافانا رغم اني بطلت التدخين زمان...
دلك رقبتي فشعرت برغبة بالتداخل معكم... و ما عارف السبب شنو...
و هي الرغبة الوحيدة التي تحققت...
تجنبت الخوض في موضوع بوست و فيس بوك ده متعمدا...
هو ليس بموقف سلبي كما قد يبدو...
و لكني أعتقد أنه نوقش بما يكفي...
حتى أنني و أثناء تنقيبي في صفحات قديمة في البوست...
وجدت أن بعض الذين انصرفوا عن البوست كانت لهم آراء مغايرة تماما لمواقفهم الحالية...
فكنت أقرأ ما كتبوا و أضحك..حتى انني فكرت باعادة نشرها ثم عدلت عن الفكرة...
ذهبت الى الفيس بوك أحيانا بطلب من أصدقاء أعزاء و أحيانا باختياري..
فوجدت مجموعة من الناس الجميلين الذين تشعر بالألفة بينهم من الوهلة الأولى...
وجدت صعوبة في التأقلم مع سرعة الايقاع هناك رغم اجتهادي...
حتى انني افترعت بوست هناك لم يلاقي استحسانا و لم يتداخل معي فيه الا فافي و لايك من وليد حمدون...
قلت يا حليل الكوتش محمد صديق لكان تداخل معي عشرات المرات و بربع طايوق فقط...
اما ان كان بطايوق كامل لقام بعمل دراسة نقدية متكاملة...
المقصد...ان لنا اخوة أعزاء هناك نحبهم و يحبوننا في الله...
يكملوننا و لا ينقصون منا شيئا..و نكملهم و لا ننقص منهم شيئا...
و يؤدون دورا مقدرا في التواصل و الترابط و خلق صلات طيبة...
مثلما نقوم به نحن هنا و بما يتناسب مع أسلوبنا و مزاجنا...
الكثيرون منهم يأتون هنا و يقرأون ما نكتب و يستحسنونة...
لذلك يستحقوا أن نذهب اليهم و نقرأ ما يكتبون و ان لم نقدر على التداخل معهم...
ليس مجاملة لهم..بل لأن هناك مواضيع تستحق أن تقرأ و أراء جيدة تطرح..
فأغلبهم لا يستطيعون الكتابة هنا بسبب عدم حصولهم على العضوية...
و لكني أعاتب من هم أعضاء هنا...عتاب أخ و صديق و محب...
و أقول لهم ان ابتعادكم غير مبرر...أو بالأحرى يحزننا...
خاصة و ان المساهمة في هذا البوست لا تتطلب الكثير...
فهي مجرد مداخلة أو مداخلتين في اليوم ثم ينصرف العضو الى حال سبيله...
أدام الله المحبة و المودة و الاخاء بيننا...
و دمتم دايما سالمين...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صبحكم الله بالخير
Quote: يا رشا كيفنك
رغم التفاعل الغريب مع الفيسبوك
لكن يشهد علي الله دائما حنيني إلى هذا البوست
وانا اكتر واحد كنت معنقد في الحتة دي ومعاي ياسر نجيلة
ياخي سودانيز دي فيها حنين كدة ما قادر ألقى ليه تفسير |
معذرة جبريلا..نزلت مداخلتي و مشيت نمت...
ياخي انت عارف مشكلتك شنو يا جبريلا...
انك أصبحت ما ملك نفسك...
عندك جمهور هنا و في الفيس بوك و في كل مكان...
يعني ما من حقك تقول أنا أمشي هنا و ما حأمشي هنا...
و نحن لو حاولنا نحتكرك بتكون دي أنانية مننا...
لذلك قدرك يا حبيب أن تتواجد في كل هذه الأماكن...
و المبدع يجب أن لا يقيد...يجب أن يترك حرا طليقا يحلق حيث يشاء...
عشان كده بنقول ليك...
نقل فؤادك حيث شئت من الهوى ما الحب الا للحبيب الأول...
يعني تواجد في كل هذه الأماكن و لكن انطلق من هنا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه ا لخير
أصبحنا وأصبح الملك لله وحده
دعاء اليوم : اللهم أجمعنا ولا تفرقنا
قالوا في الأثر :
إذا أردت أن تكتشف صديقاً .. سافر معه ..
ففي السفر .. ينكشف الإنسان ..يذوب المظهر ..
وينكشف المخبر !
أها الكلام ده بنطبق على الناس الهجرت البوست وإنبطحت
في الفيس بوك بشكل لم أجد له تفسيراً ، نحن لا نحجر على الآخرين
التطور والتقدم والتكنلوجيا إذا ما تابعتها سوف تتخلق عن الركب
ولكن كما قال الرشيد:
| Quote: نقل فؤادك حيث شئت من الهوى ما الحب الا للحبيب الأول... |
هذا هو حالنا نذهب ونغرد بعيد ولكن لا بد للطيور أن تعود إلى أوكارها
والتواصل مع الآخرين والكم الكبير بالفيس بوك شئ جميل ورائع ومطلوب ولكن
أن تبخل وتضمن على الاخرين لو بالكوبي بيست مش حاجة تحير ومثال آخر حتى في
السراء والضراء تجد خبر موجود هناك وتداخل بعض الناس الذين يمتلكون حق الدخول
هنا لا يكف نفسه عناء النقل بالله دي تفسروها بشنو؟؟؟؟؟؟؟؟؟؟!!!!!!!!!!!!
وآخر مثال وفاة والد أخونا عبدالدائم لو لا تلفون زهير الزناتي لا علم لي ونحن بجواره
وعلى بعد أمتار قليلة ولكن بعض الأحيان لا ندخل إلى الفيس لان ولائي الأول والأخير لهذا الموقع
حتى تلفون عبدالدئم بتاع السودان وجدته فيس بوك صدفةً ولم يفتح الله على أحد منا على نقلة هنا
00249927625858 وهاتف أخوه جعفر بالسودان 00249122114084 يوجد خلل فني مقسم علينا جميعاً بدون
إستثناء وينطبق علي نفس الشئ على الرغم من أني لا أجد كثير من الوقت (لأني أعمل في مؤسسة أخرى بعد
دوامي هذا والتي سوف تكون مقر عملي الجديد بإذن الله وهي مؤسسة تحت الإنشاء وكثير من الأحيان تكون هناك إجتماعات بمدينة مكة المكرمة وتتطلب مني السفر ليلاً والعودة مع أخواني في الساعة الثالثة صباحاً وحقيقة بكون غالباً نائم في العربة عند العودة فأنا أشكو من ضيق الوقت وقلة النوم
وكثرة العمل وكثير من الزملاء على علم وإطلاع بأحوالي ) ولكن شخصياً لا أجد كامل العذر لنفسي وللآخرين
بدون مجاملة .
نواصل إنتفاضة الكوتش - ربيع الكوتش -
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: معذرة جبريلا..نزلت مداخلتي و مشيت نمت...
ياخي انت عارف مشكلتك شنو يا جبريلا...
انك أصبحت ما ملك نفسك...
عندك جمهور هنا و في الفيس بوك و في كل مكان...
يعني ما من حقك تقول أنا أمشي هنا و ما حأمشي هنا...
و نحن لو حاولنا نحتكرك بتكون دي أنانية مننا...
لذلك قدرك يا حبيب أن تتواجد في كل هذه الأماكن...
و المبدع يجب أن لا يقيد...يجب أن يترك حرا طليقا يحلق حيث يشاء...
عشان كده بنقول ليك...
نقل فؤادك حيث شئت من الهوى ما الحب الا للحبيب الأول...
يعني تواجد في كل هذه الأماكن و لكن انطلق من هنا...
|
يا رشا الله يجبر بي خاطرك يا حبيب
يا حبيب القصة كلها النيت دة بقى متنفس من ضغوط لا حصر لها
اهو بنجي نفرق مع الناس الحلوة شديد دي
ربنا يحفظك يا حبيب ويحفظ وليداتك
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: ياخي انت عارف مشكلتك شنو يا جبريلا...
انك أصبحت ما ملك نفسك...
عندك جمهور هنا و في الفيس بوك و في كل مكان... |
عليك الله دي هس مشكلة!!!!
يعني هس لو أصبح ملك نفسو يعني ما بتكون مشكلة!!!!
| Quote: و المبدع يجب أن لا يقيد...يجب أن يترك حرا طليقا يحلق حيث يشاء... |
ما تدو الزول دا أكتر مما يجب
أدوهو في راسو و خلاص
هو قايل نفسو الطيب صالح بي جد!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: يا رشا الله يجبر بي خاطرك يا حبيب
يا حبيب القصة كلها النيت دة بقى متنفس من ضغوط لا حصر لها
اهو بنجي نفرق مع الناس الحلوة شديد دي |
LIKE
هسع يا ودجبرين لو عملت المداخلة دي ... في الفيس بوك
ماكان ريحتني ... وبس ضغطنا على الاصبع العامل كده ده .......
كل ماتمشي بهناك ... ويشاكلوك تجينا جاري بدموعك ... وتقش في مخاخيتك ....
كدي النشوفك حايم تاني بهناك ...
====================================
بالامس قلت كدي اجرب الفيس بوك ...
بالله كل مداخلة انبح ... بصوت عالي
وينو رشا ...
وينو رشيد القوم ...
بالله وروني ... الرشيد بابكر ماجاكم حايم بي جاي ....
اها بدل الفضايح دي ... مش اخير قعادي في بيتي ده ...
ومحل ... الحبيب الأول ...
=========================
وبدون رتوش ... و ربيع البوست ... او ربيع الكوتش ...
والله كلو تجمع حلو وجميل ...
الواحد يشوف محلات برتاح ...
ومزاجو في الليلة ديك ...
عاوز فيس ..
ولا اسكاي ..
ولا الراكوبة ...
ولا بوستنا ده ... وتلقونا نحنا يا نا نحنا ...
الاغيرتنا الظروف ... لا هدتنا محنه ...
غيب وتعال ...
وبي راحتكم يا شباب ...
تسلمو ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: كل ماتمشي بهناك ... ويشاكلوك تجينا جاري بدموعك ... وتقش في مخاخيتك ....
كدي النشوفك حايم تاني بهناك ... |
هو مالو !!!!!
قلتو لي ربيع الكوتش!!!
ياخ نحن الأيامات كلها عندنا ربيع و خاصة مع الكوتش
عرفنا ربيع الكوتش في البوست هنا
طيب المنبر البي غادي ياتو فصل من فصول السنة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
| Quote: طيب المنبر البي غادي ياتو فصل من فصول السنة |
داك فصل الاعادة...
زمان و نحن أولاد صغار في تالته ثانوي (سانوي بالسوداني)...
كان في فصل فيهو ناس كبار ما كنا بنجي جمبو...
كان اسمو فصل الاعادة...
أنا ما كنت سموهو كده ليه...
لحدي ما واحد صاحبي قال لي عشان الناس الفيهو كبار...
انت دحين يا جلا ما كنت في فصل زي ده...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: بالامس قلت كدي اجرب الفيس بوك ...
بالله كل مداخلة انبح ... بصوت عالي
وينو رشا ...
وينو رشيد القوم ...
بالله وروني ... الرشيد بابكر ماجاكم حايم بي جاي ....
|
نجيلة تسلم يا حبيب...
عقبتك في الفيس بوك و لقيت سؤالك عني...
زول واحد قال ليك الزول ده ما جانا بي جاي مافي...
و عشان أنا عارفك بتنوم بدري...
خليت ليك سلامي هناك و مشيت...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: هس شوف طارق جبريل دا
دقوهو دق الجن لمن دموعو و مخاخيتو جات جارية |
كلمناهو يا جلا لكن ما بسمع الكلام...
أخير ليك معانا..حلف ما يسمع كلامنا...
مشى نزل قطرو بي هناك..حسه قطرو ودوهو الورشة...
هنا قاعد يحمد الله سيدو...
مش كده و بس...
الصيانة زاتا علينا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote:
مسج لي كتفي الأيمن فشعرت بالجوع و اشتهيت لي شاورما...
ثم الأيسر فشعرت برغبة في تدخين سيجار هافانا رغم اني بطلت التدخين زمان...
دلك رقبتي فشعرت برغبة بالتداخل معكم... و ما عارف السبب شنو...
و هي الرغبة الوحيدة التي تحققت... |
يعنى انحنا قاعدين ليك فى رقبتك يعنى ؟؟؟!!!
عموما الواحد لازم يتحمل مسئولياتو كاملة
الموضوع ده , علاجو فى عدم الأشتغال بيهو , وعدم اعتباره هما
انا شخصيا ما فارقة معاى
وين ما القاكم , ووين ما القى ايقاعى , بجيكم
سودانيزاونلاين ده زااااتو , فى الأول كان جديد على
كنتا برسل ليكم ايميلات
جبتونى واديتونى باسويرد
دشيت ليكم قدر ما الله قدرنى
جابو الفيس بوك
بقى لى كيف كيف ما عارف , وايقاعو غلبنى فى الأول
وقمتا كده اتعودت عليهو
بكرة كمان يمكن تلقى ميزات اكتر فى التويتر , ولا فى قوقل بلس
برضو ما عندى قشة مرة
وين ما انتو موجودين , بجيكم
اتعاملو مع الموضوع ده , ببساطة زيى كده , تريحوا وترتاحوا
بعد مرات بكتب حاجة هنا , وبنسخها لى هناك
او بكتب حاجة هناك , وبنسخها لى هنا
فى شلهتة ومساسقة , ايوا فى شلهتة ومساسقة
لكن بديل الشلهتة والمساسقة , اللى هو توحيد مزاج الناس
غير ممكن , بل مستحيل
لا تطلبوا مستحيلا , ولكن تشلهتوا وساسقوا ما استطعتم
واعلموا ان , المشاركة
اما قراية سااااى وده اضعف الأيمان
اما قراية ولايك , وده ايمان متقدم شوية ومشاركة فى حدها الأدنى
اما قراية ولايك او دسلايك , بى تفنيدها واسبابها ومشاركتها , وده تفاعل ومشاركة بى طايوق
او كمان تبنى لى مواضيع وانبهال ودش وتصدى , وهذا ما لا يتسنى للجميع طول الوقت
ولكنه ممكن للبعض بعض الوقت , او للكل بعض الوقت , وفى كل خير
وعلى فكرة , حتى الفيس بوك , بى ناسو الكتار ديل , وبى ادواته الأكثر تقدما دى , برضو عنده اوقات كساده وبوار سلعه
بسييييييطة يا شباب , ارجوكم ما تصعبوهاش
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
صبحكم الله بالخير
آخر حاجة شفتها كانت مداخلة منصور...
و تاني بصراحة ما قدرت أدخل...
ما قلت ليكم أبو ظبي أخدت مني مساحة مقدرة من الزمن...
و مسافة مقدرة من التواصل الحميم معكم...
سواء أن كان عبر البوست أو عبر التلفونات...
فيوم الخميس و السبت كنت أتلقى العديد من الاتصالات منكم...
و أنا ذاهب الى السلع و أنا قادم منها...
تلفون من أبو الزوز يوصلني السلع...
و آخر من جلا أو منصور يوصلني أبو ظبي...
و عادة ما كانت تنتهي المكالمة بي يا زول خلاص وصلت...
أها يلا طيب مع السلامة...
أتفق مع منصور في أن نترك موضوع فيس بوك و بوست ده لحاله...
و سوف تجدون ان المياه رجعت وحدها الى مجاريها...
مثل القاش يغير مساره ثم يعود اليه مرة أخرى...
Quote: يعنى انحنا قاعدين ليك فى رقبتك يعنى ؟؟؟!!!
عموما الواحد لازم يتحمل مسئولياتو كاملة |
ده بيعتمد على انكم في ياتو مكان...
أنا غايتو رقبتي مع السما...
My neck with the sky ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صبحكم الله بالخير
جزء من قصيدة بحبك بحر...
للشاعر الجميل أزهري محمد...
مـــعـــاى
وغشيتك أسلم عليك
أتكّل قصادك
هموم الحراز
أطمّن طيوف الخريف الوشيك
أبشر دواخلك بوعد الرزاز
مودر ملامحك
غبيتك
لقيتك
بتلفظ شوارعك بيوتك
تصادر خطاك وتكاجر مشيك
تغالط حواسك ملامحك
وتحرد عيونك مقاطع وشيك
سألتك خبارك ؟
مسُوكر لسانك
وصمتك يشفق
خبارك.. بتغرب شموسك
زمان الشموس البتشرق
تضيع الملاحه التعطن وجيهك
ومّنك تدفق
خبارك غريبة
أقلب دواخلك
أكوس الحبيبة اللى عنك بتفرق
بتفرق حبيبتى البتلبس فصول الخصوبة
بتضحك أغانى
وتدفق عذوبة وبتنزل مطر
عشقتك لأنك حبيبتى
وبحبك بحر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
علي سبيل التحية ... والسلام
ما عندي موضوع من قبيل كايس حاجة اكتبها ما لقيت ... لا هنا لا هناك ....
الفيس بوك ... البوست ... كلاكيت عاشر مرة ... اريقت الكثير من الكلمات
ولا جديد ... أتفق مع منص ... محل ما نلقاكم نحبكم ... المحل القريب لينا
لو مافي نطوي المسافات طي .... عشانكم ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
| Quote: ما عندي موضوع من قبيل كايس حاجة اكتبها ما لقيت ... |
و الله أنا نفس الحكاية يا أبو الزوز...
نزلت قصيدة أزهري محمد علي و مشيت المربع...
فتشت علي حاجة ما لقيت...
قفلت الدكان و مشيت...
قلت جيتك دي ممكن تكون مناسبة...
عشان نقول ليك نورت المكان...
ياخي مزاج يوم السبت ده مزاج عجيب...
طبعا مساء اليوم ملحمة البايرن و تشيلسي...
فعايزين نعرف من حسه...
انت أحمر و لا أزرق...
و لا نيوترال...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
أصبحنا واصبح الملك لله وحده ،،،
اللهم آتنا في الدنا حسنة
وفي الآخرة حسنة
وقنا عذاب النار
===========================
| Quote: بسييييييطة يا شباب , ارجوكم ما تصعبوهاش |
كلام منصور صاح والمداخلات دي كلها صاح ، ولكن
حسب فهمي لإنتفاضة الكوتش بأن الناس الذين يمتلكون باسويرد
في سودانيز إذا كانوا متواجدين على النيت يجب وإلزام عليهم المداخلة
هنا ولو باليسر البسيط (مداخلة في الإسبوع أو حتى في الشهر) تكفي
ونأخد مثال بسيط ، زي إختفاء أخونا البادي النور قد أجد له العذر
لظروف خاصة به لا يتداخل نهائياً ورد الله غيبته ، وزي صاحبي شديد الفي
الرياض داك راجل أكتف ووجوده في أي موقع غنيمة ما بعدها غنيمة ، ولكن
تواجده بكثافة في معظم مواقع التواصل الإجتماعي والإختفاء بالكامل ولا حتى المناسبات
يا كافي البلاء ما بتجيبوا هنا ، أها إنتفاضة الكوتش مقصود منها الناس ديل ؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
كويس الواحد لقا ناس يتونس معاهم ... يعني لو كان قطعوا معاكم ناشف كان امتقلب ...
والله يا حبيب أنا اصلاً بشجع تشيلسي ده من زمان ... بس علي خفيف ... يعني علاقتي بيهو ما قوية
وما عندي علاقة ببايرن ميونخ نهائي ... بس بعد ما فشانا في جماعتكم الزول حا يتعاطف معاهو ...
يعني ممكن تقول تشيلسي بنسبة 30% وبايرن ميونخ 20% والبيحيبها الله كلها كويسة بنسبة 50%
دي من البتاعة القلتها انت دي المن غير لون ... المهم الكاس ما مشي للريـال ولا مانشيستر ..
طبعا يونايتد ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
| Quote: يعني ممكن تقول تشيلسي بنسبة 30% وبايرن ميونخ 20% والبيحيبها الله كلها كويسة بنسبة 50% |
عصايتك دي احترت فيها...
يعني الواحد ما بقدر يعرف انت ماسكه من ياتو حته...
نسبك دي شكلها حتزيد مع بداية المباراة...
يعني ممكن نسبة 30% بتاعت تشيلسي تزيد...
أو نسبة ال20% بتاعت بايرن تزيد...
علي أي حال استراتيجية كويسه للتعامل مع المباراة...
ود عمي محمد عايش في ميونيخ و متزوج من ألمانية...
أنا بعرف انو زمان ما كان عندو علاقة بالكورة البتة...
حسه ما بفوت مباراة للبايرن...
كل ما تكون هناك مباراة للبايرن بفتش عليهو وسط الجمهور..
كان نفسي يعزمني المباراة دي يا أبو الزوز...
نفسي ياخي أدخل مباراة لفريقين أوربيين...
عايز أشوف الفرق بين المشجعين الأوربيين و المشجعين السودانيين...
عايز أِشوف الفرق بين الاليانزا أرينا و استاد الخرطوم...
عايز أشوف الفرق بين الجماعة الببيعو الساندوتشات و ستات القهوة و الشاي..
عايز أشوف الفرق بين البوب كورن و الفول و التسالي...
عايز أشوف الفرق بين انك تكون بصحبة واحد ألمانيا و بين صحبو أبو الزوز و الكوتش...
يا ربي في فرق و لا مافي...
طبعا الفرق بين الكورة الأوروبية و السودانية واضح ما عايز ليهو شوف...
ياخي كورة الهلال الأخيرة دي لو سمعتها في الراديو تنوم...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
وانا منحاز للأنجليز وثقافتهم الكروية
انحيازا كاملا
عشان كده , انا تشيلساوى اليوم , ومتقمص صلعة حاتم جبارة
بس مع ده كلو , انا مزاجى غريب شوية , خاصة فى فكرة التشجيع والتعاطف دى
بحاول دائما , انو حكمى ما يستند على النتائج بس , فى النهاية
يعنى انا عارف تماما , انو لو النتائج تحسم بالمستوى والأداء
النهائى المفروض يكون بين البرشا والريال
لأنهم احسن فريقين فى العالم الآن , دون جدال
بس انا كمان , من عشاق الأثارة فى كرة القدم
والأثارة عنوانها الدائم هم الأنجليز اولاد الهرمة ديل
الأسبان لو ارتفع مستواهم او نزل , كورتهم مسيخة وتقدر تتوقع نتائج سنة لى قدام
وغالبا ما تكون توقعاتك , صائبة بنسبة لاتقل عن تمانين لى تسعين فى المية
يعنى الحكم العام والأبتدائى , هو الذى يحكم كورة الأسبان
لكن الحكم العام مساحته ما بتزيد عن خمسين لى ستين فى المية عند الأنجليز
كل مباراة عندها حكم خاص بيتحدد فى الميدان , صواب الحكم ده معظم الأحوال بين اربعين لى خمسين فى المية
يعنى معظم المباريات , تشهيك المشاهدة عشان تتحدى حكمك العام المسبق
شفتا الأثارة دى كيف
تشيلسى وبايرن ميونيخ , لمن قابلوا البرشا والريال فى قبل النهائى
ما استسلموا لى الحكم العام , الكلنا كنا متوقعينو
قالوا ان المباراة تلعب داخل الملعب , وقد صدقوا
عشان كده الليلة انا متوقع نهائى روعة , فيه اثارة عالية
فنيا الفريقين متقاربين للغاية , مع تفوق طفيف للبايرن , والتفوق ده ناتج من غيابات عناصرية اضطرارية لتشيلسى
خاصة غياب جون تيرى , وعودة البرازيلى اب شعر داك , مع كاهيل , والأتنين طولوا من اجواء المنافسة
كلا الفريقين محتاج للبطولة دى عشان ينقذ موسمه , مع انو حوجة تشيلسى تبدو اكبر
لأن عدم فوزه معناها عدم المشاركة فى الشامبيونز ليق السنة الجاية , لأنو جا فى المركز السادسس فى الدورى الأنجليزى
الفرجة مضمونة زى ما بيقول رؤؤؤف خليف , واتمناها تشلساوية زرقاء
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
أي الفريقين سيتأثر أكثر بهذه الغيابات؟
من بايرن ميونيخ...سيغيب كل من
برينو ( للاصابة )
جوستافو ( للايقاف )
بادشتوبر ( للإيقاف )
دافيد الابا ( للإيقاف )
بينما من البلوز سيغيب كل من
جون تيري ( للإيقاف )
إيفانوفيتش ( للإيقاف )
راميريز ( للإيقاف )
راؤول ميريليس ( للإيقاف )
في رأي المتواضع...
ان البايرن سيتأثر دفاعه كثيرا بغياب بادشتوبر و آلابا...
بينما سيتأثر خط و سط و هجوم تشيلسي كثيرا بغياب البرازيلي راميرز...
دايفيد لويز و كاهل قادران على تعويض غياب جون تيري و ايفانوفيتش...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
والله فعلا الكورة .... مدورة ..
والكورة بت ستين ######ـــــــــــــــــــــــــــــــــــــــــ .......
ديدي درودبا .... ضيع كأس الأبطال مع فريقو الوطني .... ساحل العاج ...
وعوض الانجاز كلاعب كبير ... احراز كأس اوروبا .... مع فريق تشلسي ....
ده بتسموهو شنو ياناس التحليل الرياضي .....
==========================
غايتو انا مبسوط ....
برضو الكأس الاوروبي بنكهة .... افريقية .... ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صبحكم الله بالخير
لو كنت رئيس تحرير جريدة رياضية لفرضت على جريدتي المانشيتات التالية...
الكرة تقول للبايرن..ليله لو باقي ليله..عمري ما أبيك الليلة..
دروجبا يؤجل القرار و تشيك يشعل النار في قلب ميونيخ...
أوبي ميكيل و لويز و كاهل..متاريس نيجيرية..برازيلية و انجليزية باشراف ايطالي...
أثبت النيجيري جون أوبي ميكيل أنه نجم كبير..
و انه كان مظلوما من قبل المدربين السابقين الذين تعاقبوا على تدريب تشيلسي...
كل خط دفاع تيشلسي كانوا نجوما و لم يتأثروا بغياب تيري و ايفانوفيتش...
لعب لامبارد مباراة استثنائية و كان قائدا حقيقيا لفريقة...
تأثير غياب راميرس كان واضحا في الانتقال من حالة الدفاع الى الهجوم...
البايرن عانده الحظ في كثيرا من الكرات الخطرة...
مفاتيح اللعب في الفريق (ريبيري و روبين) وجدت أمامها متاريس متينة...
خسارة الفريق الكبيرة أمام دورتموند ألقت بظلالها على نفسيات اللاعبين...
فبدوا و كأنهم قد استسلموا لشعور داخلي بعدم امكانية الفوز...
يوب هاينكس و ان كان مدربا جيدا الا أنه بدأ لي كناظر مدرسة متغطرس...
فبعد الخسارة كان ينظر الى لاعبية دون أن يخفف عليهم و كأنه يلقي عليهم اللوم...
نبارك من هنا لحبيبنا حاتم جبارة التشيلساوي الكبير...
و حتى لزهير صاحب الــ30% و الذي أظنها نقصت كثيرا أثناء المباراة وحتى هدف دروجبا...
و هاردلك لمنصور الذي يمني نفسه بخسارة تشيلسي..
حتى يشارك أرسنال في دوري الأبطال في الموسم القادم...
تشجيع منصور للبايرن من أجل عيون أرسنال دي..
ليه ما عارف أرتبطت عندي بمصطلح حرب بالوكالة...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا و جوه الخير
أصبحنا وأصبح الملك لله وحده،،،
دعاء اليوم :
اللهم أحسنت خلقي
فأحسن خُلقي
===================
تابعت مبارة يوم أمس ليلاً فقد كانت بحق
مباراة رائعة يمكن أن تتغير النتيجة في لأي لحظة
والحق يقال الحظ عاند الألمان بشدة وذهب كأس لتشيلسي
مبروك الكأس يا حاتم جبارة وكذلك محسنة ميسرة فهي تشجع هذا الفريق الإنجليزي
ولاعبها المفضل دروجبا- علشان بيشبه منصور -
الأولاد متابعين الكورة أكثر مني ويوم أمس حرمتهم من حضور المباراة
من أجل المدرسة والإمتحانات وعدم السهر الشديد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يا ناس
انا كنت قايل المشكلة فى عدم وجود النظارة
لكن لقيتها ما لافقة....
الدال اقصى اليمين والغين فى المنتصف...
ياربى نجيلة ده أَلْجَنْ وأنا ما عارف.
صباحات التفاؤل.
++++++++++++++++++++++++++++++++++++++++
أمس لمة عند النضيف ( كماً وكيفاً)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
نجيلة نصيح ... ياكوتش ....
الزول ده اكتبو زي ماعاوز ..
ديديه دروغبا
ديدي دروغبا
ديدي دروجبا
ديدية دروجبا
واخيرا ديدي درودبا ...
أو ديديه درودبا ....
بس بالانجليزي الاسم بكتب بطريقة واحدة
Didier Drogba
لمتكم ماصورتوها ....
حاتم جبارة مبروووووك ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote:
محاسب في شركة كمبيوتر ...
Technical Accountant في مجمع صناعي
محاسب في حكومة دبي الوظيفة الحالية ...
واثناء شغلي الأساسي ...
كنت أقابض أي شغلة القي فيها فرصة مثل:
مدرس كمبوتر ..
طباعة وتصفيف الكتب ... أول ما دخل الابل ماكنتوش 1989
بياع سكراب ...
تجارة البرسيم و الرودس .... استيراد من السعودية ...
مصنع ألمنيوم ...
محل انترنت و أجهزة كمبيوتر ...
تجارة بين دبي والسودان ...
بيع وشراء السيارات ...
والكتير ... مافي داعي أصدعكم ... ولكن المهم ماذا كانت النتيجة ..
,وبياع فلل الواحدة بى ميتين وسبعين الف دولار
معقول تنسى اهم واحدة , مش جلا اشترى منك فلته بتاعت الفتيحاب
بتاعت الشبابيك السرية ؟؟!!!
* يالرشيد انا كنت اسعد واحد بى تشيلسى ودروغبا امبارح
تشيلسى فاز بالكأس , وطير معاهو توتنهام
ارسنال متأهل يا معلم بى ضراعو , قبل تشيلسى زااااتو |
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote:
محاسب في شركة كمبيوتر ...
Technical Accountant في مجمع صناعي
محاسب في حكومة دبي الوظيفة الحالية ...
واثناء شغلي الأساسي ...
كنت أقابض أي شغلة القي فيها فرصة مثل:
مدرس كمبوتر ..
طباعة وتصفيف الكتب ... أول ما دخل الابل ماكنتوش 1989
بياع سكراب ...
تجارة البرسيم و الرودس .... استيراد من السعودية ...
مصنع ألمنيوم ...
محل انترنت و أجهزة كمبيوتر ...
تجارة بين دبي والسودان ...
بيع وشراء السيارات ...
والكتير ... مافي داعي أصدعكم ... ولكن المهم ماذا كانت النتيجة ..
,وبياع فلل الواحدة بى ميتين وسبعين الف دولار
معقول تنسى اهم واحدة , مش جلا اشترى منك فلته بتاعت الفتيحاب
بتاعت الشبابيك السرية ؟؟!!!
* يالرشيد انا كنت اسعد واحد بى تشيلسى ودروغبا امبارح
تشيلسى فاز بالكأس , وطير معاهو توتنهام
ارسنال متأهل يا معلم بى ضراعو , قبل تشيلسى زااااتو |
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
بعد التحية والسلام
السنة عندنا حولية عديل ، الداخلين الجامعة من أبنائنا أذكر منهم
1- عمر أحمد إسماعيل
2- الطيب عصام جلي
3- أحمد منصور عبد الرازق
4- سجود موسى عيسى والبقية تأتي
إنتظرنا الناس الأكبر مننا سننا ناس موسى عيسى الأولادهم دخلوا الجامعة من سنوات سابقة
أن يضعوا لنا حجر أساس لقراية العيال مشوا لقراية السودان أم دق دي وفي الآخر صفر معاك الواحد
لذلك ياليت نوحد جهودنا ونجمع الدارسين من أبنائنا في بلد خلاف السودان ، حتى لو بحر الشمال مع
عمهم عمر فيل ، أو في كندا مع ناس الهادي محمد صالح وكوثر داود
تأبى الرماح إذا إجتمعنا تكسرا ؛؛؛؛؛؛ وإذا افترقنــا تكسّرت آحادا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صبحكم الله بالخير
| Quote: طباعة وتصفيف الكتب ... |
يا أخوانا أول مره أعرف انو الكتب بتصفف...تعيش كتير ياخ...
أمشي قول لي دي برضو درودبا...
| Quote: تجارة البرسيم و الرودس .... استيراد من السعودية ... |
كنت مضايقنا في أكل عيشنا يعني يا نجيلة...لا استفدت و لا خليتنا نستفيد...
أها خليناها ليك شفنا لينا حاجه غيرها...
| Quote: تجارة بين دبي والسودان ... |
دي غايتو بالغت فوكه....
دي التجارة الكل ما تكب فيها بتصغر...
| Quote: وقوقلت الموضوع ... فكانت النتيجة ضحكة قوية ... |
ضحكتك دي ذكرتني برضو قوقيله قوقلتها قبل كده...
ضحكت زي ضحكتك دي..بس لكن ما اتنفقلت...
| Quote: يتبع الحلقة الثانية .... بكرة ان شاء الله بعد السابعة صباحا .... |
قاعدين محكرين منتظرنك...نسوي شنو ...
حركاتك دي..
تشغلنا نحن بالمسلسل حقك و تآخد راحتك في السوق....
يا بتاع البرسيم...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: لذلك ياليت نوحد جهودنا ونجمع الدارسين من أبنائنا في بلد خلاف السودان ، حتى لو بحر الشمال مع
عمهم عمر فيل ، أو في كندا مع ناس الهادي محمد صالح وكوثر داود
تأبى الرماح إذا إجتمعنا تكسرا ؛؛؛؛؛؛ وإذا افترقنــا تكسّرت آحادا
|
أبو عمر و الأفكار النيره...
فكره جيدة جدا يا أبو عمر...
صحي أنا لسه أولادي ما في سن الجامعة...
لكني أدعم الفكرة بشدة...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
أصبحنا وأصبح الملك لله وحده،،،
دعاء اليوم :
أعوذُ بكلمات الله التامة
من كل شيطان وهامة
ومن كل عين لامة
========================
| Quote: ياليت نوحد جهودنا ونجمع الدارسين من أبنائنا في بلد خلاف السودان |
فكرة توحيد الجهود والدراسة خارج السودان
هي فكرة صائبة ومقدرة وعلشان الناس تكون عملية
يجب ترشيح بعض الدول وعمل دراسة ويُستفاد من الزملاء
المتواجدين بتلك الدول ، ربنا يوفق أولادك في مستقبلهم الدراسي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
يا جماعة احمد اسماعيل ده زول عجز وكبر ... والدليل انه كلامه كل حكم
وكلام مفيد ... للأسف اتعودتوا ما تسعموا كلام كباركم ... وما قادرين
تتخذوا قرار في أي حاجة ... واضح تأثير بنات الشيوخ عليكم ...
لو سمعتوا كلام احمد اسماعيل ده السنة الفاتت هسه العمدان كان طلعت
وما كان دفعتوا في الجامعة 17 مليون في السنة الواحدة ... لكن نسوي
شنو مع ناس هرشة دوت كوم ديل .... ياخي مرة واحدة اجتمعوا اعملوا
حاجة تنفع الناس كلها بدل كله زول شايت براهو زي ناس المريخ كده ...
كل مرة طالعين من التمهيدي ...
يا رشدي تصفيف الكتب ... جايه من صف يصف الحروف في صف أو صفوف ... زمان الحروف كانت
نحاسية وبتتجمع حرف حرف عشان تبقي كلمة ... ثم سطر ثم صفحة بعدين يربطوها
مع بعض ... في شكلها زي الختم الخروف بارزة ,,, اسمها المطبعة الحرفية
ودي اول مطبعة عرفها الإنسان وجابها نابليون معاهو مصر ... العجيبة لغاية الليلة
مستتخدمة خاصة في كروت الأفرح وفي ترقيم الدفاتر الحسابية .... لأنها الوحيدة في الطابعات
العندها رقامة ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
Quote: يا رشدي تصفيف الكتب ... جايه من صف يصف الحروف في صف أو صفوف ... زمان الحروف كانت
نحاسية وبتتجمع حرف حرف عشان تبقي كلمة ... ثم سطر ثم صفحة بعدين يربطوها
مع بعض ... في شكلها زي الختم الخروف بارزة ,,, اسمها المطبعة الحرفية
ودي اول مطبعة عرفها الإنسان وجابها نابليون معاهو مصر ... العجيبة لغاية الليلة
مستتخدمة خاصة في كروت الأفرح وفي ترقيم الدفاتر الحسابية .... لأنها الوحيدة في الطابعات
العندها رقامة ... |
فى دى برضو داير تعمل ميكانيكى؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
حارسنا ... وريسنا
كل سنة وانت طيب ....
نتمني ليك كل السعادة لك وللاسرة الكريمة ...
============================
يالرشيد ...
تصفيف من صف ...
بس مش بتاعة زهير
اول ماظهر جهاز الماكنتوش اقصد ابل ماكنتوش
ظهر معاهو برنامج اسمو ... الناشر المكتبي
ده خاص باخراج الصحف والكتب
ومعروف ان الطباعة بتكون .. ورقة ... ورقة
وعملية التصفيف ... هذا المصطلح
لازم توضح الصفحة اليمين من الصفحة الشمال ...
دي حاجة غير الترقيم ...
بعرفوها من الهوامش ... ومتعارف عليها في المطابع
يعني الهامش اليمين غير الشمال حسب المساحة وجهة تثبيت الكتاب ...
وكذلك من التصفيف (اسم قائمة بالبرنامج)... جزء منها التنسيق ... والترقيم ... والهوامش ... ووووو
بالمناسبة مايجي واحد حريف ويقول لي من الارقام ممكن نعرف الصفحة اليمين من الشمال
لان الصفحة الاولي ممكن تكون فرادية ...
ويبدأ الكتاب من الصفحة التانية
وكذلك في منتضف الكتاب بتكون في صفحة فرادية خلفها فاضي ... وهكذا ...
اضرب لي تلفون ... اشرح ليك ... يادرودبا ....
لو عاوز برسيم او رودس .... عماني ... سوداني ... محلي ...
عندي أسعار ممتازة ... كلمني ... انا جادي مافي هظار ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صدقت يا ابو عمر احمد اسماعيل
موضوع دراسة العيال ومستقبلهم
موضوع يحير
احمد ولدى على مرمى حجر منه
وزى ما قلتا عمر احمد اسماعيل كمان
ودعاء محمد عيد
وولد عصام جلى
وما خفى اعظم
عارفين
الموضوع ده , التفكير النظرى فيهو غير
ولمن تجى للمحك , بتلقى نفسك بتفكر بى طريقة مختلفة
حاولت اقعد مع احمد واتفاهم معاه من بدرى
طوالى اتذكرتا ايامى الفى سنه وعمره
اول شىء , حاولت اعرف ميوله
عارف , الحتة دى براها يمكن اخدت اكثر من سنة
وانا عاذره طبعا , الشغلة فعلا مجوبكة والدنيا الجديدة وآلياتها وادواتها
تزيد التشتت زاده تشتتا
عارف الخيارات بتاعت الدراسات الهندسية , فعلا خيارات اوسع , وبتخليك تحتار تمشى فى ياتو اتجاه
المحور كمان بتاع انك توديهو السودان ولا برة السودان , برضو موضوع النظرى فيهو كتييير , ومتنوع
الفكرة بتاعت انو يمشى بلده ويتعرف على مجتمعه , برضو فكرة مليياااانة نظريات
دراسة الطب , خياراتها ما واسعة زى الدراسات الهندسية
من ناحية جودة بتكلم , مخلوطة بى رغبة او عدم ممانعة على الأقل
نملوز فى المطار قال لى فكهم لى الأتنين وما عندك شغل بيهم , نظرية تانية من النظريات
جودة الجامعة وسمعتها , خاصة فى دراسة الطب , لو قبول عام ولا على النفقة الخاصة
ده كمان باب كبييييير , قدر ما تفتحو , يابا ينقفل ليك
احمد باقى ليهو اسبوعين ويخلص امتحاناتو , وبعديها امتحان التحصيل الأخير
ولما كمان الواحد فيهم يكون مستواه كويس وتشعر بيهو مجتهد , يزيد حيرتك زيادة
اها , الدبارة كيفنها ؟؟؟!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صدقت يا ابو عمر احمد اسماعيل
موضوع دراسة العيال ومستقبلهم
موضوع يحير
احمد ولدى على مرمى حجر منه
وزى ما قلتا عمر احمد اسماعيل كمان
ودعاء محمد عيد
وولد عصام جلى
وما خفى اعظم
عارفين
الموضوع ده , التفكير النظرى فيهو غير
ولمن تجى للمحك , بتلقى نفسك بتفكر بى طريقة مختلفة
حاولت اقعد مع احمد واتفاهم معاه من بدرى
طوالى اتذكرتا ايامى الفى سنه وعمره
اول شىء , حاولت اعرف ميوله
عارف , الحتة دى براها يمكن اخدت اكثر من سنة
وانا عاذره طبعا , الشغلة فعلا مجوبكة والدنيا الجديدة وآلياتها وادواتها
تزيد التشتت زاده تشتتا
عارف الخيارات بتاعت الدراسات الهندسية , فعلا خيارات اوسع , وبتخليك تحتار تمشى فى ياتو اتجاه
المحور كمان بتاع انك توديهو السودان ولا برة السودان , برضو موضوع النظرى فيهو كتييير , ومتنوع
الفكرة بتاعت انو يمشى بلده ويتعرف على مجتمعه , برضو فكرة مليياااانة نظريات
دراسة الطب , خياراتها ما واسعة زى الدراسات الهندسية
من ناحية جودة بتكلم , مخلوطة بى رغبة او عدم ممانعة على الأقل
نملوز فى المطار قال لى فكهم لى الأتنين وما عندك شغل بيهم , نظرية تانية من النظريات
جودة الجامعة وسمعتها , خاصة فى دراسة الطب , لو قبول عام ولا على النفقة الخاصة
ده كمان باب كبييييير , قدر ما تفتحو , يابا ينقفل ليك
احمد باقى ليهو اسبوعين ويخلص امتحاناتو , وبعديها امتحان التحصيل الأخير
ولما كمان الواحد فيهم يكون مستواه كويس وتشعر بيهو مجتهد , يزيد حيرتك زيادة
اها , الدبارة كيفنها ؟؟؟!!!
* ياسر نجيلة , زلوط وصل وين ؟؟باع الرودس ولا لسا ؟؟ عليك بالكوتومبورا الأفريقى , لا يعلى عليه .. ننتظر زلوط واحلامه
* طارق جبريل مشتاقين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
ليوم يصادف ذكرى رحيل الجنوبي " أمل دنقل" الذي توفى فى مثل هذا اليوم ٢١ من مايو ١٩٨٣ متأثرا بمرض السرطان..
ليت أسماء تعرف أن أباها صعد
لم يمت
هل يموت الذي كان يحيا
كأن الحياة أبد
وكأن الشراب نفد
و كأن البنات الجميلات يمشين فوق الزبد
عاش منتصباً، بينما
ينحني القلب يبحث عما فقد.
ليت "أسماء"
تعرف أن أباها الذي
حفظ الحب والأصدقاء تصاويره
وهو يضحك
وهو يفكر
وهو يفتش عما يقيم الأود .
ليت "أسماء" تعرف أن البنات الجميلات
خبأنه بين أوراقهن
وعلمنه أن يسير
ولا يلتقي بأحد .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
دعـــوه ...
يمكن ان تسموها عربون موده ...
او وردة صلح ...
او تطييب خاطر او حتى .... رشـــوه او .....
لصديقى وحبيبى الكبير ... الكوتش محمد صديق
والحبيب الرشيد
وجميع عشاق دنقــل
المقترح : عمل ملف متكامل عن امل دنقل شبيها بملف محمود درويش الذى نظمناه قبيل الارشفة
بل اننى اقترح ان يكون الملف فى ( لمن فاتهم الاستماع ) ..
ما رأيكم ؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
سعيد جدا بالحضور المكثف للجميع...
شفتو كيف مداخلة واحدة بتصنع الفارق...
فما بالكم لو أصبحت اثنتان...
خلوها واحده ..واحده..عشان تبقى تصفيف مداخلات...
حتى لو ما بين معانا رقم المداخلة...
Quote: اضرب لي تلفون ... اشرح ليك ... يادرودبا ....
لو عاوز برسيم او رودس .... عماني ... سوداني ... محلي ...
عندي أسعار ممتازة ... كلمني ... انا جادي مافي هظار ...
|
أنا عارفك جادي..
مش أنا القلت انك تاجر ضل طريقه للوظيفة...
و تيب...
Quote: طولنا الحلفة شوية عشان الرشيد ...
يشرب ..... كباية موية ...
|
يا حبيب أشكرك على التطويل...
و تأكد انني في غاية الاستمتاع...
و يا ريت تطول لينا الحلقة الجاية أكتر شوية...
يعني خليها تبقى جك مويه...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يا ناس
Quote: وتخليهم ينقنقوا ويولدوا كهرباء ..وكمان دي مهنة ما دايرة أي مؤهلات ..
وكل ما الواحد كان صوتو غليد .. وحلقو مانع .. حـ يكسب أكتر..!!
|
(يبدو لى ) أنسب ناس للمهنة دى (بنات الشيوخ )القاعدات فى البيت .(يعنى بت
شيخى بره).
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: ليت أسماء تعرف أن أباها صعد
لم يمت
هل يموت الذي كان يحيا
كأن الحياة أبد
|
يا سلام عليك يا حمادة و انت تحي ذكرى الجنوبي...
بعد التخرج و عندما كنت أعمل في الجزيرة كان معي دنقل...
كنت بعد عودتي من العمل عند السادسة مساء و بعد الاستحمام و الغداء/عشاء...
أخرج الكتاب الأحمر الضخم وأقرأ فيه..كانت تلك هي الأعمال الكاملة...
كان كل من حولي ينظر الي و كأنني أقرأ المانيفستو...
صنفوني بلون الكتاب و اندهشوا عندما رأوني أصلي...
معتقدين ان كل من له علاقة بهذا اللون لا يصلي...
حتى لو كان مريخابي بس...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا ريس كل سنة وأنت بألف خير وعلى خير وموفقين
ناس المريخ ديل الظاهر حمدهم في بطنهم
ما شايفين ناس أبو الزوز ديل مشرشحنهم كيف !
يا منصور فعلا دراسة العيال محصلة إختياراتها معقدة وصعبة
على العموم لو وجدنا توافق وإنسجام في الرغبات والبلدان ( الجامعات)
و توحدت الجهود ، نحن مستعدون لأن موت الكثيرة عيد وخلاف ذلك
تكون كل شاة معلقة من عصبتها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
سلامات يا ناس
Quote: دعـــوه ...
يمكن ان تسموها عربون موده ...
او وردة صلح ...
او تطييب خاطر او حتى .... رشـــوه او .....
لصديقى وحبيبى الكبير ... الكوتش محمد صديق
والحبيب الرشيد
وجميع عشاق دنقــل
المقترح : عمل ملف متكامل عن امل دنقل شبيها بملف محمود درويش الذى نظمناه قبيل الارشفة
بل اننى اقترح ان يكون الملف فى ( لمن فاتهم الاستماع ) ..
ما رأيكم ؟ |
يا حبيبنا عيد مشتاقين يا اخى
وفاقدنك بى هناك...طولت ما جيتنا ....
واذا جيتنا بالبرنامج ده تكون اديت الحق والزايد.
وشكرا على المشاعر الطيبة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote:
- يا جماعة افترضو مثلاً إنو في شركة اخترعت جهاز يحول (النقة) إلى (كهرباء) ..
يعني واحد نقناق زي عمر ده ممكن يولد زي عشرة كيلو واط في دقيقتين ..
وفي خمسة ساعات ممكن يولد كهرباء تشغل مصنع نسيج ليوم كامل ..
ويطلع مصاريفو بي ارتياح .. أها رايكم شنو في الاختراع ده؟!! |
يعنى النكتة بتاعت بكرة النقة , تبقى بكرة الكهرباء ؟؟
انتا داير سودانيزاونلاين دى , تنفجر فينا ولا شنو ؟؟؟
مستمتعين بأحلام زلوط
يا ابو عمر , قصة الوليدات دى باين عليها حا تكبرنا قبل يومنا , نحن الصغااااار ديل
* طارق جبريل , كنت بتونس قبل شوية مع واحد من اولاد الأمتداد
قام وهو بتكلم كده , جاب سيرتكم , انت واخوانك
قلت ليهو بتعرفهم من وين
قام حكى لى حكاية قدييييييمة , قال لى جاركم عبد الرحمن محمد صالح , اخو ناس الشنبلى , مرة جا من برة وجاب معاهو اول تلفزيون ملون فى الامتداد
قال كده وختاهو فى نص الحوش , وقال للجماعة التلموا عشان يتفرجوا
زول واحد بيتفرج على تلفزيونى ده مافى
الا ناس بيتنا واولاد جبريل
الجماعة بى صوت واحد كوللللهم قالوا لى , كلنا اولاد عمك جبريل
ضحكت جنس ضحك !!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
يا جماعة تاني اقبضوا في كلام احمد اسماعيل ... وحدوا الجهود ... الموضوع محتاج لنقة
عشان منها كهرباء ومنها فايدة ... المغتربين ديل اولادهم حقوقهم مهضمومة عشان كده
لازم الناس تفكر صاح .... انا غايتو لو غلبني الموضوع برسل ميار لنورا في ماليزيا
واقول ليها البت دي دفغتها ليك انت مش خالتها وعمتها ... بعد ما تتخرج اقول ليها
بالله أدينا بتنا ....
شكراً يا رشدي ... بس الحاجات دي هناك ما هنا الناس ديل متزمتين شوية ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صبحكم الله بالخير
Quote: انا غايتو لو غلبني الموضوع برسل ميار لنورا في ماليزيا
واقول ليها البت دي دفغتها ليك انت مش خالتها وعمتها ... بعد ما تتخرج اقول ليها
بالله أدينا بتنا ....
|
و الله يا أبو الزوز فكرة ممتازة...
أنا غايتو بوديهم لي خالتهم و عمتهم منى عباس في كندا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
أمبارح نسيت أشحن الموبايل بتاعي...
و حسه على وشك انو يكضم...
يا ريت لو كان عندي نقناقونيتر...
انت يا ياسر الوحدة بتاعت طاقة النقة دي بقيسوها بي شنو...
نقير/ساعة..
نقنواط/ساعة..
و ما هو الفرق بين طاقة النقة العادية و نقة الشمارات...
أنا يخيل لي انو طاقة نقة الشمارات غير آمنة على البيئة...
لما فيها من غازات شمارية سامه قدتؤثر على طبقة الأوزومتزوجون...
بالله أطلع من النص شوية لشرح استفساراتنا للمصلحة العامة...
تخريمة...
الواحد لو عندو مزرعة عشرة فدان و عايز يزرعها كلها برسيم و أبو سبعين...
و عامل ليهو فيها قرين هاوس...
و عشرة بقرات فريزيان معاهم حلابات...
و عندو دواجن...
و سكن للعمال و استراحة صغيرونة كده...
بيحتاج لي كم نقناقونيتر...
أرجو سرعة الافادة عشان بنعمل في دراسة جدوى...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
| Quote: انا حأعمل حملة (لحمل) |
برضو الكلام عنده ميكانيكية ...
هل يقدر ######كم ي###### ######نا زي ما ######نا ###### ######كم ....
كل واحد يقولها عشرة مرات ... لقيت من امس ما عندكم
موضوع جديد .... قلت يمكن القي لي موضوع جديد لغاية
ما يجي ياسر نجيله ... الليلة الرشيد طلع اوف ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: انت يا ياسر الوحدة بتاعت طاقة النقة دي بقيسوها بي شنو...
نقير/ساعة..
نقنواط/ساعة.. |
والله انت حريف خلاس ... يالرشيد
غايتو انا ... بقترح
نقنواط/ساعة .... حلوه وملعوبة ...
بعدين ياحبيب ... لو المزرعة فيها 10 بقرات ..
بتفتش في النقناقونيتر ليه ...
كل بقرة تقول .... بوووووووووووووووووعاه ....
الحلة كلها تنور شهر .... ...
بعدين البرسيم ده زارعو ليه ... مانحنا حنجيبو ليك جاهز ... ارخص من الزراعة .... ...
غايتو عالم متلقية حجج ...
===================================
الزناتي كلامك المشخط ده .... صلحو لينا ...
لو ماعرفت تصلحو ...
شوف كلمة جـــــــــــــــبانات ... واكتب زيها ......
ياربي ود جبرين طفش وين ...
انا غايتو امس واليوم شايفو رجع بتحاوم بهناك ....
بكرة ارجو الدموع والمخاخيت ........
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
لرغم من قيمة مشاعر الحب عندي و عندكم معاشر القراء و القارئات ، و بالرغم من أن الحب يكاد يكون صنم هذا العصر الذي يُحرق له البخور ،
و يُقدم له الشباب القرابين من دمائهم ، و يُقدم له الشيوخ القرابين من سمعتهم ، و تُرتل له الأناشيد ، و يُزمر له الزامر ، و يُطبل الطبال ، و ترقص الراقصة ، و تعمل بلاتوهات السينما و ستوديوهات التليفزيون ، و كباريهات شارع الهرم ليل نهار لتمجيده و رفعه على العرش ، ليكون المعبود الأول و المقصود الأول ، و الشاغل الأوحد و الهدف الأوحد و الغاية المثلى للحياة التي بدونها لا تكون الحياة حياة
و بالرغم من أننا جميعا جناة أو ضحايا لهذا الحب ، و ليس فينا إلا من أصابه جرح أو سهم أو حرق ، أو أصاب غيره بجرح أو سهم أو حرق
بالرغم من هذه الأهمية القصوى ، و الصدارة المطلقة لموضوع الحب في هذا الزمان ، فإني أستأذنكم في إعادة نظر و في وقفة تأمل ، و في محاولة فهم لهذا التيه الذي نتيه فيه جميعا شيوخا و شبابا و صبايا
::و أسأل نفسي أولا و أسألكم
هل تعلمون لماذا يرتبط الحب دائما بالألم ، و لماذا ينتهي بالدموع و خيبة الآمال
دعوني أحاول الإجابة فأقول : إن الحب و الرغبة قرينان .. و إنه لا يمكن أن تحب امرأة دون أن ترغبها ، و لهذا ما تلبث نسمات الحب الرفافة الحنون أن تمازج الدم و اللحم ، و الجبلة البشرية فتتحول إلى ريح و إعصار و زوبعة ، حيث ينصهر اللحم و العظم في أتون من الشهوة العارمة ، و اللذة الوقتية التي ما تكاد تشتعل حتى تنطفئ
هل أقول إن الحب يتضمن قسوة خفية ، و عدوانا مستترا ؟
نعم هو كذلك إذا اصطبغ بالشهوة ، و هو لابد أن يتلون بالشهوة بحكم البشرية
و المرأة التي تشعر أن الرجل استولى على روحها ، تحاول هي الأخرى أن تنزع روحه و تستولي عليها .. و في ذلك عدوان خفي متبادل، و إن كان يأخذ شكل الحب
و المرة الوحيدة التي جاء فيها ذكر الحب في القرآن
هي قصة امرأة العزيز التي شغفها فتاها ( يوسف ) حبّا
فماذا فعلت امرأة العزيز حينما تعفف يوسف الصدّيق؟
و ماذا فعلت حينما دخل عليهما الزوج؟
لقد طالبت بإيداع يوسف السجن و تعذيبه
قَالَتْ مَا جَزَاء مَنْ أَرَادَ بِأَهْلِكَ سُوَءًا إِلاَّ أَن يُسْجَنَ أَوْ عَذَابٌ أَلِيمٌ
(25) ( يوسف )
و ماذا قالت لصاحباتها و هي تروي قصة حبها؟
وَلَقَدْ رَاوَدتُّهُ عَن نَّفْسِهِ فَاسَتَعْصَمَ وَلَئِن لَّمْ يَفْعَلْ مَا آمُرُهُ لَيُسْجَنَنَّ وَلَيَكُونًا مِّنَ الصَّاغِرِينَ
(32) ( يوسف )
إن عنف حبها اقترن عندها بالقسوة و السجن و التعذيب.
و ماذا قال يوسف الصدّيق؟
قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ
(33) ( يوسف )
لأنه أدرك ببصيرته أن الحب سجن، و أن الشهوة قيد إذا استسلم له الرجل أطبق على عنقه حتى الموت.. و رأى أن مكثه في السجن عدة سنوات، أرحم من الخضوع للشهوة التي هي سجن مؤبد إلى آخر الحياة
إن الحب لا يظل حبا صافيا رفافا شفافا، و إنما ما يلبث بحكم الجبلة البشرية أن يصبح جزءا من ثالوث هو: الحب و الجنس و القسوة، و هو ثالوث متلاحم يقترن بعضه ببعض على الدوام
و لأن قصة الحب التي خالطتها الشهوة ما تلبث أن تنتهي إلى الإشباع في دقائق، ثم بعد ذلك يأتي التعب و الملل و الرغبة عند الإثنين في تغيير الطبق، و تجديد الصنف لإشعال الشهوة و الفضول من جديد.. لهذا ما يلبث أن يتداعى الحب إلى شك في كل طرف من غدر الطرف الآخر.. و هذا بدوره يؤدي إلى مزيد من الارتياب و التربص و القسوة و الغيرة، و هكذا يتحول الحب إلى تعاسة و آلام و دموع و تجريح
و الحب لا يكاد ينفك أبدا عن هذا الثالوث.. (( الحب و الجنس و القسوة )).. و هو لهذا مقضى عليه بالإحباط و خيبة الأمل، و محكوم عليه بالتقلب من الضد إلى الضد، و من النقيض إلى النقيض.. فيرتد الحب عداوة و ينقلب كراهية و تنتحر العواطف كل يوم مائة مرة.. و ذلك هو عين العذاب
و لهذا لا يصلح هذا الثالوث أن يكون أساسا لزواج.. و لا يصلح لبناء البيوت، و لا يصلح لإقامة الوشائج الثابتة بين الجنسين
و من دلائل عظمة القرآن و إعجازه أنه حينما ذكر الزواج، لم يذكر الحب و إنما ذكر المودة و الرحمة و السكن
سكن النفوس بعضها إلى.. بعض
و راحة النفوس بعضها إلى.. بعض
و قيام الرحمة و ليس الحب.. و المودة و ليس الشهوة.
(( وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً )) ( الروم – 21 )
إنها الرحمة و المودة.. مفتاح البيوت
و الرحمة تحتوي على الحب بالضرورة.. و الحب لا يشتمل على الرحمة، بل يكاد بالشهوة أن ينقلب عدوانا
و الرحمة أعمق من الحب و أصفى و أطهر
و الرحمة عاطفة إنسانية راقية مركبة،
ففيها الحب، و فيها التضحية، و فيها إنكار الذات، و فيها التسامح، و فيها العطف، و فيها العفو، و فيها الكرم
و كلنا قادرون على الحب بحكم الجبلة البشرية
و قليل منا هم القادرون على الرحمة
و بين ألف حبيبة هناك واحدة يمكن أن ترحم، و الباقي طالبات هوى و نشوة و لذة
و لذلك جاء كتاب الحكمة الأزلية الذي تنزل علينا من الحق.. يذكرنا عند الزواج بالرحمة و المودة و السكن.. و لم يذكر كلمة واحدة عن الحب، محطما بذلك صنم العصر و معبوده الأول، كما حطم أصنام الكعبة من قديم
و الذين خبروا الحياة و باشروا حلوها و مرّها، و تمرسوا بالنساء يعرفون مدى عمق و أصالة و صدق هذه الكلمات المنزلةو ليس في هذه الكلمات مصادرة للحب، أو إلغاء للشهوة و إنما هي توكيد، و بيان بأن ممارسة الحب و الشهوة بدون إطار من الرحمة و المودة و الشرعية هل هو عبث لابد أن ينتهي إلى الإحباط
و الحيوانات تمارس الحب و الشهوة و تتبادل الغزل
و إنما الإنسان وحده هو الذي امتاز بهذا الإطار من المودة و الرحمة و الرأفة، لأنه هو وحده الذي استطاع أن يستعلي على شهواته؛ فيصوم و هو جائع و يتعفف و هو مشتاق.
و الرحمة ليست ضعفا و إنما هي غاية القوة، لأنها استعلاء على الحيوانية و البهيمية و الظلمة الشهوانية
الرحمة هي النور و الشهوة هي النار
و أهل الرحمة هم أهل النور و الصفاء و البهاء، و هم الوجهاء حقا
و القسوة جبن و الرحمة شجاعة.
و لا يؤتى الرحمة إلا كل شجاع كريم نبيل.
و لا يشتغل بالانتقام و التنكيل إلا أهل الصغار و الخسة و الوضاعة
و الرحمة هي خاتم الجنة على جباه السعداء الموعودين من أهل الأرض.. تعرفهم بسيماهم و سمتهم و وضاءتهم
و علامة الرحيم هي الهدوء و السكينة و السماحة، و رحابة الصدر، و الحلم و الوداعة و الصبر و التريث، و مراجعة النفس قبل الاندفاع في ردود الأفعال، و عدم التهالك على الحظوظ العاجلة و المنافع الشخصية، و التنزه عن الغل و ضبط الشهوة، و طول التفكير و حب الصمت و الائتناس بالخلوة و عدم الوحشة من التوحد، لأن الرحيم له من داخله نور يؤنسه، و لأنه في حوار دائم مع الحق، و في بسطة دائمة مع الخلق
و الرحماء قليلون، و هم أركان الدنيا و أوتادها التي يحفظ بها الله الأرض و من عليها
و لا تقوم القيامة إلا حينما تنفد الرحمة من القلوب، و يتفشى الغلّ، و تسود المادية الغليظة، و تنفرد الشهوات بمصير الناس، فينهار بنيان الأرض و تتهدم هياكلها من القواعد
اللهم إني أسألك رحمة..
اللهم إني أسألك مودة تدوم..
اللهم إني أسألك سكنا عطوفا و قلبا طيبا..
اللهم لا رحمة إلا بك و منك و إليك..
د / مصطفى محمود
عصـــر القـــــرود
اها جبناها ليكم آولدضمى ابو عمر
سجن سجن , غرامة غرامة
*نقلا عن الكاتب والمفكر الكبير رحمه الله مصطفى محمود , فى مساهمة فى نقاش فيسبوكى مستفيض عن الرومانسية , تقوده امال عبد القادر بنجاوى فى ناس الزقازيق الفيسبوكيين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: * طارق جبريل , كنت بتونس قبل شوية مع واحد من اولاد الأمتداد
قام وهو بتكلم كده , جاب سيرتكم , انت واخوانك
قلت ليهو بتعرفهم من وين
قام حكى لى حكاية قدييييييمة , قال لى جاركم عبد الرحمن محمد صالح , اخو ناس الشنبلى , مرة جا من برة وجاب معاهو اول تلفزيون ملون فى الامتداد
قال كده وختاهو فى نص الحوش , وقال للجماعة التلموا عشان يتفرجوا
زول واحد بيتفرج على تلفزيونى ده مافى
الا ناس بيتنا واولاد جبريل
الجماعة بى صوت واحد كوللللهم قالوا لى , كلنا اولاد عمك جبريل
ضحكت جنس ضحك !!!!!
|
الله يرحمه يا منص
عبد الرحمن محمد صالح اتوفى ليه ستة شهور
طبعا بيتهم ملاصق بيتنا طوالي وبعدين عندنا نسب كتير معاهم
خالي متزوج اختهم
وود اختهم متزوج اختي
ياخي داك كان زمن عجيب
يا نجيلة خوفا من الدموع والنخجي
بقينا نخت ليهم شعر شايقي ونزوغ
واصل زلوطك ياخي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
يا ياسر عندي شعور انك خميتنا اليوم في الحلقة بتاعت أحلام زلوط...
و تميتها لينا أم رقيقة و صحن شطه كبير...
عموما ياخي نحن برضو بنعشق أم رقيق...
و وراك..وراك...نشوف آخر الطاقة الآمنة دي شنو...
و محل الرقيقة التنقد...
سوري.....
محل الرهيفة التنقد...
Quote: موضوع محمد عيد ... واللون المريخابي ... وأمل دنقل
حصل فيهو شنو ...
|
انت برضو بتصدق محمد عيد ده...
دي اسمها دردقة من محمد عيد...
يجي يقول ليك الكلام ده و يمشي...
نقوم نحن يا مؤمن يا مصدق ننزل الملفات...
يجينا تاني بعد شهر و يعتذر بنفس الطريقة دي...
و يقول لينا تعالوا نعمل ملف لصلاح عبد الصبور...
الكلام ده بمشي على المؤمن صديق...و محمد صديق...
و رغم حبي الشديد لأمل دنقل لكن ما عامل لي أي حاجه...
الا أشوف بي عيوني ديل محمد عيد عمل حاجه.....
Quote: والرحمة دي ... تعني الشفقة والحنان ... ولكن لاتعني الرومانسية ... والمودة ...
يعني الرحمة لا تشمل الرومانسية ... والمودة ...بس بكملو بعض ...
وبكده بتكون الصورة احلى واجمل ... صح
عموما ده دكتور مصطفي محمود ... نحنا نقدر نقول حاجة ....
|
و الله يا ياسر أي رأي أو تفسير لي حاجة ما بقيسوها بالكيلو و لا الرطل...
بيكون عندي فيها رأي..و بتبقى نظرية تقبل الخطأ و الصواب...
حتى لو من عند د. مصطفى محمود...
و لأني لا أملك اضافة مفيدة في الموضوع...
فأنا أنقل من بعض المواقع رأي لا يختلف كثيرا عن رأي مصطفى محمود...
Quote: كتب عالم النفس والفيلسوف الأوروبي الأمريكي" إريك فروم" في كتابه "الإنسان بين المظهر والجوهر " أن (نتملك To Have) أو (نكون Or to BE) عن الفارق بين (التملك) و(الكينونة) في الحياة اليومية في التعلم والتخاطب والقراءة وممارسة السلطة والمعرفة والإيمان وفي الحب
وهكذا فللحب معنيان، وهذا يتوقف على الإطار الذي يحتويه إطار تملك فهو حب أو إطار كينونة وهي المودة....
ومن أسماء الله الحسنى الودود وليس المحب، لأن المودة هي الحب الذي تؤطره الرحمة، ليفرز سكينة وطمأنينة |
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
| Quote: ومن أسماء الله الحسنى الودود وليس المحب، لأن المودة هي الحب الذي تؤطره الرحمة، ليفرز سكينة وطمأنينة |
اختلاف الرأي لايفسد .... طعم ام رقيقة ...
انت كده ياحبيب ... اكدت رأيي وليس رأي ... دكتور مصطفي محمود ... نقلا عن منص ...
المعادلة بوضوح محاسبي
المودة هي الحب هي الرومانسية = الرحمة هي الحنان هي الشفقة .....
يعني الرحمة لاتشمل المودة ... اينما متوازنات ....
خميسكم مهلبية ...
=======================
ود الزناتي ...
والله اغاني الراحل الخلوق نادر خضر النزلتها بهناك ... انت وست بيتك
كيفتني .. اشد ... التكايييف .....
مكنيـــكينا قد مكنتـــــكم .... يقدر مكنيكيــــكم يقد مكننتـــنا .... الخ ...
او كما قال الراوي ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صبحكم الله بالخير
السبت الأخضر...
جيت أدخل كتبت صبحكم الله بالخير في محل اللقب و الباسورد..
قهوة الصباح دي ما عملت لي أي حاجة...
حسه لو أدوني مخده بنوم ليكم في الكتب ده...
البن ده الظاهر عليهو بقى بارد عشان طول في التلاجة...
طيب نرفع البوست لي فوق و ننتظر الريس للدعاء...
و بعدين نشوف...
و لا شنو...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
وصبحكم الله بالخير،،،
حكمة اليوم :
" تبسم "
فإن .. الله ..
ما أشقاك إلا ليسعدك ..
وما أخذ منك إلا ليعطيك ..
وما أبكاك إلا ليضحكك ..
وما حرمك إلا ليتفضل عليك ..
وما ابتلاك .. إلا لأنه ..
" أحبك " ..
جعلك الرحمن ممن ينادى في الملأ .. أني أحب فلان فأحبوه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
هى ده منو ده ؟؟
نملوز ؟؟
تصدق من الصباح بفكر فيك , يلا ارفع السماعة
ياخى الدنيا سخنت
اقول ليك حاجة , جهز لى الأنفتيشن لتر الما خمج
انا ومجتبى وايثار
الباقين ظروفهم مختلفة
ولا اقول ليك , ارفع السماعة عدييييل
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
ازيكم واحوالم
اكتر من مره بدخل وبيكون عندي كلام كتير وسباقات وبس يلقى خبر رحيل عزيز
وعلى طول بهرب والله قدرت ماقدرت افهم الموت هو ايه ماقدرت اصل لفهم
ربنا يرحم ويزيد رحمه
طبعا الصيف بدءا رائع وبعد بكره داخل سباق ومتوقع اصل سرعه بين 16.5 و18كم/س
وحا يكون 5 كم ومتوقع اكون بين ال30 الاوائل باذن الله
يامنضور منتظرنكم وبيتنا على البحر يرحب باالجميع طبعا الشادي وزهير والرشيد وحتى الكوتش
نشوفوهم في الشاشه والسنما الغشاشه
يرجع ومعاي ضور خاصه لنجله
وسلام تحيه
| |
|
|
|
|
|
|
| |
طارق جبريل
محمد صديق
الرشيد بابكر
أحمد إسماعيل
ميسرة سيد أحمد
محمد آدم النور
ياسر نجيلة
منصور عبد الرازق
زهير الزناتي
محمد عيد
عمر نملة
فيس بوك
تويتر
انستقرام
يوتيوب
بنتيريست