|
Re: ناس الزقازيق ... أجدع ناس (4) .. (Re: Hatim Gubara)
|
Quote: الجلكسات عندك يا خفيف.. |
الجلكسات الصحي بتاعت الزولة اللسانا متبري منها دي ما عجبني إلا إستنكاحها المبرر لأخيها الدايت و كمان عايزة تكون فوق للبيعة ياخ دي ألطف بني آدم غايتو مستني المسخوت ود جبريل حيجي يطلع ليكم أخوها ودابرق دا أي كلام.....
شكراً منصور أن جعلت هذا ممكنناً
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صبحكم الله بالخير
يا حبايب جيت أقول ليكم شكرا... و لا أراكم الله مكروها في عزيز لديكم... ذلك ريثما الملم شظايا قلبي الذي انفثأ مثل فقاعة... ثم تبعثر و تبخر في الهواء... لا أريد أن أعيدكم الى خانة الحزن الذي أعلم انه لم يبارحكم للحظة... ان وقفتكم الى جانبي جعلت الاستمرار في الحياة ممكنا... فلقد بكيتم منى و شيعتموها معي و انتزعتوني انتزاعا عند قبرها... و وفقتم معي و واسيتوني كلكم و من كل أرجاء الدنيا... حتى الذين لا يعرفوا الا اسمي فقط اتصلوا معزيين... جزاكم الله كل خير....
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
الأسماء الفي الدنيا دي كلها خليتها.. بس ما لقيت الا اسم أماني.. والا صدفه وأجمل صدفه.. الجلكسات عندك يا خفيف..
على الأقل انحنا امانى عرسناها وبقت ام وليداتنا ما ادتنا شاكوش من ايام الثانوى خلتنا نمرقا فى الدومنيكان عديييييل
* احياااا انا كان لقيت لى زول يعلم لى الدومنيكانية دى العربى !!!
* الرشيد حمد الله على السلامة يا حبيب
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
كان وليد متيقنا , ان والداه ينتظرون منه خبرا سعيدا كهذا كانوا قاعدين على الهبشة , ليطلقوا عنان افراحهم , ويقصوا شريط الأفراح التقليدى فما كان ان دخل عليهم , وما تزال على وحهه واساريره بقايا نصف ضحكة ما تزال تحتل جزءا عظيما من وجهه الطفولى البسيط جراء نقاشه الهزلى مع نحلة بيتهم الضاحكة , اخته هيام نصف الضحكة ذلك , كان كافيا جدا , لأن تخمن والدته بالذات , موضوعه الذى ساقه الى غرفتها فى هذا التوقيت -شكلك جايب لينا خبر حلو يا وليد , حصل خلاص ولا شنو - اصلو لقافتك دى انتى ما بتخليها يا زينب , رمى عمك ابراهيم بالكلام كعادته فى وحه رفيقة عمره كما يحب ان يفعل دائما - لقافة شنو كمان انتا يا راجل يا عجوز , شن عرفك انتا كمان بحاجات الشباب الزينا , ولدى وانا عارفاه وحاسا بيهو - عارفاهو حاسا بيهو ؟؟!!!بس خليهم كدى يتخارجو ويعرسوا ويدخلوا بيوتهم , شوفى القاعد ليك فى البيت ده تانى منو !! - والدايرك زاااتو منو تانى بعد ما يتخارجوا , طوالى انتا زاااتك تتخارج معاهم , وتشوف ليك ممرضة قدرك تعتنى بيك , وتخلينى اشوف حياتى ومستقبلى برااااى - حياتك ومستقبلك ؟؟ ياتو مستقبل يا حاجة زينب , انتى ركبينك ما شايلاتنك , ولا مرة وليد بتستحملك , ولا راجل هيام عايز يشوف وشك , انا على الأقل بلقى لى ممرضة على الحرام اجيبها خريجة لنج من خريجات كلية التمريض , انتى من هنا , الا تمشى دار العجزة والمسنين , غايتو اوعك تستنينى الا آخر كل شهر مرة , انا ما بكون عريس جديد وكده , كمان تانى ببقى عندى وكت للعجايز الزيك ولا شنو ؟؟!! هذه عينة من عينات النقاش الذى كان يدور بشكل منتظم ما بين حاجة زينب وعمك ابراهيم , وهو نقاش يعرف كل المقربون منهم ان من (وراء القلب ) , فحقيقة الأمر ان ما يربطهما معا كان كبيرا وعظيما , مسيرة حياتهما كانت مليانة تفاهم وحب ووئام واحترام , وهما ما كانا ليطيقان فراق بعضهما البعض ابدا , سفريات عم ابراهيم العملية , كان يكرهها اشد الكره لأنها تبعده ليوم اويومين عن روتين عائلته وابنائه , كان يعاف فيها الطعام , ويتملكه الأرق , حتى اذا ما انتهت , وعاد الى بيته وجو بيته الحميم , اكل ونام كمن صام دهرا وتأرق شهرا , وكان كل من يعملون معه , يعلمون ان غيابه عن المكتب حتمى فى اليوم التالى لعودته , حتى اصبحت اجازة اليوم من مشوار العمل بعد العودة من السفريات , عرفا دارجا لا يتطلب لا طلب اجازة ولا اذن غياب , ثم يعود بعد ذلك الى عمله بعنفوان كامل ونشاط متدفق يشبه نشاط العرسان بعد شهر العسل
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
نقاش عمك ابراهيم وخالتك زينب الشفتو عينة منو داك , انتهى بالزغاريد والأمنيات الطيبة , وانتهى بان ترك عم ابراهيم وحاجة زينب الأمر لوليد لترتيب موعد زيارة وتعارف لدار اهل امانى لترتيب الأمور , حقيقة الأمر , ان ذلك النقاش الباسم والحميم , كان نهاية الأحداث المنطقية فى قصتنا هذه لأن الأحداث الغير منطقية , ما بدات فى الظهور الا من يوم ان نوى وليد ان يتقدم بشكل رسمى لأهل امانى , وقد رايتم اسرة وليد النموذجية , وفى حقيقة الأمر ان وراء باب اهل ناس امانى , كانت تعيش اسرة كذلك متآلفة ومتوائمة , الا ان مقاييس التآلف والتواؤم تختلف , وحتى اساليب التعارف والأستقراء , فوالد امانى كان قرويا بسيطا , نصف متعلم , ونسيت ان اقول لكم ان القرية التى تدور فيها احداث هذه القصة , هى احدى القرى الريفية البسيطة , التى لا تبعد عن المدن كثيرا من حيث المسافة الا ان مقدار اندماج اسرة وليد وابوه عم ابراهيم فى النشاط الحضرى والسلوك المدنى , جعل من اسلوب تعاطيهم مع مناحى الحياة المختلفة , متباينا اشد التباين مع اسلوب حياة امانى واسرتها مع ان كلا الأسرتين تنعمان بقدر وافر من السعادة والتفاهم والأندماج , واشكالية القصة ومضمونها وعقدتها تكمن فى هذا الأمر بالذات , وقد اتت المفارقة التى ساشرككم فى مناقشتها وتشريحها سواء من حيث جوانبها القصصية والأدبية او من حيث ابعادها الأجتماعية والحياتية , من محاولات هاتين الأسرتين المتآلفتين والمستقرتين فى التقارب والأنصهار , كل بمقاييسه وادوات قياسه , مع ان الأسرتين تتماثلان فى كل شىء تقريبا الا من طبيعتيهما الحضرية والبدوية المتباينة , الا ان كلا الطبيعتين انتجت آخر الأمر اسرة متماسكة ومتحابة ضربت الأسرتان موعدا للتلاقى , رؤية وليد لأمانى , كانت ضربا من ضروب المحال لطبيعة اسرتها البدوية التى ترى فى هذا الترائى عيبا يجعل من مجرد التفكير فى ذلك كافيا لهدم الفكرة من اساسها وليد واسرته رضخوا لهذا الأمر واكتفوا بتقرير هيام المشجع حد الأستعجال , لذا فان الموعد المبدئى كان موعدا رجاليا صرفا , عمك ابراهيم ووليد من ناحية , ووالد امانى واخوها الأصغر من ناحية تانية وقد كان الأجتماع الأول , بسيطا مفرطا فى البساطة , ولم يتطرق ابوها لأى موضوع يمكن ان يخطر على بال وليد وابوه عم ابراهيم ابدا , لم يسأل عن اسرته , ولا عن قبيلته , ولا عن مؤهلاته الدراسية او العملية , ولا حتى عن امكانياته المادية , دخل والد امانى فى فكرته بشكل مباشر جدا يتناسب مع طبيعته البدوية البسيطة , لا طلب ليهم شاى ولا جاب ليهم قهوة , الجماعة استبشروا خيرا , ممنين انفسهم بالشربات بشكل مباشر الا ان حتى السيد شربات لم يكن حاضرا , كان مكان كل ذلك كلمات واضحة مباشرة حاسمة لا فيها لف ولا دوران , يا ولدى انت قلت عايز يد بتى امانى , مش كده , نعم يا عمى ولى الشرف فى ذلك الطلب , وخليت اختك تجى وتشوفها ؟؟ نعم يا عمى وان شاء الله ده ما يزعلك لأنو غرضى شريف واها جيتك بيتك من بابه , اها يا ولدى , انا راى فى طلبك ده عندى هسه مافى , الا بعد اختبار صغيرونى من تلاتة فرص , فكان ان الجمت الدهشة لسان وليد وابوه ولم يجدا كلاما يقولانه , وبعد لحظات صمت مهيب , اها يا ولدى , قلت شنو ؟؟ مستعد للأختبار , فرد وليد متعلعثما مندهشا , انا جاهز يا عمى , قرب يقول ليهو على لسان اسماعيل عليه السلام , ستجدنى ان شاء الله من الصابرين , فى رده على سيدنا ابراهيم الخليل لمن قص عليهو قصة الرؤية والذبح والمنام , ومن وراء تلكم الخيالات بتاعت الضحية والعيد والخروف والسكين السنين وسيدنا اسماعيل وابراهيم الخليل , خرج وليد تابعا اباه عمك ابراهيم , ولم يفق من خيالاته الا على صوت ابيه يساله وهو يشعل موتور السيارة استعدادا للرحيل , وما تلك بيمينك يا وليد ؟؟ فجفل مجيبا , ايوا , قلت شنو يا ابوى , ؟؟؟ بسم الله عليك يا ولدى , الورقة الفى ايدك دى شنو يا ولدى , فاجاب وقد عادت اليه بعض قواه , ده عنوان المزرعة العاملين لى فيها الأمتحان الجمعة الجاية يا ابوى , ولم يعد يسمع الا صرير عجلات السيارة الناتج من حركتها المفاجئة والسريعة على اسفلت الطريق , وسرعان ما استسلم لخيالاته من جديد
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
انا لله و انا اليه راجعون صادق التعازى للاخ د/ طارق عوض الكريم فى وفاة والدته ==================================
بالله منصور لو حكي ووصف شراب قزازة ببسي ... يكسر فيك ضلعة
ولدنا بادي وين ... خليهو يجي يتابع قصتو مع ... هيام
===================================== رشيد القوم ... مليون حمد لله على سلامتك ... ودعواتنا المتواصلة باختنا مني ... بالمغفرة والقبول الحسن
تابع عمر التلاوة ... وأنا حاواصل الجزء السابع والثامن ....
تحياتنا للجميع .. خاصة ابـــ رقبة ,وابــ صلعة .... وولدنا السكر
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
خيالاته من جديد دى , كاتب القصة ممكن يكتب فيها يومين , بس خايفكم تزهجوا , لأن خيالاته فعلا بقت خليط من اشياء عديدة , واذا اشتركتم كمان فى خيالات من يحيطه من الناس زى هيام اخت وليد , وعمك ابراهيم وخالتكم زينب , فده معناتو انو القصة ممكن تتحول لى فيلم عديل , عشان كده خلينا بس نحاول نلمس الخيالات دى مجرد لمس , لمس ساكت كده , ولمس حنين كمان باصابع خفيفة وبروح اخف , كلكم شفتوا حال اسرة زى اسرة عمكم ابراهيم وخالتكم زينب , ما حا نشغل بالكم باكتر من الأفراد الأربعة ديل , لدرجة خلينا نعمل طناش على انو اساسا فى باقى للأسرة دى ولا لا , وكمان اسرة ناس امانى الظهر منها لغاية هسة ظهور مؤثر فقط ابوها , بينما ظهور اخوها يشبه ظهور الكومبارس فى الأفلام العربية , مجرد مرافق لى ابوهو حتى كمان لا جاب شاى ولا جاب قهوة ولا حتى شارك فى نقاش , نقاش شنو , هو اساسا كان فى نقاش , ابو امانى ده ما بس رمى ليهم طوبة او حجر صغير فى موية اخونا وليد الهايجة ديك , فزادها هيجانا , علما بأن هيجان عن هيجان يفرق اكيد , فوليد بعد ما كانت خيالاته كلها تتمحور فى عقبال بيك نفرح يا زينة , نشرب شرباتك يا زينة , نوقد شمعاتك يا زينة , اتحولت الى اتجاه تانى ومختلف , اتجاه مرتبك , ما عارف القصة شنو ولا كمان ابوها ده قاصد شنو !! ابوه عمنا ابراهيم , حيرته كانت اقل شوية , مع انو كان مستغرب الحاصل , لكنه حاول يعمل فيها الزول خبرة ويستنبط من كلام وطريقة ابو امانى , انو موقفه ده , رفض مبدئى عديييل , لكنه مغطغط بى خط رجعة لى اختبار عاوز يسويهو لى ولده الهو شايفه نموذج للولد الناجح , زول علم واجتهاد وانضباط , ببساطة كده لو لقى ليهو عريس يشبه وليد ولده وجا لى هيام بته , لما تردد لحظة , عموما كاتب القصة محتاج عشان يساعد الناس ديل فى حيرتهم , يدخل شوية يى طريقة الفلاش باك , لحياة اسرة امانى وطريقة معيشتهم وتربيتهم الخلت منهم اسرة ناجحة ومتآلفة ومتماسكة زى ما قلنا , لكن بمقاييسهم هم , فهم مزارعين اولاد مزارعين , عيشتهم بدوية كاملة البداوة , حتى معايير الذكورة والأنوثة ومقاييس الجندر عندهم , تبدو ادوات قياسها متشابكة حد الأرباك لى اولاد الحضر الزى ناس وليد واسرته , فرغم ان الأنثى عندهم ربة عمل من الدرجة الأولى , وتعيش حياة خشونة كاملة الدسم , ترعى وتحلب وتكوجن وتعوس وتركب الحمار وتمشى ورا تور الساقية وتضبح الحمام والدجاج , الا ان مجرد وجود اشارة نسب جديد او ظهور علامة من علامات التقارب الحيوى مع ضكر قريب او بعيد , تكفى لأن تجعل من رؤية ذلك الضكر لها من المحرمات , كما ان علامات الذكورة ومقاييس الرجولة عندهم مختلفة تمام الأختلاف , فانتاج المرأة وقدرة تحملها لأعباء الأنتاج الزراعى والمنزلى , علامات انوثة اساسية , تجعل من الروج والماسكرا وعدسات العيون الملونة التى امتلأت بها شنطة هيام البنفسجية بمجرد استلامها لعمولة الخمسمية الفاتت من اخوها وليد , ليست الا علامات قلة ادب بتاعت بنات صايعات سااااكت , ومن هذه المقارنة لك ان تعرف ردة فعل هيام التخيلية التى سرحت فيها بمجرد ان حكى لها وليد سيناريو المقابلة وشرط الأختبار المنتظر , عشان كده وليد وهيام , ما لقوا فى ذاكرتهم التخيلية موقف مشابه لى موقفهم ده , غير قصة الرؤية وانى ارى فى المنام انى اذبحك , وافعل يا ابت ما تؤمر ستجدنى ان شاء الله من الصابرين , كان اليوم ثلاثاء , وعادة يومى الأربعاء والخميس بالنسبة لوليد واسرته , تكون من احلى واخف الأيام , الا ان تلكم الخيالات التى لا يملكون لها ذاكرة ايقاعية , جعلت منها ايام ثقيلة غاية فى الثقالة وتقلة الدم , حتى لسان هيام الفلقة , وروح الزوجين حاجة زينب وعم ابراهيم المرحة , ما افلحت فى ان تجد لها مخرجا تفسيريا او تصريفا مناسبا , فغرقوا فى خيالاتهم , باقى اللاتاء داك , وناموا مبكرين , ثم ذهبوا صباحهم التالى الى اعمالهم وجامعاتهم ومدارسهم , بخطى متثاقلة , واذا صح ان تجمع يومهم ذاك بين قوسين اثنين , فان القوس الأول سيكون , وجه امانى ذلك المفرط فى الجمال والأنوثة , بوصف هيام وخيال وليد وتوابل كاتب القصة اللى هو انا والتى يحرص على اضافتها للوجبة الخيالية الدسمة دى , اما القوس التانى , فهو ان موعد الأختبار المجهول تبقى له يومين , وهم امام موافقة وليد عليه , ماضون اليه وينتظرون انتظار المتقلب على الجمر , جمرة تشوى , وجمرة تحرق , وجمرة كلما حسيت بيها , تخليك تجفل جفلات متتابعة زى الأنتظمت وليد طوال ايام ما قبل الأختبار المجهول
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
- هسى عليك الله يا ابراهيم يا اخوى , اختبار شنو البيعملو الراجل ده , لى زول زى وليد ولدى ده - اختبار شنو كمان ؟؟ الزول ده لا عنده اختبار ولا حاجة , بس خجل ساااكت يقول لا , زى ديل البت من تقوم يكونوا حاجزينها لى ولد عمها ولا ولد خالتها _ وهو ولدى هين ولا لين , ما يقول لا كمان لو داير يقول , ولدى ما فى بت ما بتتمناه , بس كدى يقول لا ويشوفوا انا اعرس ليهو منو !! - انتى عارفة وليد كان كسرتى رقبتك ما بيخليك تختارى ليهو - هو اصلا كان شافا ولا بيعرفا , هو اصلو لو ما داير زول يختار ليهو , ما كان اختار واحدة من زميلاته ولا من زميلات هيام اخته , ده لو ما عاوز ولا عاجباهو واحدة من بنات اخواتى ولا اخوانى - اخواتك واخوانك بتاعين شنو كمان , هو بنات اخوانى واخواتى السامحااااات الما عندهن حد ديل , ما قال دايرلو واحده منهن , يجى يعاين للخبوب الزيك ديل , عايزاهو يقع تانى زى وقعتى دى !!! - وانتا مالا وقعتك ؟؟!! اريتا يا يمة وقعة السرور , وقعتك البتمنوها الرجال لى حدهم - خلينا كدى من وقعتى وقعتك , يا ربى الزول ده هسى عاوز يختبر وليد ده كيف ؟؟ - بعرفوا ؟؟!!امتحانات وليد دى من ما الله خلقه ما كفت الراجل ده ؟؟!! لا كمان وعامله فى المزرعة _ وليد ده عمره كووولو غير الورق والقلم والكمبيوتر ما بعرف , لو قال ليهو شيل ليك فاس ولا طورية , قطع شك وليد ساقط ساقط - الفاس والطورية يا يمة اليشقن رويسه دا , فاس شنو وطورية شنو البيشيلهم وليد , هو كمان قايل بتو دى شنو كمان عشان يشيلولا فاس وطورية !!! هكذا كان يدور النقاش الحائر بين عم ابراهيم وخالة زينب , وليد نفسه فضل ان يستسلم لوساوسه التخيلية المنزوعة الذاكرة فى مواضيع كهذا , ولكن فكرة الفاس والطورية , مرت كذلك على خياله وجعلها احتمالا اختباريا ممكنا , هيام كذلك شغلها الموضوع عاتبت نفسها لأنها ما انشغلت عندما قابلت امانى باكثر من صفاتها الشكلية الباهرة , ولكنها الآن فقط لاحظت , ان امانى , رغم بداوتها الظاهرة فى شكل بساطة وعفوية طاغيتين حببتاها اكثر اليها وساعدتاها على ان تقيم شخصيتها بالتواضع والتلقائية التى تحبها هيام وتتصف بها كذلك , الا انها الآن فقط تتذكر انها لم تكن تخلو من صفات اللياقة وحسن المظهر وجمال اللبس مع بساطته , كما انها تلاحظ الآن فقط , انها ضيفتها بكعكات منزلية جيدة الصنع حسنة المذاق , كما ان الشاى والحليب كانت امانى تأتى بهما بنفسها بعد ان تغيب للحظات فى مطبخهما القريب من صالة الضيافة , منزلهم بسيط ومرتب ونظيف , ليس فيه موبليا فاخرة ولكن فيه كراسى انيقة ومنسجمة الألوان وغاية فى الترتيب والنظافة , منزل ليس من تلكم المنازل التى تبهرك حال دخولك اليها و ولكن لا شى فيها يستطيع كذلك ان ينفرك او يبعث فيك غير الطمأنينة والراحة , طيب ابوها ده يا ربى داير يعرف شنو عن وليد اخوى ؟؟!!اما حيرة وليد المسكين , فقد كانت اشبه بالأناء المحكم الأغلاق , والذى يحتوى على مياه فوارة , كل الخوف الآن على الأناء نفسه , فمويته التى تغلى بداخله , لا قادرة تتدفق , ولا عرفت طريق السكون , الحل الوحيد ليها التنفيس , يا تقد الأناء , يا تخليهو يضرب ويتفرتق وينفجر , يا كمان توقفوا النار البتزيده غليان دى , الحل المنطقى كان فى محاولة قد الأناء , لجأ الى اصدقائه الذين يلتقيهم دائما كل خميس , قال ليهم الأسبوع ده مشتاق ليكم ودايركم اربعاء وخميس , مش على كيفى , استغربوا فى حقيقة الأمر لأنهم حتى يوم الخميس , كان يتمنع عليه مرات , ولكنهم لم يعرفوا حكاية الأناء هذه , ولو عرفوها و لزاد النار من تحتها اشعالا , ولزادت درجات غليانه وفورانه , اخلص فى لعب الكوتشينة معهم الأربعاء والخميس , ولمنه تذكر الأختبار المنتظر قبل انتصاف ليلة الخميس الصابحة جمعة , مرة تانية ما لقى فى ذاكرته التخيلية الأيقاعية , الا حكاية يوم الزينة , موعد السحرة ومباراة السحر التى فاز فيها موسى على سحرة فرعون , تخيل ان ثعبانه الكبير والضخم , سيقدر على ابتلاع ما يافكون , قر ساعتها ان يقول لأبو امانى , الق ما انت ملق , سيتمنى ان يلقى اليه بثعبان صغير , حتى يفاجئه بثعبانه الضخم الذى يبتلع ثعبان نسيبه القادم , غايتو , الله يهون القواسى , دلف الى منزلهم مبكرا غير عاداته ايام الخميس , متمنيا ان لا تلاقى عيونه اعين والديه واخته هيام الحيرى , حتى لا تزيده حيرة وترقب , تسلل على اطراف اصابعه , حشر نفسه الى الفراش حشرا مباشرا , بملابسه الكاملة , ثم تذكر انه اختار ملابسا رياضية طالما ان الأختبار فى مزرعة , انسل من الفراش الى دولابه على اطراف الأصابع , اطمأن على ملابسه وعدة الأختبار , رجع متسارعا الى الفراش , اغمض عينيه اللتان انهكتهما الحيرة , سمع اصوات رجلين تحاول ان تكون خفيفة قرب باب غرفته , تجاهلها , لم يكن يحتاج هذا التجاهل فى حقيقة الأمر , لأن عمكم ابراهيم , وخالتكم زينب , وحتى الشقية هيام , كانوا لا يتمنون مواجهة عينيه فى تلك اللحظات الحاسمة , ولكنهم فقط كانوا يحتاجون للأطمئنان عليه , ولو قال لهم انه قال الروب وامانى زااااتا لا دايرها ولا داير يشوف خلقتها دى بعد كده , لوافقوه فورا , حتى هيام الشقية , قررت بينها وبين نفسها فى تلك اللحظة , لو احست منه خوفا وعدم رغبة فى المضى قدما نحو ذلك الأمتحان المجهول , لكانت قالت له , صاروخ شنو , يمين امانى دى , طيارة فوكرز قديمة من حقات سودانير ديك ما تاماها !!!!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
كانت ليلة خميس استثنائية قضتها اسرة وليد كل لأسباب مختلفة , ولكنها متوحدة فى المضمون , وليد مثلا , كان متعودا ان يصلى صلاة فجر كل جمعة حاضرا من وضع الأستيقاظ المسبق , حيث تعود على الأفراط فى السهر ايام الخميس , ثم يخلد الى فراشه بعد صلاة الفجر , وكثيرا ما ايقظ والديه واخته فى وضع مقلوب عما هو عليه كامل ايام الأسبوع الأخرى , ولكنه اوى الى فراشه مبكرا ليلة الخميس هذه , فى وضع حاول ان يكون استعداديا للأختبار المنتظر , استيقظ وليد مبكرا ايضا هذا الخميس دون ان يوقظه احد , حقيقة الأمر انه لم ينم جيدا وقضى معظم ليلته متارقا , عندما ايقظ والديه واخته , استنتج فورا انهم تأرقوا مثله تماما تلك الليلة , ما كان يحتاج الى مزيد توتر , لذا فانه لم يناقش معهم الأمر , بل سارع للخروج للصلاة ومنها للمزرعة , ولم ينتظر حتى اباه كما يفعل عادة , عندما انتهت الصلاة , لاحظ ان ابيه متشاغل عنه بالباقيات الصالحات , حمد له ذلك وانسل خارجا من المسجد مرتديا ملابسه الرياضية الكاملة بما فيها المعطف الخارجى وهو ينوى ان يتخلص منه حال بزوغ الشمس وارتفاع درجات الحرارة التقليدية , الطريق الى مزرعة ابو امانى لم يكن طويلا , ولكن الهواجس جعلت منه كذلك , امه حاجة زينب , خصصت له دعوات صباحية اضافية اكثر مما تفعل كل صباح , حقيقة الأمر انها حتى نسيت ان تدعو لزوجها ولبنتها هيام وباقى اهلها كما تفعل دوما , وكذلك فعل عم ابراهيم , هيام فعلت نفس الشىء ولكن دعواتها كانت متوترة قليلا وان اتفقت فى طبيعتها الختامية مع دعوات والدتها التى تحولت فى نهايتها الى ما يشبع دعاء الأستخارة الذى يحمل فى مضمونه المساواة بين طرفى الدعاء بحكم اننا لا نعرف اين يكون الخير , كان حالها مع حال امها ابلغ مثال للفرق بين عين الرضا التى هى عن كل عيب كليلة , وعين السخط التى تبدى المساوئا , امانى كانت تظهر لهم , وهى الجميلة ست الحسن والجمال كما رأتها اول مرة , تظهر لهم اقبح مخلوقات الله وقد تسببت لهم فى كل هذا التوتر , ولكنهم جميعا وقد مضى وليد الى حال سبيله مصادما لأختباره الذى اختار ورضى , خلدوا الى نوم عميق , كما يفعلون دائما صبيحة كل جمعة , وان كان سبب خلودهم للنوم مختلفا هذه المرة , ولم ينسى وليد وهو يدلف الى باب المزرعة وقد وصلها بعد زمن خاله دهرا , ان يغلق هاتفه النقال , منفذا اول شروط اختبار اليوم التى قالها له الحاج ابو امانى , ثم مضى الى حيث ينتظره نسيبه المحتمل , ولاحظ لبرهة انه الآن يبدو اقل توترا , فى اصدق تطبيق للمثل الشهير , كتلوك , ولا جوك جوك
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
ما يميز الحاج ابو امانى , انه رجل بسيط ومباشر يخلو من اى تعقيد , هو باب مفتوح على مصراعيه لمن يعرفه , ولو استطاع كاتب القصة ان يلج الى خاطر هذا الرجل البسيط المفرط فى البساطة حد (التعقيد ) عند الكثيرين من الذين لا يعرفونه , ان فكرة هذا الأختبار التى انتواها تجاه الشاب طالب القرب وليد, لم يكن ينشد من ورائها الا ان يساعد وليد على ان يعرف نفسه , فاعرف نفسك , هى شفرة ابو امانى السحرية مع كل شىء , فمتى عرفت نفسك , وكنت صادقا معها , وقدمتها فى صورتها الحقيقية , فان للآخرين حق الرضا بها او رفضها بمنتهى البساطة , خاصة فى موضوع مثل النسب وما ادراك ما النسب , ومع طريقتى تنشئة مختلفتين كالتى نشأ عليها وليد ونشأت عليها امانى , وهو ينوى ان يزيل من كليهما , اى وليد وامانى معا , اى صورة زائفة وغير حقيقية ومصطنعة , حتى يكون القبول قبولا ان حدث وتم , ويكون الأمتناع والرفض كذلك عن بينة وعن صورة واضحة اذا لم يكن فى الأمر نصيب , وهذه القصة ستنتهى بمجرد ان احكى لكم تفاصيل الأمتحان الأختبارى وما تم فيه , وساطلب منكم ان تضعوا نهاية تفاعلية للقصة حسبما ترون وتظنون بحيث تضعون كل العوامل المختلفة فى موازين متضادة , ميزان القبول من امانى , او ميزان الرفض , او اذا رايتم ان الموقف يتطلب ميزان ثالث بين القبول والرضا فلكم ان تفعلوا , اى ان بامكانكم ان تتعاملوا مع الأمر وكأنه فيلم او قصة بلا نهاية فتضعون نهايتها انتم , اما بميزان المنطق , او بميزان ما تحبون وتشتهون وتختارون من نهاية استقبل ابا امانى نسيبه المحتمل الأستقبال البسيط الذى يليق بشخصيته المفرطة فى البساطة , مجرد السلام عليكم يا عم فلان , وعليكم السلام يا ابنى يا وليد , استقبال لا تعرفوا فاتر ولا تعرفوا حافل , فهو هكذا دائما متساوى الشعور حيال كل شىء لا يعرفه ولا يخبره , لا يستنتج , ولا يحب ان يبنى نتائجا قائمة على استنتاج , وليد عنده رجل متساوى الأحتمالات , يمكن كويس ويمكن لا , وحتى تقرير كويس من عدمه , ليس مبنيا على نتيجة هذا الأختبار الذى ينويه , هو سيستنبط من الأختبار مجرد مؤشرات شخصية ليست نهائية ولا حاسمة حتى , ولكنه سيقدمها الى ابنته فى محاولة لأن تتعرف على من طرق بابها متزوجا , كان سيفعل هذا الأختبار حتى لو كان المتقدم لأبنته ابن عمها لزم , فالأمر عنده مجرد الحصول على علامات تدل على طريقة التفكير والتعامل مع وقائع الحياة البسيطة التى يضعها الزمن امامك دون تخطيط , هو فقط يحاول ان يكثف هذه العلامات , ثم يقيمها تاركا لصاحب الأمر التقييم الدلالى الأخير , وصاحب الأمر هنا امانى ابنته , فاذا استنبطت معه نفس النتائج والدلالات , فسيكون مطمئنا الى قرارها وقراره , واذا استبطت دلالات مختلفة , فسيصارحها باستنتاجاته المختلفة ويترك لها الخيار , وفى كل خير , فيما يشبه صلاة الأستخارة , وهو فعلا كان يفعل ذلك دائما مع ابنائه , بينما تكون نتائج هذه الأختبارات الدلالية , مجرد مؤشر يقود خياره النفسى الى درجة معقولة من الأطمئنان والسكينة
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
ما تتوتر يا ولدى , انا بس عاوز اساعدك تعرف نفسك , ومهما تكون نتيجة اختبارى ده , ما ياها العامل الحا يحدد حياتك , لكن البنى ىدم مننا , المفروض يعرف نفسه عشان يساعد نفسه ويعرف يمشى ياتو وانا جاهز يا عمى , وستجدنى ان شاء الله من الصابرين , اها يا ولدى , شايف مزرعتى الكبيرة دى , انا زارع فيها كل شىء تقريبا , ساقيتى المدورة هنااااك دى شايفا , عندى ليها تلاتة تيران مختلفين اختلاف الدنيا دى , كل واحد فيهم عنده سلوك مختلف , حا اديك فرصة التعامل معاهم التلاتة , وكل المطلوب منك , بس تمسك لى ضنب اى واحد فيهم , شايف الباب داااااك و ايوا !! الأخدر الكبير , اها انت تقيف قدامو وتنتظرهم قدامو , قبضت ضنب الأول , الأختبار انتهى , ما قدرت , تنتظر التانى , ما قدرت فرصتك الأخيرة فى التالت , ودرجتك انتا تحددها برااااك , اما لو عاوزنى احددها ليك انا , فكمان ما عندى مانع , لأنى كده كده حا احكى لى بتى الأختبار وحا اطلب منها تقيم النتيجة اللى على اساسا ترضى بيك زوج ولا لا , وتقييمى انا ما حا اقوله ليها ولا ليك , الا لو انتا طلبتو منى , او كمان لو هى تقييمها اختلف مع تقييمى وقالت عاوزا تستعين بيهو , هكذا مارس ابو امانى بساطته ومباشرته المدهشة مع المسكين وليد , الذى سيحتاج مش لتقييم ابو امانى بس , بل سيحتاج لتقييمكم كلكم يا من تقراؤؤن هذه القصة , حتى يخرج من هذا المأزق المعرفى العجيب
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
ما ان ظهر الثور الأول , ناطحا باب الحجيرة التى كان محبوسا خلفها , مصدرا خواءا عاليا جهورا , حتى عرف وليد انه ما اعطى امر الأختبار حقه من التقدير , كان الثور هائجا اشد الهياج , يركض فى الأتجاهات كلها , هذا الثور لا يناسب اى ساقية من سواقى العالم , حمد وليد الله على انه لم يقترب من الباب كثيرا , لقد قرر فورا ان ينأى بنفسه من امام هذا الثور الهائج , كان الثور يركض فى الأتجاهات كلها , ولكنه لم يتجه ناحية وليد اطلاقا , بل اكمل هيجانه ودار دورة حول المزرعة , ووليد فى مخبئه خلف الشجرة مرة او فوق السور مرة اخرى , ثم ما لبث الثور ان عاد الى حظيرته وبيته , وما درى الثور السبب الذى اخرج به من الحظيرة , الا ان وليدا , تنفس الصعداء وهو يرى الثور فى حصنه الأمين , حامدا الله وشاكرا له على ان الثور اكتفى باصدار الأصوات والهيجان , وحامدا الله اكثر , على الفرصتين اللتان تبقتا له من فرص ذلكم الأمتحان الذى بدأت نتائجه فى الظهور قضى وليد الفترة الفاصلة ما بين اختفاء الثور الأول , وبداية ظهور الثور الثانى , فى خوف ووجل عظيمين , ما قالوا ليهو تور ساقية ساااى , ياتو ساقية البتقدر على جنس التور ده ؟؟!!ومنى النفس بان يكون التور التالى ليس كالتور السابق , وبدت له امانى التى لم يراها اصلا , كحلم بعييييد , اكثر بعدا من الأول , ثم ما لبث ان تعمق هذا الأحساس عنده , بمجرد ان تم فتح الباب وظهر الثور الثانى , يبدو ان الأختبار اختبار تصاعدى , فلو كان الثور الأول مجرد ثور ضخم وعملاق , فان الثور الثانى , كان بجسم ثور وتصرفات اسد , الأول كان على الأقل يركض فى كل الأتجاهات بلا هدى , وامتنع , ربما تأدبا او خوفا , من استقصاد اتجاه اخينا وليد , ولكن الثور الثانى يبدو انه موصى من زول عاوز امانى ده وهو ما عارفه , كان هائجا ومصمما على البحث عنه , وكان يفرط فى استقصاده لدرجة انه شاهد ضنب الثور وهو يهتز اهتزازا مخيفا وهو يتجه ناحيته بجدية كاملة , بلا امانى بلا لمة يا زول , امى دى ما من زماااان بتقول لى اشوف ليك واحدة على ذوقى , والله يا ابوى ما عندك اى حق تقول على اختيارات الحاجة خبوب , الخبوب ده هسى ما احسن من حالة قعاد الحيط دى , يمين التور ده لو الله اداهو مع صوته وهيجانه ده شوية خفة يطلع بيها السور ده , الا كان يقطعنى حتت حتت , قال ليك يا ابت افعل ما تؤمر , ستجدنى ان شاء الله مع الصابرين , وضحى بكبشين اقرنين املحين , ما قالوا كبشين , هسى فى زول جاب سيرة ضحية بى تور زى ده , يا ابو امانى ما تخاف فينا الله , هسى يعنى لو داير امانى اقوم امسك الضنب البتهوزز ده ؟؟ خلى امانى تجى تمسكه برااااها , والله اقول ليكم , خلو ابوها ظاتو لو بيقدر يجى يمسكوا !!!
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
عندما عاد التور الثانى الى عرينه , كان وليد موقنا انه سقط فى الأختبار سقوطا شنيعا , وكان ابو امانى يرمقه خفية من وراء مخبئه مقيما تصرفاته كلها , وكان خيال وليد خائفا اشد الخوف من الثور الثالث , ولو اتيح له ان يرى ابو امانى لطلب منه ايقاف الأختبار عند هذا الحد , فالثور الأول تخبى منه وليد خوفا , والثانى زاد من خوفه بالمطاردة , الفرق ان ما رأى ضنب الأول , ولكنه رأى ضنب التانى من فرط الأهتزاز , فلو قدر له ان يرى الثالث , فدى حا تكون الجرية الياها , احسن يعلن الأستسلام ويلملم باقى كرامته , الا ان باب العرين فتح للمرة الثالثة وهو ما يزال فى هواجسه تلك , وظهر من خلف الباب ثور مختلف هذه المرة , ثور ضعيف هزيل يكاد يقع من فرط الهزال , لا صوت له ولا خوار , خاف الثور من وليد خوفا شديدا , فاصبح يجرى هربا منه , وانقلب وضع من وليد من وضع الطريد الى وضع المطارد , بكسر الراء , لم يشعر وليد بنفسه الا وقد اقترب من الثور اشد الأقتراب , وهاله ان الثور خائف منه فى وضع يشابه حالته هو مع الثورين السابقين , انقض وليد على الثور وركبه ركوب الخيل , ولكن حلاوة الأنتصار والفوز التى تملكته للحظة , سرعان ما اصطدمت مع واقع قريب , المطلوب منه ان يمسك بذيل الثور كعلامة انتصار متفق عليها , ولكنه لا يجد ضنبا لهذا الثور الهزيل , كل هذا وابا امانى يراقبه من وراء حجاب , ثم ما لبث وليد ان نزل من على صهوة ثوره الضعيف الهزيل , ولم ينتظر ابا امانى ليساله تقييما او نتيجة لأختباره , الراجل ركب عربيته ويسالكم جميعا التقييم , اها , حا تدوهو امانى ولا لا ؟؟!!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صباحاتكم ساكوبيس ... ياشباب
يامنص ... وليد ده لو كان آخر رجل مابديهو بتي ... زول يخاف يواجه الشجعان ... ويركب الضعيف ... غايتو مابخارج معاي ... لو بتي تقعد ... عزبه ... ثم انا ماعنديش ... بنات ...
اسألو عبدالدايم ... النضيف ....
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
واحد زميلي في العمل ... حكيت ليهو قصة وليد ...
قال لي : وليد ده وينو ... انا بعرس ليهو بناتي الخمسة ... ده ارجل راجل ...
في حالة التورين الاولين ... عمل بالمثل : ولا ترمو بايديكم في التهلكة ... والخواف ربي عيالو ... ابعد عن الشر وغنيلو ... وملاني ليك امثلة ... وقال عن تصرف وليد مع الثور الضعيف ... ايوه ده الكلام يركب الضعيف طوااالي .... الدنيا عاوزة كدة .... لابد ان تنتهز الفرص ... الفرصة لا تأتي مرتين ... انسلا مع الرقراق ... المثل ده انا مافهمتو الا بعد ماشرحو لي ... جابو من وين ماتسألوني .. وملاني امثلة كمان ...
غايتو ... انا ضحكت وقلت ليهو ... وليد ده لو عمل السبعة وذمتا ... انا ماعندي ليهو بنات .......
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباحاتك ابيض من اللبن الحليب يا نجيلة الموقف مربك حبتين وفيهو حاجات كتيييييرة بتتحكم , فى الموقف وفى قرارات الزول المتابع ليهو كمان انت وزميلك بتاع العمل مثال اول لأختلاف منطقى متوقع ومنتظر كدى انتو الأتنين عاينو للموضوع بمناظير مختلفة استصحبوا معاكم كل حاجة وكل تفصيلة وردت , او تم التلميح ليها اتذكر انو وليد زول ناجح فى حياته واسرته طيبة ومتماسكة واسرة امانى نفس الشىء بالرغم من انو تربيتهم كانت متباينة ومختلفة تدو الزول ده البنية ولا لا ؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: بالرغم من انو تربيتهم كانت متباينة ومختلفة تدو الزول ده البنية ولا لا ؟؟ |
أنا قرار ما بديهو البنية !!
عارف ليه ؟
علشان الموضوع ده فيهو شبة إنتهازية
شاف القوي المتين خاف عديل وإندسه ولما شاف الضعيف
إزدراه وشمر كرعينو وركب فوقوا وعمل فيها عنتر، بمناسبة
عنتر إبن شداد سألوه لماذا يخافك الفرسان هكذا، فأجب بكل بساطة
إن القصة وما فيها عندما يلتقي الجمعان للمبارزة تبحث عيون عنتره إبن شداد
عن الضعيف ال######## الرعديد وبدون مقدمة أو سابق إنذار يطلق جواده وسيفه نحوه
ويضربه ضربة تهتز لها أرض الكنانة والجزيرة العربية فيدب الخوف في جميع الحضور
زي صاحبك وليد ده ويتراجع العتاة عن مبارزته وقتاله وتصبح القصة كل واحد ما واثق في
نفسه وتهتز أرجلهم وتطير قلوبهم ويظل عنتر هو عنتر مش وليد صاحب التور الهزيل
عارف صاحبك وليد ده لو حضر زمن عنتره كان ضحوا بيهو جماعته وعنتر زاتو كان حيكون
وليد ده من ضمن خياراته
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
أكيد ... " لمة" جدة غير ....
نتمني كل السعادة والنجاحات والاستقرار لولدنا سيف النصر في غربته الجديدة
================================= النضيف غير موجود إذن فهو متألم بشدة من رقبتو دعواتنا الصادقة له بعاجل الشفاء اللهم رب الناس اذهب البأس اشف - عبد الدائم - انت الشافى شفاء لايغادر سقما
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، يا وجوه الخير
دعاء اليوم :
اللهم إني استغفرك من . كل ذنب يكون فيه قطع الرجاء ورد الدعاء وتواترالبلاء وترادف الهموم
آمين
========================= لمت ناس جدة مع مجموعة من بورداب جدة في وداع الزول الجميل سيف النصر كانت جميلة وطاعمة وفقدنا فيها بعض الأفراد لإنشغالاتهم وعلى رأس الغائبين النضيف لظروف صحية، وداعاً د. سيف
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صباح الخير يا اهلنا ناس الزقازيق ماشاء الله البوست عامر ربنا يخليكم ودايما تامين ولامين
تحياتي حافظ انقابو عضو جديدQuote: دعاء اليوم :
اللهم إني استغفرك من . كل ذنب يكون فيه قطع الرجاء ورد الدعاء وتواترالبلاء وترادف الهموم
آمين |
امييييييييييييييييييييين
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
Quote: تحياتي حافظ انقابو عضو جديد |
مرحب بطلة الزول حافظ البيت بيتك
أدخل قدام وبرجلك اليمين وتلقاني
مسرورين ومبسوطين بزيارتك بيتنا نور
وما شاء الله عليك تاريخ التسجيل 4/2/2012
يعني قبل 23 يوم وعدد مداخلاتك بلغ 273 مداخلة
يا عيني عليك وعلى الطوربيد المركبو في الكي بورد
بس خليك نشط وواصل،،،
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: انقابو ما معزوم معانــا .... |
هو انا محتاج عزومة؟؟ ود البيت ما بتعزم يا عبدو
Quote: مرحب بطلة الزول حافظ البيت بيتك
|
تسلم كتييير استاذ ميسرةعلى اناقة الترحيب
Quote: يا عيني عليك وعلى الطوربيد المركبو في الكي بورد
|
قول مشاء الله
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
التشابه بين فرعون وبشار الأسد
فرعون اتهم موسى بأنه ( مندس ) .. فقال " إن هؤلاء لشرذمة قليلون و إنهم لنا لغائظون "
و لعب على وتر (الطائفية) .. فقال " إني أخاف أن يبدل دينكم أو أن يظهر في الأرض الفساد "
و صرح بوجود ( مؤامرة كونية) على بلاده .. فقال " إن هذا لمكر مكرتموه في المدينة لتخرجوا منها أهلها "
و اتهم فرعون موسى ( بالعمالة ) للدول الأجنبية.. فقال " إن هذا إلا إفك افتراه و أعانه عليه قوم آخرون"
وقاد (حملة إعلامية) شرسة واتهامات .. فقال " إن هذا لساحر مبين "
و استعان ( بالبلطجية) و اشترطوا عليه .. فقالوا " إن لنا لأجرا إن كنا نحن الغالبين "
فوافق على الفور و عرض عليهم أعلى المناصب.. فقال " نعم و إنكم لمن المقربين "
و كعادة هؤلاء المرتزقة فعنتريّتهم تكون على النساء و الأطفال .. فقالوا "سنقتل أبناءهم و نستحيي نساءهم و إنا فوقهم قاهرون "
لكن و بعد كل هذا التضليل يبقى موسى هو موسى، و فرعون هو فرعون..
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
الف رحمة ونور للاخت منى بابكر تعازينا القلبية للاخ الرشيد والاخت نجاة وانا لله وانا اليه راجعون
والتعازي القلبية للاخ د.طارق عبد الكريم في وفاة والدته رحم الله رحم واسعة واسكنها فسيح جناته مع الصديقين والشهداء جعلها الله اخر الاحزان وانا لله وانا ليه راجعون
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
أولا... التحية و التقدير للأخ مبارك جادين.. شكرا يا بركة يديك العافية...
ثانيا....
قلت لأخي و صديقي جلا و الذي كان يتكبد المشاق كل يوم ليكون قريبا مني... مثله مثل الكوتش و الريس معتصم ، أحمد اسماعيل، محمد المرتضى، معاوية يحى و عبدو مضوي... عمر محمد عمر، زوبا، شوش ، عزة التجاني، نوال، وصفاء عباس، عواطف دفع الله و زوجها خالد و دكتورة رجاء الطيب.. و آخرون ربما لم تسعفني ذاكرتي على تذكرهم في هذه اللحظة.... قلت لجلا لقد اكتشفت انني أصبحت نجما كبيرا بفضل هذا البوست... فلقد التقيت في سرادق العزاء عدد كبير من المتابعين للبوست... و وجدت ان عددا مقدرا من الناس قد عرفوا من خلال بوست الأخت العزيزة زوبا... أو من خلال هذا البوست... و بالرغم من أن المناسبة لم تكن مناسبة سعيدة... الا ان ذلك لم يمنع بعضهم من أن يحدثني عن متابعته اللصيقة للبوست... و تفاجأت أيضا بأنهم يقرأون قصصي كلها... و منهم من هم أصدقاء لأخي علي فكانوا يقولون له انت مالك ما زي أخوك الكبير... فرد عليهم أخي علي..ده زول فاضي ساكت قاعد لي في السلع يكتب في القصص... أنا طبعا حرقتني حكاية فاضي ساكت دي... لكن ما لقيت لي وقت أقول ليهو الما بتلحقوا جدعوا... قلت لجلا... كنت أتحدث اليهم مثلما أتحدث اليك الآن... و لكن ما أن أبدوا اعجابهم بكتاباتي حتى تغيرت لغتي و تقمصت شخصية النجم... و بدأت أكثر من استخدام اللغة العربية و أعدل من نظاراتي الطبية بين الفينة و الأخرى... ثم التقيت بالأخ هشام عثمان شقيق ياسر لورد... و الذي لم التقيه منذ زمن طويل... جلسنا معا بعض الوقت للسؤال عن حاله و أحواله و أحوال ياسر و باقي الأسرة... فلقد كانت تربطنا علاقة أشبه بعلاقة الدم بأسرة عمنا الراحل عثمان عطا المنان... غير الصداقة القوية التي جمعتني بأخي ياسر لورد... فاجأني هشام بمتابعته لما كتبته عنهم بالبوست.. و قال لي ان أحدهم كان متابعا للبوست قرأ ما كتبته فأخبره ليقوم هو بدوره بقراءته... و كان سعيدا جدا بما كتبت عن اجادتهم لميكانيكا السيارات... الحقيقة انني كنت في غاية الاندهاش أن يكون للبوست كل هذا الصدى... و كنت أحسب أن ما نكتبه هنا ربما لا يقرأه الا القليلون جدا و أغلبهم من الزقازيقيين... لذلك عندما أكتب دائما ما أتصور نفسي في ركن قصي من العالم لا يراني فيه أحد... أكتب و كأني أفشي أسراري لصديق عزيز جدا و أطلب منه أن لا يكلم أحدا... لكن لقيت الشمارات ماليه البلد كلها..من حدها لي حدها.... أقول هذا لألفت نظركم الى أهمية تواجدكم هنا في هذا البوست... و الشكر مرة أخرى لعصام دهب و أقول ليهو لقد تحقق ما تمنيت... بل ربما أكثر مما كنت تتمناه... أن يكون في صحبتي الريس معتصم و الكوتش محمد صديق و جلا طول الوقت... لأكبر دليل على أن هذا البوست قد حقق مبتغاه... و أصبح الرباط التي بدأ هنا أمتن من أن ينقطع لأي سبب كان... و ان ما تكتبونه هنا و لو كان كلمة واحدة فانها تساوي الكثير... تدعم التواصل و تقوى الروابط و تفعل كثير من الأشياء التي هي خافية عليكم...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: و أصبح الرباط التي بدأ هنا أمتن من أن ينقطع لأي سبب كان... و ان ما تكتبونه هنا و لو كان كلمة واحدة فانها تساوي الكثير... تدعم التواصل و تقوى الروابط و تفعل كثير من الأشياء التي هي خافية عليكم... |
يسلم ( قلمك ) الجميل يا رشا
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
Quote: تدعم التواصل و تقوى الروابط و تفعل كثير من الأشياء التي هي خافية عليكم.. |
وجيتك دي يا حبيب فرصة كبيرة عندنا اها انا ماجيت ادعم تواصلنا ولا عشان اقوي الروابط انا جابني الشمار باع كثير من الاشياء الخافية علينا دي. يا رش "العرس" كان ما من الحاجات الخافية علينا دي تكون بالغت ياخي
اها وليد واماني عرسهم متين
-------- تحيات واشواق ليكم كلكم والله ويا بركة مشتاقين بالزايد
| |
|
|
|
|
|
|
Re: ناس الزقازيق ... أجدع ناس (4) .. (Re: حافظ انقابو)
|
Quote: و أصبح الرباط التي بدأ هنا أمتن من أن ينقطع لأي سبب كان... |
غايتو في ناس قاعد تشتهر بي حقنا بالنسبة لس فإنني أعاني من تمزق في الرباط الصليبي بتاعي ودا بي فعل فاعل بالمناسبة أتأسف للأخ أحمد إسماعيل لعدم إلتقاءه بعد عودته من نيالا لأنني في مهمة تتعلق بالأفكار خارج الخرطوم
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
الحبايب من حدكم لا حكم سلام وشوق وامنيات بالخير بلا حدود نفرح لفرحكم ونحزن لحزنكم نطرب لشاديكم ونبشر لمديحكم ونستلقي ونقرا ماتكتبونه من بحور منصور والرشيد الطويله حتي كوبي بيست جلا ونلحق بما فاتنا من امتاع عند الكوتش ولكن تصيبنا حاله من ال....... لاادري مااسميها زي الضيف البياكل ويتخارج ماذا تسمى هذه الحاله (الضيف الملخوم ياكل ويقوم ) الغايبين انتو وين والحاضرين ازيكم وللجميع الموده( وقل المعروض جفا )
| |
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
يا الريس تشغلنا عنكم الدنيا العجيبة ويا جلال لم نقصد الاختباء لكن المعايش احيانا اكبر من ان تتحمل فتدخل البيت تلت الليل وهكذا يضيع عليك حتى المتاوقة بتاعت الكوتش فنكتفي من الزيارة بالاياب لذلك لاعزائي جميعا سامحوني لو تباعدت الطلات لكن الدنيا تلاهي
الرشيد نسال الله ان تكون اخر الاحزان وكلماتك زادتنا اصرارا على ان الزقازيق بخير واجدع ناس
| |
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
سلام عليكم يا حلوين..
مالكم بقيتوا ناس شغلتنا أموالنا وأهلونا.. أنا غايتو حاميني الجروب حق أوسكار الجابو لينا الزناتي في الفيس بوك.. أصلو ما بيرتاح الا يجيب لينا الكفوه..
أماني عرسوها? أنا غايتو وليد حقكم دا بديهو.. كان دايرن الإتنين بديهو.. كان ثبت أو جرى بديهو.. كان مسكلو ضنب بديهو.. كان سقط في الإختبار بديهو..
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
سعادة وفرحة ( فى زمن قل فيه الفرح )
بتجاوز الحبيب الأريب رشيد القوم لمربع الاحزان
الله لا عادها انشاء الله ....
ومرحى بعودتك ايها الجميل .. بلسما لكل عليل ...
وبسمة لكل حزين ...
وفرحة لكل مدبرس او مكتئب ...
والدليل .... ظهور كوتشنا الحبيب ....
حتى ولو بأضعف الايمان ... كوبى آند بيست ..
( بس ملعوبة يا كوتش .... لعله صاحبنا ينهمر بفيضه ..)
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
يا ســـلالالالالام يا ود جبارة .....
صــورة فى التنك ...
لوحة نادرة تجمع الجيران الحبايب فريقى زراعة وبيطرة وجمهورهما ...
طبعا النتيجة كانت زراعية ... ولو ما مصدق اسأل الرشيد ( كان كابتن التيم
... وانا كنت مساعد المدرب ..!
ألحقها لك بصورة اخرى تمثل فريق زراعة المنتصر فى هذا اليوم بهدف احمد يوسف ( حماده )
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
صبحكم الله بالخير
الصورة الأولى كانت في مهرجان وداعي بملعب الكلية... و الذي شارك فيه كل الأخوان البياطرة... أما الثانية فأعتقد انها بالمدرسة العسكرية... و غيابي عن الصورة لأني فعلا كنت كابتن الفريق... و كنت منشغل بالقرعة قبل بداية المباراة...
أيام لها ايقاع والله.....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صبحكم الله بالخير
بعد عودتي من السودان سألني الكثير من الأصدقاء عن الحال هناك.... و هل صحيح ان الوضع أًصبح مترديا و الحياة طاحنة و الناس ما قادرة تعيش... فكنت أجيبهم بي والله ما عارف فأنا لم يتسنى لي أن أتعرف على الحال كما يجب... أو حتى أن أذهب الى أي من أسواق الخرطوم لشراء أي شيء.... كنت أذهب فقط الى الدكان المجاور لمنزلنا لشراء الماء و الذي يعرف هناك بموية الصحة... و أنا لي تحفظ كبير على هذه التسمية... فان كانت هذه موية الصحة فهذا يعني ان غيرها من الماء هو موية عدم الصحة... هنا في الامارات نقول ماء فقط دون أن نتبعها بكلمة صحة هذه... بالرغم من أن الماء المتاح في المواسير غير صحي اذا شرب من غير (فلترة)... المهم انني لم اطلع الا على أسعار الماء و الذي بمقارنة مع أسعاره القديمة فانها لم تزيد... أما اللحم ده و الشحم ده و العيش و الكسرة و الزيت و الخضار فلا علم لي بأسعارهم... لكن اذا سألتوني عن الصواني فحدث و لا حرج فلقد كانت تأتي مليانه فل و ترجع و هي تلمع.... ده غير الزيادات التي كانت بمثابة صينية كاملة على الصينية الأصلية... رغم الأعداد الغفيرة من الناس و التي أتت من كل فج عميق للعزاء.... لدرجة ان ابن خالتي الظريف حسن كان يقول ممازحا انتو الناس دي ما حزنانه و لا شنو... و الله السودان ده بلد عظيم بي شكل ما عادي... و الانسان السوداني انسان نادر يملك من الصفات التي قل ما توجد في أي انسان آخر... خلي المقارنة تبقى بين انسان و انسان لا بين شعوب و شعوب... عشان نقول اننا شعب متفوق على المستوى الانساني و متخلف على المستوى الحضاري... و الحضارة مكتسبة و يمكن تعلمها و التدريب عليها أما الانسانية دي زي الشاسي بتاع العربية... نحن نحمد الله الشاسي بتاعنا متين بس باقي لينا البودي و الأكسسوربس ... لكن حتى بي سجمنا و رمادنا ده زي ما بقولوا أمهاتنا نبقى شعب عظيم... نقيف وقفة مع بعض في السراء و الضراء ليس لها مثيل في الدنيا كلها... المواد التموينية بالهبل ...الأكل طالع بكميات تكفي الخرطوم كلها..... و لما تسأل يا جماعة ناقصكم حاجة الأمور ماشة كيف... يقولوا ليك يا زول انت ما عندك شغلة بالموضوع ده أمشي أحزن حزنك و أستقبل ضيوفك.... عشان كده أي اجابة لي عن حال البلد و الناس حتكون اجابة منقوصة... أو متأثرة بانبهاري الشديد بما رأيتة و لمسته هناك... و مرات كده بقول و الله نحن لو أدرنا دولتنا بنفس الأسلوب الذي ندير به حياتنا الاجتماعية... لأصبحنا أعظم دولة في العالم و أصبحنا سلة غذاء العالم... و لو العالم عايز زيادات كمان نزيده حتى لو طلب زيادة كمونية زاتو... لو أدرنا دولتنا بمبدأ التكافل الاجتماعي الرائع هذا... و تخلصنا من أنانيتنا و فرديتنا و أهواء نفوسنا ما ظنيتنا نفشل أبدا.... الغريبة اننا نجتمع كلنا على هذا المبدأ باختلاف توجهاتنا السياسية.... و لكن ما أن تكون الحكاية فيها سياسة و حكم نختلف و نتشرذم و نتصرف بأنانية... ألحال في السودان بخير و أحسن ما يكون بعيدا عن السياسة... و النخب و الساسة في بلادي وجب عليهم يقعدوا في الواطة و يرجعوا لي قديمهم... لي ارثهم الاجتماعي الذي ورثوه عن جدودهم و ما زالوا يحافظون عليه... يحافظون عليه على المستوى الفردي في تفاعلهم الاجتماعي... و ينأون عنه اذا ما لبسوا (عباية) السياسيين...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
شهر يناير من 1985 (6) اولاد مدني (محي الدين عبد الستار -يوسف محمد نور الجليل -الفاتح محمد الطيب )
كان من الطبيعي ان اكتب عنهم مجتمعين لانه لم تذكر مدني والا قفزت صورنهم العزيزة امامي فاسال اين هم واتذكرلحظات جميلة قضيتها معهم. اسعدتني الظروف فدرست مع محي الدين في نفس القسم (قسم الكيمياء ) فكان نعم الزميل المساعد في المذاكرة خصوصا وهو يجيد الانجليزية ومتفوق عليناا في الرياضيات فكنا نساعد بعضنا البعض . وكان حريفا في كرة القدم فهو كابتن الفريق والكوتش وحققنا معه انتصارات داوية اما الغناء فهذا امر اخر فمحي الدين يحفظ الغناء القديم والحديث فمعه عرفنا اولاد مدني صديق متولي وصديق سرحان (وهدية قلبية من روحي مهدية) وقال محي الدين ان صديق سرحان ليس مطربا قويا لكن الكورس بتاعه ناس فنانين يعني الكورس شايل الفنان وبالتدقيق والاستماع الجيد تاكدنا من نظريته ومحي الدين احبتي مثقف ممتاز يعني كفر ووتر وثقافة وهكذا هم اولاد مدني . طبعا لا يفوتني ان اذكر ان محي الدين تزوج من زميلتنا في الكلية اماني سيد احمد وهي من زيجات ناس الزقازيق الناجحة . واسطة العقد يوسف نور الجليل بعيد عن الوتر والكفر صديقه الاثير حاتم صديق وبينهما ونسة دقاقة خرجنا من الزقازيق دون ان نقف عليها هذا شخص له ارادة حديدية ودليلي انه حفظ كتاب الزولوجي من الجلدة للجلدة يوسف مكانيكي بن مكانيكي بعد الجامعة اشتغل في ورشة والده حتى الزواج والذي حضرناه شلة من ناس الدفعة والاصدقاء وعقب الزواج رجع يوسف الي قاعات الدراسة والان هو استاذ في جامعة الجزيرة ولا يمكني ان اخرج من ذكريات اولاد مدني الا عبر بوبة الفاتح حضرنا اول ملاحق في سنة اولى وكان الفاتح عنده ملحق فيزياء ليلة العملي حفظ تجربة واحدة هي قانون هوك ولم يحفظ سواها وعندما اختار الكراسة بتاعت الامتحان والتي كانت تتم عشوائيا وقع اختياره على تجربة قانون هوك بعد الامتحان قلت ليهو: اه كيف ؟ قال لي جاءت قانون هوك وكان جاءت واحدة غيرها كنت كتبتها هي برضو ؟ امتلك الفاتح صوتا جميلا وكان واحد من فناني الاسرة هو ومحي الدين من نفس الحي الدرجة في مدني لذلك تجدهما يتونسوا سويا ونسة عن الحي وذكريات مدني. لم اصادف الفاتح غاضبا ابدا وله حكايا جميلة مع سنيرنا كمال الجنيد كان يحكيها لنا فنموت من الضحك خصوصا عند عملهما سويا في لجنة واحدة في رحلتنا للعريش اخرج بهذا الباب من سفر اولاد مدني الفاتح الان يدير شركة حفريات في الخرطوم مقرها بالسوق العربي وقد تزوج ورزق بالنين والبنات .
| |
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
صباح الخير ،،، يا وجوه الخير
إرتحت جداً لكتابات رشيد القوم ، وزادت سعادتي
ما كتبه عن متابعت نفر كريم عن ما يكتب في بوست ناس الزقازيق
وهذا الموقع اتى أُكله وأينعت ثماره وهو إرث سوف تكتب عنه الإجيال القادمة
==============
مبارك ود جادين نستمع ونستمتع بما تكتب من ذكرياتك الجميلة
وهناك قيمة فيما يكتب لأننا عاصرنا كثير من الزملاء ولكن قد يكون
البعض بعيد عن موقع السكن أو إختلاف الكليات وبالتالي يقل إحتكاك كثير
منا بالآخرين قد تكون هناك معرفة ولكنها غير دقيقة
أكتب يا مبارك وسجلي يا خديجة.
==============
اللهم آتنا في الدنيا حسنة وفي الآخرة حسنة وقنا عذاب النار ، يا كريم يا غفار يا رب العالمين
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote:
و مرات كده بقول و الله نحن لو أدرنا دولتنا بنفس الأسلوب الذي ندير به حياتنا الاجتماعية... لأصبحنا أعظم دولة في العالم و أصبحنا سلة غذاء العالم... و لو العالم عايز زيادات كمان نزيده حتى لو طلب زيادة كمونية زاتو... لو أدرنا دولتنا بمبدأ التكافل الاجتماعي الرائع هذا... |
وهذا ما فشلنا فيه ومعه مرارا وتكرارا يا الرشيد يا اخوى نحن نعانى من الأفراط فى هذا , والتفريط فى ذاك حالة انفصام مجتمعى حادة ومزمنة يا حبيب نبكى بحرقة , ونضحك مجلجلين ولمن نفتش لى حالة توازن فعلى بين الأتنين سما واطة ما نلقاها , فنستسلم لواحدة من الحالتين , ايهما اقرب بظرفها المكانى والزمانى وبعد داك , يخيل لينا , ان الدنيا ياها الحالة النحنا فيها نضبح تمانية وعشرين ضابط ليلة العيد زى الترتيب التهمة انهم عملوا انقلاب زى العملوهو نشيل الفاتحة فى بيت العرس ونجى محننين ودخاخينا طاقة فى العزاءات نعمل ادارة خاصة لمحاربة الفساد ونعمل ليها لقاء تلفزيونى طول بعرض واول زول يكتب فى الموضوع زاااتو , نمسكوا نعتقلوا ونقفل الجريدة النشرت ليهو المقال نشكو لطوب الأرض من تدخل الجيران فى شئوننا الداخلية ونتباهى باننا اسقطنا النظام فى ليبيا ونتوعد حكومة الجنوب الفصلناه بالمصير زاتو يا اخوى نحن ناس دايسين على الأبنص طواااالى عشان كدة , فراملنا كعبة خلاص , هبشتها كده , عربيتنا طوالى راسا على عقب
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
لا تستسلموا لمشاغل الحياة... و لا لاحباطاتها... خليكم زي الريس ميسرة... و أغتنموا أي فرصة تتاح لكم... و ضعوا بصمتكم هنا... تأكدوا ان و لو كلمة واحدة تصنع الفارق.... و أعلموا ان عدم التواصل جفا... و الجفا يفرق و لا يقرب... و الفرقة تزيد من الاحساس بالاحباط...
الكلام ليك يا المنطر عينيك....
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
أنا بره لاني غير مقصود شوف زولك وين !!
لكم التحايا و نأسف للخلل الفني
بس صحبي ابو عمر وصل من يوم الاربعاء لكنو
الظاهر ما زال عنده بواقي عسل قال ليكم لمن
ينتهي بظهر براهو يعني ما تشيلو هم
عموما لك التحية والف حمدلله علي السلامة يا بطل !!!
بس اعمل حسابك ما تقع علي قدومك !!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
كلام الرشيد زي الحرقني كدا ... الله ما يجيب جفا وبالمرة الزول يسلم على سعادتو الكوتش مشتهنك والله علك طيب ياخ وابوالزوز مداخلتو الفاضية دي اخير من مقاطعة طارق جبريل للحوش ولا شنو؟
ياموسي ... لقيت ليك بوست امس بخصوص الامتحانات لكن انشغلت وطش منى ونسأل الله التوفيق لابنائنا الممتحنين ربنا ينجحهم ويوفقهم .... وحمدا لله على سلامة ابو عمر
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
الليل أهواهو في شعرك الناعم
لنطرب قليلاً مع عثمان حسين والشاعر حسين بازرعة
من أجل حبي .. حسين بازرعة **** جاي تترجاني أغفر ليك ذنبك ما كفاية الشفتو من نارك وحبك أنت فاكر تاني أرجع لك واحاسبك لا يا ناكر دربي أصبح ما هو دربك كنت تحلم بالسعادة في كلمة مودة وهي غير ما إنت فاكر وهي في نبضة مشاعر في القلوب الما بترد أي طارق أي زائر شايلة هم الدنيا زاده ومالية كل الكون بشاير إجتمعنا علي المحبة في ثواني في طريق مفروشة بي حبي وحناني وافترقنا كل واحد في طريقه انا ضائع وإنت مخدوع بالأماني كل زادي في ضياعي قلبي مفتوح للأحبة للجمال الأشجى روحي في شعوري سحره شبه ورسالة فني سامي تدعو للخير والمحبة إلا قلبك يا حبيبي لسه ما أدرك وشبه
****
| |
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
سلام الله عليكم أيها الأحباب بعد سفر وشوق
الأخ الرشيد بابكر والأخ طارق عبد الكريم أحسن الله عزاءكم وألزمكم الصبر وطرح البركة في الأحياء وأحسن الله عزاء الجميع في الذين سبقونا باليوم اللهم أغفر لهم وأرحمهم وعافهم وأعفو عنهم وأكرم نزلهم ونقهم من الخطايا كما ينقى الثوب الأبيض من الدنس وأدخلهم الجنة مع الصالحين
اللهم أغفر لحينا وميتنا من أحييته منا فأحيه على الإسلام ، ومن توفيته منا فتوفه على الإيمان ونسألك اللهم لا تحرمنا أجرهم ولا تضلنابعدهم وأختم لنا بخاتمة السعادة
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلام للأحبة وعودا حميدا للشباب .. ونخص ولدنا الرشيد ... به يزدان البورد ... ودا وحبا ... والقا ... واندياح ....
============= حبيبنا عمر ابوالطيب
واصل مشروعك وان شاء الله تكون سنة حسنة انا معاك في التلاوة على روح اختنا مني حتي نختم القرآن ... وسوف اتكفل باذن الله الجزء 11 و 12 ياشباب اعتبروها ختمة لما تمشو اي بيت بكا مش الناس قاعدة تدخل جوه اوضة او الصالون بعيد من خيمة العزاء وكل واحد يشيل جزء من المصحف ... المصحف المفترق ... بتاع كل جزء لحالو ... ويختمو القرآن على روح الميت .... خلونا نعملا هنا وكل واحد يشيل جزء وتكون سنة حسنة لموتانا .... وهذا العمل ليس فيه اي نوع من المباها او الرياء ... وسوف نفتخر به ... تفاعلو معنا ... جزاكم الله كل الخير....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: بالمناسبة أتأسف للأخ أحمد إسماعيل لعدم إلتقاءه بعد عودته من نيالا لأنني في مهمة تتعلق بالأفكار خارج الخرطوم |
والله يا جلا حظي معاكم ولا حظكم معاي ما تمام ، خيرها في غيرها
Quote: بس اعمل حسابك ما تقع علي قدومك !!!!! |
يا موسى يخوي نحن ناس ضان معلوف طبيعي وعسل نحل ودوم ودليب ونبق وقضيم 00الخ يعني حاجات طبيعية مية بالمية البرميني على قدومي شنو قايلني بتاع جوافة وكومثرة مسمدة
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
حاج أبكر وقع في البير جو الجماعة يطلعوا من البير قال ليهم كي ياولي انا مانطلع إلا تجيب بياض واحد أحمق قال طيب أدفنوا البير ، بعد 2 كوريك تراب بقى يستنجد للخروج
إكشفنا شجرة أوراقها تعالج أكثر من 100 مرض منها السكر والضغط ويمكن وجع ارقبة ووجع الساق ووجع الظهر والمفاصل والباطنية ما تسأل ، فأي زول يسجل يحدد طلبه ويخت البياض
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
Quote: إكشفنا شجرة أوراقها تعالج أكثر من 100 مرض منها السكر والضغط ويمكن وجع ارقبة ووجع الساق ووجع الظهر والمفاصل والباطنية ما تسأل ، فأي زول يسجل يحدد طلبه ويخت البياض |
يا أبو عمر البياض بتاعي مية دولار... أنا عندي واحد صاحبي عندو وجع رقبة... مغترب في جدة و عندو عربية كامري قبل كده سرقها واحد صاحبنا تاني... جهجو ليك جهجهة السنين... و امكن كمان يكون وجع الرقبة جاهو من الوقت داك... ما عايز أقول اسمه حفاظا على أٍسرار الناس...
ممكن ترسل لينا طلبية لي جده... حق الشحن مدفوع من ضمن المية دولار...
ملحوظة:برسل ليك العنوان في الخاص عشان الخصوصية و كده...
عندك حاجة لي صاحبنا بتاع الخبر من ضمن ال 100 حاجة ديل... أنا ما حأقدر أقول ليك عندو شنو.... خليهو يقول ليك براهو...
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
يا ابو عمر الاسبوع الفات كان عندى مراجعة فى المستشفى قاعدين جمبى اتنين تشاديين و جمبنا لوحة اعلانية عن الكشف الدورى مكتوب عليها كمية من الامراض ... علاج كذا .. واكتشاف كذا
واحد فيهم قرأ اللوحة كلها اتلفت عاين للتانى قال ليهو بكلام ناس ابكر
معقول فى زول عندو مرض قدر دآآآ .....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
مبروك السمؤال ربنا يجعلها من المؤمنات الصالحات
وجعلها غرة عين والديها.
=======================
Quote: ممكن ترسل لينا طلبية لي جده... حق الشحن مدفوع من ضمن المية دولار... |
حمد لله على سلامتك يا ابو عمر والله موضوع الشجرة دي
بضم صوتي لصوت الرشيد وأرسل لينا شوال كبير علشان نعالج فيهو
رقبة عبدالدائم النضيف اصلو قالوا كتبته واحده من بنات الصحافة ودفنتوا
في شجرة كبيرة تكون شجرة تبلدي ولا شجرة دليب أو شجرة زي بتاعتكم دي بالله عنوانا
بالدي أتش لـ - جدة شارع التحلية - جوار إيكيا
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
صبحكم الله بالخير
حفلة ناس آداب سنة 88 دي متأخرة شوية يا ديدو... أنا كنت الوقت داك في مكتب 65 المكاشفي بالمناقل... طالع ميجر و نازل ميجر..مرة ملاريا و مرة تايفويد... لحدي ما آمنت زاتو و كرهت اليوم القريت فيهو زراعة... أنا لو عارف الحفلة دي كان حولت آداب و اتخرجت سنة 89...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: حمد لله على سلامتك يا ابو عمر والله موضوع الشجرة دي
بضم صوتي لصوت الرشيد وأرسل لينا شوال كبير علشان نعالج فيهو
رقبة عبدالدائم النضيف اصلو قالوا كتبته واحده من بنات الصحافة ودفنتوا
في شجرة كبيرة تكون شجرة تبلدي ولا شجرة دليب أو شجرة زي بتاعتكم دي بالله عنوانا
بالدي أتش لـ - جدة شارع التحلية - جوار إيكيا |
و الله يا أبو عمر بختك... بيزينيس تفتش ليهو و بيزينيس يفتش ليك... ده بيزنيس جاك لحدي عندك... أعمل ليك مركز رئيسي في الرياض... و فروع في كل من جدة و أبو ظبي و الدوحة... بس بعدين لما نقول ليك أدينا الوكالة بتاعت أبو ظبي ما تتغابى فينا العرفة....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: .يا ابو عمر الاسبوع الفات كان عندى مراجعة فى المستشفى قاعدين جمبى اتنين تشاديين و جمبنا لوحة اعلانية عن الكشف الدورى مكتوب عليها كمية من الامراض ... علاج كذا .. واكتشاف كذا
واحد فيهم قرأ اللوحة كلها اتلفت عاين للتانى قال ليهو بكلام ناس ابكر
معقول فى زول عندو مرض قدر دآآآ ..... |
يا عبد الدائم واحد محمل ركاب في لوري وسايق بسرعة مبالغ فيها مما ادى إلى إنقلاب السيارة فيها من مات والمعوق ما تسأل ، حاج أبكر من ضمن الركاب ولم يصاب بشيء قام السائق رشاهو لكي يشهد بأن السيارة سرعتها عادية ، جاهو المتحري وسأله عن سرعةالسيارة رد حاج أبكر عربية ماشة براهة تنزل تبول تجري تركب ، المتحري قال جيبو المصحف ، الحاج قال قبل الهليفة إستلم هذا قروش السواق قال والله عربية جاريآآ شدرة تشوف شدرة مآ تشوف والله عربية بحر مالح مايلزمها
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
صبحكم الله بالخير
الواحد تقول عنده دكان في السوق الشعبي... ما يتفائل الا يجي الريس ميسرة يقول دعاء الصباح... و تقعد ممحن منتظر الريس ساعة فرق التوقيت بين الامارات و السعودية... خوفا من أن تدخل قبل دعاء الصباح فيؤثر ذلك على عدد الزباين... لكن الأيام دي و بما ان السوق نايم طبيعي... و الحكاية عايزه ليها مع دعاء الريس الصباحي الجميل... عايزه ليها (يس) سبعة مرات و جكة زي بتاعت نملوز... اليوم قلت أدخل قبل الدعاء والزارعها الله في الحجر بتقوم... و نسبة لسرعة البوست ممكن الواحد يجي بعد بكره يلحقو (براهة)....
كلمات الأغنية بتاعت عيسى الضي دي لي اتنين من أصحابنا... واحد في السودان سايق (كيا) جديدة و التاني مغترب... و واحد عامل ازعاج في الحافلات هو و بناته... 2+1 يساوي كم..اتنين معاك الواحد... ما قلت ليكم اتنين من أصحابنا...
تصدق من سنين نحن بنتمناك تصابح العين بآمال لحظة تنصفنا وتبين نحن منك وين ولما نحس بيك ناسي ونقابلك بجفا الناسين بتحيير ونحن كمان بنتحير
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صباح الخير ،،، يا وجوه الخير
وتحية صباحية لأبوظبي وساكني أبو ظبي
البحب ناس أبو ظبي يرفع إيده ،،،،
دعاء اليوم :
اللهم آتنا في الدنيا حسنة وفي الآخرة حسنة وقنا عذاب النار وأدخلنا الجنة مع الأبرار يا عزيز يا غفار يا رب العالمين.
دعاء جميل وصادق وغالباً ما يٌقال بين الركنين في الطواف
======================= ما تخافوا يا جماعة الناس الطاشة رجعت وبعد ده نقول زي حاج أبكر البوست ده مداخلة تشوف ومداخلة ما تشوف
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: ظروفنا بقت كده ...نجى بربع طايوق ...او ما نجى ...
|
أنا غايتو لو في محل ست بيتك (بخلعك)... مش بخلعك بقول ليك (ووه)... لا ...الخلع العديل داك... انت يا يابا بتين طايوقك ده بيتم.. و ببقى طايوق أربعتاشر... امكن عشان هلالابي طايوقك ده طوالي هلال... كدي جرب شجع أهلي شندي و لا الرابطة كوستي...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
التحايا للجميع و خاصة القابضين علي وتر البوست لكم
التحية و الف حمدلله علي عودة ابو عمر
و الف مبروك السمؤول وانشاء الله من المستورات
و بعدين نجي لصاحبنا بتاع السودان و السلع سابقا !!!
Quote: كلمات الأغنية بتاعت عيسى الضي دي لي اتنين من أصحابنا...
|
إنت عارف لي ساعة بدور في قاموس الفنانين والشعراء لكن
عيسى الضي دا لسع ما وقع لي ياربي يكون دي بتاع ناس جلا !!!
عموما تسلم علي الذوق في الاختيار بس يبدو الاسلاك لسع فيها ماس
من رحلة السودان !!!
لكم مودتي و بشوف لي طايوق سلفة من الكوتش و بجيكم برواقه
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
ألف مبروك للأخ السمؤال المولودة جعلها الله من الصالحات
Quote: حمد لله على سلامتك يا ابو عمر |
تسلم يا ريس وشكرا على المكالمة المباغتة وشكرا للإهتمام بالرعية اما عبد الدائم أولا يمشي لحاج مدثر وبعدين نرسل ليه الكوتة زائد حجابات من حاج أبكر عشان العمل التحت الشجرة
Quote: بس بعدين لما نقول ليك أدينا الوكالة بتاعت أبو ظبي ما تتغابى فينا العرفة |
با الرشيد طبعا الحكاية لسة خبر بعد ما نجرب العينة في صاحبنا بتاع الخبر وبتاع جدة بعدين لك ما شئت ، وما تقول اليومين ديل أخونا عصام جلي بالسودان نكلفه يجيب العينة ونشوف جدواها وبعدين يتم الإستيراد الصحي صحي الأخ جلا والكوتش والله مقدرين المشغوليات والجري نسأل الله أن يهون القاسي ويسهل المعايش ويروق البال ويكمل الطايوق
| |
|
|
|
|
|
|
|