|
|
 Re: ناس الزقازيق ... أجدع ناس (4) .. (Re: الرشيد بابكر)
|
انا يا عبد الدائم حدود
معرفتي حتى ابو حمد لكن دنقلا دي
ما ادونا ليها
يا جلا انت لازم تحكها لمن تجيب الدم
فالمعنى واضح
والمفسر ما بثفسر
يا زنوبة ربنا يشقي الخالة
يا ريس ميسرة ومنى
ويا ريس معتصم جعفر واسرته
مشتاقييييييييييييييييييين
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
اردموا يا محمد عيد , ردموا جن
*
يا منصور : غبت ساعتين عن المكتب في إجتماع خارجي وإتمنيت القاك جيت وعلقت على كلامي الفوق ، لكن جيت وما علقت عليهو مافي مشكلة راح تعلق بعد كده !! ، شايفك مصر تقود البوست في إتجاه محدد ، الضغط البتقصدو على الاهل بالنسبة لابوي رحمة الله عليه وامي ماعارف لكن المنتج النهائي واحد إسمو (كمال) وانا مبسوط من الاسم جداً زي ما ذكرت ليك فوق بل بالعكس لو ما كان اسمي كمال فعلا لاتمنيتو ... بالنسبة لاسماء اولادي : كريم سميناه بعد عشقي الشديد لصفة الكرم المادي والمعنوي وتمنيت ان يكون ابني كريماً ، يقول العرب ان الكرم صفة جامعة لكل الصفات الجميلة في الرجل ولو كان الرجل كريماً ففي الغالب فهو ..... كل الصفات الاخرى الجميلة ويكفي ان تعاتبه ( كا نفعل مع كريم الان ) يا راجل ده إنت إسمك كريم عيب عليك كده !!!!!
22 نوفمبر، الساعة 03:56 مساءً ·
كمال الشادى فى الفيسبوك فى مداخلة عن اسامينا
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
منار بنتي انا أسميتها لحبي لمعني المنار والمنارة والدليل والراشد والسارية والمرشدة وهي كلها معاني يضمها اسم منار ودائما ما اشرح لها الصفات الجميلة الكامنة في معتى إسمها ومع الوقت صارت تكتسب الكثير من صفات إسمها ، محمد ابني الصغير جاء بعد وفاة والدي رحمة الله وأسميناهو محمداً على والدي رحمة الله عليه ،،،،، اها تاني شنو ؟
* نفس كمال الشادى مواصلا فى ذات الموضوع
* طلع عينو يا محمد عيد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
أحمد المصطفى .. إسم عرفت به فى مختلف مراحل التعليم .. غير إن إسم الوالد ليس معرفاً بالألف و اللام .. فهو إسم ٌ غير مركب .. لكننى طالما عشقته فهو إسم الحبيب صلى الله عليه و سلم .. أما الحاج فهو لقب للجد الثانى .. و صار علماً لصاحبكم بين زملاء الدراسة المصريين .. خاصةً فى الsection لوجود أخ مصرى يشاركنى فى إسمى و إسم الوالد .. و لا يخفى عليكم إزدحام section A بإسم أحمد .. فأخواننا المصريين كلهم أحامد ( إن جاز الجمع ) .. و علمية إسم الحاج صارت أكثر إلتصاقاً بإسمى بهذه البقاع بإعتباره ال family name .. فالحمد لله أولاً و آخراً أن وفق والدى حفظه الله لهذا الإسم .
وهنا الدكتور احمد الحاج مصطفى , مساهما فى نفس الموضوع
* يا محمد عيد , لو الزول ده واصل فى هندسته الفراغية دى , نحاول تمسكو من ايدو البتوجعوا
اوريك تعمل ليهو شنو ؟؟؟
كلم ليهو بهجة طوالى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اها
قام كده كلام كمال الشادى ودكتور احمد الحاج ده
عجبنى وسر بالى
قمت كده اندحت ليك فيهم , واتدفقت كما يلى
ابدا والله يا شادى , بس كل الموضوع انى امبارح مريت على الموضوع والبوست كله بى (نص طايوق ) زى ما بيقول حبيبنا الكوتش , حتى مشاركتى كانت رد منقول بالكوبى بيست من رد مكتوب فى بوست سودانيزاونلاين , اما موضوع التاويلات والاشارات والعلامات فيتخيل لى انو موجود عند كل بنى آدم وان كنت انا ما قاعد اعول عليهو كتير , عموما جيتى ليك الفى الحلم دى , رفعت من معنوياتى اكيد لكن اعمل حسابك منها وما تعتمد عليها كتير , تصالحك مع اسمك واسماء منار وكريم ومحمد , وكمان تصالح احمد الحاج دكتورنا العزيز مع اسمه وحتى اسم الوالد وكمان اسم الحاج , منطقى ومعلوم لأن اسماء التحميد والتعبيد وكذلك اسماء الأفعال والصفات , خاصة اذا ما كانت حميدة كما فى اسماءكم (كمال , احمد , مصطفى , الحاج , كريم , محمد ) , لكن كدى خلينا نركز على اسم منار ده , اظنك ده الوحيد الأحتجت تشرحو وتبينه للبنية اللذيذة ديك , هنا مربط الفرس يا عزيزى , ما شفت لمن ابو عركى البخيت يغنى ويقول ( ولا نحنا شايفين المنارة ) , طبعا مافى مشكلة كونو انو الزول ما يشوف المنارة وده دلالة على فقدان البوصلة فى العموم , او كمان لو سمعت مظاهرات ناس جامعة الخرطوم منذ الأزل (كوسو منار ولن تنهار ) , الأسم لاشك فى انو جميل فى مبناهو وفى معناهو كمان , لكنو بيدى دلائل معينة حقت تحدى كده وجدية وحقت زول لابس نضارة طبية وقاضى عمره كلو فى البحث والتنقيب لو كان اكاديمى ولا غيره ,السؤال هنا , حتى ولو كان معنى الأسم من المعانى والقيم الجميلة , هل يتصالح معه صاحبه ؟؟ام انه كان يفضل ان يدل اسمه على قيمة اخرى تتوافق مع بنيانه النفسى , يعنى لو كان العرف بتاع التسمية قائم على ترك الخيار للزول يسمى نفسه بعد عشرين سنة حياة , كنت حا تسمى نفسك كمال برضو , او كمان كنت حاتسمى بنتك منار ؟؟ ولا انا حا اسمى بنتى ايثار ؟؟ولو قلنا لى منار وايثار اعيدوا تسمية انفسكم , يا ربى حا يختاروا شنو ؟؟ونفس السؤال ليك يا دكتور احمد الحاج دون الأخذ فى الأعتبار مسألة التحميد والتعبيد دى لأنها (معلومة ومفهومة بالضرورة )
*عندك نمرة بهجا ولا اديك ليها ؟؟!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
وانا عارفينى انتو لمن انداح
يا المداخلات تنزل مثنى وثلاث ورباع
يا كمان
ماسورة وانحلجت
المحور الكثر اهمية فى الموضوع العاوزكم تتناولوه معاى , الأسم مهما كان جميلا , فانه يحمل معه ضغوطا على صاحبه او على مطلقه , انت , او انتى , عاملين كيف مع ضغط ظلال اسمك عليك , وعلى فكرة المحور ده بيقودنا فى نهايته , على ان افضل الأسماء هى اسماء ما حمد وعبد يقينا , فهى اسماء (اقرار بالعبودية ووجوب الحمد واستحقاق الشكر ) , وفيما عداها , هى ما اقصد واعنى , تعالوا يلا !!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
وما يزال دكتور احمد الحاج
يواصل استفزازه الجميل
وتحريضه الماتع لى , على اجترار الحكى والكتابة
لعزيز منصور .. مواكبة الإسم لجميع المراحل العمرية .. من أجمل ما فيه .. من هنا كان مبدأ التصالح مع إسمى .. ( بصرف النظر عن كونه إسم النبى صلى الله عليه و سلم ) .. فإن أطال الله فى أعمارنا .. فلا غضاضة فى أن يكون علماً لجد .. كما كان علماً لطفل ٍ ذات يوم ... و علماً لشاب فى الماضى القريب ( حلوة الماضى القريب دى !! ) .. لكم مودتى ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اها , دكتور احمد الحاج المرة دى
قطع (جلبتى عدييييييل )
ها انت جبت موضع مهم من مواضع التصالح الأنا بعنيهو يا دكتور , اضف لذلك اسماء مثل النور , والضو , وما شابه ذلك , تتذكر المصريين كانو بيقولوا شنو لأى زول سودانى (داكن البشرة من امثالى ) يكون اسمه النور او الضو ؟؟؟وعلى العكس كذلك , فلسفة التسمية عند بعض القبائل السودانية , ترتبط بمبادى متحركة مثل التفاؤل والتشاؤم والتطير عموما , كتسمية البنات بأسماء (قبيحة ) انتظارا للجمال , او كتسمية الأبناء بصفات الحيوانات (تور شين وتور الخلا ) او كمان ضرغام لى زول بيخاف من ضله ؟؟!!هسى وليد حمدون لو سمى ولده محمد وليد , دى تيجى ازاى يا منجا ؟؟!!!!
* شوفوا لى (سباك ) يا جماعة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
سباك وين مع دكتور احمد الحاج ده
طبعاً يا منصور .. أخواننا المصريين أصحاب نكتة .. و بديهتهم حاضرة .. فى حادثة حصلت حقيقة زمان .. حكاها لى أبوى ( حفظه الله ) .. إنه فى أخ مصرى عنده مراجعة فى واحدة من المصالح الحكومية بالسودان .. صاحبك مشى .. فقالوا ليهو : معاملتك دى عند صباح الخير .. و بقى الراجل يخش من مكتب لى مكتب لحد ما قابل صباح الخير ..!!! .. عندها صاح بالفم المليان ... : ( هوا ده صباحكو ..؟؟؟!!! ... أمال ليلكو إزاى ؟؟!! ) .. ههههههههه
* ما شايف شوفوا لى سباك دى يا حاج ياسر ؟؟!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
هو ده بالضبط ما اعنى , حتى ولو كان صاحب الأسم ده , حاملا لصفات اسمه من الوجاهة والنور والضياء , فان اسمه سيشكل له عبئا كبيرا طوال حياته , لأن الأسم هو واجهة الأنسان وعنوانه , ولكنها واجهة وعنوان يضعها له الآخرون , فيضعونه بذلك تحت الضغط لو حمل معنى اسمه او لم يحمل , الم تسمع يا دكتور بالرقم القومى , فى اضابير المستندات , لا يدل الأسم على صاحبه ابدا , ليس لأن الأسماء قد تتشابه وتتكرر فحسب , بل لأن الرقم لايحمل اى دلالات ولا معانى , الدلالات والمعانى تتولد من المعرفة والأحتكاك , ومن واقع ذلك , فان البنى أدميين , يحملون اسماءا مختلفة ومتباينة فى عيون معارفهم , فانت عندى مثلا صباح خير , وكمال عندى (الشادى) , وهكذا , رؤساء الدول مثلا , هم اكثر الناس عرضة لمحاولات التملق وكسير التلج , اول مداخل لكسير التلج عند الناس هو اسمهم , محمد حسنى مبارك , وحعفر نميرى , اساميهم الأولى , تحمل معانى الخضوع الآدمى الذى نحبه ونتمناه لربنا وخالقنا , لذا فان مجال التملق فيها معدوم , لذا فان المتملقين يتجاوزونها الى بعدها فيجعلون من الأول (حسنى ومبارك ) , ومن الثانى (نميرى ) , اما اسم عمر مثلا , فهو كافى لأن يضع حامله فى مقارنة خاسرة من قولة تيت , عشان كده الناس تتخطى عمر تلقى حسن , تتجاوز حسن تلقى احمد , يفوتوا احمد يمسكوا فى (بشير ) , يا يضيفوا ليها الف ولام , يا كمان يتشدقوا بمعانى (البشرى والفأل الحسن ) الفيهو , ياله من احراج , ويا لها من زاوية شديدة الصعوبة يا حبيب
* سباك شنو ؟؟؟ واحد يفتش على الأمية بتاعت الموية دى , ويقففلها
انتو مويتكم دى ببلاش ولا شنو ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
صبحكم الله بالخير
يا أبو الزوز ألف لا بأس عليك ياخي...
الغربة بتعمل أكتر من كده...
أسألني أنا لي 14 سنة أو يزيد مغترب...
كلما تكبر في العمر تزيد الرجفة...
و كلما تشوف رصيدك في البنك...
تتذكر صندوق التكافل بتاع ناس الزقازيق تزيد رجفتك زيادة...
ياما عملت مداخلات فاضية...
أكون قاعد قدام التلفزيون ست بيتي تسألني...
أديها ليك مداخلة فاضية...
ما حقارة مني و الله و لا حاجة...
لكن قلت ليك الغربة بتعمل أكتر من كده...
و لو سألت الناس دي كلها تلقاهم كلهم مداخلاتهم فاضية...
أنا غايتو بعرف كم واحد كده...
و في البيمشي النادي كل يوم...
ما هربان من ست بيتو..
لكن يعمل شنو لي روتين الغربة الثقيل ده...
و الحاجة دي ما حكر على الرجال فقط...
مرات ستات البيوت زاتهم يوصل بيهم الحال و لا بيتداخلوا زاتو...
مش مداخلات فاضية...
أنا غايتو أبو الزوز ده صاحبي...
يعمل مداخلة فاضية..يعمل مداخلة يدينا في راسنا...
يعمل الهو عايزو..ياخي الراجل حر حتى لو كان غياظ لكن حر...
و لو الاكتئاب ده زاد ياني الراكب عربيتي و ماشي ليهو بالدرب...
أولا لأنو زول صاحبي و كده..
تانيا خوفا على بهجة و الأولاد...
المداخلة الفاضية مبلوعة لكن يقوم يفلق الأولاد و أمهم...
دي ما بنبلعه والله...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
نقول دايرين سباك
يطلع لينا جلا
دى محنة شنو عليكم الله دى
طبعاً حكاية لزيق الأسماء دي عجيبة خلاص...عندنا هنا في المنظمة ينادوك بالفميلي نييييم فمثلاً أنا محمد آدم النور تم إختزاله بالنور...و أظنه للسهولة و تفادياً لعدم مطابقة أسماء الزملاء بالجد الرابع و لا يدرون أنه في السودان ممكن واحد يبقى معاك لحااام في إسمك و إسم أبوك حتى و إسم جدك زاتو ...بالمناسبة عقابنا لي ورا كدا ما في بيت ما فيهو إسم النور أو الضو أو الضي أو ضو البيت ...فقلت هس أبوي لو عرف إنو أنا هنا إسمي النور تكون جاتو ساقطة لأنو دا إسم أبوهو مع إن إسمي على جدي والد أمي ..بالطريقة دي يكون الجماعة ديل حفظوا التوازن الإسمي بتاعي ...
محمد آدم النور الشهير بجلا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
لكن زى كلام جلا ده , ما عز الطلب بالنسبة لينا
عشان ننداح ياخ
شفت كيف يا جلا ؟؟ وبرضو دى نقطة مهمة جدا , اقصد حكاية الفاميلى نيم دى , بس يتخيل لى انها حل مقنع ومعقول لى تسمية الواحد بى اسم عائلته , وهى تشبه التسمية الرسمية او المناداة بالأسم الرسمى , حيث ان المخاطبة بالفيرست نيم حقك فيها حميمية قد تكون محرجة بعض الأوقات , فلمن يقولوا ليك يا جلا , مستر النور , فقد نسبوك الى شجرتك وهذا يعجب المنادى كما ويعجب صاحب الحق فى اطلاق الأسم اللى هو الوالد مثلا , والعرب القدماء كانوا اذا ما ارادوا ان ينادوا اسما ويدلعوهو كمان , حذفوا منه الحرف الأخير , ويسمى هذا لغة ب(الترخيم ) , اذ انه ورد فى الفية بن مالك (وفى الترخيم فاحذف آخر المنادى , كيا سعا , فيمن دعى سعادا ) , شفت الدلع ده كيف ؟؟!!!كما ان ادعاء نسيان الأسم هو من ظواهر الغنج والدلال الأنثوى المعروفة , الم تسمع تأتاة النساء وهن غارقات فى العشق والحب عند ادعاء محاولة تذكر اسم حبيب ما (بينما هى تعرفه زى جوع بطنها ) هناى داك , ياخى البيجيك فى البيت , الأبيضانى الطويل الأسمرانى القصير , العندو فلجة داك , بينما محدثها يقترح لها فى الأسماء حتى اذا ما جاء الأسم الذى تعنى تبادر فى غنج ودلال , ايوا بس , كتلتو , هو اسمه (منصور ) بالله ؟؟!!ما سمعت الكابلى يردد رائعة على محمود طه المهندس , يقول لى وهو يهدى البرق مبتسما , يا (انت يا ذا ) وعمدا لا يسمينى , يا بنت عشرين والأيام مقبلة , ماذا تريدين من (موعود خمسين ) ؟؟!!!!
46 minutes ago ·
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote:
قطع (جلبتى عدييييييل ) |
كفارة يا زول ...!
Quote:
عليكم الله بعد ده لو غبت اسبوعين
فى زول ماشى يسألنى ؟؟؟ |
غايتو الا يسألك فى صمت زى اخينا داك ..!
طيب ما هو احنا عارفين انو ماسورة ... لكن البيحلجها شنو ؟؟
انت داير سباك يصلح ليك الحلجة
وداك دايرو يحلجوا ....
ناس الزقازيق .. فعلا محن ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
اما محمد عيد
فما يزال مشغولا
مع الرشيد
بى هندسة زهير الزناتى الفراغية
باعتبارها اما مظهرا من مظاهر , خريف الغربة وارهاصات الخمسين ( والجوكر بايظ كمان بعض مرات )
او باعتبارها , نسقا فنيا يعادل (الفحمة )
بتاعت (حضرنا ولم نجدكم ) بتاعت زمااااااااااااااااااااااااااان
ولكن , الشادى كمال , واحمد الحاج الدكتور , ما يزالون مصرين
على (فتفتة جلبتى ) , وممعنين , فى تغذيتى بالمزيد من (الطجنية الكلامية )
بعد ان عرفوا , انها مسبب اساسى من مسببات
طه القرشى الزمااان
ماسورة وانحلجت , نعمل شنو ؟؟ بنجيكم كان حيين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الخير ،،، يا وجوه الخير
كل سنة وأنتم طيبين ، سنة جديدة
وحلوه للجميع ،
جمال ود فارح كل سنة وأنتم بخير وعقبال مائة شمعة
مبارك جادين يا راجل يا طيب خليك معانا متواصل ودخلاتك حلوه
زنوبة سعدنا بعودتك ونتمنى للخالة أن يرفع الله عنها البلاء
شكلكم كده مشغولين شديد عندكم جرد سنوي ولا شنو!!!
| |
|
|
|
|
|
|
|
|
 Re: ناس الزقازيق ... أجدع ناس (4) .. (Re: ميسرة سيد أحمد)
|
خمسين دي شنو يا زول ؟ ما تخلي عندك ألفاظ !!!!
2 hours ago · أعجبني
كمال الشادي اسم منصور اسم كبير جداً ، ياتري عمل فيك شنو ؟
2 hours ago · أعجبني
أحمد الحاج الله يجازى محنك .... يا منصور .
, خمسين شنو دى , بقى يردو عليها ناسها
ناس عيد والرشيد , اها الزول سالكم , ردوا عليهو بأأأه
اما محنى , فانا كفيل بها
مش اغنية فيروز دى شغالة
والله ما يحلكم منى , الا قلبة الصفحة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
إستجابة لطلب أخونا صاحب الإسم جلا (محمد آدم النور)
النموذج المغربي:
جاءته باكيه تقول أحرقت النار إصبعي فأمسك بيدها وقبل إصبعها
و قال :-
هيا كفكفي دمعك و لا تلومي النار ياحلوتي فقد أرادت أن تذوق طعم إصبعك ...
النموذج السعودي :
تستاهلي وهذي نار الدنيا كيف نار آْلآخرة
وينزل الوحي عليه فجأه ويزيدها من الشعر بيت
ويذكرها أن أكثر أهل النار نساء ...
النموذج التونسي :
سألت فتاة حبيبهاهل تريد أن تقع في الحب مع أي فتاة من بعدي أبتسم وقال
البنت التاليه ألتي سوف أحبها بعدِك ستكونين أنتي امها...
النموذج اليمني:-
سألت فتاة حبيبها هل تريد أن تقع في الحب مع فتاة من بعدي
ابتسـم وقال........... الشرع حلل أربعه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عثمان الجيلي شيخ محمد)
|
صبحكم الله بالخير
هذه الأيام أجد نفسي في محيط البني و البيج و اللبني...
بدرجاتهم المختلفة الفاتح منها و الغامق...
و أجدني أنفر من الأسود و الرمادي رغم انها كانت ألوان محببة...
و ما قدرت أجد تفسير موضوعي للمسألة دي...
يعني مزاجي هذا الشهر بني و بيج مثلا...
و لا عمري هو الذي أصبح بني...قمة النضج...
رغم انه من زاوية زراعية البني يعني مرحلة ما بعد النضج...
البمبي و البنفسجي و الألوان اياها ما مكجنه لكن ما مزاجي...
الأخضر الليموني مشنق الطاقية ده بخليني أحس اني عقد الجلاد..عقد الجلاد...
الألوان التانية المن اختراع بنات الشيخ ديك...
ناس حرجلي و بصلي و بطيخي..كجنه شديدة...
يعني لو منصور ده خلى موضوع الأسامي دي شوية...
و قعد كده برواقة شرح لينا العلاقة ما بين اللون و العمر و المزاج...
يكون كتر خيره وبارك الله فيهو....
أو أبو الزوز كمان أنهى الاضراب و جانا اتفلسف لينا شوية...
بي كلامه المقعد السمح داك...
و ديدو يجي يورينا الأيام دي مزاجه ياتو لون...
محمد عيد طبعا احمممممممر الأيام دي...
سلامات يا ناس...الكوتش الطايوق على أي لون...
الريس ميسرة لونك شنو صباح اليوم...
و ايش لونكم جميعا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
ثانياً الأخ ناظم عمر مجذوب ما شاء الله عليهو وإهتمامه بالفن السوداني رغم إنه عاش معظم حياته بره السودان منذ أن كان طفلاً صغيراً وده نتيجة لتربية واعية ربطته بثقافته الأصلية ... بس بيني وبينكم ودي قطيعة الود مركب وش سناء الصباغ بتاع الصرامة داك ذاته .... جاد لمن يخوفك ... غايتو يا سناء ما كسبتي أجر في الولد ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
ثالثاً يا رشا أنا مضرب عن المشاركة بالعكس ... مشارك ومعظم المداخلات السابقة والتي ترونها فاضية أو فارغة إنما هي لايك لكثير من المواضيع ... بس بكري ما عنده ايقونة لايك .... علي العموم موضوع الألوان ده ما عندنا فيهو ثقافة ... ياخي والله علاقتي بالفن زي علاقة عبد الدائم بالكورة .... بس أحب اللون الأحمر لأسباب سياسية واللون الأزرق لأسباب رياضية ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
كل سنة وأنتم طيبين ، سنة جديدة
وحلوه للجميع ،
جمال ود فارح كل سنة وأنتم بخير وعقبال مائة شمعة
مبارك جادين يا راجل يا طيب مداخلاتك حلوه كتر منها
الأخت زوبة أحسن الله عزاكم وألزمكم الصبر على فقد الخالة
نسأل الله لها واسع الرحمة وعظيم المغفرة ، وإنا لله وإنا إليه راجعون
يا أبو الزوز أمبارح كنت مع الأخ جلال كردمان مازال يتعالج ربنا يشفيه ويعافيه
واليوم عنده مراجعة بالمستشفى ربنا يطمنه إن شاء الله
لكن الأسباب السياسية والرياضية ماعندكم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
أحمد إسماعيل
كل سنة و إنت طيب
و ربنا يشفي أخونا جلال كردمان
يا زول مالك محاربنا و ما داير تجي الإجازة مالك؟؟؟؟
طبعاً زولك نزل السودان و طوالي أصبح عيان و لمدة 21 يوم
بالمناسبة عياهو ما عندو أي علاقة بحالة السودان
عشان ما في زول يجي يفتي لينا و يقول السودان أصبح بلد طارد
الداير يعرف موسى عيسى عيان بي شنو
يديني تلفون و أنا أكب ليهو الشمااارات كلها
و بعد ما قلنا خلاص بقى كويس...مشينا نزورو لقيناهو مافي
زول عيان و جاي إجازة البخليهو يتحاوم شنو؟؟؟
رش ما تجاوب بالله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: سامي عبد الوهاب إدريس)
|
تعازينا الحارة يا زينب التيجانى
فى وفاة خالتكم
ربنا يرحمها ويغفر ليها , ويجملكم بالصبر والسلوان
نرجع لى اسم عمر , ياخى ده من اكثر الأسماء احراجا فى الدنيا دى , ودلالاته المحرجة ما راجعة لى معناهو ولا لى مبناهو(هو العارف معناهو ولا مبناهو زااااتو منو ؟؟!!) , ولكن شخصا ما , حمل هذا الأسم منذ زمن بعيد , ملأ اركان الأسم بالمعانى والدلالات , وانا هنا فى حل من ان اشير الى انه امير المؤمنين عمر بن الخطاب , فقد ارتبط اسمه بقيمة من القيم العالية , لمن تقول عمر كأنك قلت العدل , ثم بعد ذلك ضاع معنى عمر (غير المعروف اصلا الا للمدققين والباحثين ) وحلت مكانه قيمة العدل , شفتوا بالله ان معنى الأسم قد يندثر وتملأ فراغاته بصفات واحد من اللذين حملوه على عواهنه , يعنى مهما كان معنى اسمك , فان هناك صفات تملأ فراغاته عند المؤثرين من الناس , التأثير ده اشكاله مختلفة , ممكن كويسة وممكن كمان كعبة , فزى ما سيدنا عمر بن الخطاب ملأ معنى اسمه بالعدل , فان لقمان ملأه بالحكمة , وايوب بالصبر , ويوسف بالجمال , , انها اسماء غاية فى الخطورة , وغاية فى الأحراج , عشان كده لو خلونا نسمى بعد ما نجرب , يكونوا ما قصروا معانا ابدا , ولغاية الوكت داك , نمشيها بالفاميلى نيم ياخ !!!يعنى انحنا حانكون احسن من الجماعة المشغلين جلا ديل ولا شنو يعنى ؟؟؟!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
أما حكاية يسموك على فلان أو يسموكي على فلانة تيمناً بي زكاءهم أو حنانهم أو عطفهم في ناس عندهم راي... في واحدة قريبتنا أمها توفت و بعدين جابت بت...الجماعة طوالي أفتو و قالو خلاص حتسميها بي أمها حتى ود الشيخ زاتو آمن بالقصة دي ...زولتنا أدت المولود إسم بخلاف ما هو متوقع...تحت تحت قلت لي بت الشيخ بتاعتي ...الزولة دي ما لا ما سمت على أمها...بت الشيخ قالت لي هي قالت أمها عزيزة عليها...وهي خايفة إنو المولودة دي لمن تكبر تقوم تشيل طبع ما ياهو و بعدين يقومو ينبذوها ..الله يقرفك ...الله يختك وبس عليكي ...و إنتي جاية من وين...وكدا و هي ما داير تنبذ أمها وهي في القبر.....قلت و الله دا فهم كويس يعني الحبوبات ما يزعلن من هنا و غادي ...و الحبوبة البتزعل معناها داير البذ لي روحا بعدين ...و الله أعلم
* ما دام فيها بت الشيخ
معاتا الكاتب الكلام الفوق ده , جلا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
ها , اشهر معانى الأحراج التى وردت فى الأثر , وردت فى معنى ودلالات اسم عمر ده بالذات , فقد قيل ان يوم وفاة سيدنا عمر بن عبد العزيز , صادفت يوم مولد الشاعر المعروف عمر بن ابى ربيعة , وقد قيل ان هذا سمى على ذلك تيمنا وتمنيا لأن يحمل ولو جزء يسير من صفاته , تاملوا معاى ما حدث , عمر بن عبد العزيز , كان رجل دولة لا يشق له غبار , حتى اصطلح على انه (الخليفة الخامس ) تجاوزا مع ان عهد الخلافة الراشدة قد ولى وانتهى , ولكنه حمل من صفات الراشدين الكثير , عدلا وقوة وادارة وتنظيما , اما عمر بن ابى ربيعة , فان الناس لا يعرفون من صفاته الأدارية التى تخص رجال الدولة شيئا , ببساطة لأنه ليس منهم , لا اهتماما ولا غير ذلك , كان رجلا شاعرا , مهتما ببديع الكلام ودقة الوصف , ولكنه كان ممعنا فى حسياته , مهتما بمحاسن النساء محبا لهم , زول رياد يعنى بلغة العصر الحديث , لذا فانه ملأ الدنيا شعرا جميلا موزونا ومقفى , هو من ابرز شعراء الوصف ولاجدال فى ذلك , ولكن تيمنوا بشخصيته متخذين من الأسم طريقا لذلك , ظلموه ومشوا به طريقا ليس طريقه , لذا فان المقولة التى قيلت بعد ذلك فى هذا الموقف المحرج , كانت خير مثال للأسماء والتسمية , فقد قالوا , اى حق رفع , ويقصدون موت عمر بن عبد العزيز رضى الله عنه , واى باطل وضع , ويقصدون مولد هذا الشاعر الجهبذ الوصاف , اتخيلوا معاى بقى لو عمر بن ابى ربيعة ده كان اهله سموه (امرؤ القيس ولا الهيثم بن منصور ولا زهير بن الزناتى ولا حتى مبارك ابن جادين والطيب التكو حتى !!!) كان دخل فى الحتات الباااايخة دى ؟؟!!!هسى الناس مش نسوا اسم زولكم بتاع بثينة الأصلى داك , وسموهو (جميل بثينة ) ؟؟!! ونيب ؟؟!!
* ما قلت ليكم بقلبا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
جلا :عارف يا منص بمناسبة الإحراج دا معناها أنا دخلت و لدي عمر في إحراج ما بعدو ...مثلاً أنا إسمي محمد آدم النور حسن ...يعني بعدين لو قام ولدي إشفتن و قال داير إسم الفاميلي نيم بكون واطاتو صبحت
كمال الشادي :على الطلاق يا منصور ويا جلا الما يتنتت معاكم عمرو ما إتنتت ( إتنتت ) ده مصلح نجرتو من راسا ( حسناء زوجتي ) معناتو إنها راح تفتح النت وتقعد فيهو بعض الوقت أقول ليها بتعملي في شنو تقول ليك ( بتنتت ) .
Mohamed Adam و الله يا شادي مكيفاني لمن تقول حسناء زوجتي....زوجتي إسمها (شفاء) فترة الخطوبة كنت بقول ليها الشفاء... قامت رسلت لي رسالة بي طريقة غير مباشرة لأختي ..قالت ليها قولي لي أخوك دا ما يخت الألف و اللام في الإسم دا عجبو عجبو ما عجبو يمشي يشوف محل الألف و اللام وين!!!...طبعاً بعدت داك غنيت ليها شوفتك شفا و زعلك يشفك و بعترف ... بالله الزوله ضحكت لمن بانت نواجزها ...إنتو نواجزها دي مش الضرس الآخير؟؟؟ وتيب!!! أها من يوم داك ما سكاني ليك... لمن تزعل تقوم تقول لي يا حليل زمن شوفتك شفا و زعلك يشفق و بعترف...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
كلنا متنتتين يا حسناء , مصطلح مختصر وعصرى ومناسب يا شادى , وقصة رفض التيمن بالأسماء اتقاء النبذ والشتيمة , مكنة جديدة لكنها قابلة للتقسيم يا جلا , يعنى ممكن تتختا فى الأعتبار , من اكثر الناس تأثيرا فى حياتى الخاصة , اخى الأكبر رحمه الله حجازى , يعرفه كمال الشادى كل المعرفة , وانا احبه حبا جما , حب الأخوة مرة , وحب الأفضال مرة تانية , وحب الشخصية زااااااتا مرة تالثة (ولكنها غير اخيرة ) , ومع ذلك فانا لااحب اسمه ابدا , ولكن الدنيا بتعلمك انو المسائل التقديرية دى بتاعت الحب وخلافه مسائل (متحركة ) بطبيعة الحال , اخوى حجازى ده الله يرحمه ويغفر ليهو ويتقبله احسن القبول , اتوفى فى بيتى هنا فى الرياض , حزنت عليه حزنا كبيرا وافتقدته فقدانا عظيما , رزقنا بمولود طفل ذكر بعد وفاته باقل من سنة تقريبا , لم يخطر ببالى ابدا ان اسميه حجازى , زوجنى اصرت على ذلك , ما عارفة هارشة من اخواتى ولا عايزة تكسر لى تلج , فاجانى اختيارها للأسم واصرارها على فعز على ان اعارض , حجازى ابنى الآن فى السابعة من عمره , اما حجازى اخوى الله بيرحمه فقد القى بظلال الأحراج والمقارنة غير العادلة , اى مجتمع بتاع اهل وخاصة فى الأجازات , يدخل حجازى ولدى فى هذا الأحراج العظيم , وخاصة لأن الأسم غير دارج وغير منتشر فان حتى غير الأقرباء يعرفون فورا ويسألون , انتو مسمينو على منو ؟؟شفتوا المحنة الدخلتها فيك امك يا حجازى ؟؟!!!
| |
|
|
|
|
|
|
|
|
 Re: ناس الزقازيق ... أجدع ناس (4) .. (Re: منصور عبد الرازق)
|
..
.
عفواً اخى منصور للمقاطعة ..
++++
لاخوة المساهمين بشركة اجدع ناس للاستثمار ..
السلام عليكم ورحمه الله ..
حسب اعلانات سابقة فى موقع سودانيز اون لاين وموقع ناس الزقازيق بالفيس بوك واتصالات هاتفية بتحديد يوم 1 نوفمبر 2011 كاخر موعد لاستدعاء راس المال
ومن ثم تم تمديد المدة لاسبوعين اخريين وايضا التمديد لعشرة ايام اخرى واخيرا تمديد لنهاية هذا الشهر افيدكم علما بان المهله التى منحت للمساهمين بتسديد قيمة اسهمهم
قد تبقى منها 3 ايام وحيث ان عدد المساهمين الجادين الذين التزموا بالسداد فقط 5 من الداخل و3 من الخارج .. سوف يتخذ مجلس الادارة قرارا بكيفية الانطلاق
و الاستثمار بهذا الرقم المحدود او (قد) يستدعى الجمعية عمومية الاستثنائية للنظر فى البدائل المختلفة .
بعد ان اتضح جليا عدم جدية الغالبية فى هذا المشروع بالداخل والخارج مع تجاهل مساهمى الخارج وغياب من يمثلهم بالاضافة الى انعدام عامل الثقة فى هذا الاستثمار.
ملحوظة :
للتوضيح والاستفسار الرجاء التكرم بالاتصال برئيس مجلس الإدارة او الممثل القانونى للشركة ..
وتقبلوا فائق الاحترام ..
صالح عبدالرحمن صالح
مسؤول الاعلام والعلاقات الخارجية ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Tabaldina)
|
يا ود النور عيديتك وصلت الله يديك العافية
والجية ليكم والله بندورها
لكن يا خوي قلبي تقيل طال ما أبوي وأمي معاي
قالوا عامل للبوست (كركاب مطرة بلا سحاب) على قول الأخ منصور
بعدين ياخي زولنا مشى مننا عارفنه عامل ( التصريف جوزو خنس)
ما شايفوا فجأة أصبح معيد في الخرطوم حتى ما أدانا فرصة كان نرسل ليك بقجة معاهـ
ثم الختيلة الثانية بأنه عيان وذلك لأن سجود ومن لف لفها في إنتظارهـ
حكاية بتحاوم دي تحير ، لكن ممكن نلاقي ليه العذر إحتمال مشى يعبي راسه
من أستاذ ولا يجيب ليه كتاب يساعده في الذي هو فيه
وإذا خلاف ذلك أغمز لي عشان نتصل ونأخذ الشمار النجيض
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
صبحكم الله بالخير
في كل مرة أقول لي ولدي مهند (تسعة سنوات) قوم أحلق يرفض...
استعمل معاهو الترغيب ما ينفع و من بعده الترهيب برضو ما ينفع...
الولد راسه قوي طالع لي منو ما عارف...
الود خال طبعا بيكون طالع لي خاله منصور...
عندما أضغط عليه شديد يستجيب لكن بمماطلة شديدة...
و أقوم أخيره بين أن أحلق ليهو أنا أو يمشي الحلاق...
يقوم يرفع معنوياتي و يقول لي أحلق لي انت...
طبعا أنا حلاق من أيام الزقازيق يا جماعة...
ياما حلقت لي ناس كتار و خليتهم ليك في غاية الجمال و الوسامة..
طبعا تطورت شديد من الأيام ديك و تطورت الأدوات كمان...
من مقص ميت لي مكنة كهرباء و بي درجات كمان...
بي جرة واحدة تنزل الشعر كلو...
المهم مهند جلس على مضض و حلقت ليهو شعره...
بعد الحلاقة عاين في المرايا ما عجبو الحال...
لم يعلق...سكت ساكت...
هفت لي بعد الحلاقة أتفرج في صوري أيام الزقازيق...
طلعت الصندوق و قعدت أتفرج و أستعيد الماضي التليد...
مهند قعد جمبي يتفرج في الصور...
يا بابا الشعرو كتير ده انت...
أيوه أنا افتكرتو حيقول لي يا سلام صورتك جميلة يا بابا...
قام قال لي...و طيب مجنني كل مره قوم أحلق ..قوم أحلق مالك...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
اللهم أعطني خير هذا اليوم
---------------------------------
رسالة أخونا صالح تبلدينا للإخوة المساهمين
بشركة اجدع ناس للاستثمار ..
نأمل الإستجابة لها والإتصال برئيس المجلس أو الممثل القانوني
لتوضيح وضع أي مساهم ورؤيته ،،،،
ولا يسعنا إلا أن نشكر جهودهم المقدرة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
الجمعية الخيرية لتحفيظ القرآن الكريم بمحافظة القويعية
تكرم أصغر حامل كتاب الله بالمحافظة .
الطالب / محمد عصمت دفع الله الأمين ابن عصمت دف الله اداب E خريج 88 م
الصف السادس الابتدائي
مدرسة أجيال المعرفة الأهلية الابتدائية بمحافظة القويعية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
محشش يكتب قصة لمسلسل
مدير الشركه قال للسكرتيره عندنا انا و انتي رحلة عمل اسبوع رتبي امورك ,,,
السكرتيره اتصلت على زوجها ,,,
قالتله ..... عندي رحلة مع مديري اسبوع انت دبر امورك ,,,
الزوج اتصل على عشيقته ,,,
قال لها .... زوجتي بتسافر اسبوع خلينا الاسبوع مع بعض ,,,
العشيقه تعمل مربية لـ ولد صغير اتصلت ,,,
قالت له ... انا عندي شغل اسبوع كامل ما حاقدر اجيك ,,,
الولد الصغيراتصل بجده ,,,
قاله ... جدو المربيه عندها شغل اسبوع كامل وما راح تجي
خلينا كل يوم نروح مكان و نغير جو ,,,
الجد طلع نفسه هو مدير الشركه ,,, اتصل على السكرتيره ,,,
قالها ... الغى الاجتماع لاني مشغول مع حفيدي ,,,
السكرتيره اتصلت على زوجها ,,,
قالت له ... انلغت الرحلة وراجعه للبيت ,,,
الزوج اتصل على عشيقته ,,,
قال لها ... زوجتي ما راح تسافر ولا حاقدر اشوفك ,,,
العشيقه اتصلت على الولد الصغير ,,,
قالت له ... لا خلاص ما عندي شغل وراح اجيك ,,,
الولد اتصل على جده ,,,
قال له ... لا جدو المربيه جاية خد راحتك ,,,
الجد رجع اتصل على سكرتيرته ,,,
قال لها ... حضرى نفسك لازم نسافر للاجتماع ..!!
والى الان لم تحدد الحلقة الاخيرة ...
===================================
مبرووووك لولدنا محمد ابن عصمت دفع الله ...
انا كل ما اجيب مدرس قرآن لأولادي ... يبدأو من جزء عمه ...
كل يوم بعملوها كسور وبواقي ... لمن تجي الاجازة الكبيرة ...وما يخلصو حفظ ...
ونبدأ من جديد .. بنفس الجزء ... في بداية السنة الجديدة ... ويعاد نفس الفلم ...
لى عشرة سنوات على هذه الحالة ... وأنا زاتي معاهم ......
والغريبة ياالرشيد كل ما مدرس القرآن يجي داخل البيت ...
الأولاد بقولو لي ... عاوزين نحلق شعرنا ...
كدي جيب مدرس قرآن لمهند .......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صبحكم الله بالخير
مالكم.. زهجانين؟
شوفو الما زهجان...
مشغولين؟
شوفو الما مشغول..
مداخلاتكم فاضية و تلفوناتك مقفولة...
ديونكم كترت؟
الشر بره و بعيد...
اللهم اني أعوذ بك من غلبة الدين و قهر الرجال...
و لو انو الأخيرة دي عايزه ليها تفصيل..
ياتو نوع من قهر الرجال...
موسم الشتاء أصلو كده بيعمل دبريشن...
خاصة الشتاء البارد الناشف البيشقق الجسم داك...
عشان الجسم بيكون في حالة بتاعة خمول و كسل أقرب للكمون...
الحمد لله الشتاء هنا زي ربيع ناس عمر نمله...
و الله كمان ربيع ناس نملة أبرد من هنا...
و ربيع الدنيا ده كمان أسألو منو هناي...
و قصيدة زي بتاعت الزول بتاع البوش بتطلع من المود الشتوي...
و تخليك تبتسم و لو خشمك مشقق أضحك في سرك...
الهمة الهمة يا شباب...
ما تبقوا جافين...و لا تشيعوا الجفاف...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
كلام مستفز للكتابة .... لكن برضو أبببببببببببببببببببببببببببببببيت ...
وعليكم السلام يا كوتش ..............................................................
ياخي الواحد لابد ليك كده .... اها تلفونك يقفل خمسة دقائق طوالي يتصل عليك .... عشان يجي يشيل حالك .... يمين عشرة دقائق ما كملها وما خليت ليهو بالي .... غايتو جنس غايتو .....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
اجازة العيد الوطني ...
اجازة تلاتة يوم
حنرجع يوم الأحد .... ان شاء الله
====================
كلامكم "منقوش" كلو ....
كنتو متعودين تدخلو الكورة ... مع بعض
وبتاخدو معاكم ... زجاج مويه
واكياس تسالي ... وفول ...
وكيس اخير بتاع ... تنباك ...
قديمة العبو غيرا ...
وبرضو مداخلاتك الفاضية ... منقوشة .....
اترجما ليك ....
الرشيد اخوي ...
برد شنو ... قول بسم الله
لو مابقيت في نص ابوظبي ..
ومال لو كنت لسه هنااااااااااااااااااك ....
جنب ناس الربع الخالي تقول شنو ...
...
يجيبوك جنب اولادك ... تشتاق لعبدالله الهندي ...
اودوك لعبدالله ... تشتاق لأكل الحبشية ...
جننتونا ....
اقفل المكيف ده ... ونوم نومك ...
ال برد ... ال ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
سلامات يا ناس
Quote: كلامكم "منقوش" كلو ....
كنتو متعودين تدخلو الكورة ... مع بعض
وبتاخدو معاكم ... زجاج مويه
واكياس تسالي ... وفول ...
وكيس اخير بتاع ... تنباك ...
قديمة العبو غيرا ...
|
يا حاج يا شاطر دى عرفتها وقدرت عليها
زولك الجعان الجعان داك ما اديتو من الصينية ليه؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلام ايها الجميلين
التحايا الكبرى لكل من مرّ من هنا سائلا عن صحة والدي
الحب من الأعماق لكل الذين هاتفوني
الود كله لكل الذين تكبدوا مشاق الوصول الى المستشفى أو البيت
حين يداهم المرض دائرتك الضيقة يصبح طعم الحياة مختلفا تماما
مررنا بتجربة سيئة جدا
الحمد لله الأمور تتحسن
نحتاج دعواتكم
محبتكم تاج على رأسي
احبكم جميعا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
ود جبرين
سلام والف سلام...
سلام يخشاكم وما يفوت داركم...سلاما ينزل بردا وسلاما عليكم وعلي احبابكم..
دعوتنادوما تتابع بخشوع واخلاص ...الله يرفع الوالد..الله يشفي الوالد..
ان شاء الله ربنا يجعل مرضه كفارة ذنوب ويرفعه به في الدرجات العليا...
وان شاء الله ربنايتمم له الشفاء...شفاءُ عاجلاُ غير آجل....
آمييييييييييييييييين يارب العالميييييييييييييييييييييييين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
جمعتكم مباركة...
تلبس أبو ظبي و باقي مدن الامارات حلة زاهية بمناسبة العيد الوطني...
الأجواء الاحتفالية ظاهرة للعيان ...
فلقد زينت المباني بأنوار على شكل علم الامارات...
و أضيئت السماء بالألعاب النارية...
و تفنن الناس في ابداء حبهم لبلدهم و تنافسوا في ذلك...
في مظاهر منها البسيط و الجميل و منها ما فيه البذخ شديد...
و وزعت الكثير من الهدايا التذكارية و الشعارات...
أصر أبنائي على تزيين سيارتي بملصقات تحمل علم الامارات...
و عجبوا لعدم اهتمامي و عدم تحمسي لموضوع الزينة...
و غضبوا كثيرا عندما لم أتفاعل مع طلبهم...
ما زلت غير متحمسا لمسألة تزيين سيارتي..
و لكني متفهم لاهتمامهم و احتفالهم...
البلد بلدهم و فيها مدفونة صرتهم...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا رشدي كدي بالله سيبنا من موضوع الاحتفالات وزينة العربية خليك في المهم سمعنا قالوا بمناسبة الاحتفالات دي زادوا المرتبات 100% في الأمارات .... أها لو قبضت الزيادة دي سبب واحد ما يخليك تزين العربية للشباب مافي ...... بعدين ياخي خليهم يحتفلوا هي مناسبة وما أقل المناسبات السعيدة ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صبحكم الله بالخير
| Quote: كنت أتوقع مداخلة من الرشيد... لكن خذلني... |
لكن الدردقة ما عندك يا أبو الزوز...
أنا ما محتاج دردقة يا أخوي...
لما أغيب بيكون مانعني الشديد القوي...
و الشديد القوي له صور مختلفة...
المرة دي في صورة الاجازة بمناسبة العيد الوطني للأولاد...
قصدي للامارات...
و برنامج احتفالات تعبني و ورم رجليني...
بعد ان انسحبت أمهم من البرنامج بديلوماسية...
بقينا ما بنقدر علي التلتلة دي يا أبو الزوز...
أنا من يوم الليلة حأسلمهم قائمة بالأشياء التي يمكنني المشاركة فيها...
الأوله شرط آخره........نوووووور....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
عشقتك وقالوا لى عشقك حرام
يا مجدد نور عيونى
يا مبدد نار شجونى
ليتهم عرفوا المحبة
وعرفوا اسرار الغرام
عشقتك وقالوا لى تعشق وايامك ربيع
تقضى ليلاتك مسهد وابتساماتك دموع
و ذاد حياتك يبقى غيره وتطفى من عمرك شموع
وتنسى عشاق اغنياتك وتمسى افراحك حطام
لم يكن حبى متاعا لا ولا كان التباعا
أو لقاءا او وداعا
حبى نابع من بلادى من جمالها وانطلاقه
أودعت حسن حبيبى من صباها كل باقه
من صفاء الطيبة والكلمة الحبيبة والطلاقه
كل رعشة حرف فيها ترجمت سر العلاقه
يا عوازل كيف تكون الدنيا لو عزَّ الغــرام
صباحكم بالرضا والسرور والخاطر المجبور
قلنا نسلم ونجدد بيعه الولاء لاجدع ناس لكم الامنيات
الاغنيه دي بدون اي مناسبه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
صبحكم الله بالخير
يا ود المهدي عثمان حسين عايز ليهو مناسبة كمان...
ان جيت ليل و ان جيت دغش طوالي دفر الباب و خش...
نشكرك على أغنية عشقتك و التي هي من الأغاني المحببة بالنسبة لي...
و أعتقد و لكني لست جازما بأني بغنيها كويس...
في الحمام طبعا..و مرات في ساعة صفاء كده في أي مكان...
ما عايز أقول المطبخ تقومو تفتكروني كمان من الجماعة البيغسلوا العدة...
حاشا لله...أنا بالكتير بدخل بعمل قهوتي و أطلع..امكن...
خلو بالكم من امكن دي...أغسل الكباية العملت فيها القهوة و اتخارج...
نرجع للأغنية...
كنت عايز أشارك بيها في برنامج نجوم الغد لكن غيرت رأي ...
كان الله أدانا العمر امكن أغنيها في عرس ميار زهير الزناتي...
يكون تاكلني زهير بي جنبه و الكوتش محمد صديق بي الجمبة التانية...
كنت عايز أقول منصور بالجمبة التانية...
لكن قلت بدل ما نجيب ليهو واحد يتكلو هو زاتو كمان...
مافي داعي أحسن نعمل تكيل مباشر...
بدل ما نعمل لينا رصة بتاعت دومينو عشان أغنية واحدة يمكن تظبط و امكن لا...
و الله أنا زاتي بقول كلام خارم بارم...
أها أنا قول غنيت الأغنية دي ..الببشر فيني منو...
الشباب بتاعين الزمن داك بيكونو زهجانين مني زهج شديد...
و ناس جلال و محمد عيد ديل الواحد فيهم كان صفق ساكت يكون ما قصر...
خلي يجي يبشر كمان...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات يا ناس
ونهارات التفاؤل
اهلا ...حنان مجمر.....
مبروك عليكم العيد والزيادة فى المرتب ...حبيبنا الرشيد
ودالمهدى ليك وحشة.
عثمان الجيلى ...رجعت تانى للبيات الشتوى.
زهير (..........................................................)
مش احسن من تكون فاضية؟؟
وين صباح الخير يا وجوه الخير.
تحياتى لكمال الشادى.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
طارت منى قمرية المحبة وقفّت
نافضاهن على بلد الحبيّب خفّت
براى خلتنى زى جاهلا يتيم اتلفت
تقطر عينى بى الدمعة الروية الصفت
لكل من مفارقي الاوطان والحبان لكم خاص الموده
الرشيد اكيد حاتكون بتغنيها كويس اذا كان منصور ظااااااااااتو بغني كويس
الكوتش تحياتي وانا اقول شايفك وين مراحب في الحوش الكبير
عبد الدايم مايجي يقول دايره شرح دي اوضح من بقول باع وبضبحوه في الضحيه
الحلويات الفوق دي قاصدين بيها شنو يعني نبحلق ساي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
اهلنا ناس الحوش ...
سلام والف وسلام....
حنان مجمر ليك خالص تحياتي والف شكر ...ارسلي لي الايميل بتاعك ..واذا امكن الاسكاي بي ...
نوال بتسأل عليك بشدة...اخبارك مقطوعة مرررررررررررررررررررة ...الايميل ( [email protected])
ابو ال تي...بزيارتك حشونا نور وكلو زينة....مشتاقين شديد...طلاتك بقت نادرة...
محمد صديق ليك خالص تحياتي وللاسرة الكريمة....والله نحن مافي بيات شتوي علي تواصل هذه الايام معكم وبكم....
زهير الزناتي...يبدو انك خلاص بقت سنير مغترب...اول كنت برلوم مغترب....خالص دخلت في زحمة المغتربين ....تحياتي ليك وللاسرة الكريمة
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عثمان الجيلي شيخ محمد)
|
صبحكم الله بالخير
و جدت نفسي هذا الصباح أردد علنا هذه الأغنية...
ولا الحزن القديم
إنتِ
ولا لون الفرح
إنتِ
ولا الشوق المشيتْ بيهو
وغلبْنى أقيف
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه
ومن شهقَة زهور عطشانَهْ
فوق أحزانهْا
متْكَّيهْ
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى
معاكْ يجينى زمن
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي
خُطانا الإلفَهْ والوحشَهْ
وتمشى معاي... وتْرُوحى
وتمشى معاي وسط روحى
ولا البلْقاهو بِعْرِفنى
ولا بعرِف معاكْ ..روحى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، يا جوه الخير
إستجابة لطلب الكوتش ويسال منك الخير
أخدت إجازة مسببة من البوست
| Quote: لما أغيب بيكون مانعني الشديد القوي... |
مرحب بأختنا حنان مجمر زيارتك سرتنا أصلو الزقازيقيات
زيارتهم لينا صارت صعبة شوية (ولهم العذر)
=========================================
ندعو الجميع للحاق بالركب لصوم يوم عاشورا
والذي تحدد له أن يكون يوم الثلاثاء بعد أن عدلت
السعودية الموعد وصار غدً بدلاً من اليوم الأثنين
حديث عن الرسول (ص)
صوم يوم عرفة كفارة سنتين سنة ماضية وسنة مستقبلة
وصوم عاشوراء كفارة سنة ماضية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
أعجبتني القصة التالية كثيراً
على الرغم من إني كتبتها قبل ذلك
بس ما في واحد يقول أول مره أشوفها
أعيدها بصراحة علشان جميلة جداً
أمي قبل كل شيء
بعد 21 سنة من زواجي، وجدت بريقاً جديداً من الحب. قبل فترة
بدأت أخرج مع امرأة غير زوجتي، وكانت فكرة زوجتي حيث بادرتني
بقولها: "أعلم جيداً كم تحبها"... المرأة التي أرادت زوجتي ان
أخرج معها وأقضي وقتاً معها كانت أمي التي ترملت منذ 19 سنة،
ولكن مشاغل العمل وحياتي اليومية 3 أطفال ومسؤوليات جعلتني
لا أزورها إلا نادراً. في يوم اتصلت بها ودعوتها إلى العشاء
سألتني: "هل أنت بخير ؟ " لأنها غير معتادة على مكالمات متأخرة
نوعاً ما وتقلق. فقلت لها: "نعم أنا ممتاز ولكني أريد أن أقضي
وقت معك يا أمي ". قالت: "نحن فقط ؟! " فكرت قليلاً ثم قالت:
"أحب ذلك كثيراً". في يوم الخميس وبعد العمل ، مررت عليها
وأخذتها، كنت مضطرب قليلاً، وعندما وصلت وجدتها هي أيضاً قلقة.
كانت تنتظر عند الباب مرتدية ملابس جميلة ويبدو أنه آخر فسنان
قد اشتراه أبي قبل وفاته. ابتسمت أمي كملاك وقالت: " قلت للجميع
أنني سأخرج اليوم مع ابني، والجميع فرح، ولا يستطيعون انتظار
الأخبار التي سأقصها عليهم بعد عودتي" ذهبنا إلى مطعم غير عادي
ولكنه جميل وهادئ تمسكت أمي بذراعي وكأنها السيدة الأولى، بعد
أن جلسنا بدأت أقرأ قائمة الطعام حيث أنها لا تستطيع قراءة إلا
الأحرف الكبيرة. وبينما كنت أقرأ كانت تنظر إلي بابتسامة عريضة
على شفتاها المجعدتان وقاطعتني قائلة: "كنت أنا من أقرأ لك وأنت
صغير". أجبتها: "حان الآن موعد تسديد شيء من ديني بهذا الشيء ..
ارتاحي أنت". يا أماه تحدثنا كثيراً أثناء العشاء لم يكن هناك أي
شيء غير عادي، ولكن قصص قديمة على قصص جديدة لدرجة أننا نسينا الوقت
إلى ما بعد منتصف الليل وعندما وصلنا إلى باب بيتها قالت: "أوافق أن
نخرج سوياً مرة أخرى، ولكن على حسابي". فقبلت يدها وودعتها ". بعد أيام
قليلة توفيت أمي بنوبة قلبية. حدث ذلك بسرعة كبيرة لم أستطع عمل أي
شيء لها. وبعد عدة أيام وصلني عبر البريد ورقة من المطعم الذي تعشينا
به أنا وهي مع ملاحظة مكتوبة بخطها: "دفعت الفاتورة مقدماً كنت أعلم أنني
لن أكون موجودة، المهم دفعت العشاء لشخصين لك ولزوجتك. لأنك لن تقدر ما
معنى تلك الليلة بالنسبة لي أحبك". يا ولدي في هذه اللحظة فهمت وقدرت
معنى كلمة "حب" أو "أحبك" وما معنى جعلنا الطرف الآخر يشعر بحبنا ومحبتنا
هذه. لا شيء أهم من الوالدين وبخاصة الأم . امنحهم الوقت الذي يستحقونه ..
فهو حق الله وحقهم وهذه الأمور لا تؤجل. بعد قراءة القصة تذكرت قصة من سأل
عبد الله بن عمر وهو يقول: أمي عجوز لا تقوى على الحراك وأصبحت أحملها إلى
كل مكان حتى لتقضي حاجتها .. وأحياناً لا تملك نفسها وتقضيها علي وأنا
أحملها .. أتراني قد أديت حقها ؟ ... فأجابه ابن عمر: ولا بطلقة واحدة
حين ولادتك ...تفعل هذا وتتمنى لها الموت حتى ترتاح أنت وكنت تفعلها
وأنت صغير وكانت تتمنى لك الحياة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: بس مافي واحد يجي يقول أول مره أشوفها
أعيدها بصراحة علشان جميلة جدا |
المرة دي شفناها يا ريس...
رغم انها برواية أخرى لكن شفناها...
و أتذكر المرة الفاتت بعد ما قريتها قمت ضربت تلفون للوالدة طوالي...
رغم اني مواظب جدا على التواصل معهم...
القصة جميلة جدا و معبرة و دالة على خير كبير...
يديك العافية يا ريس و انت تذكرنا دائما بأمور في غاية الأهمية...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
ناس الحوش ...صباح الورد والياسمين....
يا ريس ميسرة ...الموضوع بلا شك جميل...ومكان الام عظيم...قال ثم من قال امك
قال ثم من قال امك ...قال ثم من قال امك....هذا قول معلم البشرية سيدنا محمد ص الله عليه وسلم...
والام هي دوما مصدر العطاء بلا حدود وبدون مقابل...والاجمل من كده التفاني في العطاء...
ولقد عجبني في مرة مقال في صحيفة سودانية ...عن تفاني الام فذكر فيه الكاتب عن الامومة في عدد من المخلوقات
ومن ضمنهم الجرادة التي تفني نفسها لتكون غذاء للبيض بعد ان يفقس .. وكذا بعض الفراشات ...فالامومة شيء عظيم
ومهما اعطينا فلن نجزئي الام حقها...لكن فلندعوا لامهاتنا بالصحة والعافيةان هم احياء والمغفرة والفردوس الاعلي ان كانوا في زمة الله
رشيد القوم وزهير الزناتي....اليوم انتم لامستم وترا حساس جدا باغنية وردي....مع العلم اني من المدمنينن لي وردي
وام كلثوم...طبعا في زمن الجاهلية.... وسنين الجامعة كان كثير من الكرولات لي وردي مصدرها الاشرطة التي كانت بمكتبتي الصوتية في ذلك
الوقت...
لكن الآن تغير كل شيء...لكم التحية يا حلوين
عثمان ادارة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عثمان الجيلي شيخ محمد)
|
صبحكم الله بالخير
بعد ما طلعت روحي من المذاكرة مع العيال و ناموا..
قلت ألقى لي حاجة كده أرتاح بيها...
قعدت أقلب في القنوات السودانية...
الاصلاح الديموقراطي للأحزاب السودانية موضوع حتى تكتمل الصور بالنيل الأزرق...
الشروق لم تشرق شمسها بعد..
زول لم تعاود البث بعد أن غابت...
مشيت على قناة أم درمان مجبر أخاك لا بطل...
مذيع و تلاتة فنانين و جمال حسن سعيد...
جمال حسن سعيد كعادته جمل الحلقة بقفشاته و شعره الجميل...
زولة
تفتح الروح ضلفتين
تخشك وتمرقك
عــــــادي
تخشك وتمرقك
ما بتقفل الباب من وراها
بل تساسق بين شفقتك وحرقتك
ما بتأذنك
ما روحها نفاج غربتك
هي البنية الساكنة أسرار فكرتك
هي الشايلة حســـــك وسترتك
زولة كما النورس تجــي
تنزل شواطي الإلفة والزمن الشفيف....
الفنانين الشباب ما شفتهم قبل كده و لا سمعتهم...
قلت لي أنا طوالي عامل حاجز بيني و بين الفنانين الشباب ديل...
أصريت أسمعهم كلهم غنية تلو الأخرى..
لقيت انهم من ناحية بتاعت تقنية تطوروا جدا..
من ناحية بتاعت ثقافة لا بأسٍ بهم...بيعرفوا يتكلموا كويس...
عبت عليهم حاجتين...
يبدو ان الشباب ديل أصبحوا نجوم كبار في السودان...
هذه النجومية جعلتهم متعالين قليلا...
أظنهم متعالين أيضا على تقبل النصح ممن سبقوهم في المجال..
و ذلك أما بسبب النجومية أو بسبب العداء الذي قوبلوا به من قبل هؤلاء...
يعني الواحد فيهم يقول ليك بالله سيبك من أستاذ فلان و علان...
أنا عندي جمهوري و معجبيني و بيحبوا الغناء بتاعي ده...
الحان الأغنيات تتشابه الى حد كبير....
أو ربما بسبب ادخال التقنية على الأغنية و على الصوت خيل الي ذلك..
التلاتة فنانين تغنوا بتلاتة أغنيات لشاعر واحد...
كلمات بعض الأغاني لا تصلح الا للحفلات و هذا هو هدفهم على ما أعتقد..
سعدت عندما عرفت ان جمال حسن سعيد سيتعاون مع أحدهم...
و أرجو أن لا يتعالى كبار الشعراء على هؤلاء الشباب...
عشان ما أطول في الموضوع عايز أقول ان في الشباب ديل خامات جيدة...
بيعرفوا موسيقى كويس و بيعرفوا يتعاملوا مع التقنية الحديثة...
عندهم ثقة بنفسهم و بيتعاملوا مع الموضوع باحترافية...
تنقصهم بعض الأشياء بتتطور مع التجربة..
بس الله يكفيهم شر التعالي و التقليد الأعمي لكل ما هو غربي...
أنا عارف مداخلتي دي عاملة زي قصيدة ياسر نجيلة...
لكن زي ما قال ياسر...وراكم شنو...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
| Quote: عشان ما أطول في الموضوع |
طيب قول داير تتطول الموضوع يعني نمشي نجيب بطانيتنا هنا و لا شنو
Quote: عايز أقول ان في الشباب ديل خامات جيدة...
بيعرفوا موسيقى كويس و بيعرفوا يتعاملوا مع التقنية الحديثة...
عندهم ثقة بنفسهم و بيتعاملوا مع الموضوع باحترافية...
تنقصهم بعض الأشياء بتتطور مع التجربة.. |
بي وصفك دا الناس ديل ما ناقصاهم أي حاجة غير العداد
| Quote: لكن زي ما قال ياسر...وراكم شنو... |
شخصياً وراي غسيل عدة و طشت هدوم و حميم عمر
الحاجة الما وراي تسريح البنات
| |
|
|
|
|
|
|
| |
زهير الزناتي
محمد عيد
منصور عبد الرازق
الرشيد بابكر
عبد الدائم سيد أحمد
ميسرة سيد أحمد
محمد آدم النور
أحمد إسماعيل
ياسر نجيلة
سامي عبد الوهاب إدريس
Hatim Gubara
محمد صديق
طارق جبريل
حنان مجمر
عمر المهدى
جلال عثمان
فيس بوك
تويتر
انستقرام
يوتيوب
بنتيريست