|
|
 Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
نعمات الجبل لديها عدة مشاركات
تنتظر الموعد المقرر لها ،،،،،
وهذه مشاركة وتقول إنها منقولة بتصرف
والله كلام يصف الحال تماما
فعلا ليه الحاجة يرتفع سعرها بسبب معين و بعد
زوال السبب ما ينزل السعر
مطلوب أن نتفاعل بخصوص الموضوع
-----------------------------------------------------
ديون وحمير
إحتار الناس في فهم حقيقة ما جرى في الأزمة المالية العالمية الأخيرة!!
فتم الطلب من خبير مالي محنك أن يبسط للناس العاديين أسباب الكارثة
التي حدثت في أسواق البورصة فحكى لهم قصة فيلم قديم ...
حين باع الناس الحمير والتراب... فقال:
ذهب رجل تاجر إلى قرية نائية، عارضا على سكانها شراء كل حمار لديهم
بعشرة دولارات ، فباع قسم كبير منهم حميرهم، بعدها رفع الرجل السعر
إلى 15 دولارا للحمار، فباع آخرون حميرهم، فرفع الرجل سعر الحمار
إلى 30 دولارا فباع باقي سكان القرية حميرهم حتى نفذت الحمير من القرية.
عندها قال الرجل التاجر لهم: مستعد أن أشتري منكم الحمار بخمسين دولارا
ثم ذهب التاجر إلى استراحته ليقضي أجازة نهاية الأسبوع
حينها زاد الطلب على الحمير وبحث الناس عن الحمير في قريتهم والقرى
المجاورة فلم يجدوا في هذا التوقيت أرسل التاجر مساعده إلى القرية
وعرض على أهلها أن يبيعهم حميرهم السابقة بأربعين دولارا للحمار الواحد.
فقرروا جميعا الشراء حتى يعيدوا بيع تلك الحمير للرجل الذي عرض الشراء
منهم بخمسين دولارا للحمار، لدرجة أنهم دفعوا كل مدخراتهم بل واستدانوا
جميعا من بنك القرية حتى أن البنك قد أخرج كل السيولة الاحتياطية لديه،
كل هذا فعلوه على أمل أن يحققوا مكسب سريع.
ولكن للأسف بعد أن اشتروا كل حميرهم السابقة بسعر 40 دولارا للحمار لم يروا
الرجل التاجر الذي عرض الشراء بخمسين دولارا ولا مساعده الذي باع لهم. وفي
الأسبوع التالي أصبح أهل القرية عاجزين عن سداد ديونهم المستحقة للبنك
الذي أفلس وأصبح لديهم حمير لا تساوي حتى خمس قيمة الديون، فلو حجز عليها
البنك مقابل ديونهم فإنها لا قيمة لها عند البنك وإن تركها لهم أفلس تماما
ولن يسدده أحد بمعنى آخر أصبح على القرية ديون
وفيها حمير كثيرة لا قيمة لها
ضاعت القرية وأفلس البنك وانقلب الحال ، رغم وجود الحمير
وأصبح مال القرية والبنك بكامله في جيب رجل واحد،
وأصبحوا لا يجدون قوت يومهم ،،،،،
انخسف سعر الدولار .... وما زلنا نعاني من سعر الخضار
بل إننا أصبحنا حتى .... لا نملك السعر ولا قيمة الحمار
(عدل بواسطة ميسرة سيد أحمد on 03-31-2010, 11:28 AM)
(عدل بواسطة ميسرة سيد أحمد on 03-31-2010, 11:31 AM)
| |
 
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
Quote: ضاعت القرية وأفلس البنك وانقلب الحال ، رغم وجود الحمير
وأصبح مال القرية والبنك بكامله في جيب رجل واحد،
وأصبحوا لا يجدون قوت يومهم ،،،،،
انخسف سعر الدولار .... وما زلنا نعاني من سعر الخضار
بل إننا أصبحنا حتى .... لا نملك السعر ولا قيمة الحمار
|
هذا واقع الحال 0000 والحمار لايفهم
والذي يبيع ويشتري الحمير ، أكيد حيختار الاسلوب
الأنسب للتعامل مع الحمير
الله يعين الحمير على الجاييها
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
يالرشيد 00ياسر نجيلة الظاهر مطرود من حصة
الرياضيات الخاصة بالأرباع الأربعة لتقاطع
الإحداثيين السيني والصادي
او تحرك من المربع الأول في إتجاه عقربي الساعة
أو كلامه السمح داك شوّش عليه شوية
ياجلا ويامنصور منتظرين حل معادلة عبد الدائم
2010- 1988 = 12
( كل ، جبار ، ظالم ، حاتو داهية)
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
الحمد لله اخيرا استطعنا المشاركه وعادت الروح للباص ويرد
شحتفة الروح عندى فاتت حقت رشيد القوم بيغادى خاصة وانا اتابع
ابداعات الفارح المسكون روعة وجمال .
ولابد ان اقول ان كثير التلج عند الزقازيقاب عطاء الاخوه والزماله
والحب فى الله ولله . وغسيل العده لدينا يصب فى نفس الاطار !ولا
ما كده ىا ود اسماعيل لك التحيه وانت حضورا فاعل.
الشادى اين انت لا تحرمنا الطله حتى لو كنت فى اديس انشاءالله
كوبى من بتاعة حاج جلا او متابع ومستمتع من بتاعات الكوتش اوسمك
منصور وناس فجركى والشاى بالمربه لكم اسمى التحايا.
اما حمير القرية فعلا تم شراءها كلها والادهى انها غير معروضه
للبيع بل للايجار باغلى الاسعاروتم حظر دخول الحمير من المناطق الجاوره
لدواعى صحيه !انها شطارة التمكين يا مساكين ومين يقول البغله فى الابريق
ما الابريق ذاتو قاعد فى ضل الشجره الذى امتلاء بصفوف المتسلقين
والمنتظرين الى حين ميسره.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
يا ريس بركة الرجعت ليك روحك..
قصدي باسوردك...
و رجع للبوست قطبه الثاني...
و الله أنا أول مرة أسمع انو باسوردك راح شمار في مرقه...
كان اتخاتتنا ليك باسورد لحدي ما تتحل مشكلتك..
كنت عايز أقول ليك الجاتك في باسوردك سامحتك...
لكن فكرت فيها شوية كده لقيتها لا سامحتك و لا حاجة...
يعني أنا ما بتخيل نفسي من غير باسورد...
أكيد حتجيني نفسيات أكتر من الأنا فيها دي...
و كان فيها حسنة واحدة بتكون انو الواحد حيرجع للرياضة...
و يخلي الحكيرة القدام الكمبيوتر طول اليوم دي...
و ينزل الكرش البقت تعقد دي...
حسه بقيت ألبس جزم كشف من الكرش...
حتقول العلاقة شنو بين الجزمة الكشف و الكرش...
الجزمة البي رباط محتاجة تندقر عشان تربط الرباط...
و الكرش تحول بيني و بين ربط الرباط...
بل و تجعل منه عملية غاية في المشقة و التعب...
عشان كده حولت للجزمة الكشف...
و البنطلون بعد كده حنشوف أبو لستك...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
اهلنا الحلوين ناس الحوش...
سلام سلام والف سلام ..يا احباب..
عودنا ليكم بعد الغياب ,,,كل التحايا الي الاحباب ...
وكل التعازي لمن فقد عزيز له من اهل الحوش.. تابعت ما استطعت ان اتابعة من الاحداث المتلاحقة...
وما فاتني البركة فيكم بما ادركتم...
مرة اخري لكم الف تحية
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
صبحكم الله بالخير
انت يا ديدو وقت بتجي مربع كاي و بتخش لحدي الغريق أكتب حاجة...قول أنا جيت...
أكتب في الباب حضرت و لم أجدكم....
و كان ما لقيت فحمه شوف ليك ورقة و قلم من الدكان الجمبنا...
و بعدين قول خالتي علوية مامون و لا عمتي علوية...يخس عليك...و علي قلة أدبك...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
ما التلج
هذه السلعة التى يفهمها معظم الناس (غلط )
فان اعتزازى به عظيم
وهو لا يحتاج الى تكسير , فيما اظن واعلم
الا فى سوداننا العظيم
حيث يوجد , فى غالب الأحوال , الواحا الواحا
ويشتريه الناس , ووحدة قياسه اللوح
وهى وحدة قياس استفزازية صماء , اذا قيس بها اى شىء غير التلج
افادت البرود وذهبت بنقاط قوة التلج , واحالتها ضعفا
فاذا ما ناديت احدهم (بيا لوح ) , فان (واطات المنادى قد صبحت )
وتطلق على من لا (مسام له ) , ولا قرون استشعار , ولا حتى حاسة شم
اللوح يرى ويسمع , يتذوق ويلمس , ولكنه لا يحس ولا يشم
وغرائب الأحوال , مع ان اللوح لا يشم (كفاعل )
الا انه فى موضع (نائب الفاعل دائما )
يشمه الناس , حتى ينزلون به الى درجة (المفعول ) نهاية الأمر
| |
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
والتلج كمادة متحولة اصلها (ماء )
انما تتمايز وترتقى , كما تعلو وتنخفض فى الأثر والتأثير
حسب كينونتها ساعة الأنفعال (اللحظى )
او ممكن تقول حسب حالته الفيزيائية (لحظة الأنفعال )
فهو متحول ومتمايز ومتأرجح , ما بين كونه (لوحا جامدا عديم المسام )
فتتعطل (ساعتئذ) حواسك تجاهه, الا ان (تشمه ) وتتمنى عدم وجوده
الى حالة كونه , ماءا رقراقا جاريا فى (سيلان أخاذ)
فيشعل (لحظتها ) حواسك كلها , ويجعلها استاند باى
فانت تلمسه وتتذوقه وتبصره وتكاد تسمعه (خريرا وزقزقة عصافير )
ومن هنا جاءت اهمية التحكم فى حالة التلج اخونا , الفيزيائية
حكمة الله جعلته عندنا فى السودان (لوحا )
والما بيكسر (اللوح )
قطع شك غلطان , الغلط راكبه من ساسه لى راسه
فمن يجد امامه (لوحا ) يخفى خلف حالته الفيزيائية (اطنان من السعادة والحب العظيم )
لا تتفجر الا (بالتكسير والهرس والجرش )
ولا يفعل
اووول انت بأه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
وصاحبنا (التلج ) الذى يوجد فى حالة (اللوحنة الفيزيائية )
فى السودان العظيم , الا ما ندر
موجود , مكسر جااااااهز , وما محتاج تكسير , فى غير السودان
فهو مكعبات
ومربعات
ودوائر
صفرا , وحمرا , وخضرا , وقوس قزح
تختها صفراء مدورة , مع العصير الأحمر
وزرقاء مدغلبة , مع العصير الأبيض
مجروشة , ومهروسة , ومطلعين عينها وداقينها كمان , فى حالات تانية
بدالات العجلات , والات تكسير التلج الحادة , معدومة وعديمة القيمة , فى عالم التلج المكسر جاهز ده
انا شخصيا , اعزازى وحبى للسيد تلج , عظيم وقديم
اكسره واهرسه واجرشه صيفا كما شتاء , ربيعا وخريفا , وفى حالات الكتاحة والغبار
فانا اجعله وجبة يومية , مع الموية كما مع العصير
وخدوا منى العهد والميثاق الغليظ الجاى
اى لوح , يتضاير منى ويحاول يقعد ركن
ساكسره بيداى هاتان , اذا عزت بدالات العجلات , واسرف حافرى القبور , فى دس (المحافير )
والتلج المكعبات والمدورات الملون والأبيض , نحتفل به ايما احتفاء , ونزهو به (قدام اى لوح ) ونختال
اما لو كان مهروسا او مجروشا جاهزا
فاننا نضعه فى (سويداء القلب والفؤاد )
امنيتنا وهوايتنا التى لا نمل منها ولا نسام
اللعب فى حالات التلج الفيزيائية
حتى كدنا ان نشرع فى ان نحاكى الكانوا بيركبوا حمار ويجوا ماشين فى الشارع ديك ويكوركو
المع قزززززاااااز يااااااااااا
نكسر تلج يااااااااااااااااااااااااااااااااااااااااااااااااااااااااااا
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
يمينا بالله كسير التلج الفوق ده
من كثر ما عاجبنى ومريحنى
قلت اشيلو معاى اجيبو ليكم فى الصفحة القلبتوها دى
يا انقلابيين
ده كلو عشان بعدين نجى نشوف الحمير (بتاعت الرهن العقارى دى )
اهلا بى عودة عثمان الجيلى والريس معتصم
وكل سنة , ومنى يونس بالف خير
وربنا يخلى ليك ميسرة
قولى آآآآمييييين
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
صباح الخير ،،، ياوجوه الخير
أصبحنا وأصبح الملك لله ،،، وحده
| Quote: كبر اللفة يا ريس الانتخابات جاية |
لفة العمة ولا لفة الكسرة ولا لفة العربية ،،،،
إنت سرقت المعلومات دي من وين ،،، وبعدين تعال
خالتك علوية دي منو ،،، وخلف الله ده كان معانا في الزقايق
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
Quote: يمينا بالله كسير التلج الفوق ده
من كثر ما عاجبنى ومريحنى
قلت اشيلو معاى اجيبو ليكم فى الصفحة القلبتوها دى
يا انقلابيين |
والله تسلم يا بشير عباس ،،،
بس ما جننت التلج جن ،،،،، جدي الله يرحمها
كان بنادي العامل الما بيفهم تعال إنت يا لوح
وأنا صغير كنت أعتقد بأن اللوح هو لوح الخشب
بس التحليل الفيزياء والفيسفسائي بتاع منصور ده
أثبت لي المقصود هو لوح التلج بعد ثبات كسير التلج
بتاع منصور الما خمج ،،،، سلمت يداك ،،،،ويمناك
منهجك التحليلي خلانا نقرأ مداخلاتك أكثر من مره ،،،
كسر يا عم وما تشيلش هم ،،، أهي ماشى معاك لحدي آخر لوح
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
في قصة ماعارف عندها علاقة بالتلج بتاعكم ولا لا
واحد من ام علي كان في مصر سنوات عديدة لحد
ماقلب مصري وعاد بعد سنين وعلي حظه كان رمضان
وكان حر شديد فالراجل جهز شنطته وقاليهم انا رايح الخرطوم
ام علي حارة اوي قالو ليه الخرطوم برضه حارة
قالهم حارة آه بس في تلج
يامنصور خليتنا نغير من التلج
يديك العافية (دي مافيها كسير تلج؟؟؟)
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
كل سنة و منى يونس بألف خير...
كل الأمنيات الطيبة لك و لأسرتك...
كذلك أحر التهاني لمنى و الريس بمناسبة عيد زواجهم..
كل العمر مع موفور الصحة و العافية و تتحقق النجاحات...
على صعيد المال...و نجاحات العيال...
و كسير التلج الما خمج...
ان شاء الله تكسروا تلج لي بعض حتى تتساقط كل أسنانكم...
و تشوفو بعض طشاش ...طشاش...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
سلامات لأخونا مصطفي محمد الحسن فقد تعرضت مكاتب منطمة أكورد بكسلا لحريق هائل ... قضي علي المخزن الرئيسي وكذلك مكتب الأخ مصطفي محمد الحسن ... بحمد الله لم تكن هنالك أي خسائر بشرية رغم الخسائر المادية الفادحة ... والتي من ضمنها اللابتوب الخاص بمصطفي .... تلفون مصطفي 0912341904
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
جمعتكم مباركة
يا كوتش ما تخلع الناس ساكت...سميرة الصغيرة بنت محمد المرتضى كانت تعاني من الملاريا و التهاب اللوز...واحدة فيهم بتجهجه محمد المرتضى زاتو خليها سميرة الصغيرة...لكن و الحمد لله البنت استجابت للعلاج و ابتدأت في التعافي تدريجيا...
جرعات المضاد الحيوي أثرت علي شهية البنية الفنجرية...و أصبحت غير راغبة في تناول الطعام...
محمد المرتضى اتجرس...أول حاجة لأن الوالد لا يستطيع أن يتحمل رؤية أولاده و هم في هذه الحالة...و تاني لأن صاحبنا أبو برلوم....لافي بالخلاء طول عمره و أختنا انتصار زوجته كانت شايله الشيلة و مرت بيها حالات زي دي كتير....محمد المرتضى دي بتكون المره الأولى و لا التانية...
أنا امكن اتكلمت معاهو بالتلفون تلاته أربعة مرات...كل مره ألقاهو ليك متجرس...أقول ليهو يا محمد طول بالك ده طبيعي و بعد 24 ساعة حيظهر أثر المضاد و تبدأ في التعافي...
الحمد لله سميرة تعافت تماما الآن و ربما يكون محمد و أسرته الآن بالخرطوم بعد أن قضى الأسبوع كله بالأبيض...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
ميسرة 000 منى000 كل سنة وانتو فرح 000 تفاؤل 000
00000000000000000000000000000000000000000000000000
سميرة الصغيرة تسلمي ويسلم قلب ابوك الابيض من القلق 000
00000000000000000000000000000000000000000000000000000000000
مصطفى محمد الحسن الف سلامة 000 والله اكورد يا زهير قريبة من بيتنا في كسلا
لو في نفس المقر السابق 000
وتحياتي يامصطفى لصاحباتي في اكورد 000
0000000000000000000000000000000000000000000000000
محمد عيد 000 طلتك منتظرنها كن بخير دايما 00
00000000000000000000000000000000000000000000000000
يا عموم الاجدع ناس جمعة مباركة000
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
حبايبنا الحلوين ...
لسلام عليكم ورحمة الله ...
العزيزة مني بونس ...كل عام وانت بالف خير ...
والريس والعيال والاسرة الكريمة بالف خير ...وربنا يحفظكم..
عمر مهدي ...يا بتاع الثلج انت ...وينك وين اراضيك ؟؟؟؟ ليك خالص التحايا...
عبد الدائم ...يا رايع ...دوما ابداعتك حلوة ...وتحمل رقة حسك الجميل ...جميلة الوردة الوجه...وتعبيرها حلو ...
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
صباح الخير،،، يا وحوه الخير
أصبحنا وأصبح الملك لله ،،، وحده
دعاء الصباح :
اللهم إني أستغفرك من كل سيئة
ارتكبتها في بياض النهار
وسواد الليل،،،،،،،،،،،،
في ملأ وخلاء ، وسر وعلانية
وأنت ناظر إلي ........
يا الله،،،،،،،،،،،
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: البادي النور)
|
أصالة عن نفسي وإنابة عن الأستاذة منى يونس
نشكر لكم كريم إهتمامكم وحسن مشاعركم،، وكل سنة
والجميع بخير،،،،،،،
##################################
لا يفوتني أن أقول للأخونا محمد المرتضى
سلامة بنتنا سميرة وإنشاء الله تبلغ الصحة والعافية
وكمان كفاره لي أخونا مصطفي.. والجاتك في مالك سامحتك
| |
|
|
|
|
|
|
|
|
|
be: ناس الزقازيق ... أجدع ناس ( # ) .. (Re: الرشيد بابكر)
|
اولا اجمل الامانى لست الكل وللرس ميَره
ثانيا النت من الخميس!لوح0تلج وساح --- لانو ناس
كنار ما بعرفو يكسروا التلج للزباين يوم 30 ما دفعته
يوم 1 انته دون خïمه ! يا تبلدينا وين التسوىق اقثء من
4 مرات ىوم 30 يقع خميس!!!!!!!!!!!!
==================
البادى النور تلفون لو سمحخ ظلوفك
والله يوفق.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
br> اخوتى .. اخواتى ... الاحباء جميعا .. حفظكم الله
لا تستطيع كل عبارات وكلمات الشوق والحنين ان توشف ديفية اشتهائى للتواجد
br> الذى لا يعرف
=br>0 حقيقة طعمه .. الا من تقسو عليه النوائب وتدفعه قســرا للبعد عنه ...
عــــدنا ... كما تقول الفضائيات$ . .
عدت اليكم وجوانحى تكاد تطير بى فى فضاءاتكم الجميلة وتنتقل بى من خميلة الى خميلة
عدت بعد اà ْجاوزنا بحمد الله مرحلة كبيرة من تلك المعضلة التى ما اظن اننى سأنساها
قريبئ ...
مساندتكم جميعا ... وبكل حقيقة كانت لى هى الســند والظهر والمرفأ ... اشكركم جميعا على اتصالاتكم ومداخلاتكâ ودْواتكم التى كانت لى مجداف الغوث وسط تلاطم الامواج ..
لا أريد أن اختص بالشكر أحدا ولكن اتصالات الاخوة من خالج السعودية كان لها عمىق ئلَثر والتأثير ... عذرا فالواجب يحتم على ان ابعث بشكرى الى الاحباب .. الرشيد وجلا ونجاة حوفى وبكور طارق جبذيل وميمد صديق الذين توالت اتصالاتهم بى رغما عن عدم تمكنى من الرد عليهم فى احايين كتيرة وبالطيع لا انسى اخوتى 0المرçبطين فى كل المدن السعودية وفى الوطن العزيز . هذا عدا المداخلات الكثيرة التى كثيرا ما تساءلت عنى ولهجت بألسنظ الïعاء للنجاة من هذا الموقف ..
اخوتى .. حقا كنتم لى السند .. وحقا لا ادرى كىف ئشكركم ولكنى ونيابة عن جميع افراد اسرتى اقول ..ادام الله المودة بيننا ..
والله لا جاب يوم شكركم ..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
الاعزاء$منـ والريس ميسرة انشاء الله كل ايامكم اعيادوربنا يخليكم لبعض.. ويهنيكم ويفرحكم بعيالكم.. حاولت الاتصال بميسرة ولكن تلفونه مغàق فذسٌت ليكم مسج ..
سلامتها زميرب َرتضى( حفيدة ماما سميرة الله يرحمها) مرتضى الفيل رغم شناته الا انه قلبه ذى ماما سميرة
مàيان حط وحنية انشاء الله ما تشوف شر سميرة..
يا اخوانا وين عبد الله كتوكو( زراعة)؟؟؟
البركة عيدنا الرجع لينا حتى يمطر سمانا اعيادا وابداعا والله انك تستاهل يساàوç عنك وده اقل من الواجب يا ابو دعاء..
والبركة الجيت يا البسكويت ( حاتم جبارة)
اميرة التçائس يا زمردة حياتى وفراشة انتى تنثرين الفرح بتنقلك حولينا وحول البوستات سلام لحاج الركز وجيفاراتك.
جورج فاتنى الاستماعز
زنئتـ يا صديقى ودفعتى راجعة ليك للسلطة ..
مساء جميل لاخواتى وبنات اماتى بطة وزوبة سوليتيرات الزمن الجميل الذى لا يصدأ.
دمتأ سارمين
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) ..
|
أخواني وأخوئتي آشïركم جميعاً
على كل هذا الإهتمام الجميل والراقي
من أجمل وأجدع ناس .. كل عام وأنت جميعاً بخير
العزىزة جوي وصلت رسالة الرقيقة على الجوال وشكراً ليك كتير
حمد لله على السلامة أخي محمد عيد.
| |
|
|
|
|
|
|
|
|
|
Re: ناس اهزق÷زيق ... أجدع ناس ( 3 ) .. (Re: مني يونس)
|
الشىء المفرح والمحزن فى وقت واحد اثناء تغيبى ئلقسءى عن البوست
هو هذا الحراك الهائل الذى حدث فى الميل السابق ...
خاصة الاقتحام الجميل التدئعى 0الراقى للثنائى الرهيب .. جمال فارح وياسر نجيلة
وبالتالى التفاعل الكبير الذى حدث من بقية الفرسان ئالف÷رسات ...
هو مفرج لعودة هذا الألق الجميل .. ومحزن لعدم استمتاعى بالمشاركة فى ذلك
ولكن بحمد الله .. الجميع كـــفى و وفـــى ...
&&&&&&&&&&
التحية والتهنئة للريس ميسرة ومدام منى
وعيد سعيد وعمر مديد انشاء الله
سلامات لابنة اخونا وحبيبنا شلفانوف الشهير بمحمد المرتضى
وأسأل الله ان يواليها بالشفاء العاجل
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
الشجر الكبار فوقو الصمغ
اختيار موفق يا محمد عيد لشجرة اللبخ
اذن فلنصوت لرمز الشجرة
كل سنة وانت طيب يا زيزو
وعندى ليك مفأجاة بالمناسبة دى
ادعو معاى انها تتسهل وتتحقق
ــــــــــ
نجيلة والرشيد حركات اولاد الشهادة العربية دى بطلوها
وخلو اى واحد يعلمكم المصطلحات الجديدة ،،،،،
نحن اولاد من اسـر محافظة ...... لوووول
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
صباح الخير،،، يا وجوه الخير
أصبحنا وأصبح الملك لله،،، وحده
دعاء الصباح :
اللهم إني أستغفرك
لكل ذنب خطوت إليه برجلي ..
أو مددت إليه يدي ..
أو تأملته ببصري ..
أو أصغيت إليه بأذني ..
أو نطق به لساني ..
يا أرحم الراحمين،،،،، يا الله
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
صباحاتكم خير ...
وكل سنة وانتم طيبين كلكم
* السيدة الاولي
* زهير ابو مجد
وفي خطوة استباقية ...
Zuhair Zenaty's birthday Today
Sami Abd Al-Wahab Idris's birthday Monday
Saleh Abdelrahman Saleh's birthday Tuesday
ابوالسيم وتبلدينا كل العمر ان شاء الله
طبعا دي دعاية انتخابية ... قلنا لحقكم المولد ..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
فى خطوة استباقية برضو ....
عمر T عيد ميلادك متين .....
قدرت اتخيل رابطة شرق الجزيزة منزلة اعلان فى دار الاتحاد
بتدعوكم للاحتفال بعيد ميلاد ابنها الخزين البلولة عوض السيد
بشقتهم بابى طرطور
تتخيلو الهدايا حتكون شنو ...
المداخلة دى ساي كدا
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
ميلادي مامعروف متين
لكن كبار ناس ام بكول بي قولو
وقت البحر غطا الجروف
والعمدة كان ضابح خروف
يا عبد الدايم
يومي البشوفك ببقي عيد
والدنيا تبقى معيدة
تهانينا لكل المحتفلين بعيد ميلادهم
ومناسباتهم الحميمة ومرحب بالعائدين
والمتالقين دوما وناس البدنجان
الماكويس مع الناس الفصيلة دمهمo+
زي مابقولو بتاعين التغذية ولانة بعمل
حساسية لابنتي روان عشان كدة المابحبوه
مابنحبة ومافي داعي للدواء
رغم انة احلى سندوتش طعمية في الفرع مضاف له سلطة الاسود
التي تغنى بها المغنون (ياتسمعو الكلام ولا استمتعو باسودكم ) ودمتم
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عمر المهدى)
|
هلا يا شباب وكل من هنأنا بعيد الميلاد الذي لم نتعود الإحتفال به ... وفي السنين الغابرة وحينما كان الواحد متشرداً لم أكن أذكر يوم 4/4 إلا بعد مرور أيام وأحياناً شهر حينما تأتي مناسبة وتريد أن تحسب عمرك ... تقوم تشوف يوم 4/4 كان متين وتقعد تحسب .. أما الآن فقد جاء الأبناء وعلمونا ما لم نكن نعلمه ... وأدخلونا في ثقافة جديدة علينا .. هي ثقافة جيلهم ... جيل التلفزيون ... والله لغاية ما سافرت الجامعة ما شفت لي عيد ميلاد ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عمر المهدى)
|
يا عمر مهدي لم يعرف عن صديقتي نجاة حوفي التآمر ... لكن بعد موضوع سلطة الأسود ده لابد من أن إعادة نظر ... قمت اليوم بزيارة قسم التغذية في جامعة الخرطوم .. وقابلت البروف المسئول عن القسم .. فلم أجد منه إلا الكلام الطيب عن سلطة الأسود وآكلي سلطة الأسود . وقد أثني علي الباذنجان بجميع أحجامه تلك التي للسلطة أو للمحشي ... أو ذاك الذي يعمل ملاح فيصبح مثل براطيش البلاستيك ... وقد قال لي بالحرف الواحد أن من يتحدث بسوء عن الباذنجان لا بد أن تكون لديه بعض الأجندة الخفية ... وعليه نعلنها اليوم حرب الباذنجان علي بنات الشيخ وسنحرص علي حضور أسامة السيد لمعرفة كيفية إعداد الباذنجان بكل أصنافة ....
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عمر المهدى)
|
يا الزناتى ..
سجل عندك .. من أكبر عاشقى سلطة الاسود
الزعيم / عادل ود الجعلى ...
وفى كل سنة كان يشحن معه للزقازيق كرتونة مليئة ببرطمانات
سلطة الاسود + الفسيخ ..
وهذين الاثنين لا ينافسه فى حبهما الا عادل البيه سابقا وسامية حاليا ..!!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
مساكم الله بالخير
تحية خاصة هذا المساء للأخ الحبيب موسى عيسى و الذي اختفى عنا ذات مساء و لم يعد حتى الآن...
و بقول ليهو و بكل شفافية...
اللقى مفاريكو نسى أصحابو...
عملتها واضحة يا موسى....
تضرب لي في المفاريك...و مباري لي أصحابك العجايز ديل...
الأخ الصديق السهيلي اختفى عن الساحة أيضا...نعرف مدى مشغوليات السهيلي التي تمنعة من المواظبة على الظهور...لكن المره دي الغيبة طولت...
جبريلا راقدلو فوق راي...لي زمن من طلته الجميلة الحبيبة الى النفس....
وينك يا مان...على طريقة أخي الذي لم تلده أمي محمد المرتضى...
قدورة حبيبنا...لا عارفنك هنا و لا هناك...انت وين بالظبط؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: البادي النور)
|
صباح الخير،،، يا وجوه الخير
أصبحنا وأصبح الملك لله،،، وحده
دعاء الصباح :
اللهم إني أستغفرك من كل فريضة
أوجبتها علي في آناء الليل والنهار
تركتها خطأ أو عمدا ؛
أو نسيانا أو جهلا ,,,,
وأستغفرك من كل سنة من سنن
سيد المرسلين وخاتم النبيين
سيدنا محمد صلى الله وآله وسلم
تركتها غفلة أو سهوا ؛ أو نسيانا
أو تهاونا أو جهلا ،،،أو قلة مبالاة بها.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
غسيل الجمعة ... ومكوي السبت
دايما مطششانا من احداث البوست ...
الف مبروك لمني يونس عيد الميلاد
وكمان مليون مبروك عيد الزواج انت والريس ميسرة ...
زهير الزناتي ... حبيب الباذنجان ....
مليون شمعة مباركة ... زيادة لعمرك المديد ان شاء الله
مع السعادة والرفاهية التي نتمناها لك ولاسرتك ...
بس قول لى "ندي صوتنا" لمنو ...
مبروك للمريخ العظيم والامل عطبرة والهلال ...
نتمني ان تكتمل فرحتنا هذه المرة ... بتتويجهم بالكأس ... او احدهم ...
ولدنا أحمد اسماعيل ... نستميحك عذرا شرح مداخلتك الفووووق ديك ... عن المربعات والاحداثيات
حتي ولو في الخاص بالماسنجر ...
حبيبنا جمال فارح ... لاتحرمنا المتعة والفرح
ان طشيت ... حنطش كلنا ...
رشيد القوم ... حبنا بالكوم ...
رسل لي موبايل مهند حتي لو في الخاص ...
عندي موضوع عاوز احسمو ...
النضيف ... يالذيذ يارايق ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: البادي النور)
|
Quote: صباحاتكم خير ...
وكل سنة وانتم طيبين كلكم
* السيدة الاولي
* زهير ابو مجد
وفي خطوة استباقية ...
Zuhair Zenaty's birthday Today
Sami Abd Al-Wahab Idris's birthday Monday
Saleh Abdelrahman Saleh's birthday Tuesday
اèوالميم وتبلدينا كل العمر ان شاء الله
طبعا دي دعاية انتخابية ... قلنا لحقكم المولد .. |
كتذ يرك يا جلجل
والحمد لله كملنا فترة العشرينات دي بسلااااااااااام
طبعا دا ما حزب معاïلة عبد الدائم النضيف المشنورة..
لأنو بحسب المعادلة آنفة الذكور بنطلع أنا والزناتي قرينا مرحلة الأساس عديييييييييييييييييل كدا
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
سلامات يا اروع ناس
اسفة للغياب القسرى
واجى من الاخر
منى وميسرة عيد سواج سعيد وعمر مليىء بلتفائل
زهير يا زنلتى يا هادى الفرح يا جميل
اجمل سنة وكل العمر
يا سامى يا انيق
عقبال مليون سنة
اها الفاتنى شنو
نانى لا يكتمل الجمال الا بسولوتيرة ثالثة فكانت نانى
احبكم جميعا
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
صادق التعزي للأخ العزيز محمد عيد وحرمه المصون
والأخ العزيز ميسرة والأخت منى يونس
في وفاة المغفور لها باذن الله الحاجة سميرة محجوب
اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله لها الرحمة ولذويها الصبر
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: سامي عبد الوهاب إدريس)
|
خالص التعازى للاخ محمد عيد وحرمة فاطمة
والاخت منى يونس والاخ ميسرة فى وفاة المغفور لها بأذن الله الحاجة سميرة
انا لله وانا اليه راجعون
آللهم أرحمها وأسكنها فسيح جناتك
آللهم باعد بينها وبين خطاياها كما باعدت بين المشرق والمغرب
اللهم نقها من الخطايا والذنوب كما ينقى الثوب الأبيض من الدنس
اللهم اغسلها بالثلج والماء والبرد
اللهم أبدلها داراً خيراً من دارها وأهلاً خيراً من أهلها
اللهم اجمعنا وإياها في مستقر رحمتك
اللهم انا نسالك بأسمك الاعظم ان توسع مدخلها
اللهم آنس في القبر وحشتها
اللهم ثبتها عند السؤال
اللهم باعد القبر عن جنباتها
اللهم اكفها فتنة القبر
اللهم اكفها ضمة القبر
اللهم اجعل قبرها روضة من رياض الجنة ولا تجعله حفرة من حفر النار
اللهم إن كانت محسنًة فزد في إحسانها وإن كانت مسيئًة فتجاوز عن سيئاتها
اللهم ألحقها بالشهداء
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: البادي النور)
|
صبحكم الله بالخير
مشيت ليك الرياض السعودية...
و أول ما نزلت من الطيارة لقيت ليك في استقبالي..
منص حبيبنا اللينا منو سنين...جلال الطاعم و موسى عيسى رغم مشغولياتو..
كمال الشادي الحبيب...
مامون أخوي و فيصل ود خالتي..
حسيت اني كبير خلاص...وطرت في الفضاء أحلق...
كل واحد فيهم مصر نمشي معاهو البيت...
ذكروني ليك أيام كنا بنصلي الجمعة في قرية السديرة بالجزيرة...
بعد الصلاة كل واحد في الحلة يصر نتغدى معاهو...
منصور يقول ليك يا جماعة الزول ده حقي أنا...
مامون أخوي يقول يا جماعة ده أخوي أنا أولى بيهو..
جلال يقول لي مامون...انت قايل هو أخوك براك...
موسى عيسى يقول ليهم و لا واحد فيكم...يمشي معاي أنا...
أنا فرحان لكن محتار...أمشي وين و لا وين...
المهم حسمنا الموضوع قلنا كل يوم في مكان...
الجماعة وافقوا على مضض...خاصة منصور..
الجماعة كانو محضرين لي مفاجأة...
حفلة كبيرة أكبر من الاولى...
دعوا لها كل الزقازيقاب في كل أنحاء المملكة...
محمد عيد و ميسرة و ديدو جو مخصوص من جده...
المكان مجهز أحلى تجهيز...
الناس كلهم حضروا...
كمال الشادي واقف وراء الأورغ
الجماعة قالو لي تعال أفتتح لينا الحفلة...
مسكت ليك المكرفون قلت أرشهم ليك..
قلت ليهم يا جماعةأنا من عرس منصور ما مسكت لي مكرفون...
و بديت ليك كسير تلج...
قلت ليهم انتو عارفني بحب الشو..مشيت وين و مشيت وين..
و الله أجمل مكان في الدنيا مشيت ليهو...المكان ده...
عشان انتو فيهو...
و قمت قدمت كمال الشادي...و أحمد عجوز...
صدحوا بأجمل الألحان...وغنوا للصباح...
و أثناء ما كمال الشادي بغني في ضنين الوعد...
حصلت حاجة غريبة...برجع ليها تاني...
أمبارح بالليل أمنية بتي قالت لي تصبح على خير يا بابا....
و أحلام سعيدة...و نمت نومه عميقة جدا...
و على أمنيات أمنية بأحلام سعيدة...
حلمت بالموضوع الفوق بتاع الرياض ده..
أرجع ليكم لي الحاجهالغريبة الحصلت و كيمو بيغني ضنين الوعد...
أنو ما كملها...
لأني صحيت فجأة...
| |
|
|
|
|
|
|
| |
ميسرة سيد أحمد
أحمد إسماعيل
الرشيد بابكر
معتصم جعفر
عبد الدائم سيد أحمد
محمد صديق
منصور عبد الرازق
عمر المهدى
زهير الزناتي
عفاف علي ميرغني
سامي عبد الوهاب إدريس
Hatim Gubara
محمد عيد
نجاة حوفي
مني يونس
جلال عثمان
ياسر نجيلة
زينب التجاني
فيس بوك
تويتر
انستقرام
يوتيوب
بنتيريست