|
|
 عوووك ود الزناتى (دور سبتمبر ) عربى
|
نتيجة امتحان القيد الصحفى ظهرت واخونا زهير الزناتى طبع كان ممتحن وقدا عربى
يعنى بالجد طلعوا ناس (كسلا) ادروبات ساكت ( مع الاعتار لفافى)
يعنى الزول نجح فى الانجليزى والتحرير الصحفى ويقد عربى
كطبعا بى فلسفة شديدة والشنب نازل لى تحت قال لى : يعنى اسوى شنو قلت ليهو تقرا رد بسرعة جدا : اقراء عربى كيف دى يعنى العربى بعد عمرى دا كلو حا اتعلموا تانى
كفارة ياابو الزوز والجاتك فى مكادة واحدة سامحتك وتتعوض فى الملحق
شباب احنا كلية نظرية والدور عندنا فى نوفمبر ودا طبعا ناس بشير على العبيد وبكرى ود الماذون وزكى صديق لكن بحكم العشرة والعيشة فى زراعة الواحد بقى يقول دور سبتمبر مع تحياتى لجنرلات دور سبتمبر فى مربع كاى
|
|
 
|
|
|
|
|
|
|
|
Re: عوووك ود الزناتى (دور سبتمبر ) عربى (Re: مجتبي فاروق)
|
يا مجتبي فاروق .... مشيت الكلية جبت نتيجة الامتحان ... الشباب كلهم قاعدين راجني طبعاً عارفهم ناس منو كلهم ديناصورات ... اها لمن جيت خاشي بصوت واحد ... أمين نجح .. قلت ليهم برضو سقط ... قام ود البيه بسخرية قلد عادل أمام : متعووووووووووووودة ...
اها أنا ما عايز أقول لي روحي متعودة ... لكن في قصة لازم أحكيها ودي للمرة الأولي ... كنت في سنة خامسة إبتدائي ... جيت الرابع وجايب 29 من 60 في العربي ... مشيت لي أختي مدرسة في مدرسة البنات الجنبنا لمن شافت النتيجة جات لأبو الفصل قالت ليهو ما ممكن طالب يجيب في الرياضيات 60من 60 ويسقط عربي .. قال ليها يا زولة ما مشكلة الكعكة دي ممكن نشيلها ونديه الدرجة وننجحوا بس بشرط ما نغير الترتيب لو فات الزول القدامه ...وقد كان يعني متعود من زمان أسقط عربي ...
تفاصيل النتيجة :
80 في الإنجليزي (إتخيل)
81 في المعلومات العامة (برضو شوية وما حقتي)
63 في الكمبيوتر (برضو إتخيل) رغم إنه الزول الوضع الإمتحان وصححه عاطف علي .
57 في التحرير الصحفي ودي ما عندي عليها أي أعتراض
وسقوط مريع في العربي ... ودي برضها عايزه إعادة نظر ...
المهم حا إمتحن الملحق بعد أيام والله يكون في العون ... نتقبل التهاني مقدماً ...
| |
|
|
|
|
|
|
|
|
Re: عوووك ود الزناتى (دور سبتمبر ) عربى (Re: زهير الزناتي)
|
| Quote: في المعلومات العامة (برضو شوية وما حقتي) |
ابو الزوز مبروك مقدما ...
وشكلو امتحانكم ده زى اسئلة لجنة الاختيار ... يعنى نجاح بالغصب للدايرنو
واسقاط مقصود للآخرين ...
مرة دخلنا لجنة الاختيار للتقدم لوظيفة خالية فى مفوضية الاغاثة ...
واحد زراعى دخل قدامنا .. سألوه الجاب قون بطل سيراليون فى الهلال منو ؟؟
والهلال كان غالب 4 او 5 لا اذكر ... !!
أها جانا مارق وسحبنا كلنا وراهو .. قلنا احسن نمشى نذاكر فى دار الرياضة ..1
| Quote: وسقوط مريع في العربي ... ودي برضها عايزه إعادة نظر ... |
غايتو شوف الكوتش يديك حصص تقوية فى ولمن فاتهم الاستماع ...
| |
|
|
|
|
|
|
|
|
|
Re: عوووك ود الزناتى (دور سبتمبر ) عربى (Re: محمد عيد)
|
يا ابوالزوز انتو بتذاكرو من ورانا ولا شنو ...
برضو مبروك مقدما وعقبال تنجح في دور العربي ...
لا قدر الله لو القصة ما ظبطت نصيحتي ليك تدخل كورس لغة عربية لغير الناطقين بها ... انتو جايين من وين .. والله حقيقة السودان دا قارة وفيه اثنيات متعددة ...
| |
|
|
|
|
|
|
|
|
|
Re: عوووك ود الزناتى (دور سبتمبر ) عربى (Re: البادي النور)
|
عرفتك حاتقد عربى يا اب شنب من ما شفت ريئس اتحادكم البيقولو ليهو تيتاوى داك
قال شنو , سبعة وتلاتين فى المية بس النجحوا
معقولة سبعة وتلاتين فى المية بس , تكون انت منهم
شنبك الكبير ده ياهو (ظاتو ) الجايب ليك الجلا
الزول ده شاف شنبك , قال يمين الزول يلحق يبقى صجفى , غير ريئس نقابة ما بيقبل لينا
امشى للزول ده واكتب ليهو تعهد , قول ليهو انا بس عاوز تصريح بمزاولة المهنة
يا دوب حا ابقى مؤهل اشتغل مع فردتى السمه مجتبى فاروق ده
من الكورة العالمية ولى غادى , هلال مريخ (ظاتهم ) ما عندى بيهم شغلة
وبعدين انت قصة الفاعل والمفعول به دى , خلى ابتهاج تمشى تمتحنهم ليك
انت ما زول ثقافتك (لاوندى وتقراى وأمرأر ) عارفنك من زمااااان
عموما مبروك (الا شوية ) , للأحتياطى كده , يا كمان سوق معاك ابتهاج , ومعاها اختك المدرسة الزماااان
كان درجة واحدة , بتتلز ياخ , هو سيدى الحسن (ظاتو ) مش قاعد يلزلز
وتيب
| |
|
|
|
|
|
|
|
|
|
Re: (Re: منصور عبد الرازق)
|
أشهد أن لا إله إلا الله و أن سيدنا محمد رسول الله
بالنسبة للنتيجة دي إنشاءالله ما تكون المرة 514
لكن النسألك إنت نزلت إنتخابات و لا شهادة قيد صحفي؟؟؟
| Quote: عوووك ود الزناتى (دور سبتمبر ) عربى |
غايتو جنس شمارات يا مجتبى فاروووووق
| Quote: انت ما زول ثقافتك (لاوندى وتقراى وأمرأر ) عارفنك من زمااااان |
طبعاً لا تفوت على فطنة القارئ الكلام دا مقصود بيهو
عفاف و نوال البلول و مصطفى محمد الحسن ...وبس
| |
|
|
|
|
|
|
|
|
|
Re: (Re: محمد آدم النور)
|
فاتن حمامة لمن تركب مكنة جلا !!!!!
غايتو جنس غايتو
عفاف , من يوم ما ادوا حاج الركز باسويرد , التقول ادتوا ليهو هى , ولا قسموهو من حقها ما عارف
نوال البلول , هو عثمان الجيلى زاتو ما فبش عشان يقول ليها
مصطفى محمد الحسن , بيتاوق اصلا بعد مرااات من شباك الكوتش
والكوتش الليلة سادى خدمة
شوتك طلعت اوت , يا جلجول , وفاتن حمامة رجعت لى قواعدها (سااااالمة )
كااااك
| |
|
|
|
|
|
|
|
|
|
Re: (Re: عبد الدائم سيد أحمد)
|
سلامات يا ناس
| Quote: نتيجة امتحان القيد الصحفى ظهرت واخونا زهير الزناتى طبع كان ممتحن وقدا عربى |
يعنى انا استغرب زول زى مجتبى ده (مع العلم انو صحفى (رياضى))يغيب من المنبر والبوست زمن طويل
ويقول مشغول...يقوم يجيك بى شيل حال زى ده..ونسألوا هو زاتو فى العربى جاب كم؟؟وهو زاتو امتحن
للقيد الصحفى ولا ناس الرياضة ديل ما عندهم امتحان؟
وزهير زاتو سقط عربى مش لانو ما بعرف عربى ..الحاجة الانا عارفا ورقتو بتاعة الامتحان لقوا مدفوق
فيها شاى لبن مقنن عشان كده سقطوه.
| |
|
|
|
|
|
|
|
|
|
Re: (Re: محمد صديق)
|
ساعدتك انا ما داير اتكلم ساكت
احنا ناس صحافة رياضية لكن برضو امتحنت القيد الصحفى لكن اخوك ما زى الزناتى
كنا مجموعة من الشباب من المشاهد وجرايد تانية مجمعين مع بعض المهم انا الوحيد الكنت خريج قانون البقية كلها صحافة
اقول ليك وما تزعل مجموع الممتحنيين فى دفعاتنا كان 384
عدد الناجيين جميع المواد من غير (ملحق )
43 فقط
اتخيل انو اخوك كان معاهم وما كدا قربت اجى الاول جيت السابع اما مجموعة الناس بتاعين الصحافة احسن واحد فيهم شال مادتيين يعنى ملحق البقية اخت القيد بالخبرة
| |
|
|
|
|
|
|
|
|
|
Re: (Re: مجتبي فاروق)
|
الاخ العزيز مجتبى ....
Quote: اقول ليك وما تزعل مجموع الممتحنيين فى دفعاتنا كان 384
عدد الناجيين جميع المواد من غير (ملحق )
43 فقط
اتخيل انو اخوك كان معاهم |
الف مبروك فرحت ليك شددددددددددديد
| |
|
|
|
|
|
|
| |
مجتبي فاروق
زهير الزناتي
محمد عيد
منصور عبد الرازق
محمد آدم النور
عبد الدائم سيد أحمد
محمد صديق
مشاعر بدوي
فيس بوك
تويتر
انستقرام
يوتيوب
بنتيريست