|
|
 Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عصام دهب)
|
في عام البرلمة الأولي كنت أسكن في شارع المكتبات مع (أولاد) تجارة ، تعودنا أن نقف علي الشرفة المطلة علي الشارع الضاج بالحركة في مساءات الزقازيق الباردة . رفيقي في هذه (الوقفات) زميلي في السكن وأحد أعضاء الإتجاه الإسلامي البارزين بالزقازيق ، في أحدي العصريات الجميلة ونحن نتفرس حسان الزقازيق يمر سودانيان تبدو عليهما وعثاء السفر ورهقه ، أحدهما يرتدي بالطو (بيج) والآخر (ينتعل) فانلة صوف من العهد الفرعوني ، أشار لي زميلي بغضب (بالله شوف الشيوعيين ديل وسخانيين كيف) ، كانت المرة الأولي التي أري فيها ود الجعلي وود البيه وما بينهما من رفقة طويلة وثنائي ترك أثراً لا يمحي في ذاكرة سودانيي الزقازيق . حديث رفيقي لم يخلو من المكر السياسي ولكن كانت به كامل الحقيقة . عرفت بعد ذلك أن أولاد عطبرة يقودون في الجبهة الديمقراطية تيار (الوسخانيين) في مواجهة تيار (الناس النضاف) كما تتهامس مجالس الزقازيق في ذالك الحين ، وأن الصراع في أصله صراع سياسي بين أولاد عطبرة أصحاب الحق الأصيل في الجبهة الديمقراطية بحكم إنتماءهم للطبقة العاملة ووافدي المدن الأخري من طبقتي البرجوازية والبرجوازية الوسطي ، بعد أن ولجت لداخل التنظيم عرفت أن مجالس المدينة تتحدث بما لا تعرف وإن كانت هنالك تيارات داخل ج .د فهي الصراع الأزلي بين ما هو راديكالي محافظ وبين من يبحثوا عن رؤي جديدة في الحياة مهما كانت التوجهات مشتركة والمنطلقات الفكرية واحدة . عرفت داخل الجبهة الديمقراطية كثيراً من الرفاق وبطبيعة الحال كان ود الجعلي من الذين زاملتهم طيلة سنوات الزقازيق ، قبل أن أغرق في تفاصيل الحديث عن هذا الإنسان الجميل لا بد لي أن أؤكد أن ود الجعلي كان تياراً لوحده لا ينحاز إلا لفكرته ورؤيته وأيدولوجيته الخاصة
| |
  
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عصام دهب)
|
ولد بمدينة عطبرة حيث الزخم النقابي والحراك اليساري ، نشأ بحي الموردة الشهير بتمازجه الاجتماعي المتفرد وكذلك بفريق الأمل الرياضي الذي اصبح يمثل كل عطبرة وليس حيه فقط ، كل قبائل السودان دون إستنثاء ممثلة في ذاك الحي لا غلبة لعنصر أو قبيلة علي أخري كعادة أحياء مدن الشمال التي نشأت علي أسس قبلية ، هذا مؤشر أولي لمعرفة كيف تكونت شخصية ود الجعلي في ظل هذا التمازج الإنساني . أما المؤشر الثاني فهو أسرته الصغيرة التي عاشت في كنف أب عامل بسيط لذا لا نستطيع إلا أن نصفها كما يصفها ود الجعلي نفسه بأنها أسرة فقيرة حد العدم لكنها غنية بمثل وقيم ، لتشكل لنا هذه الأسرة المحور الثاني في تركيبة ود الجعلي المتميزة ، أما إنتماءه الاثني للجعليين فيفسر لنا كثير من صفاتهم التي ألتصقت بهم والتي جعلت إسم الجعلي مرتبط بأسرة عوض الكريم والد عادل ود الجعلي والتي تنحدر من ديم القراي شمال شندي . أما إنتماءه للجبهة الديمقراطية وليس الحزب الشيوعي كما يعتقد الكثيرين فكانت المحور الرابع الذي صاغ شخصية ود الجعلي المعروفة في الزقازيق .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زهير الزناتي)
|
طيلة وجود ود الجعلي في الزقازيق لم يكن يُعرف عنه سوي إنتماءه للجبهة الديمقراطية وسامية إسماعيل وفي بعض الأحيان لكلية التجارة . زاملت ود الجعلي في الجبهة الديمقراطية والسكن وقليلاً في كلية التجارة التي لم يراها كلانا إلا لماماً وفي ايام الإمتحانات مما يفسر التعثر الأكاديمي الذي لازمنا مع كثير من الأصدقاء . كنا نعتقد بأن الكلية تأتي في آخر سلم أولوياتنا وهو إعتقاد خاطئ وإن شكلته الفترة العمرية التي كنا نمر بها في ذلك الحين ، وحتي بعد مرور السنوات الطويلة علي تلك الفترة لم أندم علي السنوات الإضافية التي مكثناها في تلك المدينة وأظن أن ود الجعلي لديه نفس الرأي . فهي سنوات خصبة عجمت الأعواد وإضافت لنا ما لم نكن سنجده في أي زمان أو مكان آخرين . وأعتقد أن سنوات ود الجعلي في الزقازيق تمرحلت بدرجات ، كل درجة لها طعمها ونكهتها المميزة وختمها ما عرف بمرحلة سامية إسماعيل أو ود الجعلي العاشق . عُرف ود الجعلي علي نطاق واسع في الزقازيق وبعض مدن الجمهورية الأخري ككادر من كوادر الجبهة الديمقراطية الخطابية إلا أن قلة من المحظوظين من عرف ود الجعلي الإنسان . رغم ما عرف عن ود الجعلي من شراسة خاصة مع خصومه السياسيين إلا إنه إنسان في غاية الود والطيبة السودانية أي أنه إبن بلد جدع وشهم لأقصي الحدود . الشراسة التي دمغت ود الجعلي السياسي هي نتاج لعوامل عدة قد يأتي السياسي في نهايتها ولكن المحاور التي ذكرتها في بداية حديثي هي من صنعت تلك الشراسة . ورغم ذلك في كثير من الأحيان نجد ود الجعلي يتعامل بود وإنسانية حتي مع من نعتقد بأنهم خصومه السياسيين وبالتالي أهداف مباشرة لشراسته ، وهنالك عدد المواقف التي تعضد حديثي هذا . ومن الأشياء التي قد لا يعرفها الناس عن ود الجعلي بأنه قد يتحول لشخص شرس جداً حتي مع رفاقه في التنظيم متي ما أحس أن الخلاف قد يؤثر علي جسد الجبهة الديمقراطية ومبادئها . كما أن سودانيته تطغي حتي علي مبادئة السياسية وأيدولوجيته . أذكر في مرة أن إحدي الزميلات قد أشتكت من أحد رفاق الجبهة الديمقراطية بأنه قد مسها بكلام جارح فما كان من ود الجعلي إلا وأن تصدي له وكاد أن يفتك به لولا وجودي في تلك اللحظة وإعتذار ذلك الزميل لود الجعلي والزميلة . وهذا يقودني لود الجعلي (أخو البنات) الذي طالما لجأت له كثير من بنات الزقازيق يطلبن حمياته ونصرته من تحرش عابر أو تعدي عليهن . والمواقف هنا عديدة أذكر في إحدي المرات إشتكت لنا إحدي الزميلات انا وسيف النصر من تصرف إعتبرته تحرشاً بها ، فحاولنا أن نفهمها بأن ذاك التصرف في الغالب الأعم ناتج عن حسن نية ويجب أن تنظر للأمر برؤية مغايرة لما تعتقد ، فما كان منها إلا وأن قالت لنا بأن ود الجعلي من سيأخذ لها حقها وبالفعل هذا ما حدث .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
| Quote: يا أخي مع كل احترامي لكل الناس الكتبت عن عادل ود البيه في هذا البوست |
بـيـه مين يا باشا ،،،، اصحى ده اللون
ده ود الجعلى
ود البيه داك كمان كوووم براهو
ومفاتيح الاتنين بيد زهير
اكتب يا زهير
( على وزن اكتبى يا خديجة )
بس يا زهير سلط الضو شوية على شخصية سامية اسماعيل
مع انو فى اول البوست افتكر منى يونس اخترحت على المتداخلين بتوجيهه
اسئلة للشخصية المستضافة حتى لو عبر الهاتف او الايميل .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مجتبي فاروق)
|
Quote: وبعد اذن بكرى ود الماذون او بكرى الشين سابقا الجميل باوامر من الريس ميسرة
ساكتب عن السياسة التى منعنى منها وهو يرحب بى فى هذا المنبر فى انتظار اذن بكرى لاكتب
عن الجعلى الجد الى عرفته لليالى طوال عندما كنت ممثلا للحزب الاتحاد الديمقراطى فى اللجان السياسية بالزقازيق |
الرجل المهذب مجتبي هذا قمة الفهم والتعامل الراقي
ربما كانت للناس وجهات نظر في التعاطي مع السياسة بغرض عدم
إنجرار البوست في متاهات العمل السياسي ،،، ولكن ذكريات العمل السياسي
هي من صميم أهدافنا ولقد تحدثنا كثيراً عنها سابقاً .
أستميح أخي بكري الجميل ليأذن لأخونا مجتبى للحديث بحرية وطلاقة
عن عادل الجعلي وسامية إسماعيل .
بسم الله أبدأ،،،،
أكمل يا زهير ،،،،،
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: منصور عبد الرازق)
|
ليس من السهولة أن يغادر القطار محطة ود الجعلي الإنسانية فهي محطة تضج بالكثير من المواقف التي قد لا يتسع المجال لذكرها منها ما هو في موغل في إنسانيته ومنها ما هو غاية في الظرف ، أذكر تماماً أن ود الجعلي كان بروفيسراً في إقتصاديات الفقر ، يستطيع أن يوظف القليل من الإمكانيات المالية لتحقيق أكبر منفعة إقتصادية ممكنة ، وكذلك في عمل (السخينة) التي لا تكلف أكثر من جنيه ونصف شاملة ثمن الأرغفة . وما لا يعرف عن ود الجعلي بأنه لا يطيق الجوع قط وحينها يتحول لأسد هائج ، من الموقف الطريف حينما كنا في شقة تضم مجموعة كبيرة من ضمنها ود الجعلي الذي أقترح أن يكون إفطار رمضان في ذاك اليوم سمك وتحديداً ذاك الصنف زهيد الثمن الذي لا يتجاوز الكليو منه جنيهان ، تحرك الموكب الميمون الذي يضم ود الجعلي وسيف النصر لمحلات السمك المنتشرة في شوارع القومية ليفاجئوا بإنعدامه في الأسواق ، وكل الموجود لا يقل سعره عن العشرة جنيهات ، في آخر محاولة سألهم صاحب المحل عن طلبهم حينما عرف بأنهم يبحثون عن أبو الرخاء ، سألهم عما يملكونه فأخرجوا له اربعة جنيهات ، أمسكها بيده ونادي علي العامل ليوزن لهم من (ابو 18 جنيه) وبمجرد خروجهم من المحل قال ود الجعلي لسيف (ما نعزم الزولة سامية دي) . في إعتصام المستنفذين الأخير وهم الذين تجاوزا سنتين إضافتين في كلياتهم إضافة لما هو مقرر لهم ، منعت عنهم السفارة الإعانة المالية الشهرية ، كنا في الزقازيق نتجاوز الثلاثين مستنفذاً وبطبيعة الحال علي رأسهم ود الجعلي وبشير علي العبيد وآخرين ، أكثر الطرف والملح كانت من شعور ود الجعلي بالجوع رغم إنه كان ضمن أول ثنائي أضرب عن الطعام طوعاً ولمدة واحد وعشرون يوماً . لم نكن نندهش من تطرفه في المواقف الإنسانية والسياسية وذلك نتاجاً لشخصية ود الجعلي التي لا تقبل أنصاف الحلول ، أذكر في السنة الأخيرة أصدر الإتحاد العام قراراً بتأجيل إنتخابات الزقازيق لما بعد 31 ديسمبر كما ينص دستور إتحاد الزقازيق والذي يتعارض مع دستور الإتحاد العام ، إصرار الإتجاه الإسلامي علي أن تتم إنتخابات الزقازيق بعد الإتحادات الأخري نتيجة للحراك السياسي الكبير في المدينة منذ الصيف الدامي ومشكلة الطالبات المفصولات وما تبعه من إعتصام إعاد لهن الحق السليب ثم إشكالية المستنفذين والتي لم تتجاوب معها المدن الأخري بنفس الزخم الذي تم في الزقازيق وإلإضراب عن الطعام الشهير ، كل هذه الأسباب جعلت موقف الإتجاه الإسلامي ضعيف في الزقازيق لذا عملوا علي تأجيل الإنتخابات ليس إحتراماً لدستور الإتحاد العام وإنما خوفاً من السقوط ، قررت تنظيمات التجمع بما فيها الجبهة الديمقراطية عدم التصعيد الموقف بالإعتصامات التي أرهقت الطلاب وصرفتهم عن الدراسة ، إلا أن ود الجعلي كان له رأي مخالف ، بحيث يري أن الأمر لا يحتمل هذا النضال الناعم ولا بد من إقتحام الإتحاد والإستيلاء عليه والإعتصام به حتي يعود الإتحاد العام عن قراره ، ناضل في هذا الإتجاه ضد الجميع قيادة الجبهة الديمقراكية واللجنة السياسية وكل تنظيماته وحدثت كثير من المواقف الطريفة التي لم يحسمها سوي مؤتمر عاجل لفرعية الجبهة الديمقراطية في الزقازيق إستطاعت أن تقنع ود الجعلي وإن كان علي مضض. وهذا يقودنا لأمر آخر وهو إعتقاد كثير من الطلاب أن عادل ود الجعلي هو رئيس الجبهة الديمقراطية في الزقازيق . رغم أن هيكل التنظيم ليس به منصب الرئيس والذي أعتقد أن ود الجعلي وأخرون مروا علي الجبهة الديمقراطية يستحقونه ، هذا الإعتقاد لم يأتي إعتباطاً وإنما لأن ود الجعلي أظهر من المقدرات القيادية والسياسية ما رسخ ذلك في أذهان الطلاب ، إضافة لكونه من ابرز الخطباء في تلك المرحلة في أركان النقاش ، بلهجته المحببة للطلاب وسخريته اللاذعة من خصومه السياسيين ، وهنالك عدد من العبارات التي أصبحت حكراً له وملتصقة بأركانه التي تعج بالطلاب من مختلف الألوان السياسية . كما يتميز ود الجعلي بعفة اللسان وإمتناعه عن بذئ الكلام بل لا يقبل أن يقال في وجوده ، وكثيراً ما أحتك حتي مع رفقاء الجبهة الديمقراطية ولا أعتقد أن المجال يسمح بإيراد امثلة ، ولكن في إحدي إجتماعات اللجنة السياسية إعترض علي وجود عضو ينتمي لإحدي التنظيمات في قائمة الإنتخابات بشدة ، رغم عدم وجود سبب واضح لهذا الرفض ، بعد نقاش مستفيض أوقفنا الإجتماع للتشاور لنفاجئ نحن ممثلي الجبهة الديمقراطية في حوار جانبي معه بأن إعتراضه ناتج عن سلوك هذا الشخص غير المهذب ، وبعد ضغوط كثيرة إعترف لنا بأنه شاهد هذا الطالب (يعاكس) المصريات في الكلية ، ضحكنا في سرنا من براءة ود الجعلي ، فالكل يمارس المعاكسة وإن كان سراً لمهرجان الجمال في كليات الجامعة خاصة آداب . وطالما إستغلينا هذه البراءة لتمرير الكثير من أجندة الشباب وطيشهم .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زهير الزناتي)
|
الحديث عن ود الجعلي لا يحلو دون الحديث عن رفيقة دربه سامية إسماعيل فهي إبنة نفس المدرسة العطبراوية التي لا تخرج سوي الحمشين والشرسين ، الكثيرون راهنوا علي أن الحياة بينهما بعد الزواج تحتاج لشرطي مقيم في المنزل ، إلا أن للحب قوانينه التي تستطيع أن تخرق الطبيعة وتتجاوز المألوف ، عرفت سامية في الزقازيق بمواقفها السياسية الواضحة وتعتبر واحدة من قيادات الطالبات في التنظيمات السياسية والجمعيات النوعية ، رغم إنتماءها الباكر لحزب الأمة ولفترة طويلة ، إلا إن شخصية سامية إسماعيل جعلتها في يسار التنظيم ، أي من القوة الثورية والتي عرفت بها كل التنظيمات الطلابية والسياسية ، إستقالتها من حزب الأمة لم يكن أمراً مفاجئاً وكذلك إنتماءها للجبهة الديمقراطية لاحقاً ، ليس إنتقاصاً من حزب الأمة كحزب عريق في الساحة وإنما إختلاف الرؤي شئ طبيعي في الحياة ، فشخصيتها وطريقة تفكيرها أقرب لليسار والثورة بحكم النشأة والثقافة ، حتي حجابها لم يكن حاجزاً بينها وبين الأطروحات التقليدية للجبهة الديقراطية ، وللأمانة والتاريخ ولجت سامية للجبهة الديمقراطية ليس من باب ود الجعلي وإنما من أبواب أخري ، حتي أن عادل وإن كان له دور ما في هذا التحول ، إلا أن الخطوات الأخيرة تمت بمعاونة رفاق آخرون ليس من بينهم ود الجعلي . كانت سامية مدرسة متفردة ببساطتها وإبتسامتها الدائمة وضحكتها المميزة ، وثوبها السوداني المميز الذي حافظت عليه طيلة سنوات دراستها ، صديقة للكل وبت لا تقل (جدعنة) عن الكثيرين وذات شخصية كارزمية ، قيادية بالفطرة ، مشاكسة لا تقتنع بسهولة ، وفية لصداقاتها ، من منا لا يذكر سامية إسماعيل وفاطمة بدري أو سامية إسماعيل والراحلة عفاف شريف ثنائيات حُفرت في ذاكرتنا بأزاميل الوفاء والود . إضافة لرفيقاتها الأخريات وأصدقاءها . سامية كائن إجتماعي تمتد علاقاته في كل الإتجاهات وتتشعب لتخلق نسيج فريد. وعرفت أيضاً سامية بالصلابة والصبر ، كيف لا وهي تحتمل ود الجعلي كل هذه السنوات . إني لسعيد زاملت ورافقت كوكبة نيرة من الأصدقاء كان من ضمنهم هذا الثنائي الجميل عادل وسامية أو سامية وعادل . هذه تحية لهما والجميع يحتفل بهم في زيارة الريس ميسرة التاريخية لهم في منزلهم وتحية عبرة للجيل الثاني من أبنائنا عوض ، عسجد ، عزة ، عناب.
ويا ود الجعلي اليشوفك زمان يقول ولادتك كلها أولاد ، يطلعوا من بطن أمهم بشنبات قدر بتاعت زهير الزناتي ، لكن يبدو أن الحنية الغالبة علي شخصية ود الجعلي كان لها الدور الكبير في أن الغلبة للبنات أحلي الكائنات كما يقول عمنا صلاح جاهين . إمنياتنا القلبية لكم بالتوفيق والسعادة والتقدم وأن نري أسرة زقازيقية نفرح بها ونحتفي بها كلما جاء ذكرها . رغم أن الحديث عنهما ذو شجون ويمكن أن يمتد إلي ما لا نهاية ولكني إكتفي بهذا القدر من التحية .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زهير الزناتي)
|
زهير .... يازهير
الله عليك ياخ كتابات بقامة عادل الجعلي وسامية
جزاك الله خير 
شحذت الذاكرة واثرت من الكوامن الكثير
هاك دي ...
في احد اجتماعات ل.س والتي غالبا ماتنتهي بموضوع العشا طلب عادل الجعلي من محمد الهادي ان يذهب لاحضار العيش (الرغيف) حيث ان حلة العدس قد حان قطافها، المهم ذهب اخونا وحيث انه كان لا يأكل العيش الجينز الا في الظروف الاستثنائية فما كان منه الا ان ان احضر عيش "طوست" فنظر اليه ودالجعلي شذرا وتمتم والله يا اخوانا الزميل ده ما عايش الواقع ابداً "نحن الجبتوا ده بنحشي بيه عيش الجينز وناكلوا"
كانت ايام
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مشاعر بدوي)
|
| Quote: "نحن الجبتوا ده بنحشي بيه عيش الجينز وناكلوا" |
أثلجتوا صدورنا يا زهير ومجتبى وجلال لإيرادكم
لكثير من المعلومات التي كنا نجهلها وعن تركيبة
هذا الثاني الجميل، وبعض القفشات الظريفة
الكاتب الكبير عبدالحميد البرنس والعزيزة مشاعر بدوي
شكراً على مروركم والبيت بيت سامية وعادل .
إقتراح الأخ زهير مقبول ولكن فتح بوست جديد برقم (2)
له إيجابيات وسلبيات نتواصل قليلاً في محطة الثنائي عادل وسامية
حتى نصل معكم هاتفياً ونتشاور .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد صديق)
|
سلام يا شباب
حكاوي ودالجعلي لا تنتهي
أذكر أول ما جيئنا السعودية عمرة من مصر كنا في مكة المكرمة ساكن معي اخي الغالي حامد الحبر
وجاءنا ودالجعلي زيارة من جدة وهو ايضا كان جديد على البلد, المهم خرجنا نعمل اتصال بالاهل ووقتها
كانت تلفونات العملة الفي الشوارع , كل واحد اشترى ليهو بقجة ريالات وعندما قربنا من مكان
التلفونات
اذا بالناس تجري يمين ويسار فسألنا خير يا ناس , قالوا الكششششة, فما كان منا الا ان عملنا انسحاب
تكتيكي وهنا التفت الينا ودالجعلي وقال : يا جماعة ياأخي متين الواحد يمشي مشية انسانية في هذه
البلد؟؟؟
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عثمان الخير)
|
صديق لي في الرياض ليس له علاقة بالزقازيق أو بمصر
من مدمني سودانيز اون لاين
ومتابع ومباري كتابات زهير الزناتي وين ما يكون
وعندو قناعة قوية إنو زهير ده ما عادي
في طرحو لكل بوستاتو على المنبر العام بتاع بكري ابوبكر
كنت اعتقد اني اعرف ود الجعلي عادل
لكن زهير الزناتي
وكل مايكتب حرف
يخليني اصغر اصغر اصغر
لغاية با بقيت اخجل من نفسي
بقدر ما هو عظيم هذا الرجل الذي تحكي عنه يا زهير واقصد ود الجعلي
انت عظيم يا زهير
في كل شيء
الله يحفظك
وقول لصاحبك التعبان داك يظهر شوية
عشان يكتب بي هنا
الحتة دي بتاعتو
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
شكراً يا شباب علي الكلام الجميل قربت أصدق نفسي وأعمل فيها شاكر السياب ... الكلام عن عادل الجعلي لا ينتهي وحكاياته لا حصر لها ، حاولت أن أبدأ للناس وما كتبته يعتبر مقدمة في سفر ود الجعلي والفرصة مواتية للجميع ليدلو بدلوهم ... ويا كمال زولك ده انا ذاتي مالامي فيهو ... ليهو كم يوم لابد ... أعتقد أن الكثيرين منا لديهم ما يضيفوهوا لهذا البوست ...
يا الرشيد ومحمد صديق الكلام الكبار ده مرات بيجي براهو كده الواحد لمن يكتب الكلمة لمن يكورك بعدها ودي ذكرتني نكتة لياسر السراج في واحدة من الندوات .. قال ليهو كلمة كبيرة علي ما أعتقد البراجماتية لمن لقي الناس إندهشت قام فكاها ضحكة في نص الندوة ...
طبعاً ود الجعلي من الناس المعروف عنهم البساطة في الكلام بيحاول يتكلم بلغة بسيطة ومفهومة للناس كلها ودي مدرسة صعبة شديد مدرسة عمنا نقد ... وكان بيقول دائماً حقوا نتكلم بلغة يفهمها الطلاب عشان ما يحسوا نحن بنتعالي عليهم بمعارفنا وثقافتنا ، ودي كانت مشكلة بعض اعضاء الجبهة الديمقراطية . المهم في واحدة من الندوات ماجد سقراط الله يطراهو بالخير شبك الناس بنيوية بنيوية وكانت كمصطلح طالعة جديدة وقايمين فيها مثقفي القاهرة الوافدين من السودان ، ود الجعلي بسخريته المعتادة قال لي ماجد عليك الله يا زميل لو سألونا من بنيوية دي نقول معناتها شنو ...
| |
|
|
|
|
|
|
|
|
 Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زهير الزناتي)
|
الله عليك ياالزيناتي زهير 000
اكتر واحد ممكن يقول عن ود الجعلي هو انت 0((مع احترامي للجميع)))
بس في محور مهم على ما اعتقد ساهم في صياغة شخصية ود الجعلي الزقازيقية 00
وهي شخصية الفاتح ثابت 00 ياخ دا القرين لود الجعلي عديل كدا!!!!
ولمن لايعرف الفاتح ثابت هو عطبراوي خريج صيدلة الزقازيق 1984 00 ومن كوادر الجبهة الديمقراطية المؤثرين في ذلك الوقت00
وانشاء الله يا ناس الرياض لما تشوفوهو ح تامنو!!!!
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عفاف علي ميرغني)
|
يتواصل جمال الســرد الزناتى ممزوجا بعبق الشخصية الفريده لحبيبنا ود الجعلى
أعتقد يا ميسرة ومنى اننا يجب ان نتيح وقتا أكبر لهذا الجعلى العجيب ...
حيث ان الحكاوى الطاعمة عنه ما زالت فى أدمغة الكثيرين .. وانا احدهم
فأرى ان نمدد وقت تناول هذه الشخصية لايام اخرى ..
اعـــلان ليلــة سياسية هامة اليوم بدار الاتحاد
احرصوا جميعا على الحضور .. وتابعوا معارك ود الجعلى
مع هبانى ( ود الجعلى جاب معاهو ممثلين ل.س ) زاهر ، بشير ، عادل الزاكى )
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد عيد)
|
Quote: الله عليك ياالزيناتي زهير 000
اكتر واحد ممكن يقول عن ود الجعلي هو انت 0((مع احترامي للجميع)))
بس في محور مهم على ما اعتقد ساهم في صياغة شخصية ود الجعلي الزقازيقية 00
وهي شخصية الفاتح ثابت 00 ياخ دا القرين لود الجعلي عديل كدا!!!!
ولمن لايعرف الفاتح ثابت هو عطبراوي خريج صيدلة الزقازيق 1984 00 ومن كوادر الجبهة الديمقراطية المؤثرين في ذلك الوقت00
وانشاء الله يا ناس الرياض لما تشوفوهو ح تامنو!!!! |
أعتقد الأخت عفاف قالت كلام جميل وحقائق
خافيه علينا ليتبرع أحدكم بالكتابة عن الأخ/ الفاتح ثابت
الذي ساعد في تشكيل شخصية عادل الجعلي المعروفة بالزقازيق
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
الرائعة من يا لروعتك وروعة هذا البوست .. ود الجعلى وسامية ثنائى غير عادى..
سامية شخصية متفردة .. حاسمة ورقيقة .. لذيذة ووناسة وحنينة جدا.. وود الجعلى رفيق .. صديق..
لهما الاثنين مكانة خاصة جواى
تحياتى ليهم ولاولادهم اتمنى ان نلتقيهم قريبا..
واصل يا زناتى يا صديقى يا مبدع سردك فانت موسوعة من الزمن الجميل..
شكرا منى على الابداع
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: نجاة حوفي)
|
يا فافي يا عسل .... إنت قايله خالك ده قدر حاج الركز والله العظيم الفاتح ثابت ده سمعت بيهو سمع زي حالتك كده ... قولي لي حاج الركز ولا ود البيه يكتبوا عنه وعن علاقته بود الجعلي .... الملاحظة دي كتير جداً كانت بتتقال عن ود الجعلي إنه في شبه كتير بينه وبين الفاتح ثابت ...
رايك شنو خالك ما طلع صغنوني .... قال الفاتح ثابت قال .... قوموا يا عجايز ...
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: سيف النصر محي الدين محمد أحمد)
|
ازيكم
بوست رائع زى روعتكم
قريتو كلو
ضحكت وبكيت
عادل وسامية ناس ما عاديين
عادل الجعلى عندو مكانة خاصة جواى زهير ما خلا حاجة وكل الناس الكتبت عنو ما قصرو
عادل الجعلى زميل من طراز فريد انسان بكل معنى الكلمة محب لكل الناس بعامل الناس كلها باحترام ما عادى
كان بيتعامل مع كل الزميلات بروح ابوية حتى الزميلات خارج ج د فى يوم من الايام اتعرضت لموقف من احد ازملاء وكنت زعلانة شديد فاول ما سالنى ود الجعلى مالك يا زميلة فما كان منى الا واتفقعت بلبكاء
يا زول الحصل شنو فقام واحد من الزملاء اتبرع وحكى ليهو
فقال ليهو ما بتخجل كمان بتحكى
والله الجماعة قامو يتضايرو
والاجاويد دخلو بعد داك انا زاتى بديت اهدى فى عادل
ياخ \دة حامى الحما
عادل الكلام عنو ما بخلص فى سنة 96 عمر كان عندو شغل فى جدة كنا تازلين فى شقة فى وسط جدة ومتابعين مع الجماعة الهناك بلتلفون المهم عرفنا ناس عادل فى الكيلو بس ما حيقدرو يجونا عمرقال لى اعملى عصيدة وملاح نمشى لناس ود الجعلى
المهم شلنا عصيدتنا فى رمضان داك ومشينا
بعد السلام والبكاء قالو لى تعالى بلنحية التانية فطرت مع وحدة كدة كان همى كلو اتونس مع الناس فكان عادل بيتعامل معاى بصورة ابوية اكتر من اخوية شال منى العيال يشترى الحلاوة
عارف تسطيحى مما يقرب زول بهمس يقول لى دة فلان الفلانى سلمى كويس
الناس دى يا زينب متغربة سلمى بحرارة وبلاسم
اتونسى مع كل الناس
فى رابغ حيث وجود سامية وعادل كنا دايما بنمشى لاقارب عمر فكانو بقولو لى انتى بتجى لناس سامية ما لينا
حضرت مولد عزة و كان عوض صغير
عادل بيتعامل معاهو كانو زول كبير
سامية كما فى الزقازيق زات حضور و تاثير فى الحولها علاقاتم حلوة حتى الناس الموجودين هناك كانو بيقولو لى ناسكم ناس مصر رايعين من ترابطم
الحديث عن سامية وود الجعلى يطول
حاركب مكنة نجاة حوفى واجيكم
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: سيف النصر محي الدين محمد أحمد)
|
ازيكم
بوست رائع زى روعتكم
قريتو كلو
ضحكت وبكيت
عادل وسامية ناس ما عاديين
عادل الجعلى عندو مكانة خاصة جواى زهير ما خلا حاجة وكل الناس الكتبت عنو ما قصرو
عادل الجعلى زميل من طراز فريد انسان بكل معنى الكلمة محب لكل الناس بعامل الناس كلها باحترام ما عادى
كان بيتعامل مع كل الزميلات بروح ابوية حتى الزميلات خارج ج د فى يوم من الايام اتعرضت لموقف من احد ازملاء وكنت زعلانة شديد فاول ما سالنى ود الجعلى مالك يا زميلة فما كان منى الا واتفقعت بلبكاء
يا زول الحصل شنو فقام واحد من الزملاء اتبرع وحكى ليهو
فقال ليهو ما بتخجل كمان بتحكى
والله الجماعة قامو يتضايرو
والاجاويد دخلو بعد داك انا زاتى بديت اهدى فى عادل
ياخ \دة حامى الحما
عادل الكلام عنو ما بخلص فى سنة 96 عمر كان عندو شغل فى جدة كنا تازلين فى شقة فى وسط جدة ومتابعين مع الجماعة الهناك بلتلفون المهم عرفنا ناس عادل فى الكيلو بس ما حيقدرو يجونا عمرقال لى اعملى عصيدة وملاح نمشى لناس ود الجعلى
المهم شلنا عصيدتنا فى رمضان داك ومشينا
بعد السلام والبكاء قالو لى تعالى بلنحية التانية فطرت مع وحدة كدة كان همى كلو اتونس مع الناس فكان عادل بيتعامل معاى بصورة ابوية اكتر من اخوية شال منى العيال يشترى الحلاوة
عارف تسطيحى مما يقرب زول بهمس يقول لى دة فلان الفلانى سلمى كويس
الناس دى يا زينب متغربة سلمى بحرارة وبلاسم
اتونسى مع كل الناس
فى رابغ حيث وجود سامية وعادل كنا دايما بنمشى لاقارب عمر فكانو بقولو لى انتى بتجى لناس سامية ما لينا
حضرت مولد عزة و كان عوض صغير
عادل بيتعامل معاهو كانو زول كبير
سامية كما فى الزقازيق زات حضور و تاثير فى الحولها علاقاتم حلوة حتى الناس الموجودين هناك كانو بيقولو لى ناسكم ناس مصر رايعين من ترابطم
الحديث عن سامية وود الجعلى يطول
حاركب مكنة نجاة حوفى واجيكم
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زينب التجاني)
|
ود الجعلي ما في منو إتنين في الدنيا الواسعة دي
تسلم يا دكتور سيف وكلام عين الصواب والحقيقة التي نفخر بيها
نحن معشر ناس الزقازيق.
زينب التجاني إفتقدتك كثير وإنتظرتك أكثر
لأني أعلم ماذا يعني لكم عادل ود الجعلي والحبيبة سامية
ركبي مكنة العزيزة نجاة وطرزي زي ما إنتي عايزة،،،،،،،،
عارفه يا زينب هناك سر لماذا أبكى عادل وسامية معظم الذين
كتبوا أو إطلعوا على هذا البوست ؟
هل فعلاً نحن -ناس الزقازيق- غير طبيعيين؟
لماذا كل هذا الحب والإخلاص؟
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
منى نبكى ونضحك لان رفاق الزمن الجميل لا يتكررون.نقاء .صفاء .محبة من القلب للقلب.ود الجعلى اذكر هو وود البيه فى بروفة كورال 21 اكتوبر كانوا حاضرين معانا الاداء الفردى لى انا وزينب ما فى وقت الشباب
السلم بتاعهم عالى وحسينا انه الكورال ح يبوظ.قلنا ليهم السلم عالى. وتانى كمان فقام هرش ليك كل الناس قال ليهم يا جماعة وطولهم السلم واطلعوا كلكم من الكورال خلوه لنجاة وزينب.انتوا اصواتكم دى اصلا ما طاربانا خلونا الكل ضحك اذكر ولا واحد ما حرد او طلع ولانه ود الجعلى كانت المحاولات جارية الا ان تم كل شى بنجاح. التحية ليه وربنا يديه العافية
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عمر المهدى)
|
اخونا الحبيب الريس معتصم ...
مؤكد ان جلوسكم على عرش هذه الاحتفالية يعنى لك الكثير
وانت تستحق مكانة أعلى واعلى ...
فيا ليتك تتداخل اولا وتسرد لنا باسلوبك الجميل شارحا وحاكيا
للجو الطلابى فى الزقازيق ايامكم ..
النشاط الطلابى .. الاتحاد - الاســر ... العلاقة مع الاتحاد العام والسفارة
وبعدها نقوم بتجميع استفساراتنا ومداخلاتنا ..
لك الود
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عبد الدائم سيد أحمد)
|
قبل الأسئلة والأجوبة والجلوس على الكرسي الساخن
نتكلم شويه عن الشخصية نفسها،،،،،،
الريس معتصم سليمان جعفر من أفضل وأجمل الزقازيقين
ولقد عاصرته وهو في أوج مجده ولقد كتبت عنه قبل ذلك كثير
الريس معتصم للناس الذين لا يعرفونه فقد إمتاز:
بحسن الأدب
ودماثة الخلق
والإستماع للرأي الآخر
حساس بشكل إيجابي
وجوده الإجتماعي كان ظاهر للعيان
بس كان محبوب من الجنس اللطيف ، ربما لوسامته الجذابه
ولكنه الكيس الفطن كانن بنات تجارة وبنات آداب وآخرين بدون
ذكر أسماء ولكننا كنا شهود على ذلك النحل على الخلية،،،،،،،،
والحقيقة كان معتصم أخو البنات وعشا البايتات ،، كان أخ للجميع
وصديق للجميع وكل الناس كانت بتحبه ،،، والملاحظة الخاصة بي مع
الريس معتصم كانت هناك وجه شبه كبير بيننا وكثير من الزملاء يسألوني
عن هناك قرابة مع معتصم ، والحقيقة الريس فيه ملامح كثيرة من أهلي الجعافرة
نواصل ....
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
| Quote: من مواليد مدينة امدرمان اوخر الخمسينات |
Quote: لما جاء استقبلنى فى المطار قبل شهرين كان اصغر من زهير وجادين ومحمد صديق
ومحمد حسن البرلوم حتى
|
قبل الحديث عن الريس معتصم ... دي والله ما بقدر أفوتها للريس ولا لعبد الدائم ....
بعدين ما حرام عليك يا عبد الدائم تقول الراجل أصغر مننا وهو من زمن العالي .... اها نحن ناس أساس وثانوي بس ... قال عالي قال ...
عبد الدائم بطل دفيق محلبية .... وكسير تلج الدنيا شتاء يقتل ...
وجاييكم برواقة عن الريس معتصم .... بس أمهلوني لغاية بكره نشوف المراجع في البيت ...
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زهير الزناتي)
|
مثلي مثل سامي الأنيق عرفت الريس معتصم من خلال البوست...و سرعان ما وجدت نفسي أتعرف علية كل يوم أكثر حتى فاجأني يوما ما باتصال تلفوني...فعرفته أكثر و أكثر...و أستطيع الآن أن أصنف نفسي صديقا للريس دون أي تردد...لم ألتقيه في اجازتي الأخيرة للسودان لأن الريس و لسوء حظي لم يكن قد التحق بالركب بعد رغم أنه كان عضوا فعالا في الجمعية...و لكني تابعته و هو يشارك في كل الفعاليات بعد ذلك...يغيب عن البوست و لكنه لا يغيب عن أي مناسبة أبدا...قدم نفسة كرجل شهم و كريم و حكيم أيضا...و شارك معنا بحكمته في هذا البوست...رغم تداخله الأخير الذي اعتذر فيه عن عدم قدرتة على مجاراة الشباب من أعضاء البوست...و لأننا نتحدث بشفافية لم تعجبني هذه المداخلة وقتها...لأننا و منذ أن طليت علينا كنت اضافة كبيرة لنا...
للريس مكانة عظيمة في نفسي رغم اني لم ألتقية و أعتقد جازما ان هذه العلامة ستزداد متانة و قوة بمجرد أن ألتقي الريس...
كل الأماني الطيبة للريس معتصم و لأسرتة...
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
سلامات يا ناس
سلام يا منى وللريس ميسرة
الريس معنصم ...شخصية تستحق ان يّلقى الضوء عليها
كان للجمعية الفضل الاكبر فى معرفتنا به...
اهم حاجة فيهو انو راجل مبادر وسبّاق...
كل مشاريع الجمعية التى نوينا القيام بها كان هو
من السباقين الى دعمها منذ ان كان عضوآ عاديآ ولم
يدخل الى اللجنة ...
برضو من الاشياء التى يمكن ان تضىء جوانب شخصيته انو
رجل حمش...تذكرون كلكم تصديه للناس بتوع المنبر العام
الكانوا شانين علينا حملة ....وانا كنت بشوف كل حرف
كاتبو الريس كان شايل عكاز ومتحزّم...
والحديث كثير ...
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
شكرا منى
شكرا ميسرة ..
تحياتي الصباحية الحلوة ..
ويتواصل الألق الجميل
والتواصل الحميم
الريس معتصم سلمان جعفر ...
شخصية من زمن الحميمية الراقية والأخوة الصادقة ..
تعاصرنا ولكننا لم نلتقي ..
ضمنا حضن الأم الرؤوم .. فأحسسنا بدفء حنانها سويا ..
لنعود وتجمعنا صفحاتنا الزقازيقة هذه بعد كل تلك السنين ..
وفي الخاطر بقايا من ذلك الدفء ..
له مني كل التحية والتقدير والأمنيات الصادقة بلقاء قريب ..
وأسأل الله أن يبارك له ويقر عينه بأبنائه النجباء
وأن يمده بالصحة والعافية وطول البقاء
الشكر مجددا لك أخت منى على هذا الألق والتواصل ..
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عبد القادر بابكر)
|
كلنا متابعين ...
عن الرجل الانسان الذي لاتملك الا ان تحترمة
وتنتظر الكثير لتكتمل معرفتنا به من خلال هذا الحوش ...
انا زي الرشيد وسامي والكثيرين .... جمعنا هذا الحوش
ومشاعرنا تجاه ... كأننا نعرفة من زمان ...
فهو ريسنا قطع شك ...
كل الود والاحترام ...
========================================
مني والريس ميسرة ...
معليش مشاركة صغيرة ... وخايف ماتشوفوها
زي مداخلة عادل الجعلي وسامية
منتظرين الكثير من هذا البوست الرائع ... بصمة بالعشرة
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ياسر نجيلة)
|
بسم الله الرحمن الرحيم
الحمدلله الذى جمعنا على محبته وتحاببنا فيه لا لشئ سواه
والتحايا والاشواق لكل افراد قبيلة الزقازيقاب فى شتى بقاع المعموره
والشكر من بعدالله للاخت منى يونس وهى تستضيفنى بصالونها العامر دوما
بالزقازيقاب كيف لا وهى سيدة بيت ودسيد احمد بلا منازع وهناك يقف منصور
شاهدا على كرم هذا الصالون واهله فشكرا اخت منى شكرا ريس ميسره.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: معتصم جعفر)
|
الاخ عبدالدائم النضيف
<فجركى > مازلت اضحك كلما اتذكرها
عايز تولع لى النار مع < الابن > الزناتى مالك زهير ده
ما بنقدر على زعلوا انا براى العجوز من سنة حفروا البحر
بعدين الحاجه الله يديها العافيه انسانه بركه وزوق حرم كان
ما شربته المويه الا تشيله معاك ياخى دى فاتت الطيبه بيغادى
ربنا يديها العافيه.
تحياتى والاسره الى النضيفات الصغار وامهم
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: معتصم جعفر)
|
الاخ عبدالدائم النضيف
<فجركى > مازلت اضحك كلما اتذكرها
عايز تولع لى النار مع < الابن > الزناتى مالك زهير ده
ما بنقدر على زعلوا انا براى العجوز من سنة حفروا البحر
بعدين الحاجه الله يديها العافيه انسانه بركه وزوق حرم كان
ما شربته المويه الا تشيله معاك ياخى دى فاتت الطيبه بيغادى
ربنا يديها العافيه.
تحياتى والاسره الى النضيفات الصغار وامهم
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: معتصم جعفر)
|
الاخ ميسره.....الرد على سؤالك عايز مجازفه مع بت الشيخ
عشان كده اقلبوا الصفحه سريع.
فعلا كنت اتمتع بعلاقات اخويه قويه جدا مع كثير من الزميلات
وكمثال عندما اتت احدى الزميلات الى الكليه اول مره جاءت تبحث
عنى بالاسم فقد كانت جارة خالتى ببورسودان وقد اوصتنى بها كثيرا
فكنت نعم الاخ لها لدرجة ان فسرها البعض على هواه.
ليس هناك سبب لعدم ارتباطى بالزقازيق سوى القسمه وقدحصل ان
ابديت اعجابى بزميله وكان شاكوش بالابراج اى ان برجى لايتفق مع
برجها.. الاسده ما بتتفق مع القوسات!!!!!!!!!!!هذا ماقالته
ومن وقتها فارق القوس الاسد لان القدر كان يخطط لان يقوده هناك حيث
التقيتهاو تعانق قلبانا وقبلت اناملى انامل يدها...فاذا بالدنيا
زهره.. وحياة بعد موت فكانت ام سلمان وكان سلمان
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: معتصم جعفر)
|
Quote: ليس هناك سبب لعدم ارتباطى بالزقازيق سوى القسمه وقدحصل ان
ابديت اعجابى بزميله وكان شاكوش بالابراج اى ان برجى لايتفق مع
برجها.. الاسده ما بتتفق مع القوسات!!!!!!!!!!!هذا ماقالته |
يا ريس في صفحة الذكريات قد تعود
بنا الذكرى إلى ايام خلت وعناوين تاهت
ولكن تبقى الزقازيق وناس الزقازيق هم البخور
الذي يعبق هذا المكان .
وتعليقي على إجابتك دي الكبير كبير والنص نص والصغير ما نعرفوش
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
على ما أذكر يا ريس كنت عضو لجنة
تنفيذية لأسرة كلية التجارة ورئيسة الأسرة
كانت الزميلة عفراء ،،،
بدوري كتبت عن هذه الأسرة السنة الماضية ولكن أنت
كنت الأقرب لأن هذه الأسرة كانت رئيستها إمرأة وكنا نسمع
لعن الله قوم ولوا أمرهم إمرأة ، وكنا نسمع بأن الشيوعيون سيطروا
على الأسرة وكنا نسمع الكثير المثير
وقد إستمر أثرها لعدة سنوات من بعدكم ،،
نأمل أن تكتب لنا عن هذه الفترة الجميلة!
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: حنان مجمر)
|
عفراء او عرفه سهل
زميله عزيزه ودفعه بالكلية ومن بنات اليسار المميزات
لها التحيه اين ما كانت واستميحها فى هذا السرد
قبل انتخابات اسرة الكليه بفتره دعانا الاخ عمار زميلى
بالكليه من ناس القضارف وكان شاب متدين من غير التزام سياسى
دعانا الى اجتماع كانت عفراء من الحضور وبعد ان حمد الله بداء
فى الحديث عن ضرورة عدم ترك الاسره للسياسيه وخاصه الشيوعيين!!!
ولابد من الاستعداد لخوض المعركه!!!
كم انت كنت طيبا اخ عمار فمن حيث لاتدرى قدمت محضر اجتماعك السرى
على طبق من فضه للجبهة الديقراطية, وقد كان ففى نفس الليله قابلنى
صديقى اليسارى وقال مداعبا كونتو اسرة الكليه مبروك وكانت كل التفاصيل
طرفه.
بالطبع كانوا قد وضعوا خططهم وتمت اتصلاتهم ووزعت الادوار الا ان الانتخاب
جاء بى وسطهم فماذا هم فاعلون, جئنا الى اجتماع تكوين الاسره وكانت اللجان
مقسمه مسبقا بين عفراء سيف حسن والبقيه ممن تمت استمالتهم فكانت عفراء
رئيسة للاسرة لما يحمل ذلك من دلالات مقصوده ولم تكن عملية تقسيم المكاتب
الا شئ شكلى كنت فيه مكبلا.
رقم ذلك تم عمل الاسره ولا زلت اتذكر اصبع الريسه مرفوعا يازميل انضبط.
نواصل
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
يا ريس يعنى قصة الابراج دى مبالغة
لكن بسال انتو (زمنكم ) كان فيهو حانكيش برضو يعنى قصة الحنكشة دى ما وارد - جدة - الاصلى وموجود فى السودان من زمان كدا يعنى من زمن ناس مهيرة بت عبود ولا شنو قال ابراج قال حنكوشة شنو دى ولا الحنكشة كانت موضة الزمن داك
نحنا فى زمنا كان فى موضة اسمها - مامى سيدة مجتمع - بتستخدما البنات للتعبير عن ان امها - متفرغة للطبيخ والقطية وكدا يعنى - اهى دى سمعت ليها شوية - كسرتين فى فلم مصرى من نجلاء فتحى ولا سعاد حسنى الله يرحمها - قالت تطبق النظرية ووقعت فيك يا ريس لكن بركة الوقعت فيك ما كان ليمت فى ام سلمان كان ندمت ندامة شديدة
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مجتبي فاروق)
|
العزيز مجتبى لك منى الف سلام
ياخى بالغته انته قالو ليك نحنا حفرنا الترعه ولا شنو!!!!
والله قالو ليك كان فى جنس حنكشه وجنس بارتى ورقيص شىى اسلو <ولى موقف منه>
وشى ما عارف اسمو شنو داك وناس مربيه تفف وناس لابسه شارلستون وناس ناس ناطقه
القاف كاف حتى صارت القوه ...كوه وناس جابت البرموده موضه فضحك الشارع معلقا
بالسخريه المعهوده < هوالقماش قصر ولا ايه>
تقول لى منو وتقول لى شنو
مع خالص حبى
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
الاخ العزيز الريس ميسره
كان زميلى فى السكن المرحوم مصطفى ابراهيم عمر علية رحمة الله من اليساريين الناشطين فى ذلك الزمان
هذه من الاشياء التى جعلت البعض يحسبنى يساريا كذلك كنت اتمتع بعلاقات جيده مع بعض الاسلامين مع صداقه
لاولاد امدرمان المايويين والاتحادين الا اننى لم انتمى الى اى منهم فى اى مرحله فقد كنت مع الحق اين ما وجد
كنت فى الجمعيات العموميه اهاجم الاخطاء اين ما كانت.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: معتصم جعفر)
|
السلام عليكم
العزيز ميسره
او اشكرك على اصرارك على احياء الا وجعلها اكثر حركه فكما تفضلت الاخت منى ان الجميع بالبوست
او الغالبيه لمن يعايشونى وهذا سبب مقنع جدا لضعف الشاركه ولو كنت مكانهم لساءلت نفسى < ده يسالو
عن شنو كمان فالمعايشه هى وحدها تولد الاسئله لذلك لا نطالب الناس بما لا يملكوه وليتحرك القطار الى
محطة جديده والشكر الكثير لك وللاخت منى على هذه الاستضافه وادعو الله لكم بالتوفيق دوما والنجاح
والشكر لكل الزقازيقاب
بخصوص سؤالك الاول اقول بكل بساطه ان احترام الاخرين والتعامل معهم باخلاق ومثل وزوق
لا محاله يولد الثقه ويكون الاحترام متبادلا فلا اذكر اننى قد قللت من احترام احد او تعديت على
حقوقه .خاصه الاخوات.
اما الحضور الدائم للحفلات كان ذلك بالسنه الثالثه وربما كنت املك الكثير من وقت الفراغ لانى
كنت ربيتر فسجلت انتشارا ملحوظا وربما بسبب العلاقات الواسعه بكل الكليات والتى كان من اسبابها
السكن مع ناس حقوق وصيدله طوال تلك الفتره وكان الجيران دائما ناس طب وعلوم اما ناس زراعه
وبيطره فقد كان عامنا الاول معهم حينما كانت كلية التجاره مع زراعه والسكن لاكوز
اما الشخصيات التى لا انساها فهى كثير وكل منها اروع من الاخرى واسمح لى ان اؤجل الكتابه
فى هذا الموضوع الى بوست اعد له تحت مسمى اوراق زقازقيه يتناول الكثير من الذكريات والصور
وسرد من بعض من سبقونا او عاصرونا وقد قابلت الكثيرين منهم
مع خالص الود
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: معتصم جعفر)
|
ونحن نرد بقوة : الريس معتصم ...شخصية تستحق ان يّلقى الضوء عليها
نيابة عن الأستاذة منى يونس وأصالة عن نفسي فلن يبرح قطار الشوق محطة الريس معتصم
حتى تأتي الفكرة أؤكلها على الرغم من الإمتحانات ولكن ننتظر من ناس السودان أكثر المشاركات
فما زال الليل طفلاً يحبو وما زال هناك الكثير المثير وجايك الشادي بكثير من الدرر المفرحة حسب
ما حكي لي يوم أمس الجمعة بالهاتف وكنت أنت محور حوارنا وذكرياتنا والمهم لم نجد إثنين إختلفوا
في رؤيتهم عن شخصك الكبير ،،، لسه الوقت بدري يا ريس.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
التحية ليك يامنى وقطارك يتوقف بينا في محطة الريس الراقي معتصم
بيني وبين الريس عشرة (10) سنين زقازيقية مابين تخرج كل منا 000
ولكن اشد ماهزني لما جاء المطار لوداعي مع احبابي الزقازيقيين
اللي يجمعني بيهم الكثير على ارض الزقازيق 00 حقيقي تركت اثر في جواي
واندهاش من علاقات ناس الزقازيق النادرة 00
تصدق ياريس معتصم كل مانكون في مجتمع تجي سيرة ناس الزقازيق وسر ارتباطهم ببعض
بحكي قصة حضورك المطار كنموزج!!!
تحياتي ليك 00 ولاسرتك الجميلة 000 وربنا يخليك ليهم 000
تخريمة صغيرة 000
انا زي النضيف اتفاجأت (بانك اصغر من زهير)00
كنت متخيلاك قدر قدورة العجوز ومنصور الابنوسي 000
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زهير الزناتي)
|
العزيز ميسره
سلامى واشواقى
اشكر لك وقوفك الاخوى الصادق
اتمنى من الله صادقا ان اكون دوما عند حسن الظن
وان اوفى ولو بالقليل مما كتبت
اكرر شكرى
================================
الرائعه عفاف
انا اتعقدته واتحيرته
كان قلته الاخت ظلمتك عمرا
وكان قلته الابنه ظلمته حاج الركز
طبعا زهير احتج بشده على كلام النضيف فى مسالة العمر
وكتر خيرك العززتى الكلام واعزز اكثر انه حينما زارنى
العزيز زهير بصحبة بعض الاخوه الزقازيقاب جاءتنى بنتى
علا قائله< لا حوله يا بابا العجايز ديل اصحابك>
شكرا العزيزه عفاف تحياتى لحاج الركز والجيفارات
مع خالص الود
==============================
ميسره000 التفه والشعر الكثير كانت لها فائده كبيره
بالنسبة لى كان حينها لا بد من استخراج شهادة قيد من
الكليه والذهاب بها الى المجمع بالقاهره لعمل الاقامه
طوال العام الدراسى. كانت جوازات الزقازيق تعطينا اسبوعان
على الاكثر.
ذهبت بهذه التفه الى جوازات الزقازيق فوجئت بالموظف
يشير الى وهو يصيح شطه والنبى هوشطه ذات نفسو<لاعب الاهلى شطه>
فقلت له شطه ابن عمتى وكانت التفه سبب اخذى الاقامه من الزقازيق
دون عناء الذهاب الى القاهره.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زهير الزناتي)
|
العزيز ميسره
سلامى واشواقى
اشكر لك وقوفك الاخوى الصادق
اتمنى من الله صادقا ان اكون دوما عند حسن الظن
وان اوفى ولو بالقليل مما كتبت
اكرر شكرى
================================
الرائعه عفاف
انا اتعقدته واتحيرته
كان قلته الاخت ظلمتك عمرا
وكان قلته الابنه ظلمته حاج الركز
طبعا زهير احتج بشده على كلام النضيف فى مسالة العمر
وكتر خيرك العززتى الكلام واعزز اكثر انه حينما زارنى
العزيز زهير بصحبة بعض الاخوه الزقازيقاب جاءتنى بنتى
علا قائله< لا حوله يا بابا العجايز ديل اصحابك>
شكرا العزيزه عفاف تحياتى لحاج الركز والجيفارات
مع خالص الود
==============================
ميسره000 التفه والشعر الكثير كانت لها فائده كبيره
بالنسبة لى كان حينها لا بد من استخراج شهادة قيد من
الكليه والذهاب بها الى المجمع بالقاهره لعمل الاقامه
طوال العام الدراسى. كانت جوازات الزقازيق تعطينا اسبوعان
على الاكثر.
ذهبت بهذه التفه الى جوازات الزقازيق فوجئت بالموظف
يشير الى وهو يصيح شطه والنبى هوشطه ذات نفسو<لاعب الاهلى شطه>
فقلت له شطه ابن عمتى وكانت التفه سبب اخذى الاقامه من الزقازيق
دون عناء الذهاب الى القاهره.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: معتصم جعفر)
|
اقامة شنو يا معتصم
هو زمنكم كان القعاد فى الزقازيق الا بالاقامة !!
يعنى الماعندو اقامة بكشوهو بودوهو الترحيل ..
يجى السكرتير الثقافى يطلعو ولا كيف ...
غايتو فى زمنا الناس دى مطلوقة فى البلد ساكت من غير
جواز ولا شهادة قيد حتى ....
لو انا حضرت الزمن داك كنت حاشتغل مع ناس الجوازات وابلغ عن
ناس كتار ،،، جننونا بالانتشار ..
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
والله البوست بتاع القاء الضوء على اخونا العود المعتصم جعفر ده
اكثر بوست حيرنى يا منى يونس ويا معتصم ويا ميسرة ويا كل المتداخلين
اوريكم حيرنى كيف
يوميا وبصورة منتظمة تقريبا اقيف فيهو واشمر الساعدين واكفكف واقول بسم الله
القاهو راح منى
مرة بسبب الأنشغال
ومرات لعدم كفاية الزمن
ومرات تانية كتيرة لتزاحم الأفكار وتسارعها قدامى وفلتانها من بين الأيادى
انا بالنسبة لى معتصم سليمان جعفر
فترة زمنية خصبة وغنية ولدنة وطرية
بداياتى فى الزقازيق فى العام 1982
كانت اروع السنوان واجملها
بالرغم من انى قريت زراعة , لكن اصلوا ما سكنت غير فى المساكن التعاونية
كان فى الشقة معانا من السناير الأحتضنونا وادونا خبراتهم وظللوا علينا بالأهتمام والرعاية
اخوانا ناس سيف الدين مبارك كركساوى , طارق الحلاب , واحمد المعتز حسن محمد على
والتلاتة من امدرمان , وتحديدا من مناطق ابوروف وبيت المال وسوق الشجرة وود ارو
ناس امدرمان الزمن داك , هم الكانوا طالعين فى الكفر فى الزقازيق باعتبارهم اغلبية وتضامنهم مع بعض يشبه تضامن الأهل
اول مرة اشوف معتصم سلمان , ويجوز انو هو زاتو ما يكون متذكر دى
ويشترك معاى فى ذلك كمال الشادى
كان بسبب سؤال معتصم جعفر ورعايته وحرصه على برلوم معانا (امدرمانى من بيت المال برضو )
وهو زميلنا المختفى من ايام التخرج والعرفت بالصدفة مؤخرا انو فى امريكا او كندا ما عارف
اخونا كمال جابر ود بيت المال (تتذكروهو يا كمال الشادى وميسرة ومعتصم ؟؟)
كان معتصم سنيرا مميزا بشاله اللابسو طوالى داك , وهو صديق ورفيق سكن كان لمجموعة من اولاد طب سكنا جنبهم انا وميسرة وكمال الشادى وكمال جابر ومحى الدين وخالد نوح وعبد الحى اسحق
وديل يا كمال بنتذكر منهم مع حسين شنقراى
دكتور خليل
دكتور هاشم البنا , دكتور ازهرى حمدتو
تعرفنا على معتصم من تلكم الأيام الجميلة يا منى يونس , ولكنى ساحكى عن زيارتى الخاطفة ليهو فى البيت خلال زيارتى الأخيرة للسودان
وتعرفى على اسرته الصغيرة الجميلة والراقية قريبا
معتصم سليمان جعفر , زقازيقى من الزمن الجميل , امدرمانى عتيق , مليان بالحياة والمشاعر الجميلة الصادقة
فليجلس على دست هذا البوست ويتكىء مرتاحا
فنحن نحب طلته وبروزه ,كما ان احساسنا بقربه منا , فى البوست وفى الحياة العامة
مبعث مستمر وموقد لا ينطفى ء
لدواخل اكثر جمالا
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: منصور عبد الرازق)
|
Quote: ميسره000 التفه والشعر الكثير كانت لها فائده كبيره
بالنسبة لى كان حينها لا بد من استخراج شهادة قيد من
الكليه والذهاب بها الى المجمع بالقاهره لعمل الاقامه
طوال العام الدراسى. كانت جوازات الزقازيق تعطينا اسبوعان
على الاكثر. |
والله يا ريس كنت بعتبر نفسي من قدامى
الزقازيقاب وعارف كل حاجة من دستور 76
ولكن مسألة الإقامة دي جديده علي خالص
أول مره اسمع فيها إنه كان في إقامة ،،،
كفيلكم كان منو.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: معتصم جعفر)
|
عودة المرحوم--امدالله فى ايامه
===========================
جاء من السودان لقضاء الاجازه مع اخيه وزميلى فى السكن د\مجدى الزين
كان هشام الزين شابا ظريفا قضى معنا ايام جميله بشقتنا بالزقازيق وكون
الكثير من الصداقات وجعل الشقه تضج بالحركه,جمع هشام الزين اغراضه وودعناه
فى حفل بهيج ليعتلى قطار الصعيد فالباخره لحلفا وعادت الشقه الى هدوئها النسبى
وما كانت تعلم انها ستعج بحركة المعزين فقد جاءت الاخبار تحمل نبا كارثة غرق الباخره التى سافر عليها ضيفنا
واصبحنا نصبر مجدى بان اخاه انشاءالله من الناجين الا ان رده بانه لايعرف العوم يعود بنا
الى حالة من الاحباط تجعل حالنا ليس باحسن من حال مجدى الذى كان منهار تماما.
مافى انسان بموت ناقص عمر او بمرض انما هى اسباب ولكل اجل كتاب .هشام الزين لم ينشر
اسمه مع الناجين باخبار اليوم ولكنه نجا عاد سالما فقد وجد نفسه مرميا على الشاطى وهو الذى يغرق بشبر مويه
كيف لايعرف لماذا لم تقرصه العقارب من حوله لايعرف انها ارادة الحفيظ جل وعلا له الحمد
والشكر .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: طارق جبريل)
|
الاخ العزيز معتصم سليمان جعفر
تحية إحترام وتقدير وبعد
عارف إني مقصر في حقك
لكن عايز اعوضك رأيك شنو ؟
عايز اخش معاك في مسابقة
انا وكل ناس الزقازيق ضدك
انا راح انزل ليك مجموعة من الصور أعتقد ان بعضهم عاصرتهم وبعضهم تعرفت بهم فيما بعد
لكن لانو الصور قديمة فهنا تكون المسابقة
مطلوب منك تعرف اكبر عدد ممكن من الناس الفي الصور
والشباب راح يساعدوك برضو بشوية تلميحات ( ده إذا هم عرفو حاجة )
اليوم راح انزل ليك اول مجموعة وهي 10 صور
حاولت اخليهم كوكتيل شوية تجارية وشوية بيطرة وشوية زراعة وشوية طب وشوية صيدلة وحقوق وغيرو
رأيك شنو في المسابقة يا ريس
الان إلى الصور
إنتهت المجموعة الاولى
| |
|
|
|
|
|
|
| |
زهير الزناتي
طارق جبريل
الرشيد بابكر
كمال الشادي
عبد الدائم سيد أحمد
ميسرة سيد أحمد
مني يونس
مجتبي فاروق
منصور عبد الرازق
جلال عثمان
عبد الحميد البرنس
مشاعر بدوي
محمد صديق
عفاف علي ميرغني
محمد عيد
نجاة حوفي
مدثر أبا يزيد
زينب التجاني
عمر المهدى
سامي عبد الوهاب إدريس
عبد القادر بابكر
ياسر نجيلة
معتصم جعفر
حنان مجمر
فيس بوك
تويتر
انستقرام
يوتيوب
بنتيريست