|
|
 Re: ولمن فاتهم الاستماع ..... (Re: الرشيد بابكر)
|
Quote: الشريف يوسف الهندى والذى قال عنه فى كتاب الغنا :
( والشيخ الحاردلو وإن كان ملِكآ فأنّه نابغة زمانه فى الشعر كأمرىء القيس فى المتقدمين
فهو أمير الشُّعراء بلا خلاف )
|
يا كوتش نلاحظ هنا ان أول من فطن للتشابه بين امرؤ القيس و الحاردلو هو الشريف يوسف الهندي...ربمايكون قوله هذا هو الذي حث ود القرشي الى عمل هذه الدراسة...
| |
 
|
|
|
|
|
|
|
|
Re: ولمن فاتهم الاستماع ..... (Re: الرشيد بابكر)
|
الخميس الفات
لمة ناس الزقازيق
بتاع الساوند جاب لينا وجع القلب
ما بعرف يوزن الساوند
وما جاب معاهو ( الجاكات ) بتاعات الاجهزة
( في ناس سطحو هنا )
والاهم ما جاب معاهو ستاند للمايك
المهم الاخ الكريم قيس جمال الدين كان ماسك لي المايك وانا بغني كتر خيرو
فجأة خت قدامي ورقة مكتوب عليها
( نفسي في داخل اعاين )
قلت لي قيس والله يا قيس ما حافظها
----------------------------
رجعت البيت اول حاجة عملتها
حفظت الغنية كلمات وعزف وغناء
رأيكم شنو نقرأها مع بعض
------------------------------
حلوة عينيك
د.بشرى الفاضل
نفسى فى داخلك أعاين
وأروى روحى وأشوف منابعك
يا سلام
الصحرا فى عينيا تتواثب جناين
ماخدة صوتك من جداول
وما خدة صورتك من كهارب
مولداً ميدانو حافل
كلما يصبـِّح ...
تجيهو الناس جحافلْ
يا سلام .... يا سلام
**********
لمـّا تعبرى فى الشوارع
شوفى كيف الناس تصارع
ناس تطفـِّر ..
وناس تدفـِّر
فى البشابى على نجومك
وفى البخبْ .. كايس تخومِك
وكل زول من عِنْ سُلافك ..
لا لا .. قال دايرلُو كاسْ
********
مرّة طربان .. شلت صوتك
شان أغنى..
قلت آه ياليل .. وآه
إنتى أول .. وإنتى تانى ..
وإنتى تالت .. وإنتى رابع
نافرة زى صيد الخلا
وصافية زى نبع المنابع
وقلتى لى غناى .. خلاص
*******
حلوة عينيك زى صحابى
عنيدة كيف ... تشبه شريحتين
من شبابى
حلوة عينيك زى صحابى
وزى عِنب .. طوّل معتـّق
فى الخوابى
وسمحة زى ما تقول ضيوفاً ..
دقـّوا بابى
.. فرحى بيهم سال .. ملا ..
حتى الكبابى
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
محمد سعد دياب
شاعر سوداني عرفته وقرأت له أول مرة وانا في الزقازيق
عرفت كتاباته اول ما عرفتها بواسطة الاخ خالد نوح - تجارة - اقتصاد
من اولاد القضارف
وخالد صديق عزيز
كان يقرأ الشعر وهو يبكي
أول مرة أشوف واحد يبكي من قراءة الشعر
كان خالد نوح رجل حساس لدرجة تستمع بصداقته والجلوس معه
دائما اشهر قصائد الشاعر هي ما يغني له
مرة قال حسن ساتي رحمة الله عليه في التلفزيون
انه كلما يكتب قصيدة يرسلها لمحمد وردي
عساه يغنيها وشرح ذلك بأن حنجرة الفنان تخلد القصيدة اكثر من الديوان وأكثر من اي شي آخر
لذا وانا اتناول بعض قصائد هذا الشاعر الجميل
دعوني امر اولاً على اشهر قصائدة التي غناها له النور الجيلاني
رغم أن اللحن جميل جدا وامكانيات النور الجيلاني لا يعلى عليها
إلا ان الكلمات كانت تحتاج إلى لحن فيه مخاطبة وجدانية ومناجاة أكثر من اللحن الذي غناه النور الجيلاني
إليكم القصيدة الاولى للشارع محمد سعد دياب
---------------
( مادلينا صبية تقطر حلاوة وفتنة لاحد لها يكاد كل شيء في جسمها يصرخ اغراء ودعوة. يقال ان اباها يوناني نزح من اثينا وحط رحاله بأثيوبيا وتزوج امرأة من قبيلة لامهرا الشهيرة وانجب مادلينا )
مادلينا
اغنية رقت لحنآ ورنينا
مادلينا
عينان رحاب من صحو
وشفاه تزداد جنونا
مادلينا
الشعر خيات سكري
وخطاها تمطر تلحينا
مادلينا مادلينا
سمرتها عفوآ صحبي
فالوصف يعز احايينا
مادلينا مادلينا
الام سليلة امهرا
والوالد من قلب اثينا
ترك الاهلين ذات مسا
وترنح برآ وسفينا
مادلينا مادلينا
الغرب اتي
والشرق اتي
وتلاقت قمم يامرحي
فعطاء اللقيا مادلينا
الام سليلة امهرا
والوالد من قلب اثينا
وابوها
وبرغم رزاياه يكفي
ان اهدي الدنيا مادلينا
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
عيناك والجرح القديم
ديوان شعر رائع للفنان الشاعر محمد سعد دياب
أهداني اياه الصديق الجميل جمال فارح ايام الزقازيق
وكتب عليه إهداء رائع لشخصي
---
اخترت لكم منه هذه القصيدة
----
وكنت احدث عنك الدوالى
وكنت احدث عنك النهارا
احدثها عن عيون تتوه
بهن الأماسى .. وتمشى سكارى
وشعر ترامى على الكتف يهفو
لوعد المساء يضيق انتظارا
وكنت اباهى بعينيك زهوا
اطاول كل الوجود افتخارا
كتبت لهن مقاطع شعر
كضوء الصباح تشف اخضرارا
وكان هوانا حديث الرواة
سقيناه نبضا وعشناه دارا
نقشنا على كل نجم حروفاً
لميعاد حب نقشنا الجدارا
يهش المساء اذا نحن جئنا
وتهفو الدروب تطل انبهارا
ويسألنى عنك عشب الطريق
لكم اوحشته خطاك مرارا
***
ولما افترقنا .. ظننت هوانا
لقد مات عمراً .. ومات مزارا
وألقاك بعد السنين .. وآه
إذا ما صحا السوق نبضاً ونارا
وأعجب ... ما غيرتك السنين
ولا العمر من فوق ( خديك ) سارا
وخصلات شعرك مثل المساء
رقدن على الكتف ... تهن حياري
***
أحبك ... ما كان عندى خيار
وهل عند عينيك ألقى خيارا
لتبقى عذاباً لنا الذكريات
وتدمى الفؤاد إذا الشوق ثارا
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
معليش يا شباب
كترتها صاح
دي آخر واحدة لانها شديدة جدا
-----
قراءة’’ متأَنية’’ فى دفترِ الشَّجَن
هذا الذى يجتاحُ أَعراسَ العيونِ
ويستقرُّ على الحَدَقْ
هذا الذى صبَّ النجيعَ المُرَّ فى كلِّ العروقِ
وشلَّ ناصيةَ اللسانِ كأنما ما انداحَ يوماً بالصَّهيلِ العذبِ
أَو يوماَ بلألاءِ الأَغاريدِ الشواردِ قد نطقْ
ماذا أُسمِّى .. والمَدَى..
جزر’’ من الأَحزانِ..سَيَّجت النُّبوءاتِ التى رفَّت كلمحِ الومضِ حيناَ..
ما بقينَ .. ولا ارتوينَ من الرَّحيقِ غداةَ أظلمتِ الطُّرُقْ
الأُمنياتُ على شفاهِ الطلِّ يبكى الياسمينُ ببابها..
ذُبِحَتْ بكارةُ عشبِها.. وانزاحَ عن وجهِ الضُّحى الطَلْعُ المُرَجَّى..
أقفرَ المَنْحًى .. فلا إيماءة’’ بكر’’ تشِعُّ.. ولا شراع’’ ينطلقْ
تتقاطرُ الأوصابُ فى ليلِ الرَّزايا
والحشاشاتُ النوازفُ آهةً ..زفراتُها مَوَّارة’’ .. لاحبلُها انقطعت خواصِرُه
ولا نهرُ السَّديم أَصابه بعضُ الرَّهقْ
أشتاقُ أنْ أُحاصرَ م تَسِفُّ الريحُ
أحتلبُ الأمانى الزَّهراتِ ..فلا أَرى إلاَّ السَّرابَ بها اندفقْ
باتت عروشُ الشمس ِ نعشاً
والسهوبُ الشاسعاتُ.. على المدارِ تسيلُ آمالاً منكَّسةً.. وأفئدةً تَغصُّ نياطُها
كُرَبَاً .. وتنكأُ فى السَّرائرِ دمعةً حَرَّاءَ..تغتالُ الصَّفاءاتِ العَبَقْ
عبثاً أُنقِّبُ فى خباءِ الذاكراتِ
لعلنى ألْقَى النَّوازلَ أوقدتْ خيطاً يُدِرُّ النَّفحَ ..أُبصرُ شمعةً حُبْلَى
تًرِفُّ على فمِ الشُّرفاتِ برقاً قد ترقرقَ زاكياً..عذبَ النَّسَقْ
يا حينَ تطرقُنى الطُّيوفُ
يدورُ عمرى كله.. أَتجرعُ الأَشلاءَ .. تسحقنى المحارقُ..
عاثَ فى عظمى اللظى والتفَّ .. ما خَلَّى على مجرى السنينِ هناك جنباً
قد نأَت عنه الحُرَقْ
غدتِ الوجوهُ.. وَكُنَّ حسناً قد توضأَ بالصَّباحاتِ البتولِ..متاهَ أشلاءٍ
هوت حَيْرَى غلالاتُ الحريرِ الى مِزَقْ
هو خنجر’’ قد غاص فى عصب ِ الوتينِ..يصبُّ قسوةَ مايشظِّيه الجحيمُ
يجوسُ..يطفىءُ لحظةً قد خُصِّبت فرحاً..
وباكرها من الرَّيْحانِ غصن’’ قد تأوَّد بالغناءِ العذبِ
طار يرشُّ بالزَّهرِ الموشَّى بالهناءاتِ الأُفقْ
سَرَتِ النَّواظر فى فجاجِ التيهِ..يشتعلُ السؤالُ
متى يحطُّ الجمرُ رحلاً راعفاً.. ياتى لخاتمةِ المطافاتِ انكسارُ القلبِ
يهجعُ ساحل’’ ما انفكّ فى قيعانهِ المدُّ المدفّى يصطفقْ
هذا النسيجُ المستجيشُ الصَّهْْدً يكتبُ سيرةَ الخسرانِ
يحفرُ فى الخوافقِ وحشةَ المنفى..
ويُسْكِتُ خاطراً تزكو الشَّواهدُ عنده
وتصوغُ إحساساً ربيعىَّ الحواشى ..كم خَفَقْ
أغفو لأرسمَ فى الغدائرِ هالةَ القمرِ المُفَضًّضِ
أمنحُ الأكوابَ دندنةَ الذُوًاباتِ الرَّواحلِ والأزاهيرِ النّشاوًى
أُلبسُ الأرجاءَ ألف غلالةٍ تنسابُ إيحاءً يَرِقْ
تنشقُّ فى قلبى الجدوالُ حسرةً..
الليلُ كان ظِلالةً أعطتْ حقولَ المسكِ
والتفاح رونَقَها المموسق بالصِّبا..
كأن الزَّمانُ هو الزَّمانُ أَراه فى كفِّى يزوالُ طيفَه.
ويغيبُ..ينطفىءُ الرَّمَقْ
يا ها هناكَ المزنُ عرَّشَ فوقنا
تتعانق الأشواقُ فى أهدابنا .. ويرنُّ فوح’’ جال َ نعناعاً يَحِنُّ
ومهرجاناً للشروقِ فيولدُ المعنى .. يجيشُ الحرفُ
يرحلُ عن أماسينا الغَسَقْ
ولّى الأوانُ المانحُ الصّحوَ الجميلَ عُجالةً
سَلَتِ الطُّيوب الفِيحُ أيكتَها
وأمحلتِ البيادرُ..قد جَفَتْها رشةُ المطر المُعَنَّبِ..
وائتلاقاتُ العاصفيرِ العذارى رنَّقت فوق السَّنابلِ بهجةً..
وَخَبا حوارُ الرملِ.. وانطفأ الأَلقْ
إستُشْهِد الدُّرُّ الذى وَشَمَ استدارته على ورقِ البنفسجِ
كان توَّاقاً لهمسِ المستحيلِ.. تُحلِّقُ الرُّؤيا على كَتفيهِ...
ينزفُ نبضُه طرباً.. يسامرُ فى الدُّجَى وتراً صَدَقْ
كل المصابيح انكفأنَ.. فلا الدَّياجى أَزهقَ النُّوَّارُ حِلكَتَها
ولا لمح’’ يُناغِى .. ينثنى نَدَّاً .. وعِقْدَاً من شَفَقْ
لاى شىءَ من سَرْوِ الحروفِ الوارفاتِ يلوبُ فى هامِ القصيدِ
ولا الأَراجيحُ الدوافقُ فتنةً حًوْراءَ أًضحت من أَياديها الزنايقُ تًنْبًثِقْ
هلَّا رويدكَ...
ما استفاقَ الدَّهرُ من سَفَرٍ خرافيَّ المَدَى
لا يَسْتَبِينُ سوى الغياهبِ أَمطرتْ مِحَناً تَكُرُّ مع الرَّواحِ
تدقُّ ميسمها .. وما فَتئت يدُ السندانِ .. طاحنةً ..تَدُقْ
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
| Quote: يا كوتش نلاحظ هنا ان أول من فطن للتشابه بين امرؤ القيس و الحاردلو هو الشريف يوسف الهندي...ربمايكون قوله هذا هو الذي حث ود القرشي الى عمل هذه الدراسة... |
يا حبيب ...سلام
هذا ما ذكره د.القرشى ...وقد أوردته فى بدايات السياحة.
لك الود.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: حلوة عينيك زى صحابى
عنيدة كيف ... تشبه شريحتين
من شبابى
حلوة عينيك زى صحابى
وزى عِنب .. طوّل معتـّق
فى الخوابى
وسمحة زى ما تقول ضيوفاً ..
دقـّوا بابى
.. فرحى بيهم سال .. ملا ..
حتى الكبابى |
الشادى..الغنَّاى
يا سلام عليك وانت جايينا بالكلام الطااااااعم.
ويا سلام عليك وانت تكشف جهلى بالشاعر الدكتور
بشرى الفاضل والذى أعرفه أميرآ للقصة.
شكرآ لك يا حبيب.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: فجأة هاك الورقة دي
(مريم الأخرى) |
ياحاج ...سلام
صدِّق أنا كنت قايل مداخلتك دى رمادية..
لكن لقيتا ليك فى السِّلك:
صاحبك الشادى ده شوف ليهو برنامج فى النت ل( تحفيظ الفجأة)
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: إستُشْهِد الدُّرُّ الذى وَشَمَ استدارته على ورقِ البنفسجِ
كان توَّاقاً لهمسِ المستحيلِ.. تُحلِّقُ الرُّؤيا على كَتفيهِ...
ينزفُ نبضُه طرباً.. يسامرُ فى الدُّجَى وتراً صَدَقْ
كل المصابيح انكفأنَ.. فلا الدَّياجى أَزهقَ النُّوَّارُ حِلكَتَها
ولا لمح’’ يُناغِى .. ينثنى نَدَّاً .. وعِقْدَاً من شَفَقْ |
تأمَّلُوا ..ويجوز أن تتأوهوا.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
| Quote: كل المصابيح انكفأنَ.. فلا الدَّياجى أَزهقَ النُّوَّارُ حِلكَتَها |
بالله شوف الفرق بين مفردة (إنكفأن) و انطفأن!! علمآ بأن الأخيرة مرتبطة بالمصابيح أكثر، لكن لو قالها لبات عاديآ مثل نشرات الأخبار، لذا لجأ لمفردة أعمق و هيـّـج بها ولعنا بجميل اللغة..ثم أن الدياجي لم تتفضل على الضوء بالفرصة السانحة، كلا، أزهقها النهار...يا سلااااام إني إذن لسعيد..
محمد صديق يديك العافية
.
| |
|
|
|
|
|
|
|
|
Re: ولمن فاتهم الاستماع ..... (Re: الطيب بشير)
|
سلامات يا ناس
| Quote: بالله شوف الفرق بين مفردة (إنكفأن) و انطفأن!! |
يا صاحب....سلام
إتأوهتَ ...مش؟؟؟
خارج النَّصْ: التاج جانى قبل شوية وجاب لى الريال حق الشيخ فرح.
شكرآ على المرور ومثله لريال الشيخ.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
الاخ العزيز محمد صديق
اولا شكرا جزيلا على حسن الضيافة ودى المحرية فيك
بعدين تعرف دعوتك جاتنى فى محلها اتمنيت لى انو الله يفك اسر الباسوورد الليلة بكرة لقيتو جانى
انا طبعا بعد العلقة الاداها ولدى لولد زهير قنعت عديييل من حاجة اسمها باسوورد لكن اتفاجات انو وصلنى كان عارفة كدا كان
سقت حمودى من ثلاثة شهور وزرنا زهير فى البيت ..... ولا رائك شنو ... قلت لزهير انا والله ما عارفة تاخير البسوورد دا بحله ولد فى السابعة من عمرة .... تحياتى لخالدة والحلوين عمر وابوبكر ...... شوش
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
نواصل مع د. القرشى وكنا فى ص 6 وقفنا عند قول احمد عوض الكريم ابوسن
من ساعة اللمين ما اداك ليّّ هدية
طريت مُطرَقْ أمير شعرانا فى المهدية
ويقول المؤلف أن الإشارة هنا الى الحاردلو (أمير شعرائهم فى المهدية)
كان الشعراء يعرضون شعرهم على الحاردلو لإجازته ..واشتهر الحاردلو حتى
أن شعراء بعض القبائل فى غرب السودان يسمُّون الدوبيت بالحاردلو نسبة الى
شِعر هذا الشاعر.( دوباى ص 180).
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
اختار الباحثون السودانيون وغيرهم الحاردلو علم من اعلام الشعر الشعبى
ولم يقدّموا عليه أحد.يقول عبد المجيد عابدين:
( الحاردلو امير شعراء الشِّعر الشعبى السودانى دون منازع ،وما زال شعره
نموذجآ صافيآ يقف دونه كل ما انتجه الشعراء الشعبيون فى السودان الى يومنا هذا)( من الأدب الشعبى ص 21)
وبسبب شهرة الشاعرين ..امرىء القيس والحاردلو...وإمامتهما وبصرهما بالشعر فأن كليهما ذكر المتقدمين
المجيدين من الشعراء ونوّه بهم، وكلاهما ذكره المتأخرون من الشعراء وأثنوا عليه.
يقول الفرزدق:
وَهَبَ القصائد لى النوابغ اذ مضوا ****وأبو يزيد وذو القروح وجَرْوَلُ
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
أحال امرؤ القيس والحاردلو على غيرهما من مشاهير الشعراء فقال الاول :
عوّجا على الطلل المحيل لعلنا ****نبكى الديار كما بكى ابن حذام
والحاردلو يذكر بعض المتقدمين من الشعراء ايضآ فيقول:
كان يَا الليلة فى قيد الحياة وَدْ دوقَة
نَمَّآ مُو ملَتَّقْ كان بِجَدِّعُو فوقّّه
يعنى لو كان ود دوقة هذا حيّآ ورأى هذه الفتاة لنظم فيها شعرآ مُحْكَمآ غير ملفّق.
ويقول:
قبلى ود اب شوارب جاب لهن كلمات
وود دوقة وود اب شوارب من الشعراء الذين أشار اليهم الحاردلو وشعرهم غير معروف
كما ان ابن حذام الذى ذكره امرؤ القيس شعره ليس معروفآ...
وقد ذكر الحاردلو شعراء الغزل من غير السودانيين ...قال:
ناس ابن الذريح ضربوا المثل بى جناهن
ويقصد قيس بن الذريح
ويقول:
من فرق ام دُغسْةً خِلْقَة مِى مرواد
معشوق ليلى اخير مالاى ضاقلو رقاد
ويقصد قيس بن الملوح ..
ويعنى : من فراق المكحولة العينين خلقة وطبيعة دون مرواد ( مِرْوَدْ)
اصبحت اسوأ حالآ من قيس بن الملوح لانه ذاق طعم النوم اما انا فلم اذقه.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
ود الصديق الجميل
زعلني زعلك
خمس مداخلات ومافي زول
يا أخي احسبني واحد لو ما عندك مانع
زمان
ايام الثانوية
كنا أنا ومنصور عبد الرازق وآخرين من أصدقاء الحي في الصحافة
نشترك في ( فرسان في الميدان ) مع حمدي بدر الدين الذي كان يذاع يوم السبت من كل اسبوع
في فقرة ( المطارحة الشعرية )
غصباً عن إرادة الذاكرة في أشياء لا تزال محفورة فيها مثل :
يقولون جاهد يا جميل بغزوة وأي جهاد غيرهن أريد
لكل حديث بينهن بشاشـــــــة وكل قتيل بينهن شهيــد
على طريقة ( محمد صديق )
راجع لييييييييييييك
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
الشفيف جنابو حقيقة مش فاتنا الاستماع فقط دا
فاتنا الاستمتاع كله فبوست موفق و لك التحية
و نستاذنكم لكلام الطيب ود ضحوية عن نفسه و صديقه
الضرير :
قَجَّ السادرة فى الوادى أب نِعاماً دكَّك
وضايق سوقها قبال الضرير يتمكك
أنا أخو النايرة إن خِرِب الحديث واتلَكَّك
إت قدَّامى ماك ورَّانى مقطوع شكَّك
حفيرات السنط جيتن تعوم بي التنية
ناطح الشمعدانة عديلة مي منحنية
درعات العفا الكبد العسين منتنية
مي لافحاك يا تيس قنة ، بيك معتنية
ايدين أب تبوب شقيت وعرهن خاتر
جيت لي ام عود تجمع في النقع ماك فاتر
الحافظ حضورك ولي غيابك ساتر
أسرع واغلو يا الجمام قفاك متماتر
إجّمّع بعد شرف الحريحير طار
داني بعيد وبي المصعي وجري الحرحار
علي جريعة البنوني ومسكة اب محار
لولح راسة واتمرعف بلا السحار
و زي ما قلت نجيك برواقة طبعا الكفيل طب علينا
| |
|
|
|
|
|
|
|
|
|
Re: ولمن فاتهم الاستماع ..... (Re: موسي عيسي)
|
سلامات يا ناس
Quote: أنا أخو النايرة إن خِرِب الحديث واتلَكَّك
إت قدَّامى ماك ورَّانى مقطوع شكَّك
|
موسى عيسى الحبيب...سلام
سعيد بمرورك ومشاركتك..وارجو ان تداوم
الناس ديل كانوا بقولوا كلام عجيب...لاحظ الى ماذا يرمى بقوله (ان خرب الحديث
واتلكك؟) وكذلك كلمة (قِدَّامى) و( ورانى) ودلالاتهما..
هنالك مقترح من نملوز للحديث عن شعر الهمباتة..
بعد الفراغ من هذا البحث تعالوا جميعآ لمتابعة اشعار الهمباتة.
لك الود
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
الكوتش الجميل ...
وكل زوار وجــلاّس هذا الصالون الادبى الراقى ...
اعزيكم ونفسى فى وفاة الولد الشقى ورائد أدب السخرية المحببة
محمود السعدنى ...
هذا الرجل أحببته حبا لا يوصف وأعتقد بأننى اقتنى معظم مؤلفاته ..
بل اننى احتفظ بعدد كبير من مقالاته الصحفية التى يتناول فيها الاوضاع
السياسية والاجتماعية باسلوب سـاخر يحمل فى طياته المعالجة الحكيمة ولكن باسلوب محبب ..
كنت أشبهه دائما بالعطّار الذى يوصف دواء طبيعيا بسيطا لأصعب الأدواء ..
رحمه الله ..
سأسهم معكم فى مقدم الايام باستعراض بعضا من كتاباته ...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد عيد)
|
سلامات يا ناس
وصباحات التفاؤل
عيد يا حبيب ....سلام
ومرحبآ بعودتك وفى انتظار كتاباتك الطاعمة.
رحم الله السعدنى ..فقد كان صاحب اسلوب مميز ..
ويذكرنى بأيام صباح الخير المجلة التى كنا نحرص
على قراءتها بصورة مستديمة...
لك الود
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا كوتش صباحك أبيض
أحاول بهمة أن أستعيد قدرتي على المتابعة و التواصل و ان كنت لم أفقد اسمتاعي بعد لأستعيده...
اليك هذه حتى حين...انها للراحل محمد سعد دياب
حسبى وحسبك أن أضأنا أمسنا
همساً طرياً ... وائتلاف أمانى
كنا على كل السحائب قصة
شربت رواء الفجر والريحان
فرسمت فى الأقداح وعدا مورقاً
وكتبت فى ورق النــــدى عنوانى
اترعت اكوابى هواك ... حملته
رؤيا مجنحة ... وذوب كيان
حط الهزار على يدينا عاشقا
وتدفق الفيروز نهر حنان
الياسمين أراه عرش أحرفى
وأضاء فاصلتى ... أضاء بيانى
شيئان فى عينيك ويحى منهمـــا
البحر والامنتهـــى ... شيئان
| |
|
|
|
|
|
|
|
|
|
Re: ولمن فاتهم الاستماع ..... (Re: الرشيد بابكر)
|
سلامات يا ناس
Quote: فرسمت فى الأقداح وعدا مورقاً
وكتبت فى ورق النــــدى عنوانى
اترعت اكوابى هواك ... حملته
رؤيا مجنحة ... وذوب كيان
حط الهزار على يدينا عاشقا
وتدفق الفيروز نهر حنان
الياسمين أراه عرش أحرفى
وأضاء فاصلتى ... أضاء بيانى |
سلام يا حبيب
وعودآ حميدآ
ذكريات عديدة مرتبطة بالمبدع محمد سعد دياب وديوانه الجميل
عيناك والجرح القديم..وقطع شك ذكريات زقازيقية خالصة.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد المرتضي)
|
سلامات يا ناس
| Quote: ولمن فاتهم الاستماع اقول ياالخرطوم عيون الحق مابتنوم |
مراحب بالبرلوم محمد المرتضى...وفى ناس حيتضايرو انا عارف
يا ولدنا هدِّى اللعب...
جيب لينا معاك دوبيت المرة الجاية ..الناس الهنا ديل ناس نَمْ ساااااااى
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
محمد المرتضى شنو كمان البيرحبو بيهو ؟؟
هسى يعنى محمد المرتضى وحاج الركز , بقوا معانا فى حتة واحدة ؟؟؟
مافى طريقة لأى فواصل
يعنى ما ممكن نتخت لينا كرتونة
ولا شريحة المونيوم
ان شاء الله ستارة متحركة
باب اكورديون ياخ
اى حاجة ؟؟؟؟!!!
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
الله يستر علينا يا كوتش ما نكون واحد من الأهداف دي...حتى و لو كان هدف متحرك...
أنا غايتو عامل حسابي...لي كم يوم كده ماشي جمب الحيطة....
لكن شايف فاتن حمامة لافة في كل المنابر في محاولة لاثارة الفتنة...
| |
|
|
|
|
|
|
|
|
|
Re: ولمن فاتهم الاستماع ..... (Re: الرشيد بابكر)
|
سلامات يا ناس
Quote: الله يستر علينا يا كوتش ما نكون واحد من الأهداف دي...حتى و لو كان هدف متحرك...
|
يا حبيب ...سلام
وعذرآ للانقطاع الطويل ..وعدم الرد فى حينو
اصلو اليومين دى انا زى طارق جبريل..مش مرات
كده بجى يقول ليك ..قافلة معاى..
اها انا قفلت معاى ...لكن فى حاجة طاعمة كده لقيتا
وجابتنى ...لكن لو ما جا كل الاساطين بتاعين الكلام
الطاعم انا ما بنزلها...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
Quote: هنالك مقترح من نملوز للحديث عن شعر الهمباتة..
بعد الفراغ من هذا البحث تعالوا جميعآ لمتابعة اشعار الهمباتة.
|
و انت وقتن عايز الهمتة الجد جيب لينا باسوورد من الجنى صحبك
الاسمو ودالزناتي لمحي الدين زيدان و بعد داك كس هناك و طرف
و خلي الجنى يجدع و الله جماعتك ناس جلا ديل إلا كان تاجزولم ضمة كده !
انت و عمر اتقدموا و نحن في قفاكم !
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
ياكوتش انت وينك وين
زينب الحردلو
زينب فى البنات مى داب سماحة الزى
شن تشبه بلا اللدتو أمو ودى
فيها تلت خصالا ما حواهن حى
الصبا والجمال عقب اللهيج النى
بعد سبعين سنة وبيض سبيب عينى
ما بحسب بساهر من طوارق الغى
شوق زينب ترى خلانى منى ولى
أشكى على الغصون لى من يعرف ألبى
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
| Quote: ياكوتش انت وينك وين |
يا ود المهدى ...سلام
قاعد انا زى زولك القاعد داك وكان المدرس فَكَرْ
كان يلقاهو قاعد فوق ككر...
والله جابتنى حاجات طاعمة لقيتا وقلتا انزلها لما يجوا الناس
ولحدى هسة انت وموسى ومن أمس...
انتو الاتنين النِصَاب ما بكون كامل...
نلتمس رفع الجلسة لحين اكتمال النصاب.
شكرآ يا حبيب على المرور ..
والمساهمة الطاعمة حقت الحاردلو...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
نحن الهمباته اصلنا معرفين بلاحق الرجال ماعندنا تعيين
مابندبا ليهو وبنسوقوا حمرة عين وبي موت بحياة لابد نرضي أم زين
بيت الشعر عالق في الذاكره وكان مقدمه للمسلسل الاذاعي الهمباته .
والله سؤال النضيف يكون اجمل بدايه لسرد ومقارنة الهمباته بصعاليك العرب لو النضيف عايز يقارن بارسين لوبين مافي مانع. وبتذكر في واحد من اولاد بحري( عيسى على مااعتقد ) كان بسرق عشان يتكفل بالناس الفقراء و أظن تم اغتياله من قبل الشرطه بعد مطاردته لسرقة سياره واظن اغتياله كان عند مدخل مدينة مدني.
| |
|
|
|
|
|
|
|
|
|
Re: ولمن فاتهم الاستماع ..... (Re: عمر نملة)
|
سلامات ياناس
| Quote: والله سؤال النضيف يكون اجمل بدايه لسرد ومقارنة الهمباته بصعاليك العرب |
يا نملة ...إزيَّكْ
تعرف الموضوع ده حيكون شيَّق جدآ...
والمقارنة بينهم موجودة...
زى السرقة البتكون حُمْرَة عين ...وعدم سرقة الضعيف والمرأة
وعدم سرقة البهائم التى لا تكون داخل حِرْزْ..وبذل المال المسروق
للمساكين والمُعْدَمِين...
حقو نبدأ فى تجهيز المادة.
لك الود
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
استراحة:
ود البنا
العبادى
وودالرضى
جابوا مقاطع عجيبة فيها قدرة على حشد حروف بعينها
بصورة مذهلة...
حدثنى بذلك الراوى ...
وأنا هنا أنقل على عهدته...
تعالوا نستمتع:
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
ود البنّا :
شَدْوْ الشَّادِياتْ حَشْوْ البَشَمْ شادينا
شَبَّ شَوانا شوقْنا شِقَى الشَّغَفْ ناجينا
شّهدِ شِفى الشوادى رشْفُو شُوُفْ راجِينا
لاشكْ رشفة تشْفِى شُعَلْ شَواظْ وهَجِينا
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
العبّادى :
عَمَلَتْ بالعِنِدْ عادتْ علىّ مَعْلُولا
عَضَّتْ على أصابع كَمْ تَعَدّ عزولا
عَضْعَضَتْ العِنَبْ بالمعدنا المعْسُولا
عِجْزَتْ عن عِلاجِى ولى عَذابى عَجُولا
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
ود الرضى
كنت كطائرٍ أوَشْكْ على الإرْكَاكِ
فى شَرَكٍ شُبِكْ ودُرِكْ فما الإفْكَاكِ
مِنْ كُتْرْ إشتباك الفِكرِ والإشْكَاكِ
كَمدآ ماكَ مكتولآ كُبِلْ بِمَكَاكِ
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا كوتش وعمر نملة معقولة لغاية الليلة مافي زول عمل مقارنة بين الإثنين ... طبعاً في راي إنه الهمباتة هم إمتداد لصعاليك العرب ... لأن البادية السودانية في معظمها سكٌنت بواسطة قبائل عربية إحتفظت بكثير من عاداتها وتقاليدها العربية ... رغم تأثير الثقافة الأفريقية المحلية البائن ... ودي تاثيرها حسب إحتكاك تلك القبائل مع ما جاورها من قبائل عربية ... يتخيل لي الموضوع ده موضوع جميل وشيق ويا ريت يكون بحث متكامل حول الثقافة العربية في السودان والتاثيرات الأفريقية عليها ... لأنه حتي الهمابتة بتوعين السودان أكيد إتأثره بالثقافة دي ...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
الشعر موهبة لا يمكن صناعتها ... وهي مقدرة ربانية تولد مع الإنسان وتمنحه القدرة علي تطويع الكلمات .. لأنه كثير من الشعراء تجد أن شعرهم حتي الباكر منه جيد وبل من أفضل ما قالوه ... زي التجاني يوسف بشير ولا نزار قباني أو حتي المتنبي ... كتير من شعراء الأعنية السودانية تغني لهم فنانين كبار وهم لم يبلغوا العشرين من عمرهم . .. زي حميد والتجاني حاج موسي وغيرهم الكثيرين ... لذا نستغرب لمقدرتهم علي تطويع الحرف الواحد في بيت وكأنما أتوا بإعجاز لأنه يفوق قدرتنا علي التصور والخيال والتوقع ومن هنا تأتي الإندهاشة والإنبهار ... اذكر أن حمد الريح تغني بفصيدة من العصر العباسي تقول :
صوت صفير البليل هيج قلبي الثمل
الماء والزهر معاً وحسن لحظ المقل
وأنت حقاً سيدي وسؤددي ومدللي
وطاب لي نوح الحمام بالزجل
وفتية سقونني قهيوة كالعفلل
شممتها في أنففي أذكي من القرنفل
والعود دن دنني والصقو صقصق لي
الحور مالت طرباً من فعل ذاك الرجل
ولولوت ولولوة وقلت يا ويللي
والسقف سق سق سق لي والرقص طاب لي
شو شو شهون شولي
هذه المقاطع كما حفظتها سابقاً والقصيدة أدناه كما وجدتها في قوقل
كما أن قصتها قد تكون معروفة للجميع
صـوت صــفير الـبلبـلي *** هيج قـــلبي الثمــلي
المـــــــاء والزهر معا *** مــــع زهرِ لحظِ المٌقَلي
و أنت يا ســـــــــيدَ لي *** وســــــيدي ومولي لي
فكــــــــم فكــــم تيمني *** غُـــزَيلٌ عقــــــــــيقَلي
قطَّفتَه من وجــــــــــنَةٍ *** من لثم ورد الخــــجلي
فـــــــقال لا لا لا لا لا *** وقــــــــد غدا مهرولي
والخُـــــوذ مالت طربا *** من فعل هـــذا الرجلي
فــــــــولولت وولولت *** ولـــــي ولي يا ويل لي
فقلت لا تولولـــــــــي *** وبيني اللؤلؤ لــــــــــي
قالت له حين كـــــــذا *** انهض وجــــــد بالنقلي
وفتية سقــــــــــــونني *** قـــــــــهوة كالعسل لي
شممـــــــــــتها بأنافي *** أزكـــــــى من القرنفلي
في وســط بستان حلي *** بالزهر والســـــرور لي
والعـــود دندن دنا لي *** والطبل طبطب طب لـي
طب طبطب طب طبطب *** طب طبطب طبطب طب لي
والسقف سق سق سق لي *** والرقص قد طاب لي
شـوى شـوى وشــــاهش *** على ورق ســـفرجلي
وغرد القمري يصـــــيح *** ملل فـــــــــــي مللي
ولــــــــــــو تراني راكبا *** علــــى حمار اهزلي
يمشي علــــــــــــى ثلاثة *** كمـــــشية العرنجلي
والناس ترجــــــــم جملي *** في الســوق بالقلقللي
والكـــــــــل كعكع كعِكَع *** خلفي ومـــن حويللي
لكـــــــــــن مشيت هاربا *** من خشـــية العقنقلي
إلى لقاء مــــــــــــــــلك *** مــــــــــعظم مبجلي
يأمر لي بخـــــــــــــلعة *** حمـــراء كالدم دملي
اجــــــــــــر فيها ماشيا *** مبغــــــــــددا للذيلي
انا الأديب الألمــعي من *** حي ارض الموصلي
نظمت قطــــعا زخرفت *** يعجز عنها الأدبو لي
أقول في مطلعــــــــــها *** صوت صفير البلبلي
| |
|
|
|
|
|
|
|
|
|
Re: ولمن فاتهم الاستماع ..... (Re: زهير الزناتي)
|
سلامات يا ناس
| Quote: الشعر موهبة لا يمكن صناعتها ... وهي مقدرة ربانية تولد مع الإنسان وتمنحه القدرة علي تطويع الكلمات .. لأنه كثير من الشعراء تجد أن شعرهم حتي الباكر منه جيد وبل من أفضل ما قالوه ... زي التجاني يوسف بشير ولا نزار قباني أو حتي المتنبي ... كتير من شعراء الأعنية السودانية تغني لهم فنانين كبار وهم لم يبلغوا العشرين من عمرهم . .. زي حميد والتجاني حاج موسي وغيرهم الكثيرين ... لذا نستغرب لمقدرتهم علي تطويع الحرف الواحد في بيت وكأنما أتوا بإعجاز لأنه يفوق قدرتنا علي التصور والخيال والتوقع ومن هنا تأتي الإندهاشة والإنبهار . |
يا ميكانيكى ....
الليلة شكلك خالع الافرول عديل..
شكرآ على ( الإندياحات).
| |
|
|
|
|
|
|
|
|
|
Re: ولمن فاتهم الاستماع ..... (Re: زهير الزناتي)
|
سلامات يا ناس
Quote: انا الأديب الألمــعي من *** حي ارض الموصلي
نظمت قطــــعا زخرفت *** يعجز عنها الأدبو لي
أقول في مطلعــــــــــها *** صوت صفير البلبلي |
يا ميكانيكى...
الظاهر الليلة الحِلَة دى حايمين فيها برانا.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
جمعتكم مباركة...
و على نفس السياق اليكم احدى قصائد بطل الجزء الأول من المقارنات يا كوتش...و هي من القصتئد المشهورة و المغناة ...
فتلـك التـي هـام الـفـؤاد بحبـهـا
مهفهـفـة بيـضـاء دريــة القـبـل
ولي ولها فـي النـاس قـول وسمعـة
ولـي ولهـا فـي كـل ناحيـة مـثـل
كـأن علـى أسنانهـا بـعـد هجـعـة
سفرجل أو تفـاح فـي القنـد والعسـل
رداح صموت الحجـل تمشـي تبختـرا
وصراخة الحجلين يصرخن فـي زجـل
غموض عضوض الحجل لو أنها مشـت
بـه عنـد بـاب السبسبييـن لانفصـل
فهي هي وهي هي ثم هي هي وهي وهي
منى لي من الدنيا مـن النـاس بالجمـل
ألا لا ألا إلا لآلاء لا بــــــــث
ولا لا ألا إلا لآلاء مـــن رحـــل
فكم كم وكم كم ثم كـم كـم وكـم وكـم
قطعـت الفيافـي والمهامـه لـم أمـل
وكـاف وكفـكـاف وكـفـي بكفـهـا
وكاف كفوف الودق مـن كفهـا انهمـل
فلو لو ولو لو ثـم لـو لـو ولـو ولـو
دنا دار سلمى كنـت أول مـن وصـل
وعن عن وعن عن ثم عن عن وعن وعن
أسائل عنها كـل مـن سـار وارتحـل
وفي في وفي في ثم في في وفـي وفـي
وفي وجنتـي سلمـى أقبـل لـم أمـل
وسل سل وسل سل ثم سل سل وسل وسل
وسل دار سلمـى والربـوع فكـم أسـل
وشنصل وشنصل ثم شنصل عشنصـل
على حاجبي سلمـى يزيـن مـع المقـل
حجازيـة العينيـن مكـيـة الحـشـى
عراقيـة الأطـراف روميـة الكـفـل
تهاميـة الأبــدان عبسـيـة اللـمـى
خزاعيـة الأسـنـان دريــة القـبـل
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
وصباحات التفاؤل
انقطاع طويل عن الموضوع المطروح بسبب
اشياء كثيرة اهمها المزاج ...
اعتذارى للمتابعين والمستمتعين والمشاركين
وربما نواصل اليوم...
ادعوا لى بمزاج رايق.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
طعامة صباحية منقولة من صحيفة ألوان
وهى كفيلة بعَدْلْ المزاج...
الشاعر عبدالرحيم ود الفكى سُرِقت منه (عصا)
فبكاها بقصيدة طويلة منها:
سرقك ود (سهيتو) النَّبَذْ ما بْهِمُّو
خلانى أألف فى غناكى وانِمُّو
دمعى عليكى يا السمحة الغلبنى الِمُو
زى دمع الرضيع وكْتَين يسفِّرو امو
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
الكوتش الغالي ..
تحياتي وأشواقي
مشاغل الدنيا والله هي المنعت دخولي في الفترات السابقة
بعدين الواحد لما يرجع للسجن ده من السودان بكون في حالة
من إنعدام الوزن أو ربما ممكن تقول حالة من التخمة العاطفية
يستحيل بعدها التعامل مع الواقع الجديد بسهولة ..
فقد عدت وأنا فعلا متخم عاطفيا وممتلئ بحبكم ..
ألتحية لك ولكل الحبايب وربنا يديم علينا وعليكم
الصحة وطيب اللقاء ....
مودتي ...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
Quote: دمعى عليكى يا السمحة الغلبنى الِمُو
زى دمع الرضيع وكْتَين يسفِّرو امو |
يا كوتش الظاهر عليهو ده عكاز مضبب بجلد تمساح...
بكره على ما أعتقد يوم اطلاق سراحك غير المشروط...
سوف ننتظرك على بوابة المعتقل...
و معاي تاكسي هيلمان عشان نمشي الريفيرا تشم الهواء...
و ندخل مباراة التحرير و بيت المال...
دي سنة كم دي؟؟؟؟
| |
|
|
|
|
|
|
|
|
|
Re: ولمن فاتهم الاستماع ..... (Re: الرشيد بابكر)
|
سلامات يا ناس
وصباحات التفاؤل
Quote: يا كوتش الظاهر عليهو ده عكاز مضبب بجلد تمساح...
بكره على ما أعتقد يوم اطلاق سراحك غير المشروط...
سوف ننتظرك على بوابة المعتقل...
و معاي تاكسي هيلمان عشان نمشي الريفيرا تشم الهواء...
و ندخل مباراة التحرير و بيت المال...
|
يا الرشيد ...سلام
مش عملوا لينا تمديد يومين تلاتة تانى
تعال بكرة او بعد بكرة.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: دايرين نحسن ملافظنا
عشان كدا قلنا نجي بي جاي
و نقول بسم الله |
يا سِرِّى ...سلام
وبقينا منتظرينك..وانت حايم فى كل البوستات توزِّع فى المساخات
وما داير تجى بالكلام الطاعم..
تجى ولا نتكلم عن القشرة حقت يوم داك بمعية بت الشيخ؟
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
| Quote: تجى ولا نتكلم عن القشرة حقت يوم داك بمعية بت الشيخ؟ |
ناس ما تجي إلا بالتهديد
قال الفيتوري
لن تبصرنا بمآقٍ غير مآقينا
لن تعرفنا
ما لم نجذبك فتعرفنا وتكاشفنا
أدنى ما فينا قد يعلونا
يا قوت
فكن الأدنى
تكن الأعلى فينا
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
سلامات يا ناس
Quote: أدنى ما فينا قد يعلونا
يا قوت
فكن الأدنى
تكن الأعلى فينا |
يا سلام يا سِرِّى..ويا سلام على الفيتورى
دائمآ لما اقرأ المقطع ده بتذكّر مسرحية
توماس إليوت murder in the cathedral
خلى بالك من المقطع الجاى ده من المسرحية:
seek the way of martyerdom
be the lowest on earth
to be high in heaven
يخلق من الشبه شعر.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
وصباحات التفاؤل
شايف المشاركات كده مسكينة ..فى ناس اصلو
ما قاعدين يجونا بى جاى ..
الريس والاستاذة منى
الريس معتصم
احمد اسماعيل
جلال
سامى عبد الوهاب
عثمان الخير
وكثيرون...
محمد عيد اختفى فى الفترة الاخيرة اختفاء يرسم اكثر من علامة استفهام
وكذلك منصور وبكرى حامد..وعمر المهدى
يا ناس تعالوا وخلونا نخلص من المقارنة ونخش على الهمباتة.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
قَصَرَ اللغويون قضية الإستشهاد فى قبائل بعينها وعدوها مصدر الفصاحة
لعراقة نسبها ونقاء لسانها وبعدها عن مخالطة غير العرب ..
قبيلة أسد من أُولى القبائل فى الإعتداد بلسانها وفصاحتها...ونجد أن
قبيلة الشكرية لها القدر نفسه من الإعتداد بفصاحة اللسان والإعتراف بنقاء
العِرْقْ وبعدها عن الإختلاط بغيرها.
شِعر امرىء القيس هو قمة الفصاحة وعمدة الإحتجاج...كذلك شِعر الحاردلو هو
عمدة قاموس العامية السودانية .( انظر معجم لسان العرب لابن منظور وقاموس
اللهجة العامية لعون الشريف قاسم ..سترى استشهادهما بالشاعرين فى ما لايكاد
يُحْصَى ).
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
كمال الشادى ليهو زى تلاتة يوم كده
اولادى قاعدين يشوفو عند الجيران وما
قاعد يغشانا ...وقالوا لى لما يعاين
على بابنا بيغطى وشُّو بالجريدة ..
ترحيب حار من عندنا بالزولة المليانة
بالكلام الطاعم ..منى عباس..
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا محمد صديق
إنت ما لك شيال حال كده
البيغطي وشو بالجريدة ما مريحنو
والبيغطيهو بي زاد الشجون برضو ما مريحنو
يا أخي لمن غطيت وشي ما عشان عديت قدام بابكم
لكن عشان الحر
والغبار
وكده
تهيم خطواتي نشوانة
تعانق دربك الاخضر
وحات اللوعة والاهات يا مشوار
وما تقصر
تصدق يا محمد صديق
في زول من الدفعة القدامنا أو القدام القدامنا في تجارة الزقازيق
قرا البروفايل بتاعي وانا ختي فيهو تلفوني
إتصل علي امبارح من سلطنة عمان
شخص إسمو فيصل الكنزي
سبحان الله انا ومكي أحمد محمد حمزه الفنان
جبنا سيرتو قبل فترة
وقلت لمكي أنا العلمني اسمع ام كلثوم زول اسمو فيصل الكنزي
لقيتو امبارح بيتصل على
يا أخي ومرسل لي إي ميل قاعد أقرا فيهو هسي
والله حاجة تبكي
تصدق يا الحبيب
الشغلانة بتاعة ( متلازمة الزقازيق ) دي عايزة دراسة
ناس غريبة وعجيبة والله
لاحظت في اول سنة مشينا فيها مصر إنو الجلجل ( الجلاجل ) يعني السودانيين العايشين في مصر سنوات طويلة
وبيتكلمو مصري وبقو مصريين تقريباً
اقصد في مناطق مساكنهم في عين شمس وعابدين وامبابة
لاحظت في الناس الكبار منهم إنهم متمسكين بقيم سوادنية قدييييييييييييييمة عفا عليها لازمن
ولمن تعمقت في الملاحظة كان تفسيري ليها إنو الناس دي الزمن وقف بيهم في اللحظة الفارقو فيها السودان
وحافظو على قيم آخر لحظة فارقو فيها السودان
يا أخي
كل خريجي جامعة الزقازيق والموقع ده اصدق دليل
كأنهم ما فارقو شارع فاروق ولا المساكن التعاونية ولا الجاويش ولا المساكن التعاونية
لحظة
مصرين يحتفظوا بنفس نضارة الاحساس
وشفافية العلاقات الجميلة وصدق الاحاسيس في التعامل
وإنت اصدق دليل
قال ليها
لما تعبري في الشوارع
شفتي كيف الناس تصارع
ناس تطفر
وناس تدفر
في البشابي على نجومك
وفي البخب داير تخومك
كل زول من عن سلافتك
لا لا قال دايرو كاس
يا سلام
عشان تاني ما تقول لي الجريدة
وعابر طريق
تحياتي
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا جنابو نحن ماشين في الطريق علشان الهمبته دي لكن
بالله الطريق دا نضفو لينا من الشوك والضريسة الكبار دي !!!!!!!!!
طبعا انت فاهم يعني رسل ليك عسكرين ثلاثة خليهم واقفين لينا
في باب البوست . لزوم تفتيش الداخلين ...وا سري اه ....
| |
|
|
|
|
|
|
|
|
|
Re: ولمن فاتهم الاستماع ..... (Re: موسي عيسي)
|
يا جنابو
ده لزوم تأكيد المرور
إذا عجبك المرور قول لي قرض على كده
وانا اعجبك شايل مفتاح 15 وأعرف اقرض مزبوط
عشان تاني ما تقول لي الجريدة وعويناتك وهمسة شوق
-------------
هالة في أحضان غمامة
لو تصدقي
صاحي لسه
الشجون فاتحات
شوارع
الجنون خيلا
تسارع
الحُزُن مدود
مزارع
القَلْب داجِّي
ويصارع
الحنين دخري
الصوامع.
....
وفي السَقِف
مشتولة همسة
وصوت عبيرك
ساري لسه
وفي صوابعي
الخمسة لمسه
وفي الشفايف
باقي جمرك
وفي المسام
حضنك محكّر
زي تقول
قالداني حسه.
انتي يا لهبي البجنن
فيك (مكسّر )
حتة.. حتة
انتي بختك
نايمة حالمة
الا زولك
صاحي ساهي
لامِّي صورتك
روح وجتة
وديمة فالدك
حال وهامة.
خاطرو يتقلّب
معذّب
وفي القليب
قايمة القيامة
..
نومي يا ورد
النضارة
خلي أحلامك
بشارة
بكرة تشرقي
بالسلامة
هالة في صهوة غمامة.
| |
|
|
|
|
|
|
|
|
|
Re: ولمن فاتهم الاستماع ..... (Re: موسي عيسي)
|
سلامات يا ناس
| Quote: شخص إسمو فيصل الكنزي |
شادينا الغنّاى ....سلام
عشان ازيدليك الحاجات دى دهشة...
الامسيات الجميلة الكنا بنقضِّيها فى لكوظ ...وكان ابراهيم سليمان( كسلا)
جاى من تونس بعد تخرجو واستلام شهاداتو..كان يحدثنا عن فيصل كنزى..
الاشياء التى خرجنا بها :
فيصل هذا احرف زول فى سماع ام كلثوم
احرف زول فى الطبيخ..
قابلته فى الزقازيق وهو قادم من السودان فى طريقه الى سلطنة عمان
ساحكى لك عن ذلك ..
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
فيصل كنزى الذى اسمع عنه من شاويش وابراهيم سليمان
ومصطفى محمد الحسن...
أعتقد السنة كانت 1990 أنا وشاويش نسكن بشقة تعيسة
بأحد زقاقات لكوظ..غرفتين ومطبخ وحمام فى مساحة صغيرة
جدآ الغرفة الواحدة لا تسع اكثر من السرير..اذا فتحت
الشباك فانك لاتستطيع الخروج من الغرفة ( ليست مبالغة)
نعانى الفلس الشديد ..والدنيا نهار ورمضان كمان..ما كان
امامنا الا النوم الى قرب موعد الافطار ثم مهاجمة اقرب الشقق
مع موعد الاذان ..ودائمآ يكون الخيار الاول شقة طارق وحاتم..
نمنا لنصحو على طرقات الباب...نخرج سويآ ...نلتقى القادم ونجلس
معه على الكنبة الوحيدة فى الممر..حميمية اللقاء بينه وشاويش
انتقلت عدواها الى ..وخاصة اننى سمعت كثيرآ عن الشخصية...أعادنا
الى النوم وقال انه سيخرج لمعاينة بعض الاماكن الحبيبة اليه وسيعود
ليمارس هوايته المحببة ...الطبيخ...
صحونا قرب موعد الافطار ..وكان كل ما نحلم به ولا نقدر عليه جاهزآ..
روائح الطعام تسللت من بين النوافذ الى الجيران وقبلها الى دواخلنا
تخيل ...زيارة للزقازيق لاسترجاع اشياء قديمة ...اماكن بعينها
وهواية محببة.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
ونعود لدكتور القرشى:
واذا كان شعر امرىء القيس هو رابط العروبة ورافدها فى كل حين فإن شِعر الحاردلو
بالاضافة الى انه رافد العاميّة السودانية فهو ايضآ رافد ورابط للفصحى لا يُستهان
به ،الفاظ كثيرة ماتت فى الفصحى اليوم او تغيَّر مدلولها ولكنها موجودة فى شعر
الحاردلو كما كانت فى العصور الاولى ، من ذلك كلمة (الزَّعَلْ) والتى اصبحت بمعنى
( الغضب) وعند الحاردلو تعنى النَّشَاطْ تمامآ كما جاء فى لسان العرب( انظر مادة زعل)
يقول الحاردلو فى مسدار الصيد فى صِفة تيس الظباء:
عَسْكَرْ خاف علِيهنْ فى ضَرَا مَيْعَاتْ
وْجَاهِنْ زَاعَلِنْ بعد النَّهار ما فات
يعنى استوقف هذا التيس قطيع الظباء وحبسهن خلف نبات طويل نبت فى ميعات(واحدتها ميعة وهى
مكان منخفض تتجمع فيه المياه) ثم طاف بالوادى واستكشف وعاد اليهن بعد الزوال فاستنفرهن
ونشّطهن (زاعلن) لاستئناف الرحلة.
وقال ايضآ فى المعنى نفسه :
وْتَيسِنْ زاعلِن باكر مع الشَّهْلال
يعنى ان التيس استنفرهن ونشطهن مع طلوع الفجر.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: دى انا بعتبرها خيانات
آآآآآي خيانات
ومن ورانا ... |
يا نضيف ...إزيّكْ
تعرف قعدنا فترة فى الزقازيق والإسكندرية وكنا
فى انتظار إقامات جايانا من الإمارات ..ولولا دخول
صدام للكويت كان هسة نكون لابسين عقالات.
انت من قبيل تتاوق وساكت ساى ..دى الجابتك
الهمباتة كيف؟؟
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
وتيسن زاعلن باكر مع الشهلال
كلمة شهلال تعنى الصباح الباكر ...وهى غير معروفة فى غير اللهجة السودانية
وهى من العربية الفصيحة ( الشُّهْلَة: سواد فى حُمْرَة وهو لون الافق قبيل الشروق)
قال الشريف يوسف عن البرق:
يَسْرِى من عِشَا لى شَقَّة الشَّهلال
يعنى الى طلوع الفجر.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
هنالك الكثير من الالفاظ والكلمات التى ماتت فى معجم العرب الحاضر ولم تبق الا فى
معجم الفصحى والعامية السودانية التى يمثلها شعر الحاردلو ...
الزول :الشخص
الهَجا : الشَّبَع
المال : البهائم
الزين :نقط تكون فى وجه العروس
الشّبريق : خطوط تكون فى أفخاذ المرأة
هذه الالفاظ وما شاكلها تعبر عن معان غير معروفة الا فى البيئة السودانية وهى فصيحة
احتفظ بها لسان العرب ولا يعرفها المعاصرون من العرب .
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
من الكلمات السابقة جاءت كلمة الشبريق فى شعر الحاردلو ..واصل هذه المادة اللغوية (شبرق)
مستفيض فى الشِعر العربى القديم والمتأخر .واصل الشبريق خطوط دقيقة صفراء او سمراء(خضراء)
متشابكة تكون فى الاجزاء البضة ( الملاين )من جسم المرأة خصوصآ فى الافخاذ، واحسبه تفطرآ او
تشققآيعترى البشرة من اثر السمن والإمتلاء(الشحم) وهو مما يُحْمَدْ فى المرأة عندنا .
يقول الحاردلو :
يا رب يا إلهى ال بى الجمال خصّاها
شبريق الملاين شُوفو كيف رصّاها
وقال ود الفراش:( دى ود المهدى بكون عارفا)
بعد باكر نبيت الحوش محقق
نجالس الوركو بالشبريق مشقق
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا كوتش يا حبيب ..
جيناك فى الميعاد .. لكن شايف الحوش محروس وسيدو يكوس
عموما .. يانى الجارى لى بنبر وقاعد تحت الراكوبة ..
صدى الكلام الطاعم يملأ الاجواء هنا ...
ما هذا الجمال .. أيها الجميل ...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد عيد)
|
رغماان المخرج اشار بانتهاء وقت البرنامج من بدرى ...
الا اننى اقدم رجاء للمنتج والمخرج والمقدم .. وكذلك المشاهدون
باعطائى time out للمشاركة بمداخلة قصيرة للمشاركة فى هذا الموضوع الهام
Quote: يا رب يا إلهى ال بى الجمال خصّاها
شبريق الملاين شُوفو كيف رصّاها |
لعلى لا اضيف جديدا بتأكيد انتماء كثير من الفاظ وكلمات اللهجة السودانية
للغة العربية الأصلية التى ابتعدت عنها معظم اللهجات العربية الاخرى
فتخيلوا ان امرؤ القيس قد قال هذه الكلمات ...
فادركنه يأخذن بالساق والنسا كما شبرق الولدان ثوب المقدس
وقال ذى الرمة ...
فجاء كنسج العنكبوت كانه على عصويها سابرى مشبرق
اما المتنبى فهذا ما قاله ...
وهز النوم حتى كأننى من السكر فى الغرزين ثوب مشبرق ..
وفى كل هذه الحالات المعنى هو نفسه لما تعنيه كلمة شبريق فى شعر الحاردلو
وكما هى واردة فى مفردات اللهجة السودانية ...
&&&&&&
وأرى يا عزيزى ان هذا الموضوع بما يملأه من تشويق وحيوية
أحرى بأن تفرد له جانبا فى هذا المربــد المتميز ...
ويمكنك ان تجتذب الكثيرين اليه .. خصوصا اولئك المهتمون بالتنقيب
فى معانى وجماليات لهجاتنا المحلية
وعلى سبيل المثال لا الحصر .. احمد اسماعيل وعمر المهدى وجبريلا وموسى عيسى ونجيلة والرشيد وجلا
| |
|
|
|
|
|
|
|
|
|
Re: ولمن فاتهم الاستماع ..... (Re: محمد عيد)
|
أستميحك يا كوتش يا حامل هذا النبراس الوضىء
فى ان أرمى بياضا" فى هذا الموضوع الذى أثرته فى المداخلة السابقة ..
وارجو ان تجتذب هذه المناقشات اخوتنا من كل حدب وصوب ...
ســواء من أشرت اليهم بعاليه .. او من غيرهم من الاعزاء ...
بما فيهم حاملى شهادة اللهجة السودانية لغير الناطقين بها ...!
******
مثلا" .. كلمة عجــاج ..
( وارجو ان لايقفز زهير طربا ويقول ان محمد عيد اخيرا ارتفع الى مراتب الغناء الرفيع على حد ظنه ..! )
فانا هنا أقصد العجــاج نفسه .. أى الكتاحة ...
في النشرة الجوية بتلفزيون السودان دائما يرددون عبارة :" الغبار العالق " !
هنالك كلمة واحدة تكفي لوصف حالة الجو الكدرة وهي كلمة عجاج التي
يستعملها اهلنا الغبش المغبرين دائما بتعب الحياة . طبعا لو سالناهم
لماذا ليس عجاج لاجابوا بانها عامية !
وقد وردت مفردة العجاج في شعر المتنبي كثيرا .
والعجاج كما جاء معجم لسان العرب والمعاجم الاخري :
" العجاج : الغبار ، وقيل من الغبار ما ثورته الريح واحدته عجاجة
يقول المتنبي :
لبست لها كدر العجاج كانما تري غير صاف ان تري الجو صافيا
وقال :
عجاج تعثر العقبان فيه كأن الجو وعث او غبار
ويقول :
ولا سالكا الا فؤاد عجاجة ولا واجدا الا لمكرمة طعما
&&&&
فماذا يقول اهلنا فى كسلا وفى عموم شرقنا الحبيب
فى العجاج الذى تتميز به تلك المناطق .. او ما اصطلح عليه باسم رياح الهبباى ؟
أها يا جلا وابو الزوز .. افيدونا ...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد عيد)
|
الشكر أجزله للأخ محمد عيد
لكن البمبر ما عندك
لأنو البوست دا بتاع زول بوليسي لغاية هنا وكفاية
أرجع لمسألة الكلام العامي السوداني
و إنشاءالله يا كوتش ما نكون غيرنا مجرى السيل
فمثلاً نقول في كلامنا :
لز ، يلز . اي دفع يدفع .
يعني لو لقيت لي زول في زحمة المواصلات وعصرني طوالي أقول ليهو
يازول مالك ....ما تلز بالله !!
قال المتنبي يصف احدي غارات سيف الدولة علي احدي القبائل :
فلزهم الطراد الي قتال * احد سلاحهم فيه الفرار
مضوا متسابقي الاعضاء فيه * لأرؤسهم بارجلهم عثار
يعني و روني العدو و أقعدو فراجا
أو لزوني للعدو و أقعدو فراجا
جاء في شرح المرصفاوي للبيت : لزه : دفعه .
وجاء في شرح البرقوقي : لزه الي الشيئ : ألجاه اليه وأدناه منه .
جاء في لسان العرب : " لز الشيء بالشيء يلزه لزا : ألزمه أياه .
قال الليث : اللز ، لزوم الشيء بالشيء بمنزلة لزاز البيت ، وهي
الخشبة يلز بها الباب ."
على أية حال محمد عيد
قاعد يلزز في الناس عشان يجوك يا كوتش
بالمناسبة البوست دا داير لزة
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
سلامات يا ناس
وصباحات التفاؤل
Quote: لعلى لا اضيف جديدا بتأكيد انتماء كثير من الفاظ وكلمات اللهجة السودانية
للغة العربية الأصلية التى ابتعدت عنها معظم اللهجات العربية الاخرى
فتخيلوا ان امرؤ القيس قد قال هذه الكلمات ...
فادركنه يأخذن بالساق والنسا كما شبرق الولدان ثوب المقدس |
عيد يا حبيب...سلام وشوق
سعيد انا بطلّتك
والمشاركة فى الصميم
انت الاضافة بتاعتك انك كشفت الامتحان
لانو المداخلة الجاية منى مفروض نذكر فيها الاشياء الانت ذكرتها دى.
حقيقى الموضوع شيق ، واذا مشينا فيهو يبقى ده الموضوع التانى ،بس
المهم اللّزة القال عليها جلا
لك الود
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: على أية حال محمد عيد
قاعد يلزز في الناس عشان يجوك يا كوتش
بالمناسبة البوست دا داير لزة |
يا سِرِّى ...سلام
شكرآ على المداخلة القيِّمة والمهمة
اخترت الجزء الاخير من كلامك لانو فعلآ
هذا ما يحتاجه البوست..
اللستة الكتبناها فوق دى لو تجى...
هم مالم ما بيجو؟؟؟
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
البحر القديم
بيني وبينك تستطيل حوائط....
ليل ...وينهض الف باب
بيني وبينك تستبين كهولتي
وتذوب اقنعة الشباب
ماذا يقول الناس اذ يتمايل النخل العجوز سفاهة
ويعودللارض الخراب ....
شبق الحروف البكر للامطار
حين تصل الي القيعان رقرقة السراب
عبرت ملامحك النضيرة خاطري
فهتفت ليتك لاتزال
للريح خمرك للمساء وللظلال
والبرق لي ..والرعد والسحب الخطاطيف الطوال
تروي هجير النار تحت اضالعي الحرى
وتلحف في السؤال
كيف ارتحالك في العشي
بلا حقائب اولحاف ؟
ترتاد اقبية المكاتب والرفوف السود
والصحف العجاف
زمنا يمص الضوء من عينيك
يصلب وجهك المنسي في الدرج العتيق
اثرا كومض شرارة تعبى على خشب الحريق
كيف ارتحالك ايها المصلوب مثل شواهد الموتى
بزاوية الطريق
سكن السحاب ومر ضيفك من جديد
نثرته كف البرق حين تلاحق الايماض
وانعتقت شرارات الرعود
ارخى وازهر ثم طار زنابق كالفجر لامعة الخدود
حلق المرايا رن كالناقوس
وانفرطت ملايين العقود
فاذا هممت توارت الالوان وانتصبت شبابيك الجليد
انا في الرياح مسافر يلقى على الابواب
جارحة الردود
يا صديقي محمد صديق اهديك هذا المقطع من البحر القديم
وذلك في الذكرى الثانية لرحيل
الشاعر الكبير مصطفى سند
صاحب دوواينالحر القديم 1971
ملامح الوجه القديم 1978
عودة البطريق البحري 1988
اوراق من زمن المحنة 1990 _نقوش على ذاكرة الخوف 1990-بيتنا البحر 1993
| |
|
|
|
|
|
|
|
|
|
Re: ولمن فاتهم الاستماع ..... (Re: مبارك جادين)
|
انقطعت متابعتى شيئا ما , هذا سر يذاع للمرة الأولى
ومثلكم _(لا يذاع له سر )
ولكنى عازم على العودة , اليوم -قبل بكرة
سأذاكر ما فاتنى من مقارنة الدكتور القرشى المدهشة
ولكن لأن هذا الباب , سلطة فواكه ماتعة
تلقى فيها التفاح والأناناس والخوخ والكمثرى والكيوى كمان
(وحاة الله ما نبذت اى زول يا جلا )
فانا حريص على المساهمة
حتى ولو بقطعة موز , اراها انا (كرزاية حمراء ) بعين الخيال
ثالها احمد فؤاد نجم , لاسعا بها (انفتاح السادات ) لسعة شديدة الأيلام اذ قال
ياللى فتحت البتاع
فتحك على مقفول
لأن اصل البتاع
واصل على موصول
فاى شىء فى البتاع
الناس تشوف على \طول
والناس تموت فى البتاع
يبقى مين مسئول ؟؟
وأزاى هاتفتح بتاع
فى وسط ناس بتقول
بأن هذا البتاع
جاب الخراب مشمول
لأنو حتة بتاع
جاهل غبى ومخبول
امر بفتح البتاع
لأنه كان مسطول
وبعدما فتحوا البتاع
جابوا الهواء المنقول
نكس عشوش البتاع
وهد كل اصول
وفات فى غيط البتاع
قام سمم المحصول
وخلا لون البتاع
اصفر حزين مهزول
وعمل قانون للبتاع
لا علة , لا معلول
وان رغبتم لأ زيدنكم من (البتاع ) فعندى منه مزيد *
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
ويحك يا رجل , اتقول الروب من (البتاع ) ولما يبلغ (اشده ) بعد
اليك المزيد منه يا رجل , ولتسحب (روبك ) الى حين
فساعة الروب , لم تحن بعد
اليك اصنافا من البتاع , انا متأكد انها ستدهشك
واذا لم تفعل ولم تصل بك حد الدهشة
فارسل الى ما يفيد
حتى انتقى لك من (البتاتيع ) , اصنافا اخرى
القاضى بتاع البتاع
قال ان الحق ع المقتول
والجهل زاد فى البتاع
لا مقرى ولا منقول
والخوف سرح فى البتاع
خلا الديابة تصول
ويبقى البتاع فى البتاع
والناس صايبها ذهول
وان حد قال دا البتاع
يقولولو , مش معقول !!!
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدى الجابوا البتاع
جاب الخراب بالطول
لأنو حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضو ----- مات مقتول
| |
|
|
|
|
|
|
|
|
|
Re: ولمن فاتهم الاستماع ..... (Re: منصور عبد الرازق)
|
Quote: ويحك يا رجل , اتقول الروب من (البتاع ) ولما يبلغ (اشده ) بعد
اليك المزيد منه يا رجل , ولتسحب (روبك ) الى حين
فساعة الروب , لم تحن بعد
اليك اصنافا من البتاع , انا متأكد انها ستدهشك
واذا لم تفعل ولم تصل بك حد الدهشة
فارسل الى ما يفيد
حتى انتقى لك من (البتاتيع ) , اصنافا اخرى |
أجل يا هذا لقد حانت ساعة الروووب
أن تقول الروووب
فإن هذا القول يتسم بالحكمة و الرويُّ
وذاك خيرٌ من أن تهلك كما هلك قوم تبع وهود
أما عن استرسالك فيما يدعى البتاع
فظاهره ينبئ بأنه عليك أن تتبع حدسك
أما باطنه فالعهدة على الراوي
عليك الله أبو الزوز لو جا شاف اللغة العربية الفصحى دي
مش كان نجح في إمتحان العربي داك
| |
|
|
|
|
|
|
| |
الرشيد بابكر
كمال الشادي
محمد آدم النور
محمد صديق
الطيب بشير
موسي عيسي
محمد عيد
زهير الزناتي
منصور عبد الرازق
عمر المهدى
عبد الدائم سيد أحمد
عمر نملة
عبد القادر بابكر
فيس بوك
تويتر
انستقرام
يوتيوب
بنتيريست