|
Re: ناس الزقازيق ... أجدع ناس .. (Re: محمد آدم النور)
|
Quote: ناس جده والمدينة المنورة ... ترقبوا مفاجأه ضــخمة يوم غد باذن الله . ناس جده والمدينة .. اقترب تفجير المفاجأة |
ناس أبو ظبي و دبي ...برضو ترقبو مفاجأة ضخمة غداً أو بعد غد...يعني زي 10 كيلو عجالي في الطريق و ناس أمريكا ترقبو المفاجأة ..... في ناس كبار الزوار في الطريق ليكم لبحث العلاقات البينية...زيها وزي الباصات البينية....يعني حتكون الخميس الجاي طيب نحن مفاجأتنا متين يا محمد عيد؟؟؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: أو تلفون الكوتش :
091912162923 |
عارفين في أرقام ما بدوها إلا لي ناس معينين عليكم الله شوفو شن التفرز دا...يا أكتبو التلفونات صحيحة يا كمان قولو لينا إنتو خلوكم نحن نقوم بالواجب بعدين طالما الكمندان عندو وسيلة للتحرك أكتبو تلفونو صاح ما في زول يقول حيث لا تفوت على فطنة القارئ...أها أنا في دي ما فطن و فاتت علي
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
منى يونس /
Quote: زول ما عندو باسويرد عايز يفتح بوست....... و الله إلا الظروف تساعدك هههههههههههههههههههههههههههه |
يا جلا يا أخوي أحبطني شديد إنت متأكد بكري بتاعكم ده ما حيديني باسويرد هسع الكلام ده من راسك ولا من كراسك
شوف البرنامج ده حأملوا ولو من منازلهم يعني باسويرد مشترك ،،، وبطلوا حسد ،،الله في
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
رجعوا الباسويرد بتاعي ده ،،، فكنا يا زهير
شايف المفاجآت كثيرة كانت تخص ناس جدة والمدينة ودحين وصلت
المفاجآت إلى التدويل القصة شنو يا جلا الحاسد منى في الباسويرد
المرسل ليها سراً من زهير ،،،
يا محمد عيد ما تحلقونا ،،،
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: يا جلا يا أخوي أحبطني شديد إنت متأكد بكري بتاعكم ده ما حيديني باسويرد هسع الكلام ده من راسك ولا من كراسك
شوف البرنامج ده حأملوا ولو من منازلهم يعني باسويرد مشترك ،،، وبطلوا حسد ،،الله في |
لمعناك كدا لمن فترنا قلنا السيدة الأولى قالو قاعدة تضرب الرز بي لمن و من المغرب شطبنا قلنا المرأة الحديدية قالو الشفع شاغلنها قلنا عندنا اجتماع لمناقشة القضايا المصيرية قلتي كدي نمشي ننوم و بعدين وروني قلتو شنو سمعنا الناس شركاء في ثلاثة...الباسويرد لم يذكر زهير عندك واحد باسويرد ..وصلحوووووووو
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
حباب الناس الحلوة الف شكر يا ميسرة على السؤال كنت في اجتماع بخصوص الجريدة هناك محاولات للصدور باسم جديد بس القصة حا تاخد شهر تقريبا وهناك محاولات لوساطات ننتظر نتيجتها خلال اسبوع يعني عطالة وفلس زي الترتيب
نجاة حوفي لقيتك براية بدرجة لواء اركان حرب
الف مبروك لاولاد الزقازيقاب النجحوا كلهم وعقبال الباقين
حبيبنا منصور ياخي شكرا ليك انك اعتبرتني مبدع ودة شي كتير علي انا زول بتاع حكاوي حبوبات ساكت
اها ناس الليل وينهم
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: اها ناس الليل وينهم |
عليك الله يا ود جبريل كان ماعذرتني بكرة عندي مشوار كارب و ما بقدر أساهر أكتر من كدا
"" باسمك ربي و ضعت جنبي و بك أرفعه فإن أمسكت نفسي فأرحمها و إن أرسلتها فاحفظها بما تحفظ به عبادك الصالحين""
"" اللهم إنك خلقت نفسي و أنت تتوفاها لك مماتها و محياها إن أحييتها فاحفظها و إن أمتها فاغفر لها اللهم إني أسألك العافية""
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
حاولت أنساك وقلبي زاد في جروحو ورّيني كيف الحي بودّع روحو وريني كيف أنساك أنا إحترت في أمري سجّلت ليك حبّي ووهبتو ليك عمري أقضي الليالي أنوح أسامر الأنجم واسجع مع القمري شغلت أفكاري يا حالي أحلامي في مسرحك يا ليل مثّلت أفلامي جود يا سمير الروح بي نظرة لا تظلمني خفّف لآلامي يا ساحر النظرات عطفك على الولهان حطّمت آمالي دون ذنب يا دا الآن أنا برضي بيك ولهان والحب يزيد تشديد وفراقي ليك كيف هان ما بتدري بي عذري أنا عمري ليك باذل ما بخشى فيك رقيب ما بهمّني العازل أقسم بوجناتك أنا ما ببادل بيك مهما تكون هازل
شِعر أحمد محمد الشيخ الجاغريو اغنية بنت لبون
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
الليل بى ناسو فى براية بتنوم بدرى يا نانى شوفى انا داخلة الساعة2و30 جلا انا اجى بلباب تمشى بلشباك عيد لالالالالالالالالالابد
ود جبريل سوقنى معاك لناس للجكاسة ديل
والله اليومين دى مودى مش ولا بد من قبيل بتفرج واساسق لما البنزين كمل قلت ارجع اكتب
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
ود عيد كيفنك ابوي وحات الله قاعد قدام التلفزيون لا ايدي لا كراعي بقيت اقرأ في الشريط التحت حق النيل الازرق داك وحرقتني حركات البُطان البيسووا فيها ديك والكلام الدراب دراب داك وقمت نزلت فيهم طقيع
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: وحرقتني حركات البُطان البيسووا فيها ديك والكلام الدراب دراب داك وقمت نزلت فيهم طقيع |
والله يا جبريلا كان جيت لى كلامن ولا لى غناهن ولا حتى لى ريدتمه
كلو حاجة كده زى الصورة المقلوبة ..!!
يعنى زمان الناس كانت تتنافس فى القيافة والنضافة عشان تعجب الجكس
ومرات تلقى القميص لمن يكون شــرط يوم لابسه الرشيد ويوم لابسه منصور
وكان عندى سويتر احمر رسلوا لى خالى من امريكا .. من شدة ما سمح ...
زراعة كلها جربت مقاساتها فيهو ...
هسأأأه الواحد تلقاهو مبهدل قميصه طالع بى بره .. وبنطلونه واقع لى فخدينه
وراسو التقول غمســـها فى موية العدة !!!
ويقول ليك شباب ال cool ... !!!
انعل ابو السخانة ذاتها ياخ
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: انعل ابو السخانة ذاتها ياخ |
دي بالغتة فيها يا حبيب
تعرف عندي اخوي كدة كان رايد بت الجيران بعدين هو اكبر واحد والفرق بيناتنا كبير جدا وانا كنت مرسال الشوق موش عشان عيونه لكن كنت خايفه لو ما وصلت الجوابات يدقني ياخي كنت بجازف جنس مجازفات عشان اوصل حاجاته دي هسي بته اتزوجت لمن امشي ليه في بيته في الخرطوم بقول لي مرته ياخي انتو عذبتوني عذاب عشان كدة انا لمن اجي عندكم اي شي عايزه مفروض تسووه لي يقعدوا يضحكوا زمن ياخ
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
مبروك الوصول للرقم 100.000 قارئ ومفروض يكون إحتفالنا الحقيقي بوصولنا لهذا الرقم المميز ، هذا يعني أن هذا البوست متابع متابعة غير مسبوقة وهو نجاح لا شك يحسب لنا ..
وهو هدية لك الناس الذين شاركوا في الكتابة هنا ، فكل مداخلة كان لها نصيب من هؤلاء القراء وهدية لكل من قرأ حرفاً في هذا البوست فكل هؤلاء القراء بلا شك مفخرة لنا ... وهدية لكل زقازيقي المنشأ والهوي ..
مبروك أيها المحتفلون ....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
وصباحات التفاؤل
يافطنة القارىء ...عدل الرقم.
الرقم المميز مبروك لكل الناس .
منى يونس...تحياتى والفكرة جميلة ويا ريت الناس تدعمها.
زينب ...يا حليلك نجاة سرقت منك الامجاد.
البرنس..سلام وليتك لا تغيب .
يا منص ...خميسك كيف؟؟
يالطال غيابك طال ...سنة وزيادة
ديل كتار وعارفين هم منو.
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
جمعة مباركة ، ونسأل الله ان يحقق اماني الجميع
والتبريكات نسوقها للريس معتصم بنجاح انجاله وعقبال الجميع إن شاء الله ندعم ونشيد بكل المبادرات التي تدعم وتصب في خانة دعم بيتنا الجديد فإلى الامام يامني -------- زهير شايفك طنشت موضوعي بتاع البلطي بتاع دعوة عبدالدائم في جبل اولياء نشجب وندين هذا التوجه التطنيشي منك يازميل .... وسوف نعلنها ثورة حتى: ناكل البلطي او تعتذر يازميل
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
جمعتكم مباركة
متابع و مستمتع...مع مشاركة بالفريق الرديف...و بالرغم من أن الرديف كان مشاركا في أولمبياد الامتحانات الا أن لياقتة يحسد عليها...يبدو أنني سوف أترك المجال للرديف للمشاركة الدائمة في كل الفعاليات...و اذا أعجبتني مداخلة ما و أردت أن أنسبها لنفسي فما علي الا الدخول و تعديل التوقيع..
أعجبني أقتراح الأخت منى يونس وهو اقتراح جميل وسوف يكون أجمل اذا نفذ بعناية...لذا نرجو أن تقوم منى يونس بتنفيذ فكرتها حتى تأتي على قدر توقعاتها...
الكوتش في الطريق الى رفاعة بصحبة القائد المباشر و الأشبال...في رعاية الله يا كوتش..
أبو الزوز أسمع كلامك أسدأك....وين تلفونك...انتو بتعلنوا ساكت...اعلام عجيب ياخي...
محمد عيد....لو لقيت زول يشيل معاك الشيلة...بتقول لا؟؟؟ أنا مرتـــــــاح كده...
ديدو...اجازة سعيدة أرجو أن تستمتع بها للآخر و كلما تجيك زهجة...اتذكر الكفيل....
مرحبا بالبرنس عبدالحميد...صاحب الفكرة الأروع و القلم الرفيع...
أنتو يا جماعة جلا ده واقع ليهو من هندول و لا شنو...بكرة تعال أبني لينا برج القافل (برج الفاتح)..
فتكم بعافية
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
مرات الزول يتابع ويستمتع ....
ومرات ما بيقدر يقول حاجة ... منتظر عودة الرشيد للمداخلة وقول شئ ما ، إلا أن الرشيد لم يحفزني فيبدو أن السائل لا أعلم من المسئول .... الراس مرات بتجيهو كبسة .... لكن بتفك ... آي بتفك ... منصور كلامك عجيب ... من القلب وإلي القلب .... يا كبير ... ولا يفوت علي فطنة القارئ الكريم أن كبير دي ما في العمر ولكن في المقام ..
مني إقتراحك مجاز بالإجماع ، حينما لا يعترض أحد إذن الموافقة بالإجماع السكوتي ... يا جماعة في حاجة إسمها الإجماع السكوتي ودي من نفحات ناس الإنقاذ ، معليش قلتوا ما نتكلم في السياسة ، أها سكتنا ... محمد عيد كيف الإستعدادت للإحتفال العظيم ... ليت الإحتفال يعود لنا بالأبناء الضالين ... آي إنت واحد منهم .. أي إنت ذاتك أنا قاصدك إنت ...
البرنس النص جميل بلا شك .. قرأته قبل ذلك وضحكت .. والآن قرأته كأني أقرأه للمرة الأولي ، لغة البرنس لغة محترفين إناس عركوا الكتابة ، وخبروا دروبها .. إمتلكوا التكنيك والحس الأدبي الرفيع .. يلتقطوا المفارقة .. ويسجلوا أدق الملاحظات التي قد تغيب عن الشخص العادي ، لا تحرمنا كتابتك ... سأتي لك في الأيام القادمة بمفاجأة من العيار الثقيل ... شخص سيشكل معك ثنائية رائعة ... شخص إعتزل الكتابة ما يربو عن العشرين عاماً .. ولكن الموهبة لا تموت .. خليك قريب ليت عودتك تؤشر لعودة الإبن الضال السمؤال .. فهو ايضاً مبدع وكتاب ...
ميسرة يا ميسرة يا ريسنا يا حرف النون .... متابعك ... وحبك الأبوي للناس هو ما أهلك لأن تكون ريسنا مدي الدهر ... هي مكانة لا يحوزها الشخص بالإنتخاب وإنما بالحب .. ليس كرؤساء دول العالم الثالث.....
الريس معتصم ... نحكي شنو ولا نخلي شنو ... أنعل أبو الزفت ذاتو ... عليك الله ما تحكي خلي الطابق مستور ...
مبارك جادين .... يا جماعة مرشح لمنصب وزاري كبير قولوا آمين ، انا غايتو من بدري حاجز مدير مكتبه .. إنشاء الله وزارة في أم طرقاً عراض ... لازم تراب الميري دا ندردق فيهو ... وإنشاء شهر بعدين يجي إنقلاب ولا يودونا الصالح العام ...
جلال يا بتاع السمك ... المسألة سمك طاعم وأنس جميل وهواء بارد ونضيف يرد الروح ، وماء وخضرة ووجه حسن .. لو رسلنا ليك السمك الحاجات التانية ما بتترسل ... كسر تلج لي ذو الكفل زي ما قال عبد القادر وتعال إجازة إسبوع ... عبئ معنويات من مصانع البلد وأهل البلد وريحة البلد ،، تديك زاد لسنة سنتين ويمكن أكتر ...
سامي ... لازم تتابع البوست بتاع العضوية وتلقط الأسماء كلما سنحت الفرصة .. دا تكليف يا زميل ... إقترح عدم المداخلة في ذاك البوست ..بأي شئ غير الداتا .. كل زول عنده داتا يوصلها ومشكورين علي السعي .. عشان نقدر نستفيد منه ...
عبد الحفيظ ... قال بقي يشوف البوست طشاش طشاش بعد الملاريا .. وبليل بتجيهو هلاويس من نا جلا .. وعبد الدائم النضيف ما عرفت الرابط شنو ... يكون يا ربي عشان الإثنين نضاف ...
عفاف علي ميرغني ... نشاط وهمة وفنجرية ... ثنائي جميل ولا اروع مع حاج الركز .. الجوع الحناكيش وركبهم القشاش ... مشكلته دائماً واقع في الحناكيش والكلام ليك يا المنطط عينيك . آي إنتي بالتقراي في المداخلة دي ، ما تعملي روحك ما سامعة وتتلفتي جاي وجاي مافي حاجة ساي .... الصورة إبتهاج فلفلتها فلفلة شديدة وما خلت رايحة ولا شاردة والله تاريها ما هينة ... زي ما قال زول في الزقازيق ما قادر أتذكره ...
جلا يا جلا ... يا بتاع التنمية المش عارف أيه متناقصة ومتزايدة .. ما تذاكر فينا ... يا تقول الكلام كله .. يا تخليهو كله ... نحن برضك طلبة وعايزين نعرف .. البخل بالعلم ... بيودي النار ما زي البخل بالقروش ...
محمد صديق ... صوتك في التلفون هين ، اعمل حسابك علي صوتك في الإنتخابات .. وهو أربعة أصوات المرة دي .. يعني ثروة .. وكل زول يعمل حسابه علي أصواته ... واللقاليق بقت غالية في السوق ... تمشي وتجي بالسلامة ... والتحيات لناس رفاعة ...
نجاة حوفي ... وحاتم جبارة ... حناكيش البوست ... طبعاً مع إضافة الرشيد وعفاف علي ميرغني ... بريك والله نشتاق ليهو ونشتيههو ... ونرجي ليهو الجمعة .. يا ريت يكون من غير أبو جمعة ، رسلي لي إيميلك علي الإيميل [email protected] عشان يكون بري مقنن ، ومن غير رديف ولا رغيف الإستقلال التام أو الموت الزؤوام ...
حاتم يا جبارة .... يا بتاع الباندات زمانك فات وغنايك مات ... وصاحبي أبو النور تاني والله ما بتاكل معاهو عيش ... تاني المنافسة مع صاحبي داك المابقدر أجيب سيرتو .. إنت عارف وانا عارف وهو عارف ... بس بقدر أنكر كلامي دا وأبلع السيف متني ...
طارق يا جبريلا ... كل خطوة وفيها بركة .. أكيد الجاي أحلي ... المستقبل أجمل ... وعسي أن تكرهوا شيئاً وهو خيراً لكم ...
صالح ... يا بتاع كنار .... في إنتظار إقتراحك لقينا ليك زول يتفق معاك في فكرتك .. في إنتظار منحه العضوية ... وتطرحوا وجهات نظركم ...
يا جماعة كفاية ولا ارشكم زيادة
أحمد إسماعيل .... كتاباتك رغم قلتها تشكل نقلة في النوع والإتجاه والجديد وثقافة مختلفة لك الشكر ..
مدثر أبا يزيد من يوم جاب سيرة الدهب إختفي .. إما تعرض لمحاولة إغتيال من قبل منصور ومن لف لفه من ناس الرياض ... أو تعرض لحظر تجوال داخلي في المنزل أدي لحبسه في غرفة إنفرادية ..
زينب التجاني وبس .....
زهير الزناتي
مركب ماكنة جماعية (نجاة ، الرشيد قبل النفسيات ، زينب ، منصور ومن لف لفهم ولا يفوت علي فطنة القارئ الكريم إن هذه الكتابات ما هي إلا مجرد خستكات علي طريقة ولدنا جلا .. ولا نامت أعين الجبناء ... وهم الذي سيصطادوا في الماء العكر ويقولوا نسيت فلان أو علان ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
ابو الزوز ... ياها الباقية ليك بس؟ صورة البوســتر ؟؟
بعدين ياخوى مالها مداخلتك دى ذكرتنى عمود ميرغنى ابو شنب زمان ؟؟؟
Quote: يبدو أنني سوف أترك المجال للرديف للمشاركة الدائمة في كل الفعاليات...و اذا أعجبتني مداخلة ما و أردت أن أنسبها لنفسي فما علي الا الدخول و تعديل التوقيع.. |
يا زول بطــل بيــاخة .. الفريق الرديف خلاص حايدوهو كارنيه يشارك فى الدورى التأهيلى ... ولو انت داير ممكن مرة مرة تدى فرصة لواحد من الخمسة التحت السن بتاعين شداد اجازتك انتهت امبارح بالليل ... الليلة لو ما ظهرت ... أرجى الراجيك فى غيأأأثى !!!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
وكتين ابيتو تجوني بهناك نكبوا ليكم هنا:
Quote: انتو يا الحبان ولاد الزمن دة يا كافي البلا حتى الحب آآآبيعرفوهو الله اداهم الماسنجرات والفيس بوك والياهو والتوتر والموبايل والاس ام اس بعد دة كله حبهم دراب دراب النبي شوفوا جنس كلامهم في الشريط التحت في قناة النيل الازرق داك وحات الله يسولوم في جنس نضمي يمين الغنمايي ما يأثر فيها والله لاهن عارفين يحبوا ولاهم قادرين علي النخجي والجوعير بالله الواحدة تكتبلو: انا بحب المريخ عشان لعيبتهم ظريفين يقوم يردلا: ظريفين شنو ياخي ديل وهم ساكت يمين ان كنت انا ان بقت قالتلي بحب مريخ أم علقة كنت قلتلا: أنا أصلي غير كورتهم ما قاعدة تعجبني كورة ولا حتى برشلونة ديل بُطان شنو ديل
يا حليل أيامنا وأيام ود شيقوق بالله البني تحرن ليها قدام حلتهم لامن الشمس ترقدك كداد وتقعد تحاحيلا من هني لا هني واصلو حلتهم دي كلها تبقى اهلك وتسوي الدرب ساساقا ضُمة ضمة والعجب ان بقى الله اكرمك بي بكاء في حلتهم ولا في بيتهم زاتو يمين يدينك يبقبقن من حفير الصيوانات واصلك لا تقول اح والعجب ان دخل لا جوة وجبتلك ترمسة ألت شاي وايدها دقشت في ايدك يمين تجي منفوخ من لا جوة وماشي شايل ترمستك وتتقدل بي طرف اصابعينك علي النعامة واصلو ان خلوك يمين في بيت البكاء دة تقرب تفكلك زغروتي والعجب لو عندهم عرس في حلتهم ولا في بيتهم زاتو يمين تجيب فرشك وبهيتك وتقعد تضرب في بيبان العرس ديل لامن تلمعن وتطلع تفتش السباليق ان بقى فيهن شي مكدب وان بقى عندهم غنم تسقيهن وتجيبلهن القش ودة كله بس فشان تحاحيلك شوفتا منها
هسي بالله الواحدة تقول ليه: يا تامر يلاكا معاي ياخي عايزة اشتري ملابس داخلية وفوط صحية وهو يقولها: خلاص لمن تكوني جاهزة مسكلي لي يمين نحن الملابس الداخليي دي تبقالنا قدحة لا شفناها لا رأيناه وحتى ان بقينا شفناهن وكتنا داك يمين علي ننهق زي الحمير اكرمكم الله وكمان جابتلها فوط صحيي... وحات نضري القطن دة شفناهو بعد دخلنا الجامعة وكتين تنجرح ويقشطولم قطنايي ملياني صبغة يود في الجرح ديل نصايب شنو ديل
بالله هسي البني تقعد تنتظر في الولد وتشتريلو في الهدايي جملة الأيمان وكتنا فشان بس تشوفها تسويلك في جنس عمايل ان بقى عندها اخو يقطع الخميرة من البيت تصاحبو وان بقى عندها بت خالتا ليها تعرف بنات ود عمك تمشي توصيهن وبعد دة كله ان بقيت شفتها بعد تلاتة شهور انت كسبان وتعيش عليهن لامن تجي تاني تحاحيلا من أول جديد واصلو لا تخليلك الجابري ولا زيدان ولا احمد المصطفى.. بس تقعد تسمع في اغاني النخجي والجوعير ديل وتتوجع في حوش بيتكم لامن الله يعدلها عليك وتلم فيها تاني وتاخدلك حنك حنكين معاها والعجب ان بقيت داير تكتبلك ليها جواب بالله تقعد تحاحي في ابوك لامن تصل الدولاب أليلو وتسرق الريحي ألتو وتبخها في الفلسكاب وتسويلك وريقات زي البخرات تكتب وتشطب فيهن لامن يجنك الكلمات السمحات ويخلنها وكت تقراهن تتبسم.. ووكتين تنتهي تقعد اسبوعين تفكر في النصيبة التوصله ليها وترجع لي المحاحا من جديد.. والعجب ان لقيتها قدامك من الخلعة تديها الجواب وتقولها اديهو لي اخوكي
وبالله تنتظر عيد الفطر دة من السنة للسنة فشان تجي داخل لاااجوة وتباركلهم العيد وأصلو الكعكايي الادتك ليها دي لا تاكلها لا تضوقها.. تختها في دولابك وسط الهدوم لامن تعتت وتنشف وكل يوم تجي تشمها من تحت الهدوم وترجعها تاني.. والقميص الختيت فيه الكعكايي دة تلبسو من المناسبات للمناسبات...
هسي الله بيسألكم داك حب وأليل البُطان ديل حب |
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلام ليكم كلكم بدون فرز عيد كيفك والله ما شاء الله حضور طاقى ربنا يديك العافية
والله يا محمد صديق نجاة استلفت الامجاد لمشوار ونامت بيها اصلها شديدة ولضيضة دايرة تحافظ على عربيتا الرشيد مركب مكنة منو اليومين دى
حاتم جبارة الناس البزورو البوست ديل يقولو عليك شنو باندات وسويترات البركة البت الشيخ ما بتقرا العربى دة
السويتر الكبدى وين
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
يا جبريلا ربنا يديك العافية والله حالة الوجد دى انا معاك فيهامن امس الزول دة غناى شديد امس حمانى اتداخل كنت فى حالة استماع واستمتاع
دة منو بللة
احمد المصطفى ذاتو بكون مبسوط ومستمتع ومتابع
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: يا جماعة ما في زول علق علي المائة الف قارئ ديل ولا جاب خبرها مالم كدي عيبوهم لي |
مؤكد يا زهير تحقيق هذا الرقم القياسى مفخرة للكل
وانت أولنــا .. لانك حقا كنت المحرض الحقيقى لقوة الدفع التى حققته
وبذا نكون طوينا صفحة المنبر العام بتحقيق رقمين قياسيين .. نحمد الله ومبروك للجميع
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
يا زوبة الزول المبدع دة اسمه طارق ابو عبيدة مستقر في سويسرا وزميل في المنبر بي اسم ((خدر)) زول رائع شديد عندي معاه علاقة حلوة شديد رغم انه عمرنا ما اتقابلنا والاغنية دي انا مرقداني خل
ابو الزوز الرقم مميز جدا وآخر مداخلة فيه كانت لي انا عشان كدة مبسوط
انتو الجكيس الفوق داك ما عجبكم نمشي نمسحوا
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا طارق جبريل ... اولاد الزمن ديل ، في نفس الحتة الكنا فيها زمان .. زي ما كنا ببنظر للجيل القبلنا ، هم نظرتهم نحونا تحمل نفس المعاني ، حب الجوابات وكعك العيد دا ، لناسنا الكبار كان قلة أدب ومسخرة زي ما نحن بنقول علي أولاد اليومين ديل ، عشان كده قالوا لكل زمان غناي ، بكل اسف غناينا مات وزمانا فات .. بس في الحاجات دي ،،، بس يمكن أن نمارس حياتنا بعصرية في حاجات تانية .. حتي أسال الرشيد بابكر بس يا ريت يكون الرشيد قبل النفسيات ... عشان كلامه يكون طاعم وحلو ...
وبعدين ياخي الأغنية مبالغة عديل كده ، بالله تاريهو خدر دا غناي كده ... كان كده نمشي نصاحبه في البوستات بتاعته ... يمكن نحتاج ليهو في عرس واحدة من البنيات ولا عرسي انا ذاتي ، قولي كبير ولا كبير علي العرس ؟؟؟
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
مفاجاة جلا رهيبة اوعى نكون فى ابريل وما عارفين حاجى بلهندول يا زول
الرقم يا زهير كل الناس علقت عليهو حتى الرشيد بى نفسياتو انتو كان الرشيد عندو نفسيات البراية برضها عندها نفسيات يا طارق انا دخلت البوست بتاعك لكن رهيب ما شفت شكلك مكبكب فى البير ياخ انت ذاتك فنامن ذى خدر دة انا من امس مدمنة خدر دة يا عيد انت ماسك كمان وزارة الخارجية ؟ التعديل الوزارى دة ما نزلو لينا مدام بتلومو انا اول ما دخلت قلت نور بيتنا مافى زول هببو لى ولا قلتو لى بركة الرد غربة سيد الاسم غايتو عالم..................
| |
|
|
|
|
|
|
Re: ناس الزقازيق ... أجدع ناس .. (Re: حمد محمد احمد)
|
اهلا بيك يا اخونا حمد وشكرا لمرورك عليناوشرفتنا بقبل تحياتك لمحمد صديق وحتصلو باذن الله وهو وسط اهلو فى رفاعة
(قبلناها بلنيابة)
تم بحمد الله فتح المنبر الجديد وتلاقى الايقونة جنبكم يعنى بقينا جيران والله محتاجين جدا انو نستفيد من تجربتكم الثرة وبتمنى تزورونا ونزوركم وما تمدونا بلنصائح يلا شرفونا فى حوشنا الكبير(ناس الزقازيق) وحنرد الزياره باذن الله
وبنكرر شكرنا ليك وبنقدم ليكم دعوة لحضور احتفالنا بلميل 100 ودى دعوة ليكم كلكم بلمشاركة
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
جمعتكم مباركة والله يا عيد مفاجاءتك رائعة ربنا يتقيل حجة جلا ويرده سالم لاولاده ويا جلا النبى فيك ما تنسانى من الدعوات الصالحات. زوبة يعنى انا نمت الساعة 1 وبعدين انا صاحية من 5 صباحا وشغالة للساعة 7 مساءا يعنى بعد يومى الطويل المفروض يكون صحيانى ليكم ده فولاذى .. يا اخوانا اقيفوا كلكم حيوا معاى حاتم جبارة(ما مشكلة الاستايل بتاعك ممكن نقول وقار يتناسب مع منصبك الجديد) تحياتى لبناتك الحلوات. يا زناتى خلاص صافية لبن حليب يا قشطةنحن البينا دايما عامرة.موضوع الباسوورداعتقد انه فى ناس قبلى واولى منى وانا خلينى اخر زول .my email address is: [email protected] my mobile number is:00971 50 5824459 شكرا يا طارق اطربتنا بالاغنية الجميلة. ذى الجونا ضيوف كدى نفتح الباب ونرجع ليكم نجاة حوف
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
مساكم الله بالخير
يا جماعة عملتو لي نفسيات جد جد بي كلامكم ده...مشغوليات و تعب احتاج لي الكثير من الراحة...فأفردت كل يوم الجمعة للراحة و أكل الحاجات الما بيعملها الطباخ بتاعنا في غياثي و أهمها الملاح الGreen بالكسرة البيج و حلو الكركدي و اللقيمات مع الشاي والرز باللبن في العشاء... حج جلا لم يكن مفاجأة بالنسبة لي رغم محاولاته اليائسة في اخفاء الأمر علي...جلا يحج بصحبة والدية و قد وصيتة شخصيا بالدعوة لي و قلت ليهو أسمع يا جلا أوع تجمعني مع المسلمين عايز لي دعوة منفردة...
جبريلا والله زرتك بي هناك و قريت و استمتعت بيك وبي المداخلات التانية و كان أظرف بوست يومها عشان كده كنت متابعه باهتمام صحي ما كنتكت ليك...لكن ده كان بي سببه...ما عندي ذكريات زي دي انا عندي كان Direct contact من الله خلقنا... أما حركات أولاد الزمن ديل...بيني حتى أيامنا كان في نماذج قريبة منها صحيح ما زيها ميا المية لكن قريبة منها..
جوني ضيوف بجيكم راجع....
زهير.........جاييك
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
البرايات الظريفات ..
مساكم الله بالخير ...
يا زوبة حمدا لله على سلامة سيد الاسم لكن والله ناس زهير دســّوا مننا
زى ما دســينا حجة جلا ...
نجاة حوفى .. الراجل مالو يااختى ..؟؟ والله دى شكلها حركة تمرد علنية طالما جابت ليها تنزيل ايميل وعنوان
بس بالله اعرفى لى كده هو بكرة راجع الخلا ولا كيف ؟
بصراحة الزول ده لى هســـه ما جهز اغنياته الحيغنيها فى حفلة المئوية .. ما يقوم يشرنا !!!
********
مرحبتين بمداخلة اخونا حمد محمد احمد
والتحية عبره لناس المنبر الحار ... ونشكر له كريم مشاعره
وبكل تأكيد حوجتنا ماسة للاستفادة من تجربتهم ونقدر لهم هذه المبادرة
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
يا عيد فى زول عيد ميلادو يوم الاحد مع الاحتفال اها كيف بلمناسبة حجزت الفنان الرائع خدر بس لسة ما رد لينا ممكن نوسط ليهو ود عشةما برد ليهو طلب وعزمنا ناس المنبر الحار دهب جهز خطاب الافتتاح حامشى لناس بحرى والشعبية هسة ياجماعة عايزة زول يمشى معاى المرافق مشى الحج بدون ما يخطرنا حتى
يا زناتى شوف باقى الناس المختفية
رشا
اهلا بلله بها الطلة اشتئنا لعيونك والله
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
حجاًمبروراً وسعياً مشكوراً وذنباً مغفور بإذن الله
الحاج الفقير إلى الله مولانا محمد آدم النور
بس أنا زعلان شوية أنحنا جالسين هنا في بوابة
الحج لابد من أراد الحج بأن يمر من عندنا ولو
كان نازل المدينة المنورة أو حتى الدامر
المهم أنحناأرسلنا العيون لجلب الخير المفيد
يا زهير مداخلتك الطويلة ديك جميلة في سلاستها
وتلقائيتها .
نرحب بالأخ/ حمد محمد أحمد من المنبر الحار
وأنحنا زرنا المنبر الحار كتير ونود أن نستفيد
من تجربتكم ،، والكلام موجه لناس الزقازيق فقد شهد
أخونا حمد في تخبطهم في البداية وهذا ما أشرنا اليه
وهناك اقتراح من مدام منى يونس ومنصور بأن تكون هناك
مجموعة تدرس المقترحات وتطلع لينا بالمفيد .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
رشا حقيقي في إنتظارك ....
شكراً حمد علي الزيارة والطلة ... وبلغ تحياتنا للإبن عبد الكريم الأمين شقيق الزقازيقي صلاح الأمين ونحن متابعين تجربتكم بكثير من الإعزاز ... نتمني أن نستفيد منها ..
يا ريس ميسرة والله حكاية الحج البيدسوهو دي جديدة .. بس أكيد في حاجة خلت الود جلا يأمن التأمين العالي دا ... بس ما يكون مطلوب في المحكمة الجنائية الدولية ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
احلى مساء ع الناس الكويسة حقيقي كنا ننتظر المفاجاءة على احر من الجمر ... بس خبر حج جلا لم يكن مفاجاءة لي وللرشيد كما قال حيث هاتفني جلا واخبرني وفي نفس اليوم هاتفني الرشيد وأخبرته الخبرية .... المهم سوف نلتقي بأذن واحد أحد انا "والخبراء الاجانب" وجلا "وخبرائه المحليين" في الأراضي المقدسة ونسأل الله ان يتقبل منا جميعا وييسر لنا امر اداء المناسك
----------- من هسا العندو دعوة خااااااااااااااااصة يرسل ايميل وذلك لناس الخارج ناس الداخل يرسلوا لي بس بسلمها لي جلا
جبرييلا ما ترسل لا اسا مليت ليك ورقة فلسكاب
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
اخيرا ظهر الرشيد ياخي ليك وحشة
يا جلال عليك الله انا براي داير لي كم كيلو دعوات كدة قالوا مرة في اتنين بيدعوا في الحرم الاول شغال: يا رب مائة دولار التاني: يا رب مليون دولار قام التاني قطع في الاول مائة دولار وبدأ يدعوا: يا ربي بعد دة ركز معاي فهسي يا جلال انا امتر زول عايز تركيز في الدعوات دي
مرحب بي ناس هندسة في بيت الزقازيق يا زوبة خدر زول فنان شديد وعنده احساس عالي عشان كدة بيختار غناهو بي عناية شديدة انا متابعه من زماااان خصوصا اذا استثنينا عصام دهب انا اقدم زول فيكم هنا
| |
|
|
|
|
|
|
Re: ناس الزقازيق ... أجدع ناس .. (Re: حمد محمد احمد)
|
Quote: يا عيد فى زول عيد ميلادو يوم الاحد مع الاحتفال اها كيف |
زوبة الزول ده مرحب بيهو
يجيب التورتة بتاعتو معاهو .. وكمان الهدابا الجابوها ليهو
وما ينسى يجيب معاهو 2 دستة تشيس كيك و3 دستة كرواسون ودستة واحدة بوريك
وامجاد مليانة تشكيلة فواكه من جنينة ناس محمد العوض فى ود رملى
و20 دستة فناجين شاى فاخرة من دكان ناس احمد صالح فى حى العمده
ويغشى ابتسام ميرغنى فى نمرة 2 يجيب 18 بيتزا مارغريتا لارج سايز
ويمر على الشنقيطى يجيب من ابتهاج ســـرامس الشاى باللبن المقنن ...
وبعد ده ما مشكلة ممكن يجيب معاهو ضيوف فى حدود 6 افراد فقط ..!!
وطبعا كده وقعت ليهو باااارده ...! يعنى حفلة ميتة ...
الفنانين علينا .. جاى كمال الشادى واحمد عوض وعاطف على واسامة موسى
وهناك محاولات مع عادل ركس ( غايتو عادل يسلم وحسن تريبو مشوا يحنسوهو )
اظن ما قصــرنا ..!!!
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
أها يا جماعة جيتكم راجع...لكن الرواقة ألقاها وين أنا...الحمد لله راحة وارتحت لكت روقة لسة ما روقت و ده ما سبب يخليني أغيب...أشتاقكم جميعا...لكن روجتوا لي قصة النفسيات دي لدرجة انه الواحد تاني لو مشى زيارة لي بوست الشعبية و لى ناس اليوم الحار يقولو ليك أوووووووووووووو الرشيد نفسيات بيننا يا مرحبا يا مرحبا...و تحت تحت يتغامزوا ويتضاحكوا...زولك جنريتر...زولك جنينة...و يقوموا يتخارجوا يخلوا لي المكان...مالكم يا جماعة...يقولوا ليك أمشي أسأل جماعتك...
الريدة حقت الجوابات دي نحن ما حصلناها...و ريدة حاول يخفي نفسه دي ما أدونا ليها...نحن ناس مودرن يا جماعة...و أنا بيني و بينكم مكجن الجوابات دي...ضيعت زمني قبل الانترنت و الايميل...زمان كنت بقدم لي جامعات أمريكية أرسل الجوابات لمن تصل يكون السميستر انتهي و لما يجي الرد يكون السيميستر التاني انتهى...جوابين و ردهم تكون سنتين مرت عليك و انت ما زلت بتراسل الجامعة...و بدون أن تصل لي نتيجة...الله يقطع الجوابات...زمان كنت أراسل صديقي أبوعبيدة و الذي كان يعمل بالامارات و كنت أنا ما زلت بالسودان...كنت أواظب على مراسلتة لأنه خطابة كان عبارة عن كشكول أدبي...فكنت أنتظر خطابة و كأنني أنتظر رواية للطيب صالح أو ديوان لسند...ثم من الخطابات المهمة كانت الخطابات التي كانت تأتيني من السودان بداية كل شهر عندما كنا بالزقازيق... الجيل الجديد ده مظلوم أو محظوظ يا جماعة...مظلوم لأنه لم يختبر الأشياء الجميلة التي مررنا بها نحن و من كانو قبلنا و التي تتمثل في الأسرة المترابطة الموحدة و الأخلاق الحميدة و التي كانت تعم الحي و القرية و الأسرة الكبيرة و الصغيرة....و محظوظ لأنه متوفر له كل شئ جيد و مفيد وفي متناول أيديهم و سهل الحصول علية ان أحسنوا الاختيار....
البرية دي شايفه طولت.....صاح؟؟
زهير كيفك كنت منتظر تلفونك....
زوبة...تشتائلك العافية...أنا بخير و كل شئ تمام...
محمد عيد...لم أحضر شئ للاحتفال...ربما غدا ان شاء الله...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: والله يا جماعة البوست دا فيهو صور للخرطوم مبالغة عديل كده ... بس المغتربين ما يتخيلوها بقت نيويورك
|
صور جميلة جدا يا أبو الزوز شفتها اليوم و عجبتني جدا...المصور فنان جدا...
شايفك انت كمان منزل باب بيتكم من الداخل....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا ناس
الواحد مكسوف كده شال الجهاز وقعد براهو
لما تكون فى بيتك وبت الشيخ مافى مشكلة ...
لكن تجى زيارة للحاجة وتخش المسا وطوالى تقعد
فى الجهاز ...كتيرة..
ارحب بصديقى الباشمهندس حمد...وهو زول فردة عديل
خلونى اجيكم لما ارجع ...
سلام
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الرشيد للناس الماتبفهم كورة .... الروابط هي مرادف لليق في درجات كرة القدم ... عشان الناس تفهم النكتة ... في ناس هنا ما عندهم علاقة بالكورة دي ولا في التلفزيون ... حتي أسال جلا الحج بالدس داك ... والله نحن الزعل شارطنا .. ياخي الزول يدس مننا حجه عليك الله دي ما حاجة عجيبة ... تقول نحن أنفولونزا الخنازير ... بعدين صورة بيتنا من وراء دي .. برضك ما في زول حا يفهمها ليك .. انا ذاتي أخت لي صنه قلت أتذكر يا ربي أنا بوست الصور خشيت فيهو تاني عرفتك قاصد شنو ... يعني الليلة شغال معانا رياضيات وكده .. برضو يا زول مكسب كونك جيت بمزاج .. اها صاحبك ا لكوتش ضارب الطراوة في رفاعة ... وبعد شوية حا يديكم حاجة من بيت الكلاوي ...
ياخي الأغنية الجابها طارق جبريل دي فيها شجن عجيب ، عادة الأغنيات بالتشتغل مع فتح البوست بعد كم مرة أسمعها فيها ... بقفلها طوالي لأنها ممكن تشتت تفكيرك .. إلا الأغنية دي والله أكون سمعتها زي 30 مره كده ... ياخي أحب الشجن ذاتو واكره الحاج جلا ..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ولا الحزن القديم
إنتِ
ولا لون الفرح
إنتِ
ولا الشوق المشيتْ بيهو
وغلبْنى أقيف
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه
ومن شهقَة زهور عطشانَهْ
فوق أحزانهْا
متْكَّيهْ
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى
معاكْ يجينى زمن
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي
خُطانا الإلفَهْ والوحشَهْ
وتمشى معاي... وتْرُوحى
وتمشى معاي وسط روحى
ولا البلْقاهو بِعْرِفنى
ولا بعرِف معاكْ ..روحى
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
و الله يا زهير معاك حق في تفسير الليق و الروابط لغير المهتمين بكرة القدم...لأن نجاة من قبيل عايزه تفهم أنا قاصد شنو بالفريق الرديف و منو الرديف المقصود هنا...على أي حال سنحاول لاحقا أن نكتب التفسير الفوري للمصطلحات الصعبة...
الكوتش في الشاحن الآن...يمشي يتشحن معنويات مع الحجاج في رفاعة و يجينا بي مزاج يوم الأحد...
حاولت أنزل أغنية الحزن القديم بصوت أمال النور و بمصاحبة البيانو...حاجة رهيبة و لكني لم أفلح فانزلت كلمات الأغنية...عشمنا في صديقي سهيلي الذي غاب مثلي أن يلبي الطلب و ينزل لينا الأغنية بصوت أمال النور....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ناس الزقازيق سلام انا جيتكم مهروش من زينب و حيدر مع انو زيارتكم ما بتحتاج للهرش ده كلو لكن اسوي شنو .. قالوا في المقاله البتجي من زينب و حيدر يتلقاها خدر بوستكم جميل والله و علاقتكم دي اجمل مما يمكن ان نتخيل شكرا لي زينب و حيدر لانو خلوني اتابع معاكم بوستكم ده و شكرا لي طارق جبرين صاحبي الفتني معاكم ياخي انا عندي بت و ولد اليوم ما بكفي عشان انفذ ليهم مآربهم .. داير تسويني في لوم معاهم و مع ناس الزقازيق يا طارق مالكـ سعيد بي انو الاغنية عجبتكم .. يشهد الله الفضل في ذلكـ لعمكم الجاغريو انا لي أجر المناوله .. شكرا كتير .. ادعوا معاي للجاغريو و العميد احمد المصطفي بالرحمة و ادعوا لي معاهم .. باقي انا ذنوبي كتيرة وربنا يديم المحبة البيناتكم دي
| |
|
|
|
|
|
|
Re: ناس الزقازيق ... أجدع ناس .. (Re: خدر)
|
والله يا خدر الله يسألني انا قايلك كلمنجي ساكت ، لكن لقيتك غناي شديد خليتنا في حالة من الشجن ما حصلت .. وباقي نحن ناس من بنطرب بسهولة ... إلا الشديد القوي ... اها الليلة لقينا الشديد القوي ... والغنا دا صحي في ناس بيدوهو طعم تاني .. إتخيل انا بسمع في الأغنية وطاف بي المطاف عدة أطياف .. بس ما حا أقول ليك عشان ما تبقي مغرور ... أصلك زول جميل ... وصدقني بعد دا بنباريك محل تمشي ، وكدي شوف لينا معاك فيزا لبلاد العام سام نكتل حفلة فرجينيا يوم 28 ، إنشاء الله تقول ليهم عازف باص ، رغم إني لا أفرق بين الباص والجيتار ، ياخي شكراً علي الزيارة والغناء الطاعم . وتحياتي لصديقي خالد الطاهر .... وكل من بطرفك ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: سعيد بي انو الاغنية عجبتكم .. يشهد الله الفضل في ذلكـ لعمكم الجاغريو انا لي أجر المناوله .. شكرا كتير .. ادعوا معاي للجاغريو و العميد احمد المصطفي بالرحمة
|
خدر...انت قايل أي زول بيستحق أجر المناولة ده...أجر المناولة ده لمن يحسن المناولة
ولقد أحسنت أنت المناولة لذلك تستحق أجرها...و تستحق شكرنا لك لامتاعنا...
الرحمة والمغفرة للجاغريو و العميد احمد المصطقى...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
دعيني أخرج منك بعيداً عنك
أعرف أنني سأتوه وسأعود لأبحث هني فيك
دعيني أراك بعين أخرى وأحبك بحب آخر
بحثت عنك فوجدتك وبحثت عني فوجدتك
أنت ألف روح تسكن جسدي
وسأحبك روح تلو روح فمتى سأنتهي
لن أنتهي بل سأبدا قصة حب جديدة مع كل روح
أنا هناك بعد هطول المطر وقبل إشعال النار
فإنتظريني!!!!!!!!!!
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: من حاج الركز
الناس دى ضربت الرز باللبن ولة شتو ييلا يالرشيد ورينا ابداعاتك
|
يا حاج الركز معظم الناس دي بنتذكرها بس
لازم ناس زراعة يكون ليهم دور في معرفة الأسماء
ماشين على النوم بس الصفحة دي الباقي ليها تسعة مداخلات
وتلحق أمات طه ،،،
يا ناس الليلة عليكم الله تقلبوها ،،، إنشاء بالدبابات
تصبحوا على خير ،،، لحدي ما نشوف الوله جلا ده بكرة .
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
هاكم دي كلمات الأغنية عشان تسمعوا و تغنوا معاها لي الصباح...و لا نامت أعين ال......
حاولت أنساك وقلبي زاد في جروحو ورّيني كيف الحي بودّع روحو
******
وريني كيف أنساك أنا حرت في أمري سجّلت ليك حبّي ووهبت ليك عمري أقضي الليالي أنوح أسامر الأنجم واسجع مع القمري
******
شغلت أفكاري يا حالم احلامي في مسرحك يا ليل مثّلت أفلامي جود يا سمير الروح بي نظرة لا تظلمني خفّف لآلامي
******
يا ساحر النظرات عطفك على الولهان حطّمت آمالي دون ذنب يا دا الآن أنا برضي ألهى بيك والحب يزيد تشديد وفراقي ليك كيف هان
******
ما بتدري بي عذري أنا عمري ليك باذل ما بخشى فيكا رقيب ما بهمّني العازل أقسم بوجناتك أنا ما ببادل بيك مهما تكون هازل
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا سلام يا خدر الله يطول عمرك ويمتعك بالصحة .. اطربتنا للنخاع.. يا ناس الليل والله الساعة 2 ونامت اعين النعسانين .. اكيد عارفين ابو هنودى بكرة وراه مشوار طويل ادعو ليه كمان لانه نزل ليكم الاغنيةعشان تحفظوها وتدندنوا بيهاوربنا يوصله لينا بالسلامة دايما.. الصورة برجع ليك فيها يا حاج الركز بعدين ديل ما نحن كلنا وهل يخفى القمر .. تصبحوا على خير
نجاة حوفى
| |
|
|
|
|
|
|
|