|
|
|
 Re: ناس الزقازيق ... أجدع ناس .. (Re: الرشيد بابكر)
|
Quote: طيب يا جماعة يبقي متفقين لأنه بكري شكي من طول هذا البوست وما يسببه له من إشكاليات فنية عليه سيكون الإقتراح كالآتي :
1/ أرشفة البوست الحالي .
2/ فتح بوست جديد .
3/ فتح منبر جديد علي أن تكون له أيقونة أعلي المنبر العام مثل منبر اليوم الحار وإقترح أن نكتفي بإسم : ناس الزقازيق .
4/ نقل البوست المؤرشف للمنبر الجديد .
5/ جلب البوست السابق وهو موجود في مكتبة عصام دهب وضمه للمنبر الجديد .
6/ منح العضوية لكل من يرغب من ناس الزقازيق وذلك بالتأكيد بعد تزكيتهم .
|
| |
 
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
تحية و تقدير لأجدع ناس ..
و تحية خاصة لزميلنا و سنيرنا المبجل من جيل الزقازيقاب العظام الأخ الفاضل /سامي عمر الامين . خريج علوم الزقازيق 1984الذي تواصل معنا عبر هذه الرسالة التي تلقيتها على بريدي الألكتروني ..
Quote: العزيز عصام دهب
التحية لك ولاخوانك واحبابك اهل الزقازيق الحبيبة واشكرك واهنئك على هذا البوست الرائع الذي وفقك الله فيه ايما توفيق وكيف لا وانت تلمس بتلك الذكريات الجميلة في دواخلنا اوتارا حساسة تذوب فيها نفوسنا تحنانا وتطلعا لماضي جميل حسبناه قد ولى من حياتنا الى غير رجعة ولكنك بهذا المنبر الجميل الذي جمع الشتات تواصلا من جديد في مسيرة حياة لنا معشر الزقازيقاب لا تجد لها مثيلا في اي تجمعات طلابية مماثلة وما ذلك الا لنفس الاخاء والزمالة والمشاركة في الالام والافراح
والامال والنتيجة هي هذا النسيج الفريد في العلاقات الانسانية النبيلة. انا من الجيل الثاني من الاباء 1979- 1984
والتقيت بك في جدة مع صديق غربة لي وزميل دراسة لك هو الاخ حسن في مؤسسة السوادي بسارع المكرونة في التسعينات والله ما متذكر بالضبط متين- المهم ي سيدي انا متابع منبركم الجميل ده واستفدت منه كتير خصوصا في استرجاع كثير من الذكريات الجميلة وتنشيط الذاكرة الهرمة رغم ان طابع البوست تطغى عليه الشللية الا ان ذلك لا يقدح في قيمته الانسانية - ولا ابلغ اذا قلت لك اني متابه من الميل واحد الى ما وصل اليه الان الميل 100؟ما شاءالله وانتحى في البداية منحي حزبيا صارخا جعلني ازهد تماما في الدخول اليه واكتفيت بمتابعة ما يبثه الاعضاء من صور لمعالم مدينتي الجميلة واماكن قد غشيناها ايام صبانا في شارع البوستة والمساكن ولكوظ والقومية والمنشية والخ فتمتلئ النفس بخليط من مشاعر الفرح والحسرة والامل برؤية تلك البقاع الجميلة مرة اخرى ان ظل في العمر بقية. وهنا لا يفوتني ان اترحم عبر هذا المنبر على كل الاحباب الذين افتقدناهم من الزقاريقاب واخص بالذكر هنا الانسان الجميل الرقيق الذي عرفته كل الزقازيق سودانييها ومصرييها لما تميز به من صفات يندر ان توجد في هذا الزمان ولا اظن ان احدا لم يسمع به الا وهو المرحوم عبد المحسن عبدالمجيد احمد بدوي حجازي الملقب بالزعيم الاب الروحي لطلبة كلية العلوم جيولوجيا ورئيس اسرتها لخمس دورات. وقد تألمت لوفاته الما لا يزال يعصر قلبي كلما تذكرت الزقازيق تذكرت صورته التي انطبعت في كل ازقة وشوارع المدينه بقامته المهيبه وصوته الجهوري وهو يترنم بأغاني ابواللمين..الا رحمك الله يا محسن فقد كنت ملاذنا وركننا الشديد الذي نأوي اليه وانت تستقبلنا ونحن برالمه يافعين نرتجف من برد الزقازيق القارس فنجد عندك الدفء والطمأنينة وانت تشرح لنا علم الخرائط والبلورات...اعذرني اخي عصام فقد انداحت في دواخلي ذكريات شجية اثارتها في مداخلات منبرك الموفق. طبعا انا امكن ما لا قيت زول من دفعتي معاكن هنا لكن ممكن يكون في ناس لابدين زي كده يكتفوا بالمشاهدة دون المشاركة ، لكني قررت اشارك معاكم في مهرجان الفرح والمشاعر الاخوية الجميلة في قيم جميلة وانتماء اجمل ، فأرجو منك التزكية لدخول المنبر واخبرني كيف؟
الاسم : سامي عمر الامين . خريج علوم الزقازيق 1984
وشكرا جزيلا
عمك /سامي |
و بدءاً أترحم على فقيدنا الزقازيقابي / عبد المحسن عبدالمجيد احمد بدوي حجازي ، و أسال الله تعالى أن يتغمده بواسع رحمته و عظيم مغفرته و أن ينزله الفردوس الأعلى من الجنان و أن يلهم أسرته و ذويه و زملائه الصبر الجميل على فقده ..
ـ
و مع ترحيبي و فرحتي بهذه المداخلة أؤكد لسنيرنا المبجل أن هذا البوست سيظل بإذنه تعالى وسيلة للتواصل بين الزقازيقاب أجمعين بغض النظر عن تبايناتهم فنحن أخوة في المقام الأول و ما يجمعنا هو الأهم لدينا ، فمرحباً بك زقازيقابياً أصيلاً و سنيراً مبجلاً و نتمنى أن يستمر تواصلكم معنا و حصولكم على عضوية المنبر للمشاركة معنا بفاعلية أكثر ..
أخوك ـ يا عمك ـ عصام دهب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: لم تنم انت ليلتها ...وكذلك أنا ....بينما كان يتعالى شخير الرفاق ....لم تحدثنى ولم أحدثك ....ما زلت اذكر صورتك وانت مستلق على ظهرك تناجى السماء ....لم ينطق لسانك الا صباحآ ونحن نتأهب لركوب العربة التى ستقلنا :
سأرتكب الغربة .....لابد لى من ذلك
وقبل ان اُعلق همست لى
ولمثل زينب تُشد الرحال
وتسرج صافنات الجياد |
جورج تشكرات
تخيلتك و عصام رفيقك في الرحلة
و أحسست أنه يريد أن يعوض برودة التعامل مع الأشياء المكتسبة
و التي اكتسبها من برودة المكان الذي ولد و تربى فيه بشئ عملي
فكان هو الأكثر استعجالاً للأسئلة و الوصف،
وفي مثل مجتمعاتنا التقليدية يقولو ليك التقلة في الصمت،
إلا أن عصام اعتقد أنه سيكسب صاحبة الدلوكة و الرقة و العيون الحور،
وذلك من خلال تعرية الأشياء و تسميتها بشكل صريح
و آثرت أنت الآخر بأن تقضي حوائجك بالكتمان الداخلي، فكان التركيز في كيفية الوصول
خاصة و أن الهمس بالإسم هو مفتاح القلوب...
إلا أن شد الرحال وسرج الصافنات الجياد منها و إليها
فكانت كفيلة بأن يكون لديها الثمانية من البنين و البنات...
فهل يا ترى إذا لم تكن زينب جبدتها حبوبتها فيما بعد ...
فهل من إحد أطفالك الثمانية بنت تشبه حبوبتها لأمها
تعظيم سلام
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: طيب يا جماعة يبقي متفقين لأنه بكري شكي من طول هذا البوست وما يسببه له من إشكاليات فنية عليه سيكون الإقتراح كالآتي :
1/ أرشفة البوست الحالي .
2/ فتح بوست جديد .
3/ فتح منبر جديد علي أن تكون له أيقونة أعلي المنبر العام مثل منبر اليوم الحار وإقترح أن نكتفي بإسم : ناس الزقازيق .
4/ نقل البوست المؤرشف للمنبر الجديد .
5/ جلب البوست السابق وهو موجود في مكتبة عصام دهب وضمه للمنبر الجديد .
6/ منح العضوية لكل من يرغب من ناس الزقازيق وذلك بالتأكيد بعد تزكيتهم . |
أتفق تماماً و أضيف للبند 2 أن يقوم الأخ عصام دهب بفتح البوست و بعدين خليهو يكون متابع و مستمتع
ما تقول لي يا دهب ما مهم وممكن أي زول يفتحو و حركات زي دي ...
خلاص أسكت ما دايرين نسمع منك و رسالتك وصلت... آي في دي بنمارس دكتاتورية كان عاجبك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
سلامات يا ناس
Quote: فهل من إحد أطفالك الثمانية بنت تشبه حبوبتها لأمها
تعظيم سلام |
يا جلا ...شكرآ للاهتمام والتعليق على القصة ..وتسخيرك لادواتك
وان فات على فطنتك بعض الاشياء...
بعدين انتو الليلة حكاية الحجز دى شنو ؟؟ عفاف ناطا ليها فى مقعد محجوز بى شنطة
وانت من هسة داير تحجز لى ولدك عمر .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: 1/ أرشفة البوست الحالي .
2/ فتح بوست جديد .
3/ فتح منبر جديد علي أن تكون له أيقونة أعلي المنبر العام مثل منبر اليوم الحار وإقترح أن نكتفي بإسم : ناس الزقازيق .
4/ نقل البوست المؤرشف للمنبر الجديد .
5/ جلب البوست السابق وهو موجود في مكتبة عصام دهب وضمه للمنبر الجديد .
6/ منح العضوية لكل من يرغب من ناس الزقازيق وذلك بالتأكيد بعد تزكيتهم . |
بندحرج التماسي ...
مقترح جيد فتح بوست جديد يرضى طموح من نادوا بتواجدنا في حوش بكري وجذب مزيدا من الاصدقاء والقراء
فتح منبر جديد "معلق" بأيقونة أعلى المنبر تمييز لنا ولست مع من يقول بأنه خصم على تواصلنا ف "كوبي بيست" ممكن الزول يكب الكلام هنا وهناك
باقي المقترحات ضرورة ملحة
يازهير انت الحصل شنو الريس بكري شات فيديوهات الغنا؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
| Quote: يازهير انت الحصل شنو الريس بكري شات فيديوهات الغنا؟ |
زول ينوم و يجي يقول ليك المباراة فيها كم؟؟؟
تقول ليهو صفر / صفر
يقول ليك الجاب الصفر الأول منو؟؟؟؟
أمشي الميل السابق و أقرأ المداخلات القبل بتعت ميسرة
مافي زول يوريهو...خلوهو يمشي يجك و يجي يمكن الكرش بتاعتو دي تنزل شوية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
أهلاً عفاف
ومشتاقيييين
بس مطلوب منك توضيح في عدم حضورك الإجتماع المنعقد أمبارح برئاسة الرئيس زوبة
و الله إلا تبوسيها في راسها حتن تخليك
مع إنو أنا دافعت ليك...لكن برضو ناويا ليك
بعدين إنتي عارفاها حبة كلام حنين كدا بجيب راسها
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
| Quote: يا جبارة اوع تكون ادوات لكوظ؟؟؟ |
لأ وانت الصادق..أدوات لنج وسنينه.. جهز نفسك..
زهير.. مش لو نزلت اقتباس.. رأيي ومابقولو..
مع الاعتذار لجبريلا.. أظنو من المحكمه على الكراكون.. طمننا يافقري..
فافي.. سلام مربع.. الحاقد ما داير يفضي ليك كرسي..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
يا جلا زوبة ما فاضية من عرس هنا وبكا هنا
اكيد ما حتزعل مني 00 وشكرا كتير ليها لانها بتفقدني
مش زي رشا آل ايه آل ايه كحيل العين
ومشتاااقة ليكم كلكم وجاياااكمك ببري شديد الليلة
وحكاوي زقازيقية نقية
نحن ما شعرا زي محمد صديق 00لكن غاوون للطيش
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
سلامات يا ناس
| Quote: رغم ان طابع البوست تطغى عليه الشللية الا ان ذلك لا يقدح في قيمته الانسانية - ولا ابلغ اذا قلت لك اني متابه من الميل واحد الى ما وصل اليه الان الميل 100؟ما شاءالله وانتحى في البداية منحي حزبيا صارخا جعلني ازهد تماما في الدخول اليه واكتفيت بمتابعة ما يبثه الاعضاء من صور لمعالم مدينتي الجميلة واماكن قد غشيناها ايام صبانا في شارع البوستة والمساكن ولكوظ والقومية والمنشية |
مرحب بالاخ سامى ...وما دمت انت زقازيقيآ فالبيت بيتك ...وما دمت انت سنيرنا فأنت سيد البيت
وندعم انضمامك الى احبتك واخوتك واخواتك ...والى ذلك الحين [ وان شاء الله يكون قريب ] ارجو ان تتواصل
معنا من خلال النفاج الذى دلفت منه هذا المساء...
الحاجات المكوتة فوق دى يطرشنا ويعمينا فيها.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الترحيب الحار بالأخ الكريم سامي عمر الامين
طالما أنت زقازيقي فهذا يكفي
ليس هناك شلليات و لا أحزاب في البوست بتاعنا دا
لكن لو شاء الله أن تكون معانا...أول زول أمسك فيهو عشان تعمل شلة هو أنا و لايهمك
نحن زقازيفيو الهوى و كفى
الصحة و العافية لك و الرحمة و المغفرة للعزيز عبدالمحسن
التوقيع
أخوك/ عم بتنا عفاف
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
| Quote: مش زي رشا آل ايه آل ايه كحيل العين |
فافي لك العتبى حتى ترضي...سألت عليك و ناجيتك في عدة صفحات...و كنت أمني نفسي بالتداخل معك أيضا في بوستك الجميل و الذي أشدت به هنا أيضا...و لكني عندما انتبهت لقيت الجماعة كملوا القصائد و الأناشيد و الكلام السمح...قمت خجلت من التكرار..
المهم حسة الطلعة دي عشانك...لأني على سفر بكرة وما بينفع السهر مع السفر...حتى قصة الكوتش الجميلة أجلت الكلام عنها لبكرة و أديته اشارة بس...الكوتش فهمها و فهم اني على سفر و أغتقد انه عاذرني..
تحياتي لك ولحبيبنا حاج الركز...و تحيات من نجاة حوفي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
تعرف يا حاتم محمد صديق دا اول ما جيت الزقازيق
كنت قايلاهو من ناس كسلا وبيقرا بيطرة
وكنت بشوفوا طوالي مع مصطفى محمد الحسن الوسخاااان
وكنت بستغرب النضيف دا بيمشي مع الوسخان دا كيف
وكان مابستغرب لما اشوف مصطفى مع عبدالله محمود ود علوم
كنت بقول في سري (بيشبهو بعض)
واهو محمد صديق شرب موية توتيل وبقى كسلاوي
واكيد مصطفى بعد اكورد بقى نضييف جدا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
Quote: .
نحن ما شعرا زي محمد صديق 00لكن غاوون للطيش |
عفاف يلا ابتدى برنامجك ..واهو قعدناك فى كرسى السواق...
نزلى لينا حاجات من بيت الكلاوى...
تخريمة : انتى حاج الركز كترتى ليهو اللبن فى الرز؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
تعرف يا محمد صديق اول امس كان عندنا
جلسة صغيرة احتفاء باكتوبر
وامتعونا فيها شعر وقصائد محمد مدني واصدقائي الشعراء
نصار الحاج ومحمد جميل
ومن اول امس غدانا وعشانا تفعيلة ونثر
واهديكم قصيدة محمد مدني (مناورات تكتيكية نحو مبادرة استراتيجية)
أحتاج دوزنة
وتراً جديداً
لايضيف إلى النشيد
سوى النشاز
لغة ً
تفتش عن أرضٍ
خصبةٍ
شمساً
تغير طعم َ فاكهةِ الشتاء
وقتاً أجاوزه لوقت قادم
لاوقت فيه لباعةِ التصفيق
واسم العائلة
-هذا زمانك ياعمائم
فلتقودي (القافلة)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
سلامات يا ناس
Quote: المهم حسة الطلعة دي عشانك...لأني على سفر بكرة وما بينفع السهر مع السفر...حتى قصة الكوتش الجميلة أجلت الكلام عنها لبكرة و أديته اشارة بس...الكوتش فهمها و فهم اني على سفر و أغتقد انه عاذرني..
|
يا حبيب ان شاء الله توصل بالسلامة ...ومنتظرين تعليقك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
أمنية بتسلم عليكم و قالت ليكم كان بودها تساهر لكن هي عشان بكره عندها مذاكرة و قراية شديـــــــــــدة مع ماما عشان كده قالت ليك تصبحوا على خير...و قالت ليكم الpages بتاعتكم دي كتيــــــرة كدة انتو أصلكم بتقولو في شنو...كلامكم كتير ولا شنو...و قالت ليكم ما تساهروا بي بابا ده هو أصله مسافر بكرة شغله البعيد داك.....Good night
أمنية الرشيد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
Quote: .أحتاج دوزنة
وتراً جديداً
لايضيف إلى النشيد
سوى النشاز
لغة ً
تفتش عن أرضٍ
خصبةٍ
شمساً
تغير طعم َ فاكهةِ الشتاء
|
شكرآ يا عفاف على الاختيار الجميل...
لنا مع هذه الكلمات الجمبلة ذكريات لا تقل عن جمالها
ويقول لك ذلك سكان شقة الفلسطينى وقيس جمال الدين
وعمنا امين ومصطفى محمد الحسن وشبكش.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الصورة يا جلا ايام كنت صغيرة وبرلومة ولسة ما لبست الشراب
وفيها ناس كسلا الحلوين الرشيد الوقيع
وحامد ود الترعة ومحمد ابراهيم ود السواقي(بعد مااتخرج وانا كان عندي اجازة التيرم الاول
الطويلة قعدت في كسلا فترة كل ما امشي حفلة الاقيهو)
والفريق التاني ناس رفاعة يعرفعهم محمد صديق
والنور الطالع من توتيل خالدة قاسم مشترك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
يا رشا يا رشا 00 مشتاقين والله
ليك ولام امنيتكم الحلوة 00
وكويس قلت كدا عشان تسجل حضور ولو بمداخلة واحدة
والمداخلة بقت رائعة بوجود امنية
يلا عفيناك اكل الرز باللبن 00 عشان عليك سفر وبالسلامة يارب و
سلام لهنودي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
سلامات يا ناس
Quote: تعرف يا حاتم محمد صديق دا اول ما جيت الزقازيق
كنت قايلاهو من ناس كسلا وبيقرا بيطرة
وكنت بشوفوا طوالي مع مصطفى محمد الحسن الوسخاااان
وكنت بستغرب النضيف دا بيمشي مع الوسخان دا كيف |
مهداة الى جلا ومن لف لفه.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: ريس ميسرة الابناء بشكروك على الفيديوخلاهم يدخلو البوست براهم |
تحياتي للأولاد يا زوبا وعندي ليهم حاجات حلوه كتيرة بس
بخاف بعد ده من ناس جلا لأني تاني ح أعمل ليهم دقار اللوري
القسم البوست زي الضفة الغربية وقطاع غزة .
مرحب بإبن الزقازيق سامي وأنا أتذكر واحد ظريف مليان وعنده
شوية شيب كان في الزقازيق بس ياترى هل ده إنت ولا تشابه أسماء
وإنت قلت خريج 84 يعني أنحنا كنا موجودين معاك لابد أن نكون تقابلنا
مسألة اللون السياسي داخل البوست غير موجوده ونحن نمثل كل أشكال الطيف
السياسي ولربما كان هناك أفراد نشطين جداً كأفراد وقد ينتموا لتنظيم بعينه
بس هذه محمده لهم وكسل من الأطراف الأخرى ،،، وكمان عندنا الرئيس معتصم سليمان
جعفر كلية التجارة وهو يكاد يكون من دفعتكم وقد إمتزج مع جميع الناس وكسر مسألة
الشللية الظرفية التي جمعت الناس في زمن محدد قد لا يكون الآخرين عاصروه وبالتالي
يحكوا ما عاشوه معاً ولا يحكوا ما لم يعيشوه وبالتالي كل فترة وكل جيل أكاديمي له
ذكريات ووقائع مختلفة ،،،
نأمل التواصل داخل حوشك حوش ناس الزقازيق وأكتب البريد
الألكتروني في المداخلة القادمة وسوف يقوم سيد الحوش الداخلي زهير الزناتي بإرسالها
إلى بكري أبو بكر وبإذن الله تدخل الحوش من الباب .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
ازيكم كلكم
تحية خاصة لفافى وجيدا جيتى وبهدى ليك اغنيه اوعى تطول البعاد وتزيد لى الالم
محمد صديق تقعد وتقوم على كيفك اها الامجاد دى النقوم ليك تعال سوق
ابيت الا يسوق هو
القصة سردها جميل وبلغتى انا (الواضح ما فاضح) قصة حلوه
انت مبدع من كل النواحى
بس فاضل ليك الفتو شوب
مرحب بلاخ سامى عمر والله الناس دى متلمة على المحبه وبس
وين الاحزاب حليلا
يا حاتم روجت للادوات ولسة ما شفنا حاجة
جبريلا سيرو فعين الله ترعاكم
انت يا زهير الكلام ده قالو ليك بكرى ولا قولتو ليهو براك
جلا ما تتكلم باسرار الاجتماعات فى اجندة سرية
الرشد يا ود امى الليل صحى يا دوب
ابقى شارب ليك كولا
سهيلى thank u
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: ازيكم كلكم
تحية خاصة لفافى
محمد صديق
مرحب بلاخ سامى عمر
يا حاتم
جبريلا
انت يا زهير
جلا
الرشد
سهيلى |
زوبة براحة ...قولي بسم الله
بعدين واحدة و احدة...و ما تفكي أدواتك مرة واحدة كدا؟؟؟
قرارات الإجتماع لسع ما طلعتها...كان دايراها ألخصها ليكي ما عندي مانع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
عارفين الليله عندنا رز بلبن مؤسس قلت اضوقو وما اشرب النسكافيه
اريت لو خليتو للصباح
وحاتكم شايفة مركب جلا دى عايمة
اما ناس امنية زى البتقول الكلام دة بخشما
اولادى يتجارو
بس كدى اقاوم
عيد متلبد وين
زهير ما حابيع صوتى
كدى رحل لينا عشة صغيرة لما يجى منصور ما تضيعو لى حفى
(ياسر نجيلة يحتجب اليوم)
دهب
الفلم ده تانى لو عدتو بندخلو
قصتك حلوة
الرشيد انسحاب تكتيكى
انت تقول امنية وزهير يقول بكرى الحاضر كلام بكرى منو
قول ليهو حنعتصم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
سلامات يا ناس
Quote: محمد صديق تقعد وتقوم على كيفك اها الامجاد دى النقوم ليك تعال سوق
ابيت الا يسوق هو
القصة سردها جميل وبلغتى انا (الواضح ما فاضح) قصة حلوه
انت مبدع من كل النواحى
بس فاضل ليك الفتو شوب
|
شكرآ يا زينب على الاطراء....
الليلة طبعآ السواقة على عفاف انا من قبيل بعوض فى غياب امبارح
الفوتو شوب ده عليك الله خشى لينا فيهو واسطة لى عيد...الما شفناهو
بالليل ده...شكلوا اكل الرز بدرى.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
| Quote: يازهير انت الحصل شنو الريس بكري شات فيديوهات الغنا؟ |
يا جلال لازم تقرأ شريط نشرة الأخبار علشان ما يكوم شايلك حمار النوم
وتجي تسأل !!! يا خوي الموضوع وما فيهو طلبنا تدخل مبعوث الأمم المتحدة
لفك الإرتباط وإلحاق - الأذي - كل من السيد/ جلا والسيد محمد صديق والمتحدث
بإسمهم وإزاحة دقار السفة الواقف في حلق المرور وعلشان قالوا السر يكمن
في الفيديوهات قاموا مسحوها كلها وأنا مسحت الفيديو بتاعي أبو راسين العجب
أولاد زينب التجاني والتاني حق الهكر ده أنا ما بعرفوا بس منسوخ من الفيدو حقي
وإحتمال يكون بثلاثة رؤوس والله أعلم - سره باتع -
خليكم جادين في التوصل لموضوع البوست وأنا أتوقع ما بعد الميل 100 بيكون في كلام تاني.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Elsuhaili Magzoub)
|
سهيلي والله مرحب بيك ترحيب حار في السودان رغم كلامك الفوق دا ما وقع لي أنا إنلجيزيتي زي الفرنسي بتاع جلا ، إن بقت علي الكورسات مرحب بيك ويانا النحن زمان . منتظرك في عقاب السنة دي لو ربنا هون ليك ، وكمان لو جيتنا في بداية السنة الجاية دي ما معروف تكون بلادنا وين ،، نتمني أن نظل صامدين إلي ذلك الحين أكيد مودتي ....
متابع لكن ما مستمتع .... مش علي كيفي ...
يا جماعة طارق جبريل الحصل عليهم شنو .............
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Elsuhaili Magzoub)
|
Quote: Maysara,
I hope you and the family are doing well. I am planning to have a tour in Gulf area in near future I hope I can make it to KSA.
|
أخي العزيز السهيلي لك منا كل الود والحب
نتمنى حضورك إلى السعودية والمرور علينا بمدينة
جدة وتجد هاتف على البروفايل وهاتف المنزل 026754688
بكرة يجيكم عبدالدائم النضيف ويقول ليكم إنتو الكان
حاصل أمبارح هنا شنو ؟؟؟؟؟؟؟؟؟؟
تصبحوااااااااااااااااااااا على خيررررررررررررررررر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
قلت لي مصطفي الوسخاااان.. ومعاها غزه كوع كمان..
المديده الحااااره..
يا حليل الباندا..
واحد صاحبنا مره شافني بعد زمن لقي الصلعه جرت..
قال لي.. علشان تاني تفتري.. طلعت منو عفويه كدا..
جبريلا موبايلو مقفول..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
تسجيل حضور واعتذار بسبب مشغوليات
فضيت نص ساعة ما كفتنى لاكمال ما فاتنى منذ
نهار اليوم ...
باكر الصباح انشاء الله ندلى باراءنا فى :
1- مقترحات بكرى الجديده .
2- قصة الكوتش الجميل .
ومواضيع اخرى
كونوا معنا ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
مشكلتك يا زينب ما قريتي كلامي الفوق كويس ، ولا قريتي وما فهمتي انا قاصد شنو . ولا راجعتي الإيميل بتاعك .. يعني أعمل شنو ،، أشد شعري ،، أكورك في نص الليل دا ،، يا جماعة ما معقول نحن ناس عندنا ضغط ، وعندنا أولاد عايزين نربيهم ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: طيب يا جماعة يبقي متفقين لأنه بكري شكي من طول هذا البوست وما يسببه له من إشكاليات فنية عليه سيكون الإقتراح كالآتي :
1/ أرشفة البوست الحالي .
2/ فتح بوست جديد .
3/ فتح منبر جديد علي أن تكون له أيقونة أعلي المنبر العام مثل منبر اليوم الحار وإقترح أن نكتفي بإسم : ناس الزقازيق .
4/ نقل البوست المؤرشف للمنبر الجديد .
5/ جلب البوست السابق وهو موجود في مكتبة عصام دهب وضمه للمنبر الجديد .
6/ منح العضوية لكل من يرغب من ناس الزقازيق وذلك بالتأكيد بعد تزكيتهم . |
| Quote: 2/ فتح بوست جديد . |
يا زوبة البوست دا مصيره إتأرشف يعني هسه ولا بعد سنة ، لأنه ما ممكن يكون مستمر كده لأنه حا تكون فيهو مشاكل فنية زي بتاعت الفيديو القبيل دي ، عشان كده وكت جات من بكري نغتنم الفرصة ونعمل منبر منفصل ، والبوست حا يتفتح بدله واحد جديد ونبدأ تاني من جديد ... والمنبر حا يكون عنده فيهو أمكانيات ما عادية ، يعني أي زول عنده كلام عايز يناقشه ولفترة طويلة ممكن يفتح ليهو بوست ، وممكن نفتح بوست منفصل للعضوية ، وبوست منفصل لقرارات اللجنة التنفيذية وأخبارها وبوست منفصل لأنشطة الرابطة ، وبست منفصل لصور من الأرشيف والذاكرة وبوست منفصل للاغاني وبوست منفصل لمواضيع جادة وبوست منفصل لإبداعات الناس والقصص القصيرة وبوست منفصل لناس الثريا وبوست منفصل لناس الجبهة الديمقراطية وبوست منفصل لناس الإتجاه الإسلامي وأي حزب سياسي ممكن نعمل ليهو بوست منفصل ، بوست لصالح لمن يعرس الناس تهنيهو والبوست يكون قاعد لغاية من ولدو الكبي يدخل المدرسة وفي مية حاجة ممكن نكسبها من المنبر المنفصل دا ويبقي لينا زي الموقع المنفصل لا ندفع فيهو قرش لا تعريفة ، وتأمينه كويس ما يتهكر لينا زي الموقع الفات ،،، وفي النهاية بوستينا دا قاعد في محلة بس حا نبدأ من صفحة واحد ... المشكلة شنو ،، ما زمان بدينا من صفحة واحد وجا بكري أرشفه وتاني بدينا من صفحة واحد وهسه ماشين علي صفحة مية ...
يا زينب قلت ليك عندي ضغط بعدين الأولاد ديل مافي زول بيربيهم لي ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا جماعة إتخيلوا جبارة دا إترشح فاز في الإنتخابات الرئاسية ما نكون طماعين نقول الجاية لكن بعد الجاية .. وعايز يستعين بناس الزقازيق في تدبير شئون الدولة والرعية أنا غايتو عندي إقتراحات
أمين السمين كبير موظفي البيت الأبيض (دي ما فيها منافسة)
محمد صديق مسئول الأمن في البيت الأمريكي وسلامة الرئيس
الرشيد بابكر مسئول الرياضة وذلك من أجل إحلال كرة القدم محل الأمريكية البايخة ديك .
معتصم سلمان جعفر كرسي ويقعد في ضل أكبر عمارة في الوول ستريت لزوم إعادة ترتيب البيت الاقتصادي
مبارك جادين البروتوكول والعلاقات العامة بالإضافة لملف الشريك (الحزب الجمهوري)
ميسرة سيد أحمد كبير مستشاري الريس
طارق جبريل الناطق الرسمي بإسم البيت الأبيض (كدي حلينا مشكلة الحجار)
عفاف علي ميرغني مستشارة الأمن القومي
زينب التجاني يرفد ليها أوبرا وتمسك البرنامج ويسمي زوبا شو
ود البيه يمسك بدل عمك العجوز بتاع البرناج البيجي في فور داك ليبرمان
عوض المفتاح طوالي ينط ليكم في الـ FBI
زهير الزناتي انا عايز عمدة هوليود .
جلال عثمان مبعوث حقوق الإنسان للشرق الأوسط عشان يلغي موضوع الكفيل دا
سامي عبد الوهاب غايتو الشاسيه بتاع الخارجية ما عارف رأيكم شنو .
نهلة نجم الدين مشرف علي حدائق البيت الأبيض والحدائق المجاورة
عابدين محمد زين مسئول عن كتابة خطابات الرئيس مع تحذيره من الكلام الكبار كبار
صالح تبلدينا طوالي المدير العام لسوداتك بتاعت أمريكا .
جلا متفرغ للحوامة مع الرئيس دون أعباء
محمد الهادي مسئول عن المتدربات في البيت الأبيض
عندي واحد صاحبي مسك السي آي أيه وعشان الموقع حساس ما حنقدر نعلن عن إسمه
الباب مفتوح لمزيد من الترشيحات ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
ربنا يخليك لى وليداتك
لكن فى ارطباط بلبوست ده ما عادى من ناحيتى
وخايفه اى تغيير فى شكلة الحالى يشتت الناس
هسة يا زهير وين ثنائيات الزمن الجميل
ووين رفاق مصر
الناس المفروض تتفق وراى الاغلبية هو البمشى
واذا حيتعمل منبر وتفتحو بوست جديد ياهو الشتتات زاتو
لن نسمح بلشتات بعد اللمة
الا اذا بتضمن ترحل الناس دى رحول جماعى وتسكنا ذى قرى سد مروى دى
المسالة حتبقى اعادة توطين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: يا جماعة إتخيلوا جبارة دا إترشح فاز في الإنتخابات الرئاسية ما نكون طماعين نقول الجاية لكن بعد الجاية .. وعايز يستعين بناس الزقازيق في تدبير شئون الدولة والرعية أنا غايتو عندي إقتراحات
أمين السمين كبير موظفي البيت الأبيض (دي ما فيها منافسة)
محمد صديق مسئول الأمن في البيت الأمريكي وسلامة الرئيس
الرشيد بابكر مسئول الرياضة وذلك من أجل إحلال كرة القدم محل الأمريكية البايخة ديك .
معتصم سلمان جعفر كرسي ويقعد في ضل أكبر عمارة في الوول ستريت لزوم إعادة ترتيب البيت الاقتصادي
مبارك جادين البروتوكول والعلاقات العامة بالإضافة لملف الشريك (الحزب الجمهوري)
ميسرة سيد أحمد كبير مستشاري الريس
طارق جبريل الناطق الرسمي بإسم البيت الأبيض (كدي حلينا مشكلة الحجار)
عفاف علي ميرغني مستشارة الأمن القومي
زينب التجاني يرفد ليها أوبرا وتمسك البرنامج ويسمي زوبا شو
ود البيه يمسك بدل عمك العجوز بتاع البرناج البيجي في فور داك ليبرمان
عوض المفتاح طوالي ينط ليكم في الـ FBI
زهير الزناتي انا عايز عمدة هوليود .
جلال عثمان مبعوث حقوق الإنسان للشرق الأوسط عشان يلغي موضوع الكفيل دا
سامي عبد الوهاب غايتو الشاسيه بتاع الخارجية ما عارف رأيكم شنو .
نهلة نجم الدين مشرف علي حدائق البيت الأبيض والحدائق المجاورة
عابدين محمد زين مسئول عن كتابة خطابات الرئيس مع تحذيره من الكلام الكبار كبار
صالح تبلدينا طوالي المدير العام لسوداتك بتاعت أمريكا .
جلا متفرغ للحوامة مع الرئيس دون أعباء
محمد الهادي مسئول عن المتدربات في البيت الأبيض
عندي واحد صاحبي مسك السي آي أيه وعشان الموقع حساس ما حنقدر نعلن عن إسمه |
منو القال ليك.. أنا عندي رأي في لستتك حقه عدم الموضوع دي..
أمين السمين بتاع تفاصيل يعملها لي كلها أفق و كدا..
محمد صديق - دا شكال والشغل دا داير طوله بال ما بيقدر عليها..
الرشيد بابكر - بيعملها كلها سواقه..
معتصم سلمان جعفر - الريس ما فيهو كلام..
مبارك جادين - لمن يقدم السبت (كبار الزوار)..
ميسرة سيد أحمد كبير مستشاري الريس - ممكن ولو انو حنراقبو ما يجيب لينا هكر..
طارق جبريل - بسم الله.. ناطق شنو بعربيهو القاطعو من راسو دا..
عفاف علي ميرغني - أووو تتفضل طوالي..
زينب التجاني - أووو برضي تتفضل طوالي..
ود البيه - مبعوثنا لروسيا..
عوض المفتاح - دا لو قلنا لأ بيرصصنا..
زهير الزناتي - بأمسكك أحلي من كدا.. ميامي كيف؟
جلال عثمان - ممكن لكن بكفيل أمريكي..
سامي عبد الوهاب - الوجيه أبوالسيم.. الأوقاف لأنو حافظ أدعيه تقيله..
نهلة نجم الدين - أووو مافي كلام.. وزاره الزراعه..
عابدين - ممكن برضو..
صالح تبلدينا - وزير الونسه..
جلا متفرغ للحوامة مع الرئيس دون أعباء. أثني..
محمد الهادي - هييي هييي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
سلام يا شباب
انا شخصيا مع استمرار البوست على شكله الحالي حتى وان تم أرشفة هذا الجزء لنبدأ من جديد
حكمة علينا المحكمة بالاحكام التالية:
القضية الاولى اهانة العلم الوطني:
السجن سنة غيار نافذة لكل من رئيس التحرير ورسام الكاريكاتير
و100 الف درهم غرامة
واغلاق مقر الجريدة بشكل نهائي
القضية الثانيةمرفوعة من الامير مولاي اسماعيل:
3 سنوات سجنا غير نافذة لكل من رئيس التحرير ورسام الكاريكاتير
3 مليون درهم تعويض للامير
و50 الف درهم غرامة
المقر يمكن تبديله
فقط هناك اشكالية تجهيزات الشركة
هل ستسمح لنا المحكمة باخذها من المقر القديم
دة سؤال لم نجد له اجابة حتى تاريخه
لدينا غدا اجتماع مطول
سيحدد الكثير من الامور
الجزيرة بثت عننا تقرير جميل
اتمنى ان تشاهدوه في الاعادة
انا ظاهر قاعد في الحجار
ههههههههههههه
ربما اتغيب الايام الجاية
لاسباب تتعلق بمستقبل الجريدة
ومعه مستقبلنا كاملين
ارجو ان تجدوا لي العذر
احبكم جدا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
صباح الخير يا وجوه الخير ،،،،
| Quote: والمنبر حا يكون عنده فيهو أمكانيات ما عادية ، يعني أي زول عنده كلام عايز يناقشه ولفترة طويلة ممكن يفتح ليهو بوست ، وممكن نفتح بوست منفصل للعضوية ، وبوست منفصل لقرارات اللجنة التنفيذية وأخبارها وبوست منفصل لأنشطة الرابطة ، وبست منفصل لصور من الأرشيف والذاكرة وبوست منفصل للاغاني وبوست منفصل لمواضيع جادة وبوست منفصل لإبداعات الناس والقصص القصيرة وبوست منفصل لناس الثريا وبوست منفصل لناس الجبهة الديمقراطية وبوست منفصل لناس الإتجاه الإسلامي وأي حزب سياسي ممكن نعمل ليهو بوست منفصل ، بوست لصالح لمن يعرس الناس تهنيهو والبوست يكون قاعد لغاية من ولدو الكبي يدخل المدرسة وفي مية حاجة ممكن نكسبها من المنبر المنفصل دا ويبقي لينا زي الموقع المنفصل لا ندفع فيهو قرش لا تعريفة ، وتأمينه كويس ما يتهكر لينا زي الموقع الفات ،،، |
يا عمو الزناتي ،، أنا مافاهم معنى الكلام الفوق ده
وشكراً على الإيميل فقد وصلنى وراجعته تماماً .
ما زال الخوف يعترينا من الشتات
قف معظم الناس لا ترفض الأرشفة الجزئية للبوست
ولكن لازم نستمر بالشكل الحالي مع تقليل عدد الصفحات
في المنبر العام حتى يتخارج بكري من المشاكل الفنية
المهم ما عايزين الشتات .
الأفكار متقاربة بس أطروها ،، ومحصوها ،، وقننوها إنشاء الله باللبن المقنن.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: ربما اتغيب الايام الجاية
لاسباب تتعلق بمستقبل الجريدة
ومعه مستقبلنا كاملين
ارجو ان تجدوا لي العذر |
كامل التضامن يا طارق جبريل
ونتمنى أن تطلعنا على أوضاعكم
كلما سنحت الفرصة ،،،
قلوبنامعكم ...
وبما أن القضية أخذت منحى آخر
لنتضامن جميعنا مع طارق في هذا الظرف الحرج .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
اللهم انى اصبحت منك فى نعمة وعافية وستر فاتمم نعمتك على وعافيتك وسترك فى الدنيا والاخرة.
سلام وشوق وايد لاجدع ناس..بصراحة ما تلقوا لو بقيت لافحة الكلام لانى بصراحة ما متابعة بس مستمتعة مش على كيفى؟؟ قريت بس الصفحة الاخيرة انا من رائى انه تتم ارشفة البوست حتى لا يؤثر عدد الصفحات ويكون مستمربشكله الحالى .كشجرة ظليلة.الجمعية خلونى اقرا الفاتنى (كثييييييييير) واكيد ما حا نختلف ..
زوبة انت جارية كدة راكبة ليك فورد فورويل 2010 ولا شنو تشرفنا بزيارة عمر رغم انها قصيرة فضنا لينا نفسه الا انها كبيرة جوانا.تحياتى للبنون البنون...
فافى هاى مشتاقين سلامى للجيفارات وابوهم..
محمد صديق لسه ما قريت القصة بس اكيد من روعتك..
جلا وينك انت يا البتفقدنى..
منص يا سندى..
زهير وحاتم جبارة لا سلام ولا كلام انا تطلعونى ياخى انشاء الله تجاملونى تقولوا من اصدقاء الرئيس. سلامى لبهجة والاولاد بس.. وانت يا حاتم رجع لى كل الباندات الكنت بتشيلها منى بالذات الخضراء الكنت قاشر بيها مع الجزمة الخضراء والجاكيت حسه دى عايزاهم .. وده تهديد او تدخلنى حسه وتعملنى وزيرة..
ميسرة سلام لمنى والاولاد..
طارق جبريل الله يفك كربتك.
يلا يا جماعة ما بودعكم بس كفيلى مسافر خلونى اودعه واحصنه من الطريق ادعوا ليه انه ربنا يجيبوا لينا دايما سالم وذى ما ودعناه نلاقيه امين
دمتم سالمين
راجعة ليكم متين ما عارفة
نجاة حوفى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
حبيبنا ود جبريل ...
ربنا يجعل الاحكام خفيفة عليكم
وهى برضو احسن من حالة اللا موقف الكنتو فيها ...
رتبوا امور جريدتكم بهدوء ... وما تنسى وصايانا
ورســل لى القلت ليك عليهو ..
والزارعها ربنا ... فى الظلط بتقوم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يبدو أن حديثي حول البوست غير مفهوم للكثيرين ويبدو كذلك بأننا متفقين في جوهر الأمر ، يمكن أن نقسم المسألة إلي قسمين :
القسم الأول : أن هذا البوست مصيره الأرشفة مهما طال أجله ، ونحن علي أعتاب الصفحة مية تنادت أصوات بضرورة أن نناقش الأمر ونضع إقتراحات لكل الإحتمالات ، البارحة حينما أتصلت بالأخ بكري أبو بكر بخصوص المشكلة الفنية التي عانت منها الصفحة 93 ، إقترح من نفسه أن يخصص لنا منبر منفصل لأن طول هذا البوست يخلق مشكلات فنية عديدة ، قد تؤدي إلي فقدان البوست نفسه .
سيتم فتح بوست جديد كما هو معتاد في مثل هذه الحالات نواصل فيه الإندياح وسيكون في المنبر العام كما الآن ... فقط سنبدأ العد من جديد ...
القسم الثاني : سيكون لنا جزء منفصل في المنبر العام يسمي منبر ناس الزقازيق .. تكتبوا فيه كل ما تريدونه سيكون موقعاً منفصلاً لنا ، ولديه أيقونة في أعلي صفحة المنبر العام وأخري في الصفحة الأولي لموقع سودانيز أونلاين ، وهي فرصة من ذهب يجب إغتنامها وأتفقت مع بكري علي منح العضوية لكل من شاء من ناس الزقازيق ... وهذه ميزة أخري ...
أي أن الخلاصة ... سيكون البوست مستمر ... فقط نبدأ من صفحة واحد ولدينا منبر آخر منفصل لمناقشة مختلف قضايانا ... الله يرضي عليكم قولوا آمين .. عشان بعد الإحفتال بالصفحة 100 نبدأ عهد جديد ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أعتقد وكما قال السنير المبجل محمد عيد أن الحكم قد أنهي حالة الإنتظار المملة ، رغم الأحكام غير المنصفة في حق الصحيفة ، ولكن يمكن ترتيب الأمر بشكل أو بآخر للإنطلاق مرة أخري ، طالما أن للصحيفة قراء ملتزمون ... ورغم الغرامات والخسائر المادية أعتقد أن الصحيفة قد تعوضها لأن مثل هذه الأحداث ترفع من أسهم الصحيفة وزيادة توزيعها ، ورب ضارة نافعة .. في كل الأحوال كامل تضامننا مع أخبار اليوم (المغربية) ومع الصديق طارق جبريل ونتمني لهم التوفيق .. وأن تكون هذه عتبة لهم للإرتقاء لسلم المجد ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: القسم الأول : أن هذا البوست مصيره الأرشفة مهما طال أجله ، ونحن علي أعتاب الصفحة مية تنادت أصوات بضرورة أن نناقش الأمر ونضع إقتراحات لكل الإحتمالات ، البارحة حينما أتصلت بالأخ بكري أبو بكر بخصوص المشكلة الفنية التي عانت منها الصفحة 93 ، إقترح من نفسه أن يخصص لنا منبر منفصل لأن طول هذا البوست يخلق مشكلات فنية عديدة ، قد تؤدي إلي فقدان البوست نفسه .
سيتم فتح بوست جديد كما هو معتاد في مثل هذه الحالات نواصل فيه الإندياح وسيكون في المنبر العام كما الآن ... فقط سنبدأ العد من جديد ...
القسم الثاني : سيكون لنا جزء منفصل في المنبر العام يسمي منبر ناس الزقازيق .. تكتبوا فيه كل ما تريدونه سيكون موقعاً منفصلاً لنا ، ولديه أيقونة في أعلي صفحة المنبر العام وأخري في الصفحة الأولي لموقع سودانيز أونلاين ، وهي فرصة من ذهب يجب إغتنامها وأتفقت مع بكري علي منح العضوية لكل من شاء من ناس الزقازيق ... وهذه ميزة أخري |
طبعا يا جماعة .. ده القلناهو زمان ... اصبح واقعا مفروضا علينا ..
وانا أرى اننا هكذا خرجنا بأخف الأضرار ...
والمسألة كده واضحة ...
منبر ثابت فى الايقونات الرئيسية متفرع داخليا لاكثر من بوست مثلما تفضل زهير بشرحها
وبوست جديد بنفس الاسم يبدأ من صفحة رقم (1) ...
فقط نرجو ان يمهلنا بكرى حتى تجاوز الميل المئوى والاحتفال به
لكى نسجل باسمنا هذا الانجاز القياسى - فى موسوعة بكرى -
بس كده بيبقى المجهود مضاعف .. ولازم الناس تكون أنشط من كده بكثير ...
وانا أقترح انو مداخلات الناس تكون عادية فى البوست الجديد ...
ويكون المنبر المستقل خاص بالبوستين المؤرشفين + المواضيع التى يقترحها الاعضاء
والتى يجب ان تأخذ حقها من النقاش مهما طال وتقادم عليها الزمن .
فقط لدى ســؤال او استفسار يا زهير ...
فى المنبر الخاص ... هل يمكن لنا الاحتفاظ فيه بخصوصيتنا ام انه يمكن لأى عضو
فى سودانيز ان يفتح فيه موضوع .. وبالتالى تنتقل الينا كثير من مشاكل المنبر العام ؟
سألتك وانا أعلم بصعوبة ذلك فنيا" .. ولكنه عشم فقط !!
ايضا" .. هل العضوية الجديده التى سيمنحها بكرى لباقى ناس الزقازيق مفتوحة ؟ يعنى لتشارك فى كل المنبر ام فى المنبر الخاص بنا ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا ود جبريل الغرامات معقولة ودفعها ساهل ... لكن التعويض بتاع مولاي دا الله يقدركم عليهو ساكت مشيت قوقل لقيت الدولار بسبعه دراهم وشوية يعني التعويض التلاتة مليون دا قريب ... 400.000 دولار ودا حاجة كتيرة خلاص ، الظاهر عليكم مولاي دا ما ختيتو ليهو في الكشف بتاع العرس ولا عايز يطلع جزء من مصاريف الزواج الباهظة دي ...
عموماً الغرامات تعادل حوالي 38.000 دولار و19.000 دولار ودي ما كتيرة ممكن ناس الزقازيق يعملوا ليكم كشف بس ديك الله يعينكم فيها ،، نتمني أن تعود الصحيفة لقراءها بأسرع ما يمكن لأن كل يوم تتوقف فيه الصحيفة يسبب ذلك خسائر متراكمة ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
متابعة البوست , متابعة فاعلة
بقت حاجة صعبة خلاص
فهمت يادوب قصة المتابعة والأستمتاع
او المتابعة دون استمتاع
او الأستمتاع بس , من غير متابعة
يعنى مثلا , يعز على ان اتحدث حديثا ودودا مع احمد اسماعيل عن حالة ابنه
بعد كل هذه الفترة من التطرق للموضوع
وكذلك قصة الكمندان الفارهة
والتضامن مع طارق جبريل
والدقار بتاع ميسرة
وموضوع البوست واقتراحات زهير المصاغة بعد التفاهم مع بكرى ابوبكر
والتشكيل الوزارى الجديد بتاع البيت الأبيض
الفوجئت انا مفاجاة شديدة , بانى مافيهو
كونداليزا رايس تدخل التشكيل الوزارى
ومنصور عبد الرازق لا
هسى عليكم الله
ما ليهو حق , الخرطوم تلاثة ده يدرن مع المريخ
السنة الجاية مع تشكيلكم ده يا زهير
المريخ حا يسجل الخر(.........)م تلاتة كلها
بى مدربها الفاتح النقر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
عاجل الشفاء لإبن الأخ أحمد إسماعيل ... تعرف يا أحمد انا من الناس الذين تحدثوا بعد أن كدت أبلغ الرابعة من عمري ، لذا مشاكل النطق قابلة للحل ، في الزقازيق حكيت مرة لسيف النصر عن هذه المسألة فقال لي : ليك حق من ديك ما سكت لي الليلة . وفي كثير من الأحيان لها فوائد إيجابية حيث يعمل الطفل علي تنمية مهاراته الأخري وعندما يبدأ الكلام يكون قد تفوق علي أقرانه . ويقول علماء النفس أن الأطفال الذين يتأخرون في النطق يكونوا أكثر مهارة في الرياضيات والأشياء التي تحتاج للذكاء عكس الأطفال الذين يتحدثوا باكراً يكونوا أكثر تفوقاً في تعلم اللغات والفنون المختلفة .. فقط كيف نعرف ما هي حدود إمكانية أطفالنا لنستغلها الإستغلال الجيد . بعض أبنائي تحدث باكراً فميار بدأت نطق بعض الكلمات وهي في شهرها السابع ، حتي خلت بأن هذه البت لديها كرامات . ولها كثير من النكات في هذا الأمر ، في أحد الأيام تركتها أمها في الداخلية قرب مكتبها بالمدرسة بعد أن نامت جاءت أستاذة لتأخذ قليل من الرحة في تلك الغرفة ، تحركها جعل ميار تستيقظ ، وحينما بدأت الحديث مع الأستاذة ، لم تجد الأستاذة سوي أن تلوذ بالفرار من هذا الوليد الذي يتحدث كالمسيح .. أما محمد فقد تحدث في سن متأخرة جداً بعد أن تجاوز الثانية بفترة طويلة وكذلك مزن الصغيرة . اما المدعو مجد أجاد حتي الآن لغة الإشارة ولكنه رغم كل المحاولات لم يقل ولا كلمة واحدة رغم أن عمره قد تجاوز العام والنصف ..
ولله في خلقه شئون ... فقط عليك بالصبر والمثابرة وحتماً سيتحدث عما قريب ويتفشي فيكم القديم والجديد ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
الغريبة الخطوة التالية فى مداخلتى دى
كنت عايز اتساءل بعض تساؤلات انا شخصيا عارفها ناتجة من (اميتى ) الأسفيرية الفادحة
كان عندى نقاط كثيرة عايز استفسر منها عشان اطلع بى راى فى اقتراحات زهير
ما قصر زهير , وتلاه محمد عيد اجابو على تساؤلاتى قبل ان اسالها حتى
لذا فانا موافق على اقتراحات زهير بى صمتها
حقيقة فى جزء منها ما اقتراحات , ده تقرير لواقع حال يقول ان البوست مأرشف مأرشف
لأنو طويل وطوله ده حاجب الرؤيا عن الناس القاعدين ورا
لمن تقعد فى استاد الخرطوم ويكون قدامك زول مقنطر عمته
الزول المقنطر العمة ده ياهو زهير ذاتو , مع انو قصير
لكن عمته حامية الناس الشوف
زهير حا يقلعوهو عمته طال الزمن او قصر
فاخير نحن نقلعها برانا , ونبدأ نقلوظ العمة الجديدة
وبعدين نعتبر نفسنا لاعبين حريق
والفورة مية
حرقنا يعنى او قربنا نحرق
نبدأ القيم الجديد , فى زول فيكم مستعجل لا سمح الله
خاصة وانو بكرى حا يدينا كوشتينة اصلية جديدة
وحا يحتفظ لينا بالدايركتورى والأرشيف بتاعنا القديم من غير سوء
لا وكمان بكرى حايدينا ميزات جديدة
يعنى بدل بوست واحد
بقى عندنا بوست زائد منبر منفصل نلعب فيهو زى ما دايرين
انا فهمت صاح يا جماعة ولا جطت الشغلة ؟؟!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: فقط لدى ســؤال او استفسار يا زهير ...
فى المنبر الخاص ... هل يمكن لنا الاحتفاظ فيه بخصوصيتنا ام انه يمكن لأى عضو
فى سودانيز ان يفتح فيه موضوع .. وبالتالى تنتقل الينا كثير من مشاكل المنبر العام ؟
سألتك وانا أعلم بصعوبة ذلك فنيا" .. ولكنه عشم فقط !!
ايضا" .. هل العضوية الجديده التى سيمنحها بكرى لباقى ناس الزقازيق مفتوحة ؟ يعنى لتشارك فى كل المنبر ام فى المنبر الخاص بنا ؟ |
الســـؤال مرة تانية يا برنس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
اكيد ما اكثر من امانى
لأنو لو حصل كده , حايكون ياهو الجن زاتو
لو جاتك فرصة دردقة تانية زى دى
وعارفنى بحب الدردقة الهى اول خطوات اللفح
حبا جما
حاول تدردقنى فى الأتجاه التانى
يعنى زى ما تقول كده
قول بتحب حاجة اكثر من
حب منصور لى امانى
شوفنى ادردق ليكم كيف
ابو الدرداق بس !!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
قبل ما اجى لموضوع ولدنا ابن زميلنا احمد اسماعيل
لا بد من تسجيل انتباهة
ووقفة فاحصة
لزيارة احونا سامى عمر الأمين لى نادينا ده
وملاحظته بتاعت الشللية
وطغيان صوت حزبى
هل هى مؤشر لكيف يرى المتابعين الصامتين
تجمعنا هذا ؟؟
تعرف يا سامى
انا شخصيا كان عندى نوع من الأحساس ده قبل الدخول
وهو ناتج يتخيل لى من كون انو بدايات البوست ونشاطه كانت محصورة فى دفعات زقازيقية معينة
لكن ده يتخيل لى طبيعى
فلمن عصام دهب والمؤسسين بدوا البوست ده
من الطبيعى انو المساهمات الأولى تبدأ من (معارفهم القريبين)
ثم تمتد الى دفعتهم فى الكلية نفسها
ثم دفعاتهم فى باقى الكليات من معاصريهم
ولكن الدائرة بدأت فى الأتساع
ووجودك يا سامى جوة النادى الأسفيرى ده
بدايته واحد ايميل مصلح زى البديت بيهو ده
تماما كما فعلت انا حتى دون ان اتعرف على عصام دهب
ولمن تدمن زينا
حا تدخل الشلة
لغاية ما يجى زول جديد ويرسل ايميل مصلح تانى
ويقول ناس سامى عمر الأمين عاملين شللية فى زقازيقاب اون لاين
فى الوكت داك
ننتظر ان تكتب -انت يا سامى - مثل ردى هذا
مرحب بيك حبة جديدة فى السبحة الممتدة
عندك الأيميلات فى البروفايلات كلها
كل يوم تعال من شباك
لغاية ما يتفتح ليك الباب عديييييل
ودى وتقديرى يا سامى عمر الأمين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
محمد يا عيد والله ما شفت كلامك دا إلا قبل شوية ....
علي وجه العموم العضوية هي العضوية ،،، ويمكن للشخص التداخل هنا وهناك ، ولكن في الغالب الأعم لا يتم ذلك إلا في حالة نادرة كما هو الحال في هذاالبوست ... لذا لا خوف من ذلك علي العكس من يدخل المنبر الخاص بنا يكون ذلك قاصدنا عديل ومن يهمه الأمر ....
عضوية ناس الزقازيق يمكنهم التداخل أيضاًُ في المنبر العام وفي الخاص ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
Quote: فتح منبر جديد علي أن تكون له أيقونة أعلي المنبر العام مثل منبر اليوم الحار وإقترح أن نكتفي بإسم : ناس الزقازيق .
4/ نقل البوست المؤرشف للمنبر الجديد .
5/ جلب البوست السابق وهو موجود في مكتبة عصام دهب وضمه للمنبر الجديد .
|
ده كلام مظبوط
ما يهم مكان وجود البوست
منبر ام بوست كله ماشي لكن الافضل مراعاة متطلبات الموقع
الغرض هو التواصل في مكان خاص
التحول لمنبر مع الاحتفاظ بالبوستات السابقة هو الأفضل.
مع تمنياتنا بالتوفيق
ولكم تحياتي
center>
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلام يا ناس
ده أنا ما محمد صديق...بس لأنه آخر زول اتكلمت معاهو كان محمد صديق......
جلا رئيس بنات الشيخ أو الحاج جلا كتر خيره وصلني لحدي مسافة (مقدرة)...حسة زول زي جلا أنا كنت حألاقيه وين لولا لمتنا الجميلة دي...كنت حألاقية بالصدفة في قرعة أراضي و لا بتطلع ليك في شهادة بحث ولا في المغتربين...و يكون قاعد بالقرب منك و تبدأ (الونسة) و يقول ليك انت قريت وين..تقول ليهو في الزقازيق...بالله...أنا ذاتي قريت في الزقازيق...بتعرف عصام دهب..لا ما بعرفة...بتعرف زهير الزناتي...لا ما بعرفة...بتعرف محمد صديق...كان بيلعب كورة ده..أيوااااااا...بعرفة طشاش طشاش كده..
أها شوفتو أهمية البوست ده يا جماعة...وعلى فكرة كلامي ده ما ليهو اي علاقة بالمقترحات أعلاه...رأي قلته من أمبارح...
بعد داك دقيت الحنك مع جلال و برضو وصلني مسافة (مقدرة)...بس كان بيتكلم وبيتلفت خايف من الكفيل...
بجيكم بعدين بي رواقة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: أي أن الخلاصة ... سيكون البوست مستمر ... فقط نبدأ من صفحة
واحد ولدينا منبر آخر منفصل لمناقشة مختلف قضايانا ... الله يرضي عليكم
قولوا آمين .. عشان بعد الإحفتال بالصفحة 100 نبدأ عهد جديد ... |
- آميييييييييييين
- الخلاصة بيكون عندنا منبر + بوست (وتيب)
- سؤوال محمد عيد عايزين إجابة
- بعد ما نكمل الميل رقم 100 نذهب للأيقونا
- عصام دهب الكلام دخل الحوش بتاعك عايزنك تظهر
- نجاة حوفي شكراً ليك وظهورك أفرحنا على الرغم من المسؤليات والمشاغل الكتيرة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
| Quote: حسة زول زي جلا أنا كنت حألاقيه وين لولا لمتنا الجميلة دي...كنت حألاقية بالصدفة في قرعة أراضي و لا بتطلع ليك في شهادة بحث ولا في المغتربين... |
ولا بتحل مشكلة شريحة زين بتاعتك فى مركز عفراء ... !!!
ازيك يا الرشيد .. وكيف نجاة ... ويديك قفاه ..!!
وجــه عابس وهو الكلمة الشاذة التى تحتها خط ..!!
طبعا مافى زول فاهم حاجة ..
أحســـن ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
مدثر ابا يزيد
اسحب كلامك الفوق ده بسرعة
فيهو هكر اخطر من هكرات ودقارات امبارح واول امبارح
هكر يودى التوج عدييييل
معقولة بس تقول للجماعة امشوا اشتروا دهب الأيام دى واوعكم تبيعوا
عايز تبهدلنا انت
داير تجيب لينا (الصمرقع) ؟؟؟؟
ان شاء الله يا بركة النبى بنات الشيوخ
ما يشوفوا مداخلتك دى
اقروا معاى يا جماعة
وجعلنا من بين ايديهم سدا
اسحب المداخلة كلها
نسمح ليك بس بى صورة الولد
قبل الليل ما يجى
وزينب تشوف كلامك ده
وعمر يضطر سوق معاهو نجاة
ويمشى سوق الدهب بتاع دبى
الحق يا زول
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
ازيك يا مدثر ابا يزيد
مشتاقين وطولت مننا الغيبات
خلعتك طبعا
لكن نحن الأيام دى كلها شايلين المكنة بتاعت الدهب غالى
والأيام دى مرتاحين
داير تقلب لينا راس الجماعة ديل وتقومهم عاينا مالك
هذا لا يمنع من اننى استمتعت بتقرير الدهب بتاعك ده
الا حتة امشوا اشتروا دى
الحريش دى بتاباهو براك
اخونا احمد اسماعيل ازيك
موضوع تأخر النطق ده , انا برضو مريت بيهو مع ولدى حجازى
هو الآن عمره حوالى خمسة سنوات واربعة خمسة شهور
هو الآن يتكلم
لكن بلغة افلام الكرتون
عربى وانجليزى طبعا
الحوار معاهو من عينة ليس انا يا ابى
لمن يجى يقول ليك ما انا العملت كده
الأبلة ولا ال (المس ) قالت ليك شنو الليلة يا حجازى
قالت المس لى حجازى انه ولد رائع
الدفق الموية دى منو يا حجازى
ليس انا بل مدرار
ثكلتك امك (دى منى طبعا)
لدرجة مرات بشعر انو تفاهم حجازى بالأنجليزى افضل منه بالعربى
كما انه يميل للأنعزال ولا يحب الأختلاط الا فى حالات نادرة
انا اتعاملت مع الموضوع عادى
على فكرة لغاية اقل من سنة , الكلام كان مافى تماما
ادمان التلفزيون عنده شىء غير طبيعى
اصعب شىء واجهناه معاه فى بدايات المدرسة هو صعوبة فصله وحرمانه من التلفزيون
حتى انى دخلته المدرسة من عمر اربعة سنوات
الآن نشعر بأنه تحسن كثيرا
لاتقلق اكثر من اللازم , ولكن ايضا امنحه مزيدا من الوقت
حاول اكتشاف مواهبه وما يحب من نشاطات , ووجهوا اليه الكلام بشكل مكثف واستجيبوا لتفاعلاته مهما كانت محدودة
وبعد داك , زى ما قال ليكم زهير
شوفوا ليكم طريقة تسكتوهو بيها بعد ما ينطلق بأذن الله
ربنا يحفظ ليك اولادك جميعا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
اليوم ذهبت لزيارة حارة المنبر الحار
وطيلة معرفتي بسودانيز أون لاين لا أذكر دخولي
منبر اليوم الحار ولكني أقرأ عنوان المنبر فقط
وهذا دليل عدم إهتمام بعض القراء بالدخول إلى منابر
لا تخصهم أو تسترعى إنتباههم.
يعني التحذير من الإنكماش والتحوصل والإنغلاق المميت
المنبر الحار وجدته مشابه للمنبر العام به حوالي 96 بوست
خاص بالإضافة للبوست الأساسي بوست اليوم الحار وما بندار يوم
الهندسة والمعمار ووصلوا حتى الميل 70 ،
ما لم يعجبني فيهو أيضاً عامل زي سوف البصل والخضار كل
واحد من ناس هندسة فاتح ليهو دكان- بوست - وكاتب فيهو موضوع
وعامل فيو مداخلات وبعدين يقوموا أصدقائه بدعم بوسته والمداخلة معه
تجد أحدهم عامل بوست ووصل الميل 7 وواحد تاني بيكت بس وصل الميل صفر
وهذه هي الشللية بشكلهاالحقيقي سواء كانت :-
- شللية لظرف زمني
- أو حزبي
- أو مكاني (أولاد منطقة واحده)
- أصدقاء عمل
- كلية واحد 00000إلخ
وهنالك كثير من السلبيات الموجوده في منبر اليوم الحار
نأمل من الجميع في حالة إكتمال إتفاقنا - وهو التوجه السائد -
أن نتجاوز سلبيات منبر اليوم الحار ونتحاور في كيفية عمل بوستات
يُستفاد منها الجميع .
من دلوقت فتحت ليكم هذا الباب للتفكر وتبادل الآراء لتعم الفائدة .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
والله يا منصور انا اخدت مقلب اشتريت قبل العيد
بعد العيد جيت ابيع فرق المصنعية كان مبالغ
بنزل ليكم رقم الحساب عشان تدفعوا حق النقلة دي
،،،
معليش يا جماعة اناما حضرت نقاش بوست/منبر من الاول
ولم استطيع قراءت كل المداخلات بخصوص الموضوع.
على بركة الله فيما تم الاتفاق عليه
لكن اذا تحول لمنبر ممكن نتحكم في شكله بالاتفاق بيننا
ممكن يكون كالتالي:
بوست للتهاني
بوست للتعازي
بوست باسم ناس الزقازيق اجدع ناس يتسلسل سبحه صوفيه بدون نهايه.
والناس تلتزم بعدم فتح بوستات اخرى داخل المنبر
واذا حصل ذلك من احد الاخوان على طريق الخطا او احد الضيوف
ممكن بمساعدة الاخ بكري يدمج مع اجدع ناس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
عزيزى الكوتش الجميل .. ود صديق
اسمح لى بهذا التناول البسيط لقصة الامس التى ازدان بها الميل السابق .. ولا أدعى المعرفة ولكنه مجرد تفاعل شخصى مع ما قرأـه منك .. وطبعا السمكرة الأكبر ستكون من رشيد القوم ونجيلة وجبريلا ..
بداية القصة باسلوب المخاطبة من الراوى لاحدى الشخصيات المحورية فى الحدث .. طريقة متفرده ومحببة فى الابداع القصصى عموما ووجودها هنا أتى - فى رأيى - بصورة مميزة ..
حيث ان الراوى يلمح بأنه فى الأصل من هذه القرية بدليل وصفه لملامحه المغبرّة حين نزوحهم فى سابق الزمان الى المدينة الكبيرة .. أى انه من المقترض انه - الراوى - على علم كبير بتفاصيل قريته ... ولم يكن بحاجة الى كل ذلك الاسهاب فى الوصف للطريق والقرية ولكن ذلك تم ايراده للتأكيد للمخاطب ( شخصية الصديق المشوكش ) باعتبار نشأـه فى ديار اكثر غرابة حتى من المدينة الكبيرة ..
Quote: أنت الذى طرحت الامر وألححت عليه وفرضته علينا ...حتى ان عثمان حينما واجهك بأن الامر يحتمل مآرب أخرى تُضمرها ولا نعلمها ..ثارت ثائرتك ونفيت ذلك مُشددآ على
التجربة وجمال المنطقة التى سنزورها....تهامسَ الآخرون فى خبث واضح ..لم يثْنك ذلك أيضآ وازددت تمسكآ بالفكرة |
هذه الصورة متكررة فى وجدان الكثيرين من ابناء العاصمة والمدن الكبيرة .. ودائما ما كانت تكون مثار تندر الناس كلما اعتزم احد الســفر لاحدى القرى لحضور مناسبات اجتماعية او افراح على وجه الخصوص .. باعتبار ان الذاهب دائما محظى بمشاهدة الجمال والبراءة الفطرية التى تتسم بها تلك البقاع .
Quote: لا اكتمك اننى كنت بين الفينة والاخرى اتلصص بالنظر اليها .....ما عادت عيونها واسعة كما فى السابق ..لم تعد هى تلك العيون التى يتغنى بها الشعراء ....أشك الآن فى ان لها سابق علاقة
بحبوبتها |
هذه النهاية التشويقية تذكر الناس باسلوب القصص البوليسية فى الباس الوقائع كثيرا من الغموض وانهاءها بالمفاجآت التى غالبا ما تكون لم تخطر على بال القارىء المستمتع .
وهنا تبدو روعة طرحك يا كوتش فى القصة .. والمزج الذى حدث فيها ابتداء من الاسهاب الوصفى للمكان وشخوص القصة والاسلوب التشويقى فى النهايات مرورا باستعراض الحالة الانتقالية الانسانية ما بين فطرة وبساطة الريف من ناحية وصخب وتعقد الحضــر من الناحية الأخرى ...
كل ذلك ينبىء بأن ترابنا - صدقا - قد أنجب أكثر من طيب واكثر من صالح ...
محمد صــديق ... انت رائع فعلا وقولا ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلامات يا ناس
الحبيب عيد...سلام ومحبة
الشكر كله للكلام الحلو فى حقى
وانا أجهد دومآ فى أن اقول شيئآ
من خلال هذه الكتابات...
حديثك حديث متذوق وعارف ويمتلك ادوات
المعرفة والتذوق...وكذلك الكتابة ..
وزى ما بقول الرشيد:
ما تخليك سلفوش.
لك الود.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
كنت أعاني من مشاكل تقنية بالموديوم فطلبت معونة الخبراء و تم احتواء المشكلة و اعادة الوضع على ما كان علية....
يا ريس...البحث الذي قمت به بحث جيد و يستحق أن نقف عنده كثيرا قبل أن نحدد خياراتنا...و لا أقصد هنا التراجع عن دعمي للفكرة القائلة منبر و بوست فرعي...بل لجلب مزيد من الأفكار لضبط المنبر...مثلما أشار الية مدثر...و أفكار أخرى حتى تختمر الفكرة الأخيرة من الآن و حتى اعطاء اشارة البدء بالتنفيذ للمهندس بكري....
محمد صديق...قراءة ثانية للقصة لا تضر...بعض الوقت و أعود...انت جاهز...
| |
|
|
|
|
|
|
| |
محمد صديق
الرشيد بابكر
زهير الزناتي
عفاف علي ميرغني
عصام دهب
محمد آدم النور
Hatim Gubara
جلال عثمان
Elsuhaili Magzoub
ميسرة سيد أحمد
زينب التجاني
محمد عيد
طارق جبريل
منصور عبد الرازق
مدثر أبا يزيد
سامي عبد الوهاب إدريس
فيس بوك
تويتر
انستقرام
يوتيوب
بنتيريست