ناس الزقازيق ... أجدع ناس ..

Quote: أي زول في جدة يمشي مكة يعمر

Quote: انا حا اقفل الكمبيوتر ده , شكله بقى يجيب هوا

(عدل بواسطة محمد عيد on 07-21-2009, 03:29 PM)

Quote: يا طارق جبريل مسخت لي إجازتي . . . . 0. . . . . . . . . . . . يا طارق جبريل بدون لا ولا دوران ... . . . . . . . . . . . . أعتذر ليك بلا حدود ، والله الواحد خجلان من نفسه قال كده ليه ولا عمل كده ليك ربك عليم يا زول واضح عليها دي فلسة يوم الخميس وحر الخرطوم اللافح دا جات فيك إنت يا المسكين والله مجرد ما عملت مداخلتي المهببة الفوق دي قمت جاري من النت ، قبل ما أصل ميدان جاكسون حصلني صلاح الأمين بتلفون ، أتكيفت قلت الرفاق بدأوا في التضامن مع الزميل في صراعه مع طارق جبريل ، قام اداني ليك علي راسي ، وقال لي لازم تسحب الكلام دا ، قلت يا ولد صلاح الأمين دا فردة طارق جبريل وزميله في الكلية ، ودكتور حمير زيو ما تشتغل بيهو ، قلت أتصل بصاحبي نادر فاروق ، الصديق وقت الضيق ، عارف ما عنده باسيورد ، لكن ممكن يتضامن معاي ، حكيتهو ليهو الكلام ومن وجهة نظري وعدلت في بعض الأحداث ، يا زول برضك ما نفع ، اداني علي راسي وقال لي إنت غلطان ، ولازم تسحب كلامك وتعتذر ، بل زاد علي ذلك وقال لي كلام طارق جبريل لو قالوا بالهزار ولا بالجد بصراحة إنتو بتوعين ناسات ، وكلام طارق جبريل صاح ، قلت يا عمك نادر فاروق دا زول بتاع حركات وطارق جبريل دا قرا إعدادي معاهم في علوم ، ويكون في ود قديم ، بعدين أنا مدين من نادر فاروق وما رجعت ليهو قروشو يكون زعلان عايز يسدا ، وصلت البيت ، حكيت لابتهاج ، شريكة العمر والحبيبة التشوف كل دراب حبيبها طوب أحمر وسراميك ، وبطريقتها المختصرة ديك ، قالت لي غلط منك ، يا زول قلت طارق جبريل خلي بالك عامل لي عمل وانا ما عارف ، بعد شوية التلفونات بقت تتطقاش محمد عيد من السعودية جلا من السودان ، فردتي محمد صديق البمشي معاهو الكورة ، ما إتضامن معاي ، في النهاية قفلت التلفون وخليتو مع محمد صديق ، الصباح فتحتو لقيت زي مليون مكالمة ، في قندهار ، أصبحت ونسة الجماعة زي مباراة هلال مريخ ما في زول أتضامن معاي ، إتصل بي معاوية يحيي قلت خلاص جا الفرج معاوية دا راجل عنده دكتوراة من ألمانيا وراجل فاهم ويعرف يوزن الأمور كويس ، لقيتو نفس رأي نادر فاروق ومصر علي إنه نحن بتوعين ناسات وكلام طارق جبريل صاح .. اها لقيت ليك ناس الزقازيق كلهم في خندق طارق جبريل ، وإنشاء الله يا ناس الزقازيق النصيحة البقيتو تمرقوها دي ما تبقي علي انا المسكين دا نصحيتكم قبلناها، بس خليكم دايماً ناس نصيحة ... بالمناسبة أتصل برضو منصور عبد الرازق وعبد الدائم النضيف ، ومتأكد الثقيل حاتم جبارة بيكتب في إيميل تضامن الآن مع طارق جبريل والقائمة تطول ، مبارك جادين قال لي في الطيارة ما كان في موضوع مع سيف النصر سوي ما هببته في البوست مع طارق جبريل لقيت ليك نفسي بقيت مشهور ، طبعاً الواحد من الفنانين الشباب لمن يكون عايز يشتهر أول حاجة يهاجم كبار الفنانيين ودا يتخيل العملتوا أنا ، يا زول ولا يهمك إعتبرها السفيه الشاكل طارق جبريل صديقي طارق جبريل ، أعرف تماماً مدي ما سببته لك من أذي وتجريح ، في أمر لا يعدو الهزل والهزار وانا طيلة حياتي رجل مهزار احب المهاترة والهزار ، إلا أن لعتة ما أصابتني ذلك اليوم ، وانا هنا أحكم ناس البوست وأصدقاءهم ، مستعد لأي عقوبة يرونها مناسبة حتي تمحي هذا العار ، وأنت تعرف تماماًًُ مدي المعزة التي أكنها لك ، والحب .. فلا تؤاخذ ناس الخرطوم بما يقولون ... هذا إعتذار أولي .... اتمني صادقاً ان تقبله ... لنعتذر لك مرة أخري ولكل ناس البوست وقراءه وناس الزقازيق من جم وقراء الموقع عامة .... لولا معتزك ما كنت أكتب اليوم بعد سماعي لرحيل الصديق وليد عبد الجليل .... اللهم ارحمه وأغفر له ... انا بعتذر بلا

يا زهير الاعتذار قيمة انسانية جميلة خلاص يا ريتها تدخل ثقافتنا
بس الاكيد بيني وبينك مافي كلام زي دة
يا زهير نحن عشرة عمر ياخ انتشرنا وجعنا وشبعنا في الزقازيق
ورفيقة دربك دي ذاتها والله صداقتها ممتدة من ذلك الزمان
يعني بالعربي كدة ما عندك فكاك مني كله كله (ضُمة ضُمة)
يعني لو قلت حا تشاكلني وتمشي للتانيين ما عندك طريقة
رفيقة دربك صديقة واخت عزيزة
محمد صديق ورفيقة دربه ديل عشرة سنين ياخي
الحلبي حاتم جبارة امه الله يرحمها كانت بتقول لي انت ولدي الما ولدته
معاوية يحيى دة اكتر سنير صديق دفعتنا ديك الانت عارفها
مبارك جادين فردة للطيش وزول قرانا عديل في زمن البرلمة
صلاح الامين دة ستلين
يعني يا ابو الزهور انا في حلقك لامن نموت دي حتة لا فكاك منها
زهير يعلم الله انك في القلب وفي حتة ما يمرقك منها الجن ذاته
زهير رغم حزني الشديد علي والدتي رحمها الله الا انه بكاها اتاح لي نتقابل انا وانت في خيمة العزاء
زهير انا كان جيت البحلق ليك شنبك دة بس اصبر لي
يا زول والله معزتك دونها النجوم
ودعوة من القلب الله يحفظك ووليداتك وامهم



للزقازيقاب: اعتذر ان كنت قد حولت مسار البوست
اسمحوا لي انه الاشكال دة خلاني اعرف محبة زهير جواي قدر شنو
محبتي الاكيدة للجميع

Quote: النداء موجه للريس و للنضيف تحديداً ..

(عدل بواسطة محمد عيد on 07-22-2009, 02:21 AM)

Quote: يا جلا الكلام ده لسه موجود في السودان ولا أنحنا ما زلنا محنطين في الماضي البعيد؟ و لا الدنيا إتغيرت ..والمواضيع دي إنتهت من زمن أمهاتنا وحبوباتنا؟؟؟؟؟

Quote: في إنتظارك يا جلا ؟؟؟ إذا لقيت فرصة منتظرين تعليقاتك ديك .

Quote: سلامات يا ناس طارق جبريل ..بكرى ولدى قطع ليك..قال ليك انت بتلقى الزمن وين بتكتب فيهو كتابة قدر دى

Quote: ان بقيت لقيتلك راجلا كبير راقدلو في درابزين دة ياهو عمك جبيرين

Quote: طارق جبريل ...خليك قريب انتظر المفاجأة