|
|
|
 Re: ناس الزقازيق ... أجدع ناس .. (Re: عصام دهب)
|
..
.
سلام لاجدع ناس ..
عثمان الجيلى نبيل سيد نصر شنو يا زول ؟؟
يعنى هانئ برعى دا ما عجبك 
ونسيت سيد ومحمد الحسن البرلوم ..
عليك اللله قارنا بدفارات الكوايات دى كتيره علينا
Quote: فشلت في الأتصال بعدد من الناس ،،،، مثل البادي النور
وعمار رحمة الله ،،، وصالح عبد الرحمن صالح ،،، لازم نكون
كلنا هناك ،،،،
ومبروك للعريس العانس عمر بسكو |
تفشل كيف يا كوردنيتر عندك لي ستين تلفون
وتخت لينا الاعلان الساعة 12 من تاريخ الحفل نقراهو متين ونحصل كيف ؟؟
غايتو اتلومتو معانا ..
ما انت .. العريس ومبارك جادين برضو
________________
تحياتنا واللمه متين ؟؟
| |
 
|
|
|
|
|
|
|
|
Re: ناس الزقازيق ... أجدع ناس .. (Re: Tabaldina)
|
السسلام عليكم يا تبلديناوظلنا الوريف..
طبعاً نبيل سيد نصر ضرب الرقم القياسي وهو عميد المشوكشين في الزقازيق سابقاً
ويشغل الآن عميد العانسين ...
اما المدعو هاني برعي ...اولاً هو حي ...ولا ...حتي بعد كده ينظر في موضوعه..
اما صالح تبلدينا حسب ماحكت صور العرس ..قالوا هو العريس القادم ...
لكم جميعاً مودتي
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
عثمان الجيلي ... تغيب ولا تجي ... ولا تختفي تاني ... نحنا ماعارفين ... المكوة بتاعتنا وينا ... تكوي وتنسونا ... وتقولوا جيتو وما لقيتونا .....
حيدر حنين ... اول قلنا البنيه لوليداتنا ... ولكن بعد ماشفنا صور عمنا الزناتي الأخيرة الفي السودان ... نحنا ذاتنا بنفكر ... ندبل ...
حاتم جبارة .... شابكنا ستايل ... ستايل ... انت ما قريت قصة حياة سمير غانم ... شوف ليك واحدة زي الخاتيها في راسو دي ... ورسل نسخة منها لصاحبك طارق جبريل ... وفي واحد تاني حاقولو ليك بعدين ....
طارق جبريل ... مطيتنا مط بالبت الشديدة .... ورطنا معاك ... زي ورطة حاتم جبارة مع الاستايل بتاعو ...
عبد الدائم النضيف ... ما شاء الله عليك ... في جدة مهيص ... وفي المنير مهيص ... وفي اجازتك بالسودان مهيص ... الزول ده والله لو قابلتو في العمرة تلقاهو كمان .....
سامي عبد الوهاب الوجيه ... الزول ده زمان في الجامعة كنت بقابلو في محلات غريبة خلاص ... وبمشي مع حاجات كده ما زينا .... المهندس البني مباني جامعة الزقازيق ... مابعرف ازقه سامي دي ... اوع تقولو لي انت الوداك هناك شنو ... انا بتكلمني العصفورة ...
محمد الهادي ... الصور شويه ما واضحة لكن شكلك كدة محافظ ... ستايل حاتم جبارة ماغشاكم ... ذكريات سنار الثانوية العليا ... وولدنا محمد الهادي من اولاد سنار التقاطع ... عندهم قطر كده من عربتين لنقل طلبة المدارس من والى التقاطع ... عربية مخصصة للأولاد وعربية مخصصة للبنات .... دائما كنت بشوفو بركب القطر ده .... بس في أي عربية ... انا ماقلت عربية البنات ... بس والله عيوني شافوهو .... ده كان اول عهدي بيهو ... يا رائع ليك وحشه وشوق شديدين ...
زهير الزناتي ... انت عم جوده ده اتعلم منك التصوير ... حركت فينا اشياء قديمة بصور حديثة ... ما حأقول ليك واصل ولكن هذا طبعك من .... عليك الله يا زهير ولدك محمد حل مشكلتو مع سيدنا آدم ... والله انت تحير ... وولدك احيَّ منو ... دي هسع افكار شافع ... سلامي لكل افراد الاسرة
محمود الحوري ... نضاراتك وخشمك "وطربكتك" ياها زاتا ... الزول ده فكو لي موبايلو اذا عندكم ... قال: عليك الله يا ياسر نجيلة امشي جيب لى ملح من الدكان ... انا نسيتو ... لا ... والساعة ثلاثة ونحنا ساكنين في الطابق الخامس ... ميز شنو العليك يا ود الحوري ... طبيخك بملح ولا بدون ملح ... مايهو طعم المويه .. بس وسخها بطماطم وبصل ...
جمال فارح ... والله دخلت البوست ده مخصوص عشان اكفر ليك الحادث بتاعك ... ولكن بعد صور عمنا الزناتي ... وشفناك "حاتيهو حت" ... لقيناك انصح مننا ... زهير الزول ده تصورو بالجنبات ومن قدام اوع تصورو من فوق ... ستايل ود جبارة حايم اليومين ديل ... اين انت يا رجل يا رفيع يا فاهم ... اسم على مسمي خلقة واخلاق ... وحشتوني
البشوف صلاح الأمين ومجدي النعيم ... يقول فارقهم امس بس ... مش من ايام الجامعة ... عينا بارده ... نفس النسخة القديمة في الشكل ... انتو ماوريتو حاتم جبارة وطارق جبريل بتاكلو شنو ... وبتمشو وين ...
مبارك جادين ... حافظت على نسلك وشكلك ... بالكربون الأولاد والزوجة ... وريحت بالك من زواج بنات الدومنيكان والفلبين والمغاربة والخواجات وغيرهم ... وندخل في مشكلة الهوية ... التقول سودانا ناقص ... سؤالي عنك يدور يا رائع بروعة اخلاقك وعشرتك ...
عمر بسكو ... يعرس ركبينك ... انت لسه ماعرست ... عامل سكاكاتك الطوال دي ... طويل وكبير هسع نقول لأهل العروس شنو ... ده لو كان صالح تبلدينا ممكن نكضب ونقول 25 سنة او حتي بنتقدم معاهو كأننا ابهاتو ... بس انت يصغروك كيف ... تحياتي يا جميل وشوقنا مطر ... وبيت مال وعيال ... خليك في الخط
السمؤال ابوسن ... ياخي قديتنا بالـ 120 دولار الدفعتنا انت ونجيلة دي ... بالله عليك يا زيدوها وتعملوها مبلغ بحجم النقاش ... ولا ادوها تبرع للمساكين ... ناس الإمارات ده حجمهم تعمل شنو ... والله ماقصرت ومافي واحد عاوز يتصل ... شتت القروش وفضها سيرة ...
عصام دهب وصالح تبلدينا ... البسمعكم في بوستات السياسة البيهناك ونيرانكم مولعه ... ما اجي اشوفكم هنا بين اهلكم وبمحنتكم ... صدق الي قال ان السياسة لعبة .................. تحرق الإيدين والكرعين ..... واللسان ...
سلام صغير لسيد باشا ....
الشخص الحضاري ... والزوق الرفيع ... والتعامل الراقي ... والشكل المهندم المقنع ... منذ ان عرفناه ... ميسرة سيد أحمد ... منتظرنك ...
ختاما مبروك لكل العرسان وكل من مر بمناسبة سعيدة ... وعزاءنا موصول لك من اصابه مكروه ... وانا لله وانا اليه راجعون .....
وسامحونا
[email protected]
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
| Quote: عصام دهب وصالح تبلدينا ... البسمعكم في بوستات السياسة البيهناك ونيرانكم مولعه ... ما اجي اشوفكم هنا بين اهلكم وبمحنتكم ... صدق الي قال ان السياسة لعبة .................. تحرق الإيدين والكرعين ..... واللسان ... |
ياسر نجيلة .. إزايك و بركة الشفناك طيب ..
شكراً على السؤال و صدقني حكاية السياسة دي قدر ما الواحد يشتت منا و يسيبها تقون الناس تجروا ليها جر الحبل ، غايتو بس ربنا يهون ..
و نحنا أهو مرات مرات لما نلقى فرصة بنجي نتاوق و نسلم عشان البيت دا حق الناس كولللهم ، و ما أحلى الناس هنا و أنت منهم ..
تحياتي لك و لسمؤل و لدولارات إشتراكيكما التي لا زالت تراوح مكانها..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا سر نجيلة
كلامك عجيب ،،، من القلب ،،، وإلي القلب
إين هؤلاء الذين تحدثت عنهم ،،، إنهم لجوارنا
ولكنهم بعيدين هناك في ازقة المدن التي لا ترحم
ليتهم يأتون ليستريحوا قليلا ،،،
شكرا يا رائع
| |
|
|
|
|
|
|
|
|
|
Re: ناس الزقازي ... أجدع ناس .. (Re: عبد الدائم سيد أحمد)
|
العزيز الغالي / ياسر نجيلة ...
تحياتي واشواقي بحر ..
اولاً:طبعاً البنات الحلوات ديل انتاج زقازيقي 100%
ذي انتاجي وانتاج زهير الزناتي ...
ثاناً: علي قول الفلاتي ..قول ماشاء الله دي المناظر بس..
لسع صورة ست الحسن ..اخر العنقود مانزلت ...
اما ميسرة سيد احمد اصبروا علي شوية انا ح انكتو ليكم من الزواية الحرجة ...
اما الوجيه عبد الدائم ...انت عارف يا ياسر الوجيه وجيه ...اصلو من يومو وجيه..
في كل المحافل ساطع دوماً..قول ماشاء الله بس...
ليكم جميعاًمحبتي دوماً
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
اثني مع الشباب ده ياسر شبيكة
زهير الزناتي يعني الواحد لو جاء السودان يزوغ منك ...
صورة ياسر شبيكة الحديثة بالله نفس القطن الفي شعر ياسر نجيلة
سلامي لك ولياسر شبيكة وللولد الشقي عبد الدائم
..................
همسة لعثمان الجيلي
والله نحنا جلينا من بنات الزقازيق قلنا نرمي الشبكة بره الزقازيق
والنتيجة جلينا من هذا الانتاج الجميل
مودتي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
الأعزاء
التحايا الجميلات
ما شاء الله عليكم ، اليومين ديل يسحروكم عديل
بعدين يانجيلة ،،، صورة ياسر شبيكة دي وهو في الدوحة ،،، يعني ما تتخيل إنك في الغربة ومابنحصلك عشاننصورك ،،،، عموماً أعمل حسابك ،،، وعليك بالصبغة أو الحناء والحزر من مصوري الفضائح أمثالنا (البابارتسي) ،،، ولدينا من الوسائل أن نصورك وإن كنت في غربة بعيدة
لك ودي
عبد الدائم جاب صورة واحدة وعمل نايم ،،،، مستنين ،،، ومستنيين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
التحايا لأجدع ناس
ألف مبروك لعمر بسكو
وعقبال اللي بالي بالك
ويا عبد الدائم سيد أحمد حمد لله على السلامة
وطبعا زي ما قالوا الشباب: الزول الوجيه دا هو ياسر شبيكة
ويريت نشوفو بيجاي في الحوش الزقازيقي دا
ياسر نجيلة... منور والله
وأحسن ليك تخلي الطابئ مستور
والله يا زناتي ما بتقصر أبدا... الله يديك العافية
والتحية لكل من
عثمان الجيلي (والله يخلي ليك الأمورات... ما شاء الله)
وحنين الحنين
وتبلدينا
وياصالح بلا أحسن تلحق... لأنو لسه في أمل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
العزيز ياسر
تعرف في ناس كتار الزول ما بيكون قابلهم في حياتهم ،،، لكن حتما بيكون استفاد منهم ،،، والبروف اكيد من الناس الساهمت في التراث الجميل النحنا لقيانهو في الزقازيق ومصر ،،، وبي كده من النص نكون حصلنا نص (بلغة أخري كباية)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر شبيكة)
|
السلام عليكم حبايبنا الحلوين...والاشواق ليكم مطر
والف سلام وتحية من داخل الحوش للعزيز ياسر شبيكة والله يحفظك ما تقطعنا وكل يوم طلة
(وبزيارتك حوشنا نور وكلو زينة)...والله ياياسر محافظ 100% ماتسمع كلام الجماعة ديل بس تعال شوف واحكم )
ياسر نجيلة
(همسة لعثمان الجيلي
والله نحنا جلينا من بنات الزقازيق قلنا نرمي الشبكة بره الزقازيق
والنتيجة جلينا من هذا الانتاج الجميل)
يا اخوي نحن بنقول ليك مافت شي...قالوا لوفاتتك بنت عمك الحق بنتها...ونحن بنقول فرصة الدبل مفتوحة بس دق صدرك وقول عوك ...مازالو حلوين الزقازيق موجودين...( طبعاً كوامر مجددة)
مع خالص مودتي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
حبيبنا عمثمان الجيلي
ورررروررروك .... المدام بتقرأ البوست معاي .... يا أخوي أنا نطيت ورجعت في كلامي
وخلينا نشوف الأولاد أحسن ... انا خلاص كبيت الزوغه ... هاهاهاهاهاه
طلت فرحتنا ياياسر شبيكة ... ومقامك وسطنا ... افرد جناحاتك ... وورينا ابداعاتك وذكرياتك وخلي المكنة تدور ...
رائعةعلى السقيد حنسمعها بعدين بالليل ... برواقه وهدوء ... بس من غير
| Quote: نكون حصلنا نص (بلغة أخري كباية) |
نص زهير الزناتي ده
سامي عبد الوهاب ... اها سكتنا وصمينا خشمنا ...
واصل طلتك بدون اعترافات من القديم
تحياتي يا جميل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر شبيكة)
|
مرحباً ألف بوجود بيننا زميلنا الرائع / ياسر شبيكة ،،
و شخصياً ربما لم أتشرف بلقائك في الزقازيق لكن ما سمعته عنكم من الزملاء يجعلني سعيد جداً بأن ألتقيكم هنا و أنتم من الزقازيقاب الرائعين الذين يفخر بزمالتهم ..
نزلت أهلاً و حللت سهلاً و الدار دارك و الحوش حوشك ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
زهير قال
| Quote: عبد الدائم جاب صورة واحدة وعمل نايم ،،،، مستنين ،،، ومستنيين |
جبت صورة واحدة لكن معاها الزول بشحمو ولحمو
اهو كسبتو ليكم عضو جديد جانا طربان يتمايل والـكـل فرهد فرحان بالجيه
واهلا" بيك ياسر شبيكة وعقبال ناس ابو علي .
للبرالمة والذاكرتهم خربة:
اخونا ياسر شبيكة خريج صيدلة الزقازيق 86م
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
احبابنا كيفنكم
الف الف الف تحية لدكتور ياسر شبيكة
في مخيلتي صورة لن تزول وانا برلوم حين انتصرت قوى التجمع على الاتجاه الاسلامي
وانا كنت بالقرب من ياسر فإذا بدمعات الانتصار تفضحه
يا نجيلة كيفنك
انا احمد الله رفع عني مسح الرأس في الوضوء
ستايل على طريقة حاتم جبارة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: العزيز ياسر
تعرف في ناس كتار الزول ما بيكون قابلهم في حياتهم ،،، لكن حتما بيكون استفاد منهم ،،، والبروف اكيد من الناس الساهمت في التراث الجميل النحنا لقيانهو في الزقازيق ومصر ،،، وبي كده من النص نكون حصلنا نص (بلغة أخري كباية) |
المداخلة دي ماشة حتة تانية خالص ،،،، لكن برضو ما بطال جات بي جاي ،،، وعموماً الزول رجالة ساكت ما حايمسحهاوالزارعة الله في الزلط بتقوم ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
تحياتى لكم جميعا
عبدالدائم سيد أحمد
حيدر حسن
عثمان الجيلى
ياسر نجيلة
طارق جبريل
سامى عبدالوهاب
زهير الزناتى
وكل الزقازيقاب
شكرا جزيلا على هذا الترحاب وأحب أقول ليكم أنا ومن قبل أن أغادر الزقازيق كنت تلميذ فى مدرسة البرالمة ان جاز التعبير .
أعتبر نفسى من المحظوظين فى الزقازيق أن أجبرتنى ظروف خاصة على معاصرة عدة أجيال وزملاء . تعلمت منهم جميعا من العلوم والمعارف ما أعاننى على التعامل فى حياتى العملية والمهنية بكل سهولة ويسر .
الفترة التى قضيتها بالزقازيق ومصر بصورة عامة كانت حافلة بكل ما يخطر على بالكم من مواقف وتجارب و زاخرة بالعلاقات الرفاقية والانسانية والاجتماعية . فالزقازيق كانت احدى أكبر فصول المدرسة الأم الحركة الطلابية السودانية بالمحروسة كما يسميها خريج الأسكندرية الدكتور / صلاح البندر .
بما أنى أحد السناير وسطكم أوجه ليكم سؤال لازم تجاوبوا لى عليهو وهو : أن تذكروا أسماء الشابات و الشباب الكانوا معاى فى الصورة ( حسن أبوعلى ممنوع من الاجابة ) .
و يا عبدالدائم عايزك تورينى شوية تفاصيل عن هذه الصورة ، يعنى المناسبة والمكان وكده يعنى
وحتى نلتقى لكم سلامى ومودتى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر شبيكة)
|
رد مزدوج..
ياسر(نجيلة+شبيكة)= شباب حلوين
ياسر نجيلة رجال ورق...تزوق يا جبان ...نحن مازلنا في الميدان..
طبعاً يكون ادوك قرصة في (اضانك)..جابت راسك ...معليش برضو الخط فاتح ليك متي ماتحب ...
ياسر شبيكة ليك حار تحياتي ..يااخي ارسل رقم الموبايل عشان كلام الناس الكبار مرات بكون فيهو دراب ..
اولاً: طبعاً ال في الصورة غيرك انت في خالد حسن + حسن ابو علي + زينب التجاني + ضحى محمد عثمان... بس الشاب التاني ده ماقادر اتذكر اسمو..
اما المناسبة طبعاً عبد الدائم ما عارفها...
لانو الصورة دي بخرة من حسن ابوعلي ..يعني تمريرة قصيرة
وانا ما ح اقول ليكم المناسبة ...الا في العدد القادم
ليكم مودتي
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
اول واحد فى الصورة يا اخوانا زميلكم / معاوية خوجلى ( صيدلة)
عرفتو ؟ بس فالحين تتكبكو 
مصدر الصور يا ياسر احتمال لما نحن سكنا فى شقة اولاد صيدلة لقيت
كرتونة فيها مذكرات وصور وبطانية ويمكن دى من ضمن الصور اللقيناها
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
..
.
| Quote: وعقبال اللي بالي بالك |
يا سمسم قصدك هانئ برعي مش ؟؟
ياخى قلت ليكم الزول دا بقي راهب
يمين يوم الجمعة كنت معاهو فى البيت دخلت لقيتو فى المحراب بتعبد
الغريبة بقول ليهو سامى والزناتى بنصحونانلحق ..
يقعد يضحك ضحكتو العالية ديك .. بدرى يا ولدنا ..
انا ما عارف الود دا انا لو تابعتو ..
بعرس بت زهير الصغيرونة ..
يا زناتى
ياخى الرحلة بقت زى حجوة ام ضبيبينة مالها ؟؟
انا سجلت ..
سلم لى على خطيبتى
_____________
ححححححححى انا دى الغلبا راجلها جات تأدب حماتها
نو هارد فيلنغ يا هانئ
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا صالح
آخر كلام الرحلة يوم الجمعة
وتم تقسيم العضوية علي ناس اللجنة التنفيذية لجمع الأشتراكات
وآخر يوم لجمع الأشتراكات الأحد
والرحلة قايمة وناجحة بس شدوا حيلكم وكل من يتابع البوست من ناس الزقازيق في الداخل
عليه الأتصال برقم الرابطة 0922220158 ،،، والأتصال بأي شخص يعرفه من ناس الزقايق لأخباره بأمر الرحلة
يا جماعة الرحلة دي مهمة جداً ،،، وحا يكون في نشاط محموم في الاسبوع القادم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
الف الف مبروك المولود يا زهير وابتهاج
ويتربى فى عزكم
ومبروك كمان للاخ عبدالله الزبير المولود
Quote: يا زناتى
ياخى الرحلة بقت زى حجوة ام ضبيبينة مالها ؟؟
|
خوفى يا صالح الرحلة تبقى سماية 
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
ألف حمد لله على سلامة أبتهاج يا زهير ..
ومبروك لكم مقدم مجد ، و نسال تعالى أن يحفظه لكم ذخراً و يقر به أعينكم و يجعله من البررة ..
الأم بتنا و الأبو ولدنا و الولد و لدنا و أخواتو بناتنا و السماية ذاتا حقتنا ..
و زي ما قلت حتعمل لينا سماية إسفيرية نظام زوغة و كدة ..
أهة نحنا ما حنقصر معاك كلو كلو ..
و مجد يستاهل أكبر خروف في الدنيا ..
يلا شوف ليك جزار شفت و إرهابي كمان عشان يقدر على الحاجة دي !!
و ما تنسونا من الشية و باقي الأطايب ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: حيدر حسن ميرغني)
|
| Quote: ويعرس ليها من عيال (اجدع ناس) |
حيدر يا حنين ..
إزيك يا رائع
| Quote: ويعرس ليها من عيال (اجدع ناس) |
و نحنا حنلقى أجدع من الأجدع ناس وين ؟؟، يلا قول للشباب يشدوا حيلهم و مرحبابم ألف .
تحياتي لك و لأشبال التاميل الحلوين ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
ماشاء الله تبارك الله...
الامورة عسلX عسل يا عصام دهب...
ربنا يحفظها ويسترهاويرعاها...
والف الف مبروك قدوم الفارس الزقازيقي الاصل مجد...ربنا يجعله رافع لواء المجد
للامة الاسلامية جمعاء...الف الف مبروك زهير + ابتهاج
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
..
.
الف مبروكـ المولود يا زناتى
وحمدالله على السلامة المدام
ويتربي فى عزكم .. وجعله الله بارا بوالديه
الف مبروك الرائعة يارا يا عصام دهب وعقبال الفرح الكبير
وبعدين انحنا بنحجز لاولاد الاخوان ما تمشى بكره تديها لاولاد خالاتها
________________
السماية بتوزعوها ولا نجى نعضى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
أشكرك يا عصام يا دهب و أرجو المعذرة و العتب على النظر لأنى ما قريت ترحيبك بى الا قبل شوية . بدأت فى تصفح البوست منذ بدايته زى ما أشار لى العزيز / عبدالدائم النضيف فى مكالمة بالتلفون معاه يوم الخميس الماضى .
أنا سعيد جدا بالتعرف عليك وعلى كل الزقازيقاب الما شفتهم وما قابلتهم فى الزقازيق ، وحقيقة هذا البوست ضربة معلم بكل المقاييس ويعكس عمق العلاقات الانسانية والاجتماعية بين السودانيين بصورة عامة والطلاب فى الغربة بصورة خاصة ويمثل تواصل وامتداد لما وجدناه نحن فى الزقازيق عند قدومنا اليها وطبعا دى فيها قصص وحكاوى . وهنا لا بد وأن أترحم على الأستاذ الدكتور / طلبة عويضة الذى سخره الله لنا نحن الطلاب السودانيين . وقد أعود لتلك الفترة وأكتب لكم عن الراحل الدكتور طلبة عويضة وغيره من أساتذتنا الأجلاء ويوجد منهم الآن بالسودان أستاذنا بكلية الصيدلة وصديق السودانيين الأستاذ الدكتور / محمد سلامة يقوم بتدريس الصيدلة للسودانيين فى وطنهم بعد أن ساهم فى تخريج عدد لا يستهان به من صيدلة الزقازيق (وعلى فكرة نحن الصيادلة خريجى الزقازيق نشكل أغلبية وقوة لا يستهان بها وسط الصيادلة السودانيين فى دولة قطر) وأنا على اتصال دائم به وفى آخر مكالمة معاه وأنا أسأله عن أحوله فى السودان واذا كان محتاج لأى حاجة .. قال لى ( يكفى أنى وسط أهلى ) .
كذلك الكتابة لكم عن بداية علاقتى بالزقازيق .
أهديكم من ألبومى الخاص بالزقازيق احدى الصور علها تجدد الذكرى
center>
وحتى نلتقى يا أجدع ناس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
سامى قال
| Quote: وفي الإجابة عن سؤال السينير د. ياسر شبيكة: طبعا بجانب أبوعلي وياسر عرفت فقط نجاة حوفي وزينب التيجاني |
يا برلوم ناس صيدلة كانو عندهم بت واحدة ليه الله اسمها ضحى ياها الفى الصورة دى 
صورة ياسر شبيكة الاخيرة تضم :
من اليمين وقوفا" امانى -- اسماء واروى خالد -- اتنين ما ظاهرين لكن يتخيل لي عطيات
جلوسا" خالد دفع الله -- شبيكة -- محى الدين
كان غلطان صلحونى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
..
.
| Quote: تم تأجيل الرحلة للمرة الكم كدي ما عارف ،،،،،، ليوم 13/6 |
شايفين براكم تدخلونا فى زقاق اللوم وتجوا تعاتبونا
انا انا فى اليوم دا بالذات بره البلد .. رجعوا لى الشيرنغ بتاعى
والله بالغتو معانا .. يا زهير ..
_____________
هنيئاً لكم رحلة التايتنك دى كن ما غطست حجركم
اها السماية عضة ولا عاملنها كوتو موتو ؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا صالح والله الناس ديل قالوا لو ما قبضو رسوم الرحلة
قبل الرحلة ما يقوموها ، عشان كده اليومين ديل شغالين جباية
شديدة ،،، وتحويل رصيد تقيل ،،،،
يعني الأمور ماشة كويس ،،، حاول أجل السفر شوية يمكن تلقي ليك عروس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
بعد غيبه طويله.. طلينا لقيناالبوست طلع حاجات مدفنه...
أولا.. التعازي لكل الرحلوا.. اللهم ارحمهم ونور قبرهم..
بسكو وأشرف.. مبروك عليكم..
ودالزبير.. يتربي في عزكم إن شاء الله...
الزناتي... فيك شي كتير.. مبروك يا أصلي..
نجيله.. جاييك بالصور.. مركب لي سمير غانم حاجه ماتخلص. ماحتعرفني
شبيكه.. كل ما سألت عليك صدوني حراسك.. غيرت الفرماله ان شاءالله...
أبويارا.. ياسلام علي الحلاوه..
جبريلا.. بدون تعليق..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
سلام مربع للجدعان من الدوحة لأمدرمان مرورا بكل مكان تتواجد / يتواجد فيه جدعان من بتوعنا .
يا حاتم يا جبارة كيفنك ووين أراضيك ؟ غيب وتعال تلقانا نحن يانا نحن .... ما بدلتنا الظروف ولا هزتنا محنة .... أهه رأيك شنو فى الفرمالة دى ؟
انتوا طبعا جيتوا لقيتونى فى آخر فرمالة . أسأل السناير يقولوا ليك عن الابداع .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Dear All,
I will be in Sudan in the near future becuase I accepted an offer to work as a Cheif Auditor for Africa division and my first assignment to lead the audit of United nations projects in Sudan, therefore; I will in Sudan before the end of this month I hope to see you all there after almost 10 years away from Sudan.
Best Wishes and See you all soon
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
الاعزاء الغالين
ليكم خالص مودتي...
آخر الاخبار المؤكدة عن الرحلة ...
وحسب ما افادنا مصدر مسئول...
انو الرحلة دي بعد البريزة ..
كما افاد مصدر غير مسئول انو الرحلة والعقيقة بتاعت ولد زهير الزناتي تم توحيدهم في يوم واحد ....وذلك لدقة التنسيق ...
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Dr.Elsadig Abdalla)
|
شبيكه يارهيب.. في أمريكا من 16 سنه.. فرمالتك الجديده جنان
مبروك ياسهيلي الشغل الجديد.. ياللا ياولدنا نمي..
ودالجيلي..زيد من الروائع...
الزناتي ابشنب.. طل علينا في الايميل والبيان بالعمل..
الصادق.. الصوره بتحمض فيها والا شنو..
صالح البرلوم.. ماباسألك.. خليك من سمعنا وماكلمتونا.. أها أشرف وعرس.. أمسك في سامي زراعه ومحمد البرلوم قوي..
جبريلا.. معاك قلبا وقالب..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Dr.Elsadig Abdalla)
|
Quote: رزق العزيز عبد الله الزبير
بولد باكورة إنتاجه ،،،، بمدني |
عبدالله الزبير ده ما كان جراااي زمان ..الحصل عليهو شنو؟
عموما الف مبروك يا عبد الله و يتربى في عزكم..
و مبروك كبيرة أوي للعزيز أوي عمر بسكو..لحد ما نتقابل.
--------------------------------------
التحية للجميع.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا سلام يا الصادق صور لامه الناس الرائعة كلها
وبعيد يا سيف صاحبك عبد الله الزبير ده بيقولوا عليها ولادة الكبر
وبرضو أخير من ناس لغاية الليلة قاعدة تتلفت والكلام ليك يا المنطط عينيك
قلت للوالدة ماشي الليلة عرس واحد صاحبنا ،،، (ده في عرس أشرف)
قالت لي إنت صاحبك ده لي الليلة ما عرس كان قاعد وين ،،، قلت ليها في أمريكا
صمتت وفي الصمت كلام ،،، حسي عليك الله لو سمعت بي ناس صالح ديل تقول شنو ،، والعجب
لو سمعت بصديق الصادق وشاويش
بجي راجع لموضوع السماية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
والله يا عثمان الجيلي الرحلة دي التقول عاملين ليها كادوك غلبتنا كلو كلو
لكن الجمعة الجاية دي قايمة قايمة بس خلي الجماعة يشدو حيلهم معانا
وبعدين عاملة لي مشكلة مع السماية ،،، مفروض تكون يوم الجمعة في نفس يوم الرحلة
وحقيقة ما عارفين نعمل شنو ،،، نفطر هنا ونتغدي هناك ،،، ولا نضبح للجماعة الخروف
ونخليهم يعملوا الشية بطريقتهم وبي كده يكون موضوع السماية إتحل ،،،،
صورت ليك الجماعة لكن الوصلة ضائعة ،،، غايتو شد حيلك للخطاب
| |
|
|
|
|
|
|
|
|
 Re: ناس الزقازيق ... أجدع ناس .. (Re: عصام دهب)
|
..
.
صورك ابداع يا الصادق
ياخى دفعة طب دى كانت مشرقة وتخريج
البياطرة والاطباء كان قمة
بالله فى زول عرف ليهو وسيلة اتصال للاخوة
مأمون ابراهيم المأمون وخالد محى الدين
والاخوات زينب وحنان- حسب ما اظن - بنات عطبرة - طب ( دوما يرتدن الثوب السودانى ) ..
ياخى ديل لهم معزة فى القلب وامتنان لا ينسي ..
نسال الله ان نقدم لهم قليلا ما قدموهو لنا ..
من يجد لهم / لهن درباً فليفدنى به
ابوعلى يا حسن يا ملك الاناقة والوجاهة....
الزول اللابس البلوفر العنابي بالرمادى دا اسمو منو ؟؟
يا سيف النصر ياخى محافظ ؟؟ ومعاها واجاهة ..
يا حاتم يا جبارة .. ياخى الله غالب ولكل اجل كتاب
عين واصابتنا انا والكاشف اخوى (واشار ببنانه لهانئ برعي )
بعدين سامى عبدالوهاب ما مقصر مقصر القدر ..
يا سامى ياخى ووين تلفوناتك ..قلنا مسكلو الاتصال مجانى
سمعتو بصفية الإتخرجت تانى سنة 2007 .. نكرتنى حطب وشابكانى يا استاذ
ويا بروف .. وكلام كتير كدا ما عرفتو دا خرف مبكر ولا ساتر عمرى
محى الدين عبدالستار ؟؟
خالد سحلب ؟؟
سؤال عن اخ اخر ..
________
لن ننسي اياماً مضت مرحاً قضيناها
لن ننسى اياما مضت فرحاً عشناها
| |
|
|
|
|
|
|
|
|
 Re: ناس الزقازيق ... أجدع ناس .. (Re: Tabaldina)
|
| Quote: د. سيف والله ما شاء الله محافظ |
| Quote: يا سيف النصر ياخى محافظ |
يا طارق جبريل و صالح ..محافظ وين و الله أنا بقيت والي عدييييل
شيب و كرش بس باقي لي اللاند كروزر
ياخ قبل كم يوم لاقيت لي مصري و قعدنا نتونس عن المعيشة البقت صعبة
في مصر و أزمة الخبز الحصلت قبل فترة...أنا قلت للمصري أنو ايام
دراستي في مصر كانت الأمور جيده و كل شي متوفر و رخيص قام قال لي
"اه طبعا أكيد حضرتك كنت هناك في الستينات أو السبيعينات بأه"
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Dr.Elsadig Abdalla)
|
الاخوة الاعزاء السلام عليكم..
واجب عزاء ...واجب عزاء ..واجب عزاء..
انتقل الي رحمة الله بالدمام مهندس معماري / ابراهيم سيد احمد ...
شقيق الاخ / ميسرة سيد احمد ... تجارة الزقازيق ..( انا لله وانا اليه راجعون )
العزاء بجدة منزل الاخ / ميسرة سيد احمد ..جوار حلقة الخضار..
او تلفون الاخ ميسرة /00966508606055
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله له الرحمة ولأخونا ميسره والأسرة الصبر
إنا لله وإنا إليه راجعون
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
انا لله وانا اليه راجعون
آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك بأسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
النداء موجه لجميع عضوية الزقازيق داخل وخارج السودان
والتوجيه بالتنفيذ الفوري موجه للآتية أسماءهم :
1- د. الصادق عبد الله . (يمكن إرسال سعر الدواء لناس جدة عبد الدائم أو ابوعلي)
2- د. سيف النصر محي الدين
3- د. حسن أبو علي
4- عبد الدائم سيد أحمد
5- عثمان الجيلي .
6- سامي عبد الوهاب
7- السهيلي حمد مجذوب (يمكن إرسال سعر الدواء لناس جدة عبد الدائم أو ابوعلي)
8- حيدر حسن ميرغني
9- د. سناء الصباغ (يمكن إرسال سعر الدواء لناس جدة عبد الدائم أو ابوعلي)
10- نجاة والرشيد (يمكن التنسيف مع السمؤال)
12- السمؤال حسان أبو عاقلة (عليك بناس الأمارات)
13- ياسر نجيلة .
14- ود الفيصل أينما كان
15- عصام دهب
16- طارق جبريل (يمكن إرسال سعر الدواء لناس جدة عبد الدائم أو ابوعلي)
17- حاتم جبارة (يمكن إرسال سعر الدواء لناس جدة عبد الدائم أو ابوعلي)
18- ياسر شبيكة ( عليك بكل ناس قطر )
وكل الناس الظهروا في الصورة بتاعت الصادق من أطباء وصيادلة شدوا حيلكم معانا
ونواصل قائمة المكلفين ما تقولوا ناسيت زول جاييكم واحد واحد ............
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الاخ / زهير الزناتي...
لك خالص تحياتي وللاسرة الكريمة...
وجزاكم الله الف خير علي الوقفة الانسانية الرائعة..ودي المحرية فيكم,,،
وابشروا كلنا عون ومساعدة والايدي ممدودة من هناوهناك سوف نقوم باللازم..
مع خالص تحياتي
...اسمع ..دقيقة نقطة نظام يا زميل الوصلة لسع مالقيتها..عشان تنزل الصور...
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Zuhair,
I will arrive on Friday June 13th by th Lufthansa at 5:25 PM I hope there will be remaining of the gathering . I will pay my contirbutation directly and hope to see you on Friday.
Best regrads.
Elsuhaili
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
عثمان الجيلي
أول المبادرين
الرجاء التنسيق مع عبد الدائم مباشرة وبأعجل ما تيسر
فهؤلاء الأطفال حالتهم الصحية لا تحتمل الأنتظار ،،،،
حتماً كل ناس الزقازيق من ورد اسمه ومن لم يرد ،، يقفون خلفك
لتقديم مساهمتهم ،،،،،
الوصلة لم تجمع ولكن وعد الصور في خلال اليومين القادمين ستكون طرفكم
أمسكوا الخشب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
عزاءنا للأخ ميسرة سيد أحمد لوفاة اخيه
والعزاء موصول لاسرة الفقيد -- انا لله وانا اليه راجعون
سلامنا لكوكبة الزقازيقاب الظهروا اخيرا
والصور اكثر من رائعة القديم منها والجديد
لفت نظري في الصور الجماعية وقفة حاتم جبارة بجانب طارق جبريل وتسريحة شعرهم
بالنسبة لنداء العزيز زهير الزناتي ... وبخصوص الأدوية للأطفال
بما انني من زقازيقاب الامارات - واليد الواحدة با بتصفق
ولكن سوف ارسل صفقتي لناس جده عبد الدايم وحسن ابو على
صفقيق المجموعة حلو ... يا زقازيقاب الإمارات
| |
|
|
|
|
|
|
| |
حيدر حسن ميرغني
زهير الزناتي
عبد الدائم سيد أحمد
ياسر نجيلة
عصام دهب
سامي عبد الوهاب إدريس
ياسر شبيكة
طارق جبريل
Dr.Elsadig Abdalla
Hatim Gubara
Elsuhaili Magzoub
فيس بوك
تويتر
انستقرام
يوتيوب
بنتيريست