هذه النافذة تحوي شكر خاص جدا للريس ميسرة سيد أحمد حقيقي لفت نظري انزالة مرتين عن اعلانات توظيف، وهي لفته بارعة وفنانة منه ان يشرك زملائة واقرابهم بهذه الاعلانات ... حتما يوما سوف يفيد من لهم تواصل من خلال هذا البوست وهذا شكر خاص جدا له على هذا الايثار نيابة عنكم، وكنت اريد ان اشيد بهذا اللفنه البارعة منه منذ اول اعلان (محاسب) ولكن سرعة تداول البوست ارجأت الاشاده لوقتها، وهاهو يضيف الاعلان الثاني عن (خبيراو فني معامل) فشكرا ياريس وطول عمرك ريس ... وكما يقول أهلنا المصريين ... الكبير كبير ... ونتمني ان ينهج الجميع هذا المنحي
ولك هذة الابيات ... تعبيرا عن هذا الدور (1):
سير ياالريس ..... سير هات اعلان ... تلقي حياتك في التيسير أي وظيفة مديرا كان او حتي خفير ... في خريجين لافين هايمين ... كتير .... وكتير خريج جغرافيا في المالية محاسب خلى الطباشير (2) كمان دكتورا في التوليد وتشريح الخنزير (3) ترك المهنة وفي الاعلام والتفنين بقي خبير ورسامين وفانين في علم الدنيا عياشين تخدير وغيرم بالواسطة والحزبية "مجعوصين" في كرسي وثير يمكن بيك تفتح آمال وتخلي الكل فى مكانو يصير سير يالريس ... سير ... وخلي غيرك زيك يسير
(1) القال ليكم تعملوني شاعر البوست منو – حاهريكم شعر (دي بالفتحة ولا الكسرة يا سناء) (2) اخونا عبدالدائم النضيف يعمل محاسب وهو خريج جغرافيا تربية (3) اخونا طارق جبيرل يعمل بالاعلام والصحافة وهو خريج بيطرة (4) اخونا حاتم جبارة – كيف اخبارك
11-01-2008, 01:24 AM
Hatim Gubara
Hatim Gubara
تاريخ التسجيل: 11-14-2006
مجموع المشاركات: 704
سناء 70% شوية عليك ، العباسى الماعرفتيهو ده ناس دفعتنا ما بعرفوه من كتر الغياب ، وجدو لامو الشاعر محمد سعيد العباسى وكنت كلما ازورهم فى البيت والدتو تقول لي النار تلدى الرماد ... وهاك ده رقم صديق عكس 0912950844
طارق جبريل حته انك عشان تصل كليتكم لازم تشق كلية زراعة دى ما منطقية انت زول بناء .. يعنى لو اقترحت لناس بيطرة بفتح باب اخر كان قبلو بالوصية ...
مبارك جادين يعنى زهير لما جاء راجع كنت حتقيف لما البرد يلفحك ...
حكاية زقازيقية سارة سايمون بت دفعتى وصاحبتى وكانت ساكنة جمبى وكما ذكرت سابقا كانت احسن واحدة فى الزقازيق بتلبس بنطلون جينز على مستوى السودانيات والفلاحيات ... وكل زول حسب مؤهلاتو .. المشكلة الكانت بتواجهنا وتتعبنا لما تمشط شعرها بالسكسك طول ما نحن ماشين فى الشارع الانظار والمعاكسات ما بتريحنا وناس تمسك بيدها عاملة آآآآآزى ده يا صــارا .. لما يحصل تعارف مع المصريات داخل القاعة بيسالوها انتى من فين تقول ليهم من جوبا .. طوالى يعاينو لي وانت من جوبـــك برضو ... اقول ليهم لالالالا ... انا من ام طرقا عراض ريفى الفتيحاب يعاينو باستغراب ....
زميلتنا التانية طــابو ، كانت دايما شاكة انو فى علاقة بتربطنى بزميلتنا هناء عتبانى ، فى مرة من المرات قابلت هناء فى الشارع سألتها وين صاحبك ، رديت عليها هناء والله الليلة ما شفتو رديت عليها بلهجة بنات جوبا هووووووي هــوتى النـقط فوق الهــروف ..
بالله يا دينق ارجع تعال ورينا الناس ديل وين ؟؟؟؟
11-09-2008, 01:26 PM
Deng Goc
Deng Goc
تاريخ التسجيل: 12-27-2007
مجموع المشاركات: 683
Quote: حكاية زقازيقية سارة سايمون بت دفعتى وصاحبتى وكانت ساكنة جمبى وكما ذكرت سابقا كانت احسن واحدة فى الزقازيق بتلبس بنطلون جينز على مستوى السودانيات والفلاحيات ... وكل زول حسب مؤهلاتو ..
'سلام ياالشراقوة قلت ليكم بجيكم وفد ما قدرت اجى تانى ....مشغوليات سااااااااى كد فى الصورة ما عرفت الا 4 البنتين بالاسماء وشابين بالكليات والاسماء ...عيييييييييك نسيتهم يا زول ها ده قبل كم سنة كده لوراء سارة دة كانت فى القاهرة وجات هاجرت والمعاها بيتى ...كانت من الزقازيق -معهد تجارى على ما اتزكر طابو دى قاعده فى الخرطوم ما أظن تكون اتزوجت تانى بعد ما فقدت زوجها فى حادث مرورى مؤسف ( كان ماشى على الشمالية) اخر مرة لقيتها كانت بتعمل أجراءات بتها المقبول فى الجامعة ....شوفتوا كيف الدنيا دى
سارة فعلا كانت لذيذة وبالسكسك ألذ وفعلا كل زول حسب مؤهلاتو تحية بس بجيكم
10-30-2008, 11:28 AM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
الف حمداً على سلامة العودة مبارك جادين والهكر ده يظهر زعلان منك شديد شاعر البوست الكبير ده كله من اصلك وموهبة الشعر دي أظنها كانت قديمة بس ما كانت واضحة للخشامة ، يلا يا نضيف جيب لينا صورة قويه زي الفاتت وتكون كدي من بيت الكلاوي .
حكاية زقازيقية: أخونا عبدالوهاب فل ليست يوم إنتخابات الإتحاد وكانت قائمة التجمع ضد الإتجاه الإسلامي وعبدالوهاب - كلية تجارة - عنده حمى طالع ليهو في راسه وسألناه كيف الإنتخابات قال ماشي يدلى بصوته وهو متعاطف مع التجمع ووضحنا له أين هوالتجمع وأين هو الإتجاه الإسلامي وعند باب الإتحاد أصبح ما يفرز بين القائمتين سالناه وين ناس التجمع اشر على قائمة الإتجاه الإسلامي ، ياخي إنت أعور ما بتشوف ، دخل وخرج وسألنا كيف قال full list ولكن حتى اليوم ما عارفين هو صوت لمين الغريبه هو نفسه مامتأكد صوت لمين بس عمل فل ليست وصار عليه هذا اللقب وكنا في الكلية عندناعبدالوهاب التركي والثاني هو عبدالوهاب فل ليست حتى إسم ابوه أنا نسيته .
10-30-2008, 11:04 PM
جلال عثمان
جلال عثمان
تاريخ التسجيل: 09-13-2008
مجموع المشاركات: 1735
اليوم الجمعة والامة مجتمعة والله يا النضيف لولا الزناتي كان اكلنا نيم كما يقول اخونا جبريلا كمرد دينق كوج الزقازيقي.,الان مسؤل الاستثمار بالحركة الشعبية وانا مامتزكر شفت في الزقازيق لكن الزناتيتزكره وقد تحدثنا معه اول امس قبل سفر الزناتي الي بانتيو مرة اخرى رده الله سالما غانما
حكاية زقازيقية بمناسبة محجوب بن جونسون دي حكاية عن واحد دفعته اسمه يحي كنت رجل راية في مباراة لبيطرة لاازكر ضد من في المدرسة العسكرية ودوري الكليات طبعا رجل الراية بعديتاكد ان الكرة قاعدة صحيح بيقيف يمين الاعب (يحي )ب\ل يعكس الكورة شات فيني عديل في الوجه مباشرة
11-09-2008, 09:46 PM
Deng Goc
Deng Goc
تاريخ التسجيل: 12-27-2007
مجموع المشاركات: 683
جادين سلام طبعا اتخلعت وقت عرفت انو مبارك جادين شرقاوى وسبب الحيرة انو انا ومبارك فى حتة واحدة يعنى شغالين ذى ما تقول فى ادارة واحةد قبل ما اتحول أخير وما جات مناسبة كلو كلو ....وأغرب من كده اول مرة تعارفت مع مبارك كان تقريبا ما بين 2003 و2004 وهو تقريبا كان مسؤل عن خلايا امدرمان وسط وبتذكر واحدة من الاجتماع او حلقة فى الموردة وبعد داك تقريبا اجتمعنا سوا اظنه فى بيتى ( ما متزكر كويس ) ومبارك كان معاه د.محمد يوسف والبروف ابوقاسم .... ده كله وعندى شك انو الزول ده ذى شفته فى حتة !!! بس ده كان ويين فى الزمن داك
Quote: كنت رجل راية في مباراة لبيطرة لاازكر ضد من في المدرسة العسكرية ودوري الكليات طبعا رجل الراية بعديتاكد ان الكرة قاعدة صحيح بيقيف يمين الاعب (يحي )ب\ل يعكس الكورة شات فيني عديل في الوجه مباشرة
بالغ يحيى يا مبارك
11-01-2008, 01:27 AM
Hatim Gubara
Hatim Gubara
تاريخ التسجيل: 11-14-2006
مجموع المشاركات: 704
لأ حول ولأ قوه الا بالله .. رحمه الله على الأبن خضر والحاجه آسيا...
موجود والله يانجيلا... مشاغل بس.. طارق "جبريلا" ما تجيب بقيه ألقابك والا أحسن ما نفتو.. تحياتى للريس ميسره و د. سناء... وكل الأحباب.. الناس الفي الصور ديل ماحضرناهم.. شباب..
11-01-2008, 05:38 PM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
كنا برالمة ومعنا أبناء كوستي ومن ضمنهم حميده - صاحب عبدالوهاب التركي- وإسم حميده ينطق عندنا نحن السودانين بكسر حرف الحا وعند المصريين حميده بفتح الحا وكسر الميم وصارت السيدة/ حميده
عند جلوسنا في الأمتحان - خيمة الأمتحانات - جلس أخونا حميده على بعد أمتار مننا وأتت المراقبه وقالت ليهو ، فين الآنسة حميده وقام قال أنا حميده وراحت وبعد شويه أتت واحده أخرى لئيمة جداً وشدت أخونا حميده من لياقة القميص وقالت (يا إبني أوم فين الست حميده) قال ليها يا ست إيدك أنا حميده مش حميده ولكن الست إفتكرت إن العملية فيهاتزوير والراجل ده بيمتحن لواحده ثانية وحصل هرج وشد وجذب وقمنا أنحنا نوضح فتم ذجرنا وأخونا حميده وصل مرحلة بعيده جداً من الغضب والزعل وبعد توضيحات وتدخل بعض المراقبين تم توضيح أن الشخص المعني هو ذكر وليست أنثي وكل حميده وأنتم طيبين
إن ذكريات الزقازيق كثيرة وطريفه وجميله فلا تبخلوا علينا ،،، هيا أيها الأحباب لنتواصل ونعطر سماء بوستنا بأجمل الذكريات .
11-02-2008, 10:16 AM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
ننبه الإخوة الزقازيقاب ومعارفهم والأصدقاء - المقيمين والزوار بالمملكة العربية السعودية - للعرض المقدم من الإتصالات السعودية حيث يتيح العرض للمتصل دولي أوالإتصال الداخلي بعد الدقيقة الخامسة تتحول جميع المكالمات مجانية وبدون أي شروط ولعدد مفتوح من الساعات
يعني ممكن تتكلم إلى السودان ولمدة ساعة كاملة بمبلغ #6.75# ريال يلى يا جماعة الرايح لهو كلام يكملة والعنده موضوع معلق يحله والعنده رغبه يسافر بانتيو يلحق زهير يكون جاهز ، وإلى عنده شمار في قلبه أحسن يفتوا لينا بسرعة . العرض ساري ولمدة شهر واحد فقط إبتداْءً من 2/11/2008م
11-02-2008, 10:49 AM
زهير الزناتي
زهير الزناتي
تاريخ التسجيل: 03-28-2008
مجموع المشاركات: 12241
أسأل الله تعالى أن يتقبل والدة زميلنا و فقيدنا الزقازيقابي الأصيل د. أسامة محمد عثمان ـ يرحمه الله الله ـ قبولاً حسناً و يرحمها رحمة واسعة ويغفر لها و يلحقها و إبنها د. أسامة بالأخيار الصالحين في الفراديس العلى من الجنان .. العزاء للأسرة الكريمة و أسأل الله تعالى أن يجيرهم في مصابهم و أن يعينهم على لوعة الفقد و أن لا يريهم مكروها ، و أن يحفظ الجميع بحفظه .. و ( إنا لله و إنا إليه راجعون ) صدق الله العظيم ..
11-03-2008, 09:21 AM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
الأخوة الزقازيقاب والمعارف والأصدقاء والأهل :- مطلوب مهندس (مدني أو عماره) للعمل لدى شركة مقاولات مقر العمل مدينة ثوال (مدينة صغيرة تبعد 60كيلو من مدينة جدة)
الشروط المطلوبة :- - إقامة قابله للنقل - ألا يتجاوز العمر 30سنة كحد أقصى
الإتصال بالأستاذ عصام مباشرة جوال رقم 0500164833 - من طرف عادل الحكيم - مؤسسة الأفندي
الرجاء سرعة الإتصال للحاجة العاجلة جداً
11-03-2008, 09:35 PM
جلال عثمان
جلال عثمان
تاريخ التسجيل: 09-13-2008
مجموع المشاركات: 1735
ذكريات زقازيقية نكمل حكاية أخونا عثمان محي الدين ماذا فعل ؟؟ كان الأخ/ عثمان نشيط بشكل جنوني وسط الطلبة وقدم خدمات كثيرة جداً بحكم أن الأسرة يسيطر عليها التجمع وكانت هناك طالبه جديدة بالكلية وأخونا عثمان حاول جاهداً مساعدتها والتقرب منها كسباً لعنصر جديد ويظهر أنها لم تتفهم ولم تتحمل هذا الضغط الشديد والتوجيه الكثير ويبدو أنها اشتكت لبعض الطالبات من الاتجاه الإسلامي من هذا الطالب الذي يكثر معها الكلام لدرجة إنها ملت وزهجت وما عايزه تشوف خلقته ,, تم استغلال هذا الأمر بصورة غير كريمة ووجهت سياسياً وفجأة كبرت القصة وأن عثمان بعاكس البنت دي وأصبحت القصة حلوه في عيون الآخرين وأن عثمان يتحرش بها – بلغة العصر الحالي – وبدأت تسري الإشاعة كالهشيم في النار وتوسعت الرواية ، وأخذت تكبر وبدأت اجتهادات كثيرة ومعاني أخرى من وراء الكواليس إلى أن تحولت إلى ركن النقاش بدار الإتحاد في وقت الإنتخابات وتكونت مجموعات منظمة لبث هذا السم في عروق البرالمة وحتى داخل الكلية وكانوا أخوان فاطمة من البرالمة كثيرين وأخذتهم النخوة السودانية بأن ينصروا أختهم السودانية من هذا ............................. وأصبح هناك كره شديد ضد عثمان والتجمع الذي يمثله . (طبعاً ناس التجمع ديل كلهم سكرانين ومش منضبطين) وهذا واحد منهم وتحولت أركان النقاش من يدافع ومن يهاجم وتركت الناس أصل القضية ، وكانت مجموعة أبناء عطبرة لهم القدح المعلى في الذود عن أبنهم عثمان ، تركت هذه القضية أثر سئ في نفس عثمان وكذلك في نفس البرلومة بعد أن فهمت البعد الإجتماعي – التي إنخمت في السنة الأولى – وعانى عثمان كثيراً وأنكمش نشاطه وأستمر الوضع هذا لعدة سنوات إلى أن تصالح أخونا عثمان وزميلته البرلومة ووضعوا النقاط فوق الحروف حتى هدأت نفسه ، (الأخ/ عثمان كان يعمل مراجع قانوني بالسعودية وهاجر إلى كندا وإستقر هناك وأصبح كندي وصار مع أهل الدعوة المحمدية في بلاد الله الواسعة ينشر ما قاله الله ورسوله ويرتدي جلباب غريب الشكل من أهل تلك المناطق وزارنا بمدينة جدة كثيراً كلما جاء معتمراً) . كنا نلاحظ بأن هناك طالب سمين اسمراني من كلية الحقوق أسمه – أسامة – عمل له ركن نقاش ونزل الأنتخابات يمثل نفسه فقط , وكان يتحدث عن دستور 76 والخروقات التي تحدث وأن إتحاد الاتجاه الإسلامي يكيل بمكيالين كان الإتحاد يخرج للناس ببيان إستناداً للدستور فيأخذ ما يصلح معه من دستور 76 ويأخذ من يفيده من دستور الإتحاد العام وهذه أول مره نسمع عن هذا الشئ وسوف نتحدث عنه لاحقاً ونترك أقوى الحديث للأخ/ مبارك جادين – حامى الدستور – وأخونا سامي الطاهر – الدبيب الكبير – ورئيس المجلس . سوف نعود مرة أخرى لنحكي قصة طريفة جداً جداً حدثت في انتخابات أسرة كلية التجارة وكان أبطالها بعض الزملاء من الاتجاه الإسلامي الله يذكرهم بالخير ، عندما قرر البرالمة ومعهم بعض المناصرين ، النزول في الانتخابات الخاصة بالأسرة في قائمة منفصلة .... ونواصل ،،،،،، حاشية : - سألني البعض عن سر علاقتنا بالأخ/ صلاح عبد المجيد في ذلك الزمن البعيد ، وللحقيقة أحب أن أوضح بأن الأخ/ صلاح تعامل معنا بشكل راقي ولم يتدخل نهائياً في شؤونا وأرتبط معنا بعلاقة صداقة متينة وقوية (شخصي ومحي الدين) وتحاشينا الاصطدام مع بعض في مواقف كثيرة .
Quote: تم استغلال هذا الأمر بصورة غير كريمة ووجهت سياسياً وفجأة كبرت القصة وأن عثمان بعاكس البنت دي وأصبحت القصة حلوه في عيون الآخرين وأن عثمان يتحرش بها – بلغة العصر الحالي – وبدأت تسري الإشاعة كالهشيم في النار
والله صحيح برلومة كان تضرب الجـكـن وتعمل رايحة ما فاهمة حاجة
11-04-2008, 03:52 PM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
الجلوس في الصورة :الابس سيوتر المناضلين الفلسطينين دة الصديق ابن عطبرة عصام سايكوليجي وجنبه ابن ودمدني ثيردباك السجن علي حسن الواقفات منى يوبس ماعرفتها مها صالح اماني عباس
والجامعة اساسا علوم ..واداب
(عدل بواسطة مبارك جادين on 11-05-2008, 04:14 AM) (عدل بواسطة مبارك جادين on 11-05-2008, 04:15 AM)
11-05-2008, 05:06 AM
ياسر نجيلة
ياسر نجيلة
تاريخ التسجيل: 08-30-2006
مجموع المشاركات: 1798
دي خلطة بين مني عباس واماني دفع الله وطبعا دي اماني دفع الله اخت اميمة
ولكن ياخسارة يا مبارك الماعرفتها دي ... برضو انا ماعرفتها ... ودي فرصة للنضيف للتفوق او اخونا عثمان الجيلي وكمان الفرصة للباقين لحجز مقعد التميز ... في الانتظار
11-05-2008, 05:32 AM
ياسر نجيلة
ياسر نجيلة
تاريخ التسجيل: 08-30-2006
مجموع المشاركات: 1798
عفوا ياشباب ... هذا رد كتبته للأخ طارق جبريل بخصوص طول غيابو في بوسته "اي بت شديدة بتحب ليها صبي بناي" عشان لو تاوق بهنا يلقي الرد قدامو... وهي قصة اكثر من رائعة، تدل على موهبته الجبارة في السرد القصصي بلغة مدهشة، كمان دعوه لكم للمتابعة، والوقوف على ابداعات الزاقزيقاب :
ريقنا نشف ... حرم ... قسم .... قصة عوض لازم تنتم حولا مضي فوقو كمان شهور وزيادة كم طارق حلف يعلق قلوبنا بشقف الحبيب المتيم طولت الغياب لقصص الاحباب منتظرين القول والنم حاسب اوعك القولنا قبيل في مدحك هسع بنقلب لى ذم
اسرح بسردك ساي يازوووول ...بس الغيبة طالت .... و الريق نشف ... انا عارف نهايتو ضرب ... وللركب يسيل الدم
انت قايل المغرب دي بعيده ...
11-05-2008, 06:45 AM
عبد الدائم سيد أحمد
عبد الدائم سيد أحمد
تاريخ التسجيل: 10-28-2006
مجموع المشاركات: 4220
تحية الصباح من كافتريا اداب جادين ونجيلة نديكم 90% من الاجابة والزولة الماعرفتوها دى اسمها نوال دفع الله اداب / مدنى ويلا سلام يا منى يونس طلعى الارشيف حقك وخلى الريس يشتغل
ومبروك فوز الديمقراطيين على الكيزان اقصد على الجمهوريين .. يا ربى اوباما حيزيد لينا البريزة ...
11-05-2008, 09:03 AM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
مبارك ود جادين إستجابتك سريعة وفورية وماشاء الله مازلت مستحضر عيني عليك باردة،،،،، شاعر البوست الكبير المخضرم نجيلة ، نشكرك على شعرك الجميل وندعوك للمزيد ، وتقبل تحيات أختنا أميمه دفع الله زوجة الزقازيقي هشام النضيف يا خطير جبت التايهه ، وأنحنا تأكدنا من الزميلة ونوال كلية آداب قسم إعلام بعد أن رجعنا إلى مصادرنا وصاحبة الأرشيف وتم توثيقة من كينا عن طريق جدة أوباماوبمناسبة أوباما دي الراجل ح يلغي جميع ضرائب المغتربين وكذلك يلغي الجمارك ويعمل جسر إلى بورتسودان علشان الحج بسهولة ويسر ما قبيلة أوباما كينية من أصل سوداني من بلاد النوبة ومازالت قبيلته موجودة بالسودان ، نقلاً عن جريدة عكاظ زاوية أبو الجعافر بعد لقاء مع أحد افراد هذه القبيلة مهندس يعمل بالخرطوم . الناس إلي حاكماها ظروفها من الدخول الكتير نأمل الإطلاله على البوست حتى ولو في الإسبوع مرة ،،،،
ولبعض الزملاء طال علينا فراقكم والله يا غاليين ،،،،،،،،،،،, قبل ما ننسا العلينا برضو مشتاقين،، والله مشاقيين كتيييييييير،،
الذكريات صادقة وجميله ،،،،، هل ذهبتم يوماً إلى الزقازيق ومعكم الأولاد
في عام 2000 ذهبت إلى تلك المدينة الجميلة العريقة ومعي أطفالي (محسنة ومنذر) وزوجتي وإلتقطنا مجموعة صورة ومعظم الكليات وحكينا مع الطلبة والموظفين ولكن حصل تغيير كثير،،،
الصورة أخذت بواسطة الأستاذه/ منى يونس لمبنى كلية التجارة
اكيد بزيارتك الاخيرة للزقازبق اكثر من الصورتين ديل ... متعنا بالباقي ... وواصل رحلة الارشيف والذكريات ... ياريس يا زوق ... في حفظ الله انت والمدام والاولاد
سلامي ايضا وبكثرة للاخت اميمة دفع الله وزوجها هشام وكمان خليها توصل السلام لاختها اماني وبنت العم تغريد
تشكر ياريس
11-05-2008, 08:33 PM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
Quote: الاخ ميسرة سيد أحمد كيف الحال والله مشتاقين كثير طبعا دخلت علي سودانيز اون لاين ووجدت مساهماتك وقد سرني ذلك لمعرفة اخباركم بالتالي حصلت علي جوالك والاميل وان شاء الله نتواصل معك وانا الان في جدة باب شريف اعمل محاسب في مؤسسة درة باب شريف التجارية وقبل فترة حوالي سنتين قابلت محمد احمد حامد / شبشة وحتي ان نلقاك قريبا سفيان علي عبد الهادي خريج الزقازيق 1986م دفعه
راجعت اليوم الأربعاء البريد الألكتروني الخاص ووجدت هذه الرسالة من الأخ/ و إين الزقايق الزميل سفيان علي ونشكر أخونا سفيان على هذا التواصل ونعتبره بداية تواصل جديد ولازم نلتقي عما قريب لنكون مجموعة جدة وما جاورها ونأمل التكرم بوضع رقم هاتفك ولقد فعلت سودانيز أون لاين الكثير من أجلنا ولكم الود والشكر ,,,,,,
11-05-2008, 10:17 PM
طارق جبريل
طارق جبريل
تاريخ التسجيل: 10-11-2005
مجموع المشاركات: 22555
Quote: عفوا ياشباب ... هذا رد كتبته للأخ طارق جبريل بخصوص طول غيابو في بوسته "اي بت شديدة بتحب ليها صبي بناي" عشان لو تاوق بهنا يلقي الرد قدامو... وهي قصة اكثر من رائعة، تدل على موهبته الجبارة في السرد القصصي بلغة مدهشة، كمان دعوه لكم للمتابعة،
والله يا نجيلة القصة شكلها بقت ورطة وانا ما قادر احك راسي مع زحمة الشفع لكن بحاول اتم بقية الحلقات من الاسبوع دة ان شاء الله بس قول يا رب
الريس ميسرة والله عيني باردة
11-06-2008, 07:03 AM
ياسر نجيلة
ياسر نجيلة
تاريخ التسجيل: 08-30-2006
مجموع المشاركات: 1798
تقول لي جفيتك تقول لي عفصتك بعفصك وبعفص حنانك دبايب عقارب تداعب بنانك وان شاء الله يكون ده حالك؟ *** سألت التمرجي البطاطس بعادي؟ تخيل تجاهل وقبل لغادي!!! *** الشافع ود الحرام ... طافيها ليه لوري ... قندراني ... يا خي دبابة تطفيك تعفصك عفصة ... وتلوكك لوكة تخلي عضامك زي الشوكة (مساطيل عاملين ليلة شعرية)
ودي من غير مساطيل :
زاد الشوق قصة الشوق لعيونك قصة ما بتنضب فصولا وفرحة الروح يوم تسالمك حاجة مابقدر اقولا وبتبقي في وصفك وحاتك كل حروف القول خجولا والدنيا بعينيك وحاتك ديمه تتجمل فصولا وفي جمال خديك وقفنا مع التايهين ذهولا
السلام والتحايا للاخ سفيان على عبد الهادي ... ومرحب بيك
Quote: زاد الشوق قصة الشوق لعيونك قصة ما بتنضب فصولا وفرحة الروح يوم تسالمك حاجة مابقدر اقولا وبتبقي في وصفك وحاتك كل حروف القول خجولا والدنيا بعينيك وحاتك ديمه تتجمل فصولا وفي جمال خديك وقفنا مع التايهين ذهولا
شاعر رغم أنفهم وكمان شعر جميل ومقفى ،،، عيني بارده ........ أعتقد أن المقاطع جميلة ومنمغة وممكن يغنيها فنان كبير وبالحيره نشوف أخونا فنان البوست النضيف وممكن يلحن لينا الأغنية دي ولو في طريقة كمان يغنيها لينا ،،،
11-06-2008, 11:56 AM
عبد الدائم سيد أحمد
عبد الدائم سيد أحمد
تاريخ التسجيل: 10-28-2006
مجموع المشاركات: 4220
Quote: مبادرة نور دبي لعلاج مليون حالة من المكفوفين أو شبه المكفوفين ما كان ممكنا سواء بالتدخل الجراحي أو الليزري أو مهما كان على نفقة صاحب السمو الشيخ محمد بن راشد آل مكتوم حاكم دبي ذهابا وإيابا وإقامة وعلاجا على أرض دبي. والمبادرة تشمل كلا من حالات العمى الكامل وشبه الكامل والمؤقت والدائم والمسلم وغير المسلم والأبيض وغير الأبيض والعربي وغير العربي وكل من تمنى رؤية النور وقد حرم منه. وقد تطوع سموه في هذه المبادرة الطيبة المباركة باغيا وجه الله تعالى داعيا المولى عز وجل أن يتقبلنا وأن يطهرنا وأن يصرف عنا وعن ذرياتنا وعن أهلينا الأسقام والأمراض، وقد بدأت بمراسلتكم ليكون بمثابة إعلان عام لكل من حرم النور صغيرهم وكبيرهم، ذكرانهم وإناثهم وفقراؤهم والغلابة والذين يحسبهم الجاهل أغنياء من التعفف أن يقوموا بتجهيز ما يلي:
1- صورة جواز سفر المريض ويكتب عليها كلمة مريض + صورة شخصية. 2- صورة جواز سفر لمرافق ويكتب عليها كلمة مرافق + صورة شخصية. 3- تقرير طبي شامل ودقيق صادر عن مستشفى حكومي ومعتمد من وزارة الصحة. 4- رقم هاتف يمكن الاتصال بالمريض أو بمن هو مسئول عنه 5- ترسل الطلبات مع التقارير الطبية والأشعة وغيره إن وجد مباشرة على العنوان التالي:
دولة الإمارات العربية المتحدة الشارقة – المدام ص.ب 48132 نور دبي
وصلني هذا الإيميل اليوم ونرجع لأخوانا الزقازيقاب والمقيمين بدولة الإمارات العربية عن صحة هذه المعلومة والكتابة على البوست وإذا كانت حقيقة ليستفيد منها أهلنا بالسودان الحبيب والتأكد منها لتعم الفائده ,,,,,,,,,,,
Quote: نور دبي مبادرة خيرية عالمية للوقاية من العمى وضعف البصر وعلاجهما. وفي الثالث من سبتمبر 2008، في ميدان مدينة جميرا، أعلن صاحب السمو الشيخ محمد بن راشد آل ... noor-dubai.com/ar/index.html - 16k - نسخة مخبأة - صفحات مشابهة مليون مكفوف حول العالم يبصرون النور عبر «نور دبي», يوميات الشرق5 أيلول (سبتمبر) 2008 ... المبادرة الجديدة «نور دبي»، تتم بتمويل شخصي من الشيخ محمد بن راشد آل مكتوم، وستقوم هيئة الصحة بدبي بتنفيذ برامج «نور دبي» بالتعاون مع شريكين ... www.aawsat.com/details.asp?section=54&article=485570&issueno=10874 - 29k - نسخة مخبأة - صفحات مشابهة "نور دبي": مبادرة خيرية لعلاج مليون ضرير حول العالم | علوم ...أطلق حاكم إمارة دبي مبادرة لعلاج مليون شخص مصاب بالعمى في كافة أرجاء العالم، والمرحلة الأولى من المبادرة تشمل علاج مرضى العديد من الدول العربية على يد أطباء ... www.dw-world.de/dw/article/0,2144,3621295,00.html - 42k - نسخة مخبأة - صفحات مشابهة إذاعة نور دبي على مفتاح الإمارات نور دبي هي أحدث مبادرة شاملة في إطار الإذاعات في الإمارات. برامج ذات توجه إسلامي و إعداد مركز لآخر الأخبار و إطلاق الحوارات والقضايا الاجتماعية المتعلقة ... www.uaekey.com/dubai-radio.htm - 11k - نسخة مخبأة - صفحات مشابهة نور دبي-الصفحة الرئيسيةترقبوا برامج نور دبي الجديدة في شهر نوفمبر · لمشاهدة الفيديوهات وتنزيل فيديهاتكم الرجاء الضغط هنا · اهلا بكم في موقع نور دبي · نور دبي بين جيد وسئ · قم ... www.noordubai.com/ - 103k - نسخة مخبأة - صفحات مشابهة
أيها الإخوة الزقازيقاب دخلت على google ووجدت الخبر صحيح ونسخت لكم ما هو موجود اعلاه ،، نأمل من الجميع الإستفادة مما جاء بعاليه وتنوير جميع الأهل والأحباب والحبوبات ليسارعوا بالإستفادة من نور دبي وللجميع الدعوة بالخير والشفاء والنور بإذن الله .
11-06-2008, 12:46 PM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
Quote: يا ميسرة القصيدة مسروقة من اغنية الخالدى غيمة بشاير شايلة طيف نسمة تباشير الخريف ... لبلاد جفت حقولا وحركت فى ليل كامن ... وايقظت اشجان طفولا فى عيونك فرحة مشتاقة وخجولا ... وفى عيونك قصة متابعات فصولا تم ترم ترا رررام نحن برضو اســياد الشــى ذاتـــا ...
الحبيب الغالي عبدالدائم.... فن المحاكاة او المجاراة الشعرية هي علم "العروض" وليس هناك حرج ان يجاري احد الشعراء الآخر ولا تسمي "سرقة"... فقد بدأ هذا العلم واضحا في العصر الاموي وانتشر كثيرا بالعصر العباسي وبعدها بقية العصور ... فقد جاري كبار الشعراء بعضهم الآخر امثال المتنبي ابوتمام ابو العتاهية والاعشي وابوفراس الحمداني وغيرهم ... ونجد في العصر الحديث اشهر مجاراة "نونية" ابن زيدون :
في ولاده بنت المستكفي ... التي جاراها الشاعر الكبير أحمد شوقي ... بالمعني والووزن والقافية بل وعدد الأبيات التي تزيد عن مائة بيت ... "يا نائح الطلح اشباه عوادينا .... نشجي لواديك ام نأسي لوادينا"
وانت تعلم مدي استماعي للخالدي ... من خلال سكنك معي لمدة اربعة سنوات ... تكاد تكون معدومة .... وانه لشرف ان تتطابق حاشية القصيدتين ... بس اول مرة انتبه لاسم الاغنية وكلماتها ...
ماقلت لي يانضيف ... الكلمات القلناها في "الكتشية" لجمال السنوسي ... ولا "ياريس سير" ... ولا الكلمات السابقة لعصام دهب واقامة الريس ميسرة وغيرها... اها ديل "مسروقات" من ياتو أغنية ....
ولا اقول ليك كدي شوف ديل "ملطوشات" من وين :
تعب قلبي ... تعب قلبي من الاصحاب وحارت فيهم ابياتي احد صادق واحد كاذب وواحد يفرح لزلاتي واحد يجرح بلااسباب وحدك بلسم جراحاتي ووحدك اجمل الاصحاب ووحدك صرت في ذاتي ولك وحدك تحياتي
****** منو زيك رهيف احساس : منو الزيك بحس بالناس منو المتلك جميل حساس ومشتاق ليك اعاين فيك الاقي خطاك معاي ديمه واشوف عينيك مع الغيمه واشيل ذكراك صفه وسيمه يا اروع زول قدر يكسر رتابه الكون ويحتكر في الاعماق هوي وقيمه
يازووووول جر "كرتونتك" وغني ساي ... مجانا .... يابخت عناب وامها .... طرب على حسابنا ... عليك الله ياحاتم جبارة ماتكلم عبدالدائم ده ... وضح ليهو الموضوع وسوق معاك طارق جبريل ... وانا بجيب معاي جمال السنوسي ...
ياريس ميسرة يازوق ... والله فيديو "الحمارين" .... حمار بلبيس وحمار البيت الأبيض .... حلاوة جد ... بس انت بوش ... ده خطابو الاخير عندما غادر البيت الابيض لاوكامبو ... ولا شنو التمتمه واللعثمة دي ... نرجو توضيح الحدث اذا امكن ... وتشكر على التنويه لبادرة نور دبي وتوضيح طريقة التقديم لها ...
السجال الثقافي بين شاعر البوست - نجيله - وفنان البوست - النضيف - يعكس مدي فهمهم وثقافتهم،،،،،،،
Quote: يا ميسرة القصيدة مسروقة من اغنية الخالدى غيمة بشاير
النضيف أثبت أنك متابع جيد جداً يعني الواحد لو بالغلط ركب الموجه ح تنكسر رجله يعني نعمل حسابنا .
Quote: فن المحاكاة او المجاراة الشعرية هي علم "العروض" وليس هناك حرج ان يجاري احد الشعراء الآخر ولا تسمي "سرقة"... فقد بدأ هذا العلم واضحا في العصر الاموي وانتشر كثيرا بالعصر العباسي وبعدها بقية العصور ... فقد جاري كبار الشعراء بعضهم الآخر امثال المتنبي ابوتمام ابو العتاهية والاعشي وابوفراس الحمداني وغيرهم ... ونجد في العصر الحديث اشهر مجاراة "نونية" ابن زيدون :
نجيله كنا نحسبك شاعر فقط ولكن واضح إنك مثقف وملم ببواطن الإمور وشعرك سخن البوست شديد وللمعلومية هناك ناس كتيرين حتى من خارج الزقازيقاب يتابعون ويستظرفون هذا البوست هذا ما سمعته بالصدفه من بعض المعارف .
11-08-2008, 07:57 AM
عصام دهب
عصام دهب
تاريخ التسجيل: 06-18-2004
مجموع المشاركات: 10401
و سلام كبير أوي .. أوي للجدعان الريس ميسرة .. و المرهف نجيلة .. و النضيف عبد الدائم ..
و صراحة وجودكم هنا أضفى على هذا البوست نكهة طيبة و جعل حضوره دائماً ..
يا ريس مبسوطين جداً و الله بوجودك إنت و الزقازيقابية الفاضلة مدام/ منى ـ رغم طلاتها الشويتين ـ و سعيدين برفدكم لهذا البوست بكل ما هو رائع وجميل و صادق و نبيل و نافع و مفيد و دي المحرية فيكم ..
و يا ياسر يا نجيلة شِعرك إبداع و نحنا مستمتعين بمشاركاتك و سعيدين بوجودك و مبسوطين منك في حنانا دة ..
و يا عبد الدائم ياسر دة صاحبك نعم ، لكن برضو هو شاعرنا و نحنا جماهيرو عشان كدة خليك مع الزمن و أصحى للإبداع ..
الأعزاء .. سناء الصباغ ، ياسر شبيكة ، صفية ، طارق جبريل ، مبارك جادين ، سيف النصر ، حاتم جبارة ، جلال ، سامي الطاهر ، سامي عبد الوهاب ، جمال السنوسي ، عادل عبد الرحمن ، عبد السميع ، صالح تبلدينا ، عثمان الجيلي ، زهير الزناتي و جميع من فات على ذكرهم من الزقازيقاب و أصدقائهم من أعضاء هذا المنبر .. يا جماعة طلتكم مهمة و وجودكم أهم و خلونا نشوفكم ..
ننتظر تواصل بقية الزقازيقاب و أصدقائهم الأعزاء من غير أعضاء المنبر عبر الإيميل ..
يا دهب دائماً تواجدك بالبوست ليه نكه ورنه خاصة لأنك بتدخل بيت القصيد وتأكلنا من بيت الكلاوي ندعم الدعوة للجميع للتواجد والطله .... وأنحنا حقيقة نسعد بشفافية وأريحية شاعر البوست ولسعات النحلة - النضيف - بس يا جماعة رأيكم شنو في التعليق ده
Quote: والله فيديو "الحمارين" .... حمار بلبيس وحمار البيت الأبيض .... حلاوة جد ... بس انت بوش ... ده خطابو الاخير
هذا أجمل تعليق سمعته خلال فترة طويلة من الزمن وصار أجمل من الفيديو نفسه ، تمام يا نجيلة يا إعلامي يا ساخر ،،،،، رايك شنو يا طارق جبريل؟؟؟؟ بس ما عندي فكرة عن توقيت هذا الخطاب لأنه وصلنى على البريد الداخلي للمؤسسة .
سيد الحوش "دهب" والله طلتك بتسعدنا ... كتر منها ... وعاوزين شوية ذكريات ... زقازيقية
الريس ... تأكد انو عبدالدائم برغم لسعاتو "النحليه" بس والله مكانتو عالية وللجميع وتصدق انا بقرأ في تعليقاتك وتحليلاتك أعلاه ... التي اثلجت صدورنا قطعا ... خطرت ببالي الكلمات التاليه ... عن الحبيب الغالي النضيف:
نعم .... ياريس يا ظريف : ده عبدالدائم ... ده ود سيد أحمد ابو عناب النضيف ده سند "البوست" سيد العلاقات والذاكرة والصور والارشيف صديق العازه و ولبني و الوسخان وناس السني وسيف ده الفكي الحنكوش ببركتو الحرامي بان ومن غيرو حالنا يقيف اخو الاخوان كرم البعيد والقريب ده التقيل ماهو خفيف فنان الحيرة و الكرتونة وغناهو معاهو رقيص .... نعم ... ياريس يافنان ... نعمين... يا حريف ...
اوع يا عبدالدائم تجي تقول دي ما ياها كلمات "احي ياعلى" بتاعة كابلي ...
الف سلام والف تحية للجميع وبعد ياسر نجيلة ياابداع والله ماقصرت مع عبد الدائم وهو فعلا يستاهل لكن تحت تحت انا خايفاه تكون رشوة عشان حكاية الملكية الفكرية الرازاك بيها دي لكن يازول بتاعة كابلي دي حلوة وملعوبة ضحكتني شديد انشاء الله دائما ضاحك. ياطارق وميسرة وحاتم هاكم القصة دي عن الألقاب: دوللي: في الحقيقة هو ما لقب لكنه اسم دلع كنا نطلقه علي صديقتنا الجميلة الرقيقة دولة عبد الله محبوب وقبل كدة ياجماعة سألتكم عن سعد السمين ياناس تجارة بالذات مافي زول أفادني لكن بالله ياناس الزقازيق كلكم وخاصة ناس السودان اي زول عندو اخبار عن دوللي يوافينا بيها. اكلمكم شوية عن دوللي,كانت طيبة القلب تتمتع بعلاقات واسعة مع الجميع رومانسية وتحب البحر جدا مرة سارت اسكندرية ولم يكن لديها معارف تنزل معهم فنزلت في فندق فقط للاستمتاع بالبحر, ودوللي كانت تحب الموسيقى مرة ذهبت لحضور مهرجان الجرطوم الدولي للموسيقي من منزلهم بود البخيت وبالمواصلات وتأخرت في العودة نسبة لصعوبة المواصلات خاصة بالليل واخدت شكلة كاربة من والدتها عليها الرحمة قابلتها دوللى بالضحك والروح الطيبة التي تسبقهااينما حلت. حصلت حكاية لذيذة , كما تعلمون درج طلاب وطالبات الزقازيق علي اخذ صور التخرج باستديو مصر علي يد ذالك المصور البارع محمد أبوهاشم الذي كان يستعمل تقنيات تعطي صورا غاية في الجمال. حدث وان أحضرت دوللي صورها من الاستديو وعندما رأت فطومة الصور قالت ليها والله غريبة تتصور دوللي تطلع ليلي علوي طبعا دوللي العسل ضحكت ضحك شديد وحكت القصة لاي زول. التحية لدوللي أينما كانت ولاسرتها الكريمة وضروري نعرف أخبارها وبالله ياديدو(اسم الدلع لعبد الدائم انتو مالكم؟) لو عندك صورة لدوللي تنزلها لينا عشان الما متذكرينها يتذكروها
11-09-2008, 03:01 PM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
سعد السمين ودوللي وكمان الزميلة عفراء لنوسع دائرة البحث ،، سناء الصباغ عودتك جميلة وقوية ،،،، بس ديدو دي على وزن دودو الفايد
أصبر شوية يا نجيلة جاين ليك بالكثير والمثير وبالمناسبة دي مدام منى يونس العام ده تركت المدرسة - إستراحة - وإشترت ليها إسكنر في البيت وناويه تشتغل في الأرشيف بتاع الزقازيق وعندها بكره صورة قنبله بس قول لأخونا سامي عبدالوهاب الكلام ده ليك بيل راسك .
ونستعير عبارات صاحب الحوش :-
Quote: إن شاء الله دايماً تامين و لامين و مبسوطين ..
11-09-2008, 04:30 PM
ياسر نجيلة
ياسر نجيلة
تاريخ التسجيل: 08-30-2006
مجموع المشاركات: 1798
العزيزة سناء الصباغ ... البركة الشفناك طيبة ... والقصيدة العملناها لعبدالدائم طلعتك من صمتك ومعاها كمان لقب جميل للنضيف "ديدو" ... عاوزين البياض يا ديدو ...وكمان "زرزرت" عبدالدائم دي متعودين عليها من زمن ماكان بعمل لينا "محشي البطاطس" او مره اشوف زول بحشي البطاطس ووكتها اكلناهو بسبب لسانو الطويل وسكتنا على كده لي هسع ... بالمناسبة سعد محمد سعيد "سعد السمين" كلنا بندور عليهو ... والعندو معلومة يرسلها...
الغالي "ديدو" يعني كل القصيدة بتاعتي وتعبي ده ماعجبك فيها الا بيت "فنان الحيرة والكرتونة ... والرقيص ... انا فاهمك كويس ليه اخترت البيت ده ... احسن ليك انستر يازووووووووول ....
ميسرة الريس وحرمة المصون مني يونس ... ياجماعة من زمان قلنا ليكم جرينا البنابر وعملنا القهوة ... عشان متأكدين من ذكرياتكم وارشيفكم الدسم... البركة المني القعدت في البيت ... منها راحه ومنها نستفيد من الذكريات ...يلا دورو ... خلونا ندور معاكم ... وبالجديد نستناكم ... والكل حالف يمين حتي لو بالليل بترجاكم ... حاتم جبارة جبت النطارات الجديدة ... غايتو ود جبريل استلف بتاعين جمال السنوسي ...
11-09-2008, 09:37 PM
عصام دهب
عصام دهب
تاريخ التسجيل: 06-18-2004
مجموع المشاركات: 10401
تحية و سلام لأجدع ناس .. و شكراً لنشطاء البوست الريس و سيد شعراء البوست و النضيف .. و مرحباً بهالطلة من الأفاضل سناء و شبيكة .. و تحية لمدام منى و منتظرين مفاجاتها من خلف الكواليس .. و من قصص البرلمة في الزقازيق أحكي .. دفعتنا ( حقوق 1987 ) كانت ( أرجل ) دفعة في تاريخ سودانيي الكلية .. و حينما أقول أرجل دفعة أعني أنها كانت كلها رجال .. زي صيوان البكا أو كما قال احدنا .. و حبنما قرأنا أسمائنا في مكتب القبول كان هناك إسم مكتوب هكذا ( ...روة علي ) و محل النقط حرف ما ظاهر .. و نسبة لأفتقارنا للجكس في دفعتنا فقد منينا أنفسنا بان يكون الإسم الما ظاهر دة إسم زميلتنا الوحيدة ( مروة علي ) .. و ربما ظل كل واحد منا يمني نفسه بأن تكون ( مروة ) هي حنانو .. وصلنا الزقازيق و ظللنا في ترقب وصول ( مروة ) .. حتى أسفر صباح زقازيقي ممطر عن الحقيقة .. ( مروة ) التي كنا ننتظرها طلعت الشقيق / عروة على موسى أطول و أجدع زول في الدفعة .. و بعد ( دبرسة ) على حظنا المهبب حمدنا الله كثيراً أن أهدانا أخ و شقيق و زميل و صديق عمر مثل / عروة على موسى .. و عوضنا غياب الجكس في دفعتنا بالتغول على ( حقوق ) الآخرين .. و حينما تزوجت أنا ( مروة ) حكى لها ( عروة ) القصة و لا زلنا نحكيها .. فحمداً و شكراً أن أهداني ( عروة ) و ( مروة ) .. و كل برلمة و إنتو طيبين .. ودايما لامين ..
11-10-2008, 08:09 AM
عبد الدائم سيد أحمد
عبد الدائم سيد أحمد
تاريخ التسجيل: 10-28-2006
مجموع المشاركات: 4220
نستأذن شاعر البوست بهذه الأبيات للرد على عبد الدائم : زعم الفرزدق أنه سيقتل مربعاً ************* أبشر بطول سلامة يا مربعي
هوي يا النضيف خليك راجل ظريف زي ما كنت زمان ، محشي بطاطس وتقول لينا عايش في عز يعني أنحنا حالياً،،مدام منى بتعمل محشي بطاطس يعني أنحنا دلوقتي عايشين في عز ولا ماكلين هوى ،،، يا عبدالدائم ولا كلنا في الهوى سواء أجمل ما في هذه المواضيع دي كلها أكتشافنا للشاعر الرقيق إبن الزقازيق الظريف ياسر ود نجيلة ،، سير ونحن معك مستمعون .
شكرا يا عبدالدائم وشكراً دكتورة سناء دلوقتي أنا ربطت بين إسم دولة والصورة وعلشان كده يا جماعة لازم ننزل الصور (نفضل الحديثه) لنربط ما بين الأشكال والأسماء . بس ياطارق جبريل ويا مبارك جادين ما حتيتوه حت لمن الصورة إتهزت مالت شديد .
11-10-2008, 11:36 AM
عبد الدائم سيد أحمد
عبد الدائم سيد أحمد
تاريخ التسجيل: 10-28-2006
مجموع المشاركات: 4220
يا ميسرة انا خلافى مع ياسر من زمان فى المطبخ اولا" تتذكر فى ملوخية مفرومة ناشفة ببيعوها بالشوال كلها تراب وحصحاص ، انا ما باكلها وخصوصا" لما يسوها ليك باهمال ويخلو الكمشة مرميه فوق حديد البوتجار اليوم داك انا بتغدى زبادى وثانيا" محشى الكرمبة كان بيخلوا الشغالة تاخدو معاها البيت وتحشيهو وتجيبو تانى يوم ، بقول ليهم هسه يمكن غسلتو من مويه الترعة والشغالة عندها شافع وسخان بتشيلو وتجيبوا معاها الشقة كل مرة اديهو قرصة عشان يخاف ما يجى تانى ، لكن تقول شنو ناس نجيلة مدلعنو يا رفاعى يا رفاعى
شاى بالطاقة الشمسية عادة كنا بنتبعها لما يجونا كمية من الضيوف بنعمل شاى وفى نص الكبابى بنطعم واحدة فيهم بالملح ، ونقعد نعزم فى الضيوف ما تشيلو الشاى بيبرد وننتظر صاحب الحظ السعيد ، من اول رشفة تسمع طقطقة اللسان الشاى ده مالو كده ؟؟ بجديه من غير ضحك ، مالو فيهو شنو ! نسأل الجماعة المعاهو يا جماعة شايكم فيهو حاجة ؟؟ لا لا ... لا كويس ندخل المطبخ ونعمل ليهو واحد تانى ... اها المرة دى قول كعب كمان .
نخلى ليك الزول يشك فى نفسو ... اول زول طبقناها فيهو زولك سعد السمين يا سناء
11-10-2008, 11:48 AM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
الإخوة الزقازيقاب وعائلاتهم وضيوفهم الكرام ،،،،، دعوة عامة لأهل جدة و ما حولها (مكة ، الطائف ، ينبع) والزقازيقاب الزائرين من داخل مدن المملكة والقادمين من خارجهاوالحجاج،، للتجمع بداخل مدينة جدة يوم الجمعة 14ذوالحجة الموافق 12ديسمبر نأمل من الجميع تفيل هذا المقترح ومناقشته عبر الهواتف أو البوست أو الإيميلات الخاصة لإنجاح هذه الدعوة ،،،،،
11-10-2008, 12:00 PM
سناء الصباغ
سناء الصباغ
تاريخ التسجيل: 06-06-2008
مجموع المشاركات: 474
بالغت ياديدو أقول ليك دوللي تجيب لي طارق جبريل قبل التعديل(قبل الصلعة) تعرف انت مسؤول الارشيف زاتك دقست لو كنت بتفتكر واحدة من الشابات الوراء ديل هي دولت عبدالله المقصودة لكن دي بتكون كثرة النقة جابت ليك عين بس عليك بشوية بخور تيمان وأبعد من الفقراء(الفكوة جمع فكي ودا اظنه جمع مذكر مكسور ) بعدين انت شوف الريس طوالي جاء يدجل ويقول الآن ربطت بين الصورة والشخصية انت نحن دجل الرؤساء دا مبارينا محل ما نمشي يازول انت كنت رئيس منتخب وشرعي بالله بطل حركات رؤساء الانقلابات دي ياميسرة بلغ التحايا للسيدة الأولي مني ونحن في انتظار مفاجآتهاوالتحايا للعسلين الصغار. سامي عبد الوهاب وسامي الطاهر وعثمان الجيلي وجلال مالكم اختفيتوا فجأة؟.
11-10-2008, 12:39 PM
عبد الدائم سيد أحمد
عبد الدائم سيد أحمد
تاريخ التسجيل: 10-28-2006
مجموع المشاركات: 4220
أنحنا يا سناء في إمور الجكس ديل وخاصة الحلوين ما بنفهم فيهم كنا بنشوف بعينا ولكن ما كنا بنقدر نتكلم ولا بنركز (العمل السياسي والنقابي ومراقبة الأنسة منى يونس في وقتها) وبعد عبدالدائم النضيف ما عندنا كلام والكلام البيقولوا ده أنحنا بنصدقه وبنبصم عليهو بالعشرة وحتى لو ما كانت دوللي لازم تكون دولة ولو زودتو أكان أحلف ليكم (علي الطلاق ما بيجوا هنا،، وما بدخلوها)
يعني إتخمينا يا نجيلة أو ما فهمنا حاجة طلعت أوت سايد ، وللمعلومية أنا ما أتذكر الأسماء مع الأشكال بالنسبة للأخوات إلا الكانن في العمل السياسي أو النقابي أو تربطنا معهم صداقات شخصية وبالمناسبة دي نحن دائماً أون لاين على طول وأراقب هذا البوست كل ربع ساعة نشوف الجديد وما بتفوت علينا حاجة وحتى يوم الجمعة تمسك الوردية مدام منى وكذلك الأولاد يعرفوا كل الناس والأخبار ويتابعوا معانا شديد ويسألونا عن الأسماء الغريبة في نظرهم (تبلدينا ، جبريل ، الصباغ ، النضيف ، نجيله ، شروني ،جادين، البادي ........)
يا دكتورة سناء خليك من النضيف دة طلع عنده الزهايمر انا بجيب ليك دوللي الظريفة بس اصبري علي لي بكرة
يا ريس الميسرة نحن كنا ناس حت ساكت وفي الرحلات كنا في الكنبة الوراء وبعدين في الرحلة دي والله انا مبارك جادين وجمال فارح وقيس جمال الدين حتيناهو جنس حت
حليل ايام الشعر ياخي
11-10-2008, 05:17 PM
طارق جبريل
طارق جبريل
تاريخ التسجيل: 10-11-2005
مجموع المشاركات: 22555
الصورة الفيها طارق جبريل(بشعرو) وياسر لورد والمرحوم ياسر الشفيع ... مازال التنافس في معرفة الشخصيات جارً ... هل من محاولة ...
يعني ياسناء اخونا طلع أوووت دي لا دوللي ولا حاجة ... انا كنت عاوز اقول كده من زمااااان بس ماكنتو حتصدقوني ... ادوه بس حكاوي الاكل ... وغنا الكرتونه ... هسع في واحد جاب سيرة الأكل غيرو ... مطبخ وكمشة وملوخية وولد الخدامة وواخرتها شاي بملح ... غايتو لو استمر بتوجيه الضربات خارج الشبكات سوف يتم عزله وعندو فرصة خمسة محاولات ... وبيني وبينكم لو اتصل فيني ممكن اساعدو ... لانو مكانتو عاليه ... "اعاده لنفس القصيدة السابقة" ... انت ادلل يا ديدو ... غايتو البركة في صورة ودجبريل"كامل الشعر" وودجادين... بس ياخسارة لو كان جنبكم حاتم جبارة كان يكون توثيق زكريات لحضارات اندثرت ... بس ماتندمو ماهو كلو ماشي الحلاق ...
Quote: أصبر شوية يا نجيلة جاين ليك بالكثير والمثير وبالمناسبة دي مدام منى يونس العام ده تركت المدرسة - إستراحة - وإشترت ليها إسكنر في البيت وناويه تشتغل في الأرشيف بتاع الزقازيق وعندها بكره صورة قنبله بس قول لأخونا سامي عبدالوهاب الكلام ده ليك بيل راسك .
ودي حاجة خفيفة عشان مني يونس تشجع وتسرع في الموضوع:
ختي الصورة فوق الصورة خلي الذكري دوام منشورة بنات وأولاد حضر وضيوف من كل مصر او من المنصورة شباب جاهزين حق التخمين برغم مرور سنين وسنين خلت راسو زي قرقورة ود جادين جاهز تخمين من آداب ومبني علوم حتي البرلوم جايب شورة تجارة حضارة فن واصالة دوما فايزة وشايلة الجايزة حتي الكورة و"ديدو" الرايق حالف يفوز بوجوها واضحة او تحت شبورة وعثمان الجيلي بالمرصاد في دقسة خفيفة او كبوة رقيقة من عصفورة وحكمنا العادل الريس ودهب كان غلطان او زهجان همهم جمعكم بكل مشورة يلا يامني ختي الصورة فوق الرسمة خلى شفاهنا دوام مبتسمة ... أو مبهورة
إفتقدناك يا ياسر ويوم أمس إنتظرناك حتى منتصف الليل ونحن نقول ياسر وصل لسه ما وصلش ،،،، خلاويس لسه،،، وكنا منتظرين ردك الظريف على أخونا النضيف ولكنك بكل حب وود رديت على أوف سايد ومعليش لكل جواد كبوه والجايات أكتر من الرايحات ،، وبس بظل النضيف هو الأرشيف وشكراً على شعرك الظريف واليوم تنزل المدام مجموعة صور خطيرة
Quote: شكرا يا عبدالدائم وشكراً دكتورة سناء دلوقتي أنا ربطت بين إسم دولة والصورة وعلشان كده يا جماعة لازم ننزل الصور (نفضل الحديثه) لنربط ما بين الأشكال والأسماء .
ما زلنا نرغب في أسماء الأخوات الإثنين على الصورة يا جماعة وكمان تكملة باقي صورة أخونا طارق جبريل وكمان منتظرنك بصورة دولة اليوم ، بصراحة عندنا شغف شديد بربط الحاضر بالماضي وحتى لا ننسا ونقابل بعض ونقول ،، وينك يا هناي ونكون متذكرين الشكل ونسينا الإسم ودي تجربه كانت مع الأستاذ عصام دهب إلتقينا قبل فترة طويله هو عرفني وسلم على وأنا ما عرفتو ده كلام ده ........
11-11-2008, 08:46 AM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
الريس ميسرة ... الزول ده لو تابعت الرد عليهو ريقي بنشف ساي ... اخير ارد سطر وافط سطرين ... ويا ريس عينا بارده ... البروفايل الجديد للبنيه (صورة بنتك)... اكيد حيتلم ليك كل اولاد الزقازيق شد حيلك ...
مني يونس بدأت اللعب بصورة جميلة وانيقة لخريجين تربية وهي تقف شامخة بكل وروعة معهم والاخوان المتلازمان دوما سامي عبد الوهاب ومحمد الهادي يتوسطان المجموعة
بس عندي سؤال ... ابحث عن فضولي ... عبد الدائم النضيف ايضا في هذه الصورة من منكم يسطتيع ان يميزه لي؟؟؟
وأجمل تحية للأخت منى... وشكرا على هذه الصور الجميلة
ولعبد الدائم نقول:
Quote: من اليسار : محمد المصطفى ، المتلفت للخلف اشك انو خالد القاضى مرتضى الفكي ، سامى ، محمد الهادى ، منى يونس ، خالدة ، بسمات
المتلفت دا هو الأخ محمد وداعة من (ود بانقة) تربية
Quote: الصورة الثانية : من اليسار : خالدة ، بسمات ، اسمها حنان او عطيات اداب ، منى يونس واحدة جالية ، رجاء الطيب الجابها هنا شنو ما عارف ، تيسير على ابشر
الثالثة دي الأخت أحلام الإمام - تربية والجالية دي الأخت مها عبد العزيز أخت بدور عبد العزيز وهم دناقلة من بورسعيد
والتحية للريّس وشاعرنا وسناء الصباغ وكل المواصلين النشطاء
11-11-2008, 12:11 PM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
البنت على البروفايل دي (مشكاة ميسرة) وإسم الدلع كاتي caty وتشكرات نجيلة وفي إنتظار الخطاب من ابنا الزقازيق .
سمعت اليوم نكته سياسية أعجبتني : قيل أن الرئيس حسني مبارك راح يزور رجل الأعمال هشام طلعت مصطفى المتهم بقتل الممثلة سوزان تميم وأثناء الزيارة وبعيد من الحراس قال الرئيس : إيه ده يا طلعت أنا أولتيلك أقتل سوزان تميم إنت ما بتفهمش ؟؟؟؟؟؟؟؟؟؟؟؟
الشخوص في الصورة كالآتي: - الراحل المقيم د.ياسر علي الشفيع عليه الرحمة - د. الدرديري الجيلي الدرديري احرف راس حربة مر على بيطرة والزقازيق - طارق جبريل - د. ياسر عثمان عطا المنان ((لورد)) - د. عصام فرح
11-11-2008, 06:17 PM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
الإخوة الزقازيقاب وعائلاتهم وضيوفهم الكرام ،،،،، دعوة عامة لأهل جدة و ما حولها (مكة ، الطائف ، ينبع) والزقازيقاب الزائرين من داخل مدن المملكة والقادمين من خارجهاوالحجاج،، للتجمع بداخل مدينة جدة يوم الجمعة 14ذوالحجة الموافق 12ديسمبر نأمل من الجميع تفيل هذا المقترح ومناقشته عبر الهواتف أو البوست أو الإيميلات الخاصة لإنجاح هذه الدعوة ،،،،،
11-12-2008, 01:27 PM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
عزيزي طارق جبريل شكراً على الصورة الجميلة ، وأهم ما في الموضوع إذا ذكرت لي د. ياسر علي الشفيع لربما ما كنت أتذكر ملامحه ولكن في الصورة تذكرت هذا الزقازيقي الرائع ، الا رحم الله أخونا الدكتور ياسر علي وأسكنه فسيح جناته وجعله من الشهداء والصديقين وحسن أؤلئك رفيقا .
وبهذه الطريقة نستفيد من الصور القديمة والذكريات لربط الماضي بالحاضر ،،، ولكم حبي وإمتناني
11-12-2008, 08:13 PM
جلال عثمان
جلال عثمان
تاريخ التسجيل: 09-13-2008
مجموع المشاركات: 1735
عزراً أحبتي .... كان غيابا رغم عنا ولكن دوما محبتكم هي المعين والحوض الذي نرده كلما زاد الشوق غايتو نفسي انقطع عشان كده ادوني فرصة اكمل قراية الإبداع الفوق ده وبعدين .... نفتو بس والله يا طارق جبريل اثرت في النفس كثيرا من الاحزان ... فصورة المرحوم د/ ياسر علي الشفيع حركت الكثير من كوامن النفس .... فموت الرجل كان كارثة لي كذلك. اللهم ارحمه واغفر له
كذلك شاقني جدا "التجادع" الفني بين شاعرنا الفنان ياسر نجيلة وفنانا "الكرتوني" عبدالدائم ... لكن يا ياسر اخير ليك تفك درب الزول ده ... والله انا عارفو بتاع مقالب "اسالني منو" يقوم يفكك بي واحد من مقالبو دي يخلي ريحتك برلوم برلوم ..... والله ياولدنا ده طاقيني ليك بي واحد كدة قبل تسجيلي في المنبر ده بي كم يوم رجعني ليك لي شقة استقبال البرالمة.
وياعبدالدائم و سامي النبي فيكم كان فتحتوا خشمكم ...... خلوا الطابق مستور
بجييكم راجع ...... اسه
-------------------------------------------------------- نقرأ البخرة عشان نجاوب علي الاسئلة الفوق
11-13-2008, 05:22 AM
ياسر نجيلة
ياسر نجيلة
تاريخ التسجيل: 08-30-2006
مجموع المشاركات: 1798
أهلا ومرحب بعودة الأخ/ سيف النصر وعوداً حميداً ، وسلام لأخونا جلال عثمان وأهلا بها الطله الحلوه والبروفايل منور بالحلوين ، بس عذراً أخي أضم صوتي لشاعر البوست الكبير وعايزنك يا سامي وعبدالدائم النضيف تفتوا لينا الحصل .
الصورة الجديده دي حلوه وفكرتني بناس كانت تربطنا بهم علاقة موده وأحترام ، بنمنح الدكتورة سناء فرصة حتى ظهر السبت وفي حالة الفشل سوف نتدخل ،،،، ومنتظرين نشوف
11-13-2008, 10:32 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
لكم الود متواصلاً الرجاء من يجد وقتاً فى عطلة الاسبوع هذه الاتصال / مسكول / ارسال رسالة يعنى البعمل مسكول بنرجع ليهو .. ناس اروبا والامريكتين المسكول و الرسالة ولا الرقم ما بظهر الا ما ندر يعنى متصلين متصلين ..
على الهواتف :- 249912397336 + Or 249155552515 + او على الايميل [email protected]
صالح تبلدينا
__________
سامى عبدالوهاب انت بالذات تتصل اليوم وخير ان شاء الله ..
بس ما تتوقعوها زواح هانئ ولا عزام البشرى ولا شخصى الضعيف
11-13-2008, 10:59 AM
عبد الدائم سيد أحمد
عبد الدائم سيد أحمد
تاريخ التسجيل: 10-28-2006
مجموع المشاركات: 4220
كلامك يا صالح ذى الواحد لما يسمع ببنات الثريا عاملات حفلة بس وين ومتين وهل الشباب حيدخلو ولا لا ... ما معروف يمشى الاتحاد ما يلقى خبر ويسلم على اى واحدة تلاقيهو ويشمشم الاخبار برضو ما يلقى خبر اها انا سويت ليك مس كول ومنتظرك ...
اخونا التليشة
Quote: وبعدين في الرحلة دي والله انا مبارك جادين وجمال فارح وقيس جمال الدين حتيناهو جنس حت
نحن علينا بالظاهر فى الصورة ناس الكاشف اخوك اصلا" ما قاعدين يمشوا رحلات ذاتو ....
11-13-2008, 11:38 AM
سناء الصباغ
سناء الصباغ
تاريخ التسجيل: 06-06-2008
مجموع المشاركات: 474
العزيز ديدو وبقية الجدعان صباحكم ابيض أولا بخصوص الصورة طبعا علي اليمين الوجيه ديدو (لكن ما جننت الأبيض جن) في المنتصف الأخت الحقوقية أمل أحمدلها التحية اينما كانت علي اليسار الأخت الحقوقية أحلام أرباب لها منا كل الود أما السؤال الملح للوجيه اللابس أبيض دا. شنو الحشرك في الصورة دي؟؟؟ لا ناس كليتك, لا دفعتك لا قدرك لا ندايدك الضهب ليك شنو؟؟
تبلدينا يعني بقولوا الناس البرة ديل جبارين لكن ما للدرجة دي معقول ياخي مس كول من اوروبا؟؟ انت كدة قاصدنا عديل, غايتو أنا أبري من الجبر حأتصل عديل وعشان أوريك الكرم الجد بعد ماأعرف الخبر حاأجي أزيعه هناوأوفر علي الباقيين تكاليف الاتصال.
11-13-2008, 12:31 PM
جلال عثمان
جلال عثمان
تاريخ التسجيل: 09-13-2008
مجموع المشاركات: 1735
والريس ومدام منى والله كتر خيركم بس بالله ماتشحتفوا روحنا "صورة .........صورة" رشونا بالله بالزكريات الجميلة عشان الواحد يرجع عشششششششششششششششششرين سنة لي ورا لكم التحية ..... بالمناسبة عصام دهب وين؟
ولامن نرجع ...
------------ اقعدوا عافية
11-13-2008, 01:09 PM
Tabaldina
Tabaldina
تاريخ التسجيل: 02-12-2002
مجموع المشاركات: 11844
رن هاتف من شخص عزيزجداً أحد أبناء الزقازيق الرائعين خريج كلية صيدلة عام 1984 ولم أسمع به منذ ذلك الوقت وكانت تربطني به علاقة صداقة وعشرة طويلة بمدينةكوستي التي قضيت بها فترة من حياتي لا تنسي إنه الأخ/ مجدي إدريس عبدالكريم الذي لم ألتقيه منذ عام 1984 وهو يعيش حالياً مع أولاده بإنجلترا منذ عشرة سنوات وهو متابع جيد وقارئ للبوست ويتابع الأخبار ولكن مشكلته الحالية هو لا يعرف الجيل الجديد من الزقازيقاب ولكنه يتذكر من البوست الحالي ياسر شبيكة وفي الجانب الآخر من البوست الغائب الحاضر الأخ/ أحمد طراوه .
.. . فى اتصال اخر من الاخ / مجدى إدريس من انجلترا كنت سعيدا اتلقي اتصال من الرجل رغم اننى لا اعرفه ولم اراه ولم اعاصره حتى .. تحية لكل الزقازيقاب عبر تواصلهم الطيب
احببب ان اصحح العنوان البريدى للاخ مجدى وهو كالاتى
وتحية وسلام كبير اوى اوى للحقوقيات الاستاذة أحلام حسين ارباب والاستاذة امل احمد جاد الرب والصورة فى حفل تخريج تربية سنة 86 م بنادى الشرقية يعنى ديل ضيوفنا يا سناء والاخت احلام كانت بتسكن مع بنات تربية فى دار الزهــراء ( شقة رقم 4 ) اللفى شارع الشهيد وبالتحديد سنيرتى الاخت العزيزة اخلاص عبدالقادر ، ولو بتذكرى لما الواحد يمشى زيارة للدار بيضرب الجرس وتجى واحدة تمد ليك ( رأسها ) فى السلم من فوق وتناديك داير منو اها كل ما امشى لاخلاص بتجى احلام ارباب دى طايرة لى فى السلم وتمشى تقول لاخلاص ما ياهو ولدكم داك .... وبالمناسبة انا وياسر كنا بنسكن بالقرب من الزهـراء بعمارة اسمها الزهـــراء شارع السعودية شقة رقم 10 ولما نوصف للزملاء كانو بفتكرونا بنهظر
وللمعلومية كمان امل جاد الرب الدكتور معاوية ابو الجاز ببقى ليها خالها ( وتحت تحت كده الناس كان سامنها ليدى ديانا حقوق .....
الصورة دى بتهمك جدا يا سناء وحصل فيها غلاط شديد من بعض المكاجرين البرالمة وهى فى شقتنا بالمساكن رابطة ابناء بــرى سنة 84م وانا برلوم واكرر شقتنا منعا" للشلاقة
وسؤال يا سناء مين الاخوات الجالسين امامى ديل صراحة مافى حد عرفهم وهم تقريبا من عندكم ( لكوظ )
والف مرحب بالدكتور / مجدى ادريس وسنة 84 م نحن جينا برالمة واكاد لا اذكر سوى حمد سكر وعشة كروم
ويا جلال ما تستعجل جايك جايك ....
يا جبريلا ما تنزل الصورة ياخى كل مرة عندى ليكم كترة صور ونفضل منتظرين ومنتظرين
و تحية كبيرة أوي لكل الذين أنضموا إلينا و لكل الذين عادوا بعد غيبة و نتمنى أن لا تطول الغيبة ..
وأخص بالتحية سنيرنا المبجل الزقازيقابي الأخ الدكتور / مجدي إدريس عبدالكريم .. و مرحب بوجوده بيننا و نتمنى من الإخوة الزقازيقاب دعم وجوده بيننا عبر مخاطبة الأخ / بكري ..
و تحية خاصة لدكتور سيف النصر و للأخت / عرفة و العيال و عوداً حميداً ومواصلة ..
و سلام و سؤال عن الجدعان زهير و إبتهاج الرشيد ، نجاة و مبارك جادين و آمال بنجاوي و سمؤل و و كل كل كل الناس الرائعين .. .... و يبدو أن الونسة أضحت ونسة سناير و نحنا مستمتعين بمعرفة أسلافنا الزقازيقاب .. و لولا أنكم حسمتم أمر الصورة يا عبد الدائم لكنت جزمت أن من باليسار في الصورة هي بتنا هويدا عثمان حامد المعروفة بهويدا جاينيس .. أما الرائعتين اللتين لم نتشرف بمعرفتهما ـ الاستاذة أحلام حسين ارباب والاستاذة امل احمد جاد الرب ـ فلهما سلام و إحترام و نتمنى وجودهما هنا .. و تاري حقوق كانت( متمسحة و فيها شيئ كتير ) على رأي شيخنا د. عشري .. و يا عبد الدائم طولت علينا الغيبة و أشتقنالك .. خلينا نتقابل عند د. أبو علي ياخي .. باقي كايس لي شمار .. و يا صالح تلفوناتك مشغولة و لما الخط فتح معاي شكلك عملت حميل .. يا جماعة شوية كدة راعوا عامل ( الدفعة ) و شوفوا لينا موديلات 88 و انتا ماشي .. ــ جلال كتر خيرك على السؤال و أظهر يا سامي ميسرة و منى كتر خيركم ..و ربنا يديمكم و يحفظ ليكم الحلوين الدكاترة يا الستة .. !!!!! بالمناسبة يا جماعة د. الصادق عبد الله خبارو ؟؟ نجيلة سيد شعراء البوست كتر لينا من الكلام الحلو ..
11-15-2008, 08:57 AM
عصام دهب
عصام دهب
تاريخ التسجيل: 06-18-2004
مجموع المشاركات: 10401
Quote: على وقع الصوت المزعج المعهود .. اللمون البلللللللللدي .. القرقير بتاع السلاااااااطة .. ملوخية يا أراااااانب .. أستيقظت .. لم أتحرك من السرير إلا بعد أن جاءت أم محمد الشغالة و خبطت على باب الغرفة لطلب تكليفي بإحضار بعض الأغراض من البقالة و من بينها بالطبع ( رابسو ) .. بعد دش دافئ و كباية شاي تقيييل صحيت مرتضى ثم خرجت للبقالة حيث أحضرت طلبات أم محمد و الجرايد التي تتحدث عن أخبار حرب الخليج .. بحضور خالد سحلب جلسنا أنا ومرتضى معه و كنا نتناقش حول الحرب و الصواريخ التي أطلقها صدام على أسرائيل و السعودية ، ثم خرجنا من الشقة إلى شارع مولد النبي لشقة عوض عبده خليل حيث كنا على اتفاق معهم لتناول الغداء هناك ، و كان هناك عوض و عروة و عبد الحكيم ثم أنضم إلينا بشير و الرفاعي .. وبعد الغداء اللذيذ توجهت برفقة عروة و الرفاعي لدار الكتب و قبل أن ندخل تناقشنا مع الإخوة صلاح برير و أبو بكر على يونس عن أحداث الجمعية العمومية لحقوق .. ثم واصلت المذاكرة في كتاب الإجراءات الجنائية .. إزدهار و البياطرة الذين أكثروا من الإحتجاج يوم أمس بسبب ما أسموه أزعاجنا لهم كانوا اليوم هم الأكثر إزعاجاً بشهادة هبة إسحاق نفسها و قد تحدثت مع ازدهار بشأن هذا الموضوع .. بعد المكتبة توجهت مباشرة لشقة الأخ / أبو عبيدة ( تجارة ) حيث تونسنا في مواضيع شتى و بعد حضور أمجد سنادة أضفى على الونسة طابعاً ظريفاً ، بعدها تحركت مع أمجد لدار الإتحاد و قضيت فترة في لعبة تنس الطاولة ثم توجهت لشقة عبد الماجد سقراط في المحلج و إنتظرته و حينما لم يأت تحركت لشقة سيف النصر و هناك وجدت بعض الإخوة حيث أخذت الونسة طابعاً سياسياً ثم تحركت للشقة و وجدت شيخ عشري مع مرتضى و ذهبت مع شيخ عشري لمنتدى رابطة ابناء الخرطوم . كان المنتدى جميلاً و قدمت فيه العديد من الفقرات الشيقة و أنتهى حوالي الثانية صباحاً و بعدها تحركت مع بعض الأخوة و الأخوات حتى شارع المحافظة و أفترقنا هناك لأني كنت على موعد مع أبو عبيدة ، و في الطريق قابلت سمؤل ابو سن و أتفقنا على أن نذهب إلى درش بتاع السندوتشات لإحضار عشاء و كان مشوار صباحي حيث توجهنا لشقة ماجد سقراط و تناولنا العشاء و خرجت من شقتهم حوالي الثالثة و النصف ثم عدت للشقة و بعد أن قرأت قليلاً في كتاب الإدارة العامة خلدت إلى النوم .. الأربعاء 6فبراير 1991م الموافق 21 رجب 29 طوبة ..
نقلاً من دفتر كنت أسجل فيه بعضاً من تفاصيل الزقازيق ..
شكراً يا تبلدينا على التصويب وقوة الملاحظة وقد تم التعديل ،، والتحية العطرة للدكتور مجدي إدريس وخليك معانا للتواصل وممكن تكتب لينا على الإيميل [email protected] وممكن أن ننشره على البوست
عبدالدائم الصور جميلة وعادت بنا إلى الوراء كثيراً وبس الأخت الأولى على اليمين بالصف الأمامي هي الأخت/مني عوض أخت إشراقة عوض كلية التجارة وكانوا من أبناء كوستي سابقاً ، الصورة الخلفيه من اليمين الأخت ولابسه أحمر أعتقد دي الأخت/ إحلال الحويرص (والله أعلم) والأخت اللابسه نضارة وبتذاكر بشقة البرالمة دي الأخت/ نابغة كلية التجارة ,,,,,,,,,,,,
11-15-2008, 12:24 PM
عبد الدائم سيد أحمد
عبد الدائم سيد أحمد
تاريخ التسجيل: 10-28-2006
مجموع المشاركات: 4220
كثيرة الكلام والهزار وشايله هم العرس دايما" وغير جاده كنا بنقول ليها عدم جديتك دى هى السبب فى اى واحد يفكر يرتبط بيك ... تـرد مكشــرة ** ليه مالي انا .... ** مالك شنو شينة وكمان بتأكلى واحد عيش بلدى فى الفطور يكفوك من وين .. ** عشان كده دايما" بتعاملونى ذى اخوكم ..... ** ايوا واحسن ليك تضمنى ليك عريس قبل ما تطلعى من البلد دى لانو لو رجعتى السودان موضوعك حيطول وخصوصا انك بتطلعى السنة بسنتين .................................... ................................... ................................... او هكذا كانت ونستنا معاها ابتدعت فكرة لجذب انتباه البنات اليها فكانت تكتب جواب بخط يدها وتضعه فى صندوق البريد ، مرسل اليها من خطيبها الذى ينتظرها بفارق الصبر حتى تتخرج وعاوز يكلم ابوها فى موضوع الخطوبة وهو مستعجل للغايه تشيل وتفتح الجواب قدام البنات وتقرأه ليهم وما بين مصدق ومندهش تكمن الذكريات بين مبانى الكلية ودار الانتفاضة .
التحايا العطرة لناس الزقازيق اجدع ناس ميسرة منور يا ريس معاي اللحظة محمد حسن البرلوم وعمل ليهوحادث طس امريكي ولولا تدخل الاخوان كان اتدخل القائم بالاعمال فرنانديز
الصورة المنشورة تؤكد اننا كنا ناس حت ساكت اختفينا انا وجلال وصفية مساعد وسمؤال وحنين المنور مع المرحوم ياسر الشفيع ولورد الكنا بنخاف من سلامو القوي هو وياسر وقتي له التحايااينما كان
اتمنى ان يكون خبر عرس ..صالح ..وهانئ..وعزام البشرى..صحيح
سلام منعنع للجدعان او فلنقل كشري ومهلبية وعيون القلب ......... يا سلام علي عيون الالب ونحن علي مشارف منيا القمح .. و شبورة تحجب الروءية والرؤي في الطريق الزراعي ( والبيجو) يمخر عباب الذاكرة الي ساحل الوطن والامنيات .. حمولة 5 راكب واغنية ..اغنية يبدو فيها الغريب اليف الحضور وان تنامت فيه نواعير البلاد القصية ولحظات الاشتياق وصمت لا يخترقه سوي توجسنا ونجاة الصغيرة تبحث فينا عن مدخل تلوي به ارواحنا
عيون القلب سهرانة ما بتنامش لانا صاحية ولا نايمة ما بقدرش يبات الليل..يبات سهران..على رمشي وانا رمشي ماداق النوم .. وهو عيونو تشبع نوم روح يانوم من عين حبيبي ***** يا سلالالالالالالالالالالالالالالالالالام ياخال عَفر يا ابن النيل عَفر ياعم الابنودي .. محافظة الشرقية .. الزقازيق وهنا يفوح ما بيننا من الود ويغمر محطة الاتوبيس وقاعد نجي ونتاوق كل يوم .. لكنها المقاديف .. مكسرة .. بحجة المشغوليات وضعف الذاكرة فشكرا لكل الذين ردموا البوست بالوجوه الاليفة والذكريات دهب - الريس وحرمه - سيف - شاعرنا نجيله - سناء - النضيف - جبريل - جبارة - شبيكة - الزناتي - جادين - سامي - جلال - صفية - تبلدينا - صلاح - السنوسي - مجدي ........ وكلنا سلام من البلدي والود في كل الاتجاهات يا طارق ده ما فريق بيطرة ذاتو ... لكن كنا شامنكم شمة.. لعابين ياخي رحم الله د. ياسر الشفيع
نتابع باهتمام أخبار الزقازيفاب رغم أننالم نقابل البعض وكذلك لم تتح لنا الفرصة الكافية للتعرف الكامل على البقية التى قضينا معها فترة من الزمن
الأخ العزيز والصديق مجدى ادريس كان أحد أركان ذلك الزمن الذى تشكلت فيه حياة الطلاب السودانيين فى الزقازيق بمختلف مكوناتها ، وأذكر أنه فى احدى السنوات كنا نسكن فى احدى الشقق أنا (صيدلة) - مجدى ادريس (صيدلة) - عمار تاج الدين (صيدلة) - حيدر خلف الله (طب) ... كان موقع الشقة استراتيجيا بعدة مقاييس .. على الشمال وأنت قادم من كوبرى المحافظة بالقرب من نادى المعلمين. كانت الشقة فى متناول الجميع وقريبة من السوق (عن طريق كوبرى الشبان المسلمين) وقصر الثقافة والنادى الزراعى وسليم والفرن البلدى (عيش الجينز) وقريبة كمان من سيد جبر (المشويات والكباب وأشياء أخرى) ومن منشية أباظة وكازينو النهر وهلم جرا
هذه الشفة شهدت لقاءات وزيارات وقعدات واجتماعات من كل الأنواع لا تحصى ولا تعد ، واستضفنا فيها عدد من الفنانين والعديد من الضيوف القادمين للزقازيق والعازفين وتم الاعداد فيها للكثير من الرحلات والحفلات والانتخابات للأسر وللاتحاد ... يا لها من أيام
أرسل عبركم تحياتى وسلامى للأعزاء مجدى ادريس - عمار تاج الدين - حيدر خلف الله خاصة ولكل رفاق ذلك الزمن
تحياتى وسأعود لكم بما تحمله الذاكرة عن الزقازيق
11-16-2008, 02:41 PM
ميسرة سيد أحمد
ميسرة سيد أحمد
تاريخ التسجيل: 09-13-2008
مجموع المشاركات: 3175
Quote: عيون القلب سهرانة ما بتنامش لانا صاحية ولا نايمة ما بقدرش يبات الليل..يبات سهران..على رمشي وانا رمشي ماداق النوم .. وهو عيونو تشبع نوم روح يانوم من عين حبيبي *****
نعبر ًونبحر معاً في بحور الذكريات الجميلة وذلك التاريخ المسطر داخل فؤادنا وتربع وحفر له موقع كبير بدواخلنا وأحاسيسنا وكنت قد تناسيت هذه الفترة من حياتي ولكن وضح جلياً بأني لم أنس ولن أنسى سامي الدبيب الكيير لمست فينا بيت القصيد وكنا في بعض الأحيان نفضل الأوتوبيس عن البيجو وذلك الجرسون الذي كنا نحفظ عنه مقولته الثابته وهو يدخل علينا بالبارد داخل الأتوبيس في موقف أحمد حلمي ويصيح وكانت عنده لدغة في لسانه (في حدي عتسان وناسي) يقصد عطشان .
مبارك ود جادين بالله هسع محمد البرلوم ده ما شاف إلا يطس الأمريكي ما كان يشوف ليهو حاجة أحسن من كده ما دام هو طاسي طاسي !!!!!!!!!!!!!!!
Quote: أما الرائعتين اللتين لم نتشرف بمعرفتهما ـ الاستاذة أحلام حسين ارباب والاستاذة امل احمد جاد الرب ـ فلهما سلام و إحترام و نتمنى وجودهما هنا .. و تاري حقوق كانت( متمسحة و فيها شيئ كتير ) على رأي شيخنا د. عشري
يا صاحب الحوش وسيده إنت الحكومة عندك ما بتشوف البوست ده ولا شنو واخد راحتك شديد كدي
11-16-2008, 02:47 PM
عصام دهب
عصام دهب
تاريخ التسجيل: 06-18-2004
مجموع المشاركات: 10401
آلوووووووووووووووو مين ،،،،، آلو،،،،، الزقازيق على الخط مين ،،، الأخت الصديقة العزيزة جداً / هالة أيوب (هلا) كلية الحقوق هل تذكرونها صاحبة (فردة) أميرة سيدأحمد - أداب قسم إعلام - والتي إستقرت بأمريكا ولها ولد وبنت ، الأخت/ هلا متزوجة ولها ولد وتسكن مدينة جدة حي مشرفة جوار صيدلية ومنزل دكتور حسن
الحقيقية كان إتصال جميل ولقد فقدنا التواصل مع الأخت/ هلا ولفترة طويلة جداً واليوم تنضم هالة لركب مجموعة جدة وهي جاهزة لليوم المفتوح لناس الزقازيق - جدة وما جاورها-
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة