ناس الزقازيق .. أجدع ناس .

Quote: الرائع عصام دهب لك التحايا ولاسرتك الكريمة ناسف لهذا الانقطاع غير المقصود فقد تدفعنا امواج الاحداث الى شواطئ بعيدة ولكن البعد لا يمسح عن الوجدان صورة من هم فى ارواحنا فما يكتب بماء الحياة لا يزيله الا الموت هكذا نحن الزقازيقيون متطابقين روحيا فى البدء اتقدم باحر التعازى لكل من سامية وعادل ود الجعلى وطارق جبريل واسرته وكل من فقد عزيز لديه وربنا يصبركم جميعا سعدت جدا برسالة على موبايلى بموعد الرحلة فى السودان وكم كنت اتمنى ان تلتقى كل بوتقة الرائعين واولادهم الاروع واسعدنى اكثر اتصالا هاتفيا من شوش- زراعة ورسالة من نورا- بيطرة فى نفس اليوم للاسف لم اتمكن من رؤية الصور الا الاسبوع الماضى ما شاء الله معظم الرائعين والرائعات ما زالوا ينضحون شبابا التحية موصولة ليهم بدون فرز تحية للمحرك زهير الزناتى -ابتهاج اذكر انه اتصل بى هاتفيا فى السودان كذلك محمد صديق شكرى له على اتصاله بى فى السودان وتحية لزوجته خالدة كذلك - صالح عبد الرحمن بشكرك كمان على مهاتفتك لى- لشبوكشى -جمال فارح- مجدى النعيم ودفعة وكلكم ما شاء الله ما زلتوا شباب محمد حسن زراعة تحياتى ليك اعذرونى كل مرة بتذكر صور المجموعة الكانوا فى الرحلة تحياتى لفايز حسن التوم وشريف عباس عاصم -زراعة مبارك جادين الذى كم اشجانا بصوته الجميل تحياتى كمان لمشاعر الف مبروك الماجستير ولرحاب واحلام واسفى واعتزارى الشديد اذا خانتنى الذاكرة ان اذكر اى اسم فانتم كلكم بلا شك الروعة كلها الاحترام والتحية الحارة لمحى الدين يوسف الموسوعة ومتعك الله بالصحة وحفظ ذاكرتك الحديدية التقدير لاحمد زراعة هاتفنى عند حضوره الى دبى قبل اسبوعين وتقديرى ايضا لعبد الدائم النضيف وسامى عبد الوهاب وحاتم جبارة على تواصلهم وايميلاتهم التى عادة ما تنتشلنى من زحمة الشغل فرغم البعد والترحال سنصمد ويصمد تلاحمنا وتلاقينا الروحى التحية والتقدير مجددا لبانى هذا الجسر العملاق من تواصلنا الروحى الرائع عصام دهب والتحية الروحية لكل من خانتنى الذاكرة من ذكر اسمه وما شاء الله على صور اطفال الزقازييقيين ربنا يحفظهم كلهم نجاة حوفى E mail [email protected] Mobile: 00971 50 5824459

Quote: أمونة بت حمد يوم ميلاده كان عرسا" كبير ... هيصة وضبايح ما ليها حد ويوم السماية اتيتمت ... حكم القدر فى الام نفد جرت السنين واتفاوتن ... عن ناسا" ما ليهم عدد آمونة كبرت واستوت ... فار الصدير شال النهد وبقت امل كل الشباب ... وجمالا فى بت ما اتوجد كانت شبيهه امها ... فى القدلة والعود الامد ويوم فى غفلة رفه قليبا ... يوم حبت قريب لفريق حمد وكمان اظن حباها هو ... وسوي الضلوع لحبو سد خايفين عيون الناس تشوفم ... والخبر يملا البلد والحب هناك عيبا" كبير ... لا بت بتبوحبو ولا ولد سنتين تلاتة مضن كمان ... والبت حياته بقت نكد وبرضو الولد ذي حالتا ... وقليبو دام مكتول كمد كاتمين غرامن فى القلوب ... ولع لهيبو وما برد خايفين يصارحو يقولو شئ ... ما يلقو للدايرنو رد ويوم ابوها ضحك كتير ... برم شواربو بلا الاسد ناداها آآآآمني تعالي جاي ... وفوق البرش ربع قعد قالتلو آآآآي جاياك خلاس ... وقليبا فـر وما رقد هابت عيونو قبال يقول ... شافت وشيهو عليهو جد حاج الخدر عارفاهو داك ؟؟ قالتلو آآآي ابو سند جانى الصباح طالب يديك ... داير نسب شيخ البلد وانا قلتلو مرحب بيك ... تعال يومين تلاتة تكون عقد راجل عظيم عندو القروش عندو الحرير راقد لبد وكمان كريم واخو رجال ماعونو فت يوم ما برد جرت الدموع من عينيها شوووو ... سكتت آبت تديهو رد خلاها قام زعلان لا سوا ولا كايس غرد وعند المغيرب تانى جاها ولمحاسن الحاج سرد داير يأسر فى قليبا ... والكان تقول تديهو رد وكتين غلب واحتار خلاس ... فسر سكوت البت رضا جاب زولو لـم الناس عقد المال مخمخم والحرير تحت الرجول مدوهو مد دق الدليب صحا العيون ... ما خلا فت مخلوق غمد وبقى البكان انوار تلوح ... نور الرتاين ما همد يوم الصفاح والناس تجوط ... وبالفرحة مقلوب البلد آمونة تبكى بكى السواد ... بدل الفرح جاها النكد وبـشــيـش قامت للمروق ... منسرقة ما حسابها حد كان الحبيب راقد حزين ... كم جــر للمسدار جبد وقفت قبالو بكت كتير ... لمن دميع العين جمد وقام جاها بشوقو الكتير ... وقليبو من حبها اتفرد قالتلو : ما بي يدى شئ ... ديل ناس ابويا وآبو سند اتلمو سوهو الكلام ... وانا لا رديت لا جبت رد داك عندو مالا" مو قليل ... ابويا شاف المال سجد ادانى للراجل العجوز المن عروقو الدم شرد قايلنى بسعد بالقروش ... ولا المراح الفات ورد لكن محال اسعد بلاك ... وتانى السماء الاتهــد هــد بديك قلبى وروحى ديل ... وهناك اعيش صورة وجسد اتراجعت دارت تصد ... وجيها تانى رجع رقد ومسكت دريبا" مو غريب ... كم بيهو صف بنوت ورد قاصدة البحر دارت تموت ... لا عيشة لا هم لا نكد اترددت وقفت كتير ... لمن قليبا خلاس صمد شافت مسار النيل حزين ... حتى النخيل حزنان خمد وبـشـيـش فكفكت الحرير ... لا زينة لا ربيط عقد ما دام حياتها بقت دموع ... وقليبا من زولو اتفرد قالت اخير ارتاح خلاس ... ارسى شقايا يلقالو حد وفى لحظة موج النيل علا ... وفى جوفو غابت للابد وفى جوفو غابت للابد .

Quote: يا عبدو إنت مع معانا وللاَ مع الخيانة

Quote: الأخ عصام أولا أرجو أن تتقبلوا اعتذاري عن انقطاعي الذي دام طويلا، والذي كان السبب من ورائه هو انشغالي الشديد وانتقالي للعمل الى شركة غير التي كنت أعمل بها، وطبيعة العمل بالشركة الجديدة تجعلني منشغلا دائما و أزور أسرتي كل نهاية أسبوع وذلك لبعد المسافة بين مكان عملي و مدينة أبوظبي حيث تقيم أسرتي، المهم انني أرجو المعذرة رغم ان المدام ما مقصرة وتمثلنا خير تمثيل. أرجو أن تصل التعازي عبركم الى كل الأخوان الذين فقدوا أحباء لهم في فترة انقطاعي، وكذلكم أثمن و أشد على أيدي الذين كانوا وراء الملتقى الزقازيقي بالخرطوم، و الحق يقال انه جهد يشكرون عليه و ان كان مجرد الشكر لا يكفي للتعبير عن مدى امتناني لهم، ولقد أخرجتني تلك الصور وما تبعها من مداخلات من قوقعتي و دفعتني دفعا الى أن أرفع رأسي من بين الورق المكدس على طاولتي و أستقطع وقتا هو الأثمن بمقياسي من الذي استقطع منه لأسجل حضورا وأوقع امتنانا وأحيي عبركم كل الأخوان و الأخوات المهاجرين منهم و المرابطين وأشكر كل الذين ذكروا اسمي في مداخلاتهم رغم طول فترة الانقطاع و أقول لهم فان كنا ما زلنا في قلوبكم فأنتم أيضا ما زلتم في قلبي تنيرونه بشعاع كشعاع الشمس أو أشد وميضا. لكم مني التحيات الطيبات. ودمتم سالمين الرشيد بابكر

(عدل بواسطة حيدر حسن ميرغني on 05-18-2007, 09:31 AM)