الردحي..والرداحات مرة أخري

الردحي..والرداحات مرة أخري
الردحى لمن لا يعرفونه هو طريقه من الطرق الكثيره التى تستخدمها النسوان فى حروبهن ونزاعاتهن وهى طريقه تعتمد اساسا على استخدام فنون اللغه من سجع وطباق ومقابله لاعطاء الكلمات معنى اكثر قوه ....... وهذه الكلمات بدورها منتقاة بعناية من قبل الرداحه لتؤكد علو مكانتها أو لتحط من قدر اخرى وهو ما يجعله ضربا من ضروب الفنون تشتهر به الرداحات ويتميزن به عن باقى النسوان ( البجم) اللاتى لا يستطعن الدفاع عن انفسهن . وللحقيقة وخلال تجوالى فى العديد من البلدان عربها وعجمها لم اجد شعبا له هذه الممارسه او ال (flow ) او حتى مثلها من حيث ال (free style ) ماعدا فى مصر فهى موجوده ولكن ليست بنفس الجوده. وأذكر فيما أذكر قديما انه كانت تسكن فى حى قريب من حينا (رداحه) من فطاحل الرداحات وفوق كونها كذلك فقد كانت ضخمة الجثه سميكة الجلد وافرة اللحم والشحم كبيرة العظم واسعة الحلقوم كبيره البلعوم لها جنازير صوتيه بدلا عن الحبال الصوتيه. كانت هذه المرأه (فتوة) النساء فى ذلك الحى لذا فكثيرا ما كانت النسوه يلجأن اليها لتأخذ بثأرهن بيد انها كثيرا ما كانت تنفجر اذا شاغلتها احداهن بكبر حجمها ف(تغز) احدى يديها فى وسطها والاخرى ملوحه بالمفراكه فتردح مفتخره : · ماتقيفى فى الزلط وتتكلمى غلط · الكهرباء فى السلوك والطماطم فى السوق ........... ما بنرفع الحاجب وبنقوم بالواجب · نحن نحمد الله الغدء ضأن والتحلية برتكان .... العشاء حمام والتحلية شمام .... مليانييييييييييييييييين يا انتى لا كوع يقد الوساده ولا ساق يضبح الجداده .... نحن تربية بيت وفرش موكيت · هيييييييييييييييييييييها اسمعينى انتى يا التبش البقى يمش يا ابره مصديه تحت الحيطه مرميه · حليلكم انتو يا ناس الاشلاق يا الماسمعتو بالسيريلاك نبببببببببببببببره ونستبره وما نسكن جبره · بشششششششتنه والناس ممتحنه .... . اوع من كدا والدنيا شتاء ...... هييييييييييييى لا كرعينا رقاق ول ا مولودين فى زقاق اولاد عواااااااااايل وعندنا فايل ولدونا فى الامتداد وحبينا فى البلاط · نحححححححمدو ... البنريدو بنولع ليهو اللمبه والمابنريدو بنحرش ليهو الكلبه ... عشان كدى اعملى (لاين) واقيفى (بهايند) وافهميها اعملى شخيط واقيفى بعيد يا ترا ترا شبه اللستك الوراء سجم وكمان عدم فهم · هيييييييييييييييييييييي وتااااااااانى هيييييييي وتانى وتاااااانى هييييييي ماتكبى الريحه وتعملى تفتيحه وتخلينا نقيف ليك فى طرف الملعقه ونوريك الصعلقه ... كان جبل طلعنا وكان عسل لحسنا و هوووووووووى تنبزينى انا ياكرور ياوسخ الخور يا تربيزة الجزاره يا اللامه الوسخ والزفاره بطااااطس ومستوى غاااااااااطس هييييييييييييييييييييييييييييي اخير ليك فتحى عينك قدر الريال وخلى اضانك قدر العقال ... ما تخلينى ادق الصفايح وأطلع الفضايح يامره يا مجنونه ياشبه حجر الطاحونه يا الليمونه وعامله فرعونه .... هيييييييييييييييييييييييي غادى غادى الجزام بعادى .... يا الككويه يا ام جضوما مويه ... الشمس ضربتك والرجال أبتك.. هيييييييييييي وتاني هيييييييييييي (ردحي صاح) نسمع ونشوف‎ من موقع http://hosh.6forum.biz/montada-f12/topic-t57.htm (عدل بواسطة Seif Elyazal Burae on 01-07-2009, 03:03 AM)

01-07-2009, 03:07 AM

Seif Elyazal Burae

تاريخ التسجيل: 01-14-2008
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: الردحي..والرداحات مرة أخري (Re: Seif Elyazal Burae)
التانية شمارنا حار وشطتنا نار دقاقات بابنا وأكالات كبابنا هيييييييييييييييييييييييييييييييييييييي نسينا سيرتكم ورمينا طوبتكم الريحة كارينا والعربية كورتينا هيييييييييييييييييييييييييييييييييييييي الشعر مضفر والوش محفر مشاطة وجندبة نطاطة دا خشم لكوم وللا كداد دوم هيييييييييييييييييييييييييييييييييييييييي راجلك ضابط نشان وللا ضابط ضبان عجور وكشفنا الدور هييييييييييييييييييييييييييييييييييييييي الحنكوشات سوزي وانجيلا زميلات ام حقين في الكلية جن معاها البلد ماشات في الشارع سوزي قالت ده صوت شنو ؟ ام حقين قالت لها ده ردحي في حوش ناس النعمة دا شيتن مابتعرفنو انجيلا:- شنو شيتن يعني؟ سوزي النمشي نشوف ام حقين:- كان مشيتن النسون بي يبشتننكن انجيلا:- شيتن ،يبشتكنكن دي لغات شنو يا ام حقين ام حقين :- خلاص امشاكن شوفن براكن هيييييييييييييييييييييييييييييييييييييييي ام النصر:- يانسوان مالو ردحيكن برد ؟ اريتكن نسوان التاباني العالية:- يالضهبانة يالغبيانة ماك شايفة الحنكوشات المهبوشات داخلات علينا العالية:- وهن مالن ومال الردحي بنات ميرسي ويشربن الببسي انجيلا:- ياي ياي بنات عز ومرضعات بالبز قنابل في محطة البلابل ياي حبينا في البلاط وقرينا في الراهبات ياي ياماما سوزي:- ياي بنلعب الويستي ونرقص تويستي نطقطق اللبان ونبخبخ الدخان ياي وياي حلاوتنا شكولاتة وعصيرنا بالخلاطة ياي ياانجيلا حلقي وجعني انجيلا:- انا ذاتي صوتي راح بت الساده:- هووي ياللوينات و وشيشاتكن ملونات ياالحناكيش وجع الفشافيش مياعة وموية بلاعة سوزي :- ياي منو تقصدي بت السادة:- الكلام ليك يالمنططة عينيك انتن مالكن بالردحي يللاامرقن برا العاجبة:- بالراحة عليهن شوفيهن الواحدة تبشة ومابتحمل الهبشة سوزي :- يامتخلفات دا اسمو ميك اب لزوم النيو لوك انجيلا:- احسن نمشي من الشرانيات ديل ام حقين :- ياها البشتنة القلتها ليكن ام حقين والحنكوشات مرقن والردحي سخن تاني شراكم قطاعي وركوبكم النقل الجماعي رغيفا حارهيييييى ياخسارة قرشو كتار هييييي ياخسارة حار ولين هييييي ياخسارة ومابتدين هيييييببيي ياخسارة بالنهار تسبحي وبالليل تضبحي وهيييييييييييييييييييييييييييييييييييي البوز المابيعرف الموز تنقنق وعضاما تطقطق الزوانة العجوزة قالت:_ يانشوان كدي ادنها صنة تورتن نفسنا انتن تتجازن ست النفر:- يالزوانة نسيتي زمانك ايام كنتي رداحة وللنيران قداحة اظنك خرمانة لي سفة الزوانة:- صح يا ست النفر مانشيتو كدي خلني اختلي شفة هيييييييييييييييييييييييييييييي وهوووووووووووووووووووووي النعمة:- هوووى يانسوان كفاكن ردحي اتسامحن واتعافن وامشن ادخنن وادلكن وشوفن رجالكن وولادكن الزوانة:- الله يرحمك يابو الحشن هييييييييي والليلة هييييييييييييييييي من موقع: http://www.sudanforum.net/showthread.php?p=141134

01-07-2009, 04:43 AM

Omayma Alfargony

Omayma Alfargony
تاريخ التسجيل: 09-01-2004
مجموع المشاركات: 1434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: الردحي..والرداحات مرة أخري (Re: Seif Elyazal Burae)
Seif Elyazal Burae مبالغــــــــــــــــــــــــــــــة لكن. ده حدي,,,, .

01-07-2009, 06:29 AM

محمد سنى دفع الله

محمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: الردحي..والرداحات مرة أخري (Re: Omayma Alfargony)
تعود الروح للموقع بعودتك سيف اليزل عامك سعيد ودنيتك اجمل متعنا متعك الرحمن سعادة وعمر مديد دام صفانا

01-07-2009, 07:33 PM

Seif Elyazal Burae

تاريخ التسجيل: 01-14-2008
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: الردحي..والرداحات مرة أخري (Re: محمد سنى دفع الله)
ود السني ياخي كل سنة وانت طيب ايضا هلتك بالدنيا علينا في البوست والموقع مزدان بيكم من الاصل دمت يا رائع مودتي سيف اليزل برعي

01-07-2009, 07:31 PM

Seif Elyazal Burae

تاريخ التسجيل: 01-14-2008
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: الردحي..والرداحات مرة أخري (Re: Omayma Alfargony)
بت الفرجوني مشكورة علي المرور,والردحي من صميم العادات السودانية عند النساء وهو شئ لا يمكن تجاهله. اظن يا اميمة لمحتك في اغسطس 2006 في حفل ابوعركي في دار الاوبرا المصرية,وكنت في طريقي لديار الغربة واكرر اعجابي باسرتكم الفنية إنهم حقا اولاد شيوخ العرب. مودتي سيف اليزل

01-07-2009, 11:33 PM

خدر

خدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: الردحي..والرداحات مرة أخري (Re: Seif Elyazal Burae)

سيف اليزل سلامات و شكرا علي البوست الخفيف

Quote: والردحي من صميم العادات السودانية عند النساء وهو شئ لا يمكن تجاهله.

دي بالغت فيها.. الكلام ده ما صحيح طبعا

01-08-2009, 05:54 PM

Seif Elyazal Burae

تاريخ التسجيل: 01-14-2008
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: الردحي..والرداحات مرة أخري (Re: خدر)
الاخ خدر شكرا علي المرور والتصحيح الردحي حاجة كده بتفش غبينة الرادحة وأنا في انتظار ردحات جديدة توثيقا للردح من اعضاء المنبر مودتي سيف اليزل

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]