تحياتي،،، اليوم ما كنت عايز اكتب ولا اعمل اي حاجة للحالة التي امر بها اليوم وهي لحزني لمغادر اخ عزيز علينا وصديق وفي لمدينة الرياض مغادرة نهائية الى ارض الوطن فعوداً محموداً ان شاء الله وهو فضل مصطفي احمد صغيرون. لم تكن هناك سابق معرفة ولا اي علاقة ولكن هذه الشبكة العنكبوتية التي قربت كل بعيد وعرفتنا باشياء لم نكن نعرفها. اليوم التقيت بالاخ ود قاسم في محل في الرياض بقرب عملنا دون سابق معرفة او ميعاد للوهلة الاولي التي نظرت اليه فيها عرفته كما لو كان هناك سابق معرفة تقدمت نحوه وسلمت عليه وجلست امامه وقلت ليه انا مشبهك، قال وين قلت ليه في الانترنت قال سودانيزولاين قلتليه ايوه ود قاسم قالي نعم وتعارفنا وعرفت انه من معتوق ومعتوق هذه تربطها علاقة مع القطينة غريبة لانو بها مجموعة من ناس القطينة تجارهناك فكان لقاء سريع. ولكن اكشفت انه شخصية مرحه باسمة هادئاً.. مثقفاً.. راقياً ..فجدت سعدت جداً بهذا اللقاء ولكنه لفت نظري الى شئ مهم اتمنا منا جميعاً ان نسلكه وهو ان نضع صورة لنا فاليوم ققررت ان انزل صورتي في الملف بتاعي. مع خالص ودي مجدي السيال
06-15-2005, 07:03 AM
ودقاسم ودقاسم
تاريخ التسجيل: 07-07-2003
مجموع المشاركات: 11146
الحبيب القريب أبوقوتة تحايا بعمق امتداد بحر ابيض وعمق التقائه بالجزيرة ،،، نعم التقيت الأخ مجدي ، والتهمناالسندويتشات معا، ولم يتردد مجدي مطلقا في التعرّف عليّ ، وفي جلسة قصيرة جدا مررنا على حكايات وحكايات ،،، معتوق والقطينة ، ناس ودكورينا ، وعلي محمد علي والباشاب ، وناس ود مكة وناس أبوسن ،،، ويا زووول ، كانت كبسولة ونسة مركّزة ،،، التحية والشكر العميق للأخ مجدي ، وياليت كل من نلتقيهم يكونون بأريحية مجدي ... وليت مجدي ينضم إلى سودانيزأون لاين ليكون زميلا دائما هنا ...
06-15-2005, 09:51 AM
abuguta abuguta
تاريخ التسجيل: 04-20-2003
مجموع المشاركات: 8276
ياخال سلام مجدى دا طبعا فردة ...لازم نتقابل فى اليوم.كم مرة..ويوم الجمعة ..نتقابل فى الصلاة ومارقين من الصلاة وفى تمرين خان شليلة.قدام مستشفى الايمام ..لكن انا من كسرت رجلى فضلت كنبة المتفرجين بالمساء فى بيت فضل او جمعية اولاد القطينة او اولاد ابقوتة...ومرات اقابله وانا طالع من الدوام....ممكن تعمل ليه عضوية....انا بثنيك..زلكن انت ما داير تثنية...لكن القانون قانون عشان نحن اولاد جزيرة. عندنا الاصول اصول...شفت بتنا مرة الريس..كان ممكن الجماعة يدفروها.ب 25 وتدخل العشرة الاوائل..لكن ..المرة كاهلية قالت عاوزة حقها بس...عشان بت جزيرة.. خالص تحياتى لك تعال تسوق فى العقارية..كمان .جنب ناس مجدى ما فى شىء غير حراج الكوبيوتر...وبقالة معتصم...المصاقرها عمر الفاروق وقاعد فى اللستج..لما يجى من منفوحة.عشان حسان سيدتى..البجن عشان الملابس المعلقة من زمن انا جديد..البتشبه عواجيز الخواجات.. ولقدام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abuguta
ودقاسم
فيس بوك
تويتر
انستقرام
يوتيوب
بنتيريست