موش قلنا لكم الانترنت دا قاعد في السهلة ساي؟

Quote: أبداً وحاتك يا دينا، الاختفاءة ديك كانت نظام فَتَر نفسي وزهج ومرض كدا، والبكتب فيهو هسّع دا، وليد اللحظة، وإلهام هذه الأيام وود البدوي. ولسَّع في مِنُّو راقد. الكلام الكنت بجمِّع فيهو بالسنين، لسّع ما نزّلتو، وهو مواد كوشرثيا قُحَّة، أو كما يقال في العربي البجيب ليك الصداع. لو لاحظتِ مداخلاتي فيها تعديلات راقدة، للنحو والإملاء، دا بلا إلهام ما ببقى علي {الشيخ الهميم} أو كما لقّبني ود البدوي، وأنا كفّنت الميتة دي. ولسع شايف هنّات عربي شوية كدا، وما فاضي ليها حالياً من الإلهام، العربي ملحوق كعب تطير الأفكار. الإلهام بيعمي الكاتب من الجانب التقني دا، بعد ما يروق الكاتب وتمر أزمان حتى يبدأ يقرأ ما أمامه من كتابة فعلاً، بدون تَلَبُّس إلهام وتَمْسَحَة وتُسوحِر. فيرى يا دووب العربي والنحو والإملاء والترقيم.. وإلخ

(عدل بواسطة محسن خالد on 06-16-2010, 08:15 PM)