|
|
|
 Re: قبل أن يجف الحلو مر (Re: ابو جهينة)
|
استاذنا ابو جهينة
في حاجات اخترعها ابو التعب الكبير ، لانه زمان بتذكر عمل الحلومر في السودان ده كان عملية توازي اقتحام بغداد ، لكن برضو يتبقى جمال الحلو مر التقييل المركز والذي يجيد عمله حبش الديوم الشرقية
وما زالت للاشياء السودانية عبقها وجمالها رغم دخول جماعة ايف سان لوران وديور والعطور الفخمة الاخرى ، ولسه السودانيات يجتهدوا بكل قوتهم لانتاج افضل انواع الخمرات والروائح البديعة ذات المسميات المبتكرة.
لكن التركين برضو اخير من الكول والويكاب رغم اني ما اكلتهم ولا حاكلهم لكن يظل تركينا جميل وجذاب بعذاب ( ما يجونا ناس اهل العوض بعاكاكيزهم )
بالمناسبة الفسيخ طبعا حسه بقى بيتصدر في شكل بودرة سهلة التحضير
يعني كلو ماشي في طريقه لتسهيل التحضير
عندنا التركين بقى بيتصدر من الخرطوم للبلد ولقدام
| |
 
|
|
|
|
|
|
|
|
Re: قبل أن يجف الحلو مر (Re: maia)
|
عزيزتي مايا
تحياتي
بدأتْ هجرة الأكلات العكسية
فالتركين من الخرطوم للبلد في الشمال بعد أن هجرها أهلها و سكنوا الخرطوم
تناقضات يا مايا غريبة بقت تحصل في السودان
أنا خايف بكرة البلح كمان يقوم في الخرطوم و نشحنو لناس البلد
تسلمي
| |
|
|
|
|
|
|
|
|
|
Re: قبل أن يجف الحلو مر (Re: ابو جهينة)
|
ابا جهينة
كيف احوالك يارجل..كلامك ده مهم جدا الاجيال الجديده دى اجيال الكاتشاب والبيرقر ماشغاله بهذه الامور وفى حاجات كتيره جدا بتمر بمرحلة الاحتضار ياريت يتم حصره..بس ماتنسوا المشاريب ومنها الشربوت والبقنيه والدكاى والمريسه ولغاية هنا ونفرمل....
| |
|
|
|
|
|
|
|
|
|
Re: قبل أن يجف الحلو مر (Re: البعيو)
|
البعيو الحبيب
تحياتي أيها الرجل العزيز
المشاريب الخفيفة كالشربوت و ماجرى جريها و هرول هرولتها ،، يحفظ شاربوها مقادير صنعها عن ظهر قلب ،، أما موائدنا السوداني فهناك خوف حقيقي على إندثارها و سيحل محلها قائمة طويلة ،، لذا لا بد من تجديدها بحيث تنافس الجديد و لكن بنكهة القديم
تسلم البعيو
| |
|
|
|
|
|
|
|
|
 Re: قبل أن يجف الحلو مر (Re: ابو جهينة)
|
العزيز أبو جهينة
يسميه أهلي الدكاي ، وفي عموم السودان الشربوت
وذكر المتخصصون أن هنالك فرق جوهري بين الإثنين
وعندي كلاهما يهضم اللحوم..ويفرج الهموم..
تركين وفي رواية أخري ملوحة وهو إبداع لا بعده
رغم كيد الأعداء حيث سألوا إن كان هذا ما تأكلون فماذا تشخوون
وحبذا لوكان غير مطبوخ بصلصة ،يسخن الماء ويذاب فيه عصار السمك
المملوح ويبهّر ثم قبل إنزاله من الموقد تقطع فيه بصلة، وحرف قراصة في قدحا من دبكر
شرموط وليس للإسم هنا دلالات شوهاء كما هو عند أل بمبا، نوعان
أبيضه وهو من غير صلصة وتفرم له بصلاته وأحمره حيث تحمر البصلة وتدق
وأجمله ما أكل بالقراصة حيث أن اللقمة لا تلاك وتبلع وفي هذا نوع من الجشع الكيزاني في منظوري كما أنها لا تسند طويلا
تحياتي أنا المحروم من كل هذه الفنون
| |
|
|
|
|
|
|
|
|
|
Re: قبل أن يجف الحلو مر (Re: aba)
|
عزيزي خالد
أما هذه :
( وحبذا لوكان غير مطبوخ بصلصة ،يسخن الماء ويذاب فيه عصار السمك
المملوح ويبهّر ثم قبل إنزاله من الموقد تقطع فيه بصلة، وحرف قراصة في قدحا من دبكر )
فقد أسالت اللعاب أيما إسالة ،، و صرت أنظر للشمس متوسلا مغيبها حتى نزدرد القراصة و توابعها
أما الدكاى ،، فلنا له عودة بعد الفطور ،، اللهم إني صائم
تصوم و تفطر على خير يا خالد و قلوبنا معك
تسلم
| |
|
|
|
|
|
|
|
|
 Re: قبل أن يجف الحلو مر (Re: ابو جهينة)
|
Quote: والله يا بختكم يا أبو جهينة انتو لقيتو زول رسل ليكم الحاجات دي نحن والله السنة دي فتحو لينا عديل والله حتى التجاري ما لقيناهو عشان كدا لجأنا لطرق آخرى للحصول على الحلو مر وغيره من ملحقات رمضان المهمة حتى آبري غبيرة التجاري التعبان دا ما خليناهو لكن بس موية مطره بلا مطره الله يصيرنا لي رمضان الجاي والجايت اكثر بس قبل كدا نسأل الكريم بوجهه العظيم ان يبلغنا رمضان القادم كما بلغنا رمضان هذا وبالله التوفيق ولنا عودة قبل العيد انشاء الله
ود العمدة / وليد
--------------------------------------------------------------------------------
الوالي / وليد ود حي العمدة
(عدل بواسطة waleedi399 on 19-11-2003, 01:19 PM
|
الاخ ابوجهينة
لقد وجدت هذا الرد من اخى البرلومwaleedi399
فى بوست القنصل السودانى بلبنان :انتوا الجابكم البلد دي شنو ؟
شفت جنس الدوشه دى
لى عودة فى ما يخص الكجيك
| |
|
|
|
|
|
|
|
|
|
Re: قبل أن يجف الحلو مر (Re: ابو جهينة)
|
ابو جهينه سلام عليك
الجوع بعمل اكتر من كدا
امبارح نحنا و دوما وتماضر لقينا بوست الباميه ووقعنا فيهو وصف
و انا قلت فيهو انو جارتي هنا بتعمل الشرموط من لحم الغزال طبعا انت عارف بتسبرج لو لزوك تقع في غزاله
و بلا فخر كل الحاجات التقليديه الانت قلتها دي انا بعرف طرق عمايلها
انا حريصه جدا ما افقد هويتي السودانيه
الا التركين دا ما بعرف ليهو عشان ما واقع في منطقتنا الجغرافيه
و كمان ما بعرف اعوس الكسره لكن وحاه خوتك مساله وكت بس و حا اتعلمها
بالنسبه لي الخمره بى ضم الخاء
الحاجه عندها خمره من زمن الزواج
معتقه بي صوره لايمكن لي العقل تصورها لو اتفتحت تاكد انو البيت ولي مده 3 ايام بفضل معبق
غايتو الاخترع الخمره دي بالغ
| |
|
|
|
|
|
|
|
|
|
Re: قبل أن يجف الحلو مر (Re: ابو جهينة)
|
الحبيب شديد
ابوجهينة
اولاً....هنالك بعض من اقتراحاتك قد راءت النور...فمثلاً الخُمرة اصبحت تباع كعطر فى شكل بخاخ وكذلك بخور الصندل والدلكة ككريم وتانى باقى الحاجات دى ..قدر رايتها بام عينى..وهذا العمل تقوم به شركات التاج محل وليهم هنا فى المانيا خبير المانى متخصص فى التغليف والتعبئة وتطوير المنتجات والحق يقال اصبح كل شئ معلب ومظرف بطريقة راقية وجميلة حتى الحنة والمحلبية تم تطويرها مع كثير من الاشياء
اما باقى اقتراحاتك التانية ناس Tarkeen وتانى شنو Rap Eat دا كلام جميل لكن يبقى لى بى تحت مرة مرة انت بتركب مع اخوى سجيمان الفيلة
وتسلم
| |
|
|
|
|
|
|
|
|
|
Re: قبل أن يجف الحلو مر (Re: Tumadir)
|
الشايقي
كل سنة و إنت طيب
عجين القراصة بقو يخمروه يا الشايقي
القراصة بعد تخمير عجينتها بالروب أو الزبادي ،، بتبقى حاجة كدة زى البسبوسة
حسب إتحاد العواسات السودانيات فإن القراصة بدون تخمير تكون سماكتها كحد أدنى بوصة و نص
أما رابطة العواسات بالخليج فإن القراصة تكون ربع بوصة كحد أدنى نظرا للدقيق و نوعيته و نظرا للطاوة التي تمسك القراصة في قعرها ملتصقا بحميمية و سبق الإصرار
لذا فقد تم إضافة هذه التخميرات
غايتو يا الشايقي ،، أنا أدعوك لقراصة بالويكة و حتكون مخمرة ،، عزومة جد جد ماها عزومة مراكبية ولا كشكرة ،، قول لينا إنت وين و حتصلك
تسلم شايقينا العزيز
| |
|
|
|
|
|
|
|
|
|
Re: قبل أن يجف الحلو مر (Re: ابو جهينة)
|
الأخت راوية
كل سنة و إنت طيبة
أما زالت الغزلان تسرح و تمرح في تلك المدينة الرائعة ؟
التركين عمله ساهل و لكنه ممل و عاوز صبر أكثر من الصبر بتاع بل الآبري
سوف أرسل لك المقادير و المكونات بالماسنجر
سؤال : الخمرة : المخترع رجل أم إمرأة ؟
تسلمي
| |
|
|
|
|
|
|
|
|
|
Re: قبل أن يجف الحلو مر (Re: ابو جهينة)
|
أي العزيز عثمان حمد
كل سنة و إنت طيب
التركيبات كلها التي في السوق لا ترقى إلى الأيدي المباركة التي كانت تتقنها في البيت
هل أيضا عملوا الدلكة بالطريقة التي إقترحتها ؟
غايتو أنا عاوز شركاء معي ،، الأبحاث جاهزة و باقي رؤوس الأموال
تسلم
| |
|
|
|
|
|
|
|
|
|
Re: قبل أن يجف الحلو مر (Re: ابو جهينة)
|
الأخت تماضر
كل سنة و إنت طيبة
مادام جيتي و لقيتينا
إيه رأيك تدخلي معاى شراكة في الشركات لعمل الحاجات دي ؟
يلا طلعي الدولارات من تحت البلاطة و إتوكلي على الله
تسلمي
| |
|
|
|
|
|
|
|
|
|
Re: قبل أن يجف الحلو مر (Re: ابو جهينة)
|
والله يا ابو جهينة فكرة جادة جدا جدا
وكان المفروض لو في رجال اعمال بفكروا ولو في دولة
بتعمل عشان مصلحة بلدها كان زمان الافكار دي اتنفذت
وكنا غزينا العالم حقيقة .
بدل نصدر الثورة الاسلامية علي طريقة احلام زعيط كنا صدرنا
الابري والقنقليز والخمرة والكركار الخ
| |
|
|
|
|
|
|
|
|
|
Re: قبل أن يجف الحلو مر (Re: Agab Alfaya)
|
أخي الأستاذ الباحث عجب الفايا
كل سنة و إنت طيب و بألف خير
و الله رغم أنني أنزلت البوست و خلطته ببعض الهزل ،، إلا أنني جاد في مسألة التوثيق و حفظه ،، لأن هذه الأشياء التي إبتكرها أجدادنا و حبوباتنا ليس بالشيء السهل
هلا ساعدتنا في ذلك ؟
تسلم
| |
|
|
|
|
|
|
|
|
|
Re: قبل أن يجف الحلو مر (Re: ابو جهينة)
|
الأخ الرائع أبو جهينة
أعتب عليك أخي على عنوان المقال فالحلو مر لا يمكن أن يجف أو أن ينضب حتى بل إذا دعت الضرورة فيجب أن ينشف ويكنكش لذلك وجب عليك تغيير العنوان إن كان ذلك ممكناً ليصبح حتى لا ينشف الحلو مر.
التوثيق شئ مطلوب وبخاصة في عالم أصبحت سمته الأساسية السرعة ، الموضوع شيق وقيم وما زاده حلاوة رشاقة قلمك التي تجبرني عادة على قراءة المقال مرارا وتكرارا. لا شك أنني أخشي على هذا الإرث القيم من الإندثار وأن يذهب أدراج الرياح وأن تضيع سر خلطته السرية مع إنقراض آخر جيل العملاقات أمد الله في عمرهن ومتعهن بالصحة والعافية. أنا مع التطوير لا التغيير ، لأنني أعتبر كل تغيير إيجابي هو شكل من أشكال التطوير المطلوبة والمرغوبة وما عدا ذلك لا وألف لا من وجهة نظري المتواضعة.
المغترب والمهاجر هو أكثر الناس تعلقاً بمثل هذه الأمور وشوقاً إليها تعيد إليه شيئاً من الذكريات الجميلة ، وعندما تصلك كرتونة حلو مر أو حزمة حطب شاف أو طلح أو كمية من أكياس الويكة أو الشمار أو دقة القونقوليس أو التبلدي أو جركانة من زيت السمسم أو الفسيخ يعتبر البعض مثل هذه الأشياء ضرورة لندرتها في بلاد الغربة ودول المهجر ويعتبرها البعض لازمة لأنها تذكرك بمكانتك عند أهلك وفريق آخر يرى فيها كيد عظيم يتمثل في أنها الوجه الآخر للتجارة البكماء أو الون تو ، فما أن تصلك إرسالية من هذه الأشياء إلا وتضع في حسبانك أن ترد الصاع صاعين وليس الجزاء من جنس العمل في هذه الحالة فإذا جاءك كركدي يمكن أن ترسل تي شيرت وإذا إستلمت كيس ويكه يمكن أن ترسل شال أما إذا إستلمت فسيخ وكمية من الليمون معه فأنت مطالب على أقل تقدير بإرسال جهاز تلفزيون ملون وعطر وتوب وساعة وبعض الدولارات.
| |
|
|
|
|
|
|
|
|
|
Re: قبل أن يجف الحلو مر (Re: almulaomar)
|
عزيزي و صديقي الصدوق الوقور الملاعمر
كل سنة و إنت طيب و بألف خير
سعدت جدا لمداخلتك القيمة الراقية ،، و أهتم بصدق و مثابرة بتوثيق كل هذه الأشياء و غيرها و بعونكم إن شاء الله سيتم بنجاح.
قلت لى كل حاجة من هناك تعادل حاجة من هنا ؟
كان كدة أخوك ورطان ،، لأنو سمعت إنهم رسلوا لينا فول سوداني و قنقليز و نبق و قرض و حرجل و كركدي
صحيح لسع ما إستلمناهم ،، لكن بعد كلامك دة حأعمل نايم و ما حأمشي لإستلامها
أرقد عافية
| |
|
|
|
|
|
|
| |
ابو جهينة
إسماعيل وراق
aba
Al-Shaygi
almohndis
Rawia
Osman Hamad
Tumadir
Agab Alfaya
فيس بوك
تويتر
انستقرام
يوتيوب
بنتيريست