|
|
|
 Re: سلمى الشيخ سلامة.. سلامتك (Re: khatab)
|
خطاب الحبيب
تانى ما بعمل كده
كان معاى هيبة العميرى فى التلفون
وقام اتجرس وانا اشيل واسخر من الفكرة
وهو متجرس
انتى كويسة ؟
هسى ما بتكلم معاك ؟
ياخ قلقت عليك شديد
ما تعملى حركة زى دى تانى
(دى جملة متفق عليها مش ؟)
طبعا اكتشفت انه محمد عركى البخيت (سربوع عظيم )
قام ضرب لى تلفون وهو قارى البوست
قال لى
ـ ماما سلمى قلتى لى جانا قلب سنونو صفر ؟
لكم حبى بما لايقاس
| |
 
|
|
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
سلمى سلامه الف سلامه ونحن كرامه
مش زمان نحن لما كنا صغار (ياربى صاح كنا صغار)
مش كنا بنقول اولى بريه وتانيه بريه وتالته ورابعه فى العمليه..
هسه بعد كبرنا حا نقول سلمى بريه وسلمى بريه..
ودينق ودكين فى الظابطيه...
كفايه عليهم..
سلمى الف حمدا على السلامه،،،
| |
|
|
|
|
|
|
|
|
|
Re: سلمى الشيخ سلامة.. سلامتك (Re: صديق الموج)
|
صديق ياموج
ازيك ود امى
هسى داير ترجعنا المدرسة تانى ؟
انقر ما رغبة اولى ارجع المدرسة تانى ؟
امس فى الغدا كنت بقول لعزة عن مرحلة الابتدائى والدفسة حقت الفطور
والحاجة البتبيع لينا الفطور
ولمن نقع فى بعض
ياخ ايام حلوة وما بترجع
بعدين اولى برية وشنو ماعارفة الكتبتها دى كنا بنقولا
كنت قايلاها مسالة (جندرية نسوية )
اتارينا شدة ما كنا متوافقين لمن العابنا واحدة قادر الله
واخر حاجة
صديق ود امى دينق ودكين ديل زملانا ياخ
مالك عليهم
ولا حكمت القافية
لكم اجمعين مودتى
| |
|
|
|
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
الأُسْتَاذةُ / سَلْمَى سلامة ..
أجرٌ وعافيةٌ إنْ شاء الله ..
فمُعَافاتُكِ مُعافاةٌ للوفاءِ
والحرفِ الشفيف ..
وكَفَّارةٌ لكِ مِنْ هذهِ العِلَّةِ التي
خَرَجَتْ بِكِ عَنْ حَدِّ
صَحَّتِكِ ،
وأسألُ ربِّي أنْ يُزَيِّنُكِ
دَوْمَاً برداءِ العافيةِ وأثْوابِ
الحُبُورْ ..
" وواللهِ لَوْ عَلِمْتُ لكِ رَقمَ
اتِّصَالٍ لاتَّصَلْتُ " ..
احترامي ...
أخوك / مُحَمَّد زين …
| |
|
|
|
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
سلوم الخاتية اللوم حبيبه الف الف سلامة عليك
وانشالله زول بعرفو براى مالك حبيبه تبرى انتى وتستبرى بت امى
المرض خاتى والله
انشالله بتصل بيك الليله تســلمى مــن كل شـــر ...
| |
|
|
|
|
|
|
|
|
 Re: سلمى الشيخ سلامة.. سلامتك (Re: سلمى الشيخ سلامة)
|
الأخت الفاضلة سلمة بت الشيخ
وافر التحية والتقدير والاحترام .
سلامااااات وما تشوفي شر إنشاء الله ، اجر وعافية وزكاة للجسم ولا بأس طهور إنشاء الله . دي عين ما صلت على النبي .
سلامتك وعادل جبارة وهاشم خلف الله وود الموج كرامتك ( كفاية ولا نزيدهم ليك ). 
حمد لله على السلامة ... وليك وحشة .. والمنبر منور بيك سيدتي ..
مودتي
عماد
| |
|
|
|
|
|
|
|
|
|
Re: سلمى الشيخ سلامة.. سلامتك (Re: عماد محمود علي)
|
العزيز عماد
سلامتك وعادل جبارة وهاشم خلف الله وود الموج كرامتك ( كفاية ولا نزيدهم ليك ).
لا ياخ انا كرامتى حب الناس وهم اكتر ناس بحبونى
القلتهم ديل
يعنى كان كرمت بيهم ما حقى راح
مش ؟
تسلم ود امى
| |
|
|
|
|
|
|
|
|
|
Re: سلمى الشيخ سلامة.. سلامتك (Re: ناهد بشير الطيب)
|
العزيزة ناهد بشير
تسلمى
وفكرت فى الصدقة
لكن المشكلة انه مافى غيرى عشان اتصدق بيهو
هسى عليك الله الفاتورة حقت المستشفى دى ما اكبر صدقة ؟
لكن بسوى الكرامة بليلة كاربة وبوديها الجامع
باذن الله
تسلمى ويسلم شبابك
| |
|
|
|
|
|
|
|
|
 Re: سلمى الشيخ سلامة.. سلامتك (Re: Abomihyar)
|
| Quote: دخلت إثرها لمستشفى جامعة أيوا لإجراء بعض الفحوصات الطبية.. |
والله ألف سلامة يا بت الشيخ ..
وان شاء الله الدقشك تدقشو طيارة...
وبعدين تعالي انت (أيوا ) دي الوداك ليها شنو ومن متين ؟؟
أنا أخر مرة شفتك كانت في مباني جمعية الابيض بالرياض ..
| |
|
|
|
|
|
|
|
|
|
Re: سلمى الشيخ سلامة.. سلامتك (Re: عبود عبد الرحيم)
|
عبود عبد الرحيم
يا غالى
انت من زمن الجمعية والابيض ؟
اخبارك قديمة
عارف لمن جيت مسافرة جونى ناس المنظمة نفسهم
وجابو لى شهادة قدر الضربة
معلقة هسى فى البيت
ياخ اخبارك قديمة
رجعت ايوا من يناير 2007
تسلم ويسلم عمرك
| |
|
|
|
|
|
|
|
|
|
Re: سلمى الشيخ سلامة.. سلامتك (Re: ترهاقا)
|
Quote: سلمى سلامتك..اعملى فحوصات
قوام , سريع وامرقى
كل حاجه ولا رقاد المستشفيات
|
وانا مع كلام خطاب الاول ده
كدى بطلى حركات .. وقومى عافية
والف سلامة ليكى
يا ست الكل
| |
|
|
|
|
|
|
|
|
|
Re: سلمى الشيخ سلامة.. سلامتك (Re: عصام عبد الحفيظ)
|
يا عصام عب حفيظ
اول حاجة ازيك
ومشتاقين واتضح انك يا مشغول يا متجاهل
مش اخر مرة فى التلفون اتفقنا انك ما حتنقطع مننا ؟
دى واحدة من حالات الاحباط السببتها
تانى ما تعمل كده
اتصل ياخ
وبالمناسبة امكن نتلاقى قريب كان الله هون
فى مكان ما فى هذا العالم
قبل ان نفارق هذا العالم الجميل
مشتاقين تانى
| |
|
|
|
|
|
|
|
|
|
Re: سلمى الشيخ سلامة.. سلامتك (Re: ترهاقا)
|
ترهاقا
يا فردة
وينك انت ؟
حقيقة ما حديد ولاحاجة طلعت حاجات غريبة يا حبة
الله يستر غايتو
ما وصلنا ارزل العمر بعد دا
فاضل لينا الحج
اخر كلام
يا زول مافى عوجة بالجد
الله يخليكم لينا
ويمرقنا من جنس البقينا فيهو
بالجد زرة محترمة
لكن اخوك حديد برضو مع كل الحصل
| |
|
|
|
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
أحياناً ...ينوء الجسم البشري (هذا المخلوق الضعيف ) عن حمل ما يذهب العقل المثقف الى الإيغال
فيه ..فتكون الحاجه الى الأستطباب ...
سلومه حبيبة الكل ..الف لابأس عليك ...
ميتين عافيه ... والف كفاره
| |
|
|
|
|
|
|
|
|
|
Re: سلمى الشيخ سلامة.. سلامتك (Re: عادل سهل)
|
احسك واشوفك نديانة ومليانة الفة ومحنة المسافات ما بتوقف الاحساسات والروعة. دائما اقرا لك باحترام كلماتك ترتب فينا معنى المسئوليه والضمير .دعوات ان تتعافى وتكونى بصحة وعافية
| |
|
|
|
|
|
|
|
|
|
Re: سلمى الشيخ سلامة.. سلامتك (Re: عادل سهل)
|
شيخ العرب عادل سهل
اخو الحبان من جم
يا ناس الزريبة حبابكم الف
وبشير سهل ما بنابى كلامه
نعمنو زولنا تب
اخر مرة قابلته السنه القبل الفاتت فى القضارف
لاقيت مدير مكتبه زميلنا مصطفى دراج فى محطة الباص
هجمنى ورجمنى
ـ سلمى الشيخ سلامة ؟
ـ مصطفى دراج ؟
وهاك يا جعيرة وسط السوق
سالته طوالى عن بشير وما كضب بشير جانى فى البيت
ومعاهو دراج
ناس خالتى بعد ما فات الهلولة والقيامة
الحلة كلها مرقت تشوف الوزير الجاهن
هيع صحبى الوزير
لكن كان يوم من اجمل الايام رغم انى كنت جاية من عزاء فى كسلا
لكن فتينا ليك الونسة حقت المعهد
وضحكنا لمن شرقنا
تحياتى ليهو وتسلم ود امى
| |
|
|
|
|
|
|
|
|
|
Re: سلمى الشيخ سلامة.. سلامتك (Re: صلاح شعيب)
|
صلاح شعيب
يا صديق الزمن الجميل
تسلم
لكن فاقداكم شديد
احساس الوحشة ضارب
خيمة مشدودة على اوتار القلب
لكنها بوجودكم تزول
اتمنى ان نلتقى قريبا
ثمة محاولة يقوم بها صديقى العليش لمسرحية كتبتها
هى على ابواب البروفات
ستكون دافعا لزيارتنا لكم
فترقبوها
مودتى
| |
|
|
|
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
سلوم ..
حلوة القصة الحكيتيها لي عجبتني جدا ..
الف الف حمد لله على السلامة
انا اتصلت بعد اخدت الرقم من راوية .. ولكن لما ما رديتي ختيت ليك رسالة في الانسر مشين ..
الف حمد لله على السلامة
بركة الجيتي يابت امي فرحنا بي جيتك شديد
| |
|
|
|
|
|
|
|
|
|
Re: سلمى الشيخ سلامة.. سلامتك (Re: انعام حيمورة)
|
انعام حيمورة
يا حبيبة فتشت (الانسرن)ما لقيت
لارسالة تجينى منك
لاخبر طمنى عنك
رغم انك
انت (سايق ) فينى ظنك
مرة عندى زول صحبى فى وفاة الحجة عليها كل الرحمة اتصل عشان اوصف ليهو البيت
فقلت ليهو
ـ انت سايق ؟
وقبل ما يجاوبنى قلت ليهو
ـ انت سايق فينى ظنك ؟
قال
ـ يا بت الشيخ انا جاى اعزيك فى امك مش؟ بطلى سربعة
عموما النية واصلة حبيبة
امكن الخط شبك
والروعة انه يكون شبك
| |
|
|
|
|
|
|
|
|
|
Re: سلمى الشيخ سلامة.. سلامتك (Re: salah elamin)
|
صلاح اللمين
ياخ ازيك اول حاجة ومشتاقين
عارف حكاية انه جانى قلب دى مضحكانى جدا
لانه اساسا مافى
يجى كيف؟
وكل يوم بغنى اغنية عبد العظيم حركة
يا قلبى توب واستغفر الله
كفاك عذاب شقى ومذلة
العذبوك ما بخافوا الله
وانت واحد من العذبوك ديل
شيل شيلتك
| |
|
|
|
|
|
|
| |
Elmosley
سلمى الشيخ سلامة
khatab
Salah Waspa
صديق الموج
awad okasha
وضاحة
Mohamed Abdelgaleel
Saber Abdelhadi
محمَّد زين الشفيع أحمد
ماجدة عوض خوجلى
ود محجوب
mamkouna
أبوعبيدة محمد الأمين
عمران حسن صالح
أبوذر بابكر
صلاح الأحمر
ناهد بشير الطيب
nada ali
عبود عبد الرحيم
إسماعيل وراق
Gaafar Ismail
mustafa bashar
ترهاقا
عصام عبد الحفيظ
Ismail Yasin
د.محمد حسن
Adam D.El-Asha
Safia Mohamed
مرتضى الكجم
محمد علي ياسين
أبي بكر سيد احمد
هاشم أحمد خلف الله
عادل سهل
خالد سمارة
صلاح شعيب
بكرى الخليفة الكتيابى
انعام حيمورة
salah elamin
Hololy
محمدين محمد اسحق
Motawakil Ali
فيس بوك
تويتر
انستقرام
يوتيوب
بنتيريست