|
Re: مخصوم منك وطن يا خطاب حسن احمد ـ صور (Re: Hawari Nimir)
|
Quote: كانت ليلة السبت ليست لقاءاً ادبيا فحسب وانما تواصل اجيال , يحكى عن صيرورة العطاء وصك ضمان لمرانة حبال التلاقى بين سودانييى الشتات ,
|
الحبيبة الغالية سلمى صديقي خطاب حسن أحمد السودانى العجوز عادل بلير هوارى عبد الرحمن الخليفة الأحباب دوما"يبقون" في أعماق الذاكرة، وبين حنايا الوجدان، يمثلون أجمل الكنوز التي لايأتي عليها غبارالنسيان ولانستطيع محو بريقها وأصالتها، حتى وإن طال البعد وقل الوصال،
| |
|
|
|
|
|
|
Re: مخصوم منك وطن يا خطاب حسن احمد ـ صور (Re: يحي ابن عوف)
|
Quote: الأحباب دوما"يبقون" في أعماق الذاكرة، وبين حنايا الوجدان، يمثلون أجمل الكنوز التي لايأتي عليها غبارالنسيان ولانستطيع محو بريقها وأصالتها، حتى وإن طال البعد وقل الوصال، |
وهم يا صديقى يحى عزوتنا وتاج راسنا هم من نحن اليهم ونمضى كالعصافير ونجد انفسنا فى مرايا ذاكراتهم ونمارس طقسنا الحيوى فى محبتهم فلهم امكنة القلب تضئ وبهم لك المنى ان تكون ابدا بخير
| |
|
|
|
|
|
|
Re: مخصوم منك وطن يا خطاب حسن احمد ـ صور (Re: باسط المكي)
|
باسط المكى صحيت اشجان ابسط كمان يا سلام على اولاد الجيران فى الحلة يوم النفير ناس فلان عندهم حيطة وقعت اتلمو الحبان صحن فول كارب والحيطة اتبنت يا باسط والحاجة الماقدرة تمشى بتكلوها اولاد الجيران بشيلوها شيل وبعدلو ميل بعض البنات كان خرمجن تلاقى اخوان البنات واقفين والعيال كان اتداوسو تلاقى اخوان العيال واقفين يحلو المشبوك ويلفو المحتاج دا كان حالنا فى الحلة هسى ما بعرف شنو الحاصل لكن اتمنى انه كل ماكان سمح قاعد محروس بالسمحين
| |
|
|
|
|
|
|
Re: مخصوم منك وطن يا خطاب حسن احمد ـ صور (Re: خالد علي محجوب المنسي)
|
سلمى بت الشيخ
Quote: دا كان حالنا فى الحلة هسى ما بعرف شنو الحاصل لكن |
الحاصل هسع بقوا علا يأجروا ليهم عمال يشيلوا ليهم عنقريب الجنازة
وكزام حل محل الصواني البططاقق في الرياض والطائف والمعمورة
زمان الضيف بنزلوا ليه فرش الدابة لكن ما بشدوا ليهو الدابة عند الوداع
والان صاروا بنزلوا ليهو فرش الدابة وبشدوا ليهم فرش الدابة عشان يشتت سريع
| |
|
|
|
|
|
|
Re: مخصوم منك وطن يا خطاب حسن احمد ـ صور (Re: الطيب شيقوق)
|
Quote: الحاصل هسع بقوا علا يأجروا ليهم عمال يشيلوا ليهم عنقريب الجنازة
وكزام حل محل الصواني البططاقق في الرياض والطائف والمعمورة
زمان الضيف بنزلوا ليه فرش الدابة لكن ما بشدوا ليهو الدابة عند الوداع
والان صاروا بنزلوا ليهو فرش الدابة وبشدوا ليهم فرش الدابة عشان يشتت سريع |
الطيب اخوى ودامى الحبيب حالا ما بسر مخصوم مننا وطن وكمان انسانية زمان الله يرحم زمان كان فى زول قريبنا عليه رحمة الله لمن يسمع فى زول اتوفى ما بسال منو ؟ لكن بيشيل عدة الحفر وهو واولاده بمشوا الدافنة قبال الناس تجى ولمن الناس تجى بكون هو واولاده حفروا المثوى وزى امس متذكرة لمن جدى احمد ابراهيم عليه الرحمة اتوفى وصى انه ما يشيلوه بعربية اللورى قال خالى الهادى احمد ابراهيم بحكى لينا ـ مشينا نفتش لورى عشان نشيل فيهو ابوى لمن جينا راجعين لقينا الناس مشت الدافنة وما مشوار بعيد يعنى كلها دقيقتين لكن النية زاملة سيدا هسى عليك الله يا الطيب اخوى دا ماكلام خطاب زاتو ؟ مخصوم منك وطن ؟ مخصومة منناالف عام مخصوم مننا وطن
| |
|
|
|
|
|
|
Re: مخصوم منك وطن يا خطاب حسن احمد ـ صور (Re: سلمى الشيخ سلامة)
|
باسط المكى صحيت اشجان ابسط كمان يا سلام على اولاد الجيران فى الحلة يوم النفير ناس فلان عندهم حيطة وقعت اتلمو الحبان صحن فول كارب والحيطة اتبنت يا باسط والحاجة الماقدرة تمشى بتكلوها اولاد الجيران بشيلوها شيل وبعدلو ميل بعض البنات كان خرمجن تلاقى اخوان البنات واقفين والعيال كان اتداوسو تلاقى اخوان العيال واقفين يحلو المشبوك ويلفو المحتاج دا كان حالنا فى الحلة هسى ما بعرف شنو الحاصل لكن اتمنى انه كل ماكان سمح قاعد محروس بالسمحين .................. سلمي الشيخ احمد سلامة في بيوتنا الكاكية ... سكنت الالفة حطة الجدران . رائحة الابري.. وطاقات البيوت القديمة والشبابيك..وصوت نضمي في اول الطريق وياحلات بنوت الفريق في العصاري ونفير الجيران
لك التحية بطعم المقيل في امدرمان واتكاءة مع جبنة مندكول تحياتي
| |
|
|
|
|
|
|
Re: مخصوم منك وطن يا خطاب حسن احمد ـ صور (Re: باسط المكي)
|
Quote: يا يجرّوا ظلالهم ضحوية نخلة للبن تقلى أبنوسة .. تدقّو .. وهاك يا ونسة مع الفنجان و دورانُه .. هاك يا حكيان ، |
باسط دا كلام خطاب
Quote: لك التحية بطعم المقيل في امدرمان واتكاءة مع جبنة مندكول |
يا حليلا مندكول الحنينة عارف يا باسط حبوبتنا امنة دى الله يديها الصحة والعافية وناسة ونسة لمن تبدا تحكى ليك تنسى روحك مرة فى زواج واحد من اعمامى ابراهيم سلامة قمت يا سيدى عملت قهوة اول مرة اعمل قهوة فى حياتى بالله الساعة الزغردت لمن اتكيفت وكانت قهوة محضورة الله يرحم تلك الايام يا صديقى
| |
|
|
|
|
|
|
Re: مخصوم منك وطن يا خطاب حسن احمد ـ صور (Re: باسط المكي)
|
سلمى سلامة و خطاب حسن أحمد..
لي مدة بدخل البوست و أقرأ باستمتاع آخر الليل.. لما أفتش لكلمات عشان أكتبها تسكت الألحان و يغيض الكلام..
هذا دفق حميم.. تداع خلاب.. زخ ينعش الروح.. يخلي الواحد يقول من غير حسد" اتمنيت لو كنت معاكم..
لا تنقطعي سلمى عن البريق.. و يا كتّاب ما زال صدى حوارنا يرن في أفق الكلمات الآتية.. و تاني " اتمنيت لو كنت معاكم، و اتفاكرنا"
عشتم
| |
|
|
|
|
|
|
Re: مخصوم منك وطن يا خطاب حسن احمد ـ صور (Re: ابوعسل السيد احمد)
|
في ضل ضحي سنين ..دفنت جواها ..المناظر القائمة والاصوات الغائبة ..كانت حذود الدنيا عند طرف القرية ..والغابة..كنت بتامل الطير في صفوف ..الي ان يبتلعه المدي البعيد..واسال من كان قربي .. ماشي وين ..ماشي بلاد الله ..حد الاجابة وقف .. بعد سنين كنت انا محل الطير ..وفي بلاد الله .. بين فرجات اللوري شفت ونحن مرحلين وسط كوم من العفش كنت بشوف النسوان ينشلن الموية من البير كنت بسال امي نحن ماشبن ..وين قريب وجاين ..ومن يومها انتزعت من القرية .. ومازالت جواي ..الطاب ..والمركب ....وحبل المريد والمناجل .. ورائحة فراد الدمور ..في بيت النساجين..ورائحة القطران ..في القرب ..لما يكون في فرح واسماء البهائم والوان الحمير..وطنابير شباب الفريق ..وصوت الشتم والدلوكة تتخنق.. وابلعتني المدن ..وسكنت ..جواي ...الام الزكري .. والوطن ..عندي القرية ومازال ..كل مرة ينبت تاني من جديد الوطن الان خواطر مرحلة تنازع كل واحد منا كل مساء.. ودون استاذان
| |
|
|
|
|
|
|
Re: مخصوم منك وطن يا خطاب حسن احمد ـ صور (Re: ابوعسل السيد احمد)
|
Quote: اتمنيت لو كنت معاكم، و اتفاكرنا" |
ابو عسل العسل ياخ ازيك ومشتاقين كتير اتمنيت لو كنت معانا عارف ليه؟ لانه الدنيا كانت عيد كان خطاب وعادل وبهجة شعر واغانى ومسرح وناس منبسطة وناس مبسوطة وايد مبسوطة تقابل الحنة نجم الليل الشال شبال وكان مصطفى ود ست الجيل شايل بشكيرو داخل بيناتنا يغنى نغنى عم عبد الرحيم فتاح يا عليم رزاق يا كريم وكانت ايام بطعم الناس الحلوة القاعدة فى جوانا شفت كيف ؟ شفت كيف؟ مش ؟ اقعد عافية وتانى بنتلاقى تعال فى المرة الجاية جيب نغماتك واسرح فى مراح السمح الاتخت
| |
|
|
|
|
|
|
|