|
|
 Re: سلمى الشيخ سلامة .. سلامتك من داء الملوك .. تعالوا دثروها وزملوها (Re: سلمى الشيخ سلامة)
|
محبة سننعُم بها إن رأينا سيدة الكتابة والفرح : الأستاذة سلمى بنت الشيخ
بألف خير وأتم صحة و تُشرق بالإبتسام كما عودنا قلمها ، و ودها للآخرين
وتضامنها مع الذين يستحقون .
يدها في يد كل نور يخسف بالظلمة .
دوماً هي معنا في طريق الإستنارة ، والفن والإبداع : نهرٌ وبحيرة .
ألف سلامة لكِ يا سيدة من الزمن الجميل ...
محبة لكل من ينقل لنا أنكِ بخير ،
وملائكة الرحمة أن تُبشرنا بأن ابنة سلامة بمليون سلام
| |
 
|
|
|
|
|
|
|
 Re: خالد العبيد (Re: دورنقاس)
|
يا سلمى إنت عندك حاجة إسمها
متلازمة أيضية.
نوع حركات كدا بيعملها عزرائيل
قبل ما يقول:
"أها كب بح أنقوم نشوف بت الشيخ
دي"
أتصلي بي عشان الضحك ما يشرطنا.
شكرا خالد العبيد على الهيدز أب
المبكر
| |
|
|
|
|
|
|
|
|
|
Re: خالد العبيد (Re: mustafa mudathir)
|
التحية والسلام أخي خالد
وسلمى سلامتك وكفارة وإن شاء كل عضة قاوتايا تنقلب ليك 100$
تنحي وتنحنحي وتعاي السودان
مرة لبن ومرة قاوت الجايا فسيخ
أتخلخلي وتعالي مارقا
تحياتي اختي سلمى والسلام مطبوق ودالعبيد
| |
|
|
|
|
|
|
|
|
 Re: خالد العبيد (Re: خالد عنان عمر)
|
تسلمي يا سلمى من المرض
ويا ستي مرض لاالملوك ده ما بجي إلا لملك
زمان حبوبتي جاها وقلنا ليها إسمو مرض الملوك
إستعدلت في قعدتها... وقالت لينا: وحاتكم المرحوم جدكم ما كان بيناديني غير بملكة
وما أظنك غير تب ملكة!
وتسلم يا خالد
| |
|
|
|
|
|
|
|
|
|
Re: خالد العبيد (Re: محاسن أحمد محمد)
|
محاسن يا صديقة عمرى
الله على محبتك وروحك السمحة
دايما جميلة
اصيلة ونبيلة
وفى غفلة رقيبى
رحت ازور حبيبى لقيتو شوية حاسى
متعك الله دايما بالصحة والعافية
خلينا على اتصال
| |
|
|
|
|
|
|
|
|
|
Re: خالد العبيد (Re: عبد المنعم سيد احمد)
|
عب منعم سيد احمد
ازيك ومشتاقييين
ووين الحى بيك؟
واختنا زينب الحويرص برضو قاطعه اخبارا
امرقو علينا
النفاج دا مافاتح
تعالو اشربو معانا شاى كان قهوة
كان ونسة الله والرسول دى
عليكن النمل تعالو
وحات سيدى ما عزومة مراكبية
احلف عليكن
على الطلائع كان ماجيتو
| |
|
|
|
|
|
|
|
|
|
Re: خالد العبيد (Re: خالد علي محجوب المنسي)
|
خالد محجوب
اصبر لى ياخالد
| Quote: أتخلخلي وتعالي مارقا |
ياخ انا ضرس؟
والضرس زاتو الزمن دا بقى يقع طوالى
هسى نحنا كمان نتخلخل شنو؟
وكان الزول داير يجى اهله ما بخلوه
قال ليك منعونى شوفتك
لانه الجو معكر هناك القصة فيها ملاح كمبو واكامبو اوكامبو
اى ضقلا يقعد فى خانتو
ونحنا بقينا مضقلين يا حبيب
وبعدين تانى الكلام
كان لحقت جيت وما لقيتك والله الا تشوف براك
شوف الجنا المسخوت دا
تجيبنى وتسافر انت
بالله ؟
| |
|
|
|
|
|
|
|
|
|
Re: خالد العبيد (Re: mustafa mudathir)
|
يا مصطفى يا مصطفى انا بحبك يا مصطفى
متذكر اغنية صباح دى ؟
يا دفعة بتكون
منى ما تزعلى دى اغنية "ساكت"
ياحبيب التلفون مافى زول برد
كل ماسالت عليك صدونى حراسك
وحراسك ديل ناس "الانسرنيق مشيين وعار عليك اذا فعلت عظيم" وكدا
يجينى زول يقول لى "ابوالقاسم" مجموعة كمان بزيادة "اس "
اسى كدا كويس؟
اتصلحو معانا ياحبايب
بعدين شنو كلام الدكاترة دا ؟
وحات الله يوم ما فهمت من رطانتكم دى التكتح
احكى ليك قثة
يوم فى المدرسة الشغالة فيها الحية وقاعدة دى
واحدة ام طفل ولدها "رقوه"ما كبوا ليهو موية
بلغة الترقيات "رفعهوه " بتشديد ما تعصر عليهو بنكسر
قامت جابت لى كرت ظريف وهى طبيبة
عاد يا مصطفى يخربنى كان عرفت اقرا حرف
فعليكم الله ما تخمونا مصطلحات
Quote: متلازمة أيضية.
نوع حركات كدا بيعملها عزرائيل
قبل ما يقول:
"أها كب بح أنقوم نشوف بت الشيخ
دي" |
اها متلازمة ايضية دى شنو يعنى؟
بنعرف "ايضية العيد"
لكين دى ما ادونا ليها
وبعدين تعال هنا شنو حكاية عزرائيل دى الجاى تخمنى بيها
عليك امان الله روحى سلبة
لكن مشتهية ود مدنى
ياخ اتصلو وخلى الضحك يفرقعنا زاتو
| |
|
|
|
|
|
|
|
|
|
Re: سلمى الشيخ سلامة .. سلامتك من داء الملوك .. تعالوا دثروها وزملوها (Re: دورنقاس)
|
دور نقاس الحبيب
المغول ماخلو ارث قائم
حيث يعتقدون جازمين ان تاريخنا
يجب ان يبدا من يوم ان اعتلوا حياتنا على ظهور تلك الدبابات
التى احالتنا الى شظايا
نملا سطح الكرة الارضية
وحيث انهم يا صديقى ضد تاريخنا وضد انسانيتنا
فهم يفعلون ما يقطع هذه الاوصال
انظر الى كل بقعة تجدها دمارا شاملا
انظر الى كل مرفق كان حيا احالوه الى رماد
من كان يصدق ان يعود الكتاب للتلميذ مدفوع الاجر ؟
من كان يصدق ان "حبة السلفا" باتت بمبلغ مقدر فى العيادات؟
من كان يصدق ان يرى ما يحدث من عبث فى الوطن الان وتحت اسم المشروع الحضارى؟
ترى اين ذهب المشروع الحضارى الان ؟
وقداستاسدوا على الناس ردحا من الزمان ؟
كل ليل وان طال الى صباح يقشع عنا ما كابدناه من حزن وغم
وانه لقريب
| |
|
|
|
|
|
|
|
|
|
Re: سلمى الشيخ سلامة .. سلامتك من داء الملوك .. تعالوا دثروها وزملوها (Re: أبوذر بابكر)
|
ابو ذر ابو بكر
الشاعر الجميل
| Quote: ما تحومى جنب "اللحوم" جنبك من اللحوم الحمراء |
يا حبيب اللحمة براها بتجينى
ماقاعدة امشى ليها
عارف عندى صديق ما افضلو عليك زول لطيف جدا
اسمه قاسم نصر
قاسم قال لى مرة جايين من المسرح القومى فى امدرمان
وجيعانيييين وما عندهم تعريفة حمرا
وماشين الداخلية فى بانت كدارى
طبعا لازم يمروا بشوايات الموردة
اها لمن بقوا قدام الشوايات والجداد يلف ويدور جوه الشواية
عاين كده واتلمظ ولسانه مطق عارف قال شنو ؟
ـ الجداد ، الجداد، كر
| |
|
|
|
|
|
|
|
|
|
Re: سلمى الشيخ سلامة .. سلامتك من داء الملوك .. تعالوا دثروها وزملوها (Re: محمد خليل ساني)
|
صحي الزوله دي
بتاكل بي طرف اصابعه
وطول يومه ماشه داقشه
ومعاها باقة موية الموية عندها اهم من كل شئ
الموية الفيها سر الحياة
حياة سلمى العسل
لكن الزول البياكل بي طرف اصابعينو
مرات بغرق لي جوة
زي الحاجة الكبيرة الكانت في عزومة
قاعدة جنب صينية الباسطه
وكل مرة تمد يدها تشيل من فوق
قالو ليها ياحاجة السكري
ردت عليهم : لالابشيل من فوق
بعد شوية اتلفتت عليهم ،وقالت .
فيها فول وعسل ...
اها صديقتي الجميلة دي بتاكل بي طرف اصابعة
لكن بتعزل الأكل المجيه
اها تكون في الفترة الفاتت دي جيهت اللحم ده
وقام زارها القاوت
لكن السودانيين ناسيين حاجة
الفول من اقوى البروتينات وبجيب القاوت
وطبعا لمن نضرب شوالات الفول اللهطناها
من الخلوة لحدي الجامعة
مفروض كل واحد فينا يكون بنبت فول
وكل سنة نملص من جلدنا قميص زي الدبايب
بتاع خيش
يعني تلقى الواحد منا عندو يوم في السنة
بتاع خلع شوال الفول
وتتغير الأمثال بدل قميص عثمان
يقولوا شوال عثمان
انتو قايلين القاوت ده بجي بس من اللحم ده
ما تقولوا لي اي
سلامتك سلمى
وامريكا كلها كرامتك
محبتي
| |
|
|
|
|
|
|
|
|
|
Re: سلمى الشيخ سلامة .. سلامتك من داء الملوك .. تعالوا دثروها وزملوها (Re: عبدالله الشقليني)
|
الحبيبة سلمى الف الف سلامة ليك
بس يا بت امي اكلتي لحمنا .. جاك القاوت , وجبتى لينا الكلام
هسي شوفى جنس دا Quote: سلامتك بت الشيخ وبلي راسك يا بت الربيع
|
يعني يا الطيب شيقوق دا نظام انا والكاشف اخوي ولا شنو يعني؟؟؟
عمومآ الف سلامة للحبيبة سلمى .. وانت يا الطيب انسل لابره احسن لك ولاعذر لمن انذر
مع ودي الصادق لروحك الجميلة... ويوم قاوتك ما يجي يا الطيب اخوي
هاك يا سلمى هدية صغيرة كده .. وعاد تانى وين وين اللحمة ديك وين تتلقي.. تم تم تم 
العزيز خالد لك اعزازى وتقديرى
| |
|
|
|
|
|
|
|
|
|
Re: سلمى الشيخ سلامة .. سلامتك من داء الملوك .. تعالوا دثروها وزملوها (Re: اسيا ربيع)
|
| Quote: ويوم قاوتك ما يجي يا الطيب اخوي |
اسوية
نحنا متين اكلنا لحمكم؟
يعنى العضمين ديلاك حسبتيهن لحمة ؟
يا حليل زمن كنا بنكد العضام بت امى
والطيب دا مالك عليهو جايبة ليهو القاوت ؟
هو ناقص ؟ضعيف ورهيف مسكين
ويوم قاوتكم ما يجى بت امى
غايتو اللحيمات الرسلتيهن ديل اديناهن للجيران
عارفة
لمن كنت فى تكساس الزول الكان مسوؤل المنظمة هرانا لحمة
بجيبا من ناس حلال ديل بقسمو اللحم مجانا
ويشيل ويجيب
ونحنا نشيل ونقسم
الجيران صوماليين وسودانيين ومكاسيك وما ادراك
اظنو هو العملا فينى
الله يسامحو
| |
|
|
|
|
|
|
|
|
|
Re: سلمى الشيخ سلامة .. سلامتك من داء الملوك .. تعالوا دثروها وزملوها (Re: khatab)
|
Quote: شوف بالله .. حتى العيا بقى فيهو خيار وفقوس
ناس ملوك
وناس شنو كده ماعارف !
غايتو ..
ناس تتزاوغ من اللحمه بالعدس والفلافل !!
لمن تفحص يقولوا ليها go out
!
سلا متك |
يسلم عمرك ابو عزة وسالى
لكيييييييييييين
هو غير الفول دا حاجة بتقصر العمر ما اظن فى
ياخ هسى الزول ما ياكل العدس حبيبى؟
عارف بت صاحبنا حمودة فتح الرحمن
عندها حساسية مع العسل
مرة مشو حفلة الغناية بتغنى فى العسل حبيبى
دموعى سالت والمنام ابى لى انا العسل حبيبى
البنية قام جسمها كلو من الحساسية
مشى ليها حمودة وكلمها عشان تقول بدل العسل
العدس ويقينا نغنيها العدس حبيبى هسى العدس زاتو بقى ممنوعات
شفت كيف؟
اختك كمان بقيت ناس خدار ساااااااااكت
لحمة بابو وااااااااااااى منها بت الكلب
لكن الله غالب
| |
|
|
|
|
|
|
|
|
|
Re: سلمى الشيخ سلامة .. سلامتك من داء الملوك .. تعالوا دثروها وزملوها (Re: محمد سنى دفع الله)
|
السنى ياالسنى طمنى
الفول فولى زرعته وحدى
ياخ الدجاجة الصغيرة الحمراء اكلت فول
لمن نحنا؟
بعدين ياسنى حبيبى ووجدانى
الفول والريد دا فى طريقة نخليهو؟
بالطريقة دى عمك الدمياطى ما اكل نيم
رغم انه مافى نيم فى مصر
وحات فكى القاعة يالسنى خليت الفول
واللحم "دا"
والباسطة دى
بقيت ن ب ا ت ي ة
لكن
شفت لكن دى
بس خليك هنا دقيقة واحدة
الفول كملت الكوته بتاعته فى مصر
لانه مافى زى فول عمك الدمياطى فى القاهرة
وفى اسكندرية محمد احمد
هنا الفول للحصين يا حبيبنا
عجبتنى فكرة قميص عثمان الفولية
وعلى ذكر الفولية رسلو ليك حلاوة المولد؟
مشتاقة ليها شديد
وفى مجال القاوت
انتم السابقون ياصديقى
يا شباب السنى دا عندو قاوت ابو عصاية
| |
|
|
|
|
|
|
|
|
|
Re: سلمى الشيخ سلامة .. سلامتك من داء الملوك .. تعالوا دثروها وزملوها (Re: HAYDER GASIM)
|
أستاذتنا سلمى
تسلمي من كل شر وأبشري بالخير،
تكفيك يا أختي هذه الدعوات الصادقة.
قال قاوت قال؟!!
كمان واحدين يقولوا ليك نقرس ومرض ملوك وشنو داك.
باالله روحوا كدا واللا كدا.
والدنا رحمه الله كان مصابابه وكناعندما نحاول منعه
من أكل اللحوم يقول:الحكيم قال:ابلع الحبوب وأكل علي كيفك؟!
أنا شخصيا ورثت منه هذه المرض وملتزم بنصيحته.
يعني معقول أخلي أكل البطيخ وشية الفحم؟؟!!
يا شيخة سيبك من دا كلو.
منتظرين طلتك في بوست "مواقف وطرائف في عالم التدريس".
أنت نسيتي واللا شنو؟!
| |
|
|
|
|
|
|
| |
عبدالله الشقليني
سلمى الشيخ سلامة
mustafa mudathir
خالد علي محجوب المنسي
عبد المنعم سيد احمد
Yassir Tayfour
خالد عنان عمر
Mohamed Yassin Khalifa
محاسن أحمد محمد
محمد خليل ساني
مبارك محمد عثمان
محمد سنى دفع الله
اسامة الكاشف
khatab
كمبورة
اسيا ربيع
خالد العبيد
Safa Fagiri
معتصم دفع الله
osama elkhawad
نوفل عبد الرحيم حسن
الطيب شيقوق
HAYDER GASIM
محمد أحمد الخضر
فيس بوك
تويتر
انستقرام
يوتيوب
بنتيريست