يا طين اللون المحتار .. يا مزيين شعر الأشجار و أنا ساكن ناديتك مني و حقنت وريدك بالأسرار يا النوبتك جواي بتغني وغاباتك .. و لو قادت بي نار درويشك في الجوف مستني و بي نارك حيشد الطار لو عنك قرب أو عني عصفورك غرب في ظني إتشاقى و من شباكك طار أنا تايه في عتمة لونك بس رسل لي روحي الأمطار..
زمان كتبت هذه الأغنية و تطاولا مني على الموسيقى لحنتها و لست ممن يجيد الغناء سوى في الحمام.
كنت وقتها طالبا بجامعة النيلين بسنتي الثانية و بجامعة السودان بسنتي الأولى
كتبتها في أستديو التلوين و في الطريق بدأت أدندن لحنها بعدها جلست على سلالم المركز الثقافي الفرنسي و غنيتها بصوتي الأجش لنجلاء
التوم فضحكت على صوتي..
أصدقائي غاندي أحمد و عماد ببو و المرحوم يوسف بشارة و محمد أبو عركي البخيت و منعم شو و محمود و عثمان كانوا قوام فرقة ماجيك
ميوزيك باند
آنسوا فيها لطفا فوزعوها و أدوها ..
و عندما غناها صاحبي محمد عبد العزيز إستحالت الى سحر..
الآن أهديها لكم و لهم و للزمن الجميل
06-02-2007, 12:28 PM
fadlabi fadlabi
تاريخ التسجيل: 12-13-2004
مجموع المشاركات: 4116
أبو مدينة المبدع فاضلابي غايتو أنا مع السلامة دي مش عاجباني دي مكسراني عديل كده وأصلها الشواكيش بتطلع الحاجات السمحة ولمن يغنيها شبكة بزيد من عذابها ممكن لنك الحفظ
مودتي
06-02-2007, 07:28 PM
طلال عفيفي طلال عفيفي
تاريخ التسجيل: 06-20-2004
مجموع المشاركات: 4380
Quote: و ما عافي ليك شعراء الأغنية دي كلو كلو إن شاء الله يقوم ليك شاعر أغنية في راسك و يكون بتاع غنا بنات كمان
يرضيك يا فاضلابي أمشي في الشارع وبدل ما أكون علم على رأسه نار ، أصبح علم على رأسه شاعر غنا بنات ؟؟ إتق الله فيني يا رجل !!
بيني وبينك أنا فكرت في حكاية كاتب أغاني دي ، لقيت ما فيها عيب ولا مشاكل ، بل العكس .. خصوصاً إنو من المسائل الصعبة تلقى نفسك منداح ومنسجم مع كلمات أغنية .. الشعر موجود ، لكن وين الشعر الممكن يتلحن ويتعجن بالموسيقى من غير ما الكلام يكون عندو نتوءات وما إليه من مشاكل الغناء ..
كنت عايز أقول ليك يا أيها الشاعر ويا صديقي إني بستمتع بشعر وهو مخبوء في الأغاني زي ما بستمتع بيهو مشرور ومفضوح في حكاياتك ..
كلام جانبي ( بس ما جانبي شديد ) .. راعني ولفتني في حمزة علاء الدين أثناء أداءه لمقطوعة الساقية صوت بيطلع من قلبه زي الأنة ، زي البسموها انة المجروح على قول المرحوم أبو دوود .. الأنه دي لمت وإختزلت لي تاريخ كامل من الأحزان والفقد والوحشة ، حاجة زي الطلقة ..
وأهدي السلام والكلام الجميل إلى الخال أبوبكر قاطن الإمارات إلى حين ومحب الناس الرجل السكر زياده والذي سنحبه إلى يوم الدين .. وإلى مدينة ، والأهل والإخوة والأخوات ، بعموم جميع أنحاء العالم والدول المجاورة ..
06-02-2007, 09:33 PM
fadlabi fadlabi
تاريخ التسجيل: 12-13-2004
مجموع المشاركات: 4116
عندما أتذكر تلك الأيام لن أتوقف عن ذكر الأسماء لستة طويييييييلة: الفاتح البنا أسامة عباس بهنس إدريس و عمر حراس الفرنسي الفرنسي ذاته مختار المصوراتي نجلاء ببو غاندي الزول بتاع الكافتيريا الشنبه زي هتلر داك( راجل طيب لكن نسيت إسمه) الشوافه عمر خيري أفلام الفرنسي الغير مقطعة البوس ( علما بإنه أنا ما بعرف فرنسي) معارض الرسم في جوته و البريطاني والفرنسي شبكة فالكاو و ناس كتاااااااار
كان وقتا مناسبا للنبؤات عندها كتبت طال الشتاء و لحنها غاندي أحمد و غناها صاحبي الجميل قصي مختار عجوبة
06-02-2007, 09:37 PM
نهال الطيب نهال الطيب
تاريخ التسجيل: 03-14-2007
مجموع المشاركات: 1606
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
fadlabi
نهال الطيب
طلال عفيفي
abubakr
وليد محمد المبارك
فيس بوك
تويتر
انستقرام
يوتيوب
بنتيريست