|
Re: تعال..نكتب..للمطر.. (Re: bushra suleiman)
|
هاهي الحروف..التي تُحسِن أنت التوجُّع بمقابضها.. تنادي أن حيّ على الهطول..أتراك يعتريك مايعتريني.. فأجدك..توضأت بشوقك.. ووليت صوب اللقاء.. أم تراني..في غياهب التمنِّي..أرسم لك الصلاة.. وأقيمها وحدي!
| |
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
كتبْتِ علي جــدار الروح حفيف صوت المطر قطرات رســمْتِ علي فلاة الصـوب رهان يكســب حضــور الذات تعالى أجيك نمشّــط طقســناالغيم الجميل وفســيح مع دعــوات تنادى علي المطر يادوووب فِرِحناوعُمــنا بلننا المطر
| |
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
هـجرة عـصافير الـخريف فـى مـوسم الـشوق الحلو هـيج رحـيلا مـع الـغروب احـساس غـلبنى اتـحملو وكتمت اشواق الحنـيـن داير الدموع يتـقـلـو ورجعـت خليت الـدموع يـنسابو ..مـنى ويـنزلو ليـه يا عصافيـر الخريف خضرة مـشاعـرى اشيلا صيف تـحت الـغمام شـايف مـواكب الـهجرة اتـلاشت سراع ليه يـا عـصافير ليه الاسف مين علمك أسف الوداع وعارف دا ما اول سفر لبلاد بـعيدة بـدون مـتاع زى ما بتخافي مـن الرياح بنخاف كمان انحن الضياع ليه يا عصافير ليه الضنى صفقة جناحك احزنها غـايـب الـسنين الـليله مالو غنا العصافير غـلبو طراهو زولا كان ولوف كم رضا خاطرو وطيبو سمع قليبو كـلام حـنين هـدهد مـشاعرو ودوبـو الـناس سعيدم فى الـحياة لا ضاق فراق لا جربو وانا حالى فى بعد الوطن دفـعنى ضي العين تمن
| |
|
|
|
|
|
|
Re: تعال..نكتب..للمطر.. (Re: السوباوي)
|
Quote: نبه خطاك الشوق قبل وراك خاطر كثف حضورك غيم ... بلل رزازك قوس قزح ... اقترح صمتك لغة ... انشرح صوتك غنى .. يا منى البشتهيك صحبة ورفيقة ... جواي بقيف .. جواك يقيف كل الزمن يغسل همومه ويغتسل .... |
وانا بي رؤاك مشروق وجاي عليكـ معاي الشوق علي.. بساط الريد منو البقدر اشيل خاطرا رواهو الغيم لونو لون عينيك.. وطعمو ذي العيد بريدكـ وماغريبة.. أنا لو لقيت كل البشوفكـ رايدك ومشتهيكـ
| |
|
|
|
|
|
|
Re: تعال..نكتب..للمطر.. (Re: bushra suleiman)
|
لاتدربها.. روحك هذه.. دعها تستقبل الغيمات على فطرتها.. دع الاحساس يسيِّرها.. لطالما خيَّرتها.. دع مافُطرنا عليه يُعلن التمرُّد مرة ربما سار بنا الى حرية عشق لايحدد مساحاتها غير حقيقتها.. حينها يأتيك الاعلان خاشعاً وهوَّ واقع.
| |
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
من صحابك ومن قرايبك يا حبيبي بغير عليك كلو من قال ياحبيبي افتكرتو يشير اليك وأي عاشق لو تغنى قلت لازم شاف عينيك يا أمير
كنت تايه في بحور الشوق وامواج الحنان قلبك انت وحبك انت جابني لي شاطي الأمان والمحبة يا حبيبة أقوى من غدر الزمان يا أمير
ياأمير الحسن لو تسمح ظروفك كل ساعة كل لحظة كل يوم محتاج أشوفك وين يا أمير
يحسدوني الناس في حبي كم عذول روج اشاعة انت يا رب المحاسن والبراءة والوداعة بإشارة من جفونك قلبي قال سمعا وطاعة يا أمير
| |
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
يا حبيبي... نحن اتلاقينا مره في خيالي ... وفي شعوري الف مره الف مره ... عاش سلامك والليالي ... تقول كلامك و البعاد ... يشعل غرامك و بالمحبة عيوني ساهرة عايز اشوفك تاني مره ... الف مره
| |
|
|
|
|
|
|
Re: تعال..نكتب..للمطر.. (Re: محمد عثمان)
|
عايز أشوفك.. تاني مرّة...ألف مرة.
من بعيد..بتعيش معاي.. في فؤادي..وفي عيوني..وفي دماي.. وحبي ليك..من البداية.. قصة حلوة بلا نهاية.. قصة حلوة..وقالوا : " مُرّة!! " عايز اعيشا تاني مرة والف مرة.
| |
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
يا حبيبي... نحن اتلاقينا مره في خيالي ... وفي شعوري الف مره الف مره ... عاش سلامك والليالي ... تقول كلامك و البعاد ... يشعل غرامك و بالمحبة عيوني ساهرة عايز اشوفك تاني مره ... الف مره من بعيد... بتعيش معاي في فؤادي وفي عيوني وفي جواي وحبي ليك ... من البداية قصة حلوة ... بلا نهاية قصة حلوة ... وقالو مره ... عايز اعيشها تاني مره ... الف مره يا حبيبي امنياتي ... انت يا اغلى الاماني الليالي تغني ... تغني لو نتلاقى تاني اشكي ليك .. تزيد حنانك من حناني وتكون معاي ... وكل يوم نتلاقى تاني نتلاقى تاني ... الف مره
| |
|
|
|
|
|
|
Re: تعال..نكتب..للمطر.. (Re: تماضر الخنساء حمزه)
|
مطر مطر الدنيا غيم ومطر ليه عندنا علاقة قوية مع المطر ما كل الناس لكن في ناس مابحبو غير المطر وانا منهم بحب المطر وهوصابي بحب المطر لمن اكون نقناقه بحب المطر وهو طرفة بكاية بحب المطر لمن اسكت وانزل دمعو تق ترف دمعة دمعة إذكرنا انو دايما هو ببكي بنحب الحزن ؟؟ ما عارف لكن بحب المطر وبحب امشي على الأرض الغشاها المطر ونشفت واتشققت ورجلينها الحفيانه صوته اقول كررووم كررووم وتتكسر القشرة الرهيفة بين صوت الأرض وفرحة قلوبنا وإكتشاف الأصوات من نقراط المطر في بداية الهطول لي نقراط النهاية والمطر بتنهف بحب المطر
| |
|
|
|
|
|
|
|