|
|
|
 Re: عادل سمير توفيق .. مستشارا بدولة الامارات ، فيا فرحتنا به بيننا ... (Re: عبدالكريم أحمد الامين)
|
حظكم يا ناس الامارات بمولانا اللذيذ العزيز زميل الدراسة بكلية القانون جامعة الخرطوم في الزمن الجميل مولاناعادل سمير وهو رجل طيب وطريف ظريف ودمو خفيف وهو متزوج من زميلتنا الدكتورة سهام سمير فلعادل كل التوفيق في عمله الجديد وهو اهل له بما له من خبرات عالية في مجال القانون ويا بختكم ياناس الامارات وشدوا حيلكم لظرافة ولطافة عادل وقطعا سيكون وجود عادل بالامارات واحدا من محفزي زيارتي للامارات حيث لي فيها ايضا قبله اخوة واهل واعزاء.
شكرا نبيلا اخي الطيب
| |
  
|
|
|
|
|
|
|
|
|
Re: عادل سمير توفيق .. مستشارا بدولة الامارات ، فيا فرحتنا به بيننا ... (Re: Elawad)
|
مولانا (أبو إيهاب) زول سمح وقانوني عالم ومتابع ومتطور و(مالي مركزو)،
الوظيفة الجديدة خطيرة وحساسة ونالها من بين مرشحين كثر فانتقل إليها
من وظيفة ربما تعادلها من حيث الأهمية بمملكة البحرين،
لاشك أن عادلا سيضيف إلى المنصب ويشرفه فتهانينا له وللأخت د. سهام سمير عوض
أستاذ القانون الدولي بكلية القانون جامعة الخرطوم، ويا الطيب سهام زوله أسمح
من عادل زاتو وأنا مبسوط منها لأنها (كنترول) لايدانى .
سلامي لأخي الودود الشهم وأختي الماجدة سهام ولاشك أنهما وهبة ودينا وإيهاب
مكسب للجالية السودانية بدولة الإمارات العربية المتحدة.
مودتي.
| |
|
|
|
|
|
|
|
|
|
Re: عادل سمير توفيق .. مستشارا بدولة الامارات ، فيا فرحتنا به بيننا ... (Re: محمد المرتضى حامد)
|
الأخ الحبيب مرتضى..
| Quote: مولانا (أبو إيهاب) زول سمح وقانوني عالم ومتابع ومتطور و(مالي مركزو)، |
تمام كدة ، وزني 140 كجم !! و ما تقولوا ما شاء الله عشان أنا عامل رجيم و داير أنزل..!!
| Quote: ويا الطيب سهام زوله أسمح من عادل زاتو وأنا مبسوط منها لأنها (كنترول) لايدانى . |
جنابو الطيب..
عليك الله تفسحو لي الزول دا شوية..!! و يا ريت لو خليتو يتدرب على "المروحة" أو "الطيارة قامت" و ما
شابه ذلك..!!
مرتضى..دايرين نجيكم في مسقط بس نستقر شوية..يعني قريبا..Shortly !!
| |
|
|
|
|
|
|
|
|
 Re: عادل سمير توفيق .. مستشارا بدولة الامارات ، فيا فرحتنا به بيننا ... (Re: الطيب عثمان يوسف)
|
الأخ الحبيب جنابو الطيب..
لك الشكر و التقدير على هذا البوست و التقديم..
عملت مع جنابو الطيب في قسم الخرطوم شمال و كانت لنا ذكريات في العمل و التعامل مع المظاهرات يمكن
أن تحكى في بوست منفصل..!!
و قبلها تشرفت بالعمل مع و الده الإنسان الفاضل المرحوم اللواء عثمان يوسف في شرطة المرور عندما كنت
قاضيا لمرور الخرطوم (مافي داعي لذكر التواريخ) !!
عشرة عمر مع أسرة أولاد قبائل بكل معنى الكلمة..
ربنا يديم الود و المحبة..
| |
|
|
|
|
|
|
|
|
 Re: عادل سمير توفيق .. مستشارا بدولة الامارات ، فيا فرحتنا به بيننا ... (Re: الطيب عثمان يوسف)
|
Quote:
عادل سمير توفيق .. مستشارا بدولة الامارات ، فيا فرحتنا به بيننا ... |
عزيزي المحترم جنابو الطّيّب عُثمان يوسف
سلامات وأشواق
وعن مولانا الأُستاذ عادل سمير نحكي
مولانا عادل الرّجل المتميّز بمعنى الكلمة
الرّجل المرح
الرّجل الحنين
الرّجل السُّوداني جدّاً
الرّجل الرّاقي
الرّجل المتواضع
الرّجل الفاهم جدّاً
الرّجل الصّدوق
الرّجل الطّيّب
( ما الطّيب عُثمان يوسف ) 
الرّجل النّقي
الرّجل المجتهد
الرّجل البشوش
الرّجل الوفي
الرّجل الخفي 
مولانا الأُستاذ عادل رجل يستحق كُلّ الخير
ألف ألف مبروك
ويا بخت أبو ظبي وأهلها به
محبّتي العميقة
| |
|
|
|
|
|
|
|
|
|
Re: عادل سمير توفيق .. مستشارا بدولة الامارات ، فيا فرحتنا به بيننا ... (Re: لؤى)
|
يا الطيب مبروك عليكم عادل
ويا عادل مبروك عليك ناس الطيب ديل
ومبروك للأمارات وأهلها مولانا عادل سمير
وده شرف لينا نحن خريجي الخرطوم القديمة المتمثل في تحقيق أحد أبنائها
(من الرعيل الأول الذي سبقنا بقرون) هذة النقلة العينية
وزادنا شرف نقل أحد أصدقائنا الكرام لهذة الأخبارية السارة
والجدير بالذكر أن أحدهما قاضي من أكفاء وأظرف القضاة.. وثانيهما من أجود وأنبل ضباط الشرطة
سعدنا بهذة الخبرية وسعد معنا كل حرامية السوق العربي وميدان أبوجنزير وسينما النيلين
ودمتما...
| |
|
|
|
|
|
|
|
|
|
Re: عادل سمير توفيق .. مستشارا بدولة الامارات ، فيا فرحتنا به بيننا ... (Re: Dr. Moiz Bakhiet)
|
Quote: ولكم نفتقدك في البحرين
يا جاري العزيز
ورفيق الطفولة والشباب
والكهولة القادمة بعد سنين طويلة |
البروف العزيز معز..
و أنا أيضا أفتقدكم ، و أفتقد البحرين أم الدنيا..!!
يـــــــــا حليلكم..
لك الود و التقدير..
Quote: بعدين شنو مشيت كده لا احم ولا دستور
ولا سبت لينا تلفون ولا عنوان ياخ |
مسامحة بلغة البحرين ، الاحداث كانت سريعة ، و حصلت لينا عدة و فيات بعد داك ، و كل ما
نقول نجي نودع الناس تحصل حاجة تأخرنا.. إن شاء الله في أول فرصة مناسبة حنكون معاكم في البحرين..
سلامي و تحياتي للجميع..
| |
|
|
|
|
|
|
|
|
|
Re: عادل سمير توفيق .. مستشارا بدولة الامارات ، فيا فرحتنا به بيننا ... (Re: أبو ساندرا)
|
Quote: مولانا ده متزوج أخته ؟
ما بستغرب ، أصلو من زمان شامي فيهو ريحة فرعنة ومشوعة
وكلاهما يتزوج بأخته |
لا حولا يا أبو ساندرا..!!
"مشوعة" يعني شنو ؟؟!!
Quote: بعدين ماتشبكونا مولانا في الأمارات
ياتو حتة فيها ، أصلها الأمارات خشم بيوت ؟
يعني لو في العين مايحلم اني ازوره
لكن لو في دبي وهي تفك أخرها
كل خميس بالعصر بنط ليهو |
شكلك داخل على طمع..!!
ليه العين ما عاجباك..؟! دي أجمل حتة..!! خدار في كل مكان..!! و الا إنت داير شنو..؟؟!!
| |
|
|
|
|
|
|
|
|
|
Re: عادل سمير توفيق .. مستشارا بدولة الامارات ، فيا فرحتنا به بيننا ... (Re: عادل سمير)
|
| Quote: خليك من قولي أنا ياالطيب.. إنت قولك شنو..؟؟!! |
انا ما بتلفت وبقول الصاح عدييييييييييل كدا - زمان لما تجي الكلية بعربيتك وتوقفها في المين رود وتشيل مفتاح العربية تحركو بين اصابيعك زى المروحة كنت بخاف منك قايلك محاضر وفي المحاضرين البدرسوا الفاينالست عشان كنا برالمة -
اها بعد عينوك مستشار في بورصة البحرين واتصلت بي مستفسرا عن قوانين ولوائح البورصات قلت براي احمدك يا سيدى الحلب بقوا بسالوني كمان - وحاة الله يا عادل رفعت يدي لا فووووق شاكرا مجانية التعليم الركبتنا معاكم في سرج واحد .
لكن فعلا الحلب خشم بيوووت وحاة الله انت اكان جيتنا هناك النسوان يجنك بكويراتهن للمحاية في شان تعالج الملاريا وتمنع الرجال من العرس فيهن تاني . والرجال يجوك ايام الصبان تجيب ليهم المطر نازل من السماء .
| |
|
|
|
|
|
|
|
| |
الطيب عثمان يوسف
Adam Mousa
Muna Khugali
عبدالكريم أحمد الامين
هشام هباني
عاطف نورالهدى الطاهر
عادل سمير
Elmosley
Elawad
محمد المرتضى حامد
Mohammed Ibrahim Othman
الفاتح ميرغني
الطيب شيقوق
عفاف الصادق بابكر
ismeil abbas
أحمد الشايقي
Yousif A Abusinina
omer osman
عاطف عمر
محمد سنى دفع الله
النذير حجازي
ممدوح عثمان
نصر الدين عثمان
ناصر احمد الامين
عبدالرحمن الحلاوي
لؤى
Mohamed Yassin Khalifa
انعام عبد الحفيظ
عبد الدائم سيد أحمد
Dr. Moiz Bakhiet
محمد على طه الملك
أبو ساندرا
Adil Osman
Ali Sirelkhatim
عبد الرحيم محمد عبد الرحيم
ASHRAF TAHA
nazar hussien
فيس بوك
تويتر
انستقرام
يوتيوب
بنتيريست