انا والأشواق في بعدك بقينا أكتر من قرايب ما بنغيب عن بعض أبداً زي أعزّ إتنين حبايب كنت فاكر الشوق يغيب لحظة واحدة عن فؤادي بالزمن يتلاشى وجدي وقلبي يسلاك ببعادي شوقي قال لي مستحيل مره يتحقق مرادي لازمني زي خلي الوفي وأصبح حبيبي الما با بعاتب أي لحظة بعيدة عنك ضايعة من أيام زماني وكل يوم كان لي في قربك أتمنى لو أحياهو تاني روحي لو غنيتها ليك ما بتصور ما أعاني شوقي أبلغ من غنايا وحبي أسمى من المعاني كم رسالة يا حبيبي بسطّرها أشكي بالبعد يا ناسيني وأحلى كلمة مني ليك بضمّنها باقة من شوقي وحنيني بين حروفها أشوف خيالك وانت تتبسم لعيني وقبل ما أختم سلامي أتمنى لو ردك يجيني
محمد عثمان شكراً لـ انا والأشواق وإختيار جميل
وهي من الأغاني التي عبّرت عن الشوق وحكت عنه بعناية فائقة
وآداء محمد ميرغني وصوته الحنين جعل لها طعم مختلف
06-18-2008, 11:09 PM
Haytham Abdulaziz Haytham Abdulaziz
تاريخ التسجيل: 05-28-2006
مجموع المشاركات: 2899
محمد عثمان .. داير تكلفتنا .. مش ؟ أنا و الأشواق دي يا زول مفروض تتسمع بأول تسجيل ليها في الإذاعة .. التسجيل القديم .. عشان إنعام دي تعرف الله واحد .. و تبطل تشتاق .
.... إنعام يا البت أم توب .. ياخي الله يسعدك .. بركة دعا الوالدين .
محمد عثمان .. داير تكلفتنا .. مش ؟ أنا و الأشواق دي يا زول مفروض تتسمع بأول تسجيل ليها في الإذاعة .. التسجيل القديم .. عشان إنعام دي تعرف الله واحد .. و تبطل تشتاق .
عماد...
عارفك مفتّح...و برضو متوقعك تجيب سيرة التسجيل القديم..قلنا نعمل غتاتة الادروبات لكن الظاهر ما بتمشى عليكم...
اها رأيك شنو انا جبت ليك التسجيل الاصلى و كمان معاهو لينك الحفظ و سمعة واحدة بعد الاكل و عند النوم..!!
يديكم العاافية..معليش انعام خرمنا شوية
06-19-2008, 11:47 AM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
محمد عثمان .. داير تكلفتنا .. مش ؟ أنا و الأشواق دي يا زول مفروض تتسمع بأول تسجيل ليها في الإذاعة .. التسجيل القديم .. عشان إنعام دي تعرف الله واحد .. و تبطل تشتاق .
غايتو يا عماد كان بطلنا نشتاق معناها الرماد كال حماد ياخ
يعني إنت فاكر انو سمعان الغناء السمح دا بخلينا نبطل
كدا يا دوووووووب ح نسمع ونسمع ونسمع
غايتو الله يخلي محمد عثمان دا
يشيل وينكت في الغناء ما عارفه مودينا على فين
Quote: إنعام يا البت أم توب .. ياخي الله يسعدك .. بركة دعا الوالدين .
دعوتك دي أحلى دعوة ياخي والسعادة البتجي
مع الأشواق الكتيرة دي دي معناها سعادة عظيمة ياخ
الله يخليك يا رب ويخليك تشتاق وتشتاق
06-19-2008, 11:25 AM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
بس ألحقينا باللينك سريع بلاي و قبل ما أختم كلامي و سلامي....
و مشكووورة على النغم الجميل يا نعومة....
انا والاشواق فى بعدك بقينا اكتر من قرايب ما بنغيب عن بعض ابدا زى اعز اتنين حبايب أنــا و الأشـــــواق
كنت فاكر الشوق يغيب لحظة واحدة عن فؤادى مع الزمن يتلاشى وجدى قلبى يسلاك فى بعادى وشوقى قال لى مستحيل مرة يتحقق مرادى ولازمنى زى خلى الوفى واصبح حبيبي الما بعادى
اى لحظة بعيدة عنك و ضايعة من ايام زمانى وكل يوم كان لى فى قربك اتمنى لو احياهو تانى وروحى لو غنيتا ليك ما بتصور ما اعانى وحبى ابلغ من غناى وحبى اسمى من المعانى
كم رسالة يا حبيبى بسطرا اشكى بالبعد يا ناسينى واحلا كلمة منى ليك بضمنا باقة من شوقى وحنيني بين حروفا اشوف خيالك وانت تتبسم لعينى وقبل ما اختم سلامى أتمنى لو ردك يجينى
______________________
06-19-2008, 12:58 PM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
-=-- انعام سيدة نساء البكاء الحاااااااااااااااااااااااار انا غايتو تبت- لا اشواق ولايحزنون- تقوم عليك اشواقك تديها عفصة ولاقرصة فى وركها وكان قلت ادبها تنادى ليها السعلوة- اوعى تقولى لى السعلوة يعنى شنو بقوم جارية بالليل ده والله ومايمسكونى الا فى الديم
Quote: انعام سيدة نساء البكاء الحاااااااااااااااااااااااار انا غايتو تبت- لا اشواق ولايحزنون- تقوم عليك اشواقك تديها عفصة ولاقرصة فى وركها وكان قلت ادبها تنادى ليها السعلوة- اوعى تقولى لى السعلوة يعنى شنو بقوم جارية بالليل ده والله ومايمسكونى الا فى الديم
غايتو يا إشراقة سويتي لي سمعة ساااااااااااااكت
هسه عليك الله انا مالي ؟؟؟ الجماعة ديل براااااااهم
جو يشكوا ويبكوا من الشوق وعمايلو فيهم
عليك الرسول كان تخليهم يفضفضوا شوية
ــــــــــــــــــــ
إشراقة إنتِ
Quote: السعلوة
يعني شنو ما عرفتها ؟
06-19-2008, 11:27 PM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
أي لحظة بعيدة عنك ضايعة من أيام زماني وكل يوم كان لي في قربك أتمنى لو أحياهو تاني روحي لو غنيتها ليك ما بتصور ما أعاني شوقي أبلغ من غنايا وحبي أسمى من المعاني
هسه فى داعى بس نعوم حبيبى لجنس ده الحاصل عليكم شنو يااهلا بيت البكا ده انا شايفهو مدور ليهو كمين يوم بس لو عايزة الحق البكا كده ولا بلاش بكا منظم وحميل ومن اللحظة دى انا بس ببارى بكياتكم مع رجاء وضع لينك العنوان علشان مانضيع غايتو ناس قلبها رهيف وجرسة خلاص تسلمى نعوم كتير يارب ..
06-19-2008, 00:45 AM
عامر تيتاوى عامر تيتاوى
تاريخ التسجيل: 01-14-2006
مجموع المشاركات: 3328
عزيت سهادي علي المنام شوقرت طرفي الما نعس بالشوق كويت جرح الفراق مع إنو تب ما بيتلمس في نيتي اصبر والصبر للمتلي فوق طاقة النفس إلا الصبر جواي مات يوم ما بقيت بهواكي احس
شايل عذابات السنين والجوة في الجوف يتحبس واقف اناشد في الديار يا دار انطقي بعد خرس قالتلي ما نست العهود ماها التبيع الريد بخس الا الله يفعل ما يريد وابقي انت للتانين درس
الأشواق هي أحاسيس تولدها شفة البعد والفراق ، الفراق نوعان ؛ أختياري وقسري ،ومن ذلك الذي يخضع لهذين العنصرين هو فراق الوطن .. الأرض .. لن اكفر بها.. فلهذه الأرض راحة يد وامومة تحملني..ولهذه الآثام المدللة.. طفولة جسد..هكذا اقترفنا، ببراءة ، كل خطايا المجد!.. عندما تعصف بنا الأشواق نحاول أن نجد ذرائع للرحيل الذي ولد الحنين والأشواق فنستعيذ من ذواتنا العاقلة .. نتجول ذهابا ايابا في باحة احلامنا الفائضة!.. وكلما ابصرنا زهرة اوركيد يانعة نتمنى ونحسب أنها مهداة .. نتذكر الأرض ونكون اكثر أكثر شوقاً إليها..نتقوى بها نمجدالإيمان بها.. المشتاق أياً كان هو عاشق مجهول .. كان قد ترجم أشواقه إلى أحزان وحنين وأنين .. الحنين هو شبق الوجع .. والدموع التي تسكب من أعيننا ماهي إلا لتطهير النفس من شبق الشوق .. تطهير للنفس من فضيلة الشوق .. نقترفهاببراءة في ساعة قيلولة أو في جوف حلكة الليل.. المسافة بين الحنين والشوق هي المسافة بين حلمين فائضين.. كالمسافة بين خطيئتين..مسافة فائضة،مثل المسافة بين التخمة والجوع،والمسافة بين وجه طاغية ظالم وعطف شيخ متصوف زاهد.. الشوق فاجر خلوق، بين الشوق والحنيننفس حجم المسافة بين خطيئة آدم وفضيلة تناسله..سنرفع الشوق فضيلة مقدسة وتصوف، طفولة ونسل جديد.. يدلل احلامنا الفائضة فلا يقترف خطيئة او مجد!.. هكذا نمنح الأرض حبور امومتها..
جميلُ أن تتحدثي عن مكون من مكونات الشبق الروحي الإنساني .. الأشواق .. البعاد .. الهجر .. الحنين وسلامٌ على روحك الطيبة يا إنعام..
06-20-2008, 09:28 PM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
رقّ النسيم راجى الصبـــأح والليل هجع لملم نجيماتو ورحل والشمعه زرفت كل دميعاته وطفت خلتنى للضيق والملل وحالى أصبح حــال غريق يتشابى للقشه ويحاول كان يصل وأنا الوحيد سهران وحاير منتظر قطعت أوتار الأمل
الطريق اصبح طويل والزاد قليل والشــوق فضل زاد الصبر وعلى الرصيف أفضل أقيف أسترجع الماضى وأقاوم أنتظر والإنتظار لو برضو طــال بتزيد قساوتو وطعمو مـر أنا شوقى ليك فايض بحـر لازم أقيف لو وقفه فى عز الجمر
الموج يصــادم فى الشواطى ويعود يقاوم شان يصـــل والطيور لمن تهاجر اكيد تعود ويشرق ســنا البدر الأفل أسترجع الذكرى وتفاصيل المضى والزمن الجميل الكان رحل وارجى الصباح تطلع تباشيرو وأدوزن تانى أوتار الأمل
06-20-2008, 09:36 PM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
Quote: الطريق اصبح طويل والزاد قليل والشــوق فضل زاد الصبر وعلى الرصيف أفضل أقيف أسترجع الماضى وأقاوم أنتظر والإنتظار لو برضو طــال بتزيد قساوتو وطعمو مـر أنا شوقى ليك فايض بحـر لازم أقيف لو وقفه فى عز الجمر
Quote: وارجى الصباح تطلع تباشيرو وأدوزن تانى أوتار الأمل
ويفضل الأمل ليوم جديد بشوق متجدد
ويا يوم بكره ما تسرع تخفف لي نار وجدي
شكراً محمد فضل الله للأبيات الجميلة
06-20-2008, 08:58 PM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
اطالب بتطبيق اللائحة على نعوم و توجيه انذار لها و تعليق عضوية محمد عثمان لفترة مؤقتة و سحب امكانية استخدامه لأكواد الميديا نهائيا و فصل عماد عبد الله مرة واحدة و اي زول يجيب سيرة الشوق و الحنين و الحاجات المتعبة دي لغاية ما الصيف ينتهي
Quote: اطالب بتطبيق اللائحة على نعوم و توجيه انذار لها و تعليق عضوية محمد عثمان لفترة مؤقتة و سحب امكانية استخدامه لأكواد الميديا نهائيا و فصل عماد عبد الله مرة واحدة و اي زول يجيب سيرة الشوق و الحنين و الحاجات المتعبة دي لغاية ما الصيف ينتهي
توقيعاتكم يلا
يا ود البشرى يا اخوى هسى نحن مش اخير ليك من......
بعدين لا فرصة دفاع و لا فرصة حتى لمحامى ولا محامية...ما معقول..!!
ـــــــــــــــــــــــــــ و غابة الابنوس عيونك.. شايفك كبيت الزوغة...
06-19-2008, 11:33 AM
Haytham Abdulaziz Haytham Abdulaziz
تاريخ التسجيل: 05-28-2006
مجموع المشاركات: 2899
Quote: اطالب بتطبيق اللائحة على نعوم و توجيه انذار لها و تعليق عضوية محمد عثمان لفترة مؤقتة و سحب امكانية استخدامه لأكواد الميديا نهائيا و فصل عماد عبد الله مرة واحدة و اي زول يجيب سيرة الشوق و الحنين و الحاجات المتعبة دي لغاية ما الصيف ينتهي
توقيعاتكم يلا
يعني يا ود البشرى بقينا نحنا الحيطة القصيرة
إنذار إنذار غرامة غرامة ح يحصل شنو يعني
06-19-2008, 10:57 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
هي الغربة استاذة / انعام محت عنا كل الوان الشوق وجسدتها في الشوق الي هذا الكيان .... السودان شوقنا له هو شوق للحبيبة شوق للاهل شوق للاصحاب شوق للجروف شوق للجيران شوق للحميمية شوق لكل شئ واهمها.... شوق للشوق ___ وبكل الشوق نقول متين ياربي تاني تلمنا قريب ياربي انشاء الله تلمنا . الله يقطع الغربة وسنينة. كل التحايا هارون دياب
Quote: هي الغربة استاذة / انعام محت عنا كل الوان الشوق وجسدتها في الشوق الي هذا الكيان .... السودان شوقنا له هو شوق للحبيبة شوق للاهل شوق للاصحاب شوق للجروف شوق للجيران شوق للحميمية شوق لكل شئ واهمها.... شوق للشوق ___ وبكل الشوق نقول متين ياربي تاني تلمنا قريب ياربي انشاء الله تلمنا . الله يقطع الغربة وسنينة
الشوق للوطن هو أعظم الأشواق كلها
ويظل شوقه يتبعك ينام معك ويصحو
ربنا يرد غربتك يا هارون دياب
وتسلم يارب
06-20-2008, 01:02 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
انعام عبد الحفيظ
لؤى
Ishraga Mustafa
Haytham Abdulaziz
osman righeem
Emad Abdulla
محمد البشرى الخضر
بهاء بكري
ماجدة عوض خوجلى
عامر تيتاوى
ناهد بشير الطيب
بابكر التوم
walid taha
salma subhi
انعام حيمورة
علاء الدين حيموره
محمد فضل الله المكى
العوض المسلمي
معتصم دفع الله
طارق جبريل
Alsa7afa_30
أحمد الشايقي
khaleel
haroon diyab
محمد عبد الماجد الصايم
Ahmed Abdallah
فيس بوك
تويتر
انستقرام
يوتيوب
بنتيريست