|
|
|
 Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: Tragie Mustafa)
|
وكان الشمار الطلع فى كالجري(ولاية البرتا)
عند يعض جلابة كالجري انه رابطة دارفور احضرت عمر احساس
من اجل حفل خاص وهم زعلانين انه تم اقصائهم!!
وطبعا كلام ما حقيقي
ووجدت بالصدفه اعلان الحفل نازل بهذا الموقع في الصفحه الاولى!!
وعلى فكره اتوضعت لي رسالتين بهذا المحتوى
في بريدي الصوتي
وكمان تساؤل عن لمصلحة من ستعود اموال الحفل؟؟!!
وكانه في زول يوم سأل الجلابه عن ايرادات
اي حفل من نانسي عجاج مرورا بشرحبيل ابو عركي
وحتى عمر احساس لما يجبوهوا الجلابه
مافي زول من حقه يتسأل لمصلحة من تجمع الاموال!!
لكن ما ان يكون اسم دارفور بالامر الا ويشبوا لك الجلابه في حلقك!!
لا اعتقد هنالك اي اموال
كل البحصل انه المنظمين بيكونوا محظوظين لو الحفله غطت لهم
تكاليف الصاله و المبلغ العايزه الفنان.
اها حلفة ترونتو منظمنها جالية الجلابه
اتمنى يجيوا جلابة كالرجي يسألوا ناس تورنتو
لمن سيعود ربع الحفل؟؟!!
قال ريع قال!!
ياريتها تغطي بس تكاليفها
وشكرا لجالية تورنتو لتنظيمها هذا الحفل!
| |
 
|
|
|
|
|
|
|
 Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: على محمد على بشير)
|
علي بشير
يازول نحن كايسين لاي نغم من الهامش
وعمر احساس من مبدعينا انت خليك منه
نحن بندفأ غياتو يومها من الرقص على انغامه
لانه انغامه بتحركنا من جوه
Quote:
غايتو يا تراجى ...
الا اكان دايره ليكى موضوع تردحى فوقو فى جلابة كالقرى
علا زولك دا كيسو فاضى .. انصحكم تشوفوا ليكم دفايات من اسع .. |
ديل بالعكس ما موضعنا....موضعنا حفلتنا بتورنتو...الا لو اتذكرته بمشي افتش
لهم اعلان حفلتهم وانزله هنا برضو...زيادة خير لهم.
| |
|
|
|
|
|
|
|
|
|
Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: Tragie Mustafa)
|
Quote:
اعلان هام
تسر رابطة دارفور الكندية بكالقرى بان تعلن على قيام حفلة جماهريه كبرى والذى وذلك فى يوم السبت المقبل الموافق 19/12/2009م فى تمام الساعة 8:00 مساءاً و حتى 12:30 منتصف الليلسيغنى فيه الفنان السودانى الكبير الاستاذ عمر احساس وذلك على العنوان التالى:-
404 Meredith Road NE (intersection of Memorial Drive and 4th Street NE)
تنبيه: فئة التذكرة لكل فرد من الراشدين 30$ والاطفال مجان والتذاكر محدودة لذى نشجعكم للحصل على التذاكر مبكراً علماً بان التذكرة فى مدخل الصالة 40$ للفرد لمزيد من الاستعلام الرجاء الاتصال على الارقام التالية:-
Mr. Zakaria : 403- 478-2414 |
بختكم يا ناس كالقري!!
| |
|
|
|
|
|
|
|
|
|
Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: Yassir Tayfour)
|
امشي يا سودان قديم انت شن عرفك برقيص السودان الجديد كمان؟؟؟
Quote: بالله يا تراجي، رأس السنة أنا ماعندي Date، ولو إنت كذلك،
وأظن ذلك، Count on me؛ عشان نرقص رقصة "السودان الجيد" |
انت ما عندك Date ??? نظام قشرات منبريه...ومن متين عندك Date
ما بشوفك متنيل على عينك قاعد براك في كل حفله(هههههههه)
عايز تسخن سوقك لجكس المنبر؟؟؟
ما على اكتافنا...
احنا يا بابا قوم لف كده بالله!
بعدين انا مش قدر خالتك يا اخي مش عيب يا اب تفه؟؟؟
| |
|
|
|
|
|
|
|
|
|
Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: على محمد على بشير)
|
علي يا ظريف انت
Quote:
وبعدين المراه فى اليوم العلينا دا ما بيعيبا الا جيبا
وانتى تحمدى الله جيبك دفيان !! |
بالله!!
خليك مقرض على كده(هههههههههه)
يازلو من اين لي انا البعده الفقيره لله؟؟
عندي حيران بحصدوا لابور ولا عندي اتباع بدفعوا لي عشور؟؟؟
يازول خليها على الله بس!
ده تلقاهوا عن صوفية آخر الزمان
ابهات جيوبنا تريانه ورويانه
واملاك واطيان!!
وقال صوفيه قال!!
| |
|
|
|
|
|
|
|
|
 Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: Tragie Mustafa)
|
يا تراجي ما تكبري نفسك ساكت، وما تخلي النضال يُنسيك نصيبك من الدنيا، مرة كده جيت حفلة، كالعادة بدون Date، فوجدت فتاة أثيوبيَّة، شفتي -فتاة- دي حلوة كيف؟ المهم، أنا بعرفها، وصادف ان جيرانها سودانيين، جات معاهم الحفلة، وداك يا السلام، أمّح، أمّح، أمّح، وشابكاني ليك يا "يازِر" تقصد ياسر، وأنا أعيط، ومن الليلة ديك والجماعة شايلين حسي، بتاع حبش، بتاع حبش؛ ناس حاقدين، ما عندهم سوزوكي..
أها نرجع للزول القال ليك: دخل الحفلة ماشي وين ! كان تقولي ليهو هو متين كان عندكم حفلة جابت حقها بس وغطت تكاليف الفنان والصالة والساوند؟؟
___
علي يا شقيق، تراجي دايرة تجهجه باكاتي مع chـيكس الأسافير، لكن وين ليها، أب تفة واصل..
| |
|
|
|
|
|
|
|
|
|
Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: هاشم نوريت)
|
تراجي..حبابك يا صديقة
كتر خيرك على هذا الخيط..
الإنطباعات عن طقس كالقري..و التي حينما وصلها اخونا و استاذنا عمر احساس.. كانت 31 تحت الصفر..و استمتع بالجليد و البرد..و هو بخير.. هو من يحدثكم عنها..
الحفل كان ليلة الأمس 19 ديسمبر2009..و الصور ستتحدث بنفسها..
يكفينا في كالقري أن عمر احساس هو الفنان السوداني الوحيد الذي جاءنا من السودان مباشرة..و حتى ناس كالقري ما مصدقين انو في البرد القاسي ده يجيهم فنان من السودان..
الحضور كان سوداني تماما..طبعا معانا شوية ضيوف من اهل الدار (خواجات و كده)..و كان كونسيرت بهيج للغاية..الناس ابتهجت باغاني السلام و الوحدة و الحب و الجمال..
و على قول اخونا ياسر طيفور.. بعد تمنطاشر سنة .. الزول لقى نفس في غمرة ديت (مع الحكومة طبعا)..!!
و اكيد ناس كتيرة كانت جات و هي بتتذكر ماضيها الجميل..
شكرا عمر احساس.. لأنك استطعت أن تختصر كثير من المسافات..
شكرا جمهور كالقري على الحضور المميز..
سيقيم عمر احساس حفل في مدينة ونيبك في نهاية هذا الأسبوع.. ثم حفل تورنتو.. ثم حفل في مدينة ادمنتون بألبرتا..
و نتمنى للجميع ايام سعيدة تخرجهم من الضغط الحاصل هنا..
معي صور حفل كالقري..و اخدنا الإذن من الأستاذ عمر لنشرها..و كذا الجمهور (!!!)..
المهم.. لحظات و نبدأ ننزل بعض منها..
كتر خيرك من تاني يا تراجي..
كبر
| |
|
|
|
|
|
|
|
|
|
Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: Kabar)
|
كبر لكن ما فاتتنا حفلتكم دي
يا اخي باين حتتيتو قرض بهناك.
يا بختكم.اريتنا كنا معاكم
وشكرا لك ان اشركتنا بهذه الصور الرائعه
Quote: عمر احساس في بيتنا..
الأستاذة سهام مراد (الحيكومة ..و شقيقة استاذنا التشكيلي الطاهر بشرى)
و الأستاذ عمر احساس..
وواحد اخونا(زنجي كاره لذاتو بالطبع.. نو اوفينس)!! |
وتحاينا لحكومتكم الرشيده الاستاذه سهام مراد.
وان شاء الله نلتقي يا اختي سهام قريبا في الربيع احتمال
جنس ثلجكم المقنطر ده الله يكفينا شره.
| |
|
|
|
|
|
|
|
|
|
Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: Tragie Mustafa)
|
تراجي ..حبابك يا صديقة
الحيكومة تغريك السلام..و بتقول بالأكتر (هو شنو علمي علمك)..
الحفل كان ناجح ، برغم من برودة الطقس..و ناس كتيرة ليها مدة ما اتلاقت..و كل زول /ة يقول ليك كتر خير عمر احساس القدر يجمع قدر كبير من الناس..
اما حت القرض ده موضوع تاني.. نجي راجعين ليهو لاحقا..
كل املنا أن يكون اخونا عمر احساس انطباع جيد عن السودانيين و السودانيات في كندا..و خايفو بعد شوية يقول لينا ما ما بجيكم الإ في موسم البرد عشان الناس تدفا..
باكر كنا ربنا حيانا نعود..و نكتب عن الزيارة بالتفصيل (طبعا من منظور مشاهد ساكت)..
و كتر خيرك من تاني يا تراجي على المبادرة بهذا الخيط..
كبر
| |
|
|
|
|
|
|
|
|
 Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: Kabar)
|
والله ياتراجى ماشى كويس بقيتى تعلنى للحفلات,,,
,,,,
ياخ غنو ,,,ارقصو,,,افرحو,,,ابتهجو,,,,,,
عمر احساس دا غنااااااى غنا شديد خلاس والعجب المردوم
نحن بغشانا هنا مرات مراتب بالدس كدا ويطربنا(هامش وجلابة)
انشاءالله 2110 يكون عام السلام والتسامح والمحبة
| |
|
|
|
|
|
|
|
|
|
Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: Tragie Mustafa)
|
اخت تراجي لك تحياتي وكل عام وانت وكل الشعب السوداني والعالم بخير
ويابختكم واتمني ليكم ليلة سعيدة وعلي انغامة الشجيه تستقبلون عام سعيد فيه تحقق كل الاماني
الطيبة
عمر صديقي ورفيقي من الزمن الجميل
بلغيه التحية وقولي ليهو انا ماكنت موجود شفت تلوفنك لكن لقيتك مشيت امريكا
علي كل حال لو لقيت منكم تلفون ليهو اكون سعيد جدا
مع امنياتي لكم بقضاء اجمل الاوقات مع الراقي عبر (غيرت الميم لي باء) اصلو عندي زكبة دي طبعا
فرمالتو...
سلام وتقدير
| |
|
|
|
|
|
|
|
|
 Re: (عمر احساس) يدفأ ليالي (تورنتو) بعد (كالجري)(في رأس السنه)! (Re: Tragie Mustafa)
|
الاخت /تراجي
لك من الحب الخلود والعطاْ الممتد لهذه الولاية الهامة
فى الجزء الغربي من سوداننا الحبيب
وانتي تمثلي دارفور فى ارض المهجر
اهدي هذا النص لكي ولى نساء دارفور
وتحياتي لعندليبنا عمر احساس
ورأس سنة حلوة و عام ملئ بالسلام
بنت دارفور
كلمات/ذواليد سليمان مصطفى
2/5/2004م
بنت دارفور حبك نور
جمال الدنيا واحساس معهود
يا سحر الطبيعه وحسنها
انت للحب وفاء مشهود
ضوه قمرك وطالعه شمسك
يا احلى بنيه واحلى ورود
بت بلدى فتونه خجوله
ادعو لربى ليك اعود
همسك فاح احلى عطور
يا احلى كلام رقيق منشود
فرع رمانه حاك البانه
رقه وعفه ماليها حدود
تسلمى انت يا لينا تعيش
يا المالينا حب ووعود
بخور الصندل وتوب الفركه
رقصه هجورى وسط العود
انت سماحه الريده الصادقه
ومعنى الدنيا ليك مردود
يا احلى مشاعر الغنوه الراقصه
امواج ودلال يا احلى وجود
زهره رويانه فى خديك
انت امال الخطوه القادمه
يا احلى عيون عسيله وسود
حبى اليك مافيه صدود
يا اغلى انسان فى شرف العزه
احبك دائماً بلامحدود
| |
|
|
|
|
|
|
| |
Tragie Mustafa
Kostawi
على محمد على بشير
Yassir Tayfour
Shams eldin Alsanosi
امبدويات
هاشم نوريت
Kabar
المسافر
munswor almophtah
عبداللطيف حسن علي
عماد شمت
ذواليد سليمان مصطفى
فيس بوك
تويتر
انستقرام
يوتيوب
بنتيريست