|
Re: لبنى حسين في اليمن...رغم قرار حظر السفر الصادر ضدها (Re: Abureesh)
|
Quote: ومن كان معها ..اخوها ابوها اختها امها خالها عمها ام من ؟ ما كان معاها زول يا الهي .. |
حنين للبلد كانت في السودان...بفرحة تقابلها فرحة التقت بورداب الخرطوم في لمة فيها ،عبدالوهاب و عوض المسلمي والسيد المسلمي وحمور وناجي وانعام حيمورة وفيصل الرشيد،، ماكان معاها لا ابوها ولا اختها ولا عمها ... يا الهي .
لو اسقطنا اقتباسك الفوق ده على مفهومك على لمة البورداب الحلوين ديل حيكون الناتج الكلام الفوق ده !!!!!!
ياإلهي يا فيصل لو كانت دي قناعاتك....
بس قناعاتي لما جييتكم انا وشوقي للبلد وناسو هو انه جاية الاقي اخوان لي، ومامحتاجة محرم، لانهم هم لو احتجت لي محرم حيكونوا لي اكتر من اخوان وحيكونوا هو وليان ومحرم لي.
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: حنين للبلد)
|
يا فيصل الرشيد
مع احترامي الذي تعرفه... قضية لبنى وكل الجدل الذي أثير حوله بعيد تماما عن القاء اي شبهة في تواجدها في مكان عام ومناسبة عامة ايا كانت، والنقطة دي بالذات ارجو انه ماتذكرها في تقريظك للبنى، لانه لو كدة معناها احنا حنكون مجتمع " طالباني" وده بعيد كل البعد عن المجتمع السوداني.
اها يا فيصل نواصل ولا.....
* متخيلاك اسه تلاوي في الماوس وتقول أجليها ولا اشوتها أجليها ولا اشوتها... انا اقول ليك اي نيران مقبولة منك لانها حتكون نيران صديقة
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: حنين للبلد)
|
Quote: تمبس جاياك بي مهلة، اثرت نقاط كتيرة اتفق معك في بعضها واخالفك في الآخر.... * غير كدة انت غاطس وين،،، انا قايلاك عرست |
.. ما عرست ولا اي حاجة يا حنين لكن قاعد احب .. وقاااعد والله في السعودية دي .. أحسن حاجة يا حنين الاختلاف والاتفاق .. في حد حفظ الحقوق .. قضية لبنى دي من أساسو ما واقعة لي في الطريقة الانطرحت بيها هنا دا .. وفي الاطراف الاستثمرت المسالة دي .. زي ما قلتي قضية لبنى قضية كل النساء وكل النساء دي ماعون واسع جدا فيهو امي واخواتي وبنات جيرانـا .. وكل من يدرج تحت القائمة .. التعامل فيها حساس جدا .. ما بقبل عصاية قايمه وعصاية نايمة يتوضح مكان الخلل وين .. ليتعالج .. ومكان الصاح ووين .. شان الناس تمشي فوقو .. لكن التلاعب بيها من أجل علامات استفهام محددة .. دا بشبه تجارة الاسهم يا غطست حجر الواحد يا طارت بيهو السماء .. أنا راجيك يا حنين .. بتهمني نقاط الاختلاف اكتر من نقاط الاتفاق .. عشان لو كنت غلط اعرف نفسي غلط وين واتجنبو .. ودا الشئ المفيد والمهم .. لكن مشروع القمع الاسفيري والتنميط بتاع عادل دا .. والله فترنا منو وتخـن جلدنا عديل كدا ..
فيصل الرشيد برجع لي كلامك دا لانو برضو زي حكاية حنين معاي .. لانو بتفق معاك فيحتات وبختلف معاك في حتات ..
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: tmbis)
|
والله ذكرتني قصة المناضل الرجع البلد
عايز يقبضوه ويعمل هيلمة مافي زول اشتغل بيه قرب يقول الحكومة دي جنت ولا شنو
لبنى عايزة تطلع وتعمل ليها قصة كبيرة
انها مرقت لابسة برقع وعشان تغطي على قصة الجواز قالت ساعدوها ناس...
هي عايزةتقول انها محظورة من السفر عشان لما تاخد لجوء سياسي تكون دي قصتها...
فرقعة اعلامية لاغير ولذلك ربط اي قضية مع محبين الاضواء بتنتهي بضلام دامس..
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: Ahmed Alim)
|
حنين للبلد
سلامات ومشتاقين وعودا حميدا
أنا بتفق مع كلام نجوان التحت ده ..
Quote: وشخصيا أفضل ان تجوب لبنى العالم حاملة عبء كشف حقيقة هذا النظام على ان تكون حبيسة الخرطوم لأجل غير مسمّى.. |
وأضيف لو لبنى خرجت بلا عودة ..أو لأنها وجدت مضايقة أو عايزة تبحث عن مناخ تتنفس فيهو حاجاتا القصة ممكن تكون معقولة ومقبولة ، وأغلب السياسين والمعارضين للحكومات بلجاوا للتحايل والهروب ..ودايما بلقوا ناس بساعدوهم ..والناس في الغالب بتعاطفوا معهام لأنو ببساطة مظلومين على الأقل من وجهة نظرالقامو بالمساعدة أما إذا كانت الحكاية تحدي ـ وأنا بستبعد ده ـ فدي مسالة فعلا ما مدروسة وهنا لبنى بتكون "جاطت " عليها الأشياء ..
ــــــــــــــــــــــــــــــــ
لكن تصريح لبنى إنو في ناس ساعدوها ..ده تصريح ما فيهو حكمة على الأقل في الوقت ده والقصة
لسة حارة ، وحاجات زي دي ممكن الزول يقولا في مذكراتو مثلا ..
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: داليا حافظ)
|
Quote: أنا بتفق مع كلام نجوان التحت ده ..
Quote: وشخصيا أفضل ان تجوب لبنى العالم حاملة عبء كشف حقيقة هذا النظام على ان تكون حبيسة الخرطوم لأجل غير مسمّى..
|
وهل كشف النظام يحتاج لمثلها كي يقنع العالم ؟ وهل هي حبيسة في الخرطوم كما تدعين ؟ بئس الحجج والدفوع ثم قلتي
Quote: وأضيف لو لبنى خرجت بلا عودة ..أو لأنها وجدت مضايقة أو عايزة تبحث عن مناخ تتنفس فيهو حاجاتا القصة ممكن تكون معقولة ومقبولة |
اتمني ان تجد هذا المتنفس وكان لقت بالله ورونا عشان نمشي نتنفس معاها .................. وايضا
Quote: ما إذا كانت الحكاية تحدي ـ وأنا بستبعد ده ـ فدي مسالة فعلا ما مدروسة وهنا لبنى بتكون "جاطت " عليها الأشياء .. |
هل تصريحاتها ليس فيها ثمة تحدي اومحاولة للايقاع والاشتباه باناس ابرياء لا ذنب لهم ..مع العلم انها اصلا ليست محظورة حتي سفرها الاخير
Quote: لكن تصريح لبنى إنو في ناس ساعدوها ..ده تصريح ما فيهو حكمة |
داليا ماهو الفرق بين الخبث والدناءة وحب الشهرة .... و قلة الحكمة التي ذكرتها هل ما قامت به في نظرك هو قلة حكمه فقط؟
القصه لسه حارة دي انا ما فهمتها هل بعد الحكم القضائي والذي تم تنفيذه هل ما تزال القصه حارة ومتي ستبرد قصتكم هذه ؟
Quote: وحاجات زي دي ممكن الزول يقولا في مذكراتو مثلا .. |
ماشاء الله اديتيها كل الحلول والطرق للاعذار ونسيتي صدي كذبها وافترائها .. مع العلم ان بحديثك تناقض واختلاط .. فلا انتي ادنتي ولا انتي ايدتي ..
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: Faisal Elrasheed)
|
أستاذ فيصل الرشيد
مساء الخير
مهلا ..لماذ كل هذا الهجوم ؟
Quote: هل تصريحاتها ليس فيها ثمة تحدي اومحاولة للايقاع والاشتباه باناس ابرياء لا ذنب لهم |
أنا قلت تصرفا ما فيهو حكمة ..ولي الحق بإستخدام الوصف الذي أريد ..
Quote: ماهو الفرق بين الخبث والدناءة وحب الشهرة .... و قلة الحكمة التي ذكرتها هل ما قامت به في نظرك هو قلة حكمه فقط؟ |
الشخص غير الحكيم ليس بالضرورة أن يكون خبيثا او ودنيئا او باحثا عن الشهرة لكنو حتما
متهور ..فلادعي لأن تملي علي الوصف الذي أريد ..
Quote: القصه لسه حارة دي انا ما فهمتها هل بعد الحكم القضائي والذي تم تنفيذه هل ما تزال القصه حارة ومتي ستبرد قصتكم هذه ؟ |
القصة التي أعنيها هي قصة سفرها نفسها ..
Quote: مع العلم ان بحديثك تناقض واختلاط .. فلا انتي ادنتي ولا انتي ايدتي .. |
في هذه الحالة أنا أحلل في خبر ليس إلا ..وليست المسألة مع أو ضد (في الكيس ده ) ..
شاكرة تحاورك معي ..وإن كنت لا أجد مبررا للحدة ..
كامل الإحترام
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: داليا حافظ)
|
Quote: أنا قلت تصرفا ما فيهو حكمة ..ولي الحق بإستخدام الوصف الذي أريد .. |
نعم ..ولكن الله تعالي خلق لنا اللسان واللغة لنعبر بها عما نريد ايصاله من معلومة ولكل كلمة معني و ضد لتلك الكلمة .. كيف لي ان افهم قصدك وقد استخدمتي تلك الكلمات الواضحة وضوح الشمس نعم لك ان تستخدمي الوصف الذي تريدين ولكن ليس لك ان تجبري احدا ان يفهم ما تفكرين فيه داخل نفسك بل وتطالبينه ان يفهم ..قسرا ..
Quote: الشخص غير الحكيم ليس بالضرورة أن يكون خبيثا او ودنيئا او باحثا عن الشهرة لكنو حتما
متهور ..فلادعي لأن تملي علي الوصف الذي أريد .. |
داليا مما توفر لديك من بينات وما جري من احداث هنا وخارج المنبر وما كتب هنا وخارج المنبر هل ترين انها قد كانت فقط متهورة ولم تكن غير ذلك؟ هل انسانة قامت بما قامت به لبني وتظل ..هل من السهولة ان نقول انها سازجه وكفي؟
اما موضوع الاملاءات ده فانا ما فاهم انتي قصدك شنو ؟ هل انا جيت قلته ليك اكتبي كده وامسحي كده؟ والا انتي ما بتتقبلي النقد لكلام طلع منك لو كانت الامور بتتوزن بميزانك ده كانت حاجات كتيرة اتحسمت من زماااااان
Quote: القصة التي أعنيها هي قصة سفرها نفسها .. |
وليه تكون قصة سفرها قصه حارة؟ ما نحن متفقين انه هي مواطنة عادية خالفت مادة في القانون وشعرت انه القانون حاقر بيها وقامت اتعابطت وحلفت يمين الا تلغي المادة ..وفي النهاية طلعت زيرو من الموضوع ..صاح؟ يبقي سفرها او عدمو ليه يبقي ماده او موضوع حار للدرجه دي؟
Quote: شاكرة تحاورك معي ..وإن كنت لا أجد مبررا للحدة .. |
وانا زاتي بشكرك واقدر ردك علي المداخله مع العلم اني ما اظن اني كنت حاد في شئ ولو شعرتي بأني حاد في حته معينة ما بتستاهل فانا بعتذر ليك بشدة
احترامي
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: Faisal Elrasheed)
|
استاذ فيصل
Quote: معليش حا امشي ابلع حبوبي بتاعت الضغط وارجع |
ربنا يشفيك ..
كلامي من الأول أهوده
Quote: ده تصريح ما فيهو حكمة على الأقل في الوقت ده والقصة
لسة حارة ، وحاجات زي دي ممكن الزول يقولا في مذكراتو مثلا .. |
يعني تصريح زي الصرحتو ده ممكن تقولو بعد عشر سنوات مثلا ..ليه ؟ لأنو والقصة وهي حامية ..ممكن يتضرر منها ناس لأنو أكيد حيتفتح تحقيق(والناس المعنين هنا هم الممكن يكونوا ساعدوها من باب التعاطف ) ، عشان كدة أنا وصفت تصرفا بعدم الحكمة لأني ما بقدر أدخل في النوايا وما إذا كانت قاصدة أولأ ..ولمن تقول لي زول أنت ماحكيم فده ما برتقي لمستوى الإدانة ..لكنو بالتأكيد لوم مبني على الوقائع الأمامي ..
ما تشوف شر
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: HAIDER ALZAIN)
|
Quote: فيصل الرشيد صاحبي الظلامي اتجضم بالمنطق والعقل من حنين البلد .. قام كتب رد زي مرافعة هاني رمزي في محامي خلع .. وقال جاي راجع .. ما لقي فرقة قال اخير ادور ليك في داليا حافظ هجوم لفتاوي |
حيدر طبعا حنين دبستني واتخارجت ..جيت رديت ليها الجزء الاول من ليالي الحلمية ده وظبطه الرد التاني لاني عارف حتجي تقول شنو ... تقومي يا حنين تشيلي الكورة وتمشي البيت وتخلينا راسنا مقطوع .. عموما ما مشكله ..نخت ردودنا في التلاجه لغاية ما تجينا بالسلامة وكده ..
اها يا عمك مع قطعة الراس الحاصله دي قلتا كدي النشوف خالتك داليا دي كاتبه شنو ؟ جيت قلته اقزقز معاها بالراحة بالراحة وبدون تدخلات اجنبية عشان نوصل لي ارضية مشتركه تكون دافع لانبعاث تجارب وافكار جديدة ممكن تساهم في الدفع الذاتي للتجربة الديمقراطية بجميع كياناته التحيتية والفوقية اها جيتني انته يا ضلالي داير تشتت الكور وتلخبت الورق اخرج الي غير رجعة يا ابن ابي ربيعه
بالمناسبة وين العدة شايفك ما عملته حاجه والعيد علي الابواب
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: د.نجاة محمود)
|
د نجاة سلامات الكلام بتاع انها دايرة ليها قصة ما سليم بحكم انو
ساركوزي العرض بتاعوا واضح انو ممكن يستضيفها عندهم هناك
Quote: هي عايزةتقول انها محظورة من السفر عشان لما تاخد لجوء سياسي تكون دي قصتها... |
الزولة دي قصة اللجوء والقصة وتحضرها ما محتاجة ليها نشوف لينا راي تاني
لكن سوال لحدي هس ما لقيت ليهو اجابة
هل هي ممنوعة من السفر فعلا ؟؟؟؟؟
واذا كانت ممنوعة السبب شنو لحدي هس ؟
وحاجة مهمة احتمال تكون ما ممنوعة او تم رفع الامر دا
لكن الكلام دا ممكن لو واحد من الناس البينفوا الكلام طوالي يجيب لينا خبر الموضوع .
لانو اذا حصلت وانها زاقت كدا تبقي اشكالية حقيقة في قصة ضبط الناس الهاربة بكفاوي ودي نقطة مهمة اذا حصلت .
اذا كانت لسة محظورة من حقها تشوف الطريقة البتزوق بيها
في ناس كتار زاقوا من المطارات دي وكانو مطلوبين وكل يوم قاعدة تحصل ناس يزوقوهم من الخدمة الوطنية وغيروا وسافر افراد قبل اليوم في زمن بدري كانت الانقاذ تراقب بعض المعارضين عبر المطار نفسه . وعبر الحدود الي مصر
والي اثيوبيا ومنها الي مناطق تانية
ا
| |
|
|
|
|
|
|
Re: لبنى حسين في اليمن...رغم قرار حظر السفر الصادر ضدها (Re: الفاتح سليمان)
|
حولااااا
ده كله وانا مافي...
دلوية ازيك سبحان الله زي سنة كدة ما اتلاقينا في بوست...بكرة بالشوفة لما قلت داليا دي زعلانة مني ولا شنو؟؟
بجي راجعة ليك..
ولي تمبس...
فيصل الرشيد شايفاك بتنقي في كلامي تنقية :) ترد على الدايره وافط تسعة سطور وتخرم على البعده...المهم أخد راحتك لما اجيك بي مهلة :)
الباقين كلكم البوست ده لقيتو في الصفحة الرابعة اظن غبت شوية الايام الفاتت بس فيهو حاجات كتيرة يترد عليها...
تمبس...مشيت وين؟؟؟؟
| |
|
|
|
|
|
|
|