|
Re: جيل ماضى ابوالعزائم .........وحيدر امين (Re: ماضي ابو العزائم)
|
كتب محمد المرتضى حامد فى بوست المباركة لحسناء
Quote: يجب حذف بوست أختنا نجاة محمد بابكر بعد (حادثة) التخرج هذه حفاظا على سن الشاب ماضي أبوالعزائم الشاب . يا نجاة ماضي لسا بدري. |
رد عليه حيدر
Quote: حسع يامحمد المرتضى ده ما تحيز عديل شنو ماضى لسا |
لوووووووووووووووووووووووول
| |
|
|
|
|
|
|
Re: جيل ماضى ابوالعزائم .........وحيدر امين (Re: حيدر امين)
|
Quote: أسى كدي ألتقول ما شربت البزيانوس الاحمر داك من دكان حسن المصرى ؟؟؟ و لا ما سفت دقة القنقليز من دكان المبارك؟؟ خليها بس تقول (أسى بتقول .. برى إسمنى) |
برى إسمنى
حسع الله بسألكم كان شفتا قدر ماشفتا شفتا زيكم ولاقدركم قومو لفو عليكم الله
| |
|
|
|
|
|
|
Re: جيل ماضى ابوالعزائم .........وحيدر امين (Re: حيدر امين)
|
هم الجيل الكانوا بيقدو قزازة الببسي
بكسارة التلج و يشربوها
و هم الجيل الكان بيخط الطاحنية في
قزازة الببسي عشان تفور
هم الجيل الكان برجع رقبة قزازة الببسي
المكسورة و لسع عليها الفريتة و يديهوم واحدة
قزازة ببسي تانية مليانة
و هم لجيل الكان بيلم تلاتة فريتات بتاعت ببسي
كسبانة عشان ياخدو هدية 6 كبابي عليها شعار الببسي كولا
و هم الجيل الكان بيسوي من البلي فريت دبابير
وهم الجيل الكان بيسوي كراسي و طرابيزات من البلي فريت
وهم الجيل اللعبو البلي بالفريت
هم جيل البطولات
| |
|
|
|
|
|
|
Re: جيل ماضى ابوالعزائم .........وحيدر امين (Re: فيصل محمد خليل)
|
Quote: دا جيل شنو دا الغاطس ليهو اكتر من اسبوع |
غاطسين فى البطاطس
المهم ..
انا شخصيا صائم من كل شىء لحد ما اصل الخرطوم ..
و بعد ما آكل " الشييه و النيه " و اثبتها " بجركان شربوت " .. ح اجى لافى فى برى .. و بعدين نشوف
طبعا كل سنة باخد اجازتى فى ديسمبر .. عشان ابكى على الخرطوم ليلتى : الكريسمس و رأس السنة
السنة الماضية كنت فى نادى الخرطوم و طلعت منه الساعة الحادية عشر قلت اشوف لى نادى استقبل فيه سنتى الجديدة
و كانت المفاجأة عند خروجى من الباب .. طبعا صادفتنى امواج من البشر متحركة بالارجل فى كل الاتجاهات .. منظر
يخليك تعتقدى انو القيامة قامت .. قال شنو .. ماشين يحتفلوا برأس السنة .. قلت لمرافقى فهد عوض معلا .. ديل شنو؟
قال لى ديل شباب و شابات الخرطوم ماشين يحتفلوا برأس السنة !!
قلت ليه انشاءالله بكرة القى رؤوسهم فى جزارة " هنقا " بسوق الجزر .. و دينى بيتنا يا حبيب !!
قال.. رأس سنة.. قال !!
عارفه يا نجاة .. و الله جيلكم مسكين ياأأأأأأأخ ... اقول ليك انتو مدفونين بالحياة !!
غايتو .. الله يكون فى عونكم
| |
|
|
|
|
|
|
Re: جيل ماضى ابوالعزائم .........وحيدر امين (Re: مهند أحمد سلمان طيفور)
|
.
تعرف يا فيصل
ديل جيل الترتار والنبله ناس الدافورى وكورة الشراب كورة اللستك والكفر ابو بوز فنايل كورة المدرسة الدمورية المصبغه ساعات الوست اند , الرومر وامدرمان ناس سودان بوكشوب , مرطبات زكى واسندكو ناس يا جمال النيل والخرطوم بالليل ناس عجلات الرالى ام لستكا دبل ناس مواتر الفيسبا صناعة بياجو الايطالية ناس صحارى والالكسيسيور ديل ناس قلم التروبن والما كتب بيه ما كتب
| |
|
|
|
|
|
|
|