|
|
|
 Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
نصف ساعة فيها ( فقت الوسخ )
ورجعت إلى السرير مكدودآ مضعضعآ
أشعثآ أغبر
و أنين مكتوم
او حاولت جعله مكتومآ من أجل التي كانت تشخر بجواري
وهي مغمضة سألتني : مالك ؟
أجبتها بانه مغص و إسهال حاد
وسرعان ما قالت في محاولة أولى لنفي التهمة عنها وعن مساعدتعا الحبشية
( أكلت شنو ، إتعشيت وين ؟ )
تناومت متجاهلآ اجوبة الحماية الذاتية
نوم متقطع مصحوب بالكوابيس
ولقاء مع بعض الأصدقاء والصديقات الموتى
وظننت ان هده إشارة بدنو البتاع
| |
 
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
قضيت اليوم كله ، تقريبآ
منذ آذان الفجر ونداء الطبية ذاك وحتى التاسعة مساء
حين كانت البنات يعدن وينتهن ويخترن مفتخر الثياب
وكانت امهن منهمكة في ستر آثار السنون
قضيت اليوم محمومآ والآم في المفاصل كالتي يعاني منها أصدقاء الملاريا
وشهية منعدمة وإرهاق شديد ورغبة في عدم مغادرة السرير
والنوم خزاز والدقائق المتقطعة التي أحصل فيها على النوم
تكون كفيلم رعب وكوابيس
اعترف ان بعضها كان جميلآ و ممتعآ
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
في التاسعة مساء
وبينا البنات كن منهمكات في اعداد زينتهن واختيار مفتخر وغالي الثياب
مرت بقربي وانا مقعي ككلب بائس ، البنت سارا
التي نناديها أحيانآ ب ( صارة ) لأنها كذلك معظم الوقت مع إنها بتملك احلى إبتسامة في الدنيا
إبتسامها برق خلاب
مرت بقربي ولفت نظرها منظري الكئيب
فأبدت إهتمام
ووضعت يدها على جبهتي
وصرخت : بابا عندو حمى شديدة
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
يا خي بعد الشر عليك
وحمد الله على السلامة
طبعا من وراء الكمامة ,,,,,,,,,,,
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
Quote: صرخة سارا تلك
ايقظت الضمائر النائمة في بيتنا |
في الحقيقة الضمائر التي معنا ليسن نائمة
ولكنها كامنة فوق رأي ( كامنالا فوق رأي )
الحاصل أنه صارت علي حكاية ( محمود والنمر )
الشاهد ، الأسبوع الماضي حدث لي مايشبه سريان تيار كهربايئ وراء الركبة
في تلك الحتة المنبعجة ( اقروها صاح ) التي تقفز للامام بفعل ذل التيار المؤلم
تكررت الحركة مرات عديدة ثم حدث مايشبه المغص في منطقة الصدر وفي القلب تحديدآ
ظننت انها مؤشرات دبحة
فطلبت من البنات اخذي إلى الطواريء على الفور
وفعلن
واول ما وصلت النقطة الأولى في الحوادث أخبرت السستر بأنها
مؤشرات دبحة
فإهتم كل القسم وهرع طبيب ثم أخر وثالثة أحلى من النيل والقمر
أظن ان دكين الذي كان معانا قد وقع في غرامها
وإن لم يكن ، فإنه مجرد وغد داقس
بالمناسبة الطبيبة تلك لم نعرف انها سودانية إلا بعد ماتكلمت
وفغر دكين فاه
و إنشغل قلبي عن آلآمه
فاتت كل الفحوصات نظيفة
ومؤكدة ان القلب معافى
وشاب وخللي
البنات ودكين وطارق المكي والست بعلتنا أخذن يتهكمن طيلة الأسبوع
وأسموني خلاله
عبدالرحمن مؤشرات
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
عمار و مدثر
شكرآ جزيلآ ولا اراكم الله مكروهآ ف حبيب لديكم
وتابعوا الشريط الأخباري لقناة الجزيرة قد ينقل لكم خبر إصابة جديدة
بالمناسبة ، لم كانت القنوات في شريطها الإخباري الجاري
بتنقل عن وفاة جديدة لسيدة فلبينية
او وفاة مصرية في الحجاز
وثلاث بحارة في بانكوك
بسبب المرض الوباء
كنت بعلق أن جميعهم قد دقسوا
متسائلآ بتهكم ( إنفلونزا شنو بالتكتل ليها زول )
لغاية ما جربتها
و
آمنت
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: عفاف الصادق بابكر)
|
| Quote: البنات ودكين وطارق المكي والست بعلتنا أخذن يتهكمن طيلة الأسبوع |
وطارق المكي
ده تحديدآ الذي أطلق علي ( مؤشرات ) ورفع من وتيرة التهكم لدى البنات ( ماهيتاب و سارا )
وكان أثر ذلك ، كدن ان يدقسن ويتعاملن مع حالتي كتعامل أهل القرية مع محمود الكذاب
حتى القى وجه الله وانا منزولا مدحورآ ، مخنزرا
طارق هذا لقى كيده في نحره
فإقتضت العدالة حقي
وحق فلانة
و دكين بات ملومآ مغبونآ منذ إصابة الصمرقع القاتلة
اما تينك فأسال الله أن يقيض لهن زوجين من نفس فصيلتي
هن قايلات ان تلك الفصيلة قد إنقرضت
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
Quote: تحياتي لام البنات ..
حلاة الزول فى الطول والعلا ..
كلما أسمعها بتذكرها |
عفاف الصادق ، شمسيآ ؟
والله نورتي
هنا ، واليوم داك ،
داك داك دلوكة
لكن ما كشفناك يا نيومن
أتاريك بكاية في الزراف
انت مسمعتي ان الزراف ركوب الجن
ز سورافتنا الظريفة قد ترى تعليقك هذا بعد ما تنجح في إخراج اللاب توب من الغرفة
حيث محبسي المعزول
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: abdalla osman)
|
أخذني ، لا يلوين ، على المركز الصحي الأقرب لبيتنا
وعلى الوجوه قلق مشوب بالندم
راقبتهن وانا في سري متفشي أقول ( عشان تاني )
وكدت ان أسمع همسهن ( كلو من طارق )
الظرافة الزريفة نزلت حتى قبل أن تتوقف السيارة ووسعت خطاويها
تجاه كاونتر الإستقبال لتأخذ بطاقة مقابلة الطبيب المرقمة
ومتوكئآ على سارا حجلت نحو المدخل
وماهي تخب لتلحقنا
ودخلنا ثلاثتنا على غرفة القياسات
كانت الممرضة ، التي تضع كمامة على أنفها وفمها وركت عيونها طليقة سرح وتمر
وتقتل ( هو انا ناقص كمان )
كانت منهمكة في محادث مع الماما التي تلح عليها ان ترجع من العمل على البيت مباشرة
وهي تحاول أن تقنعها لتسمح لها ببعض التأخير نسبة لمشوار
نظرت إلى البنات وكأني اقول لهن أحفظن لي حقي في مساحة الحرية والحركة الواسعة
التي ترفلن تحت راياتها
أدخلت اداة القياس
وقرأت
وإبتعدت قليلآ و تأكدت من وضع كمامتها ( تابع معانا يا عمار )
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: مريم بنت الحسين)
|
دخلت على الطبيب
تابعته يطالع
ومن نظرته عرفت مآل حالتي
ولم يتركني أغرق في التقدير
لأنه هب واقفآ وخرج وطلب مني أن اتبعه للغرفة الأخرى حيث الطبيب المختص
بهذه الحالات
لم يجد الطبيب المختص فإضطر هو لنظر حالتي
سألني عن الأعراض
بديت بالحمى المرتفعة
قال هذه عرفتها
وتاني
شرحت بالتفاصيل الدقيقة وهو يسمع بإهتمام
وفتح فمي وعاين حلقي
وسألني : بتشتغل ايه
أجبته : مستشار قانوني في وزارة
أول ما فعل وقبل أن يكتب لي دواء
جهز ورقة ألاذونات الطبية و كتب في الخانة المحصصة
راحة لمدة 7 ايام
وكتب بالإنجليزي : إتش1 إن1
ثم أصدر كثير من التوجيهات وجوهرها
أن اكون في حجرة معزولة وتهويتها جيدة بفتح الشبابيك
وأن اخلد للراحة التامة مع إستعمال العلاج وهو :
1- كبسولة تامي فلو حبة كل 10 ساعات
2-حبة يازال قبل النوم
3-حبة بروفين عند اللزوم
4- مصاص برتقالي الطعم واللون
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
كتب الخال مسعود
| Quote: ابننا السيد عبدالرحمن بركات ( الأنصاري الذي انسخط يساراً) |
يا خال شكرآ على الزيارة
الأنصاري الذي يصير يساريآ فإنه تطور ، وهذا امر طبيعي ومتسق مع سنة التطور
اما اليساري الذي ينتكس ويرجع انصاريآ أو متصوفآ فهو الذي إنسخط
أو هي الردة بعينها
فرقتك مازالت فاغرة ومكانك شاغر ف الدوحة
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
عفوآ ح أفرد حيز للأحلام
لكن هسع هاكم دي
رأيت فيما يرى النائم المحموم
أن الهلال منتصر ب4 أهداف نظيفة
ورأيت عمر بوب متشحآ بالرمز الأزرق
وكذلك رأيت زهير زناتي
مرة بشوفهم بيجروا والناس وراهم كتاااار في كورنيش الخليج
ومرات بشوف نفس المنظر بنقس الشخوص في شارع النيل
بعاين للوحة النتيجة
برى الهلال ثابت
لكن الخصم المنازل بتغير
مرات بشوف مازيمبي
ومرات بشوف المحلة
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
كتبت مريم بت الحسين:
Quote: العم ابوساندرا.. والله ألف بعد الشر عليك..
وانا منتظره اسمع تجربتك كاملة، وكيف اكتشفته المرض..
انا فتحته بوست اعترافات قبل فترة، سألته الناس
هل جاهم المرض ولا لأ.. أكيد وقتها كنت في عز التعب..
ربنا يواليك بالعافية.. ويتمم عليك الصحة |
أهلآ مريم
أظنني أول بوردابي يصيبه المرض فسجلي السبق المكلف
مشكلة المرض أن أعراضه بتشبه أعراض الإنفلونزا العادية
وكذلك بتشبه الملاريا ، وأي مرض بيسبب إرتفاع الحرارة
خطورة المرض أنه لايوحي ليك بالخطورة في البداية
عشان كده الواحد يؤجل الذهاب للطبيب حتى يتمكن المرض منه
وبعد داك القصة بتصير صعبة
المرض بيعمل فتور عام ورغبة في عدم مغادرة الفراش
ويجب أن لايستهان به لأنه إذا تحول لإلتهاب رئوي حاد
وهذا ممكن الحدوث مع الإهمال ، بيكون مرض قاتل
أيوة هو مرض قاتل إذا تحول لإلتهاب رئوي
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: محمد عمر الفكي)
|
اها انا يادوب عرفت السبب.....!!!!!!
| Quote: و دكين بات ملومآ مغبونآ منذ إصابة الصمرقع القاتلة |
انا لله.....
واحد صمرقع.....!!!!
والتاني خنازير......!!!
والتالت قاطع رقبتو بي صحن الصيني .....!!!!
احذر الجميع وانا جاد
بعدم زيارة ابو ساندرا في البيت
واولهم انا ....لاجاي ولا حاازورك
وياريت اذا ام البنيات ساقت بنياته
وشافو ليهم سكن اليومين ديل.
ولا مانع من بقاء ( طارق المكي ودكين )
لمعاودته والاهتمام به وقياس درجات الحرارة
واللازي منو.....!!!!
اللازي منو دي تفسيراته كتييييييييييييره .
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: Giwey)
|
بختك أبوساندرا ، أنت الآن في كتاب قينيس للأرقام القياسية ... أول بوردابي يصاب بالإتش ون ان ون .. والحمد لله البنات ما أخدوا العدوى .. تعرف لو واحدة منهم أو صاحبتي رشيدة أخدت عدوى ، كنت سأقاضيك .. أصلك بتكون لمّيت البلاوي دي من بلاويك الكتيرة ديك ..
والله ألف سلامة ليك أبوساندرا وربنا يبلغك الصحة ..
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: ودقاسم)
|
يا ساتر من الدعاتر
أبو ساندرا (صديق الخنازير)
واحد زميل قالوا ليهو أبو ساندرا جاتو أنفلونزا الخنازير
أجاب وبتلقائية (ما أصلها بتمشي للخنازير)
ما بوريك ليهو لو كسرت رقبتك
بالله وأنا أقول الزول ده مالو غايب وما مشكل حضور
وسالي لسانوا في البروف أحمد عبدالله
أتاريها الحمى طالعه في الراس
عموماً سلامتك ، وما تزورني إلا بعد شهرين
وسلامتك يا أبو ساندرا (أرجل بت)
ومن جانبنا إجازة من منتدى الحروف والمجموعة السودانية وصالون أبنوسة لمدة 6 اشهر
وتفضلوا بقبول فائق الاحترام
رشيده أعذرينا يا أختي
ده مرض ما بزورو سيدو
إتبالي بيهو براك
ومؤكد إنو ما جلاك
وقالوا الإتبلبل يعوم
عادل
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: عادل التجانى)
|
ابو ماهى
سلامتك يا خال وما تشوف شر
H1N1 حته واحده يا بركوته
والله الحكى دا كلو كدا شكلو تبع (المؤشرات)
الظاهر ما جابت حقها مع خالتى رشيده
قلت تجى (تأشر) لينا هنا
عموما دخلنا البوست دا دون احتياطات
وحتى دون استعانه بكمامه ربنا يستر
ويجيب عواقبنا سليمه كما كانت معك سليمه
ـــــــــــــــــــــــــــــ
اها الاسبوع انتهى وتمت عملية التعقيم ولا لسه
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: منتصر الامين)
|
Quote: وأنا أقرأ لك المقاطع أعلاه , أتخيل نفسي مكانك
وبناتي يكثرن من الاهتمام بي وأنا أستمري هذا الشئ
وأزيد في الدلع كمان وكمان ,,,
( باقي أبات البنيات حنان )[/QUOTE
يا ود دفع الله
الما ولد بنات ماولد تب
بيجعلنك عايش في العسل طول عمرك وايامك باسطة
هسع لو في محلهن ولد ، كان قفل الباب وفات لأصحابه بأسمآ
يقول ( الجلك فاقد حنان عامل فيها عيان )
وده لو أصلآ انت كنت وجدته في البيت ، مش صائع
ياخ تدلل وتدلع ما شاء لك الدلال والدلع
في حد والدهن معانا
بعدين الحنان ده يمشن يكبنوا لولد بس أمو داعيالو
وحظو واقع من السماء
ربنا يخليهن ليك ويسعدك بيهن ويخليك ليهن
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: Abdelgadir Galal Ahmed)
|
كتب الظريف اللذيذ عبدالرحمن حمدالنيل
| Quote: كان كدى (إنزنق) بوشك..... |
يا قوي ، زنقار ديك كانت لمرة واحدة فقط
مرة واحدة لكنها مؤلمة و ملهمة
دائمآ تقراني / تقرأ لي بعيون المحب المعجب
غايتو يوم بتجيب لينا غيرة مع سمرية ، هبة الله للدنيا
تشكر يا حبيب ، ومداخلتك أعجبتني وإستلت مني ضحكة
خرجت من بين آلآم وتعب
وإعتذارك لاحقآ عنها غير مقبول لأنها كانت مفيدة
بالنظر للحالة التي كنت عليها ومازالت بعض الترسبات
أي انها كانت نسمة في درجة حرارة وحمى غائظة وغياظة
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أميرة فاروق عبد العال)
|
الحاجات البايخة في المرض ده
هي اعراضه كلها وخاصة كسير المفاصل والبلغم
لكن الحاجة الأبيخ
هي العزلة هسع 3 ايام من العزلة الخانقة
أسمع صوتهن ولا أراهن
الطعام يوضع على طاولة قرب باب الغرفة ثم يطرق على الباب
طرقآ مركز تتلوه خطوات مسرعة
أفتح وآخذ تعييني من طعام وهو للحق طعام عالي المستوى وشهي جدآ
وما قدرت أفرز ، هل سبب ذلك محاولة لرفع شهيتي ومن ثم مستوى تغذيتي
لمقاومة المرض ، أم السبب إعتذار مبطن للمعاملة القاسية
غايتو ، رب ضارة نافعة
وفي المصائب بعد الفوائد
مثل حالة الهدوء في الغرفة وعدم وجود شخص يرقد بجوارك ويشخر
وفائدة أخرى هي إستعادتي لإنتباهي ومعرفة صاحب الخطوات
رجعت اطالع الكتب والآن أستعيد للمرة الثالثة قراءة ( الفجر الكاذب )
وفي نفس الوقت تقريبآ أطالع ( جنوب السودان في المخيلة العربية )
وكلاهما ل منصور خالد
التلفون يلعب دور مهم لوصلي بخارج الغرفة وبخارج البيت وبخارج قطر
فشكرآ للذين تكبدوا مشاق تكلفة الإتصال من الخارج
وشكرآ لنادر إبراهيم ولد آمال سالم ( آمال أختي )
الذي زارني وقبلني وكأنه يقول للمرض ( ْX أمك )
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: محمد فضل الله المكى)
|
كتب الفنان السني دفع الله
Quote: زي ما قالت احلام
امس لي الجماعة بتوعك
الف حمدالله على السلامة
لكن ما تعشم نزورك
لانو سهل البقاع
اكبر مؤشر
للحنازير
يازول الكتابة زاتا
ممكن تعادينا
البوست ده
ممكن ودينا للعزلة |
يا سنسنة انا كنت معتمد عليك تحرس الحروم
تقوم الست حلوم تحرضهن على الرقص والحتحتة
وانت قااااعد
يا شماتة ابلة ظاظا فينا
يازول هيي انا كاسح
سهل البقاع انفتح تاني
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
الف سلامتك يا عبد الرحمن، وإن شاء الله تبلغ الصحـة بسرعـة.
وفعلا قبيل لاحظت حاجتين لما إتكلمنا فى التلفون.. أولا صوتك كان متغيـر، بعدين ما عرفت سبب
تغيير محل الإجتماع بتاعنا نحن التلاتة الكان مقرر اليوم فى بيتكم.. القلتو لى ما فهمتو وما
حبيت أظهر زى الأطرش.
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: عاطف مكاوى)
|
كتب محمد عمر الفكي :
| Quote: صغير وجاهل وما تستاهل |
آآي وحاتك ،، لسع ننو
المرض الأهبل ده ما شاف شهادة الميلاد
عايز يرفعنا بسرعة قبل ان نكمل الحاجات
والبرج لسع عايز شغل
انت اقعد لولي فيني كده لغاية ما تشتلني في بلاد الغربة
بحبك والله في الله و لله
بس انت شوف لينا تجديد للموضوع داك
قبل ما نلحق امات طه ، عشان هو الوحيد البيمد ليك في ايامك
اوعك تكون ماسمعت ( أيامك ) أمشي فتش البوست ده
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: khaleel)
|
كتب هارون دياب :
Quote: احذر الجميع وانا جاد
بعدم زيارة ابو ساندرا في البيت
واولهم انا ....لاجاي ولا حاازورك
وياريت اذا ام البنيات ساقت بنياته
وشافو ليهم سكن اليومين ديل |
عالم جبانات بشكل
برغم تحذيرك ، وانا مدروخ والحلق شبه مقفول
إذا بجماعة تقف حولي
رفعت رأسي ، وجدت كمال سالم هو الأقرب من رأسي
أصلو كمال بايعها
وتلاه القائد بهاء وده برضو ما فارقة معاهو
وهنااااك قرب الباب ، باب الغرفة يا جماعة
كان معاوية محمد الحسن وبعده صلاح عبدالله
وملامحهما ممزوجة بين الفزع والشفقة
( إنتو ما خفتو من الكهرباء تخافو من مكروب صغير وحقير ؟ )
مكثوا مسافة ، لكن صلاح عبدالل برغم الشنب القوقازي
كان مفزوع حتى أنه عندما حس بحركة من خلفه عمل ساتر
ظن ان أحدهم يوشك أن يدفعه نحايتي ، وتنفس الصعداء
لما لحظ انها المعاونة الحبشية ، ولم يتركها ، لاحقها
بالأسئلة ليطمئن ، لكن هيهات
الراجل معذور ، أبو بنات
الزيارة الفدائية الكريمة فكت طوق العزلة من حولي قليلآ
واسعدتني ، وأيضآ كنت حذرآ لكي لا أصيب أي منهم بعدوى
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: Huda AbdelMoniem)
|
والله قايلك بتهظر يا أبوساندرا حتى وقفت صبيحة
اليوم بنفسي من سياق البوست.
المهم أنا جاري للمستشفى لأنو أنا
قالدتك بصورة عجيبة في ليلة بشير عباس بمركز
البيئة، لا حولا يمكن عندي الشى دة؟
أبوساندرا ألف حمداً لله على السلامة
وما تشوف شر يأأأخي وشكرا على البوح
لتعلمنا كيف يكون هذا المرض وكيف
يمكن علاجه....
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: Huda AbdelMoniem)
|
كتبت لهارون دياب في بوست أخر
بشأن البوستات الفارغة و مقدودة
وهو صنف هذا البوست ضمنها
مايلي :
Quote: ونعم ، حمى و7 ايام من العزلة يندرج ضمن البوستات الإجتماعية
ولكنه لايخلو من لمسة عامة تتعلق بأهمية أن يعرف الناس شييء
عن الوباء من خلال تجربة حية لمصاب أو مشتبه بأنه مصاب |
وفي الحقيقة ، انا شخصيآ ما كنت قادر ، رغم المعلومات الوافرة
أفرق بين انفلونزا الخنازير وغيرها من الإنفلونزا الموسمية والحميات
وحدثت في محاضرة عن المرض في مركز أصدقاء البيئة ، سئلت عن كيف أميز
المرض عن غيره إذا ما أصابتني حمى وأعراض ، حيث أن كل الأعراض متشابهة
في كثير من الأمراض ؟ ولم اجد إجابة مقنعة
ومن زاوية أخرى ، مازال الناس حتى هذا الصباح يتجادلون
حول حقيقة المرض وعدد كبير يدرجون المرض وأخباره ضمن نظرية المؤامرة
شاهدت ذلك في قناة الجزيرة هذا الصباح وقد يعرض التعليق مرة أخرى
وأعاني من ذيول تلك النظرية في بيتي حيث ان رشيدة مقتنعة بنظرية المؤامرة
لذلك تتعامل مع حالتي بإعتبارها نزلة برد موسمية
وانا أظن أن ظنها هذا سوف يكون سببآ لإصابتها لأنها لاتتوخى الحذر
وهسع بتكح وعندها حمى و إسهال
حاولت في كم مداخلة ان أعكس صورة تقريبية للمرض من واقع إصابتي
وهي مدرجة في خانة الإشتباه لأنه من الصعب القطع بالإصابة أو عدمها
وعلى حسب رأي الطبيب ان الذي يحدد ذلك درجة الحرارة عندما تتجاوز الأربعين
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: Huda AbdelMoniem)
|
أبو خنزير ..
سلامتك ألف سلامة والله ...
أوع تقول لي يوم حفلة عبد المنعم الفكي كنت في الحالة دي ....!؟
يعني سهيل العبدول جاك متين ؟؟؟
أو الوكت داك كان صديق منزول معاك ولا لسه ؟؟
غايتو أنا مما لاقيتك اليوم داك وأنا طريح الفراش ب (شوية ) نزلة ..
يعني بدون سهيل العبدول ولا زنقار ولا فريد الأطرش ..!
الله يكضب الشينة
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: dardiri satti)
|
| Quote: والله قايله مجرد (طه القرشى) بس |
أيوة يا قوي
هو بالأول بدأ كده ، ( الحسن ابو سهل }
ثم ( علي الكسار ) في المفاصل وكل الجسم
لمن يجيك إنعدام شهية وتعمل ( الهادي صيام)
تتأكد ان الحكاية فيها ( صديق منزول )
اليوم كلو ( متعب الهزال )
ويجيك إحساس بأنك ( هيلموت كول )
وتقعد تتخيل في ( البيك اب بتاعك )
لغاية ما الواحد يرفع شتات
المهم ، هسع الحالة مستقرة
لكن ( العدو / الحليف الإسترايجي ) بتاعنا
داقي جرس وحرارتو في السما
شكلها كده ح تدفع ثمن تصديقها لنظرية المؤامرة
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
والله انا كمان يا أبو الشباب بحبك لله في لله.
اقول لك حاجة ما حتصدقها وما كنت عايز اكلمك بيها الا في وقت مناسب وكنت اتوقع انك تجي السعودية واكلمك لكن عشان الناس دي هنا تعرف قدرك وامشي كلم بيهاهارون المريخابي وكمال وبهاء .
بعد ما جيت انت ورشيدة العمرة العام الماضي بعدها بفترة رزقت بولد( في صورة البروفايل تحلمه اخته) ، تخيل سميته منو؟
ربنا يستر عليك وعلى ام البنات وعلى البنات ويحفظكم من كل شر.
اصغر اعضاء البورد اثنين
صديق الموج وبركوتة.
معليش كتبت صديق قدامك لانك الكبير يقدم على الصغير
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: لؤى)
|
ابو ساندرا
الف سلامة وما تشوف شر
تعرف معانا واحد خنزرت معاه زيك كدا المهم وصفو ليهو علاج بلدي بقي كويس بتمثل في الاتي
تجيب حبتين مرقة دجاج ماجي مع بصلة وفص توم اعمل منهم شوربة( بدون ملح طبعا)
بحيث تكون الخلاصة كباية عصير
وتحلب فيهم ليمونة مرتين في اليوم الى ان تشفي
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: حمد عبد الغفار عمر)
|
كتب العزيز الحبيب ودقاسم
Quote: بختك أبوساندرا ، أنت الآن في كتاب قينيس للأرقام القياسية
أول بوردابي يصاب بالإتش ون ان ون
والحمد لله البنات ما أخدوا العدوى
تعرف لو واحدة منهم أو صاحبتي رشيدة أخدت عدوى ، كنت سأقاضيك
أصلك بتكون لمّيت البلاوي دي من بلاويك الكتيرة ديك .. |
أهلآ يا ودقاسم وطلتك تفرحنا
انا بكون أول من اعلن ، لكن بيكون في بورداب كتار دخلوا التجربة وناموا بيها
البنات هن ماهيتاب وموجودة معظم الوقت في العمل وسارا معظم الوقت
تقضيه فوق مع الكمبيوتر ومابتنزل لينا تحت إلا عند الوجبات
وفي الوجبات انا معزول عنهن
رشيدة ممكن ينتقل ليها المرض عشان هي ما حذرة وشايفة ان واجبها ان تشرف على العلاج
بالجبر مشت المستشفى وطلعت فحوصاتها نظيفة ، وهي رحلت مني وطلعت مع البنات فوق
اها ، البلاوي دي لي هسع ما قدرت أعرف المتسببة منهن في المرض
وأكبر بلوة عندنا كان قاطع وشو عننا قبل الإصابة وهو دكين
مشتاقين ياخ وعليك الله رش لي تلفونك الجوال هنا
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: مريم عبد الله)
|
في الصباح اتصلت بالهاتف
والجرس يرن ويرن ويرن ويرن
واخيرا ... : والله عبد الرحمن نايم
الليل كله ما نام
ان شاء الله ما شر
... مالو
والله بالليل جاتو شوية حمي ومغص وحساسية جيوب انفية
سلامتو وقولي ليه نمن يصحي انا اتصلت.
لم يتصل ..... فاتصلت مرة اخري
صوت ابو ساندرا الجهوري اختفي
سلامات يا زول مالك
والله الدكتور قال في اشتباه لمرض الساعة
ولازمك انقطاع عن العالمين لمدة اسبوع
في اليوم التالي عاد الصوت الجهوري..
في المساء وفي مناسبة مركز اصدقاء البيئة
قابلت العائلة المالكة وطمنوني علي الباشا
اتفقنا... وما زال موضوع موقع القانونيين بندينق!!
سلامتك ابا ساندرا ..... وان شاء الله كفارة البيك يا زول
الباقي كم من ال 7 أيام؟؟؟؟؟
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: حسن طه محمد)
|
أهلآ ب عادل التيجاني
تحاياك وجرستك وصلن في ذات الوقت
والرجال المابتهاب الموت جات
وانت اقعد حافظ على رويحة الطين دي
يا داقس ، قايل نفسك ح تمط فيها ؟
محدودة ومحددة
اكان إتضارفت ولو لاوزت ياكا يومآ ما مشتول في مسيمير
قلت :Quote: ومن جانبنا إجازة من منتدى الحروف والمجموعة
السودانية وصالون أبنوسة لمدة 6 اشهر |
بركة الجات منك يا بيت الله
كنت تتأسى برجالة البنت ساندرا وتجيب كيسك وتجيي
بالمناسبة هي الآن تتدرب في التيجاني الماحي
ف شكرآ
أهو طلعت ( عادل التيجاني الماحي )
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
كتب منتصر الأمين :
| Quote: اها الاسبوع انتهى وتمت عملية التعقيم ولا لسه |
ال بيشوف دي يظنك جافل زي بعض الفارات الجبانات
بعضهم إكتفى بتلفون خجول
أو مداخلة باردة ، هنا
والبعض بخل علينا بهذه وتلك
أعني المداخلة الخجولة والتلفون البارد
و إت سا سمح العشيات
جيتنا ومعاك زوجتك وبدون كمامات
قبل أن يتم الأسبوع وتتأكد من التعقيم
جيت مطمئنآ لأنك زول ماهل
وما ساهل
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: حسن طه محمد)
|
أووووووو .... أبو خنزير ...
ده شنو كمان الجبتو دة؟
Quote: قالت ليها : ياللا بوسي بركوتة عشان تموتي شهيدة
او ابوسو انا وأموت منتحرة وأخش النار |
طبعاً منتشي من الحوار ده يا جبان.
دقيقة واحدة:
أرجعت شريط الذكريات قليلاً ... ولقيتك يوم بشير عباس في أصدقاء البيئة عملت فيها صاحبي و(الكرسي لصق الكرسي)، وكمان عامل فيها بتغني ومليت وشي بـ(الرزاز) .. لذا .. وجب عليّ مقاضاتك.
أي إشارات لـ (سهل البقاع) أو (فريد الأطرش) أو(صدّيق منزول) أو (فتريتة في الجسم) تشيل شيلتك معانا.
____
كامل التضامن مع رشيدة والخنازير
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: عصام علي أحمد)
|
كتب الزعيم القبايلي ضحية إبراهيم
Quote: يازول الكبر حصل والمكنه خفت
ما اظنك السنه تجتاز الفحص الفنى
الا بعد(عمره وسمكره وصبغ) |
الكبر كبر المقام
والمكنة أريتها مكنة حبيبك
مكنة ماكنة وبنغير ليها الزيت
وبنملاها هواء نقي كل يوم و هوى
ولو مغالط
تعال الكورنيش
وحدد انت سرعة السباق
وشوف لو ما لسانك بقى لسان كلب
بعدين الكبر عيبو لي
الكبر ما تعدد خبرات عميقة
وتجارب مجرب مفيدة
وإتقان فنيات جديدة ولذيذة
شوف كمان!
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
Quote: بعدين الكبر عيبو لي
الكبر ما تعدد خبرات عميقة
وتجارب مجرب مفيدة
وإتقان فنيات جديدة ولذيذة |
طبعا ضحية صديقي
لكن ياضاحي الناس مقامات
الكبير كبير
وعمك ده كبيرنا وتاج راسنا
البرشو بالدم.....
نرشو بالصمرقع....
وبالعدم.....
بالخنزير
ودغرب هووووووووووي
ارعي بي قيدكـ.
ياحنين....
ده زاااااااااااتو رشو ....!!!!
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: nadus2000)
|
كتب سعادة اللواء الركن محمد فضل الله المكي
Quote: ولأن همي أن لا( يطرشق)منتدى الخميس في سوق واقف كما طرشق صاحب الفكرة،
سارعت في الإتصال بأحد المفتين،لينجدنا بفتوى من شاكلة فتوى(إرضاع الزميل)
قال إن الموضوع (عين)
ويحتاج لي كرامة
بشرط الكرامة خنزير، و (الذبح إسلامي) ! |
هلا بسعادة اللواء
وهو ينعم بالرفقة الحسنة في سوق واقف بعد عودة حرمه المصون
الزميلة ناجية مصطفى من الخرطوم ، وكذلك ينعم بصحبة كريمته
رانية وبناتها
وبعد
يا صاحب لازم المفتي بتاعك ده يقرن فتواه بالعمل ويدلنا على
حوش بقرات سمينات ونعاج وبضعة نوق عشان نعدد مصادر الإرضاع
علمآ بأن الرضعات تحتاج لإسناد من شوربة الكوارع التي تبرع
في طبخها ونرجو تزويدنا بها قبل الخميس القادم موسم عودة الطيور
العين كان صابت العين لكن البنات جلسن وقرن يسن سبعة مرات
في اليوم ولمدة سبعة ايام ووحاتك على الفور إنقشع الدم عنها
وكف النزيف وتركت الدكتور العراقي فاغر فاهه
جرب الطريقة دي لطارق وممكن نسلفكم قارئات يتحدن عبدالباسط
عبدالصمد
متشكر ياسعادتك
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
كتبت الأخت إنتصار محمد صالح
Quote: سلامتك اخى وما تشوف شر
يخليك ويغطيك لبنياتك الحلوات وامهم
انتصار |
كتر خيرك يا انتصار
حسيت ، وكأني سمعت نبرة صوتك ، بصدق دعائك
واضح انه صادر عن قلب يخفق إنسانية وحب
وعن روح يغمرها الرضا والجمال
ليس هنا فقط ولكن رأيت مداخلة لك تؤكد ذلك
عن عالي إهتمامك بالطلاب السودانيين في مالطا
أعانك الله في مهمتك السامية
وحفظهو واياك
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: مصدق مصطفى حسين)
|
كتب الصديق الودود محمد عثمان ابوريش
Quote: وفعلا قبيل لاحظت حاجتين لما إتكلمنا فى التلفون
أولا صوتك كان متغيـر، بعدين ما عرفت سبب
تغيير محل الإجتماع بتاعنا نحن التلاتة الكان مقرر اليوم فى بيتكم
القلتو لى ما فهمتو وما
حبيت أظهر زى الأطرش. |
نبدأ بالأخيرة وهي عدم فهمك لما قلته لك
الذي قلته ما بيتفهم لأنه كان هضربة محموم
فالمشكلة لم تكن في فهمك
أتمنى أن تنجزوا المهمة التي طرشق اجتماعها المرض
عليك بالتنسيق مع الأستاذ حسن طه والمهندس عمر بوب
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
عاطف مكاوي قال :
| Quote: والله يا أبا ساندرا في الأول كنت مفتكر البوست جزء من حركاتك التي أعرفها |
ماهو المشكلة الواحد يوريكم حركات فتظنوه بتاع حركات
لغاية ما الظن ده يوم يرفع ليهو زول
ويلحقو امات طه زي ما عمل مع محمود
أيوة التعامل الجاد المبكر من جانبي بصرف النظر عن ظنون رشيدة
هو الذي وضعني في طريق الشفاء
بس لابد من إدراك ان هذه الأنفلونزا بتختلف عن الزكام الموسمي
يعني انا ما حصل لي رشح غير مرتين ولم يكن هناك سيلان في الأنف
هي حاجة غير بتحط من قوتك وفعاليتك وبتخليك اسير السرير
لإحساسك الدائم بالإرهاق
مرحبتين يا صديقنا البعيد
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
Quote:
الطعام يوضع على طاولة قرب باب الغرفة ثم يطرق على الباب
طرقآ مركز تتلوه خطوات مسرعة
|
سلامة وعافية...
وشدة وتزول...
بس تكون كحتك طلقات داوية ...
وعاوية...
وحتى تعاود إطلالاتك خارج الأسوار نهدي لك أغنية الكاشف:
عدت يا عيدي بدون زهور
وين قمرنا وين البدور غابو عني..
سجنونا في داخل قصور
وقالو عيان للشافك نزور
وبي يمر العيد جوة سور
وهم في بهجة وهم في حبور..
تلفونك بيك ما خبور
أقوم أناديك أفشل أثور
نحن أهل الوفي والشعور
لي جزانا يكون صد وجور
يلا غنيها لأصحاب الخطوات المسرعة
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
كتبت الصديقة الشقيقة هدى عبدالمنعم
Quote: لسة عندك فرصـة
حصـل الوترى |
شكرآ ياشقيقة ومقدر حرصك على التحاقنا بكم في خواتيم عمرنا هنا
وأصلآ كان سمعة قد زين لي الأمر برفقته
ولكن نسبة لتجاهله أمر مرضي هذا ولو بتلفون بارد
فقد اعدت النظر في مشروعي معه
لكن انت تشرفي أكان هنا او هناك
الموضوع فتح معاي مرة ثم رفض أرجو تجديد ارساله
حتى اقوم باللازم
| |
|
|
|
|
|
|
|
|
|
Re: حمى و 7 ايام من العزلة ... في بيتنا ( خنازير ) (Re: أبو ساندرا)
|
كتب الصديق العزيز الشاعر المجيد
والقانوني الضليع
والمناضل العتيد
عبدالإله زمراوي
Quote: المهم أنا جاري للمستشفى لأنو أنا
قالدتك بصورة عجيبة في ليلة بشير عباس بمركز
البيئة، لا حولا يمكن عندي الشى دة؟
أبوساندرا ألف حمداً لله على السلامة
وما تشوف شر يأأأخي وشكرا على البوح
لتعلمنا كيف يكون هذا المرض وكيف
يمكن علاجه.... |
أيوة ، قالدتني بصورة عجيبة حتى انا إستغربت
وظنيت في نفسي الظنون
ياخ اليوم داك ماكان عندي أي عرض من المرض
وإلا كان إنعزلت
أرجو ان تكون تابعت ماكتبته عن المرض
بس عندي إضافة هي أن الإرهاق بيلازمك فترة طويلة
انا اليوم عدت من العمل باكرآ عشان كنت تعبان
كما بيحصل ليك تشويش وعدم تركيز
وإنحطاط في الطاقة
أتمنى ان أكون قد عكست شكل المرض جيدآ
وقربته لأذهان الناس ومعرفتهم
| |
|
|
|
|
|
|
|
| |
أبو ساندرا
عمار عبدالله عبدالرحمن
عفاف الصادق بابكر
abdalla osman
مريم بنت الحسين
البشير دفع الله
Giwey
محمد سنى دفع الله
محمد عمر الفكي
haroon diyab
محمد مكى محمد
ودقاسم
عادل التجانى
منتصر الامين
SHIBKA
ضحيه ابراهيم
Abdelgadir Galal Ahmed
Alsa7afa_30
أميرة فاروق عبد العال
محمد فضل الله المكى
Abureesh
مامون أحمد إبراهيم
انتصار محمد صالخ بشير
عاطف مكاوى
khaleel
على محمد على بشير
naeem ali
Elawad
لؤى
حمد عبد الغفار عمر
مريم عبد الله
حسن طه محمد
محمد أبوالعزائم أبوالريش
عصام علي أحمد
عماد الشبلي
محمد خليل ساني
nadus2000
المسافر
كمبورة
فيس بوك
تويتر
انستقرام
يوتيوب
بنتيريست