|
|
 Re: ورتـنى مـلـتـي ميلـتـي (Re: يحي ابن عوف)
|
محمد الحسن حميد
خوفي من تلحق رفيقك
يا بريق نجم الحيارى
وإنت لا نّور طريقك
لا شرق فجر السهارى
من زمن يا صحوة طلعك
غصة في حلق الصحارى
حتى شال النمة فرعك
دودى زي وهج البشارة
قلنا يا سعد المواسم
عودك المليان جسارة
عودك الفجري المصادم
بالبصيرات والبصارى
مستحيل يرضخ يساوم
مهما كان الريح حصارا
يفضل النخل البقاوم
في السقوط نخل الفقارى
يااندلاع صوت الغفاري
في حلق دغش الغلابا
لو خريفك تاني يطرح
آهـ يا اخر سحابة
لمايا شرف المواكب
يبقى هم الناس إمارة
تندحر كل المناصب
ينكسر كرسي الوزراة
كنتو وين وين إنتو كنتو
كنتو وين
لما الشوارع ما ثبت قداما مرتق
نفضّت صمت المسافة
مّدت الشوق المضارع
للصباحات التجرتق
كف شهيدا البق مارق
من فرقة الظلمة فجرًا
تم بي دموّ الشرافة
وضم حضن الارض عاشق
كنتو وين وين انتو كنتو
لما كان في سجنو ثائر
بي جلابة السونكي نومتو
ويصحى بي امر العساكر
قومتو في الزنزانة يمحى
ويفتح الاف الحناجر
ويكتب انبل الاشعار لباكر
تشطب السجان وصوتو
ويبقى فنانا البساسق
كنتو وين . وين انتو كنتو
لما فضل الدين عباية
تربي فوق كتف الغنايا
تنتصب في الجو طوابق
تنقلب في التو بنوكة
للبداهن
والبنافق
والبوافق
لما كان نفس العبايا
تتنفخ بي قدرةحبلا
لي قصار عمر الكحايا
من جُنب تنسلا سيفًا
عبّر السواهو سارق
شدة الفقر الخرافي
حدة الشغل اللي مافي
رُغم الاف المتاجر
والخوازيق والمرافق
كنتو وين انتو كتو
لما البيوت في الشمال قامت خنادق
بالكتابات البتنزل فوق ضهاريهم
مطارق
لما طلاب الحقيقة كانو بختارو المشانق
ولما لسة الله بموت في الجنوب
بين البنادق
كنتو وين وين انتو كنتو
آهـ يا وطني المستف
في المطارات القصية
آه يا كفني المنتف
في مدارات القضية
آهـ يا صمتي المكتف في العبارات الندية
آهي يا نفسي الملطف بالنهارات الصبية
آهـٍ من رفع المصاحف بالرماح الاجنبية
المعاطف اجنبية
العواطف اجنبية
الجلاليب اجنبية
الدولايب اجنبية
الدهاليز اجنبية
السراير اجنبية
المساير اجنبية
صبة الكآس اجنبية
ختت الراس اجنبية
رشة الدلكة اجنبية
رعشة الفركة اجنبية
طفية النور اجنبية
والخوازيق
عربية
عربية
عربية
فضي نارك يا محارب
ولا هات البندقية
غني عشقك يا صبية
احنا قدامك مدارك
غني للوطن المفارق
عشت يا وطني المبرق
بالندى ولون المشارق
يامحرق
يامحرّق
يا مجرب
عشت بي شرف البنادق
ويسقط
العفن ال بتلب فوقنا من شُرف الفنادق
يسقط
يسقط
يسقط
|
|
 
|
|
|
|
|
| العنوان |
الكاتب |
Date |
| ورتـنى مـلـتـي ميلـتـي | يحي ابن عوف | 11-18-02, 08:24 AM |
| Re: ورتـنى مـلـتـي ميلـتـي | الساحر | 11-18-02, 12:11 PM |
| Re: ورتـنى مـلـتـي ميلـتـي | Elmosley | 11-18-02, 12:37 PM |
| Re: ورتـنى مـلـتـي ميلـتـي | kofi | 11-18-02, 01:00 PM |
| Re: ورتـنى مـلـتـي ميلـتـي | يحي ابن عوف | 11-18-02, 08:54 PM |
| Re: ورتـنى مـلـتـي ميلـتـي | يحي ابن عوف | 11-19-02, 10:29 AM |
| Re: ورتـنى مـلـتـي ميلـتـي | Badri | 11-19-02, 11:23 AM |
| Re: ورتـنى مـلـتـي ميلـتـي | يحي ابن عوف | 11-19-02, 08:28 PM |
| Re: ورتـنى مـلـتـي ميلـتـي | Badri | 11-20-02, 01:49 AM |
| Re: ورتـنى مـلـتـي ميلـتـي | يحي ابن عوف | 11-20-02, 06:29 AM |
| Re: ورتـنى مـلـتـي ميلـتـي | kofi | 11-20-02, 10:21 AM |
| Re: ورتـنى مـلـتـي ميلـتـي | يحي ابن عوف | 11-21-02, 03:53 AM |
| Re: ورتـنى مـلـتـي ميلـتـي | يحي ابن عوف | 11-22-02, 10:31 AM |
| Re: ورتـنى مـلـتـي ميلـتـي | يحي ابن عوف | 12-21-02, 08:32 PM |
| Re: ورتـنى مـلـتـي ميلـتـي | manubia | 12-24-02, 06:52 AM |
| Re: ورتـنى مـلـتـي ميلـتـي | يحي ابن عوف | 12-24-02, 07:19 AM |
 Re: ورتـنى مـلـتـي ميلـتـي | sentimental | 12-24-02, 07:37 AM |
| Re: ورتـنى مـلـتـي ميلـتـي | يحي ابن عوف | 12-24-02, 08:10 AM |
| Re: ورتـنى مـلـتـي ميلـتـي | sentimental | 12-24-02, 08:20 AM |
| Re: ورتـنى مـلـتـي ميلـتـي | يحي ابن عوف | 12-24-02, 08:31 AM |
 Re: ورتـنى مـلـتـي ميلـتـي | sentimental | 12-24-02, 09:40 AM |
| Re: ورتـنى مـلـتـي ميلـتـي | يحي ابن عوف | 12-25-02, 02:46 AM |
| Re: ورتـنى مـلـتـي ميلـتـي | manubia | 12-26-02, 07:52 AM |
| Re: ورتـنى مـلـتـي ميلـتـي | يحي ابن عوف | 12-26-02, 09:52 PM |
| Re: ورتـنى مـلـتـي ميلـتـي | ba7ar | 12-26-02, 11:39 PM |
| Re: ورتـنى مـلـتـي ميلـتـي | يحي ابن عوف | 12-27-02, 06:41 AM |
| Re: ورتـنى مـلـتـي ميلـتـي | قرنفل | 12-28-02, 01:34 PM |
 Re: ورتـنى مـلـتـي ميلـتـي | sentimental | 12-28-02, 01:49 PM |
| Re: ورتـنى مـلـتـي ميلـتـي | يحي ابن عوف | 12-28-02, 09:45 PM |
| Re: ورتـنى مـلـتـي ميلـتـي | قرنفل | 12-28-02, 10:37 PM |
 Re: ورتـنى مـلـتـي ميلـتـي | يحي ابن عوف | 02-27-03, 07:11 PM |
| Re: ورتـنى مـلـتـي ميلـتـي | sentimental | 12-29-02, 07:41 AM |
| Re: ورتـنى مـلـتـي ميلـتـي | قرنفل | 12-30-02, 01:22 PM |
|
| |
يحي ابن عوف
فيس بوك
تويتر
انستقرام
يوتيوب
بنتيريست