|
|
|
 Re: وتــــر الحـــــزن -قصيدة- (Re: عبدالله وداعه الامين)
|
Quote: من كوستي خلي هواك
يمطر جبال توتيل
ام در تزغرة شوق
ترقص اعالي النيل
يغشى الفرح ملكال
يكبر يعبي النيل
يتهادى للخرطوم
فرحا يدافر السيل
من باره لي كسلا
مدني وجزيرة الفيل
كادقلي يا دار فور
غنّت فرحنا قبيل
من حلفا لي نمولي
سنار و حمدالنيل
فاتت علي الكرمك
من شندي شاده الخيل
ما تنسي يا رمبيك |
عبد الله :
لك التحايا.. وأنت تحمل وجع البلد في مهرجان المدن جميعها هذا..
تحياتي ..وعميق ودي..
| |
 
|
|
|
|
|
|
|
 Re: وتــــر الحـــــزن -قصيدة- (Re: Ehab Eltayeb)
|
الحبيب ايهاب الطيب
كيفك با حبيب و ان شاء الله دايما طيب؟
دايرنك هنا دابما معانا قريب
تسلم يا العشى و يسلم ابوك الطيب
شكرا ايهاب على حضورك المتواصل و دمت لنا و حرفك الندي و يسلم البلد
لك ودي و قلبي الكبير
| |
|
|
|
|
|
|
|
|
|
Re: وتــــر الحـــــزن -قصيدة- (Re: Elmosley)
|
ســــــلام
استاذي العزيز موصلي
لك التحية والشكر وشكرا على حلاوة الطلة و اهلا بك يا من يزرع الفرحة في نفوسنا و يعلمنا كيف نحيا بالكلمة و نعشق النغم
من خاطر الفرح تدي المعاني الزوق
منك نبتدي و منك بنطلع فوق
يوسف يا وهج همس الحروف الشوق
ليك مني السلام ليك التهاني بروق
| |
|
|
|
|
|
|
|
|
|
Re: وتــــر الحـــــزن -قصيدة- (Re: عبدالله وداعه الامين)
|
Quote: يا وتري شن معناك
لوما بتزيد تغريد؟
ايه ابقى معنى الحب
لو ما بسبقو الريد؟
يا وتري خلي النم
يمسح نزيف الدم
وقتين رموكا شهيد
شد الدواخل هم
بيتين عزاب و ندم
زيد الوجع تشريد
اسقي القوافي وهم
ما يبقى فيها فهم
خليها في التسهيد
من الوحل ننحل
ايد الحزن تنشل
ان شاء الله ايدا ايد
خيط الفرح ينسل
من بين خدودنا خصل
خرزا حرير و جريد |
................................
شوقى ما اروع كلماتك وما أصعب الاجابه على سؤالك لوتراحتار معك
وما بين التغريد وحيرة الوتر يجف الدمع فى المآقى ويبدا بكاء الدواخل
Quote: من خاطر الفرح تدي المعاني الزوق
منك نبتدي و منك بنطلع فوق
يوسف يا وهج همس الحروف الشوق
ليك مني السلام ليك التهاني بروق |
جانا الفرح طالع من نغمة اوتارك
فى صوت حنين دافى اتجلى مسدارك
النغمه تتهادى تتدخل فناء دارك
أشعار تفتش ليك بس جهز الحانك
| |
|
|
|
|
|
|
|
|
|
Re: وتــــر الحـــــزن -قصيدة- (Re: توما)
|
وتر الحزن دندن
جواك صباح العيد
سحب الشجن صبن
وكان الخريف رعيد
بدر السماء اتلون
دافر ظلام الريد
نجمات حنان خبن
اسرار دواخل الغيد
ودمعاتك اتكبن
يا شوقى دون ترديد
توما .. واصلى ابداعاتك ايتها البالتوكيه المتمرده
| |
|
|
|
|
|
|
|
|
|
Re: وتــــر الحـــــزن -قصيدة- (Re: عبدالله وداعه الامين)
|
ســــلام حبيبنا اوسلي و مرحبتين كيمو
شكرا لك عزيزي وشكرا على طلتك الحلوة التي نسعد بها و شكرا سحب وشكرا مطر لي حرفك الشجي و حسك النقي وانت تعطر سماواتي باحلى الكلام شكرا لك مدمنا مدن البكاء وفيا لها و ممعنا في تضاريسها لك
ودي وقلبي الكبير
بعجبني البكا يا اوسلي في مسدارك
الخلاك تهج ترحل تفارق دارك
روحك سمحة زي اصلك و عالي منارك
المولى الكريم يرعاك ازيد مقدارك
| |
|
|
|
|
|
|
|
|
|
Re: وتــــر الحـــــزن -قصيدة- (Re: عبدالله وداعه الامين)
|
Quote:
من الوحل ننحل
ايد الحزن تنشل
ان شاء الله ايدا ايد
|
أما آن لهذا الحزن أن يرحل من دواخلنا؟
عزيزي وداعه لقد لامس وترك الحزين ـ وهو يصدر عن إنفعال صادق ـ مشاعرنا وهي مدمنة على الآهات، ودغدغ في خلجاتنا أحاسيس تهفو للفرح الآت
الله يخضر ضراعك،
ولا تبخل علينا بهكذا أعمال، تعكس حالنا الآن الذي هو إلى زوال .... حتما إن شاء الله
| |
|
|
|
|
|
|
|
|
|
Re: وتــــر الحـــــزن -قصيدة- (Re: كمال حسن)
|
Quote: بعجبني البكا يا اوسلي في مسدارك
الخلاك تهج ترحل تفارق دارك
روحك سمحة زي اصلك و عالي منارك
المولى الكريم يرعاك ازيد مقدارك |
فى البكاء يا قطيم
جيلانى كان استاذى
كت انت المدير
قبال يكون ميلادى
فوق درب الحسان
ياشوقى انت تنادى
حسك وانقرش
جعريك يفوت لا غادى
مرحب كمال ودا يا شوقى قريبى وقريب عطيابى
يعنى البحر خلفك والعدو قدامك والعجاجه رابطه حولك
| |
|
|
|
|
|
|
| |
Ehab Eltayeb
Elmosley
osly2
توما
كمال حسن
فيس بوك
تويتر
انستقرام
يوتيوب
بنتيريست