|
|
|
 Re: انتي الخطاوي - جديد المبدع ضياء ميرغني (Re: عبدالله وداعه الامين)
|
انتي الخطاوي
انتي الخطاوي الماشة مني
وطالعة منك و جايه فيك
متساربة في الروح اشتهى
مشدوهة تسأل عني ليك
هذيني جواك صوت مطر
جدول فرح منك وبيك
واديني بحضورك عشم
خليني ساكنك و مشتهيك
وريني من وين ادخلك
او حتى من وين ابتديك؟
سدي المساحات الندى
وادي البحر من صوت مشيك
امكن غماماتك تفك
وش السماء وتحضن ايديك
****
انتي الخطاوي الجايه مني
وبرضو تسأل عن مجيك
سكة هواك يا حلوة وين؟
وريني امكن شوق اجيك
او حتى مرسال من حنان
القاكي واحضن ضفتيك
وابقاكي يا حسي الندي
زيك سكون وكمان شريك
اتمدى جواك لون فرح
ومحنة اتوسد عنيك
يا ست هواي ابداكي كيف؟
او حتى من وين انتهيك؟
يا خطوة الشوق القديم
ضميني بي فرحك عليك
London
2005-05-06
| |
 
|
|
|
|
|
|
|
|
Re: انتي الخطاوي - جديد المبدع ضياء ميرغني (Re: osly2)
|
تعالوا إتلموا يافقرا...
أنا من بشيل همي ؟؟
مكتوب عليّ عَبرة
ومين بفك شوقي ؟؟
رابطنو في سِدرة
تعالوا إتملو يافقرا..
تمرتاً لو تسد فرقة..
محايةً زي تقول درقة
مكشوف عليّ ريدي..
مافاقد السترة
زي عيون الضي
معطونة في سُمرة
وشايل عيونك ديل
مجنون وليّ فترة
| |
|
|
|
|
|
|
|
|
|
Re: انتي الخطاوي - جديد المبدع ضياء ميرغني (Re: لؤى)
|
Quote: الجّميلان عبد الله وضياء الدّين
سلامات
دا شغل جميل ورائع جدّاً
أسعدني الاستماع إليه
ملحوظة :-
العمل كبير الحجم ممّا يصعّب من عمليّة الاستماع إليه
لديّ نسخة خفيفة للعمل لو تفضّل أستاذ عبد الله بإيقاف التّسجيل أعلاه |
الاخ والحبيب لؤي
لقد قمت بحذف الاغنية و وضعت الرابط فقط
وها نحن ننتظرك
شكرا لك عزيزي وشكرا لحضورك الوريف فانت دوما جميلا في كل شيئ
خالص مودتي ولك الحب
| |
|
|
|
|
|
|
|
|
 Re: انتي الخطاوي - جديد المبدع ضياء ميرغني (Re: سهام نابرى)
|
Quote: القصيده لازم تكون رائعه لما تطلع من مبدع
رغم انى اول مره اسمع لى ضياء الا انه فعلا صوت جميل وغنى
واصل الابداع ماتكسل وكمان ماتبقى زى قريبك
يكتب القصيده ومحل مايلبدها ماينعرف
خلينا دايما نسمع ابداعاتك |
لك كل الشكر عزيزتنا سهام نابرى
اتمنى ان اكون دائما عن حسن الظن
عبدالله مبدع وشاعر فخيم لا ينبض الا جمالا
ومنه ناخذ الرحيق
ضياء الدين ميرغنى
| |
|
|
|
|
|
|
| |
altahir_2
Elmosley
osly2
ناذر محمد الخليفة
لؤى
الفاتح يسن
فيس بوك
تويتر
انستقرام
يوتيوب
بنتيريست