|
|
 حقد و غل دفين يامزمل ابو القاسم
|
Quote: * تهرب قائد المنتخب ونائبه من السفر مع المنتخب إلى غانا ينبغي أن يواجه بحزمٍ شديد.
* هل سبق لهيثم والعجب الاعتذار عن مرافقة طرفي القمة لأي رحلة خارجية؟
* بئس القادة! |
|
|
 
|
|
|
|
|
|
|
|
Re: حقد و غل دفين يامزمل ابو القاسم (Re: فيصل نوبي)
|
الفوق ده جزء من عمود الحاقد مزمل
و ما يلي جزء من خبر يعتلي الريسية من نفس العدد
Quote: عملية جراحية ناجحة لقائد الهلال .. كامبوس يعلن وصوله إلى الخرطوم لاستلام مستحقاته المالية.. ومعتصم جعفر يشيد بالصدى من كيجالي
أجرى هيثم مصطفى قائد فريق الهلال عملية جراحية أمس بالاردن كما اشارت الصدى في عدد الأمس وكللت العملية بالنجاح وكان مصطفى غادر الى الاردن لعرض نفسه على الاطباء بعد أن شكا من تمزق في اربطة الكتف وخضع اللاعب الى عملية بالليزر وينتظر أن يعود الى الخرطوم ا ..تتمة |
| |
|
|
|
|
|
|
|
|
 Re: حقد و غل دفين يامزمل ابو القاسم (Re: فيصل نوبي)
|
سلام يانوبي..
مزمل أبو القاسم يحاول التبرير للعجب.. ويسعى لإدانة هيثم مصطفى..
مع أنه ـ كما قلت ـ أنّ خبر العملية التي أجريت لهيثم في الأردن
يتصدر الصفحة الرئيسية للصدى..
وهذا يؤكد الاستهداف المقصود لهيثم مصطفى..
مزمل أبو القاسم هو سبب العداوة والتعصب الأعمى الذي ظهر في الفترة الأخيرة
عندما فاز الهلال على الاتحاد الليبي.. لم يكتب عن المباراة سوى سطرين فقط..
وحتى السطرين تهكم فيهما على الهلال وقال إن الكأس سيكون عصياً أيضاً على الهلال..
مزمل مجرّد مشجع متطرف.. وهمه الأساسي أن يبيع صحيفته للغافلين والمشجعين..
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: فيصل نوبي)
|
دا غير الحملة على علاء الدين يوسف و تحريض لإتحاد عليه
وطبعا بقية الجوقة مبارياه أغلب الأعمدة بقت يوميا ما عندها شغلة غير علاء الدين فعل علاء ترك
في الصفحة الأولى تصريحات لعيبة الأهلي مدني علاء سوى لي علاء عمل لي
يا عمك العطالة تعمل أكتر من كدا
| |
|
|
|
|
|
|
|
|
 Re: حقد و غل دفين يامزمل ابو القاسم (Re: محمد البشرى الخضر)
|
ود البشري
سلامات يا حبيب
قصة علاء الدين لامن محيراني بسبب وبلا سبب
في نص الموضوع بمقدمات و بدون مقدمات
داير يصل لي شنو ؟
يوقف علاء الدين مباراتين تلاته - عشرة؟
الاتحاد يدفع علاء الدين غرامة ؟
اها هو إستفاد شنو ؟ ده السؤال اللي ما لاقي ليهو إجابة !!
_
و ما قاعد يكتب عن لاعبي المريخ اللي بيعملو تصرفات قبيحة ليه ؟
ده اللي بيخلي كتاب الهلال ينجرفو لنفس الدركـ دون أن يعو..
حقيقي غثاء مزمل أبو القاسم.
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: فيصل نوبي)
|
اخي نوبي
سلام
حقيقة لا اري اي حقد في ما كتبه مزمل ولا اري اي تعارض في ما كتبه وما نشر في الصفحة الاولي من خبر
ولا اعتقد ان صحفيا في قامة مزمل تفوت عليه ذلك وخصوصا انه رئيس التحرير
السبب فيما اري:
ان هيثم قبل ايام وفي صحيفة قون ونقلا عن فضائية قون علي ما اعتقد ذكر ان احمد سعد لاعب هلال بورتسودان او
حي العرب بورتسودان (لا ادري) هو من قام باصابته في كتفه ثم بادر بالهجوم عليه في الصحف (انتهي كلام هيثم)
السؤال:
متي اصيب هيثم مصطفي وما تاريخ تلك المباراة التي اصيب فيها هيثم؟
هل لعب هيثم مباراته الاخيرة امام الاتحاد الليبي واذا كانت الاجابة بلا فهل اصيب بعد ذلك (متي واين)؟
واذا كانت الاجابة بنعم الم يكن الاولي ان يلعب للمنتخب وهو مصاب ام ان مباريات الهلال اهم من المنتخب.؟
رايي ان هيثم مصاب فعلا لكن اصابته ليست مؤثرة للحد الذي يمنعه من اللعب وقد لعب معظم مبارياته الاخيرة وهو مصاب
وعندما ضمن ان فريقه سيكون بالمركز الاول بغض النظر عن نتيجة مباراته امام الجيش سافر ليجري العملية ليكسب وقته حتي
يعود ويلحق بركب زملاءه وهو في كامل الصحة ضاربا مباراة منتخبنا بعرض الحائط.
الرجاء تصويبي اذا كنت مخطئا اما اذا كنت محقا فانتم الحاقدون الذين لا تروا فيما يكتبه سيفنا البتار مزمل شيئا جميلا علي الاطلاق
تخريمة:
قلت بتقروا كتابات مزمل كيف؟
يجب تعديل السؤال لـ: بتقروا كتابات مزمل ليه طالما بيهرد فشفاشكم كده؟
ولكم ودي يا رشاشات
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: فيصل نوبي)
|
| Quote: ولا اعتقد ان صحفيا في قامة مزمل تفوت عليه ذلك وخصوصا انه رئيس التحرير |
لا بتفوت عليه , زي ما فات عليه لقاء اوتوفستر المفبرك
مزمل كان أحد تسعة صحفيين اوشك مجلس الصحافة على سحب تراخيصهم ومنعهم من الكتابة
و الصدى إحدى خمس صحف اوصى المجلس بإغلاقها لولا تدخل الأجاويد المعتادة
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: ادهم عبد الرحمن نصر)
|
الاخ ادهم
لك التحايا
سأتطوع بالرد عليك
لو قلنا انه هيثم ضربه لاعب بورتسودان واستطاع ان يلعب بعد ذلك
كل اصابة بتكون فى الاول صغيرة و لكن اذا لم تتم المحافظة عليها تتفاقم و تزيد
و هذا ما حدث لهيثم و لم يجد بدآ من السفر و العلاج فهل هذا تهرب
معظم اللاعبين بيكونوا مصابين و يتحاملوا و يلعبوا لكن بعد كم مبارأة بيضطروا للتوقف للعلاج
و لك المودة
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: ادهم عبد الرحمن نصر)
|
ياخ هسه الزول لو نكت القديم ..حا اجيب ليكم راي مزمل في هيثم مصطفي في كونو انو هيثم لاعب كبير في العمر ولن يفيد المنتخب في شيء ولماذا تم اختيارة ولابد من اعطاء الفرصه للشباب ..ووو..اعلام المريخ بقي يمارس اسلوب معروف ومحفوظ في كل مرة يشعر فيها انو الهلال ماشي كويس في بطوله خارجيه ..والاستهداف دايما بيتم لنجوم الهلال ..المعزمحجوب ..هيثم مصطفي ..مهند الطاهر ..علاء الدين يوسف ..عمر بخيت ..هم اهداف اعلام المريخ لتعطيلهم وتعطيل الهلال ..قرات اليوم ان هيثم مصطفي كان كثيرا ما يتلقي تهديدا بالموبايل وشتائم من متصليين مجوهلين وكلام غذر عبر الايميل في عامي 2008-2009 قبل كل مباراة مهمه للهلال ..اليوم ايضا قريت بعض المواضيع المنقوله عن منتديات المريخ وفتح باب الاقتراحات عن كيفية تعطيل الهلال ..العض اقترح الاتجاة للفقرا والبعض اقترح تزويد الفرق المنافسه بمستوي لاعبي الهلال (السلبيات والايجابيات)وتزويد الفرق المنافسه باخر شرائط مباريات الهلال ..والبعض الاخر اقترح بنشر الشائعات للتشويش علي لاعبي الهلال ..ودا كلو للاسف ناتج من الاعلام اشباة مزمل واعوانه ..
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Maawya Hussein)
|
أغلب المريخاب بكل اسف وخاصة صحفييهم أو متصحفيهم أصبح اسمهم منذ 7 سنوات (المزملاب) فلا شاغل لهم غير ترديد ما يكتبه الصحاف .. صبح وليل .. ليل وصبح .. فالمريخ بات يلعب على صفحات الصدى وبس ..
مزمل بكل أسف زرع العصبية والتعصب وسايره الكثيرون ومزمل يتاجر ويكسب رزقه بالسخرية والتبخيس واطلاق الالقاب الغريبة منذ عهد حفياني وحتى بشة صغيرة.. يا للسخافة ويا للتفاهة.. وحتماً سيلدغ من هذا الجحر ..
سلام
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Maawya Hussein)
|
كلما يتفوق الهلال ويظهر هنا يجن جنون أهل الوصيف وتبدأ الحرب بكل أسلحتها
سابقا أيام الكاش بيقلل النقاش كان بيحاولوا إغراء اللاعبين بالمال ومحاولة إلهاءهم وتشتيت أفكارهم
أما الان وقت قلت الفئران في الدار الحمراء لدرجة تمرد المحترفين فيبدو أن إطلاق سراح من يجيدون الردحي والنواح هو الطريقة الامثل بدعم لوجستي واضح من الاتحاد الاحمر اللون
ولكن نقول لهم...أردحوا فلن يزيدنا النواح الا عزيمة
وال ك ل ب ينبح والجمل ماشي
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: yasir Abdelgadir)
|
الجديد شنو يافيصل! دا مزمل من عرفناهو صحفي قبل الصدي زي ما قال لؤي أنسي بس
أي هلالابي عنده ولاء للهلال العظيم يجب ألا يدفع مليم واحد في جرائد الحقد المزمليه لأن أي مليم يذهب لمزمل هو وقود في حربه ال########ه ضد الهلال
بئس صحفي الزمن الردئ
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: أسامة البلال)
|
النار تأكل بعضها إذا لم تجد ما تأكله.
كل هم القبيلة الحمراء و على مدى سبع سنين عجاف هي ان تسعى إلى عرقلة سيد البلد.
صحيفة الصدأ هي السبب الرئيسي لما وصل إليه الإعلام الرياضي من إنحطاط.
ظلت تشحن في المشجعين إلى ان وصل بعضهم أن يرفع الدعاء متمنيا ان تسقط الطائرة بلاعبي الهلال.
هذا هو مستوى مشجعي الصفوة، اظروا هنا :
فهم يعترفون بان هيثم مصطفى هو قوة الهلال:
ثم يرفعون الدعاء ان تسقط طائرة الهلال وهي في طريقها للمغرب او تونس:
ثم يواصل في التمني لأسياد البلد بالخسف :
صدق مزيلمة الكذاب عندما سماهم من قبل بالدلاقين و الجداد.
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: عمار يس النور)
|
و هاهم يعترفون بما فعلوه عام 2007 بإعطاء معلومات قيمة للنجم الساحلي :
Quote: رياض عباس بخيت
الرقابة والإشراف
اوسمة العضو
مجموع الاوسمة: 1...) (أكثر»
بهذة الطريقة يمكن لنا ان نخرج فرقة الهلال من البطولة الافريقية
--------------------------------------------------------------------------------
عندما وجدتة مداخلة الاخ وليد المريخابي
إقتباس:
المشاركة الأصلية كتبت بواسطة وليد المريخابى
يا رياض انتظر نعرف الجماعة ديل ح يمشو وين
إقتباس:
المشاركة الأصلية كتبت بواسطة وليد المريخابى
المغرب ولا تونس
وبعد داك بنعرف كيف تتم العرقلة
وطنية ههههههههه وطنى هو المريخ والمنتخب السودانى اونلى
فتذكرت ذلك البوست والذي كتبة في( منتدي كووورة تونسية) عام - 2007/10/02والذي عمل ضجة كبري لدي الهلالاب وعن طريقة صعد فريق النجم الساحلي للمبارة النهائية وانتزع الكأس من الاهلي القاهر
وتلقي الكثير من التهديد عبر الهاتف ومكان العمل ولكن دون جدوي تذكر
والان انقل لكم البوست بحزافيره حتي نقتدي به
من أين تؤكل كتف الهلال ؟ .. رؤية فنية لنقاط قوة وضعف الهلال
الكاتب /وليد فتح الرحمن عبدالواحد
2/10/2007
مقدمة
ايام قليلة تفصلنا عن مواجهة النجم الساحلى والهلال السودانى .. وبما ان المباراة هى مباراة مصيرية للنجم الساحلى ومحطة عبور اخيرة لنهايئ رابطة الابطال فان مسئولية النجم تتضاعف .. ويبقى السؤال .. كيف يتجاوز النجم الساحلى نادى الهلال وهو الفريق صاحب المفأجات فى دور المجموعات حيث تاهل مع النادى الاهلى لدور الاربعة على حساب اندية ذات وزن ثقيل كالترجى الرياضى واسيك الايفوارى فالهلال هو ناد يجب ان نحطاط له جيدا
بحكم متابعتى للكرة السودانية .. اكاد ان اعرف كل صغيرة وكبيرة عن الهلال معرفة تامة .. نقاط قوته .. ونقاط ضعفه
دعونى ابدأ بخطوط اللعب فى نادى الهلال .. ولنبدأ بحراسة المرمى :
الاهلة خائفون على مرماهم فى ظل وجود ابى بكر الشريف
غاب المعز المحجوب عن عدة مباريات لعامل الاصابة وحل محله الحارس ابى بكر الشريف وهو اكبر نقطة ضعف سيعانى منها الهلال وهو حارس لا يجيد التعامل مع الكرات العكسية والمسددة اليه من خارج المنطقة وهو ضعيف ذهنيا وسريع التاثر بهتافات الجماهير وميزته الوحيدة هى مقدراته العالية فى صد ركلات الجزاء وهو الذى صعد بالهلال الى دورى المجموعات بعد تصديه لاربع ركلات ترجيحية امام نصرواة النيجيرى .
دفاع الهلال بعد غياب رتشارد عبارة عن شوارع فسيحة :
يلعب الهلال بطريقة 244 وكان يعتمد على رتشارد جاستن كمتوسط دفاعى وهو مدافع من طينة الكبار وفقده الهلال لعامل الاصابة التى تعرض لها امام الترجى فى دور المجموعات .. وعمل ريكاردو مدرب الهلال على الزج بعلاء جبريل فى خانة رتشارد وهو اصلا لاعب رواق ايسر وهذا العلاء ضعيف دفاعيا وثغرة كبيرة فى دفاع الهلال لانه يكثر من ارتكاب المخالفات .. وهو يخشى المواجهات المباشرة مع المهاجمين وهو لاعب تسهل اثارته وبالتالى خروجه من اجواء اللعب . اما داريو كان فهو موزمبيقى يلعب ايضا فى متوسط الدفاع وهو كثير الاخطاء ويرتكب الفاولات ويسهل من مهمة المهاجم اذا كان اخر لاعب فى الدفاع وله ميزة التقدم للهجوم واحراز الاهداف عن طريق الضربات الراسية من الركلات الركنية والثابتة وبالتالى وجب الحذر من تقدمه فى حالة الوضع الهجومى للهلال .
وفى ظهيرى الجنب يلعب حسن اسحق فى الرواق الايسر وهو لاعب مميز هجوميا وضعيف دفاعيا وله قدم يسرى فولاذية لذا وجب الحذر من تسديداته من خارج المنطقة وهنالك ايضا النيجيرى يوسف محمد وهو ايضا يميل الى الشق الهجومى كثيرا ومعظم اهداف الهلال فى بطولة هذا العام هى نتاج عكسياته واخرها فى شباك النجم فى لثاء الذهاب بام درمان .وبالامكان مراوغته وهذا حدث كثيرا على غرار ما فعله به شادى محمد لاعب الاهلى قبل ان يرسل كرته العكسية لراس اسامة حسنى .
المصدر: منبر مريخاب أون لاين - من قسم: اخبــــار المريخ |
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: عمار يس النور)
|
سلامات يا نوبي.
مزمل ده احسن زول ممكن يرد عليهو
هو مزمل نفسو!
قبل مباراة الكنغو؛ اعتذر العجب عن عدم
المشاركة مع المنتخب، فوعد هيثم سيدا
بإقناعه بالعدول عن اعتذاره.
موقف مزمل كان شنو من اعتذار العجب
وقتذاك؟
هل سماهو تهرب؟
اجيب كلامو ولا مافي داعي للإحراج؟ :)
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Ahmed Alrayah)
|
الأخ أدهم :
عشان أجاوب ليك على سؤالك ده ح اعتبر إنك زول متابع كورة عالمية ..
وعليه ح اتوقع إنك متابع مشكلة روبن وفريق بايرن موينخ مع المنتخب الهولندي ..
الفريق ممكن يرفع شكوى في منتخب ويقول لعبوهو مصاب ..
المنتخب ما بيقدر يقول الفريق الفلاني لعب لاعبي مصاب ..
بالنسبة لي اصابة هيثم عادي جدا تصاب في مباراة قبل شهر وتلعب بعدها كورتين تلاتة وتتفاقم الاصابة ..
اصابة الكتف ما اصابة حقت ساق وكشاهو وطار فيهو جوز مش؟
مكاتفة ساي ممكن ترجع ليك المشكلة ..ياخ تشيل ليك جردل ساي ممكن كتفك يقوم عليك ..إنت قايل هيثم ده ما بيرسلوهو في البيت؟
عشان كده لو عايز تسك قصة اصابة هيثم ولعبه لاكتر من كورة بعدها ممكن يتلقي ليها الف مخرج واجابة فدي تساؤلات عادية عشان ما تفتكر الناس زاغت منها..
لكن تعالنقيف عند كلمة محددة الا وهي (هروب)..
يعني اول مرة اشوف لي زول يعتذر يقولوا هارب..
يعني طيب لو هيثم غاب سااااي بدون ما يكلمهم نسميهو شنو ؟
وهو زاااتو يهرب لي شنو ؟
ناس غانا يعني بياكلو ولا بيعضو ؟
ولا في بالكم يريد هيثم اراحة نفسه استعدادا للنهائي مش؟
الهلال قبل النهائي ده عندو كورة في دور ال8 وكورة في دور الاربعة وكلها بعيدةيعني هيثم لو اتصاب بيتلحق مش؟
بعدين حنك الوطن وضريبة الوطن دي فييي ذمتك لو مغترب قاعد تدفع الضريبة بي طيب خاطر؟
تلقاك بتتجرجر وما عندي وأجلو لي وما وما وما يعني الضريبة دي بس يدفعا هيثم ده براااهو ؟
بعدين وين ضريبة مزمل للوطن ؟
مش ده هو زاااتو مزمل القال ونعم القائد هيثم فقط وفقط لأنه اقنع العجب؟
هيثم لو ما عايز بيقول ما عايز عديييل وماف زول بيجبرو مش؟
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: فيصل نوبي)
|
| Quote: أجرى هيثم مصطفى قائد فريق الهلال عملية جراحية أمس بالاردن كما اشارت الصدى في عدد الأمس وكللت العملية بالنجاح وكان مصطفى غادر الى الاردن لعرض نفسه على الاطباء بعد أن شكا من تمزق في اربطة الكتف وخضع اللاعب الى عملية بالليزر وينتظر أن يعود الى الخرطوم |
هههه
أرجو من الأخوة الأطباء في المنبر شرح معنى "تمزق في أربطة الكتف" وكيف تتم معالجته بالليزر!!
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: محمد عمر جبريل)
|
يا محمد عمر جبريل
بقيتو تختو شعار الصفاقصى
رحم الله المجم شعار المريخ العظيم الذى اضعتم هيبته انتم ولا عبيه الذين لا يستحقون ارتداء شعاره
يا فيصل نوبى
سلام
عارف يا فيصل الفرق بين الفريقين فى المستوى يجعل المتعصبين من جمهور المريخ فى حالة اشبه بالهذيان
ومزمل يعرف هذا و يعرف كيف يكتب لكى يبيع جريدته
سبق ان قلنا وقال الكثيرون أن مزمل هو حامل راية التعصب ولكن بسبب وهو التكسب المادى
لو تابعتم معى فى السنين الاخيرة مستوى المريخ لم يكن ابدا مشرفا ووصل به الحال ان حل ثانيا بالدورى بفارق 18 نقطة عن الهلال
فكانت الحوجة لمثل مزمل و مزمل عرف هذا و استغله بنجاح منتقطع النظير
و طالما ظل المريخ مريضا يعانى
الطبيب المعالج لهموم المريخاب هو مزمل
لكن فريق الكرة يظل على حاله و يستمر فى تدهوره
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: abas)
|
سنادة
| Quote: شغل نضيف يامزمل رش الرشاشات |
صدقني مثلك ومثل مزمل لا يقوى على الحديث عن برنس الكرة السودانية هيثم ابن مصطفى المكنى بالبرنس والقائد المحجل
معشوق ثلاثة ارباع سكان السودان وسفير فوق العادة لك ولي ولكل سوداني.
هيثم مصطفى اهخلاق وتواطع
دائماً يحاول اعلام البطيخاب النيل من هذا الهرم الكبير في الكرة السودانية ولكن هيهات
لمن يكون عندكم واحد زيو عليك الله تعالوا اتكلموا معانا
وإنشاء الله كاس الكونفدرالية قادم بحول الله وتوفيقه
الصادق
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: هشام المجمر)
|
Quote: آخر الحقائق
* لمنا قائد المنتخب ونائبه على عدم المشاركة في مباراة غانا فرد أحد القراء برسالة مؤكداً أن هيثم مصاب بدليل أنه أجرى عملية في الأردن.
* إصابة هيثم لم تمنعه اللعب مع الهلال، وكان بمقدوره اللعب أمام غانا مثلما لعب أمام التيحا.
* ضحى هيثم ولعب مصاباً مع الهلال، والمنتخب أولى بالتضحية من النادي.
* أما فيصل العجب فقد ظل يتهرب من اللعب مع المنتخب باستمرار.
* طلب إعفاءه من خوض لقاء الكنغو، ثم غاب عن معسكر إريتريا وواصل تدريباته مع ناديه، ثم اعتذر عن مباراة غانا بلا مبرر.
* بمقدور هيثم وفيصل إعلان اعتزالهما اللعب الدولي بدلاً من المشاركة مع صقور الجديان بالمزاج!
* وإذا استمر الوضع الحالي فلا مناص من إقصائهما معاً من توليفة المنتخب.
* المنتخب أولى من الأندية بمجهودكما يا قائد المنتخب ونائبه!
* لو كنت أستهدف علاء الدين يوسف بحديثي عن بطاقاته الملونة فذلك يعني أنني أستهدف لاعب المريخ بلة جابر لأنني ظللت أنتقده بقسوة للسبب نفسه!
* انتقدت بلة عشرات المرات بسبب الجوز الشهير!
* وطالبت بمعاقبته على كل بطاقة نالها به.
* وعلاء الدين يفوق بلة في العنف، سيما وأن الأخير لم يحدث أن استخدم يده في إيذاء الخصوم.
* كما لم نعهد فيه ميلاً للاشتباك مع الحكام.
* لا تضيف لي مصافحة اللاعبين شيئاً، ولا تخصم مني رصيداً!
* هل تسببت عدم مصافحة علاء الدين للصحافيين في طرده أمام الخرطوم؟ وهل دفعته للتحرش بالحكم وديدي الفاتح؟ وهل تسببت في اعتدائه على لاعب سيد الأتيام بالبونية؟
* نكتب ونستمتع بردود الأفعال!
* وتظل الصدى حتى لمن أبى! |
أهو مزمل براه رد عليكم يا فيصل يا قريبي
مسكاقمي
بس عندي سؤال ليك يا فيصل يا قريبي
قاعد تقرأ لي رمضان السيد والرشيد على عمر وحالد عزالدين وقسم خالد
أها رأيك شنو
كدي أعمل مقارنة بينهم وما يكتبه مزمل ابوالقاسم
وانت الحكم
انت مش ملاحظ معاي ان ما يمر يوم او يومين الا وتلقى بوست من هلالابي عن مزمل ابوالقاسم
مع ان ما يكتبه كتاب وصحف الهلال عن المريخ اسوأ بكتير عن ما يكتبه مزمل
ولكن لم يتكرم ولا مريخابي بفتح بوست عن ما يكتبه كتاب الاعمدة والصحفيين الهلالاب
لماذا ؟؟؟؟؟؟؟؟؟؟؟؟؟
انا اجاوبك
لانهم لا يرتقون ان يكتب عنهم
هذه هي وجهة ورأي المريخاب فيهم
واتحداك لو حصلت مريخابي فاتح بوست فيهم
فعلاً ستظل الصدى نبراساً لكل من أبى
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: عمر الفاروق)
|
قد يختلف الناس او يتفقوا حول مزمل
ولكن تبقى هناك حقائق :
1-الهلالاب اكثر قراءة لمزمل من المريخاب[
2-مزمل هو الصحفى الوحيد الذى هتفت ولازالت تهتف الجماهير باسمه(كمل كمل يامزمل )
3-مزمل هوالصحفى الوحيد الذى دك اركان الاتحاد بكشفه للفضائح والمؤامرات وحتى وهو خارج السودان
(فضيحة غابيتو والصلوى مثلاً)
4- صحيفة مزمل دائماً هى الاكثر مبيعا والاسرع نفاذا فى السوق
5- مزمل هو سيف المريخ البتار يعمل له من يؤد الاساءة للمريخ الف حساب وحساب
6- لايوجد صحفى هلالى يضاهى مزمل فى اسلوب المفردة ورشاقة الكتابة واطلاعا على القوانين .
(رمضان احمد السيد مثالاً) /B]
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: حمزاوي)
|
Quote: مزمل هوالصحفى الوحيد الذى دك اركان الاتحاد بكشفه للفضائح والمؤامرات وحتى وهو خارج السودان
(فضيحة غابيتو والصلوى مثلاً) |
كدي اشرح لينا دك الحصون دا كيف ؟ عمل شنو مثلا ؟ الاتحاد استقال ؟ اعتذر ؟ قابيتو اتشطب ؟ الصلوي اتشطب ؟ ولا الحصل شنو عشان ما تاكلو عقول الناس بي كلام انشائي
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Maawya Hussein)
|
| Quote: كدي اشرح لينا دك الحصون دا كيف ؟ عمل شنو مثلا ؟ الاتحاد استقال ؟ اعتذر ؟ قابيتو اتشطب ؟ الصلوي اتشطب ؟ ولا الحصل شنو عشان ما تاكلو عقول الناس بي كلام انشائي |
الاخ معاوية
وبهدوء وبدون انفعال
الهلال لم يشرك الصلوى فى عدد كبير من المباريات بحجج مضحكة وهو اصلا كان خائف من الشكاوى ولم يشركه الا امام الخرطوم لانهم يعرفوا ان الخرطوم لن تشتكي الهلال للعلاقة بين الفريقين وفى النهاية تم انهاء عقده كاسرع لاعب محترف يتم انهاء عقده .
اما الاتحاد فاصبح الاتحاد يكذب ويبحث عن مخرج لفضيحته امام الجماهير والفيفا لدرجة التبرير للفيفا بان جواز غابيتو مكتوب باللغة البرتغالية التى لايفهمها احد فى السودان ولذلك تم تسجيله رغم مخالفته لقرارات الفيفا وتذكر تفرغ كمال شداد للتبرير .
ادينى صحفى واحد كشف شى غير قانونى داخل الاتحاد بخلاف مزمل
مع تحياتي بدون زعل فالرياضة تجمع ولا تفرق
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: معاوية محمد الحسن)
|
مزمل في عموده اليوم
Quote: * آخر خبر:
ألقاب مملكة في غير موضعها.. كالهر يحكي انتفاخاً صولة الأسد! |
شوف حركات المطاعنة بتاعت ال......
في ألقاب مملكة منو في السودان غير البرنس؟؟؟
و الله الرجالة تطير
والله البرنس أسد
وَردٌ إِذا وَرَدَ البُحَيرَةَ شارِباً= وَرَدَ الفُراتَ زَئيرُهُ وَالنيلا
أمشي شوف الكدايس وين
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: معاوية محمد الحسن)
|
مافي اي انفعال ان شاء الله
Quote: ادينى صحفى واحد كشف شى غير قانونى داخل الاتحاد بخلاف مزمل
مع تحياتي بدون زعل فالرياضة تجمع ولا تفرق |
هسه وينا هي الحاجه الماقانونيه الكشفا مزمل ؟ قابيتو لعب عام كامل مع الهلال ولعب ضد المريخ مباريتين واتشطب من الهلال لضعف المستوي وواصل رفيقه داريو كان مع الهلال 5 مواسم اها الحصل شنو ؟ وين الحاجه الما قانونيه الكشفا ليكم مزمل هنا ؟ الصلوي انت براك كتبت انو لعب مباراة ضد الخرطوم ومافي اي جهه اشتكت ولا حتي الاتحاد اليمني خليك من شداد !ياخ الزول دا خاميكم ساااكت والله وبيكتب في كلام عشان يربح منكم قروش بس لكن في ارض الواقع قول لي حاله واحده من الحالات الكتب عنها مزمل كانت واقعيه واتاثر منها الهلال والاتحاد ؟ اديني بس لاعب واحد وقف او اتشطب من الهلال بسبب مزمل ؟
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: فيصل نوبي)
|
Quote: قبل مباراة الكنغو؛ اعتذر العجب عن عدم
المشاركة مع المنتخب، فوعد هيثم سيدا
بإقناعه بالعدول عن اعتذاره.
موقف مزمل كان شنو من اعتذار العجب
وقتذاك؟
|
أزيكم يا أولاد عمنا المريخاب.
ركزو في الموضوع يا شباب وعمنا حمزاوي :)، وهاكم
كلامي ده عشان الموضوع يستعدل شوية:
ما كتبه مزمل عن (القائد ونائب القائد) يقصد به هيثم
مصطفى، لكنه استغل غياب العجب فأتي بسياقٍ شمل
كليهما حتى لا يبدو أنه يستهدف هيثم.
فيكم زول معترض على كلامي ده؟
غايتو أنصحكم -قبل الرد- بالاطلاع على الأرشيف
القريب لما يكتبه مزمل.
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Ahmed Alrayah)
|
الاخ عمر الفاروق
تحياتي
اولا احييك علي الرد الهادي بالرغم من محاولة التبرير لهيثم مصطفي وتجدد اصابته
فراعي الضان في الخلاء يعلم ان هيثم مصاب فعلا ولكن اصابته ليست خطيرة ولكنه كانت خصما علي مشاركاته
والدليل انه لعب علي الواقف في المباريات الماضية متحاملا علي نفسه حتي ضمن ان نتيجة مباراة الهلال
القادمة اما الجيش لا ثؤثر علي موقف الهلال الصداري(عشان ما تقول لي الهلال لسه عندو كورة في دور الـ8)
عندها ضرب بضريبة الوطنية عرض الحائط حتي يتم علاجه ويلحق بالهلال في دور الاربعة وليس النهائي.
هذه الحقيقة لا ينكرها الا مكابر:
ثانيا: عشان ما تفلقونا كتير بحكاية حقد المريخاب علي الهلال ودعوة مزمل للعصبية وغيرها من الترهات اذكركم
ان اول مظاهرة ضد فريق يلعب باسم الوطن جابت شوارع الخرطوم كانت من جماهير الهلال منتصف الثمانينات
عندما هزم فريق البيرة الكبيني المريخ بنتيجة 2/0 في الدور قبل النهائي لبطولة سيكافا خرجت تهت للبيرة الباااااردة
اما كنت تريد ان تعرف حقد صحفيي الهلال فارجو ان تراجع مانشيتات صحيفة قوون فخبر المريخ دائما ياتي في المانشيت
الخامس مهما كانت اهميته بينما تتصدر اخبار الهلال الاربعة مانشيتات الاولي حتي ولو كانت اقل اهمية.
تخريمة:
عندنا نسيبنا جا خاشي يوم كورة التيحا وطردنا من قدام التلفزيون قال لينا انتو يا مريخاب مالكم ومال كورتنا
قلنا ليهو الهلال لاعب باسم الوطن ونحن بنشجعه....قال لينا كذابين لا الهلالاب عندهم وطنية لا المريخاب ثم اضاف
والله المريخ لو لاعب ضد اسرائيل اشجع اسرائيل.
فيا اصدقائي بدون تعصب (الحال من بعضو) لذا خلونا من الكورة وافتحوا لينا موضوع تاني.
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: ادهم عبد الرحمن نصر)
|
التحايا للجميع
الموسم الماضى فى مباراة هامة للفريق القومى، ألم يعتذر متهرباً هيثم مصطفى بدعوى المرض؟ ألم يشارك فى اليوم التالى (مريضاً) مع الهلال فى مباراة إعدادية، وواصل مشاركته فى مباريات الهلال التنافسية؟ هل كان حقاً مريضاً أم متمارضاً؟
مباراة غانا اليوم (بغانا) مباراة صعبة للغاية، تتشابه فى ذلك مع مباراة الموسم الماضى المذكورة. المبارتان حرص الكابتن المفروض على الفريق القومى بعدم المشاركة فيهما. بينما حرص على المشاركة فى مباراة الكنغو السهلة (بالخرطوم). مزمل أبوالقاسم فى تعليقه المقتضب أوصل الرسالة بذكاء وبما يتيحه له مجال صحيفة رسمية.
من حق هيثم طلب العلاج إن كان حقاً مصاباً .. ولكن بتمارضه وتهربه من مباراة الفريق القومى العام الماضى .. صار حاله مثل صاحب قصة النمر .. النمر!
والسؤال الذى يطرح نفسه هل لمسة سحرية ليزرية واحدة كفيلة بعلاج حالة إصابة وصفت (بتمزق فى أربطة الكتف)؟ وإذا فرضنا جدلاً إمكانية ذلك، فلماذا شرط مزاولة نشاطه بعد خمسة أيام من الليزرية؟ فاليزر ليس بعقار يسرى مفعوله معالجاً بعد أيام من تلقيه، فمفعوله فى التو إما أبيض أو أسود. فإما معالجة واحدة شافية أوعدة جلسات للشفاء!
مع يقينى أن هيثهم مصطفى الخالى من الإصابة لن يضيف للفريق القومى شيئاً، خاصة فى مباراة غانا التى تتطلب مجهوداً وطاقة وحركة من كل اللاعبين دون إستثناء أو تواكل. غيابه يعفى مازدا من حرج موازنات إشراكه أو إستبداله اثناء المباراة على حساب غيره. ويعطى مازدا عذراً بعد المباراة للحديث عن تأثر الأداء بالغيابات!
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: ادهم عبد الرحمن نصر)
|
نوبي سلام ومشتاقوون ..
تحايا لك ولكل الأسياد ..
أنا ما عارف يجي واجد يقول ليك ..
مزمل يا كاويهم ..
مزمل يا سيف المريخ البتار ..
هل أصبح المريخ يعلب على صفحات الجرائد ؟..
طيب ناس موسى الزومة وبلة جابر ديل يعملوا شنو ووضعهم الآن كيف في المنافسات ؟..
الإجابة نعم عند مزمل أبوالقاسم كبير المشجعين بدرجة صحفي ..
برجع ليك تاني ..
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: معتصم دفع الله)
|
Quote:
من حق هيثم طلب العلاج إن كان حقاً مصاباً .. ولكن بتمارضه وتهربه من مباراة الفريق القومى العام الماضى .. صار حاله مثل صاحب قصة النمر .. النمر!
|
سلامات يا نادر الفضلي.
هذا الخبر يعود إلى مايو من عام 2008، ورد بصحيفة الصدى:
Quote:
أشاد محمد عبدالله مازدا مدرب منتخبنا الوطني الأول بقائد المنتخب هيثم مصطفى مؤكداً
انه ضحى من اجل المنتخب وقبل السفر الى الكنغو على الرغم من ظروفه الشخصية
الحرجة المتمثلة في مرض ابنه الموجود في السعودية للعلاج، وقال مازدا: لو طلب
هيثم إعفاءه من المشاركة في مباراة الكنغو لما ترددنا في الموافقة على طلبه، وأكد
مازدا غياب فيصل العجب وريتشارد جاستن وعلاء الدين جبريل واحمد عادل
والحارس المعز محجوب عن مباراة الكنغو المقامة في السادس من الشهر المقبل،
ولم يستبعد مدرب المنتخب ان ينظم الفيفا مباراتي منتخبنا مع تشاد في إحدى
الدول الأوروبية.
|
لماذا -في نظرك- يتهرب هيثم مصطفى من المشاركة مع المنتخب وهو الذي ظل
يلعب بكل إخلاص لمعظم المنتخبات الوطنية منذ عام 1994 (تقريبا)؟
ولماذا -في نظرك- يشارك هيثم في عشرات المباريات مع المنتخب إذا كان ينوي
(التهرب) من مباراة أو اثنتين؟
ما هو رأيك في اعتذار فيصل العجب عن مباراة الكنغو ومعسكر أسمرا ومباراة
غانا؟ هل ترى أن هذا الأمر يقدح في إخلاص فيصل العجب للمنتخب الوطني؟
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Ahmed Alrayah)
|
حمزاوي يا عمك مسكاقمي و رحمة الله و بركاته Quote: يا ود البشري
مسكاقمي
دولابك بدون ضلف ومشلح كمان
جايب لي بوست من شهر 9
والجماعة نازلين كل يوم بوست في مزمل
عمر الفاروق اخوي
مسكاقمي
الظاهر ود البشري ريحك في كنكوجك |
هي لكن إنت ما حددت في التحدي بتاعك قلت جيبو بوست من أكتوبر فما فوق
بمناسبة سؤالك الأول ليه الهلالاب بقروا و بردّوا على مزمل في حين المريخاب ما شغالين بكتّاب الهلال
أنا أجاوبك لأني حين اقرأ عمود مزمل لكأني قرأت جميع اعمدة وجرائد ومنتديات المريخ الح تصدر تاني يوم - إلاّ قليلا
بل و حتى نقاش الحافلات و ضل الشجرة و صف انتظار شباك التذاكر
مزمّل عند الوصيفاب - صحفيين و مشجعين و إدارة - كالمرشد و الراعي إن ميّل يمين مالت الرد كسل بطابقها التاني يمين
وإن كسر شمال العرضة جنوب بزر ابوها تلقاها رامية إشارة شمال - إلاّ من رحم ربي طبعاً
اها احنا في الهلال ما عندنا كلام زي دا
أي صحفي إداري لاعب مشجع يتحدث عن نفسه فقط ولا نميل ولا نتبع ساي على عمانا كدا
وما عندنا رئيس طوالي لا نوالي غيره كان استقال ولا زهج نسيّر لبيته المسيرات و نحشد في اثره الدفارات
وعمرنا ما بنهتف بحياة صحفي أو صحيفة ونجعلهـ/ـا رمز لنادينا
جريدتنا الرسمية واحدة و اهي وقفت زاتها ريّحتنا
أها عشان ما تقدم أعلاه قراية لغاويس مزمل و الرد عليها بتريّحنا من ضياع زمننا في باقي الغثاء المليانة بيه الصحف الحمراء
تمام يا عمك
تاني شي عمودأمس الجبت منو الإقتباس دا قريت الحتة دي Quote: محادثة مع كروجر
* ظهر أمس تلقيت مكالمة هاتفية من الألماني مايكل كروجر المدير الفني لفريق المريخ، استفسر فيها عن مصدر الخبر الذي نشرناه حول تمديد عقده مع النادي، واحتج عليه بدعوى أننا كتبنا أن ذلك لم يحدث بعد.
* أوضحت له أننا لن نقل إنه مدد عقده، بل ذكرنا أن المريخ طلب منه التمديد، وتوصل إلى اتفاقٍ مبدئي معه، وذكرنا أن التوقعات تشير إلى توقيع الاتفاق مطلع الأسبوع المقبل، فضحك وقال: نشرتم صورة قديمة لمراسم توقيع العقد فأوحت للناس أنني مددت عقدي فعلاً، فقلت له إن الصورة المذكورة نشرت في الموقع الإلكتروني للصحيفة ولم تنشر في النسخة الورقية، كما أن الخبر تحدث عن توقعات بتمديد العقد مطلع الأسبوع المقبل.
* وخلال المحادثة أكد الألماني أنه تلقى خطاباً رسمياً من النادي لتمديد العقد، وجلس مع الفريق عبد الله وقريش وأمين عبد القادر وأخطروه بالأمر شفاهةً وكتابةً، لكنه لم يحسم أمره بعد، لكن نبرة حديثه منحتني إحساساً مفاده أنه موافق على المبدأ، وينتظر معرفة قيمة العرض وبنود العقد.
* وهو ذات ما صرح به سعادة الفريق عبد الله حسن عيسى للزميلة السوبر أمس عندما أكد أنهم لمسوا فيه حرصاً على الاستمرار مع الفريق.
* وكان لزاماً علي استغلال الفرصة لأسأله عن رأيه في أداء فريقه في المباريات الأخيرة، فقال إنه لم يهنأ بتدريب الفريق مكتملاً إلا أيام معدودات بسبب انشغال الدوليين مع المنتخب خلال الفترة الماضية.
* وذكر أنه لم يجد بداً من الاعتماد على أسلوب الكرة الشاملة لتعويض غياب كل مهاجمي الفريق، حيث دفع بستة لاعبي وسط في مباراتي الرومان والأهلي فأدوا المهمة بصورة مقنعة، وسجلوا بغزارة.
* اتجاه مجلس المريخ لتمديد عقد كروجر خطوة موفقة بكل المقاييس، لأنها ستوفر للفريق الاستقرار الفني الذي فقده عقب رحيل الألماني في مطلع العام 2009! |
كدي عليك النبي شوف الحتة دي تاني
Quote: * ظهر أمس تلقيت مكالمة هاتفية من الألماني مايكل كروجر المدير الفني لفريق المريخ، استفسر فيها عن مصدر الخبر الذي نشرناه حول تمديد عقده مع النادي، واحتج عليه بدعوى أننا كتبنا أن ذلك لم يحدث بعد.
* أوضحت له أننا لن نقل إنه مدد عقده، بل ذكرنا أن المريخ طلب منه التمديد، وتوصل إلى اتفاقٍ مبدئي معه، وذكرنا أن التوقعات تشير إلى توقيع الاتفاق مطلع الأسبوع المقبل، فضحك وقال: نشرتم صورة قديمة لمراسم توقيع العقد فأوحت للناس أنني مددت عقدي فعلاً، فقلت له إن الصورة المذكورة نشرت في الموقع الإلكتروني للصحيفة ولم تنشر في النسخة الورقية، كما أن الخبر تحدث عن توقعات بتمديد العقد مطلع الأسبوع المقبل. |
سنة يا المهنية
الصورة في الموقع الإلكتروني دا حِجة ههههههه (فتشت الأرشيف عشان اجيب ليك الصورة ما لقيتها)
بالله وقت مزمل بقرا و برد قول ليه عملت لينا شنو في موضوع لقاء اتوفستر المنجور
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: معتصم دفع الله)
|
صدقني مثلك ومثل مزمل لا يقوى على الحديث عن برنس الكرة السودانية هيثم ابن مصطفى المكنى بالبرنس والقائد المحجل
والله يالصادق الماصادق الاختشو ماتو من اللاعب الذى نبذ العجب على الهواءو عبر الفضائية السودانية
دا هيثم ولا دا ياربى الصادق ؟؟؟؟
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: معتصم دفع الله)
|
وعليكم السلام يا شفيف و مشتاقين بالأكتر ياخ
للأسف ما تابعت الكورة لكن من التشكيلة و التعليقات و النجومية واضح انو لاعبي الهلال كانو هم العمود الفقري للتشكيلة
ودا افتكر ساعد على الأداء الجيد باعتبار انسجامهم في الفترة الاخيرة
اهتميت اسأل و افتش على تعليقات المتابعين عن مستوى و اداء علاء الدين
و الحمد لله شبه اجماع على نجوميتو ودوره الكبير في النتيجة - بدون ما نغمط بقية الصقور حقّهم
وفي بالي الحملة الحمراء على علاء الدين و لله الحمد لم تثمر عن شيئ وإلاّ كنا ندمنا أشد الندم لو تمت معاقبة علاء الدين بإيقاف أو غيره
مزمل بعد سيطرته على مجلس المريخ يحاول السيطرة على الإتحاد العام بعد خروج شداد
شوف العمودين ديل
الإتحاد في الطرق الصحيح
ولى عهد البصمة وهبت رياح التغيير
الحملة على علاء الدين اول اختبار لمدى نجاح محاولاته للسيطرة على مجلس الإتحاد العام و شكلها باءت بالفشل
إن كان معتصم جعفر رئيس ما ينسى مزمل أن هناك مجدي و الطريفي و اسامة
| |
|
|
|
|
|
|
|
|
 Re: حقد و غل دفين يامزمل ابو القاسم (Re: محمد البشرى الخضر)
|
Quote: آخر الحقائق
* عملوها الرجالة.
* لو ركز كاريكا أمام المرمى قليلاً لكال الرماد حماد!
* مهما حصل.. المعز بطل!
* سفاري السم الهاري، أستاذ علم القبض على أشهر المهاجمين!
* احتجز جيان بقسوة، وأجبره على أن يخرج من طوره.
* السيف المساوي.. أب رسوة الأصم.. حجار شراب سيتيت.
* بسم الله ما شاء الله، مساوي أب غرة، محل ما يسري يمري.
* بلة جابر.. البلبل الغريد، قطار الشرق السريع.. إن شاء الله لي تسلم!
* خليفة الفارس.. ورمز قوة الإرادة في ملاعب السودان حالياً.
* ود البخيت يا معلم.. خلي الكورة تتكلم.
* سمحة فيك الروقة يا عمر.
* علاء فييرا فارس النزال.. ما هو الفافنوس ماهو الغليد البوص.
* بشة كبيرة.. كفاية علينا!
* (راجل) عبد العاطي!
* شباب وقوة.. مليان فتوة.
* قلق في.. قلق مافي!
* قالوا الدود قرقر.. حبس الدرب!
* حاج موت.. صعب صعب يا مصعب.
* المهند البتار.. حجر النار!
* منتظرين الهوبا في الخرطوم.
* بكري المدينة.. بكري الدرة.
* مازدا صناعة السودان.. دهست إخوان إيسيان!
* ألقم ابن البلد منتقديه حجراً من نار. |
ودالبشرى سلام ..
أها عليك الله بعد دا نقول على المشجع الصحفي دا شنو ؟..
ياخي الفترة الفاتت شابكنا ليك هليفة هليفة لمن كره الزول الكورة ..
وبعد ما فتر من خليفة قبّل على علاءالدين ..
أها الجوز ديل كانوا أحسن اللاعبين في المباراة لعب بهدوء ورزانة في التمرير وقوة في التصدي وبسالة في قطع الكرات والإلتحام ..
دا كلو من هليفة وعلاء شلالايت تصدق ..
علاء يا ودالبشرى حينما يلعب بمزاج عالي يبدع في الملعب بالأمس كان يوزع في البسمات كما يلعب الباص الجميل لزميله أو كمن يقطع الكرة من خصه ..
علاء لاعب مميز في الميدان حضوره طاغي وله هيبة قل أن تجدها في لاعبي السودان اليوم ..
مزمل صحفي لا يعتد به ..
زول بكتب ساي ..
يا حبيب لاعبي الهلال يشكلون العمود الفقري لمنتخبنا الآن وحين نقول هذا ليس بعيب ولا عصبية إنما الحقيقة ..
ظللنا ننادي بإعطاء اللاعب الوطني مساحة في فريقه وعدم تجنيس الأجانب أو التسجيل العشوائي من أجل المكائدات لأنه لن ينفع في الآخر ..
هنالك لاعبين شباب في الهلال ما شاءالله عليهم هم مستقبله إن شاء الله أمثال خليفة وبكري المدينة وبشة وغيرهم ..
للأسف تابعت المقالين ديل وكعادته يحاول يستميل الإتحاد كما يفعل مع الحكام ولكن هيهات سيجد كل الأهلة زرق الجباه متصدين له ولخزعبلاته وترهاته ..
يا نوبي قلت لي زولنا دا قال علاء الدين فارس النزال ..
لا خلاص صدقناه 
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: محمد البشرى الخضر)
|
| Quote: انت براك كتبت انو لعب مباراة ضد الخرطوم ومافي اي جهه اشتكت |
الاخ سيد الاسم معاوية
انا ذكرت ليك انو السبب فى عدم شكوى الخرطوم هو العلاقة الطيبة التى تجمع الناديين ولذلك لم يلعب الصلوى اى كورة اخري بخلاف كورة الخرطوم
كل المخالفات التى كشفها مزمل مثل اعمار الصلوى وغابيتو المخالفة لقانون الفيفا والاعارات الوهمية وغيرها يدرك الجميع انها صحيحة ولكن لان الاتحاد متورط فيها وبالتحديد مجدى شمس الدين فلذلك قام الاتحاد بالتغطية عليها وتقديم تبريرات لها مثل مسح الايميل الذى وصل للاتحاد وذلك حتى لايتورط قادة الاتحاد فى الفضائح ولذلك نجأ منها الهلال بعدم التضرر. ولكن ذلك لايمنع صحتها والدليل ان الاتحاد قام بانهاء خدمات عدد من موظفيه بحجة انهم يمؤلون مزمل بالاخبار من داخل الاتحاد .
تذكر يامعاوية بان مزمل تحدى الاتحاد بمسح الايميل وطالبهم بمقاضاته امام المحاكم ولكن الاتحاد جبن لانه يعلم حقيقة مخالفاته واذا كان الاتحاد محقا لماذ لم يلجأ للمحاكم لرد اعتباره ؟.
وسؤالى لك الان و بعد مرور كل هذا الوقت ادعى الهلال والاتحاد بان كواريزما تم اعارته لنيجيريافهل ذهب اليها حتى الان منذ خروجه من السودان ؟
| |
|
|
|
|
|
|
|
|
 Re: حقد و غل دفين يامزمل ابو القاسم (Re: محمد البشرى الخضر)
|
مين غير ميشو يعني؟!
لاحظ يا ود البشرى الصحفي ذكاء الصحفي بتاع قون دا
| Quote: واضاف البرنس انه كان يتمنى المشاركة مع زملائه في هذه المباراة بالذات ليستعيد ذكريات تألقه* على ملعب بابايارا بكوماسي ونيله جائزة رجل المباراة |
___________
الله يشفيك يا مزمت
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: محمد يوسف الزين)
|
سلام للجميع ..
أولاً نتفق بأنه ما عندنا صحافة رياضية ولا صحفيين إلا القلة التي تحسب على أصابع اليد الواحدة ..
مشجعون لقوا أنفسهم ماسكين أقلام وبيكتبوا عن الكورة بالطبع هذا لا يقلل من شأن المشجعين الأصيلين والأصليين الذين يعشقون الكرة وأنديتهم وينصرفون للتشجيع تماماً ..
الغرض مرض ..
نعود لكبير المشجعين والهتيفة الأستاذ مزمل أبوالقاسم ..
أو كبيرهم الذي يقودهم وزي ما قال ودالبشرى نكتفي بقراءة عمود مزمل ليكفينا عن باقي المشجعين الصحفيين تبع الاعلام السالب ..
المتابع لكتابات هذا المشجع الصحفي أنه يستهدف الهلال ولا شئ غيره ولاعبي الهلال تحديداً ..
لذا نجد حملاته الهجمومية تأتي دائماً بعد كل إنتصار للهلال أو تقدم في البطولات الأفريقية ..
ولا ننسى الهجوم المنظم على اللاعبين قبل أي مباراة للهلال مع المريخ ..
وبعودة لكتاباته نجده هو من أدخل ثقافة (المواسير والدلاقين) ويلجأ لكلمة (ولدنا) للتأثير على لاعبي الهلال وخصوصاً المعز وعلاء الدين وعمر بخيت ومهند لتأثيرهم الكبير في مباريات الهلال وجمهور الفريق ..
مزمل في الأيام الماضية شن هجوماً عنيفاً على علاء الدين ولما إتزنق دلل بهجومه على بلة جابر ونقول ليه المقارنة هنا معدومة هذا لاعبك ولك فيه ما تشاء وعلاء الدين لاعب الهلال الذي تكرهه ..
لو كان هذا الصحفي يكتب عن فريقه ويوجه له النصائح لما كتبنا عنه لكنه دائماً يوجه سهامه الصديئة نحو الهلال ولاعبي الهلال لذلك نقول له توقف ونوجه له الهجوم حتى يلجم لسانه وقلمه ..
ليست لنا عداوة شخصية مع مزمل ولكن عند الهلال وسيد البلد نكون خط الدفاع الأول وحماته ..
وانا ضد من يقول بأننا لا نلقي بالاً لما يكتب لا بالعكس لازم نواجه هجومه بأكثر قساوة ونزيد العيار حبتين حين يفلت عياره ..
لكم التحية ..
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Hassan Senada)
|
سلامات يا شباب
و لكم التحايا جميعاً
و الف مبروكـ لفريقنا القومي ..
في حين إنتظار عمود مزمل اليوم خلونا نشوت شوية
ماذدا ياهو ماذدا بتاع التلاتات
يعني الأمس ده منتخب بيلعب بخطة تانية و إحتمال ميتشو ده إحتمال كبير جداً ..
و لا أستبعده تماماً ..
غانا فريق منظم و اذا كان فريقنا القومي إعتمد علي مهارات فردية زي ما كان بيحصل زمان كان شربنا ما روينا
لكن من الواضح إنه الفريق منظم بتكتيكـ جديد..
لا زالت المجاملة بتاعت هلال مريخ تطغي علي الفريق ..
هنالكـ الكثير من اللعيبة المفروض يدوهم حقهم ( لعيبة الامل عطبرة مثالاً ).
_
بصراحة أمس كنت أتوقع للقومي هزيمة داوية لأنني لا أثق بتاتاً في ماذدا.
و الحمدلله خيب توقعاتي ..
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Hassan Senada)
|
| Quote: لا يغزف الا الشجرة المثمرة هنئيا لك يا مزمل سير وعين الله يحميك من الرشاشات الحاقدين |
هو جنس ( غزف ) لكن !!!!!!!!!!!!!!!!
الشجر البيقذفوه ده شجر اللالوب والدوم وهكذا
لكن من الله خلقك شفت ليك حجر جنب شجرة ( تفاح )
بالمناسبة التفاح بنزلوا كيف بالله
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: فيصل نوبي)
|
| Quote: ياعمار مزمل تاج فوق رؤسكم كسودانيين كما تاج محل تاج للهنود |
و الله لو إنت بترضي بيهو تاج لي راسك ، هذا شأنك وحدك، نحن لا دخل لنا به.
أمشي أقرأ مقاله عن تاج محل و شوف كمية الاخطاء التي وقع فيها عشان تعرف إنو الزول ده ما عندو اي حاجة.
معلومة بسيطة مثل هذه يغلط فيها ثلاثة مرات في سطر واحد ، يلخبت إسم الصرح و إسم الإمبراطور و إسم زوجته.
هذه المعلومة كنا نحفظها قبل عصر الإنترنت. وهو لم يكلف نفسه ان يبحث عنها. و هذا يدل على انه غير أمين مع قرائه فهو ينجر ليهم ساكت و يكتب ليهم اي كلام.
وطبعا عندو حق لو كانوا مثلك يعتبرونه تاج لرؤوسهم.
مرة ثانية هنيئا لك بمزمل ابو القاسم و مبروك عليك و نعم التاج الذي تتزين به.
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Hassan Senada)
|
| Quote: مزمل مجرّد مشجع متطرف.. وهمه الأساسي أن يبيع صحيفته للغافلين والمشجعين |
يانوبى ياخ مزمز فعلا لايعد اكثر من مشجع فبلاى ماتعصر عليهو.
وصحافتنا الرياضية كلها الا من رحم ربى مافيها ص من صحافة
مكايدات وكل يشجع ويكتب حسب هواه ووسط كل هذا يبقى سيدا هو سيدا رغم انف المزمل بالحقد ورغبة التوزيع.
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Mohamed Foto7li)
|
فقط تعليق لما جاء فى صحيفة قوون
بالامس و انت اشاهد برنامجآ فى قناة قوون يقدمه رمضان و مستضيف مجدى و السادة
قام بالاتصال ببعثة المنتخب الوطنى فى غانا و اثناء تقديم المراسل للمدرب مازدا قال
بأن مازدا أهدى هذا الفوز الى الكابتن هيثم مصطفى ثم اعطى الهاتف لمازدا
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: فيصل نوبي)
|
أحبابنا نوبي وودالبشرى وأحمد الريح والفاروق ومعاوية ومن فاتني ذكره
واتفق حول الراي في مزمل أبو القاسم...
.. اتعجب جدا محاولتكم إخضاع كتابات مزمل ( اسميها هذيانات مزمل ) لمنطق
التحليل و المعالجة.. فليتخيل أي واحد منكم أنه في استاد الهلال أو المريخ
و حاضر ليه مباراة وسط الجمهور.. مش تلاقيهم يشتموا الواحد لمجرد أنه خصم
لفريقهم.. بل و يشتموا زولهم ذاته في بعض الأحيان ( مثلا دلاقين التي تقول
بها مزمل على ناس المريخ ) لما فريقهم ينغلب؟ آها مزمل دا واحد من جنس
ديل.. الفرق الوحيدإن هذيانه دا بيكون في عمود..
.. و في كل الأحوال ديل علاقتهم بالكورة علاقة مليئة بعقدهم و مشاكلهم في
الحياة في العمل في أي حاجة.. عليكم الله خلوهم يعكوا عكهم.. و احمدوا الله
إنه فضلكم عليهم برؤية الحق حقا..
.. المصريين عندهم مثل آخره بيقول:"عمره ديل ال###### ما ينعدل و لو حطوا
فيه قالب" ..
الله يصلح الحال بما فيه حال مزمل و من نجر نجره..
محبتي
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: نادر الفضلى)
|
على ذمة صحيفة قوون Quote: كشف كابتن الهلال وقائده الفنان هيثم مصطفي البرنس معلومات جديدة ومثيرة عقب عودته من الاردن لقوون التي سجلت له زيارة بمنزله
بالصبابي ببحري للاطمئنان علي صحته بعد عملية المنظار التي اجراها في كتفه الايسر في العاصمة الاردنية عمان مؤخرا حيث سرد البرنس اسرار الاصابة التي عاني بسببها وتحامل علي آلامه كثيرا لظروف استحقاقات الفريق الداخلية والخارجية في الدوري والكونفدرالية وتحدث عن اسرار خفية عن اللحظات التي سبقت العملية فماذا قال؟؟
الاصابة قضاء وقدر:
قال البرنس ان الاصابة تعتبر قضاء وقدرا وتحدث بايمانيات روحية مؤكدا ان المؤمن مصاب والاصابة كانت مسطرة نتمني ان تكون اجر وعافية والحمد لله الذي انعم علينا بتشخيص الداء تحت اشراف الطبيب الاردني من اجل البحث عن الدواء مشيرا لمعاناته الطويلة مع رحلة الاصابة التي تضاعفت بعد مباراة هلال كادوقلي التي سقطت فيها علي الارض متاثرا بالالام الحادة التي حرمته من النوم بعد المباراة.
اخفيت الاصابة من اجل الهلال:
واوضح البرنس بانه تحامل علي نفسه واخفي الاصابة من زملائه وطبيب الفريق من اجل المساهمة والمشاركة مع زملائه في مباريات الدوري التي يعتبرها اكثر اهمية حتي مباراة الموردة التي سبقت لقاء الاتحاد الليبي في الكونفدرالية التي قال انه لم يذق طعم النوم بعدها ليومين متتاليين بعدها وجهني طبيب الفريق لاجراء فحوصات بمستشفي الزيتونة بمتابعة دقيقة منه وتبين ان هناك تمزقا في اربطة الكتف الايسر.
المشاركة امام الاتحاد امر واقع:
وقال هيثم مصطفي بعد نتيجة الفحوصات اصبح الامر واقعا للبحث عن العلاج ولكنني اصريت علي المشاركة في مباراة الاتحاد الليبي التي كانت تتطلب مجهودات كل لاعبي الفريق وبحمد الله توفقنا في المباراة التي كانت مصيرية بالنسبة للهلال وحقق فيها ابطال الفريق المراد بالصعود لنصف النهائى واعتلاء صدارة المجموعة الاولي .
شعرت بالراحة بعد فوز الهلال علي الاتحاد:
وابان كابتن الهلال هيثم مصطفي بان الانتصار علي الاتحاد الليبي جعله يتناسي آلامه واشعره بالراحة ورفع من روحه المعنوية الشيء الذي ادي لجعله يتصل بالمدرب اسماعيل عطا المنان مساعد مدرب المنتخب واخطره باستعداده للسفر مع المنتخب لاكرا ولكنه فضل ان يطمئن علي صحته وبعدها العودة للمشاركات.
الطبيب فاجاني بالعملية:
وكشف البرنس سرا يذيعه لاول مرة بانه ذهب للاردن من اجل الاطمئنان علي الاصابة والبحث عن علاج سريع وقال انه تحدث مع الطبيب عن ارتباطه بالمشاركة في مباراة المنتخب يوم الاحد التي حقق فيها الصقور التعادل مع النجوم السوداء ولكن الطبيب ابراهيم حجازي فاجأه بضرورة اجراء العملية عاجلا في الكتف بعد ان اكدت الفحوصات الدقيقة ذلك.
العملية استغرقت ساعتين:
ووصف اللاعب هيثم مصطفي ان الدكتور قد ابلغه بان العملية ستستغرق 45 دقيقة ولكنها استغرقت ساعتين بالتمام والكمال لازالة الالتهاب الذي كان يتسبب في آلام حادة مؤكدا بان نجاحها كان دعوات الصالحين والاهلة قاطبة.
برنامج تاهيلي خاص:
وعن فترة العودة للملاعب قال هيثم مصطفي ان الطبيب المعالج د ابراهيم حجازي قد طالبه بتنفيذ برنامج تاهيلي خاص في الفترة القادمة تحت اشراف ومتابعة طبيب الفريق د احمد درويش الذي تسلم التقرير الطبي وسيقرر علي ضوئه فترة عودتي التدريجية للملاعب.
تمنيت التواجد باكرا ونيامي:
تحسر البرنس علي غيابه عن المشاركة في مباراتي المنتخب امام النجوم السوداء وعن عدم امكانية السفر مع الهلال الي نيامي النيجرية والمشاركة في جولة الاياب مع زملائه اللاعبين وقال ان كل مباريات المنتخب والهلال مهمة لانها تخلق سمعة رائعة وجميلة لان العبرة بالنتائج.
نتيجة الصقور داوت جراحي:
ثمن البرنس هيثم مصطفي جهود زملائه بالمنتخب الوطني الذين قدموا مباراة رائعة وجميلة وسط اكثر من 70 الف متفرج امام المنتخب الغاني واشار الي ان لقاء كوماسي قد عكس الوجه الحقيقي للمنتخب رغم الفوارق مؤكدا بان العرض البطولي والاداء القوي لزملائه اللاعبين قد داوي جراحاته وانساه آلام الاصابة وقال انه يامل ان يواصل المنتخب بذات المستوي حتي يضمن مقعده في النهائيات الافريقية 2012.
هدية الصقور ادخلت البهجة لنفسي:
اشاد البرنس بالروح العالية للجهاز الفني وللاعبي صقور الجديان الذين ادوا مباراة رائعة امام المنتخب الغاني كانت حديث الناس وسيدونها التاريخ بسجلاته وذكر البرنس ان اتصال اعضاء الجهاز الفني لمنتخبنا الوطني وعدد من الزملاء اللاعبين به عقب المباراة بالاردن ادخل في نفسه احساسا جميلا ونبيلا وصادقا تجاه الوطن العزيز وتمني البرنس ان يكون حاضرا في مشاركات المنتخب القادمة حتي يعيش تلك اللحظات من الفرحة التي لا تقدر بثمن.
بدون الناس لا اساوي شيئا:
عبر البرنس عن سعادته البالغة بالاهتمام المتزايد الذي حظي به من جماهير واقطاب ورياضيين وقال انه استقبل سيلا من المكالمات الهاتفية والزيارات المتواصلة طوال يوم امس مؤكدا بانه سعيد بالتواصل في المجتمع الرياض الذي يعتبر ذلك واحدا من موروثاته وتقاليده السمحة مشيرا انه بدون وجود الناس حوله لا يساوي شيئا.
موقف نبيل من السفارة الاردنية بالسودان:
تقدم البرنس بعظيم شكره وامتنانه للسفارة الاردنية بالخرطوم التي فتحت ابوابها لسيدا خصيصا لتسهيل اجراءات مغادرته للاردن مستشفيا معربا عن اعتزازه وامتنانه لموقفهم التاريخي النبيل تجاهه.
مجهودات جبارة للوزير المفوض بعمان:
اعرب كابتن هيثم مصطفي عن تقديره وشكره العميق لاسرة السفارة السودانية بالعاصمة الاردنية عمان علي راسهم سعادة الوزير المفوض السفير ابراهيم الشيخ وكذلك شكره واحترامه وصادق وده لكل من قدم له خدمة بالاردن.
اشادة خاصة بالاهلة والرياضيين:
وجه البرنس اشادة خاصة بالاهلة والرياضيين ولكل من سال واتصل وحضر مقدما التهاني بنجاح العملية التي اخذت حيزا كبيرا رغم انه شخصيا كان يستبعدها لكن الله قدر ولطف. |
الرابط
استاذ نادر الفضلي تحية و سلام | Quote: سؤال إجابته مربوطة بالإجابة عن حقيقة لمسة سحرية واحدة لليزر تشفى إصابة وصفت ب (تمزق فى أربطة الكتف) ! |
حسب المذكور في قوون العملية و الليزر تمت لإزالة إلتهاب
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: نادر الفضلى)
|
و الله لو إنت بترضي بيهو تاج لي راسك ، هذا شأنك وحدك، نحن لا دخل لنا به.
أمشي أقرأ مقاله عن تاج محل و شوف كمية الاخطاء التي وقع فيها عشان تعرف إنو الزول ده ما عندو اي حاجة.
معلومة بسيطة مثل هذه يغلط فيها ثلاثة مرات في سطر واحد ، يلخبت إسم الصرح و إسم الإمبراطور و إسم زوجته.
هذه المعلومة كنا نحفظها قبل عصر الإنترنت. وهو لم يكلف نفسه ان يبحث عنها. و هذا يدل على انه غير أمين مع قرائه فهو ينجر ليهم ساكت و يكتب ليهم اي كلام.
وطبعا عندو حق لو كانوا مثلك يعتبرونه تاج لرؤوسهم.
مرة ثانية هنيئا لك بمزمل ابو القاسم و مبروك عليك و نعم التاج الذي تتزين به.]
وانا اتشرف بالحبيب مزمل والعكس تماما لا اتشرف بامثالك وامثال هيثم تبعك
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: معاوية محمد الحسن)
|
وعليكم السلام معاوية
نعم مقتنع
ليه ؟ لأني ما مركب منظار اسود بقرا بيه كلام هيثم ولا عندي فكرة إو انطباع مسبق بعيّر عليه تصرفاته
وما شايف في غياب هيثم من مباراة غانا الأولى بسبب المرض و الثانية بسبب العملية تهرّب
ولااعتذار العجب و لا اعتذار أي لاعب آخر عن المنتخب شايفو تهرّب
عشان كدا حديث هيثم مقنع و مقبول , اقلاّها من باب انو مافي شي يخلّيني أكذّبو
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Hassan Senada)
|
يا حسن سنادة
تحياتي وما شفناك تاني
| Quote: ياعمار مزمل تاج فوق رؤسكم كسودانيين كما تاج محل تاج للهنود |
غايتو يا حسن سنادة ما عارف ولا عارف وعامل رايح صاحبك العامله تاج على رؤوس السودانين دا عمل شنو في الإمارات وبسبب عملته دي أترحل من الإمارات في خلال أسبوع وتقريباً حسب ظنوني عندو حرمان نهائي من دخول دولة الإمارات - أيوه يا حسن سنادة أترحل وأنت عارف الترحيل شنو
مع الأسف مزمل ترك في أبوظبي سمعة سيئة مش مع المهتمين بكرة القدم بل مع ناس ما عندهم أهتمام بيها ومع ناس المريخ هو تاج روؤسهم
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: عبدالعزيز حسين عبدالرحيم)
|
| Quote: وانا اتشرف بالحبيب مزمل والعكس تماما لا اتشرف بامثالك وامثال هيثم تبعك |
من يحتاج ليتشرف بمثلك.
جبنا ليك روبط تفضح أن تاج راسك مصنوع من السعف.
روابط كاتبنها مريخاب مش أسياد بلد.
مزمل لم يكن صادقا يوما إلا عندما وصف أمثالك بالدلاقين.
و برضوا سماكم بالجداد
و لو ما مصدقني أدخل شوف الاستاذ طلحة كتب شنو:
يا مزمل كدا بلاي روووق .. دجاج شنو وعنبلوق منو ..؟
أمسك عندك يا ال (تاجك راسك) مزمل بتاع الجداد :
Quote: غايتو يا حسن سنادة ما عارف ولا عارف وعامل رايح صاحبك العامله تاج على رؤوس السودانين دا عمل شنو في الإمارات وبسبب عملته دي أترحل من الإمارات في خلال أسبوع وتقريباً حسب ظنوني عندو حرمان نهائي من دخول دولة الإمارات - أيوه يا حسن سنادة أترحل وأنت عارف الترحيل شنو
مع الأسف مزمل ترك في أبوظبي سمعة سيئة مش مع المهتمين بكرة القدم بل مع ناس ما عندهم أهتمام بيها ومع ناس المريخ هو تاج روؤسهم |
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: نادر الفضلى)
|
Quote:
لاعب مخضرم فى عمر هيثم حريص على المشاركة، ولكن ليس أمام غانا التى كانت حتى الأمس بعبعاً مخيفاً .. والتخوف من هزيمة ساحقة منها! (وطبعاً هذا ليس ديدن المخضرمين القادرين على البذل والعطاء وصناعة الفارق)
----------------
سألتنى عن غيابات العجب عن الفريق القومى .. يا زول إنت ما قلت مزمل جاب سيرته لزوم تغطية ساى والمقصود هيثم .. وسألت المريخاب دون غيرهم هل متفقين معاك! بتسأل مقارناً بين إعتذارات العجب وهيثم فوق شنو؟ ... عموماً إعتذارات العجب غير إنتقائية وغير مربوطة بالتهرب من فريق عاتى كغانا .. وربما من أسبابها موازنات مازدا! |
سلامات يا نادر الفضلي
فهمت من تعليقك الأخير هذا أنك تظن أن هيثم مصطفى يتهرب من مباريات
المنتخب الصعبة،
وفهمت أنك خمّنت هذا بناءاً على اعتذار هيثم عن مباراتي غانا هذا العام
والعام الماضي،
وفهمت أنك تظن أن اعتذارات العجب عادية لأنها "غير مربوطة بالتهرب
من فريق عاتي كغانا"،
وعلمت أنك تظن أن سبب اعتذارات العجب قد يعود لموازنات مازدا، ولم
أفهم ما المقصود بذلك.
أي ما بنيت عليه اتهاماتك لهيثم مجرد ظنون وتخمينات!!
لا أعلم يقيناً كيف أجادلك وأنت تكتب من وحي الظنون والتخمينات! وأجد
نفسي متعجباً من اتهام هيثم بالتخوف من مواجهة منتخب غانا الذي وصفته
بالمرعب والعاتي، وصفاً يشبه الموسيقى التصويرية المصاحبة لأفلام الرعب
حتى تضفى شيئاً من المنطقية على تخوّف هيثم من مواجهته!
مجرد ظنون وتخمينات هي كل ما تملك، ولا شيء آخر.
يجب أن يتسع أفقك يا نادر لتخرج من النطاق الضيق الذي يقبع فيه بعض
الصحفيين الرياضيين الذين يحفظون بعض القوالب الجاهزة، ومن بينها أن
اعتذار اللاعب عن إحدى مباريات المنتخب أمرٌ يعني بلا جدال أنه يتهرب
من أداء ضريبة الوطن... خاصة إذا كان اللاعب هو هيثم مصطفى، أما
فيصل العجب فهو معذور، ولا بأس من انتقاده -ضمناً- مع هيثم مصطفى،
حتى لو اعتذر عن مباراة الكنغو في أمدرمان، ثم شارك مع المريخ في
مباراة الميرغني في كسلا، ثم اعتذر عن معسكر المنتخب في أسمرا،
وجلس احتياطياً في مباراة الأهلي الخرطومي في الدوري، ثم اعتذر
عن السفر مع المنتخب لغانا!!
لاعب المنتخب يا نادر إنسان في المقام الأول، لديه أسباب أخرى للاعتذار
عن عدم المشاركة مع المنتخب، قلت أسباب أخرى لأنك حصرت أسباب اعتذار
هيثم مصطفى عن عدم المشاركة مع المنتخب في الخوف من غانا!!
ذكرت بعض الأحداث المتعلقة باعتذار فيصل العجب عن عدم المشاركة مع
المنتخب لأن هذا الأمر يجعلك تفكر في أسباب أخرى غير التهرب من أداء
ضريبة الوطن و... الخوف من غانا.
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Ahmed Alrayah)
|
في تعليق سابق، قلت إن مزمل أبو القاسم هو أحسن من يرد على مزمل
أبو القاسم!
عندما اعتذر فيصل العجب عن عدم المشاركة مع المنتخب في مباراة
الكنغو، وعد هيثم مصطفى بإقناعه بالعدول عن قراره هذا.
هل قال مزمل وقتذاك عن فيصل العجب أنه (بئس نائب القائد)؟
طبعاً لا، بل العكس تماماً! أشاد به، وعدّد مآثره، وقال إن هيثم يسعى
لإقناعه بالمشاركة لأنه (أي هيثم) يعرف قيمة العجب تماماً، ويدرك
أن تحقيق أي إنجاز بغياب العجب صعب!!
كتب بعد اعتذار فيصل العجب عن عدم المشاركة مع المنتخب في مباراة
الكنغو (قبل أسابيع):
Quote:
* يقع كثيرون في خلط كبير عندما يقارنون الملك فيصل العجب بآخرين.
* بدءاً نقول إن مقارنة أي لاعب سوداني بالملك فيصل تمثل ظلماً للأول
وليس فيصل!
* العجب.. كوري.. الملك.. السلطان عجبنا والرجل الفضائي.. كثرة
الأسماء دلالة على عظم المسمى.
* العجب ساحر يمتلك ناصية الإبداع الكروي، وليس هناك من يشبهه
في ملاعب السودان حالياً!
* أرقام العجب غير مسبوقة ولا ملحوقة، فهو هداف لقاءات القمة بين
أبناء جيله، وأبرز هدافي المنتخب عبر التاريخ، وهداف السودان في
بطولات الأندية الإفريقية برصيد 19 هدفاً، وأفضل هداف في تاريخ
الممتاز (بأكثر من مائة هدف)، بخلاف مئات الأهداف التي أهداها
لزملائه!
* نحمد للبرنس أنه رفض اعتذار العجب عن عدم المشاركة في مباراة
الكنغو، وتكفل بإقناعه بالعودة!
* هذا التصرف يؤكد أن هيثم يعرف قيمة العجب تماماً، ويدرك أنه
كان السبب الرئيسي في إعادة المنتخب لبطولات أمم إفريقيا بعد
32 عام من الغياب، وأن تحقيق أي إنجاز بغياب العجب صعب!
|
بناءاً على ذلك، فإني اتهم مزملاً صراحةً باستهداف هيثم مصطفى،
واتخاذ فيصل العجب كوسيلة للمداراة على ذلك لأنه لم يهاجمه
عندما اعتذر لوحده عن عدم المشاركة مع المنتخب.
إنتو يا أخوانّا مزمل ده موش عضو معانا هنا؟ ما يجي يرد بدل
ما يردّوا ليهو الناس!
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Ahmed Alrayah)
|
Quote:
إنتو يا أخوانّا مزمل ده موش عضو معانا هنا؟ ما يجي يرد بدل
ما يردّوا ليهو الناس! |
مزمل أحرف من إنو يجي يخش في سجالات زي دي يا أحمد،
لأنو عارف نفسو هنا حيتظعمط لحد ريشو الدقاق
الراجل عندو ناسو البقدر يبيع ليهم لحم الحمير على إنو ضان لباني كل صباح، البجيبو محل الجساسين دا شنو؟
الهلال برضو عندو مشجعين بدرجة صحفيين لا يقلوا سوء عن مزمل
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Ashraf el-Halabi)
|
| Quote: مزمل أحرف من إنو يجي يخش في سجالات زي دي يا أحمد |
سلامات يا أشرف.
تداخل مزمل مرة واحدة -بحسب ما أذكر- في جدل محتدم في منبرنا
هذا... وليته لم يفعل! فقد اتسمت تعليقاته وقتذاك بالعصبية والانفعال
وخلت من المنطق والاتزان وحسن المجادلة.
خليهو مرتاح في عمودو، هناك ممكن يبداهو بى راي... وينتهي
بى راي، الحاجة الوحيدة الثابتة عندو هي أن الهلال في الثرى...
والمريخ في الإكليل :)
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Ahmed Alrayah)
|
من يحتاج ليتشرف بمثلك.
جبنا ليك روبط تفضح أن تاج راسك مصنوع من السعف.
روابط كاتبنها مريخاب مش أسياد بلد.
والله ياعمار الرد على واحد زيك مضيع وقت ساي وانا لوما فاضى اليوم ماكنت رديت على واحد زيك
ام بخصوص روابط و ماادراك جيب رابط من مريخابى معتمد لدينا مثل هارون وليد الشفت معاوية اميرة
اما اى شخص يكون عندوا حساسية مع مزمل ويقول انا مريخابى وينتقد مزمل دا خارج الشبكة ام خصوص كلام
الاخ عبد العزيز ناقشت الموضوع اياه فى الافطار رمضان بخضور الاخ ودالبشري
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: Hassan Senada)
|
أول حاجه العزيز فيصل نوبي تحياتي وسامحنا وليك كل الحب والأحترام
حسن سنادة
| Quote: الاخ عبد العزيز ناقشت الموضوع اياه فى الافطار رمضان بخضور الاخ ودالبشري |
الله يجزي ود البشرى خير راعى شعورك وبالراحه همس لي اليوم داك انو الزول دا صاحبك ومافي داعي أتكلم واستحيت
ولي هسع في كلام كتير الحياء وعدم التأكد من المعلومات تمنعنا نتكلم عنها لكن لو فاض بينا ومزمل استمر في تدليسه وعطنه البسوي فيه دا ما اظن في رادع يوقفنا
لكن مزمل ما عاوز يروق ويحترم نفسه والبسوي فيه دا يا حسن ما شغل صاح
مزمل بكرس بهيج في العصبية والتشنج وبتطلع تعابير عصبية وكل زول بعبر حسب قدرته وفهمه وفي ناس بتتعامل بي رد الفعل وبترد بالمثل وفي ناس ما عندها حدود تقيف عندها وفي ناس تعبيرهم بالعنف وشغل مزمل دا يا حسن كان ما وقف حا يجيب كارثة
يا حسن سنادة نحن بنشجع الهلال والمريخ ونحضرمبارياتهم لمن مزمل ما كان بحضر مباريات ساردية والحوش في اطراف شندي وما كان بينا التعصب دا نشيل علم الهلال ونشجع في المريخ مع أي فريق خارجي عادي ومرات نركب كلنا حافلة واحدة هلالاب ومريخاب كان غالبين ولا مغلوبين ونجي ناكل في صحن واحد ونتمسخر بهزار خفيف يا حسن هسع ممكن تلقى شكلة واقفه الف وقبل وبعد كل مباراة هلال مريخ المستشفيات وأقسام الشرطة بتستقبل مصابين ومعتدين بي سبب الكورة
مزمل إنسان وصولي عمل ليه شبكة بتاع معارف وعلاقات مع ناس وإداريين ومسؤولين يا خايفين منه يا بتدوددو ليه وراسه كبر عشان كدا سادر في غيه ومع الأسف يجو ناس يبطلوا ليه كمان عشان راسه يكبر زيادة
يا حسن سنادة
لا لا يا حسن سنادة دا غلط كبير وما صح الكضب وتزوير الحقائق ومحاربة ومعاداة اللعيبة والأداريين والمشجعين
الفاضل أحمد الريح
Quote:
إنتو يا أخوانّا مزمل ده موش عضو معانا هنا؟ ما يجي يرد بدل
ما يردّوا ليهو الناس!
|
ما بيجي لانو الناس حا تجري تبحت وتطلع ليه الداسيه ويجيبوا ليه تاريخه الكعب كله هنا
ولانو ما عندو اسلوب حا يتزعمط زي الحلاوة
اتحــداه كان عضـو هنا يجي يكتب ليه حـرف واحد ولا يرد على كلمة واحدة
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: عبدالعزيز حسين عبدالرحيم)
|
Quote: استاذ نادر الفضلي تحية و سلام
Quote: سؤال إجابته مربوطة بالإجابة عن حقيقة لمسة سحرية واحدة لليزر تشفى إصابة وصفت ب (تمزق فى أربطة الكتف) !
حسب المذكور في قوون العملية و الليزر تمت لإزالة إلتهاب |
عزيزى الفاضل محمد البشرى
تحية و سلام
مشكور على معلومة فيها إحابة عن تساؤلى بخصوص إصابه هيثم . لكن المصدر لا يعتد به،
ليس للونية صحيفة قون، ولكن لإنها لا تحترم قدسية الخبر، وتنجر الأخبار كما تهوى!
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: نادر الفضلى)
|
الأخ أحمد الريح
تحياتى
يا أخى لو كلامى ( حسب فهمك) بأنه ظنون، فلماذا قفذت تعدد فهمك ولم تتطرق لتفنيد ما بنيت عليه كلامى. تحاول أن تصرف القارئ عن مضمون ما كتبت والمبنى على وقائع وقرائن وبينات معروفة. وللمرة الثانية تغفل الرد عن حادثة إعتذار هيثم فى سبتمبر 2009 وتخلفه عن السفر لغانا مع الفريق القومى بسبب (المرض)، ولعبه مبارة ودية مع الهلال قبل يوم واحد من مباراة غانا! تتغافل أنت عن لب الموضوع . ولست صاحب أفق ضيق أو أتبع أو أتأثر بكتابات بعض الصحفيين، ولم أتطرق لكلمات وشعارات وطنية أو أحجم حق أى لاعب من الإعتذار وهذا يتضح من ردى المقتضب عن غياب العجب، وتكرارى لحق هيثم فى طلب العلاج إن كان حقاً مصاباً. وكل منهما مسؤول عن أقواله وأعذاره.
تتحدث أن اللاعب إنسان وظروف هذا كلام معقول، ولكننا بصدد وقائع وقرائن ومعطيات معينة بنيت عليها كلامى، بعضها ما يلى: (وعذراً للقراء فى تكرار بعضها إضطرنى له طريقة الأخ أحمد فى النقاش)
أولاً: فى سبتمبر 2009 إعتذر هيثم مصطفى كابتن الفريق القومى السودانى ـ وهو لاعب أساسى فى تشكيلة الفريق وخانته محجوزة له على الدوام ـ إعتذر عن السفر مع الفريق لغانا بسبب (المرض) وليس لأى سبب أخر.
ثانياً: نشر على الأقل بأحد الصحف الرياضية بالبنط العريض أن هنالك تقرير طبى بمرض الكابتن هيثم مصطفى يمنع سفره مع الفريق القومى لغانا.
ثالثاً: الكابتن الذى مرض مرضاً أقعده عن السفر واللعب للفريق القومى ـ وقبل عذره على هذا الأساس ـ بعد سفر الفريق، لعب مباراة محلية (ودية) للهلال أمام الأمل عطبرة يوم 4 سبتمبر، ولعب السودان اليوم التالى 5 سيتمبر 2009 أمام غانا! وهذا دليل على عدم مرضه. وأصبحت مصداقيته ومصداقية طبيبه وناديه فى خبر كان!
رابعاً: مباراة الرد ضد غانا بكوماسى فى سبتمبر العام الماضى كانت مباراة صعبة بعد أن هزمت غانا السودان بأم درمان. كان المتوقع هزيمة ثقيلة للفريق السودانى بغانا. وكما ورد أعلاه إعتذر الكابتن هيثم عن المشاركة بسبب المرض، وتبين عدم صحة ذلك بلعبه محلياً مباراة ودية ضد الأمل عطبرة.
خامساً: هيثم مصطفى مواظب على المشاركة فى مباريات الهلال والفريق القومى وحاجز خانته ولا يرضى حتى إستبداله أثناء المباريات. رغم ذلك إعتذر بالمرض من مباراة غانا العام الماضى، وتبين عدم مرضه بلعبه مباراة ودية أمام الأمل عطبرة.
سادساً: شارك الكابتن هيثم مصطفى هذا العام مع الفريق القومى فى مباراة الكنغو الأخيرة بأمدرمان. وهى مباراة تعتبر سهلة مقارنة بمباراة غانا. كما واظب على المشاركة فى كل مباريات الهلال المحلية والأفريقية حتى قبيل مباراة السودان وغانا الأحد الماضى العاشر من أكتوبر 2010 .
سابعاً: فريق غانا فى نهائيات كأس أفريقيا 2010 ومنديال كأس العالم فى يونيو 2010 قدم مستوى ممتازاً أهله لوصول النهائى أمام مصر. وكان قريباً من وصول دور الأربعة لكأس العالم لولا سؤ الطالع بضياع ضربة جزاء. لذلك كان الخوف والإشفاق على الفريق القومى من هزيمة قاسية من غانا بغانا يوم الأحد الماضى العاشر من أكتوبر 2010. موقف عكسته الصحف السودانية ومعلق المباراة والمنتديات ومن ضمنها هذا المنتدى وأيضاً تعليقات بهذا البوست. هذه المباراة إعتذر كابتن الفريق هيثم مصطفى، المواظب على اللعب، من السفر واللعب بسبب (الإصابة) وليس لأى سبب آخر. وهى المرة الثانية التى يعتذر فيها بسبب (المرض أو الإصابة) عن السفر واللعب أمام (غانا) (بغانا)، والمبارتان أحسن المتفائلين توقع فيهما هزيمة ساحقة أمام فريق غانا (المرعب)!
ثامناً: بإعتبار حادثة التمارض لكابتن هيثم العام الماضى والموضحة أعلاه، وفقدان المصداقية، يصبح من الصعب التسليم بدعوى إصابته أو أن إصابته تمنعه من السفر واللعب أمام منتخب غانا (المخيف). وما يكتب فى الصحف عن الحالة والإستشفاء بالليزر يطرح تساؤلات. للأسف سابقة التمارض العام الماضى جعلته مداناً حتى يثبت برآته. لسنا مطالبين بتصديقه، فالمؤمن لا يلدغ من جحر مرتين .. ويتحمل تبعات إدعائه المرض سابقاً .
تاسعاً: بإعتبار كل ما ورد فى النقاط أعلاه، فإن كابتن الفريق القومى السودانى هيثم مصطفى تهرب من السفر والمشاركة مع المنتخب ضد فريق غانا (مرتين) خوفاً من هزيمة ساحقة! وأترك لفطنة القارئ مسببات زوغانه من المشاركه ككابتن مخضرم فى خريف عمره بالملاعب فى مباراة متوقع فيها بهدلة وهزيمة ساحقة للفريق!
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: نادر الفضلى)
|
Quote: في تعليق سابق، قلت إن مزمل أبو القاسم هو أحسن من يرد على مزمل
أبو القاسم!
عندما اعتذر فيصل العجب عن عدم المشاركة مع المنتخب في مباراة
الكنغو، وعد هيثم مصطفى بإقناعه بالعدول عن قراره هذا.
هل قال مزمل وقتذاك عن فيصل العجب أنه (بئس نائب القائد)؟
طبعاً لا، بل العكس تماماً! أشاد به، وعدّد مآثره، وقال إن هيثم يسعى
لإقناعه بالمشاركة لأنه (أي هيثم) يعرف قيمة العجب تماماً، ويدرك
أن تحقيق أي إنجاز بغياب العجب صعب!!
>>>>>
بناءاً على ذلك، فإني اتهم مزملاً صراحةً باستهداف هيثم مصطفى،
واتخاذ فيصل العجب كوسيلة للمداراة على ذلك لأنه لم يهاجمه
عندما اعتذر لوحده عن عدم المشاركة مع المنتخب. |
الأخ أحمد الريح
تحياتى
كما تعودنا منك جئت بإقتباسات لمزمل أبوالقاسم، تعرضها وتلونها وتفسرها حسب هواك كمسلمات بمنطق يغفل إعتبارات عديدة. والغريبة بثقة الواثق تقول أن خير من يرد على مزمل، مزمل نفسه، وتأتى بإقتباس (تظن) بمنطقك أنه مفحم فى حين العكس، وينطبق عليه وعليك (لا يورط أحمد الريح إلا أحمد الريح بإقتباسه لمزمل أبوالقاسم!). قبل أن أفسر ذلك، أود أن أقول ... تتهم مزمل أبو القاسم إستهدافه لهيثم .. فما الجديد .. عنوان هذا البوست يحمل نفس المعنى (حقد و غل دفين يامزمل ابو القاسم) !
أما عن مزمل وموقفه من إعتذار العجب ... مشكلتك يا أحمد أنك تحلل الأمور بمنظور يغفل إعتبارات كثيرة وأنه لكل مقام مقال .. فإقتباستك هذه كمعطيات إذا أدخلتها على كمبيوتر لمقارنتها ربما وصل لإستنتاجاتك الخاطئة حسب برمجته، ولكن العقل الإنسانى يختلف! ليس لدى تفاصيل إعتذار العجب عن مباراة الكنغو .. فقط من إقتباسك من تعليق مزمل ومبادرة هيثم بإقناع العجب بالإنضمام، ورغم أنها معلومة مقتضبة مبتورة، ولكن يتضح منها أن المقام مقام تشجيع العجب وإقناعه للمشاركة وليس مقام إدانة، وهذا ما قام به مزمل. وأن إعتذار العجب ليس بسبب (المرض أو الإصابة) وإلا فلا معنى لمبادرة هيثم. وإن كان بسبب المرض أو لأسباب أخرى مقبولة فهذا من حقه.
وفى هذة المرة عندما (تكرر) إعتذار هيثم (وتأكد عدم مشاركته وسفره) بدعوى الإصابة التى لم تمنعه من اللعب قبل أيام قليلة مع الهلال، والمباراة صعبة بغانا، إنتقد مزمل الكابتن هيثم كما إنتقد العجب (الذى تكررت إعتذاراته).. وإن إنتقد هيثم ولم يذكر العجب فلا حرج عليه، لأن هيثم مداوم على اللعب أساسياً بالهلال والفريق القومى، والعجب إعتذر عن المشاركة منذ فترة طويلة.
ذكرت أن العجب بعد مباراة الكنغو لعب مع المريخ بكسلا ضد الميرغنى .. مبارة الكنغو تاريخها 4 سبتمبر والميرغنى 18 سبتمبر آى بعد إسبوعين. هى فترة كافية لزوال أسباب (طارئة) أو (مؤقتة) للإعتذار ومن ضمنها المرض أو الإصابة . وليس كحالة هيثم العام الماضى. العجب واضح عدم رغبته فى المشاركة منذ مدة طويلة. عكس هيثم حريص على المشاركة ولكن ليس أمام غانا! كما أسلفت كل مسؤول عما يقوله.
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: نادر الفضلى)
|
ولي هسع في كلام كتير الحياء وعدم التأكد من المعلومات تمنعنا نتكلم عنها لكن لو فاض بينا ومزمل استمر في تدليسه وعطنه البسوي فيه دا ما اظن في رادع يوقفنا
اخى عبد العزيز براك قلت عدم التاكد من المعلومات تمنعنا نتكلم عنها وانت عارف نحن ناقشنا موضوع
النادى السودانى واتهام الناس من غير دليل وانت عارف الموضوع ولاكن فى امكانك ان تواصل وان تتحمل
تبعيات ما تكتب من غير دليل وشكرا
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: نادر الفضلى)
|
ولي هسع في كلام كتير الحياء وعدم التأكد من المعلومات تمنعنا نتكلم عنها لكن لو فاض بينا ومزمل استمر في تدليسه وعطنه البسوي فيه دا ما اظن في رادع يوقفنا
هنا مربط الفرس ياعبد العزيز عدم التاكد من المعلومات وانت عارف موضوع النادى السودانى ونحن
ناقشنا موضوع النادى وما حدث بعد ذالك وفى امكانك المواصلة فى الكتابة مع تحمل تبعياتها
| |
|
|
|
|
|
|
|
|
|
Re: حقد و غل دفين يامزمل ابو القاسم (Re: نادر الفضلى)
|
| Quote: لا يغزف الا الشجرة المثمرة هنئيا لك يا مزمل سير وعين الله يحميك من الرشاشات الحاقدين |
| Quote: يالسيد ياجيد ياود ياظريف ههههههههههههههه داير تعرف القذف كيف بوريك انشاءالله |
| Quote: لوما فاضى اليوم ماكنت رديت على واحد زيك |
و الله فعلا ما فاضي
ياخ ده إنت ما عارف تكتب ليك سطر واحد
فعلا صحفيك المفضل صاحب التاج محل.
حسن سناده
عليك الله هسع دي إنشاء أم إملاء
حسن سنادة
اعد
| Quote: والله ياعمار الرد على واحد زيك مضيع وقت ساي وانا لوما فاضى اليوم ماكنت رديت على واحد زيك |
سلاما سلاما
| |
|
|
|
|
|
|
| |
فيصل نوبي
محمد البشرى الخضر
لؤى
ادهم عبد الرحمن نصر
haroon diyab
Maawya Hussein
أسامة البلال
عمار يس النور
عمر الفاروق
محمد عمر جبريل
هشام المجمر
abas
الصادق صديق سلمان
معاوية محمد الحسن
ALGARADABI
نادر الفضلى
معتصم دفع الله
محمد عبد الماجد الصايم
محمد يوسف الزين
السيد أحمد إبراهيم
احمد الأمين على إدريس
Mohamed Foto7li
ابوعسل السيد احمد
Ashraf el-Halabi
osman abdala
فيس بوك
تويتر
انستقرام
يوتيوب
بنتيريست