Quote: تمبس زيارتو واجبة جداً لهذا البوست ( الما فطير )
ياعمران امبارح القريبة دي .. قطعت لي مداخلات من البوست دا . كلها فطير بي لبن وفطير بي ملاح ويكــة .. وفطير ساكت كدا .. وفطير بي ملاح خـدره .. كنت ناوي في دراسة صغيرة كدا انتقد العقلية الجماعية للزميلات هنا من منظور فلسفي يراعي مدى فتحــان شهية الشابات ديل .. . هوووي يا زميـــلات .. الفطير دا ( بسمـــن ) .. ( ببقبق ) الواحده .. ياخي الرشاقة في النحــافه .. العالم يفتح في مدارس الرشاقة، والباليه، والرقص الإيقاعي المائي .. وإنتو تخترعو لي وتتشهو في الحاجات الغريبة دي ..
والله عندي بت عمتي في البلد: أخطــر زولة بتعمل كنــافة .. في الدنيا.. بالسمن البلدي .. ( بالدوكه ( وفكونا من حركات الفرن والمايكروييف دي ) الواحد كان ما بيخاف الكضب حسع دي كان يقول ليكم ضايق طعم الكنافه في خشمو .. وحالتو الواحد عامل ريجيــم ..
يا نوبي .. والله البوست دا لو في رمضان، كان الواحد يقدم فيك شكوى .. يا يهكر ليك حسابك دا ..
يا بلقيس .. بطنك دي يوم بتكتلك
11-28-2007, 09:41 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
شوشتا ... سمعت انو حزب المحيط قرر الانسحاب من المعركة وذلك بعد حوار ديمقراطي جاد بين اهل الهضبة وناس شبه القارة المحتجين على غزو اهل الهضبة لاراضيهم ... وعليه يمنع منعا باتا التعامل مع حزب المحيط حتى تتضح الرؤية ... كما يمنع استخدام المصطلحات التي يستخدمها الحزب المذكور في اي محادثات جانبيبة على هامش النقاش للتدليل على هوية الاعضاء المشاركين ... انتهى البيان ...
11-28-2007, 10:06 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
بحكم ارث افتخر به واعضاء في اسرتي الكبيرة كانت مهنتهم تحضير الطعام وخدمته احببت الطبخ وما زلت وزاولته لاطعام نفسي واسرتي الصغيرة واصحابي زمنا طويلا وعرفت كيف تحضر المعكرونة بالباشملي ومعجنات كتيرة من كنافة ..الخ .. والفطير عنداهلي نوع خفيف من القمح "يسمي صلاب او صلابية " ويتناول اساسا في الافطار والعشاء مع اللبن والبيض واحيانا الفول وما تيسر .. ولجيراننا شمالا الفطير المشلتت وهو كثير الدسم ولكنه محبوب لدي الكثيرين واليكم وصفة الفطير المشلتت (من المطبخ العربي اونلاين ):
نعجن الدقيق بالماء والملح حتي تتكون لدينا عجينه تنفصل عن إناء العجن و طريه لتكون سهلة الفرد بالنشابه و نتركها ساعه لترتاح .. ندعك العجينه مرة أخري ونقسمها لعشرين قطعه مستديره وندهنها بزيت الذره ونضعها في صينيه بها زيت ونتركها ساعه ليسهل فردها .. وقت تجهيز الفطيره ندهن الطاوله بالزيت ونفرد قطعه من العجين لدرجه رقيقه و شفافه جداونمطها من الحواف ونضعها في صينية الخبز ونرشها بالسمن ونفرد قطعه أخري ونضعها فوق الأولي وندهنها أيضا بالسمن وهكذا حتي عشر قطع للفطيره الواحده وكل مره نرش السمن.. ثم نطوي الأركان الأربعه للفطيره للداخل . فتشكل مربع نلفه كالسويسرول ونتركه حتي نعمل الفطيره الثانيه بنفس الطريقه.. في صينية الخبز نفرد الفطيره باليد ونبططها بشكل مستدير نخبز في فرن ساخن علي درجة400في الرف الأوسط حوالي نصف ساعة ثم نخرجهاوندهن الوجه بالكريمه اللباني (القشده ) ونعيدها لتحمير الوجه تؤكل مع الجبنه وعسل النحل والقشده والبيض المسلوق وبالهنا ممكن خلط السمنه بزيت ذره لتكون فطيره قليلة الدسم ..
11-28-2007, 10:02 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
يا نوبيان شفت الوصفه الهايلة الجاتنا من المعلم استاذنا ابو بكر دى ؟ ياخى دى حاجة جميلة اسعدتنى بشكل ! ياخ دا حول الطرح لى مافطير نوبى والله ابو بكر دا مقلبنا عديييل كدا لووووووووووووول **** يا قولك
11-28-2007, 11:05 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
دينا لا أنكر .. هي محاولة ذكية جدا منه.. لكن لن اتنازل عن مباديء و الطرح الفطير لووووووووووووووول .. لي بعد باكر __ يا رعاكـ الله شايفكـ رخيتي الابنص شوية الفطيرة نجضت ؟
11-28-2007, 11:56 AM
abubakr abubakr
تاريخ التسجيل: 04-22-2002
مجموع المشاركات: 16044
أي (فطير) تقولو حلو منو البياكل (فطير) بدلو ... لا لللا لالالالااااااا
صاج:
فطيرك ده مالو ملخبت كدي ؟؟؟؟ دحين عواسة عمنا أبو بكر دي ما كانت في الطرقة الأولى من الـ (فطير) ده شكلك قعدت (تعوس) في نص (الفطير) بعدين العجين (اتدفق) عمل (فطاير) في النص
11-28-2007, 12:10 PM
نادر محمد الراضي نادر محمد الراضي
تاريخ التسجيل: 02-15-2007
مجموع المشاركات: 1178
Quote: 1. كورة المواصة 2. الدوكة أو الصاج عليه طرقة كسرة 3. الواقود (الماجايبو اليانكي) 4. الريكة وهو طبق لوضع الكسرة او الفطير او القراصة 5. القرقريبة
يعني الواحد يا الملكة لو ما أكل فطير بي سليقة يكون حنكوش وما بيعرف الصاج ولا القرقريبة؟ عالم ظالمة بشكل! (بس صراحةالواقود جديدة والله )
Quote: كنت ناوي في دراسة صغيرة كدا انتقد العقلية الجماعية للزميلات هنا من منظور فلسفي يراعي مدى فتحــان شهية الشابات ديل .. . هوووي يا زميـــلات ..الفطير دا ( بسمـــن ) .. ( ببقبق ) الواحده .. ياخي الرشاقة في النحــافه .. العالم يفتح في مدارس الرشاقة، والباليه، والرقص الإيقاعي المائي .. وإنتو تخترعو لي وتتشهو في الحاجات الغريبة دي ..
تمبس هووي بطّل تمييز ضد المرأة.. البوست ده فطرو أخوك نوبي والأخوان ماشالله يشيلوا ويعوسوا من اصبحت..
وبعدين الرقص الإيقاعي المائي ده بالذات الفطير لا يؤثر عليهو سلبا قوانين الطفو وكده (انت كنت بتدّك الفيزيا ولا شنو؟)
11-28-2007, 02:39 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
عارفة يا دينا القراء هنا أقل ... و المشاركات أكثر .. ده يدل علي انه خميرتنا ناجحة و طرحنا ليس بفطير اها تجيبي العلم الابيض ولا نختصموا ؟ خاصة بعد ما تراجي طلعتكـ من الجماعة إياهم و جابت المديدة .. ما عارف ممكن الواحد ياكل فطير بي مديدة ؟
____ تجي نعمل شيرنق و نفتح Call Center للطرح الفطير إياه المشكلة انه مافي زول ح يشتري بعد مع الفطير إتحرق
11-28-2007, 09:23 PM
خالد ماسا خالد ماسا
تاريخ التسجيل: 05-23-2006
مجموع المشاركات: 1367
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيصل نوبي
tmbis
.
ملكة سبأ
دينا خالد
abubakr
humida
محمد عبد الماجد الصايم
نادر محمد الراضي
نجوان
خالد ماسا
عبدالكريم الامين احمد
mamkouna
AMNA MUKHTAR
محمد البشرى الخضر
Ishraga Mustafa
حمد فتح الرحمن
فيس بوك
تويتر
انستقرام
يوتيوب
بنتيريست