|
|
 Re: عماد عبد الله .. الفن الجميل والكرم الأصيل (Re: Faisal Al Zubeir)
|
فيصل الزبير
سلامات يا زول يا جميل
سلامات ياخي (بتصدق لوقلت ليك مشتاق ليك) ما اظنك ولا اظنني لكن ده الحاصل..
عموما وعشان ما اطش كتير,,,
تعرف العالم ديل يوم ح يكتلونا بجمالهم الفاتن ده ولذلك بكون اتامرت مع
روحي على قليل من الحياة واتفقنا على ان لا نكون هناك حفاظا على ما تبقى من
العمر,,,
لاننا ما عاد بنا ما يحتمل جرعات جمال اكثر من ما هو متاح ,,,
فغوصنا في جلساتهم يفتح فينا كتير من الدروب التي ما عاد الضوء يجد منفذا اليها,,
عموما ساستحضر شيئا من ذاك الوقت ( ومتاكد ان ذاكرتي لا تعينني في اسقاط الجمال) لذاتيتها الجبانه,,
ابتدر الجلسه عماد
في محاولة منه للاستفاده من المتاح في لمتهم (د.عجيمي _الما عرف الطريق البيوصل ليهم. نورهادي المتمرد
على سلطه الزمن (الوقت )في مصادرة الممارسه,محمد عباس بصدريه السوداء جدا المؤسسه لتناقض في اللون مع الابيض
متفقه مع فكرة عماد المتمرده على الهارموني,, هيثم الشفيف حد رسمو رغم هرجتلنا معاهو في استخدام الكمبيوتر
بديلا للفرشاة الا انه كان راسخا في جلسه هادئا في طبعه المهموم بالفن ,السني كان هناك مالي كل المقاعد
(مقاعد الجلوس ,والحوار ) اجتهد كثيرا في ربط شانه وكفاحه مع التشكلييين , كان مهتما جدا في ابراز وحده الفنون
وايضا كان هناك محمد هارون الخرفي الغريب التكوين _فيهو شئ يحيير هو شنو ماني عارف,,,
ضحيه ازيك اظنك كنت هناك وكنت فاتحا شهيتك لالتهام كل القول,,
ود رمليه هل كنت نادلا في ذاك الوقت ام انك كنت تسمو بروحك في فضاءات علويه,, اذكر انك كترت النظم ,,
وكان خدر المحرض للحوار والرابط هنا وهناك.. اما معتصم عبدالوهاب فقد متاخرا كعادته ولا اظنه افادنا بشئ
سوى انه التهم كثيرا ممن ما كان متاحا من الاكل ليخصنا بشئ من عدم تخمة ذاك اليوم..
ساعود لما تبقى من....................
| |
 
|
|
|
|
Faisal Al Zubeir
فيصل عباس
Muna Khugali
فيس بوك
تويتر
انستقرام
يوتيوب
بنتيريست