|
|
|
 Re: الحزر .. الحزر .. الحزر .. ميكافلى مرة أخرى (Re: رأفت ميلاد)
|
نعود الى شخصنة الأمور .. وبمزاج ..
وذلك من وحى سب مكافلى أعلاه ..
ما هى العلاقة بين ميكافلى وعمر البشير ؟؟
عندما وقع جعفر نميرى فى فخ الكيزان كان "هكر" على الجميع بقوانين سبتمبر التى أدهشت حمورابى نفسه ..
صرح النميرى .. لأنه أخرق وفضيحة .. قال: "أعلم أن الإسلام أمر بالسترة ومنع التجسس والتحسس .. ولكننا "سننط" فى البيوت ونكشف المستور"
صرح ميكافلى .. وبفخر .. بضربه لمواقع الشيعة .. وحطم نشاطهم .. ومنع بث دعوتهم ودعوائهم ..
إذا ميكافلى فى المعسكر الآخر .. الظلاميين أنصار السنة الوهابيين .. الذين ملكوا ناصية الدينيا .. وبطش الإله لمن وقف عكس دعوتهم .. ودعوائهم .. فله بئس المصير ..
بطش .. أحزمة ناسفة .. بيوت أشباح .. حرق دار فور .. تصفية كل المصنفيين بأعداء الله .. والآن "هكر" الرأى وتكمييم الأفواه ..
ألا يوجد شبه بينهما ؟؟!!
ولكن هل إنفرط العقد .. وخرج من خلية الى خلية ؟؟
لى عودة
| |
 
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: رأفت ميلاد)
|
Quote: شيخ حسين الاكرف
عضو نشط جداً رقم العضوية : 20314
تاريخ التّسجيل: Jul 2005
المشاركات: 517
آخر تواجد: 20-10-2008 07:50 AM
الجنس: ذكر
الإقامة: البحرين
عاجل 7/10/2008م /// أنقذوا المنتديات الشيعية, يا هكر الشيعية....؟!!!
--------------------------------------------------------------------------------
بسم الله الرحمن الرحيم
اللهم صلى على محمد وآل محمد وعجل فرجهم الشريف
أخواني الهكر الشيعه أنقذوا منتديات أبو الفضل العباس (ع), من هذا الهكر الوهابي الحقير والذي وضع جائزة قيمتها 1000 ريال لكل من يدمر أي موقع شيعي,
وهذا رابط موقع الهكر وفيه قائمة بأسماء 15 منتدى شيعي تحت الإستهداف والتهكير ومن ضمنها منتديات يا حسين ومنتديات أبو الفضل العباس (ع).
وعليه أطلب من أخواني الهكر الشيعه تدمير موقعهم حتى يكون عبره لهم, وحتى نحمي المنتديات الشيعيه من التهكير الوهابي. |
هو ده المنطق المتبابل بينهما..
نحن ذنبنا شنو ..
يكون إندفع فينا كم؟؟؟
دى حالة دى
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: رأفت ميلاد)
|
Quote: هكر شيعي يخترق موقع العربية نت
--------------------------------------------------------------------------------
http://www.alarabiya.net/
هلحين ما ندري عاد نفرح أم نحزن
أو نقول : حيلهم بينهم !
والمضحك المبكي أننا بدل أن نخترق المواقع المسيئة للإسلام
وللنبي ـ صلى الله عليه وآله وسلم ـ
انشغلنا بأنفسنا وبخلافاتنا
ويبدو لي أن الإختراقات ستتزايد حتى يدمر أحدنا الآخر
ونامي قريرة العين يا مواقع اليهود |
قناة العربية ؟؟؟
واليهود الحشرم شنو ؟؟؟
هذا هو الحال .. معارك لغير معترك .. وكل ملك ناصية الحق .. ولاعب لصالح ورقه ..
تصوروا أصبحنا جزء من هذه المعادلة .. والثمن واضح مدفوع ..
ولى عودة يا .... ميكافلى
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: khatab)
|
Quote: راجع بوست ناس .. ناس وهكرة حريفه .. من منو ما عارف
لكن اتقدر عليها .. اشواق يا صاحب
أشوفك .. |
لقيتم يا خطاب بعد ما طلع .... لكن لقيتم ..
ناس .. وناس .. وناس عزاز
يا حليلك .. بكلمتك الحلوة تزلزل جبل .. مش حتة هكر
ساكن معاك بى هناك
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: سيف الدين مصطفى كرار)
|
الله يسلمك ويعافيك يا سيف كرار | Quote: واللة يكفيك شر الهكرات المزعجة. |
والله يا سيف ما سلمت منو .. عملت "أنتى فيروس وأنتى وير .. وللكمبيوتر ريى ستور" .. ولسة متصدع .. أمبارح أخوى الكاشف فيصل الحسن ضرب تلفون يستنجد بىّ .. لقانى غرقان فى شبر موية ..
عليك الله شوف الحالة دى .. واحد مريض فى أيادى مهووسين .. بقوا مسمار فى جزمتك تقلق أيامك .. أنصار سنة .. وشيعة .. وإعتقال .. وتعزيب .. وتقتيل .. وهكر !!!.. ما يشوفوا أب عاج الكان قايل نفسو سلطان زمانو .. مرمى كيف زى الخرقة البالية ..
عمومآ نحن وهم والزمن
مودتى
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: محمد على طه الملك)
|
Quote:
يكون إندفع فينا كم؟؟؟
دى حالة دى |
هم فعلا شلة صعاليك يا رافت
وبيشتغلوا بالقروش و البيدفع أكثر بيشتغلوا له
والحكومه عندها اموال البترول...لاحظ مواقع ناس
محمد حامد جمعه قاعده في سلام وامان وهو بيكذب(الهكر)
لما يقول كده | Quote: motherfuckin government |
دي حركات تمويه منه.
بعدين فعلا هم ليسوا هكر يا رأفت بل هكرز
اي كثار وليس واحد محدد
Quote: ميكافيللي ذاته بقي اكثر من واحد يا رأفت!
اسه معنا هاكر بيجي بالليل بس.. |
اما كلام منى خوجلي ده خطير
لانه بيثبت انه الهكر له علاقة بنورث امريكا ايضا
اتمنى ان ينتبه بكري للايبي البجي بتوقيتنا مساء لهنا.
نحن غايتو الهكرنا حدد قبيلته شوف المحن دي
ونحن حددنا الايبي!!
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: ibrahim kojan)
|
كوجان يا صاحب .. مشتاقين والله | Quote: شكزا للهكر عشان جابك لينا يا اجمل الناس |
ده كلام شنو؟ .. رجعنا شنو! .. هو الهكر ما كان حامينى الدخول عديل .. عنوان الصفحة فى الأكسبلورر .. مولع أحمر .. ولا أنت جوة .. طق .. يففل .. ياخى ده هبلنا ..
هسة راقت كتير .. لكن الكمبيوتر ملقلق .. تتصور داير أعمل upate ناس مكروسفت قالوا سارق الوندوز .. هاك يا إيميلات وصلت تلفونات ..
ياخى حاجة والله مقرفة ..
بركة الشفناك طيب .. الشتاء دخل وبرامجنا الحلمنا بيها كلها طرشقت .. والبركة فى السويسريين
خيرا فى غيرا
طلتك مفرحة
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: Tragie Mustafa)
|
صباحك خير يا تراجى
Quote: هم فعلا شلة صعاليك يا رافت
وبيشتغلوا بالقروش و البيدفع أكثر بيشتغلوا له |
الصعاليق يا تراجى برضو عندهم كرامة .. ولهم نصرة للحق .. يمكن يكون عندهم لداحة لماضة .. لكن البقبضوا فلوس لأذية الغير ديل حرامية .. ووضيعين .. ما شفوت ولا شُطار | Quote: والحكومه عندها اموال البترول |
قروش البترول بس يا تراجى ؟؟؟ دول مزاحمين فى "كن .. سيكون" .. لامن جاهم الما بختاهم .. خليهم يمشوا يهكروا الورق والأضابير الفى لاهاى .. قايلين دفنوا سرهم مع ناس على فضل .. وضرب دار دافور "بحسبوا لعب" لآمن لقوهو .. أها .. Quote: بعدين فعلا هم ليسوا هكر يا رأفت بل هكرز
اي كثار وليس واحد محدد |
هو فعلآ شغل .. مش إتفقنا إنو مدفوع الأجر ؟
أنا ما قادر أقيس .. ولا أفهم بعمل شنو .. الموضوع بقى ما حقو براه .. ما قصة فورم إنضرب .. قصة مسيرة إتسلط عليها الأمن المركزى .. مظاهرة ضُربت بالرصاص الحى .. لازم يكون فى هجوم معاكس .. وبالقانون .. مش ده شعارنا دائمآ ؟؟ نطالب بالحق .. والقصاص "بالقانون" ..
لماذا لا يلجأ لجهة قانونية .. ونلتزم بدعمه التوقيع والدعم المادى .. ومن يرفض الدفاع عن هذا الوظن .. يسقط كالذباب الميت ..
لكن هو بكرى وينو ..
Quote: نحن غايتو الهكرنا حدد قبيلته شوف المحن دي
ونحن حددنا الايبي!! |
الأيبى طبعآ يا تراجى بقوا يلعبوا فيها بى برنامج .. وبعدين قصة حدد قبيلتوا .. دى شعار دولة الإيمان فى الخرطوم .. "فرق تسُد .. وزرع الفتن" .. يعنى النتيجة صفر .. صفر .. لاهو بقدر يمثل قبيلة .. لا إنتوا عرفتوا محلو ..
القصة دايرة شغل كبير .. زى ما ما وصلنا لاهاى نصل الـ FBI
ولا شنو
مودتى
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: محمد على طه الملك)
|
محمد على طه الملك
تحياتى وآسف على التأخير | Quote: ربنا يعوضك في خسارتك .. |
تعرف يا ملك آخد كلامك خاطرة على جنبة كدى .. الله ما دخلو شيئ بالحاصل .. كل ما تبحث عن الخسارة .. الظلم .. الإفتراء .. التعدى .. لا تجد غير "الإنسان" .. الخسارة بالنسبة لى ما مادية .. السؤال الدائم "ليييييه"
ليه يتسبب لك شخص لا علاقة لك به .. ولم تؤذيه .. ولا تعرفه .. بخسائر وإقلاق ..
الخسارة معنوية .. يا ملك .. Quote: برضي استلمت ايميل غريب باسم
shameal@ alshroog.tv
عملت ليه دليت فورا. |
أنا الحاجات دى ما جاتنى .. المشكلة لما أفتح الفورم .. الآن راقت كتير .. إلا بوست منى خوجلى بتاع الإبداع داك .. الراجل مبدع فى منعى من الدخول .. حاولت أمس أدخل سودانيات .. فجأة الكمبيوتر إتهز .. و"الآيكون" بقت كبيرة وباهتة .. قفلتوا بسرعة ..
بالمناسبة نصيحة من "مختص" صديق .. (إذا حدث وشعرت بإختراق .. أو دخول فيروس للكمبيوتر .. ما تعمل restart إطلاقآ .. تعمل بسرعة شديدة shutdown بصباعك manual .. عشان الـ restart بثبت المصيبة فى الجهاز لكن القفل قد يفوت الفرصة ..)
مودتى
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: مزمل التريكى)
|
الاخ رأفت ميلاد
سلامات تصاحبها أمنيات وأشواق
فقدنا كتاباتك ومحاوتك
هذا الهكر أو هولاء الهكر
ذو/ ذوي عقلية تدميرية لكل ماهو متعلق بالعقل السليم
فعلينا ان نعقلها ونتوكل
بالتضامن علي أضعف الايمان
خالص تضامنا مع الاخ خالد الحاج
وموقنا الآخر سودانيات
توقيع: مكي محمد الحسن
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: Elmoiz Abunura)
|
أبو نورا شوق لا يُوصف .. وخليت رسالة مع ود جبرالله | Quote: تضامني مع خالد الحاج وسودانيات التي اعتقد انها من اميز المواقع السودانيه الحاليه رغم قلة اعضائها. |
تسلم يا أمير على التضامن .. ومعآ ضد كل الظلم والتعدى | Quote: تعرف اني استلمت ايضا الرساله المفخخه من شمايل وقناة الشروق, وحذفتها طوالي. |
خير ما فعلت .. وزى ذكرت فوق .. إذا حصل حاجة إياك من الـ restart .. سريع shutdown manual بصباعك .. عشان ما يثبت برنامجه فى كمبيوترك ..
شكرآ ليك .. وطلتك بالدنيا
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: Mekki M Alhassan)
|
سلام يا مكى Quote: هذا الهكر أو هولاء الهكر
ذو/ ذوي عقلية تدميرية لكل ماهو متعلق بالعقل السليم
فعلينا ان نعقلها ونتوكل
بالتضامن علي أضعف الايمان |
هو هذا يا مكى .. يجب أن لا نتوقف وهو السلاح المعاكس .. ولا يستطيع جنود الظلام .. النصر .. فدائمآ يبزغ النهار بصباح جديد .. فالويل لهم من سواد أنفسهم .. Quote: خالص تضامنا مع الاخ خالد الحاج
وموقنا الآخر سودانيات
توقيع: مكي محمد الحسن |
تُشكر يا مكى .. وهى المحرية فيك يا أصيل
تحياتى
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: مزمل التريكى)
|
التريكى سلام .. شكرآ على الطلة الحلوة | Quote: انسى هذا الصبى ... فهناك من يقوم بعقابه الآن |
عقابه فى توعيته وتحويل إمكانياته للمفيد .. المشكلة مستخدمينه سيظلوا أحرار .. ويشوفوا غيره ..
يا ريت فعلآ يطاله القانون .. ونطلغ من قانون الغاب ..
وأنا البرفع عن كميوترى العقاب منو .. 
مودتى
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: رأفت ميلاد)
|
good morning
صباح الخير
واللة يااستاذ رافت شبح الهكر ملازم الواحد زى ظلة , بمعنى الواحد اصبح حريص من ان يلدغة
هكر يدخلة فى ازمة مالية .
مناسبة كلامى هذا , بعد ان اشتريت جهازى الخلوى هذا n70 واضع اعتبار كبير ان يرسل احد الاشخاص
رسالة بلوتوث لجهازى ويكون جهازة مصاب فيسبب بذلك خسارة كبيرة.
بالنسبة لجهاز الكمبيوتر فقبل ان اشرع فى شرائة جهزت معظم انواع المضادات anti
خلاصة القول ان الهكرات يوضع لها اعتبار
لك التحية.
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: سيف الدين مصطفى كرار)
|
يا سيف سلام Quote: مناسبة كلامى هذا , بعد ان اشتريت جهازى الخلوى هذا n70 واضع اعتبار كبير ان يرسل احد الاشخاص
رسالة بلوتوث لجهازى ويكون جهازة مصاب فيسبب بذلك خسارة كبيرة.
بالنسبة لجهاز الكمبيوتر فقبل ان اشرع فى شرائة جهزت معظم انواع المضادات anti
خلاصة القول ان الهكرات يوضع لها اعتبار |
تعرف يا سيف الأنتى فيروس بتعمل بعد ما الفيروس يضرب .. يعنى يكون حظك كويس ينضرب واحد غيرك ويتعدل عندك الأنتى فيروس .. المصيبة لامن يبدو بيك ..
يا زول الله يستر .. المهم ما تدخل محلات الهكر .. ما هو نحن زاتنا بقينا ناس الهكر ..
الله يجازى الكان السبب ..
وبعدين جهاز خلوى دى ما فهمتها .. حاجة كدا زى قصة كديس البيت وكديس الخلا ؟ .. والله ناسكم ديل عندهم جنس أسامى
مودتى
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: رأفت ميلاد)
|
عزيزي رأفت كيفنك!
مؤخراً لم يكتفي الهكر فقط بضرب المواقع ... بل زاد ذلك بوضع فايروس يسمى VBS/Psyme وهو موجود الآن
على صفحة سودان نت .. لمن تفتح الديسكشن بورد بيديك رسالة فوق بتاعت الاقفال للبوب أب ... إيااااك
ثم إياك تعمل ليها موافقة ولا الفايروس VBS/Psyme ده حيضربك ويخلي ليلتك قرمزية ... ولمن فتشت
عليهو لقيت التالي:
Virus Profile: VBS/Psyme
A new variant of VBS/Psyme has been observed which is part of a threat that attempts to spread on the premise that it offers a codec to see a video of the suicide attack that killed Pakistani Prime Minister Benazir Bhutto. For more information on this threat, please see the Avert Blog.
يعني قبل ما تخش اي سايت شوف ليك كمبيوتر هملان وشيك عليهو السايت الداير تخشو شغال ولا مضروب
اول ما فتحت سودان نت جاتني الرسالة دي:
Detected: VBS/Psyme Virus
A script is a small program that automates certain tasks on your computer. Potentially unwanted scripts can damage valuable files, disrupt performance, and make unauthorized registry changes on your computer.
أها التحتها خط دي البتجهجه الكمبيوتر
مؤونة طن من الانتي فايروس
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: ASHRAF TAHA)
|
أشرف طه سلام Quote: اول ما فتحت سودان نت جاتني الرسالة دي:
Detected: VBS/Psyme Virus
A script is a small program that automates certain tasks on your computer. Potentially unwanted scripts can damage valuable files, disrupt performance, and make unauthorized registry changes on your computer.
أها التحتها خط دي البتجهجه الكمبيوتر |
لاحولا يا أشرف ده الحصل لى زاتو 100% .. أول ما الكمبيوتر خستق فى الـ help نصحونى بـ ubdate .. لما عملتو فشل ينزل فايلات .. وإستغربت هى من Pack1 يعنى مفروض تكون موجودة .. يعنى معناهو إنشالت ..
أدينى إسم الـ prgrame البديك رسايل زى دى .. ولا دلنى على البوقف المصيبة دى ..
مستنيك
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: رأفت ميلاد)
|
الأخ رأفت ميلاد تحياتي
وحمدا لله على سلامة المنبر وسلامتكم
صراحة إستغربت لي كلامك ده شديد:
Quote: إذا ميكافلى فى المعسكر الآخر .. الظلاميين أنصار السنة الوهابيين ..
الذين ملكوا ناصية الدينيا .. وبطش الإله لمن وقف عكس دعوتهم .. ودعوائهم ..
فله بئس المصير .. بطش .. أحزمة ناسفة .. بيوت أشباح .. حرق دار فور ..
تصفية كل المصنفيين بأعداء الله .. والآن "هكر" الرأى وتكمييم الأفواه .. |
يبدو انك لا تعرف الكثير عن انصار السنة
وهذا ظاهر من خلطك لهم مع البطش وبيوت الأشباح التي دخلها معظم قيادات
انصار السنة في عهد نميري وحتى عهد الكيزان ...
وكذلك دمجتهم مع حرق دارفور الذي لا دخل لأنصار السنة فيه اللهم الا أنهم كانوا من
ضمن من اكتوى بنار الحرب في دارفور وقبلها في الجنوب حتى ان بعض قيادات الجماعة
في تلك المناطق انضموا للحركة الشعبية وللحركات المسلحة في دارفور مؤخرا
أما الأحزمة الناسفة والبطش والتنكيل وتكميم الأفواه فكذلك عانى منها انصار السنة
واظنك متابع لأحداث مسجد الثورة والجرافة ومدني وووو من مصادرة المساجد
إذن يا أخي رافت جماعة انصار السنة المحمدية تعاني من هذه الحكومة ما يعانيه
الشعب السوداني لأنها جزء لا يتجزأ من هذا الشعب الأصيل
فأرجو منك ومن الإخوة ان يحاولوا فرز الكيمان فلا تدمجوا هذه الجماعة مع الجماعات
التي اكتوت الجماعة بنارها قبل اي احد
اما بالنسبة للهكر فلا يمكن ان يكون انصار سنة واظن الكلام ده تم تفصيله في بوست
للأخ حمور زيادة باسهاب وليس لانه دمر مواقع شيعية فهذا يعني انه انصار سنة
وامكن في ملاحظة ذكرها حمور او احد الاخوة في البوست المعني مفادها ان الهكر وضع
اغنية غربية كخلفية لرسالته ولو كان انصار سنة لوضع محاضرة دينية او تلاوة ولما
كتاب كلمات نابية كالتي كتبها الآن بل كنت ستجد كلمات على غرار:
ثكلتك امك او شاهت الوجوه وقس على ذلك
اخيرا شاكر لك طرحك ونقاشك ومزيدا من النقاش الهادئ
ولك مني التحية
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: ابراهيم قناوي)
|
أخونا إبراهيم قناوى
مرحب بيك Quote: إذن يا أخي رافت جماعة انصار السنة المحمدية تعاني من هذه الحكومة ما يعانيه
الشعب السوداني لأنها جزء لا يتجزأ من هذا الشعب الأصيل
فأرجو منك ومن الإخوة ان يحاولوا فرز الكيمان فلا تدمجوا هذه الجماعة مع الجماعات
التي اكتوت الجماعة بنارها قبل اي احد |
تعرف كلامك ده على العين والراس .. وبصراحة أنا راسى بدور فى التفكير فى الحاصل .. نحن ناس أمدرمان .. والشيخ الهدية رحمة الله عليه .. من ناسنا .. وما شفنا منهم سيئ .. بل عاشرناهم أولاد حلة وعزوة .. ولحدى هسة أهل ..
دايمآ بسأل نفسى الجّد شنو ؟؟؟
الجهاد .. ونصرة الله ورسوله .. وكميات من العنف .. أصبحنا نحن الكفار أولاد الكلب وقود الجهاد .. أنا ما فارق معاى أنصار سنة محمدية أو شيعة .. حتى الهنود فى أمدرمات كانوا أصحاب ملك وأسياد حقوق .. طلعوا زى الكلاب الجربانة بعد قواتين سبتمبر .. ناس الترابى ديل موش برضوا أنصار السنة ؟؟
موش برضوا حرق المعابد فى تايلند والفلبين شغل أنصار سنة ؟
موش برضو ناس حماس أنصار سنة ؟
موش برضو ناس بن لادن أنصار سنة ؟
موش الأخوان المسلمين أنصار سنة ؟
قطعآ ما فرزت بين الطوائف .. لأنه لا يخصنى .. فعلاقة الإنسان بربه تخصه حتى لو كان إلهه بوذا .. ولم ألوم الشيعة يومآ بأنهم جزء من الصراع لأنهم المُعتدى عليهم .. وعنفهم ناتج من المواجهه والدفاع عن النفس .. ولكن لا يُوجد لدى تفصيل أو تفضيل .. Quote: اما بالنسبة للهكر فلا يمكن ان يكون انصار سنة واظن الكلام ده تم تفصيله في بوست
للأخ حمور زيادة باسهاب وليس لانه دمر مواقع شيعية فهذا يعني انه انصار سنة
وامكن في ملاحظة ذكرها حمور او احد الاخوة في البوست المعني مفادها ان الهكر وضع
اغنية غربية كخلفية لرسالته ولو كان انصار سنة لوضع محاضرة دينية او تلاوة ولما
كتاب كلمات نابية كالتي كتبها الآن بل كنت ستجد كلمات على غرار:
ثكلتك امك او شاهت الوجوه وقس على ذلك |
الهكر يا قناوى إتفقنا بأنهم مأجورين .. وكان قريت فوق .. مذكور 1000 ريال للشغلانة الواحده .. "ما غالية موش ؟" .. فالتحليل ما دقيق .. لكن بينى وبينك الكتبوا هسة أخير من "ثكلتك امك" ..
عمومآ العداء يأتى من الإستعداء .. وليس موجه الى ملة .. أو طريقة .. أو جماعة .. الوهابيين أنصار السنة .. وكلمة وهابيين أدق تفصيلآ .. نسبة للشيخ محمد عبد الوهاب .. وليس لنبى المسلمين .. لأنه أى الشيخ عبد الوهاب .. هو الذى زرع العداء والإستعداء حديثآ بفكر منظم .. وهو الذى إبتكر "تفصيل" الآيات والأحاديث لتنزيل العقاب المستطير "لأعداء الله" ..
هو سؤال طرحته كتيرآ : هل الله الذى خلق الدنيا فى ستة أيام بما فيها وما فوقها وتحتها .. غير قادر لحماية دنياه حتى يأتى من ينصره ؟ هل الكفار الذين يقومون بتطهير الدنيا من رجسهم .. الله غافل عن نسائهم اللآى يولدن كل يوم مليون كافر ؟؟
لماذا لا ندع الخلق للخالق .. ونعمر الدنيا التى وهبها الله لآدم حواء والدى كل هذا الزخم بألوانه ودياناته وإلحاده .. الله مطره ينزل على الكفار والمؤمنين على حد سواء .. وعندما أرسل أنبيائه أرسلهم بالبشرى والهداية .. وليس للتقتيل والإرهاب .. لأنه عندما أراد أغرق قوم نوح فى رمشة عين ..
هذا هو الحال يا قناوى وليس عداء من فراغ .. بل حقوق مسلوبة وتسلط مسبوق ..
هدانا الله وهداهم
مودتى
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: رأفت ميلاد)
|
Quote: الحضور الان بالمنتدى العام لسودانيز أون لاين دوت كوم 929 شخص » (25 )عضو و (904) زائرا
»Abd Alla Elhabib
»Adil Osman
»ahmed khidir
»altahir_2
»baha eassa
»emad altaib
»HAYDER GASIM
»jini
»Mahadi
»makaveli»
Muna Khugali
»omar arbab
»smart_ana2001
»ابو جهينة
»احمد سردوب
»انعام حيمورة
»بكرى ا بوبكر
»بكري الصايغ
»خالد العبيد
»رأفت ميلاد
»عبد المنعم سليمان
»عبدالرازق نقد
»عبدالله كع
»محمد خليل ساني
»محمد صباحى |
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: عبدالرازق نقد)
|
حبيبنا رافت
تحية وسلام
لو لاحظتا لي بكري الكتب الكلام الفارق دل ما بكرينا ياخ
شوف قائمة الحضور الجبتها دي ولاحظ لي كلمة ابوبكر
بتلقاهو كاتبه ا بوبكر ففصل الهمزة بي space عن باقي الاسم الل هو بكر
ولو قارنتا دا بي اسم بكري الحقيقي بتلاحظ الفرق بين الاسمين
ولو رجعت الصفحة الاولى بتلقى اسم ابوبكر الهكر اسود وبكري الباشمهنس اسمو اخضر
لانو بكري وقفو
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: رأفت ميلاد)
|
الاخ عبدالله وداعه الامين
تحياتي
الاخ رافت يدرك الفرق بين الاسمين فهو يعبر عن غيظه لان (مقطوع الطاري) ماخد الموضوع سياحة يدخل و يمرق على كيفه ... كما انه حاول (تكيشنا) بعمل حساب باسم بكري لكن فات عليه عدد المداخلات التي كان اولها في هذا البوست ... غايتو فكرة ان الاخ بكري ابو بكر مسجل يادابو الليلة دي عجبتني شديد ... ما عارف ليه
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: عبدالرازق نقد)
|
| Quote: غايتو فكرة ان الاخ بكري ابو بكر مسجل يادابو الليلة دي عجبتني شديد ... ما عارف ليه |
كيفك يا نقد
تعرف يا عبد الرازق الملاحظة إنو ما عندو كيى بورد .. ولا ماعندو وكت يكتب .. يعنى ختا إسم بكرى كوبى بيست .. ولا حظت دخل بوست azz gafar من برة المداخلة رقم 6 بكرى أبو بكر ومن جوة المداخلة بإسم أحمد سردوب ..
ماعارف خمشا من وين
غايتو جنس محن .. سخافة ما بعدها سخافة ..
بالمناسبة عندنا عضو إسمه أحمد سردوب ؟؟
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: عبدالرازق نقد)
|
الاخ رأفت
كيف حالك واحوالك واخبار الاهل والبنت انشاء الله بلغت تمام الصحة
ياخي كلما يذكر الهكر تقفز الى ذاكرتي قصة كان يرويها احد الهكر باستمرار
الشخص ده كان هكر احد المنتديات السودانية ودخلنا معه في حوار بالماسنجر
وخلال الحوار كان يكرر القصة دي باستمرار بالانجليزية.
" في احد المطاعم التفت الناس لصرخة امراة تقول انقذوا ابني ساعدوني لقد بلع ابني
عملة معدنية.
فتحرك شخص مجهول من طاولته و بثبات نحو المراة وادخل يديه في فم الطفل
واخرج العملة المعدنية بسهولة وبراعة فشكرته المراة وتحرك راجعا لطاولته
فسالته المراة:
المراة : هل انت طبيب
فرد المجهول دون ان يلتفت اليها : لا اعمل في IRS
IRS = INTERNAL REVENUE SECTION
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: محمد الشيخ أرباب)
|
محمد الشيخ كيفنك وكيف أحوالك
أولآ البركة فيكم فى والدة الأخوان محمد وماضى أبو العزايم
جبر الله كسركم .. ورحمها الله وأحسن قبولها .. Quote: فرد المجهول دون ان يلتفت اليها : لا اعمل في IRS
IRS = INTERNAL REVENUE SECTION |
ياخى طيب ما يطلعوا لينا الحديدة الغرزوها دى | Quote: الشخص ده كان هكر احد المنتديات السودانية ودخلنا معه في حوار بالماسنجر |
تعرف ضحكتنى شديد قصة دخلتوا مع الهكر فى حوار دى .. ياهو ديل السودانيين يغالطوا إبليس زاتو .. دى ما زى قصة السودانيين قالوا ممنوعين دخول تونس عشان جنهم حوار فى السياسة .. قالوا واحد إتسلل تونس وسأل أحدهم "إنتو رئيسكم منو" قال ليه بو رقيبة .. قال ليه الزمااااان داك ؟! .. طوالى داير يحشيه بى فن الإنقلابات وإقالة الرؤساء ..
تتصور الحوار مع هؤلاء الأشخاص يصيبهم بالبطولة والتميز .. وهذا أقصى مرادهم المريض .. لأن الهكر الفكرة هو أصله الفشل .. مثل الطفل الذى يمزق مذكرات زميله المتفوق .. أو تحطيم مغتنيات لا يستطيع الحصول أو الوصول إليها لأنه فاشل .. ويجعل إسمه المجهول متألق بأذية الآخرين .. ويرضى الجزء الغائب عنه وهو النجاح ..
بالمناسبة عمك محمد الجزولى معانا هنا وكان فى السودان قريب ودعمنا من السوبر 
تحياتى
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: رأفت ميلاد)
|
الاخ/رافت ميلاد
تحياتي ياجميل ياراقي؛؛
الجاتك في الهكر سامحتك.
انت عارف ناس قوقل حظروني من دخول الصفحة الرئيسية ؛
قالوا لي البتعمل فيه ده عيب ؛جهازك كلو فيروسات واشياء ضارة بمستخدمينا
نتمني منك حل المشكلة ونراك قريبا .
_________
الله لا كسبك يالهكر.
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: بشير أحمد)
|
سلام يا بشير Quote: انت عارف ناس قوقل حظروني من دخول الصفحة الرئيسية ؛
قالوا لي البتعمل فيه ده عيب ؛جهازك كلو فيروسات واشياء ضارة بمستخدمينا |
تعرف أنا دلونى على موقع يكشف الرسائل الملغمة ده : http://www.hoax-slayer.com/
تتصور لقيت عندهم سوفت وير .. لسة بنزل فيه .. وقفونى وخاطبونى بمنتهى الفظاظة كهكر وطردونى .. شوف البلاوى الإتشعلقت فينا .. حليتا بشطب كل البروقرامات الجديدة والقديمة ونزلت إكسبلورر 8 .. لكن لسة عندو غمزات .. | Quote: الله لا كسبك يالهكر. |
الله لا كسبو وبس؟
يا زول ما تشوف شر
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: رأفت ميلاد)
|
أخي رأفت ميلاد
أشهد إنك زول راقي ويا ريت لو كل الناس بتناقش زيك
Quote: تعرف كلامك ده على العين والراس .. وبصراحة أنا
راسى بدور فى التفكير فى الحاصل .. نحن ناس أمدرمان ..
والشيخ الهدية رحمة الله عليه .. من ناسنا .. وما شفنا منهم سيئ
.. بل عاشرناهم أولاد حلة وعزوة .. ولحدى هسة أهل ..
دايمآ بسأل نفسى الجّد شنو ؟؟؟ |
صراحة ما عاوز احرف ليك البوست عشان كدة ح اكتفي بالمداخلة
دي على امل ان نلتقي في مساحة اخرى تناسب هذا النقاش فنوعك
الواحد بستفيد منه بالرغم الاختلاف اكتر من كتيرين متفقين معاك.
سؤالك في المداخلة اعلاه اعتقد اجابتو الوحيدة ان الدين ان لم يكن لله
وبالله وفي الله تكون نتيجته كل ما ذكرتو من قتل وتدمير واقصاء ووووووو
ليك تحياتي
واحترامي لشخصكم الكريم
وكل هكر وانت سالم
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: احمد سردوب)
|
صباحاتك فل يا دكتور Quote: العزيز رأفت انا د. احمد سردوب امس بالليل هكروني و ما قدرت ادخل و حتي لما سجلت خروج ما قدرت ادخل و لا كضيف
الصباح اتحلت |
معليش كنت غياب شوية وما كان عندى الشرف بالترحيب بيك .. هسة الهكرة دى ما تفوتا ساكت .. راجع كل ملفات الـ programms بصبر شديد .. بتلقاه خت فايل فى شكل نجمة .. زاهية وبألوان جميلة .. أمسحا طوالى .. ومن الأفضل ترجع الكمبيوتر كم يوم كدا لى ورا .. وأهم حاجة عند الهكرة ما تعمل رى ستارت .. تقفل سريع بصباعك ..
والله يستر على الجميع
ألف مرحب ييك
| |
|
|
|
|
|
|
|
|
|
Re: الحزر .. الحزر .. الحزر .. ميكافلى مرة أخرى (Re: ابراهيم قناوي)
|
مرحب بيك يا قناوى
وشكرآ على جميل الكلام .. ما ناس قناوى ياهم ناسنا Quote: صراحة ما عاوز احرف ليك البوست عشان كدة ح اكتفي بالمداخلة
دي على امل ان نلتقي في مساحة اخرى تناسب هذا النقاش فنوعك
الواحد بستفيد منه بالرغم الاختلاف اكتر من كتيرين متفقين معاك. |
صراحة كلنا محتاجين حوار هادئ .. وتعبنا من ردود الأفعال .. وإنفعالات العداء من أجل العداء ..
يا ريت تلقى زمن .. ونفتح كل الجراحات .. بمطّهر يرجعنا لأصلنا وناسنا زى ما قال محمد المرتضى حامد ..
الى لقاء أرحب
محبتى
| |
|
|
|
|
|
|
| |
رأفت ميلاد
Muna Khugali
khatab
محمد على طه الملك
Tragie Mustafa
ibrahim kojan
Mekki M Alhassan
Elmoiz Abunura
ASHRAF TAHA
ابراهيم قناوي
Mohamed Abdelgaleel
willeim andrea
شول اشوانق دينق
Ishraga Mustafa
عبدالرازق نقد
محمد الشيخ أرباب
بشير أحمد
احمد سردوب
فيس بوك
تويتر
انستقرام
يوتيوب
بنتيريست