|
|
 Re: كلام النســوان .. * عيب * (Re: محمد أبوالعزائم أبوالريش)
|
عزيزى محمد أبوالعزائم أبوالريش
Quote: كلمة بري، نلاحظ أن النساء ينطقنها وكأنها مقطوعة أو على يائها همزة (برئ)، و"تعني برئ مما تقول". تقول للمرأة هل فعلتي كذا؟ فترد برئ، أي أنها تنفي أن تكون فعلت ذلك، وهي بريئة.
كلمة أجي: تستعمل عند الإستغراب أو إستنكار شئ، وتأتي بمعني (أجدٌّ ما تقول)، يعني تقول لي واحدة "منى خوجلي ختت في البروفايل بتاعها شيطان" تقوم تقول ليك "أجي؟" ... يعني "صحي بالله؟" .. يعني أجدٌّ ما تقول؟ |
شكرآ جزيلآ .
وصلتنى "برى" كاملة ... و"أجى" لا ينقصها الإقناع والنساء بلا شك أحرف من يدلع الكلمة ويختصرها.
لك مودتى ويبدو أن "كر" ليس لها نصيب عندك .
........
برى و أجى من شيطان منى أبو نضارات
| |
 
|
|
|
|
|
|
|
|
Re: كلام النســوان .. * عيب * (Re: محمد أبوالعزائم أبوالريش)
|
| Quote: نؤيد .. نثني .. نطالب ... نصر. ..... ياخي القرول (قرد+زول) بتاعك ده بيعمل لي كاروشة في رموشي. |
نفسي اشوفك مع القراء من غير رموش
| Quote: كلمة أجي: تستعمل عند الإستغراب أو إستنكار شئ، وتأتي بمعني (أجدٌّ ما تقول)، يعني تقول لي واحدة "منى خوجلي ختت في البروفايل بتاعها شيطان" تقوم تقول ليك "أجي؟" ... يعني "صحي بالله؟" .. يعني أجدٌّ ما تقول؟ |
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
| Quote: "كر" ليس لها نصيب عندك |
بصراحة ما فكرت فيها قبل كدة .... لكن أديني صنة أحاول ليك تأويلها .... ولو ما رجعت يبقى غلبتني. لكن عموماً موضوع البوست بتاعك ده بحر غرييييق.
مودتي
| |
|
|
|
|
|
|
|
|
|
Re: كلام النســوان .. * عيب * (Re: محمد أبوالعزائم أبوالريش)
|
تعرف يا أبو العزايم أبو الريش
"كر" دى سمحة خلاس تدغدغ الواحد
الطفل الصغير لمن "يكح" وأمو تقول كر تلقاه يتصنع الكحة عشان تعيدا عليه
والصبى كان وقع ولا جاهو عارض حضنه من من أمو "وّكر على" تلقاهو إتنفخ ولبد
والله نحن الكباااار ديل بتسر بالنا .
سرها فى نغمتا وطلوعا من القلب
حقو نخليها كدة
ولا شن قولك
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
Quote: الأخ / عثمان محمدين كل عام وأنت بخير
تسمح لي أفتي ليك علي حد زعمي ؟ |
الليلة البرق نفض السحاب واتعمر
وعادت لنا بت طلحة مشبعة بدعاش البطانة
راسية بنا في مراسي الشوق والوطن
فألف حمدا لله على السلامة
و لا يفتى وبت طلحة في المدينة.
سأدون معنى الحمت رمت بلا ريب في مذكرتي التراثية.
ثم ماذا عن "كر"
سمعت أنها كانت ملكة نوبية وكانت شديدة - قاسية في حكمها .... فعندما يقال لك كر عليك - فكأنما نزلت بك مصيبة كمن يقاد إلى الملكة كر لتحكم عليه.
والله رأيك يا رأفت وما رأي بنت طلحة.
رأفت ميلاد:
أمي كانت حينما تعطي شيئاً للناس وأقول لها أنه قليل أو حينما يقدم لها الجيران شيئاً ويقدمون عذرهم بأنه قليل وهو في الحقيقة ليس بقليل وإنما لتهذيب النفس وشحذ الهمة للمزيد من العطاء. كانت تقول "زاد الحبان ليه بكان" - مقلبة الميم باء كالذي في القرآن "للذي ببكة مباركا" وهي في الأصل مكة.
أمك كانت بتقول العبارة دي يا رأفت ؟ - مع العلم أنها ليست عبارة رجالية لا تستخدم ولم أسمعها أبداً من الرجال أو ربما يقول الرجل بصورة أخشن من ذلك.
| |
|
|
|
|
|
|
|
|
|
Re: كلام النســوان .. * عيب * (Re: othman mohmmadien)
|
Quote: ياليت لو كتبتى لنا شيئآ "الطاوية حبالا" التى طوانى بها أخوى ماضى
|
غايتو يارأفت عمرك طويل بس من الحمت رمت للطاوية حبالا !
دي الدنيا..تتحايل عليك وتصطادك بحبائلها كالمرض الحوادث
يعني الموووت لاحولة ولاقوة إلا بالله العلي العظيم
العيان يديك للمستريح الله يكون قي عونك
| Quote: "زاد الحبان ليه بكان" |
والله ياعثمان أول مرة أسمع حكاية الملكة دي لكن في موروثنا كلمة كر علي تعني :
يكر علي العدو.. وأنت أعلم بالحال حين يهجم العدو يكون هجايم ورجايم مش كدة
زيها وزي واسجم خشمي وواصمت خشمي ووارمادى والترابة التكيل خشمي وكر علي..ألخ
أمازاد الحبان دي تعني عندنا: عندما يدعوك أحدهم لطعام أوشراب وتعتذر بأنك شبعان
ومافي أي طريقة تأكل أوتشرب بقوليك زاد الحبان ليه بكان ، فتضطر للمجاملة
ومنكم نستفيد ونستعيد تراثنا.
| |
|
|
|
|
|
|
|
|
|
Re: كلام النســوان .. * عيب * (Re: سمية الحسن طلحة)
|
سلام يالملكة
Quote: غايتو يارأفت عمرك طويل بس من الحمت رمت للطاوية حبالا !
دي الدنيا..تتحايل عليك وتصطادك بحبائلها كالمرض الحوادث
يعني الموووت لاحولة ولاقوة إلا بالله العلي العظيم
العيان يديك للمستريح الله يكون قي عونك |
شفتى كيف ما الوالدة ما كانت بتعادل الحمت رمت بـ "لا تتهد ولا تتمد .. شئ مرات المطرة أم برق ولا أم رعد .. غير وقيف أولاد الحلال محل ما أقبل" طبعآ ده مقابل حزمة نعناع بلدى أو بن "هررى" زمن المعدوم .
المصيبة فى الطاويا حبالا ياها اللافانا لفانا لا بجيبا ماضى ولا بقدر يحوشا Quote: لكن في موروثنا كلمة كر علي تعني :
يكر علي العدو.. |
تتصورى كدة وقعت لى تمام . وهى برضو بتتقال كدة كاملة (كر علي العدو) . كنت بفتكرا جزئين (كر ... على العدو) وبختلف المعنى . Quote: أمازاد الحبان دي تعني عندنا: عندما يدعوك أحدهم لطعام أوشراب وتعتذر بأنك شبعان
ومافي أي طريقة تأكل أوتشرب بقوليك زاد الحبان ليه بكان ، فتضطر للمجاملة
ومنكم نستفيد ونستعيد تراثنا. |
دى وصلت كاملة
مستنين تانى
مودتى
| |
|
|
|
|
|
|
|
|
|
Re: كلام النســوان .. * عيب * (Re: othman mohmmadien)
|
عثمان محمدين
سلامات ياحبيب
قصة الملكة بتاعتك بلاقيقيك بيها فى مداخلة الملكة المتوجة سمية
لكن الملاحظة أساطيرنا مليئة بالملكات تتبعهم صفة "القساوة"
تجده فى ملكات النوبة وجسارة الكنداكة وملكات الإنقسنا وقسوتهم على الرجال
عندنا فى الجزيرة قرية إسمها "السوريبة" يتردد أحيانآ السوريبة إسم ملكة قديمة ويتردد السوريبة كانت مملكة ولكن فى الحالتين كانت محكومة بملكة وكانت قاسية وتعدم الرجال بيدها ولأسباب واهية أساسها القهر والدكتاتورية .Quote: رأفت ميلاد:
أمي كانت حينما تعطي شيئاً للناس وأقول لها أنه قليل أو حينما يقدم لها الجيران شيئاً ويقدمون عذرهم بأنه قليل وهو في الحقيقة ليس بقليل وإنما لتهذيب النفس وشحذ الهمة للمزيد من العطاء. كانت تقول "زاد الحبان ليه بكان" - مقلبة الميم باء كالذي في القرآن "للذي ببكة مباركا" وهي في الأصل مكة.
أمك كانت بتقول العبارة دي يا رأفت ؟ - مع العلم أنها ليست عبارة رجالية لا تستخدم ولم أسمعها أبداً من الرجال أو ربما يقول الرجل بصورة أخشن من ذلك. |
زاد الحبان ليه بكان سمعتها مترددة ليس فقط عند الوالدة ولكن فى الجزيرة ولدى أهلنا فى أمدرمان وفعلآ ثقافة نسائية . وتبخيس الجود عندهن يقولن ليك (فضلة خيرك) ولا (أعفى لينا ما قدر المقام) دى عندنا فى أمدرمان .
عندى أخوى متوحش شوية كدى . جيت لقيت ليك أمى شواطين الدنيا راكباها (ده تعبيرها لما تزعل) سألتها فى شنو . قالت جانا ضيف من الجزيرة ومافى زول غير أخونا ده . ختت ليهم الغادا ووصتو تمام عشان عارفاهو . قالت (قاعدة جوة أسمع الضيف قام أخوك قال ليه أقعد ياخ الراجل قال ليهو الحمدلله قال ليهو على كيفك وواصل فى أكلو)
مودتى
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
| Quote: زيها وزي واسجم خشمي وواصمت خشمي ووارمادى والترابة التكيل خشمي وكر علي..ألخ |
الكلام عن "كر" كترة ... عشان كدة لن يهدأ لي بال لهدي ما أجيبا ليكم.
أما "السجم" حسب علمي هو ناتج الحريق من السكن (الكربون) عند احتراق فتيل قنديل أو ما شابه. ويكون خفيفاً بحيث يتطاير، ولتجميعه يجب وضع جسم صلب حتى يلتصق عليه. أرجو تصحيح المعلومة يا العارفين أكتر. ..... وانا عارف هنا في (حبوبات)
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
إزيك يا رأفت ورمضان كريم
بوست مباااااااااالغة عديل
يااااخ أنتو جبتو سيرة (ووووب علي) في البداية
بس ما وريتونا المصدر
أها هسي عايزين وووب علي وفوق عليها "حبيب قساي"
قساي دا منو؟
أمير
| |
|
|
|
|
|
|
|
|
|
Re: كلام النســوان .. * عيب * (Re: Amir Omer)
|
كيفك أمير عمر
رمضان كريم
Quote: يااااخ أنتو جبتو سيرة (ووووب علي) في البداية
بس ما وريتونا المصدر
أها هسي عايزين وووب علي وفوق عليها "حبيب قساي"
قساي دا منو؟ |
أنا غايتو ووب دى أصلى فكرت فيها . ووب يعنى ووب والمصيبة كسرت
حبيب قساى دى سمحة خلاس
لكن نرفع إلتماس للملكة تشوفم لينا
شكرآ على جمال الطلة يا ملك وإنشاءالله طلبك مجاب
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
رأفت
ياخ أنت كل يوم ينبش ليك موضوع زي ما بقولوا أهلنا المصريين "أنأح" من القبله.
المرة دي الموضوع شيق جداً.
Quote: وهذه اللغة ممنوعة على الرجال ويتم إستهجانها عليهم أولآ من النساء
ولصيقة بفئة ذكورية معينة ... |
الفئة هذه التي تعنيها لديها لغتها ومفرداتها الخاصة، وكلها ترد في سلاسة سجعية عجيبة تجعل من كل منهم شاعراً متفرداً ولكن في مجاله فقط.
ديل يا رأفت دايرين ليهم بوست براهن ودايرين دراسة توثيقية بوصفهم جزء من المجتمع وإن رفضهم المجتمع ولكن لا يمكن إنكار وجودهم وبالعكس هم يفرضون وجودهم وواقعهم بالقوة.
كدي فكر في الموضوع ده.
بس طلعت حبوبه كبيره وراجينك طامعين في الكثير.
الشايقي
| |
|
|
|
|
|
|
|
|
|
Re: كلام النســوان .. * عيب * (Re: سمية الحسن طلحة)
|
صباح الخير عليك يا أستاذة
راجنك بالشرح وجيتينا براك | Quote: في المحارة ولا عند الجارة يايما مافي شيتاً بضر إلا زايد الحديث . |
المحارة شنو ?
من المحرية ولا المحارة الواحدة بتاعة البحر
كدى رقدى لينا المثل
عندنا بقولن فى السياق ده
مابضر إلا الكلام المر
مستننك والطلبات كترت فوق
وليك من الورد أعبقه
| |
|
|
|
|
|
|
|
|
|
Re: كلام النســوان .. * عيب * (Re: Al-Shaygi)
|
أهلآ الشايقى حباب الطلة
رمضان كريم
Quote: الفئة هذه التي تعنيها لديها لغتها ومفرداتها الخاصة، وكلها ترد في سلاسة سجعية عجيبة تجعل من كل منهم شاعراً متفرداً ولكن في مجاله فقط.
ديل يا رأفت دايرين ليهم بوست براهن ودايرين دراسة توثيقية بوصفهم جزء من المجتمع وإن رفضهم المجتمع ولكن لا يمكن إنكار وجودهم وبالعكس هم يفرضون وجودهم وواقعهم بالقوة.
كدي فكر في الموضوع ده. |
ديل بقى أختانى منهم بعيييد . دمى ما بمشى معاهم ولا بقدر على رصهم .
لكن الملاحظة النسوان بدورن ونستهم . وطباخين الحفلات تلقاهم معاهم النقر بالنقر "ومغروزين" وسط النسوان و ما بعملن حسابن منهم كرجال .
يعنى كان فى عدم إنكار لوجودهم مجتمع النساء . بديهم إعتراف كفئة أخرى
لكن أنا شايفم رجال خايبين بس .
مرحب بيك حبوبة خطيرة
| |
|
|
|
|
|
|
|
|
|
Re: كلام النســوان .. * عيب * (Re: حسين محي الدين)
|
مرحب بيك حسين محى الدين (مرتين)
فى البوست وفى المنبر
| Quote: حلوة أنه الموضوع مافيه جندرة دي |
ياخوى ماعندنا جندرة ولا بندخل محلها . كلام النسوان ما فيه خطوط حمراء . ده حق أماتنا وحبوباتنا وأهلنا . بنوثق ليه من الإنقراض فخرآ .
وبعدين كلام النسوان كان شكر كان مناصرة وكان تخفيف للألم والحزن نحن الرجال طلعنا منه بنصيب الأسد .
نتتمنى منك المشاركة
وأسعدتنى فعلآ الطلة
كل سنة وأنت طيب
ورمضان كريم
| |
|
|
|
|
|
|
|
|
|
Re: كلام النســوان .. * عيب * (Re: salma subhi)
|
شكرا يارأفت علي هذا العبق
المحارة ياها الواحدة دي بتاعة قرقور البحر وكان الناس بسخدموها كملعقة
ومعني الكلام : مهما كان الشى قليل لاتستحقره ( من عاف قليله هلك )
أحتفظ بقليلك قد تحتاج إليه فليس هناك شى يضر غير زيادة الحديث
وحاجتك المالكا ولو كانت بقدر مليء محارة أحسن لك مما تشحد من عند الجارة
محمد أبو العزائم كيف الحال
وين بوستك بتاع الكلمات السودانية المغلوصة داك ؟
لونحن ما حبوبات بنعرف كلام الحبوبات (لومامتنا شقينا المقابر)الحبوبات ديل خليهم للحوبات
وحكاية السجم دى ، ووب علي ، وحبيب قساي الواردة أعلاه بنجما( نجم ينجم تنجيما) ليكم :
السجم أو السكن كما تفضلت بشرحه هو ما يسكن أويستقر علي ظهر الحلة أو الصاج أو الطاجن أو الدوكة
من نتاج حرق الحطب عند الطبخ أو العواسة
كلمة ووب دي يارأفت من كلمات الندب أو النكد السوداني الأصيل مثل (ويحي وويلي)، بمعني أموت والناس تقول ووب ووب نائحة علي مثل ( واي علي ) يعني أموت والناس يبكون : واي علي فلانة
أما عشاي وحبيب قساي: تقولها الأم لولدها أو أخيها لأن العشا صعب تجهيزه وخاصة لو الدنيا ضلام ومطر
وحبيب القسا هو صاحبك في الشدة وقسوة صروف الدهر وليس صحبة قرقر الما بتقع فوق الشر
ولكم من الياسمين نقيه ولطيفه.
| |
|
|
|
|
|
|
|
|
|
Re: كلام النســوان .. * عيب * (Re: محمد أبوالعزائم أبوالريش)
|
| Quote: "المغلوصة" دي بالغتي فيها .... يا زولة الفرق في الكي بورد بين الطاء والصاد بعيد ... القصة قصة صيام باقي لي. |
بقينا جارين شمال والطاء يمين
اللهم أجعلنا من أصحاب اليمين
بوستك دا يامحمد كان منغصني ( نسبة لمغلوصة على وزن ممغوصة بالسودانى )
ومالقيت إيدى أتفش فيه لغاية ماراح
شكرا لجلبك إياه لنا هناعشان نتفرج فيه ونفشش في بوست رأفت .
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
بعد ما غلب حماري ... قمت استعنت بصديق
وقالوا أحسن صديق هو الكتاب، لذلك وبحثاً عن أصل كلمة "كُر" وجدت أن د. عون الشريف قاسم في "قاموس اللهجات العامية في السودان" أوّلها إلى "الكره" فقال:
"كُر كلمة تقولها النساء عند ذكر ما ينفرن منه، فيقال "كُر يا يُمّا" وكأنها كُره يا يُمّا أي الشئ المكروه"
| |
|
|
|
|
|
|
|
|
|
Re: كلام النســوان .. * عيب * (Re: محمد أبوالعزائم أبوالريش)
|
Quote: وجدت أن د. عون الشريف قاسم في "قاموس اللهجات العامية في السودان" أوّلها إلى "الكره" فقال:
"كُر كلمة تقولها النساء عند ذكر ما ينفرن منه، فيقال "كُر يا يُمّا" وكأنها كُره يا يُمّا أي الشئ المكروه" |
(و كر حقة الجداد)؟؟؟؟؟
فتشو شئ تامنى غير التأويل بالغة العربية.
ودة بقودنا ل(كر , عر , جر , وشششش , بس )
| |
|
|
|
|
|
|
|
|
|
Re: كلام النســوان .. * عيب * (Re: ماضي ابو العزائم)
|
صباح الخير يا ماضى
Quote: و كر حقة الجداد)؟؟؟؟؟
فتشو شئ تامنى غير التأويل بالغة العربية.
ودة بقودنا ل(كر , عر , جر , وشششش , بس ) |
ياخى دى أصوات بتختلف من مكان الى مكان المهم يتعود عليها الحيوانات . مثلآ "عر" بقولوا عليها المصرين "حا" . ولما تقول لى زول "عر" زى بتقول ليهو يا حمار .
عندنا عمنا عثمان عبدالله رحمه الله كان غاوى تربية الدواجن ويقوم بإطعامهم بنفسه . كان "بصفر" ليهم بفمه . منظر بديع عندما يستجيب الحمام والدجاج والأوز والبط وحتى عصافير السماء لصفيره المميز .
لكن يا محمد فعلآ "كر" من الكره ما راكبة . "كر علىّ" كلها شفقة . وفعلآ كر العدو محنة "وبشفق" أنا أصوت الى للملكة 
سؤال : "مغلوصة" لغة عربية سليمة ؟
مفعوصة أعتقد من "العفص" مسكينة البت المفعوصة
تحياتى
| |
|
|
|
|
|
|
|
|
|
Re: كلام النســوان .. * عيب * (Re: ماضي ابو العزائم)
|
الحبيب العزيز رأفت
سلام على روحك الطيبة
منذ البداية وأنا أتابابع وأقرأ في هذا المعجم الذي كدنا أن نفتقده من تعلاملاتنا وحياتنا الإجتماعية وثقافتنا .. وأتابع كل المداخلات الثرة والجميلة والمرحة .. أستمتع حتى الثمالة .. لك الشكر والتقدير وطيب الله ثرى البروفيسور عون الشريف الذي وثق لما يعتبره الكثيرون غير ذي قيمة
| |
|
|
|
|
|
|
|
|
|
Re: كلام النســوان .. * عيب * (Re: ابوبكر يوسف إبراهيم)
|
مرحب بيك يا أبو بكر
| Quote: وطيب الله ثرى البروفيسور عون الشريف الذي وثق لما يعتبره الكثيرون غير ذي قيمة |
بأمانة معجم د. عون الشريف ما سعت بيه إلا فى البوست ده . وفتشت فى محركات البحث وما لقيت حاجة تشفى الغليل .
فعلآ مافى حاجة ما فيها فايدة أو ليس لها قيمة . وقيم الشعوب يجمعها ناس زى د. عون الشريف له منظار أبلغ من كثيرون لا يرون الأشياء يجمالياتها .
التحية له ولك
وكل عام وأنت بخير
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
طيب يا رأفت ... إنت هسة مسكت لينا كلام النسوان اللذيذ، والحنين ... نوع ناس كُر علي ... ويا جنا حشاي، ويا ود أمي ..إلخ. طيب الجماعة ديل ما عندهم كمان كلام تاني ..... زي (سجم خشمك) .... (سجم الرماد) (يا سجمان يا رمدان) ... وجميع السجمات المتوفرة. لكن بيني وبينك ... برضو عندها نكهة لذيذة.
| |
|
|
|
|
|
|
|
|
|
Re: كلام النســوان .. * عيب * (Re: محمد أبوالعزائم أبوالريش)
|
سلام يا محمد أبو العزايم
| Quote: طيب يا رأفت ... إنت هسة مسكت لينا كلام النسوان اللذيذ، والحنين ... نوع ناس كُر علي ... ويا جنا حشاي، ويا ود أمي ..إلخ. طيب الجماعة ديل ما عندهم كمان كلام تاني ..... زي (سجم خشمك) .... (سجم الرماد) (يا سجمان يا رمدان) ... وجميع السجمات المتوفرة. لكن بيني وبينك ... برضو عندها نكهة لذيذة. |
ياخى (سجم خشمك) .... (سجم الرماد) (يا سجمان يا رمدان) دايمآ بتخش فى المكاوا والهزار ومرات دلع وكدة يعنى وبتكون لزيزة ولا شنو
الماشفتو إنت خلى بالك كلام عثمان رغيم Quote: يا ولد قوم من هني تقوم قبل النبي
يابت انسلي يسل رقبتك
تعال هني تجيك الجاتني في ابوي
النايملها شنو نومة اهل القبب
امرقي مروق الدخان
يا يابا كدي يهردك اللا نام و لا اكل الطعام
الليلي بي يركة من صلي وقال يا الله تتكعوج عليك شقيش ما تقبل
ماني عافالك لبن شطري |
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
| Quote: ماني عافالك لبن شطري |
ياخي دي مشكلة عجيبة ... وده أرجعو ليها تاني من وين؟
خارج الشبكة:
ملاحظ إنو منى خوجلي شالت (القرود) بتاعها ... وجابت ليها كديسة زي ما قالت د. إشراقة تعمل وجع بطن
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
Quote: يا ولد هوووي..
الهوا اليشقك.. |
يمين الله لما شفت الكلام ده .... قعدت أعاين لي فوق .... يا ربي منى دي أنا قلت ليها شنو هاجت فيني كدة؟ يا رأفت ياخي خليتنا نتلفّت ورانا
| |
|
|
|
|
|
|
|
|
|
Re: كلام النســوان .. * عيب * (Re: محمد أبوالعزائم أبوالريش)
|
| Quote: يمين الله لما شفت الكلام ده .... قعدت أعاين لي فوق .... يا ربي منى دي أنا قلت ليها شنو هاجت فيني كدة؟ يا رأفت ياخي خليتنا نتلفّت ورانا |
بسم الله ..ده ما انت يا محمد..كر!
ده زول كده زمان قال ابوه كان بيناديهم كده..ولما يردوا يقول ليهم الكلام ده
والبيقول نعم يقول ليه النعامه الترفسك
اسه زي ده الا كان يمشوا ليه سريع بدون رد..
وفي الحاله دي ممكن يقول ليه..
مالك ما بترد؟
الخرص اليمسكك!
يعني نظام في الحالتين انا الضايع
| |
|
|
|
|
|
|
|
|
|
Re: كلام النســوان .. * عيب * (Re: Muna Khugali)
|
محمدأبو الريش
Quote: | Quote: "قبلك وحححححدك"... |
تعني الشئ ده ما سبقك عليهو زول (لم يأت به أحد من قبلك) .... أو الشئ الأصابك ده .. ما يجي لي غيرك، وتؤكدها عبارة (قبلك وقبالك) |
سليم ومنطقية
تعرفى يا منى الهوى البشق ده كان ماعرقى الزومة يكون المقصود بيه الضريب أو الضريبى الشرحتو الأخت سمية شقاق العناقريب داك . نحن اللوايا التلوى بطنك يعنى تموت بمغستك
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
العزيزة ميادة
تحياتى
تعلقت مداخلتك فى الصفحة الأولى
سأعود بها هنت مواصلة للمتداخلينى والقراء
وشكرآ على هذا الإثراء
Quote: العم رافت
والعم الصايغ سلامات| Quote: بنـاتنا الـحـلفاويات ماقاعـدين يسـتعـملواالكلمات بتاعـت البنات العـرب وعـنـدهـن مـصـطلـحاتهـن |
أجى يا ولدى
حال التابانى
بريه يا يمه
أبرى وأستبرى
مقطعاو فى حشاي
يخربنى
اللغة الانثوية قديمة والحلفاويات كغيرهن لهن مصطلحات خاصة بلهجتهن وله ما يقابله في العربية
زي | Quote: عندنا الحلفاويين بيقولوا إبيييا لايقا |
والباقي غلبني عديييييييييييييييييييييل |
ما قصرتى
بكرى الصايع ومحمد مكى للمراجعة والتدقيق
عميق مودتى
| |
|
|
|
|
|
|
|
|
|
Re: كلام النســوان .. * عيب * (Re: محمد على طه الملك)
|
كيفك يا محمد على طه الملك
Quote: دي فاتت كيف مع إنها قاعده في العنوان ..
يا ( عيب الشوم ) عليكم ..
أها .. فسروها . |
والله فاتتنا يا عيب الشوم علينا
أهلنا الأقباط بقولنها كتير . دايمآ تعبير على الخجل من التقصير الشديد
هل الشوم دى الشؤم ؟
لكن ما راكبة شنو اللما العيب والشؤم !!!
خلى بالك الشوم دا زول عمل عملية مخجله ما سبقو عليها زول
ونستنى كان يجينا زول ينورنا .
فكرك تكون وصلت البطانة عشان ننادى الملكة ؟
وفى الإنتظار
مودتى
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
الأخ رأفت ..
الأخ محمد على طه الملك ..
عيب الشوم في اعتقادي تعبير وافد، وأصله عند اخوتنا المصريين (يعني تبع يا لهوي) .... لم أكن أدري أن الأقباط يستعملوه، إلاّ أن هذا لا ينفي أنه وافد.
| |
|
|
|
|
|
|
|
|
|
Re: كلام النســوان .. * عيب * (Re: محمد أبوالعزائم أبوالريش)
|
عمنا رأفت .. إزيك
والله بوستك ده قدر ما قلت أقراه من مقاعد المتفرجين غلبني.
أنا بلحيل شديد كدي على الدارجي السوداني وحديث عهد بيه إلى حد ما.
لكن حضرت حاجات جديدة بجانب البتقولوا فيه ده:
1- ترا ترا شبه اللساتك الورا.
2- كرررررركدي وما عرفنا لي
3- بستله وحايمة الحلة .
4- خليك في علبك لامن يجي طلبك.
5- هييييييي يكا .. وتاااااااااني يكا
غايتو دي القدرت اتذكرها .. وهي طبعا استخدامات نسائية بحتة
أنا متأكد أنه الشابات بيعرفوا أكثر
كدا يجوا يضيفوا عليها
ونبدا مقارنتها بالكلام القديم.
ما تسألني من معانيها .. لإني ما بعرف.
| |
|
|
|
|
|
|
|
|
|
Re: كلام النســوان .. * عيب * (Re: محمد نور أحمد)
|
محمد نور أحمد
سلام ومعليش على التأخير
Quote: 1- ترا ترا شبه اللساتك الورا.
2- كرررررركدي وما عرفنا لي
3- بستله وحايمة الحلة .
4- خليك في علبك لامن يجي طلبك.
5- هييييييي يكا .. وتاااااااااني يكا |
ياخوى ديل جايبم لينا من شكلة فى بيت زار
يوم سمعت لى واحدة فى سوق أمدرمان بتنبز ليها واحد قالت ليه "يا دون يا أرزل ما يكون"
كدى تعال لينا بالترجمة
| |
|
|
|
|
|
|
|
|
|
Re: كلام النســوان .. * عيب * (Re: محمد أبوالعزائم أبوالريش)
|
محمد أبو العزايم
سلامات معليش إنشغلت مع البنية وفاتنا الكتير هنا وهناك
| Quote: عيب الشوم في اعتقادي تعبير وافد، وأصله عند اخوتنا المصريين (يعني تبع يا لهوي) .... لم أكن أدري أن الأقباط يستعملوه، إلاّ أن هذا لا ينفي أنه وافد. |
هى إستعال مصرى غزتنا زى الزغنى الحبشى .
الأقباط عندهم لهجة خاصة بيهم جدآ وفيها لكنات وتعابير مصريه صعيدية متوارثة . ورغم أن كل أقباط منطقة يكتسبون لهجة مناطقهم تجدهم متوحدين فى هذه المصطلحات . يعنى أقباط كردفان لهجتهم كردفانبة وأقباط بورتسودان هدندوية وهكذا .
نحن ناس المسالمة مختلفين وبفرزونا بتسمية "أولاد البلد" لأننا لهجتنا أمدرمانية خالصة وبشرتنا سمراء .
| |
|
|
|
|
|
|
|
|
|
Re: كلام النســوان .. * عيب * (Re: محمد أبوالعزائم أبوالريش)
|
صباح الخير يا محمد أبو الريش
| Quote: طيب بالمناسبة دي .... بيقولوا شنو في حالة المرض والمعافاة؟ مش ياها تبرا .. وبريه ..... والا في مصطلح تاني؟ |
طبعآ بريه "بتترتش" زى بريا سلامتك .. وتبرا وتستبرا .. إنشاءالله الما بريدوك .. والقائمة تطول ..
لكن فى زول ولا حاجة كدة تعبان فى تحمل المصائب والأمراض إسمو "الدقشم"
زى "سلامتك .. والدقشم كرامتك
الله يطرا أختنا رشيدة عبدالله زوجة أخونا وقيع الله عثمان ووالدة بتنا د. منى بالخير
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
انشاء الله فلانه عليها حال الشوم والروم أها دي الا تفسرها ليكم الملكه بت الحسن ود طلحه .
هوي انا اهلي مهمشين وانا زاتي مهمشه وما بعرف كلام ناس البندر .اها ان بنفع معاكم حديث النسوان المهمشات بجيكم ان بقيتا ما بتدورو كمان بختاكم امش علي ناس كع وكوف ديك
يا بت اقعدي يقعدن صقارك .
ولا: يا بت ما تقعدي في الواطه يقعد طيرك محني الشدر
يا جماعه هوي انا ما عندي شغلات الشده والسكون سوهن براكون
. ولا ان في جاهل نايم : يا بنوت هوي بتورنو يتاوركن وجع الضرس .
| |
|
|
|
|
|
|
|
|
|
Re: كلام النســوان .. * عيب * (Re: doma)
|
شكرآ والله على الزيارة يا دومة
لكن | Quote: يا بت اقعدي يقعدن صقارك . |
| Quote: يا بت ما تقعدي في الواطه يقعد طيرك محني الشدر |
والله مهمشة مع مرتبةالشرف دى أتحدى تراجى تترجما
مستنين الترجمة على الشريط
مودتى
| |
|
|
|
|
|
|
|
|
|
Re: كلام النســوان .. * عيب * (Re: othman mohmmadien)
|
عثمان محمدين سلام
والله إنت الكنت مشاكس
معجمك كلو لبع
| Quote: مقطوع الطارئ ..... |
هى أولآ بنبرة أو بدون ؟
والله ما عارف معناها بالظبط . لكن لمن ينادوك يا مقطوع الطارى معناتو إنت فى ورطة
إتخيل لى ما بقى عندك صليح ولا عدو بقيت زى النبت الشيطانى ولا حاجة بالشكل دة
مودتى
| |
|
|
|
|
|
|
|
|
|
Re: كلام النســوان .. * عيب * (Re: أبوالزفت)
|
كيفك يا أبو الزفت
طبعآ أبو الزفت دى جملة أمدرمانية مية المية . تعنى الموضوع أيآ كان ظبت تمام Quote: لما كنت في الجامعة
بمازج البنات المولدات
اقول ليها تعرفي تقولى وب علي |
زكرنى كلامك ده زمان بت زنزبارية إسمها زكية كانت طالبة فى المعهد الفنى . طبعآ المعهد تغير إسمو عدة مرات الى معهد الكليات التكنلوجية وأخيرآ أعتقد جامعة السودان .
زكية كانت تتكلم بالعربية الفصحة وكان شكل اللغة طريف وتحاول تتعلم العامية . طبعآ النساء أيضآ بينهن ألفاظ نابية بحسن نية إلا يكونن متشاكلات حتى تأخذ الكلمة معناها .
يوم وصلت زكية السكن الداخلى متأخرة قليلآ فقالت ليها إحدى الطالبات "كنتى وين يا مطلوقة" وضحكن . زكية ما فهمت ولكن أحست بأن هناك شيئ خطأ . لم تعلق وفى ليوم التالى ذهبت الى الأستاذ بدون مقدمات وقالت ليهو "أنت مطلوقة" بهت الرجل ولامها على كلامها . طلبت منه الشرح . فشرح لها وهو ليس لديه خلفية . غضبت وغيرت السكن ورفضت أى توضيح لإثبات حسن النية .
ودى من مصايب كلام النسوان
ودى
| |
|
|
|
|
|
|
|
|
|
Re: كلام النســوان .. * عيب * (Re: محمد أبوالعزائم أبوالريش)
|
يا محمد أبوالعزائم أبوالريش
لكن نكاش نكش
Quote: لما طفل يكح .... بيقولوا ليهو كُر
لكن لما يعطس ... بيقولوا ليهة (عشت) ........ إشمعنى؟ |
وبقولوا ليه عشت كبرتا . ما عارف لكن بقولوا تسليم الأمانة برضو زى العطسة والله أعلم .
ولما الواحد "يتفنقل" بقولوا ليهو نكبر وتاخد غيرا
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
اعدم نظري كملتوا الفياقة
حسي الرسول فوقكم
خليتوا الكورة والجرايد
وخليتوا العربيات والموديلات
وقبلتوا على كلام النساوين؟
خليتوا لينا شنو ياخواني؟
النضمي ده نخليه ليكم؟
عاد كان نضمنا نبقى كعبين
وكان سكتنا ياها دي الحالة
الله يلزمنا الصبر بس
ايمان
| |
|
|
|
|
|
|
|
|
|
Re: كلام النســوان .. * عيب * (Re: إيمان صالح)
|
إيمان صالح
هسة ده نكتى من وين ..
والله البحت ده وجيب الخباير بتعرفن ليهو
Quote: اعدم نظري كملتوا الفياقة
حسي الرسول فوقكم
خليتوا الكورة والجرايد
وخليتوا العربيات والموديلات
وقبلتوا على كلام النساوين؟
خليتوا لينا شنو ياخواني؟
النضمي ده نخليه ليكم؟
عاد كان نضمنا نبقى كعبين
وكان سكتنا ياها دي الحالة
الله يلزمنا الصبر بس |
أهو دا بالظبت .. كان إتكلمتن .. نقناقات .. وكان سكتن تشيلنا أم هلا هلا
كل سنة وأنتى بألف خير وشكرآ على البصمة الروعة
مودتى
| |
|
|
|
|
|
|
|
|
|
Re: كلام النســوان .. * عيب * (Re: إيمان صالح)
|
| Quote: ولما الواحد "يتفنقل" بقولوا ليهو نكبر وتاخد غيرا |
دى خيانة انتو بهنا ما بتكلموني - اتسوّد ختوطكم ( تعرف الكلام ده يا روفي؟)
لقد اجتمع مجلس امناء اهل البطانة وبعد الاطلاع على جميع ملفات الاستاذ رافت ميلات اصدرت القيادة العاليا على لسان سمية بت طلحة الاتي :-
رفع المحاذير في التعامل اللغوى ( بلهجة البطانة) مع رافت ميلاد طالما ثبت بما لا يدع مجالا للشك انه ناقش (بكسر القاف) الكبيرة والصغيرة من تلك المصطلحات البدوية .
منح رافت ميلاد شهادة الاعتراف ببداوته دون المساس بثوابته الحضارية .
صدر تحت ختمى وتوقيعي في هذا اليوم الثلاثاء الثاني عشر من شهر ديسمبر للعام 2007 م
سمية الحسن طلحة
رئيس مجلس امناء اهل البطانة
| |
|
|
|
|
|
|
|
|
|
Re: كلام النســوان .. * عيب * (Re: الطيب شيقوق)
|
Quote: منح رافت ميلاد شهادة الاعتراف ببداوته دون المساس بثوابته الحضارية .
صدر تحت ختمى وتوقيعي في هذا اليوم الثلاثاء الثاني عشر من شهر ديسمبر للعام 2007 م
سمية الحسن طلحة
رئيس مجلس امناء اهل البطانة |
ياخى الشهادة دى ما علقناها زمااان فى قلبونا .. ولا دى علاوات آخر السنة
تشكر يا سيدى وعبرك للملكة وبصماتها وسام فى كل مكان تزورنا فيه
محبتى
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
كل عام وانت بخير يا استاذ ميلاد
وعيد ميلاد سعيد(happy crismass)
كلامك صاح عندهن لغتهن الخاصةليس المراة السودانية فقط بل اى دولة
عربية لها كلام نسوان خاص .
مثلا انا مرة بجوار امراةشابة محترمة قلت ياباى على كذا وكذا....
فردت على سيف انت ماتقول كلمة ياباى !سالتها لية ؟قالت عندنا النساء
فقط هم الذين يقلن ياباى! لذلك تاكد لى بان لهن لغة خاصة.
وايضا لهم جلد خاص .امامى على مشغل الdvdاستطوانة للنان مايكل جاكسن
الذى يتلوى من لوعت الموسيقى كحسناء هوليود,لماذا اجرى عملية جراحية لتغيير جلدة؟
حبا فى الجنس الاخر ويود التحول البيلوجى ام موضة هوليودية؟لست ادرى !!!
اعطنا رايك فى مايكل جاكسون,ممكن الاستاذة عواطف ادريس تشاركك الراى فى جاكسون
وعيدك سعيد
| |
|
|
|
|
|
|
|
|
|
Re: كلام النســوان .. * عيب * (Re: سيف الدين مصطفى كرار)
|
عزيزى سيف الدين مصطفى كرار
مرحب بيك هنا وعلى المنبر
وكل سنة وأنت طيب والأهل كاملين طيبين
جيتنا مع قعر الحلة وكدة
Quote: مثلا انا مرة بجوار امراةشابة محترمة قلت ياباى على كذا وكذا....
فردت على سيف انت ماتقول كلمة ياباى !سالتها لية ؟قالت عندنا النساء
فقط هم الذين يقلن ياباى! لذلك تاكد لى بان لهن لغة خاصة. |
يا سيف فعلآ النساء كإناث لهن إصدارات أصوات وحركات أنثوية خاصة بيهن كما جاء فى صدر البوست وذلك طبيعى فى الهرمونات .. مثل أن يقول الرجل "آى" والمرأة "واى" .. فاباى تأتى فى هذا السياق ..
هذا لا ينفى أن باقى النساء ليس لديهن لغة خاصة .. ولكن تجدها فى مواضع .. مثلآ الغنج والدلال .. أو الشر .. فمثلآ ترى فى المسسلسلات المصرية عندما تنوى المصرية الشر تصفق بأياديها وترصها عبارات موسيقية ممطوطة وتختمها بى "شوووووباش"
أما نسائنا لهن لغة أريحية كاملة متكالة وتكون أكثر سلاسة عندما تكون نسائية نسائية .. بدون تأثيرات عاطفية أو اللف حول الأشياء ..
رجعتنا لكلام النسوان "ياباى منك"
مودتى
| |
|
|
|
|
|
|
|
|
|
Re: كلام النســوان .. * عيب * (Re: رأفت ميلاد)
|
كلام النسوان .. سمح بالحيل
أشكر سكان البوست .. خاصة الرجال
الذين أثبتوا إلتصاقهم بأمهامتهم فخرآ
معزة وحب للأنثى السودانية
الأخت .. الزوجة .. الجارة .. العمة .. الخالة .. الصديقة .. الزميلة
للشكر للأخوات والزميلات اللآى شاركن فى إثراء البوست
ميادة كمال
شيماء
سلمى الشيخ سلامة
منى خوجلى
تماضر الخنساء حمزه
إشراقة حيمورة
فدوى الشريف
تيسير عووضة
ملكة سبأ
ممكونة
سمية الحسن طلحة
هند محمد
صفية محمد
سلمى صبحى
دومه
إيمان صالح
وأسمحوا لى بتخصيص التحية لملكة البوست
الأخت سمية الحسن طلحة
الأخوة والأخوات والزملاء الأعزاء
كل عام وأنتم بخير  أعاده الله عليكم وأهلكم بمكل الخير والعافية
| |
|
|
|
|
|
|
| |
رأفت ميلاد
Muna Khugali
محمد أبوالعزائم أبوالريش
Safia Mohamed
othman mohmmadien
Amir Omer
Al-Shaygi
حسين محي الدين
salma subhi
ماضي ابو العزائم
محمد على طه الملك
محمد نور أحمد
doma
أبوالزفت
إيمان صالح
الطيب شيقوق
AMNA MUKHTAR
فيس بوك
تويتر
انستقرام
يوتيوب
بنتيريست