|
|
 هل وصلتكم هذه الرسـالة ?
|
Printable View This message is not flagged. [ Flag Message - Mark as Unread ]
From: "cong_1 essalam" Add to Address Book Add Mobile Alert
To: [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected], [email protected]
Subject: رسالة إلي كافة المسلمين
Date: Fri, 27 Oct 2006 15:15:21 +0000
رسالة إلي كافة المسلمين
من الإمام المهدي المنتظر بالسودان
بسم الله الرحمن الرحيم
والصلاة والسلام على سيدنا محمد وعلى آله وصحبه وسلم
الحمد لله الملك القوي القادر ذو القوة المتين الجبار القهار
والصلاة والسلام على سيدنا محمد خاتم الأنبياء والمرسلين وصاحب اللب السليم الذي قال له ربه  أذن للذين يقاتلون بأنهم ظلموا وأن الله على نصرهم لقدير) صدق الله العظيم.
الحمد لله الذي فطر السماوات والأرضين ودبر أمور الدنيا بحكمته وما خلق الجن والإنس إلا لعبادته فطريق الله واضح لكل من أراد أن يعيش في هذه الأرض ويعمرها.
فأما بعد: -
من الإمام المهدي المنتظر الخير زكريا حسين عبد الله تلميذ العارف بالله الشيخ عبد الرحيم البرعي بن الشيخ محمد وقيع الله إلي كافة مسلمي الأرض أدعوكم إلي الدفاع عن هذا الدين ومقدساته وإيقاف هذا الزحف الأمريكي الجائر الظالم الذي نسي أن الله هو المهيمن ذو القوة المتين وأدعوكم أيضاً أن تقفوا في وجه كل اليهود وأضغاث أحلامهم التي تسمى ما بين النيل والفرات من بعد ما ضرب الهوان قلوب سلاطين وحكام المسلمين وولوا أمورهم لليهود والأمريكان ونسوا أن الله يخرج الذين آمنوا من الظلمات إلي النور من بعد ما ظهر الفساد في البر والبحر وأخرجت الأرض أثقالها والآن أتى أمر الله لتنزل الملائكة بالروح على من أراد لهذا الدين أن ينتصر ويجب أن لا ننسى بدر وملائكتها وقال تعالى: ( وإذا قرأت القرآن جعلنا بينك وبين الذين لا يؤمنون بالآخرة حجاباً مستوراً) والآن أراضينا يكثر فيها السلاح والعتاد وعلينا أن نتسلح بالإيمان وقال تعالى (وما رميت إذ رميت ولكن الله رمى) يجب أن لا تخافوا من كلمة دمار شامل لأن الأمريكان هم اليهود وأن الله تعالى لم يعد اليهود بالنصر بل حصرهم في علوهم ودخولهم المسجد ونحن نعدهم بالبأس الشديد والقتال حتى النصر.
والصلاة والسلام على سيدنا محمد ناصر الحق بالحق والهادي إلي الصراط المستقيم
الإمام المهدي المنتظر الخير زكريا حسين عبد الله
أم درمان ـ السودان
بسم الله الرحمن الرحيم
والصلاة والسلام على سيدنا محمد وعلى آله وصحبه وسلم
السيرة الذاتية للإمام المهدي المنتظر
هو الخير زكريا حسين عبد الله
الموطن: إقليم جنوب دارفور بغرب السودان من منطقة فاطمة
من قبيلة الكنجارة ، نشأ وترعرع بأم درمان
سلك الطريقة القادرية الطيبية السمانية على يد الأستاذ الشيخ محمد يس ابن الشيخ محمد الصادق الدينكاوي خليفة الأستاذ محمد شريف نور الدائم بخلوته بأم درمان العباسية عام 1993م ، وفي العام 2000م تمت إجازته في القادرية الطيبية السمانية على يد الأستاذ محمد يس ، وفي نفس عام 1993م سلك الطريقة السمانية تربية وإرشادا على يد خاتم الأولياء والصالحين عبد الرحيم البرعي بن الشيخ محمد وقيع الله بكردفان الزريبة.
وصلى الله على سيدنا محمد الفاتح لما أغلق والخاتم لما سبق ناصر الحق بالحق والهادي إلي الصراط المستقيم.
لا تعليق
|
|
 
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
| Quote: سلك الطريقة القادرية الطيبية السمانية على يد الأستاذ الشيخ محمد يس ابن الشيخ محمد الصادق الدينكاوي خليفة الأستاذ محمد شريف نور الدائم بخلوته بأم درمان العباسية عام 1993م ، وفي العام 2000م تمت إجازته في القادرية الطيبية السمانية على يد الأستاذ محمد يس ، وفي نفس عام 1993م سلك الطريقة السمانية تربية وإرشادا على يد خاتم الأولياء والصالحين عبد الرحيم البرعي بن الشيخ محمد وقيع الله بكردفان الزريبة. |
هل هـذه المؤهلات كافيـة ليعين نفسـه فى وظيفـة مهـدى منتظــر؟
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
Quote: خاتم الأولياء والصالحين عبد الرحيم البرعي بن الشيخ محمد وقيع الله بكردفان الزريبة.
|
كيف لاستاذه أن لا يبلغ ما بلغ تلميذه
و كيف يكون خاتم الاولياء و الصالحين و يعقبه ما يفوقه درجة في الصلاح؟؟
للدين رب يحميه
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
Quote:
على يد خاتم الأولياء والصالحين |
و هل انتهي الصلاح في هذه الامة..؟؟ ..الخير باق فيها كما اخبر رسولنا الكريم و لا يدري احد افي اولها هو ام اخرها. ويقول بانه المهدي!
رحم الله الشيخ العارف بالله عبدالرحيم البرعي
| |
|
|
|
|
|
|
|
|
|
Re: هل وصلتكم هذه الرسـالة ? (Re: محمد عادل)
|
يا رافت
جانا ثلاث مرات
ما تنسي حاج صديق ابو ضفيرة ومعجزة الرقم 13 اسال منو ناس جامعة الخرطوم سنة 1980-1986
وعايزين نشوف راي الدكتور حسن الترابي في المهدي الجديد ده شنو
السودان المدني الديموقراطي الفدرالي هو البضع حد لكل هذا الهذيان
سلام مجددا لك يا رافت
والرسالة دي جاتك
عشان تدفع الجزية 
| |
|
|
|
|
|
|
|
|
|
Re: هل وصلتكم هذه الرسـالة ? (Re: adil amin)
|
Quote: والرسالة دي جاتك
عشان تدفع الجزية |
أخير لينا كان كده الترابى خاصة بعد ما إتصنفر
كيفك يا عادل أمين
كل سـنة وإنت طيب
يا محمد عادل
إسـتفسارك مهم والله
بس ده ما محلو
أنا جاييك فى لب الموضوع فى بوسـت عديل
بلملم فيه . و التاريخ ملك للجميع
وزى ما قلت ليك زمااااان
دى مناظر وجاى التقيل
خليك صاحى .. وصدرك واسـع
ويعيد عن الشخصى ...
مع ودى
رأفت ميلاد
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
يا رافت ميلاد سلام
وكل عام وانت بخير
انا لم تصلني هذه الرساله وقرأتها هنا
ولكن اعتقد هي احد حيل الكيزان,لانه هدفها
التعبئه ضد القوات الامميه,وحياتك لافي زول اسمه زكريا ولا بطيخ
ولو في ماعنده طريقه للاميلات و الانترنت لكنها شغل آمن مكرب
ربنا يهدهم يازول قول آمين.
تراجي.
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
Quote: يا محمد عادل
إسـتفسارك مهم والله
بس ده ما محلو
أنا جاييك فى لب الموضوع فى بوسـت عديل
بلملم فيه . و التاريخ ملك للجميع
وزى ما قلت ليك زمااااان
دى مناظر وجاى التقيل
خليك صاحى .. وصدرك واسـع
ويعيد عن الشخصى ...
مع ودى
رأفت ميلاد
|
الحبيب رافت ميلاد
ياحبيب ان من وحى تفسيرى بانك تستهتر بالمهدية وبالامام المهدى علية السلام
قلت | Quote: نحن شـعب مميز المهدى جانا مرتين |
الامام المهدى لم يكن مثل هذا الدجال الذى زرعتة الحكومة حتى يعلن بانه المهدى المنتظر لهذا الزمان
الامام المهدى علية السلام عندما قام بثورتة المباركة كانت كل الدلائل والاشارات تشير بانه مهدى هذا الزمان
حتى شيخ المهدى محمد شريف نور الدائم عندما اتى بان يهجو الامام المهدى علية السلام لم يجد شى يهجية به
فقال والله لا عرف عنه الى كرمة وعطفة وحسن اخلاقه
فقال
كم قام كم تلى كم صلى
كم صلى بوضوء الليل سنن الفجر
يقصد انها الامام المهدى علية السلام
والامام المهدى علية السلام استشار فى مهديته معظم علماء ذلك الزمان
فحكى قصتة لشيخة القرشى ودالزين فحكاه ايضا لشيخة الاول محمد شريف نور الدائم الذى كان يحلم هو بان يكون المهدى وجميعهم صدقوه
والدعوة المهدية ياحبيب عندما ظهرت فى السودان طهرت السودان من دنس المستعمر الاجنبى وانشرت الاسلام فى السودان
حتى رث الشلك فى ذلك الزمان بايع المهدى وسلاطين باشا اسلم على يد الخليفة عبدالله
وياحبيب واذا كنت تصدقت بمقولتك بان نحن شعب مميز المهدى ظهر عندنا مرتين
فالسنوسى فى ليبيا كان يعتقد هو المهدى وكن لم تتوفر فى هذة الصفات
وانا ياحبيب بالى واسع وصدر رحب فى النقد المميز
واى ياحاجة ممكن اتسامح فيها عداء مهدى الله والانصارية
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
الانقاذ في حاجة ماسة لاي جهة تثير الناس دينيا بعد ان فقدت مصداقيتها الاسلامية
الرجل من دارفور والقوات الاممية جاية دارفور
الرجل يضرب على وتر اليهود والامركان ليرقص قدامي الهتيفة ( الامركان ليكم تسلحنا)
يا رأفت
السودان ظهر فيه من قبل اكثر من مهدي... منهم جد الترابي ( راجع طبقات ود ضيف الله )
| |
|
|
|
|
|
|
|
|
|
Re: هل وصلتكم هذه الرسـالة ? (Re: محمد عادل)
|
يا خوانا المهدي ده
الناس تموت والناس يخصل لها تصفيات وما يظهر
يظهر بس مع الخواجات في البلد؟
يكون ده مهدي انترنيتاوي!!!
كدي عشان الناس تصدقو
خليهو يسخطتني..
ومن هسه انا واهب نفسي ضحية
عشان الناس ماتتورط ساكت
خليهو يقلبني
ككو..
ولّ
أمبعلو ذاتو
قال مهدي قال
ويارأفت أخوي
المسيح الدجال
ماقال جاي قريب
محن آخر زمن
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
يا خوى محمد عادل
الأمور ما تتاخد قلع
زى ما قلت ليك الحق مكفول
والجدال سـجال .. والرد أخد وعطا
Quote: وانا ياحبيب بالى واسع وصدر رحب فى النقد المميز
واى ياحاجة ممكن اتسامح فيها عداء مهدى الله والانصارية |
هسه ده كلام شـنو 
إنت ما فى وضع تسـامح أو عداء
ده تاااااريخ
وتاريخ أمة
وبعدين بعد ما مات المهدى جوا التعايشـة
الأنصار الجدد جابوهم الإنجليز
ودى المناظر لكن الموضوع بوسـت منفصل ما تسـتعجل
تحياتى
رأفت ميلاد
| |
|
|
|
|
|
|
|
|
|
Re: هل وصلتكم هذه الرسـالة ? (Re: salma subhi)
|
Quote: كدي عشان الناس تصدقو
خليهو يسخطتني..
ومن هسه انا واهب نفسي ضحية
عشان الناس ماتتورط ساكت
خليهو يقلبني
ككو..
ولّ
أمبعلو ذاتو
قال مهدي قال
ويارأفت أخوي
المسيح الدجال
ماقال جاي قريب |
ككو و أمبعلو يا منعم
المسـيح الدجال قالوا قد لا يكون شـخص
كل الحاصل ده يمكن يكون المسـيح الدجال
بن لادن على بوش على الترابى على صدام
على صاحبنا الفوق ده .
قول يا لطيف
كل سـنة وإنت والعائلة بخير
تحياتى
أيها الصديق الشـجاع
أخوك
رأفت ميلاد
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
العزيزة لنا
Quote: | Quote: الأنصار الجدد جابوهم الإنجليز |
غايتو كلامك أعلاه ضرب كلامك أدناه:
Quote: ده تاااااريخ
وتاريخ أمة |
في مقتل.
لو دة تاريخ ذاكر كويس!!
لنا |
أجد فى النقاش معك دائمآ صعوبة بالغة
أحترم شـخصك ولا أريد أى تماس سيئ بيننا
نعم قد أكون مخطئ هنا أو هناك وهذه طبيعة البشـر
فأرجو إدراج رأى يؤكد ذلك
(وسـأذاكر كويس)
وهذه طبيعتى فأنا أتعلم كل يوم
فالعلم من المهد للحد
مع إحترامى
رأفت ميلاد
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
Quote: أجد فى النقاش معك دائمآ صعوبة بالغة
أحترم شـخصك ولا أريد أى تماس سيئ بيننا
نعم قد أكون مخطئ هنا أو هناك وهذه طبيعة البشـر
فأرجو إدراج رأى يؤكد ذلك
(وسـأذاكر كويس)
وهذه طبيعتى فأنا أتعلم كل يوم
فالعلم من المهد للحد
مع إحترامى
رأفت ميلاد |
الحبيب رأفت و أنا أحترم شحصك و قلمك أضعاف.
ولولا ذلك لما وجدتني ببوستاتك حتى لو في خانة المناكفة
ولذلك تجدني أداخل لك و أحب أن أعرف كيف تفكر و لماذا كتبت كذا أو كيت
ولكي يكون كلامنا موضوعياً رجاء أن توضح ما المقصود بالأنصار الجدد الجابو الإنجليز
محبة و تقدير
لنا
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
Quote: أجد فى النقاش معك دائمآ صعوبة بالغة
أحترم شـخصك ولا أريد أى تماس سيئ بيننا
نعم قد أكون مخطئ هنا أو هناك وهذه طبيعة البشـر
فأرجو إدراج رأى يؤكد ذلك
(وسـأذاكر كويس)
وهذه طبيعتى فأنا أتعلم كل يوم
فالعلم من المهد للحد
مع إحترامى
رأفت ميلاد |
الحبيب رأفت و أنا أحترم شحصك و قلمك أضعاف.
ولولا ذلك لما وجدتني ببوستاتك حتى لو في خانة المناكفة
ولذلك تجدني أداخل لك و أحب أن أعرف كيف تفكر و لماذا كتبت كذا أو كيت
ولكي يكون كلامنا موضوعياً رجاء أن توضح ما المقصود بالأنصار الجدد الجابو الإنجليز
محبة و تقدير
لنا
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
ولد يا رافت
الجزية حتدفعا لي انا
الناس ديل العالم كلو اتغير ودخل مرحلة الدولة المدنية الفدرالية الديموقراطية وهم لسع في غيبوبتم السعيدة والبلد بلدنا
هسه المسيحيين في السودان علاقتم شنو باحزاب السودان لقديم البائسة والما تطورت لا كما ولا نوعا والله احزاب السودان القديم دي بتزكرني بقرة بني اسرائيل
يكلموك عن الدولة المدنية بجيهة ويكلموك بامام اوشيخ من ناحية اخرى
الدولة المدنية ما فيها كلام ذى ده
فيها احزاب سياسية وليس احزاب دينية..يعني ذى التجمع كده ممكن يكون حزب سياسي حقيقي...
ممكن وممكن جدا رافت الميلاد يكون رئيس جمهورية ويكون قاضي ويكون ذى المرحوم سليمان ضابط في الجيش...وهذه يبشر بيها مشروع واحد هو مشروع الحركة الشعبية السودان الجديد
والدولة المدنية الفدرالية الديموقراطية واي حاجة غير كده زبد
فقط لا يذهب جفاء
يا ود ميلاد
انت معانا
او مع التانين
واتذكر
الجزية حتدفعا لي انا وبدولار والتلفون للتحويل في البروفايل ..والا....
| |
|
|
|
|
|
|
|
|
|
Re: هل وصلتكم هذه الرسـالة ? (Re: adil amin)
|
| Quote: الأنصار الجدد جابوهم الإنجليز |
الحبيب رافت معليش اظنك لاتدرى معنى الكلام الذى تكتبة
ارجو متكرما تسير هذة الجملة
من هذا الشخص الذى صنعة الانجليز واتوبه الى سدة الحكم فى السودان
| |
|
|
|
|
|
|
|
|
|
Re: هل وصلتكم هذه الرسـالة ? (Re: محمد عادل)
|
Quote: لم تصلنى !!! و اذا وصلتنى سوف !! اتبول ! عليها !!!
عبدالماجد |
لا حولة ولا قوة إلا بالله
تعرف يا عبد الماجد
إنت ما حايقلبك أم بعلو
ولا ككو . إنت خليهو ساكت
تحياتى
وكل سنة وإنت طيب
رأفت ميلاد
| |
|
|
|
|
|
|
|
|
|
Re: هل وصلتكم هذه الرسـالة ? (Re: رأفت ميلاد)
|
Quote: الأستاذ رأفت ميلاد
لك التحية متبوعة بالاحترام والتقدير لشخصك الكريم
ذي الرسائل دي انتشرت بصورة فظيعة ودي كلها خرافات |
العزيزية سلمى صبحى
للأسف هذه الخرافات قد يكون لها صدى
نحن يا سلمى يا سلمى ليس هذه الصفوة التى تلمنا
لا أقصد البورد فقط ولكن كل من حولنا فى حياتنا العادية
السـواد الأغظم على إمتداد بلادنا الكبيرة جدآ يلفهم الفقر
والجهل والإنفصال التام من العالم . (والغرقان يتعلق بقشـة)
ولا أدرى هذا المهدى إختار النت . لا أعتقد بأنه غبى ولا يعلم
هذا ليس الوسط الذى يبحث فيه .
يبقى السـؤال ما هى المؤامرة هذه المرة
كل سـنة وإنتى طيبة
تحياتى
رأفت ميلاد
| |
|
|
|
|
|
|
| |
رأفت ميلاد
Abureesh
نصار
ابي عزالدين البشري
شهاب الفاتح عثمان
محمد عادل
adil amin
Tragie Mustafa
lana mahdi
salma subhi
فيس بوك
تويتر
انستقرام
يوتيوب
بنتيريست