|
|
|
 Re: هـُنــا أثيوبيــا .. نقرشـة برائحـة البـُن (Re: tmbis)
|
تمبس الجميل
الشوق بكميات تجارية
إنت عارف ( تلاهون ) ده الحبش بقدسوه عدييل كده
قبل خمسة ستة شهور حضرت ليهو حفلة ( لايف ) في البحرين
الراجل بقى عجووز ومن مرض السكر بُترت رجله اليمنى من أعلى الفخذ
لكن رغم ده الراجل مازال يسكرك حين يغني
نجوم الغد بتاعم فيهو شمولية أكثر
يعنى بضم ( الرقص ) ودي أهم حاجة عندهم وفاتحين ليها معهد عديل
حاولت أسجل البرنامج بس الفترة الممنوحة للمتسابق لا تتعدي دقيقتين
عشان كده ماقدرت أنزلهم يعنى يادوب تركز معاهو زمنو ينتهي
تمبس
أصابعك وزوقك محتاجنهم في البوست ده
أها متين العودة تاني يااا ؟؟
| |
 
|
|
|
|
|
|
|
|
Re: هـُنــا أثيوبيــا .. نقرشـة برائحـة البـُن (Re: ثابت محمد)
|
يا ثابت يا أخوي إن أراك من المستحبشين في الأرض شأنك شأن تمبس وبي حركاتكم دي حا تضيعوا لي أغنية علي إبراهيم اللحو "معروف الجمال الأصلي في السودان ، وشوف عيني الحبيب بي حشمه لابس التوب" وما بين اللابس التوب واللاب توب مقدار مسافة يقاس بعرض ولو سفر وطول ساريس وإيربورت منقد
| |
|
|
|
|
|
|
|
|
|
Re: هـُنــا أثيوبيــا .. نقرشـة برائحـة البـُن (Re: almulaomar)
|
| Quote: يا ثابت يا أخوي إن أراك من المستحبشين في الأرض شأنك شأن تمبس |
الملأ عمر
حياك الجمال وأضحك الله أوقاتك
إن لم نستحبش سنكون من القواعد
| Quote: وبي حركاتكم دي حا تضيعوا لي أغنية علي إبراهيم اللحو "معروف الجمال الأصلي في السودان ، وشوف عيني الحبيب بي حشمه لابس التوب" |
يُحكى في التاريخ أن
أرض ( السودان ) كانت تُطلق على أرض السودان وأثيوبيا
بعدين ياخ السودانيين غنو كتير للحبش
ماسمعت النور الجبيلاني بغني لـ مدلينــا
الأم سليلة أمهرا والوالد من قلب أثينا
ترك الخلان ذات مساء وترنح براً وسفينة
وتلاقت قمم يامرحى ونتاج اللقيا مدلينــا
ثم أغنية الحقيبة
سيدة وجمالا فريد خلقوها زي ماتليــــد
ماتليد هذه يُقال أنها أثيوبية فائقة الجمال عاشت في السودان
برجع ليك خليك قريب
| |
|
|
|
|
|
|
|
|
|
Re: هـُنــا أثيوبيــا .. نقرشـة برائحـة البـُن (Re: ثابت محمد)
|
في شهقه كده يا ثابت لمن الواحده أو الواحد يوافقك في الرأي بالله تحلف تقول آخر شهقه ، واحدين قالوا دلع وواحدين قالوا لقلة الأكسجين بإرتفاع أديس أبابا عن سطح البحر وواحدين قالو شفنا الشافا ، بس يعني شنو هم بيشهقو ونحن بنتشهق وكلو فتح خشم في النهاية.
| |
|
|
|
|
|
|
|
|
|
Re: هـُنــا أثيوبيــا .. نقرشـة برائحـة البـُن (Re: ثابت محمد)
|
الله الله
الأعزاء
ثابت و تمبس
شكرا لنقل هذا الجمال .. الشعب الأثيوبي و الأريتري شعب جميل و مضياف .. انا والله نفسي أزور
اثيوبيا و اريتريا .. لكتره ما حدثوني عن جمال البلد و خدارها و نضافتها و فوق ده كلو شعبها الجميل
انا من محبي الموسيقي الأثيوبيه ,, و أكتر شئ بيعجبني في غناهم صوت الساكسفون الحنين و صوتهم و الموسيقي الهاديه . و اللحن الماليهو مثيل
تحياتي ليكم و يا ريت تتحفونا بألمزيد
| |
|
|
|
|
|
|
|
|
|
Re: هـُنــا أثيوبيــا .. نقرشـة برائحـة البـُن (Re: Sakotaweya)
|
لكين البعجب أكتر الرقيص لا تقول فريع البان ولا البسوح نديان ولو قدر لك زيارة أثيوبيا ما تنسي تزور Langanoo و منتجع Sowdari وفي مكان كده بين هرر وأديس أبابا بالطريق البري إسمه Assabat Taffari وفي كمان أواسا الله يكفينا شر الكواسه ويضوقنا الأنجيرا أم عواسه ما خمج وأبعد من حتات الزحمة في العاصمة أديس أبابا ناس Tekla Hymanout وWaloo Safar وMarkato والأخيرة دي كلها نشالين ينشلوك ويرجعو ليك النشلوهو منك وإنت مقهي وما ناقش حاجه
| |
|
|
|
|
|
|
| |
ثابت محمد
مزاحم الضوي
علوبه
قرشـــو
tmbis
almulaomar
القلب النابض
فيصل نوبي
Sakotaweya
elhilayla
Muna Khugali
محمود ابوبكر
Moawia Mohammed
فيس بوك
تويتر
انستقرام
يوتيوب
بنتيريست