|
|
|
 Re: منعم سليمان (بيجو) حمد الله علي السلامة (Re: عبد المنعم ابراهيم الحاج)
|
ناس تمشي اريزونا
وناس تمشي تكلباب
وناس بدون ما تمشي توصل
وناس تقابل الترابي
وناس تقابل نقــــد
وناس تقابل المهدي
واحنا بنقابلهم التلاته
ومنعم الحاج في اريزونا
ومنعم سليمان في مرضونا
ومؤنيم سليمان في شبقونا
وشيخنا لاجل غير مسمي (الترابي) في نيالا
وانا وعصام عبدالحفيظ في نيالا بعد يومين
ولا علاقة للزيارة الثانية بالاولي
وعلي القراء وبعض الاعضاء مراعاة فروق الوقت
والشيخ شغال تأليب
وانا مع التاليب
والقوات الدولية قررررربت
وما حتدق في العارضة
والخرطوم اسكتوا سااااكت
وامس احتفلنا في الميدان الشرقي بفوز التحالف
شربنا
وما
روينا
وضحكنا طويلا
وصدقوني ان القادم احلي
قد تتخله فوضي
وقد اموت انا
او يموت احد اقاربك
او اقاربهم
ولكن سيعيش السودان بعدها طويلا كثيرا
وجبهة الشرق يا صديقي منعم الحاج كلام تاني
مافي مؤسسية
في اقصاء
مافي فهم سياسي وبرنامج واضح للفترة القادة
في تسرع وحرب مناصب
وربنا يستر ع الهامش من اهل الهامش
والفترة القادة ستشهد المثير الخطر
وربنا يسهل علي انسان الشرق
من فلان ... وفلان .. ويخلي فلانة .. وفلان ... وفلان ...
ووا آسفاي
هل اتاك حديث الحكومة هذة الايام ؟
وهل سمعت بوقعة عبدالرحيم محمد حسين في اثناء انفجارات الذخيرة ؟
ومن ضحك علي الوقعة الواقعة ؟
ولماذا قبض علية ؟
واين الكاميرا ؟
والواقعة ما الواقعة .. وما ادراك ما الواقعة ....
صديقي منعم والمتداخلين/ت الاعزاء
القادم صعب جدا
لكنة حلو
وياتيك بالاخبار من لم تزود
وبكري معانا ما همانا
......
يا ربي اناغ قلت شنو وليه ؟
منعم
| |
 
|
|
|
|
|
|
|
|
Re: منعم سليمان (بيجو) حمد الله علي السلامة (Re: عبد المنعم سليمان)
|
| Quote: أخسر فيني كرت تعبئة زي مابتعمل مع { نفيسة} |
نفيسة (جلدة) يا ابوساندر وعشان كده منعم (مضطر) يركب الصعاب ويعبي الكرت...
...
Quote: وقالو لي كنت بطل المقاطعة للبضائع المحمد الجمعية البخسة
وكمان قالوا لي ود قريش وملاسي ومن لف لفهم كانو مع التطبيع |
ابطالها يامنعم صحبك كوستاوي وهباني (الدود النتر)
وجضموا نضال كيبوردي لحدي ما السيرفر (اااااامن ذاتتو)
ومنعم ب برفضو شايفو فتح (دانات تقيلة) وكل الشباب الحلويين كانو في الصفوف الامامية
اسعد وعادل عبدالعاطي وبشاشا وتراجي وعييييييك
...
شنو ياخي ما فيها صورة تاني مع ابو الشيوخ..
| |
|
|
|
|
|
|
|
|
|
Re: منعم سليمان (بيجو) حمد الله علي السلامة (Re: عبد المنعم ابراهيم الحاج)
|
| Quote: خلاص يا زول انت اتصور مع الزول البقدم (ايام لها ايقاع |
ها يا زول زولك شالو الصالح العام قبل شهر
ده صالح عام بتاع امين حسن عمر ( الانقاذ في ثوبها الجديد)
شيخك صاحب الصورة شال برنامجو وفات وخلا الناس قاعدة ام فكو
تنظيم ابطاله عب رحيم وعمو نافع وسيادتو البشير والولاد امين
والخطيب وغازي والبقية تجار وانتهازية واثرياء حرب من المركز والهامش
تصدق تحت تحت حتي علي عثمان اصبح من المغضوب عليهم ..
هسع لو قالو التحول بالتفاوض الناس ديل يتكلموا معاهم بياتو لغة ..
______
مصطفي محمود شكرا يا صديقي يا رائع
منعم
| |
|
|
|
|
|
|
|
|
|
Re: منعم سليمان (بيجو) حمد الله علي السلامة (Re: عبد المنعم سليمان)
|
Quote: ناس تمشي اريزونا
وناس تمشي تكلباب
وناس بدون ما تمشي توصل
|
وناس غرقانة للدّو في العسل..
والسكناب عندك ..
نان هرّيوا ..الجماعة
السدرة ما زحوا منها
ولا قيد سالفة..
غبار تراكم حول سروبات
سفّاها الزمن ..والناس
هللت وكبرت ..وخسرت
ارواح ..وقري اترحلت..
ومداين كانت محروسة
بالضلالات ..وهدومها مفصلة
علي مقاسات الحال..
ومفصولة شقين..
التياب في مكان...والسديري
والشوتال ..في مكان آخر
والتناسل في الخفاء حتي من
نفسك..
ما في زول ضد "الثقافة" او يفترض
انو مصلح عشان يغير احساس في
وتر الشنبر الذي اندغمت عليه
ايقاعات قبائل لكن الظلم واقع
من سنين..العندو فارد جناحو
ومكتم علي البائس التعيس..
والماعندو تشلتو الظروف..ومضطر
يتجوقر بي غبنو ..ومافي زول
يشاركك مرارة الحنظل ..
واياك تشتكي ..حتي الي نسوانك..
مافي زول بكلم مرتو في
مخيال الشرق..والوضع زي
ماياهو..والله احبطني شديد
لما قلت:
- الناس تفتش في الكراسي عشان
تتوهط ..وعشان تكمل الكبري
البداهو الشيخ "بامكار"
بين جدة وسواجن..اها هسة الناس
مضطرة تمد الكبري لا عند سيدني..
انا حزين ..حزين ..للشهداء
السقت دماهم خلا "كدبوت " وخيران
طوقان.. وسواحل عقيق وهمبكاييب..
والفورة الف الناس لاحقةشنو؟
ما هو كلو عجوة بالديت..
وفي كل شبر قرنيت منزوع التيلة..
اه من دي "النيلة" علي رايك
يامصري ..
منعم عايزين تفاصيل
| |
|
|
|
|
|
|
|
|
|
Re: منعم سليمان (بيجو) حمد الله علي السلامة (Re: هشام هباني)
|
هباني الكلس المغوار..المطلع
زيت الكيزان..والناس الراسها
بوار..تعرف يالحبيب..
انا باقي طولت شديد..وملامح
الناس ظاتوو راحت ..فايز
ده كان قلت ليك آخر مرة
شفتو فيها في التمانينات صدقني
لكن منعم (أ) بجيب خبرو
عامل فيها يساكك من بحري
لا قبلي ..ومتلكلك بين حجار وحصحاص
لك التحية
| |
|
|
|
|
|
|
|
|
|
Re: منعم سليمان (بيجو) حمد الله علي السلامة (Re: عبد المنعم ابراهيم الحاج)
|
ودالحاج منعم
ممكن أعكنن ليك البوست ده حبة؟
البورد مدور لبع نضيف، وأنا رحت فرق الرجلين ساكت..
والدواس ما بناباهو، لكن مافي زمن..
منعم أ من ما صافح الشيطان، بقيت قدر ما أشوفو، إتعوز.. والعياز بإله بشاشا، آمون..
______
المهم يا قريبي أنا داير شكلة إن شاء الله يصلحونا بعد 5 دقايق.. المهمة شكلة..
| |
|
|
|
|
|
|
|
|
|
Re: منعم سليمان (بيجو) حمد الله علي السلامة (Re: عبد المنعم ابراهيم الحاج)
|
| Quote: اول حاجة طلّع الصامولة من عصاتك |
معناتا يا منعم إنت كنت مُضِر خلاص..
كمان لو الزول طلع صامولة من راسو وربطها في عصاتو، والله إحتياطي مركزي ما يحلنا
_______
واحد شكلنجي محترف بوصي في صاحبو عشان عندو شكلة مرتقبة؛ قال ليهو:
دُقو في صفحاتو، الوجع بيظهر ليهو بعد يومين تلاتة..
وأردف: أختى الرأس.. الراس حق الحكومة..(خايف عليهو من السجن)..
أها يا منعم، هنا في سودانيزأونلاين، في شكل بيوجع في التو وبستمر إسبوعين تلاتة..والزول الضارب قاعد يتبختر في المنبر..
وفي شكل (أرعن)، لأنو أحد طرفيه كيشة، يقوم يتهور ويطلع ليهو كلمة ما ياها، و الجماعة يبقو ليهو في رقبتو.. ويجي بكري يلحقو غنم زهرة يا قول كيكي:
الشكل يا منعم الناس مابنو، وأي زول يقول ليك بوستات كلها مشاكل؛ وتلقى بوست المشاكل عدادو سما
نحن غايتو مع النقلة الحلوة، لينا ولا علينا..
| |
|
|
|
|
|
|
|
|
|
Re: منعم سليمان (بيجو) حمد الله علي السلامة (Re: Yassir Tayfour)
|
انت عارف ياياسر
زمان كدة في الابتدائي انا فعلا كنت زول شقي
والله ماوراك مضرتي ..طبعا ظاهرة كل ناس منطقة
عندها زعيم بيحرسها يمكن تكون موجودة في اماكن كتيرة
من السودان ..اها نحنا منطقتنا في كسلا السواقي الجنوبية
اسمها "ابوسوميت" أول مادخلت سنة أولي كان معانا عمي
ود عم ابوي ..بيقرأ في سنة خامسة الوكت داك ياداب غيرو
النظام من اربعة سنوات لستة سنوات سنة سادسة ماكان فيها
اي زول ..اها عمي دة قدر ماتجي فسحة ..يقوم يحرشني في
اولاد من سنة تانية وتالتة ..وصاحبك ضهروا قوي تبدأ المسألة
بالصراع ..والكجار وتتطور الشكلة من المدرسة ونمشي نتمها
في الخور ..بعد ما كانت بين نفرين تبقي بين منطقتين ..
معركة كل يوم مفلوق زول ..ومكسورة يد زول ومرات عركين
وهسة انا راسي دة لو حلقت صلعة ..تلقاهو مطقع زي صحن
السماد..بس كانت السكاكين "ممنوعة" والبلقوه شايل سكين
بقولو عليهو جبان ..اها هسة البورد زي ما قلت الناس
النفس بتاعها للمشاكل معدوم ..من قولة تيت تلقاها
جر صاحبه وفطسو في الخور ..مع منعم صاحبي دة عايزين
نتكتك المسالة شوية
| |
|
|
|
|
|
|
| |
doma
فاروق حامد محمد
Mohamed Ahmaed Olyesh
عبد المنعم سليمان
عبدالكريم الامين احمد
أبو ساندرا
Mustafa Mahmoud
هشام هباني
Yassir Tayfour
Mutwali Malik
Kostawi
ريهان الريح الشاذلي
يازولyazoalيازول
عبدالعظيم عثمان
رأفت ميلاد
فيس بوك
تويتر
انستقرام
يوتيوب
بنتيريست