|
Re: إمتداد الصحافة ... وكما نحبه (Re: HAYDER GASIM)
|
الأخ عيدروس حجر
تحايا من القلب
Quote: تابع توثيقك فليس هناك مجال للتوقف فالاستمراية واجب صحافي فى صحافتنا .
فمن غيرنا يعطى للصحافة معنى ان تعيش وترتقى ؟؟ |
صدقت والله.. الصحافة وأهلها الطيبون يستحقون كل خير.. ويعجبني فيهم تعارفهم وتواصلهم مع بعضهم البعض خاصة شباب الحي.
بعد غيبة طويلة من الوطن عدت الى الصحافة عام 2000 وصادف وصولي يوم عيد الفطر المبارك.. البيت كله إمتلأ بالشباب الذين أتوا للمعايدة والسلام.. يا سلام يا أخ عيدروس والله ما عارف كيف أوصف ليك مدي فرحتي وسعادتي وكم سرني ذلك المنظر البهيج الذي إفتقدته كثيرا في الغربة وهو لمة الناس.. ما أجمل أن تشاهد كل الأخوان والأهل يجتمعون كلهم في يوم واحد ومناسبة سعيدة مثل العيد.. آه يا بلد.
تدور في خيالي دائما ذكرى أيام زمان الجميلة.. كنت أمشي كداري من مربع عشرين لغاية الصحافة زلط وأركب التاكسي أو البرنسات أو الحافلات (حسب المدافرة) من أمام إجزخانة الصحافة أذهب الى العمل في الصباح وأعود في المساء.. بالرغم من المعاناة في المواصلات لكن الحياة كانت حلوة.
| |
|
|
|
|
|
|
Re: إمتداد الصحافة ... وكما نحبه (Re: عزيز عيسى)
|
الاخ العزيز
معاوية ..
تحياتى .. مشكور على مداخلتك واهتمامك بالرد على سؤالى
اخوك من مربع (16) حلة خمجان منزل رقم (9) فاتح على خور جانقى
رابطة العشرة سابقا .. سكنت الصحافة عام 1973 منزل العائلة حاليا
خرجت من السودان مغتربا (1988) ولم اعود اليه الا عام (2003) و (2006)
من مربع 24 مربعكم ما بعرف زول بس كان(بخاري سليمان ) سكن فترة ورحل
مربع (23)
ولكن مربع 20 عرفت مجموعة
من الاصدقاء والاخوان .. منهم من انتقل الى رحمة الله ومنهم من هاجر
خارج الوطن والاخر يكافح داخل السودان .. ذكرياتى جميلة فى الصحافة
وخاصة مشاكلنا مع ناس العشرة .. وان شاء الله اذا سنحت فرصة بحاول اتذكر
ما اتذكره فى صبانا .. آه آه آه اتذكر يا عزيز مدرسة العروبة
وحيدر قاسم والفاتح وعمر الناظر محمد الناظر والوكت داك الزى المدرسي
كان (ردا) فى الثانوي وكانوا بيفطروا (بوش) فى دكان اليمانى
ذكريات لا تنسى ابدا ...
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الزول الجميل حيدر وقاسم،
Quote: اخونا ... عزيز عيسى
مقدمك يطيب خاطرنا قبل ديارنا ... فمرحب .
قريت البروفايل بتاعك ... ولأول مرة تضحكني { الغتاتة } خاصة
فى نمرة التلفون ... إنت يا عزيز ... على حافة الجنون ... ول شنو ,
|
بيني وبينك كدا الجن حاصل وكويس البروفايل عجبك.. عملتو مخصوص وعايز الناس اللي في أمريكا يتصلوا بي.. وشكرا كثير على النكة..
ذكرتني حادثة حصلت لي.. أيام زحمة المواصلات ديك كنت واقف بالقرب من سينما كوليزيوم وجات برنسة وجرينا وراءها وبعد مدافرة شديدة وجدت لي خانة وقعدت فيها ما لاحظت خط المواصلات إفتكرتها شغالة على خط الصحافة زلط.. أخوك اليوم داك كان تعبان ونعسان شديد.. أخدت لي دقسة ولما فتحت وجدت البرينسة ماشة في شارع مدني الخرطوم.. قعدت أتاوق يمين وشمال إفتكرت نفسي مسافر مدني.. لكن بعد شوية قلت ما حصل سافرت مدني ببرنسة.. سألت الكمساري البرنسة دي ياتو خط.. قال لي: الصحافة شرق.. إضطريت تاني أخذ تاكسي أجرة توصلني الصحافة مربع 20. شفت العوجة والشلاقة ودتني وين؟
Quote: عزيز ... خلى القتاتة ... وأبقى مارق , ورينا من وين فى الصحافة , وما
أوسعها حين الرحابة ... وما أضيقها حين التعارف .
مع مودتي
|
بصراحة يا أخ حيدر أخوك من ناس مدني.. لكن عشت فترة طويلة ما بين الإمتداد الدرجة الثالثة والصحافة.. عشت خلال السبعينيات في الصحافة مربع عشرين - منزل رقم 5 فاتح على مركز صحي الصحافة غرب والجامع.. أبناء شقيقتي منهم عمر محمد عثمان.. وحسن محمد عثمان.. وياسر وعمار محمد عثمان معروفين في الحي. علاقتي بأولاد الصحافة كانت محدودة نظرا لإرتباطي الوثيق بأولاد الإمتداد مربع 11 طبعا الكورة أعطني فرصةأبني صداقات مع العديد منهم.. في الصحافة مربع 20 أعرف أولاد صباح الخير.. أولاد دهب.. سيد وعلي.. والصحافة دي حمت كل مربعاتها. هاجرت على السعودية عام 1979 ثم الى أمريكا ومقيم بالأخيرة منذ عام 1987م.
أها عايز زيادة تاني.. كدي عرفني بنفسك.. وأكيد بنكون تقابلنا.
مع صادق مودتي وتقديري
| |
|
|
|
|
|
|
Re: إمتداد الصحافة ... وكما نحبه (Re: عزيز عيسى)
|
بسم الله الرحمن
الله أكبر ... الله أكبر
بيان عسكري { رقم تسعة }
بدك من سنابك خيلكم الإسفيرية ... بقصف مدفعي من ذكرياتكم الجملية ...
بزخات من مشاعركم الدفوقة ... بحبكم للصحافة وغيرتكم عليها ... سقطت
الصحفة التاسعة مفسحة الطريق لما يليها ... والذي هو فى تقديرنا مزيدا من
التحدي ... وكثيرا من الجهد لا يزال ينتظرنا ... لكننا لا نهاب المعارك
ولما خضنا غمارها حتى أصبح بوستنا هذا من أميز ما في هذا المنبر ... وهذا
مفخرة لنا اجميعن .
مواطني الكرام ...
لقد أحرزنا هذا السريع والخاطف ... بتضافر عدة جهود ... يتقدمها حرصكم على أن
نعلى فى إسم ومقادير الصحافة ... لأيماننا العميق بأنها تستحق ... بل وأكثر من
من ذلك , كما ساهم فى هذا النصر وفدة عضوية جديدة من أبناء الصحافة إلى هنا ,
منهم احمد العجوز وعيدروس وعزيز عيسي وأبو عبيدة حسن ... وبقية العقد الآلق ,
فيما تحصنت دفاعتنا هذه المرة عبر القشاش الملتهب غباشي ... بينما ظل معاوية
فى الهجوم يقدم مهاراته المعهودة فى شتى ضروب الفن والتصويب والتحكم ... فأحال
الميدان إلى واحة غناءة ... ومخملة تسر الناظرين ... وتعطر الأنفاس ... وتخلب
النفوس .
مواطني الأعزاء ...
لقد كسبنا هذه الجولة الإسفيرية فى زمن قياسي ... رغم وجود عدد كبير من لاعبينا
خارج الفورمة , لأسباب تتعلق بالإصابات والعوارض الخارجة عن الطوع , فلولا ذلك
لما كلفتناهذه الصفحة اكثر من إسبوع . عموما سوف ننظر فى الحالات التي أشرت
إليها فردا فردا ... وسوف نطرح الامر على حكيم أسرتنا الإسفيرية الأخ عمر عبد
السلام , حتى تلتئم كل قوانا من جديد وعلى أتم صحة وبكل عنفوان ... فنحن نخوض
معركة لا نرى فى الأفق المنظور لها نهاية ... إلا أن تنتهي الصحافة ... والعياذ بالله .
مواطني الأفاضل ...
لا يخفي علينا أننا وبالطبع لجملة أسباب موضوعية ... فقد تم { تثبيت } بوستنا هذا
لزهاء الإسبوع على صدارة الصفحة وضمن العناوين الكبيرة , فهذا أيضا من فضلكم وتوفركم
لأمكم الرءوم الصحافة وإستجابتكم لندائها { المقدس } ... وهي حرية بالطوع ... مع
هذا فنشكر الاخوة فى إدارة هذا المنبر وعلى رأسهم الاخ بكري أبو بكر ... ولما أنصفونا
فتجملوا بنا ... سنظل نقدم لهذا المنبر ومن خلال هذا البوست على وجه التحديد
والموضوعات الاخرى على وجه العموم ... ما يشرف القارئ ويحترم عقله ويشنف آذانه ,
فالصحافة رسالة ... بلا حدود .
أهلي وصحابي ... الأماجد
ونحن نعبر للرقمية الثنائية { double digit } بوصولنا إلى الصحفة العاشرة ,
كنا سنكون أعلى بوست فى هذا المنبر لجهة عدد الصفحات , وفى تنافسية عالية لجهة
عدد القراء والكتاب ... لكن أخونا أبو الحسين { صاحب موضوعة الشوايقة } يتقدم علينا
بصفحة , ومع أنه من أبناء الصحافة الميامين والمثابرين ... إلا أنه يضعنا أمام أمر
واقع نسعي لمداركته , فى هذه اللحظة نثمن صوت العقل والحل السلمي , بل والتعاون إن
شئتم ... دون أن نحجب صوت الحقيقة ... ولكل مقام مقال ... فمنافسينا غالبا ما يخسرون
كما تستأنس بذلك دروس وعبر التاريخ ... أنظروا لإمتداد الدرجة الثالثة ... وكيف
إنتزعنا حقوقنا التاريخية من جوف إدعاءآتهم ... فعادت محط سبعة إلى أحضانها الصحافية
الدفوء .
أخيرا ... أعزائي
أنعموا بثمار هذا النصر وإستطعموا حلاوته ... دون بطر ولا غرور ... فالنصر عندنا ليس
نهاية المطاف ... إنما المعبر والحافز لمزيد من النجاح ... في معركة كما قلنا بلا
نهاية ... وفقكم الله ... وهو المستعان .
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الزعيم و الأحبة أأسف للغياب و قلة المشاركة و لكنه حزني الكبير على أخي محمد إسماعيل رحمه الله أسأل الله له المغفرة و الجنة و لنا الصبر و العزاء
إن شاء الله أواصل معكم في الذكريات , ولو سمحتلي لي يا عمنا أورد باقي الصور في داركم
محمد البشرى الصحافة شرق مريع 40 - منزل 95 رقم (سابقا)
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
تهنينا بالصفحة العاشرة ...
اتابع باهتمام جدا ولكني كنت لا استطيع الدخول ما عارفة الحصل شنو ...
من الصورة بتاعت الشباب ما عرفت غير م. مامون وهو رغم السنين الا ان شكله لم يتغير ، وحتى الان يعمل بشركة دال .. اخ وصديق عزيز للاسرة ..
| |
|
|
|
|
|
|
Re: إمتداد الصحافة ... وكما نحبه (Re: انعام حيمورة)
|
الفاضل عزيز عيسي
بيتكم فيهو (دكان) فاتح على المركز الصحى وسوق 19 ...
اخوتنا الفاضلة انعام حيمورة
Quote: اتابع باهتمام جدا ولكني كنت لا استطيع الدخول ما عارفة الحصل شنو ... |
والله افتكرنا مراسلة الصحافة حيمورة فى(غوانتينامو) الحمد لله طلعتى افراج
العتب عليك يا سيد الحوش (حيدر)
مرحب بيكم وعودا حميدا مستطاب ..
| |
|
|
|
|
|
|
Re: إمتداد الصحافة ... وكما نحبه (Re: علاء الدين حيموره)
|
Quote: أأسف للغياب و قلة المشاركة
|
شكرا ... عزيزنا محمد بشرى ... والظرف الإنساني الذي مررتم به ولما
يتعلق بوفاة المغفور له محمد إسماعيل ... لهو أقسى من أن يحتمله
صديق قريب ... البركة فيكم مجددا .
مافى مشكلة يا حبيب ... فعد إلى أحبابك الصحافات ... تجد السلوى .
مع تقديري
| |
|
|
|
|
|
|
Re: إمتداد الصحافة ... وكما نحبه (Re: ahmed agooz)
|
الصحافة .... تلاتين ... أنت منا ... أم من السلاطين ,
مآااااخد راحتك يا حبيب , تقوووول كده تختفي ... ككادر سري ,
ثم تعود إلينا بالنغم ... وكل الروافع المعنوية ... فنحس حينها
أن غيابك هو الاجمل ... ولما يوافينا بعيون مستحقاتنا فى الإحساس .
فنننناااااان ... لاكين .
مرحب ... لكن ثمة أباريق فاضية ... وأملا التيبار ... بالله ,
فضيوفنا على الباب .
ودمت
| |
|
|
|
|
|
|
Re: إمتداد الصحافة ... وكما نحبه (Re: Moawia Mohammed)
|
السودان كله كوم ... وامتداد الصحافة كوم تاني ....
العالم كله كوم ..... وامتداد الصحافة كوم تاني ....
ويمكن .. ايمكن نرجع تاني ....
تحية مرة أخرى لكل ابناء تلك البقعة من الأرض .... يعني بالجد مافي مكان انا ممكن ارتاح فيه اكتر من المكان ده ....
ودمتم،،،
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: حزني الكبير على أخي محمد إسماعيل رحمه الله |
جاري في الجناح الشرقي لصحافتنا الجميلة محمد البشرى الخضر اسمح لى مشاركتك احزانك في وفاة اخونا محمد اسماعيل رحمه الله . واسكنه فسيح جناته وان لله وانا اليه راجعون
| |
|
|
|
|
|
|
Re: إمتداد الصحافة ... وكما نحبه (Re: omer abdelsalam)
|
اخوتى الاحبه
حيدر سيد الحوش .. هؤلاء قالوا فى الصحفة الاولى :
Quote: اشراقة حيمورة
فلنبدأ بالتوثيق للصحافة منذ بداياتها حين أهملت الحكومة توزيع الأراضي لمستحقيها ، وتبنت جريدة الصحافة هذه المشكلة وصعدتها حتى تم توزيع الصحافة كمنطقة تم التخطيط لها لتكون مدينة نموذجية. وكان هذا سبب تسميتها بالصحافة
عمر تيتاوي
اخى حيدر انا من الامتداد جيرانكم ومن الامتداد تحية لامتداد الصحافة
* عمر عبد السلام هذا البوست الذى يحتاج لابداعاتك وذكرياتك الجميلة
.. مبروك
فيصل محمد خليل
هم الذين قالو لا لحسن الترابي في اخر انتخابات ديمقراطية تمت
فالمجد لهم
عمر عبدالسلام
محسوبك من مربع 40 - الصحافة شرق ، وبالرغم من الهجرة الطويلة في المغرب ، مازالت الذاكرة تختزن الكثير من الذكريات عن هذا الحي الجميل . سأعود اليك كاتبا عن رموز واحداث عرفها الحي في سنوات سابقة واصل كفاحك . وستجدنا ان شاءالله من الداعمين لهذا البوست الفتي
|
وان شاء الله اكمل البقية ..
| |
|
|
|
|
|
|
Re: إمتداد الصحافة ... وكما نحبه (Re: عيدروس حجر)
|
الزعيم و الاحبة لكم الشكر والتحية كما عهدت الصحافة و أهلها في الحزن و الفرح , مشاركة صادقة و مشاعر نبيلة...
أواصل الذكريات المصورة, و هي تتعلق بنشاطات مختلفة لرابطة أبناء الصحافة بجامعة الخرطوم في التسعينات .
ولطول الفترة الزمنية قد تغيب عني بعض الأسماء , أرجو شاكرا التصويب ما أمكن
هذه الصورة لأحد النشاطات - أعتقد في أواخر الثمانينات- و يبدو فيها جلوسا أماني عبد الرحيم -مربع 38 مدثر الرشيد - 37 .................. نصر الله عطا الطيب عبد اللطيف - 40/29 و وقوفا في الصف الثاني سيف الدولة - مربع 17
نواصل....
| |
|
|
|
|
|
|
Re: إمتداد الصحافة ... وكما نحبه (Re: محمد البشرى الخضر)
|
الصورة من أحد كورسات التقوية لطلاب الشهادة السودانية اللتي دأبت الرابطة على إقامتها سنويا كنوع من رد الجميل نحو الصحافة و أهلها
الكورس كان في مدرسة العباس بن عبد المطلب -مربع 21- سنة 94 الجلوس من اليسار صلاح صديق - مربع 21(سابقا) شوقي - 17 هيثم 25(سابقا) فخري- 23 (غير متأكد) وليد عباس - 17 صلاح الحامولي - 41 البقية من الطلاب
| |
|
|
|
|
|
|
Re: إمتداد الصحافة ... وكما نحبه (Re: محمد البشرى الخضر)
|
فاتني أن أذكر أن الدكتور الصيدلي/محمد إسماعيل(رحمه الله) كان هو مدير الكورس المذكور إذ كان يشغل منصب السكرتير الأكاديمي
الصورة التالية لأحد النشاطات الثقافية المصاحبة للمسابقة الأكاديمية اللتي تنظتمها الرابطة بين مدارس الصحافة الإبتدئية و المتوسطة - أتمنى أن يكون الجيل الحالي محافظا على هذه الأنشطة-
| |
|
|
|
|
|
|
Re: إمتداد الصحافة ... وكما نحبه (Re: محمد البشرى الخضر)
|
يا زعيم ... أنا شكلي حا أكمل ليكم العاشرة دي بسرعة بالله لو باريكم , قولوا عوك أو (عييييييييييييييك)* قبل ما اخش باكر إنشاء الله في صور الرحلة الجابها أبو عبيدة و دي بصراحة صور فيها وهمات و هجيج و حت شديد
أها... نواصل ولا يفتح الله
بتاعة.... *(عيييييييييييك) دي عاجباني من زمان و ما لاقي ليها جملة مفيدة مناسبة , فبالله مشوها
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
نادر ضرار
Quote: السودان كله كوم ... وامتداد الصحافة كوم تاني .... |
وجيتك لينا دي براها كوم تالت يا حلو ... و راجين منك المزيد لأنو كلامك ده ما طالع ساكت ... زي ما قلت ليك راجينك و عشان اطمنك عندنا اورغن بتاع الصحافة 30 (يعني لقيت ليك رفيق) ... يلا بسراع و بالله ما تتأخر تحياتي تتموسق بمقدار روعة أناملك ....
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
عيدروس حجر
Quote: الفاضل غباشي .. ان شاء سوف اقدم برنامج اسماء فى حياتناولكن من خلال بوست الاحباب الصحافة ( جهز الكاميرات ) وخليك مستعد..مشكور على المداخلة ( اشك انك صحافى غرباوي ) |
كاميراتي جاهزة و بالكرين كمان وإستعداد مية المية أنا مع الخال عمر عبد السلام (لزم) من الجناح الشرقي مربع 41
Quote: اظن عندك (امجاد) وما لاقى ليك زباين ،، كدى بشوف الكاشف اخوي (الفاتح حجر) وسيد الحوش (حيدر قاسم) نعمل لينا مشروع اسمو (الصحافة للتامين) وننظر فى امجادك |
أنا بالجد عندي أمجاد متمثلة في رفقة هذا الكم الهائل من الرائعين و المبدعين من أبناء الصحافة و من أجل ذلك أطلب منكم بالشروع في تنفيذ ما أسميتموه (الصحافة للتأمين) و ذلك للتأمين على التواجد ببوست إمتداد الصحافة و الحرص على المشاركة الفاعلة و إتحافنا بالدرر المنتقاة من زخم الزاكرة الخصبة ... فهذه أمجاد تضاف لأمجاد الصحافة الخوالد ... طوالي لقدام
| |
|
|
|
|
|
|
Re: إمتداد الصحافة ... وكما نحبه (Re: غباشي)
|
اخونا ... عزيز عيسى
كيف ... وحواف الجنون
ما نسيتك ... لكنها { المجابدة } هنا ... هناك .
محسبوك من مواطني الصحافة مربع 23 منزل رقم 240 ومن سنة 1969
الأولية ... مجلس بلدي القوز
الوسطى ... الخرطوم الاميرية
المعهد ... شمبات الزراعي
الجامعة ... الإسكندرية/إقتصاد زراعي
العمل سابقا ... وكالة التخطيط بوزارة المالية والتخطيط الإقتصادي
الإقامة الحالية ... كندا/تورنتو
وعود إلى الصحافة { القيافة } , فأعرف من مربعكم { 20} يس حسب الجابو ,
وأولاد القرير وعبد المنعم { جني } والمرحوم معتصم والمرحوم ابراهيم النعيم
وجاويش ... وآخرين ... وآخرين ... لكنها الذاكرة تعتصر من العمر نصف قرن .
اذكر فريقهم الرياضي وأظنه سلام عشرين ومدرسة الحزام شمال بنات الأولية والنادي
... وربنا يقدرني على الباقي ... فربما أواصل إن { سخي } التذكار .
مع ... مودتي
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
العزيزة ... إشراقة حميورة
سلمات
أظن المغني ... عباس تلودي ... وكان غلطان صلحيني ,
لكن ... وإنت لسع صغيرة وجاهلة ... فمالك متغولة فى
شغل الناس القدام ده ... { وجه ضاحك }
شكرا ... سيدة البوست
مع مودتي
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
شكرا ... شكرا ... شكرا
أخونا ضرار ... ونعم المقدم ,
فقد إبتدأتنا من عل ... وأنت تفاضل الصحافة على { العالم }
يا إلهي ... من أولاد الصحافة ديل ... يعشقون لدرجة الجنون ,
لكنها ... الصحافة ... ودوما تستحق .
مرحب بيك ... إتفضل جاي ... وأعملك شاي
... ولك كل الفضاء .
ومودتي
| |
|
|
|
|
|
|
Re: إمتداد الصحافة ... وكما نحبه (Re: غباشي)
|
Quote: ناس الصحافة .... سحروكم و للا الهدوء الذي يسبق العاصفة ؟؟ الشغلانية جابت ليها 130 مداخلة حتين الصفحة تقلب !! يللا همتكم |
صاحين كلامك ... يا غباشي ... وإن شاء الله إجيب { راسمالو } بس .
مع أن شعارنا هنا { الصحافة فوق } ... لكن فى الواقع نقعد نفتش لهذا
البوست فتيش ... فهذا لا يجوز ... أبقوا فى قامتها ... فالصحافة دوما
إلى العلاء .
مع مودتي
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الاخوة الاحباب
غباشي
وحيدر قاسم
الغياب من المشاركات لاسباب تتعلق بظروف امتحانات الاولاد وان ادري
غباشي اول لقاء حا يكون مع منو فى برنامجنا ؟؟
الكرين جاهز للتصوير ..
والكل مستعد ..
بس ناسين المخرج .. ما وصل لغاية هسع ؟ ؟
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الأحباب في بوست الصحافة نشارك زعيم حوش امتداد الدرجة الثالثة طارق جبريل الأحزان بوفاة والدته اليوم في الخرطوم ناس الإمتداد جيرانا واحبابنا ا .. وطارق دايما مشاركنا في حوشنا في الصحافة نرجو من جميع ابناء الصحافة مشاركة اخونا طارق احزانه ومواساته . ونطلب من زعيم حوشنا حيدر قاسم ، القيام بالواجب وتقدم الركب
| |
|
|
|
|
|
|
Re: إمتداد الصحافة ... وكما نحبه (Re: omer abdelsalam)
|
بإسم أسرة الصحافة الإسفيرية ... أتقدم بأمضى آيات العزاء للأخ طارق جبريل ,
لمصابهم الموجع فى والدتهم الكريمة ... رحمها الله وتولاها بصفحه وغفرانه .
أنقل كذلك النعي الذي كتبته فى البوست الخاص بهذا العزاء ... بإجتراح من
الأخ عمر عبد السلام ... أحسن الله العزاء ... وعساها آخر الأحزان .
Quote: للفقيدة الرحمة ... ولطارق وأسرته الكليمة ... حسن العزاء ,
شد حيلك يا طارق ... لاجل التجاوز فى معمعان الأحزان ... وهذا
لعمري من كبريات التحدي ... ولما نحن ننسج بقوة ومنعة فى نول
علائقنا الجينية والرحمية ... وكأنها لتعيش أبدا ... لكن لا ...
فالدنيا تكذب خيالنا ... فيرحل وفق جبروتها المتاهي فى إرادة
السماء ... حبايبنا ... آباءنا وأمهاتنا ... معزينا... وموشوجي
الصلة فينا ... واحدا تلو الآخر ... وهكذا الدنيا ... تقضي غرضها
... وتصيبنا على التدافع أو على التوالي ... فيمن نحب .
البركة فيكم ... وفى الصبر عزاء ... وللمرحومة الرحمة وحسن المقام
فى رفقة الملكوت الأعلى ... وإنا لله وإنا إليه راجعون . |
| |
|
|
|
|
|
|
Re: إمتداد الصحافة ... وكما نحبه (Re: محمد البشرى الخضر)
|
التحايا مزجاة للزعيم والأحبة أبناء الصحافة و يبدوأن غباشي نق في البوست: (التاسعة سقطت, العاشرة حا تسقط) لغاية ما عمك شكاها ووزعهاورجعنا سنة تامنة. لكن ما مشكلة التاسعة والعاشرة بجوا إن شاء الله
اليوم الساعة التاسعة - توقيت الخرطوم- تغادر طائرة الأخت إنعام حيمورة الإمارات في طريقها للبلاد نسأل الله لها سلامة الوصول
سنفتقدها هنا حتما لكننا سنسعد برؤيتها على صفحات الدار
| |
|
|
|
|
|
|
Re: إمتداد الصحافة ... وكما نحبه (Re: محمد البشرى الخضر)
|
Quote: التحايا مزجاة للزعيم والأحبة أبناء الصحافة و يبدوأن غباشي نق في البوست: (التاسعة سقطت, العاشرة حا تسقط) لغاية ما عمك شكاها ووزعهاورجعنا سنة تامنة. لكن ما مشكلة التاسعة والعاشرة بجوا إن شاء الله
اليوم الساعة التاسعة - توقيت الخرطوم- تغادر طائرة الأخت إنعام حيمورة الإمارات في طريقها للبلاد نسأل الله لها سلامة الوصول
|
شكرا أخ محمدالبشري
غايتو ... يا غباشي ... فى { هجمة مرتدة } هنا ... فورينا حرفنتك .
جميل أن تعود إنعام إلى وطنها الذي تحبه , فف هذا خير مشترك للوطن
ولإنعام على السواء ... فقط أتمني أن تكون قد حققت كل الأغراض الخيرة
فى هذه الرحلة الميمونة , فأقلها :
أولا... إستجمام من عناءآت السودان { النبيلة } وتجديد للطاقة واللياقة
... فالحياة فى السودان كما المعركة المتصلة الجولات ... إنطيها العافية .
ثانيا ... محصول مادي وافر لمشروع الامل العام ... ولاجل غادة ... حتى نطيب .
ثالثا... تعمير ماإنقطع من صلات الرحم ومن علائق المودة ... فما أوفى إنعام هنا .
رابعا ... ما يتيسر من متاع الدنيا { يعني ترجع بالشنط الكبيرة المستفة } وتستاهل
كل خير ... لتعيد توزيع هذه الحصيلة بين الاهل والأصدقاء فى إطار مشروع فرحها الدائم
بالناس ... فإنعام التي تهدي قلبها للوطن ... لن تحجب ما هو أقل ... ممن تحب .
خامسا ... واحد { عريس } مصلح ... وهو المحظوظ ... بالطبع .
تحياتي ... إنعام ... وبعد سلامة الوصول ... وتفقد أحوال الأهل والناس ... مري علينا
من هنا ... بالله .
مع مودتي
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
Quote: السادة الجيران والاهل بمدينة الصحافة العمرة اولا لكم التحية والاحترام علي هذا البوست الرائع جدا وعلي هذه المشاركة الغير مستغربة من الجميع واحب ان احيكم نيابة عن اهالي مربع 27 العامر اعزائي المشاركين كما عودنا اهالي الصحافة في كرم مشاركتهم وتشعب علاقاتهم الاجتماعية بمختلف القبائل الموجودة بالبلاد حتي ان الصحافة تضم تنوع قبلي غير معهود في مدن مماثلة بالعاصمة والولايات , وارجو ان يستمر هذا التواصل ما بين الجميع واقترح هنا بانشاء موقع اليكتروني باسم الصحافة نرجو من ذوي الخبرة في امر الانترنت المساعدة في هذا الامر ,وانا علي ثقة من ان الجميع سوف يساهم حتي يتحقق هذا الامر وشخصي الضعيف سيكون من اول المشاركين والمداومين في اعماله وللجميع التحية والاحترام واخص بالتحية الاخ حيدر جاسم رد الله غربته محمد ادريس صحفي بصحيفة الراي العام السودانية [email protected]
|
وصلت إلى بريد الصحافة الإلكتروني هذه الرسالة { المجيدة }
نرحب بالأخ محمد إدريس { من مربع 27 } ونتمنى أن يتواصل معنا
فى هذه السياحة الصحافوية الرائعة ... مع وضعنا فى الإعتبار
فكرته حول تأسيس موقع إلكتروني للصحافة , فهذا بالطبع تطوير
نوعي لأدب الصحافة فى تشابكاته الممتدة في صحائف التاريخ وفي
ميوع الأدب والثقافة وفى مسارب الحراك الإجتماعي والإنساني , نعم
فالصحافة كينونة مالئة بكل المتنوع السوداني , والصحافة هي رمزية
آخذة وصورة مصغرة للسودان الكبير .
فلنأخذ ما قاله الأخ محمد إدريس بما يستحقه من الإعتبار ومن الجدية ,
وأجدد فرحي وشكري لهذ القادم الجديد ... والقومة ليك يا محمد ...
أبقى داخل ... فنحن دوما متحفزين لكل صحافاوي ... وأنت تضيف صحافيا كمان .
مع مودتي
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الحبايب بدون فرز والله عندي مشكلة في اللابتوب عشان كدة ما قادر اشارك وكي بورد بكري معاي صعب عدييييل ( مابعرف انقد الحروف بالماوس مدة طويلة ) ود البشرى والله بكري احرجني معاكم , شابكم مارشات عسكرية وبيان هام والزعيم بنفسه القى البيان , بعد داك وقع قدر الله الكلام ده ختانا في تحدي جديد نحن اهلا له وللا ما كدة يا ود حجر الزعيم معليش مشورناك ما كنت قايل الباشمهندس حيغير السلم التعليمي في البوست انعام حيمورة عودا حميدا والزعيم ما خلى حاجة تتقال , حمدله على السلامة الحبايب واله ما ناسيكم ولا متجاهلكم لكن الماوس حاااار و اصبعي (السبابة) نمل عدييل سلامي
| |
|
|
|
|
|
|
Re: إمتداد الصحافة ... وكما نحبه (Re: كبسيبة)
|
اهلى الطيبين
الناس الحلوين
ما زالت الصحافة بخير طالما لدينا هذا البوست الحنين ..
منذ 20/03/2007 وحتى تاريخ 23/03/2007 لم تكن هناك اى
مداخلات سواء من الاخ (كبيسبة)
( Quote: والله حرااااام عليكم عديييل كده يا ناس الصحافة يعني الواحد يغيب ليهو كم يوم كده ويجي يلقى البوست داقي الدلجة |
احيانا نكون فى قمة النشاط .. وتارة اخرى اخر كسل !!!
هل هذا نوع من الاحباط من شئ ؟؟
ام هناك ظروف للاحباء الصحافاب ..
ام لا يوجد موضوع للنقاش ؟؟
لقد ًًطرحت فكرة انشاء موقع خاص بالصحافة ؟؟
الاليست الفكرة للنقاش والمداولة ؟؟
اين انتم ؟؟
الصحافة فى انتظاركم .. الصحافة تناديكم .. هلموا اليها ...
ودمتم لهــــــــــــــــــــــــــــا
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الفاضل عيدروس حجر00 اسعد الله اوقاتك بكل خير،، الناس موجوده 00بس والله حيرنا البوست البضيع الصفحات ده 00الصفحة التاسعة مختفية من فترة بعد ما تعبنا فيها وكتبنا وصورنا وقضينا فيها الساعات الطويلة00
وربك كريم00قالوا بترجع برااها00
| |
|
|
|
|
|
|
Re: إمتداد الصحافة ... وكما نحبه (Re: ابوعبيدة حسن محمد)
|
الاخ الحبيب ابو عبيدة حسن
وينك .. وين مداخلاتك .. ومشاركاتك الحلوة ..
موضوع الصفحة الضائعة
Quote: اخوي حيدر قاسم
الناس فى شنو وصفحتناالعاشرة ضايعة ..
بنشوف الصحفة (8) دايما
|
طبعا تطرقت للموضوع دا بس (سيد الحوش) حيدر قاسم
ما رد علينا ..
انشاء الله المانع خير .
ابوعبيدة لو عاوز اضيف صورة ممكن تشرح لى كيف ؟؟
على البريد الالكترونى ([email protected])مع خالص الشكر ..
| |
|
|
|
|
|
|
Re: إمتداد الصحافة ... وكما نحبه (Re: عيدروس حجر)
|
Quote: Quote: اخوي حيدر قاسم
الناس فى شنو وصفحتناالعاشرة ضايعة ..
بنشوف الصحفة (8) دايما
طبعا تطرقت للموضوع دا بس (سيد الحوش) حيدر قاسم
ما رد علينا ..
|
البرلوم ... العزيز ... العيدروس ,
الموضوع أعلاه لا علاقة له بصفحة { ضائعة } ... إلا كان بتحبوا التفتيش
{ وجه ضاحك } ... الحاصل إنو كل ما كتبناه محفوظ وفق تراتبياته الزمانية ,
فقط حصل تعديل { إداري } من ناس بكري ... إنو الصفحة مما ممكن تنقلب إلا بعد
مية وتلاتين مداخلة ... بدلا عن مائة فقط كما كانت من قبل ... والحساب ولد ,
بس شدوا حيلكم عشان ما نجيب الفرق ... ونرفع إسم الصحافة ... والاخير الأهم .
مع مودتي
| |
|
|
|
|
|
|
Re: إمتداد الصحافة ... وكما نحبه (Re: عيدروس حجر)
|
الأخ العزيز عيدروس حجر تحياتي القلبية ليك وللزعيم حيدر قاسم
اها أنا جيت أسلم عليكم ومتاخرج , لكن ليك علي كل فترة والتانية
تلقاني رافع ليكم البوست ده فوق وخاصة اليومين ديل قدمت لخدمة
دي اس إل (DSL) لانو الفترات دي كلها شاغل بنظام الهاتف الثابت
وبعاني كتير في فتح بوست الصحافة أو إي بوست يتكون من صفحتين
أو زيادة , فارجو المعذرة وعلي فكرة نحنا مشغولين اليومين ديل
بالتخضير للجمعية العمومية لرابطة أبناء الصحافة بالرياض .
وسنزودكم بكل التفاصيل لاحقاً . أها فوتكم بعافية .
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
قال تعالى (( وبشر الصابرين الذين اذا اصابتهم مصيبة قالوا انا لله وانا اليه راجعون )) صدق الله العظيم
انتقل الى الرفيق الاعلى يوم امس 24/3/2007 م مقدم شرطة / عماد سعد الصحافة مربع 22 شقيق كل من عصام وبدرالدين وعاطف سعد فى اعقاب احداث حى المهندسين بامدرمان
وانا لله وانا اليه راجعون آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
عبدالدئم سيداحمد نيابة عن ابناء الصحافة بجدة / المملكة العربية السعودية
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
اعزائ اهل الصحافة المعطاه
اعزيكم ونفسي في فقيد الصحافة والوطن الشهيد عماد سعد الحسن العمدة ,الصحافة مربع 25 ,وشقيق بدر سعد لاعب الصحافة سابقا
عماد سعد احد رموز ومؤسسي رابطة الصحافة بجامعة اللنيلين (الفرع)
استشهد عماد في احداث المهندسين امس.فدفع ضريبة الوطن , دفع روحه الطاهرة
الي جنات الخلد في عليين ...يا عمدة وعوض شبابك الجنة.
معتصم عبدالرحيم -العربي
| |
|
|
|
|
|
|
Re: إمتداد الصحافة ... وكما نحبه (Re: معتصم عبدالرحيم)
|
Quote: انتقل الى الرفيق الاعلى يوم امس 24/3/2007 م مقدم شرطة / عماد سعد الصحافة مربع 22 شقيق كل من عصام وبدرالدين وعاطف سعد فى اعقاب احداث حى المهندسين بامدرمان |
Quote: عماد سعد احد رموز ومؤسسي رابطة الصحافة بجامعة اللنيلين (الفرع)
استشهد عماد في احداث المهندسين امس.فدفع ضريبة الوطن , دفع روحه الطاهرة
الي جنات الخلد في عليين ...يا عمدة وعوض شبابك الجنة. |
نسال الله له الرحمة والمغفرة وإنا لله وإنا اليه لراجعون .
| |
|
|
|
|
|
|
Re: إمتداد الصحافة ... وكما نحبه (Re: هاشم أحمد خلف الله)
|
انا لله وانا اليه راجعون آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
الله اخي معتصم خبر محزن.. محزن للغاية التعاذي موصولة للاخ عصام سعدوبدرالدين وعاطف
والاسره الكريمة واخص الصحافة التي فقدت احد ابناءها وكل منطقة ما بين النيلين
الي جنات الخلد عماد سعد ....
عماد عويس
| |
|
|
|
|
|
|
Re: إمتداد الصحافة ... وكما نحبه (Re: عماد شمت)
|
تنعى أسرة الصحافة الإسفيرية ... أحد أبناء الصحافة
الفقيد عماد سعد ... الذي إنتقل إلى الرفيق الأعلى
على إُثر أحداث المهندسين المؤسفة ... له الرحمة
ولاهله وأحبابه ... الصبر وحسن العزاء .
| |
|
|
|
|
|
|
Re: إمتداد الصحافة ... وكما نحبه (Re: محمد البشرى الخضر)
|
فى معرض أحزاننا على فقدنا الكبير ... فقد وصلتنا الرسالة التالية
من الأخت هيام بتيك :
Quote: الأخ حيدر السلام عليكم ورحمة الله وبركاته تعازينا الحارة عبركم لكل مربع 22 ولأهل الصحافة على فقيد الشباب وشهيد الوطن والعمل الأخ العزيز الفاضل عماد سعد نسأل الله أن يعوض شبابه الجنة .. والله أحزنني الخبر أيما حزن فقد كان شهماً كريماًً وأخو أخوان وما غالي على ربه .. إن القلب ليحزن وإن العين لتدمع ولا نقول إلا ما يرضي الله .. انا لله وانا اليه راجعون آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالماء والثلج والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء .. اللهم آميين
|
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
قال تعالى ( وبشر الصابرين الذين اذا اصابتهم مصيبة قالوا انا لله وانا اليه راجعون)
صدق الله العظيم ..
للفقيد الرحمة لاهله حسن العزاء
القلب يحزن والعين تدمع وانا لفراقك يا عمر لمحزونون ..
آل حجر 16
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
انا لله وانا اليه راجعون آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
| |
|
|
|
|
|
|
Re: إمتداد الصحافة ... وكما نحبه (Re: Moawia Mohammed)
|
اخوة الصحافاب الاحباب
تحياتى اليكم
منذ فترة ليست بالبعيدة كنا فى قمة الهرم حيث
ظهر (امتداد الصحافة كما نحبه) بالخط العريض
فى اول المنتدي وكانت سابقة فريدة وذلك لنشاط
اعضاء البوست الافاضل ولكن يظهر ظهور الصحفة
الثامنة كانت حجر عثر علينا فنامت انامل الصحافاب
فاصبحنا فى الاسفلين لدرجة اننى احيانا لاعرف اين نحن
فى هذا المنتدى في الصفحة الاولى ابدا ولا الثانية ولا
الثالثة فاين نحن ؟؟ نحن فى الصفحة الرابعة ؟؟؟
بعد ان كنا فى القمة اصبحنا فى القاع ..
هل يعقل هذا ؟؟
عدم الموضوعية فى البوست من الاسباب الرئيسة فى اندثار
بوستنا الى الصفحة الرابعة ..
اذا اين نجد الحل ؟؟ ومن هو المنقذ هذه المرة ليرفرف علم
امتداد الصحافة عاليا مرة اخري يا بسطاء الصحافاب ؟؟
ودمتم
| |
|
|
|
|
|
|
Re: إمتداد الصحافة ... وكما نحبه (Re: عيدروس حجر)
|
Quote: اذا اين نجد الحل ؟؟ ومن هو المنقذ هذه المرة ليرفرف علم
امتداد الصحافة عاليا مرة اخري يا بسطاء الصحافاب ؟؟
|
المهموم ... عيدروس
أهو ده حالنا ... فى كثير من أحوالنا ,
لكن أعتقد أن قليل من الإلتزام سوف يغير
أوضاعنا نحو الأفضل ... وكثيرا , إذ أقترح
على كل بورداب الصحافة التداخل مرتين إلى
ثلاثة فى الإسبوع ودون كلفة ولا عناء , فكل
أخبار الصحافة وذكرياتها وآلامها وأفراحها
ماضيها حاضرها ومستقبلها , مبدعيها لاعبيها
مثقفيها , وأختر ما شئت من موضوع او موضوعات
وحيث لا نتوخي { الإحاطة } الشاملة والمقالات
المطولة , فقط ما يربطنا أو يذكرنا بحدث أو
قضية ما , شخص ما , موقف ما , ... وما إليه .
فتوالي الناس حول الموضوعة يخلق كينونته , فالمسألة
بسيطة وقليل من الإهتمام يكفي .
هذه واحدة ... ربما فى ذهننا الجماعي المزيد من
الأفكار والبرامج التي تدفع فى ذات الإتجاه .
فقط لنتذكر ان هذا البوست هو الصلة الإسفيرية
المتاحة حاليا لتواصلنا ... إذن فهو مهم ولنحرص
عليه حرصنا على وئامنا الصحافي وعلى تاريخنا الذي
نقشناه على جدران الصحافة ورسمناه خطى على طرقها
وبين حيطان مدارسها وفى ميادينها وروابطها , فى
حفلاتها ومنتدياتها ولياليها الملاح ... فليتصل الذكر .
مع مودتي
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
حبايبنا سلام كميات و الله الصحافة في بالنا طوالي وإن كانت حكاية الصفحة العاشرة عملت ربكة خفيفة .... لكن ان شاء الله تكون في عشرات الصفحات في شاكلة صفحتنا التي اندثرت بإعتبارما كان محبتي دوما لكم غباشي
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
.
Quote: هروب جماعى لاعضاء بوست الصحافة الى المنتدى العام ..
بيان بالقاء القبض على كل من التالى اسمائهم :
1- ؟؟؟؟؟؟؟؟ |
العزيز عيدروس انا اول واحد بسلم نفسى والله والله والله قصبا" عنى ، اولا" كنت عشمان فى اجازة قصيرة للسودان ومن هناك اقدر الملم شوية مواد ولقاءات وصور اخدم بيها البوست بس دا ما بيمنع انى كنت متابع ومراقب من بعيد والتحايا والاشواق للزعيم وكل الاحباب ومرحبتين بالاخوان ابوعبيدة ومحمد البشرى ، اخوكم من مربع 25 ويا معاوية شلت الطاقية لقيتك طارق جبريل ذااااااتو
والصحافة نورت يا طارق جبريل .
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
الحبيب عبدالدائم سيداحمد00
حمد لله على السلامة ومرحباً بعودتك 00وتشكر على الحفاوة يا غالي00
* * *
عيدروس 00
تعرف في الايام ديك كنا فاكرين انو الانفجارات دي اصوات العاب نارية00بس كنا مستغربين معقول يكون في العاب نارية بالنهار كده ؟؟!!00قلنا كدي نتقدم شوية شوية ولغاية ما نصل بتكون ا(( ظلمت)) !!! وبعداك بنقدر نشوف ونستمتع كويس !!!
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
يا عبد الدائم ... يا قلب ... و الله مشتاقين شنو إلا يحنكوكم بالطريقة دي ... ؟ عشان تجو؟
حجر و ابوعبيدة أحسن حاجة نربط للجماعة و أي واحد يجي عشان يتاوق نقبضوا و ما نفكو إلا بعد ما يكتب تعهد إنو تاني ما حيغيب ويدينا خمسة مداخلات تحت الحساب .... أما لو طلع غيابو كتير ... ما نفكوا الا بعد ما يجي ولي أمره ويكتب تعهد برضو
| |
|
|
|
|
|
|
Re: إمتداد الصحافة ... وكما نحبه (Re: غباشي)
|
غباشى ...
انت ظهرت من وين .. قبضوا عليك والاشنو ؟؟
Quote: الكلام ده طبعا ما شامل أصحاب الحصانات |
طبعا الواسطات اشتغلت وطلعت براءه .. دبلوماسي يازول
ما تخلى الناس دى تحس شوية ؟؟؟
والله اظنى بعمل انقلاب مع ابوعبيدة فى البوست دا ...
| |
|
|
|
|
|
|
Re: إمتداد الصحافة ... وكما نحبه (Re: HAYDER GASIM)
|
غباشي
Quote: لا يا خوي دي عودة طوعية بدل البهدلة و الرباطية |
تعرف ذكرتنى بالرباطه .. وخور جانقى
الايام ديك الواحد من المغرب يدخل البيت وما يطلع الا الصباح
حوداث كتيرة مرت على الواحد .. وخاصة حادث كبري 16 و17 الشهير
يا خوى الله لا جاب الايام ديك . الصحافة زمان وين وهسع وين ..
دمت عزيزي
| |
|
|
|
|
|
|
Re: إمتداد الصحافة ... وكما نحبه (Re: هاشم أحمد خلف الله)
|
الوجيه هشومي مرحبا شرفت في دارك .... و حقو تجي تفك قهرك كلوا مع العزابة ديل .... صدقني بتلقي نصيحة تحد من تسلط الزوجات .... لكن الخوف العقد كلها تتلمى مع بعض جاييك هناك بس ما داير اجيك إيدي فاضية ... عشان كدة مؤخراني الهدية .... لكن إن شاء الله قريب مع محبتي
| |
|
|
|
|
|
|
|