|
|
 الدوش والاخوة شريف وايام خلت!!!!
|
من اليمين حافظ عبد الله شريف واقصى اليسار شقيقه محمد عبد الله شريف ويتوسطهما الدوش
والزمن كان مبتسم
والليالى جميلة حالمه
رد الله غربة الاخوة (شريف) ولحافظ بعد ان تماثل تماما للشفاء امنيات بان يرفل ويتوشح ثوبا من العافية قشيب
الصديق وعضو البورد محمد عبد الله الشريف يسجل ويوثق باهتمام فى عملية تسليم وتسلم بين الاجيال ياترى !!ماذا يحمل التسجيل.
الراحل المقيم الدوش وحافظ شريف
وابتسامات عزيزة
وعالمنا راحة وبسمتنا طيبه
|
|
 
|
|
|
|
|
|
|
 Re: الدوش والاخوة شريف وايام خلت!!!! (Re: مطر قادم)
|
الاخ العزيز
مطر قادم
ياسلام على الشاعر الجميل الثائر عمر الطيب الدوش ,المعلم الانسان ,وعلى ذكراة العطرة
لة الرحمة والمغفرة
ولك الشكر الجزيل
الـذكـرى
سحابات الهموم ياليل
بكن
بين السكات والقول
وباقات النجوم الجن
يعزن فى المطر
فاتن عزاك
رجعن
وشوق رؤياك
زمان مشدودعلى اكتاف خيول
هجعن
وشوق رؤياك
محل يجرى
يلاقى السيل
وسر مدفون بصدر النيل
وكان ما الذكرى مافى أسف
ولو حتى التجنى وقف
وصوت ذكراك رذاذ صفق
على خطوات بنات سجعن
وصوت ذكراك
حنين لى غيبة المجهول
ولو لا الذكرى مافى وصول
وكان ما الذكرى مافى اصول
وغير الذكرى مافى شجن
عمر الدوش
| |
|
|
|
|
|
|
|
|
|
Re: الدوش والاخوة شريف وايام خلت!!!! (Re: مطر قادم)
|
اخي مطر قادم
مشكور على النفحات العطرات في حق الراحل المقيم العملاق عمر الطيب الحاج الدوش -
أكاد أجزم أن الصور كانت بمنزله الكائن بامبده الحارة ( تحت شجرة البان التي كان رحمه الله يقضي كل وقته تحت ظلها
اللهم أرحمه وأغفر له ، ولذويه وأهله ومعارفه الصبر وحسن العزاء
الشفيع
الدمام
| |
|
|
|
|
|
|
|
|
|
Re: الدوش والاخوة شريف وايام خلت!!!! (Re: مطر قادم)
|
الاخ العزيز
مطر قادم
الصورة اعلاة من غلاف كتاب الاستاذ المرحوم عمر الدوش
(ليل المغنيين)
وبكل اسف المعلومات عن حياة وابداع عمر الدوش
شحيحة بصورة محزنة
اتمنى ان يكون هذا البوست بداية للتوثيق
لحياة الاستاذ عمر الدوش الحافلة بالنضال
والعطاء والابداع الصادق الجميل .
لك التحية مجددا
| |
|
|
|
|
|
|
|
|
|
Re: الدوش والاخوة شريف وايام خلت!!!! (Re: عمر ادريس محمد)
|
ايها
اللعين وبكامل
التمام (مطر)
كثيرا ما اراك هنا واتحاشاك
لاني عارفك زول فقري ومجنون ومشغول بالحنين
وبكاي جدا
عارفك
وبتبكينا معاك
تقوم تعملها بهذا الشكل
وقسرا تاخدنا اليك
ياخي حرام والله (انا القشه بقصم ظهري حنينا)
ناهيك عن الدوش(له الرحمه) واولاد شريف (صعاليك الحي الغربي)
وحد الشوق بحبك ومضطر اموت واسكن جنبنك ده رغم (مرارتو)
| |
|
|
|
|
|
|
|
|
|
Re: الدوش والاخوة شريف وايام خلت!!!! (Re: Najat Al-Bashir)
|
الاستاذةNajat Al-Bashir
كل التحايا
لقد اضفت الكثير لهذا البوست عن الشاعر الراحل المقيم الدوش وقدمت نماذج نالت اعجاب الكثيرين ولايفوتنى ان احيى معك الاخ الباشا شريف وامنياتنا له بدوام الصحة وايضا للاخ والصديق الاستاذ محمد وهو يخطو نحو الشموخ فى البرارى القصية.وهما ربطتهما اكثر من علاقة ووشيجة بالراحل
ولايسعنى الا ان اشكرك جزيل الشكر على مداخلتك القيمة لاثراء البوست
Quote:
أماصاحب المواقف الأنسانية الصحفى والمحامى محمد
أتمنى أن ينشر تفاصيل هذا القاءالنادر خاصة
وإنه قد يكون آخر تسجيل للراحل الدوش. |
واتفق معك بان ياتينا محمد بالتسجيل ان توفر له ومجددا خالص التحايا
| |
|
|
|
|
|
|
|
|
|
Re: الدوش والاخوة شريف وايام خلت!!!! (Re: مطر قادم)
|
الاخ العزيز
مطر قادم
لن انسى ماحييت هذه القصيدة التى وصفها بحق المرحوم الاستاذ سليمان هباش صديق الشاعر عمر الدوش باجمل كنوز الشعر السودانى ...واذكر اننى سمعتها منة فى منزل الصديق عمر العالم بالثورة الحارة السابعة .
وعليك الله أتامل معاى
سؤال ؟
جيت اسالك
ياطفلة الالم الرضيع
تدينى خاطرك شان اضيع
فى شوق موزع فى الزحام
ياعذاب الريح للخيام
ياصهيل كسر اللجام
ياختم قبل البدايه
ويابدايه بدون ختام
جيت اسالك مين علمك
انو الزمن فى مره ناقص
ومره تام
جيت اسالك
الشوق مكتف فى الطريق
والخوف مداخل للفريق
جيت اسالك مين علمك
لغة الزهور
مين علمك غضب الحريق
وانت باحه
وانت واحه
وانت ذاتك سكة الزول للمضيق
فارده السواعد
للزوابع والمطر
للهم يولول للشجر
عايز اسالك
مين
علمك
لم السلامه مع الخطر
لك التحيه .. ولعمر للدوش الخلود
| |
|
|
|
|
|
|
|
|
|
Re: الدوش والاخوة شريف وايام خلت!!!! (Re: عمر ادريس محمد)
|
الاخ عمر ادريس
كل التحايا
فهى بلا شك احد تجليات الدوش الكبرى
Quote: جيت اسالك
ياطفلة الالم الرضيع
تدينى خاطرك شان اضيع
فى شوق موزع فى الزحام
ياعذاب الريح للخيام
ياصهيل كسر اللجام
ياختم قبل البدايه
ويابدايه بدون ختام |
ارجو ان تبقى معى هنا لتاتينى ببعض مما لديك من درر الدوش التى لم تلقى حظها فى النشر لاسباب كثيرة هذا مع شكرى الجزيل.
| |
|
|
|
|
|
|
|
|
|
Re: الدوش والاخوة شريف وايام خلت!!!! (Re: مطر قادم)
|
ضلمت
أقـــول
والشمْسِ في عِزّ الامل
تُهْتَ ومشيتْ
أقول يا نحن يا انتو و
بكيتْ
يا مواعيد
يا صباح من غير وسِم
تُهْتَ ومشيت
ما ضَلّمَتْ
ما بْتَعْرِف الزول البِجِيك
ولا البِجيكَ
بيعْرِفَك
حتى الشبابيك
والزوايا الكان بِتَجْمَع
في حنايا الشكوك
ضلّمتْ
أغْشاكِ يا نفسي الغريبَهْ
من همومي اطلِّعِك
القاكِ واقْفَهْ على الطريق
أحزان بِتفْرح
وتشْتبِك
أفراح بِتحْزَن
وترْتَبِك
لمّنْ رحلتَ مع الغُنا
عِز الأماني و
ضلّمـــــت
مَدّيتْ على الأمل القريب
أشواق كتيرَه و
قَصّرَتْ
في زاويهْ من ضُل الشجون
جابتْ ظُنونا و
قيّلَتْ
كلّمتَ أشجار الخريف
عن شوق نَمَا
في الوحشَهْ والزمن الأسيف
دلّتني اْفتِّش
في المغارِب
والمشارِق
عَن علامات
أو رصيف
ترقُد الأزهار عليهو
يا بنفسج
كُحْلي غالي
وبُتقالي
امشوا انتو
أنا البقِيف
ما ضلّمَـــتْ
| |
|
|
|
|
|
|
| |
مطر قادم
bayan
عمر ادريس محمد
المسافر
فيصل عباس
Najat Al-Bashir
محمد عكاشة
معتصم دفع الله
فيس بوك
تويتر
انستقرام
يوتيوب
بنتيريست