|
|
 ودشيقوق وفريق "الاحفاد"
|
العم العرريب ود شيقوق وفي زيارته الاخيرة الي البلد لزفاف انجاله وقع عقدا مع نادي معروف نيابة عن حفيده سامي ابن عاليا بنته
..ولقد صرح جدو ودشيقوق بانه كلف كباتن مؤهلين للاشراف علي "سامي" والذي كما ترون في الصورة بيلعب بالكورة حتي وهي غير منفوخة تيمنا بجده الذي جفف الانهار وغلب الحتاتين الاماجد في كل صالات وحفلات ...
|
|
 
|
|
|
|
|
|
|
|
Re: ودشيقوق وفريق "الاحفاد" (Re: ود محجوب)
|
| Quote: جدو ودشيقوق بمناسبة كشفتو حالى دى كشف العرس طلع كم؟ |
قال كافي صحنو وقدم سندوتشات وسلف سيرفز وخلا الضيوف يشتروا سندات باسمو ما اصلو شغال في سوق الاوراق المالية
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
| Quote: والذي كما ترون في الصورة بيلعب بالكورة حتي وهي غير منفوخة تيمنا بجده الذي جفف الانهار وغلب الحتاتين الاماجد في كل صالات وحفلات ... |
ابوبكر سلااااام
الزول دا حجا ولا ما حجا
كان حجا عاد بعد دا فاضل شنو
يا كافي البلا البلد مافيها منفاخ
كان دا حفيدك ياود شيقوق بعد دا ألا تكون عرستا عمر -10 سنوات عشان تكون قدر صورتك الفي البروفايل بتاع الماسنجر
يا استاذ الج غر فيا
تحياتي ابوبكر
وغايتو انا غسلت رأسي لي النبذ البجيني
الزول لـ س ا ن و متبري منو
خالد
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
ود محجوب
| Quote: جدو ودشيقوق بمناسبة كشفتو حالى دى كشف العرس طلع كم؟ |
أها اقول ليك بطلاق اخوك مجرد وصولو البلد للعرس اعلن للعامة كفيّة صحنو ( دى كناية على عدم استلام اى فلوس من اى حد ) يعني تجي بس تاكل تغسل يديك وتمشى تحت في الحفلة بس .
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
منى بت العوض
Quote: هاي جدو ود شيقوق..
انتم السابقون ونحن اللاحقون! |
الناس ديل كلهم يقولوا الا انت
يلا الرطاني
ويا بت طلحة
ويا هاشم ود خلف الله
ويا ود محجوب
كلكم عارفين انا جدو وعندي الربع الاخر ومنى حبوبة وما عندها النصف الاخر وهي كده وانا كده وهي كده وانا كده وهي كده وانا كده كلها عوامل مشتركة يلا اعملوا لينا اتحاد كونفدرالي ما عندى مانع يكون remote confederation وفقا للاحكام العرفية السائدة والمنبثقة عن المشروع الحضاري الانقاذي .
الفيكم انا عارفها كلكم حسّاد ما فيكم عشم احسن اقتحم براي
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
سلامات يا الطيب ...
ألف مبروك للأولاد مرة تانية ..
قبل كم يوم عرفت إمك موجود في السودان بالصدفة البحتة من عمنا خالد المحرب وأداني رقم تلفونك .. إتصلت عليك والتلفون مقفول وعمنا خالد برضو إتصل بيك والتلفون مقفول !!
والظاهر من مداخلاتك هنا إنك رجعت على ما أعتقد .!!!
ولا شنو؟؟!!!
كيفك يا أبو بكر ؟!! مشتاقين والله ..
| |
|
|
|
|
|
|
|
|
|
Re: ودشيقوق وفريق "الاحفاد" (Re: ناذر محمد الخليفة)
|
ود الخليفة
كيفك ومشتاقون شدييييييييد للنغم الجميل وشوف لينا صالح الضي وعش معاى الحب لانى بديت احب تاني
| Quote: قبل كم يوم عرفت إمك موجود في السودان بالصدفة البحتة من عمنا خالد المحرب وأداني رقم تلفونك .. إتصلت عليك والتلفون مقفول وعمنا خالد برضو إتصل بيك والتلفون مقفول !! |
ات عارف ارقامي بتتغير في السودان ومرات بكون قاصد لانو الرطاني مرات تهف ليهو يتصل فيني بالليل شديد وانا بلعب في البلياردو !!!!!!!!!
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
!!!
| Quote: مرات تهف ليهو يتصل فيني بالليل شديد وانا بلعب في البلياردو !!!!!!!!! |
وأنا قبل كم يوم شبهتك بي واحد طويل لابس تي شيرت ونضارة سوداء وطاقية كاوبوي وسجارة كوبية بيلعب بلياردو في فندق السلام روتانا !!
تراهو داك إنت ؟!!
| |
|
|
|
|
|
|
|
|
|
Re: ودشيقوق وفريق "الاحفاد" (Re: ناذر محمد الخليفة)
|
ود الخليفة
Quote: وأنا قبل كم يوم شبهتك بي واحد طويل لابس تي شيرت ونضارة سوداء وطاقية كاوبوي وسجارة كوبية بيلعب بلياردو في فندق السلام روتانا !!
تراهو داك إنت ؟!! |
لكن كانت الساعة كم يا يابا ؟ لاني انا بلعب مع هجعة السراى الجافوا النوم وعقدوا الرأي يا ناذر اخوى .
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
العزيز ابو بوكر
أنا قريت العنوان جيت جاري جري قلت الطيب سجلوه في فريق اسمه " الاحفاد" لانه عارفو خفيف ورشيق من بوست لبوست ومن مطار لمطار. أتاري الشغلانة إستثمار مستقبلي في الاحفاد؟
لكن بينك وبينك:| Quote: هاااا رولاندينو بكور منفسة ؟؟؟ انتو حلتكم ما فيها عجلاتي ؟؟ |
دي غايتو Pretty awesome زي ما بقولو بنات الفرنجة
فتك بعافية قبل ما يجيني الـ ..... ده جاري بجاى
مودتي
| |
|
|
|
|
|
|
|
|
|
Re: ودشيقوق وفريق "الاحفاد" (Re: الفاتح ميرغني)
|
يالفاتح عامك سعيد
| Quote: دي غايتو Pretty awesome زي ما بقولو بنات الفرنجة |
يا اخي من زمن دافوري الفسحة القدام داخلية بحر الغزال في الستينات ما شفت لي كورة منفسة الا عند حفيد جدو ودشيقوق .. الجني وارث جينات الفلهمة من جدو وناوي يلعب زي رينالدو بس بكورة منفسة
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
حفيد الكنداكة
| Quote: هاااا .. لسان شنو .. دا انا رطاني وعندي كام لسان شي رطان شي عربي شي افرنجي ... ما عليك بيهو اصلو ريقو ناشف من الحت في حفلة عرس انجالو .. |
قول باسم الله
انت هسع صليت ولا جيت طوالي على النت ؟
والله الليلة اتصلت بالفكي بتاعي واديتو اسمك لكن طلب اسم امك عشان يلجّم لسانك السليط ده - المساعي جارية للتعرف على اسم والدة الباشمهندس ابو بكر سيد احمد الذى قام بتشييد كل بنايات الشرق الاوسط من الخليج للمحيط ومازال عطاؤه مدرارا .
نناشد الجميع للتعاون معنا في البحث عن اسم والدة هذا العالم الجليل ليتسنى لنا موافاة الفكي باسم امه حتى تكتمل كل حلقات وعناصر الحكرة المجيهة .
هيييييييييع تاني اربط حجابي واتلهمك ساااااااااااااى
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
| Quote: نناشد الجميع للتعاون معنا في البحث عن اسم والدة هذا العالم الجليل ليتسنى لنا موافاة الفكي باسم امه حتى تكتمل كل حلقات وعناصر الحكرة المجيهة . |
"العالم الجليل" دي واسعة خالص .. انت البنايين عندكم بتسموهم علما ... ياخي نص امة محمد امهاتن اسنهن فاطمة وبالرطانة فاتنة او فاطنة ... صعبة دي .. انت ما بتعرف فكي هاساوي من اهلنا التيجانية (اصلو ابوي كان شيخ تيجانية) اها كان جاب ليك الاسم دوغري من غير لولة ...!! يعني تعرف انو كل غرب افريقيا وشمالها وبكان ما فيها تيجاني ممكن اشغلهم يخلوك تعمل "بريك " حت بقميصك الاسود ده يا حتات ....
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
| Quote: انت هسع صليت ولا جيت طوالي على النت ؟ |
انا النت عندي سو سو مع التلفزيون شغال طول اليوم وفي اي بكان ودي ميزة التكنلوجيا وممكن اكون مسطح وشغال بالريموت .. يعني حالتك حالة معاي .. صباح مساء اي وكت يعجبك ياحتات
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
Quote:
أها اقول ليك بطلاق اخوك مجرد وصولو البلد للعرس اعلن للعامة كفيّة صحنو |
ياسلام يابوعبدالله لعمري انها من شيم الكرام والكرام قليل
أبوبكر بيني وبينك ( ما ممكن دي تكون دعاية إنتخابية )
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
| Quote: هاااا رولاندينو بكور منفسة ؟؟؟ انتو حلتكم ما فيها عجلاتي ؟؟ |
يا زول الوليد عذبنا النهار كلو ينطط قلنا ننفسها منو كان ينجم شوية
تخريمة
ناس كلية الاحفاد كلهم براجعوا البوست ده قايلين ود شيقوق عندو مشكلة مع فريق الاحفاد خودك
| |
|
|
|
|
|
|
|
|
|
Re: ودشيقوق وفريق "الاحفاد" (Re: سمية الحسن طلحة)
|
مبروك للوليدات يا حاج الطيب
وان شاء الله تشيل جنا جناهم..
انا كنت في السودان وما عندي خبر..
لكن بي طلاق يالطيب اكان اديتنا خبر ، الدندر دي كان وقفناها ليكم قرون قرون !!
نحن الحت ما بنعرفو عاد ، لكن النسويهو فيكن كان يبقى حديث البلد ديك لامن الوليد الفي الصورة ده يبقى رئيس نادي الهلال..
شيخنا ابوبكر سيد احمد
كل سنة وانت طيب بمناسبة جميع الاعياد القديمة والجديدة
الملكة/سمية بت الشيخ
تحياتي واحتراماتي
طولنا من مشاققاتكم دي..
انتو كنتو وين؟؟؟
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
الملكة
Quote: تدي القبيلة وصا
وتدي النقارة عصا |
وتدي الرطاني قاموس لغوي يصنقر بيهو في الهباب تحت الراكوبة ولابس نظارة النظر الباي فوكال عشان يعرف معنى العصا والوصا
احمد يوسف ابو حريرة
يا زول حرم فاقدنك وفاقدين ود المحرب بالحيل -
قطع شك اكان سمعت بخبر العرس اكان وصلتنا بفرقة البطاحين
الجايات اكتر من الرايحات
| Quote: ما هو خايف من القرون بشان حتات ... اها جدو ودشيقوق ودر شغل القانون وقرر يعمل "فيدا" بدل "فيفا " "الفا" بدلناها "دال" من دافوري " |
الفكي مصر ان ارسل ليهو اسم امك عشان يعمل مجاوزة تمسك لسانك - اكان ما لقينا الاسم مافي حل غير نمشى لقوقل ونجيب خبرك
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
الفاتح ؟؟؟؟؟؟؟؟؟؟؟؟؟؟؟؟؟؟؟
كيفك
مالك داسي مداخلتك جوووووووووة خلي امورك دى
| Quote: أتاري الشغلانة إستثمار مستقبلي في الاحفاد؟ |
لكن محتاجة ل mechanisims
يجيني الـ ..... ده جاري بجاى
والاحفاد ديل جنى طماطم؟
لقيتني كيف يا .....؟
هييييييييييييييع
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
Quote: كلكم عارفين انا جدو وعندي الربع الاخر ومنى حبوبة وما عندها النصف الاخر وهي كده وانا كده وهي كده وانا كده وهي كده وانا كده كلها عوامل مشتركة يلا اعملوا لينا اتحاد كونفدرالي ما عندى مانع يكون remote confederation وفقا للاحكام العرفية السائدة والمنبثقة عن المشروع الحضاري الانقاذي .
الفيكم انا عارفها كلكم حسّاد ما فيكم عشم احسن اقتحم براي |
ياأبو بكر وياناس هوووي..
الحقوني...
خايفه علي نفسي من الفتنه
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
Quote: طولنا من مشاققاتكم دي..
انتو كنتو وين؟؟؟ |
الأخ الكريم/ أحمد يوسف ابوحريرة
يسلمك الله والله يأأحمد أخوي مشدوهين ساكت مشاغل دنيا
بارك الله في أبوبكر رفرف علينا شوية
مابنقول شيقوق حيطة قصيرة لكن زولاً مهل وسدرو واسع
ماتحته خط من نكات شكسبير
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
Quote:
| Quote: أها اقول ليك بطلاق اخوك مجرد وصولو البلد للعرس اعلن للعامة كفيّة صحنو |
ياسلام يابوعبدالله لعمري انها من شيم الكرام والكرام قليل
أبوبكر بيني وبينك ( ما ممكن دي تكون دعاية إنتخابية )
وانا قصير ..
القصير بصير
والبصارة عين الحكمة
كدي أنمشي على منى دي قاعدة تستنجد بينا
| |
|
|
|
|
|
|
|
|
|
Re: ودشيقوق وفريق "الاحفاد" (Re: عبدالله)
|
بت العوض
Quote: ياأبو بكر وياناس هوووي..
الحقوني...
خايفه علي نفسي من الفتنه |
لا لا ما تخافي الشعلانية ترتيبات ومذكرات تفاهم قبل ال remote confederation
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
| Quote: أبوبكر بيني وبينك ( ما ممكن دي تكون دعاية إنتخابية ) |
صحن شنو ؟ شفتي ليكي سندوتش بقدمو في صحن ؟؟ دة يا دوبك اداهم شاي وعامل زحمو "كفية صحن " ؟؟؟ اها وين الصور بتاعة حفلة العشا؟ طيب وين صور الضبايح ؟؟؟ طيب وين الضابيح زااااتا ؟؟؟ طالع بينا الكفر وحفيدو جايب كفر منفس ....
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
يا اهل الله جدو ودشيقوق شغال "ديك" وغاشيكم انو مستشار قانوني .. اها يادوبك جاء المنبر والساعة بعد الواحدة صباحا ونحن ماشيين ننوم وهو كل مرة بيجي وش الصبح .. اها ما شغال ديك ؟؟ مسقط ما فيها "حت" وعل الواحد قال كان بحت كعادتو .. لكن اكيد شغال ديك ...
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
بت طلحة
| Quote: " ؟؟؟ اها وين الصور بتاعة حفلة العشا؟ طيب وين صور الضبايح ؟؟؟ طيب وين الضابيح زااااتا ؟؟؟ طالع بينا الكفر وحفيدو جايب كفر منفس .... |
وحياتك تنزلي التيران المضبوحة خليهو يتفرج الرطاني ده انا متاكد لو شاف برضو بقول ليك تيران مصابة بالحمى النزفية
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
| Quote: وحياتك تنزلي التيران المضبوحة خليهو يتفرج الرطاني ده انا متاكد لو شاف برضو بقول ليك تيران مصابة بالحمى النزفية |
اها جيب لي صورة الطباخيين وهم بجهزو العشا وبرضو صورة اللحمة مطبوخة .. انا ود طباخيين وبعرف لو كنت ضابح القرود اصحابك الفي الغابة جنب النهر الجاف ...
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
عبد الله
Quote: الزول ده باين عليه شال وختف الكورة من ناس العوض الجارين وراه ديل
ونفسها وقداها كيه كده بس 0000 شوف كيف مدخل اصبعو في الكفر بي مغسة شديده |
ضحكتني شديد - بيني وبينك يا السواها الوليد انتاولها منهم وجابها نفسها بمقصة ساااااااااااااااااى
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
| Quote: اها يادوبك جاء المنبر والساعة بعد الواحدة صباحا ونحن ماشيين ننوم وهو كل مرة بيجي وش الصبح .. اها ما شغال ديك ؟؟ مسقط ما فيها "حت" وعل الواحد قال كان بحت كعادتو .. لكن اكيد شغال ديك ... |
نوم عشان تصبح تلقاهو متروس نبذ فيك
| |
|
|
|
|
|
|
|
|
|
Re: ودشيقوق وفريق "الاحفاد" (Re: Muna Khugali)
|
| Quote: مبدئيا كده..أنا مابقدر أفكر في الزواج قبال أخلص الثانوي |
ايييي.. ما عندناش بنات تتجوز وهي لسه في الاعدادي ...وكمان ما عندناش بنات تجوز مخالفيين لمنظمة الصحة العالمية ومجففيين للانهار وحتاتيين .....
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
| Quote: أحببنا أن نفرد لك مساحة خاصة لنحييك استاذ أبوبكر.... |
يا سلمي يا صديقتي
ربنا يفرد لك مساحات الفرح الفي الدنيا كلها ( بس اعفيني من الالقاب : استاذ .. باشمهندس .. الخ انا بس "ابوبكر " ياها الجينا بيها الدنيا وحنمشي بيها وان اكرمنا المولي تبقي بعد ذلك)...
| |
|
|
|
|
|
|
|
|
|
Re: ودشيقوق وفريق "الاحفاد" (Re: ود محجوب)
|
| Quote: الصورة دى من الجزارة |
يا ودمحجوب انت بس بتجامل قريبك العرريب .. دة العشا كان فاست فود ...
ياتو جزارة ؟؟؟ الفاتح جبرا قال انو الجزارة فيها اجراءات واوراق وفحص بول وفسحة ودم للضبيحة وتوركم دة باين عليهو خارج الجزارة ..انا ما شايف مفتش الصحة ؟؟؟
| |
|
|
|
|
|
|
|
|
|
Re: ودشيقوق وفريق "الاحفاد" (Re: ناذر محمد الخليفة)
|
اختى سلمى حسن عباس
لك كل الود لكن مكانتك عندى ستتراجع اكان شكرتي الرطاني ده -
الاخت سمية بت طلحة
يا ريت اكان الرطاني معانا وساهم بطبيخ التور ده عشان يطلعوا لينا في اربعة صواني والضحك يشرطنى
الاخ ناذر الجميل
يا الله على هذا الجمال والروعة الله يديك العافية
| Quote: لابس اسود ودم ؟؟؟ بعدين وين نتيجة الفحص البيطري ؟؟؟ |
انت حتى لو عرضنا عليك نتيجة الفحص حتقول عايز يفحصوا ليك على الجزارين امانة انك زول مسلط
ياهو اكلنا لو ما عجبك نجيب ليك ساندوتش طعمية وتتغطى وتنوم
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
| Quote: ياهو اكلنا لو ما عجبك نجيب ليك ساندوتش طعمية وتتغطى وتنوم |
انت خالفت منظمة الصحة العالمية وضبحت علي كيفك وبرة الجزارة وما قريت كلام الفاتح جبرا بخصوص الاوراق والفحوصات المطلوبة ...انا اصلا نباتي ولكن بتهمني الصحة العامة .. شفت كيف ياحتات ..
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
يا رافت كيفك انت
| Quote: البربرى دا حاسدك سااكت |
مافي حد غيرك مرق الحد في السروبة الناس ديل كلهم بخافوا البربري وما بطلعوا اى نصيحة .
سليل الكنداكة :
قال منظمة الصحة العالمية قال
صحة شنو ده كلام بيقال لناس الخليج البودوا فائض الاكل للذبالة اما نحن هييييييييييييييع عشمنا في الرب الواقي سيبك من صحة عالمية .
انت عارف يا البربري اكثر امراض الضغط والسكري عند الناس الملتزمين بمقررات منظمة الصحة العالمية اما نحن فتحسب 40 قرية تجد فيها اتنين او تلاتة عندهم سكري او ضغط .
صحيح في انيميا وصحيح في التهاب كبد وبائي ودى السبب فيها العوز يا رطاني .
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
| Quote: انت عارف يا البربري اكثر امراض الضغط والسكري عند الناس الملتزمين بمقررات منظمة الصحة العالمية |
اعلي نسبة للمصيبتين دييل في العالم هنا في الامارات وفي بيتي انا وسامية عندنا الاتنيين ما نحنا اولاد بندر !!!!!!!! وحلويين جنس حلاوة وما بنحتاج اي حاجة فيها سكر او محلي .. شفت كيف التطور .....
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
| Quote: البربرى دا حاسدك سااكت |
انت بشان ممن جيل جدو ودشيقوق قاعد تكبر كومك لزوم الرجعة والقعدة قدام البيت -قدامي المعاشيين- وما تخلو الرايح والجاي تضقعو كلام ساااي ...
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
| Quote: وحلويين جنس حلاوة وما بنحتاج اي حاجة فيها سكر او محلي .. شفت كيف التطور ..... |
ايش رايك نوديك انت وام رشا ست الناس طويلة البال المتحملاك انت نوديكما الريف ونفطركما بالروب ونغديكمابالوبيا ونعشيكم بالتمليكة ( التمليكة اسال منها بت طلحة والله زى الانتي بايوتك تلحس ليك السكري لحس .
هيييييييييييييييع قد ينعم الله بالبلوى وان عظمت ويبتلي الله بعض القوم بالراحات
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
شيقوق أنت باريت بوست أبوبكر دا وخليت بوست بناتك الما شالن جردل علي الزير
وأنا مافايقة أبحث ليهو
أنا بنزل صور العرسان هنا عشان يجيبوا أحفاد كمان وكمان
يلا مسوا مساكم وشيلوا من جبينوا صباح
والصباح ان لاح لا فايدة في المصباح
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
| Quote: ايش رايك نوديك انت وام رشا ست الناس طويلة البال المتحملاك انت نوديكما الريف ونفطركما بالروب ونغديكمابالوبيا ونعشيكم بالتمليكة ( التمليكة اسال منها بت طلحة والله زى الانتي بايوتك تلحس ليك السكري لحس . |
انت قايلني زييك بحت وبلبس اسود ..انا ود ريف وطباخيين وكنت بزرع وانا صغير في جروف حلفا قبلما تغرق ..لنت "هييييع" دي قايل بتخليك ود ريف ....السكري بتاعنا ما ليهو دعوة بالاكل دة جا من عوامل خارجية.. يعني اتخيل نفسك اكتر من عشرين سنة كدة بتسمع بس عن بلدك ؟؟؟
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
جدو شيقوق قال نحن بنشيل الجردل لكن بنات البندر مابشيلن
لزوم بلبصة لناس انعام
نحن ذاتو ماعندنا نهر ولا جنبنا بحر ولا يحزنون
ممكن هم بناتن بيردن من النهر لمن جف
| |
|
|
|
|
|
|
|
|
|
Re: ودشيقوق وفريق "الاحفاد" (Re: سمية الحسن طلحة)
|
| Quote: ممكن هم بناتن بيردن من النهر لمن جف |
هو داير يغير الجغرافيا ويسرح بي ساااي زي ما بيسوي لما يسافر يتصل ويقول " انا دحين في قندهار ؟ " وانا اقول العرريب يادوبك راح في ستين داهية .. ويطلع قاعد ياكل مشاوي في سوق الناقة ... دة جدو خلبوص
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
الحبيب ابوبكر
تحياتي تصلك طيبات سلاااام
الراجل علم في رأسه نار كان في السلطنة أو في السودان
شيقوق وكفى ( رغم أن لــ ســـ ا نـــ و مــ تـــ بـــ ر ي مـــ نـــــ و )
نحن معك عزيزنا قلب وقالب
وددت أن نوه فقط كم تمنيت أن تكون كل مناكفات أهل حوش بكري جميلة أخوية يحفها الحب المكنون في القلوب والمودة كتلك التي بينك وبين شيقوق لا نحسدكم ( اللهم لا حسد ) بل ندعو الله أن يصفي قلوب بنو وطني حتى تصبح كقلبيكما أنت وشيقوق.
تحياتي لك ولشيقوق وكل زوار هذا الحوش الجميل
خالد محجوب
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
| Quote: وددت أن نوه فقط كم تمنيت أن تكون كل مناكفات أهل حوش بكري جميلة أخوية يحفها الحب المكنون في القلوب والمودة كتلك التي بينك وبين شيقوق لا نحسدكم ( اللهم لا حسد ) بل ندعو الله أن يصفي قلوب بنو وطني حتى تصبح كقلبيكما أنت وشيقوق. |
تعرف يا خالد .. مرة قريت انو بعد سقوط مملكة النوبة المسيحية في اقصي الشمال كان هنالك حوالي 80 سلطنة ومملكةعلي مجري النهري وحوله لحد وسط السودان .. وعلي هذا المنوال عد تنوعات كل السودان الحالي والذي كانجزء من سودان يمتد من المحيط الي البحر واختارت كيانات ان تنفصل وتخلق دول لها باسماء اختاروها اهلها واصرت هذه الممالك والسلطنات و القبائل او من بقي منها في ان تتعايش في هذه الارض الواسعة وابقو لها الاسم "السودان" ...لم يكن التعايش حبا فقط بل مصالح فيها المرعي - الكلا- والماء والارض المشتركة فتناسبت الاجناس وتصاهرت .. وهذا لايعني غياب عراك و مناوشات (فالمصاريين في البطن ببتصارع ) وبقي السودان حتي ذهب الغريب وصارت البلاد كلها لنا جميعا فتحول عراك "المصاريين" الي عراك "سلطة وجاه " وهنا ياتي "الشيطان" وصار ما صار وها نحن اليوم في شتات في الداخل والخارج والحل عندنا وفي ارثنا وتاريخنا ....عما ماذا يبحث المتعاركون في بلاد بحجم قارة وارض معطاة تختزن كنوزا ودم مشترك يجري في عروق كل الاجناس رغم تشدق بعراقة اصل علي اصل وصفاء جنس وووو من شطحات اريد بها فقط "سلطة وجاه للبعض دون الاخريين ".... الخير كثير والارض تسع الجميع ولكن المحك هو في ان نترجم القول فعلا كما نري حولنا فالحضارات تبني ولا تقال...
وليس عندي ما اتصارع لاجله الا حق يجمع و الا حب مهما قل نتقاسمه .....
ودامت المحبة
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
Quote: وليس عندي ما اتصارع لاجله الا حق يجمع و الا حب مهما قل نتقاسمه .....
ودامت المحبة |
دمت ايها الحبيب وود المنسي عايز الفتن لكن عجبتني جيهتو لى طاب بس انت ما مضمون بكرة بتقلب على ود المنسي لكن هيييييييييييييع انا جاهز
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
| Quote: دمت ايها الحبيب وود المنسي عايز الفتن لكن عجبتني جيهتو لى طاب بس انت ما مضمون بكرة بتقلب على ود المنسي لكن هيييييييييييييع انا جاهز |
يااخ ودالمنسي قال عنك طسم اب درق" وانت تقول كايس فتن ...حقو الواحد يكلم ناس الصحة عشان يجيبو مبيدات لابدرق ؟؟
| |
|
|
|
|
|
|
|
|
|
Re: ودشيقوق وفريق "الاحفاد" (Re: الطيب شيقوق)
|
ود المنسي
Quote: أنــا ليهــــم بجر كلام
دخلوها وصقيرا حام
سِم أب درق البصقّع
جدري القيعا البفقّع
واطي صوتك مانع برتّع
الطيـــب في شطاتّو ببدع
والله عامر سوقّك مِبدر
مِجرجر توبك مِسبّل
الطيب لي الشر ماببدّر
مُر يا التُكل المِجدّر |
يديك العافية اخوك قفل الشقة وبقى يعرض براااااااااااهو ومشنق الطاقية في الهامة وشايف البربري تحتو صغيييييييييييير
هيييييييييييييع الكيك
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
| Quote: وشايف البربري تحتو صغيييييييييييير |
ياهو ده الكبر الشدييييد .. عويناتك طششن وبقيت تشوف الفيل فار.. ياكا المحتاج التاهيل المهني يمكن يصلحو ليك حاجة ...
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
| Quote: اكان ده خالك حقو تعمل ليك خال طين وتقطع رقبتو - خالك لبسنا السمح قال شين وضبحنا التور الماكن قال اوراق صحية مافي وطلبنا منى بت العوض قال عايزة تقرا زيادة ووريناهو النهر الجاف وعلى ضفتيه تنمو الشجيرات الزاهية الخضرة وقال مزور اها تاني نسوى معاهو شنو خالك بقى زى جهاز المغتربين كلما تقدم مستند يقول ليك ناقص حاجة وكلما تديهم عملة سودانية وهم في السودان يقولوا ليك لا ريال سعودى او دولا . |
تحسبو لعب ؟؟؟ داير تلبس زي جنيات الديسكو وتتفخشر بضبايح بر الزريبة وتصور الخيران وتقولي النهر الجاف اتملا موية وكمان عايز تعرس بنية صغيرووونة ...الشغلات دي ما بتفوت علينا انت بس خليك في سبحتك وحوليتك
| |
|
|
|
|
|
|
|
|
|
Re: ودشيقوق وفريق "الاحفاد" (Re: abubakr)
|
| Quote: وكمان عايز تعرس بنية صغيرووونة .. |
بالكتابة عند الفقراء بكسّر قرونك وقرونها متاكد بعد شوية تقول ليكم انا خلقت من العريبي ده احسن لى من اولاد البندر بتاعين الجكسيات ديل وعيونن طايرة ما يملاها الا التراب .
دى اكان ربنا رزقك منها ولد حيكون قطع شك فارسا يقلب الحكومة نصف النهار ويخليكم مشتتين في الدنيا دى للقيامة .
| |
|
|
|
|
|
|
| |
abubakr
Muna Khugali
الطيب شيقوق
ود محجوب
هاشم أحمد خلف الله
خالد علي محجوب المنسي
ناذر محمد الخليفة
الفاتح ميرغني
Ahmed Yousif Abu Harira
salma subhi
رأفت ميلاد
عواطف ادريس اسماعيل
فيس بوك
تويتر
انستقرام
يوتيوب
بنتيريست