|
|
 أبو بكر سيد أحمد أخوكم وأخوي..
|
لأنك أخـونا ابو قلب كبير وبال طـويل..
ولأنك معانا في السراء والضراء..
مابتبخل علينا بالكلمات الطيبة ولا بالحضور..
ولأنك أخو البنات وأبوهم وخالهم..
علشان كده إحنا بنحبك...
وبنطمئن لما تكون موجود..
ومن فضلكم ياجماعة..
أنا في انتظار اعلان حبكم لأبوبكر سيد أحمـد أخوكم وأخوي
|
|
 
|
|
|
|
|
|
|
 Re: أبو بكر سيد أحمد أخوكم وأخوي.. (Re: Muna Khugali)
|
الحمامة ( منى ) ...
سميتك الحمامة لانك مثلها...
رقيقة بصلابة ...
ناعمة بشدة ...
حروفك ملونة كصدرها عندما تنعكس عليه اشعة الشمس ..
تعابيرك راقصة بجلال رقصتها..
حكاياتك ممتعة كهديلها ...
نجي لابوبكر سيد احمد ...
شهادتي فيهو مجروحة .. وما باقدر اقول غير انو انسان وكفى ...
اول مرة الاقيهو غمرني بحنان الاب ... وعطف الصديق ... صرامة الاخ .. وتوجيه المعلم ..
زول نادر .. شايل السودان بكل همومه ومشاكله وحايم بيهو برغم انه طلع منو قبل تلاتين سنة ...
اديهو طرف خيط لاي زول محتاج مساعدة .. بيجر الخيط للنهاية وبيصنع ( بكرات ) من العطاء ..
بدون ما ينتظر مقابل .. حتى كلمة شكرا ما بيحبها ..
عاوز يلاقي كل الناس .. ويعرف كل الناس ... ويحتضن كل الناس ...
هسة يا منى انا في ورطة ..
ابوبكر اتصل بي الصباح بدري بيستنجد بي وما عارف يعمل شنو في البوست الفتحتيه ليهو ..
وعدته اني ادخل واحل الموضوع واقول الكلام الهو ما قادر يقوله ليك ...
بعد شوية حيتصل ويشاكلني .. يقول لي انا قلت ليك كحليها .. عميتيها مرة ( واحد ) طبعا لسان الرطانة مرات بيغلبه يقوم بدل واحدة يقول واحد ...
تخريمة صغيرونة ..
معلومة سرية جدا جدا عن ابوبكر سيد احمد ...
انسان خجول ... خجول ... خجول لابعد الحدود ...
لدرجة اني اخاف يلجمه خجله من الردعلى مداخلات البوست دة ...
والله يا منى ورطتيني مع ابوبكر بالجد ...
خالص مودتي ...
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: sanaa gaffer)
|
منى كيفنك ؟؟؟
انا غايتو ح اعتبر البوست ده بمثابة الترحيب بعزيزناأبو بكر سيد أحمد لكن بأثر رجعي ... وللتعبير عن الإحترام والتقدير للزول (الماكن) ده...وهو يستحق ان نحتفي به فقد احتفى بنا جميعا ورحب بنا وشاركنا بي رايو الثاقب وحكمته وونستو وحديثو ولا استثني مشاغباتو...
وانا بعتبرو من العلامات البارزة والراسخة بهذا المنبر فهو أيقونته وواسطة عقده..
وأؤكد للأخت منى ولزوارها بان أبو بكر سيد أحمد فعلا أخوكم وأخوي...
وإنشاء الله يوم شكره ما يجي..
وشكرا ليك يا منى على هذه البادرة الكريمة
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
الاعزاء.كلكم بدون استثناء . لا رياء وحق الذي يحيني ويميتني عاجز عن اتي بما يوقييكم حقا فيما ذكرتموه عني ...
يامني انا ما صاحبك واخوكي المطب دة اطلع منو كيف ؟ جعلتيني في كهولتي متلحبط بين ان اتي هنا لا قول شيئاشاكرا - فيرتفع البوست الي اعلي وانا اردته ان ينسحب الي ادني -او اصمت خجلا فاكون ناكرا واستعنت بسناء قبل طلوع شمس اليوم - بشان بسرعة تلمو - علها وهي البارعة حرفا تجد لي مخرجا فتامرت حروفها مع حروفك ... دة كلام ... هو انا مين في بلاد كبلادنافيها مئات الالاق من "البقنع الكشفات اخو البنات المامون" لولاهم وفي زمن اليباس الحالي لاصاب بلادنا قبح كثير ...
معذرة ان اشغل بالكم بشخص وما هو اهم مني كثير ...
لكم مودتي
ابوبكر
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: sanaa gaffer)
|
منى سلام
شكرا على هذا ( الأوتوغراف ) الذي يعبق مودة و حبا و وفاء ..
أبوبكر كتاب من المعرفة ..
و سِفْر من المحبة ..
و فوق هذا و ذاك .. هو مغسول بماء ( الدميرة )
و مضرضر بأهازيج النوبة ...
و متأنق بمعرفة فصيحة لا تنم عن إجادته لغته الأم .. لغة الكوشيين ..
نوقع بقلم من الإخاء مغموس في حبرٍ من الإلفة ..
دمت منى
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: أحمد الشايقي)
|
بتكلم فوق (اخوي) الكلامو نفيلا
ود ليلة السرور الما بتجيبو حليلا
ساطور العيال ووكتين تجيهم سيلا
قرش المالح ان ضرب السفينة بشيلا
العزيزة منى خوجلي..
الاخ ابو بكر سيد احمد..
تعظيم سلام..
جيت اوقع في دفتركم..
حليمة
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: nourelhadi awad)
|
امس فى زول سالنى
ابوبكر سيد احمد اخوك
رديت
بالحيل اخوى واخو اخوان
زرته بصحبة د عمر عبد العزيز
فافاض فى الكرم والحديث
باشمهندس يدير اضخم المشاريع العمرانية
ويسبح فى علم الاسافير منذ سنوات
نوبى الهم وانسانى الاحلام
ونحبه مرتين
الاولى نوبية
والثانية لانه اهل لذلك
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
حراااااااااااااااام يا منى القى البوست ده بالصدفة وكتر خيرك وهذا ما عهدناه فيك يا بت العوض . دعيني اختى منى اقتبس هذه الكلمات من الاخت الانسانة المبدعة ثناء جعفر في صديقي وحادى ركب هذا المنبر الباشمهندس المخضرم ابو بكر سيد احمد .
Quote: شهادتي فيهو مجروحة .. وما باقدر اقول غير انو انسان وكفى ...
اول مرة الاقيهو غمرني بحنان الاب ... وعطف الصديق ... صرامة الاخ .. وتوجيه المعلم ..
زول نادر .. شايل السودان بكل همومه ومشاكله وحايم بيهو برغم انه طلع منو قبل تلاتين سنة ...
اديهو طرف خيط لاي زول محتاج مساعدة .. بيجر الخيط للنهاية وبيصنع ( بكرات ) من العطاء ..
بدون ما ينتظر مقابل .. حتى كلمة شكرا ما بيحبها ..
عاوز يلاقي كل الناس .. ويعرف كل الناس ... ويحتضن كل الناس ... |
الكلمات لا تفيه حقه وهو بجد الانسان المبدع الممتع الوفي ويقيني ان لم يكن هكذا لما كان قرينا للفاروق ولما كان الفاروق ربيعا له .
لك معزتى مرة اخرى يا منى
وللاخوة المتداخلين عاطر الثناء
شيقوق
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
الحبيبة منى
معزتي
والله لم تقولي إلا الحق فبالرغم من أنني لم أر أبوبكر أبدا لكن سمعت صوته كثيرا ما جعلني أؤمن
بأن الأذن تعشق قبل العين أحيانا ... أبوبكر شفاف كالبلور ... رقيق كالنسيم ... حنين كالأم
متواضع كالثرى ... رفيع كالثريا ... تسمعه وكأنك تراه ... يتحدث معك بصدق تكاد تلمس هذا الصدق
بيديك ... فما أروع هذا الإنسان وما أسعدنا بمعرفته ... إنه يامنمن أكثر من أخ وأعز من صديق سلمت.
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: تماضر الخنساء حمزه)
|
سلامات يا منى
أنا وأبوبكر لى يوم الليلة ما اتلاقينا وجهالوجه
لكن إيه رأيك لو عايزة أى حاجة ممكن أطلبها منه بدون تردد أو تفكير. فى خوة أكثر من كدة؟
وشكرا لعكسك للمقولة السودانية التى تؤخر يوم الشكر ومنحنا هذه الفرصة "لإحراج" الأخ.
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Asma Abdel Halim)
|
مني جميله انتي وحرفك جميل وشعورك اجمل ياصادقه انتي
انا عيانه شديدلكن حبكم وصدقكم في مشاعركم لي
الرايع زي شروق الشمس وحالم زي غروبه حسسني اني بقيت طيبه
وارقصي ياقندايل واعبقي يارياحين 0 اصطفت القلوب وسمأت
الارواح بحب ذلك القلب الكبيروكل كاكتبه المشاركين قبلى كنت
سوف اسطره له 00000
عفاف ابوحريره
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: الطيب شيقوق)
|
الاخت منى انا كنت غائب المعذره للتاخير
وشكرا على البوست الجميل فى الزول الجميل
ده ابوبكر ده حاجه تانيه خالص انا اعرف عنه
الكثير رجل بحر بكل ماتحمل هذه الكلمه من معنى
تحياتى له دوما الى افراد اسرته
وشكرا
ودالمحرب
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
اخى ابوبكر
Quote: لأنك أخـونا ابو قلب كبير وبال طـويل..
ولأنك معانا في السراء والضراء..
مابتبخل علينا بالكلمات الطيبة ولا بالحضور..
ولأنك أخو البنات وأبوهم وخالهم..
علشان كده إحنا بنحبك... |
Quote: الأخت مني
الأخ دكتور ابو بكر
مرحب بيك
نزلت أهلاً وحللت سهلاً
زين العابدين - الحليلة |
برضوانا
Quote: قريبى الباشمهندس ابوبكر ..
له الحب .. من قبل ومن بعد.. لك الشكر يا اخت الشهيد..
نورالدين منان |
Quote: ابصم بالعشره
ولي به معرفه قديمه فهو سوداني اصيل وكريم ومستنير وجميل التحيه له وللاسره الكريمه |
Quote: الباشمهندس أبو بكر إنسان يحب الخير للجميع..
وهكذا شخص جدير بالاحترام والحب المتبادل..
لك التحية من قبل ومن بعد وله كل الود
الزاكي |
Quote: الحمامة ( منى ) ...
سميتك الحمامة لانك مثلها...
رقيقة بصلابة ...
ناعمة بشدة ...
حروفك ملونة كصدرها عندما تنعكس عليه اشعة الشمس ..
تعابيرك راقصة بجلال رقصتها..
حكاياتك ممتعة كهديلها ...
نجي لابوبكر سيد احمد ...
شهادتي فيهو مجروحة .. وما باقدر اقول غير انو انسان وكفى ...
اول مرة الاقيهو غمرني بحنان الاب ... وعطف الصديق ... صرامة الاخ .. وتوجيه المعلم ..
زول نادر .. شايل السودان بكل همومه ومشاكله وحايم بيهو برغم انه طلع منو قبل تلاتين سنة ...
اديهو طرف خيط لاي زول محتاج مساعدة .. بيجر الخيط للنهاية وبيصنع ( بكرات ) من العطاء ..
بدون ما ينتظر مقابل .. حتى كلمة شكرا ما بيحبها ..
عاوز يلاقي كل الناس .. ويعرف كل الناس ... ويحتضن كل الناس ...
هسة يا منى انا في ورطة ..
ابوبكر اتصل بي الصباح بدري بيستنجد بي وما عارف يعمل شنو في البوست الفتحتيه ليهو ..
وعدته اني ادخل واحل الموضوع واقول الكلام الهو ما قادر يقوله ليك ...
بعد شوية حيتصل ويشاكلني .. يقول لي انا قلت ليك كحليها .. عميتيها مرة ( واحد ) طبعا لسان الرطانة مرات بيغلبه يقوم بدل واحدة يقول واحد ...
تخريمة صغيرونة ..
معلومة سرية جدا جدا عن ابوبكر سيد احمد ...
انسان خجول ... خجول ... خجول لابعد الحدود ...
لدرجة اني اخاف يلجمه خجله من الردعلى مداخلات البوست دة ...
والله يا منى ورطتيني مع ابوبكر بالجد ...
خالص مودتي ...
|
Quote: منى كيفنك ؟؟؟
انا غايتو ح اعتبر البوست ده بمثابة الترحيب بعزيزناأبو بكر سيد أحمد لكن بأثر رجعي ... وللتعبير عن الإحترام والتقدير للزول (الماكن) ده...وهو يستحق ان نحتفي به فقد احتفى بنا جميعا ورحب بنا وشاركنا بي رايو الثاقب وحكمته وونستو وحديثو ولا استثني مشاغباتو...
وانا بعتبرو من العلامات البارزة والراسخة بهذا المنبر فهو أيقونته وواسطة عقده..
وأؤكد للأخت منى ولزوارها بان أبو بكر سيد أحمد فعلا أخوكم وأخوي... |
| Quote: نبصُم وبالعشرة كمان... |
Quote: نغم جميل من زمن جميل
محب للتواصل وللجميع
تهاتفنا كثيرا
فهو نبع ينضح رقي وجمالا
لظروف هذا المعسكر القاتل للزمن
لم نتمكن من اللقاء
له كامل الود
ولك ايتها الجميله دوما
منى
محبتي |
Quote: أخي الاكبر الباشمهندس ابو بكر سيد احمد
كله انسانية وبركة وخير
شكرا يا منى |
Quote: منى سلام
شكرا على هذا ( الأوتوغراف ) الذي يعبق مودة و حبا و وفاء ..
أبوبكر كتاب من المعرفة ..
و سِفْر من المحبة ..
و فوق هذا و ذاك .. هو مغسول بماء ( الدميرة )
و مضرضر بأهازيج النوبة ...
و متأنق بمعرفة فصيحة لا تنم عن إجادته لغته الأم .. لغة الكوشيين ..
نوقع بقلم من الإخاء مغموس في حبرٍ من الإلفة ..
دمت منى |
Quote: انة طيب و زين وناير وحلال عقد و اخو بنات
ولكم التحية |
| Quote: يا سلام على أبو بكر سيد أحمد. |
Quote: صــديقــي القـديــم,
أحمـد الشـايقي |
Quote: بتكلم فوق (اخوي) الكلامو نفيلا
ود ليلة السرور الما بتجيبو حليلا
ساطور العيال ووكتين تجيهم سيلا
قرش المالح ان ضرب السفينة بشيلا
العزيزة منى خوجلي..
الاخ ابو بكر سيد احمد..
تعظيم سلام..
جيت اوقع في دفتركم..
حليمة |
Quote: ومن فضلكم ياجماعة..
أهلا
هو أخي وحبيبي ونقطتين تلاتة... |
Quote: امس فى زول سالنى
ابوبكر سيد احمد اخوك
رديت
بالحيل اخوى واخو اخوان
زرته بصحبة د عمر عبد العزيز
فافاض فى الكرم والحديث
باشمهندس يدير اضخم المشاريع العمرانية
ويسبح فى علم الاسافير منذ سنوات
نوبى الهم وانسانى الاحلام
ونحبه مرتين
الاولى نوبية
والثانية لانه اهل لذلك |
Quote: نقسم بالله العظيم ونعلن حبنا كامل الدسم لأخونا الباشمهندس أبوبكر..
رجل رائع عالم و معلم كبير يعمل في صمت.. |
Quote: حراااااااااااااااام يا منى القى البوست ده بالصدفة وكتر خيرك وهذا ما عهدناه فيك يا بت العوض . دعيني اختى منى اقتبس هذه الكلمات من الاخت الانسانة المبدعة ثناء جعفر في صديقي وحادى ركب هذا المنبر الباشمهندس المخضرم ابو بكر سيد احمد .
Quote: شهادتي فيهو مجروحة .. وما باقدر اقول غير انو انسان وكفى ...
اول مرة الاقيهو غمرني بحنان الاب ... وعطف الصديق ... صرامة الاخ .. وتوجيه المعلم ..
زول نادر .. شايل السودان بكل همومه ومشاكله وحايم بيهو برغم انه طلع منو قبل تلاتين سنة ...
اديهو طرف خيط لاي زول محتاج مساعدة .. بيجر الخيط للنهاية وبيصنع ( بكرات ) من العطاء ..
بدون ما ينتظر مقابل .. حتى كلمة شكرا ما بيحبها ..
عاوز يلاقي كل الناس .. ويعرف كل الناس ... ويحتضن كل الناس ...
الكلمات لا تفيه حقه وهو بجد الانسان المبدع الممتع الوفي ويقيني ان لم يكن هكذا لما كان قرينا للفاروق ولما كان الفاروق ربيعا له .
لك معزتى مرة اخرى يا منى
وللاخوة المتداخلين عاطر الثناء |
Quote: كل الكلام القالوه
عنك حقيقة
وكل المنى
تشوفك العين
فبل تغيب شمس ايامنا
يازول ياحنين
ياتاريخ ساطع ومبين
محبتي ومودتي
وشكرا للصفحات الحلوة
هنا اللمتنا بيك |
Quote: الحبيبة منى
معزتي
والله لم تقولي إلا الحق فبالرغم من أنني لم أر أبوبكر أبدا لكن سمعت صوته كثيرا ما جعلني أؤمن
بأن الأذن تعشق قبل العين أحيانا ... أبوبكر شفاف كالبلور ... رقيق كالنسيم ... حنين كالأم
متواضع كالثرى ... رفيع كالثريا ... تسمعه وكأنك تراه ... يتحدث معك بصدق تكاد تلمس هذا الصدق
بيديك ... فما أروع هذا الإنسان وما أسعدنا بمعرفته ... إنه يامنمن أكثر من أخ وأعز من صديق سلمت. |
اها انا ارى ذى الجماعه ديل كده مجتمعين ليقتونى كيف
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
انا لقيتك انتي رايعه يامني زي روعة
انسدال شعر ايه البني علي كتفيها
وحبك العميق الانار ليك درب روحك يا
انسانه جزورك ضاربه في اعماق الارض وتعطي
وتتفتح ورود تملا الكون سلام ياحمامه
انتي ياالعرفتي تحقي ابوبكر بقليل من
كثير انتي انسانه رايعه وام عظيمه ليك
ا
كل احترامي وتقديري
عفاف
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: عفاف أبو حريرة)
|
ماجده انا لقيتك اول شي لازم تعمليه تراجعي
ناس القضيه الانتي شاهد اثبات فيها خالد وود شيقوق
انتي الفصل بينهم شيلي شيلتك
انتي وقعتي في برميل ويكه
الله يحلك قلبي معاك انا شكوني علي الله
لكن انتي وقعتي ما سميتي الادعاء العام
المحرب 0والمتهم الشيقوق الله يحلك
اكان تسمعي نصيحتي ابقي عشره علي ابوبكر
هو البحلك منهم
عفاف
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
مهما أقول
مابطول لمقامك طول
لأنك إنت فوق الوصف وفوق القول
وفيك كل المعاني السمحة راسخة أُصول
رغم أنني لم أره ولم أسمعه ولكنني أعرف عنه كل ماقيل الآن ومالم لم يقال
وماسيقال
لأن أبوبكر هو :
1 - خليل فرح زماننا ( الذي يخوض معنا في كل الميادين )
2 - هو رمّـانة ميزاننا ( الذي يدفعنا ويحدونا حينما نيأس ويصيبنا الكلال )
3 – هو صمـّام أماننا ( الذي ننام على ضهرو موقنين انه من يصوِّبنا حينما نخطيء )
وبإختصار أبوبكر سيد أحمد هو رجل فوق الوصف يتسربل حب الوطن
أنا لا أتصوّر المنبر بل الدنيا بدون أبوبكر الذي يتفقدنا حينما نغيب ــ تعجبت اليوم
حينما لم أجد رسالة منه تسألني عن سبب غيابي ولكن حينما علمت بأمر هذا البوست ذهب العجب لأنه لايريد أن يلفت إنتباهي... فياله من تواضع يلامس السماء .
تعرفت عليه من خلال كتاباته وأحسسته مجسدا في كل حرف يكتبه ولم أجرؤ على مهاتفته يوماً واحداً حيث لابد لي من التسلح والتحصّن حتى أقوى على مواجهته وأنا التي قد كنت أعياني التصدِّي لوقع حروفه على تلك النفس المولعة بهذا السموالأبوبكري الوطنى حتى النخاع.
منى ....... لك التحية
يالك من شجاعة وقوية فكيف تجرأتى على الإبحار في هذا الخضم العظيم الذي نقف على سواحله ولا نجروء على فعل شيء سوى النظر إليه رغم كل مايستحق منا مما هو أهل له ، فلك الشكر أيها السباقة لقطوف الجمال.
سمية الحسن طلحة
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Adel Sameer Tawfiq)
|
Quote: كدة يا أخوانا أشربوا ليكم قهوة لغاية ما نبخر ليكم أبوبكر دا !
|
عادل
أنا بكتب البخرة لى أبوبكر...بس أدونى القهوة دى والله كنت قايمة أعمل لى قهوة
غايتو يامنى أبوبكر ده لو سحروه شوفى ليك بلد...نحنا بنخاف عليهو من الهبوب الحارة
وكنا داسنو تجى انت توريهو للناس...!؟
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: سمية الحسن طلحة)
|
وانا رغبتي في البوست ده ياسمسم داساها من يوم ماعرفته..
وزي ماهو داسي دموع الحنية في عينيه..وداسي طيبة قلبه بنصايحه الحاره ..
إحتفالنا بيك يا ابوبكر هو فرح ومتعة وتعبير عن امتنان..نحتفل بالقيم الجميلة لتمتد
وتسود بيننا..نتعلم هنا معا ان نشرح لمن نحب حبنا..
وماأجملها المشاعر حين نتبادلها في صدق ونعلنها دون تردد..
وهاكي ليها قهوة بالهبان والجنزبيل في جبنة ممسحة بالصندلية.. وبخور تيمان علشان العين
ماتصيب ابو بكر.. وجاولي علشان نورنا الهادي بيحبه
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
Quote: وانا رغبتي في البوست ده ياسمسم داساها من يوم ماعرفته..
|
أظن كل من عرف أبوبكر فى الهوى سوا
أنا مش رغبة وبس يامنى لدرجة انى طبعت الموضوع جاهز على الكمبيوتر
وبس كنت منتظرة التوقيت الذى وضعته له لكن قنبلتك انتى أنفجرت
وظهرت وسنظل نحنا داسين الى ماشاء الله
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Adel Sameer Tawfiq)
|
ماجدهQuote: انا لقيتك اول شي لازم تعمليه تراجعي
ناس القضيه الانتي شاهد اثبات فيها خالد وود شيقوق
انتي الفصل بينهم شيلي شيلتك
انتي وقعتي في برميل ويكه
الله يحلك قلبي معاك انا شكوني علي الله
لكن انتي وقعتي ما سميتي الادعاء العام
المحرب 0والمتهم الشيقوق الله يحلك
اكان تسمعي نصيحتي ابقي عشره علي ابوبكر
هو البحلك منهم
عفاف |
اختى عفاف اطمئنى طالما ابو بكر موجود في المنبر فكل ما يحدث من سجال بين اعضائه لا يدوم وانما ينتهى بعمق من المودة والحب بين المتساجلين . انا اعلم ان الاخ ابا بكر لا يغمض له جفن متى ما شعر باننا متخاصمون . فاكراما لهذا العملاق دعونى ادعوكم جميعا للعفو عما سلف وليكن ديدننا تحقيق التوازن النفسي والرضا لهذا الجهبز .
انا واثق الاستاذ ابو شنب ود المحرب سيعلن التنازل عن الدعوى المقامة ضدي
وانا اعلن التنازل عن الدعوى المقامة ضد الاستاذة سليلة الفراديس (ماجدة) كما اعلن تنازلي عن شكواى لله ضد ام احمد .
وكلو اكراما لك يا ابا بكر
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: الطيب شيقوق)
|
اختى عفاف اطمئنى طالما ابو بكر موجود في المنبر فكل ما يحدث من سجال بين اعضائه لا وخالد المحرب والنطق با الحكم شنو
تخريمه
مايدوم وانما ينتهى بعمق من المودة والحب بين المتساجلين . انا اعلم ان الاخ ابا بكر لا يغمض له جفن متى ما شعر باننا متخاصمون . فاكراما لهذا العملاق دعونى ادعوكم جميعا للعفو عما سلف وليكن ديدننا تحقيق التوازن النفسي والرضا لهذا الجهبز .
انا واثق الاستاذ ابو شنب ود المحرب سيعلن التنازل عن الدعوى المقامة ضدي
وانا اعلن التنازل عن الدعوى المقامة ضد الاستاذة سليلة الفراديس (ماجدة) كما اعلن تنازلي عن شكواى لله ضد ام احمد .
وكلو اكراما لك يا ابا بكر
الطيب انا روحي بفداك بيها ده طرفي منك وصافيه لبن
البحلك من ماجده بت خوجلي شنو
جده عليك الله وريني فيهم الاتنين
خالد والطيب
عفاف
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: ودرملية)
|
| Quote: فاروق وينك أخـوي..إنت زعلان مني ولا حاجة? |
منى ....
ليس هناك من يعرفك على ظهر هذا الكوكب يمكن
أن يزعل منك ... لأنك ببساطة تمتلكين قلبا يسع
كل ما في الكون .....
كل ما في الأمر انني أمر بحزم من الحزن الشخصي
والعام !!!!!!
أضف الى ذلك :
I have been subjected to a very cruel
reprehension and hard rebuke from someone
whom i consider a very close friend and it was so hard
to the extent that my pride and self-contained
couldn't stand it. And everybody who knows me
knows that i can sacrifice all the
valuables but my PRIDE is a red line .x
وهذا أمر لم أحدث به أحدا غير صديق واحد ....
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
الأستاذة منى لك تحياتي
عزيزي الباشمهندس أبوبكر سيدأحمد كنت قد إلتقيته قبل عقد من الزمان
ولكن كل عام فيه كان يتضاعف بالعشرات أعواما من الحب والود والوفاء
إنه طراز نادر لمعنى الإنسانية والأنموذج السوداني الأصيل الذي إفتقدناه
سنينا..
إنه عطر كل سماواتنا بالصدق والنبل وحلو المعشر.. كان ولا زال دوما
المشعل لكل منتدياتنا ومنابرنا.. يكون دوما حاضرا كبيرا يملأ دواخل
الجميع بعبق الحب وتطلعات الأمل العظيم والحلم بسودان جميل..
قبل سنين مضت كان قد حاز على ثقة الجميع مرشحا لرئاسة وزراء السودان
من أعضاء Sudanlist التي كان يديرها رباننا الفاضل د.عبدالمنعم..
وذكريات عزيزي سعادة السفير الأستاذ نورالدين منان..معاذ سيدأحمد..
ود.عصام وكل عقد منتديات التسعينات الفريد.. فيا هلا لو أعدتم لنا
ذلك الترشيح مرة أخرى..
لكم حبي
عبدالعزيز عيسى أبكر
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Abdlaziz Eisa)
|
Quote: I have been subjected to a very cruel
reprehension and hard rebuke from someone
whom i consider a very close friend and it was so hard
to the extent that my pride and self-contained
couldn't stand it. And everybody who knows me
knows that i can sacrifice all the
valuables but my PRIDE is a red line .x |
Dear Faruq
We know your pride and dignity are the red lines, but what on earth have we done to be deprived from the pleasure you give to all of us
ولا يا حبيبي الشغلانية خيرها بيخص وشرها يعم
اطيب المنى
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: الطيب شيقوق)
|
Quote: مني جميله انتي وحرفك جميل وشعورك اجمل ياصادقه انتي
انا عيانه شديدلكن حبكم وصدقكم في مشاعركم لي
الرايع زي شروق الشمس وحالم زي غروبه حسسني اني بقيت طيبه
وارقصي ياقندايل واعبقي يارياحين 0 اصطفت القلوب وسمأت
الارواح بحب ذلك القلب الكبيروكل كاكتبه المشاركين قبلى كنت
سوف اسطره له 00000
عفاف ابوحريره |
الاخت عفاف ابو حريرة - ام احمد
بعد الشر عليك وربنا يديك العافية
حاولت الاتصال على ود المحرب لزوم السؤال عن صحتك ولكن تعذر الاتصال لا ادري لماذا
تحياتي لجميع افراد الاسرة
شيقوق
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
حبيب نورة ( والله جلستك اظرف من الجالس القرفصاء)
زين العابدين .. الله يخليك
ناذر محمد الخليفة... الفار سويت فيهو شنو
doma... صداقتك تسعدني كثيرا
الزاكى عبد الحميد-- استاذي
أبو الحسين- ممنون
حليمة محمد عبد الرحمن -_ كنداكة
بتي تماضر .. عندك بقف الكلام
بت الخليفة الكبيرة- اختك الصغيرة متعبة لجمت الرطان
استاذتي اسماء...اقول شنو
حسين بن معلمي .. كاريكاريست
حيدر.. حروفك دايما انيقة
العربي .. يافنان وين تصاويرك
عزيز.. البيت بيتك
منان... متي نلتقي ؟ ما كبرنا .. ؟
فيصل ... خلفا موجودة فيك
ابوعمة بيضة .. المتاوقة بحثا عن عمتك بفت عادة
طارق وانا منطط فرحا بيك
ودرملية ..كلماتك بتخلي بهارات الدنيا تبور لانها طاعمة (منو فيهو )
ودعمي جلال .. العراريب شن سوو فيك ؟
ولياب ..شيخنا
عبد المنعم ..وخنقول كتير لما نتقابل
سنوية - دة كلام .. ؟؟ اقول يمين تقول شمال
عواطف .. اختي ولقيتا
البربري محمد سيداحمد..اخوي
الشفيع .. حماستك لفعل الخير تسعدني كثيرا
الفاروق ..ودة كلام .. تخلي ودشيقوق يتفسح قيك
عراريبي الاعزاء من دون فر ز( الملكة .. ام احمد العزيزة .. ابوشنب مافي زيو .. اخمد ابوحريرة الانيق في كل شيئ ..ودشيقوق ( وبس كفي ) .. بيكم حبيت كل العراريب حتي تابط شرا
وانتي يا مني .. ليك يوم ؟؟ انا قدر دة ؟
انتو كلكم اشعرتموني بنعمة عظيمة من نعم الله علي ...حب الناس .. وكمان حب ناس ما شافوني ... حب من عندو جلي وعلي .. دعوات كبارنا (وانا ذاتي ما كبرت ) " يحبب خلق الله قيك "...حب كيفن ابقي قدرو ..
وكيفن اوقي حقكم
المولي يحبب حلق الله فيكم ..
_____________
مني : والله ما فدر دة كلو ؟؟ اتلخبطت ... اها كلو ما اقول البوست انسحب يجي ناطي .. ياملكة شوية حجبات وبخور عشان البوست يتدحرج للصفحة التانية والتالت ...حجبات ما تدي الشايقية النجيضة فرصة تلاني تسوي فيني زي دة ..
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
لفوق
من اجل شجرة الضل ....حبيب الكل..
تخريمة صغيرة ...
يا ابوبكر ...
امبارح حصلنا على تخفيض معتبر في اسعار اللاب توب بفضل التوصيات الصادرة من سعادتكم الى الانسة الهندية صاحبة الاسم العصي على النطق ...
فقط اخبرتها الكلمة السحرية التي لقنتني اياها ( انا اخت ابوبكر ) ... عملت اللازم واكتر .. وطلعنا انا وخالد ماسا بكمبيوترات معتبرة ومعاها شنطة هدية كمان .. شفت كيف ؟؟!!
الشنطة دي قلعا ليناالزول القيافةالظريف ( فيصل نوبي ) بايدو وشديدو استنادا على خبرته الطويلة في التعامل مع شركات الكمبيوتر ...
يعني ما احنا بس البنحبك ... حتى صاحبة اللسان الاعجمي ادت تعظيم سلام لاسمك الرنان ...
عميق المودة ...
وما تشاكلني يا ابوبكر ( سمح ؟؟!! )
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: nourelhadi awad)
|
Quote: أها يا سمية..ماشين نضبح لأبوبكر كرامة و سلامة..
ما تقولي لينا دايرة شية و الله أنا كنت قايمة أعمل شية !!
|
عادل
أول شى دايرة صحن مرارة بعدين الشيه
والشاى والقهوة حتى تجيبوا الغدا
والراس دايراهو نيفا
والجلد أسويهو قربة للموية الصاقطة
كنت دايرة لى سعن أهز فيهو الروب لكن خروفك كبير
يكبر شانك إنشاء الله بكفى الضيوف تب
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
| Quote: يديك العافية ويرضي عليك زيادة ويسعدنا بك دايما |
ويدييك كتييييييييييييييييييييييييير ..
انا بس عايزلي محامية لاني بدور ارفع قضية ضد بنية الخليفة اياها الكلما اشاكلا تقرقر لحد ما الموبايل يتراجف ويخليني لانو داير يروح ليها يكان ماهي في ..وانتي اختها ملزومة بيها ولازم ترفعي لي قضية ضدها لانها لخبتتني وما عارف اسوي شنو في الكلام الكتيير فوق دة .. انا ما قدرو وهي عارفة ومع كدة ومع البتاع البتقولوه داك " سبق الترصد والاصرار او بالعكس " فتحت البوست دة .. دي ما حيثيات (حلوة دي .. عربي فصيح الشايقية ما بعرفو ليهو درب) كفاية ...هي متكفلة بالاتعاب زي ما قالت لي امبارح ...
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: abubakr)
|
عارفه يا مني ابوبكر ده انا بحس فيه
رقتك وادب سميه وشفافيت نور الهادي
واصالة ود شيقوق وبحس فيه اخلاص ووفاء خالد
وبلقافيه نفسي زي وجع الصغير وبعده يلقا
حضن ام تلوليه وينسي الكان واجعه شنو
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
الدكتور عبدالعزيز عيسى ابكر
اين انت ايها الحبيب.. رغم اننا لم نلتق بعد إلا اننى اصطفيتك من بين كثيرين انسانا جميل الدواخل.. فى ذلك الوقت الجميل .. وعلى ساحات سودان ليست بإدارة دكتور عبدالمنعم يونس.. وكان القاسم المشترك بيننا جميعا الباشمهندس ابوبكر سيداحمد.. الذى احبه الجميع وتمنوا ان يكون رئيسا لوزراء السودان.. كان ذلك قبل حوالى عقد من الزمان.. ومازال ابوبكر يغدق حبه للجميع بسخاء.. يزداد طولا وعلوا كما نخل نوبى .. تقذفه بلاده بالحجارة فلا يرمى لها إلا رطبا جنيا... حمدت الله ان جاء حبيبنا الدكتور عبدالعزيز عيسى ابكر بهذه الواقعة لكيلا تكون شهادتى مجروجة.. فانا من حوار ابىبكر وعشاق مجالسه ودوحته الظليلة.. هنيئا لك يا صديقى بهذا الحب الذى جعلك تحاول الهروب خجلا من احبابك وعاشقى روحك السامية.. وشكرا للنبيل الآخر عبدالعزيز عيسى ابكر .. وهو الآخر انسان تدمن حبه من اول تعامل..
Quote: عزيزي الباشمهندس أبوبكر سيدأحمد كنت قد إلتقيته قبل عقد من الزمان
ولكن كل عام فيه كان يتضاعف بالعشرات أعواما من الحب والود والوفاء
إنه طراز نادر لمعنى الإنسانية والأنموذج السوداني الأصيل الذي إفتقدناه
سنينا..
إنه عطر كل سماواتنا بالصدق والنبل وحلو المعشر.. كان ولا زال دوما
المشعل لكل منتدياتنا ومنابرنا.. يكون دوما حاضرا كبيرا يملأ دواخل
الجميع بعبق الحب وتطلعات الأمل العظيم والحلم بسودان جميل..
قبل سنين مضت كان قد حاز على ثقة الجميع مرشحا لرئاسة وزراء السودان
من أعضاء Sudanlist التي كان يديرها رباننا الفاضل د.عبدالمنعم..
وذكريات عزيزي سعادة السفير الأستاذ نورالدين منان..معاذ سيدأحمد..
ود.عصام وكل عقد منتديات التسعينات الفريد.. فيا هلا لو أعدتم لنا
ذلك الترشيح مرة أخرى..
لكم حبي
عبدالعزيز عيسى أبكر |
شكرا عزيزى عزيز وارجو ان نكون على اتصال وادينا اخبارك.. هل مازلت بمليزيا؟؟
نورالدين منان
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
حبنا بلا حدود لأبوبكر سيد أحمد
سمح الشمايل، نبيل الخصال..
و أتمنى أن تجمعنا الأيام
طالما جمعتنا الأمصار..
خرجت من هذا البوست مغمورا بالحب..
منى و الله إنتي زاتك تستاهلي ليك
بوست حب كده، لمن يحيرك،
لأنو عندك طاقة الحب
و قدرة التعبير عنه..
محبتي بلا حدود
| |
|
|
|
|
|
|
|
|
 Re: أبو بكر سيد أحمد أخوكم وأخوي.. (Re: Muna Khugali)
|
الأخت العزيزة منى خوجلي
ســلامات
لا أدري كيف لم أنتبه لهذا البوست طوال كل الفترة السابقة.
الأخ الباشمهندس أبوبكر راجل أخو أخوان ومهما يكتب الواحد عنه لن يستطيع إيفاءه ما يستحقه من الشكر والثناء والتقدير. نسأل ألمولى عز وجل أن يحفظه ويمتعه بموفور الصحة والعافية.
تحياتي.
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
عزيزتي / منى
لك الشكر على هذا البوست الرقيق
ولك الباشمهندس / ابوبكر سيداحمد
...من قلوبنا واجب العشق..وفرض الاحترام....
أسف لتاخري في المشاركة...ولكن لان تاتي متاخرا خيرا من الا تأتي...
| Quote: وهانا ارفع صوتي عاليا لنتوج الباشمهندس أبوبكر ملكا لقلوب البورداب |
لك منا كل الحب ودمت أبًاوأخاًوعماً وقريباً أثيرياً من الدرجة الاولى لكل البورداب
مع ودي
مازن عادل
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
عزيزي سعادة السفير منان
يا سلامات وكيف الحال
وشوقنا بحر
شوقنا لا بنكتب ولا بتقال
والله اخجلتني بكلماتك الرقيقة هذه..
أنا ما زلت مرابطا بجنوب شرق آسيا
رغم الغياب الطويل جدا عن المنابر..
وحبيبنا عريس المنبر أبوبكر يتحفنا بربيع زياراته كل عام..
ما زال متوهجا بالحب بالود الكبير
وفعلا هو الوارف الذي نلتف حوله
ودائما يشدنا إليه حضوره العظيم في قلوبنا...
ما زالت دعوانا لكم قائمة بزيارة هذه البقاع الجميلة الهادئة والتي
لا يعكر هدوئها وصفوها إلا ابالسة NIF مرة مرة..
لك كل الشوق الود..
عبدالعزيز
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
الأخت مني
البوست دة الظاهر شغال من
بدري بحسب عدد زوارة الفات
خمسمائة زول وزولة(عيني باردة )
عذرا منى - فقد ابعدتني ظروف سفر
مفاجئ من السياحة في المنبر طيلة
الستة ايام الفائتة- حتى أوبتي اليوم
من زيارة ثانية لأسوان كانت معلنة لكنها
لم تكن متخيلة بهذا القرب من الأولي التي
أحتفلت بها هنا في هذا المنبر- وملاقاتي لهذة
الاحتفالية الفخمة بحق إنسان خلوق متعدد
المواهب وصاحب القلب الكبير المتدفق بعطايا
الحب والنبل الفريد شقيقتا الأكبر ابوبكر
فهنيئا لباشمهندسنا الكبير بهذه القلوب العامرة
التي طوقت عنقة بوفاء وتقدير يستحقة بجدارة
وأبوبكر يا أستاذة مني رجل مهذب ومحبوب منذ بواكير
الصباالأول الذي تنقل فيه بين عبكة مسقط رأسة وعطبرة
وكوستي والخرطوم ومدن أخري كثيرة بحكم عمل والدة
بسكك حديد السودان في زمان جميل غابر فالكل علي
مستوي العائلة أو العشيرة أو الأصحاب كان يبتدع طريقتة
الخاصة تعبيرا عن حبهم واعجابهم بهذا الإنسان الرقيق
فعشان كدة كنا بنلاقي دة بينادية أبوبكر سيد أحمد وذاك
ينادية بكري الحاج وأخرين لا يحلوا لهم التحدث الية إلا بعد
مناداته بتضغير إسمة إلي بــــــكر
شكرا مني الوفية والمعذرة مثلها لأبن عمتي
بكري علي التحية المتأخرة
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: رأفت ميلاد)
|
Quote:
Quote: وهانا ارفع صوتي عاليا لنتوج الباشمهندس أبوبكر ملكا لقلوب البورداب
لك منا كل الحب ودمت أبًاوأخاًوعماً وقريباً أثيرياً من الدرجة الاولى لكل البورداب
|
تتوجت قياصر من أطيب العناصر
ولى أخونا ولى حبيبناالتهانى
مـسـتـمـــــرررررة
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: nourelhadi awad)
|
الزملاء : منى والمتداخلون : تحياتي:
لم تتركوا شيئا ، انها كلمة حق لمن يستحق .
عفوا ، حضرت متأخرا عن قصد ، ففي قراءة هذاالسفر الجميل متعة ، وتحريض على القراءة لا الكتابة ، ارى مودتكم تمشي بينكم ، وتشيعون فرحا يبدد كل قبيح ،
الكلمة الطيبة تعمر اجيالا وتبني اوطانا
لكم محبتي .
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
ودة اسمو سفر ؟؟ فسحة تقولي عليها سفر يا سارقة الورد ؟ بعدين كبفن تروحي تتفسحي وتخلي الزوار يصمة خشمن اها لو نور الهادي ما وزع ليهم الوان شن كانو بسوا .. طيب الراكبيين لواري علي طريق شريان الشمال يقولو شنو ؟؟بعدين في ناس ابيت اسافر معاهم كلما يرفعو عفشي فوق اللوري اقوم انزلا تاني يرفعنها فوق اها اسوي معاهن شنو ؟ انا داير اقعد هنا وما اسافر اروح هناك ؟ مش علي كيفي ؟؟؟
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: abubakr)
|
ان اختلفت القبل الاربعة .. "ستتفق علي انك انسان"..
واذا تعرجت مسالك الناس وافترقت "ستلتقي عند حبها لك" ..
واذا مالت الارض عن مجراها "ستستقر لتنعم بصوت قدميك" ..
ياسيدي في الانسانية ... انت لاتستحق الا كل الحب ..
وياجبل مايهزك ريح ..
ام احمد
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
| Quote: سـلام لأهل المحبة والطيبة |
Quote: ان اختلفت القبل الاربعة .. "ستتفق علي انك انسان"..
واذا تعرجت مسالك الناس وافترقت "ستلتقي عند حبها لك" ..
واذا مالت الارض عن مجراها "ستستقر لتنعم بصوت قدميك" ..
ياسيدي في الانسانية ... انت لاتستحق الا كل الحب ..
وياجبل مايهزك ريح |
Quote: مهما أقول
مابطول لمقامك طول
لأنك إنت فوق الوصف وفوق القول
وفيك كل المعاني السمحة راسخة أُصول
رغم أنني لم أره ولم أسمعه ولكنني أعرف عنه كل ماقيل الآن ومالم لم يقال
وماسيقال
لأن أبوبكر هو :
1 - خليل فرح زماننا ( الذي يخوض معنا في كل الميادين )
2 - هو رمّـانة ميزاننا ( الذي يدفعنا ويحدونا حينما نيأس ويصيبنا الكلال )
3 – هو صمـّام أماننا ( الذي ننام على ضهرو موقنين انه من يصوِّبنا حينما نخطيء )
وبإختصار أبوبكر سيد أحمد هو رجل فوق الوصف يتسربل حب الوطن
أنا لا أتصوّر المنبر بل الدنيا بدون أبوبكر الذي يتفقدنا حينما نغيب ــ تعجبت اليوم
حينما لم أجد رسالة منه تسألني عن سبب غيابي ولكن حينما علمت بأمر هذا البوست ذهب العجب لأنه لايريد أن يلفت إنتباهي... فياله من تواضع يلامس السماء .
تعرفت عليه من خلال كتاباته وأحسسته مجسدا في كل حرف يكتبه ولم أجرؤ على مهاتفته يوماً واحداً حيث لابد لي من التسلح والتحصّن حتى أقوى على مواجهته وأنا التي قد كنت أعياني التصدِّي لوقع حروفه على تلك النفس المولعة بهذا السموالأبوبكري الوطنى حتى النخاع.
منى ....... لك التحية
يالك من شجاعة وقوية فكيف تجرأتى على الإبحار في هذا الخضم العظيم الذي نقف على سواحله ولا نجروء على فعل شيء سوى النظر إليه رغم كل مايستحق منا مما هو أهل له ، فلك الشكر أيها السباقة لقطوف الجمال.
سمية الحسن طلحة |
افتكر بعد كدة مافى كلام بيبقى بايخ
وبعدين ياعفاف انا زوله مسكينه وماعندى شدايد تقومو تعملو فينى كده اول حاجه انا كل القلتو سالت سؤال صغير وبكل حسن نيه بس كده اظن وبعد الظن اثم فى حاجه غايبه فى النص انا ماعارفها بين المحقق والمتهم والشاهد هو ماعارفا يعنى هو مسكين رماه الحظ العاثر فى طريق هذة القضيه الغامضه شويه لا فى الحقيقه غامضه كتير
شوفى عفاف حبيبتى انا عن نفسى بس شفت كل خير ايه رايك وبعدين حبيبه الجنس للجنس رحمه انا منتظرة منك انتى وسمسمه انكم تقيفو فى صفى وفى صف السمحه ام ولدو
عفاف ماشالله على اولادك حبيبتى ربنا يخليهم ليكم ويتلابو فى عزكم انشالله
ابوبكر ياواصل ازيك
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
| Quote: ابوبكر ياواصل ازيك |
في الف وخرتومية كلام في المنبر دة ما لقيتي غير "واصل " وبالمناسبة "واصل" بكان ما انا عايش اسم لخدمة الموبايل المدفوعة مقدما prepaid gsm
والواصل بدو ريجارج recharge
اها منو البجرجني ؟
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
| Quote: واصل الانا بقصدا قى نهر عطبرا حقنا ؟؟؟؟؟ |
شوفي لو عايزاني ارد عليكي تاني تسالي في بكان غير البوست بتاع بياعة الورد دة؟؟انا هنا ما برد وخلو البوست دة يتزحلق لتحت ويغتس بشان الارسال بتاعي يكون كويس واتخلس من اللخبتة ويجري زي نهر العطبرا
| |
|
|
|
|
|
|
|
|
|
Re: أبو بكر سيد أحمد أخوكم وأخوي.. (Re: Muna Khugali)
|
ياالله ..
كان يملاؤنى حديث طويل وراقص عن ابوبكر ،
كنتُ يئست منه.. ووجدته هنا
كيف أتيتيه بكل هذه الروعة!!
ما أبهاك يا منى
..........
هو وترٌ مدوزن لا يجرؤ أن يتفلت منقطعا
فإن فعل..أعاد تشكيله وأستبدله بناي
يهمس ، فيُغني الكون..
ابن خالتى ابوبكر..احبك
| |
|
|
|
|
|
|
| |
Muna Khugali
حبيب نورة
elhilayla
Mannan
ناذر محمد الخليفة
doma
الزاكى عبد الحميد
Manal Awad Khugali
Ahmed Yousif Abu Harira
أبو الحسين
احمد العربي
Agab Alfaya
abubakr
ابو جهينة
فيصل محمد خليل
Hussein Mallasi
أحمد الشايقي
حليمة محمد عبد الرحمن
mohmmed said ahmed
Adel Sameer Tawfiq
الطيب شيقوق
محمد سنى دفع الله
عواطف ادريس اسماعيل
Asma Abdel Halim
عفاف أبو حريرة
خالد المحرب
طارق جبريل
welyab
ماجدة عوض خوجلى
فاروق حامد محمد
ودرملية
حيدر حسن ميرغني
Abdlaziz Eisa
Samau'al Abusin
Gaafar Ismail
مازن عادل عبدالغني
رأفت ميلاد
اميرة الحبر ادريس
Yassir Tayfour
Faisal Al Zubeir
bushra suleiman
فيس بوك
تويتر
انستقرام
يوتيوب
بنتيريست