|
Re: ألف سلامة / نجاة الأخ محمد المرتضى حامد من حادث حركة بإعجوبة (Re: ولياب)
|
اخوتي واخواتي
الشايقي بالانجليزي
عبد الله ود البوش - بالحيل الكرامة واجبة على
دكتور مجدي ود المقابل - تاخرت دى ما محسوبة علا تتني عينك تاني
دكتور بلة ود موسى - ياخ الراجل لسه في ريعان الشباب اصلا ما بدقس
الشامي ود الحبر - حبابك
الاستاذة رشا بت سالم - المسنغر عندي مرات ما برسل هات ايميلك
استاذنا جعفر اسماعيل - تكرم - راجع المسنغر هنا بس
الاستاذ نوفل ع الرحيم - تسلم تسلم
ابو ذر ابو بكر - افو افو اكيد وصيتك توصل ابا اكرم
ولياب - حبابك عشرة وكتر خيرك
| |
|
|
|
|
|
|
Re: ألف سلامة / نجاة الأخ محمد المرتضى حامد من حادث حركة بإعجوبة (Re: Mohamed Eltayeb)
|
علمت بهذا الخبر المزعج متأخرا جدا - فقد أجبرتني ظروف العمل على الإبتعاد عن هذا المنبر بعض الوقت. البارحة فقط هاتفتني زوجتي مشكورة من لندن لتلفت انتباهي إلى ما حدث..فهي تعلم أنني لو كنت أدري لكنت من أوائل المتداخلين. محمد المرتضى صديق للكثيرين في هذا المنبر..ولكني أدعي أنه يجيء في ميزان تقييمي لأحبائي في درجة تعلو فوق مرتبة الصداقة. ومحمد المرتضى حامد ممن يدخرهم المرء فينا لوقت الضيق والحوبة. ننقطع عن بعضنا ردحا فلا يسوق العتاب بيننا غير أريحية المودة وتطييب الخاطر. أزعجني الخبر لعلمي أن الرجل حاذق في القيادة حذقه فن المحاماة. إتصلت فورا لأجده - كعادته- هادئا؛ شاكرا لله على أنها جات سليمة! وياأبو أكرم أعرف أنك اكثرنا تمسكا في مثل هذه الظروف بمقولة أهلنا الطيبين:(الجاتك في مالك سامحتك)!
تخريمة: علقت إحدى إخواتنا هنا بدعابة ظريفة وهي تقول للمستشار: ما قلت ليك سيب النظر للبنات السمحات؟ صدقيني يا غالية مولانامحمد في السواقة ما بشوف غير الشارع قدامو..جايز بداعب في المنبر ؛ وفي المنبر يمكن الدركسون في حالات يمشي يمين وشمال..لكن الحصل في الشارع دا (عين حسود)!! تسلموا كلكم من كل شر يا رب.
| |
|
|
|
|
|
|
Re: ألف سلامة / نجاة الأخ محمد المرتضى حامد من حادث حركة بإعجوبة (Re: الطيب شيقوق)
|
حمد الله الف علي السلامة و كفارة يا مولانا و تسلموا ان شاء الله يا الطيب ارجوان تبلغ تهنئتي بسلامة محمد المرتضي للاخ وليد حامد و قول لوليد حامد اعمل الكرامة و شوف ليك خروف كبير من الباكستاني الجنب رواسكو بتاع الخوير و شيل الشير بتاعي من مرتضي جعفر
و محمد المرتض لازم يقوم بالسلامة عشان يكون راس السنة مكرب بإذن الكريم
تحياتي لاهل النادي عموم
طه جعفر
| |
|
|
|
|
|
|
Re: ألف سلامة / نجاة الأخ محمد المرتضى حامد من حادث حركة بإعجوبة (Re: مزمل خيرى)
|
الأستاذ فضيلي جماع تحيات زاكيات عارفاه سواق من زمنه الكان معاي وأظن "البنات" العنده مكفيات بزيادة الدكتور محمد عبد الله الريح لما كانت عنده "استراحة" قال الواحدمننا تقول ليه صدمتني عربية يقول ليك ما تحمد ربك الما ضربك المجروس. قلت أخفف على مرتضى على الطريقة السودانية قبل فترة كنت واقفة في الاشارة الحمرا لما تحولت خضرا الشابة القدامى عشقت خلف وضربتنى، الضربة كانت خفيفة ومااستحقت البوليس لكن اتصلت بشركة التأمين وشرحت الموقف لزوم التصليح ودار النقاش التالي insurer: so you reared her Asma: No! she fronted me with her rear insurer: were you looking right in front of you? Asma: I was waiting for the light to turn green where else would I be looking? insurer: [laughter] sorry, we usually try this with men, anyway you are covered take your car to this place and they will take care of it..
| |
|
|
|
|
|
|
Re: ألف سلامة / نجاة الأخ محمد المرتضى حامد من حادث حركة بإعجوبة (Re: الفاتح ميرغني)
|
الطيب أخوي أنا قررت أونس مرتضى لحدي ما يقوم ويقول شكر الله سعيكم امشوا شوفوا ليكم شغلة بمناسبة بخور التيمان عند الدكتور العالم عصمت العالم حاحكي ليك قصةعن أخونا عادل سمير عادل قال في يوم زواجه جات جارتهم العزيزة تحمل مبخراً ليه علالة وأخذت تدور حول عادل صائحة "يا عين يا عنيه يا كافرة يا نصرانية" وفجأة انتبهت وأُسقط في يدها لكن لحقها عادل بي حسه الفكاهي البديع قائلاً قولي يازولة قولي نحن قاعدين نقول يا كافرة يا مسلمة
| |
|
|
|
|
|
|
Re: ألف سلامة / نجاة الأخ محمد المرتضى حامد من حادث حركة بإعجوبة (Re: Asma Abdel Halim)
|
الاخوة
عباس محمود
الفاتح ميرغني
الف مرحب وربنا يديكما العافية
الف سلامة بالعودة يا الفاتح
استاذة اسماء
Quote: أنا قررت أونس مرتضى لحدي ما يقوم ويقول شكر الله سعيكم امشوا شوفوا ليكم شغلة |
والله يا اسماء اختي صاحبنا دا بيكون متاااااااااااابع ومتكيف من وجودك دا وما اظن يقدر يقول ليك امشوا شوفوا ليكم شغلة
Quote: بمناسبة بخور التيمان عند الدكتور العالم عصمت العالم حاحكي ليك قصةعن أخونا عادل سمير عادل قال في يوم زواجه جات جارتهم العزيزة تحمل مبخراً ليه علالة وأخذت تدور حول عادل صائحة "يا عين يا عنيه يا كافرة يا نصرانية" وفجأة انتبهت وأُسقط في يدها لكن لحقها عادل بي حسه الفكاهي البديع قائلاً قولي يازولة قولي نحن قاعدين نقول يا كافرة يا مسلمة |
ههههههههههههههها عادل النصراني فعلا مسنوح وبقولا
| |
|
|
|
|
|
|
Re: ألف سلامة / نجاة الأخ محمد المرتضى حامد من حادث حركة بإعجوبة (Re: الطيب شيقوق)
|
قوم يا ودالمرتضى قوم قبال كُوًش (بفتح الواو)الخرطوم تتراكم اكتر وتصلكم فى مسقط والأخ بكرى ابوبكر لديه "خور" يرمى فيه ب"زبالة" المواضيع وكثير من المواضيع الحية "تنزلق" من الأرشفة الى الزبالة ولا تجد هذه المواضيع ومنها مواضيع سعادة المستشار خاصة توثيقه للخرطوم زمان والخرطوم الزبالة .. اجمعها (المقالات وليس الزبالات) فى كتاب مثل كتابات استاذنا منعم خليفة والشقى شيقوق.. الكوش اشتق منها السودانيون اسم كوشة العرس احتراما للكوش وربما لمملكة كوش والحرامية يدسون ما يسرقونه فى الكوش ... وكم من زبال صار مليونيرا وكم من مليونير صار زبالة... سبارس قوم عند قوم سجائر.. اخترنا الفقر وقلنا الدين فوق الكتوف والأصل معروف الفقر الذى شتتنا شذر مذر فى بلاد الله الفقر الذى جعلنا نفكر فى حال الوطن ونحن نقود سياراتنا وفجأة... لعن الله الفقر... الذى لو كان رجلا لقتلته.. الفقر الذى فرضه الكيزان علينا... قم يا صديقى الفقير لنصنع وطنا جميلا فى الخيال.. اما صديقنا الشقى شيقوق الذى استعجل الغنى من نفط دندره فلم يجد غير السراب !! معليش الفقر رحمة..والرحمة نعمة ولأرزاق قسم.. ويالله يا ود المرتضى قوم على حيلك واكتب فانت غنى بما حبالك الله من خفة الروح وصلابة القلم..
نورالدين منان
| |
|
|
|
|
|
|
Re: ألف سلامة / نجاة الأخ محمد المرتضى حامد من حادث حركة بإعجوبة (Re: يحي ابن عوف)
|
سعادتك
Quote: اما صديقنا الشقى شيقوق الذى استعجل الغنى من نفط دندره فلم يجد غير السراب !! معليش الفقر رحمة..والرحمة نعمة ولأرزاق قسم.. ويالله يا ود المرتضى قوم على حيلك واكتب فانت غنى بما حبالك الله من خفة الروح وصلابة القلم.. |
والله يا سعادتك المسألة مش سراب وبس ؟ ياخ بعد قنعنا من خير في بترولهم قلنا الناس ديل اقل حاجة بيتركوا لينا بير الموية العملوها خاصة لموظفي الحفر قدام حلتنا . تخيل بعد الشغلانية طلعت ليهم شيح في ريح عملوا شنو؟
وحياتك دفنوا البير دي دفنة والله بالجي بي اس ما تعرف محلها .
البركة ما لقوا بترول ذاتو
ود ابن عوف
ياخ بوركت واطال الله عمرك ما بتقصر
عين عين يا ممكونة قلت البسو حجاب منها لكن زولي يخشى الحجاب يفنتر كم القميص ويخل بالهندمة وكدا
| |
|
|
|
|
|
|
|