وليد عبداللطيف شكرا ياحبيب على جمالك ومنتظرين سمع اهل الشان
اول شريط انتجته فى حياتى سجل فى صوت الجزيرة فى بنى مالك وقابلت الاستاذ محمد عبده بواسطة الاخ كمال موسى وسالته عن معطلات وصول اغنيتنا السودانية وافادنى .. وصدفة قابلت فى الطيران الخاص فى طمار الملك عبد العزيز الاستاذ. عبدالمجيد عبدالله وافادنى فكونت فى خاطرى فكرة من السوالب وعولجت وكنت استصحبها فى كل عمل خاص بى واوعدك بانى منتبه تماما لان الفرصة حينما تاتى ساخذ معى خماسياتى الخاصة بعد مراعاة محاذيرر الاستاذين محمد عبده وعبد المجيد عبدالله . واشكر تواضعهما كل الشكر كل الشكر ,.
مرة فى مطار دبى وانا فى طريقى للخرطوم وفى انتظار الرحلة ذهبت الى السوق الحر فوجدت صورة للاستاذ عبدالقادر سالم فى احد الارفف انتبهت لانها اسطوانة cd لاتتصور الاحساس الذى تملكنى بالفخر واحساس بانى مقييم .وكان ذلك بسبب جيرانه فى ذلك الرف وانه يتوسط مجموعة كبيرة من الفناين العرب وامتلكنى وتمنيت ان تجلس صورتى فى هذا الرف ممثلا لكم فى يوم من الايام وان التفت للحظة وقلت بسم الله ستجدنى قريبا فى تلك الارفف ..
وليد نحتاج الى اراء الغير سودانين سمع على قدر ما تستطيع واعكس لنا الاراء تفيدنا خاصة من الاخرين لكونهم الهدف
التحية للجميع ولى عودة
انشاء الله
مودتى
12-16-2011, 09:44 AM
عاصم البنا عاصم البنا
تاريخ التسجيل: 08-23-2010
مجموع المشاركات: 69
استانا طارق مرغنى ... شكر الجزيل لاسهامك واوعدك انشاء الله دوما اكون عند حسن ظنك .. وااكد لك ياسيدى ان طالما فى العمر بقية ان اجتهد لان الانسان تاريخ والفنان عطاء والعطاء يستمد من مثلكم بكل هكذا جمال... والفخر بكم
مودتى
12-16-2011, 10:17 AM
Mahmoud Mustafa Mahmoud Mahmoud Mustafa Mahmoud
تاريخ التسجيل: 11-26-2004
مجموع المشاركات: 4325
Quote: احتمال اكون انا اول سودانى سمع الاغنية دى لمن نزلت فى اليوتوب ... بصراحة لم استطع اكمالها ..... فى شئ غلط .. .... بس ما عارفو وين !! احتمال يكون الغلط فى اذنى انا وليس فى العمل ....
على كل التحية لعاصم لاجتهاده فى التجديد واتمنى ان لا يتضايق من طرح رائ بكل وضوح مع اخد فى الاعتبار اننى لم اقرا اى من المداخلات عدا بداية البوست ...
عزيزي النصري،
لاشك أن ذائقتك تجد احتراما لدى عاصم ، بل يتوجب أن تجد التقدير لدى كل إنسان، ولحظت أنك ود. بله موسى لم تستطعا إكمال الإستماع إليها وكنت أتمنى لو تفعلا حتى يكون حكمكما على أمر استجمعتما كافة أطرافه حتى لو كلفكم زمنا إضافيا ، فالإنسان لايمكن أن يصدر حكما على أمر لم يلم بكافة تفاصيله ، أو هكذا علمونا في مهنتنا ، عارف يا النصري من الملاحظ أننا أصبحنا لانرضى إلا بما اعتدنا عليه من المطرب حتى يخال إلي أن أحدا لن يقبل أن يستمع لشرحبيل مثلا يغني أغنية حقيبة بل حتى لو تزيّا بعمامة وأمسك ب (الرق) كبادي وأجد المبرر النفسي لهؤلاء لكن سيأتي اليوم الذي سيتغير فيه كل شئ لذا أنت أثنيت على عاصم (لاجتهاده في التجديد) فعاصم لم يقل أنه أتى بما لم تستطعه الأوائل بل أوضح كثيرا أن هذه بداية ستعقبها محاولات أخرى نتمنى أن تستمر ويستمر الحوار حولها سيما من العارفين وبعيدا عن ما لا يفيد موضوع البوست .
لك التقدير والإعزاز.
12-16-2011, 09:28 PM
Mahmoud Mustafa Mahmoud Mahmoud Mustafa Mahmoud
تاريخ التسجيل: 11-26-2004
مجموع المشاركات: 4325
لحسوها ليك؟ عجبني، لانه كورتك بقت كلها في الكشافات. انت يا ولي بتجبر زول يرد علي كلام ما عجبو؟ دي اول مرة تلاقيني والله، بعدين القال ليك انا صاحبه منو؟ هسة انت لو ما صاحبي كان استوسَختك زااااتي :)
12-17-2011, 06:54 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وليد عبداللطيف شكرا ياحبيب على جمالك ومنتظرين سمع اهل الشان
اول شريط انتجته فى حياتى سجل فى صوت الجزيرة فى بنى مالك وقابلت الاستاذ محمد عبده بواسطة الاخ كمال موسى وسالته عن معطلات وصول اغنيتنا السودانية وافادنى .. وصدفة قابلت فى الطيران الخاص فى مطار الملك عبد العزيز الاستاذ. عبدالمجيد عبدالله وافادنى فكونت فى خاطرى فكرة من السوالب وعولجت وكنت استصحبها فى كل عمل خاص بى واوعدك بانى منتبه تماما لان الفرصة حينما تاتى ساخذ معى خماسياتى الخاصة بعد مراعاة محاذيرر الاستاذين محمد عبده وعبد المجيد عبدالله . واشكر تواضعهما كل الشكر كل الشكر ,.
ياخي كل الجمال عندك ياود البنا بالزات لما تجينا وتطل على الشاشة بالبلدي ... ودا كلام افضل نخليهو على جنب ودا موضوع كبير ومهم
الفنان محمد عبده وما ادراك ما محمد عبده طبعا ياود البنا زي ما شايف جميع من يعمل بي استديو (صوت الجزيرة ) سودانيين وغير ذلك سكرتيرة الخاص سوداني ( ادريس ) ومدير اعماله ايضا سوداني وهذا لانه يحب السودانيين جدا جدا والمهم في دا كله ولم تتطرق اليه بان صديقك او صاحبك ( كمال موسى ) لم تبين هويته للمتابعين هنا بأنه هو مهندس صوت (استديو صوت الجزيرة ) الذي يدخلة عتاولة الفن بالخليج والذي تعاملت معه انت وبالمناسبة الفنان (عبد المجيد عبد الله) كان معجب بصوت الفنان الراحل المقيم عبد العظيم حركة جدا وغير ذلك مهندس الصوت المصري (محمد حسيب ) باستديو المنصور صديق لكل من الاستاذ عمر احساس و ابوعركي البخيت وهو معجب بصوت ابوعركي جدا جداوسبق قام بتسجيل شريط لمحمود عبد العزيز وقتها هو كان يعمل بمصر طبعا وكما تفضلت الناس دي بتعيب علينا باننا نتحدث بسرعة يعني كلامنا سريع .. هو صحي ننحنا بنتكلم سريع ؟ تعرف يا استاذ عاصم انا بعجبني الانسان الجريئي الذي لا يخاف ويحاول يوصل حاجاته سبق وصاحبك الفنان جمال فرفور حضر هنا وقلت له كل السودان بغني ولكن لازم تعمل شيء يصل كل العالم وذهبت به الى جريدة عكاظ وعملت له لقاء صحفي كا إعلام له ودعاية وفعلا نزل اللقاء بالصحف عام 1998م وكان لقاء جميل وقابلنا هناك الشاعر عبد العال السيد و الاستاذ ياسر .. ونوعدك بنفس البرنامج في حال حضورك لنا هنا استاذ ود البنا اذا مابتعرفنا نحنا سمعناك هنا قبل ما تظهر في السودان كفنان وتنبأنا لك بان يكون لك مكانه اذا ذهبت السودان وفعلا لم تخزلنا ... ياجمبل لنا لقاء بإذن الله وتحياتي لود المرتضى حامد وضيوفة وتحيات خاصة هنا الى طارق ميرغني (ابو الفن )
12-17-2011, 07:19 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا سعد الدين : لكن يبدو إنو البيشكر عاصم قال ليهو بديك مصاصة وحلاوة شوكلاتة وهمبوكة ..
وليد يا مبارك ..: عارف زماااان بيقولوا إذا تفلسف الحمار رفس .. بعدين زولك ده يا وليد عايز ينكر ود اهلو احمد البنى ود الجقر ..ما ينكرنا نحن ؟؟؟ دي الخلعة يا وليد الخلـــــــــــــــــــــعة ..
نرجع لي موضوعنا الأساسي و حاجة لفتت نظري للناس البيستشهدوا بي إنو الأغنية لفتت إنتباه العرب ..
نحن ما عندنا ثقة في روحنا وفي حاجاتنا عشان كده بنفتكر إنو الجماعة ديل لو لواحد منهم بس أثنى على عمل نقيم الدنيا ولا نقعدها ..شنو يعني عماني سمع الأغنية وقام حفظها في اللاب حقو .. هو وينو الغنا العماني زااااتو ..ما هي المقارنة بين فننا السوداني والفن العماني ..انا متأكد جدا جدا إنو تلاتة عمانيين ممكن يحددو مصير نجاح وتقييم أعمالنا لأننا بنفتكر إنو الناس ديل أعلى مننا..وهم اللي بيوقعوا نجاح وفشل تجاربنا ..ده الحالة عماني فمابالك لو الحفظ الاغنية في اللاب توب سعودي من بني جلدة محمد عبده !!!؟؟
النجاح الحقيقي والإنبساطة الحقيقية لمن تقول لي في عماني سمع أغنية خاف من الله أو من غير ميعاد وقام حفظهم في اللاب توب .. النجاح الحقيقي لمن تقول لي قلنا ما ممكن تسافر هبشت ليها إماراتي تم إرسال زوجته لبعثة دراسية .. النجاح الحقيقي لمن مصرية تتحزم وتربط نصها عشان ترقص العشرة بلدي على أنغام يا بت النيل النييل وأحب النيل يا جميييل.. مش يا هم ديل العاصم قاعد يتفلسف عشان يخليهم يسمعونا لأنو بيفتكر هم ديل الح يعتمدوا فننا ؟؟؟
لسة سؤالي قائم وهو سؤال ليس للإجابة .. هل الفنان أو المادح الإيراني الإنجليزي سامي يوسف نشر الأغنية الإيرانية أو الإنجليزية لمجرد إنو تغنى بي أغاني على السلم السباعي بي ألحان عربية وموسيقى عربية ؟؟ انا متأكد أغلبية الناس حتى ما عارفين جنسيته شنو !!!
تخريمة : يا نابري عملت لي شنو في العصفور الغرد كإمرأة داك ؟؟؟ لقيت ليها شرح ولا ناكل باسطة ؟؟؟
12-17-2011, 09:22 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: النجاح الحقيقي والإنبساطة الحقيقية لمن تقول لي في عماني سمع أغنية خاف من الله أو من غير ميعاد وقام حفظهم في اللاب توب .. النجاح الحقيقي لمن تقول لي قلنا ما ممكن تسافر هبشت ليها إماراتي تم إرسال زوجته لبعثة دراسية .. النجاح الحقيقي لمن مصرية تتحزم وتربط نصها عشان ترقص العشرة بلدي على أنغام يا بت النيل النييل وأحب النيل يا جميييل.. مش يا هم ديل العاصم قاعد يتفلسف عشان يخليهم يسمعونا لأنو بيفتكر هم ديل الح يعتمدوا فننا ؟؟؟
حبيبي ياعمر الفاروق انت تعرف ياعمر الفاروق نحنا نتميز عن كل شعوب العالم في سمعنا عارف ليه لان منذ القدم شعبنا كان يتمتع بحركة رهيبة نحو الشرق والغرب والجنوب والشمال اذا كان من اجل الغربة ( مغتربين ) و طلب العلم او التجارة لذلك كل هذه المعطيات خدمتنا كثير وزادت من المعرفة والعلم بكل اشكال والوان الموسيقى المختلفة وهذه الهجرات ايضا كانت عكسية بعودتها مره اخرى ويحملون معهم ثقافات جديده ينشرونها هل سمعت مغترب سعودي في السودان هلى سمعت عماني مغترب في السودان لذلك ياعمر من الصعب الناس تتذوق غنانا ياخي نحنا بتتعب تعب شديد عشان نوضح الفنان قاصد شنو في كلماتة لذلك نحاول نقعدها ليهو واحده واحده ...
Quote: نرجع لي موضوعنا الأساسي و حاجة لفتت نظري للناس البيستشهدوا بي إنو الأغنية لفتت إنتباه العرب ..
عمر الفاروق متين الاشياء تلفت الانتباه اذا كان لك للعرب اذا واحد غنى غنانا بلفت انتباهنا مثل الطفلة التي غنت (انا بدري صحيت من نومي ) وحملت بها جائزه وهي نفسها التي تغنت بأغنية الكاشف ( اسمر جميل ) وعجبت الناس رغم في اشياء ناقصة في اللهجة من حيث التعبير في قيمة الكلمه كما كان يفعلها الكاشف ليه لانها هبشت غنانا وثقافتنا الغنائية ياعر الفاروق ياخي نحنا حتى عندنا في السودان لما الود الجنوبي في نجوم الغد تغني باغاني اهل الشمال الناس تعاطفت معه وتفاعلت معه ناهيك عن السياسية الولد دا اخذ جائزة في نجوم الغد حتى انا اتكيفت منه ولكن اعترض على الجائزة لان في شباب احق منه لان معظم مخارج الحروف كانت غلط والعرب نفس القصة لما واحد يغني غناهم يكونوا في قمة الانبساط لان الفنان اكيد بكون عبش ثقافتهم وحتى تقيمهم للعمل يترك لنا اثر كبير لانهم اهل لها من حيث الموسيقى ومخارج الحروف وجودة العمل ...
Quote: وليد يا مبارك ..: عارف زماااان بيقولوا إذا تفلسف الحمار رفس .. بعدين زولك ده يا وليد عايز ينكر ود اهلو احمد البنى ود الجقر ..ما ينكرنا نحن ؟؟؟ دي الخلعة يا وليد الخلـــــــــــــــــــــعة ..
طبعا ياود الفاروق صحافتنا والاعلام تعمل وتقول الكثير وهذه ليست اول مره ونحنا حقو عشان البوست ما ياخذ منحنى اخر حقو نتحدث عن تقييم العمل من جميع النواحي ونترك مثل هذه الامور جانبا وانت زول برضو كريم والكلمة الطيبة زيها مافي ممكن تقول لواحد انت مابتعرف تغني ودي وجهة نظرك ومافي زول بيفرض عليك شيء وانا مثلك اسمع بان الفنان عاصم البنا متعالي ومتكبر ولكن كل هذا لايهمني غير اننا نسمع اعماله ونقول راينا اذا كان سلبي او ايجابي بعدين ياخي برضو بقولو المابعرفك بيجهلك ولا انا غلطان ياعمر الفاروق من الافضل لاتترك مساحة لمثل هذه الاشياء في نفسك ودا اسمو الاتجاه السلوكي وقد يقودك اليه شخص اخر وخليك مقتنع بشيء واحد لاتحكم على انسان إلا اذا تعاملت معه شخصيا بالزات في الاشياء الشخصية . . وليد المبارك عندي ليك هدية حزاء مقاس 41 بشرط تلبسه في اول تحدي لنا وتكون زميلي
12-17-2011, 11:29 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
لانو بالطريقة الفى بداية البوست النزلها بيها ال تضى ماقدرت اسمعها ولا بالطريقة التانية بتاعت عمران برضو .. فى حل ولا اقعد ليكم ذى الاطرش فى الذفة كدا ؟؟؟
12-17-2011, 03:39 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
لانو بالطريقة الفى بداية البوست النزلها بيها ال تضى ماقدرت اسمعها ولا بالطريقة التانية بتاعت عمران برضو .. فى حل ولا اقعد ليكم ذى الاطرش فى الذفة كدا ؟؟؟
حمدا لله على السلامه وسلامتك من الطرش يا دينا، أمشي قوقل( عاصم البنا عصفور) بتلقيها قاعده.. ورأيك مطلوب ويهمني بالطبع..
إحترامي يا عزيزة..
نعتذر عن تخطي الدور بسبب الطلب العاجل .
12-17-2011, 11:10 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: يا نابري عملت لي شنو في العصفور الغرد كإمرأة داك ؟؟؟ لقيت ليها شرح و لا ناكل باسطة ؟؟؟
يا عمر عايز تاكل باسطة و تحلي كمان !!!؟
مافي طريقة يا اخوي ابداً شوف يا صاحبي أنا متأكد أنو العصفور الا مرآة دا عندو تصريف في الشعر و زيو لاقاني كتييير حالياً ما مستحضر الاقاني بس اطمن بلقاها و بجيبو ليك ... و اصلو ما بخليك تاكل باسطه .
الشي المهم يا عمر الاقتباس دا بتاع دينا دا بعد كلامه بتاع جريت جاي و جريت جاي و شوفو لي طريقة اسمع و شنو وشنو عشان اقول رآي دا كلوووو ما بتفهم مستعجل !!!! خصوصاً انها في اول كلامه قالت طلب !!! يا عمر رووووووق الرآي بالمهلة ثّم دينا دي اصله ختييره و بتجهج الباكات في البوستات الناس ناقشه كدا ياخ .
12-18-2011, 00:05 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
بسسس يا نابري وقعت لي في الشرك مع إنو ما دايرو ليك..بس عموما أمسك لي في "بيتفهم" دي كوييييس بحتاج ليها كتير كان ربنا هوون.. ورغما عن كده لا يا حبوب كلام دينا ما بيتفهم إنو مستعجل ..الأفضل إنو دينا تقعد طرشة من الفطفطة مش؟؟ يعني شنو لو دينا سمعت الأغنية؟؟؟ الإضافة شنو المتوقعة من دينا؟؟ أسة لو جات قالت الأغنية كعبة تقلبوها معاها ضحك ومشاغلات ويجينا عاصم جاري جري يرد فما أن يرى طرحة تعلق على البوست ولو سلبيا بيجي يرد بسرعة البرق.. ثم إنو دينا دي تحديدا ما عندها كبير غرض في بوستات تشنيف وتشكير الأغاني دي فمفروض رأيها ما مهم مش؟؟ دينا دي توجوهاتها وإن كانت عامة لكن برضو مركزة في حتة محددة وهي بالتأكيد ما الغنا.. يا نابري منبر سودانيز ده حاجاتو واضحة زي الشمس وقاعد في السهلة فالناس ما تجي تلولو الحاجات ساي.. بالنسبة للعصفور الغرد كإمرأة أبشرك ضربت باسطتي قبييييل ومعاها بسبوسة بعد..
12-17-2011, 11:56 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
يا الصادق، الخراب هين :) ------ كمان يا فاروغ عايز تطلعني شكار و مداح؟ يا صاحب، شغلكم ده بعرفوا كويس و زمان كان بيعملوا الشباب على ايام كرومة و سرور و الحقيبة لغاية ابراهيم عوض عشان كدا كان الفنان لازم يكون تلب و بيقفل الباب عديل بي ظهرو نكاية في اعداء الفن و الشعوب الهدامة، فعااادي مثيري الشغب الزيكم ديل كان بجدعوهم برة و كدا، اليوم القصة اتطورت و الكلام بقى بالسلوك، بقوا يفطوكم بس :)
12-18-2011, 06:53 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا سعد الدين.. طيب المشاغبين ديل لمن يكونو قوارير فيييي عضمهم ومش بيطقعو بي القوارير كيف ليهم ؟؟ رفقا بهم مش؟؟ ياخوي عقلية عاصم دي ما عقلية فنان بالعكس عقلية زول ساي بتلقا شبهو في الحلة كتير بيكون زول قاعد في الصقيعة بس ناس الحلة بيخلوهو يعيش الدور.. يا سعد الدين بديت احس إنك شايت غلط وبديت تفتكر إنو كلامي عن عاصم مرجعيتو الفطة..كويس إني كتبت رأيي في عاصم السلبي وعن العمل قبل الفط البتقولوا ده.. يا سعد عاصم ده لو إفترضنا جدلا إنو مطنقع فهي طنقعة في الفاضي..يعني انا ممكن أبلع بل وأستمتع بي إنو وردي مطنقع لأنو بي حقو..أحسن فنان في العالم العربي ده..أفهم وأستمتع لو قالوا أسامة داوود مطنقع مثلا لأنو زول مرتاح وقروشو كتيرة..أفهم واقبل وأستمتع بي إنو بي إنو الفيتوري يقولوا مطنقع لأنو مثقف ..وأفهم إنو يقولوا الترابي مطنقع لأنو شاطر مثلا..كما وأفهم إنو هناي داك مطنقع لأنو وجيهوني ومسبسب.. يلا يا أخوي زولك ده يطنقع فوق كم؟ مثقف؟ لا.. شاطر؟ للللأ.. وجيه ومسببسب؟؟نوووو.. قروشو كتيرة؟؟التكتح.. غناي شديد؟؟أبدددا... أجي يا بنات أمي..!!طيب الزول مطنقع فييييي شينو يا قول الشوايقة..
تخريمة الصادق يا إسماعيل..الني للنار نسوي شنو عاد..
12-18-2011, 07:02 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا نابري توضيح بسيط.. انا تشبيه المرا بي الطيرة ما عندي فيهو إعتراض:-).. انا ما مريحاني إنها بتغرد كمان..كفاها تكون طيرة ساي.. التغريد ده ذكرني النكتة القلتها في الأول ديك وتاني بقولا.. الأستاذ للطالب : أدخل كلمة غرد في جملة مفيدة.. الطالب للأستاذ: غرد الحمار في الحديقة..
12-18-2011, 07:41 AM
عاصم البنا عاصم البنا
تاريخ التسجيل: 08-23-2010
مجموع المشاركات: 69
سفيان الاصبع قطعتو طلقة من سلاحى فى مناسبة فى البطانة اثناء تفريغه والاصابة كانت الابهام ايضا باليمين واجريت عمليتين تجميل اجراها مشكورا د. اسامة مرتضى فى مستشفى الاطباء بالخرطوم لهما الشكر الجزيل وتم تاجيل اغانى واغانى اسبوعا لحين فك الفتلات ايضا لهم الشكر جميعا لذا ظهر الاصبع الايسر فقط حيث كان الجرح الاكبر فيه ولم استطيع اخراج اللاصقة .
لك الشكر على سؤالك وتحياتنا للوالدة وقوليها دعواتك ...
مودتى
(عدل بواسطة عاصم البنا on 12-18-2011, 08:00 AM) (عدل بواسطة عاصم البنا on 12-18-2011, 08:00 AM)
12-18-2011, 07:46 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
يا عمر صباح الخير، تاااني بقول ليك، لا ادافع عن عاصم كشخص فهو احق بالدفاع عن نفسه اذا كان هناك من هاجمه اصلا :) كلامي هنا و مربط فرسي عن الحفاظ على حق المواطن في الاجتهاد دون التعريض به و التقليل من شأن مجهوده لانه ده أنا بشوفوا حقي أنا شخصيا ايضا كمواطن آخر اتفقت ام اختلفت معه في توجهه. و مشاغلتي ليك بخصوص الفطة اللي هي عارف انك لا تكترث لها هي من باب التعبير عن رفضي لما سببها ما بحب ليك يفطوك يا فاروغ أخوي، مش ده من حقك على كصاحب؟ و برضو بثبت حق التعبير بالتفطيط ضد من يصر على رد، لانه في ناس شايفاهو زي الاجرم كونه لم يرد عليك.
----- بعدين القارورة ده منو؟
12-18-2011, 07:14 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: ثم هو تجاهل لا يليق بزميلنا عمر الفاروق الرجل - مع شتارته - قد قدم رؤية متكاملة من وجهة نظره رؤية تستحق الرد المباشر عليها أياً كان موقفك منها لا الإشارة إليها ( لمزاً ) من خلال الردود على المتداخلين الآخرين أجزم أن كثيرين يرون مثلما يرى ، لكن ما يميزه هنا في هذا البورد أنه دائماً ( يكون نفسه ). لا يمضغ الكلمات . يجهر بالكلام الذي يردده الكثيرون سراً بينهم وبين أنفسهم أو بينهم وبين أخلائهم في مجالسهم الخاصة لي بالطبع تحفظات على بعض ما ورد في مداخلاته ورؤيتي النقدية تختلف إختلافاً أساسياً عن الخط الذي سار فيه عمر لكنني أتحدث هنا عن المبدأ
الاخ عاطف عمر ... السلام عليكم احيانا زي مابتقول التجاهل او الفططان زي ما بقول اخونا عمر الفاروق يلعب دور كبير في الدبلوماسية في التعامل واذا انا في يوم اقتطعت جزء من كلامك واضفت تعليق في بوست سابق بيني وبين عمر الفاروق وانت زعلت جدا وقلت هذا شيء يخصك انت وعمر الفاروق و هو صديقك وتعبر له زي ما تعبر وتنسى تماما ان اي كلمة هنا ملك للجميع وممكن الناس ترجع لها او تستدل بها في اي وقت كان اكيد طبعا اذا قلتو كلام في الخاص بينكم مافي واحد يستطيع او له الحق في التعدي على الخصوصيات لذلك عدم ردي لك او فطي ليك كان مبني على انك زول محترم واعرف من تعرفهم ولك علاقات بهم وكما يقولون اهل الفن ( انا في شخصك احترم اشخاص وطبعا عندي احترامك خاص ) هنا الفط مبني على تقدير مني لشخصك الكريم لان مهما تقول او تغلط معي يستحيل طبعا اقول كلام ما في محلة مهما وصلت الى درجة من الزعل لذلك سكوتي او تجاهلي لكلامك احتراما لك ليس إلا ... لذلك انا هنا اضع الاستاذ عاصم البناء في نفسي موقفي ولي اسباب كثيرة دعته تجاهل اخونا عمر الفاروق وعدم الرد عليه امكن حفاظا على اشياء كثيرة يراها هو في نفسة ولو اني اعرف واعلم تمام من هو عمر الفاروق وكيف يدافع عن نفسة وكيف يقتص حقة في حال التعرض اليه .. ولكن اخي عاطف لما اي واحد يأتي ويقول لماذا لم ترد على عمر الفاروق معناها واضح وصريح افتكر وهذا قد يقود عمر الفاروق وتحريك اشياء في نفسة امكن تكون خامده او نائمة وهذا الحديث قد يثيرها ويصحيها لذلك قلت لي اخي عمر الفاروق مثل هذه الاشياء اسمها سلوك توجيهي قد يقودك الى اتجاه من غير ما تشعر وترد وانت في قمة الزعل والتوتر وتطلق طلقات قد ترجع اليك اصابتها ... اخي عاطف عمر لذلك اقدر الصداقة التي بينك وبين عمر الفاروق ولكن اتمنى ان يدافع عمر الفاروق عن نفسة وعن رايئة دائما ...
بالجنبة .. اخي عمر الفاروق امس كان عندك سؤال لي في هذا البوست بخصوص اذا طلبوا منك عمل سوداني ممكن تقدم لهم عمل الاستاذ عاصم البناء للاسف لم اجد هذا السؤال واين المداخلة التي قراتها انا امس للرد عليها اليوم واسف جدا عدم الرد في نفس الوقت ...
12-18-2011, 07:48 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: لم أكمل الإستماع وأكيد لن أحاول سماعها مرة أخرى
وشكرا مولانا أن جعلت تشغيلها اختيارى
سلام مولانا محمد المرتضى والتحيات للفنان عاصم البنا عندما يذكرنا بأيام صفانا السودانى!!
شكرا يا دكتور بله،
أكيد وجهة (أذنك) مقدرة وجلنا يجد متعة لاتضاهى وعاصم يغني أيام صفانا ومن أيام صفانا ، رغم أن ايام صفانا أصبحت بعضا من الماضي ويبدو أننا بالفعل دخلنا زمن الكوليرا .. بقراءة ما استهللت به البوست وددت لو أعرف – ضمن أشياء أخرى - هل يمكننا تجاوز ما عرفنا به عند الآخر من نماذج إزيكم والمامبو السوداني ؟ وأظن أنها أسئلة مشروعة. عاصم خاض تجربة بذل فيها وقتا وجهدا كبيرين ولم تعجبك وربما لاتعجب الكثيرين لكنها حركت المشاركين في عرض رؤى أضافت لمعلوماتي الكثير.. وهذه وحدها محمدة لكن اقول ، ورغم استمتاعي بالأغنية ، أن لاعمل يبدأ كاملا ، كل شئ يبدأ بعيوب هنا وهناك ويتم تلافيها في الأعمال اللاحقة، وحتى لو لم يكمل فحتما سيأتي من يستصحب تجربته ولو بعد عشرات السنين لأن محطات التغيير في أي جانب من جوانب الفن لا تتم في فترة قصيرة بل قد تستغرق جيلا بأكمله ومثال على ذلك ما أورده د. القرشي من نماذج وحقائق.
لك معزتي.
12-18-2011, 07:23 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
اها فيروز ذاااتها بتغرد مش اى مرا تانية ! رجعع الباسطة الاكلتها .. حملة شعواء يطلقها (الاخوين رحبانى) لتعقيد (الاولاد) فى البورد من الاهتمام بمداخلات (دينا) فى البوستات ! نجحت مع البعض لكن ماااا مع عاصم وال تضى ديل .. نايس تراى ! ما زلت احسبها نيران صديقة من (الاوغاد) !
ـــــــــــــــــ طرحة زرقا.. ويجى جارى .. وكلام قدييييييييم بتاع لساتك تخطاه الزمن والمكان .. ياخ عاصم دا واى فنان بيحيى الحفلات لو قالوا لى كرهتك شنو فى الدنيا دى بقول البنات .. من كترت ماشاف ولاقى لما جلدو تخن .. لكن كلام يشوف لى طرحة دا كلام ناس بمشوا بى وراهم ناس هيئة النهى عن المعروف .. وماكله عضامهم المكيفات والرطوبة وهم معسمين امام الشاشات ... بالله ما تسقطوا واقعكم على الاخرين .. سمح !
12-18-2011, 07:38 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: 31. قل: ورق ثخين، وشي ثخين؛ ولا تقل: ورق سميك، ولا شيء سميك؛ وذلك لأن السموك هو العلو والسمو والارتفاع؛ فالسميك – على حسبان أنه موجود في اللغة – العالي والرفيع.
32. قل: غردت النساء، وهلَّلت النساء، وسمعنا أغاريد النساء وتغاريدهن وتهاليل النساء؛ ولا تقل: زغردت النساء، وسمعنا زغردة النساء، وزغاريدهن؛ والظاهر أن "الزغاريد" بمعنى تهاليل النساء لغة عامية مصرية؛ ولكن العراقيين لا يعرفونها.
ـــــــــــــــــــــ منتدى ال عسكر لوووووووب المافى شنو ؟
12-18-2011, 08:19 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
صباحكم حب يا ناس البوست.. غبتَ عن البورد عدة أيام و رجعتَ و أنا أأمل في قراءة ممتعة لمداخلات هذا البوست الذي شاركتَ في بداياته... للأسف لقيت الحكاية جاطت - كما تعودنا - و تشخصنت الآراء و حلٌ التهكم و السخرية و المطاعنة محل النقد..بناءً كان أم هداماً ليه كدا يا جماعة ؟؟ هل يُعقل أن أطلب آراء الناس في عمل فني بحت..و يتحول الموضوع لعمك و أبوك و خالك و طنقعتك و صنقعتك و طرحة زرقاء و طرحة حمراء ؟؟؟!!! معقولة بس !!؟؟؟
بعدين يا عمر الفاروق الحتة دي وجعتني بالجد جد..لأنو فيها ظلم بيٌن...
Quote: يا سعد عاصم ده لو إفترضنا جدلا إنو مطنقع فهي طنقعة في الفاضي..يعني انا ممكن أبلع بل وأستمتع بي إنو وردي مطنقع لأنو بي حقو..أحسن فنان في العالم العربي ده..أفهم وأستمتع لو قالوا أسامة داوود مطنقع مثلا لأنو زول مرتاح وقروشو كتيرة..أفهم واقبل وأستمتع بي إنو بي إنو الفيتوري يقولوا مطنقع لأنو مثقف ..وأفهم إنو يقولوا الترابي مطنقع لأنو شاطر مثلا..كما وأفهم إنو هناي داك مطنقع لأنو وجيهوني ومسبسب.. يلا يا أخوي زولك ده يطنقع فوق كم؟ مثقف؟ لا.. شاطر؟ للللأ.. وجيه ومسببسب؟؟نوووو.. قروشو كتيرة؟؟التكتح.. غناي شديد؟؟أبدددا... أجي يا بنات أمي..!!طيب الزول مطنقع فييييي شينو يا قول الشوايقة..
و الإجابة عليها كالآتي : مثقف ؟ جداً جداً...شاطر ؟ خالص خالص...وجيه و مسبسب ؟ صلاة النبي فوقو قروشو كتار؟؟ الله الغني ..غناي شديد ؟؟؟ من أجمل الأصوات السودانية على الإطلاق أجي يا بنات أمي...انا كان منه أتطنقع لامن عمر الفاروق يآآآآآمن :)
هدو اللعب يا الأخوين رحباني...( أزيك يا دينا ) و كان ما عجبتكم الأغنية..احب اقول ليكم اني زاتي ما بلعتها و لم تدهشني ..لكنها لم تفسد الود البيني و بين ود البنا...و لم تقلل من إحترامي و تقديري له...و لم تقلل من رصيده الفني..بل أضافت إليه الكثير..فيكفيه شرف المحاولة و الإتيان بجديد..و محاولة إمتاعنا و إدهاشنا..في زمنٍ أصبحت فيه الدهشة و الوحشة وجهان لنفس العُملة !
12-18-2011, 09:03 AM
عاصم البنا عاصم البنا
تاريخ التسجيل: 08-23-2010
مجموع المشاركات: 69
ممكونة. طالما الدرب جابك النقولوا ليك بي جاي.. لي فترة وفي بالي أعنون موضوع بي إسمك..ومنعني الشديد القوي.. طالما الظروف لمتنا هنا اقولوا ليك.. إنتي صاحبة أحسن وأنضف أضان "أذن" بي لغة الحناكيش في الغنا.. متكيييف منك انا والله..ونموذج لي المستمع العادي البعرف يميز غنا احسن من المتخصص.. أكييد رأيي ده ما ح يغير وجهة نظرك في مداخلتك الفوق ولااا أنا ح اغير نظرتي في أضانك.. ويا قول حبوبتنا لي جاراتا المشاكلاهم وهي ماشة الحج كان مت عفو وعافية وكان جيت راجعة الحال في حالو..
دينا قوقل: طيب ما تراكي نجيضة في الفتيش..وجيب المعاني..أسة بدل تكتبي غرد دي لو كتبتي عصفور عاصم البنا زمان مش كان سمعتي الأغنية وكان أمن الناس شر الفطفطة ؟؟ بالنسبة للطرحة فلأنو عاصم زييينا كده كان في بلد النهي عن المنكر والأمر بالمعروف فانا قلت هو شايل عقدنا دي.. بالنسبة لي الرحباني أخوان والنيران الصديقة فدي مااا بيناتنا ياخ
12-18-2011, 09:39 AM
عاصم البنا عاصم البنا
تاريخ التسجيل: 08-23-2010
مجموع المشاركات: 69
Quote: تحية لك استاذي محمد المرتضي ان اهديتنا نغما...ان تهدي نغما ونحن غارقون في لجة القلق شيئ يسعد الخاطر ليرتوي للحظات لها ما بعدها نحو الاستدارة للحالة الطبيعية للاشياء ظنا او افتراضاان لم يكن واقعا معاشا...
اتابع عاصم منذ وقت واستمتع بالحانه ويعجني اتزانه مطبوعا عليه ابتسامتة الواثقة المفرحة..واجتهاده وجهده المستمر نحو الارتقاء في مجال هو رافد من روافد العلاج والصحة النفسية واعتدال المزاج..
عند استماعي المبدئي للاغنية او اللحن كنت مهتما ان اري عاصما يتمدد صوته علي السلم السباعي تمدد الشذي علي الرهر او الثوب اللافت علي القوام الممشوق ...كان عاصما مثل الشذي والحرير بصوته السوداني المستحب الينا في عبقه ومزاجه...المحاولات المتكررة ستخرج نكهة الصوت وتماوجه وامتداده ومداه عند عاصم وسيمسك عندئذ رسن الالحان يقودها ولا تقوده ...تتماوج معه وتكون طوع بنانه..
في زمن صالر خاليا من الدهشة ..ادهشتنا يا عاصم...
عزيزنا محمد الكامل،
أشكرك على اللغة الأدبية الرفيعة والماعون الجميل الذي قدمت فيه المضمون غض النظر عن تقديرك للعمل - الذي سَرَّك وأمتعك كما أبنت - وهي تجربة لا يقربها الناس كثيرا لمعرفتهم سلفا ما اعتاد عليه المزاج المتوارث رغم أن بدواخل المتلقي الإستعداد لتقبل لونيات أخرى من الغناء ووددت أن أجد إجابة موضوعية على هذه الحالة وبذل كثير من الإخوة هنا آراءا كادت أن تشفي أسئلتي بإجابات توضح لي الصورة. كما تفضلت - أصبحنا في زمن خال من الدهشة ، أو كما تفضلت ممكونة ، أصبحت الدهشة رديف الوحشة..
مودتي يا سيدي.
12-18-2011, 02:27 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
استعمت لهذا العمل بحيادية تامة وهذا ديدني منذ صغري فأنا اتعامل مع الموسيقى ككائن عالمي لا اهتم كثيراً بمن هو المغنى أو إلى اي دولة ينتمى.
للسبب اعلاه لا استطيع ان اتفق مع عمر الفاروق (زاوية الاستماع) لذلك استمتعت بهذا العمل كعمل في حد ذاتو وكموسيقى (حقيقةً لا آبه كثيراً للكلمات بشكل عام)، ولك التحية على هذه الموسيقى الجميلة
أستاذي الصادق إسماعيل،
ألفين سلام
أرجو أن تسمح لي باقتباس (الملحوظة) أعلاه من مداخلتك الأولى لأن البداية تتصل بأسلوب الناس في توصيل ما يريدون وهذه تختلف باختلاف البشر. أشكر لك مشاركتك التي لفتت نظري إلى جزئية هامة في استقبال دواخلي للغناء والموسيقى وهي الجزئية المتصلة بالكلمة المغناة، قد يأتي من يقول أنك لابد أن تستصحب الكلمة المغناة في الأغنية لأن الناس وطدوا آذانهم على (بيان) رسمي ظل يردده عليهم أهل الإذاعة قبل وبعد انتهاء الأغنية ( غنَّانا فلان الفلاني أغنية كذا من كلمات ولحن فلان ) ومن ثم أصبحنا (ننظر ) إلى الأغنية كأنها تصل إلى دواخلنا على ثلاث عجلات وهذا غير صحيح بالطبع ، ويدل على صدقية حديثك أننا نطرب لأغنيات بلغات أجنبية لانفهمها ونطرب لأغنيات بالدارجة السودانية لاتحمل أي معان إذا تمعنت فيها ، بل تجدها ممعنة في السذاجة، في حين أنك تجد أغنيات تكاملت فيها العناصر المذكورة ( التقليدية) ولا تشجيك، من ثم هذا يعيدنا إلى مبدأ نسبية الطرب.. وكما كتبتُ يوما في أحد البوستات يمكن أن تسكرني أغنية ( مرضان باكي فاقد ) بصوت بادي ويمكن أن يمر بها آخر وكأنه يستمع إلى كشف توزيع الأراضي.. قد لاتصدقني إن قلت لك أني تذيبني أغنيات لا أفهم معناها باللغة الأمازيغية أو الإثيوبية حتى دون مصاحبة آلات موسيقية وربما يكون لصوت المغني أو المغنية دور في ذلك بالطبع وهذا يتفق مع قولك أن الكلمة قد لاتكون بتلك الأهمية في جسم الأغنية.. في اتجاه غير بعيد يا الصادق ربما تذكر لغطا كثيرا دار بين أنصار وخصوم الشاهقة فيروز عندما غنت (ياأنا ياأنا) فنزلت عليها سكاكين الخصوم ، من اللبنانيين أنفسهم ، بأن الرحابنة استباحوا سيمفونية موتزارت رقم 40 ووضعوا عليها كلمات باهتة لكنها، ومنذ سنوات طوال ، تمثل رقما ثابتا في إلبوماتها.
ودي واحترامي.
12-18-2011, 03:17 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
ما ظن باسطة منيّ أنا يلقاها يا دينا بس في و كتها ما كان عندي زمن لقوقل لووووووووووووول
قلتي لي الأمر بالمعروف و شنووووو ؟
يا عاصم الوالدة بتقوليك سلامة الف سلامة و سألتني البودي فنان يضرب نار في حفلة شنو ؟ بيني و بينك كان بارينا كلام الوالدة قطع شك حتستلم البوست و أنا ابقي مجرد (صفيف) زي ما بقولو ملاسي و طارق جبريل .
12-18-2011, 09:11 PM
عبدالله الفرجوني عبدالله الفرجوني
تاريخ التسجيل: 05-04-2009
مجموع المشاركات: 83
Quote: أول ما يجب الإشارة إليه بل والإشادة به هو تفكير فنان ( شاب ) للقفز فوق ( سور المحلية ) التي كبلتنا زماناً في جميع أوجه الإبداع وليس مجرد التفكير بل والسعى الجاد وتنزيل هذا السعى لعمل بين أيدي الناس فهذا لعمري منحى إيجابي أظنه واجب علينا قبل أن يكون حق لعاصم أن نشيد به. - أول سؤال تبادر لذهني ، هل هناك نمط ( غناء عربي ) موحد له مواصفاته وتوجب على من أراد أن يلج لسوحه الإلتزام بهذه المواصافات القياسية ؟؟ في ظني لا ....
العزيز عاطف،
سلامات يا سيدي، تخطيت مداخلتك الأولى - بعد قراءتها للمرة الثالثة - لأنها تتعلق بمسألة إجرائية تبادلت فيها أنت وسعد الدين الحجج حول مسألة محددة لا أود الرجوع إلى تفاصيلها وأجد نفسي متفقا مع جل رأي سعد وكثير مما ورد في حديثك، وأقول لك خير لي أن تهديني قطعة خزف متواضعة القيمة المادية في غلاف جميل ونظيف من أن تهديني ذهبا في ورق يسئ إلى النظر، النفس البشرية جُبلت على النفور مما يسئ إليها وهذه بدهية ، وتتفق معي بأن بذل النصح يجب أن يتوخى صاحبه العبارة المناسبة وإلا كانت ردة الفعل من متلقي النصح سالبة، وعلى كل إتضح الأمر.
تبسمت وأنا أطالع رأيك ووصفك له بأنه رأي (عنقالي) وكأن المشاركين في هذا البوست من علماء الموسيقى، يا سيدي أنا مثلك لم أدرس الموسيقى على أصولها ومجرد مستمع ولا أريد أن أتخلى عن متلقيات الطرب في جهازي العصبي بأي حال بل لايمكنني ذلك لأنها وليدة ثقافات متباينة واستماع طويل إلا إذا كان (التخلي) رديفا للتطور وهذا شئ طبيعي ولا يمكن أن يعلمني أحد كيف أطرب -كما قال والدي ، أمد الله في عمره، عن الكوريين بتاعين المعهد- لكن كنت استهدف حوارا هادئا يضيف إليه الهواة أمثالي والمحترفين من أهل الموسيقى والفن لتقييم التجربة بعيوبها وإيجابيتها وما زالت المشاركات تترى ونتمنى على الله أن تصب في ما استهللت به هذا البوست.
أتفق معك أن تجربة عاصم تستحق الوقوف عندها بالدرس والتحليل والتوجيه الذي سيفيد عاصم باعتباره رقما في الساحة الفنية ولاشك أن كلامك ورأي المشاركين هنا سيضيف إلى تجربته الكثير وسيضيف إلينا قطرات من بحر الموسيقى والغناء الذي لاساحل له ولا أحد يستطيع القول أنه ملم ولو بجزء منه وتفريعا على هذا ينبغي على كل من يدلي بدلوه أن يعي هذه الحقيقة ويعمل في ضوئها..
لك التقدير يا عاطف على مشاركتك الغزيرة المفيده حقا.
12-19-2011, 09:05 AM
mamkouna mamkouna
تاريخ التسجيل: 12-05-2004
مجموع المشاركات: 2246
Quote: ما احسست به وعشته فى هذه الاندهاشه..هوحفيف الكلمه..ورشقها..وتفردها...وامتلاكها المساحه والمسافه وهى تجنح وتحق وتبترد...ثم زخم الالحان فى تداخلها وفى انسيابيتها وتوزيعها اللحنى والموسيقى ...ومكوناته ..وجسارته..وهو يطرق تلك الافاق...ثم جرس رنين الصوت وتغريده شجوه وهو يتخطى المسارات ويعتلى ذلك السبق .وهو يتحكم فى فيوض ...وعطاء لا يجارى.... اليك ايها الفنان المرهف المبدع... عاصم البنا.... فى هذه التجربه الفريده الجميله وانت تسعى وتجتهد وتقدم هذا النمط البديع وانت تاتى بهذا المزيج المزن...فى سحر اختلاطه وتخلطه...وهو الهام فى مجمل منحه....وعطاء مسترسل .فيه الطرب وفيه الراحه وفيه الاستراحه وفيه قطرات الندى الرعاش...
أستاذنا الأديب عصمت العالم،
يشق علي اقتباس بعض حديثك لأني أكون كمن يقتص مساحة عشوائية من جيوكندا دافنشي ، لكنني آثرت أن أرشد من لم يتعطر من الصفحة الثانية إلى حديقة الياسمين ومحل العطور وخذ اقتباسي أعلاه ك perfume tester
مثلك أعجبتني الأغنية وطربت لها وأدهشتني التجربة لجسارتها ، فمن السهل أن تشيد طريقا في أرض سهلية منبسطة وهذا لايكلف الكثير من الجهد بل يمكن لأي (مقاول) مبتدئ القيام به أما الطرق التي تحتاج تفجير الجبال وحفر الأنفاق ثم التسوية وإنجاز السياجات والحماية الجانبية وال retention walls فهو عمل طويل شاق لايقوم به إلا الكبار ممن حباهم الله الإمكانيات والثقة بالنفس.
تجربة عاصم جديرة بالنظر والتمعن والتثاقف حولها ليس بالنقد العلمي المهني وحسب بل باستمزاج المستمعين العاديين أيضا، وبكل أريحية وشفافية تفيد الفنانين وبأدب يمسح القذى عن العيون وإصحاح بيئة النظر والخاطر، فالمعني هنا هو التجربة في حد ذاتها وحسب ولاشئ غير التجربة.
(إحترامي إليك من صميم قلبي).
12-20-2011, 10:32 AM
عاصم البنا عاصم البنا
تاريخ التسجيل: 08-23-2010
مجموع المشاركات: 69
الاخت نجاة ... لك العتبى حتى ترضى سيدتى كما تعلمين ان سوق الكاسيت فى السودان وفى معظم البلدان قد تدهور الى مرحلة الا عودة ونسبة لسهولة تنزيل الاغانى من الانترنت اصبح لا ضرورة للمستمع ان يخسر المال لشراء منتج فنى الا فى الدول المتقدمة .. لهذا السبب وذاك الان انا فى مرحلة التصميم websiteخاص يحمل اسمى على الانترنت اتواصل فيه مع مستمعى اغنياتى واوفر فيه لهم كل الانتاج قديما كان او جديدا بما فى ذلك السهرات والمقابلات وكل حركتى اليومية غير الخاصة
توقعينا فى القريب العاجل بالمجان ياستى وانا عازمك سمع ملح واول cd تنسخيهو اعتبريهو هدية منى شخصيا اينما كنت
اخونا وليد عبداللطيف ... التحة لشخصتك انا فى انتظار آراء الاساتذه من خلالكم لان هذا ينقلنى الى مرحلة التفاصيل الفنية الغير سودانية وهذا مهم جدا لى ... معليش نكلف عليك ...
مودتى
12-22-2011, 08:59 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: اخونا وليد عبداللطيف ... التحة لشخصتك انا فى انتظار آراء الاساتذه من خلالكم لان هذا ينقلنى الى مرحلة التفاصيل الفنية الغير سودانية وهذا مهم جدا لى ... معليش نكلف عليك ...
الحبيب الفنان عاصم البناء اقول ليك حاجة شفت الاذن السودانية زيها مافي في الدنيا تستطيع تفرز وتتزوق اي لون من الوان الغناء زمان في الحلة وفي البيت يازول بشوف ليك اشرطة لافة في الحلة شيء ام كلثوم وشيء عبد الحيم حافظ وفيروز كنت بقول ديل وهم ولا شنو مالو لو سمعو اولاد المورده واولاد شمبات وكان عندي اشرطة جميلة ليهم اها الشباب ديل شوية شوية هاك اسمع دا والحفلة دي كانت وين وجدت نفسي انا زاتي بسمع الوان اخرى غير الغناء السودان الى ان وصلت الفنان هاني شاكر والان ممكن اسمع شيرين من مصر ... انا بقول ليك الكلام دا واكيد في مليون سوداني مثلي بس مشكلتنا مجاملين لابعد حد وفي السودان ممكن تجد التقييم الكافي الذي يخليك تتعامل بكل ثقة مع افكارك الجديدة لكن اذا حبيت النجيضة من اهلاها نفسهم ماعندك مشكلة وزي ماوعدتك لو حصل وجيتنا هنا عن نفسي والله مابقصر معاك تب . . بالمناسبة يا استاذ عاصم البناء في حفلة سمعت الناس طلبو اغنية من صديقي الحبوب (ياسر تمتام ) في نهاية الحفلة ونحنا طالعين سالته الاغنية دي حقت منو قال دي بتاعت الفرجوني تقريبا اسمها (صابي المطر ) بس وقع لي في جرح لان الفرجوني زمان كنت من النوع البقعد ويتكرفس لسماع اغانيهو وحكياته في الصيد الكلام دا كله نحنا صغار سمح .. اها احكى ليك واكيد بتكون سمعتها منه شخصيا قال: في مره مرقو رحلة صيد والمهم في الرحلة دي قابلهم واحد في الخلا وكرهم وقاسمهم اي حاجة بس مايولعو النار صاحبك يجي جاري للشاي ويشفط ويشفط الحركة دي زعلت الفرجوني طبعا في مره جاهم ليك جاري وصاحبك قعد لكباية الشاي وسالهم انتو اللبن دا بتجيبوهو من وين الفرجوني رد وقال : من الكـــلبــــــــــة الراقدة دييييك اها صاحبك تاني وراهم عجاج رجلينو وشرد ... بالله تحياتي للقامة الفنية الفرجوني
12-22-2011, 09:22 AM
داليا حافظ داليا حافظ
تاريخ التسجيل: 06-06-2008
مجموع المشاركات: 5055
مافي عيب أن نمشي للناس ولاعيب الناس يجونا في دنيا اصبحت منفتحة على كل الثقافات .. لكن في اسئلة بتطرح نفسها مع ـ العلم أني ماسمعت لانو الرابط ما شغال ـ لكني فهمت انك غنيت عمل بالسلم السباعي وباللغة العربية ..لحدي هنا تمام ومافي مشكلة ..
لكن هل الهدف التعريف بوجود فنانين سودانيين ولا الهدف التعريف بالفن السوداني (الغناء تحديدا) ؟
فإذا كان الأول ..تمام ومن حقك ..
لكن لو الهدف التعريف بالغنا السوداني ..فده(لهجة/ ومفردات خاصة/ وسلم/ وروح وإرث كبييير ) يعني هوية كاملة ..
بالجد أنا مهمومة جدا بالتعريف بالغناء السوداني زي ماهو ..الاشكال مافيهو..في القنوات الموصلة وفي الطبيعة السودانية المنغلقة على روحا ده جدل كبير نحن ما بصددوا ..
لكن بتمنى خطوتك دي تكون بداية تعريفية بعدها ..تغني غنانا نحن البشبهناوالبعبر عننا شكلا وموضوعا..
وأنا عندي مشروع بصب في ذات الاتجاه ، الفكرتو بتتلخص انو نشوف الغناء الخفيف البعلق بسرعة في الأذهان ونوريهو للناس بطرق مختلفة أجمل الأغاني السودانية ....وبعداك ندخل على التقيل
اي خطوة في حب السودان حبابا تب..ونصلح ونحن ماشين ..لكن لابد من بداية ..
12-22-2011, 11:25 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا وليد ما تزعل من كلامي الجاي ده..بس صدقني بي صورك النزلتها هنا مع عمالقة الفن العربي وتحديدا محمد عبده فتأكد عاصم البنا ح ينبرش ليك عدييييل كده..الزول ده فنو قائم على المصلحة ثم المصلحة ثم المصلحة..وما يحدث في كواليس أغاني وأغاني والديرتي قيمز بينو وبين السر قدور حاجة تعمل الغثيان..هدي اللعب يا وليد والزول ده بيجيك فيييي حتتك صدقني.. حسب مداخلاتك يا ولي فإنت تملك زخيرة ما ساهلة من المعرفة بالوسط ده وأضانك حلووة وسمعت ما يكفيك لي عشرين سنة لقدام..
تخريمة.. طلع عاصم بي السلم السباعي ولا بي البرشوت حددو في الناية كان بالغ سوق الشجرة شرقا وإسطوب مكي غربت ثم فول الواحة شكمابا فصينية أزهري جنوبا....عالمية ما طلعكم ليها محمود والله ما تطلعوها خمسين سنة لي قدام..خليك في تحبيش أغانيك دي أحسن ليك وعدادك ح يرمي كويس..وقووةلي لي قوولم أها..أها.أهاااا..
12-22-2011, 11:40 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
يا ولي يا حبوب.. خليها كده العمرة بتجيبني جدة إن شاء الله وبنتلاقا..لكن النبي فيك كان تجيب لي سيرة قوشرانيز دي لمن الاقيك..خلينا نتونس عن بحري وأمدرمان والكورة..سودانيز دي حتتا هنا أصلو ما تشيلا معاك حتة تانية..سمح؟ أها يأخ راجي صور الحوووت من أيام زمان..
12-22-2011, 11:49 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا ولي يا حبوب.. خليها كده العمرة بتجيبني جدة إن شاء الله وبنتلاقا..لكن النبي فيك كان تجيب لي سيرة قوشرانيز دي لمن الاقيك..خلينا نتونس عن بحري وأمدرمان والكورة..سودانيز دي حتتا هنا أصلو ما تشيلا معاك حتة تانية..سمح؟ أها يأخ راجي صور الحوووت من أيام زمان..
12-22-2011, 12:14 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
غايتو يا عمر الفاروق ما تفعله لا يعدو أن يكون مطاعنة و مشاعر عقيمة، خجلت ليك عديل والله ياخ الحاجات دي ما كويسة عشانك قبل ما يكون عشانا او عشان عاصم الذي لا مصلحة لاحد هنا في الدفاع عنه و هي تخدمه لو كنت تقصد ايذائه. لو عندك شيئ شخصي معاهو تعال ليهو عدييييل بدل تتلبس ثوب الناقد و الصدق و ننتناقش معاك على هذا الاساس لنفاجأ بأنه الامور ما ياها، ما حلوة منك في حقنا ياخ، ولا كيف؟
12-22-2011, 02:27 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
دينا آل خالد.. قال ليهو حقارتكم في الجنوبيين حتى في الغنا ما بتخلوها.. إبن الشمال ده تسكنوهو جوة قلب أدييييييل كده..ةإبن الجنوب ده بس تدموهو ألي الدلوووء..تضموهو على الضلوع وبرضو تقولي لي ما بعرف؟ ..بعرف بعرف ياخ بس إنتي ركزي
12-22-2011, 02:32 PM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
والله يا سعد الدين يا اخوي لو في حاجة بتخجل فهي طريقتك في لعب دور مساعد الياي دي..وكونك فرغت نفسك لي إنو تجي تعقب على كل مداخلة مني.. عايز تصل لي شنو ما فهمتك بس يا زول راحتك عيش اللحظة وداقرني ورد على كل حرف مني سواء كان موجه ليك أو لي غيرك.. وأهو إنت جبت النجيضة وعايز الخير لي زولك..فطالما إنت شايف خطي الانا ماشي فيهو ده بيخدمو ويرفعو خليني ياخ اواصل فيهو وما تخرب لي زولك ده الرفعة دي.. وبعدين يا مان ماف حاجة لمتني بي الزول ده عشان ما تعولقني ساي فأنا لا بعرفو لا بيعرفني عشان يكون في شي شخصي..وفي نفس الوقت انا ما ناقد انا بتكلم زي ما بتكلم مع أي بوست مفتوح في سودانيز.. فلو خليتني تلبت من كنكوجك انا شايف أريح ليك
12-22-2011, 06:24 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
وليد يا مبارك.. المشكلة انا ما بيلية..:-) عارف يا عمك..قيل والعهدة على الرواة..إنو في مباراة الهلال وسانتوس البرازيلي نجم المباراة الأوحد ودون منازع هو الفاتح النقر..وقيل إنو وددا ليك كارلوس البيرتو بيريرا راية الكورنر وغسلو لحدي ما كارلوس البيرتو قلع راية الكورنر..ومشى نهاية الكورة باسو في راسو..أها الناس مسكت ليك في شواطين مع إنو الناس البتفهم كورة جاطت في شواطين لأنو خرب ليهم متعة المشاهدة.. أها سعدالدين ده فعلا شواطين..:-) غايتو انا بحب الفاتح النقر..:-)
12-22-2011, 09:55 PM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
والله يا فاروق، ممكن جدا اكون مساعد ياي لكن الياي ده انت زاتك ، من باب انصر اخاك ظالما او مظلوما غايتو نصرتك نصرة هنا لما الشفت عايز يبوس راسي، علا بنزلك من كنكوجي ، اها العفو و العافية :)
12-22-2011, 10:00 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا جماعة إنتو بتغشو في روحكم؟؟؟ الإجابة على سؤال داليا مستحيل زولكم ده يجاوب عليهو والسبب بكل بساطة إنو داليا ما كملت الخيارات وعليه الإجابة الصحيحة مافيشة..فلا هو عايز يعرف بي الفن السوداني ولا هو عايز يعرف بي الفنانين السودانيين.. فكروا بي طريقة أحسن وإنتو تلقوا الإجابة..
12-23-2011, 03:14 PM
عاصم البنا عاصم البنا
تاريخ التسجيل: 08-23-2010
مجموع المشاركات: 69
اخونا وليد.. من البديهى انه طرح هذا العمل والشكر لراعى البوست كله فى منبر سودانيزاونلاين وسودانيز اولا فى نظرى لانها مرجعيتى التى استمد منها هويتى فامدها باسهامى الذى لا انتظر ان يحدد كيفيته غيرى ...
طلبت منك طلبى وانا على يقين تام واستامنتك لنشر النتائج لا لشىء يمنعنى من التواصل مع كبار الفنانين العرب ..بل لى من العلاقات مايتح لى التواصل ولكنى وددتك اذ تدلو بدلوك بعد ان يشهد شاهد من اهلها وهذا لا يضير بالسودانى بشىء ان استحسن الامر المتخصص او رماه .. فهذا عملى لم استلف من احد اغنيتة ليقيمها خلافى او اقلد احدا .. وكنت فى انتظار ان تعودنا باراء مختلفة ومنوعة من ذوى الخبرة والاوائل الذين ابديت لنا علاقاتك بهم ليس الا .
ومازال انتظارى قائما وساظل مستفيدا من ذلك الرأى ايا كان
مودتى
12-23-2011, 04:04 PM
عاصم البنا عاصم البنا
تاريخ التسجيل: 08-23-2010
مجموع المشاركات: 69
الاخت داليا حافظ .. لك التقدير واشكر الجزيل افيدك سيدتى ان هذه الاغنية يمكنك الاستماع اليها فى اليوتيوب مباشرة .
اما فيما يتعلق بسؤالك فانا لم اتحدث قط عن اى مساس بالاغنية السودانية المتعددة الامزجة ولكنى طرحت ان تكون هناك اغنية سودانية عربية بهذا النهج الذى انتهجته لارجاع حقنا فيه كعرب وهذا من وجهة نظرنا انا وستاذى العم الفرجونى .. وذلك لما نراه حق مؤكد فى عروبتنا ومؤصل فينا كما لنا كذلك حق فى افريقيتنا ومؤصلة ونعتز بها .. ولمن يرى فى نفسه غير ذلك فاليغنى بالسواحيلى او الاردو لا يضير ...
اما عن مشروعى فقد وصلنا انتاجا سبع اغنيات تنتهى فى مارس ووجدت فرص لنشرها فى الخليج وعبر قنوات شهيره ولكن نسبة لارتباطى هنا بالسودان وعدم اكتمال التوزيع بالقاهرة والسودان سننتظر مارس للتنفيذ ..
مجازا اطلقنا عليه اسم الاغنية السودانية العربية وكما معلوم لديك فالغناء غناء ان كان عربيا او غيره ولكن هذا الضرب غائبا من ساحتنا كسودانين عرب واسهامنا فيه قليل واعتمد على محورين اما ان نتغنى باغانى العرب كمرددين . او نتعامل مع الاغانى العربيةالفصحى بالخماسى . لم يكن لنا اسهام فى هذا المضمار الا قليلا ولم يجد الاستحسان الكامل فى وقته بسبب المزاج العام الرافض للشق السباعى فى الصوت السودانى المغنى قديما ..
هذا المشروع جهد خاص فيه من العناء مايكفى لهدم جبل ومن التعب مايخرج فى نظرى الذهب من الصخر .. ولم ارهق احدا الا فى اذنيه ان سمعنى وله الا يسمع ولكنى ان وصلت هناك فله شرف اننا وصلنا وان لم يحدث فلى اجر المحاولة وياما كان هنالك ديانات قوبلت بالرجم والتنكيل فمابالى اغرق فى اغنية ضمها البعض اليه واخر يستكتر النجاح على نفسه ..
هو طرح يداعب مكنون الاحساس لمن لديه الاحساس المشابه فالطيور على اشكالها تقع وشبيه الشىء منجذب اليه .. هذا حالى وهذا طرحى ان وافقنى قدمت وان افشلت ولا اعتقد انى افشل ابدا لكونى تربيت من علايل ابروف للمزالق ومن فتيح للخور للمغالق وقدلة يامولاى حافى حالق بالطريق الشاقى الطرام .. فى الوسط فى محطه للترماى اسمها ودالبنا اخدى فيها سنده ... واول قصيدة قيلت فيها كانت ... (الحرب صبر واللقاء ثبات والموت فى شان الاله حياة ) هذا جدى لابى وكان هكذا يقول فى المهدية وكان يلقب بشيخ العلماء وكان مفتى الديار ... فلماذا لا اعود لوجدانى العربى وانا عربى وزيادة . فالبعض مضى وله يمضى ومضى لاصحح عنوانى عرب اهلى وانا منهم بيض او سمر الاوان ....
لاتخافى سيدتى فانا لا امس بوجدان غير وجدانى ولا ارهق فى حرب لانى لست محاربا فانا اغنى واغتنم من يحبنى وواغتنم من من لايسمعنى لان الغناء كناية وتمنى احدو عسى ان تسعدو بحدائى ليس الا ..
شكرى الجزيل لشخصك الكريم واتمنى ان اكون قد وفيت
مودتى
12-23-2011, 04:36 PM
عاصم البنا عاصم البنا
تاريخ التسجيل: 08-23-2010
مجموع المشاركات: 69
الاخ مرتضى احمد عبدالقادر ... الشكر لكونك متابعا على وقتك واتمنى ان اكون فى ردى اعلاه سحبت مخاوفك من اللعب فى اغنيات خالدة فينا مابقينا لا دعوة لى بها الا استنادا على ما استفدته وتعلمته فيها ومنها ترديدا .. ومشروعى هو مشروع قائم بذاته كل الاعمال فيه خاصتى فقط. وغالبا الى الان الكلمات للفرجونى والحانى .. وبدانا باتوزيع فى مصر ولدينا جزء سيوزع سودانيا وينفذ موسيقيا فى مصر فقط بسبب الامكانت الجيده هناك والخبرة .
اشكرك مجددا لكونك هنا
مودتى
12-23-2011, 04:53 PM
عاصم البنا عاصم البنا
تاريخ التسجيل: 08-23-2010
مجموع المشاركات: 69
Quote: هو طرح يداعب مكنون الاحساس لمن لديه الاحساس المشابه فالطيور على اشكالها تقع وشبيه الشىء منجذب اليه .. هذا حالى وهذا طرحى ان وافقنى قدمت وان افشلت ولا اعتقد انى افشل ابدا لكونى تربيت من علايل ابروف للمزالق ومن فتيح للخور للمغالق وقدلة يامولاى حافى حالق بالطريق الشاقى الطرام .. فى الوسط فى محطه للترماى اسمها ودالبنا اخدى فيها سنده ...
12-24-2011, 07:13 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
هو بالله يا وليد هي دي نوعية الردود القاعد يردها ليكم فوق؟؟؟ جيت أقرا كلامك المكووت ده فإكتشفت إنو لي زولنا صاحب السلم والثعبان السباعي..وبما إني ما قريت ليهو أي مداخلة فما قايلو والله وصل بيكم لي هنا.. لكن وقبل كل شي يا ولي وقبل ما تاخد تكيتك ركز معاي في "الطرام"دي.. الغريبة أخوك متربي في خور ابو عنجة عدييييييل بس ما عندنا محطة أها بنجح ولا بفشل.. وبي مناسبة المحطة في شارع الشنقيطي في محطات مسمية بي أسماء أشخاص كانوا بيدو الكمساري قروش عشان يقول إسمهم..ونجحت الفكرة..كدي أخد ليك تكية في واحدة منهم يا وليد..:-)
12-24-2011, 10:14 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: طلبت منك طلبى وانا على يقين تام واستامنتك لنشر النتائج لا لشىء يمنعنى من التواصل مع كبار الفنانين العرب ..بل لى من العلاقات مايتح لى التواصل ولكنى وددتك اذ تدلو بدلوك بعد ان يشهد شاهد من اهلها وهذا لا يضير بالسودانى بشىء ان استحسن الامر المتخصص او رماه .. فهذا عملى لم استلف من احد اغنيتة ليقيمها خلافى او اقلد احدا .. وكنت فى انتظار ان تعودنا باراء مختلفة ومنوعة من ذوى الخبرة والاوائل الذين ابديت لنا علاقاتك بهم ليس الا .
ومازال انتظارى قائما وساظل مستفيدا من ذلك الرأى ايا كان
جبت لينا الكلام يا استاذ عاصم البناء طبعا كان لازم اعرض العمل لي اكثر من شخص عشان الناس بعدين ما تسند كلامي مجاملة ليك او كسير تلج زي ما بقولو صرا حة حتى العمل سمعهو من جهاز الكمبيوتر واكيد التقييم بكون فيهو مشكلة لان سماعات جهاز الكمبيوتر تختلف عن سماعات الاستديو على كل حال والحمد لله تمت الاشادة بالعمل ولو قيل عنها انها تجربة صعبة جدا وانت اخترت طريق صعب قد تواجه كثير من النقد في مثل هذه الاعمال التي هم زات نفسهم لايسلمون من النقد في اعمالهم يعني زي ما نحنا بنعمل معاكم ياعاصم ممكن الليله ننقد العمل وبكره عمل اخر لك ينال اعاجابنا المشكلة في شنو نحنا عندنا مشكلة في بعض الحروف زي ما هم عندهم مشاكل بها او طريقة التعبير مثل تعبير البنت السورية في اغنية حبيبي اسمر بطريقة تختلف عن طريقتنا وهذا يدل على التعود على لونية معينة والتبع بثقافة المنطقة المهم طبعا كل الكلام يصب في مصلحتك اما باقي الملاحظات قربو يقولو لي انت علاقتك شنو بالموسيقى ولازم الكلام دا نقولو لصاحب الشان حتى تكتمل الرؤية له يازول مبروك علي هذه الاشادة وشكرا للاخ محمد المرتضى حامد الذي جعل لنا فرصة فيك اصلا من زمان ما لاقنها واذا انا في يوم انتقدتك هنا والله لانك زول برضو يهمنا امره كما يهمنا امر الغناء السوداني وسامحنا ياحبيب ...
بالجنبة : ياعاصم طلب صغير زمان شاعرنا البنا قال كلام عندما ظهر غناء البنات ايام الحقيبة واستلموهو منهم الرجال اكيد انت عندك خبر بهذه القصة وماذا قال ياريت لو لميت فيها ترسلها لي وهو كان ينتقد بأن هذه اللاونية من الاغاني عملوها للبنات فقط ومافي داعي للرجال يتغنو بيها تقريبا قال ( هذا الغناء عملوهو للبنوت وماعارف شنو ما عشان ترقصو فيهو زي الحوت ) بالله جازفها لينا واكيد بتلاقيها عند الباحث الجقر
Quote: صرا حة حتى العمل سمعهو من جهاز الكمبيوتر واكيد التقييم بكون فيهو مشكلة لان سماعات جهاز الكمبيوتر تختلف عن سماعات الاستديو على كل حال والحمد لله تمت الاشادة بالعمل ولو قيل عنها انها تجربة صعبة جدا وانت اخترت طريق صعب قد تواجه كثير من النقد في مثل هذه الاعمال التي هم زات نفسهم لايسلمون من النقد في اعمالهم يعني زي ما نحنا بنعمل معاكم ياعاصم ممكن الليله ننقد العمل وبكره عمل اخر لك ينال اعاجابنا المشكلة في شنو نحنا عندنا مشكلة في بعض الحروف زي ما هم عندهم مشاكل بها او طريقة التعبير مثل تعبير البنت السورية في اغنية حبيبي اسمر بطريقة تختلف عن طريقتنا وهذا يدل على التعود على لونية معينة والتبع بثقافة المنطقة المهم طبعا كل الكلام يصب في مصلحتك اما باقي الملاحظات قربو يقولو لي انت علاقتك شنو بالموسيقى ولازم الكلام دا نقولو لصاحب الشان حتى تكتمل الرؤية له يازول مبروك علي هذه الاشادة وشكرا للاخ محمد المرتضى حامد الذي جعل لنا فرصة فيك اصلا من زمان ما لاقنها واذا انا في يوم انتقدتك هنا والله لانك زول برضو يهمنا امره كما يهمنا امر الغناء السوداني وسامحنا ياحبيب ...
راقي والله يابني العزيز، وشغلك نضيف،، كلام في الصميم ،،
12-24-2011, 01:08 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
وبالمرة يا وليد عبداللطيف خلييهو يجيب ليك رأي جدو الله يرحمو لكن سمع متل غناهو ده كان حي يقول ليهو شنو؟؟.. والله انا خايفو ما كان قال ..كان إتناول ليهو بسطونة من أقرب طرف..
12-24-2011, 03:14 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وبالمرة يا وليد عبداللطيف خلييهو يجيب ليك رأي جدو الله يرحمو لكن سمع متل غناهو ده كان حي يقول ليهو شنو؟؟.. والله انا خايفو ما كان قال ..كان إتناول ليهو بسطونة من أقرب طرف..
ياعمر الفاروق ياخي بتبالغ وبتذكرني قصة في نفس الوقت يازول عندنا هنا مره ود عزالدين الدحيش وود ماجد لاعب المريخ السابق اختلفو منو الفيهم لعاب فقامو احتكمو بصاحبنا الكابتن على دبلوك على دبلوك قال : والله طبعا ابواتكم زمان ماقصرو ضحكنا جدا واجابته كانت به دبلومساية عالية حتى لا يحرجهم وهم الاتنين في كرة القدم مستوياتهم متواضعة جدا وبيني و بينك لو الغناء يورث كان بتكون في اجيال رهيبة جدا ولكن برضو لاننسى علم الجينات وعاصم به هذه الصبغة . ياعمر الفاروق تخيل في حاجة انت ما عملت ليها حساب تخيلها ممكن تكون شنو وانا بجي ارد عليك بكره
12-24-2011, 04:45 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
تعرف يا وليد أصحابنا القرو طب أيام فرحانين بيهو داك عندهم قصة كده ذبحونا بيها ذبح التقول بيدوها ليهم مع المقرر يقولوا ليك كان في دكتور في السنة التالتة ةلا الرابعة ما بعرفو ليك وهو شاطر لكن في دكتور كبير ما كان بيدورو. أها يوم في المستشفى وجمب الطلبة الدكتور سأل الولد ده من حالة مريض وقام غلط طاااخ الدكتور ده قطع فيهو كف وقال ليهو ميديسن رن فروم ذا فاميلي في إشارة لي إنو الطب يورث..أها لفت الأيام وتخرج الطالب وبقا إستشاري آآد الدنيا ولفت الأيام ويجي ولد الطبيب الزمااان داك ويبقا طالب للزول ده..وقوووووم إنت يا عمي الدكتور أعرفو من إسمو وقوووووم جمب الطلبة أسألو سؤال وقووووم إنت يا الطالب أغلط وقووووووم إنت يا الدكتور ترااااح أقطع فيهو كف وقول ليهو تيل يور فاذر ميديسينس نوت رن فروم ذا فاميلي (أحييينا شكلو إنجليزيني ربط )
أها يا وليد يا أخوي زولكم ده كان وقع في يد وردي التراااح محمداهو ويذ ذا بيلوو سينتس تيل البنا فاميلي ثينقنق نوت رن فروم ذا فاميلي أور أكاشوالي إتز نوت رن أني وايي..(والله الإنجليزي ده تراهو ساهل خلاس ساي انا بخاف منو )
12-24-2011, 09:54 PM
مرتضى احمد عبد القادر مرتضى احمد عبد القادر
تاريخ التسجيل: 12-30-2009
مجموع المشاركات: 2484
سلامات ياشباب شكرا عاصم على الرد بس فكرة الأغنية السودانية العربية دي غريبه وما منطقيه و كونو الأغنية شاعره والفنان سودانين ما بيجعل منها أسلوب غناء جديد (الأغنية السودانية العربية) طالما الكلمات بالعربي الفصيح والسلم سباعي ومافيها نكهة سودانية تبقى أغنية عربية، فلو إفترضنا إنو المستمع بجهل جنسية الشاعر والفنان جيتعامل معاها زيها وزي أي غنية عربية، و طبعا من حقك تغني عربي عموما رأيي المتواضع في الأغنية كمستمع ما أكتر، كلمات الأغنية عادية ومافيها شي مميز بالنسبة للحن والمزيكا حلوين شديد بس الحته بتاعة تبكيييييي إيهي إيهي إيهي دي شينه شديد وبوظت المزيكا السمحه بالنسبة للأداء والصوت ما حسيت فيهو إنك عندك إسلوب غناء وصوت بميزوك وحقيقة في كم حته بقيت تشبه لي فنانين عرب معروفين
مع كل الود والإحترام
12-24-2011, 11:41 PM
عاصم البنا عاصم البنا
تاريخ التسجيل: 08-23-2010
مجموع المشاركات: 69
اكددت مرارا فى مداخلاتى السابقة اسلوبنا فى الاداء الخماسى عندما يقترن فى هذه النوعية فى الاداء يعد شكل جديد غير مطروق لدى الاخرين خاصة العرب وتحديدا يسمونها العورب بضم العين وهو التطريب .. وبعضنا يراه غريب سودانيا لكونه متاالف مع المغنى على نهج محدد..فهذا الاسلوب بعد ان ياسس سيكون(ستايل) مختلف عن المتبع لدى العرب وحينها يسمى السودانى .. والبركة فى الخماسى الرضعناهو ده
انجليزى افلام الكرتون ده بووووم .. طااااخ ... طشششش . ياحليل مجلة الصبيان الله يخليك استاذنا شرحبيل احمد الرجل الثرى
(عدل بواسطة عاصم البنا on 12-24-2011, 11:50 PM) (عدل بواسطة عاصم البنا on 12-25-2011, 08:59 AM)
12-25-2011, 06:40 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: انجليزى افلام الكرتون ده بووووم .. طااااخ ... طشششش . ياحليل مجلة الصبيان الله يخليك استاذنا شرحبيل احمد الرجل الثرى
اها يا عمر
يلا اضبح لينا واعمل كرامه
الاستاااااااااااااااااذ قاعد يقرا ليك وكمان بعلق حتى لو باللفة
اي والله بعلق .. بالله اطبع التعليق ده واكتبت تحتو تعليق الاستااااااااااااااااذ عاصم البناء على مداخلاتي في سودانيز اون لاين .. وبالله بروزها وختها في الصالة مقابلة باب الشارع
واي ضيف يجيك لاذم تقدو بيها وتحكي ليها القصة كاملة
بختك
12-25-2011, 08:48 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: ياعمر الفاروق تخيل في حاجة انت ما عملت ليها حساب تخيلها ممكن تكون شنو وانا بجي ارد عليك بكره
وجيتك حسب وعدي ليك وشوف كلام اخونا عصام هنا دا الكلام الكنت عايزك تعمل ليهو حساب في يوم من الايام
Quote: فهذا الاسلوب بعد ان ياسس سيكون(ستايل) مختلف عن المتبع لدى العرب وحينها يسمى السودانى ..
يعني فكرة اخونا عاصم دي صراحة جريئة وصعبة جدا ولو نجحت سوف يكون له السبق بها لان مافي واحد قبل كدا عملها في السودان نعم صحيح بعض الفنانين تغنوا بالسلم السباعي ولكن كلمات ولحن سوداني وتغنى بالسلم السباعي دي جديدة صراحة وبرافو للاخ عاصم البنا على هذه المحاوله . . تعرف ياعمر الفاروق زمان جني وجن زول يقول لي العب بالعربي او اسمع زول يقولها لزول تاني طال ما انا الله اداني الوهبة ان شاء الله العبها بالطلياني هي في النهاية كرة قدم اها الغناء دا كمان مثله مثل كرة القدم لغة عالمية المهم الانسان ينجح فيها ويترك بصمته حتى شايف شاب سوداني بغني راب في المانيا عني نفسي بقول دا عبيط ساي ولكن ممكن تعجب الشباب لاني متعود نفسي ومتقوقع في نوع معين من الموسيقى ليه نحنا دائما نتهيب الاشياء ونخاف التحدي حاجة عجيبة والله الان الناس في بلدنا والشباب بالزات بسمعون ناس مصطفى قمر وناس نانسي عجرم وكاظم الساهر وجورج حتى عاملنها في موبايلاتهم كنغمة وكمان في المناسبات ( الزفة ) حتى لغة الشارع تغيرت الي ( جامد ) وما عارف شنو معناها عندنا شباب له زوق وحاجاته الخاصة التي يسمعها لان السمع والزوق دا بالزات ما بتقدر تفرضو على انسان .... ومايفعله اخونا عاصم من محاولة تعتبر تحدي كبير وخطير في نفس الوقت مع تمنياتنا له بالنجاح
12-26-2011, 07:33 AM
داليا حافظ داليا حافظ
تاريخ التسجيل: 06-06-2008
مجموع المشاركات: 5055
Quote: اما فيما يتعلق بسؤالك فانا لم اتحدث قط عن اى مساس بالاغنية السودانية المتعددة الامزجة ولكنى طرحت ان تكون هناك اغنية سودانية عربية بهذا النهج الذى انتهجته لارجاع حقنا فيه كعرب وهذا من وجهة نظرنا انا وستاذى العم الفرجونى .. وذلك لما نراه حق مؤكد فى عروبتنا ومؤصل فينا كما لنا كذلك حق فى افريقيتنا ومؤصلة ونعتز بها .. ولمن يرى فى نفسه غير ذلك فاليغنى بالسواحيلى او الاردو لا يضير ...
ربما لم يصلك فحوى مداخلتي كما يجب ..رغم أنني تمنيت ان تقرأها بعيدا عن الحساسية وهي محض مفاكرة ليس إلا ..
عموما لم أتحدث عن الأفريقانية ولا العروبة..، وهذا لم يكن سؤالي باي حال !!..، لأنني أعتقد أن الثقافة السودانية ثقافة خاصة لا تستطيع فيها الفصل بين هذا او ذاك ..، وفي نفس الوقت لا حق لي أبدا في تحديد اختياراتك..، وكي لا نكرر يمكنك العودة لسؤالي إن أردت ..
Quote: هو طرح يداعب مكنون الاحساس لمن لديه الاحساس المشابه فالطيور على اشكالها تقع وشبيه الشىء منجذب اليه .. هذا حالى وهذا طرحى ان وافقنى قدمت وان افشلت ولا اعتقد انى افشل ابدا لكونى تربيت من علايل ابروف للمزالق ومن فتيح للخور للمغالق وقدلة يامولاى حافى حالق بالطريق الشاقى الطرام .. فى الوسط فى محطه للترماى اسمها ودالبنا اخدى فيها سنده ... واول قصيدة قيلت فيها كانت ... (الحرب صبر واللقاء ثبات والموت فى شان الاله حياة ) هذا جدى لابى وكان هكذا يقول فى المهدية وكان يلقب بشيخ العلماء وكان مفتى الديار/ ... فلماذا لا اعود لوجدانى العربى وانا عربى وزيادة . فالبعض مضى وله يمضى ومضى لاصحح عنوانى عرب اهلى وانا منهم بيض او سمر الاوان ....
لاتخافى سيدتى فانا لا امس بوجدان غير وجدانى ولا ارهق فى حرب لانى لست محاربا فانا اغنى واغتنم من يحبنى وواغتنم من من لايسمعنى لان الغناء كناية وتمنى احدو عسى ان تسعدو بحدائى ليس الا ..
لو أجبتك على طريقة أمدرمان وماأدراك ماالعراقة والاصل والفصل فساعزز مفهوم لست مقتنعة به ـ رغم أنني أمزح أحيانا بان أبناء أمدرمان مميزين ـ ولأنني ببساطة لا أرى إنتماء الشخص لمنطقة ما او أحدى العوائل يعطيه مناعة ضد الفشل، وفي الوقت ذاته لا يمنحه ميزة إضافية خاصة إذا تعلق الأمر بـ(الإبداع )..فهو محض هبة ربانية فيا عزيزي لست من النوع الذي سيصفق لأنك فقط إبن فلان او علان فليس الفتى من يقول كان ابي ..إلخ ..، لك ان تنسى ما تفضلت به واسبح في الملكوت ألموجود في مداخلتك أعلاه ...
وتأكد لست خائفة أبدا على الوجدان (السوداني ) ..
(بالمناسبة وبتجرد سمعت الأغنية وكان أداءك جميل حتى أنني سمعتك بصوت جديد..وذكرني أداءك في بعض المقاطع بالفنان ابوبكر سالم ..)
الاخت داليا ... اشكرك مجددا لاهتمامك العميق بالامر .. قد يكون شرحى وتحليلى كان مطولا فى الاجابة على سؤالك ولكنى وددت ان ارفد اليك نقاط بعينها ومن يتابع معنا ... وهى اولا مرجعيتى فى كيفية التعامل مع الغناء فالمنطقة التى ولدت فيها ونشات علايل ابروف والترام دى سكنو فيها كرومه وسرور والبنا وعتيق وخلافهم .وكان والدى بينهم لذا نشات احبهم واود القول انى تعلمت هنا فى محطة ودالبنا ... اما الفشل والنجاح هذا توفيق من رب العالمين وانا بالمعطيات الحولى اعتقد انى تعديت مرحلة الفشل فيما نتحدث عنه لانى امتلك انتاجا الان اى منتجا والمنتج يمكن ان يرى النور بعد رحيلى ولكونه موجود فعلا وهو سبق دون شك يسجل لى لذلك اعتبر انى نجحت ولا مجال للفشل بعد السبق وهذا اعتقده من حقى . واكرر القبول والرفض امر تقديرى يعود للمستمع له كل الحقوق .. واعتقد انك بتجرد شديد لك استحسان للعمل مشكورة تسطيعى وحدك تقدير كميته .
اما الاثنية والافريقانية والعروبة فى صياغ اجابتك اضطررت لتكرار هذه النقطة علما بانى اجبت على سوالك فى اكثر من مداخلة سابقة ولم تتابعى وكنت مضطرا لتكرر الاجابة لشخصك الكريم . ففى الصفحات السابقة اجبت بما يوفى كل سؤال تفصيلا ولكن...
انا لم اعتمد على انى ابن فلان قط بل اعتمد على ماذا يمكننى ان اضيف الى فلان هذا حتى لو كان والدى .. وها انا اعتبر نفسى اضيف البنا خط جديد من الغناء لتزيد افرع هذه الاسرة التى قدمت ما يسطيع ناكر انكاره .. فكان هذا نصيبى ... والحرب صبر دون شك انك درستيها فى المقرر السودانى للبنا .. اشرت الى انها طريقة كتابة الشعر لدى جدى فلماذا لايكون غنائى بنفس اللغة .. هل اخفقت؟
للاجابة على سؤالك.. لن اتعدى على اى ثقافة او اغنية احد او اسلوب احد او اخذ شىء من احد .. بل هو نمط غنائى متاح مباح مكفول فيه اسلوب خاص اود ان يسمى اسلوب سودانى فى الغناء العربى .. وسوف اجتهد لصبغ الروح السودانية التى تعلمت اصولها فى هذا المشوار .
شكرا على استحسانك والاستماع .. ابوبكر سالم فنان عاتى معبر جيد ياريتنى لو زيو اسلوبه لدينا من الفنانين كثر مثل الجابرى .. واحمد شاويش وصلاح بن البادية .. اعتبرهم من اقوى الاصوات التى تعبر بنفس المنهج لدى ابوبكر سالم وهو اسلوب تعبيرى صوتى اقوى من العادى .
فى الاعمال القادمة قد لاتجدى احد ولكن كان هذا تصويرى وقت تلحين العمل لم اقصد ان اكون فلانا بل رؤيتى فى النص يجب هكذا يغنى ... سمعت من قال كاظم الساهر واكيد هذا لاسلوب الكتابة اشبه باسلوب قبانى .. وسمعت من قال محمد عبده وابوبكر سالم .. لك ان تتصورى مدى سعادتى ان استطعت الجمع بين هذه الاسماء فى اغنيةواحدة وانتهى بتوقيعى ..
شكرا جدا ياداليا
12-26-2011, 11:24 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
الأخ العزيز وليد تحية طيبة، اتابع مداخلاتك منذ فترة و اسمح لي ان اعبر عن تقديري لما تضيفه من لدن بوستات اغاني و اغاني بصحبة نابري و ممكونة و نجوان سعدت جدا بمعرفة أن والدك معنا هنا و هو من الشخصيات التي اكن لها كثير احترام و اتاريني ما براي بي ولي امري هنا :)
Quote: ليه نحنا دائما نتهيب الاشياء ونخاف التحدي حاجة عجيبة والله الان الناس في بلدنا والشباب بالزات بسمعون ناس مصطفى قمر وناس نانسي عجرم وكاظم الساهر وجورج حتى عاملنها في موبايلاتهم كنغمة وكمان في المناسبات ( الزفة ) حتى لغة الشارع تغيرت الي ( جامد ) وما عارف شنو معناها عندنا شباب له زوق وحاجاته الخاصة التي يسمعها لان السمع والزوق دا بالزات ما بتقدر تفرضو على انسان .... ومايفعله اخونا عاصم من محاولة تعتبر تحدي كبير وخطير في نفس الوقت مع تمنياتنا له بالنجاح
اعتقد أن هذا هو الخط الاساسي لفكرة اللحن في بوست مولانا هذا و ما عداه هو هارموني او نشاز قد يضيف او يجود الاعمال القادمة و في كل الاحوال فالاخ عاصم و المستمع هما الرابحين، و اظن أن ما اشار اليه عاصم في احد المداخلات عن العولمة كان المقصود به ما فصلته انت اعلاه من أن تأثير الغناء العربي و الفضائيات قد ازداد على الشباب، لذلك تجد الكثير منهم يطلبون اغاني عربية كخلفية في تخرجهم من الجامعات و هو امر مخجل لانه ليس لنا نصيب في هذه الاعمال و نحمد الله ان القليل من الشباب لا زالوا يحفظون وداً لاعمال مثل (ابوي ان شاء الله لي تسلم) و ( امي يا دار السلام) و غيرها و هم كما تعلم صاروا كالشامة السوداء على ظهر الثور الابيض، لولاهم لما سمعت غناءا سودانيا في حفلات التخرج ببساطة هذا ما فهمته من فكرة العمل و هذا لعمري مجهود يستحق النظر اليه بعين الاحترام. محبتي
12-26-2011, 01:34 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: سعدت جدا بمعرفة أن والدك معنا هنا و هو من الشخصيات التي اكن لها كثير احترام و اتاريني ما براي بي ولي امري هنا :)
كدا يا ابو السعود انتهيت من عبد اللطيف بكري ولكن تخيل في هذا المكان الجميل ممكن اي واحد يكون ولي امرك واي واحد ممكن يكون اخوك او اختك حبيبتك حتى الناس البتختلف معهم في ملف تاني والله بتلاقيهم احلى ناس وبالمناسبة نحنا فينا حاجات وعن نفسي بفتخر بيها قدام كل الاجناس نحمد الله ونشكره كثيرا اننا سودانيون الهوية . . . اخونا وحبيبنا عبد اللطيف بكري انسان يفيض جمال احبة واقدره جدا واكيد نفس الشعور الى باقي الاخوان هنا ابو السعود اشكرك كتير على الاطراء . .
Quote: ولا اعتقد انى افشل ابدا لكونى تربيت من علايل ابروف للمزالق ومن فتيح للخور للمغالق وقدلة يامولاى حافى حالق بالطريق الشاقى الطرام .. فى الوسط فى محطه للترماى اسمها ودالبنا اخدى فيها سنده ...
اها كمان عاصم البنا زادها حبتين طبعا الفشل والنجاح بيد الله سبحانه وتعالي والكلام دا بذكرني تمسك الاستاذ حسين خوجلي وكل شباب امدرمان لمنطقتهم لكن في نفس الوقت هو حقيقة ويجب ان نحترمها لذلك لما عاصم قال الكلام دا انا برضو اخدت الجانب الافضل وقلت هذا ليس تعالي او تكبر عارف ليه لانا الانسان عادة يتطبع بالطبيعة والاشياء التي حوله يتاثر بها تماما ومنطقة امدرمان والمنطقة التي تربي فيها عاصم فعلا منطقة زخيرة بالادباء و الشعراء والفنانين هووووووووي ياعاصم البنا نحنا حسابنك من ( بحري سر الهوى )
12-26-2011, 01:59 PM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
بالله اصبت عبداللطيف في كعب اخيل؟ غايتو جابو لي روحو.. اتفق معاك في ما ذهبت اليه عن ان المرء ابن بيئته، غايتو نحن اهلنا ناس لالوبة سااااي و بنترجم مرات، كان رفسنا لا تآخذونا عاد.
لك و لأخيل و عاصم مودتي
12-26-2011, 04:30 PM
وضاحة وضاحة
تاريخ التسجيل: 01-16-2005
مجموع المشاركات: 9116
اداك الله من حسنو وتبارك وجلة واتواضعت زيين فوق خلقو آبتتعلة الفارس الاصم يوم العجاج اب تلة من ضربت مخالبك لا نفر لا جلة
\
يعني غناك الزمان فيني راح شيح في ريح ؟
هووووووووووووووووووووووووووووووووي هووووووووووووووووووي ارع بقيدك ؟ عارفك شهادة عربية و(ارع بقيدك) ما ناقشاها و تعني take care عندكم - دحين take care يا بت الناس ما تشتتي احاسيسك ساى
هذا الاسلوب بعد ان ياسس سيكون(ستايل) مختلف عن المتبع لدى العرب وحينها يسمى السودانى ****************
دهشة صاحب البوست والمندهشين معاهو ما تغشك الأغنية السمعتها دي ما فيها إستايل جديد أغنية عربية عادية وياريت لو كنت قدرته تأديها بصوت وأسلوب مميزين أقلاهو كان نوري العرب ديل إنو غناكم دا لو قمنا عليهو بنجضمو ونحيركم فيهو زاتو لكن للأسف صوتك واسلوبك راحو مابين أبوبكر سالم وكاظم ووووو
الأخ / عمر الفاروق سلامات لكم كنت أتمنى أن يكون حديثنا منصبا على الأغنية دون غيرها من الأمور التي لا ترتبط بالفن، وأن ننأى بحوارنا عن التجريح والإساءة لآخرين لا علاقة لهم بهذا المنبر، وقد تبين لي من مداخلاتك انك قد تجاوزت الأغنية وانحرفت بالحوار نحو التشخيص لا لعاصم فحسب وإنما تجاوزه ليطال أسرة البنا بكاملها إساءة وتجريحا وتبخيسا ، ولقد قدمت هذه الأسرة الكثير لهذا الوطن ونالت احترام وتقدير الكثيرين من أبنائه ، فلماذا نحاول النيّل منهم وجرح مشاعرهم وعواطفهم بسبب الخلاف على أغنية ، أرجوك أخي عمر الفاروق الكف عن هذه الإساءات فدونك أعمال عاصم البنا اكتب فيها ماشئت من النقد الموضوعي ليتسنى للقارئ الاستفادة مما يكتب في هذا المنبر .
Quote: لكم كنت أتمنى أن يكون حديثنا منصبا على الأغنية دون غيرها من الأمور التي لا ترتبط بالفن، وأن ننأى بحوارنا عن التجريح والإساءة لآخرين لا علاقة لهم بهذا المنبر، وقد تبين لي من مداخلاتك انك قد تجاوزت الأغنية وانحرفت بالحوار نحو التشخيص لا لعاصم فحسب وإنما تجاوزه ليطال أسرة البنا بكاملها إساءة وتجريحا وتبخيسا ، ولقد قدمت هذه الأسرة الكثير لهذا الوطن ونالت احترام وتقدير الكثيرين من أبنائه ، فلماذا نحاول النيّل منهم وجرح مشاعرهم وعواطفهم بسبب الخلاف على أغنية ، أرجوك أخي عمر الفاروق الكف عن هذه الإساءات فدونك أعمال عاصم البنا اكتب فيها ماشئت من النقد الموضوعي ليتسنى للقارئ الاستفادة مما يكتب في هذا المنبر .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عاصم البنا
Mahmoud Mustafa Mahmoud
saadeldin abdelrahman
محمد المرتضى حامد
وليد محمد المبارك
وليد عبد اللطيف
عمر الفاروق
دينا خالد
سفيان بشير نابرى
الصادق اسماعيل
mamkouna
عبدالله الفرجوني
داليا حافظ
Hussein Mallasi
مرتضى احمد عبد القادر
وضاحة
الطيب شيقوق
Ahmed al Qurashi
فيس بوك
تويتر
انستقرام
يوتيوب
بنتيريست