صور من أحد الأحياء (الراقية) في العاصمة ..

مرحبا Guest
اخر زيارك لك: 03-29-2024, 00:49 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة محمد المرتضى حامد(محمد المرتضى حامد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-20-2011, 08:27 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
صور من أحد الأحياء (الراقية) في العاصمة ..

    يبدو أن ثمة خطأ إملائي في عنوان البوست فالصحيح (راغية) بطنين البعوض والذباب والكلاب الضالة.
    أعتذر عن الخطأ الإملائي وعن الصور..
                  

11-20-2011, 08:36 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    236.JPG Hosting at Sudaneseonline.com


    حي المهندسين بأمدرمان ..
                  

11-20-2011, 08:50 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    237.JPG Hosting at Sudaneseonline.com


    قيل لي ، والعهدة على القائل، أن ثمن المتر المربع في ذلك الحي قد يصل إلى مليون جنيه - بالقديم.
    المتر المربع بدون بناء ..
    بالطبع ..


    تم تعديل الرقم مليار إلى مليون..
    أصلو الواحد بقى ما فارز المليون من المليار ولا الجنيه من الدينار.

    (عدل بواسطة محمد المرتضى حامد on 11-21-2011, 12:56 PM)

                  

11-20-2011, 08:38 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: يبدو أن ثمة خطأ إملائي في عنوان البوست فالصحيح (راغية) بطنين البعوض والذباب والكلاب الضالة.
    أعتذر عن الخطأ الإملائي وعن الصور..


    خطأ إملائي ؟؟؟؟؟؟؟؟؟؟؟

    ات فاكرنا عندنا قنابير ؟


    قال خطأ إملائي !!

    ما تعتذر ولا حاجة ياخ

    دي مقصوووووووووووووووودة مع سبق الاصرار


    واللون الاخضر نكاية ( مع الاعتذار لحرم البروف عبد الله الطيب) بكم
                  

11-20-2011, 08:58 PM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: الطيب شيقوق)

    يبدو عليكـ ما (قنعته) من خيراً فيها !
    لساتكـ عايز(تهرد فشفاشكـ) وفشفاش الطوَل ما (قلد) ليهو خالة دون أن ينظر لخلفية الصورة
    ما تحكي شي يا مولانا
    ما تحكي
    .
    .
    .
    .
    ____________________________________
    عندي كم واسطة شغالة ليها يومين يلحقوني برقمكـ قبال ترجع
                  

11-20-2011, 09:06 PM

Dr. Ahmed Amin

تاريخ التسجيل: 02-20-2007
مجموع المشاركات: 7616

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: عمران حسن صالح)

    أخي محمدالمرتضي كيفنك وعساك بخير ..

    أنا سكنت المهندسين مربع 28 سنة كاملة(2008 م) كانت هي الفترة التي قضيتها بالسودان

    بعد العودة الطوعية من الإمارات - بعدها لملمت أسرتي وهربت عديل لخارج السودان

    يختلف معنى الحي الراقي في السودان عن بقية الدول .. وهو يعني البيوت الواسعة والبناء الراقي فقط

    فلا خدمات ولا صحة بيئة ...

    وشيئ آخر عن المهندسين .. من أكثر المناطق الموبوئة بالملاريا ومياها ملوثة بالبكتيريا المسببة لحمى التيفويد

    وهذه شهادة الأطباء اللذين يملكون عيادات هنالك ( على قلتها) ... وصورك خير دليل


    كن بخير ...
                  

11-20-2011, 09:20 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: عمران حسن صالح)

    عرفت أن ماسورة رئيسة تتسرب منها المياه لأيام عدة في هذه المساحة الموازية لأشهر شارع بالمهندسين،
    وكنت سمعت في محاضرة أن (كوز) صلصة به ماء راكد في سقف أحد المنازل ربما يتسبب في نشر الملاريا
    بدائرة قطرها كيلومتر.. عليه نحذركم من ترك الكيزان والعلب الفارغة فوق أسطح المباني .. فإذا كان كوز
    صلصة يتسبب في هذا الدمار النووي فما بالك بمساحة تزيد على 1500 متر مربع من المياه الراكدة؟؟
    ناجازاكي بس..
    قالوا الماسوره مكسوره ومن هنا عرفت أصل مصطلح (ماسوره) الحايم في البلد اليومين ديل.


    238.JPG Hosting at Sudaneseonline.com

    لاتهتموا لل (زبالة) التي تظهر في الصوره فهذا منظر طبيعي وعادي وضرب من الفولكلور
                  

11-20-2011, 09:21 PM

Al-Shaygi
<aAl-Shaygi
تاريخ التسجيل: 11-16-2002
مجموع المشاركات: 7904

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: الطيب شيقوق)


    مولانا محمد المرتضى
    كيفك يابا
    مسألة رقي الأحياء وغلاء أسعار الأرض والبيوت والشقق فيها...
    قبل حوالي 8 سنوات عرضت علي شقة لشراءها وتحديداً في منطقة كنا في طفولتنا وصبانا نسميها خنازيريا فقد عشنا بجوارها في الشعبية بحري (و كانت مزرعة خنازير يملكها يوناني يدعى استفانوس آلت ملكيتها بعد شريعة نميري لغفيرها - أدم سابل كما أشيع - وتقع تحديداً في بحري شمال شارع كبري شمبات وشرق سلاح المظلات وغرب الشعبية بحري وبالتأكيد جنوب الهجرة والتي هي جنوب شمبات).
    بقدرة قادر تحولت لعمارات,,
    الشقة قيمتها 120 ألف دولار 50% كاش والباقي على 3 أشهر...
    دخلتها متفحصاً...
    بها بلكونات ونوافذ
    تطل على خرابات ومستنقعات ومرابط حمير كارو....
    وأكوخ سكن عشوائي لا أدري متى تزال؟؟؟

    بالطبع رفضت الشراء
    وعدت للغربة
    بعد عودتي بيومين تلاتة وجدت إعلان لشقة في بيروت
    أربعة غرف وأربعة حمامات وصالة وغرفة طعام في عمارة تطل على شارعين رئيسين (ناصية يعني)...
    بي كم؟
    60 ألف دولار قابلة للتفاوض....!!!!!!!!
    بالله عليك الله دي يسموها شنو؟

    طبعاً لا مشيت بيروت ولا أشتريت الشقة حقت النمتي والبعوض ولا الشقة المن بلكونته تعاين للحسان وتملى البطارية وبعد داك إنشا الله تطق...
    والقريشات راحت شي شمار في مرقة وشي في تعليم الوليدات والحمد لله لا بيت ولا شقة ولا شيقوق زاتو....

    أما عن المسينيح المذكور أعلاه
    Quote:
    واللون الاخضر نكاية ( مع الاعتذار لحرم البروف عبد الله الطيب) بكم

    مص ولا كد العنكوليب عمل ليك لوثة نكائية وبرضو مع الإعتذار لأرملة البروف


    الشايقي

    http://www.youtube.com/watch?v=WjNosdjuv7s

    فاوضني بلا زعل

    [email protected]
    http://alkatwah.com

    .
                  

11-20-2011, 09:42 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Al-Shaygi)

    الشايقي بالانجليزي

    Quote: أما عن المسينيح المذكور أعلاه

    مص ولا كد العنكوليب عمل ليك لوثة نكائية وبرضو مع الإعتذار لأرملة البروف


    ههههههههههههها هسع جاى فارد جناحك ما عجبك الهبوط الا في مدرج النكايات ؟
                  

11-20-2011, 10:11 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: الطيب شيقوق)

    الشايقي:

    Quote: قبل حوالي 8 سنوات عرضت علي شقة لشراءها وتحديداً في منطقة كنا في طفولتنا وصبانا نسميها خنازيريا فقد عشنا بجوارها في الشعبية بحري (و كانت مزرعة خنازير يملكها يوناني يدعى استفانوس آلت ملكيتها بعد شريعة نميري لغفيرها - أدم سابل كما أشيع - وتقع تحديداً في بحري شمال شارع كبري شمبات وشرق سلاح المظلات وغرب الشعبية بحري وبالتأكيد جنوب الهجرة والتي هي جنوب شمبات).
    بقدرة قادر تحولت لعمارات,,

    بالله يا الشايقي، يعني سكنت حلتنا، بالضبط وين اي مربع. عموما المرحوم ادم سابل، ليست غفير لحديقة
    استايفنوس، منزله مازال باق الي الشمال من الحديقة التي صار يطلق عليها اراضي الصبابي. الغفير الذي تقصد، كان يسكن وسط الحديقة، ونال ابنائه تعويضات معتبرة وتفرقت بهم السبل، لم يسعدوا بما نالوا
    ولم يبقوا بيننا، حيث شبوا وكبروا.
    للمرحوم ادم سابل المغفرة. احد الظرفاء، اطلق عليها مناطق النفوذ، عندما تسرق او تنهب،سوف يحليون
    الاتهام علي ساكنة الشعبية.
    مودتنا للزول الجميل محمد المرتضي

    (عدل بواسطة الفاضل يسن عثمان on 11-20-2011, 10:16 PM)

                  

11-20-2011, 09:55 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Al-Shaygi)

    الطيب شيقوق..
    المحزن أن إحدى الأسر الفقيرة تسكن وسط هذه المياه الراكدة في (غرفة) صنعت من القصب القديم
    و (شيَّدت) سورا من بقايا جوالات البلاستيك التي تظهر في لون أزرق فاتح في الصور أعلاه ، نعم
    أسرة تسكن هناك ومنذ شهور عدة ، طلبا للستر ، بالطبع لايشكون حالهم إلا للخالق العدل..
    عشت في أطراف السودان سنين عددا في بلدات وقرى لاتوجد في أطلس جغرافيا أو قوقل إيرث لكنني
    لم أر قط أسرة تعيش في مستنقع وكانت الظروف البيئية في تلك القرى والبلدات أفضل بكثير
    من ما يطلق عليها بهتانا (أحياءا راقية) ..
    يا حليل قطاطي ودرادر كردفان ودارفور والشرق..

    يا اخوانا واحد ينزل لينا أغنية الرائع النور الجيلاني ( فرتق قوم خلي الخرطوم قوم قوم قوم بارحها)..


    قال راقيه ..
                  

11-20-2011, 10:54 PM

willeim andrea
<awilleim andrea
تاريخ التسجيل: 05-01-2002
مجموع المشاركات: 3813

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    الجميل مولانا ود المرتضي ... اصحاح البيئه اذا كان من مواطنين او محليات او غيره .... الظاهر الناس جد قنعانه لدرجه مبالغ فيها ... في نفس الفتره انا برضو كنته في البلد ولفت نظري تراكم الزباله حتي في شوارع الخرطوم اتنين وغيره شي مغزز وفيه كميه من الاحباط ..... بالنسبه للمهندسين الشي العجيب مافي اي نظام تصريف في الاحياء الظاهر المخطط نسي هذا الشي الترف ... معقوله لا توجد مصارف مياه ... تعال في الخريف وشوف المهندسين برك علي كيفك هذا جانب محبط بس برضو ما ننسي الشي الجميل في المهندسين الخلط بين شعبية امدرمان وترف المباني الفخمه الفاخره زايد الاهتمام بالخدمات الاخري زي الصراف الالي والمدارس والاسواق الخ الخ وايد علي ايد وتكون المهندسين من اجمل مدن امدرمان ....


    بس ما قلته لي الوداك المهندسين تفتش علي المستنقعات شنو :)

    وكل سنه وانت والمعاك طيبين


    محبتي واحترامي
                  

11-20-2011, 11:19 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: willeim andrea)

    Quote: يبدو عليكـ ما (قنعته) من خيراً فيها !
    لساتكـ عايز(تهرد فشفاشكـ) وفشفاش الطوَل ما (قلد) ليهو خالة دون أن ينظر لخلفية الصورة
    ما تحكي شي يا مولانا
    ما تحكي
    .

    عمران صاحبي،

    زي ما إنت عارف ، إشتهر سلفادور دالي بلوحاته المجنونة الممعنة في سورياليتها بل يعد دالي
    من أبرز قادة ذلك المذهب في جانبه الفني وهذا أمر طبيعي لأن ذلك المذهب إنبنى على العفوية
    خارج قوانين الفن والأدب والقواعد المتعارف عليها فيهما باعتباره فن أهل الخيال الشاطح الجامح الكاسح..
    ولعله لو قيض لدالي مشاهدة الصورة أدناه لفغر فاه َدهِشا لهذه السوريالية المترفة صائحا بلهجة كتالونية :
    بالغتو يا ناس المحليه.. أو زي ما بيقولوا شفع الفيس بوك : أوه ماي قود .. واو .. ذِس إذ بريليانت ..
    ياي .. إتيز ريلي أميزينق...

    أميزينق بالدكوه..


    239.JPG Hosting at Sudaneseonline.com

    في منتصف الحي
    عندما شاهدت هذا المنظر للوهلة الأولى ظننت أنها عملية تمويه لإخفاء بطارية صواريخ بيرشنغ تو أو بالميت كدا كروز توماهوك..
    لكن طلع يا تومي هوووووي ليلى وليلى ..
                  

11-20-2011, 11:04 PM

Ali Sirelkhatim
<aAli Sirelkhatim
تاريخ التسجيل: 06-17-2008
مجموع المشاركات: 4000

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    طلباتك اوامر يا اخ محمد المرتضى حامد
    مع عاطر التحايا ليك ولى زوارك الكرام
                  

11-20-2011, 11:19 PM

Ali Sirelkhatim
<aAli Sirelkhatim
تاريخ التسجيل: 06-17-2008
مجموع المشاركات: 4000

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Ali Sirelkhatim)

    Quote: وكنت سمعت في محاضرة أن (كوز) صلصة به ماء راكد في سقف أحد المنازل ربما يتسبب في نشر الملاريا
    بدائرة قطرها كيلومتر


    فما بالك بحجم الدمار الذى يمكن ان يحدثه كوز عادى؟؟؟؟؟؟؟؟

    تخريمة

    يا الشايقى عليك الله اكان اشتريت شقة بيروت دى الله كان ماشى يحاسبك يا اخ على الاقل اكان جينا زورناك فيها
    وفاوضناك بدون زعل

    لكم ودى المقيم جميعا
                  

11-21-2011, 04:01 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Ali Sirelkhatim)

    يا ود حامد
    كان الزول حاول عمل شركة لتعليب الباعوضة مالو ؟؟؟
    مع شويتين دعايات . وتكتب علي الصندوق مرقة Halal بنكهة الكلوركويين .
    ياخ باعوضة المهندسين دي حتكون حاجة هندسة .
    مرقة المهندسين دي تنزل في المصارين لحام
    بس .

    فضيحة جد والله .
    الناس دي ما بتخاف من ربنا ؟
    و مش برضو دي عاصمة الثقافة ؟
    ياود حامد صاحبك حماد في اجازتو جايب معاو حبوب و ناموسيات وشاكوش .
                  

11-21-2011, 05:15 AM

maman
<amaman
تاريخ التسجيل: 11-21-2002
مجموع المشاركات: 1041

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Osman Musa)

    Quote: تعاين للحسان وتملى البطارية وبعد داك إنشا الله تطق...


    فاوضني بلا زعل ..
    يا سلام يالشيك أب جمل
    البلاك ما تم الأمل
    فعلا المرحوم النعام آدم رجل حكيم
                  

11-21-2011, 06:30 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: maman)

    Quote: المحزن أن إحدى الأسر الفقيرة تسكن وسط هذه المياه الراكدة في (غرفة) صنعت من القصب القديم
    و (شيَّدت) سورا من بقايا جوالات البلاستيك التي تظهر في لون أزرق فاتح في الصور أعلاه ، نعم
    أسرة تسكن هناك ومنذ شهور عدة ، طلبا للستر ، بالطبع لايشكون حالهم إلا للخالق العدل..
    عشت في أطراف السودان سنين عددا في بلدات وقرى لاتوجد في أطلس جغرافيا أو قوقل إيرث لكنني
    لم أر قط أسرة تعيش في مستنقع وكانت الظروف البيئية في تلك القرى والبلدات أفضل بكثير
    من ما يطلق عليها بهتانا (أحياءا راقية) ..


    يا استاذ مرتضى السودان دا فعلا بلد العجائب - ياخ في إجازتي الاخيرة كنت راكب مع ولدي من محطة ود البشير ومتجهين لحي المهندسين وكنت بسأل فيهو دا حي وين ودا حي شنو ؟ وصلنا حتة شارعنا الماشين بيهو فاصل بين امبدة والمهندسين وطوالي سألتو عن اسعار الاراضي في نفس الحتة . قال لي القطعة في الحي باليمين ( امبدة) بعشرين مليون والقطعة في الحي البشمال ( المهندسين) ب 400 مليون - تخيل الفاصل شارع فقط .


                  

11-21-2011, 07:43 AM

فيصل محمد خليل
<aفيصل محمد خليل
تاريخ التسجيل: 12-15-2005
مجموع المشاركات: 26041

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: الطيب شيقوق)

    يعيش احمد عرابي
                  

11-21-2011, 07:51 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: فيصل محمد خليل)

    Quote: وشيئ آخر عن المهندسين .. من أكثر المناطق الموبوئة بالملاريا ومياها ملوثة بالبكتيريا المسببة لحمى التيفويد

    وهذه شهادة الأطباء اللذين يملكون عيادات هنالك ( على قلتها) ... وصورك خير دليل


    شكرا د. أحمد،

    ثمة أناس يعتقدون أنهم بتشييد منازل مكلفة في أحياء (راغية) سيعيشون في دعة ونعيم،
    يا سيدي الكريم - وكما تفضلت - الحلول الفردية غير ناجعة في أي أمر يخص العامة،
    لايمكن لشخص أن يعيش في أي حي بالعاصمة أو غيرها مع البعوض والذباب والمياه الملوثة لأن الحشرات
    وتلوث المياه لاتعرف الحدود كما ليس للطيور جوازات سفر وفقا للراحل مصطفى سيد أحمد..

    شوف الشارع دا - على ضيقه - مقفول بمواد بناء وأنقاض حفر بئر وهناك عشرات الأزقة والشوارع
    إنغلقت لأسباب مشابهة.


    240.JPG Hosting at Sudaneseonline.com


    وكأني بالمارين يرددون مع الراحل أحمد الطيب ( ضاع صبري أين يا وصلي ) مع اعتذاري للأغنية الجميلة
                  

11-21-2011, 07:57 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    مولانا حبابك
    خلى حسادة عايز تسلب من عاصمتنا لقب
    قلب افريقيا النابض بالباعوض والذباب؟؟
                  

11-21-2011, 08:14 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: صديق الموج)
                  

11-22-2011, 04:49 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: ادريس خليفة علم الهدي)

    الأخ إدريس،
    شكرا على رفدكم البوست بما يتصل بموضوعه..
    كل سنه وانت والبلد بخير.
                  

11-21-2011, 08:21 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: صديق الموج)

    سلامات يا مولانا,,
    يقولليك مالاقي آكل وتلقاهو مشغل حبشيه في البيت
    ما تقول لى دا علاقتو شنو بكلامنا الهنا دا لكن ما عارف كيف كيف كدا فى رابط كبير بينهما,,

    ما بين رواحات الرئيس وإستثمارات ولاة الخرطوم وحكم أبتّكو ومعه قراقوش ضايعين ضايعين,,

    الصورة التى نقلتها صورة طبيعية وعادية جدا جدا وتعود الناس عليها فى كل أحياء العاصمة(الراغية) وغير (الراغية),,

    والعجيب فى الأمر أنهم فكروا فى تركيب عدادات ( جمرة خبيثة) للمياه تأسيا بالكهرباء وما تدره لجيوبهم التى لا تشبع وصدقنى ما وقفهم شى غير مواسيرهم الضاربة دى لكن مع الفلس الضرب دا وخواء الخزائن من كثرة الخمش و الHit And Run قريب حا يسدوا دى بعجينة وديك بطينة ويقعوا فى شعب السودان جمر خبيث هبطرش,,عملا بمقولة إذا لم تستح فأفعل ما تشاء..نكاية بشعب السودان الفضل زيادة على ما أورده المسنوح الكبير,,
    قمة المهزلة أن تقطع المياه عن مواطن مسكين محمول مكسورالقلب و الخاطر وتتركها تذهب هدرا فى الشارع لتقتله بباعوضها وذبابها وكل اسباب الموت والمرض الذى يخرج منها رغم أن الخالق جعل منها كل شئ حى!!!!!

    تذهبون هناك وبدل تحمدوا الله تشتغلوا مصدرى (ألم) وهذه من وحي البوست المرفق وإعتذارى مقدم مقدما..

    تحياتى..
                  

11-21-2011, 08:40 AM

GAAFER ALI

تاريخ التسجيل: 11-03-2009
مجموع المشاركات: 1697

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: أيمن الطيب)

    هسي الأجانب لم يسمعونا عايزين نغير العالم ونعمل توجه حضاري
    ونهزم امريكا والغرب الفاجر ونرد علي اكامبو بكباري وسدود و.....
    الجماعة ديل شايفين الخمج والعفن دا يقولو علينا شنو؟؟؟؟!!!
                  

11-21-2011, 08:30 AM

Gaafar Ismail
<aGaafar Ismail
تاريخ التسجيل: 08-27-2005
مجموع المشاركات: 4911

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: صديق الموج)


    أخي الحبيب مولانا محمد المرتضى
    كنت بصدد كتابة بوست بعنوان الخرطوم عاصمة (غير نظيفة) .
    لفت انتباهي ما يلي :-
    - أكوام من القمامة في وسط الخرطوم
    - كوبري وشارع الحرية منظره مؤلم وبائس للغاية.
    - الفاصل الذي يفصل بين مسارين في شارع الحرية ومعظم شوارع الخرطوم تم صبه بالخرسانة المسلحة بدلا من زراعة نخيل او زهور أو أي شيء اخضر في بلد انعم الله عليها بنيلين : الأبيض الهادئ والأزرق العاتي
    - لا يوجد عبور للمشاة في معظم الشوارع ، ومن يخاطر لعبور الشارع يعرض حياته للخطر ..منظر النساء وكبار السن الذين يودون عبور الشارع يدعو للشفقة والقلق.
    - أما الأحياء الطرفية فحدث ولا حرج ...القمامة تتكدس أمام المنازل لعدة أيام.
    لكي تبدو الخرطوم جميلة كسائر مثيلاتها من عواصم العالم يجب الانتباه للنظافة والتعاقد مع شركات متخصصة تشرف على نظافة الخرطوم.

    تحياتي ووافر احترامي

    (عدل بواسطة Gaafar Ismail on 11-22-2011, 12:21 PM)
    (عدل بواسطة Gaafar Ismail on 11-22-2011, 12:31 PM)

                  

11-21-2011, 10:21 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Gaafar Ismail)

    الشايقي سلامات،

    بيروت؟
    هسه بيروت بتلقى فيها خُدره وقراصه زي المجهجهني بيها في بروفايلك دي؟
    ياخ خُت معاها شوية شطه بليمون، وإن شاء الله ما أمرق منها..

    شوف يا سيدي الكريم،
    المسألة بكل بساطة أننا لانقوم بأدوارنا المنوطة بنا، معظم المسؤولين نايمين وكل
    يجري وراء مصالحه الخاصة، كثير من المواطنين لا يعبأون كثيرا أو قليلا بما يجري
    حولهم، ملاريا - فحص إيجابي - كينين - فشل كلوي - غسيل - الأردن - الدفن الساعه
    كم وهكذا.. مياه ملوثة - محاليل مضروبه- أدويه منتهية - سرطانات - قالوا تعباااان
    ومرَقَد في مشفى فلان الخاص (طبعا) صرف العندو كلو - الله يرحمو لكن ناس المستشفى
    إتلومو والله قالوا ما بيسلموا الجثمان إلا بعد دفع كم مليون باقي فاتورة.. وهلمجرا.

    بيروت؟
    يا الشايقي في كل ساعات تواجدي بالعاصمة كانت الشاحنات والحافلات والركشه تسير
    على يسار الشارع وعلى مرأى ومسمع من شرطة المرور.
    ياخ بيروت كان فيها حرب من سنة 1976 وحتى 1990 وزرتها في أغسطس 1996 وكانت آخر قيافه
    ويا حلاتا وحلاة ناسا الوناسا و(الروشا كادت أن تسكر) كما غنى سيد خليفة في زهرة الليلاك.
    بِدِّي أفاوضك بلا زعل عيني..
                  

11-21-2011, 11:20 AM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    !!
    ظلوط شخصية حقيقة
    ليس في وجهه مضغة لحم
    يستخدم الـ 3D ويتواصل بالـ wire less ويجيد الأوتوكاد
    يستمع للـ slow music
    يحب الـ Show " المؤسس "
    هو " عدة أفراد "
    عندهم (مواهي) ومخصصات
    و " مداخيل " إضافية
    يجيدون مهنتهم " تعتمد على الخيال الخصب "
    يجيدون الحبكة والكذبة والهُتاف وحُسن الظن " المدفوع الأجر "
    .
    .
    .
    .
    نموذج من إنتاجهم الخيالي جداً

                  

11-21-2011, 12:38 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: عمران حسن صالح)

    الفاضل عيدك مبارك،

    نحن لِسَّا معيدين وشربوتنا فاير وبالنا حاير،
    بنكنكش في الفطر وفي الأضحية والمولد وراس السنه الهجرية والكريسماس عند أخوانا المسيحيين
    بيدينا الإتنين لأنو ماعندنا مناسبات مفرحة غيرم .
    نتمنى أن يأتي اليوم الذي تكون أعيادنا كثيرة حافلة بالإنجاز ..
    ما عارف ليه عيد الأم وعيد الزهور وعيد الحب ( أوعى تقول لي تحبك برصه) مقصورين على
    على ناس معينين وعلى استحياء.


    241.JPG Hosting at Sudaneseonline.com

    كنت قرأت مقالا (طريفا ومحزنا) لأحد الإنجليز الذين زاروا الخرطوم في تسعينيات القرن المنصرم وأشار في مقاله
    إلى المباني تحت الإنشاء على أنه لم يتمكن من تحديد ما إذا كانت تلك المباني قيد الإنشاء أم أنها جاهزة للهدم،
    لأن الموقع لاينبئ عن شئ محدد..
    في الصورة أعلاه أعتقد أن الفحم والأكياس والكارو (دفع أمامي).. أدَّو اللوحة (عمغ) و (ازدواجية) كما في الأغنية.
                  

11-21-2011, 12:54 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: عمران حسن صالح)


    مولانا


    انت تتحدث عن المهندسين

    ياخي الخرطوم كووووووووووووووووولها راقية

    ورقي المهندسين ما يجي شئ جنب الأحياء الراقية جد


    كدا امشي شوف عزيز كافوري ..

    ولا أقول ليك المنشية

    جدجد

    في اجازتي الاخيرة لم اصدق ما كنت اراه بام عيني

    ولا يمكن باي حال من الاحوال دي تكون عاصمة بلد

    والكلام كتير يا مولانا

    شيقا

    يعني العندو بيت في ام بدة ما ياكل عيش

    بالمناسبة ولدك انت سمعتو غلط .. لانو بيكون قال ليك ميتين وانت سمعتها عشرين
                  

11-21-2011, 01:29 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: حسن طه محمد)

    Quote: أخي الحبيب مولانا محمد المرتضى
    كنت بصدد كتابة بوست بعنوان الخرطوم عاصمة (غير نظيفة) .
    لفت انتباهي ما يلي :-
    - أكوام من القمامة في وسط الخرطوم
    - كوبري وشارع الحرية منظره مؤلم وبائس للغاية.
    - الفاصل الذي يفصل بين مسارين في شارع الحرية ومعظم شوارع الخرطوم تم صبه بالخرسانة المسلحة بدلا من زراعة نخيل او زهور أو أي شيئ اخضر في بلد انعم الله عليها بنيلين : الأبيض الهادئ والأزرق العاتي
    - لا يوجد عبور للمشاة في معظم الشوارع ، ومن يخاطر لعبور الشارع يعرض حياته للخطر ..منظر النساء وكبار السن الذين يودون عبور الشارع يدعو للشفقة والقلق.
    - أما الأحياء الطرفية فحدث ولا حرج ...القمامة تتكدس أمام المنازل لعدة أيام.
    لكي تبدو الخرطوم جميلة كسائر مثيلاتها من عواصم العالم يجب الانتباه للنظافة والتعاقد مع شركات متخصصة تشرف على نظافة الخرطوم.

    تحياتي ووافر احترامي


    والمحليات تطالب بضريبة النفايات اول بأول واذا مادفعت العسكرى معاهم .
                  

11-21-2011, 01:44 PM

الزاكى عبد الحميد
<aالزاكى عبد الحميد
تاريخ التسجيل: 12-09-2005
مجموع المشاركات: 895

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: عابدون محمد عابدون)


    الخرطوم يا مرتضى كنت من أيام زمان بعرفها من مدرسة
    جنب أبو جنزير (لي فيها ذكريات محفورة جوة)..أقوم أقيف
    في المدرسة (البوصلة) وبعد داك يا الخرطوم جاكي زول..
    وكداري لأي مكان في المدينة...
    في سنة من السنين –أثناء اجازتي السنوية- ركبت مع صديق
    بشتغل في بنك ..نتونس لحدي ما وصلنا البنك في الطابق الكم كدا..
    الصديق ما قصر قام بالواجب من شاي خلافه وبعد داك استأذنت منه عشان
    أتم باقي مشاويري في الخرطوم..
    لكين البوصلة ما راحت !
    قدري ما فتشت على المدرسة ما لقيتها (مدرسة يا مرتضى مش فريني)..
    ما لقيتها..
    -يا ابن العم بالله كان في مدرسة هنا اسمها مدرسة الخرطوم شرق بتعرفها بي وين؟
    -لا والله يا ابن العم.. لكين أمشي لناس الكافتيريا ديل يمكن يدلوك..
    -السلام عليكم يا خوانا أنا عايز أمشي مدرسة الخرطوم شرق الأولية أصلها كيف؟
    -قالو ليك جنب شنو ياللخو المدرسة دي؟
    -هي جنب أبو جنزير..
    -دي الما كسروها الجماعة..
    الخرطوم شرق الأولية يا صديقي كما تعرف هي المدرسة النظامية الأولى
    والتي كان الخديوي عباس أوفد إليها رفاعة رافع الطهطاوي ناظراً ..
    بين ليلة وضحاها أزيلت المدرسة (البوصلة) وحل محلها برج البركة بعد رفعها..
    يعني البنك الشربت فيهو الشاي كان في مكان المدرسة يعني برضو ما كنت بعيد منها كتير..

    لك التحية ولا تحزن يا صديقي !
                  

11-21-2011, 04:23 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: الزاكى عبد الحميد)

    أندريه،
    أنا لو في مكانك كان مشيت تورنتو تلبية لدعوة صديقنا ياسر طيفور لحفل نانسي،
    مشيت أتشالق في المهندسين لأنو بيت الوالد هناك وقضيت معه العيد،
    كل سنه وانت طيب يا العزيز..

    يا وليم،

    عندما تشتري أرضا في أي حي بالعاصمة أو غيرها بتدفع رسوم خرافية (تحسين، تسجيل ، تجميل ، ترحيل ، تطبيل ، تنصيل إلخ ..)
    ويفترض أن يتم الصرف على الخدمات الأساسية من تلك الجبايات الخرافية ، وكلما ارتفع سعر المتر في المنطقة كلما
    ارتفع المدفوع مقابل تسجيل القطعة وكلما تم إعادة بيعها تؤدى ذات المبالغ عن القطعة الواحدة ، لكن أين تذهب تلك
    الجبايات ؟ الله أعلم ، المهندسين يا أندريه ( بتنسقي بلا خريف أندريه ، ولوما الصبر تكليف أندريه في الشارع ما بقيف يا أندريه،
    الشوارع بس ( حلاوة القرطاس الفي الخشيم تنماص أندريه) ..

    يا سيدي يُشاع أن المستنقع الذي في الصور كان مخططا له أن يكون حديقة وبقدرة نافذ أصبح أراض سكنية وأن مساحة كانت مخصصة
    لمركز صحي أصبحت مصدر إزعاج وألم لأهل المنطقة..

    قلت لي ماكينات صرف آلي؟
    آلي واتي؟

    يا أندريه هو أصلا في زول عندو قروش عشان يضعها في بنك عشان يسحبا من ال ATM ؟ سوى حفنة من الجماعة إياهم..
    أتفق معك في أن مدينة المهندسين وغيرها من الأحياء والقرى يمكن أن تكون جميلة لكن لايستقيم الظل والعود أعوج.
    ياخ ( لو ما كلام الناس برحل هناك خمَّاس يا أندريه..) وخمَّاس ما غريبه علي زرتها عدة مرات ومبسوط منها..
                  

11-21-2011, 05:52 PM

فضيلي جماع
<aفضيلي جماع
تاريخ التسجيل: 01-02-2004
مجموع المشاركات: 6315

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)


    مولانا ..تحية بلون الحليب وطعم العسل
    دخلت أتفرج على" الخرطوم" ، أصلو أنا بتاع "هامش".....وطبعا الضحك شرطني لسببين:
    أولا: مداخلات الشايقي وشيقوق وتخريماتهم -أو قول خرمجاتهم - القربت تودي البوست الخور.
    ثانيا: ضحكي ضحك زولا شمتان على ناس الخرطوم. بيني بينك نحن ناس الهامش ديل مرات بنحسد القرد على حمار (أضانو) ..وتحريف المثل لزوم الحشمة!!!!!

    يا أبا أكرم .. عندك حس صحفي راقي. صدقني دي خبطة صحفية ما قدرت تجيبها أي صحيفة يومية في الخرطوم.أقول هذا الكلام بمنتهى الصدق. كل صورة في البوست
    كانت عبارة عن مقال يفضح بلد بي حالو. سلمت أيها الرجل الفنان.
                  

11-21-2011, 09:28 PM

Zomrawi Alweli
<aZomrawi Alweli
تاريخ التسجيل: 08-04-2007
مجموع المشاركات: 3368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Gaafar Ismail)

    الولاية لا تفرق بين الحي الراقي وغيرها في الخدمة
    ورقي الحي بالموقع وقربها من العاصمة وليس بالتخطيط
    او المنازل الفارهة

    (عدل بواسطة Zomrawi Alweli on 11-21-2011, 09:36 PM)

                  

11-21-2011, 09:39 PM

Zomrawi Alweli
<aZomrawi Alweli
تاريخ التسجيل: 08-04-2007
مجموع المشاركات: 3368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Gaafar Ismail)

    Quote: الفاصل الذي يفصل بين مسارين في شارع الحرية ومعظم شوارع الخرطوم تم صبه بالخرسانة المسلحة بدلا من زراعة نخيل او زهور أو أي شيئ اخضر في بلد انعم الله عليها بنيلين : الأبيض الهادئ والأزرق العاتي


    اخي جعفر اسماعيل
    تحية لك ولصاحب البوست

    كنت في الخرطوم شهرئذ عندما تم صب الخرسانة اللعينة التي تتوسد منتصف شارع الظلط الممتد من كبري الحرية الى جيل اولياء
    ففي شعور بالضيق من عمايل ولاية الخرطوم قمت بعمل خطوات بالرجل لمقايسة عرض شارع الظلط فوجدت ان المسافة في بعض المناظق
    7 خطوات وفي بعضها 5 خطوات والخطوة على اعتبار انها متر.. التلتوار الفاصل بين المسارين تقريبا خطوة (يعني متر)
    تخيل ان اسفل هذا التلتوار الاسمنتي توجد متر اسفلت كامل التجهيز على امتداد الكيلومترات ما بين كبري الحرية وجيل اولياء وكم فيك يا تلتوار مآسي لاصحاب السيارات.

    والله لو رصو اشجار النخيل وزرعوا مابين النخلة والاخرى نبات الحلفا لكان ارخص من الاسلفت واسر للناظر.
                  

11-22-2011, 06:41 AM

Gaafar Ismail
<aGaafar Ismail
تاريخ التسجيل: 08-27-2005
مجموع المشاركات: 4911

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Zomrawi Alweli)


    أخي الحبيب زمراوي
    Quote: اخي جعفر اسماعيل
    تحية لك ولصاحب البوست

    كنت في الخرطوم شهرئذ عندما تم صب الخرسانة اللعينة التي تتوسد منتصف شارع الظلط الممتد من كبري الحرية الى جيل اولياء
    ففي شعور بالضيق من عمايل ولاية الخرطوم قمت بعمل خطوات بالرجل لمقايسة عرض شارع الظلط فوجدت ان المسافة في بعض المناظق
    7 خطوات وفي بعضها 5 خطوات والخطوة على اعتبار انها متر.. التلتوار الفاصل بين المسارين تقريبا خطوة (يعني متر)
    تخيل ان اسفل هذا التلتوار الاسمنتي توجد متر اسفلت كامل التجهيز على امتداد الكيلومترات ما بين كبري الحرية وجيل اولياء وكم فيك يا تلتوار مآسي لاصحاب السيارات.

    والله لو رصو اشجار النخيل وزرعوا مابين النخلة والاخرى نبات الحلفا لكان ارخص من الاسلفت واسر للناظر.

    شكرا جزيلا على المداخلة القيمة
    كلما أشاهد الخرسانة المسلحة أشعر بلإنقباض ،
    ليت المسئولين ينتبهون لجمال الخرطوم عاصمة البلاد.

    تحياتي ووافر احترامي
                  

11-23-2011, 08:58 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: الطيب شيقوق)

    Quote: القطعة في الحي باليمين (امبدة) بعشرين مليون والقطعة في الحي البشمال ( المهندسين) ب 400 مليون -
    تخيل الفاصل شارع فقط .

    يا الطيب،
    هذه الفوارق موجودة في كل المدن في العالم لكن بالنسبة للسائد عندنا الوضع غير..
    أسعار عاليه في الفارغه بس ، والبعض يتوهم أنه يسكن منطقة راقية .. بالله
    يا شيقا في البردانه في مستنقعات زي دي؟ ..
                  

11-21-2011, 11:06 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: maman)

    يا مامان ..
    عيدك مبارك ..
    الشايقي صادق مع نفسو ..
    والله كلام النعام آدم شفناهو عيانا بيانا ..
    ناس (من عينيك إحتار غزال الوادي) ديل في زحله وجونيه يملوا أي بطاريه..
    سمعت ببعوض لبناني ؟
    ..
                  

11-21-2011, 05:25 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Ali Sirelkhatim)

    علي سرالختم،
    شكرا على الفيديو والأغنية يا العزيز،
    النور الجيلاني ، عندما غنى (سافر جوبا) ، لم يتصور أنها ستكون بفيزا عما قريب،
    بالله شوفت الحصار وتضييق مواطئ الأقدام وصل وين؟
    كأنما يقال لنا بالقلبة ( وأنا كالليل الذي هو مدركك وإن خلت المنتأى عني واسع)..
                  

11-21-2011, 07:27 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: أولا: مداخلات الشايقي وشيقوق وتخريماتهم -أو قول خرمجاتهم - القربت تودي البوست الخور.


    افو افو يا شيخ العرب مالك عايز تكشف حالنا، نحن شن سوينا؟
                  

11-21-2011, 08:27 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: الطيب شيقوق)

    Quote: يا ود حامد
    كان الزول حاول عمل شركة لتعليب الباعوضة مالو ؟؟؟
    مع شويتين دعايات . وتكتب علي الصندوق مرقة Halal بنكهة الكلوركويين .


    عثمان سلامات ،
    قصة مرقه(حلال) دي ذكرتني سوبرماركت في ليدز بتاع واحد باكستاني لحيته تتدلى حتى السُرة،
    بيمشوا ليهو السودانيين يشتروا منو الدواجن والبقري والضاني المذبوح على الطريقة الإسلامية،
    عشان ما يغنَّوا حرموني اللحم الحلال وسببوا لي الهزال .. تعال لي .. أها يا رايع الزول ده
    ببيع شطه حمراء مسحونه في أكياس مكتوب عليها (فلفل حار حلال) ، وبالطبع عندما يكون الشئ حلالا
    لايجوز الإعتراض عليه مع إنو الشطه ديك تسيِّح البلاستك .. بس ما تقدر تقول أحي..

    يا عثمان ، إذا أردت السكن في المهندسين عليك نصب ناموسية أو إستهلاك علبة بف باف يوميا
    وتغلق الغرفة جيدا وكافة النوافذ وتستنشق البف باف ، مشاهدة التلفزيون ما وارده إلا
    في خباء العامرية..
    .. الناموسية..


    243.JPG Hosting at Sudaneseonline.com


    مسكين ، لحمه في الزباله أو مجرد عضم مافيش ، حتى في عيد الأضحى ، شوف نظرة الأسى والإحباط الفي عيون ال###### دا
    الحال من بعضو
                  

11-21-2011, 08:56 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    يا ود حامد
    لو صورة ( ال ك ل ب ) الحيران من الحاصل ده نزلت
    في الواشنطن بوست صدقني سعر المتر المربع في المهندسين حينزل
    الي الصفر .
    ياخ محافظ البلد دي صيني ؟؟
    الزول ده ما عندو شغل بالناس ؟
    هسع يا محمد لو الواحد عندو DELIVERY بيتزاء حينط الترع دي متين ؟؟
    ..
    جد الوضع حزين ومخيف ومحبط
                  

11-21-2011, 10:04 PM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Osman Musa)

    البلد بقى فيها كمييييييين ( ظلوط) ؟
    ___
    ده كمان جديد
                  

11-22-2011, 07:45 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: عمران حسن صالح)

    سلام عم جعفر ,,
    Quote: ليت المسئولين ينتبهون لجمال الخرطوم عاصمة البلاد.
    هل تعتقد أن فى البلاد مسؤولين يمكن أن ينتبهوا لمثل هذا الموضوع!!الجمال لا يقدره ولا يعرفه إلا الذى بنفسه ولو شئ من جمال وهذا هو المستحيل بعينه فى الناس الشايفاهم عيونا ديل!!!فهم لا يصنعون سوى القبح ولا يعرفون غيره,,

    إنتبهوا لشنو كانو هم أصلا مما جو وقربوا يمشوا!!!
    حتى تخريبهم الواضح لكل شئ وتدميرهم لكل مقدرات
    البلد وإنسانها وأرضها وخيرها ينكرونه نكران من
    لا يخشى سؤال ربه وأهله,,


    شكلك كتبت المداخلة دى وإنت سارح فيما وصلت إليه أحوال بلد عاصرتموها وكانت بلد نّوارة ومنارة بين البلدان وأصبحت اليوم فى أسوأ حال,,

    تحياتى,,
                  

11-22-2011, 10:02 AM

Tayseer Elmobarak

تاريخ التسجيل: 09-24-2007
مجموع المشاركات: 182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: أيمن الطيب)

    الخرطوم مدينة محزنة من كل النواحي ...
    ممارسات خاطئة منذ طلوع الشمس و حتى غروبها ...
    نحن نزرع القبح بأيدينا في عاصمتنا ثم نتحسر على أنها لا تشبه مدن العالم ...
    سادتي لكم التحية ...
    و شكراً لود المرتضى لتنبيهنا أن "الراقي" هو أصلاً "راغي" و أننا فقط ندفن رؤوسنا في الرمال ...
                  

11-22-2011, 08:25 AM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8857

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: عمران حسن صالح)

    قيل أن أحد أخواننا (طليقي العقل) كان يتجول عاريا كما أثمرته أمه،
    دخل أحد المطاعم و طلب ما لذ و طاب من كبدة و أسماك و مأمونية و بيض
    حتى انتفخت كمونيته و نهض مغادرا، فاذا بالجرسون يلحق به صائحا: الحساب ياخينا!
    رد باستغراب: انت زول ما نصيح؟ حسابك ده اشيلو وين؟!
    خرطوم فيلنا هذه ندر أو ينعدم فيها صناديق و زوايا لتجميع القمامة، فتراني أحمل قمامتي
    اهش بها ذبابي و اعبيء بها جيوبي ولي فيها مآرب أخرى، لا يعكر صفوها سوى احساسي بالضيق- على احساسي-
    بأني تحنكشت فبت انزعج من رمي المهملات و من ذباب وجهي ، فيا احبابنا سؤالكم عن الحساب -على وجاهته- لا يرد عليه الا طليق عقل
    آخر له قصة أخرى قد (تتشخت) لها حيطة أخونا بكري هذه و ينجرح احساسها.
    محبتي 

    (عدل بواسطة saadeldin abdelrahman on 11-22-2011, 10:33 AM)

                  

11-22-2011, 09:54 AM

Ahmed al Qurashi
<aAhmed al Qurashi
تاريخ التسجيل: 08-28-2006
مجموع المشاركات: 4263

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: saadeldin abdelrahman)

    محمد المرتضى ازيك

    وحمد لله على سلامة وصولك

    أمس جيت من الخرطوم للابيض

    البص قالوا مواعيده الساعة عشرة

    اتحرك بينا الساعة 12 ونصف صباحا

    بص قديم اتوقف في الشارع بسبب مشاكل ميكانيكية

    ناس الشرطة في منطقة ود عشانا رفضوا مرور البص بحجة انو ممنوع السفر بالبصات ليلا بعد الساعة ثمانية

    وكانت الساعة سبعة ونص ، في النقاش والجدل معهم حتى جات الساعة ثمانية فزاد اصرارهم

    وكان البص ملئ بالنساء والاطفال

    طلبوا منا الركوب في البص مرة أخرى

    وسمحوا لنا أخيرا بالتحرك وعرفت من احد الركاب والذي كان يحاجج ان سائق البص اتصلح معاهم

    وصلنا الابيض الساعة 11 بالليل

    دا السودان يا محمد المرنضى واتفرج يا سلام كما يقول أحد الصحافيين الرياضيين

                  

11-22-2011, 11:10 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Ahmed al Qurashi)
                  

11-22-2011, 11:11 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Ahmed al Qurashi)

    Quote: يعيش احمد عرابي

    اللهم آمين،
    وما تنسى السلطان عبد الحميد،
    وسعد زغلول،
    قلت لي قد دنا عذابها؟

    تبدأ في هذا الشكل

    244.JPG Hosting at Sudaneseonline.com

    ثم تتحور وتتحرر

    DSC05343.JPG Hosting at Sudaneseonline.com


    فتحترق من ذاتها وليس بفعل فاعل ما عايز يتعب نفسو..

    246.JPG Hosting at Sudaneseonline.com

    ممكن نسميهو SPONTANEOUS (GARBAGE) COMBUSTION
                  

11-22-2011, 01:47 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: خلى حسادة عايز تسلب من عاصمتنا لقب
    قلب افريقيا النابض بالباعوض والذباب؟؟

    المــــــــــــــــوج
    إزيَّك يا نـــــــــابض،
    الجواب من عنوانو مقولة غير صحيحة،
    بس مرات بتلفق،
    وصلت الطائرة مطار الخرطوم في اليوم الأول للعيد،
    نزل المساكين إلى الصالة وبقوا ل 50 دقيقة وسير
    العفش متوقف .. أكثر من 200 راكب من المواطنين والأجانب
    لايعرفون سببا ، قال أحد العمال (الضابط البشوف الجهاز ما جا)..
    بالمناسبة ، هذا المنظر سبق في أول أيام عيد الفطر وبذات التفاصيل..
    أجد العذر للمسئولين فالطائرات تأتي (فجأة) ..
                  

11-22-2011, 02:33 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    قالوا الضابط البشوف الجهاز ما جا ؟
    مالو ؟

    قر قر قر
                  

11-22-2011, 08:43 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Osman Musa)

    Quote: كنت بصدد كتابة بوست بعنوان الخرطوم عاصمة (غير نظيفة) .
    لفت انتباهي ما يلي :-
    - أكوام من القمامة في وسط الخرطوم
    - كوبري وشارع الحرية منظره مؤلم وبائس للغاية.
    - الفاصل الذي يفصل بين مسارين في شارع الحرية ومعظم شوارع الخرطوم تم صبه بالخرسانة المسلحة
    بدلا من زراعة نخيل او زهور أو أي شيء اخضر في بلد انعم الله عليها بنيلين : الأبيض الهادئ والأزرق
    العاتي
    - لا يوجد عبور للمشاة في معظم الشوارع ، ومن يخاطر لعبور الشارع يعرض حياته للخطر ..منظر النساء
    وكبار السن الذين يودون عبور الشارع يدعو للشفقة والقلق.
    - أما الأحياء الطرفية فحدث ولا حرج ...القمامة تتكدس أمام المنازل لعدة أيام.
    لكي تبدو الخرطوم جميلة كسائر مثيلاتها من عواصم العالم يجب الانتباه للنظافة والتعاقد مع شركات
    متخصصة تشرف على نظافة الخرطوم.

    أستاذنا جعفر ،
    مرة أخرى حمدا لله على السلامة،
    أستطيع تقدير ما تحس به لأنك جئت مباشرة من طوكيو إلى سيدة القرى العاصمة المسلسة لكن دعنا نتحدث
    عن العالم الثالث بعيدا عن دول الدوري 7 نجوم فتلك لامجال للحديث عنها هنا.
    1- من صالة القدوم يمكنك تقييم الوضع داخل البلد، هل رأيت صالة قدوم في أي مطار في
    دول العالم الثالث بهذا المستوى من القبح و اللامبالاة؟
    2- كوبري وشارع الحرية ؟ بالله كدا حاول أن تقود سيارتك من كوبري أمدرمان الجديد غربا تجاه الشرق
    مرورا بمنطقة يوجد فيها موقف حافلات وسوق أظن يسمونه جاكسون ، هل مر بخيالك أن تنزل من جسر إلى
    شارع يتوسطه سوق وباعه جائلون يعبرون من اليمين إلى اليسار والعكس لدرجة أنك لاتستطيع أن تعبر بضعة
    أمتار إلا في ربع ساعة لتصل صينية كبري الحرية؟ هل تصدق أنهم كانوا بنوا جسر مشاه هناك بارتفاع يقل
    عن المطلوب فاصطدمت به شاحنة حكومية فانهار على السائق ومن معه فصعدت روحه إلى بارئها!!
    3- هل شاهدت شارع أفريقيا واتجاهات الحركة فيه ، شوارع داخل شوارع ؟؟ تقول لي عبور مشاه؟
    4- هل شاهدت قبح كافة ما بناه أولئك البشر في السنين الأخيرة؟
    5- هل شاهدت اللافتات والملصقات وهي تغطي أي مسطح في مبنى أو جسر أو باب دون أدنى مراعاة لأي ذوق أو
    أدب فبدت جُدُر العاصمة وكأنها أصيبت بالجُدَري؟

    لي عودة بالصور لكل تلك النقاط رغم أني ركزت هنا على نموذج حي المهندسين لأن القائمة طويييييلة.
    ولعلمك يا أستاذنا شركات النظافة تأخذ جبايتها الشهرية كاملة سيما شركات جمع القمامة .. جمع غُمة.

    535.jpg Hosting at Sudaneseonline.com

    هذا طريق (سريع) يربط بين أمدرمان والخرطوم واللقطة جوار موقف حافلات مدهش وسوق يسمونه جاكسون
                  

11-22-2011, 11:09 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: ظلوط شخصية حقيقة
    ليس في وجهه مضغة لحم
    يستخدم الـ 3D ويتواصل بالـ wire less ويجيد الأوتوكاد
    يستمع للـ slow music
    يحب الـ Show " المؤسس "
    هو " عدة أفراد "
    عندهم (مواهي) ومخصصات
    و " مداخيل " إضافية
    يجيدون مهنتهم " تعتمد على الخيال الخصب "
    يجيدون الحبكة والكذبة والهُتاف وحُسن الظن " المدفوع الأجر "

    عارف يا عمران،
    ناس كتار فاكرين إنهم بيرجعوا من غربتهم بسيارات فخمه أو مجرد جديده وبيوت زي
    الساكنينها في بلاد الإغتراب أو المهجر - زي الفي إعلانات ظلوط - وبالتالي يكونوا
    جمعوا بين (الحسنيين) رفاه الغربة وحميمية الوطن ( إيه رأيك في "حميمية" دي) ولكن
    سرعان ما يعرفوا أن حلولهم الفردية في الواقع أحلاما ظ ل وط ي ة لأن المسائل لاتتجزأ،
    إذا كان الحي المجاور معطون في ال وس خ لايمكنك أن تعيش في بيئة صالحة، إذا كانت الطرق
    سيئة فلن تصل بسلام، هي أشياء غير متجانسة وغير متناغمة .
    نحن لانريد سوى أماكن نظيفة للجميع ، صدقني ، المجمعات الإسكانية الفخمة التي تراها
    في أي مجسمات أو شغل 3D ليست بديلا ..
    نعم ، ممكن تسكن فيها لكن بعد داك وين؟
    المسألة بسيطه ومعقده في آن يا عمران

    (عدل بواسطة محمد المرتضى حامد on 11-22-2011, 11:31 PM)

                  

11-22-2011, 11:49 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    ..
    .
    يبقى لازم تقعلوا ..
    شفت المشتل الرائع الصورته السنة المضت وعملت بيهو بوست
    وقلت ليك دا قدام البيت .. لاحظت انتهى كيف ؟؟

    ------------

    السودان دا اغرب بلد .. يعنىاى بلد تجيها السنة دى ترجع بعد عام
    تلقاها اتغيرت لمن تحس انك جيت اول مرة _ دبي مثالا _ :)
    هنا تجى تقول حليل السنة المضت الجاب بركة البعوض هنا شنو ؟؟
    المشتل دا مالو ..اليافطة ليه اختفت ..
    تلقى السبب الحرامية .. المحلية .. والولاية والاداريين الكسالى ..
                  

11-23-2011, 07:27 AM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8857

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Tabaldina)

                  

11-23-2011, 07:57 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: saadeldin abdelrahman)


    مولانا محمد المرتضي حامد

    تحياتي وكل عام وانتم بخير

    دي الخرطوم .. مدينة العجائب

    لا أعتقد ان هناك مدينة في العالم بها من اللوحات والاعلانات التجارية مثل تلك التي بالخرطوم

    انظر الي اعلانات شركات الهاتف والاتصالات

    تشويه متعمد مفترض ان يعاقب عليه القانون

    وكل ذلك لان سياسة الولاية : جباية ولا شئ غير الجباية\

    في اجازتي الاخيرة

    كنت أمر يوميا باحد شوارع الاسفلت بالحي الذي اقطنه ( اسفلت مجازا ... لان الصحيح بقايا اسفلت )

    وفجاة أري ان هناك صيوان تم تركيبه علي الشارع لمناسبة خاصة ( يعني الشارع اصبح وسط الصيوان )

    وعليك ان تختار طريق آخر للمرور .

    عندما سالت كيف يكون ذلك ؟ جاتني الاجابة بان صاحب المناسبة حصل علي ترخيص من المحلية بعد ان دفع الرسوم اللازمة!!!

    والله شئ يجنن

    مع خالص المودة وتحياتنا للعزيز شيقا
                  

11-23-2011, 08:36 AM

الرشيد شلال
<aالرشيد شلال
تاريخ التسجيل: 11-27-2006
مجموع المشاركات: 378

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: حسن طه محمد)

    االتحية سيدى ود مرتضى

    والله حاجة عجيبة وعندى سؤال بسيط للجميع (وين قروش النفايات المعذبين بيها الناس من الدنيا تصبح ؟ )

    السودن يامرتضى ذى الكرتلة لو دخلت المستشفيات العامة سوف ترى الكثير والمثير وليس له اى علاقة بالبيئة والصحة -

    شلالا من الصبر

    دمت بألف خير سيدى

    (عدل بواسطة الرشيد شلال on 11-23-2011, 11:02 AM)

                  

11-23-2011, 09:17 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: حسن طه محمد)

    Quote: قمة المهزلة أن تقطع المياه عن مواطن مسكين محمول مكسورالقلب و الخاطر وتتركها تذهب هدرا فى الشارع لتقتله بباعوضها وذبابها وكل اسباب الموت والمرض الذى يخرج منها رغم أن الخالق جعل منها كل شئ حى!!!!!

    تلخيص مريع للمهزلة يا أيمن، لكن هل تعتقد أن المنظمات الدولية صنفت بلدنا كدولة فاشلة ، بل
    من أفشل الدول ، من فراغ؟
    كنت أنتظر أن يأتي أحدهم إلى هنا ليقول لي إنها مؤامرة أجنبية، نحن دائما ضحايا مؤامرة أجنبية
    حتى قيام الساعه، أحسن ناس في إيجاد المبررات الكاذبة الخادعة..
    المسؤولين ديل يا أيمن هلكوا بعيرنا ونحن ساعدناهم بشكل أو بآخر..



    حتى موقف المسجد لم ينج من أن يصبح مقلب زباله وساحة خرده وعوضا عن الزهور والورد يكسوه العُشر
    والمتسلقات ونفايا المتسلقين ونصلي هناك كل يوم ونسمع الخطب وخارج المسجد تربض الفواجع و... عادي..
    بالمناسبه ، ما زالت هذه الآلية في مكانها لعدة سنوات تشوه ساحة مسجد الحي وما زالت تحمل لوحة تسجيلها.
                  

11-23-2011, 12:03 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: ورقي المهندسين ما يجي شئ جنب الأحياء الراقية جد


    كدا امشي شوف عزيز كافوري ..

    ولا أقول ليك المنشية

    جدجد

    في اجازتي الاخيرة لم اصدق ما كنت اراه بام عيني

    ولا يمكن باي حال من الاحوال دي تكون عاصمة بلد

    مولانا حسن طه ،
    كل سنه وانت طيب،
    أحرص على هذه العبارة كل العام،
    تعلمناها من أحبابنا في مصر ، كان لاقاك في اي يوم في السنه يقول ليك كل سنه وانت طيب،
    لو جيت لقيت العياده قفلت الخفير يقول ليك كل سنه وانت طيب..

    يا سيدي الكريم قصة حي راقي وحي فقير دي ما جايه في السودان، الرياض وقاردن سيتي
    وأطلع بره والمهندسين والطائف والمحامين إلخ.. دي مجرد أسماء، المضمون واحد ، لذا تجدني
    لا أتفق مع من يصنفون السودان كمركز وهامش في هذا الجانب مع احترامي لرأي كرأي عزيزي فضيلي
    فقد عشت في مدن وقرى السودان في الطفولة والصبا والكهولة ، والبيئة في الأطراف البعيدة
    أفضل بكثير من العاصمة.
    هذه الأخيرة أصبحت قاتلة ، تلوث وضوضاء وركشات وبالوعات ومزابل وبعوض وذباب ومستنقعات ومباني
    مشوهة وجسور قبيحة ودا كلام ما تنظير زي ما شايف في الصور التي لايزيد عمرها أسبوع أو أقل.
    السودان هامش كبير لافرق فيه بين المنشية أو القصر ، ولا بين الراقي أو الشعبي أو الوطني،
    كلو زي بعضو..
    بيئة صفر..

    يا مولانا ، عشان ما تكتئب من صوري دي ، وكنت اعتذرت عنها في مستهل البوست ، قلت أجيب
    ليك صوره تبهج عينيك ، شويه كده ننظر للجانب الممتلئ من الكأس..


    Muscat1.jpg Hosting at Sudaneseonline.com

    بس من مدينة أخرى لاتكتفي بالنظافة بل بزراعة الزهور في الشوارع وتنسيقها كيما يُسَرُ الناظر ..
    والمدرس كمان.
                  

11-23-2011, 02:05 PM

Gaafar Ismail
<aGaafar Ismail
تاريخ التسجيل: 08-27-2005
مجموع المشاركات: 4911

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)


    أخي الحبيب مولانا محمد المرتضى
    Quote: مرة أخرى حمدا لله على السلامة،

    الله يسلمك من كل سوء ويحفظك ويديك الصحة والعافية.
    Quote: 1- من صالة القدوم يمكنك تقييم الوضع داخل البلد، هل رأيت صالة قدوم في أي مطار في
    دول العالم الثالث بهذا المستوى من القبح و اللامبالاة؟
    2- كوبري وشارع الحرية ؟ بالله كدا حاول أن تقود سيارتك من كوبري أمدرمان الجديد غربا تجاه الشرق
    مرورا بمنطقة يوجد فيها موقف حافلات وسوق أظن يسمونه جاكسون ، هل مر بخيالك أن تنزل من جسر إلى
    شارع يتوسطه سوق وباعه جائلون يعبرون من اليمين إلى اليسار والعكس لدرجة أنك لاتستطيع أن تعبر بضعة
    أمتار إلا في ربع ساعة لتصل صينية كبري الحرية؟ هل تصدق أنهم كانوا بنوا جسر مشاه هناك بارتفاع يقل
    عن المطلوب فاصطدمت به شاحنة حكومية فانهار على السائق ومن معه فصعدت روحه إلى بارئها!!
    3- هل شاهدت شارع أفريقيا واتجاهات الحركة فيه ، شوارع داخل شوارع ؟؟ تقول لي عبور مشاه؟
    4- هل شاهدت قبح كافة ما بناه أولئك البشر في السنين الأخيرة؟
    5- هل شاهدت اللافتات والملصقات وهي تغطي أي مسطح في مبنى أو جسر أو باب دون أدنى مراعاة لأي ذوق أو
    أدب فبدت جُدُر العاصمة وكأنها أصيبت بالجُدَري؟

    حقيقة لم أر أسوأ مما أشرت إليه أعلاه في أي من بلاد العالم الثالث التي مررت بها.
    كلنا رجاء وأمل أن ينتبه المسئولون إلى جمال العاصمة .
                  

11-23-2011, 03:25 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Gaafar Ismail)

    Quote: هسي الأجانب لم يسمعونا عايزين نغير العالم ونعمل توجه حضاري
    ونهزم امريكا والغرب الفاجر ونرد علي اكامبو بكباري وسدود و.....
    الجماعة ديل شايفين الخمج والعفن دا يقولو علينا شنو؟؟؟؟!!!

    حايقولوا علينا ملوثين وملتاثين،
    بس خلِّيهم يقولوا زي ما الناس يقولوا ، نحن يا جعفر بيهمنا تصحيح حال بلدنا
    بيئتنا وصحتنا وعيالنا ،
    أما أمريكا التي دنا عذابها فوفقا لبعض المصادر فيها 8 مليون مسلم وروسيا
    حوالي 25 مليون والأمريكان لما سمعوا قصة دنا عذابها وخزعبلات صبية إتحادات
    الجامعات وقتها أرسلوا للسودان وفد من عائلة توماهوك وصل من البحر الأحمر
    للخرطوم بحري في دقائق وترك الجماعة في تصريحات بعضهم أنها طائرات جات
    من مصر رصدتها راداراتنا في قاعدة نايمين قفا وحامية كراع الجقر وكتلت حمار كلتوم إلخ ..
    والله يا جعفر الضربه زعلتني وواجعاني في قلبي وتصريحات المعنيين تهرد الفشفاش،

    ياخ الواحد ما عارف يلقاها من منو ولا من منو..
                  

11-23-2011, 05:17 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    مولانامحمد المرتضي

    اقول : رب نفاية نافعة
    وذلك أنني شخصيا شاهدت بنفسي عدة مرات من المحرومين من يبحثون عن لقمة عيش في هذه النفايات.


    لا يمكن لمدينة وصف جزء منها الراحل الرئيس هواري بومدين بانها أجمل منطقة شاهدها في العالم وهي المنمنطقة الممتدة من قاعة الصداقة الي فندق الهيلتون ( يعني منطقة مقرن النيلين ) بان يصل بها الحال لان تكون اقبح وا###### عاصمة في العالم.

    لك الله يا بلدي
                  

11-23-2011, 09:33 PM

ombadda
<aombadda
تاريخ التسجيل: 10-10-2002
مجموع المشاركات: 6736

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: حسن طه محمد)

    سلام أ. محمد المرتضى حامد.

    أين شباب الحى؟ إذا تقاعست المحلية عن أداء دورها فهل معنى هذا أن يعيش الناس وسط القمامات والبرك الاسنة والكلاب الضالة؟
    لماذا لا يخصص أهالى الحى يوما فى الاسبوع لنظافة الحى وردم البرك والتخلص من الكلاب الضالة؟
    الامر لا يحتاج إلى ميزانيات ضخمة أو قرارات سياسية يتم تتداولها فى المجالس.
    فقط بعض السواعد القوية وقليل من الانتماء وحب الوطن.

    syriarose.com/ar/news/view/27563.html
                  

11-24-2011, 11:18 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: ombadda)

    Quote: والمحليات تطالب بضريبة النفايات اول بأول واذا مادفعت العسكرى معاهم .

    إنه ديدن الحكومات الفاشلة أن تأخذ ولا تعطي يا عابدون ،
    سألت أحد قاطني الحي بأن عدم نقل النفايات ربما له سبب
    وجيه هو عدم سداد الرسوم الشهريه فأكد لي بأن ذلك غير
    وارد وأن الدفع إلزامي وعدم الوفاء به له نتائج وخيمة،
    كما أنه لايمكن أن يكون كل أصحاب المنازل من الممتنعين
    والدليل على ذلك إنتشار النفايات في غالب أرجاء الحي..
    بالله يا عابدون وريني ياتو خدمه في السودان بتدفع عليها
    قروش وتقدم لك كاملة.. حتى الكهرباء التي تدفع عنها
    مقدما مئات الآلاف يمكن أن تُقطع عنك بسبب خلل في الشبكة
    أو أي سبب آخر وكذا الهاتف تدفع عنه مقدما ولاتستطيع
    الإتصال بسبب خلل في الشبكة وسيأتي يوم تدفع مهر عروسك
    وترتل آيات حبك لها ولا تجدها بسبب خلل في الشبكة.
                  

11-24-2011, 12:42 PM

حمزه بابكر الكوبي
<aحمزه بابكر الكوبي
تاريخ التسجيل: 04-13-2009
مجموع المشاركات: 2121

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    مولانا لك التحايا والاشواق

    والله في صالة الوصول بتاعة مطار الخرطوم (الدولي) شفت لي فار يتجول بكل حريه
    وجقر ماكن كمان ولا امسيسي صغيرونه علشان نقول جاءت في شنطة راكب

    وجقر اغبش يعني محلي مادولي
                  

11-24-2011, 02:18 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: حمزه بابكر الكوبي)

    Quote: ثانيا: ضحكي ضحك زولا شمتان على ناس الخرطوم

    أخي فضيلي،

    بوركت،

    يا أبا شيراز، الحكومة بتعرف تشيل فقط لكنها لاتعطي وهذا مبدأ راسخ عندها،
    الحكومه تشتري أرتال اللاندكروزرات وقيمة الواحد منها 430 مليون جنيه ل (المسؤولين) ،
    هذا غير تكلفة البنزين والصيانة والسائق وسيارات أخرى لخدمة البيت ومخصصات لاحصر لها
    ولامن تشوف سيارة مسؤول ومعه (السارينا) والمرافقين تقول وحاتك الزول مالي مركزو وأن
    مدينته تفوق أجعص مدينة في العالم نظافة وبهاءا ، بينما تبخل على إصحاح البيئة
    والصحة بقيمة (لاندي كاروزر) واحد ، عرفت ليه كتيرين يلهثون للحصول على المناصب ؟

    عندما كنا أطفالا كانت سلطات البلدية تعاقب كل من يخالف القوانين المتصلة بالصحة والبيئة ،
    إذا كشحت باقي ملاح في الشارع أو كانت البالوعه – أكرمك الله - كاسره أو.. إلخ، ستجد العقوبة حاضرة ،
    وكان عمال الصحة يزورون الأحياء والقيام بما من شأنه منع توالد البعوض والذباب وغيرها من الهوام
    وتقوم سيارات البلدية بجمع النفايات (الزبالة) من حاوياتها ( براميل الكوشه) ، وكنا نراهم يغسلون
    الأسواق بالليل وتحديدا أماكن بيع اللحوم والخضار وكل ذلك دون جبايات واتاوات سوى الضرائب المعروفة
    وفقا للنظم الضريبية، أما الآن فإنك تدفع ضريبة ومساهمة وطنية وزكاة وتمغة جريح وزلة فصيح وزيارة ضريح
    وجبايات ورسوم لا أول لها ولا آخر ( والحال ياهو ذاتو الحال في جوَّاي صدى الذكرى ) .. يا سيدي الكريم كنا ،
    دون خلق الله، ندفع في كل مرة نصل فيها مطار الخرطوم عشرة دولارات عشان وصلنا بلدنا ، وهي ما أسموه
    رسوم قدوم ( بضم القاف والدال - أصلو القَدّوم التاني عند النجارين زاتم معدوم)..
                  

11-24-2011, 03:51 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: والله لو رصو اشجار النخيل وزرعوا مابين النخلة والاخرى نبات الحلفا لكان ارخص من الاسلفت واسر للناظر.

    أخي زمراوي،
    كل سنه وانت طيب،
    أسر النــاظر؟
    أنت ممعن في التفاؤل يا زمراوي،
    هل رأيت الجسر الذي يمر بجوار استاد الخرطوم؟
    هل مررت بمدخل جسر أمدرمان القديم ( البرتقالي) من ناحية الخرطوم وهل قرأت ما كتب هناك؟
    هل أتاك حديث جسر المك نمر الذي ينتهي (فجأة) في إشارة مرورية جهة الخرطوم و (صينية) جهة بحري؟
    هل شاهدت المجسمات التي تعلو بوابة السلاح الطبي من ناحية الشمال والمهندسين من الغرب والتي
    لاأفهم سببها أو معناها وحتما تكلفت ملايين الجنيهات ؟
    هل شاهدت في أي مكان في العالم سيارات ودراجات نارية تجري بدون لوحات أرقام؟

    ـ
    motorcycle.jpg Hosting at Sudaneseonline.com

    مايبدو خلف الدراجة النارية في هذه الصورة ليس رقما ولكنها كلمة TOYOTA
                  

11-24-2011, 04:25 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: الخرطوم يا مرتضى كنت من أيام زمان بعرفها من مدرسة
    جنب أبو جنزير (لي فيها ذكريات محفورة جوة)..أقوم أقيف
    في المدرسة (البوصلة) وبعد داك يا الخرطوم جاكي زول..
    وكداري لأي مكان في المدينة...
    في سنة من السنين –أثناء اجازتي السنوية- ركبت مع صديق
    بشتغل في بنك ..نتونس لحدي ما وصلنا البنك في الطابق الكم كدا..
    الصديق ما قصر قام بالواجب من شاي خلافه وبعد داك استأذنت منه عشان
    أتم باقي مشاويري في الخرطوم..
    لكين البوصلة ما راحت !
    قدري ما فتشت على المدرسة ما لقيتها (مدرسة يا مرتضى مش فريني)..
    ما لقيتها..
    -يا ابن العم بالله كان في مدرسة هنا اسمها مدرسة الخرطوم شرق بتعرفها بي وين؟
    -لا والله يا ابن العم.. لكين أمشي لناس الكافتيريا ديل يمكن يدلوك..
    -السلام عليكم يا خوانا أنا عايز أمشي مدرسة الخرطوم شرق الأولية أصلها كيف؟
    -قالو ليك جنب شنو ياللخو المدرسة دي؟
    -هي جنب أبو جنزير..
    -دي الما كسروها الجماعة..
    الخرطوم شرق الأولية يا صديقي كما تعرف هي المدرسة النظامية الأولى
    والتي كان الخديوي عباس أوفد إليها رفاعة رافع الطهطاوي ناظراً ..
    بين ليلة وضحاها أزيلت المدرسة (البوصلة) وحل محلها برج البركة بعد رفعها..
    يعني البنك الشربت فيهو الشاي كان في مكان المدرسة يعني برضو ما كنت بعيد منها كتير..

    لك التحية ولا تحزن يا صديقي !

    أستاذي الزاكي الباهي،
    إن كنت تعني تلك المدرسة التي شيد في محلها برج (البركة) فقد أتيح لي مشاهدة
    هدمها قبل أن يتم تشييد البرج مكانها وأعتقد أن ذلك حدث في 1984 إن أسعفتني
    الذاكرة الخؤون..
    حقيقة لم أك أدري أن للمدرسة تلك علاقة بالتاريخ وأن الطهطاوي كان مديرا لها،
    بالله كنت بتشرب في الشاي فوق قبر المرحومة المدرَسة (البوصلة)؟
    المباني الأثرية لاقيمة لها في بلادنا يا باهي ، جل المباني التي
    تتواجد في شارع النيل وهي تراث معماري تم تشويهها فأصبحت مسخا غريبا فهناك بعض
    المسؤولين يعتقدون أن جمال المعمار يرتبط بشكل أساسي بالزجاج الأزرق والطلاء الأخضر
    والألمنيوم ومخلوعين بال (كلادنق) حتى في المعمار الفيكتوري وأنه يمكن ترميم تلك
    الآثار بواسطة أي مقاول من ذوي الحظوة والكرامات والبركة.

    الجاتك في مدرستك ما سامحتك يا زاكي.
                  

11-24-2011, 05:19 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: الخرطوم مدينة محزنة من كل النواحي ...
    ممارسات خاطئة منذ طلوع الشمس و حتى غروبها ...
    نحن نزرع القبح بأيدينا في عاصمتنا ثم نتحسر على أنها لا تشبه مدن العالم ...

    كثيرا ما أتساءل من الذي يخطط المدن عندنا يا تيسير،
    وكثيرا ما أتساءل ألم يسافر أولئك القوم خارج السودان مع إدراكي أنهم من المغرمين بالسفر سيما الطوييييل منه..
    تلك تساؤلات مشروعة رغم أن مسألة النظافة والإلتزام بالواجب لاتحتاج أن تضرب لها أكباد البوينج والإيربص ..
    حقيقة العاصمة مدينة محزنة وصادمة للبصر..
                  

11-24-2011, 08:45 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: خرطوم فيلنا هذه ندر أو ينعدم فيها صناديق و زوايا لتجميع القمامة، فتراني أحمل قمامتي
    اهش بها ذبابي و اعبيء بها جيوبي ولي فيها مآرب أخرى، لا يعكر صفوها سوى احساسي بالضيق- على احساسي-
    بأني تحنكشت فبت انزعج من رمي المهملات و من ذباب وجهي ، فيا احبابنا سؤالكم عن الحساب -على وجاهته-
    لا يرد عليه الا طليق عقل آخر له قصة أخرى قد (تتشخت) لها حيطة أخونا بكري هذه و ينجرح احساسها.

    يا سعد،
    جيتني في حته حاره والله ، نعم ، يتوجب على الدولة توفير أماكن للقمامة ومراحيض عامة
    لكن يا سيدي ليس كل السوء حكومي، كنا ننتظر أن (تفتح) إشارة ضوئية فقام أحدهم يقود
    السيارة التي أمامنا بفتح زجاج سيارته وأفرغ محتويات مطفأة السجائر عل الأسفلت. هذا
    السلوك اللاأخلاقي مسألة شخصية لو حدثت في مكان آخر لحوكم فاعلها.. المسألة ليست كلها
    ملقاة على جانب الدولة وأظن أن هذا ما عنته الأخت تيسير بقولها:
    (نحن نزرع القبح بأيدينا في عاصمتنا ثم نتحسر على أنها لا تشبه مدن العالم ...) خليك
    حنكوش وحافظ على نظافة مدينتك يلعن أبو الرجاله لو بِقت بصق سفه في مكان عام..
                  

11-24-2011, 08:58 PM

خالد المحرب
<aخالد المحرب
تاريخ التسجيل: 01-14-2007
مجموع المشاركات: 5705

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: يبدو أن ثمة خطأ إملائي في عنوان البوست فالصحيح (راغية) بطنين البعوض والذباب والكلاب الضالة.
    أعتذر عن الخطأ الإملائي وعن الصور..


    لا عليك استاذ المرتضى فعلا المناطق يطلق عليها بانها راقيه اذا جيت من بره السودان وعاوز تشترى قطعه فى هذه المناطق
    بقولو ليك دى ارقى مناطق فى الخرطوم ولسان حالك كيف راقيه وهى بهذا المنظر الذى اراه امام عينى انا هنا اتحدث بلسان الذى
    اتى من الدول المتقدمه او حتى الدول العربيه التى تهتم بالتخطيط والاناره وسفلتت الشوارع وزرع الحدايق ومداخل الدفاع المدنى
    قبل البدء فى البيع للمواطن وكل شى غير مقنع صدقنى فى السودان من استقبال المطار والجمارك ورااااجل ما تخلينا نبحت اكتر من كدا
    عندى كلام كتير خلاس
                  

11-25-2011, 06:35 AM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8857

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: خالد المحرب)

    Quote: لكن يا سيدي ليس كل السوء حكومي، كنا ننتظر أن (تفتح) إشارة ضوئية فقام أحدهم يقود
    السيارة التي أمامنا بفتح زجاج سيارته وأفرغ محتويات مطفأة السجائر عل الأسفلت. هذا
    السلوك اللاأخلاقي مسألة شخصية لو حدثت في مكان آخر لحوكم فاعلها.. المسألة ليست كلها
    ملقاة على جانب الدولة وأظن أن هذا ما عنته الأخت تيسير بقولها:
    (نحن نزرع القبح بأيدينا في عاصمتنا ثم نتحسر على أنها لا تشبه مدن العالم ...) خليك
    حنكوش وحافظ على نظافة مدينتك يلعن أبو الرجاله لو بِقت بصق سفه في مكان عام..

    نعم ابا اكرم،
    هذه الحكومة لم تهبط علينا من السماء،و الكثير من الممارسات تنبع من قلة الوعي و التخلف.
    جيد أنكم انتظرتم اشارة المرور، كثير ممن اصطحبوني لم يتوقفوا فيها ، مع أن شارة الوقت كانت عبارة عن ثواني فقط
    و من ينتظر فهو يتحرك حين يصل العد التنازلي ثلاثة- اثنين و قبل الواحد و هذا لعمري اخطر! فربما يأتي (معلم) آخر من الاتجاه المقاطع،
    و ما أكثر الحوادث و ضحاياها حتى بعد ان اصلحت كثير من الطرق و نصبت علامات المرور،
    الحكومة ليست وحدها من يسترخص الانسان السوداني، فالانسان حيث يضع نفسه!
    مع ذلك فإن من واجب الحكومة توفير هذه الامكانيات التي تعين على ضبط المرور و النظافة و تفعيل القوانين و زيادة الرقابة
    مثل كاميرات المرور و صناديق القمامة، حتى لا تترك لنا حجة كمواطنين بانه اصلا مافيش صندوق قمامة و انه ليس هناك من يهتم اذا أنا كسرت اشارة المرور،
    و هو على كل حال مصدر دخل آخر و حيوي و مبرر، بدلا عن الجبايات التي ليس لها رأس أو قعر !
    بالاضافة لان توفير هذه الامكانيات يساعد على رفع الوعى و السلوك، فحين يقوم احدهم برمي المهملات في مكانها المخصص و الذي وفرته البلدية مسبقا،
    فان هذا يضرب مثلا لغيره و بالاخص الاجيال الناشئة، صدقني أن هناك أمل و ان هناك من يحلم و سيأتي يوما ما يصنع الفرق فيه.
                  

11-25-2011, 08:15 AM

Gaafar Ismail
<aGaafar Ismail
تاريخ التسجيل: 08-27-2005
مجموع المشاركات: 4911

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: saadeldin abdelrahman)


    Quote: نعم ابا اكرم،
    هذه الحكومة لم تهبط علينا من السماء،و الكثير من الممارسات تنبع من قلة الوعي و التخلف.
    جيد أنكم انتظرتم اشارة المرور، كثير ممن اصطحبوني لم يتوقفوا فيها ، مع أن شارة الوقت كانت عبارة عن ثواني فقط
    و من ينتظر فهو يتحرك حين يصل العد التنازلي ثلاثة- اثنين و قبل الواحد و هذا لعمري اخطر! فربما يأتي (معلم) آخر من الاتجاه المقاطع،
    و ما أكثر الحوادث و ضحاياها حتى بعد ان اصلحت كثير من الطرق و نصبت علامات المرور،
    الحكومة ليست وحدها من يسترخص الانسان السوداني، فالانسان حيث يضع نفسه!
    مع ذلك فإن من واجب الحكومة توفير هذه الامكانيات التي تعين على ضبط المرور و النظافة و تفعيل القوانين و زيادة الرقابة
    مثل كاميرات المرور و صناديق القمامة، حتى لا تترك لنا حجة كمواطنين بانه اصلا مافيش صندوق قمامة و انه ليس هناك من يهتم اذا أنا كسرت اشارة المرور،
    و هو على كل حال مصدر دخل آخر و حيوي و مبرر، بدلا عن الجبايات التي ليس لها رأس أو قعر !
    بالاضافة لان توفير هذه الامكانيات يساعد على رفع الوعى و السلوك، فحين يقوم احدهم برمي المهملات في مكانها المخصص و الذي وفرته البلدية مسبقا،
    فان هذا يضرب مثلا لغيره و بالاخص الاجيال الناشئة، صدقني أن هناك أمل و ان هناك من يحلم و سيأتي يوما ما يصنع الفرق فيه.

    الحبيب ابو السعود
    احسنت
    Quote: و هو على كل حال مصدر دخل آخر و حيوي و مبرر، بدلا عن الجبايات التي ليس لها رأس أو قعر

    في سنغافورة مثلا لو رمى احدهم قمامة على الشارع فإنه يدفع غرامة تصل إلى خمسمائة دولار
    اعتقد لو سنت المحليات قانون يلزم دفع غرامة لمن يرمي القمامة على الطريق فذلك سيساعد على النظافة بالإضافة إلى دخل للمحليات مبرر كما تفضلت .

    تحياتي
                  

11-25-2011, 10:42 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Gaafar Ismail)

    Quote: ناس الشرطة في منطقة ود عشانا رفضوا مرور البص بحجة انو ممنوع السفر بالبصات ليلا بعد الساعة ثمانية

    وكانت الساعة سبعة ونص ، في النقاش والجدل معهم حتى جات الساعة ثمانية فزاد اصرارهم

    وكان البص ملئ بالنساء والاطفال

    والله أمك داعيه ليك يا أحمد القرشي،
    بالله مريت بودعشانا؟
    ليت سائق البص لم (يتصلح) مع الراجل حتى تشهد الصبح في ودعشانا ،
    زمن ياخ ، درست فيه السنتين الثانية والثالثة إبتدائي ، عرفت ذلك
    الخط جيدا ، سليمه وأم كويكه ، الوساع ، تندلتي والغبشه ، ناس (سليمه)
    كان عندهم dairy products مبالغه من الجبن بأنواعه للروب والحليب غير
    الممزوج بماء اللصوص.. لو كنت معكم لأصررت على العسكري تنفيذ قرار المبيت.

    بالله يا أحمد حددوا مواعيد السفر في السودان؟ هسه لو كان معاكم زول محتاج لعملية
    جراحية عاجله ناس البوليص ديل كان بيسووا شنو؟
    ياخ ذكرتني زميل دراسه إسمه علي المختار لا أعرف في أي مرفأ رست به مراكب الحياة،
    كانت لنا مدرسة جميلة ونظيفة لأقصى حد وفيها أحواض زهور وملاعب للكرة وداخلية
    لاتقل في التنظيم والإنضباط والنضافة والدقة عن ساند هيرست البنسمع عنها..
    هسه كان كان حضرتوا الصباح هناك وشربتو شاي بلبن مَُقَّنن codified milk وأخدت
    ليك كم صوره مش كان نابك ثواب؟ تلك أماكن تذكرني بأيامي الخضراء قبل أن أصبح ملوثا
    سمعا وبصرا ورئة ، زمن كنا لاشايلين هم لاعارفين بُكرا الجايينا ، زمن ما كنا
    بنعرف الجغمسه ولحس الكوع والوجع المنظم الفي معالق الجوف موسو مجلوخه.

    يا زول كفاك ، أرجع ، ما تباري الشربوت ؟
                  

11-25-2011, 10:41 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: شفت المشتل الرائع الصورته السنة المضت وعملت بيهو بوست
    وقلت ليك دا قدام البيت .. لاحظت انتهى كيف ؟؟

    داك كان مشتل زهور (مشاتل الأحباب) يا تبلدينا،
    موجود رغم البعوض ورغم العواصف برضو واقف لكن ....،
    أحيييا يا صالح،



    أجمل لافتة في السودان.


    Quote: السودان دا اغرب بلد .. يعنىاى بلد تجيها السنة دى ترجع بعد عام
    تلقاها اتغيرت لمن تحس انك جيت اول مرة _ دبي مثالا _ :)
    هنا تجى تقول حليل السنة المضت الجاب بركة البعوض هنا شنو ؟؟
    المشتل دا مالو ..اليافطة ليه اختفت ..
    تلقى السبب الحرامية .. المحلية .. والولاية والاداريين الكسالى ..

    الدليل على كلامك دا يا صالح إني هسه ماخد في خاطري إني أعمل بوست معاكس لبوست العام
    الماضي المشار إليه أعلاه..
    السنه الفاتت كنت مبسوط وجيت عملت بوست مشاتل الأحباب والشباب ما قصّروا وهاك يا زهور
    وأغاني وعبدالمنعم الخالدي وفرح بكل اللغات لدرجة إني أحسست بأني وزير (إتحادي) للورود ومسؤول
    عن المشتل والمستشار الفني للأحباب إلخ...
    هسه حاسس كأني أشَّرت شمال ولفيت يمين ودَفَّقتَ المتفائلين من التَنده ومن ضمنهم تبلدينا..
    بقيت واغعي يا صالح..
    رفع عني غطائي فبصري اليوم 6/6 زي أغنية المغنيه البتعمل دعايه للعدس إياها..
    إي والله .. دعاية للعدس ..
    عدس شانيل..
                  

11-26-2011, 09:12 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    تحية طيبة للجميع

    محمد المرتضى
    الف تحية وشكر على هذا البوست الرااااااااااائع
    ليتنا نهتم بتفاصيل الأمور ونترك سفاسفها (سياسة وعنصرة وكرسي وأحكام وغيره)
    نحن الشعب السوداني العااااادي البسيط
    ناس الشارع .. ست البيت... طالب المدرسة... طفل الحضانة.. سواق التاكسي
    نرغب أن نعيش (بانسانية)
    أن نأكل خبز صحي
    أن نأمن لأنفسنا في المستشفيات
    أن لا نصاب -يومياً- بالإشمئزاز من رائحة السعوط
    أن لا نخاف من رزاز ال(تفاف) في الشارع
    أن لا نحمل هم اتساخ اقدامنا وأحذيتنا وملابسنا عندما نصحو صباحاً كل في طريق مدرسته وعمله أو حتى ست البيت في طريقها لسوق الخضار
    شفت سوق الخضار؟؟؟!!!
    شفت جزارة اللحوم؟؟؟؟
    حسبي الله ونعم الوكيل


    الف الف الف شكر على هذا البوست الدسم
    وأهم من ذلك، ما شاء الله - بالجد- على أسلوبك في الكتابة
    روعة ياخي
                  

11-30-2011, 09:48 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Gaafar Ismail)

    Quote: نعم ابا اكرم،
    هذه الحكومة لم تهبط علينا من السماء،و الكثير من الممارسات تنبع من قلة الوعي و التخلف.

    يا سعد،

    حتى لو انتخبنا هذه الحكومة - وهذا لم يحدث بالطبع - فإن علينا محاسبتها إذا أخلت بالقيام بدورها
    المنوط بها ، وحتى إذا افترضنا أنها راعية ونحن الرعية فيجب أن نردد مقولة إذا اتفرتكت حفله في الكلاكله
    لسُئلت لِم لم أُسوي لها الساوندسيستم.
    نعم ، نحن نشارك في هذا العبث بأوجه مختلفة أعلاها عدم احترام القانون والبيئة والنظام وأدناها عدم مساءلة
    المسؤولين ومحاسبتهم.
                  

11-29-2011, 09:24 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: خالد المحرب)

    Quote: لا عليك استاذ المرتضى فعلا المناطق يطلق عليها بانها راقيه اذا جيت من بره السودان وعاوز تشترى قطعه فى هذه المناطق
    بقولو ليك دى ارقى مناطق فى الخرطوم ولسان حالك كيف راقيه وهى بهذا المنظر الذى اراه امام عينى

    إنه بيع الوهم يا ودالمحرب،
    كافة الأحياء التي يقال عنها أنها (راقية) لاعلاقة لها بالرقي ومفهوم الرقي،
    البعض يظن أن الرقي هو مجرد مبان مكلفة ..
    إلق نظرة على الصورة أدناه وهي في قلب حي المهندسين بجوار مدرسة يتهجى تلاميذها
    أولى مفاهيم الرقي والتحضر..
    من المفارقات المضحكة المبكية تواجد لافتة في قلب هذه (الكوشة) كتب عليها بلغتين:
    (المركز الإنمائي الإثرائي لتنمية الموارد البشرية "مناب") ..
    شايف كيف..


    DSC05354.JPG Hosting at Sudaneseonline.com

    -
                  

11-28-2011, 07:37 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: حمزه بابكر الكوبي)

    Quote: والله في صالة الوصول بتاعة مطار الخرطوم (الدولي) شفت لي فار يتجول بكل حريه
    وجقر ماكن كمان ولا امسيسي صغيرونه علشان نقول جاءت في شنطة راكب

    وجقر اغبش يعني محلي مادولي

    مطار الخرطوم دا يا حمزه أنساهو لأنو الناس ديل زاتم رامين طوبتو وإن شاء الله
    لما المطار الجديد يفتتحوهو - نعم المطار الجديد سنة 3000- ستنتهي كل المظاهر السالبة،
    حاتنزل من الطائرة للصالة بالتيوبز والبصات الحاليه ستدخل المتحف ،
    حايكونو في موظفين جوازات مبتسمين (دعاية كولجيت) بل أعرض من ذلك بعدة سنتيمترات،
    ويقولوا ليك حمدا لله على سلامتك ونوَّرت البلد زي سد مروي وكدا ، وستلتقي بموظفي
    جمارك في غاية الأناقة لا يشوهوا حقائبك بالطباشير والجير وتلاقي عفشك موجود بمجرد
    تجاوزك للجوازات ويا سلام على السوق الحره الأبية الشمَّاء وستتوفر المطاعم والكافيز
    بما فيها ستاربكس بعد رفع المقاطعة بسبب عودة فلسطين وزوال الصهاينة..
    ياحمزه الفيران والجقور الشفتهم ديل لم يتم جلبهم اعتباطا بل لإكمال اللوحة الواغعية
    بأنك وصلت بلدك..
    بعدين وريني ياتو مكان في السودان مافيهو جقر كبير؟

    شنو يعني إنتوا جايين من لندن ودي سي وتورنتو يجيبوا ليكم سنجاب يعني ولّ شنو الفكره؟
                  

11-26-2011, 10:37 AM

Zomrawi Alweli
<aZomrawi Alweli
تاريخ التسجيل: 08-04-2007
مجموع المشاركات: 3368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Osman Musa)

    Quote: قالوا الضابط البشوف الجهاز ما جا ؟
    مالو ؟

    قر قر قر


    ما قال بجي مالو ما جا؟؟؟

    قر قر قر وبس؟؟؟ دا والله فيها جنس قراقر


    طيب العامل دا ما بشوف مالو مايشوف الجهاز عيونو فيها شنو؟

    والله امة تضحك من جهلها الامم
                  

11-26-2011, 11:22 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: Zomrawi Alweli)

    الخرطوم ... مدينة العجائب

    الخرطوم قصة يصعب تناولهاوالحديث عنها

    ومع ذلك

    نقول .. أصلا نحن ماشين للخلف في كل شئ بسرعة الصاروخ وبامتياز


    هل تتصوروا في الستينيات ونحن صغار كنا نشاهد

    شارع شمبات أ شارع السيد علي حاليا) يغسل بالماء من اوله لآخره


    كنت في احد المرات اجلس امام البيت مع الوالد ( يطول عمره )

    أتي بتاع النفايات وقال : يا حاج عايزين رسوم النفايات

    نهره الوالد وقال ليه امشي نحن ما اصلا ما عندنا ######
    امشي شوف الناس ال######انين وين
    وبالتاكيد كان عندو قصد
                  

11-26-2011, 09:47 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: حسن طه محمد)

    Quote: لا أعتقد ان هناك مدينة في العالم بها من اللوحات والاعلانات التجارية مثل تلك التي بالخرطوم

    انظر الي اعلانات شركات الهاتف والاتصالات

    تشويه متعمد مفترض ان يعاقب عليه القانون

    وكل ذلك لان سياسة الولاية : جباية ولا شئ غير الجباية


    مولانا حسن،

    صدقني عندي بوست جاهز بصور ممعنه في القبح والسخف وقلة الذوق والتشويه
    مع سبق الإصرار والتعمد فالذي نفسه بغير جمال إلخ إلخ....
    اللوحات والملصقات ستكون لحمة ذلك البوست وسداته ، بس مشكلتنا مافي وكت ..
    سألتك بالذي سمك السماء بلا عمد هل يمكن ل (مسؤول) أن يقبل أن تكون محليته
    بهذا المنظر البشع أيا كانت الرسوم التي أداها صاحب اللوحة أو اللافتة؟
    هذا المنظر من مدخل مدينة المهندسين المنكوبة.. ولعلمك هذه اللقطة عمرها
    عام والوضع الآن أسوأ بكثير حيث أن الصورة أدناه بالنسبة للصورة الآن (الموناليزا) بس.
    هسه كدا شوف عمود الكهرباء المصارينو في السهله
    شوف كشك القصب.. فولكلور رهيب .. حاجه أوريجينال خالص زي ما بيقولوا بعض بنات الشهاده العربيه..
    الملصقات التي يصعب إزالتها - بسبب الغراء - على كل ما هو ثابت أو متحرك..
    صدقني يا مولانا لو انتظرت مواصلات في المكان دا لمدة ساعه بيلصِّقوا ليك في ضهرك واحده..
    هسه ستات الشاي والشحادين هناك طوااااالي بيتلفَّتوا خايفين يعتبروهم أجسام ثابته ويلصقوا ليهم..


    089.JPG Hosting at Sudaneseonline.com
                  

11-27-2011, 08:44 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: كثيرا ما أتساءل من الذي يخطط المدن عندنا يا تيسير،


    مولانا المرتضي

    كثيرا ما كنت اسال نفسي نفس السؤال أعلاه

    ونحن جميعا نعلم ان تخطيط المدن علم يدرس بالجامعات !!

    قبل عدة سنين كان لي شرف كتابة موضوع متواضع عن العاصمة في احدي الصحف اليومية

    وكان عنوانه ( العاصمة بلا حديقة عامة واحدة )

    وذلك بعد ان حولت جميع الحدائق الي حدائق خاصة مسورة تدخلها انت وعائلتك وحتي سيارتك بتذاكر بفلوس وانت ممنوع حتي احضار زجاجة مياه لكي تشتري زجاجة البيبسي !!!


    الموضوع يا مولانا طويل

    ونحن في انتظار بوست اللوحات .
                  

11-27-2011, 10:23 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: حسن طه محمد)

    Quote: والله حاجة عجيبة وعندى سؤال بسيط للجميع (وين قروش النفايات المعذبين بيها الناس من الدنيا تصبح ؟ )

    السودن يامرتضى ذى الكرتلة لو دخلت المستشفيات العامة سوف ترى الكثير والمثير وليس له اى علاقة بالبيئة والصحة -

    شلالا من الصبر


    شيخي الشلال الرشيد شلال،

    قالوا بلدكم مِطرَت،

    ياخ إجتمعت النظافة والتنسيق والزهور والجمال والغمام والرذاذ في مسقط والنقيض هناك ،
    حظي زي لون هضليما..
    الغريبه عندهم (مسؤولين ) بيزوروا عمان ، يا كافي البلا ما اختشوا كلو كلو ولا أخدو نقله!!
    مستشفيات؟
    وهل توجد مستشفيات هناك؟
    هل جربت أن دخلت شارع المستشفيات في الخرطوم( قالوا إسمه شارع الدكاتره)
    والغريبه أن الدكاترة لم يحتجوا على تلك الإهانة..
    الشارع الذي يفصل بين مستشفى الخرطوم (التأليمي) وبين عدد من المباني العجيبة التي يطلق على
    بعضها مستشفيات خاصه وصيدليات ودكاكين ومرضى على الأرض وطبالي وشحادين وإسعاف يكورِك ولايمكنك أن تدخله حتى بكمامات..
    يمكنني أن أراهنك أن تدخل ذلك الشارع وأنت في كامل صحتك الجسدية ولاتخرج بكارثة ومنها إلى الأردن أو القاهرة .
    مستشفيات؟
    يا راجل قول كلام تاني..
                  

11-28-2011, 01:54 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: حقيقة لم أر أسوأ مما أشرت إليه أعلاه في أي من بلاد العالم الثالث التي مررت بها.
    كلنا رجاء وأمل أن ينتبه المسئولون إلى جمال العاصمة .

    أستاذي جعفر،
    (إنتباهة) المسؤولين دي في قاموس الناس ديل عندها معنى تاني ، هسه أسأل أي شافع
    قول ليهو (إنتباهة) يعني شنو ، حا يوريك .. تفريعا على هذا أرجو ألا ينتبهوا وإلا
    سنبكي على هذا اليوم ضحى الغد..
    هسه يا أستاذنا شوف الصوره أدناه وهي تتفوق على أية لوحة من لوحات المدرسة الإنطباعية وأثق أن
    فان جوخ لو سكن حي المهندسين لكانت (زهرة الخشخاش) بالنسبة لهذا الإبداع دافوري ساكت..
    سأسميها (زهرة الركَّاش ) بسبب تكاثر الركشات المغطاة والمكشوفة وسأعرضها في
    سوذبي أو كريستي يمكن تجيب لينا حاجه كدا ندعم بيها المحليه ..

    البيضا مكويه..




    يا الوالي بسحروك ليا...


    sudansudansudansudansudan32.JPG Hosting at Sudaneseonline.com


    تنبيه : ركشة المهندسين المكشوفه- زي حال البلد- لزوم الجولات السياحية.
                  

11-28-2011, 10:29 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: أين شباب الحى؟ إذا تقاعست المحلية عن أداء دورها فهل معنى هذا أن يعيش
    الناس وسط القمامات والبرك الاسنة والكلاب الضالة؟
    لماذا لا يخصص أهالى الحى يوما فى الاسبوع لنظافة الحى وردم البرك والتخلص من الكلاب الضالة؟
    الامر لا يحتاج إلى ميزانيات ضخمة أو قرارات سياسية يتم تتداولها فى المجالس.
    فقط بعض السواعد القوية وقليل من الانتماء وحب الوطن.


    د. أمبده،
    كل العام وأنت بخير،
    أتفق مع جل مداخلتك لكن دور شباب الحي لايمكن أن يكون بديلا لدور المحلية وشركات النظافة،
    في صبانا كنا نقوم بحملات نظافة وكانت الأشياء أقل صعوبة ففرق كرة القدم كانت تجمعنا في
    ميادين الأحياء ، أما حي المهندسين فلا توجد فيه ميادين بل ما كان مخصصا للميادين وزع
    قطعا سكنية ، وولت كرة القدم إلى غير رجعة فقد انتقل الصبية إلى الفيسبوك .
    تدرك يا عزيزي أن قمامة اليوم لايمكن أن يجمعها الصبية لأن الأكياس الضخمة يجب نقلها إلى
    أماكن خارج العاصمة ربما لإلقائها أو حرقها أو إعادة تدويرها (الأخيرة خيالات أماني من بنات
    أفكاري التائهة أو حسن الظن الذي كثيرا ما يكون في غير محله) ، بعدين شباب الحي إذا نقلوا
    النفايات اليوم وغدا فلا أظنهم سيتركوا دروسهم والتزاماتهم الأصيلة لذات الدور بعد غد فمن أين
    لهم الوقت لاستذكار الدروس والمواصلات و (المراسيل) والقيام بباقي الإلتزامات الإجتماعية
    والتعبير عن المشاعر في التويتر والإسكايب والمسنجر و والبحث عن واسطة ليجدوا وظيفة تؤمن لهم
    حتى (حق الرصيد للتواصل مع الآخر) ، ما هي حيلتهم تجاه الأنابيب الضخمة الفاجرة المنفجرة ؟
    كيف يعالجوا مصيبة إغلاق الطرق بمواد البناء ومخلفاته وناتج حفر الآبار من جانب بعض الذين شرعوا في
    تشييد منزل ( ربما يستمر لسنوات)..
    السواعد القوية وحب الوطن لا تكفي ولا يمكن أن تكون بديلا لقيام المسؤولين بأدوارهم المنوطة
    بهم وتطبيق القانون على المخالفين وتنفيذ العقد الإجتماعي المعروف بأنك تتخلى عن بعض حريتك
    وتؤدي التزاماتك للسلطة مقابل أن تقوم هي بخدمتك لكن ما يجري الآن شئ آخر ، قلت ليك بس بنغني
    للحكومه طريقك دايمن فارشو ورد وطريقي دايمن فارشو شوك..
                  

11-29-2011, 07:16 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: اقول : رب نفاية نافعة
    وذلك أنني شخصيا شاهدت بنفسي عدة مرات من المحرومين من يبحثون عن لقمة عيش في هذه النفايات.


    أكدت لي سيدة تسكن ذلك الحي بأنها تحرص على وضع أكياس القمامة ليلا وهي مربوطة بشكل جيد وتضعها
    أمام المنزل لتجمعها عربة النفايات لكنها كانت في الصباح تجد الأكياس وقد مزقت وتبعثرت محتوياتها
    وكانت تظن أن الكلاب الضالة أو القطط وربما الفئران من عينة الجقر رباعي الدفع وراء هذا العبث
    حتى فوجئت ذات صباح برجل مسن وهو يجلس قرب الكيس ويقوم بعملية (تصنيف) للمحتويات (المبهولة)..

    بالطبع لم تتوانى في مساعدته ماليا لكن ذلك لم يغير الحال في الأيام التالية .
                  

11-29-2011, 03:04 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: بالله
    يا شيقا في البردانه في مستنقعات زي دي؟ ..


    لا يا المرتضى باقي جدى شيقوق بحب العوالي !! عشان كدا اختار للبردانة حدبة عالية لما تجي المطرة بتخلي ليك الواطة .....


                  

11-29-2011, 09:38 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: الطيب شيقوق)

    Quote: في سنغافورة مثلا لو رمى احدهم قمامة على الشارع فإنه يدفع غرامة تصل إلى خمسمائة دولار
    اعتقد لو سنت المحليات قانون يلزم دفع غرامة لمن يرمي القمامة على الطريق فذلك سيساعد على النظافة
    بالإضافة إلى دخل للمحليات مبرر كما تفضلت .


    سنغافوره؟
    غرامه؟
    أستاذنا جعفر،
    إنت عايز الناس دي تشهر إفلاسا؟
    شوف (الشغل) دا..


    DSC05365.JPG Hosting at Sudaneseonline.com

    هذا ليس بمقلب قمامة ، بل مقلب الذين سكنوا المهندسين
                  

11-30-2011, 12:55 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: ليتنا نهتم بتفاصيل الأمور ونترك سفاسفها (سياسة وعنصرة وكرسي وأحكام وغيره)
    نحن الشعب السوداني العااااادي البسيط
    ناس الشارع .. ست البيت... طالب المدرسة... طفل الحضانة.. سواق التاكسي
    نرغب أن نعيش (بانسانية)
    أن نأكل خبز صحي
    أن نأمن لأنفسنا في المستشفيات
    أن لا نصاب -يومياً- بالإشمئزاز من رائحة السعوط
    أن لا نخاف من رزاز ال(تفاف) في الشارع
    أن لا نحمل هم اتساخ اقدامنا وأحذيتنا وملابسنا عندما نصحو صباحاً كل في طريق مدرسته وعمله
    أو حتى ست البيت في طريقها لسوق الخضار
    شفت سوق الخضار؟؟؟!!!
    شفت جزارة اللحوم؟؟؟؟
    حسبي الله ونعم الوكيل


    بت قضيم،

    تاني ما خليتي لي حاجه أقولا،
    بحق أصبحت أمنيتي أن نعود إلى زمن المدرسة النظيفة البسيطة وشنطة الدموريه والشارع البسيط
    الذي يخلو من محتويات تتسبب في انفصال الشبكية (كما في الصور أعلاه والصورة أدناه) ، منازل
    من الطين أو القصب لكن محيطها خال من (مفاعلات) تفوق شرنوبل ، مستشفيات نظيفة وبسيطة
    بأطباء و (حُكَما) وممرضين يهتموا بوجدانك وإنسانيتك مع بعض السلفا المضادة للبياخه وضمادات
    حميمة لاتحاصر الخاطر بل تجعل من إلتئام الجرح شعيرة عبادة وزكاة جسد. نحن طلباتنا معقولة
    ومشاكلنا بسيطه بالريده بتحل، إي والله ، كان في السودان بضع وزراء عارفين بيعملوا في شنو
    و9 محافظين لتسع مديريات ، كل محافظ عندو (اندروبل) وكل شئ زي الفل (بالمقارنة) ، هسه عندنا
    حوالي 7 آلاف مستشار ووزير وقوافل من المحافظين والمامحافظين وكتائب من المسؤولين وجيوش ملارياتي
    وتايفوداتي ودوسونتارياتي الهزمتني وزادت حُمَّتي ، فقط نريد أن يكون الإنسان المناسب في المكان المناسب
    وإلا فلن يبق إنسان أو مكان، أبراج الزجاج وسيارات المرسيدس الحكوميه و(اللاندي كاروزرات) والفساد
    واللامبالاة والشعارات والترضيات ، ما ظهر منها وما بطن ، لن تقودنا إلا لمزيد من الفواجع وعندما يأتي
    الطوفان لاعاصم من الماء ..
    بالله سمعتي ليك شاعر في العشرين سنه الأخيرة دي قال حاجه زي (داخل روضه غنى) أو ذكر مصطلح الخميله؟
    عودة لأسئلتك الصعبة أقول نعم ، شُفت أسوق الخدار وشفت الجزارات والمخابز والبروميد والعلاج بالذرة
    وكناتين غسل الكلى وكثير من المشافي الخاصة والحكومية يا بت قضيم وأعتذر عن استخدام مصطلح (مشافي أو
    مستشفيات) لأني أعرف معنى الكلمة وشفت المستشفيات في العالم الثالث والأول وأعرف الفرق بينها وبين الجزارات
    ، مع اعتذاري للجزارات والجزارين ، ومغارات علي بابا والأربعين حرامي. وبرضو شُفت المقابر..

    الفاتحه..


    266.JPG Hosting at Sudaneseonline.com

    شـــارع في الحي (الراقي)
                  

11-30-2011, 01:16 PM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: بالله سمعتي ليك شاعر في العشرين سنه الأخيرة دي قال حاجه زي (داخل روضه غنى) أو ذكر مصطلح الخميله؟
    مولانا وجَعتنـــا شديد
                  

11-30-2011, 03:18 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: عمران حسن صالح)

    Quote: طيب العامل دا ما بشوف مالو مايشوف الجهاز عيونو فيها شنو؟

    يا زمراوي،

    كي لانظلم العامل المسكين - الكان تاكّل كراعو الشمال على الحيطه أثناء حديثه معي - فهو
    لاسلطة له وأظنه يعني الضابط المسؤول عن مراقبة الإسكانر قبل أن يضع العمال العفش على
    السير ليلتقطه السيارة والجايين من بلاد بعيده فرحين جزلين بوصولهم البلد الحنين..
    تعرف ، أشقى زول في الناس ديل هو الذي يتخلف عفشو وبعد كل الإنتظار والعذاب والضابط
    والجِقِر يقولوا ليهو خلاص .. شطَّبنا .. ببح..
    السير يقيف وقلبو يقيف..

    ياخ دا عذاب الهدهد زاتو..
                  

11-30-2011, 01:07 PM

willeim andrea
<awilleim andrea
تاريخ التسجيل: 05-01-2002
مجموع المشاركات: 3813

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: هذا ليس بمقلب قمامة ، بل مقلب الذين سكنوا المهندسين



    وبي كده .... يكون يا دوب الكلام دخل الحوش ..... :)
                  

12-01-2011, 09:35 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: حسن طه محمد)

    Quote: الموضوع يا مولانا طويل


    صدقت،
    طولا غريب مافيهو ضو..
    رحمك الله يا اسماعين حسن..
                  

12-01-2011, 11:08 AM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)



    بوست يثبت ان الحغيغة أقرب من الخيال


                  

12-01-2011, 03:25 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: mamkouna)

    Quote: Quote:
    Quote: بالله سمعتي ليك شاعر في العشرين سنه الأخيرة دي قال حاجه زي (داخل روضه غنى) أو ذكر مصطلح الخميله؟


    مولانا وجَعتنـــا شديد

    وجعتك شديد..
    إنه عصر التحاريق يا عمران،
    عندما تغض الدولة النظر عن الإعتداء الممنهج على الغطاء النباتي جراء الحروب ولزوم الحطب والخشب ،
    دون زرع البديل ويتناقص السطح الأخضر وتزحف الرمال فلا مجال للطيور ، لاطير الجنة ولا البلابل،
    إنت مش ملاحظ إنو السمبر والرهو ، كبقية شركات الطيران العالمية ، غيَّروا إتجاهم وقاطعوا
    أجواء السودان وعملوا ليهم روتس وألتيتيودز و hubs تانيه؟
    زمان كنا بنسمع بيت من طقطوقه بتقول : تعال غنيلنا يا وِروِر شِن بِلِم القُمري مع السِمبِر،
    هسه السمبر زاتو أبانا، فاكتفينا ببيت آخر يقول : تعال غنيلنا يا دوبا يا الخَربت الحِله خراب سوبا،




    ماكت مصدق إني "ما" بلقاك يارهو..
    أشكو ليك من جور زماني،
    كيف رماني..
                  

12-01-2011, 04:52 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: وبي كده .... يكون يا دوب الكلام دخل الحوش ..... :)

    أخخخخخ .. بالله طلعت من المضروبين في الأنكل يا أندريه..
    ياخ والله والله وما طالبني قروش ، في عيد الفطر نزلت مطره من النوع البرقو
    يشرط السقف دعك عن الرعد اليخليك فزعا تميل زاد وجدي ونوم عيني أصبح تقيل..
    المطره دي إستمرت شوية دقائق وبعدها عينك أصلا ما حاتشوف نور لأنو مافي نور،
    صدقني يا وليم أصبحت المدينة عبارة عن أرخبيل سومطره ، لدقائق حسبتها فينيسيا
    وبدأت أدندن : أين من عيني هاتيك المجالي يا عروس البحر يا شَبَه المجاري ،
    أين عشّاقك سكان الحواري أين من واديك يا حظيرة الجِمال ، أها يا وليم إنت قايل في زول
    قِدِر يعرف إنو وين ، سمعت بالبحر اللُجي؟ أو بحر الظلمات الفي ج ش آسيا داك؟ وأنا محتار
    أتخارج من الناس الكنت معاهم كيف فإذا بمن أوصلني يتصل بي (مستضحكا) وقال لي جاييك بي فورويل
    أو مركب شراعي ومر بي بعد مدة في غيهب الليل الحلوك زي ما قال في الأوصوفوك وطلعنا بأعجوبة ،
    وفي الأيام التالية إجتمعت الضفادع لتؤدي كورالات المساء فترد عليها كلاب من بعيد على مقام النقشبندي
    ، ترف أوبرالي ، فأضحك منها ومني فهي يسعدها نواحها وأن يغتالني فرحي كما قال مظفرالنواب ..

    ما تندم ، كل الأحياء الراغيه نسخة من بعض ..
    (حلم ليل من ليالي كليوباترا..)

    خليك رومانسي يا أندريه..
                  

12-01-2011, 10:56 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: لا يا المرتضى باقي جدى شيقوق بحب العوالي !! عشان كدا اختار للبردانة حدبة عالية لما تجي المطرة بتخلي ليك الواطة .....

    شيقوق كلامك دا يعني شنو؟
    ترجمو لي،
    مليون مره قلت ليك مداخلاتك دي أعمل ليها ملحق ترجمه أو مانيوال،
    أنا ما عارف بكري بجيب لينا الأشكال دي من وين،
    أنا زي كلام بردانه وعوالي وحدبه دا ما بياكل معاي ،
    ياخ إتصلح معاي ياخ أنا درست في روضة دار الحنان وبعدها سيسترز إسكول،
    آي سيسترز،
    عندكم فرع brothers في البردانه؟
    شيقوق زاتا يعني شنو؟
    الناس شالوا الكراسي المستشاريه كلها وانت شابكني هيييع هييع ، هلكت بعيرنا يا ابن معديكرب..
    ياخ الله يهداك أنا حاري لي وزارة أو مساعد أي شئ أو معتمد محليه ف (أرخيني) اليومين ديل يا رعاك الله،
    زي ما الجماعه رخوا قواعدم وشَّدوا كراسيهم..





    بلا قواعد بلا قريد بيم..
                  

12-02-2011, 10:59 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صور من أحد الأحياء (الراقية) في العاصمة .. (Re: محمد المرتضى حامد)

    Quote: بوست يثبت ان الحغيغة أقرب من الخيال


    الممكونه،

    هاو آر يو دوين؟

    قال فولتير ( ما أظلم الإنسان أنه يجد دائما مالا لتعبئة الجيوش وإرسالها إلى الحرب
    لتقتل الناس ويضن بالمال على الناس لإنقاذهم من الموت) صدقيني إن الذي توفره الدولة
    بإصحاح البيئة أكبر بكثير من الذي ننفقه على النتائج الوخيمة للتلوث. المشكله إننا
    ما عندنا إحصائيات لكن بحسبه بسيطة شوفي تكلفة فحص الملاريا والدوسنتاريا والتايفوئيد
    وتكلفة علاجها وعدد ساعات الإنتاج المهدرة التي تضيع على المريض وعائديه وأهله وغيرهم
    بسببها دعك عن المهدر في ( بيت البكا) إلخ.. تكلفة حالة مريض واحد يمكنها أن تنظف
    حيا بأكمله وأما تكلفة وفاته ... عييييك ، ويمكنك أن تحسبي على هذا الأساس ، هذا يذكرني
    بما يسمى بجهاز المغتربين – ودا موضوع تاني – عشرات الآلاف من المغتربين السودانيين
    يفضلون قضاء عطلتهم خارج السودان بسبب ذلك (الجهاز العذاب) الذي يبعث مجرد ذكر إسمه
    على الإحباط وولوجه يحسسك بالضياع واليتم ، فإذا تم إلغاء هذا الجهاز القبيح عديم
    الفائدة سيشجع ذلك الآلاف لقضاء عطلاتهم في بلدهم وتنشيط الأسواق وإنفاق هناك عوضا عن
    إنفاقها في بلدان أخرى دعك عن البهجة والمسره التي ستجتاح ملايين المغتربين
    وسيعود ذلك بالفائدة على الجميع ، لكن نسوي شنو..

    يا ممكونه ، نحن مطالبنا من الحكومة وبعض المواطنين بسيطه للغايه، فقط يعتبروا السودان دا بيتهم،
    في زول عاقل بيخلي بيتو وس خ ا ن أو ما يرتق ما انفتق وانشرخ في جداره أو ما تسرب من ماء من سقفه ،
    مش حا يقع رررب في راس الجميع؟ طبعن قصة التجميل والتنسيق دي مرحله تانيه ما أظن نرجع ليها
    قريب لكن الأمل موجود وسالفة الزهور والورد الشتلوها جوا قلبي دي أصبحت مجرد أغاني في ذكرى
    الشفيع وخوجلي عثمان رغم إني بحبها بصوت الخالدي.. هسه بقيت أسمع الشريف مبسوط
    وحرامي القلوب تلب و6 على 6 سي سي في وريدي الرئيسي..


    ويل لأمة عاقلها أبكم، وقويها أعمى.

    ( جبران )



    أرقدوا عافيه
                  


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de