|
|
|
 Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Frankly)
|
إتحيرنا زاتو يا فرانكلي .. أوكامبو طلع، أوكامبو نزل، أوكامبو دخل، أوكامبو مرق .. فجأة الراجل فص ملح وذاب .. والجماعة قاموا يرضعوا ليهم في شطر ميت تاني .. !!!
إنت دحين المثل داك شنو البيقول منو كده يتعلم الزيانة في رؤوس اليتامي ؟؟ ..
نحن نريد العدالة والإنصاف لكل ضحايا الحرب في دارفور وتكفيف دموع اليتامي، ولكن ضد استخدامها كأجندة سياسية خارجية وتدخل دولي مختل أغراضه معروفة ..
| |
 
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
| Quote: نحن نريد العدالة والإنصاف لكل ضحايا الحرب في دارفور وتكفيف دموع اليتامي، ولكن ضد استخدامها كأجندة سياسية خارجية وتدخل دولي مختل أغراضه معروفة .. |
Yep
عشان كدا قلنا يا منير لو صرفت الأموال الطائلة التي انفقت على مبنى وسجون ومصورفات المحكمة الجنائية الدولية لدعم النظم العدلية في الدول التي بها قصور كلي أو جزئي لكان أجدى للعالم أجمع
وإلى الآن الفرصة مواتية لإغلاق الجنائية ودعم النظم العدلية في الدول التي تحتاجه ولا أراه بعيداً
تحياتي
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: خالد حاكم)
|
وجود المحكمة الجناءية الدولية مهم حتى لا يهرب مرتكبي الجرايم
والموضوع طال حتى السيد بوش هميسلف زاغ من السفر عديييييييل
اوكامبو فعل خيرا انه حقق في القضية وقدم دفوعاته
الاختباء وراء ان هناك اجندة دولية اختباء من لا يريد للعدالة ان تتحقق
الحكومة السودانية فشلت في تقديم الجناة للعدالة
بل فشلت في ان تنفذ حتى توصيات لجنة تحقيقها الخاص
نويد المحكمة الجناءية دون اي تحفظ ونعمل لجعلها نافذة ولا كبير على القانون
السودان وامريكا زاغوا منها عديل كدا وابوا ما يمضوا
نظام الفي راسه بطحة
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: حيدر حسن ميرغني)
|
Quote:
إتحيرنا زاتو يا فرانكلي .. أوكامبو طلع، أوكامبو نزل، أوكامبو دخل، أوكامبو مرق
|
علييييك دينك يا منير ... موش أحسن من أخبار: البشير هرب .. البشير عرّد ... البشير قام فللي ... البشير قام صوف ... البشير رجّعوهو من الأجواء السعودية ... البشير رجّعوا ليهو جوازو غير مؤشر من السفارة الأمريكية ... البشير خلّي نعلاتو في أبوجا ... كمبالا تغني : م قال بيجي مالو ما جا .... البشير يخاف من الجنائية أكثر من خوفه من الله و لم يحضر المؤتمر الإسلامي في تركيا ... البشير لن يستطيع زيارة اوربا و امريكا .... الأسد النتر قدام أوكامبو قال مياو ..
بالمناسبة يا منير ... أخبار الروبيل الروسي شنو الأيام دي قدام الدولار؟
إنت احسن خليك في نظرياتك الفالصو دي .... و أمشي حصّل بوتين .... و إنتو مما إتلميتو عليهو ... جبتو ليهو الجلا ...
يا فرانكلي ... أخبار البنوك الألمانية شنو مع الغرامات المليارية بالدولار لأنهم خرقوا قوانين الحظر في التعامل مع السودان؟
غيتو عينكم قوية خلاس !!
قال أوكامبو أخبارو شنو قال
كفاية أوكامبو كتّف زولكم ده و مشي لحاله .... اليوم هو يقدم محاضرات في القانون الدولي في الجامعات الأمريكية و الأرجنتينية و الأوربية .. و متواصل مع النشطاء في الشأن السوداني ... عايز كوبي من آخر إيميلاته ؟
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Mohamed Suleiman)
|
| Quote: يا فرانكلي ... أخبار البنوك الألمانية شنو مع الغرامات المليارية بالدولار لأنهم خرقوا قوانين الحظر في التعامل مع السودان؟ |
الألمان ديل ما تخاف عليهم أبداً سمعنا تحت تحت قالوا ماشين يستثمروا في كوبا ويرجعوا المليار عشرة مليارات
بتعرف كوبا؟
ما كلموك؟ أوباما قال انسونا من مكنة حقوق إنسان وديموقراطية ومعارضة والكلام الفارغ دا وخلونا نشوف مصالحنا وبل راسك!!!
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Mohamed Suleiman)
|
أوكامبو يحاضر في أعتى الجامعات و صارت له علاقات خاصة بالسودانيين و سوف يحضر مرة أخرى للسودان عندما يتم تكريمه من شعب السودان على شجاعته
في أخر فعاليات سودان أكت في واشنطون في جورج ميسون كان هناك و لدهشة الجميع هو من كان يرشد الناس من الشارع إلى مكان الإجتماع و هو من يعد الكراسي و يعد آليات المحاضرة و ينظم الاوراق و لم يخطر على بال الكثيريين أن هذا المتواضع هو أوكامبو
رجل شجاع و متواضع و الدخلها في الكيزان و البشير والله ما تمرق ليوم القيامة
في تلك الفعالية قال بالحرف الواحد كنت أعلم أن هنالك كثير من المجرمين و الذين إرتكبوا أعتى الجرائم في دار فور و لكني أردت قطع رأس الحية
بذلك هو دخل التاريخ من أوسع أبوابه إذ إنه أول من وجه تهمة لرئيس في الحكم و أدخله في زجاجة
هو ما زال يقدم للإنسانية أجمل ما يمكن أن يقدمه و هو قانون حقوق الإنسان و القانون الدولي
و لكن ما الذي يمكن أن يقدمه الرئيس المطارد عمر البشير
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Omer Abdalla Omer)
|
Quote:
ما كلموك؟ أوباما قال انسونا من مكنة حقوق إنسان وديموقراطية ومعارضة والكلام الفارغ دا وخلونا نشوف مصالحنا وبل راسك!!!
|
يا كمال ... موش أنت قبل أيام فاتح ليك بوست (زي القرعة) .. تستجدي في أوباما: إدينا كمان نظرة يا اوباما .. مع كوبا؟؟!!
ناس كوبا ليهم أكثر من عشرة سنين حسن سير و سلوك ..... إنتو ما تقدروا تعيشوا عشرة أيام بدون خرق حقوق الإنسان.
بعدين .. الحسابات مع كوبا ... التوقيت ... عشان يزردوا الروس حبتين .... و خاصة إنتو اليومين ديل جريتوا لأحضانهم ... و زيما بيقولوا المصريين: إتلم الأيه علي الايه!!
و إنت عارف دخول ألمانيا و أمريكا الساحة التجارية في كوبا يعني أيه لحليفكم الجديد ؟؟
تاني الروس يحلموا بس بالسكر الكوبي الرخيص .
دي سياسة التطويق ثم البتر لروسيا.
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
محمد سليمان .. نظرية شنو البتتكلم عنها؟!!
إذا كان الحصار ضد السودان التعبان ده جاب نتائج عكسية والسودان مرق منه أقوي من زمان ، فما بالك بروسيا بوتين القوية؟؟ .. أوروبا خايفة من أمريكا في حصارها لروسيا وهي علي المدي الطويل ستخسر خسائر كبيرة وأقول ليك كلام؟ من هسه الشركات الأوربية بدأت تتجرس وهناك شركات بدأت تفصل في عامليها .. والنار تحت الرماد لها ضرام .. المعركة معركة كسر عظم .. يا إما روسيا ودول البريكس ينجحوا في كسر هيمنة الدولار - وهو ما يعني مقتل أمريكا - أو روسيا وهذه الدول تركع للهيمنة وطباعة الدولارات إلي مالانهاية .. يعني صراع إقتصادي دموي .. وكل ذو بصيرة يستطيع أن يدرك أن المعركة في النهاية ستكون في صالح الروس والبريكس .. فالدول التي بدأت تتخلي عن الدولار تزايدت واحدة تلو الأخري زي الدومينو ..
إنت ما متابع واللا شنو؟؟ ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Mohamed Suleiman)
|
| Quote: يا كمال ... موش أنت قبل أيام فاتح ليك بوست (زي القرعة) .. تستجدي في أوباما: إدينا كمان نظرة يا اوباما .. مع كوبا؟؟!! |
هههه حرقك شديد شكلو البوست داك
أصلاً البوست كان رسالة لكل من يطالب بمزيد من الحصار للسودان بفهم أنّه شغال "عارض" للشعب السوداني
المهم الرسالة شكلها وصلت
| Quote: س كوبا ليهم أكثر من عشرة سنين حسن سير و سلوك ..... |
بالجد يا محمد أنا لم أرى إنسان يخدع نفسه مثلك
يعني هسّع دي كوبا أكثر من عشرة سنين كانت ملتزمة بحقوق الإنسان والديموقراطية وحرية الرأي والمعارضة الكوبية في أمريكا مبسوووووطة وقال لأوباما خلاص يا بركة نحن رضينا عن الحكومة الكوبية بعد سنين احسن السير والسلوك دي ففك الحصار عننا وعن أهلنا؟؟؟؟
سيناريو جميل لكن ساذج جداً
قال حسن سير وسلوك قال
| Quote: عدين .. الحسابات مع كوبا ... التوقيت ... عشان يزردوا الروس حبتين .... و خاصة إنتو اليومين ديل جريتوا لأحضانهم .. |
أنت بجدك ولا بتهزر يعني ما ممكن تفكيرك يكون بالسطحية دي ما معقول
أمريكا مرغمة للتطبيع مع كوبا ودول أمريكا اللاتينية التي بدأت تتشكل فيها حركة تمرد على الإستبداد الأمريكي والتدخل في شؤونها الداخلية وبدأت في التفكير في التجارة البينية بعيداً عن الدولار
أمريكا في أفضل الأحوال ستتقاسم الكيكة مع الدول الأوروبية وروسيا حضورها ليس مرهون بأمنيات أمريكا بل قالتها كوبا والدول اللاتينية صراحة على أمريكا أحترام السيادة والقرار الوطني لتلك الدول
واحترام سيادة وقرار هذه الدول لن يجعلها رهينة للإبتزاز الأمريكي الرخيص فيجعل من روسيا أكبر شريك لعملية التنمية في كوبا وتعض أمريكا ايادي الندم
الحصار البليد الذي تفرضه أمريكا على روسيا جعلها تلتفت لتقوية علاقتها الخارجية من دول الحياد والتمرد على الصلف الأمريكي وهذا على المدى الطويل سيجعلها أكثر استقلالية من أي ابتزازات أمريكية سواء كانت اقتصادية أو عسكرية هذا بجانب عمل روسيا على "فرتقة" أي قرار أممي لللغرب ضد دولة حليفة بالفيتو كما وعدت بذلك جنوب السودان
تعلمت روسيا كثيراً من الحصار على كوبا وكوريا وإيران والسودان وبدأت فعلاً في تدبير أمرها
بوتين في المؤتمر الصحفي أول أمس طالب بتقوية الإنتاج غير النفطي وتعزيز صادراته
كما أنّ روسيا والصين وقعت على تجارة بينية بالعملة المحلية لكل دولة (بعيداً عن الدولار) وبكرة يكون مع السودان تبادل تجاري وبعدها مع جنوب السودان وإيران وهلمجرا
دا ح يضعف قوة الدولار في الميزان التجاري لهذه الدول والتي تجاورها ويجعلها مستقلة في قراراه السياسي والإقتصادي
وهو ما يضغط أكثر على أمريكا للتطبيع مع السودان وإيران وحتى كوريا الشمالة
بل راسك
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Frankly)
|
منير سلامات...
بالجد ده حِلف جميل بين منير وكمال... وتعددت فيهو نقاط التقاطع!
أول النقاط الجمعت بينهم هي "روسيا" التي صارت مصدر إشادة وتغزُل بين يوم وليلة بعد إعفاء الـ 17 مليون
دولار (أمريكي) وليست شيكلاً (روسي) بارداً لا قيمة له في سوق الله أكبر.
تاني هذة النقاط هو مدى الكره الذي يكنه الحليفان علي أمريكتنا دي حكومة وشعباً وديمقراطية وحرية وإقتصاد
له ما له وعليه ما عليه... ولكنه سيظل الأقوى والأنجح والأكثر شفافية.
تالت هي النقاط هو مدى الحب المرعب الذي يكنه الحليفان للسيد أوكامبو، وبالمناسبة هو صديق حميم جمعتنا معه
سنوات من العمل العام والذي نعتز بصداقته وإستمرارها.
والسيد المرعب أوكامبو، لم يرعب الطغاة بدبابة عسكرية يستخدمها في تنقلاته ويخيف بها دكتاتوري هذا العصر..
بل هو يحمل إيمانه التام بالعدالة وإحقاق الحقوق ومحاسبة كل مجرم إستكبر وطغى وتجبر على شعبه الأعزل.
والكل يعلم تاريخه الناصع في بلده في محاسبة جنرالات دكتاتور الأرجنتين الهالك... والكل يعلم بمدى سخط كل
دكتاتوري العالم ممن إنتهكوا حقوق شعوبهم وإرتكبوا أفظع الجرائم الشنيعة... فتصدى لهم هذا الأوكامبو بالقانون
وبسببه صار كل دكتاتور يفكر ألف مرة قبل أن يرتكب فعلاً آثم... بل صار أكثرهم يسعى لمخرج آمن له!
السيد مورينو أوكامبو يعمل حالياً كمحاضر في عدة جامعات أمريكية عريقة كجامعة ييل وهارفرد ونيويورك، وكذلك
يعمل في مجموعة قانونية تتبع للبنك الدولي تتولى ملاحقة جرائم الفساد في التعامل مع القروض... يعني لسع
مِحمِد النظام الفاسد في السودان وملاحق لفساده الحالي والسابق!
هذا البوست يحتاج لذلك المقال المرفوع في صدر البوست عن أمريكا وروسيا دنا عذابك العذبنا ولم نفهم غرضه!
نصيحتي لكما بالتركيز (حالياً) علي السيدة بنسودا...
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
محمد يسين خليفة مرحباً .. عاوز تقنعني إنك حقاني يعني؟؟
سامي الحاج - أخوك السوداني - كان قاعد يئن من التعذيب تحت سمع أضانك حيطة بالحيطة سبعة سنة بدون محاكمة، هل فكرت يوم إنك تهتم بيهو؟؟ سامي الحاج خليهو ، أسه غوانتنامو فاتحة والناس قاعدة تتعذب ليها 13سنة بدون محاكمات.. عملت شنو عشانهم يا متعلم يا بتاع حقوق إنسان .. وأوكامبو البتموتو فيهو ده تمنوا أن يحشركم ربكم معه إن كنتم صادقين ..
ياخي نحن بطنّا طمت من النفاق ..
| |
|
|
|
|
|
|
|
|
 Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
| Quote: من يكتب بإسم وضاحة .. أحسن تحترم نفسك .. وما تتضاري بأسم المَرَة .. |
انا وضاحة يا منير ولا حد غير يستخدم حسابي
وانا لم اسئ لى حواء الطقطاقة ولم ازكر اسمها عليها رحمة الله
وهى فعلاً اشرف واعف و ارجل من رجال كتااار بشنباتن
يلحسون ويعيشون علي فضلات اسيادن الكيزان المجرمين قاتلين الشباب والارواح البرئية
واستخدمت كلمة طقطاقة بمعنى التصفيق والتهليل لحكومة الظلمة
نشوف فيهم يوم اسود من السواد فى صحتن وفى اولادن سارقين المال العام
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: وضاحة)
|
| Quote: ياخي نحن بطنّا طمت من النفاق .. |
النفاق البتسوى فيه انت دا
رئيس يقتل في شعبوا ما يسلم
هو لو عندو زرة من احتراموا لى نفسوا بسيب الحكم
لكن هو عبد للكراسي الجالس فيه وما بهموا غير نفسوا
لكن ارواح هولاء بتساهر بي اليل وما بنوم
انت فاكر الله دا حا يسيبوا ساى كده
صبرا امهات ال كجبار فانا الله لا يظلم عنده احد
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: وضاحة)
|
يازول نحن وضاحة بنعرف كتابتها الساذجة التي لا تفرز بين ألعن وأنعل فلا تتذاكي ..
ثم ما رأيك عن حكومة قطر التي تدعم البشير وتحميه وتدفع له المليارات .. ألا يستحق شيوخ قطر التعليق من عراقيبهم عقاباً لهم علي دعمهم لنظام البشير؟؟
إن شاء بس تكون عندك الشجاعة وتتكلم ضد قطر وشيوخ قطر يا لاحس الجوخ ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: وضاحة)
|
السؤال واضح .. ما رأيك في حكومة قطر التي تدعم البشير وتحميه وتدفع له المليارات ؟؟.. ألا يستحق شيوخ قطر التعليق من عراقيبهم عقاباً لهم علي دعمهم لنظام البشير؟؟ أليست عليهم مسئولية في الأرواح التي أزهقت في السودان؟ أليسوا مشتركين في الجريمة بأموالهم ودعمهم؟؟ .. أليسوا مشتركين في قتل أهل السودان؟؟ .. جاوب بدون لف ودوران وتلحين القول .. ..
أنا لم أدافع عن البشير في هذا البوست أيها الكضاب .. وإذا كنتم تحبون أوكامبو ذو المكاييل المتعددة فاسألوا الله أن يحشركم معه إن كنتم صادقين ..
بطنا طمّت من النفاق ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
| Quote: ملت شنو عشانهم يا متعلم يا بتاع حقوق إنسان .. وأوكامبو البتموتو فيهو ده تمنوا أن يحشركم ربكم معه إن كنتم صادقين .. |
ولييه كده يا منير؟ يعني عشان أختنا وضاحة نرفزتك شوية.. تقوم تحشرني مع صاحبي في جهنم؟
وعشان عملنا شنو؟ ياخي الواحد فينا أملوا في حساب الدنيا لكل ظالم قبل ما يحاسبهم ربي في الآخرة!
علينا ألا ننسى قول المصطفي صلوات الله وسلامه عليه:
"إن لله عباداً إختصهم بقضاء حوائج الناس، حببهم إلى الخير،وحبب الخير إليهم...."
أما بالنسبة لناس غوتمو.. هل عندك شك في إنو الناس ديل هم الجابوهو لروحهم؟
وعشان أطمئنك من ناحيتي.. أنا من نشر هنا مقالة توم فريدمان القال فيها:
"أغلقوها... فقد صارت عورة!"
يمكنك مراجعة هذا المقال في النيويورك تايمز وترجمته في الشرق الأوسط... ونحنا طالبنا بمحاكمة
عادلة لكل هؤلاء المتهمين بالإرهاب أو إطلاق سراحهم فوراً. وهل عرفتا تأثير المقال ده على الرأي العام؟
يمكن الظاهر إنتا ما قاعد تقرأ غير سلبياتنا بس! العدالة ما هي للضحايا بس.. فهي للمجرمين برضو!
وبالمناسبة، هل بتعتقد يا منير إنو في جرائم شنيعة حصلت في دارفور أم لا؟
وإجابتك لو كانت بنعم... فهل بتؤمن بمبدآ محاسبة المجرمين بعدالة ولَّا لع؟
يمين الله أبو قردة قال لي بلسانو إنو ما شاف عدالة بالجد ذي ما شافها في لاهاي.
ومرة تانية... خليني أقول ليكم: ركزوا على السيدة الفولازية التي تولت أمر الإدعاء من أوكامبو!
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: عماد حسين)
|
مرحب يا عماد... وعساك طيب
خليني أتفق معاك بإنو في بيع وشراء حدث مع الدولارات المبعثرة ديك!
وموش الباكستانين بس... الأفغان كمان باعوا الناس بترابة قروش!
وخليني أختلف معاك في حكاية جمعية إحياء التراث الكويتية دي شوية...
فالمقبوض عليهم لم يتم قبضهم أو بيعهم لأنهم شغالين في الجمعية دي أو غيرها
فأنا بعرف لي أخ من أنصار السنة دائم التردد على باكستان وأفغانستان وهو
طبيب من الناس العندهم دراية في الأمور دي وما بكره في الدنيا دي غير ناس
القاعدة والجهاد والمتطرفين لعنة الله عليهم... صاحبنا ده مرق منها بإعجوبة
وعارف لييه....؟ لأنو ربنا ما أراد ليهو الذلة أو الهوان!
يعني في ناس دخلوا بأفعالهم... وفي ناس تم دفعهم بأفعال غيرهم!
أقسم لك بالله العلي العظيم أنني لم أكره مشهداً في حياتي متل مشهد الناس
الجابوهم في الإعلام لابسين برتقالي ومربطين بالجنازير وعيونهم مغمضة!
وبرضو عارف لييه؟ لأنو المنظر ده مخالف للمبادئ والقيم الأمريكية
وأنا أؤمن بعدالة السماء... ولكني ما بؤمن بفقه الضرورة من أياً كان!
القانون هو نص مكتوب. فلا جريمة بلا نص.....
ولا لخلق نص، من عدم، ليولائم جريمة حدثت قبله!
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
ههههه... يمين الله يا منير توقعت إنك تقول الكلام ده عن الحشر.
أوعى تقول لي في حشر غير في جهنم؟!
ونعم يا منير... الناس ديل هم الجابوهو لروحهم... ولو ما مصدقني فأسآل روحك:
"لييه آنا منير ده أو صاحبي اللدود محمد يسين ده ما ودوهم غتمو اللعينة دي؟
يا منير عليك الله آقرآ إفادات معظم الناس الخرجوا منها... وشوف هم قالوا شنو؟
كلامي ليك كان واضح... فأنا من المؤمنين بمدآ العدالة المطلقة للجاني والمجني عليه.
وكويس إنك إتفقتا معاي في إنو جرائم تم إرتكابها في دارفور... ولننسى الـ ICC
ولنبحث عن محكمة سودانية واحدة أدانت مجرمين بناءً على بلاغ من ضحية واحدة!
أقرأ كلامي ده كويس قبل ما تجاوبني على حاجة أنا ما قلتها فيهو....
لأنو الظاهر إنتا بتحب حشر الكلام البيجيب كلام في غير موضع!
قال العراق وفلسطين ووووو.... ياخي أنا بتحدث معاك عن دارفور لأنها حتة من كبدتي!
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Mohamed Yassin Khalifa)
|
عليك أمان الله يا أخوي اللدود محمديسين خليفة إنت في وادي وأنا في وادي .. أنا بذلت ليك مجهود عشان أوضح ليك التناقضات لكنك بتنظر في إتجاه آخر ..
عاوز أقول ليك عدالة أوكامبو و الآي سي سي دي عدالة كسيحة ومفتحة عين ومغمضة عين يا ودالخليفة .. ونوع العدالة دي ما بتجيب سلام ، بل تؤجج الفتنة .. وأوكامبو أراد تأجيج الفتنة بين أهل السودان .. ولذلك فإن الشعب السوداني رفضه .. ولو تذكر أيام إعلان المذكرة ناس دارفور من الفاشر لغاية نيالا خرجوا واستقبلوا البشير زاتو بالآلاف بالجمال والخيل وكداري رفضاً لأوكامبو .. يعني إنت أحنّ علي أهل دارفور من أنفسهم ؟؟ ..
ثم ياخي شايفك عامل ميت من أسئلتي عن أبوقردة الوزير الإتحادي ، و عن مذابح الطويشة .. غوانتنامو عفيناك منها بعد ما خلاس القارئ نقش الحاصل ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
أؤيد وبشدة المحكمة الجنائية الدولية وأسعى بكل ما أملك أن تتطور هذه المحكمة وتتم عضويتها كل دول العالم
عشان نوع البشير ولا غيره من كل رؤساء العالم يفكروا ميت مرة قبل ما يرتكبوا جريمة ضد شعبهم
George W Bush has had to call off a trip to Switzerland next weekend amid planned protests by human rights groups over
the treatment of detainees at Guantandaacute;namo Bay and the threat of a warrant for his arrest
لو بوش بجلالة قدره ووراءه امريكا كب الزوغة
البشير على الأيمان بيسأل من الضمانات لأي بلد يزورها وفي نيجريا فك البيرق عديل.
المحكمة الجنائية الدولية ضرورة في عالم اليوم
وأي دولة بترتكب مخالفات ما بتقدر تمضي علىها
تأييد المحكمة الجنائية الدولية ضرورة لأي دة وأي شعب مفروض يجبر دولته إنها تمضي عليها
غايتو هنا في أمريكا شغالين على الموضوع دا، أدعو لينا بالتوفيق
والبشير حيدفع تمن جرائمه طال الزمن او قصر
عن طريق المحمكمة الدولية أو عن طريق غيرها.
غايتو حيرتونا عديل كدا يا السودانيين
الحكومة السودانية تكتل مواطنينها
يشتكوها للمحكمة الجنائية
تقول أن عندي قضاء نزيه
تمشي تعمل لجنة تحقيقها الخاصة
أول ما اللجنة ترفع توصياتها
الحكومة تختها في الرف
وما تحاكم أي زول
وتجي بعد داك تقول ليك أجندة دولية
غايتو دا نفاق يحير ابليس عديل
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: الصادق اسماعيل)
|
Quote: عليك أمان الله يا أخوي اللدود محمديسين خليفة إنت في وادي وأنا في وادي .. أنا بذلت ليك مجهود عشان أوضح ليك التناقضات لكنك بتنظر في إتجاه آخر ..
عاوز أقول ليك عدالة أوكامبو و الآي سي سي دي عدالة كسيحة ومفتحة عين ومغمضة عين يا ودالخليفة .. ونوع العدالة دي ما بتجيب سلام ، بل تؤجج الفتنة .. وأوكامبو أراد تأجيج الفتنة بين أهل السودان .. ولذلك فإن الشعب السوداني رفضه .. ولو تذكر أيام إعلان المذكرة ناس دارفور من الفاشر لغاية نيالا خرجوا واستقبلوا البشير زاتو بالآلاف بالجمال والخيل وكداري رفضاً لأوكامبو .. يعني إنت أحنّ علي أهل دارفور من أنفسهم ؟؟ ..
ثم ياخي شايفك عامل ميت من أسئلتي عن أبوقردة الوزير الإتحادي ، و عن مذابح الطويشة .. غوانتنامو عفيناك منها بعد ما خلاس القارئ نقش الحاصل .. |
ياااا منير... رأيك في المحكمة دي محل إحترام كامل عندي لأنو رأي شخصي!
أنا رأي في المحكمة الجنائية دي رأي مؤسس على وقائع وعلامات قانونية بحتة
مع الأسف رأيك ده لا حجة به ولا منطق وإستلالك بإستقبال البشير في دارفور
إستلال فقير وفطير لسببين أولهما إنو الخرجو ديل لم ولن يتجاوزوا أعداد من قتلوا
في دارفور... ناهيك عن عدد النازحين واللاجئين والمشردين.
السبب التاني، عمر البشير مجرم وقف في نص دارفور وأمر بقتل جرحى وأسرى
الحرب.. ودي إدانة جاهزة ليهو يضاف ليها الأدلة السرية الخلت قضاة المحكمة
يطلبوا حضوره مكلبشاً بعد أن رفض أمر الإستدعاء. فهل تفتكر إنو تمثيلية الولاء
ده ممكن تقنع ليها قاضي أممي تم إنتخابه بواقع الثلثين من 117 دولة عضو؟
يا سيدي دارفور كانت مُغيبة إعلامياً وهي شغالة ون وي بإعلام النظام... فهل
معقول يا منير تنطلي عليك أساليب نظام المؤتمر اللاوطني في التعبية والمليء؟
يا منير برأيك ده إنتا بتلغي رأي الدولة الإنتا مقيم فيها وبتلغي رأي برلمانها المصدق
على الإنضمام للمحكمة الجنائية... بعكسنا هنا في أمريكا والتي لدينا فيها تحالف
يسعى لإعادتها للمحكمة بعد خروجها المخزئ.
المحكمة دي ماهي أوكامبو أو بنسودا... المحكمة دي قضاة ونيابة دولية ودول أعضاء
وميثاق وقانون دولي وقوانين وطنية وسوابق ويضاف لهم مجلس أمن له صلاحيات!
يعني القرار فيها ما بيتم ذي ما بتم في محاكم العُمّد عندنا... والإحالة ليها ما بتم
من شرطة النجدة.... ويعلم الله أنا قضيت الإسبوعين الفاتو في متابعة إجتماعات
الجمعية العامة للمحكمة الجنائية في دارفور وخرجتا منها بمعلومات ووثائق بتحتاج
لعشرين بوست عشان أشرح ليك ما حاولتا إنتا تلغيهو في كلمتين.. أنا إعتبرتهم رأي.
وبخصوص أبو قردة الوزير.. فسؤالك غير واضح وآتحدى أي زول يقول لي فهمو!
عشان كده أنا حـ أقول ليك عيد السؤال ده بوضوح ووريني إنتا عاوز رأيي في شنو؟
وأما موضوع مذابح الطويشة... وبنفس الطريقة السألتا بيها عن أبو قردة، جيت وختيت
سؤال مبهم، وفي المحكمة سؤالك ده بيسموهو إيحائي أو توجيهي... وده مرفوض كان
في حوار ولا كان في محكمة.... وكل العليك إنك تسأل سؤال تكون نهايته مفتوحة.
وأخيراً مسألة عفيتك والقارئ نقش الكلام دي ما لذيذة منك... يعني عاوز تقول محمد يسين
ده زاغ من الكلام ده لشنو؟ ياخي الوضوح ده مافي أجمل منو... كدي عاين لكلامي ده
وشوفني واضح معاك قدر كيف فيهو؟
-------------------------------------------------------
أن جبتا مداخلتك الأخيرة عشان أرد ليك منها برواقة ليس إلا !
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: الصادق اسماعيل)
|
| Quote: أؤيد وبشدة المحكمة الجنائية الدولية |
يا الصادق عشان الكلام ما يبقى هتافي أجوف
المحكمة الجنائية الدولية دي فاااااااااااشلة
فاشلة لانها لا تحظى بتأييد كل دول العالم بل ببعضها
فاشلة لأنّ الدول الكبرى لا تؤيدها وليست طرف فيها وتستخدمها فقط لأغراض سياسية بحتة
فاشلة لأنّها في خلال 12 سنة لم تصدر منها سوى إدانتين
فاشلة لأنّها تريد أن تحقق إنجاز على الدول الضعيفة أو هكذا ترى واستهدفت في ذلك إفريقيا دون غيرها
فاشلة لأنّ الإتحاد الإفريقي يرفض التعاون معها
فاشلة لأنّها لم تساعد الدول في تقوية نظمها العدلية
فاشلة لأنها على مر 12 عام لم تمنع جرائم الحرب ولا استهداف المدنيين ولا انتهاك حقوق الإنسان في العالم والتي تحدث ونحن نطقطق بكيبوردنا هذا سواء في العراق أو في غوانتانامو أو في سوريا أو في بورما أو في أوكرانيا أو في مصر أو اليمن أو جنوب السودان وغيرها من بؤر الحروب والدمار والقتل وانتهاك حقوق الإنسان
المحكمة الجنائية الدولية بصورتها هذه فاشلة سواء أعلنت تأييدك لها أم رفضها
نحن مع مؤسسية عدلية دولية همها الأول هو دعم وتطوير وتقديم المشورة للنظم العدلية المحلية
ونحن مع مؤسسية عدلية دولية عندما يكون الكل ملزم بعضويتها وتسري سلطاتها على كل دول العالم بدون تفريق وبدون استغلال للنفوذ السياسي والإقتصادي لتجنب المحاسبة
نحن مع مؤسسة عدلية عندما يحق للفسطيني أن يرفع دعوة مباشرة ضد الصهيوني الذي قتل ابنه ودمر بيته وتقبل الدعوة بقرائنها
إذا حدث ذلك فنحن نؤيد معك الجنائية أم والحال ليس كذلك فلن نهتف معك هذه الهتافات الساذجة الحالمة بعالم بعيد عن الواقع وحتى المستقبل القريب
تجنب الرؤساء والمسؤولين في العالم الوقوع في رهن الإعتقال تصرف طبيعي خاصة إذا كنت تؤمن بأنّ هذه الجهة لا تمثل حياداً ويتم استخدامها لإغراض سياسية بحتة
فكون الشخص يهرب من قاتل و مجرم وحيوان مفترس ليس جبنا بل تصرف طبيعي للحفاظ على النفس
المحلكمة الجنائية الدولية فاشلة ولن تقم لها قائمة إن لم تتم إعادة تعريفها وتأسيسها وفق ضوابط وشروط تضمن تحقيق العدالة في العالم على قدم المساواة دون أدنى شك أو إستثناء
لذلك سيكون العالم إلى ذلك الحين متخم بجرائم الحرب وانتهاك حقوق الإنسان
هذا هو الواقع الذي نهيش ولن تجدي معه الهتافية التي تسطرها
كمال
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Frankly)
|
يا الصادق و محمديسين خليفة .. مافي زول يأبي العدل .. ولكن ليس عدالة رأس الذئب الطاير .. تعرفوا دي؟؟
يحكي أن أسد وذئب وثعلب إصطادوا غزال .. قام الأسد قال للذئب والثعلب عاوزين نقسم الغزال بالعدل .. قام الذئب قال لحم الغزال يتقسم لتلاتة أتلات .. ثلث ليك وثلث لي وثلث للثعلب .. التقسيم ما عجب الأسد فزعل ولطخ الذئب بضربة لامن راسه طار هناااك .. وقال للثعلب يللا قسِّم .. قام الثعلب قال ليهو لحم الغزال يتقسم لتلاتة أتلات .. ثلث لفطورك وثلث لغدائك وثلث لعشائك .. فالأسد إتكيف وقال ليهو برافو .. إتعلمت العدل ده من وين ؟؟.. فقال الثعلب من راس الذئب الطاير !!!.. والله ياخ أتاري قصص الطفولة دي مليانة حِكَم ..
فياخواننا نحن ما عاوزين عدالة راس الذئب الطائر دي .. دي إسمها حقارة القوي بالضعيف .. وأجبن شئ أن تستقوي بالقوي علي الضعيف .. أمريكا بتاعتكم البتتغزلوا بعدالتها ما معترفة بالآي سي سي .. تقدروا تفتحوا خشمكم وتنتقدوها؟ عاوزين تستخدموا الآي سي سي لتدمير بلدكم؟؟
يا محمديسين خليفة السؤال عن أبوقردة والطويشة بقي ليك أغبش لأنك ما عندك الشجاعة تقول رأيك في أشياء واضحة زي الشمش .. أبوقردة دارفوري أصلي حمل السلاح عديل وظل من المطالبين بتقديم البشير للآي سي سي لإيمانه بإرتكاب إبادة جماعية لدرجة إنو قدم نفسه عربون لإضفاء مصداقية للآي سي سي .. ثم هو نفسه أصبح وزير إتحادي في نفس حكومة البشير التي يتهمها بإبادة أهله .. طبعاً ما كنت أحتاج اعمل التوضيح ده لكين بس قلنا سداً للذرائع بعدم الفهم .. السؤال يصبح هل تعتقد أن أبوقردة باع أهله وقضيته ؟؟ .. أنا عارفك ما حتقدر تقول رأيك .. لكن قلنا نختك قدام نفسك ..
وبالنسبة للطويشة كنت برضو عاوزك تدق صدرك وتدلي برأيك .. وموضوع الطويشة طبعاً معروف هو من أسباب الخصام بين تراجي مصطفي وحركة مناوي .. تراجي قاعدة عمرها كله تحرض علي العنف والكراهية والحرب ، ولكنها لم تحتمل حين القتل هبش قبيلتها وأكتشفت أن الحرب ليست نزهة لأن أقرب الأقربين ممكن يروحوا فيها بدون ذنب - لكين جلداً مو جلدك جر فوقو الشوك -.. والسؤال كان يشير لهذه الحادثة ورأيك فيها .. فطالما إنك ناشط بكثافة في قضية دارفور ودارفور قطعة من كبدتك ويهمك أمرها : هل أنت مع تراجي أم مناوي ؟؟..
أنا سأضعك في محكات كتيرة عشان نشوف مدي مصداقيتك وشجاعتك في الجهر برأيك ..
يللا إنكرب ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
Quote: السؤال واضح .. ما رأيك في حكومة قطر التي تدعم البشير وتحميه وتدفع له المليارات ؟؟.. ألا يستحق شيوخ قطر التعليق من عراقيبهم عقاباً لهم علي دعمهم لنظام البشير؟؟ أليست عليهم مسئولية في الأرواح التي أزهقت في السودان؟ أليسوا مشتركين في الجريمة بأموالهم ودعمهم؟؟
.. أليسوا مشتركين في قتل أهل السودان؟؟ .. جاوب بدون لف ودوران وتلحين القول .. .. |
سبق وقلت لك حكومة قطر حكومة راشدة اسال مواطنيها عنها كيف يعيشون وكيف يسكنون وكيف يتعلمون وكيف يتعالجون
وكيف شيوخها يهتمون بهم
وحتى السودانين المقمين بدولة قطر مكرمون معززون وتحترمهم حكومتنا الراشدة
ثم يا منير
قطر لم تدعم النظام
قطر سعت لحل مشاكل السودان بجمعها لحركات دارفور وحل مشكلة دارفور يصب في مصلحة السودان وليس النظام
قطر دعمت مشاريع التنمية في دارفور وقدمت القروض والاعانات من اجل التنمية
ولكن النظام الفاسد وسدنته حولوها لحساباتهم الخاصه
وهذه ليست مشكلة قطر وانما مشكلة النظام الذي سرق القروض القطرية وعلقها في حساب الشعب
وقطر من حقها كدولة ان تحاول لعب دور سياسي في العالم وهي استغلت مواردها وقدراتها في تعظيم دورها العالمي
ودورها لم يتوقف عند السودان ولن يتوقف فا قطر خططت لنفسها ان تكون رائده ودولة كبيرة
وقد كان لها بفعل حنكة قيادتها والكاريزما العالية التي تتمتع بها
وبالتخطيط الاستراتيجي وبانصافها لشعبها وتحقيقها الرفاهية له وبتوفيق ربنا لها
هذه هي قيادة قطر ودورها تجاه وطنها والعالم
فاين دور نظام القتل الكيزاني تجاه الوطن والمواطن والعالم
المشكلة في النظام الذي تؤيده والذي كل يوم يصغر وينزل من قيمة السودان
ففي عهد الانقاذ تصدرنا قائمة الدول لفاشلة
وقائمة الدول التي لا تحترم حقوق الانسان
وقائمة الانظمة الاكثر فساد
اصبح رئيس البلد مجرم مطلوب للعدالة الدولية جراء ما اغترفت يداه من جرائم
البلد سقطت في الهاوية ولابد من لاهاي ان ربنا مد في الاجال
وان قصر الاجل فالعادل لن تضيع عنده الدماء ولا المظالم
وكل من ساند جرائم النظام وبرر لها سيجد جزاؤه العادل باذن الله
فا قف وحاسب نفسك قبل ان تحاسب
وتذكر يوم سيقول فيه الشعب كلمته ويقتص لنفسه
وتذكر يوم لا تنفع فيه انقاذ ولا مال ولا جاه ولا سلطه
{يَوْمَ يَقُومُ النَّاسُ لِرَبِّ الْعَالَمِينَ}
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: وضاحة)
|
Quote: أمريكا بتاعتكم البتتغزلوا بعدالتها ما معترفة بالآي سي سي .. تقدروا تفتحوا خشمكم وتنتقدوها؟ عاوزين تستخدموا الآي سي سي لتدمير بلدكم؟؟
|
منير سلام
دا نوع الكلام المجاني ساكت
أمريكا معصورة
وكتير من الناشطين هنا ضاغطين في الإتجاه دا
والمظاهرات ضد سياسة أمريكا على قفا من يشيل
واوباما واحدة من أسباب فوزه هي موقفه ضد الحرب وإغلاق غوانتانمو.
لكن التحايل على موضوع العدالة بحجة الأجندة الأجنبية
أو بحجة إنه الموضوع ما بيشمل أمريكا
فدا فيه استهتار بالضحايا ومآسيهم
أنا واحد من ضمن تيار كبير جداً هنا في أمريكا، ضاغط على إنه الولايات المتحدة تمضي
وموضوع غوانتانمو أنا والكثير جداً من الأمريكان وقفوا ألف أحمر في الموضوع دا
وضغطوا الحكومة لحدي ما قفلتوا وتابعوا من خلال ممثبينهم في الكونغرس موضوع التعذيب وأجبروا السي آي إيه
على الإعتراف وعلى وقف الموضوع دا.
ما في أصلاً مقارنة بين البيعملوه المواطنين الأمركان المؤمنين بالعدالة
وبين التبريرات البتسوق فيها دي
المفروض إنه لا يجرمنك شنآن قوم على ألا تعدل دا المحك الأخلاقي السقطوا فيه الكتير من الناس.
القصة يا منير ما قصة اوكامبو
أوكامبو كتر خيرو أدي شغله وقدموا للمحكمة، ما أصدر حكمه بالإدانة
لأنه زول عارف شغله
اجتهد في القضية وقدمها للمحكمة
أهو في واحد ما حيفلت من جريمته
كونه في مجرم تاني طليق اسمه بوش دا ما بيقدح في إنه المجرم البشير يتحاكم
لنكلمك ضحى يا منير
القصف الجوي والقتل على الهوية والإغتصابات دي لو كانت في الشعبية
دا ما كان حيكون موقفك ولا موقف الكتير من الناس العارفين الفظائع البيرتكبها جيش الأمن والجيش السوداني
وأنا واحد من الناس الحمد لله ما حكوا لي عن فظائعهم دي لكن شفتها شوف العين الواحدة دي
القتل العملوهو ناس الإستخبارات ضد اولاد النوبة لمجرد شكهم
والمرتزقة الجابوهم عشان يقتلوا الفور والزغاوة
وقوات الدعم السريع العايثة فساد في الأرض
دا كله لازم تتم محاسبة الناس الوراهو
ومش كدا وبس
الحركات المسلحة لو ارتكبت أي جريمة لازم تتوثق وتمشي المحكمة الدولية.
وأي سوداني أخير يكون واضح في الموضوع دا
لو صحي البلد دي واحدة والدم السوداني واحد
الجرائم دي لازم تتم محاسبة مرتكبيها
ولو خاسين إنه الموضوع دا بعيد عن منطقتك وبعيد عن حلتك وبعيد عن أهلك
فعليكم الله ما تتكلموا عن عدالة
خليكم في محلكم دا وأمسكوا لسانكم عليكم
وخلوا الضحايا هم اليختاروا طريقة القصاص
ما دام دايرين تخارجوا البشير بالحجج الواهية دي.
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: ود الباوقة)
|
فرانكلي
سلام
حاقوليك زي ما قلت لمنير
المحكمة الجناءية ما فاشلة
وموضوع نظم القضاء المحلية دي مليون محكمة دولية ما حتقدر تساعد في تطويرها
لو البلد محكومة بديكتاتورية
نمسك بلد زي السودان
ريس السودان جا للحكم بالقوة واستعمال السلاح
تفتكر حيخلي القضاء عادل
المحكمة الجناءية بعبع حتى للدول الكبرى
وهسع الامركان ما حيقدروا يزوروا بلاد كتيرة
والاسراءيلين ذاتم
محكمة زي ذي مفروض كل الناس تهتف ليها وتضغط انه دولها تمضي عليها
امريكا بجلالة قدرها خايفة منها
تفتكر ليه؟
والموضوع مش مضحكة زي ما عملتوه انتو ومنير
اوكامبو ما جا يتعلم الزيانة في راس البشير
اوكامبو ما شخص منصب حيمروا بيه املي ن اسم
وحيكونوا بعبع لاي دولة ترتكب جريمة ضد مواطنينها
لو بقت اسراءيل ولو بقت امريكا ولو بقت بريطانيا
تاييدي للمحكمة الجناءية الدولية
وخصوصا في موضوع السودان
بتمنى انه اي سوداني يقيفوا
خلونا ننتهي من سودانا دا
لانه الناس لو ما وقفت في الحصل دا بكرة بيحصل للتانين برضه
الليلة في دارفور وبكرة في الجزيرة وبعد بكرة في الخرطوم والشهر الجاي في القضارف
قصة الجنوب ياهوندي انتهت
باقي القصة مدورة
ودار فور واهلها ضحية
والنوبة ضحية وناس النيل الازرق ضحية
ودا كله ما شفنا لينا زول اتحاسب
وبكرة حيكونوا الضحايا من باقي السودان كله والجقلبة حتحصل
وشفنا جزء منها بروفتين
يوم موت القايد العظيم جون قرنق
ويوم دخول خليل الخرطوم
اها اليومين ديلاك البكا والخوف والمطالبة بالمحاسبة كانن في اوجهم
والسيناريو دا يا هو البيحصل كل يوم في السودان
وعادي ممكن الناس تطنش وتمارس حياتها ما دام البيقتلوا فيهم
ديل مجرد ناس غرباء
وما دام الدم في السودان بقى دم القرابة ودم القبيلة ودم الجهة
ممكن عادي تجوا تضحكوا في موضوع اوكامبو
وتقولوا دايرين العدالة
العدالة وين طالبتوا بيها
كدي ذكروني يمكن اكون ناسي
اهلي النوبة ديل بيموتوا في اليوم مية مرة
عايشين في الكراكير
وناس النيل الازرق بقوا نسيا منسيا
وناس دارفور بقوا يحمدوا الله لمن يصبحوا على انهم لسه عايشين ليهم يوم تاني
والساقية مدورة
الضحايا بيموتا بعدم التضامن معاهم الف مرة
بيموتوا لانه بقى ما عندهم امل في رد الحقوق
تفتح خشمك وتجيب سيرتهم قدام زول محترم ومتعلم يقول ليك السبب الحركات المسلحة
والبيقول ليك السبب اسراءيل
ياخي انت عملت شنو كسوداني لاخوك السوداني البينقصف دا، اولي اختك السودانية البتغتصب دي
خليني من موقفك من الحركات او من الحكومة، انا هنا في امريكا دي
شفت اطفال بيجمعوا تبرعات لاطفال دارفور واطفال النوبة البيعانوا من الحرب
كدي النسالك يا فرانكلي والسوال لي انا ذاتي
نحن عملنا شنو في ضحايا الحرب دي
وين العدالة السعينا ليها عشان الناس ديل
التطير عيشة اوكامبو
تقرير اللجنة الحكومية بتاعة دفع الله الحاج يوسف
سوينا فيه شنو
انساني من المحكمة الدولية
محاكمنا عملت شنو
وزارة الخارجية القالت بكل بجاحة
انه قوات اليونميد بتغتصب في بناتنا
الكلام دا ما حرك فيك ساكن
ولا الاغتصبوهم ديل ما بناتكم
عشان كدا قلنا ليكم البلد دي ما بتبقى بلد
لمن كلنا نحس بالوجع دا بعد داك ممكن نتكلم عن السودان
لكن هسع خلاص خلونا كل زول يتكلم عن اهله وحلته
ولمن الدم يصل حلتك
ياهو الكلام جاهز اعملوا كط اند بيست
واكتبوهو
الدرب بيكون ساهل
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: خالد حاكم)
|
يا خالد حاكم .. الحكومة تتخبط .. وكونها تدخل الفيل في الحوش وبعد داك تحاول تجره من ضنبه عشان تمرقه فهذا هو المأزق الذي دخلت فيه وأدخلت البلد فيه ..
أنا كررت في هذا المنبر عدة مرات أن أولوية السياسي دائماً لأمانه الشخصي والأسري قبل الوطن .. دي غريزة القاء التي يتشارك فيهاالحاكم والمعارض .. هسه البشير وطاقمه أولوياتهم هي سلامتهم .. للأسف فإن ذلك صادف أنه يتطابق مع إستقرار البلد .. لو كان السودان مطمئناً لهذه المحكمة الدولية لاستسلم لها .. ولكن زي ما قلت ليك العدالة العمياء أخير من العدالة التي تفتح عين وتغمض عين ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
الصادق اسماعيل سلامات ..
أنا داير أسألك يا من نصبت نفسك ناطقاً بإسم الضحايا .. هل إنت استشرت هؤلاء الضحايا؟؟ هل الضحايا ديل عينوك ناطقاً بإسمهم؟؟ هل قالوا ليك إنت أمشئ قدِّم لجوء في أمريكا وكلِّم لينا أوكامبو ونحن بنقعد ليك ننتظرك هنا في الحر ده؟؟ أسأل نفسك ياخي .. الضحايا الإنت بتتكلم بإسمهم ديل دايرين الحرب تقيف ويرجعوا مناطقهم .. محادثات السلام وقري السلام شغالة بمساعدة قطر لإيقاف الحرب منذ عدة سنوات ولكنك إنت وأمثالك عاوزنها تستمر ويستمر عرض المعسكرات في الفضائيات العالمية لتجد مبرر لسبب لجوئك وتستريح نفسياً .. لو أصلو في زول محتاج لجوء فهم أولئك المشردين في الصقيعة الذين قاعدين تعملوا فيها ناضلين علي حساب معاناتهم .. إستحوا ياخ ..
أبقي راجل أطلب من الحركات المسلحة والجبهة الثورية إيقاف الحرب وفك أسر المشردين ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
| Quote: .. لو كان السودان مطمئناً لهذه المحكمة الدولية لاستسلم لها .. |
يا منير سلام
يا خي المحكمة الدولية دي ما إلزامية ليهم
لأنه لو القضاء المحلي حكم في القضايا دي المحكمة الدولية حتسحب القضية
القضية دي الحكومة السودانية اتأخرت في التعامل معاها
ولمن لقت إنه الموضوع اتطور وبقى في الإعلام العالمي
(بغض النظر عن أهداف الإعلام ومن وراءه)، حاولت الحكومة السودانية
القيام بالبإجراء الصحيح الذي تقوم به أي حكومة تحترم مواطنها ألا وهو تشكيل لجنة تحقيق
لجنة التحقيق تم تشكيلها ورفعت تقريرها
رغم أن لجنة التحقيق قالت أنها لم تجد دليل على إبادة جماعية
لكن تقريرها أشار إلى جرائم عديدة وطالب بتكوين لجان قضائية
لمتابعة بعض هذه القضايا (مثلاً قضايا التهجير القسري، قضايا الإغتصاب إلخ)
الحكومة السودانية (سدت دي بطينة ودي بعجينة)، والتقرير قعد في الرف لحدي يوم الليلة
ودا كان واحدة من الأسباب الإتطورت بيها القضية وبقت القضية
هي تأمين سلامة الرئيس ومستشارينه
وكل قرارات البشير بقت متعلقة بإنه ينجو من المحكمة الدولية.
عشان كدا القصة ما قصة اوكامبو زلا المحكمة الدولية ولا الأجندة الدولية
القصة هي قصة عدالة مفقودة، وما أفتكر إننا حنقعد نتغالط في الموضوع دا.
البشير وعصابته خليهم يحققوا العدالة دي إن شاء بالقضاء السوداني
وأنا أول واحد حيكون مؤيد للموضوع دا
لكن الموضوع بقى متاجرة وضحك وسخرية من الموضوع
بدون أدنى حساسية للضحية المنتظرة للعدالة
الضحية دي ما عندها علاقة بمشكلتكم مع المجتمع الدولي
الضحية دي ما عندها ذنب إنه في جهة دايرة تتاجر بقضيتها
الضحية ما عندها ذنب إنه العالم دا فيه (سوبر بور)
الضحية ما عندها ذنب إنكم عاوزين تطبقوا المشروع الحضاري
الضحية عندها هدف واحد، العدالة
وحتفتش للعدالة دي في أي مكان
حتى لو عند الشيطان نفسه
منير
أنا حأخليك مع المشهد الأخير في الفلم الرائع
Time to kill
والفلم بإختصار غير مخل حصل في أمريكا
وفي الولايات الجنوبية حيث العنصرية ما زالت موجودة (في التحايل على القانون)
البطل عنده بت صغيرة شافعة بيلقوها اتنين بيض بيغتصبوها وبيكتلوها
المحلفين كلهم بيض بيطلعوهم براءة
أبو البت بيكتلهم
البوليس بيقبضه
بيطلب محامي ابيض كان بيدرس معاه
المحامي بيقول خطبة النهاية
قبل ما يحاكموا أبو البت
أنا حأخليك مع خطبة النهاية
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: الصادق اسماعيل)
|
يا الصادق
المحكمة فااااااااااااشلة ودللنا لك لما>ا هي فاشلة
كلامك الكتير دا ما منه فايدة خاصة وأنت جزء من الأزمة
أنت من أشعل النار وقاتل وتسببفي هجرة الألاف ومقتل الألاف وبعد هدا كله تأتي هنا تتحدث عن الضخايا ببرود ليس له مثيل
من نصبك لتشعل الحرب على روؤس الضحايا ومن وكلك تهدم بيوتهم على روسهم
أنت فاكر أنك تشيل سلاح دا لعبة ونزهة؟؟
كل من حمل السلاح ودافع عن حمل السلاح هو جزء من الأزمة وجء من المشكلة
فلا تتحدث عن الضحايا وأنت جزء من المشكلة وأسها
والمحكمة الجنائية فاشلة ولن تدم طويلاً
هناك اليوم في أوروبا من يتحدثون لإعطائها 5 سنوات أخرى فإن لم تتحسن سيطلق عليها رصاصة الرحمة
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
مرات الواحد يقعد يتأمل في أقوالنا المأثورة القديمة دي .. الواحد زمان كان بيتضجر منها من كترة سماعها ويظنها كترة كلام ساي .. لكين عليك أمان الله أتاريها حاجات بليغة خلاس ..هسه بالله شوفوا قصة راس الذئب الطاير دي .. الزمن ده كله الواحد كان قايلها حشو ساكت ..لكن شوفوا لفقت مع ال آي سي سي كيف ؟؟ إبداع عديل ..
هسه عبارة نقول تور يقول أحلبوه دي يمين جات ناطة براها ..
أمثالنا الشعبية شغل نضيف ياخ ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
كيف يا منير دي أمثال طالعة من حكماء زمانهم وكانت مدرسة في نصف سطر
نحن هسع نكتب مليون صفحة انترنت عشان نوصل معلومة أنه المحكمة الجنائية فاشلة يجيك واحد جزء من لازمة يسألني أنا المدني عملت شنو للضحايا وهو من رفع السلاح باسمهم دون تخويل ودون مشروة ووضعهم في فوهة البندقية وبين خطي النار فقتلوا وشردوا وهجروا.
شفت كيف؟ شغل فهلوة وكدا
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Frankly)
|
| Quote: شفت كيف؟ شغل فهلوة وكدا |
فرانكلي
سلام
المحكمة الجنائية دي ذاتها في أمر القبض بتاعها دا أصدرت أوامرها لناس من الحركات المسلحة
طبعاً صوت الضحايا عشان تقمعه من أضانك لازم ترميه في زول
المحكمة الجنائية لو فشلت السبب مش إنها ما بتحقق العدل
فشلها حيكون بسبب التبريرات الزي البتقول فيها دي
ووجودها أو عدم وجود ما بينفي إنه العدالة
الشاهد إنك جاي فرحان بفشلها في تحقيق العدل
لو كان عندك أقل حرص على العدالة كنت أيدتها
لكن المسألة حأرجع وأقول ليك ما حرص للعدالة
هسع يا هوندا إنت اتهمتني أنا السبب
خلاص كدا طبعاً ريحت ضميرك
ما دام الحركات المسلحة هي السبب
فديل فور وبيقتلوا فور
ومتردين وبيقتلوا متردين
وأنا مالي ومالهم إن شاء يحرقوا؟
خجلان تقولها زي ما إعلام الحكومة بيقولها
شفتا الفهلوة كيف
يا الضحية مشكلتك حلها مع الزول الرفع السلاح
وختاك في فوهة البندقية
ونحنا مالنا
حربكم وفي منطقتكم وإنتو البتموتوا وإنتوا البتشردوا وإنتوا البتتهجروا
أنا زول مدني ساكت
أجي أكتب هنا إنه المحكمة فاشلة
وأخليكم تواصلوا الكتل
وأنا اتفرغ عشان أفهم
الأغبياء ديل إنه المحكمة الجنائية فاشلة.
ونعم الفهلوة
واصل عليها يا أخوي
أنا هنا كل الدايروا إنه أثبت نوع الفهم دا عشان لمن تجي
تقول لي السودان أولاً أكون بالضبط عارفك قاصد شنو ؟
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: الصادق اسماعيل)
|
| Quote: لو كان عندك أقل حرص على العدالة كنت أيدتها |
فعلا يقولوا ليهو تور يقول أحلبوه
أنت عايز تعمل من النقاش دا زي نقاشاتك مع جادات ولا شنو
فكر شوية شوية قبل أن تكتب
نحن بنقول ليك المحكمة الجنائية الدولية دي فاشلة لأن<ها إنتقائية ومحسوبية ولا تسري على الكل ودا سبب عدم تأييدنا لها
تجي تقول لو عندك حرص على العدالة أيدها ؟؟؟
قاعد تفكر في البتكتب فيه ولا مناكفة ساااكت وتمسي تنام؟؟
نحن بنقول ليك ما في عدالة في المحكمة الجنائية الدولية وهي فاشلة في أن توقف جرائم الحرب وانتهاك حقوق الإنسان في العالم
لكن العدالة لا = المحكمة الجنائية الدولية
لذلك تأييدنا للعدالة مبدئي وليس محل مهاترات ومزايدات
أنا أييد العدالة عندما يكون القائم عليها عادل لكن لا يمكن أن تطلب من الأسد أن يحكم كما في مثل منير عن رأس الذئب الطائر
أنا مع العدالة وكتبت أكتر من مر<ة هنا موقفي من المحكمة الجنائية الدولية والبدائل الوطنية
أنا بصورة عام<ة أرى أن يكون هناك سلام شامل في السودان ونتخابات تأتي بأحزاب حكومة ومعارضة تحت قبة البرلمان وهؤلاء يعملون بجهد وطني لتحقيق العدالة وتعويض الضحايا دون مزايدات وتدخلات خارجية أجندتها بعيدة كل البعد من تحقيق العدالة
يا الصادق من يقصف المدنيين في العراق وأفغانستان وسوريا وليبا ويرمي قنابل النووي على المدنيين ليكسر شكيمة العسكريين لا يمكن أن تتوقع منه عدالة
أمريكا تحدثنا كل يوم على أن يلتزم السودان بالمحكمة الجنائية الدولية وهي تعيث في الأرض الفساد وأنت تأتينا هنا مصفق لها وهي ليست طرفاً بل هددت بغزو الجنائية إن هي اعتقلت جندي أمريكي بتهمة جرائم الحرب ووقعت مع دول عدة عدم التعاون لتقديم أي مواطن أكريكي لمحاكم في جرائم الحرب
دا ميزان مختل وأعوج ومن يطالب بتأييده مغيب أو صاحب غرض
والسودان أولاً
أحبك يا سودان
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: الصادق اسماعيل)
|
Quote: الصادق اسماعيل سلامات ..
أنا داير أسألك يا من نصبت نفسك ناطقاً بإسم الضحايا .. هل إنت استشرت هؤلاء الضحايا؟؟ هل الضحايا ديل عينوك ناطقاً بإسمهم؟؟
هل قالوا ليك إنت أمشئ قدِّم لجوء في أمريكا وكلِّم لينا أوكامبو ونحن بنقعد ليك ننتظرك هنا في الحر ده؟؟
أسأل نفسك ياخي .. الضحايا الإنت بتتكلم بإسمهم ديل دايرين الحرب تقيف ويرجعوا مناطقهم .. محادثات السلام وقري السلام شغالة بمساعدة قطر لإيقاف الحرب منذ عدة سنوات
ولكنك إنت وأمثالك عاوزنها تستمر ويستمر عرض المعسكرات في الفضائيات العالمية لتجد مبرر لسبب لجوئك وتستريح نفسياً ..
لو أصلو في زول محتاج لجوء فهم أولئك المشردين في الصقيعة الذين قاعدين تعملوا فيها ناضلين علي حساب معاناتهم .. إستحوا ياخ ..
أبقي راجل أطلب من الحركات المسلحة والجبهة الثورية إيقاف الحرب وفك أسر المشردين .. |
منير
سلام
قلت لي النصبني منو متحدث بإسمهم
ما يا هوندي الكنتة ذاتا
إنت عشان ترتاح ما داير زول يتكلم بإسمهم
داير صوتم دا ما يتسمع عشان ترتاح
والله أنا نصبتني سودانيتي وإنسانيتي
وطلب إيقاف الحرب دا كله يوم بقوله، وبستقطع من وقتي عشان أعمل لإيقاف الحرب
وما في حرب بتقيف بدون ما توقف أسبابها
وأول أسبابها لمن الدم السوداني دا يكون واحد
ولمن الزول البيموت في امدرمان يساوي الزول البيموت في بورتسودان
دا البيوقف الحرب
مش بوقفها الدعاوي بتاعة إنه أهلهم هم السبب زي ما بيحاول فرانكلي يقول.
بالنسبة للجوؤ، والله أنا ما طلبت لجوء سياسي عشان الحرب
ولا عشان أنا من مناطق الحرب، وطلبي للجوء السياسي موجود وممكن أجي أعرضه هنا ما عندي مشكلة في الموضوع دا
أنا طلبت لجوء سياسي لعدم مقدرتي أعيش في السودان بسبب آرائي السياسية
أي معاينة اتقدمت ليها اترفضت
عمل بزنس في السوق اتقفل
لمن وصل الموضوع لتهديد البزنس بتاع والدي بسبب نشاطي
أخترت الخروج لأنه ما داير اضر أسرتي
إعادة توطين اللاجئين ومساعدة الناس الفي المعسكرات، ما اتوقفت منها يوم من الأيام
بجهدي وبمالي وبوقتي
ودا واجبي ما بقوله عشان أفتخر بيه ولا أمن عليه في يوم الأيام
لأنه ديل أهلي وديل شعبي
والرجالة مش في طلب وقوف الحرب من الناس البتحارب
الرجالة والنسونة هي في الوقوف مع الحق مهام كلفلك
مش الركون لتصنيفات ما عندها أساس من الواقع.
قطر شنو البتساعد على السلام في السودان
والحرب شنو النحن ما عاوزينها تقيف
هسع عمر البشير دا ما شال سلاحو وجا استولى على السلطة في السودان
عملتوا شنو في موضوعوه
ولا عشان هو نجح بسلاحه في الوصول للسلطة وتطبيق نظرياته
بقى هو الجهة الرسمية المعتمدة البتتكلم بإسمنا جميعنا.
إنتا قايل التبريرات دي بشتروها من السوق
ما ياهو دا تبرير جاهز، أقول ليك المتمرد عمر البشير الحمل سلاحه وحركة دباباته
وحنث اليمين الأقسموا ومشى استولى على السلطة هو السبب بتاعة الحرب
طيب ما تكلموا لينا يرجع مكان ما جا ويقدم نفسه للمحاكمة
حسب قانون القوات المسلحة اللي هو خالفه
وبعد داك نشوف الحرب دي بتقيف ولا ما بتقيف.
الضحايا نصبوني أنا وأي إنسان في الدنيا دي إنه يتكلم عن قضاياهام
ويفتش عليهم العدالة لأنه بوضعهم عاجزين.
يا خي حكومتنا الرشيدة دي ما قاعدة تدفع وتدي معونات لضحايا القصف الجوي الإسرائيلي في غزة
والسودانيين يا هم عايشين في المعسكرات في تشاد
هسع عمر البشير وحكومته مشوا للاجئين ديل وعملوا ليهم معسكر وقالوا ليهم تعالوا وأرجعوا وفيهم زول رفض
الناس المشت تشاد وأثيوبيا ويوغندا وإسرائيل
الحكومة هببت ليهم
وهسع فاتحة معسكرات للجنوبيين عشان تتاجر بيهم.
خليني أنا يا منير
إنت حاسي بأهلك السودانيين العايشين في المعسكرات دي؟
حاسي بمعاناتهم، مستوعب العذاب البيعيشوا فيه؟
أعتبرني زول بتاجر بمأساتهم، على الأيمان أقبلك منك؟
إني زول إنتهازي وبقول الكلام دا متاجرة سياسية؟ ما حأزعل
همتك إنت وغيرك أمشوا ساعدوهم
حملة ساكت لجمع تبرعات للأكل للتعليم
مظاهرة إدانة للحكومة والحركات المسلحة
خليك من الإدانة
مظاهرة ساكت لوقف الحرب
هسع لو طلعوا مليون سوداني قالوا نحن دايرين الحرب دي تقيف
إنتا قايلها ما بتظهر فرق.
النقول ليك قصص الحياة (خلينا من قصص المطالعة)
أنا ومعاي زول من قرايبي (ومن الغرب الزول دا) لكن اتولد واتربى في الخرطوم
في زيارة لأمريكا لورشة عمل، مشيت زرته وأنا هو واقفين جا أمريكي افتكرنا من غانا، لأنه كان في غانا
فترة وسألنا عن السودان، قريبي طوالي قال ليه الأمور تماما التمام
فالراجل ساله عن الحرب في السودان فقريبي قال ليه الحرب دي بقت عادية ونحن بقينا ما شغالين بيها
والناس عايشة في أمان وسلام.
ودا الشعور العام إنه ما في زول شغال بالحرب
ولا شغال بضحايا الحرب.
وضحايا الحرب ديل هم الأهم
لأنهم ما عندهم ذنب
ولو كانوا دايرين يحاربوا كانوا انضموا للحكومة ولا للحركات المسلحة.
أنا بتكلم عن السلام (بالمناسبة يا منير) مع ناس الحركات المسلحة ومع ناس الحكومة البلقاهم
وبطالب بإيقاف الحرب دي
وقلت ليك الكلام دا قبل كدا وبقوله ليك
وامشي أسأل في محيطك الإنت بتعرفه عن أي زول
اشترك في حرب حقيقية في حروبات السودان دي
الحرب ليست نزهة يا عزيزنا منير
وما في زول شال السلاح وحارب وشاف زملانو بيموتوا قداموا بيكون داير الحرب دي تستمر لدقيقة قدام
أنا بقول ليك الكلام دا عن تجربة حرب وعن تجارب الناس الكانوا معاي في الحرب
أسعد خبر سمعوهو لمن اتمضت مشاكوس مش نيفاشا
دا شعور نما بتعرفه لو ما مارست الحرب فعلياً
ما في أي شيء ممتع وإنك لابس الكاكي ومنتظر موتك بين لحظة والتانية
عشان كدا لو في زول واحد حريص على السلام هم العساكر (بالمناسبة من الطرفين مش بس ناس المعارضة)
عشان كدا هم الأقل صوتاً
وقلت ليك قبل كدا، في البورد دا الناس الحاربت ما بتذكر الكلام إلا مضطرة.
فحكاية إنه الناس دي (بتكلم عن البيقاتلوا) دايرين الحرب تستمر، دا كلام ما واقعي.
وحكاية إنهم بيقاتلوا لأنو فلان وعلان بيحرضوا فيهم
دا كلام ما واقعي، هم ناس بيحبوا الحياة زيهم زي غيرهم دايرين يعيشوا في كرامة وسلام.
القصة بتاعة السودان واضحة وما دايرة تنظير كتير
وهي ماشة على الفرتقة النهائية، لأنه قصة التعايش السلمي مستحيلة
والإتهامات المتبادلة والإحتقانات دي ما أدت أي سبيل للتفاهم
البيتكلم عن الضحايا أهو بيطلع مستفيد
والبتكلم عن التغيير بيكون عميل
والبيفتش عن التوحيد والحوار ويقعد جوة السودان
بينتهي بيه الأمر في المعتقل
والناس في السودان همها أهلها وقبيلتها
وزي ما قلت عن موقف البشير (الأمن بتاعه وبتاع اسرته) هو الأهم من كل الأرواح.
أنا مع الضحايا ديل
زي ما قلت البيفتكرني بتاجر بيهم أو البيفتكرني
صادق في موضوعي، كله ما بيهمني في شيء
بيهمني جداً التذكير بيهم والتنبيه ليهم
عسى ولعل أن يجدوا بعض العدالة والإهتمام والأمل في الحياة.
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: الصادق اسماعيل)
|
طيب يا الصادق .. إتفقنا .. نحن نريد إيقاف الحرب عشان الناس ترجع بيوتها ..
إنت وريني ماهي الأشياء التي تنقص المحاربين وتمنعهم من السلام ؟؟
تنمية؟ إستعلاء؟ عدم مساواة؟؟ شنو بالظبط في القوانين السودانية فيها تمييز لناس دافور أو جنوب كردفان؟؟ هل هناك في جهات السودان الثلاث الأخري تنمية أكتر من دارفور وكردفان؟؟ هل الشمالية فيها تنمية أكتر من دارفور؟هل الشرق فيهو تنمية أكتر من دارفور؟ .. هل ولايات النيل الأبيض والأزرق فيها تنمية أكتر من دارفور؟ .. هل باقي أقاليم السودان فيها جامعات أكتر من دارفور؟؟ فيها مدارس أكتر من دارفور؟؟ هل إمتحانات الشهادة في واسطة للدخول للجامعات ؟؟ هل التعليم العام أو العالي فيهو واسطات .. والتعليم هو مدخل الخدمة العامة ..
شفت ليك قبيلة من أي من جهات السودان جيشت الجيوش وبقت مهووسة بغزو أهل السودان في بؤرة تجمعهم - الخرطوم - غير قبائل الغرب؟ شفت الشايقية أو الدناقلة جيشوا الجيوش لغزو الخرطوم؟ شفت قبائل كنانة أو الحسانية أو العركيين جيشوا الجيوش لغزو الخرطوم؟ شفت بطاحين أو بني عامر أو هدندوة جيشوا جيوش لغزو الخرطوم ؟؟.. شفت واحد فيهم هتف بالغلط وقال كل القوة الخرطوم جوة؟؟ ..
وريني بس المشكلة شنو؟؟ مشكلة تنمية؟ مشكلة إجتماعية - عدم مصاهرة عاوزنها بالقوة؟ .. - مشكلة ملامح وشبه - نظرية السودان الجديد - ؟؟
شعوب السودان - شرق وشمال وجنوب ووسط - عاوزين يعرفوا عقدة الغرب ده شنو؟؟
تعرف نظرية المغناطيس وبرادة الحديد؟؟ تتذكر زمان نكب برادة حديد فوق ورقة ونقوم نحرك المغناطيس تحت الورقة؟؟ مش البرادة كانت تشرئب وتتوجه نحو المغنطيس وتتابعه محل ما نحركه تحت الورقة؟؟ أها ذلك مثل الجيش السوداني - برادة الحديد - ضد تحرك القوي التي تهاجمه - المغناطيس - ..
تقول أن مناطقنا لا تتعرض للحرب - حقد في غير محله -.. نعم وذلك لأن باقي شعوب السودان ليست دموية همها كله تجييش الجيوش لغزو العاصمة .. ناس المناصير وكجبار رغم أن إحتجاجاتهم كانت سلمية قابلتهم السلطة بكل عنف .. ما بالك بقبائل جهوية تحارب الدولة وتسعي لهزيمة الجيش القومي وتسريحه؟؟ إذا إنت ما راضي بجيش قومي يضم كل قبائل وجهات السودان فكيف تظن أن قبائل وجهات السودان سترضي بجيشك الجهوي القبلي؟ والله دي خفة عقل ما بعدها خفة ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Mohamed Yassin Khalifa)
|
Quote: طيب يا الصادق .. إتفقنا .. نحن نريد إيقاف الحرب عشان الناس ترجع بيوتها ..
إنت وريني ماهي الأشياء التي تنقص المحاربين وتمنعهم من السلام ؟؟
تنمية؟ إستعلاء؟ عدم مساواة؟؟ شنو بالظبط في القوانين السودانية فيها تمييز لناس دافور أو جنوب كردفان؟؟ هل هناك في جهات السودان الثلاث الأخري تنمية أكتر من دارفور وكردفان؟؟
هل الشمالية فيها تنمية أكتر من دارفور؟هل الشرق فيهو تنمية أكتر من دارفور؟ .. هل ولايات النيل الأبيض والأزرق فيها تنمية أكتر من دارفور؟ .. هل باقي أقاليم السودان فيها جامعات أكتر من دارفور؟؟
فيها مدارس أكتر من دارفور؟؟ هل إمتحانات الشهادة في واسطة للدخول للجامعات ؟؟ هل التعليم العام أو العالي فيهو واسطات .. والتعليم هو مدخل الخدمة العامة ..
شفت ليك قبيلة من أي من جهات السودان جيشت الجيوش وبقت مهووسة بغزو أهل السودان في بؤرة تجمعهم - الخرطوم - غير قبائل الغرب؟
شفت الشايقية أو الدناقلة جيشوا الجيوش لغزو الخرطوم؟ شفت قبائل كنانة أو الحسانية أو العركيين جيشوا الجيوش لغزو الخرطوم؟ شفت بطاحين أو بني عامر أو هدندوة جيشوا جيوش لغزو الخرطوم ؟؟.
. شفت واحد فيهم هتف بالغلط وقال كل القوة الخرطوم جوة؟؟ ..
وريني بس المشكلة شنو؟؟ مشكلة تنمية؟ مشكلة إجتماعية - عدم مصاهرة عاوزنها بالقوة؟ .. - مشكلة ملامح وشبه - نظرية السودان الجديد - ؟؟
شعوب السودان - شرق وشمال وجنوب ووسط - عاوزين يعرفوا عقدة الغرب ده شنو؟؟
تعرف نظرية المغناطيس وبرادة الحديد؟؟ تتذكر زمان نكب برادة حديد فوق ورقة ونقوم نحرك المغناطيس تحت الورقة؟؟ مش البرادة كانت تشرئب وتتوجه نحو المغنطيس وتتابعه محل ما نحركه تحت الورقة؟؟
أها ذلك مثل الجيش السوداني - برادة الحديد - ضد تحرك القوي التي تهاجمه - المغناطيس - ..
تقول أن مناطقنا لا تتعرض للحرب - حقد في غير محله -.. نعم وذلك لأن باقي شعوب السودان ليست دموية همها كله تجييش الجيوش لغزو العاصمة .. ناس المناصير وكجبار رغم أن إحتجاجاتهم كانت سلمية قابلتهم السلطة بكل عنف
.. ما بالك بقبائل جهوية تحارب الدولة وتسعي لهزيمة الجيش القومي وتسريحه؟؟
إذا إنت ما راضي بجيش قومي يضم كل قبائل وجهات السودان فكيف تظن أن قبائل وجهات السودان سترضي بجيشك الجهوي القبلي؟ والله دي خفة عقل ما بعدها خفة ..
|
اوووووووووووووووووووووووووووووووه
منير
هسع نبدا ليك من وين ولا من وين
طيب بسم الله
نمسك أول تلاتة كلمات
بتاعة تنمية واستعلاء وعدم مساواة
دا كله موجود
ونبدأ ليك الكلام
الحكومات والنخب الحكمت السودان مارست الإستعلاء مارست عدم المساواة
ومارست مركزيتها العميقة جداً، الأدت في النهاية لأنه أبناء الوطن يحسوا إنهم ما جزء منه.
التنمية ما كانت موجودة وبشكل مخزي
أنا القدامك دا مشيت لأول محل بيبعد عن خزان الرصيرص دا حوالي العشرة كيلو
ما فيه كهرباء، لاحظ دي المحلة البينتج فيها الكهرباء
لمن دخلنا قرورة في شرق السودان لقينا آخر مبنى ومدرسة بنوها الإنجليز
التنمية ما كانت متوازنة (وممكن ترجع للميزنايات بتاعة السودان)
استعلاء عرقي في السودان وتنميط وبصورة رسمية
الجيش السوداني ما بعين في الإستخبارات ضابط جنوبي ولا نوباوي ولا غرباوي.
التمييز البيتم ضد النوبة وناس النيل الأزرق على مستوى الخدمات في ولاياتهم ذاتا مشكلة
نميري عمل ليه قانون لغى بيه مهن (محطة لقدر الإنسان)
المآسي كتيرة
وسياسات الدولة السودانية كانت ضد الكتير من شعوب السودان.
لكن دا أصله ما موضوعي هسع معاك؟
قصة إنه في ناس دمويين دي جبتها من وين؟
يعني الغرابة دموييين والباقيين ما دموييين
والمشكلة شنو لو الناس قالوا كل القوة الخرطوم جوة
ما ياهوندا نميري شال سلاحه واستلم الخرطوم سمعنا لينا زول قال دا دموي
عمر البشير والجبهة الإسلامية شالوا سلاحهم واستلموا الخرطوم؟
في زول قال عليهم دمويين
البيمنع خليل الكان مجاهد وبيحارب في الجنوب إنه يعمل زي العمله عمر البشير شنو؟
مش دي نظرية المشروع الحضاري
شيل سلاحك استلم السلطة
طبق أفكارك
البيمنع شنو مني برضه يشيل سلاحه يجي الخرطوم يستلم القصر
وبعد داك يطبق أفكاره؟
البشير استلم السلطة
وجاب ناسو
المشكلة شنو
عبد الواحد يجي يستلم السلطة ويجيب ناسه ويحكم.
وبتين الخرطوم دي بقت بتاعة كل الناس
ما بتخجل يا منير
ما ياهو إنت كبير وعاقل وشفتا بعينك وفات أضانك
لمن كانوا بيكشوا الناس من الخرطوم
كانوا بيسألوهم من بطاقات، وحاتك الزمن داك رئيس الجمهورية ما عندو بطاقة
بيكشوهم بي شكلهم
جارنا في شمبات، على ود الزينفعالو
قبضوهو في الكشة وودوه القضارف من شكله
وهو مولود ومتربي في شمبات
البوليس البيكش الناس دا
كان البوليس القومي برضه.
نجي للجيش القومي
حليلنا وحليل القومية
وينو الجيش القومي (ونظرية المغنطيس)
الجيش القومي الكان بينفذ سياسة عبود للتعريب والأسلمة القهرية
ولا الجيش بتاع نميري الإخترع مصطلح (التفسيح) البيقوموا بيه ناس الإستخبارات
وبيقكتلوا على الإشتباه أي (عبد)
ولا جيش الإنقاذ البيأجر في مرتزقة وبيسجن الناس لو قالوا ديل مرتزقة
ما ياهوندا قدامك
ابراهيم الشيخ لمن قال ليهم دا ما جيش
الجيش المشى فتح فيهو بلاغ
أمشي يوتيوب وشوف الناس الكانوا لابسين رتب عسكرية
وبيجاهدوا في شعبهم.
مرة تانية وتالتة ورابعة
بقول ليك لمن تشعر بي ظلم
من حقك ترد عليه بالدايروا
الشمالية والمناصير ما شالوا سلاح
لكن بكرة دي ممكن يشيلوا سلاح
الجيش السوداني بيسمي إنقلاب حسن حسين الحركة العنصرية
دي أدبيات الجيش السوداني
الجيش السوداني الكان جزء من الأسباب الأدت للتحرك العسكري في توريت المعروف بتمرد (توريت)
الحصة قصة، عشان كدا النحكي ليك شوية،
ناس الأزهري كانوا مستعجلين للحكم عشان كدا دايرين الإحتفال يكون تمام
طبعاً قبلها عارف قصة إنهم اتفقوا مع النواب الجنوبيين في موضوع الفدرالية
أها وحاتكم طلعت كضبة.
لكن دي ما قصتنا
القصة إنهم قالوا يجيبوا وحدات من كل الجيش السودانية عشان تمشي في طابور العرض بتاع الإستقلال
من ضمنها كتيبة من توريت
الإشاعة طلعت إنه الجيش حيجي ويحتل الجنوب ويستعمر أهله ويحل محل الإنجليز
والكلام دا كانم بعد موضوع سودنة الوظائف
الشالوها الشماليين كلها
وختو جنوبيين اتنين في رتبة مساعد مفتش
المهم في النهاية التململ حصل
ناس الجيش قالوا حيرحلوا الجيش الجنوبي شاء أم أبى
والسبب غريب جداً
(الحفاظ على كرامة وهيبة الجيش)
وأرجع اقرأ تقرير الأحداث بتاعة توريت (التقرير القضائي)
أخطاء الحكومات والنخب الحكمت السودان ممكن نكتب عنها مجلدات
وهسع تعال قول لي
شنو المشكلة لو عمر البشير قبل بالكلام الفي نداء الوطن دا
عمر البشير دا مش جا بسلاح
وجا بإنقلاب عسكري
العملوا عمر البشير دا بيسميه الجيش السوداني القومي
بسميه تمرد
الجيشالسوداني المفروض يحمي الدستور
ليه ما حمى لينا الدستور من الجبهة وعمر البشير
عشان كنا نقيف ونديه التحية ونقول دا فعلاً جيش قومي
مش جيش بيخضع لزول واحد ولحزب واحد
مش دا الحصل ولا أنا غلطلن
أها بعد دا لو في زول جا وقال دي عنصرية منكم
لأنه لمن البشير الجعلي استولى على السلطة بالقوة
جيتو وفرحتوا وأيدتو (طبعاً مش إنت شخصياً)
لكن التمرد تمرد
وشيل السلاح هو شيل السلاح
ولو عمر البشير ضابط
قرنق كان ضابط برضه
عمر البشير خالف قانون القوات المسلحة
وبرضه قرنق
يا خي الناس الحاولوا يعملوا نفس العملوا عمر البشير
مش كتلوهم والدنيا قبايل عيد
مالكم كيف تحكمون.
أها أنا شايف إننا كلنا نمشي ونحتكم للشعب دا
عمر البشير يتنازل من الحكم
والمعارضة تخت السلاح
وتتكون فترة انتقالية بحكومة مختارة من كل الناس سميها قومية
ويتعقد مؤتمر دستوري
والناس تختار بعد داك البيحكمها
الكلام دا فيه مشكلة.
أوريك مشكلته الوحيدة
إنه المترد الأول القدر سيطر على الموارد والثروات والسلطة
في البلد ما داير يفكها
ويتقاسمها مع الإتمردوا بعده.
المقياس الأخلاقي مهم برضه يا عزيزنا منير
العمله عمر البشير دي تسميته
هو (أمر واقع أو دي فاكتو) أنا معاك
لكن اسمه تمرد.
أنا في المنبر دا لمن دافعت عن شرعية مرسي
لأنه دا المبدأ وما بيتجزأ
عشان كدا الإتساق بيقول
إنه حكم الإنقلاب العسكري
هو جريمة يعاقب عليها القانون
وممكن يصل للإعدام
فلو دايرين نحاكم المتمردين والحركات المسلحة
نشيل مسطرتنا دي
ونضم ليها برضه الحركة المسلحة القامت بيها وخططتها واستعملت فيها
السلاح بتاع الجيش السوداني والسمت نفسها بعد داك
ثورة الإنقاذ الوطني.
ومعذرة يا منير
طولت في الكلام لكن أنا قلت ليك قبل كدا
بفرح لمناقشة الناس الزيك
وبختبر بيهم أفكاري وما في شيء في الكلام دا شخصي
وأنا ود شمبات عشت واتربيت فيها فارقني منك الخور
وأنا ما بحسب الحاجات بالجهوية
ولو فضل زول واحد في السودان دا بيحارب العنصرية أنا حأكون معاه
لكني جربت وختيت نفسي في (حذاء) الناس البتقاتل دي
وعشت معاهم وعرفت وفهمت ووقع لي صاح
وكلامي الفوق دا أنا بقوله لي 27 سنة بالتمام والكمال
دا واقع السودانية
عنصرية استعلاء تهميش ظلم عدم عدالة
نحتاج نقيف ونتعامل مع الموضوع بشافيفة
ونحل مشاكلنا كسودانيين
غير كدا نشيل الفاتحة على البلد
ونرجعها زي ما كانت زمان، كل ناس يحكموا نفسهم ويحلوا مشاكلهم براهم
يتقاتلوا يعملوا ديمقراطية ما في زول عنده شغلة بالزول التاني
لو استدعى الموضوع كل قبيلة دايرة تعمل دولة التعملها أنا أؤيد وبشدة
دايرين يتعايشوا مع بعض
يقعدوا في واطة الله دي
ويتفقوا على الطريقة البيحكموا بيها
من غير تغول على زول ولا ظلم
والتاريخ بوريك أمثلته
أهو حرب الجنوب انتهت بأبسط طريقة الناس صوتوا وعملوا دولتهم
طيب اللفة الطويلة كانت فوق أم كم
ما ياهو يا الناس تعيش بعقد اجتماعي بينه وواضح ويحفظ حق كل طرف
يا كمان خوة فرتك ويا دار ما دخلك شر ولا حرب
مش دا ابسط حق من حقوق الإنسان تقرير مصيره.
وسلام يا حبيب
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: الصادق اسماعيل)
|
Quote: نحن بنقول ليك المحكمة الجنائية الدولية دي فاشلة لأن<ها إنتقائية ومحسوبية ولا تسري على الكل ودا سبب عدم تأييدنا لها
|
كمال ومنير
ليه الناس ما تتمسك بوجود محكمة زى دى ونحاكم من نستطيع محاكمته ونسعى فى محاكمة من لم نستطع محاكمته اليوم لمحاكمته غدا !
حقو الناس تأمن على مبدأ وجود المحكمة لانو المتفلت منها اليوم ما حيفلت منها بكرة .. حتى فى ورقة الامتحان الفيها مثلا 20 سؤال بتلقى ليك سؤالين صعبين وفى النهاية بتلقى نفسك ناجح فى الامتحان !
القادرين نحاكمهم والمقادرين نحاكمهم جرائمهم واحدة ونحن المتضررين منها كشعوب .. هل انتوا جزء من المجرمين ديل عشان تقولوا اذا فلان ما اتحاكم نحن نرفض محاكمة علان ؟ !
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: خالد حاكم)
|
يا حاكم نحن مع مبدئية العدالة وليس هناك عاقل يرفض العدالة المنصفة
ونتمنى أن تكون العدالة مقصودة في ذاتها لا إداة استعمار غربي مصوبة على دول إفريقيا
نتمنى أن يكون هناك دعم للمؤسسات العدلية الوطنية وأن تعمل هذه المؤسسات العدلية لتقديم المتهمين للقضاء بشفافية ونزاهة ولا غبار أن تكون مشهودة محلياً وإقليميا ودوليا
لكن لسنا مع المحكمة الجنائية الدولية بصورتها ه>هلأن<ها تستخدم كأداة طغيان وصلف استعماري ضد إفريقيا تحت مسمى العدالة
جرائم الحرب كما أسلفنا ليست في إفريقيا لوحدها
عشان نوضح ليك الفكرة أكتر
فكرة بناء منزل فكرة جيدة لكن إن بنى أحدهم منزلاً بارتفاع متر ونصف له أبواب بارتفاع نصف متر فنحن نقول أن هذاا البيت غير ملائم للسكن ولكن فكرة بناء منزل جيدة
المحكمة الجنائية الدولية بناء فاشل لأنها لا تحقق العدالة لكل الناس على حد سواء
فإدذا كان هناك خيار وفقوس في تحقيق العدال فهذه عدالة عرجاء وبناء خرب
قلنا نحن مع إلغاء هذه المحكمة الجنائية واستبدالها بمثاق عدلي يلزم الجميع دون استثناء على التحاكم وفق قوانينه دون ابتزاز سياسي أو إقتصادي أو لوبيات
عندها لن يكون هناك مانع عقلي في قبول مثل هذه المؤسسة
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Frankly)
|
Quote:
الاتحاد الأفريقي: مواقفنا المناهضة للجنائية ثابتة
الأربعاء, 24 ديسمبر 2014 17:44 التحديث الأخير ( الأربعاء, 24 ديسمبر 2014 17:57 )
يوسف قد قدَّم شرحاً للمسؤول الأفريقي عن تطورات الأوضاع بالبلاد
أعلن الاتحاد الأفريقي أن مواقفه المناهضة للمحكمة الجنائية لا تزال قائمة، وأن قرار القادة الأفارقة بدعم السودان لا يزال قائماً. وشدد على أن القرارات والتحركات التي تقوم بها المدعي العام للمحكمة لا تعني الاتحاد الأفريقي بشيء.
وقلل المدير المناوب للإدارة السياسية بمفوضية الاتحاد الأفريقي أمباري أليكس من تحركات الجنائية في الآونة الأخيرة. وقال إنها لا تعني الاتحاد أو السودان لجهة أن قرار الاتحاد الأفريقي جماعي صادر من قمة الرؤساء، وأنه حدد فيه موقفاً داعماً للسودان ولا يزال قائماً.
وقال أليكس لدى استقباله، يوم الأربعاء، بمقر الاتحاد الأفريقي بأديس أبابا وزير الدولة بالإعلام ياسر يوسف، إن قضية الجنائية مسألة تجاوزها الأفارقة بوضوح لا لبس فيه.
وأكد في الوقت نفسه أن دعم السودان في مواجهة المحكمة دعم للسلام والاستقرار بالقارة وتطوير للمواقف الأفريقية القائمة علي حل الإشكالات داخل القارة بواسطة أبنائها.
وعدد أليكس جهود الاتحاد الأفريقي في مجالات تحسين أوضاع حقوق الإنسان ومحاصرة بؤر النزاعات، وتحسين فرص السلام والحكم الرشيد.
وكان وزير الدولة بالإعلام قد قدَّم شرحاً للمسؤول الأفريقي عن تطورات الأوضاع بالبلاد، ومواقف الحكومة من مفاوضات السلام حول دارفور والنيل الأزرق وجنوب كردفان إلى جانب قضايا الحوار الوطني والانتخابات.
شبكة الشروق + وكالات
|
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Frankly)
|
ياالصادق الجوطة الكتبتها دي كلها عبارة عن لبن مخلوط بي سمك ومعاهو تمرهندي ..
يعني النخب مارست إستعلاء كيف؟ ده كلام أي كلام ما عنده أي معني - النخب مارست إستعلاء قال -
قال التنمية ما كانت موجودة بشكل مخزي!! .. في زول يا ناس فاهم حاجة؟؟
قلت لي قرورة - يعني لازم تحشر قرورة دي عشان تثبت إنك محارب؟؟ بالمناسبة هل في دخولك قرورة دي قتلت أي جندي من الجيش السوداني؟؟ هل قتلت جندي سوداني؟؟ -
عاوز تضرب لي مثل بقرورة؟ ياخي أمشي أبودليق القريبة دي.. الناس بعد الأكل بتلحس اصابعها لعدم وفرة الماء والتهميش .. ياتو إقليم في السودان حصلت فيهو تنمية ؟.. أهلنا في الشمال عمرهم كله ما بيعرفوا شئ من الحكومة أو أشياء بتجيهم من برّة غير السكر والشاي .. تقول دخلنا قرورة؟؟ ..
قلت لي نميري عمل قانون لغي بيهو مهن محطة من قدر الإنسان؟؟ ماهي هذه المهن؟؟ أذكر لي 3 منها ..
حكاية الدموية دي ما دايرة ليها دليل .. عندك أخبار المنبر الإنت فيهو ده ..كل يوم بنسمع عن نزاع دموي يموتوا فيهو المئات في بضع أيام ..
الدهب ده طلع في نهر النيل جو الناس العميان شايل المكسر من كل السودان يلقطوا رزقهم في سلام وأمان .. قارن بالدهب في جبل عامر حيث النار ولّعت وبين ليلة وضحاها قامت حرب قبلية ماتوا فيها المئات ..
ثم كلامي كان عن تجييش القبائل لحرب الجيش .. وقلت ليك عاين القِبل الأربعة دي شوف في قبيلة بتحارب في الجيش السوداني؟؟ .. فالقبيلة التي تحارب الجيش السوداني معناها بتحارب كل السودان .. وعشان كده جبت ليك المثل بتاع المغنطيس وبرادة الحديد - إن شاء يكون وقع ليك -
قلت لي كل القوة الخرطوم جوة دي ما فوكا حاجة؟؟ هههه .. ده إسمه إستعداء وغزو جهوي قبلي للخرطوم لن يرضاهو إلا زول منتمي عرقياَ وجهوياً للغزاة ..
ما تخلط ده بالإنقلابات العسكرية .. هناك فرق كبير بين الإنقلابات العسكرية والغزو العنصري الجهوي ..
البشير عمل إنقلاب جاب ناسه منو؟؟ .. دي حكومة جبهة إسلامية كان الغرابة عمودها الفقري قبلما يحولوها لعنصرية .. والحكومة الديمقراطية كانت حزب أمة - غرابة بإمتياز - وده كله لا يشبه تجييش الجيوش القبلية لقهر باقي أهل السودان المسالمين والتسلط عليهم بالقوة .. إنت آزول بصحك؟؟ .. أي تكتلات عسكرية جهوية حتي لو من داخل الجيش تعتبر عنصرية .. هسه إنت حاربت وقتلت بضغينة الحرب علي الجبهة الإسلامية أم الحرب علي ناس البشير الجعليين - مثلاً -
قلت ليك إنقلاب عمر البشير هو إنقلاب أيدلوجي - جبهة اسلامية - لا يشبه قرنق .. قرنق حركة جهوية عنصرية أيدلوجية .. يعني ضد السودان القديم الأصلي الذي تكون بالتاريخ منذ مئات السنين .. قرنق ضدالشمال والعروبة والإسلام .. ولذلك كانت النتيجة الحتمية هي الإنفصال .. كمان عاوز يلغي عروبة وإسلام السودان بالقوة المسلحة - بالدعم الخارجي -؟؟ المشكلة إنو ما عنده بديل - ولذلك كل الجوطة بتاعة الحركة الشعبية دقت الدلجة في الجنوب - ما عندهم بديل وما عندهم أساس يبنوا عليهو .. حاولوا يهدموا أساسنا المبني منذ مئات السنين ،، وطبعاً الأساس متين ففي الآخر قنعوا من الغنيمة بالإنفصال .. وهسه القوي الجهوية الجديدة ستمضي في نفس المسار .. نفس دعاوي الجنوبيين يعاد إنتاجها - تنمية، استعلاء، عروبة، شمال ، إلخ .. - وإذا استمر الشد في هذا الإتجاه فسيحدث نفس سيناريو الجنوب - إنفصال - وأظنك لاحظت إنو عرمان في آخر مفاوضات أديس تطرق للحكم الذاتي .. أها كده قول رمي بذرة الإنفصال .. داير يدخل الناس الماسورة ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
الأخ Dahab Telbo .. شكراً علي المشاركة ..
زي ما قلنا ياخ .. هل هناك عاقل يرفض الحساب والعدالة ؟؟؟..
بس برضو زي ما قلنا عدالة الأسد والثعلب ما بتلزمنا .. فهي تأجج الفتنة .. ومذكرة أوكامبو بالذات كان الغرض منها تأجيج الفتنة والصراع .. وزي ما قلنا العدالة الإنتقائية ليست عدالة .. والدليل أن أكبر دولة تسعي لتطبيقها في السودان هي أمريكا التي هي لي رقبتها ليست معترفة بيها ، و لن تسمح بملاحقة مواطنيها بالآي سي سي ..
أعتقد أني لا أحتاج أن أسهب في هذا الشئ البديهي .. فالجميع عارفين البئر وغطاءها ..
| |
|
|
|
|
|
|
|
|
|
Re: مسعولين من الخير - أوكامبو أخباره شنو؟؟ الكمدة بالرمدة ؟؟!!.. (Re: Munir)
|
Quote:
ديسالين يؤيد انسحاب الدول الأفريقية من الجنائية
الخميس, 25 ديسمبر 2014 16:31 التحديث الأخير ( الخميس, 25 ديسمبر 2014 16:32 )
ديسالين: الدول الأعضاء في مجلس الأمن الدولي ليست أعضاء في الجنائية
ديسالين: الدول الأعضاء في مجلس الأمن الدولي ليست أعضاء في الجنائية
قال رئيس الوزراء الأثيوبي هايلي ماريام ديسالين يوم الخميس إن بلاده تؤيد انسحاب كل الدول الأفريقية من المحكمة الجنائية، معبراً عن سعادته لأن بلاده لم توقع على ميثاق روما الأساسي الذي قامت بموجبه المحكمة المعنية.
وأبلغ ديسالين وفد سوداني رسمي يزور العاصمة الأثيوبية أديس أبابا بقيادة وزير الدولة في وزارة الإعلام ياسر يوسف إن المحكمة ليست مكاناً للعدالة وإنه يؤيد "تأييداً مطلقاً" انسحاب دول الاتحاد الأفريقي الأعضاء من هذه المحكمة.
وأضاف "الدول الأعضاء في مجلس الأمن الدولي ليست أعضاء في هذه المحكمة ومع ذلك فإنها تسعى لكي تنفذ لها هذه الآلية ماتراه من مواقف تجاه الآخرين".
وقال ديسالين إن بلاده ليست عضواً ولن تصبح عضواً في المحكمة لأنها أي المحكمة ليست في الأساس مكاناً للعدالة ولا مكاناً للتقاضي والعدل.
وشدد بأن على الإعلام السوداني دور مهم في التقريب بصورة أكبر بين شعبي السودان وأثيوبيا وتوضيح الرؤى المشتركة لقيادات البلدين.
ورأى ديسالين أن الغرب يحاول أن يعيق بصورة أو أخرى مشروعات التنمية في السودان والتطورات السياسية الجارية.
وجدد تأييد بلاده لمبادرة الحوار الوطني التي أعلن عنها الرئيس عمر البشير، وقال إن بلاده سعت وتسعى لشرح هذا التطور الإيجابي في السودان وقد وجدت قبولاً لدى بعض الدوائر وما زالت جهودها مستمرة في هذا الخصوص.
شبكة الشروق + وكالات
|
| |
|
|
|
|
|
|
| |
Munir
Frankly
خالد حاكم
الصادق اسماعيل
حيدر حسن ميرغني
Mohamed Suleiman
Omer Abdalla Omer
Mohamed Yassin Khalifa
وضاحة
عماد حسين
Dahab Telbo
فيس بوك
تويتر
انستقرام
يوتيوب
بنتيريست