بعد الّذي جرّته أيّام العذاب و توشّح القلب المولّه بالسراب وهو الّذي يلقي الصباح علي أمل و يبثه من وجده شوق الكنار وينضّد النغم المورّد للنهار حتّي مع الّليل المخيّم بالظلام يهب الحياة غناؤه... يهب الفنون.
لما سلخ الله سبحانه وتعالى الليل من النهار وجعل آية النهار مبصراً ، فهِم الشعراء ضمن فهمهم لأصل الإباحة بأن لهم مطلق الحرية فى نزع لبوس الليل وإستجلاء أسراره فاضمحلّت رسومهم وانطلقت أفكارهم وعلومهم لملاحظة أسراره ، وتبصيرنا بما فيه لنرى من خلالهم نهار العاشقين فبددوا لنا ظلماته بما يبثونه لنا من معانٍ لطيفة و أمل وفنون وغناء حلّقنا بها إلى حضرة الجمال ... جمال المعانى والصفات ومعرفةً لأسرار الحياة وكل على هواه ، لله درّك أستاذنا الدكتور حسن عباس صبحى بكل معنىً شفيف بثه لنا ، عقلناه أم لم نعقله ، فقد أبدع وأجاد رحمه الله رحمة واسعة وجعل البركة فى ذريته.
Quote:
لانو النصيحة عندها برة زى ...........
شيقا حسِّن إستعاراتك .
Quote: اجماعة انا مضرب لاني ما "عايش التعداد السكاني هذه الايام " وقالو ما حيعدوني ولا سامية ولا بناتي وولدي والعرريب ما حيعدوهو
تعرف حرمونا من التصويت فى الدوائر الجغرافية وإنتخابات الولاة ، رغم إنو فى إستمارتهم الأمنية فى المطارات مطلوب منك توضيح عنوانك وتيلفوناتك المحلية وتفاصيل السكن ، وحتى فى الجواز لا بد من عنوان محلى إذ بدونه لا يتم إستخراج الجواز الغير معترف به إلا وقت الجباية.
Quote: هم أرواحنا
إنا هنا نرنوا إلى الديار في خشوع ونحضن العهود في الحنايا في الضلوع إلى اللقاء يا بلادنا إلى اللقاء يا رفاقنا إلى اللقاء في مواكب الربيع عند الربي الخضراء في وادي الربوع
حمامة السلام شكراً لهذه الأبيات التى أهاجتنا ونحن نستشرف زيارة الوطن فهى نِعم الزاد . وقد ذكّرنى ذلك حكاية أصيل الهذلى مع رسول الله صلى الله عليه وسلّم حين قدم عليه من مكة وهو بالمدينة ....
سأله رسول الله صلى الله عليه وسلّم وقال له : ( يا أصيل ، كيف تركت مكة ؟ ) .
قال : يا رسول الله ، تركتها قد ابيضّت بطحاؤها ، واخضّرت مسلاتها ( شعابها ) ، وأمشر سلمها ( أثمر ) ، وأحجن ( انعقف ) ثمامها ، و أغدق أخضرها ( اجتمع أصول الشجر ) .
فقال له رسول الله صلّى الله عليه وسلّم : يا أصيل دع القلوب تقرّ ، لا تُشوِّقها إلى مكة .
ولا نزيد على ما عناه رسولنا الكريم فرفقاً بنا .
فيسل هليل :
والله قوّمت نفسنا ونحن نتابع النظارات واحد وإثنين وثلاثة زى قيام جلوس بتاعة القمر بوبا والحمد لله الثالثة جات سليمة ما مصرِّجة.
أيمن : ورينا مكان الردمية إمكن إكون عندنا ليك مساعدة صديق .
04-28-2008, 02:48 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
Quote: تعرف حرمونا من التصويت فى الدوائر الجغرافية وإنتخابات الولاة ، رغم إنو فى إستمارتهم الأمنية فى المطارات مطلوب منك توضيح عنوانك وتيلفوناتك المحلية وتفاصيل السكن ، وحتى فى الجواز لا بد من عنوان محلى إذ بدونه لا يتم إستخراج الجواز الغير معترف به إلا وقت الجباية.
وفي مقترح لحظر السمايات
04-28-2008, 10:14 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
Quote: أشارة شنو يا زول أقيف نحن نلملم في الناس .. ( والله انتو ناس بري الحفلة في الحمام تفرتقوها يعني لو الزووول بغني يطرب في نفسو علي نغمات الدش )
حفلة شنو يا حليو الحفلة فرتقت براها قبل ما يجو ناس برى زاتو وإنت شكلك ما جايب خبر وشايف الأيام دى حوامتك كترت بالحلة!! أمبارح جونا ناس النظام العام والأمر بالمعروف والنهى عن البتاع,,,, وبوبا كان قايل ديل ناس الخدمة الإلزامية وعمل طابور صباح أصلى,,, س!!!!!مح جا سمعّ الحافظو كلو وشتات درب واحد خالى ملفات!!! سلمى صبحى وقفت الرقص وحصص الموسيقى وإحتجبت وفعلت كل معايير السلامة كالعادة وض!!!!!!!!ح عمل ميت وجا فكا ليه طوبتين وقام صوف قال عندو بزنس مستعجل, , محيوأبو الضيق قال ماشى سعد قشرة عندو Photograpy عن التوب السودانى فيصل جا وأدانا آخرو عدييييييل كده. ... شيقا من بعيد شاف البوكس ودق الياى ومشى يكوس الرزق, ,, ابوبكر قال بجى يساعدنا فى الردميات لكن شلكها زى عزومة المراكبية, ,,
يعنى الحفلة ما قامت اصلا والفنانين شرونا,,,
04-29-2008, 08:10 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
ماعنك مشكلة ، خاصة الواحد بفكر إنو يبقى سمسارى خمس نجوم ويستفيد من علاقتو بالمنظمات ، اها قولى لى الشقق وين ، والكومشن كم والمقدمات والمواصفات ..... لقيتينى جادى مش .... لزوم أكل العيش وكده . إيمن ده خليهو بطير الزبائن ... لكن حقو بجيهو فى محلوا
_________________________________________________
أبوبكر الرطانى
سعد قشرة ده فيهو ارقى الثياب والملبوسات النسائية ، لكن اسعاره ناااااااار ،،، شكلك الله بريدك ما دخلتك ليهو الولية ، الغريبة نسوان المغتربين بيجن يشترن منو
بعدين فيصولى دا فى عيونا ما بتوصينا عليه (لووووول دى بس خوفة من الرشة بشيقا)
وتسلم القصيدة من أجمل ما يكون
أتارى الصبوحة ما جايباه من بعيد
شيقا:
Quote: لا يا منسي ما تتخدع الشغلانية وحياتك في غرفة الانعاش وايمونى الفقر حيحرمها من الاوكسجين للتعجيل بوفاتها ومن ثم ايلولة كل التركة العاطفية والرومانسية وال ........... لايموني
يازول أيمن دا زاته ولدنا انت قايل أولاد برى ديل شنو حركاتهم مننا وفينا ههههههههههههه
بعدين فى زمتك الحاجات القلتها دى بلقوها عند أشتر؟؟؟؟؟؟؟؟؟؟؟
Quote: ده الشغل ود الناظر الخطيييييييييييييير
هيييييييييييييع
محيو:
Quote: وفى واحدين بكونوا تقلوا امس
تقلوا دى زاتا خشم بيوت لكن للضمان كدا عرفنـــــــــ ـــــــــــــاهم
Quote: وأنا هادى دربى مارق بكاميرتى وعدتى فى درب العيشة ، ماشى سعد قشرة لتصوير فيتشر عن الثوب السودانى للتلفزيون المصرى
يا راجل اختشى قلت لى شنو ,, غايتو كاميرا فى شم النسيم دى عرفناها لكن التوب والتلفزيون المصرى دى واسعة حتتتتتتتتتتتتتة
صبوحة:
Quote: سلمى صبحى وقفت الرقص وحصص الموسيقى وإحتجبت وفعلت كل معايير السلامة كالعادة
المرّة دى الفكي ما تحت القبة الفكى قاعد فوووووووووق فى راس القبة المرة الجاية لما تجى أرفع راسك فووووووق تلقا الفكى قاعد يضحك فى الدباس الزيك ديل والحق يقال أنت والله حاشاهو الدباس منك إنت والله (ميويه) والميوية عشان ما تتعب كتير لأنه مصادرك تعبانة لا يمكن ان نعتمد عليها خاصة بعد فضيحة ملاح الويكاب يا ويكاى يا حليو طائر له مشية مضحكة ويسميه أهل سنار وناس النيل الأزرق (مرمى الله) ومشيهو أشتر من رقيصو!!!
Quote: يازول أيمن دا زاته ولدنا انت قايل أولاد برى ديل شنو حركاتهم مننا وفين ههههههههههههه بعدين فى زمتك الحاجات القلتها دى بلقوها عند أشتر؟؟؟؟؟؟؟؟؟؟؟
دى خليتا لى شيقا وكان ما جلدك بيها بجيك راجع تاااااانى
Quote: كنت عاوزة أقول ليك الكاتكاو لكن مدام دخل شيقا فى الموضوع الكلام بجيب الهوا عشان كدا معليش أسمح لى أتحفظ
الواحد لو قال غلبنى ولا ما عارف ما على أستاذ المادة إلا أن يقوم بإفهامه بس هو يعترف بعدم المعرفة والكلام دا اكثر من طبيعى ما خلق الله دى كلها بتناضل تتعلم!!!!!!بس إنت قول ورونى حاتوفر علي نفسك كتير يا (رهو)
Quote: بعدين قلت أيمن عرف كيق؟؟؟؟؟؟؟؟ لوووووووووول انت ما عارفه زى شايت ضفارى ساى الليه والما ليه معلق فيه
شوف يا الخزين....هنا مطلوب منك إنك تحدد!!!!! أعمل ليك شنو وبما إنو شايفك فرحان الليلة وقايم فينا سدارى شكلك كده قابض حقو تدفع !!!بوبا قال القصة بقى فيها إبتزاز لكن إبتزاز الأخوان ما فيهو حاجة,,,والكومر دا كان جاك ولا بعرفك ولا سمعت بيك وخلى الرطانه كلهم يجو يحلوك شكلو الحر قام بيكم يا ناس الخرطوم,,,,وشيق ومنسى ديل اسألينى أنا منهم Sing out 1000 وأول ناس حا يستعملو نصائح ضابط السلامة وEvacuation Till Death يعنى عجاج كرعينم ما بتشوفو(سلوقى بس )بتعرف السلوقى!!!
Quote: ياخ ويكاب السجم والرماد دا أ،ا سألت فيه ناس الجزيرة عديل وقالوا بس ياهوو دوت كوم زاتو تانى فى شنو لكن الكتاكو دا من اسمه كدا كردفان ولا زى كدا
يا سلمى ما عندكم غنية جلابية بيضا مكوية يا س!!!!!مح بسحروك لي!!نعم الأغنية هابطة لكن الهبوط حصل وإنتهى ,,,
للضمان كده أنا دا طرفى منك ونتلاقى قدام وإنشاء الله القاك وقد حسنت الأداء شوية ,وإتعلمت تخت الكورة واطة... وقول الحمد لله إنك ما بتلعب كورة
______________________________________________________________________ غايتو ما خليت لي خيار غير أمسكك السلك فى يدك عشان تعرفو كهربا
04-29-2008, 09:54 AM
sama7 sama7
تاريخ التسجيل: 02-05-2002
مجموع المشاركات: 1342
Quote: ياخ ويكاب السجم والرماد دا أ،ا سألت فيه ناس الجزيرة عديل وقالوا بس ياهوو دوت كوم زاتو تانى فى شنو
قرقرقر فيها انو هم ذاتهم بغشوا في المحتويات....الناس السألتيهم مفتكرنك حتطلبيها منهم...لكن في بيوتهم بزيدها لبن..زيت سمك..كركار وت ايفر..
ياخي انتي مالك ومال الويكاب والويكاي وقصص ما عارف شنو وشنو...في زول بدخل نفسه في امتحان في مادة ما شايلها...زوغوا تصحوا...اعملوا رايحين..صحي صرفتو؟
أيمن تعالي لي الكلام ده في ودانك
Quote: !!!بوبا قال القصص فيها إبتزاز لكن إبتزاز الأخوان ما فيهو حاجة
ما قلنا ليكم كدة زعلتو وصلحت الكورة للضلالي الخميس كلو (خميس شنو) اقصد اول امس في البلد الكلها اجازات دي انا شايل كرسيني وقاعد في خشم الباب قلت لي شنو
Quote: والله الكومر دا كان جاك ولا بعرفك ولا سمعت بيك وخلى الرطانه كلهم يجو يحلوك
الشق الاول : الكومر بقي رسمي سمسار عقارات ... والشق التاني:الرطانة عندهم Backup بشتغل لاينكس حتي لما الكهربا تقطع بكون شغال بسلف صورص...والعريبي الكبير يدري ذالك....وقبل يومين مدخله جحر السنجك قال كب ليه موية عشان يمرق قال ليه ريقه ناشف لو اديناه موية بروح فيها....
Quote: حفلة شنو يا حليو الحفلة فرتقت براها قبل ما يجو ناس برى زاتو وإنت شكلك ما جايب خبر وشايف الأيام دى حوامتك كترت بالحلة!! أمبارح جونا ناس النظام العام والأمر بالمعروف والنهى عن البتاع,,,, وبوبا كان قايل ديل ناس الخدمة الإلزامية وعمل طابور صباح أصلى,,, س!!!!!مح جا سمعّ الحافظو كلو وشتات درب واحد خالى ملفات!!!
بالله الاستقبال ما كان ختر... علي الايمان انفع امسك مراسم الالزيه ذاتو خاصة الفي برلين.
04-29-2008, 11:32 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: الشق الاول : الكومر بقي رسمي سمسار عقارات ... والشق التاني:الرطانة عندهم Backup بشتغل لاينكس حتي لما الكهربا تقطع بكون شغال بسلف صورص...والعريبي الكبير يدري ذالك....وقبل يومين مدخله جحر السنجك قال كب ليه موية عشان يمرق قال ليه ريقه ناشف لو اديناه موية بروح فيها....
يا بوباى والله كان ما كنت زول أخوى وحبيبى!!!!!!كان جبت ليك واحدة تزغرد ليك هنا وواحدة تانية تجى بي دلوكة ونعمل ليك سيرة الشيخ سيرو زااااتو ما سار زيها!!!
ياخوى كان فى كوامر انت قدام بعدين انا مش قلت ليكم بخاف من الكلمة دى؟؟؟ فى شنو تانى ههههههههههههه
Quote: وخلى الرطانه كلهم يجو يحلوك شكلو الحر قام بيكم يا ناس الخرطوم,,,,وشيق ومنسى ديل اسألينى أنا منهم Sing out 1000 وأول ناس حا يستعملو نصائح ضابط السلامة وEvacuation Till Death يعنى عجاج كرعينم ما بتشوفو(سلوقى بس )بتعرف السلوقى!!!
الرتانة واحد منهم كفاية وما بتجينى عوجة بس ابعدنى من ناس فيسل هههههههههههههههههههه حيكون مستنى مغامرة مابعد الكومر لكن انت الكلام دا قدره بعدين شيقا اساسا ما منه رجا السلوقى ما بعرفه لكن الفيك اتعرفت يا بتاع ال action movies يابو خيال واسع انت
Quote: نعم الأغنية هابطة لكن الهبوط حصل وإنتهى ,,,
الهبوط يفوتك يمشى وين
Quote: غايتو ما خليت لي خيار غير أمسكك السلك فى يدك عشان تعرفو كهربا
يعنى نقول قلت الروب يا ........... برضو ههههههههههه
اللهم لا نسألك رد القضاء ولكن نسألك اللطف فيه
هيى انا زاتى دا طرفى منك بقيت اشك فى روحى ههههههههههه يا ربى أكون !!!!!!! الله يستر من الكوامر لوووووووووووووول
طيب مش كان تسأل سلمى من الويكاب بدل الغنى ولا برضو قنعات من خيرا فيها زى سامح
04-29-2008, 12:11 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: بوبا: Quote: ما قلنا ليكم كدة زعلتو وصلحت الكورة للضلالي الخميس كلو (خميس شنو) اقصد اول امس في البلد الكلها اجازات دي انا شايل كرسيني وقاعد في خشم الباب ريحتنى ربنا يريحك دنيا وآخرى Quote: الشق الاول : الكومر بقي رسمي سمسار عقارات الحمد لله طيب .. أهو يا أيمن ما براى Quote: والشق التاني:الرطانة عندهم Backup بشتغل لاينكس حتي لما الكهربا تقطع بكون شغال بسلف صورص...والعريبي الكبير يدري ذالك....وقبل يومين مدخله جحر السنجك قال كب ليه موية عشان يمرق قال ليه ريقه ناشف لو اديناه موية بروح فيها.... هو قايلنا زيو ما عندنا كبير هييييييييييييييييييييييييييييع أيمن: Quote: س!!!!!!!!!!!!!!!مح بوباى حبيبنا دا أديهو راسو وأديهو ريالو خلى ينزل المحطة الجاية يازول خليه يروح عشان أنا ماسكة فى طرفه بالمرة أروح معاه وكومركم دا يلم عجاجه ويفرتق Quote: بس ما منك!!!!!!!!!!!!!من الدكتور المشيت ليهو يومداك المرة الجاية شوف ليك بصير يا حبيب يا ناس هووووووووووووووووووووى انا ما شكيت من رطوبة ولا مفاصل ولا دايرة علاج من دا دكتورى بتاع النفسيات أها تانى عندك كلام قال متعتك أها المرة دى شريتك علرفاك كنت عاوز ترمينى يا جبان Quote: يا أخوانا واحد يجى يبقى الحكم الناس دي شلاليتا كترت,,,وتيييييت تييييييييت برى حديد بس ما تقول لى كنت داخل فى دور الواعظ دا نظام شغل حكام وكدا كدى أول شئ أدخل الملعب بعدين قول حكم شيقا: Quote: واضح استفدتي من الدروس والعبر وبقيتي تنقشيها طايرة عندى احساس انه الكلام فيه ما تحت السطور لكن ياخوى ح اعمل رايحة واحسبها نقطة لى ---------------------------------- ههههههههههههههههههههه
[أيمنوف وخبتك تووووف كيفنك يا طيب الكومر سواقو حبيبنا.. حتى لو أمروا يلم الجوه.. بكلمنا ويتأخر بس روقو المنقة وبطلواالجقلبة ما تضاروا بي سماح وكت الشدة...
Quote: حفلة شنو يا حليو الحفلة فرتقت براها قبل ما يجو ناس برى زاتو وإنت شكلك ما جايب خبر وشايف الأيام دى حوامتك كترت بالحلة!!
لو رقتوا يا ناس بري حلفتنا مستمرة بس ( الهِدؤ يا شباب إمبدة ) أقراها وإتخيل نفسك بوبا ...
Quote: أمبارح جونا ناس النظام العام والأمر بالمعروف والنهى عن البتاع,,,, وبوبا كان قايل ديل ناس الخدمة الإلزامية وعمل طابور صباح أصلى,,, س!!!!!مح جا سمعّ الحافظو كلو وشتات درب واحد خالى ملفات!!! سلمى صبحى وقفت الرقص وحصص الموسيقى وإحتجبت وفعلت كل معايير السلامة كالعادة وض!!!!!!!!ح عمل ميت وجا فكا ليه طوبتين وقام صوف قال عندو بزنس مستعجل, , محيوأبو الضيق قال ماشى سعد قشرة عندو Photograpy عن التوب السودانى فيصل جا وأدانا آخرو عدييييييل كده. ...
شفتهم ... بس فيسل هليل جا شايلها في كيس وكباها .. أمكن الكيس إكون إنشرط وهو ماقاصد
لمتكم تسعدنا بس بعد دا البهبش سماح بنرشو بي النار سكتنا كتير وطوينا الإنتظار المر
تقلوا يعنى كلمة اي زول يلبسا زى ما عاوز ، فى ناس تقلوا فى العشاء ، فى ناس تقلوا فى السهرات ودى أنواع وهنا مربط الفرس
فهمتها ولا ارككا ليك
وبعدين منو الوصل ليك معلومة انو أنا صورت فى الحدائق ، ياناس ماتجننونا ، لانو فعلا ده الحصل غيرنا طريقنا من سعد قشرة لتغطية ملامح شم النسيم ، مشينا غابة السنط وحدائق الهيلتون ، ..
غايتو جنس غايتو زى مابقول واحد بى غادى
Quote: محي الدين يعني بالجد كنت في الحدائق قال أيمنوف رفع فيها سلك مش عن طريق الماسنجر قصدو يضيق الأصلو ضيق عشان يوسع ( ويطبق نظرية نفي النفي إثبات بتجي دي ولا مافي علاقة بس ايمنوف بجيب حاجات سكلنص ... سكلنص دي بلغة الجن والله إلا تدقها كداري لي مايرنو وتعرف معناها
السنجك وين عدادو رامي خلي إجر شقة من وضاحة لزوم عرس والتخفيض 50% حق عضوية الإنجمامة والبت جعلية ما بتقصر
Quote: يا حليلك يا شيقوقك حرموك أهلك مت متعته ( وسو ليك دفن الليل أب كراعن برا ) ما أصلو الوداد قراءته تيرمومترية زي الأيمان
( أحفظ كرامتك وزح بعيد ما يحرجوك )
الشوم الفقر المسلط المسنوح ضيعتنا بلسانك الطويل ده سااااااااااااى بقيت طالع ونازل بسموحي مرة بصاجات ومرة بدون صاجات مرة رابط كوزك ومدور سايرين تاكل اللفات حووووووووووووفة ساااااااى لا يهمك ايموني ولا سائل في ود ابو القاسم .
04-29-2008, 08:32 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: الشوم الفقر المسلط المسنوح ضيعتنا بلسانك الطويل ده سااااااااااااى بقيت طالع ونازل بسموحي مرة بصاجات ومرة بدون صاجات مرة رابط كوزك ومدور سايرين تاكل اللفات حووووووووووووفة ساااااااى لا يهمك ايموني ولا سائل في ود ابو القاسم .
أيمن عرفنا وما منو خوف بكلم لي بدر الدين صاحبي بس ود أبوالقاسم كمان والله دا لو حدر طاقيتو وقعد نفسو طويل ما بتحاش
04-29-2008, 09:54 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
هسع فى ذمتك دى أنا سألتك .. معهليش كلها 24 ساعة ونحنا متحركين للصعيد ، أى زول عندو طلبات المسنجر قاعد ، ونحن حا نبدل ولاءنا لناس العاصمة زى ما بقول ود المنسى ( لحين ميسرة ) وما معروف بعد داك.
يا جماعة العندو وصية يوصِّى خاصة المتزوجون وناس السودان تحديداً عشان ما يندموا، أو فى الحقيقة يؤمن إبتداءاً لإقراء السلام للرسول صلى الله عليه وسلم .
بوبا : أشوفك رافع الراية البيضاء.
أيمن : حاولت أحصر عدد الأسماء التى أضفيتها على بوبا غلبنى أعدها.
جواب:ـ الواحد دة عشان الترياق المضاد لشفل الفكى بتاع مايرنو
الى سموحى..اللذيذة
يابتى انا ما زول ليل وصباح والحمد للة ماقاعدين نبلع الا بالنهار
الى قمر بوبا
انشاءاللة اشوفلك شريط كارب قريبا
الى الباشمهندس ابوبكر..سلامات
انا شايف حكاية التعداد دى دبرستك شديد وعشان اطلعك منها تعال نتذكر
معاك وبقلمك الرشيق كيف اتمقلبتة بأختيارك وبقروشك:ـ
كمال(بدون عمو)1
المقالب كثيرة ولكن معظمها ليس بالضرورة مفروضة او غصبا عنا ولكن نحاول دائما ان نعلقها علي شماعة ما ك "حسن النية" او " عدم المعرفة " او "غصبا عني" وخلافه ؟؟؟ اتمقلبت كثيرا زي كل خلق الله في العمل وفي الناس وفي المطاعم واتذكر اول مرة اتمقلب في مطعم كان في فندق صحاري في مستهل السبعينات عندما ذهبت مع زملاء عمل للغداء هناك وكان مطعمه فاخرا يديره شيف لبناني اسمو سمير .. عموما عجبني اسم " حلو اليوم " وكانت هنالك اشياء حلوه كثيرة لكني اصريت علي " حلو اليوم " ولم اسال "باختياري" وطلبت " بفلوسي" وطلع السيد حلو اليوم "بطيخا" وفي البطيخ "احمر الخدين " بس يعني ما احمر كلو ... والمقلب التاني في المطعم كان لشيقيقي الاكبر الذي زارني في اول الثمانينات حيث اعيش وعزمنا صديق من اهل البلد في مطعم سوري مشهور حينئذ وقبل الغزو الكانتاكي والمكادولاندي والبيتز هتي وخلافه .. الجرسون كعادة اهل الشام "سمع لنا" قصيدة من اسماء الماكولات والمشروبات جعلتنا مبتهجيين وكان ضمن ابيات القصيدة " خروف محشي" ودون ان "يسال" اخي عن " حجم الخروف المحشي" طلبه . اتي الجرسون بالطلبات الخاصة بكل واحد ووضع اما م شقيقي صحنا صغيرا به شوية رز وقطعة لحمة .. لم يعر اخي هذا الصحن انتباها وانتظر وهو يقزقز ب بالسلطات الكثيرة وعندما كدنا انا وصديقي ان نكمل وجبتنا وما زال اخي يقزقزق في السلطة نادي الجرسون " يا معلم وين الخروف المحشي ؟ " فاجاب الجرسون " انت طلبت طلب واحد وجبناهولك ؟ " اخي "وينو ؟ " الجرسون " ماهو دة ؟ " مشيرا الي الصحين ( تصغير الصحن ) وهكذا رايت مقلبا اخر بالاختيار بس علي حساب المضيف
04-30-2008, 02:35 AM
العبيد الطيب عبدالقادر العبيد الطيب عبدالقادر
تاريخ التسجيل: 01-14-2008
مجموع المشاركات: 300
غايتو بركة المقالب دى ما طلعت فى مطعم صينى قبل اسبوعين راجل جيرانا لقى ثعبان وقتله لما جا يدفنه جا الصينى جارنا التانى قال ليه هاك الجنيه دا وأدينى ليه من يومها شارع فيه مطعم صينى ما بمر بيه
نصيحة يا كيمو: (أبعد من شيقا وفيسل هليل ديل)
خالد:
تسلم بس دفاعك دا جا متأخر
أنا بعد دا خلاص ح أسمع كلام فطومة وأشتغل مراقب ساى ولا حتى معلّق ولا مشجّع زاته
يا بوبا استنى أنا جاية معالك
كمان تعالو قولو لى موتينا بالضحك ومتعتينا وجانى إيميل دا شنو يا شيقا وبتاع تانى خشمى عندى ( إن شاء الله أقدر )
04-30-2008, 07:07 AM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: غايتو بركة المقالب دى ما طلعت فى مطعم صينى قبل اسبوعين راجل جيرانا لقى ثعبان وقتله لما جا يدفنه جا الصينى جارنا التانى قال ليه هاك الجنيه دا وأدينى ليه من يومها شارع فيه مطعم صينى ما بمر بيه
والله العظيم أعظم مقلب فى مطعم صينى حصل لأخونا ( شيقا ) فى مسقط ... غايتو أنا بديهو فرصة يحكيهو بطريقتو ولو ما حكاه
حا أقوم أحكيهو بطريقتى ، والله ما أظن فى زول فى الدنيا إتمقلب زى مقلبو ، طبعاً هو ناكره لكن صاحبو الحلاوى الأخد معاه المقلب
حكى الموقف ... الحلاوى دى عشان أيمن.
تفتكرى نديهو مهلة كم عشان يحكى ؟
04-30-2008, 07:13 AM
sama7 sama7
تاريخ التسجيل: 02-05-2002
مجموع المشاركات: 1342
نحن مهاجريين ما مغتربيين ...والتياب بالكوم في اية مكان من التمانينات بعدما عبدالصمد وسع تجارتو للخليج فكترت المنافسة ...اعا قول لناس المصرية تياب سعد قشرة ما بتنفع للتصويير وانت لازم تسافر دبي بكان التياب الكتار....
04-30-2008, 11:18 AM
abubakr abubakr
تاريخ التسجيل: 04-22-2002
مجموع المشاركات: 16044
اها يا خبير الحفلات السنجك قال داير يعرس وعايز حفلة فيها حت كتير ولذا قرر سكان الانجمامة انك تمشي تضبط الامور وتحت بالنيابة عن الجميع ...وكمان شوف محي الدين ابكاميرا يصور الحفلة واها بالمناسبة تقابل سموحي وبوبا يوصلك المطار ...
04-30-2008, 03:55 PM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
الزينين كيفنكم شوق شديد وماحاشنا منكم إلا مرض الوالد المفاجئ بس الحمد لله تماثل للشفاء كمال من غير عمو1 وفيصل خليل والباش ابوبكر علكم طيبين سماح وبت صبحي ووضاحة إزيكن ايمون وبوبا وودابو القاسم والمصوراتي والعريس جاييكم إلا تتيرو وأخيرا وليس آخراً العم الجميل منسي وشقيقه في النقار شيقوق فاقدكم والله
ـــــــــــــــــــــــــ العريس يعني نستحم من حسي؟ (كل وجوه الفرحه الاسفيريه حتي يشتكي الباوندوث)
فيسل هليل هذا إستجداء وتأليب ونحن ضد ذلك فهمت ولا أخلي بوبا يشرحها ليك بالرطانة
Quote: هووووي ااااناس
سلام يغشاكم ..يسر بالكم .. يخضر ساحاتكم
أها... هله هله على الجد .. ..
خلوا بالكم
بإذن الله تعالي عرسي في الأيام الأولى من شهر 6 (ما حددنا اليوم لا هسه )
حيكون (إن شاء الله ) بين كسلا ..(أهل العروس ) .. ومدني (اهلي )
البقدر فيكم ... يهيئ روحه خصوصاً (إنجماماب السودان )
يا شيخنا السنجك وفنان الجميل ربنا يتمم ليك بخير مشيت كسلا السواقي عديل ( إنتو يا الشايقة ) نضر الله وجه ذاك الساقي إنه بالرحيق حلَّ وثاقي ربنا يرفع القدم ونحضر العرس ونشوف سماح ونلتقي بالأحباب بوبا ومحي الدين وعماد عبدالله وأبارو وأبوبكر ودأبوالقاسم في وجوده بالسودان
Quote: ياسمي الفنان الزمن دة ايام الانقلابات بيقو يحددوها وانت خليت يوم عرسك في كرتلة ؟؟؟
والله زي مابقول شيوقو انت مسلط
Quote: الزينين كيفنكم شوق شديد وماحاشنا منكم إلا مرض الوالد المفاجئ بس الحمد لله تماثل للشفاء كمال من غير عمو1 وفيصل خليل والباش ابوبكر علكم طيبين سماح وبت صبحي ووضاحة إزيكن ايمون وبوبا وودابو القاسم والمصوراتي والعريس جاييكم إلا تتيرو وأخيرا وليس آخراً العم الجميل منسي وشقيقه في النقار شيقوق
أبارو الظريف ود مدني يا يابا يا السني ودايراك تطمنّي
حمدالله سلااامة الوالد إن شاءالله لا تبارح الصحة جسده بعد اليوم .. وكان لك الشوق بحر
الغياب بوبا سلمى حمامة السلام أيمن المزنوق شيقوق سواق الليل .. أكيد كان معزوم غداء في فندق 9 نجوم وضاحة الخاصمتنا ممكونة الجافتنا تيسير المبار الحاربتنا وابتنا عديل ولعل المانعها خير ريحانة البطانة لكن نخلق لها الأعذار أكيد بتجتر في ذكريات الأيام الحلوة بين الحلوين مازن الجمال هاجي وما داير ينيخ ود العبيد جايك بي رواقة بعد شوية
04-30-2008, 07:39 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
لا انا غيرت الدورية Night shift...في ازمة سواقين بالليل
ابارو:
Quote: شوق شديد وماحاشنا منكم إلا مرض الوالد المفاجئ بس الحمد لله تماثل للشفاء
الف سلامة للوالد وارجانا بنجي مع العريس ده مدني
عمنا
Quote: ماهو يا تقرا يا تفهم .. ايه الطمع دة ؟؟؟
حمد لله علي السلامة وتعجبني التعليقات ذات الطابع Short Cut
السنجك:
Quote: بإذن الله تعالي عرسي في الأيام الأولى من شهر 6 (ما حددنا اليوم لا هسه )
حيكون (إن شاء الله ) بين كسلا ..(أهل العروس ) .. ومدني (اهلي )
البقدر فيكم ... يهيئ روحه خصوصاً (إنجماماب السودان )
تم التنسيق سنكون هناك باذن الله علي الاقل نكون شفنا مدني او كسلا...ونتمني حضور شيقوق وابوبكر ابو القاسم...
فيصل:
Quote: ضد الرقابة القبلية
ياخوي مالك بقيت تتكلم في قضايا الصحف والحريات العامة...بقيت رئيس تحرير في الانجمامة ؟؟؟
سموحة
Quote: تانى خشمى عندى ( إن شاء الله أقدر )
معقولة بس انتي تسكتي ويتكلموا غيرك...واي كلام تقوله حلو...بس اوعي المطبات والحتات المفخخة...اعملي رايحة طوالي لو مافهمتي بلا ويكاي بلا ويكاب
العبيد كيفنك
Quote: لكن الحوامة كتيرة
وبالمانسبة انا من زوار الليل للمنتدي
وعجبتني عبارة ناس المعاشات
ياخي ما دام كدة خالد ده مالو موزعنا دورية ليل...ياخ ما تستلم
عمو كمال الرجل الجميل
Quote: الى قمر بوبا
انشاءاللة اشوفلك شريط كارب قريبا
انت قول الفي مرادك ونحن نقرب كل بعيد بس شاور لينا لاغنية وحتلقانا حاضرين برضو
ابوبكر ابوالقاسم
Quote: هسع فى ذمتك دى أنا سألتك .. معهليش كلها 24 ساعة ونحنا متحركين للصعيد ، أى زول عندو طلبات المسنجر قاعد ، ونحن حا نبدل ولاءنا لناس العاصمة زى ما بقول ود المنسى ( لحين ميسرة ) وما معروف بعد داك.
توصل بالسلامة ووصلتني رسالتك الجميلة ورسلت ليك رقمي في رسالة ارجو انو تكون وصلتك...وفي انتظارك يا حبيب وربنا يعدل دربك ...وبالمناسبة الرجل تحرك من السلطنة وسيقوم بعمل عمرة ...بس بالله رسل جركانة موية زمزم لفيصل خليل علي وعسي يشربها وينوي العمره هو الاخر بدل ما قاعد يناكف في الشيخ الطقي.
شيقا ممكن اخليهو لكن فيصولى دة من رابع المستحيلات اما انتن فأ قول ليكن:ـ
يعاينن توبتي في كامن ضميري ويمحن والشاف فاتن جمالن وإنتشارن يمحن قلوبا ما إنشون بنار حسارن قمحن الله يكبرن الكبرني وسمحن
الىممدوح ابارو اولا حمد للة على سلامة الوالد وكل الامنيات لة بالصحة والعافية ثانيا وين مختاراتك الملهلبة...ولا لحقتة امات طة
الى الباشمهندس ابوبكر هو زاتو العلم الرفعهو لحق وحيد القرن ولمن جات القرنتية تسأل منو برضو لحقوها امات طة ..بالمناسبة يأخى واصل معانا فى حكايات مقالبك العالمية دى لانها بالجد ممتعة وطريفة
الى العريس ابى بكر سيد احمد مبروك مقدما ومرحب بيك فى نادى المعاشات... العضوية بدون رسوم
الى قمـر بوبـا عتاب شديد لغيابك رغم انو انا شايفك الليل كلو بتاوق بالشباك وبعدين بتختفى ..المهم الليلة عندى ليك اغنية لى معها ذكريات خاصة وتنفع معاك فى الليل المهود دة..انتة ماشفتة ود ابوالقاسم قال شنو فى الليل..الاغنية هى (انا والنجم والمساء) كلمات حسين بازرعة وغناء الرائع عثمان حسين كمال (من دون عمو)1
أنا والنجم والمساء ضمنا الوجد والحنين جف في كأسى الرجاء وبكت فرحة السنين آه يا شاطئ الغد أين في الليل مقعدي أين بالله موعدي
يا خطاها... على الربا عطر أنفاسها صبا تحمل الشوق والصبا و الخيالات موكبا و انا كلما دنى طيفها الحلو و انثنى عادني الهم والضنا
في الدجى شاق مسمعي صوتها الملهم النغم في الهوى هاج مدمعي حبها الخالد الألم كلما لاح.. بارق من محيا... خافق مات بالهم عاشق انها رقيتى التى خلدت لحن شهرتي أسرجت ليل وحدتي بالأسى.. والصبابة
يا روى البحر أشهدي ها هنا كان موعدي وهنا كان مقعدي
04-30-2008, 08:27 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: لا انا غيرت الدورية Night shift...في ازمة سواقين بالليل
بوبا قمرنا أنت قايل فيها شئ والله غير الدبايب ما تلقى شئ زولك مشنق طاقيتو وخامي عكازو المضبب ولافي يطايب ويشاكل وهيييييييييييييييييييييع تسمع في آخر الشارع
Quote: ياخوي مالك بقيت تتكلم في قضايا الصحف والحريات العامة...بقيت رئيس تحرير في الانجمامة ؟؟؟
كلمو يا بوبا وقول لي الجن بداوّى كعبا الإندراوّى الأيام مستوى المياه في نهر الدانوب مرتفع
Quote: في الدجى شاق مسمعي صوتها الملهم النغم في الهوى هاج مدمعي حبها الخالد الألم كلما لاح.. بارق من محيا... خافق مات بالهم عاشق انها رقيتى التى خلدت لحن شهرتي أسرجت ليل وحدتي بالأسى.. والصبابة
يا روى البحر أشهدي ها هنا كان موعدي وهنا كان مقعدي
العم كمال تسلم والله إبداع
الختام مسك والله عم كمال جر عنقريبك جاي الشمش جاتك
تحياتي
05-01-2008, 09:14 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
Quote: ..بالمناسبة يأخى واصل معانا فى حكايات مقالبك العالمية دى لانها بالجد ممتعة وطريفة
ياقريبي ..حكايات المقالب ارتبطت بزمن كان المقلب حكاية ترسم بسمة اما الزمن دة فالمقالب بترسم حفرة يقع فيها الواحد ما يقوم منها ... يعني هسع الاسماء الاشفيرية في الاسفير ما مشروع مقالب ترسم حفر مش حفرة ...هسع السما السابع ممكن تحلف يمين انو هي ما بتعرفني من زمان مثلا يعني مما ولدوها ... الواحد يعرف كيف .؟؟؟ العرريب دة ما شوال مقالب .. دايما بتخيلو واقف ورا الباب اي باب في اي مكان انا فيهو ...؟؟ بس يجي ناطي تلتلب .. عشان كدة الابواب في كل مكان انا فيهو بفتحها للنهاية لحد ما الباب يحك في الحيطة ولكنى برضو الواحد يقول دة ما جني ممكن يتحول نملة وبرضو يلقي بكان في الفرقة بين الباب والحيطة ...بعدين دة كان مصاحب قرود لما كان صغير .. وبرضو هل ممكن انو كان صغير واللا تلتلب جا كدة زي ما هو ...ودالمنسي كمان يجب اغانيهو البتنقز دي ويزيد في وسوستنا من العرريب الناطي دة ..اهي يسمع الغني ويجي ناقز خطوة مواحة من مسقط الي دبي .. دة يسويها ...وتقولي مقالب .. هي بقت فيها مقالب ما حصلت لسه ؟
05-01-2008, 05:40 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
غراب مسطول قاعد في شجرة بياكل في قطعة جبنة الثعلب وقف تحت الشجرة وقال ليهو غني لينا ياغراب الغراب طلع الجبنة وختاها جنبو في الشجرة وقال للثعلب انت قايلني غراب سنة رابعة العوير الزمان داك
05-01-2008, 06:16 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: غراب مسطول قاعد في شجرة بياكل في قطعة جبنة الثعلب وقف تحت الشجرة وقال ليهو غني لينا ياغراب الغراب طلع الجبنة وختاها جنبو في الشجرة وقال للثعلب انت قايلني غراب سنة رابعة العوير الزمان داك
مازال مستوى المياه مرتفع جاكم الدانوب يا بودا وناس بيشتا
05-01-2008, 06:23 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: شوف بقي ناس فيصل هليل دييل اجدادم جابو "الدمعة " من هنقاريا وبعدين اتووجو النوبيين ودييل جابو "القراصة " وبقت القراصة بالدمعةدي نوبية ولحم اكتافنا منها فانت احسن تغني ليهو يا "دمعتي الضواية" وهو بيخليك في حالك
تعرف يا هندسة والله فعلاً المجريين عندهم دمعة تشربك كريعيك لو مشيت فيها ( بي بصل تقيل ) وأحلى شئ فيها لما يشدوها في الحوش بي معلاق الكاوبوي ونارا حطب ..
قلتي لي نغني لي دمعتي الضواية يا فيسل حكايتك حكاية
أغنية حلوة
05-01-2008, 07:48 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: ود المنسي مشتاقين والله ما تقول لي الجنس للجنس رحمة الباشمهندس العب زول هنا... خت لعبة روماريو يتحير فيها ... بالمناسبة وين الرقيق الجميل ايمن الطيب
الله انتو نايم وماجايبين خبر ساااااكت قرطوا علي كدي ونوموا أيمن في مهمة عملية في سينغافورة وسوف يرجع قطر يوم السبت
تحياتي
05-01-2008, 08:27 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
سال من شعرها الذهب فتدلى وما انسكب كلما عبثت به نسمة ماج واضطرب النجيمات والخصل فى عناق وفى غزل نسجت حوله القبل موكبا يغزل الطرب فيه من سمرة الأصيل شعرها المذهب النبيل ثغرها اليانع البليل كرزة حفّها العنب يا حبيبى ... أكلما قلبىّ المغرم احتمى بك وانزاح ملهما عاد كأسا بلا حبب فاره .. مترف .. لدن .. فنن.. لا .. ولا فنن هزنى الوجد والشجن فى الهوى قلبى إغترب رقص الورد والزهر مهرجانا على النهر سال فى الشط وانهمر عطره الحلو وانسرب أى غصن إذا انثنى فيه تحتفل الدّنا والثريات والسّنا غير بدرى إذا احتجب عشت فى الحب منتهى التيه .. ولكن بلا انتهاء تائه .. ذاهل النّهى شفّنى الوجد والطرب إن تكن أنت لم تزل يوم بدر المنى اكتمل نحن شلناك فى المقل وقعدنا على اللّهب
رحم الله شاعرنا أبو آمنة حامد...
05-02-2008, 08:31 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: سال من شعرها الذهب فتدلى وما انسكب كلما عبثت به نسمة ماج واضطرب النجيمات والخصل فى عناق وفى غزل نسجت حوله القبل موكبا يغزل الطرب فيه من سمرة الأصيل شعرها المذهب النبيل ثغرها اليانع البليل كرزة حفّها العنب يا حبيبى ... أكلما قلبىّ المغرم احتمى بك وانزاح ملهما عاد كأسا بلا حبب فاره .. مترف .. لدن .. فنن.. لا .. ولا فنن هزنى الوجد والشجن فى الهوى قلبى إغترب رقص الورد والزهر مهرجانا على النهر سال فى الشط وانهمر عطره الحلو وانسرب أى غصن إذا انثنى فيه تحتفل الدّنا والثريات والسّنا غير بدرى إذا احتجب عشت فى الحب منتهى التيه .. ولكن بلا انتهاء تائه .. ذاهل النّهى شفّنى الوجد والطرب إن تكن أنت لم تزل يوم بدر المنى اكتمل نحن شلناك فى المقل وقعدنا على اللّهب
الاخت سلمى صبحي
قرات عن الشاعر ابو امنة ما يلي :-
كان ابو امنه حامد شديد السخرية, بليغ العبارة سريع النكتة , عاشقا للهلال , ولعبد الناصر, ولحسين بازرعه , ولعثمان حسين, لم يكن شيوعيا ولكنه كان صديق للشيوعيين, ولم يكن اتحاديا ولكنه كان صديقا للاتحاديين, ولم يكن أنصاريا بالرغم من إن والده كان أنصاريا, ومع ذلك كان صديقا للجميع, في أيامه الأخيرة عندما أوهنه المرض طلعت شائعة بموته فأصدر بيانا ساخرا ينفي ذلك , وظهر من علي التلفاز مؤكدا انه لايزال حيا , في أيامه الأخيرة تخلي عنه الجميع إلا الأخ الكلس رجل الحارة منبع الانسانية صلاح مطر الذي ظل يراعاه في صحته ومرضه حتي لحظة وفاته . في العام قبل الماضي , وانا في اجازتي السنوية للوطن رافقت صديق العمر شريف مطر لغداء الجمعة الذي يقيمه منذ سنوات شقيقه الوجيه ورجل الاعمال الكبير صلاح, وهناك انتظم عقد عجيب من الناس سياسيون من حزب الامة , والاتحادي , والشيوعي والبعثي, ولاعبو كرة قدامي , وفنانون , وسماسرة, ومقاولون وعشيرة , واناس بسطاء جاء بهم الطريق, ومن بين هؤلاء كان يجلس شخص اشبه بمومياء رمسيس في المتحف المصري , كان الجالس عبارة عن جلد ناشف يكسوه عظما قديما , قال لي صلاح هل عرفت هذا الرجل ؟ وبعد قدح شديد للذاكرة الخربة توصلت الي ان الجالس هو ابو امنه حامد الذي لم يعرفني عندما قدمت نفسي له , حكي لي ابومنه حكاية مع شرطة النظام العام اربعة مرات فتيقنت ان ظلالا من النسيان بدأت تزحف علي الجزء المضيء في الذاكرة , وقد أطلت النظر إليه خفية فوجدت محاق المرض يحاصر ( جتته ) من كل جانب, كان التاريخ لئيما معه , شجرة كانت خضراء يطوحها السوس فيحولها إلي عجز خاو, ( إيه من ذلك الزمان ) في الثمانينات اتصل بي الصديق المفكر الراحل محمد أبو القاسم حاج حمد من ابوظبي ليختارني رئيسا للقسم السياسي لصحيفة الفجر التي تولي إدارة تحريرها , وعند وصولي من الخرطوم إلي ابوظبي , سألني إن كنت اعرف عنوان ابو امنه حامد في السودان , قال لي محمد لقد سمعت إن ظروفه سيئة للغاية وأريده مديرا لمكتب الصحيفة في دبي, وسعينا للاتصال به , ولكنا اكتشفنا انه وصل إلي المملكة العربية السعودية , ومن السعودية وصل ابو منه حامد لينزل مع الصديق حسين شريف في شارع الجوازات, وفرحنا كلنا بوجود شاعر في قامة ابو امنه بالإمارات, ذهب أبو أمنه إلي دبي ونزل مع الصديق الصحفي بالبيان يومذاك محجوب شعراتي , وفي دبي تسلم ابوا منه مكتب الجريدة واجتمع بمحرريه , ولكنه كان الاجتماع الوحيد اليتيم, لم ترق له فكرة الهجرة عموما , وترك شعبية بحري كان بالنسبة له كترك السمكة للماء, كان يقول لنا بالليل ( إنا إيه اللجابني هنا حيث عاش عنتر وعبلة وشيبوب ), انا مالي ومال طحنون وظربون وجكنون , أريد العودة سريعا إلي الشعبية في بحري , جلسة في الكراسي إمام البيت في بحري تسوي الإمارات وبترولها, يا أخي إنا بناع بترول , إنا بناع ....... عاد أبو أمنه إلي ابوظبي , وحاول أبو القاسم أقناعة بالبقاء , ولكنه رفض بشدة , قال إن هذا لإيقاع لاينفع معه,ولما إصر علي العودة اتفق معه أبو القاسم علي الذهاب إلي أديس أبابا لإجراء حوار مع الرئيس الاثيوبي حينذاك منقستو هبلا ماريام , ووافق ابوامنه, فأعطي من إدارة الجريدة ثلاثة ألاف دولار تكلفة الرحلة, وانتظرنا طويلا ليوافينا بالسبق الصحفي, ولكن إخباره انقطعت تماما حتى علمنا انه وصل إلي شعبية بحرية , وهو جالس ألان إمام بيته يحي المعجبين في سبق صحفي أخر , ومن هناك اتصل بنا تلفونيا ليقول لنا إن الدولارات ( وقعت له في جرح )فقد نفعته تماما , فهو الحين أعاد إصلاح بئر ادباخانته المنهارة وسيذبح يوم الجمعة ( كرامة ) لنجاته من مؤامرة الغربة, وضحكنا يومها طويلا , وعلق الصديق ابو القاسم بقول ( إن بوأمنه حامد لايمكن الا ان يكون ابوامنه حامد ) ادخله الله جنات الخلد , فهو لم يؤذ أحدا في حياته, و لكن الحياة آذته كثير.
لك منى اطيب الاماني
شيقا
05-03-2008, 07:40 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
سرنا أفرحنا أن نرى عبر القنوات الفضائية موكب حضور وعودة سامي الحاج ورفاقه إلى ديارهم .. فرحة الأهل فرحة الجار فرحة كل بني السودان أجبرت دمعات تطفر من العين الجامدة .. سامي الحاج وهو يحضن طفله .. ويتناسي كل ما قاسي من ألم حتى كاد أن يطبق ضله الصغير أهاجت فينا حميمية أهلي الطيبين .. عوداً حميداً سامي الحاج ورفاقه .. ونحن سعدين
Quote: هذا المنظر مزج الفرحة بالحرن فيني وأنا بعيد من أبني .. ما فرق الله بين أحباب ( تظل دعوانا )
والله يا المنسي امبارح عندما عرضت قناة الجزيرة سامى وزوجته وابنه تخيل لي انو المشهد ده كلو مشهد ود المنسي - والله الاجنبيات وفيات بصورة ما عادية لازواجهن عشان كدا فكيتنا يا سجم الرماد مع كتالات الرقاب ديل ومشيت .
05-03-2008, 12:39 PM
salma subhi salma subhi
تاريخ التسجيل: 06-29-2006
مجموع المشاركات: 4817
كان نبأ حرية سامي الحاج من أجمل ما سمعنا والحمدلله نقولها ألف مرة على هذه البشرى السعيدة.... مشهد أبكانا وأفرحنا .....وعلى ما اظن لن يستطيع أي انسان رأى هذا المشهد أن يمحيه من ذاكرته
نحمد الله نحمد الله على حرية سامي الحاج..
وربنا ما يحرم أي انسان من أهله وأحبابه....
دوماً لك كل التقدير
استاذ الطيب شيقوق
Quote: والله الاجنبيات وفيات بصورة ما عادية لازواجهن عشان كدا فكيتنا يا سجم الرماد مع كتالات الرقاب ديل ومشيت .
اختلط الحابل بالنابل لذلك لا نحكم على بنات بلدي كده ولا شنوفكم فيهن من وفيّات ننحني لهن إحتراماً؟؟؟؟ وبعدين أصابع اليد ما واحدة...مش كدا!
تقديري ....
05-03-2008, 06:20 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: اختلط الحابل بالنابل لذلك لا نحكم على بنات بلدي كده ولا شنوفكم فيهن من وفيّات ننحني لهن إحتراماً؟؟؟؟ وبعدين أصابع اليد ما واحدة...مش كدا!
تقديري
اختي حمامة السلام ما قلتي إلا الحق .. ونحن ما كان زوجنا من أجنبيات. إننا ندني من بناتنا العزاز بنات العزاز .. لكن كان كل شئ قسمة ونصيب والروح لها نصيب ( أعني ) روح أحمد والله يقدر وله المشيئة ولا أعتراض لنا في ذلك ...
تحياتي حمامة السلام
05-03-2008, 06:37 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: والله يا المنسي امبارح عندما عرضت قناة الجزيرة سامى وزوجته وابنه تخيل لي انو المشهد ده كلو مشهد ود المنسي - والله الاجنبيات وفيات بصورة ما عادية لازواجهن عشان كدا فكيتنا يا سجم الرماد مع كتالات الرقاب ديل ومشيت . ]
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
abubakr
محي الدين جبريل
وضاحة
أيمن الطيب
وبطل ضحك ومسخرة
أبوبكر أبوالقاسم
فيصل محمد خليل
الطيب شيقوق
salma subhi
,,
GamarBoBa
sama7
العبيد الطيب عبدالقادر
أبي بكر سيد احمد
ممدوح أبارو
فيس بوك
تويتر
انستقرام
يوتيوب
بنتيريست